📅 2020-yil 16-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 16 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 июля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 16 July 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Истиқболли инвестиция лойиҳаларини ишлаб чиқиш тартибини такомиллаштиришга доир қўшимча чора-тадбирлар тўғрисида
Ўзбекистон Республикаси Президентининг «Ўзбекистон Республикаси Инвестициялар ва ташқи савдо вазирлиги фаолиятини такомиллаштиришга оид қўшимча чора-тадбирлар тўғрисида» 2019 йил 23 майдаги ПҚ-4332-сон қарорига мувофиқ салоҳиятли хорижий инвесторларга тақдим этиладиган истиқболли инвестиция лойиҳаларини ишлаб чиқиш сифатини ва самарадорлигини ошириш, лойиҳалаштириш жараёнига илғор хорижий тажрибага асосланган замонавий усулларни жорий этиш ҳамда лойиҳа институтлари фаолияти учун тенг шароитларни яратиш мақсадида Вазирлар Маҳкамаси қарор қилади:
1. Қуйидагилар:
Вазирлар Маҳкамасининг «Хорижий инвестициялар иштирокидаги «УорлиПарсонс Ўзбекистон Инжиниринг» корхонасини ташкил этиш тўғрисида» 2011 йил 31 мартдаги 95-сон қарорига асосан Ўзбекистон Республикаси Иқтисодий тараққиёт ва камбағалликни қисқартириш вазирлиги, Молия вазирлиги ва «Ўзбекнефтгаз» АЖнинг «УорлиПарсонс Нидерландс БВ» компанияси билан биргаликда «УорлиПарсонс Ўзбекистон инжиниринг» қўшма корхонасини ташкил этиш тўғрисидаги таклифига розилик берилганлиги;
«Ўзоғирнефтгазкимёлойиҳа» институти, «ЎзЛИТИнефтгаз» АЖ билан «УорлиПарсонс Нидерландс БВ» компанияси ўртасида 2011 йил 17 февралда устав фонди 200 минг АҚШ доллари микдоридаги масъулияти чекланган жамият шаклида «УорлиПарсонс Ўзбекистон инжиниринг» қўшма корхонасини (кейинги ўринларда ― «УорлиПарсонс Ўзбекистон инжиниринг» МЧЖ ҚК) ташкил этиш тўғрисида битим имзоланганлиги;
Ўзбекистон Республикаси Президентининг «Иқтисодиётнинг базавий тармоқларида лойиҳа ишлари самарадорлигини ошириш чора-тадбирлари тўғрисида» 2017 йил 14 мартдаги ПҚ-2831-сон карорига асосан Ўзбекистон Республикаси Иқтисодий тараққиёт ва камбагалликни қисқартириш вазирлиги ҳузуридаги «Ўзоғирнефтгазкимёлойиҳа» ― Ўзбекистон электроэнергетика, нефть ва газни қайта ишлаш, кимё ва огир саноат давлат лойиҳа институти ― Ўзбекистон Республикаси Вазирлар Маҳкамаси ҳузуридаги «ЎзИнжиниринг» Республика лойиҳа институтига айлантирилганлиги;
«ЎзИнжиниринг» Республика лойиҳа институтининг «УорлиПарсонс Ўзбекистон инжиниринг» МЧЖ ҚК устав фондидаги улуши 25 фоизни, «ЎзЛИТИнефтгаз» АЖнинг улуши 25 фоизни, «УорлиПарсонс Нидерландс БВ» компаниясининг улуши 50 фоизни ташкил этганлиги;
2017 йил 28 июнда «УорлиПарсонс Нидерландс БВ» компанияси «Intecsea Group B.V.» (Нидерландия Қироллиги) компанияси таркибига қўшилганлиги;
2017 йил 30 июнда «Intecsea Group B.V.» (Нидерландия Қироллиги) компанияси «Intecsea B.V.» (Нидерландия Қироллиги) компанияси таркибига қўшилганлиги;
«УорлиПарсонс Ўзбекистон инжиниринг» МЧЖ ҚК иштирокчиларининг навбатдан ташкари умумий йиғилишининг 2017 йил 17 октябрдаги 36-сон қарорига асосан «УорлиПарсонс Ўзбекистон инжиниринг» МЧЖ ҚК таъсисчиларининг рўйхатига «УорлиПарсонс Нидерландс БВ» компанияси ўрнига «Intecsea B.V.» (Нидерландия Қироллиги) компанияси киритилганлиги маълумот учун қабул қилинсин.
