📅 2020-yil 27-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 27 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 июля 2020 г. · Постановления Президента
Официальный текст. Официальный документ. Редакционные примечания не включены.
📅 27 July 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси фаолиятини ташкил қилиш чора-тадбирлари тўғрисида
Ўзбекистон Республикаси Президентининг 2020 йил 25 июлдаги «Коронавирус пандемиясини юмшатиш, аҳолининг санитария-эпидемиологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида»ги ПФ-6035-сон Фармонига мувофиқ:
1. Қуйидагилар Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг (кейинги ўринларда — Санэпидқўм) асосий вазифалари ва фаолият йўналишлари этиб белгилансин:
санитария-эпидемиология соҳасида потенциал хавф-хатарларни аниқлаш, баҳолаш, республика ҳудудидаги юқумли касалликлар табиий ўчоқлари устидан эпидемиологик мониторинг ва эпидемияга қарши профилактик тадбирлар мажмуини амалга ошириш;
санитария-гигиена, радиацион гигиена, физик омиллар, бактериология, вирусология, паразитология ва ўта хавфли касалликлар ташхиси бўйича лабораториялар фаолиятини йўлга қўйиш;
инсон саломатлигига таъсир этувчи хавфли омилларни бошқариш, тизимли мониторингини олиб бориш ва таҳлил қилишнинг янги шакл ва усулларини ишлаб чиқиш ҳамда амалиётга жорий этиш;
жамоат саломатлиги ва касалликлар профилактикаси ҳамда аҳолининг санитария-эпидемиологик осойишталигига доир давлат сиёсатини самарали амалга ошириш, мазкур йўналишда давлат органлари ва ташкилотларининг фаолиятини мувофиқлаштириш;
жамоат саломатлиги ва касалликлар профилактикаси ҳамда аҳолининг санитария-эпидемиологик осойишталигига оид фундаментал ва илмий-амалий тадқиқотлар амалга ошириш, бу борадаги илмий изланишларни мувофиқлаштириш, соҳа мутахассисларини тайёрлаш, қайта тайёрлаш ва малакасини ошириш;
озиқ-овқат хавфсизлиги соҳасида давлат ва хўжалик бошқаруви органларининг фаолиятини мувофиқлаштириш ва улар билан ҳамкорлик қилиш, озиқ-овқат хом ашёси ва истеъмол маҳсулотларини ишлаб чиқариш, ташиш, сақлаш ва сотиш фаолияти устидан белгиланган тартибда назорат қилиш;
соҳага оид давлат ва бошқа хизматларни кўрсатиш, маҳсулот, ишлар ва хизматлар хавфсизлигига қўйиладиган мажбурий талабларга тааллуқлилиги бўйича махсус экспертизалар тайинлаш ва ўтказиш;
соғлом турмуш тарзини шакллантириш, аҳолининг тиббий маданиятини ошириш ва тиббий профилактика бўйича комплекс чора-тадбирларни ишлаб чиқиш ҳамда уларнинг амалга оширилишини таъминлаш;
давлат ва идоравий тиббиёт статистикасини юритиш, тўплаш, таҳлил қилишига услубий раҳбарлик қилиш, аҳоли саломатлигига салбий таъсир қилувчи омилларни аниқлаш мақсадида зарур текширишлар ва сўровлар ўтказиш;
хўжалик юритувчи субъектлар томонидан санитария қоидалари, нормалари ва гигиена нормативларига риоя этилиши устидан давлат санитария назоратини амалга ошириш ва қонунбузилиш ҳолатлари аниқланганда қонунчиликда белгиланган чораларни қўллаш.
