📅 2018-yil 20-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 20 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 марта 2018 г. · Постановления Президента
Официальный текст. Официальный документ. Редакционные примечания не включены.
📅 20 March 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ПРОГНОЗ ПАРАМЕТРЛАРИ
РЎЙХАТИ
Пиллачилик тармоғини янада ривожлантириш бўйича қўшимча чора-тадбирлар тўғрисида
Бугунги кунда мамлакатимиз пиллачилик тармоғи корхоналарида модернизация тадбирларининг амалга оширилиши, ишлаб чиқариш қувватларининг техник-технологик жиҳатдан замонавий технологиялар билан янгиланиши, шунингдек, соҳада янги инвестиция дастурларининг хаётга тадбир этилиши натижасида пиллани қайта ишлашга ва тайёр маҳсулотлар ишлаб чиқаришда ипак хом ашёсига бўлган талабнинг ортиб бораётгани кузатилмоқда.
Бу, ўз навбатида, пиллачилик тармоғига инновацион техника ва технологияларни жорий этиш, ушбу тармоқни янада ривожлантириш бўйича қўшимча чора-тадбирларни амалга ошириш, жумладан, янги тут плантацияларини барпо этиш, ипак қурти боқишга мўлжалланган иншоатларни қуриш ва мавжуд иншоатларнинг фаолиятини тубдан қайта кўриб чиқишни тақозо этади.
Истиқболда пиллачилик тармоғини инновацион технологиялар асосида жадал ривожлантиришга эътибор қаратиш, кластер усулидаги ташкилий-технологик тизимни яратиш ва маҳсулот ишлаб чиқариш жараёнларига илғор усулларни жорий этиш орқали тармоқнинг жозибадорлигини янада ошириш, пиллачилик тармоғида илмий-тадқиқот ишларини янада ривожлантириш мақсадида:
1. Ўзбекистон Республикаси Қишлоқ хўжалиги вазирлиги ва «Ўзбекипаксаноат» уюшмасининг Ўзбекистон Республикаси Қишлоқ хўжалиги вазирлиги Ўзбекистон Қишлоқ хўжалиги илмий-ишлаб чиқариш маркази тизимидаги Ипакчилик илмий-тадқиқот институтини «Ўзбекипаксаноат» уюшмаси муассислигида муассаса шаклидаги Ипакчилик илмий-тадқиқот институти этиб қайта ташкил этиш тўғрисидаги таклифи маъқуллансин.
2. Қуйидагилар Ипакчилик илмий-тадқиқот институтининг асосий вазифалари этиб белгилангани маълумот учун қабул қилинсин:
пиллачилик тармоғида илмий-тадқиқот ишларининг стратегик иўналишлари ва истиқболли мавзуларини белгилаш, соҳани жадал ривожлантириш ва юзага келадиган долзарб муаммолар бўйича илмий изланишлар олиб боришни ташкил этиш бўйича услубий ва амалий тавсияларни ишлаб чиқиш:
селекция ютуқларини кенг синовдан ўтказиш, тут ипак қуртининг зоти ва дурагайлари, тут дурагайларининг бирламчи уруғлигини ривожлантириш, ҳудудларнинг табиий иқлим шароитларини ҳисобга олган холда, илғор илмий ишланмалар ва интенсив агротехнологияларни ишлаб чиқаришга жорий этиш;
пиллачилик тармоғидаги ишлаб чиқариш жараёнларига инновацион техника ва технологияларни жорий этиш, пиллага дастлабки ишлов бериш ва уларни сақлаш усулларини такомиллаштириш, тажриба-конструкторлик ишларини амалга ошириш;
пиллачилик йўналишидаги фундаментал, илмий-амалий тадқиқотлар ва инновацион ишланмалар бўйича дастурлар ишлаб чиқиш;
пиллачилик тармоғи учун кадрлар тайёрлаш, қайта тайёрлаш ва уларнинг малакасини оширишда иштирок этиш, соҳага оид семинар ва тренинглар ўтказиш;
пиллачилик тармоғида илмий-тадқиқот ишларини амалга ошириш бўйича хорижий мамлакатларнинг илмий-тадқиқот муассасалари билан халқаро ҳамкорликни йўлга қўйиш.
