📅 2020-yil 9-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 9 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 9 июля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 9 July 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
РЎЙХАТИ
«Ўзкимёсаноат» АЖ таркибидаги ташкилотларнинг активларидан самарали фойдаланиш ҳамда молиявий ҳолатини соғломлаштириш бўйича қўшимча чора-тадбирлар тўғрисида
Ўзбекистон Республикаси Президентининг «Кимё саноатини янада ислоҳ қилиш ва унинг инвестициявий жозибадорлигини ошириш чора-тадбирлари тўғрисида» 2019 йил 3 апрелдаги ПҚ-4265-сон қарори ижросини таъминлаш, шунингдек, «Ўзкимёсаноат» АЖ таркибидаги ташкилотларнинг активларидан самарали фойдаланиш ҳамда молиявий ҳолатини соғломлаштириш мақсадида Вазирлар Маҳкамаси қарор қилади:
1. Ўзбекистон Республикаси Давлат активларини бошқариш агентлиги томонидан «Ўзкимёсаноат» АЖ таркибига кирувчи ташкилотларга қарашли бўлган бўш турган, фойдаланилмаётган ва тармоқнинг асосий фаолият тури билан боғлиқ бўлмаган активлар (кўчмас мулк ва ижтимоий объектлар) мавжудлиги аниқланиб, улардан самарали фойдаланиш бўйича таклифлар ишлаб чиқилганлиги маълумот учун қабул қилинсин.
2. Қуйидагилар:
Оммавий савдоларда сотиладиган активлар (кўчмас мулк объектлари) рўйхати 1-иловага мувофиқ;
Давлат бошқаруви органлари ва маҳаллий ижро этувчи ҳокимият органларига давлат мулки сифатида баланс (қолдиқ) қийматида бериладиган активлар (ижтимоий объектлар) рўйхати 2-иловага мувофиқ тасдиқлансин.
3. Белгилансинки:
а) мазкур қарорга 1-иловада назарда тутилган активларни «E-auksion» электрон савдо платформасида оммавий савдоларга чиқаришнинг бошланғич нархи уларнинг (кўчмас мулклар бўйича) баланс (қолдиқ) ва (ёки) номинал (улуш бўйича) қийматида белгиланади;
б) мазкур қарорга 2-иловада назарда тутилган активлар бўйича:
«Ўзкимёсаноат» АЖ икки ой муддатда активларнинг баланс (қолдиқ) қийматида тегишли ташкилотларга берилишини таъминлайди ҳамда улар бўйича ҳар қандай харажатларнинг кимё корхоналари томонидан амалга оширилиши ман этилади;
«Ўзкимёсаноат» АЖнинг устав капиталидаги давлат улуши ҳамда тегишли хўжалик жамиятларидаги «Ўзкимёсаноат» АЖнинг улуши берилаётган активларнинг баланс (қолдиқ) қийматига мос равишда камайтириш ҳисобига берилади.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодий тараққиёт ва камбағалликни қисқартириш вазири Ж.А. Қўчқоров, Ўзбекистон Республикаси Давлат активларини бошқариш агентлиги директори С.Х. Бекенов ва «Ўзкимёсаноат» акциядорлик жамияти бошқарув раиси вазифасини бажарувчи Ж.Т. Мирзамахмудов зиммасига юклансин.
Вазирлар Маҳкамасининг 2020 йил 9 июлдаги 432-сон қарорига 1-ИЛОВА
Оммавий савдоларда сотиладиган активлар (кўчмас мулк объектлари)
Т/р Актив номи Жойлашган манзили Активни балансда сақловчи ташкилот 1 . Ёрдамчи хўжалик бино ва иншоотлари Фарғона вилояти, Қувасой шаҳри, Исфайрамсой қишлоғи « Фарғонаазот » АЖ 2 . Дам олиш маскани Фарғона вилояти, Фарғона тумани, « Водил » ҚФЙ, « Мирзаолим » МФЙ « Фарғонаазот » АЖ 3 . Чорвачилик комплекси Навоий вилояти, Томди тумани, Томдибулоқ овули « Навоийазот » АЖ 4 . 400 бош майда мол учун 1-сон « Қўтон » Қашқадарё вилояти, Деҳқонобод тумани, « Ибн Сино » корпоратив хўжалиги ҳудуди « Деҳқонобод калий заводи » АЖ 5 . 400 бош майда мол учун 2-сон « Қўтон » Қашқадарё вилояти, Деҳқонобод тумани, « Ибн Сино » корпоратив хўжалиги ҳудуди « Деҳқонобод калий заводи » АЖ 6 . 50 ўринли кафе биноси Қорақалпоғистон Республикаси, Қўнғирот тумани, « Елабад » ПФЙ « Қўнғирот сода заводи » МЧЖ 7 . 250 ўринли кафе биноси Қорақалпоғистон Республикаси, Қўнғирот тумани, « Елабад » ПФЙ « Қўнғирот сода заводи » МЧЖ 8 . 75 ўринли чойхона Қорақалпоғистон Республикаси, Қўнғирот тумани, « Елабад » ПФЙ « Қўнғирот сода заводи » МЧЖ 9 . Универмаг биноси Қорақалпоғистон Республикаси, Қўнғирот тумани, « Елабад » ПФЙ « Қўнғирот сода заводи » МЧЖ 10 . Саноат майдончаси Қорақалпоғистон Республикаси, Қўнғирот тумани, Борсакелмас туз кони, « Жаслик » ОФЙ « Қўнғирот сода заводи » МЧЖ 11 . Насос сув иморати Қорақалпоғистон Республикаси, Қўнғирот тумани, « Раушан » ОФЙ « Қўнғирот сода заводи » МЧЖ 12 . Молхона бино иншоотлари Тошкент вилояти, Қибрай тумани, «Унқўрғон» МФЙ, О. Алимов кўчаси 50-уй « Максам-Чирчиқ » АЖ
