UzbekAI

Ўзбекистон Республикаси Давлат божхона қўмитаси Ўзбекистон Республикаси Энергетика вазирлигининг

Қарори

НИЗОМ

Ўзбекистон Республикаси божхона чегарасидан электр узатиш тармоқлари орқали ўтказилаётган электр энергиясини божхона назорати ва божхона расмийлаштирувидан ўтказиш тартиби тўғрисидаги низомни тасдиқлаш ҳақида

Ўзбекистон Республикаси Божхона кодекси ва Ўзбекистон Республикаси Вазирлар Маҳкамасининг 2004 йил 9 февралдаги 73-ф-сон фармойишига мувофиқ Ўзбекистон Республикаси Давлат божхона қўмитаси ва Энергетика вазирлиги қарор қилади:

1. Ўзбекистон Республикаси божхона чегарасидан электр узатиш тармоқлари орқали ўтказилаётган электр энергиясини божхона назорати ва божхона расмийлаштирувидан ўтказиш тартиби тўғрисидаги низом иловага мувофиқ тасдиқлансин.

2. Мазкур қарор расмий эълон қилинган кундан эътиборан кучга киради.

Ўзбекистон Республикаси Давлат божхона қўмитаси ва Энергетика вазирлигининг 2020 йил 15 июндаги 01-02/12-19, 01-05-4-3202-сон қарорига ИЛОВА

Мазкур Низом Ўзбекистон Республикаси Божхона кодексига мувофиқ Ўзбекистон Республикаси божхона чегарасидан электр узатиш тармоқлари орқали ўтказилаётган электр энергиясини божхона назорати ва божхона расмийлаштирувидан ўтказиш тартибини белгилайди.

1-боб. Умумий қоида

1. Мазкур Низомда қуйидаги асосий тушунчалар фойдаланилади:

электр энергияси — товарнинг бир вақтнинг ўзида ишлаб чиқарилиши (сақланиши) ва истеъмол қилиниши билан тавсифланадиган алоҳида тури ;

ҳисоб-китоб даври — электр энергияси узатиш ва қабул қилиш амалга ошириладиган вақт оралиғи (календар ой);

электр энергиясининг ҳисобини юритувчи асбоблар — электр узатиш тармоқлари орқали ўтган электр энергияси ҳажмини аниқлаш учун энергетика объектларига ўрнатилган ҳисоблагичлар;

божхона назорати жойи — давлатлараро электр узатиш тармоғидаги электр энергиясининг ҳисобини юритувчи асбоблар ўрнатилган жой;

энергетика объекти — электр станциялари, нимстанциялар, тақсимлаш қурилмалари, электр узатиш тармоқлари ва бошқа электр энергиясининг ҳисобини юритувчи ҳисоблагичлар ўрнатилган иншоот ва қурилмалар;

энергетика тизими — тезкор-диспетчерлик бошқаруви остида электр энергиясини ишлаб чиқариш, узатиш, тақсимлаш ва истеъмол қилиш бўйича узлуксиз технологик жараёнининг умумий режими билан ўзаро боғлиқ бўлган энергетика объектлари мажмуи;

энергия таъминоти ташкилоти — шартнома асосида энергияни сотиш ва тақсимлаш ҳуқуқига эга бўлган юридик шахс;

Марказий Осиё бирлашган энергетика тизими (МО БЭТ) — электр узатиш линиялари билан боғланган ягона энергетика режимида ишловчи Марказий Осиё давлатлари энергетика тизимлари бирлашмаси;

давлатлар энергетика тизимларининг параллел ишлаш режими — ягона электр режими билан боғланган электр энергиясини режали ҳамда/ёки технологик (режадан ташқари) узатилишида давлатлар энергия тизимларининг параллел ишлаш жараёни;

«Энергия» МДМ — Марказий Осиё ҳудудидаги тегишли аъзо давлатларининг «Энергия» мувофиқлаштириш-диспетчерлик маркази;

электр энергиясининг давлатлараро техник оқимлари — божхона чегараларидан давлатларнинг ўзаро боғланган энергия тизимлари орқали ўтган электр энергияси оқимлари;

энергия тизими бўйича электр энергиясининг қолдиқ оқими — ҳисоб-китоб даврида амалда ишлаб турган барча кучланиш тоифасидаги давлатлараро электр узатиш линиялари орқали оқиб ўтган электр энергияси техник оқимларининг алгебраик йиғиндиси;

МО БЭТ давлатлари — тегишли энергетик тизимларининг электр энергиясини ўзаро етказиб бериш шартномалари ва параллел ишлаш шартлари асосида, уларнинг ҳақиқатда амалга ошган (тезкор ёки амалда) қолдиқ-оқимларининг «Энергия» МДМ томонидан тақсимланган электр энергияси оқимлари миқдори;

бошқа чегарадош давлатлар — Ўзбекистон Республикаси божхона чегараси орқали электр энергияси оқимларини амалга ошириш ваколатига эга бўлган тегишли энергетика ташкилоти томонидан аниқланган оқимлар;

энергетика тизимлари ўртасида электр энергиясининг технологик (режадан ташқари) оқимлари — давлатларнинг параллел ишловчи энергетика тизимлари ўртасида ҳисоб-китоб даври учун шартномавий миқдоридан ортиқча узатилган ёки қабул қилинган электр энергияси ҳажмлари, шу жумладан:

электр энергияси параметрларини белгиланган меъёрларда ушлаб туриш ҳамда ростлаш (тартибга солиш) жараёнида вужудга келган электр энергияси оқимлари;

оқимлар бўйича тезкор ва амалдаги маълумотлар ўртасидаги фарқ;

давлатлар энергетика тизимлари ўртасида авария ҳолатларини олдини олиш, бартараф этиш ёки тугатиш мақсадида вужудга келадиган электр энергияси оқимлари;

электр энергияни ташиш учун технологик сарф — технологик ва физик жараёнларда ҳосил бўладиган ўзига хос хусусиятлар билан шартланган электр энергияси сарфи;

назорат божхона пости — божхона назорати жойидаги ҳудудда жойлашган Ўзбекистон Республикаси божхона чегараси орқали электр энергиясини ҳақиқатда узатилиши устидан назоратни амалга оширувчи божхона пости;

божхона расмийлаштируви пости — электр энергиясининг тижорат ва технологик (режадан ташқари) узатилишларининг ҳужжатли расмийлаштирувини амалга оширадиган божхона пости.

2-боб. Электр энергиясини божхона чегараси орқали олиб ўтилиши устидан божхона назорати

2. Ўзбекистон Республикаси божхона чегарасидан электр энергиясини узатиш тармоқлари орқали электр энергиясининг олиб ўтилиши устидан божхона назорати назорат божхона пости ходимлари томонидан божхона назорати жойларида электр энергиясининг ҳисобини юритувчи асбоблардан кўрсаткичларни олишда иштирок этиш, божхона мақсадлари учун ҳисоб ва ҳисобот тизимини, ҳужжат ва маълумотларни текшириш йўли билан амалга оширилади.

Божхона назорати жойлари Энергетика вазирлиги томонидан Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси билан келишилган ҳолда мазкур Низомнинг 1-иловасида келтирилган шаклга мувофиқ белгиланади.