2. Белгилансинки, Санэпидқўм ва унинг тизимидаги ташкилотлар ўзига юклатилган вазифаларни амалга ошириш доирасида қуйидаги ҳуқуқларга эга:
карантинли ва инсон учун хавфли бўлган бошқа юқумли касалликлар пайдо бўлиши ҳамда тарқалиши шароитида эпидемияларга қарши курашиш қоидаларини бузишга оид ҳуқуқбузарлик содир этган шахсларга нисбатан тегишли тиббий асослар мавжуд бўлган тақдирда карантинда сақлаш ёки даволаниш тарзидаги тиббий йўсиндаги мажбурлов чорасини қўллаш;
юқумли ва паразитар касалликлар тарқалишининг олдини олишга қаратилган, хўжалик фаолияти ва бошқа фаолиятнинг алоҳида тартибини, аҳоли, транспорт воситалари, юклар ва (ёки) товарлар ҳаракатланишининг чекланишини назарда тутадиган тиббий-санитария чора-тадбирларини амалга ошириш;
инсон ҳаёти ва саломатлиги учун жиддий хавф туғдирувчи юқумли касалликлар тарқалиши ёхуд техноген ёки табиий хусусиятга эга ҳалокат содир бўлиши реал хавфи вужудга келганда мулкчилик шаклидан қатъий назар объектларда текширишлар ўтказиш;
санитария қоидалари, нормалари ва гигиена нормативлари бузилганлиги аниқланган ҳолатларда лицензиялар ва рухсат берувчи ҳужжатларни тўхтатиб туриш, тугатиш ва бекор қилиш масалаларини ҳал қилиш юзасидан тегишли органлар ва ташкилотларга тақдимномалар юбориш;
юридик ва жисмоний шахсларга назорат объектидаги ҳуқуқбузарликларни бартараф қилиш учун мос равишда, аммо олтмиш кундан ортиқ бўлмаган муддатни белгилаган ҳолда, аниқланган ҳуқуқбузарликларни бартараф этиш бўйича ижро этилиши мажбурий бўлган кўрсатмалар бериш;
электрон рўйхатга олиш ягона тизимида рўйхатдан ўтказиш орқали ваколатли органни хабардор этиш тартибида тадбиркорлик субъектлари фаолиятини лаборатория-инструментал усулини қўллаган ҳолда ўн кундан кўп бўлмаган муддатгача текширувдан ўтказиш ҳамда текширувдан ўтказишга беғараз эксперт ёки мутахассис сифатида лаборатория ходимларини жалб қилиш;
фавқулодда вазиятларда, эпидемиялар ҳамда аҳолининг ҳаёти ва соғлиғи учун бошқа ҳақиқий хавф юзага келганда, оммавий заҳарланиш ва гуруҳли касалликлар қайд этилганда (даволаш муассасаси хабари, жисмоний ва юридик шахсларнинг мурожаатлари ва бошқа ҳолларда) қонун ҳужжатларида белгиланган тартибда тадбиркорлик субъектлари фаолиятида текширувлар ўтказиш;
бюджетдан ташқари маблағлар ҳисобидан Санэпидқўм фаолиятига шартнома асосида қўшимча ходимлар жалб қилиш.
4. Белгилаб қўйилсинки:
Санэпидқўм аҳолининг санитария-эпидемиологик осойишталиги ва жамоат саломатлиги соҳасида тармоқ фаолиятини мувофиқлаштирувчи ва тартибга солувчи ҳамда тизимдаги раҳбарий фаолиятни коллегиал асосда ташкил этадиган, шунингдек, Соғлиқни сақлаш вазирлигининг ташкилий бўйсунувида фаолият юритадиган республика ижро этувчи ҳокимият органи ҳисобланади;
Санэпидқўм Соғлиқни сақлаш вазирлигининг таркибига киради, Санэпидқўмнинг раиси бир вақтнинг ўзида Бош давлат санитария врачи ҳисобланади;
Санэпидқўмнинг туман (шаҳар) бўлимлари ўз фаолиятида тегишинча Санэпидқўмнинг Қорақалпоғистон Республикаси, вилоятлар ва Тошкент шаҳар бошқармаларига, Санэпидқўмнинг Қорақалпоғистон Республикаси, вилоятлар ва Тошкент шаҳар бошқармалари эса — Санэпидқўмга бевосита бўйсунадилар ва уларнинг олдида ҳисобдордир;
Санэпидқўм ва унинг ҳудудий бўлинмалари ўз ваколатларини барча давлат органлари ва ташкилотлари, уларнинг мансабдор шахсларидан мустақил равишда амалга оширадилар;
Санэпидқўм раиси Ўзбекистон Республикаси Президенти томонидан, унинг ўринбосарлари эса соғлиқни сақлаш вазирининг тақдимномасига кўра Вазирлар Маҳкамаси томонидан лавозимга тайинланади ва лавозимидан озод этилади;
Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази Эпидемиология, микробиология ва юқумли касалликлар илмий тадқиқот институти негизида ташкил этилади;
Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази барча давлат юқумли касалликлар шифохоналари ва диспансерлари ҳамда давлат тиббиёт ташкилотларининг юқумли касалликлар бўлинмалари фаолиятига ташкилий-методик раҳбарликни амалга оширади;
Вирусология илмий-тадқиқот институти юридик шахс мақоми сақланган ҳолда — Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт марказининг ташкилий тузилмасига киради;
Вирусология илмий-тадқиқот институти директори бир вақтнинг ўзида Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази директорининг биринчи ўринбосари ҳисобланади;
Миллий референс лаборатория Лаборатория комплекси негизида ташкил қилинади. Бунда Миллий референс лабораторияни молиялаштиришнинг амалдаги тартиби сақлаб қолинади ва у республика ҳудудидаги барча санитария-гигиена, радиология, токсикология, бактериология, паразитология ҳамда вирусология лабораториялари натижаларини мувофиқлаштиради ва уларга амалий-услубий ёрдам кўрсатади.
5. Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази ҳузурида юридик мақомига эга бўлмаган Биологик хавфсизлик маркази ҳамда Ген технологиялари маркази ташкил қилинсин.
6. Санэпидқўм раисига:
зарур ҳолларда Санэпидқўм марказий аппарати ва унинг ҳудудий бўлинмалари тузилмасига бошқарув ходимларининг чекланган умумий сони доирасида ўзгартиришлар киритиш;
Санэпидқўм фаолиятини самарали ташкил этиш, унга юклатилган вазифаларни ўз вақтида ва сифатли амалга ошириш учун бюджетдан ташқари маблағлар ҳисобидан маҳаллий ва хорижий институтлар, компаниялар, мутахассислар ва экспертларни, шу жумладан, шартнома асосида жалб қилиш ҳуқуқи берилсин.
7. Санитария-эпидемиология хизмати:
икки ҳафта муддатда Қорақалпоғистон Республикаси, вилоятлар, Тошкент шаҳар ҳамда туман (шаҳар) санитария-эпидемиологик осойишталик ва жамоат саломатлиги бошқармалари ва бўлимларининг намунавий тузилмаларини тасдиқласин;
бир ой муддатда Санитария-эпидемиология хизмати марказий аппарати ва таркибий тузилмаларни Санитария-эпидемиология хизматига юкланган вазифаларни профессионал даражада бажаришга қодир бўлган, зарур назарий билим ва амалий кўникмаларга эга юқори малакали кадрлар билан тўлдирсин;
Миллий референс лаборатория базасида микроорганизмлар банки (биологик ва генетик коллекция) ҳамда махсус иммуноглобулин ва зардоблар банки, виварий ва генетик лаборатория сингари бўлимлар ташкил этилишини таъминласин.
8. Санитария-эпидемиология хизмати Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги билан биргаликда хавфни таҳлил қилиш механизмини жорий қилиш учун назорат остидаги объектларнинг ягона электрон базасини яратсин ва 2021 йил 1 январдан бошлаб, унинг тўлиқ ишга туширилиши ҳамда «Электрон ҳукумат» тизимига интеграция қилинишини таъминласин.
Белгилансинки:
ягона электрон базани ишлаб чиқиш билан боғлиқ харажатлар Вазирлар Маҳкамасининг захира жамғармаси, уни кейинчалик техник қўллаб-қувватлаш билан боғлиқ харажатлар эса — Санитария-эпидемиология хизматининг бюджетдан ташқари маблағлари ҳисобидан амалга оширилади;
Санитария-эпидемиология хизмати ягона электрон базани шакллантириш, самарали фаолиятини таъминлаш ва кейинчалик ривожлантириш учун масъул ҳисобланади.
Санитария-эпидемиология хизмати назорат остидаги объектларида санитария қоидалари, нормалари ва гигиена нормативларига мослигини ўрганиш натижаларини ўзининг веб-сайти, ижтимоий тармоқлар ва бошқа оммавий ахборот воситаларида мунтазам равишда жойлаштириб борсин ҳамда ушбу йўналишда жамоатчилик фикрини тизимли равишда таҳлил қилсин.
9. Вазирлар Маҳкамаси (Б.А. Мусаев) Санитария-эпидемиология хизмати тузилиши муносабати билан барча зарур ташкилий масалаларни (қайта ташкил этиш, жойлаштириш, таъминот, молий-иқтисодий масалалар ва бошқалар) тезкорлик билан хал этилишини таъминласин.
10. Санэпидқўм Тошкент шаҳри, Чилонзор тумани, Бунёдкор шоҳ кўчаси, 46-уй манзили бўйича оператив бошқарув ҳуқуқи асосида жойлаштирилсин.
