📅 2020-yil 11-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 11 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 11 июля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 11 July 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
Қорақалпоғистон Республикаси Мўйноқ тумани ҳокимлиги ҳузурида «Орол артемия саноат» давлат унитар корхонаси фаолиятини ташкил этиш тўғрисида
Қорақалпоғистон Республикаси Мўйноқ туманида артемия цистасини овлаш ва қайта ишлаш тармоғини такомиллаштириш ҳамда юқори сифатли артемия цистаси маҳсулотлари экспорти ҳажмини янада ошириш мақсадида Вазирлар Маҳкамаси қарор қилади:
1. Қорақалпоғистон Республикаси Вазирлар Кенгашининг Мўйноқ тумани ҳокимлиги ҳузурида «Орол артемия саноат» давлат унитар корхонасини (кейинги ўринларда — «Орол артемия саноат» ДУК) ташкил этиш тўғрисидаги таклифига розилик берилсин.
2. «Орол артемия саноат» ДУКнинг асосий вазифалари этиб қуйидагилар белгилансин:
Орол денгизидаги артемия цистаси ресурсларидан қонунчилик ҳужжатларида белгиланган тартибда оқилона фойдаланиш;
артемия цистасини овлаш ва қайта ишлашни комплекс ривожлантириш дастурларини амалга ошириш, ушбу соҳада илмий-техник, технологик, инвестиция ва экспорт фаолиятини юритиш;
артемия цистасининг табиий ўсиш майдонларидан оқилона фойдаланган ҳолда уларни овлаш ва қайта ишлаш ҳажмларини босқичма-босқич ошириб бориш;
артемия цистасини саноат асосида чуқур қайта ишлаш ҳамда улардан юқори қўшилган қийматга эга бўлган экспортбоп маҳсулотлар ишлаб чиқариш;
артемия цистасини овлаш ҳамда уни қайта ишлаш бўйича янги қувватларни ташкил этишда илғор технологияларни жорий этиш.
3. Белгилансинки, Қорақалпоғистон Республикаси Вазирлар Кенгаши «Орол артемия саноат» ДУКнинг муассиси ҳисобланади.
4. Қорақалпоғистон Республикаси Мўйноқ тумани ҳокимлиги ҳузуридаги «Орол артемия саноат» давлат унитар корхонасининг тузилмаси иловага мувофиқ тасдиқлансин.
Қорақалпоғистон Республикаси Вазирлар Кенгаши раисига, зарурат бўлганда, «Орол артемия саноат» ДУК тузилмасига ўзгартириш киритиш ҳуқуқи берилсин.
5. Қорақалпоғистон Республикаси Вазирлар Кенгаши бир ой муддатда «Орол артемия саноат» ДУКнинг уставини тасдиқласин ҳамда унинг белгиланган тартибда давлат рўйхатидан ўтказилишини, шунингдек зарур маъмурий ва ишлаб чиқариш биноларига жойлаштирилишини таъминласин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Қорақалпоғистон Республикаси Вазирлар Кенгаши раиси Қ.Р. Сариев зиммасига юклансин.
Вазирлар Маҳкамасининг 2020 йил 11 июлдаги 438-сон қарорига ИЛОВА
Қорақалпоғистон Республикаси Мўйноқ тумани ҳокимлиги ҳузуридаги «Орол артемия саноат» давлат унитар корхонасининг
Директор Директор ўринбосари (1) Бухгалтерия (2) Артемия цистасини овлашни ривожлантириш бўлими (3) Юрисконсульт (1) Артемия цистасини қайта ишлаш ва экспортни ривожлантириш бўлими (2) Кадрлар ишлари бўйича мутахассис (1)
Ўзбекистон Республикасининг Бош вазири А. АРИПОВ
Тошкент ш.,
2020 йил 11 июль,
438-сон
Oʻzbekiston Respublikasi Vazirlar Mahkamasining
qarori
TUZILMASI
Qoraqalpogʻiston Respublikasi Moʻynoq tumani hokimligi huzurida “Orol artemiya sanoat” davlat unitar korxonasi faoliyatini tashkil etish toʻgʻrisida
Qoraqalpogʻiston Respublikasi Moʻynoq tumanida artemiya sistasini ovlash va qayta ishlash tarmogʻini takomillashtirish hamda yuqori sifatli artemiya sistasi mahsulotlari eksporti hajmini yanada oshirish maqsadida Vazirlar Mahkamasi qaror qiladi:
1. Qoraqalpogʻiston Respublikasi Vazirlar Kengashining Moʻynoq tumani hokimligi huzurida “Orol artemiya sanoat” davlat unitar korxonasini (keyingi oʻrinlarda — “Orol artemiya sanoat” DUK) tashkil etish toʻgʻrisidagi taklifiga rozilik berilsin.
2. “Orol artemiya sanoat” DUKning asosiy vazifalari etib quyidagilar belgilansin:
Orol dengizidagi artemiya sistasi resurslaridan qonunchilik hujjatlarida belgilangan tartibda oqilona foydalanish;
artemiya sistasini ovlash va qayta ishlashni kompleks rivojlantirish dasturlarini amalga oshirish, ushbu sohada ilmiy-texnik, texnologik, investitsiya va eksport faoliyatini yuritish;
artemiya sistasining tabiiy oʻsish maydonlaridan oqilona foydalangan holda ularni ovlash va qayta ishlash hajmlarini bosqichma-bosqich oshirib borish;
artemiya sistasini sanoat asosida chuqur qayta ishlash hamda ulardan yuqori qoʻshilgan qiymatga ega boʻlgan eksportbop mahsulotlar ishlab chiqarish;
artemiya sistasini ovlash hamda uni qayta ishlash boʻyicha yangi quvvatlarni tashkil etishda ilgʻor texnologiyalarni joriy etish.
3. Belgilansinki, Qoraqalpogʻiston Respublikasi Vazirlar Kengashi “Orol artemiya sanoat” DUKning muassisi hisoblanadi.
4. Qoraqalpogʻiston Respublikasi Moʻynoq tumani hokimligi huzuridagi “Orol artemiya sanoat” davlat unitar korxonasining tuzilmasi ilovaga muvofiq tasdiqlansin.
Qoraqalpogʻiston Respublikasi Vazirlar Kengashi raisiga, zarurat boʻlganda, “Orol artemiya sanoat” DUK tuzilmasiga oʻzgartirish kiritish huquqi berilsin.
5. Qoraqalpogʻiston Respublikasi Vazirlar Kengashi bir oy muddatda “Orol artemiya sanoat” DUKning ustavini tasdiqlasin hamda uning belgilangan tartibda davlat roʻyxatidan oʻtkazilishini, shuningdek zarur maʼmuriy va ishlab chiqarish binolariga joylashtirilishini taʼminlasin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Qoraqalpogʻiston Respublikasi Vazirlar Kengashi raisi Q.R. Sariyev zimmasiga yuklansin.
Vazirlar Mahkamasining 2020-yil 11-iyuldagi 438-son qaroriga ILOVA
Qoraqalpogʻiston Respublikasi Moʻynoq tumani hokimligi huzuridagi “Orol artemiya sanoat” davlat unitar korxonasining
Direktor Direktor oʻrinbosari (1) Buxgalteriya (2) Artemiya sistasini ovlashni rivojlantirish boʻlimi (3) Yuriskonsult (1) Artemiya sistasini qayta ishlash va eksportni rivojlantirish boʻlimi (2) Kadrlar ishlari boʻyicha mutaxassis (1)
Oʻzbekiston Respublikasining Bosh vaziri A. ARIPOV
Toshkent sh.,
2020-yil 11-iyul,
438-son