3. Электр энергияси ҳисобини юритувчи асбоблардан кўрсаткичларни олиш, ҳар ойда энергетика объектининг масъул вакиллари томонидан ҳисобот ойидан кейинги ойнинг биринчи кунида (ўртача Европа вақти Гринвич меридиани плюс бир соат) Тошкент вақти билан соат 4-00 да божхона назорат пости ходими иштирокида амалга оширилади.

Масъул вакиллари бўлмаган энергетика объектида божхона назорат пости ходими электр энергияси ҳисобини юритувчи асбобларнинг кўрсаткичлари ҳақидаги маълумотларни суткалик диспетчер қайдномаси ва кўрсаткичларни бирламчи қайд этиш журнали билан таққослаб, кўрилган ҳужжатларни «Текширилди» белгиси ҳамда шахсий муҳри ва имзоси билан тасдиқлайди.

Электр энергияси ҳисобини юритувчи асбобларнинг кўрсаткичлари текширилганидан сўнг энергетика объекти масъул ходими (агар мавжуд бўлмаган тақдирда, тегишли ҳудудий энергетика ташкилоти вакили) томонидан назорат божхона пости ходимининг иштирокида мазкур Низомнинг 2-иловасига мувофиқ шаклда уч нусхада далолатнома расмийлаштирилади.

Далолатноманинг нусхалари тегишли равишда энергетика объектига, назорат божхона постига ва «Ўзбекистон миллий электр тармоқлари» аколциядорлик жамиятига (бундан буён матнда Ўзбекистон МЭТ деб юритилади) юборилади.

Энергетика тизимлари электр тармоқларининг бўлиниш чегараси тегишлилик баланс бўйича электр энергиясини узатиш линиясининг маълум нуқтасида жойлашганда, Ўзбекистон Республикаси божхона чегараси орқали узатилган электр энергияси ҳажми, унинг бўлиниш чегарасидан ҳисобни юритиш асбоби ўрнатилган жойигача бўлган қисми учун сарфланган технологик сарф миқдорини инобатга олган ҳолда ҳисобланади.

Ўзбекистон МЭТ электр энергиясининг давлатлараро техник оқимлари ҳисобини юритиш асбоблари кўрсаткичларини олиш тўғрисидаги далолатномага ва (ёки) бошқа тасдиқловчи ҳужжатларга асосан энергетика тизими бўйича жами қолдиқ оқими ҳисобини аниқлайди ва ҳисобини юритади.

4. МО БЭТ аъзо давлатлар энергетика тизимлари ўртасидаги шартномалар ва параллел ишлаш шартларига мувофиқ «Энергия» МДМ, энергетика тизимининг ҳисобот давридаги энергетика тизими бўйича электр энергиясининг қолдиғига асосан тижорат оқимлари ҳажмларини (экспорт, импорт) аниқлайди.

«Энергия» МДМ электр энергияси тижорат оқимлари бўйича маълумотларни марказ раҳбарининг имзоси ва муҳри билан тасдиқлаб, уни барча МО БЭТ энергетика тизимларига юборади.

Ўзбекистон Республикаси божхона чегаралари орқали электр энергияси узатиш ва қабул қилиш ваколатига эга тегишли энергетика ташкилоти ҳам ўз навбатида, ҳисоб-китоб даврида амалга оширилган давлатлараро электр энергияси тижорат оқимлари бўйича маълумотларни раҳбарнинг имзоси ва корхона муҳри билан тасдиқлаган ҳолда Ўзбекистон МЭТга тақдим этади.

«Энергия» МДМ ва Ўзбекистон Республикаси божхона чегаралари орқали электр энергиясини узатиш ва қабул қилиш ваколатига эга тегишли энергия таъминоти ташкилотининг маълумотларига асосан мазкур Низомнинг 3-иловасига мувофиқ шаклда далолатнома расмийлаштирилади.

3-боб. Божхона идентификацияси воситаларини қўйиш ва олиш тартиби

5. Божхона идентификацияси воситаларини қўйиш ва ечиб олиш божхона назорати жойларида назорат божхона пости ходими томонидан энергетика объекти масъул вакиллари (агар мавжуд бўлмаса, Ўзбекистон МЭТнинг тегишли ҳудудий бўлинмаси вакиллари) иштирокида амалга оширилади.

6. Божхона пломбалари энергетика ташкилотининг пломбалари қўйилган нуқталарга, ҳисобга олиш занжирлари қисқичли йиғмаларига ва электр энергиясини ҳисобга олиш асбобларининг сиқиш қутиларига энергетика хавфсизлиги талабларига риоя қилган ҳолда қўйилади.

Божхона пломбаларини ҳисобга олиш занжири қисқичли йиғмаларига ва электр энергиясини ҳисобга олиш асбобларининг сиқиш қутиларига қўйишдан ёхуд уларни ечиб олишдан ёки алмаштиришдан олдин энергетика объекти масъул ходимлари (агар мавжуд бўлмаса, Ўзбекистон МЭТнинг тегишли ҳудудий бўлинмаси вакиллари) пломба қўйиш жойларини тайёрлайдилар.

7. Назорат божхона пости ходими ушбу Низомнинг 4-иловасига мувофиқ шаклдаги далолатномани 3 нусхада расмийлаштирган ҳолда пломбаларни қўяди.

Далолатноманинг бир нусхаси назорат божхона постида, иккинчи нусхаси энергетика объектида ёки Ўзбекистон МЭТнинг тегишли ҳудудий бўлинмасида сақланади, учинчи нусхаси эса — божхона расмийлаштируви постига юборилади.

8. Божхона пломбалари фақатгина Ўзбекистон Республикасининг божхона органлари томонидан ёки уларнинг рухсати билан ечилиши мумкин, бундан узатилаётган электр энергиясини ҳисобга олиш тизимининг иш меъёри бузилиши билан боғлиқ ҳаққоний хавф-хатар мавжуд бўлган ҳоллар мустасно.

Божхона пломбаларининг бузилганлиги ҳақида уларнинг сақланиши учун масъул шахс бузилишлар аниқланган вақтдан бошлаб бир сутка мобайнида назорат божхона постига бузилишлар сабаблари ҳақида ёзма хабар қилади.

9. Электр энергиясининг ҳисобини юритувчи асбобларни текшириш ёки алмаштириш, ёхуд божхона пломбалари бутлигининг бузилишлари талаб этадиган бошқа ишларни амалга ошириш зарурати туғилганда, божхона пломбаларининг сақланиши учун масъул шахслар назорат божхона постини ушбу ишлар олиб борилиши ҳақида, шу жумладан уларнинг бошланиш ва якунланиш саналарини кўрсатган ҳолда, камида бир кун олдин хабардор қиладилар.

Божхона пломбасини ечиб олиш назорат божхона пости ходими томонидан энергетика объекти масъул ходимлари (агар мавжуд бўлмаса, Ўзбекистон МЭТнинг тегишли ҳудудий бўлинмаси вакиллари) иштирокида мазкур Низомнинг 5-иловасига мувофиқ шаклдаги далолатномани 3 нусхада тузган ҳолда амалга оширилади. Далолатноманинг биринчи нусхаси назорат божхона постида, иккинчи нусхаси энергетика объектда сақланади, учинчи нусхаси эса божхона расмийлаштируви постига юборилади.