11. Соғлиқни сақлаш вазирлиги уч ой муддатда манфаатдор вазирлик ва идоралар билан биргаликда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари Б.А. Мусаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 27 июль,
ПҚ-4790-сон
Oʻzbekiston Respublikasi Prezidentining
Qarori
Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi faoliyatini tashkil qilish chora-tadbirlari toʻgʻrisida
Oʻzbekiston Respublikasi Prezidentining 2020-yil 25-iyuldagi “Koronavirus pandemiyasini yumshatish, aholining sanitariya-epidemiologik osoyishtaligi va salomatligini saqlash tizimini tubdan takomillashtirish chora-tadbirlari toʻgʻrisida”gi PF-6035-son Farmoniga muvofiq:
1. Quyidagilar Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining (keyingi oʻrinlarda — Sanepidqoʻm) asosiy vazifalari va faoliyat yoʻnalishlari etib belgilansin:
sanitariya-epidemiologiya sohasida potensial xavf-xatarlarni aniqlash, baholash, respublika hududidagi yuqumli kasalliklar tabiiy oʻchoqlari ustidan epidemiologik monitoring va epidemiyaga qarshi profilaktik tadbirlar majmuini amalga oshirish;
sanitariya-gigiyena, radiatsion gigiyena, fizik omillar, bakteriologiya, virusologiya, parazitologiya va oʻta xavfli kasalliklar tashxisi boʻyicha laboratoriyalar faoliyatini yoʻlga qoʻyish;
inson salomatligiga taʼsir etuvchi xavfli omillarni boshqarish, tizimli monitoringini olib borish va tahlil qilishning yangi shakl va usullarini ishlab chiqish hamda amaliyotga joriy etish;
jamoat salomatligi va kasalliklar profilaktikasi hamda aholining sanitariya-epidemiologik osoyishtaligiga doir davlat siyosatini samarali amalga oshirish, mazkur yoʻnalishda davlat organlari va tashkilotlarining faoliyatini muvofiqlashtirish;
jamoat salomatligi va kasalliklar profilaktikasi hamda aholining sanitariya-epidemiologik osoyishtaligiga oid fundamental va ilmiy-amaliy tadqiqotlar amalga oshirish, bu boradagi ilmiy izlanishlarni muvofiqlashtirish, soha mutaxassislarini tayyorlash, qayta tayyorlash va malakasini oshirish;
oziq-ovqat xavfsizligi sohasida davlat va xoʻjalik boshqaruvi organlarining faoliyatini muvofiqlashtirish va ular bilan hamkorlik qilish, oziq-ovqat xom ashyosi va isteʼmol mahsulotlarini ishlab chiqarish, tashish, saqlash va sotish faoliyati ustidan belgilangan tartibda nazorat qilish;
sohaga oid davlat va boshqa xizmatlarni koʻrsatish, mahsulot, ishlar va xizmatlar xavfsizligiga qoʻyiladigan majburiy talablarga taalluqliligi boʻyicha maxsus ekspertizalar tayinlash va oʻtkazish;
sogʻlom turmush tarzini shakllantirish, aholining tibbiy madaniyatini oshirish va tibbiy profilaktika boʻyicha kompleks chora-tadbirlarni ishlab chiqish hamda ularning amalga oshirilishini taʼminlash;
davlat va idoraviy tibbiyot statistikasini yuritish, toʻplash, tahlil qilishiga uslubiy rahbarlik qilish, aholi salomatligiga salbiy taʼsir qiluvchi omillarni aniqlash maqsadida zarur tekshirishlar va soʻrovlar oʻtkazish;
xoʻjalik yurituvchi subyektlar tomonidan sanitariya qoidalari, normalari va gigiyena normativlariga rioya etilishi ustidan davlat sanitariya nazoratini amalga oshirish va qonunbuzilish holatlari aniqlanganda qonunchilikda belgilangan choralarni qoʻllash.
2. Belgilansinki, Sanepidqoʻm va uning tizimidagi tashkilotlar oʻziga yuklatilgan vazifalarni amalga oshirish doirasida quyidagi huquqlarga ega:
karantinli va inson uchun xavfli boʻlgan boshqa yuqumli kasalliklar paydo boʻlishi hamda tarqalishi sharoitida epidemiyalarga qarshi kurashish qoidalarini buzishga oid huquqbuzarlik sodir etgan shaxslarga nisbatan tegishli tibbiy asoslar mavjud boʻlgan taqdirda karantinda saqlash yoki davolanish tarzidagi tibbiy yoʻsindagi majburlov chorasini qoʻllash;
yuqumli va parazitar kasalliklar tarqalishining oldini olishga qaratilgan, xoʻjalik faoliyati va boshqa faoliyatning alohida tartibini, aholi, transport vositalari, yuklar va (yoki) tovarlar harakatlanishining cheklanishini nazarda tutadigan tibbiy-sanitariya chora-tadbirlarini amalga oshirish;