4. Қуйидагилар Ипакчилик илмий-тадқиқот институти фаолиятини молиялаштириш манбалари этиб белгилансин:
Ўзбекистон Республикаси Инновацион ривожланиш вазирлиги томонидан ўтказиладиган танловлар натижалари бўйича ажратиладиган грантлар;
хўжалик юритиш ва хизмат кўрсатишдан тушадиган тушумлар:
халқаро молия институтлари, хорижий ташкилотлар, донор мамлакатлар ва ташкилотларнинг грантлари;
жисмоний ва юридик шахсларнинг ҳомийлик маблағлари;
қонун ҳужжатларида тақиқланмаган бошқа манбалар.
5. Белгилаб қўйилсинки:
2018 йилдан бошлаб, Ипакчилик илмий-тадқиқот институти бино ва иншоатларини сақлаш, шунингдек, унинг айрим тоифадаги ходимлари меҳнатига ҳақ тўлаш бўйича харажатларни молиялаштириш Ўзбекистон Республикаси Давлат бюджети маблағлари ҳисобидан базавий молиялаштириш асосида амалга оширилади;
Ипакчилик илмий-тадқиқот институти Ўзбекистон Республикаси Қишлоқ хўжалиги вазирлиги Ипакчилик илмий-тадқиқот институтининг барча хуқуқлари, мажбуриятлари ва шартномалари бўйича ҳуқуқий вориси ҳисобланади.
6. Қуйидагилар:
Ипакчилик илмий-тадқиқот институтининг пиллачилик йўналишидаги фундаментал, илмий-амалий тадқиқотлар ва инновацион ишланмалар бўйича дастурлари «Ўзбекипаксаноат» уюшмаси муассислари умумий йиғилишининг қарори билан тасдиқланиши;
Ипакчилик илмий-тадқиқот институтининг директори — «Ўзбекипаксаноат» уюшмаси томонидан Ўзбекистон Республикаси Вазирлар Маҳкамаси билан келишилган холда лавозимга тайинланиши ва лавозимдан озод этилиши;
«Ўзбекипаксаноат» уюшмаси ҳузурида ташкил этиладиган ва унинг таркибига кирувчи ташкилотлар Ипакчилик илмий-тадқиқот институти биносида текин фойдаланиш ҳуқуқи асосида жойлаштирилиши инобатга олинсин.
7. Ўзбекистон Республикаси Адлия вазирлиги бир ой муддатда «Ўзбекипаксаноат» уюшмаси Ипакчилик илмий-тадқиқот институтининг Уставини давлат рўйхатидан ўтказилишини таъминласин.
8. Қорақалпоғистон Республикаси Вазирлар Кенгаши ва вилоятлар ҳокимликлари томонидан «Ўзбекипаксаноат» уюшмаси хамда бошқа манфаатдор вазирлик ва идоралар билан биргаликда ишлаб чиқилган 2018 йилда янги тут плантацияларини барпо этиш ва ипак қурти боқишга мўлжалланган иншоатларни қуришнинг прогноз параметрлари (кейинги ўринларда прогноз параметрлар деб аталади) 2-иловага мувофиқ тасдиқлансин.
Қорақалпоғистон Республикаси Вазирлар Кенгаши Раиси, вилоятлар ва туманлар ҳокимлари зиммасига тасдиқланган прогноз параметрларнинг ўз вақтида ва сифатли бажарилишини таъминлаш бўйича шахсий жавобгарлик юклансин.
9. Қоракалпогистон Республикаси Вазирлар Кенгаши, вилоятлар ва туманлар ҳокимликлари «Ўзбекипаксаноат» уюшмаси билан биргаликда тасдиқланган прогноз параметрлар ижросини сўзсиз таъминлашни назарда тутувчи 2018 йилда тут плантацияларини барпо этиш ва ипак қурти боқишга мўлжалланган иншоотларни қуриш чора-тадбирлари дастурини бир ой муддатда ишлаб чиқиб тасдиқласин.
10. Қоракалпоғистон Республикаси Вазирлар Кенгаши ва вилоятлар ҳокимликлари «Ўзбекипаксаноат» уюшмаси билан биргаликда бир йилда 2-3 марта ипак қурти боқишни тизимли йўлга қўйиш учун янги тут плантацияларини барпо этиш ва ипак қурти боқишга мўлжалланган иншоатларни қуриш параметрларининг келгуси йилларда босқичма-босқич ошириб борилишини таъминласин.