Электр энергиясининг ҳисобини юритувчи асбобларни текшириш ёки алмаштириш, ёхуд божхона пломбалари бутлигининг бузилишлари талаб этадиган бошқа ишларни амалга ошириш тугатилганидан сўнг, назорат божхона пости ходими мазкур Низомнинг 5 — 7-бандларида белгиланган тартибда янги божхона пломбаларини ўрнатади.

4-боб. Электр энергиясини декларациялаш ва божхона расмийлаштируви

10. Ҳисоб-китоб даврида амалга оширилган барча электр энергиясининг тижорат ва технологик (режадан ташқари) оқимлари декларацияланиши лозим .

11. Электр энергиясининг божхона расмийлаштируви божхона расмийлаштируви постида амалга оширилади.

12. Энергия таъминоти ташкилоти ҳисоб-китоб даври тугаган ойдан кейинги ойнинг ўнинчи санасидан кечиктирмасдан мазкур Низомнинг 3-иловасида келтирилган далолатномага асосан божхона расмийлаштируви постига қоғоз ёки электрон шаклдаги божхона юк декларациясини (бундан буён матнда БЮД деб юритилади) тақдим этади .

Қуйидагилар мавжуд бўлмаганда муваққат божхона юк декларациясини (бундан буён матнда МБЮД деб юритилади) тақдим этишга рухсат этилади :

Ўзбекистон Республикаси томонидан имзоланган халқаро шартномалар;

Ўзбекистон Республикаси Вазирлар Маҳкамасининг қарорлари;

қувур транспорти ва электр энергия узатиш тармоқлари орқали ҳақиқатда узатилган маҳсулотнинг ҳажми ва қийматини аниқлаш имконияти;

контрактларни (шартномаларни, келишувларни) ваколатли органларда рўйхатдан ўтказиш.

13. Электр энергияси қиймати декларант томонидан тақдим қилинган қиймат ёки олди-сотди шартномаси асосида аниқланади.

14. МБЮД мазкур Низомнинг 3-иловасида келтирилган далолатномага асосан тўлдирилади.

15. МБЮД маълум қилинаётган божхона режимига нисбатан амалда бўлган Божхона юк декларациясини тўлдириш тартиби тўғрисидаги йўриқномага (рўйхат рақами 2773, 2016 йил 6 апрель) (бундан буён матнда Йўриқнома деб юритилади) мувофиқ тўлдирилади.

16. МБЮДнинг 1-графасининг тўлдирилиши қуйидаги ўзига хос хусусиятларга эга:

1-графа «Декларация тури».

Графанинг биринчи бўлмасида товарларни олиб ўтиш йўналиши кўрсатилади — «ВД».

Графанинг иккинчи бўлмасида Йўриқноманинг 3-иловасида келтирилган Божхона режимлари таснифлагичига мувофиқ божхона режимининг икки рақамли коди кўрсатилади.

17. МБЮД тақдим этилганда БЮДни тақдим этиш муддати МБЮДда келтирилган товарларни етказиб бериш ҳисобот ойи тугаган кундан бошлаб тўқсон календарь кундан ошмаслиги лозим .

18. МБЮД БЮД расмийлаштирилгандан сўнг, унинг ажралмас қисми бўлиб ҳисобланади.

19. БЮД маълум қилинган божхона режимига мувофиқ, Йўриқнома талаблари асосида қуйидаги хусусиятларни инобатга олган ҳолда тўлдирилади:

1) 1-графа. «Декларация тури».

Графанинг биринчи бўлмасида товарларни олиб ўтиш йўналиши кўрсатилади.

Графанинг иккинчи бўлмасида Божхона режимлари таснифлагичига мувофиқ божхона режимининг икки рақамли коди кўрсатилади.

Графанинг учинчи бўлмасида «ПВД» белгиси кўрсатилади.

2) 7-графа. «БЮДнинг рўйхат рақами».

Графада ВБЮДнинг рўйхат рақами кўрсатилади.

3) 37-графа. «Процедура».

Графанинг охирги учта рақамига — «071» коди кўрсатилади.

20. Ташқи савдо божхона статистикаси ҳамда ташқи савдо операциялари мониторингини ва валюта назоратини амалга ошириш учун фақатгина БЮДлар ҳисобга олинади. Ташқи савдо бўйича маълумотларни тезкор равишда ҳисобга олиш мақсадида МБЮДда мавжуд бўлган маълумотлардан фойдаланиш мумкин.

5-боб. Энергия узатиш тармоқлари орқали транзит тарзда узатиладиган электр энергиясини расмийлаштириш хусусиятлари

21. Давлатларнинг энергетика тизимлари бир вақтнинг ўзида ишлаган шароитда Ўзбекистон Республикаси божхона ҳудудидан давлатлараро электр энергиясини узатиш тармоқлари орқали узатиладиган электр энергиясининг транзити МБЮД ёки БЮД тақдим этилмаган ҳолда амалга оширилади.

22. Божхона муносабатларида транзит бўйича хизматлар кўрсатиш жўнатувчи ва қабул қилувчи давлатлар, ҳисоб-китоб даври учун узатишлар ҳажмлари, электр энергиясининг шартли қиймати тўғрисидаги маълумотларни тақдим этиш йўли билан расмийлаштирилади.

6-боб. Божхона тўловларини тўлаш

23. Бир календарь ой мобайнида электр энергияси узатиш тармоқлари орқали божхона чегарасидан олиб ўтилган маҳсулотлар учун божхона тўловлари БЮД ёки МБЮД тақдим этилган кундан кечиктирмаган ҳолда маҳсулотларни етказиб бериш ойининг охирги кунида амалда бўлган божхона тўловлари ставкаларига кўра Ўзбекистон Республикасининг миллий валютасида тўланади .

Бунда, бир календарь ой мобайнида электр энергияси узатиш тармоқлари орқали олиб ўтилган маҳсулотларнинг қиймати божхона тўловларини ҳисоблаб чиқиш учун Ўзбекистон Республикаси Марказий банки томонидан маҳсулотларни етказиб бериш ойининг охирги кунида белгиланган валюталарни расмий айирбошлаш курси бўйича аниқланади .

24. Маълумотларга аниқлик киритиш натижасида тўланиши лозим бўлган божхона тўловларининг миқдори ошадиган бўлса, уларнинг қўшимча тўлови БЮДни тақдим этиш билан бир вақтда амалга оширилиши лозим. Бу ҳолда пеня ҳисобланмайди .

7-боб. Якуний қоидалар

25. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

26. Мазкур Низом Ўзбекистон Республикаси Савдо-саноат палатаси билан келишилган.

ТАСДИҚЛАЙМАН Ўзбекистон Республикаси энергетика вазири (ўринбосари) _________________ _________________ Ўзбекистон Республикаси божхона чегараси орқали узатиладиган электр энергиясининг божхона назорати жойлари Т/р Божхона назорати жойининг номи (манзили) Электр энергияси узатиш тармоғининг номланиши Ҳисобни юритиш асбоби ўрнатилган жой, кучланиш тоифаси Электр энергиясини узатиш йўналиши Уланган электр узатиш тармоқлари орқали ўзаро ҳамкорлик қилувчи корхона номи Назорат божхона пости Давлат (қабул, узатиш) КЕЛИШИЛДИ Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси раиси (ўринбосари) _______________________ _______________________

Электр энергиясининг давлатлараро техник узатишлари ҳисобини юритиш асбоблари кўрсаткичларини олиш тўғрисидаги ДАЛОЛАТНОМА 20__й. _______________ учун Ним станциялар номи Ҳисоблагич _____ - сон Трансформация коэффициенти Ҳисоблагич кўрсаткичлари Фарқи (5-4) Э лектр энергия сарфи, кВТ / с (3*6) боши охири 1 2 3 4 5 6 7 Бериш: Ним станция 1. 2. 3. Электр энергиясини ташиш учун технологик харажат Қабул қилиш: Ним станция: 1. 2. 3. Электр энергиясини ташиш учун технологик харажат Энергетика объекти вакили ______________________________________________ (имзо, Ф.И.О.) Назорат божхона пости ходими ______________________________________________ (имзо, Ф.И.О.)