Вазирлар Маҳкамасининг 2020 йил 9 июлдаги 432-сон қарорига 2-ИЛОВА
Давлат бошқаруви органлари ва маҳаллий ижро этувчи ҳокимият органларига давлат мулки сифатида баланс (қолдиқ) қийматида бериладиган активлар (ижтимоий объектлар)
Т/р Актив номи Жойлашган манзили Активни балансда сақловчи ташкилот Актив берилаётган ташкилот 1 . « Ширин » маданият саройи Навоий вилояти, Навоий шаҳри, Навоий кўчаси 3-уй « Навоийазот » АЖ Давлат активларини бошқариш агентлиги 2 . « Кимёгар » маданият саройи бино ва иншоотлари Фарғона вилояти, Фарғона шаҳри, 66-сон «Мурувват» МФЙ, Фарғона кўчаси 72-уй « Фарғонаазот » АЖ Маданият вазирлиги 3 . « Химик » ўйингоҳи Навоий вилояти, Навоий шаҳри, Навоий кўчаси 3-уй « Навоийазот » АЖ Навоий вилояти ҳокимлиги
Ўзбекистон Республикасининг Бош вазири А. АРИПОВ
Тошкент ш.,
2020 йил 9 июль,
432-сон
Oʻzbekiston Respublikasi Vazirlar Mahkamasining
qarori
ROʻYXATI
ROʻYXATI
“Oʻzkimyosanoat” AJ tarkibidagi tashkilotlarning aktivlaridan samarali foydalanish hamda moliyaviy holatini sogʻlomlashtirish boʻyicha qoʻshimcha chora-tadbirlar toʻgʻrisida
Oʻzbekiston Respublikasi Prezidentining “Kimyo sanoatini yanada isloh qilish va uning investitsiyaviy jozibadorligini oshirish chora-tadbirlari toʻgʻrisida” 2019-yil 3-apreldagi PQ-4265-son qarori ijrosini taʼminlash, shuningdek, “Oʻzkimyosanoat” AJ tarkibidagi tashkilotlarning aktivlaridan samarali foydalanish hamda moliyaviy holatini sogʻlomlashtirish maqsadida Vazirlar Mahkamasi qaror qiladi:
1. Oʻzbekiston Respublikasi Davlat aktivlarini boshqarish agentligi tomonidan “Oʻzkimyosanoat” AJ tarkibiga kiruvchi tashkilotlarga qarashli boʻlgan boʻsh turgan, foydalanilmayotgan va tarmoqning asosiy faoliyat turi bilan bogʻliq boʻlmagan aktivlar (koʻchmas mulk va ijtimoiy obyektlar) mavjudligi aniqlanib, ulardan samarali foydalanish boʻyicha takliflar ishlab chiqilganligi maʼlumot uchun qabul qilinsin.
2. Quyidagilar:
Ommaviy savdolarda sotiladigan aktivlar (koʻchmas mulk obyektlari) roʻyxati 1-ilovaga muvofiq;
Davlat boshqaruvi organlari va mahalliy ijro etuvchi hokimiyat organlariga davlat mulki sifatida balans (qoldiq) qiymatida beriladigan aktivlar (ijtimoiy obyektlar) roʻyxati 2-ilovaga muvofiq tasdiqlansin.
3. Belgilansinki:
a) mazkur qarorga 1-ilovada nazarda tutilgan aktivlarni “E-auksion” elektron savdo platformasida ommaviy savdolarga chiqarishning boshlangʻich narxi ularning (koʻchmas mulklar boʻyicha) balans (qoldiq) va (yoki) nominal (ulush boʻyicha) qiymatida belgilanadi;
b) mazkur qarorga 2-ilovada nazarda tutilgan aktivlar boʻyicha:
“Oʻzkimyosanoat” AJ ikki oy muddatda aktivlarning balans (qoldiq) qiymatida tegishli tashkilotlarga berilishini taʼminlaydi hamda ular boʻyicha har qanday xarajatlarning kimyo korxonalari tomonidan amalga oshirilishi man etiladi;
“Oʻzkimyosanoat” AJning ustav kapitalidagi davlat ulushi hamda tegishli xoʻjalik jamiyatlaridagi “Oʻzkimyosanoat” AJning ulushi berilayotgan aktivlarning balans (qoldiq) qiymatiga mos ravishda kamaytirish hisobiga beriladi.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov, Oʻzbekiston Respublikasi Davlat aktivlarini boshqarish agentligi direktori S.X. Bekenov va “Oʻzkimyosanoat” aksiyadorlik jamiyati boshqaruv raisi vazifasini bajaruvchi J.T. Mirzamaxmudov zimmasiga yuklansin.