11. «Ўзпахтасаноат» АЖ ва «Ўзбекипаксаноат» уюшмасининг «Ўзпахтасаноат» АЖ таркибидаги ташкилотларга қарашли:
ипак қурти боқишга мўлжалланган иншоатларни «Ўзбекипаксаноат» уюшмаси таркибидаги ташкилотларга текин фойдаланиш ҳуқуқи асосида ўттиз йилдан кам бўлмаган муддатга фойдаланиш учун бериш;
мавжуд тутзор майдонларини кейинчалик «Ўзбекипаксаноат» уюшмаси таркибидаги ҳудудий «Агропилла» МЧЖга бериш учун маҳаллий давлат ҳокимияти органларининг захира ерларига топшириш тўғрисидаги таклифи маьқуллансин.
12. Қорақалпоғистон Республикаси Вазирлар Кенгаши, вилоятлар ва туманлар ҳокимликлари «Ўзпахтасаноат» АЖ таркибидаги ташкилотлар томонидан маҳаллий давлат ҳокимияти органларининг захира ерларига берилган тутзор майдонларини «Ўзбекипаксаноат» уюшмаси таркибидаги ҳудудий «Агропилла» МЧЖларга бир ой муддатда белгиланган тартибда расмийлаштириб берилишини таъминласин.
14. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси хамда «Ўзбекипаксаноат» уюшмасининг ушбу қарорнинг 3-иловасидаги рўйхатга мувофиқ устав фондида давлат улуши мавжуд бўлган пиллачилик тармоғи хўжалик жамиятларининг давлат улушларини «Ўзбекипаксаноат» уюшмасига самарали фойдаланишни ташкил этиш учун ишончли бошқарувга бериш тўғрисидаги таклифига розилик берилсин.
Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси бир ой муддатда ушбу қарорнинг 3-иловасидаги устав фондида давлат улуши мавжуд бўлган пиллачилик тармоғи хўжалик жамиятларининг давлат улушларини белгиланган тартибда «Ўзбекипаксаноат» уюшмасига ишончли бошқарувга берилишини таъминласин.
15. Ўзбекистон Республикаси Қишлоқ хўжалиги вазирлиги манфаатдор вазирлик ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида бир ой муддатда Вазирлар Маҳкамасига таклифлар киритсин.
16. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари З.Т. Мирзаев зиммасига юклансин.
Ўзбекистон Республикаси Президентининг 2018 йил 20 мартдаги ПҚ-3616-сон қарорига 2-ИЛОВА
2018 йилда янги тут плантацияларини барпо этиш ва ипак қурти боқишга мўлжалланган иншоотларни қуришнинг
№ Ҳудудлар номи Жами тут плантацияси, (амалда, га) 2018 йилда янги тут плантациясини барпо этиш (га) Ипак қурти боқишга мўлжалланган иншоотларни қуриш (бирликда) 1. Қорақалпоғистон Республикаси 2 276 111 12 2. Андижон вилояти 4919 864 70 3. Бухоро вилояти 2 490 1 220 22 4. Жиззах вилояти 1 461 93 8 5. Қашқадарё вилояти 8 127 756 12 6. Навоий вилояти 885 122 12 7. Наманган вилояти 2 087 415 21 8. Самарқанд вилояти 6 607 485 29 9. Сурхондарё вилояти 2 731 218 46 10. Сирдарё вилояти 1 324 457 8 11. Тошкент вилояти 3 309 150 31 12. Фарғона вилояти 2 783 458 15 13. Хоразм вилояти 4 332 1 083 20 Жами: 43 332 6 430 306
Ўзбекистон Республикаси Президентининг 2018 йил 20 мартдаги ПҚ-3616-сон қарорига 3-ИЛОВА
«Ўзбекипаксаноат» уюшмасига ишончли бошқарувга берилаётган устав фондида давлат улуши бўлган хўжалик жамиятлари
Т/р Хўжалик жамиятининг номи Ҳудуд Давлат улуши 1. «Манғит пилла» МЧЖ Қорақалпоғистон Республикаси 25.0 2. «Пилла» МЧЖ Андижон вилояти 14.9 3. «Бувайда Янгиқўрғон пилла» МЧЖ Фарғона вилояти 100 4. «Боғдод пиллахона» МЧЖ Фарғона вилояти 29.9 5. «Риштон бош пиллахона» МЧЖ Фарғона вилояти 25.0 6. «Урганч ипак қурти тухуми» МЧЖ Хоразм вилояти 25.0
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 20 март,
ПҚ-3616-сон
Oʻzbekiston Respublikasi Prezidentining
Qarori
PROGNOZ PARAMETRLARI
ROʻYXATI
Pillachilik tarmogʻini yanada rivojlantirish boʻyicha qoʻshimcha chora-tadbirlar toʻgʻrisida
Bugungi kunda mamlakatimiz pillachilik tarmogʻi korxonalarida modernizatsiya tadbirlarining amalga oshirilishi, ishlab chiqarish quvvatlarining texnik-texnologik jihatdan zamonaviy texnologiyalar bilan yangilanishi, shuningdek, sohada yangi investitsiya dasturlarining xayotga tadbir etilishi natijasida pillani qayta ishlashga va tayyor mahsulotlar ishlab chiqarishda ipak xom ashyosiga boʻlgan talabning ortib borayotgani kuzatilmoqda.