Электр энергиясининг давлатлараро тижорат узатилиши тўғрисида ДАЛОЛАТНОМА 20__йил _______________учун _____________________________________ (ташкилот номи) Т/р Шартнома рақами ва санаси Бир йилда тузилган шартномалар ҳажми Электр энергия етказиб берилган ой Ҳақиқатда экспорт (импорт) қилинган кВт.с сумма, АҚШ доллари кВт.с сумма, АҚШ доллари миллий валюта ЖАМИ: Энергия таъминоти ташкилоти раҳбари (ўринбосари) __________________

‎‎Электр энергиясининг ҳисоблагичлари ва уларнинг қисқичли йиғмаларига божхона ‎органи пломбаларини қўйиш тўғрисидаги ‎ ДАЛОЛАТНОМА ‎ ‎ ‎ Ушбу далолатнома мен (биз) __________________________________________________________томонидан ‎(Ф.И.О, лавозими) ‎ ___________________________________________________________________________________________ ‎(Ф.И.О, лавозими) ‎ ________________________________________________________________________________ иштирокида ‎(Ф.И.О, лавозими) ‎_________________________________________ да _____________________________________________ га ‎‎(сана, ой, йил ) ‎‎(ҳисобга олиш асбоби номи) ‎‎ҳисобга олиш занжирлари қисқичли йиғмаларига ва электр энергиясини ҳисобга олиш асбобларининг сиқиш қутиларига пломбалар қўйилганлиги ҳақида тузилди. ‎ Т/р‎‏ Ҳисобга олиш объектининг номи‎‎‏ Ҳисоблагич аниқлигининг тури ва класси ‎‎‏ Ҳисоблагич рақами‎‎‎ Божхона пломбаси изи‎‎‏ Божхона пломбаси сони‎‎‏ узатишда‎‎ қабул қилишда‎‎ ‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ Идентификациялаш воситалари (божхона плобмалари)ни қўйиш вақтидаги ҳисоблагич кўрсаткичлари ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р‎ Ҳисоблагич рақами‎‎‎ Ҳисоблагич кўрсаткичлари‎‎ Изоҳлар‎‎ ‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Юқорида кўрсатилган божхона назорати остидаги ҳисобга олиш асбобларидаги (ҳисоблагичлар)___________________________________________________________________________________________ ‎‎(ҳисобга олиш асбобини номи) ‎‎пломбалар ечилиши ва ҳисобга олиш асбобининг о�илиши фақатгина божхона органи раҳбариятини хабардор қилган ҳолда божхона органи ходимининг иштирокида амалга оширилсин. ‎Тезкор навбатчининг хизмат телефони_________________________________________________________ ‎Телефон рақами: _______________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________________________‎‎‎ ___________________________ ‎‎‎ ‎‎ ___________________________ ‎‎‎ ‎‎ (божхона органи ходими лавозим) ‎‎ (Имзо) ‎‎ (Ф.И.О) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________________________‎‎ ___________________________‎‎ ___________________________ ‎‎ (энергетика объекти вакили лавозими) ‎‎ (Имзо) ‎‎ ‎‎ (Ф.И.О) ‎‎ ‎‎

‎Божхона пломбаларини ечиш тўғрисидаги ‎ДАЛОЛАТНОМА ‎ ‎ ‎ Ушбу далолатнома мен (биз) __________________________________________________________томонидан ‎(Ф.И.О, лавозими) ‎ ___________________________________________________________________________________________ ‎(Ф.И.О, лавозими) ‎ ________________________________________________________________________________ иштирокида ‎(Ф.И.О, лавозими) ‎_________________________________________ да _____________________________________________ га ‎‎(сана, ой, йил ) ‎‎(ҳисобга олиш асбоби номи) ‎‎___________________________________________________________________________________________ ‎______________________________________________________________________нинг мурожаатига асосан ‎‎(Ф.И.О, лавозими) ‎ ‎ ‎ ‎ ‎ ‎ ‎‎____________________________________________________________нинг электр энергиясини ҳисобга олиш ‎ асбоблари (ҳисоблагичар), электр энергиясини ҳисобга олиш занжирлари қисқичли йиғмаларидан божхона органи пломбалари ечиб олинганлиги ҳақида тузилди. ‎Божхона органи пломбаси ечилиши учун сабаб ____________________________________________________ ‎___________________________________________________________________________________________ ‎ __________________________________________________________________________________________ ‎ __________________________________________________________________________________________ ‎ __________________________________________________________________________________________ ___________________________________________________________________________________________ ‎___________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р‎ Ҳисоблагич рақами‎‎‎ Ҳисоблагич кўрсаткичлари‎‎ Изоҳлар‎‎ ‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________________________‎‎‎ ___________________________ ‎‎‎ ‎‎ ___________________________ ‎‎‎ ‎‎ (божхона органи ходими лавозим) ‎‎ (Имзо) ‎‎ (Ф.И.О) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________________________‎‎ ___________________________‎‎ ___________________________ ‎‎ (энергетика объекти вакили лавозими) ‎‎ (Имзо) ‎‎ ‎‎ (Ф.И.О) ‎‎ ‎‎

Давлат Божхона қўмитаси раиси М. АЗИМОВ

Энергетика вазири А. СУЛТАНОВ

Ўзбекистон Республикаси Савдо-саноат палатаси раиси А. ИКРАМОВ

Тошкент ш.,

2020 йил 15 июнь,

Тошкент ш.,

2020 йил 15 июнь,

2020 йил 12 июнь

01-02/12-19-сон

01-05-4-3202-сон

(Қонун ҳужжатлари маълумотлари миллий базаси, 30.06.2020 й., 10/20/3265/1109-сон; Қонунчилик маълумотлари миллий базаси, 28.07.2021 й., 10/21/3313/0724-сон; 19.08.2024 й., 10/24/3552/0630-сон; 30.11.2024 й., 10/24/3265-1/0987-сон)

lex.uz

Oʻzbekiston Respublikasi Davlat bojxona qoʻmitasi Oʻzbekiston Respublikasi Energetika vazirligining

Qarori

NIZOM

Oʻzbekiston Respublikasi bojxona chegarasidan elektr uzatish tarmoqlari orqali oʻtkazilayotgan elektr energiyasini bojxona nazorati va bojxona rasmiylashtiruvidan oʻtkazish tartibi toʻgʻrisidagi nizomni tasdiqlash haqida

Oʻzbekiston Respublikasi Bojxona kodeksi va Oʻzbekiston Respublikasi Vazirlar Mahkamasining 2004-yil 9-fevraldagi 73-f-son farmoyishiga muvofiq Oʻzbekiston Respublikasi Davlat bojxona qoʻmitasi va Energetika vazirligi qaror qiladi:

1. Oʻzbekiston Respublikasi bojxona chegarasidan elektr uzatish tarmoqlari orqali oʻtkazilayotgan elektr energiyasini bojxona nazorati va bojxona rasmiylashtiruvidan oʻtkazish tartibi toʻgʻrisidagi nizom ilovaga muvofiq tasdiqlansin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Davlat bojxona qoʻmitasi va Energetika vazirligining 2020-yil 15-iyundagi 01-02/12-19, 01-05-4-3202-son qaroriga ILOVA

Oʻzbekiston Respublikasi bojxona chegarasidan elektr uzatish tarmoqlari orqali oʻtkazilayotgan elektr energiyasini bojxona nazorati va bojxona rasmiylashtiruvidan oʻtkazish tartibi toʻgʻrisida

Mazkur Nizom Oʻzbekiston Respublikasi Bojxona kodeksiga muvofiq Oʻzbekiston Respublikasi bojxona chegarasidan elektr uzatish tarmoqlari orqali oʻtkazilayotgan elektr energiyasini bojxona nazorati va bojxona rasmiylashtiruvidan oʻtkazish tartibini belgilaydi.

1-bob. Umumiy qoida

1. Mazkur Nizomda quyidagi asosiy tushunchalar foydalaniladi:

elektr energiyasi — tovarning bir vaqtning oʻzida ishlab chiqarilishi (saqlanishi) va isteʼmol qilinishi bilan tavsiflanadigan alohida turi ;

hisob-kitob davri — elektr energiyasi uzatish va qabul qilish amalga oshiriladigan vaqt oraligʻi (kalendar oy);

elektr energiyasining hisobini yurituvchi asboblar — elektr uzatish tarmoqlari orqali oʻtgan elektr energiyasi hajmini aniqlash uchun energetika obyektlariga oʻrnatilgan hisoblagichlar;

bojxona nazorati joyi — davlatlararo elektr uzatish tarmogʻidagi elektr energiyasining hisobini yurituvchi asboblar oʻrnatilgan joy;

energetika obyekti — elektr stansiyalari, nimstansiyalar, taqsimlash qurilmalari, elektr uzatish tarmoqlari va boshqa elektr energiyasining hisobini yurituvchi hisoblagichlar oʻrnatilgan inshoot va qurilmalar;

energetika tizimi — tezkor-dispetcherlik boshqaruvi ostida elektr energiyasini ishlab chiqarish, uzatish, taqsimlash va isteʼmol qilish boʻyicha uzluksiz texnologik jarayonining umumiy rejimi bilan oʻzaro bogʻliq boʻlgan energetika obyektlari majmui;

energiya taʼminoti tashkiloti — shartnoma asosida energiyani sotish va taqsimlash huquqiga ega boʻlgan yuridik shaxs;

Markaziy Osiyo birlashgan energetika tizimi (MO BET) — elektr uzatish liniyalari bilan bogʻlangan yagona energetika rejimida ishlovchi Markaziy Osiyo davlatlari energetika tizimlari birlashmasi;

davlatlar energetika tizimlarining parallel ishlash rejimi — yagona elektr rejimi bilan bogʻlangan elektr energiyasini rejali hamda/yoki texnologik (rejadan tashqari) uzatilishida davlatlar energiya tizimlarining parallel ishlash jarayoni;

“Energiya” MDM — Markaziy Osiyo hududidagi tegishli aʼzo davlatlarining “Energiya” muvofiqlashtirish-dispetcherlik markazi;

elektr energiyasining davlatlararo texnik oqimlari — bojxona chegaralaridan davlatlarning oʻzaro bogʻlangan energiya tizimlari orqali oʻtgan elektr energiyasi oqimlari;

energiya tizimi boʻyicha elektr energiyasining qoldiq oqimi — hisob-kitob davrida amalda ishlab turgan barcha kuchlanish toifasidagi davlatlararo elektr uzatish liniyalari orqali oqib oʻtgan elektr energiyasi texnik oqimlarining algebraik yigʻindisi;

MO BET davlatlari — tegishli energetik tizimlarining elektr energiyasini oʻzaro yetkazib berish shartnomalari va parallel ishlash shartlari asosida, ularning haqiqatda amalga oshgan (tezkor yoki amalda) qoldiq-oqimlarining “Energiya” MDM tomonidan taqsimlangan elektr energiyasi oqimlari miqdori;

boshqa chegaradosh davlatlar — Oʻzbekiston Respublikasi bojxona chegarasi orqali elektr energiyasi oqimlarini amalga oshirish vakolatiga ega boʻlgan tegishli energetika tashkiloti tomonidan aniqlangan oqimlar;

energetika tizimlari oʻrtasida elektr energiyasining texnologik (rejadan tashqari) oqimlari — davlatlarning parallel ishlovchi energetika tizimlari oʻrtasida hisob-kitob davri uchun shartnomaviy miqdoridan ortiqcha uzatilgan yoki qabul qilingan elektr energiyasi hajmlari, shu jumladan:

elektr energiyasi parametrlarini belgilangan meʼyorlarda ushlab turish hamda rostlash (tartibga solish) jarayonida vujudga kelgan elektr energiyasi oqimlari;

oqimlar boʻyicha tezkor va amaldagi maʼlumotlar oʻrtasidagi farq;

davlatlar energetika tizimlari oʻrtasida avariya holatlarini oldini olish, bartaraf etish yoki tugatish maqsadida vujudga keladigan elektr energiyasi oqimlari;

elektr energiyani tashish uchun texnologik sarf — texnologik va fizik jarayonlarda hosil boʻladigan oʻziga xos xususiyatlar bilan shartlangan elektr energiyasi sarfi;

nazorat bojxona posti — bojxona nazorati joyidagi hududda joylashgan Oʻzbekiston Respublikasi bojxona chegarasi orqali elektr energiyasini haqiqatda uzatilishi ustidan nazoratni amalga oshiruvchi bojxona posti;

bojxona rasmiylashtiruvi posti — elektr energiyasining tijorat va texnologik (rejadan tashqari) uzatilishlarining hujjatli rasmiylashtiruvini amalga oshiradigan bojxona posti.

2-bob. Elektr energiyasini bojxona chegarasi orqali olib oʻtilishi ustidan bojxona nazorati

2. Oʻzbekiston Respublikasi bojxona chegarasidan elektr energiyasini uzatish tarmoqlari orqali elektr energiyasining olib oʻtilishi ustidan bojxona nazorati nazorat bojxona posti xodimlari tomonidan bojxona nazorati joylarida elektr energiyasining hisobini yurituvchi asboblardan koʻrsatkichlarni olishda ishtirok etish, bojxona maqsadlari uchun hisob va hisobot tizimini, hujjat va maʼlumotlarni tekshirish yoʻli bilan amalga oshiriladi.

Bojxona nazorati joylari Energetika vazirligi tomonidan Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi bilan kelishilgan holda mazkur Nizomning 1-ilovasida keltirilgan shaklga muvofiq belgilanadi.