2. Ўзбекистон Республикаси Инвестициялар ва ташқи савдо вазирлиги, Ўзбекистон Республикаси Вазирлар Маҳкамаси ҳузуридаги «ЎзИнжиниринг» Республика лойиҳа институти ва «ЎзЛИТИнефтегаз» АЖнинг «УорлиПарсонс Ўзбекистон инжиниринг» МЧЖ ҚК устав фондидаги улушларини (жами 50 фоиз) Ўзбекистон Республикаси Инвестиция ва ташқи савдо вазирлиги ҳузуридаги Инвестиция лойиҳаларини ишлаб чиқиш марказига беғараз бериш тўғрисидаги таклифига розилик берилсин.
3. Ўзбекистон Республикаси Инвестициялар ва ташқи савдо вазирлиги Давлат активларини бошқариш агентлиги билан биргаликда «УорлиПарсонс Ўзбекистон инжиниринг» МЧЖ ҚК устав фондидаги Инвестиция лойиҳаларини ишлаб чиқиш марказининг 0,1 фоиз улушини «Worley» компаниясининг шуъба хўжалик жамияти «Intecsea B.V.» (Нидерландия Қироллиги) компаниясига сотиш масаласини «УорлиПарсонс Ўзбекистон инжиниринг» МЧЖ ҚК иштирокчиларининг умумий йиғилишида кўриб чиқиш бўйича белгиланган тартибда тегишли чоралар кўрсин.
4. Вазирлар Маҳкамасининг «Хорижий инвестициялар иштирокидаги «УорлиПарсонс Ўзбекистон Инжиниринг» корхонасини ташкил этиш тўғрисида» 2011 йил 31 мартдаги 95-сон қарори 2-бандининг «б» кичик банди ўз кучини йўқотган деб ҳисоблансин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари ― инвестициялар ва ташқи савдо вазири С.У. Умурзаков зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 16 июль,
445-сон
Oʻzbekiston Respublikasi Vazirlar Mahkamasining
qarori
Istiqbolli investitsiya loyihalarini ishlab chiqish tartibini takomillashtirishga doir qoʻshimcha chora-tadbirlar toʻgʻrisida
Oʻzbekiston Respublikasi Prezidentining “Oʻzbekiston Respublikasi Investitsiyalar va tashqi savdo vazirligi faoliyatini takomillashtirishga oid qoʻshimcha chora-tadbirlar toʻgʻrisida” 2019-yil 23-maydagi PQ-4332-son qaroriga muvofiq salohiyatli xorijiy investorlarga taqdim etiladigan istiqbolli investitsiya loyihalarini ishlab chiqish sifatini va samaradorligini oshirish, loyihalashtirish jarayoniga ilgʻor xorijiy tajribaga asoslangan zamonaviy usullarni joriy etish hamda loyiha institutlari faoliyati uchun teng sharoitlarni yaratish maqsadida Vazirlar Mahkamasi qaror qiladi:
1. Quyidagilar:
Vazirlar Mahkamasining “Xorijiy investitsiyalar ishtirokidagi “UorliParsons Oʻzbekiston Injiniring” korxonasini tashkil etish toʻgʻrisida” 2011-yil 31-martdagi 95-son qaroriga asosan Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Moliya vazirligi va “Oʻzbekneftgaz” AJning “UorliParsons Niderlands BV” kompaniyasi bilan birgalikda “UorliParsons Oʻzbekiston injiniring” qoʻshma korxonasini tashkil etish toʻgʻrisidagi taklifiga rozilik berilganligi;
“Oʻzogʻirneftgazkimyoloyiha” instituti, “OʻzLITIneftgaz” AJ bilan “UorliParsons Niderlands BV” kompaniyasi oʻrtasida 2011-yil 17-fevralda ustav fondi 200 ming AQSH dollari mikdoridagi masʼuliyati cheklangan jamiyat shaklida “UorliParsons Oʻzbekiston injiniring” qoʻshma korxonasini (keyingi oʻrinlarda ― “UorliParsons Oʻzbekiston injiniring” MCHJ QK) tashkil etish toʻgʻrisida bitim imzolanganligi;