Vazirlar Mahkamasining 2020-yil 9-iyuldagi 432-son qaroriga 1-ILOVA
Ommaviy savdolarda sotiladigan aktivlar (koʻchmas mulk obyektlari)
T/r Aktiv nomi Joylashgan manzili Aktivni balansda saqlovchi tashkilot 1 . Yordamchi xoʻjalik bino va inshootlari Fargʻona viloyati, Quvasoy shahri, Isfayramsoy qishlogʻi “ Fargʻonaazot ” AJ 2 . Dam olish maskani Fargʻona viloyati, Fargʻona tumani, “ Vodil ” QFY, “ Mirzaolim ” MFY “ Fargʻonaazot ” AJ 3 . Chorvachilik kompleksi Navoiy viloyati, Tomdi tumani, Tomdibuloq ovuli “ Navoiyazot ” AJ 4 . 400 bosh mayda mol uchun 1-son “ Qoʻton ” Qashqadaryo viloyati, Dehqonobod tumani, “ Ibn Sino ” korporativ xoʻjaligi hududi “ Dehqonobod kaliy zavodi ” AJ 5 . 400 bosh mayda mol uchun 2-son “ Qoʻton ” Qashqadaryo viloyati, Dehqonobod tumani, “ Ibn Sino ” korporativ xoʻjaligi hududi “ Dehqonobod kaliy zavodi ” AJ 6 . 50 oʻrinli kafe binosi Qoraqalpogʻiston Respublikasi, Qoʻngʻirot tumani, “ Yelabad ” PFY “ Qoʻngʻirot soda zavodi ” MCHJ 7 . 250 oʻrinli kafe binosi Qoraqalpogʻiston Respublikasi, Qoʻngʻirot tumani, “ Yelabad ” PFY “ Qoʻngʻirot soda zavodi ” MCHJ 8 . 75 oʻrinli choyxona Qoraqalpogʻiston Respublikasi, Qoʻngʻirot tumani, “ Yelabad ” PFY “ Qoʻngʻirot soda zavodi ” MCHJ 9 . Univermag binosi Qoraqalpogʻiston Respublikasi, Qoʻngʻirot tumani, “ Yelabad ” PFY “ Qoʻngʻirot soda zavodi ” MCHJ 10 . Sanoat maydonchasi Qoraqalpogʻiston Respublikasi, Qoʻngʻirot tumani, Borsakelmas tuz koni, “ Jaslik ” OFY “ Qoʻngʻirot soda zavodi ” MCHJ 11 . Nasos suv imorati Qoraqalpogʻiston Respublikasi, Qoʻngʻirot tumani, “ Raushan ” OFY “ Qoʻngʻirot soda zavodi ” MCHJ 12 . Molxona bino inshootlari Toshkent viloyati, Qibray tumani, “Unqoʻrgʻon” MFY, O. Alimov koʻchasi 50-uy “ Maksam-Chirchiq ” AJ
Vazirlar Mahkamasining 2020-yil 9-iyuldagi 432-son qaroriga 2-ILOVA
Davlat boshqaruvi organlari va mahalliy ijro etuvchi hokimiyat organlariga davlat mulki sifatida balans (qoldiq) qiymatida beriladigan aktivlar (ijtimoiy obyektlar)
T/r Aktiv nomi Joylashgan manzili Aktivni balansda saqlovchi tashkilot Aktiv berilayotgan tashkilot 1 . “ Shirin ” madaniyat saroyi Navoiy viloyati, Navoiy shahri, Navoiy koʻchasi 3-uy “ Navoiyazot ” AJ Davlat aktivlarini boshqarish agentligi 2 . “ Kimyogar ” madaniyat saroyi bino va inshootlari Fargʻona viloyati, Fargʻona shahri, 66-son “Muruvvat” MFY, Fargʻona koʻchasi 72-uy “ Fargʻonaazot ” AJ Madaniyat vazirligi 3 . “ Ximik ” oʻyingohi Navoiy viloyati, Navoiy shahri, Navoiy koʻchasi 3-uy “ Navoiyazot ” AJ Navoiy viloyati hokimligi
Oʻzbekiston Respublikasining Bosh vaziri A. ARIPOV
Toshkent sh.,
2020-yil 9-iyul,
432-son