3. Elektr energiyasi hisobini yurituvchi asboblardan koʻrsatkichlarni olish, har oyda energetika obyektining masʼul vakillari tomonidan hisobot oyidan keyingi oyning birinchi kunida (oʻrtacha Yevropa vaqti Grinvich meridiani plyus bir soat) Toshkent vaqti bilan soat 4-00 da bojxona nazorat posti xodimi ishtirokida amalga oshiriladi.

Masʼul vakillari boʻlmagan energetika obyektida bojxona nazorat posti xodimi elektr energiyasi hisobini yurituvchi asboblarning koʻrsatkichlari haqidagi maʼlumotlarni sutkalik dispetcher qaydnomasi va koʻrsatkichlarni birlamchi qayd etish jurnali bilan taqqoslab, koʻrilgan hujjatlarni “Tekshirildi” belgisi hamda shaxsiy muhri va imzosi bilan tasdiqlaydi.

Elektr energiyasi hisobini yurituvchi asboblarning koʻrsatkichlari tekshirilganidan soʻng energetika obyekti masʼul xodimi (agar mavjud boʻlmagan taqdirda, tegishli hududiy energetika tashkiloti vakili) tomonidan nazorat bojxona posti xodimining ishtirokida mazkur Nizomning 2-ilovasiga muvofiq shaklda uch nusxada dalolatnoma rasmiylashtiriladi.

Dalolatnomaning nusxalari tegishli ravishda energetika obyektiga, nazorat bojxona postiga va “Oʻzbekiston milliy elektr tarmoqlari” akolsiyadorlik jamiyatiga (bundan buyon matnda Oʻzbekiston MET deb yuritiladi) yuboriladi.

Energetika tizimlari elektr tarmoqlarining boʻlinish chegarasi tegishlilik balans boʻyicha elektr energiyasini uzatish liniyasining maʼlum nuqtasida joylashganda, Oʻzbekiston Respublikasi bojxona chegarasi orqali uzatilgan elektr energiyasi hajmi, uning boʻlinish chegarasidan hisobni yuritish asbobi oʻrnatilgan joyigacha boʻlgan qismi uchun sarflangan texnologik sarf miqdorini inobatga olgan holda hisoblanadi.

Oʻzbekiston MET elektr energiyasining davlatlararo texnik oqimlari hisobini yuritish asboblari koʻrsatkichlarini olish toʻgʻrisidagi dalolatnomaga va (yoki) boshqa tasdiqlovchi hujjatlarga asosan energetika tizimi boʻyicha jami qoldiq oqimi hisobini aniqlaydi va hisobini yuritadi.

4. MO BET aʼzo davlatlar energetika tizimlari oʻrtasidagi shartnomalar va parallel ishlash shartlariga muvofiq “Energiya” MDM, energetika tizimining hisobot davridagi energetika tizimi boʻyicha elektr energiyasining qoldigʻiga asosan tijorat oqimlari hajmlarini (eksport, import) aniqlaydi.

“Energiya” MDM elektr energiyasi tijorat oqimlari boʻyicha maʼlumotlarni markaz rahbarining imzosi va muhri bilan tasdiqlab, uni barcha MO BET energetika tizimlariga yuboradi.

Oʻzbekiston Respublikasi bojxona chegaralari orqali elektr energiyasi uzatish va qabul qilish vakolatiga ega tegishli energetika tashkiloti ham oʻz navbatida, hisob-kitob davrida amalga oshirilgan davlatlararo elektr energiyasi tijorat oqimlari boʻyicha maʼlumotlarni rahbarning imzosi va korxona muhri bilan tasdiqlagan holda Oʻzbekiston METga taqdim etadi.

“Energiya” MDM va Oʻzbekiston Respublikasi bojxona chegaralari orqali elektr energiyasini uzatish va qabul qilish vakolatiga ega tegishli energiya taʼminoti tashkilotining maʼlumotlariga asosan mazkur Nizomning 3-ilovasiga muvofiq shaklda dalolatnoma rasmiylashtiriladi.

3-bob. Bojxona identifikatsiyasi vositalarini qoʻyish va olish tartibi

5. Bojxona identifikatsiyasi vositalarini qoʻyish va yechib olish bojxona nazorati joylarida nazorat bojxona posti xodimi tomonidan energetika obyekti masʼul vakillari (agar mavjud boʻlmasa, Oʻzbekiston METning tegishli hududiy boʻlinmasi vakillari) ishtirokida amalga oshiriladi.

6. Bojxona plombalari energetika tashkilotining plombalari qoʻyilgan nuqtalarga, hisobga olish zanjirlari qisqichli yigʻmalariga va elektr energiyasini hisobga olish asboblarining siqish qutilariga energetika xavfsizligi talablariga rioya qilgan holda qoʻyiladi.

Bojxona plombalarini hisobga olish zanjiri qisqichli yigʻmalariga va elektr energiyasini hisobga olish asboblarining siqish qutilariga qoʻyishdan yoxud ularni yechib olishdan yoki almashtirishdan oldin energetika obyekti masʼul xodimlari (agar mavjud boʻlmasa, Oʻzbekiston METning tegishli hududiy boʻlinmasi vakillari) plomba qoʻyish joylarini tayyorlaydilar.

7. Nazorat bojxona posti xodimi ushbu Nizomning 4-ilovasiga muvofiq shakldagi dalolatnomani 3 nusxada rasmiylashtirgan holda plombalarni qoʻyadi.

Dalolatnomaning bir nusxasi nazorat bojxona postida, ikkinchi nusxasi energetika obyektida yoki Oʻzbekiston METning tegishli hududiy boʻlinmasida saqlanadi, uchinchi nusxasi esa — bojxona rasmiylashtiruvi postiga yuboriladi.

8. Bojxona plombalari faqatgina Oʻzbekiston Respublikasining bojxona organlari tomonidan yoki ularning ruxsati bilan yechilishi mumkin, bundan uzatilayotgan elektr energiyasini hisobga olish tizimining ish meʼyori buzilishi bilan bogʻliq haqqoniy xavf-xatar mavjud boʻlgan hollar mustasno.

Bojxona plombalarining buzilganligi haqida ularning saqlanishi uchun masʼul shaxs buzilishlar aniqlangan vaqtdan boshlab bir sutka mobaynida nazorat bojxona postiga buzilishlar sabablari haqida yozma xabar qiladi.

9. Elektr energiyasining hisobini yurituvchi asboblarni tekshirish yoki almashtirish, yoxud bojxona plombalari butligining buzilishlari talab etadigan boshqa ishlarni amalga oshirish zarurati tugʻilganda, bojxona plombalarining saqlanishi uchun masʼul shaxslar nazorat bojxona postini ushbu ishlar olib borilishi haqida, shu jumladan ularning boshlanish va yakunlanish sanalarini koʻrsatgan holda, kamida bir kun oldin xabardor qiladilar.

Bojxona plombasini yechib olish nazorat bojxona posti xodimi tomonidan energetika obyekti masʼul xodimlari (agar mavjud boʻlmasa, Oʻzbekiston METning tegishli hududiy boʻlinmasi vakillari) ishtirokida mazkur Nizomning 5-ilovasiga muvofiq shakldagi dalolatnomani 3 nusxada tuzgan holda amalga oshiriladi. Dalolatnomaning birinchi nusxasi nazorat bojxona postida, ikkinchi nusxasi energetika obyektda saqlanadi, uchinchi nusxasi esa bojxona rasmiylashtiruvi postiga yuboriladi.