Bu, oʻz navbatida, pillachilik tarmogʻiga innovatsion texnika va texnologiyalarni joriy etish, ushbu tarmoqni yanada rivojlantirish boʻyicha qoʻshimcha chora-tadbirlarni amalga oshirish, jumladan, yangi tut plantatsiyalarini barpo etish, ipak qurti boqishga moʻljallangan inshoatlarni qurish va mavjud inshoatlarning faoliyatini tubdan qayta koʻrib chiqishni taqozo etadi.
Istiqbolda pillachilik tarmogʻini innovatsion texnologiyalar asosida jadal rivojlantirishga eʼtibor qaratish, klaster usulidagi tashkiliy-texnologik tizimni yaratish va mahsulot ishlab chiqarish jarayonlariga ilgʻor usullarni joriy etish orqali tarmoqning jozibadorligini yanada oshirish, pillachilik tarmogʻida ilmiy-tadqiqot ishlarini yanada rivojlantirish maqsadida:
1. Oʻzbekiston Respublikasi Qishloq xoʻjaligi vazirligi va “Oʻzbekipaksanoat” uyushmasining Oʻzbekiston Respublikasi Qishloq xoʻjaligi vazirligi Oʻzbekiston Qishloq xoʻjaligi ilmiy-ishlab chiqarish markazi tizimidagi Ipakchilik ilmiy-tadqiqot institutini “Oʻzbekipaksanoat” uyushmasi muassisligida muassasa shaklidagi Ipakchilik ilmiy-tadqiqot instituti etib qayta tashkil etish toʻgʻrisidagi taklifi maʼqullansin.
2. Quyidagilar Ipakchilik ilmiy-tadqiqot institutining asosiy vazifalari etib belgilangani maʼlumot uchun qabul qilinsin:
pillachilik tarmogʻida ilmiy-tadqiqot ishlarining strategik ioʻnalishlari va istiqbolli mavzularini belgilash, sohani jadal rivojlantirish va yuzaga keladigan dolzarb muammolar boʻyicha ilmiy izlanishlar olib borishni tashkil etish boʻyicha uslubiy va amaliy tavsiyalarni ishlab chiqish:
seleksiya yutuqlarini keng sinovdan oʻtkazish, tut ipak qurtining zoti va duragaylari, tut duragaylarining birlamchi urugʻligini rivojlantirish, hududlarning tabiiy iqlim sharoitlarini hisobga olgan xolda, ilgʻor ilmiy ishlanmalar va intensiv agrotexnologiyalarni ishlab chiqarishga joriy etish;
pillachilik tarmogʻidagi ishlab chiqarish jarayonlariga innovatsion texnika va texnologiyalarni joriy etish, pillaga dastlabki ishlov berish va ularni saqlash usullarini takomillashtirish, tajriba-konstruktorlik ishlarini amalga oshirish;
pillachilik yoʻnalishidagi fundamental, ilmiy-amaliy tadqiqotlar va innovatsion ishlanmalar boʻyicha dasturlar ishlab chiqish;
pillachilik tarmogʻi uchun kadrlar tayyorlash, qayta tayyorlash va ularning malakasini oshirishda ishtirok etish, sohaga oid seminar va treninglar oʻtkazish;
pillachilik tarmogʻida ilmiy-tadqiqot ishlarini amalga oshirish boʻyicha xorijiy mamlakatlarning ilmiy-tadqiqot muassasalari bilan xalqaro hamkorlikni yoʻlga qoʻyish.