inson hayoti va salomatligi uchun jiddiy xavf tugʻdiruvchi yuqumli kasalliklar tarqalishi yoxud texnogen yoki tabiiy xususiyatga ega halokat sodir boʻlishi real xavfi vujudga kelganda mulkchilik shaklidan qatʼiy nazar obyektlarda tekshirishlar oʻtkazish;
sanitariya qoidalari, normalari va gigiyena normativlari buzilganligi aniqlangan holatlarda litsenziyalar va ruxsat beruvchi hujjatlarni toʻxtatib turish, tugatish va bekor qilish masalalarini hal qilish yuzasidan tegishli organlar va tashkilotlarga taqdimnomalar yuborish;
yuridik va jismoniy shaxslarga nazorat obyektidagi huquqbuzarliklarni bartaraf qilish uchun mos ravishda, ammo oltmish kundan ortiq boʻlmagan muddatni belgilagan holda, aniqlangan huquqbuzarliklarni bartaraf etish boʻyicha ijro etilishi majburiy boʻlgan koʻrsatmalar berish;
elektron roʻyxatga olish yagona tizimida roʻyxatdan oʻtkazish orqali vakolatli organni xabardor etish tartibida tadbirkorlik subyektlari faoliyatini laboratoriya-instrumental usulini qoʻllagan holda oʻn kundan koʻp boʻlmagan muddatgacha tekshiruvdan oʻtkazish hamda tekshiruvdan oʻtkazishga begʻaraz ekspert yoki mutaxassis sifatida laboratoriya xodimlarini jalb qilish;
favqulodda vaziyatlarda, epidemiyalar hamda aholining hayoti va sogʻligʻi uchun boshqa haqiqiy xavf yuzaga kelganda, ommaviy zaharlanish va guruhli kasalliklar qayd etilganda (davolash muassasasi xabari, jismoniy va yuridik shaxslarning murojaatlari va boshqa hollarda) qonun hujjatlarida belgilangan tartibda tadbirkorlik subyektlari faoliyatida tekshiruvlar oʻtkazish;
budjetdan tashqari mablagʻlar hisobidan Sanepidqoʻm faoliyatiga shartnoma asosida qoʻshimcha xodimlar jalb qilish.
4. Belgilab qoʻyilsinki:
Sanepidqoʻm aholining sanitariya-epidemiologik osoyishtaligi va jamoat salomatligi sohasida tarmoq faoliyatini muvofiqlashtiruvchi va tartibga soluvchi hamda tizimdagi rahbariy faoliyatni kollegial asosda tashkil etadigan, shuningdek, Sogʻliqni saqlash vazirligining tashkiliy boʻysunuvida faoliyat yuritadigan respublika ijro etuvchi hokimiyat organi hisoblanadi;
Sanepidqoʻm Sogʻliqni saqlash vazirligining tarkibiga kiradi, Sanepidqoʻmning raisi bir vaqtning oʻzida Bosh davlat sanitariya vrachi hisoblanadi;
Sanepidqoʻmning tuman (shahar) boʻlimlari oʻz faoliyatida tegishincha Sanepidqoʻmning Qoraqalpogʻiston Respublikasi, viloyatlar va Toshkent shahar boshqarmalariga, Sanepidqoʻmning Qoraqalpogʻiston Respublikasi, viloyatlar va Toshkent shahar boshqarmalari esa — Sanepidqoʻmga bevosita boʻysunadilar va ularning oldida hisobdordir;
Sanepidqoʻm va uning hududiy boʻlinmalari oʻz vakolatlarini barcha davlat organlari va tashkilotlari, ularning mansabdor shaxslaridan mustaqil ravishda amalga oshiradilar;
Sanepidqoʻm raisi Oʻzbekiston Respublikasi Prezidenti tomonidan, uning oʻrinbosarlari esa sogʻliqni saqlash vazirining taqdimnomasiga koʻra Vazirlar Mahkamasi tomonidan lavozimga tayinlanadi va lavozimidan ozod etiladi;
Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi Epidemiologiya, mikrobiologiya va yuqumli kasalliklar ilmiy tadqiqot instituti negizida tashkil etiladi;
Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi barcha davlat yuqumli kasalliklar shifoxonalari va dispanserlari hamda davlat tibbiyot tashkilotlarining yuqumli kasalliklar boʻlinmalari faoliyatiga tashkiliy-metodik rahbarlikni amalga oshiradi;
Virusologiya ilmiy-tadqiqot instituti yuridik shaxs maqomi saqlangan holda — Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazining tashkiliy tuzilmasiga kiradi;
Virusologiya ilmiy-tadqiqot instituti direktori bir vaqtning oʻzida Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi direktorining birinchi oʻrinbosari hisoblanadi;
Milliy referens laboratoriya Laboratoriya kompleksi negizida tashkil qilinadi. Bunda Milliy referens laboratoriyani moliyalashtirishning amaldagi tartibi saqlab qolinadi va u respublika hududidagi barcha sanitariya-gigiyena, radiologiya, toksikologiya, bakteriologiya, parazitologiya hamda virusologiya laboratoriyalari natijalarini muvofiqlashtiradi va ularga amaliy-uslubiy yordam koʻrsatadi.
5. Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi huzurida yuridik maqomiga ega boʻlmagan Biologik xavfsizlik markazi hamda Gen texnologiyalari markazi tashkil qilinsin.
6. Sanepidqoʻm raisiga:
zarur hollarda Sanepidqoʻm markaziy apparati va uning hududiy boʻlinmalari tuzilmasiga boshqaruv xodimlarining cheklangan umumiy soni doirasida oʻzgartirishlar kiritish;
Sanepidqoʻm faoliyatini samarali tashkil etish, unga yuklatilgan vazifalarni oʻz vaqtida va sifatli amalga oshirish uchun budjetdan tashqari mablagʻlar hisobidan mahalliy va xorijiy institutlar, kompaniyalar, mutaxassislar va ekspertlarni, shu jumladan, shartnoma asosida jalb qilish huquqi berilsin.
7. Sanitariya-epidemiologiya xizmati:
ikki hafta muddatda Qoraqalpogʻiston Respublikasi, viloyatlar, Toshkent shahar hamda tuman (shahar) sanitariya-epidemiologik osoyishtalik va jamoat salomatligi boshqarmalari va boʻlimlarining namunaviy tuzilmalarini tasdiqlasin;
bir oy muddatda Sanitariya-epidemiologiya xizmati markaziy apparati va tarkibiy tuzilmalarni Sanitariya-epidemiologiya xizmatiga yuklangan vazifalarni professional darajada bajarishga qodir boʻlgan, zarur nazariy bilim va amaliy koʻnikmalarga ega yuqori malakali kadrlar bilan toʻldirsin;
Milliy referens laboratoriya bazasida mikroorganizmlar banki (biologik va genetik kolleksiya) hamda maxsus immunoglobulin va zardoblar banki, vivariy va genetik laboratoriya singari boʻlimlar tashkil etilishini taʼminlasin.
8. Sanitariya-epidemiologiya xizmati Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi bilan birgalikda xavfni tahlil qilish mexanizmini joriy qilish uchun nazorat ostidagi obyektlarning yagona elektron bazasini yaratsin va 2021-yil 1-yanvardan boshlab, uning toʻliq ishga tushirilishi hamda “Elektron hukumat” tizimiga integratsiya qilinishini taʼminlasin.
Belgilansinki:
yagona elektron bazani ishlab chiqish bilan bogʻliq xarajatlar Vazirlar Mahkamasining zaxira jamgʻarmasi, uni keyinchalik texnik qoʻllab-quvvatlash bilan bogʻliq xarajatlar esa — Sanitariya-epidemiologiya xizmatining budjetdan tashqari mablagʻlari hisobidan amalga oshiriladi;
Sanitariya-epidemiologiya xizmati yagona elektron bazani shakllantirish, samarali faoliyatini taʼminlash va keyinchalik rivojlantirish uchun masʼul hisoblanadi.
Sanitariya-epidemiologiya xizmati nazorat ostidagi obyektlarida sanitariya qoidalari, normalari va gigiyena normativlariga mosligini oʻrganish natijalarini oʻzining veb-sayti, ijtimoiy tarmoqlar va boshqa ommaviy axborot vositalarida muntazam ravishda joylashtirib borsin hamda ushbu yoʻnalishda jamoatchilik fikrini tizimli ravishda tahlil qilsin.
9. Vazirlar Mahkamasi (B.A. Musayev) Sanitariya-epidemiologiya xizmati tuzilishi munosabati bilan barcha zarur tashkiliy masalalarni (qayta tashkil etish, joylashtirish, taʼminot, moliy-iqtisodiy masalalar va boshqalar) tezkorlik bilan xal etilishini taʼminlasin.
10. Sanepidqoʻm Toshkent shahri, Chilonzor tumani, Bunyodkor shoh koʻchasi, 46-uy manzili boʻyicha operativ boshqaruv huquqi asosida joylashtirilsin.