Elektr energiyasining hisobini yurituvchi asboblarni tekshirish yoki almashtirish, yoxud bojxona plombalari butligining buzilishlari talab etadigan boshqa ishlarni amalga oshirish tugatilganidan soʻng, nazorat bojxona posti xodimi mazkur Nizomning 5 — 7-bandlarida belgilangan tartibda yangi bojxona plombalarini oʻrnatadi.

4-bob. Elektr energiyasini deklaratsiyalash va bojxona rasmiylashtiruvi

10. Hisob-kitob davrida amalga oshirilgan barcha elektr energiyasining tijorat va texnologik (rejadan tashqari) oqimlari deklaratsiyalanishi lozim .

11. Elektr energiyasining bojxona rasmiylashtiruvi bojxona rasmiylashtiruvi postida amalga oshiriladi.

12. Energiya taʼminoti tashkiloti hisob-kitob davri tugagan oydan keyingi oyning oʻninchi sanasidan kechiktirmasdan mazkur Nizomning 3-ilovasida keltirilgan dalolatnomaga asosan bojxona rasmiylashtiruvi postiga qogʻoz yoki elektron shakldagi bojxona yuk deklaratsiyasini (bundan buyon matnda BYD deb yuritiladi) taqdim etadi .

Quyidagilar mavjud boʻlmaganda muvaqqat bojxona yuk deklaratsiyasini (bundan buyon matnda MBYUD deb yuritiladi) taqdim etishga ruxsat etiladi :

Oʻzbekiston Respublikasi tomonidan imzolangan xalqaro shartnomalar;

Oʻzbekiston Respublikasi Vazirlar Mahkamasining qarorlari;

quvur transporti va elektr energiya uzatish tarmoqlari orqali haqiqatda uzatilgan mahsulotning hajmi va qiymatini aniqlash imkoniyati;

kontraktlarni (shartnomalarni, kelishuvlarni) vakolatli organlarda roʻyxatdan oʻtkazish.

13. Elektr energiyasi qiymati deklarant tomonidan taqdim qilingan qiymat yoki oldi-sotdi shartnomasi asosida aniqlanadi.

14. MBYUD mazkur Nizomning 3-ilovasida keltirilgan dalolatnomaga asosan toʻldiriladi.

15. MBYUD maʼlum qilinayotgan bojxona rejimiga nisbatan amalda boʻlgan Bojxona yuk deklaratsiyasini toʻldirish tartibi toʻgʻrisidagi yoʻriqnomaga (roʻyxat raqami 2773, 2016-yil 6-aprel) (bundan buyon matnda Yoʻriqnoma deb yuritiladi) muvofiq toʻldiriladi.

16. MBYUDning 1-grafasining toʻldirilishi quyidagi oʻziga xos xususiyatlarga ega:

1-grafa “Deklaratsiya turi”.

Grafaning birinchi boʻlmasida tovarlarni olib oʻtish yoʻnalishi koʻrsatiladi — “VD”.

Grafaning ikkinchi boʻlmasida Yoʻriqnomaning 3-ilovasida keltirilgan Bojxona rejimlari tasniflagichiga muvofiq bojxona rejimining ikki raqamli kodi koʻrsatiladi.

17. MBYUD taqdim etilganda BYDni taqdim etish muddati MBYUDda keltirilgan tovarlarni yetkazib berish hisobot oyi tugagan kundan boshlab toʻqson kalendar kundan oshmasligi lozim .

18. MBYUD BYD rasmiylashtirilgandan soʻng, uning ajralmas qismi boʻlib hisoblanadi.

19. BYD maʼlum qilingan bojxona rejimiga muvofiq, Yoʻriqnoma talablari asosida quyidagi xususiyatlarni inobatga olgan holda toʻldiriladi:

1) 1-grafa. “Deklaratsiya turi”.

Grafaning birinchi boʻlmasida tovarlarni olib oʻtish yoʻnalishi koʻrsatiladi.

Grafaning ikkinchi boʻlmasida Bojxona rejimlari tasniflagichiga muvofiq bojxona rejimining ikki raqamli kodi koʻrsatiladi.

Grafaning uchinchi boʻlmasida “PVD” belgisi koʻrsatiladi.

2) 7-grafa. “BYDning roʻyxat raqami”.

Grafada VBYUDning roʻyxat raqami koʻrsatiladi.

3) 37-grafa. “Protsedura”.

Grafaning oxirgi uchta raqamiga — “071” kodi koʻrsatiladi.

20. Tashqi savdo bojxona statistikasi hamda tashqi savdo operatsiyalari monitoringini va valyuta nazoratini amalga oshirish uchun faqatgina BYDlar hisobga olinadi. Tashqi savdo boʻyicha maʼlumotlarni tezkor ravishda hisobga olish maqsadida MBYUDda mavjud boʻlgan maʼlumotlardan foydalanish mumkin.

5-bob. Energiya uzatish tarmoqlari orqali tranzit tarzda uzatiladigan elektr energiyasini rasmiylashtirish xususiyatlari

21. Davlatlarning energetika tizimlari bir vaqtning oʻzida ishlagan sharoitda Oʻzbekiston Respublikasi bojxona hududidan davlatlararo elektr energiyasini uzatish tarmoqlari orqali uzatiladigan elektr energiyasining tranziti MBYUD yoki BYD taqdim etilmagan holda amalga oshiriladi.

22. Bojxona munosabatlarida tranzit boʻyicha xizmatlar koʻrsatish joʻnatuvchi va qabul qiluvchi davlatlar, hisob-kitob davri uchun uzatishlar hajmlari, elektr energiyasining shartli qiymati toʻgʻrisidagi maʼlumotlarni taqdim etish yoʻli bilan rasmiylashtiriladi.

6-bob. Bojxona toʻlovlarini toʻlash

23. Bir kalendar oy mobaynida elektr energiyasi uzatish tarmoqlari orqali bojxona chegarasidan olib oʻtilgan mahsulotlar uchun bojxona toʻlovlari BYD yoki MBYUD taqdim etilgan kundan kechiktirmagan holda mahsulotlarni yetkazib berish oyining oxirgi kunida amalda boʻlgan bojxona toʻlovlari stavkalariga koʻra Oʻzbekiston Respublikasining milliy valyutasida toʻlanadi .

Bunda, bir kalendar oy mobaynida elektr energiyasi uzatish tarmoqlari orqali olib oʻtilgan mahsulotlarning qiymati bojxona toʻlovlarini hisoblab chiqish uchun Oʻzbekiston Respublikasi Markaziy banki tomonidan mahsulotlarni yetkazib berish oyining oxirgi kunida belgilangan valyutalarni rasmiy ayirboshlash kursi boʻyicha aniqlanadi .

24. Maʼlumotlarga aniqlik kiritish natijasida toʻlanishi lozim boʻlgan bojxona toʻlovlarining miqdori oshadigan boʻlsa, ularning qoʻshimcha toʻlovi BYDni taqdim etish bilan bir vaqtda amalga oshirilishi lozim. Bu holda penya hisoblanmaydi .