4. Quyidagilar Ipakchilik ilmiy-tadqiqot instituti faoliyatini moliyalashtirish manbalari etib belgilansin:
Oʻzbekiston Respublikasi Innovatsion rivojlanish vazirligi tomonidan oʻtkaziladigan tanlovlar natijalari boʻyicha ajratiladigan grantlar;
xoʻjalik yuritish va xizmat koʻrsatishdan tushadigan tushumlar:
xalqaro moliya institutlari, xorijiy tashkilotlar, donor mamlakatlar va tashkilotlarning grantlari;
jismoniy va yuridik shaxslarning homiylik mablagʻlari;
qonun hujjatlarida taqiqlanmagan boshqa manbalar.
5. Belgilab qoʻyilsinki:
2018-yildan boshlab, Ipakchilik ilmiy-tadqiqot instituti bino va inshoatlarini saqlash, shuningdek, uning ayrim toifadagi xodimlari mehnatiga haq toʻlash boʻyicha xarajatlarni moliyalashtirish Oʻzbekiston Respublikasi Davlat budjeti mablagʻlari hisobidan bazaviy moliyalashtirish asosida amalga oshiriladi;
Ipakchilik ilmiy-tadqiqot instituti Oʻzbekiston Respublikasi Qishloq xoʻjaligi vazirligi Ipakchilik ilmiy-tadqiqot institutining barcha xuquqlari, majburiyatlari va shartnomalari boʻyicha huquqiy vorisi hisoblanadi.
6. Quyidagilar:
Ipakchilik ilmiy-tadqiqot institutining pillachilik yoʻnalishidagi fundamental, ilmiy-amaliy tadqiqotlar va innovatsion ishlanmalar boʻyicha dasturlari “Oʻzbekipaksanoat” uyushmasi muassislari umumiy yigʻilishining qarori bilan tasdiqlanishi;
Ipakchilik ilmiy-tadqiqot institutining direktori — “Oʻzbekipaksanoat” uyushmasi tomonidan Oʻzbekiston Respublikasi Vazirlar Mahkamasi bilan kelishilgan xolda lavozimga tayinlanishi va lavozimdan ozod etilishi;
“Oʻzbekipaksanoat” uyushmasi huzurida tashkil etiladigan va uning tarkibiga kiruvchi tashkilotlar Ipakchilik ilmiy-tadqiqot instituti binosida tekin foydalanish huquqi asosida joylashtirilishi inobatga olinsin.
7. Oʻzbekiston Respublikasi Adliya vazirligi bir oy muddatda “Oʻzbekipaksanoat” uyushmasi Ipakchilik ilmiy-tadqiqot institutining Ustavini davlat roʻyxatidan oʻtkazilishini taʼminlasin.
8. Qoraqalpogʻiston Respublikasi Vazirlar Kengashi va viloyatlar hokimliklari tomonidan “Oʻzbekipaksanoat” uyushmasi xamda boshqa manfaatdor vazirlik va idoralar bilan birgalikda ishlab chiqilgan 2018-yilda yangi tut plantatsiyalarini barpo etish va ipak qurti boqishga moʻljallangan inshoatlarni qurishning prognoz parametrlari (keyingi oʻrinlarda prognoz parametrlar deb ataladi) 2-ilovaga muvofiq tasdiqlansin.
Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlari zimmasiga tasdiqlangan prognoz parametrlarning oʻz vaqtida va sifatli bajarilishini taʼminlash boʻyicha shaxsiy javobgarlik yuklansin.
9. Qorakalpogiston Respublikasi Vazirlar Kengashi, viloyatlar va tumanlar hokimliklari “Oʻzbekipaksanoat” uyushmasi bilan birgalikda tasdiqlangan prognoz parametrlar ijrosini soʻzsiz taʼminlashni nazarda tutuvchi 2018-yilda tut plantatsiyalarini barpo etish va ipak qurti boqishga moʻljallangan inshootlarni qurish chora-tadbirlari dasturini bir oy muddatda ishlab chiqib tasdiqlasin.