11. Sogʻliqni saqlash vazirligi uch oy muddatda manfaatdor vazirlik va idoralar bilan birgalikda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari B.A. Musayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 27-iyul,
PQ-4790-son
Президента Республики Узбекистан
Постановление
О мерах по организации деятельности Комитета санитарно-эпидемиологического благополучия и общественного здоровья при Министерстве здравоохранения Республики Узбекистан
В соответствии с Указом Президента Республики Узбекистан от 25 июля 2020 года № УП-6035 «О мерах по смягчению коронавирусной пандемии, кардинальному совершенствованию системы санитарно-эпидемиологического благополучия и охраны здоровья населения»:
1. Определить основными задачами и направлениями деятельности Комитета санитарно-эпидемиологического благополучия и общественного здоровья при Министерстве здравоохранения (далее — Санэпидком):
выявление и оценку потенциальных рисков в санитарно-эпидемиологической сфере, проведение эпидемиологического мониторинга и реализацию комплекса противоэпидемических мероприятий в природных очагах инфекционных заболеваний на территории республики;
организацию деятельности санитарно-гигиенической лаборатории, лабораторий радиационной гигиены, физических факторов, бактериологии, вирусологии, паразитологии и диагностики особо опасных заболеваний;
разработку и внедрение в практику новых форм и методов управления, системного мониторинга и анализа опасных факторов, влияющих на здоровье человека;
эффективную реализацию государственной политики в сфере общественного здоровья, профилактики заболеваний и санитарно-эпидемиологического благополучия населения, координацию деятельности государственных органов и организаций в данном направлении;
проведение фундаментальных и научно-практических исследований в сфере общественного здоровья, профилактики заболеваний и санитарно-эпидемиологического благополучия населения, координацию научных исследований в данном направлении, подготовку, переподготовку и повышение квалификации специалистов сферы;
координацию деятельности и взаимодействие с государственными и хозяйственными органами управления в сфере продовольственной безопасности, осуществление контроля за деятельностью по производству, транспортировке, хранению и реализации пищевого сырья и продуктов потребления в установленном порядке;
оказание соответствующих государственных и других услуг, назначение и проведение специальной экспертизы на предмет соблюдения обязательных требований, предъявляемых к безопасности продукции, работ, услуг;
разработку и обеспечение реализации комплекса мер по формированию здорового образа жизни, повышению медицинской культуры и медицинской профилактике населения;
осуществление методического руководства за ведением, сбором и анализом государственной и ведомственной медицинской статистики, проведение необходимых проверок и опросов для выявления факторов, негативно влияющих на здоровье населения;
осуществление государственного санитарного контроля за соблюдением хозяйствующими субъектами санитарных правил, норм и гигиенических нормативов, а также применение мер, установленных законодательством в случае выявления нарушений законодательства.
2. Установить, что Санэпидкома и организации ее системы при реализации возложенных на них задач имеют права:
применения принудительных мер медицинского характера в виде лечения или содержания в карантине при наличии соответствующих медицинских оснований в отношении лица, совершившего в условиях возникновения и распространения карантинных и других опасных для человека инфекций правонарушение, связанное с нарушением правил борьбы с эпидемиями;
реализации медико-санитарных мер, направленных на предупреждение распространения инфекционных и паразитарных заболеваний, предусматривающих особый порядок хозяйственной и иной деятельности, ограничение передвижения населения, транспортных средств, грузов и (или) товаров;
проведения проверок на объектах, независимо от формы собственности, при возникновении реальной угрозы распространения инфекционных заболеваний, а также катастроф техногенного или природного характера, представляющих серьезную угрозу для жизни и здоровья человека;
направления представлений в соответствующие органы и организации для решения вопроса приостановления, прекращения и отмены лицензий и разрешительных документов в случае выявления фактов нарушения санитарных правил, норм и гигиенических нормативов;
внесения обязательных для исполнения указаний юридическим и физическим лицам для устранения правонарушений, выявленных на объектах контроля, с установлением соразмерного срока исполнения, но не более шестидесяти дней;
проведения проверок деятельности субъектов предпринимательства в порядке уведомления уполномоченного органа путем регистрации в Единой системе электронной регистрации проверок сроком не более десяти дней с применением лабораторно-инструментального метода и привлечением к проверке работников лаборатории в качестве безвозмездных экспертов или специалистов;
проведения проверок деятельности субъектов предпринимательства при возникновении реальной угрозы чрезвычайной ситуации, эпидемии, иной опасности для жизни и здоровья населения, регистрации массовых отравлений и групповых заболеваний (сообщения лечебных учреждений, обращения физических и юридических лиц, другие случаи) в порядке, установленном законодательством;
дополнительного привлечения работников к деятельности Санэпидкома за счет внебюджетных средств на договорной основе.