7-bob. Yakuniy qoidalar

25. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

26. Mazkur Nizom Oʻzbekiston Respublikasi Savdo-sanoat palatasi bilan kelishilgan.

TASDIQLAYMAN Oʻzbekiston Respublikasi energetika vaziri (oʻrinbosari) _________________ _________________ Oʻzbekiston Respublikasi bojxona chegarasi orqali uzatiladigan elektr energiyasining bojxona nazorati joylari T/r Bojxona nazorati joyining nomi (manzili) Elektr energiyasi uzatish tarmogʻining nomlanishi Hisobni yuritish asbobi oʻrnatilgan joy, kuchlanish toifasi Elektr energiyasini uzatish yoʻnalishi Ulangan elektr uzatish tarmoqlari orqali oʻzaro hamkorlik qiluvchi korxona nomi Nazorat bojxona posti Davlat (qabul, uzatish) KELISHILDI Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi raisi (oʻrinbosari) _______________________ _______________________

Elektr energiyasining davlatlararo texnik uzatishlari hisobini yuritish asboblari koʻrsatkichlarini olish toʻgʻrisidagi DALOLATNOMA 20__y. _______________ uchun Nim stansiyalar nomi Hisoblagich _____ - son Transformatsiya koeffitsiyenti Hisoblagich koʻrsatkichlari Farqi (5-4) E lektr energiya sarfi, kVT / s (3*6) boshi oxiri 1 2 3 4 5 6 7 Berish: Nim stansiya 1. 2. 3. Elektr energiyasini tashish uchun texnologik xarajat Qabul qilish: Nim stansiya: 1. 2. 3. Elektr energiyasini tashish uchun texnologik xarajat Energetika obyekti vakili ______________________________________________ (imzo, F.I.O.) Nazorat bojxona posti xodimi ______________________________________________ (imzo, F.I.O.)

Elektr energiyasining davlatlararo tijorat uzatilishi toʻgʻrisida DALOLATNOMA 20__yil _______________uchun _____________________________________ (tashkilot nomi) T/r Shartnoma raqami va sanasi Bir yilda tuzilgan shartnomalar hajmi Elektr energiya yetkazib berilgan oy Haqiqatda eksport (import) qilingan kVt.s summa, AQSH dollari kVt.s summa, AQSH dollari milliy valyuta JAMI: Energiya taʼminoti tashkiloti rahbari (oʻrinbosari) __________________

‎‎Elektr energiyasining hisoblagichlari va ularning qisqichli yigʻmalariga bojxona ‎organi plombalarini qoʻyish toʻgʻrisidagi ‎ DALOLATNOMA ‎ ‎ ‎ Ushbu dalolatnoma men (biz) __________________________________________________________tomonidan ‎(F.I.O, lavozimi) ‎ ___________________________________________________________________________________________ ‎(F.I.O, lavozimi) ‎ ________________________________________________________________________________ ishtirokida ‎(F.I.O, lavozimi) ‎_________________________________________ da _____________________________________________ ga ‎‎(sana, oy, yil ) ‎‎(hisobga olish asbobi nomi) ‎‎hisobga olish zanjirlari qisqichli yigʻmalariga va elektr energiyasini hisobga olish asboblarining siqish qutilariga plombalar qoʻyilganligi haqida tuzildi. ‎ T/r‎‏ Hisobga olish obyektining nomi‎‎‏ Hisoblagich aniqligining turi va klassi ‎‎‏ Hisoblagich raqami‎‎‎ Bojxona plombasi izi‎‎‏ Bojxona plombasi soni‎‎‏ uzatishda‎‎ qabul qilishda‎‎ ‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ Identifikatsiyalash vositalari (bojxona plobmalari)ni qoʻyish vaqtidagi hisoblagich koʻrsatkichlari ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r‎ Hisoblagich raqami‎‎‎ Hisoblagich koʻrsatkichlari‎‎ Izohlar‎‎ ‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Yuqorida koʻrsatilgan bojxona nazorati ostidagi hisobga olish asboblaridagi (hisoblagichlar)___________________________________________________________________________________________ ‎‎(hisobga olish asbobini nomi) ‎‎plombalar yechilishi va hisobga olish asbobining o�ilishi faqatgina bojxona organi rahbariyatini xabardor qilgan holda bojxona organi xodimining ishtirokida amalga oshirilsin. ‎Tezkor navbatchining xizmat telefoni_________________________________________________________ ‎Telefon raqami: _______________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________________________‎‎‎ ___________________________ ‎‎‎ ‎‎ ___________________________ ‎‎‎ ‎‎ (bojxona organi xodimi lavozim) ‎‎ (Imzo) ‎‎ (F.I.O) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________________________‎‎ ___________________________‎‎ ___________________________ ‎‎ (energetika obyekti vakili lavozimi) ‎‎ (Imzo) ‎‎ ‎‎ (F.I.O) ‎‎ ‎‎

‎Bojxona plombalarini yechish toʻgʻrisidagi ‎DALOLATNOMA ‎ ‎ ‎ Ushbu dalolatnoma men (biz) __________________________________________________________tomonidan ‎(F.I.O, lavozimi) ‎ ___________________________________________________________________________________________ ‎(F.I.O, lavozimi) ‎ ________________________________________________________________________________ ishtirokida ‎(F.I.O, lavozimi) ‎_________________________________________ da _____________________________________________ ga ‎‎(sana, oy, yil ) ‎‎(hisobga olish asbobi nomi) ‎‎___________________________________________________________________________________________ ‎______________________________________________________________________ning murojaatiga asosan ‎‎(F.I.O, lavozimi) ‎ ‎ ‎ ‎ ‎ ‎ ‎‎____________________________________________________________ning elektr energiyasini hisobga olish ‎ asboblari (hisoblagichar), elektr energiyasini hisobga olish zanjirlari qisqichli yigʻmalaridan bojxona organi plombalari yechib olinganligi haqida tuzildi. ‎Bojxona organi plombasi yechilishi uchun sabab ____________________________________________________ ‎___________________________________________________________________________________________ ‎ __________________________________________________________________________________________ ‎ __________________________________________________________________________________________ ‎ __________________________________________________________________________________________ ___________________________________________________________________________________________ ‎___________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r‎ Hisoblagich raqami‎‎‎ Hisoblagich koʻrsatkichlari‎‎ Izohlar‎‎ ‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________________________‎‎‎ ___________________________ ‎‎‎ ‎‎ ___________________________ ‎‎‎ ‎‎ (bojxona organi xodimi lavozim) ‎‎ (Imzo) ‎‎ (F.I.O) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ___________________________‎‎ ___________________________‎‎ ___________________________ ‎‎ (energetika obyekti vakili lavozimi) ‎‎ (Imzo) ‎‎ ‎‎ (F.I.O) ‎‎ ‎‎

Davlat Bojxona qoʻmitasi raisi M. AZIMOV

Energetika vaziri A. SULTANOV

Oʻzbekiston Respublikasi Savdo-sanoat palatasi raisi A. IKRAMOV

Toshkent sh.,

2020-yil 15-iyun,

Toshkent sh.,

2020-yil 15-iyun,

2020-yil 12-iyun

01-02/12-19-son

01-05-4-3202-son

(Qonun hujjatlari maʼlumotlari milliy bazasi, 30.06.2020-y., 10/20/3265/1109-son; Qonunchilik maʼlumotlari milliy bazasi, 28.07.2021-y., 10/21/3313/0724-son; 19.08.2024-y., 10/24/3552/0630-son; 30.11.2024-y., 10/24/3265-1/0987-son)

lex.uz