10. Qorakalpogʻiston Respublikasi Vazirlar Kengashi va viloyatlar hokimliklari “Oʻzbekipaksanoat” uyushmasi bilan birgalikda bir yilda 2-3-marta ipak qurti boqishni tizimli yoʻlga qoʻyish uchun yangi tut plantatsiyalarini barpo etish va ipak qurti boqishga moʻljallangan inshoatlarni qurish parametrlarining kelgusi yillarda bosqichma-bosqich oshirib borilishini taʼminlasin.
11. “Oʻzpaxtasanoat” AJ va “Oʻzbekipaksanoat” uyushmasining “Oʻzpaxtasanoat” AJ tarkibidagi tashkilotlarga qarashli:
ipak qurti boqishga moʻljallangan inshoatlarni “Oʻzbekipaksanoat” uyushmasi tarkibidagi tashkilotlarga tekin foydalanish huquqi asosida oʻttiz yildan kam boʻlmagan muddatga foydalanish uchun berish;
mavjud tutzor maydonlarini keyinchalik “Oʻzbekipaksanoat” uyushmasi tarkibidagi hududiy “Agropilla” MCHJga berish uchun mahalliy davlat hokimiyati organlarining zaxira yerlariga topshirish toʻgʻrisidagi taklifi maqullansin.
12. Qoraqalpogʻiston Respublikasi Vazirlar Kengashi, viloyatlar va tumanlar hokimliklari “Oʻzpaxtasanoat” AJ tarkibidagi tashkilotlar tomonidan mahalliy davlat hokimiyati organlarining zaxira yerlariga berilgan tutzor maydonlarini “Oʻzbekipaksanoat” uyushmasi tarkibidagi hududiy “Agropilla” MCHJlarga bir oy muddatda belgilangan tartibda rasmiylashtirib berilishini taʼminlasin.
14. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi xamda “Oʻzbekipaksanoat” uyushmasining ushbu qarorning 3-ilovasidagi roʻyxatga muvofiq ustav fondida davlat ulushi mavjud boʻlgan pillachilik tarmogʻi xoʻjalik jamiyatlarining davlat ulushlarini “Oʻzbekipaksanoat” uyushmasiga samarali foydalanishni tashkil etish uchun ishonchli boshqaruvga berish toʻgʻrisidagi taklifiga rozilik berilsin.
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bir oy muddatda ushbu qarorning 3-ilovasidagi ustav fondida davlat ulushi mavjud boʻlgan pillachilik tarmogʻi xoʻjalik jamiyatlarining davlat ulushlarini belgilangan tartibda “Oʻzbekipaksanoat” uyushmasiga ishonchli boshqaruvga berilishini taʼminlasin.
15. Oʻzbekiston Respublikasi Qishloq xoʻjaligi vazirligi manfaatdor vazirlik va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida bir oy muddatda Vazirlar Mahkamasiga takliflar kiritsin.
16. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev zimmasiga yuklansin.
Oʻzbekiston Respublikasi Prezidentining 2018-yil 20-martdagi PQ-3616-son qaroriga 2-ILOVA
2018-yilda yangi tut plantatsiyalarini barpo etish va ipak qurti boqishga moʻljallangan inshootlarni qurishning
№ Hududlar nomi Jami tut plantatsiyasi, (amalda, ga) 2018-yilda yangi tut plantatsiyasini barpo etish (ga) Ipak qurti boqishga moʻljallangan inshootlarni qurish (birlikda) 1. Qoraqalpogʻiston Respublikasi 2 276 111 12 2. Andijon viloyati 4919 864 70 3. Buxoro viloyati 2 490 1 220 22 4. Jizzax viloyati 1 461 93 8 5. Qashqadaryo viloyati 8 127 756 12 6. Navoiy viloyati 885 122 12 7. Namangan viloyati 2 087 415 21 8. Samarqand viloyati 6 607 485 29 9. Surxondaryo viloyati 2 731 218 46 10. Sirdaryo viloyati 1 324 457 8 11. Toshkent viloyati 3 309 150 31 12. Fargʻona viloyati 2 783 458 15 13. Xorazm viloyati 4 332 1 083 20 Jami: 43 332 6 430 306
Oʻzbekiston Respublikasi Prezidentining 2018-yil 20-martdagi PQ-3616-son qaroriga 3-ILOVA
“Oʻzbekipaksanoat” uyushmasiga ishonchli boshqaruvga berilayotgan ustav fondida davlat ulushi boʻlgan xoʻjalik jamiyatlari
T/r Xoʻjalik jamiyatining nomi Hudud Davlat ulushi 1. “Mangʻit pilla” MCHJ Qoraqalpogʻiston Respublikasi 25.0 2. “Pilla” MCHJ Andijon viloyati 14.9 3. “Buvayda Yangiqoʻrgʻon pilla” MCHJ Fargʻona viloyati 100 4. “Bogʻdod pillaxona” MCHJ Fargʻona viloyati 29.9 5. “Rishton bosh pillaxona” MCHJ Fargʻona viloyati 25.0 6. “Urganch ipak qurti tuxumi” MCHJ Xorazm viloyati 25.0
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 20-mart,
PQ-3616-son
Президента Республики Узбекистан
Постановление