4. Установить, что:
Санэпидком является республиканским органом исполнительной власти, координирующим и регулирующим отраслевую деятельность в сфере санитарно-эпидемиологического благополучия населения и общественного здоровья, организующим руководящую деятельность в системе на коллегиальной основе, а также функционирующим в организационном подчинении Министерства здравоохранения;
Санэпидком входит в состав Министерства здравоохранения, председатель Санэпидкома одновременно является Главным государственным санитарным врачом;
районные (городские) отделы Санэпидкома в своей деятельности подчиняются и подотчетны соответственно управлениям Санэпидкома Республики Каракалпакстан, областей и города Ташкента, а управления Санэпидкома Республики Каракалпакстан, областей и города Ташкента — непосредственно Санэпидкому;
Санэпидком и его территориальные подразделения осуществляют свои полномочия независимо от всех государственных органов и организаций, их должностных лиц;
председатель Санэпидкома назначается на должность и освобождается от должности Президентом Республики Узбекистан, его заместители — Кабинетом Министров по представлению министра здравоохранения;
Республиканский специализированный научно-практический медицинский центр эпидемиологии, микробиологии, инфекционных и паразитарных заболеваний на базе Научно-исследовательского института эпидемиологии, микробиологии и инфекционных заболеваний;
Республиканский специализированный научно-практический медицинский центр эпидемиологии, микробиологии, инфекционных и паразитарных заболеваний осуществляет организационно-методическое руководство деятельностью всех государственных инфекционных больниц и диспансеров, а также инфекционных отделений государственных медицинских организаций;
Научно-исследовательский институт вирусологии входит в организационную структуру Республиканского специализированного научно-практического медицинского центра эпидемиологии, микробиологии, инфекционных и паразитарных заболеваний с сохранением статуса юридического лица;
директор Научно-исследовательского института вирусологии одновременно является первым заместителем директора Республиканского специализированного научно-практического медицинского центра эпидемиологии, микробиологии, инфекционных и паразитарных заболеваний;
Национальная референс-лаборатория создается на базе Лабораторного комплекса. При этом сохраняется действующий порядок финансирования Национальной референс-лаборатории, которая координирует результаты всех санитарно-гигиенических, радиологических, токсикологических, бактериологических, паразитологических и вирусологических лабораторий на территории республики, а также оказывает им практическую и методическую помощь.
5. Создать Центр биологической безопасности и Центр генных технологий при Республиканском специализированном научно-практическом медицинском центре эпидемиологии, микробиологии, инфекционных и паразитарных заболеваний без образования юридического лица.
6. Предоставить председателю Санэпидкома право:
вносить, при необходимости, изменения в структуры центрального аппарата Санэпидкома и его территориальных подразделений в пределах общей численности управленческого персонала;
привлекать за счет внебюджетных средств отечественные и зарубежные институты, компании, специалистов и экспертов, в том числе на договорной основе, для эффективной организации деятельности Санэпидкома, а также своевременного и качественного выполнения возложенных на него задач.
7. Санитарно-эпидемиологической службе:
в двухнедельный срок утвердить типовые структуры управлений и отделов санитарно-эпидемиологического благополучия и общественного здоровья Республики Каракалпакстан, областей, города Ташкента, районов (городов);
в месячный срок укомплектовать центральный аппарат и структурные подразделения Санитарно-эпидемиологической службы высококвалифицированными кадрами, способными на высоком профессиональном уровне выполнять задачи, возложенные на Санитарно-эпидемиологическую службу, обладающими необходимыми теоретическими знаниями и практическими навыками;
обеспечить создание в Национальной референс-лаборатории таких отделов, как банк микроорганизмов (биологической и генетической коллекций), специальный банк иммуноглобулинов и сывороток, виварий и генетическая лаборатория.
8. Санитарно-эпидемиологической службе совместно с Министерством здравоохранения, Министерством по развитию информационных технологий и коммуникаций создать Единую электронную базу данных контролируемых объектов для внедрения механизма анализа рисков, начиная с 1 января 2021 года обеспечить полный запуск и интеграцию Единой электронной базы данных с системой «Электронное правительство».
Установить, что:
расходы, связанные с созданием единой электронной базы, компенсируются за счет резервного фонда Кабинета Министров, расходы, связанные с ее дальнейшей технической поддержкой, — за счет внебюджетных средств Санитарно-эпидемиологической службы;
Санитарно-эпидемиологическая служба является ответственной за формирование, обеспечение эффективной деятельности и последующее развитие единой электронной базы.
Санитарно-эпидемиологической службе на постоянной основе обеспечить размещение на своем веб-сайте, в социальных сетях, других средствах массовой информации результатов изучения соответствия подконтрольных объектов санитарным правилам, нормам и гигиеническим нормативам с проведением анализа общественного мнения в данном направлении на системной основе.
9. Кабинету Министров (Б.А. Мусаев) в связи с образованием Санитарно-эпидемиологической службы обеспечить оперативное решение всех необходимых организационных вопросов (реорганизация, размещение, снабжение, финансово-экономические и иные вопросы).
10. Разместить Санэпидком по адресу: город Ташкент, Чиланзарский район, проспект Бунёдкор, 46 на основе права оперативного управления.
11. Министерству здравоохранения совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
12. Контроль за исполнением настоящего постановления возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан Б.А. Мусаева.
Президент Республики Узбекистан Ш. МИРЗИЁЕВ
г. Ташкент,
27 июля 2020 г.,
№ ПП-4790