Oʻzbekiston Respublikasi Prezidentining “Iqtisodiyotning bazaviy tarmoqlarida loyiha ishlari samaradorligini oshirish chora-tadbirlari toʻgʻrisida” 2017-yil 14-martdagi PQ-2831-son karoriga asosan Oʻzbekiston Respublikasi Iqtisodiy taraqqiyot va kambagallikni qisqartirish vazirligi huzuridagi “Oʻzogʻirneftgazkimyoloyiha” ― Oʻzbekiston elektroenergetika, neft va gazni qayta ishlash, kimyo va ogir sanoat davlat loyiha instituti ― Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha institutiga aylantirilganligi;
“OʻzInjiniring” Respublika loyiha institutining “UorliParsons Oʻzbekiston injiniring” MCHJ QK ustav fondidagi ulushi 25 foizni, “OʻzLITIneftgaz” AJning ulushi 25 foizni, “UorliParsons Niderlands BV” kompaniyasining ulushi 50 foizni tashkil etganligi;
2017-yil 28-iyunda “UorliParsons Niderlands BV” kompaniyasi “Intecsea Group B.V.” (Niderlandiya Qirolligi) kompaniyasi tarkibiga qoʻshilganligi;
2017-yil 30-iyunda “Intecsea Group B.V.” (Niderlandiya Qirolligi) kompaniyasi “Intecsea B.V.” (Niderlandiya Qirolligi) kompaniyasi tarkibiga qoʻshilganligi;
“UorliParsons Oʻzbekiston injiniring” MCHJ QK ishtirokchilarining navbatdan tashkari umumiy yigʻilishining 2017-yil 17-oktabrdagi 36-son qaroriga asosan “UorliParsons Oʻzbekiston injiniring” MCHJ QK taʼsischilarining roʻyxatiga “UorliParsons Niderlands BV” kompaniyasi oʻrniga “Intecsea B.V.” (Niderlandiya Qirolligi) kompaniyasi kiritilganligi maʼlumot uchun qabul qilinsin.
2. Oʻzbekiston Respublikasi Investitsiyalar va tashqi savdo vazirligi, Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha instituti va “OʻzLITIneftegaz” AJning “UorliParsons Oʻzbekiston injiniring” MCHJ QK ustav fondidagi ulushlarini (jami 50 foiz) Oʻzbekiston Respublikasi Investitsiya va tashqi savdo vazirligi huzuridagi Investitsiya loyihalarini ishlab chiqish markaziga begʻaraz berish toʻgʻrisidagi taklifiga rozilik berilsin.
3. Oʻzbekiston Respublikasi Investitsiyalar va tashqi savdo vazirligi Davlat aktivlarini boshqarish agentligi bilan birgalikda “UorliParsons Oʻzbekiston injiniring” MCHJ QK ustav fondidagi Investitsiya loyihalarini ishlab chiqish markazining 0,1 foiz ulushini “Worley” kompaniyasining shuʼba xoʻjalik jamiyati “Intecsea B.V.” (Niderlandiya Qirolligi) kompaniyasiga sotish masalasini “UorliParsons Oʻzbekiston injiniring” MCHJ QK ishtirokchilarining umumiy yigʻilishida koʻrib chiqish boʻyicha belgilangan tartibda tegishli choralar koʻrsin.
4. Vazirlar Mahkamasining “Xorijiy investitsiyalar ishtirokidagi “UorliParsons Oʻzbekiston Injiniring” korxonasini tashkil etish toʻgʻrisida” 2011-yil 31-martdagi 95-son qarori 2-bandining “b” kichik bandi oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari ― investitsiyalar va tashqi savdo vaziri S.U. Umurzakov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 16-iyul,
445-son