О дополнительных мерах по дальненшему развитию шелковой отрасли
На сегодняшний день в результате реализации на предприятиях шелковой отрасли страны мероприятий по модернизации, техническому и технологическому обновлению производственных мощностей современными технологиями, а также осуществления новых инвестиционных программ наблюдается рост потребности в переработке коконов тутового шелкопряда и в шелке-сырце при производстве готовой продукции.
Это, в свою очередь, обуславливает необходимость внедрения в шелковую отрасль инновационной техники и технологий, реализации дополнительных мер по дальнейшему развитию данной отрасли, в частности, возведения новых плантаций шелковицы, строительства сооружений, предназначенных для разведения тутового шелкопряда и коренного пересмотра деятельности имеющихся сооружений.
В целях уделения внимания в будущем ускоренному развитию шелковой отрасли на основе инновационных технологий, формирования организационно-технологической системы методом кластера и внедрения передовых методов в процессы производства продукции, дальнейшего развития научно-исследовательской работы в отрасли шелководства:
1. Одобрить предложение Министерства Сельского хозяйства Республики Узбекистан и Ассоциации «Узбекипаксаноат» о реорганизации Научно-исследовательского института шелководства в системе Научно-производственного центра сельского хозяйства Узбекистана Министерства сельского хозяйства Узбекистана в Научно-исследовательский институт шелководства в форме учреждения под учредительством ассоциации «Узбекипаксаноат».
2. Принять к сведению, что основными задачами научно-исследовательского института определены следующие:
определение стратегических направлений и перспективных тем научно-исследовательских работ в шелковой отрасли, разработка методических и практических рекомендаций по ускоренному развитию сферы и организации проведения научных изысканий по появляющимся актуальным проблемам;
широкая апробация достижений селекции, развитие пород и помесей тутового шелкопряда, первичного семенного материала скрещенных сортов шелковицы, внедрение в производство передовых научных разработок и интенсивных агротехнологий с учетом природно-климатических условий регионов;
внедрение в производственные процессы в шелковой отрасли инновационной техники и технологий, совершенствование методов предварительной обработки грен и их хранения, осуществление опытно-конструкторских работ;
разработка фундаментальных, научно-практических исследований по направлению шелководства и программ по инновационным разработкам;
участие в подготовке, переподготовке и повышении квалификации кадров для шелковой отрасли, проведение семинаров и тренингов, касающихся сферы;
налаживание международного сотрудничества с научно-исследовательскими учреждениями зарубежных стран по осуществлению научно-исследовательских работ в отрасли шелководства.
4. Определить источниками финансирования деятельности научно-исследовательского института шелководства:
гранты, выделяемые по результатам конкурсов, проводимых Министерством инновационного развития Республики Узбекистан;
доходы от хозяйственной деятельности и оказания услуг;
гранты международных финансовых институтов, зарубежных организаций, донорских стран и организаций;
спонсорские средства физических и юридических лиц;
другие источники, не запрещенные законодательством.
5. Установить, что:
с 2018 года финансирование расходов по содержанию зданий и сооружений Научно-исследовательского института шелководства, а также по оплате труда некоторых категорий его работников будет осуществляется на основе базового финансирования за счет средств Государственного бюджета Республики Узбекистан;
Научно-исследовательский институт шелководства является правопреемником по всем правам, обязательствам и договорам Научно-исследовательского института шелководства Министерства Сельского хозяйства Республики Узбекистан.
6. Определить что:
программы фундаментальных, научно-исследовательских исследований и инновационных разработок Научно-исследовательского института шелководства утверждаются решением общего собрания учредителей ассоциации «Узбекипаксаноати»;
директор научно-исследовательского института шелководства назначается на должность и освобождается от должности ассоциацией «Узбекипаксаноати» по согласованию с Кабинетом Министров Республики Узбекистан;
образуемые при ассоциации «Узбекипаксаноати» и входящие в его состав организации размещаются в здании Научно-исследовательского института шелководства на основе права безвозмездного пользования.
7. Министерству юстиции Республики Узбекистан в месячный срок обеспечить государственную регистрацию Устава научно-исследовательского института шелководства Ассоциации «Узбекипаксаноат».
8. Совету Министров Республики Каракалпакстан и хокимиятам областей утвердить прогнозные параметры возведения новых плантаций шелковицы и строительства сооружений, рассчитанных на разведение тутового шелкопряда в 2018 году (далее — прогнозные параметры), разраоотанные Ассоциацией «Узбекипаксаноат» и другими заинтересованными министерствами и ведомствами согласно приложению № 2 * .
Возложить на Председателя Совета Министров Республики Каракалпакстан, хокимов областей и районов персональную ответственность по своевременному и качественному исполнению утвержденных прогнозных параметров.
9. Совету Министров Республики Каракалпакстан, хокимиятам областей и районов совместно с ассоциацией «Узбекипаксаноат» в месячный срок разработать и утвердить программу мер по возведению плантаций шелковицы и строительству сооружений, предназначенных для разведения тутового шелкопряда в 2018 году, предусматривающую безусловное обеспечение исполнения утвержденных прогнозных параметров.
10. Совету Министров Республики Каракалпакстан, хокимиятам областей совместно с ассоциацией «Узбекипаксаноат» обеспечить поэтапное повышение параметров возведения новых плантаций шелковицы и строительства сооружений, рассчитанных на разведение тутового шелкопряда в последующие годы для системного налаживания выращивания тутового шелкопряда по 2-3 раза в году.
11. Одобрить предложение АО «Узпахтасаноат» и ассоциации «Узбекипаксаноат»:
о передаче сооружений, рассчитанных на разведение тутового шелкопряда, принадлежащих организациям в составе АО «Узпахтасаноат» организациям ассоциации «Узбекипаксаноат» на срок не менее тридцати лет на основе права безвозмездного пользования;
о сдаче имеющихся плантаций шелковицы в резервный земельный фонд органов государственной власти на местах для передачи их в последующем территориальным ООО «Агропилла» в составе Ассоциации «Узбекипаксаноат».
12. Совету Министров Республики Каракалпакстан, хокимиятам областей и районов в месячный срок обеспечить оформление в установленном порядке имеющихся плантаций шелковицы, переданных в резервный земельный фонд органов государственной власти на местах территориальным ООО «Агропилла» в составе Ассоциации «Узбекипаксаноати».
14. Согласиться с предложением Государственного комитета по содействию приватизированным предприятиям и развитию конкуренции Республики Узбекистан и ассоциации «Узбекипаксаноат» о передачи в надежное управление ассоциации «Узбекипаксаноат» для организации эффективной эксплуатации государственных долей хозяйственных обществ шелковой отрасли с государственной долей в уставном фонде в соответствии с перечнем приложения № 3 * данного постановления.
Государственному комитету по содействию приватизированным предприятиям и развитию конкуренции Республики Узбекистан в месячный срок обеспечить передачу в доверительное управление Ассоциации «Узбекипаксаноат» для организации эффективной эксплуатации государственных долей хозяйственных обществ шелковой отрасли с государственной долей в уставном фонде в соответствии с приложением № 3 * данного постановления.
15. Министерству Сельского хозяйства Республики Узбекистан совместно с заинтересованными министерствами и ведомствами внести в Кабинет Министров предложения об изменениях и дополнениях в законодательство, вытекающих из данного постановления.
16. Контроль за исполнением настоящего постановления возложить на заместителя Премьер-министра Республики Узбекистан З.Т. Мирзаева.
Президент Республики Узбекистан Ш. МИРЗИЁЕВ
г. Ташкент,
20 марта 2018 г.,
№ ПП-3616