UzbekAI

Ўзбекистон Республикаси Президентининг

Қарори

таркиби

Атоқли давлат арбоби ва ёзувчи Шароф Рашидов таваллудининг 100 йиллигини нишонлаш тўғрисида

Республикамизни жуда мураккаб ва оғир йилларда бошқариб, юртимиз тараққиёти йўлида фидокорона хизмат қилган, ижтимоий ва ижодий фаолияти билан миллий адабиётимиз ва маданиятимиз ривожига катта ҳисса қўшган атоқли давлат арбоби, таниқли ёзувчи Шароф Рашидовнинг ёрқин хотирасини улуғлаш ҳамда таваллудининг 100 йиллигини муносиб нишонлаш мақсадида:

1. Ўзбекистон Республикаси Маданият вазирлиги, Ўзбекистон Ёзувчилар уюшмаси, «Нуроний» жамғармаси, Республика Маънавият тарғибот маркази, «Маҳалла» хайрия жамоат фонди ва жамоатчилик вакилларининг халқимизнинг оташқалб фарзанди Шароф Рашидов таваллудининг 100 йиллигини мамлакатимиз миқёсида кенг нишонлаш тўғрисидаги таклифи маъқуллансин.

2. Ўзбекистон Республикаси Олий Мажлиси Сенатининг қарорига мувофиқ Жиззах вилояти Жиззах туманига Шароф Рашидов номи берилгани маълумот учун қабул қилинсин.

3. Шароф Рашидов таваллудининг 100 йиллигини нишонлаш бўйича ташкилий қўмита (кейинги ўринларда ― Ташкилий қўмита деб аталади) таркиби иловага мувофиқ тасдиқлансин.

4. Ташкилий қўмита бир ой муддатда Шароф Рашидов таваллудининг 100 йиллигини нишонлаш бўйича тегишли чора-тадбирлар режасини ишлаб чиқсин.

Ушбу режада:

Ўзбекистон Республикаси Маданият вазирлиги, Молия вазирлиги, Давлат архитектура ва қурилиш қўмитаси, Ўзбекистон Бадиий академияси ва Жиззах вилояти ҳокимлиги билан биргаликда Жиззах вилояти Шароф Рашидов туманида унинг хотирасига бағишланган ёдгорлик мажмуасини барпо этиш ва ҳайкалини ўрнатиш;

халқимиз, айниқса, ёш авлодимизни атоқли давлат арбоби ва адиб Шароф Рашидовнинг ҳаёти ва фаолияти билан яқиндан таништириш мақсадида Жиззах шаҳрида унинг мемориал уй-музейини ташкил этиш ва музей ҳудудини ободонлаштириш;

Ўзбекистон Ёзувчилар уюшмаси томонидан адибнинг «Сайланма» китобини;

Шароф Рашидов ҳаёти ва фаолиятига бағишланган «Халқимизнинг оташқалб фарзанди» номли хотира китобини нашрга тайёрлаш ва чоп этиш;

Шароф Рашидовнинг ҳаёти ва ижтимоий-ижодий фаолияти ҳақида ҳужжатли фильм яратиш;

Ўзбекистон Фанлар академияси, Ўзбекистон Ёзувчилар уюшмаси, Республика Маънавият тарғибот маркази билан ҳамкорликда «Шароф Рашидовнинг Ўзбекистон тарихида тутган ўрни» мавзусида илмий конференция ўтказиш;

мамлакатимиздаги олий, ўрта махсус, касб-ҳунар ва умумий ўрта таълим муассасалари, ҳарбий қисмлар, меҳнат жамоалари ва маҳаллаларда таниқли адиб ва олимлар, санъаткорлар иштирокида хотира тадбирлари ташкил этиш;

2017 йил ноябрь ойининг биринчи ўн кунлигида Жиззах ва Тошкент шаҳарларида Шароф Рашидов таваллудининг 100 йиллигига бағишланган хотира кечасини ўтказиш тадбирлари назарда тутилсин.

5. Ўзбекистон Миллий ахборот агентлиги, Ўзбекистон Миллий телерадиокомпанияси ва бошқа оммавий ахборот воситаларига Шароф Рашидов таваллудининг 100 йиллигини нишонлаш билан боғлиқ тадбирларни кенг ёритиш тавсия этилсин.

6. Мазкур қарорнинг бажарилишини назорат қилиш Ўзбекистон Республикаси Бош вазири А. Арипов зиммасига юклансин.

Ўзбекистон Республикаси Президентининг 2017 йил 27 мартдаги ПҚ-2854-сон қарорига ИЛОВА

Шароф Рашидов таваллудининг 100 йиллигини нишонлаш бўйича ташкилий қўмита

А. Арипов ― Ў з бекисто н Республикаси Бош вазири, ташкилий қўмита раиси Х. Султонов ― Ў з бекисто н Республикаси Президентининг Давлат маслаҳатчиси Т. Нарбаева ― Ўзбекистон Республикаси Бош вазири ўринбосари — Республика Хотин-қизлар қўмитаси раиси, ташкилий қўмита раиси ўринбосари М. Муратов ― м аданият вазири М. Ахмедов ― Ў з бекисто н Ё зувчилар уюшмаси раиси И. Мирзаалиев ― Ў з бекисто н Ёзувчилар уюшмаси раис и ўринбосари , ташкилий қўмита котиби Б. Юлдашев ― Ўзбекистон Фанлар академияси президенти О. Салимов ― Академик С. Рашидова ― Ў з бекисто н Фанлар академиясининг академиги, Шароф Рашидовнинг фарзанди И. Жўрабеков ― Меҳ н ат фахрийси А. Нуриддинов ― Ў з бекисто н Бадиий академияси раиси Б. Закиров ― «Давархитект қ урилиш» қў митаси раиси Р. Усмонов ― Тошк е нт шаҳри ҳ окими У. У зоқ ов ― Жиззах вилояти ҳ окими Р. Қосимов ― олий ва ўрта махсус таълим вазири У. Иноятов ― халқ таълими вазири М. Ҳазратқулов ― Ў з бекисто н Милли й ахборот агентлиги бош директори Х. Мирзахидов ― Ўзбекистон миллий телерадиокомпан и яси раиси К. Рафиков ― Ўзбекистон Касаба уюшмалари Федерацияси Ке нг аши раиси Ш. Жалилов ― «Нуроний» жам ғ армаси раиси Ш. Жавлонов ― «Ма ҳ ал л а» хайрия жамоат фонди раиси А. Мусаев ― «Ўзбеккино» Миллий агентлиги бош директори Н. Қосимов ― Республика Маънавият тар ғи бот маркази ра ҳ бари в.в.б. К. Мансуров ― Матбуот ва ахборот агентлиги бош директори ўринбосари А. Маврулов ― Миллий ғ оя ва мафкура илмий-амалий маркази ра ҳ бари С. Ашуров ― «Камолот» ёшлар ижтимоий ҳ аракати Марказий Ке н гаши раис и в.в.б.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 27 март,

ПҚ-2854-сон

lex.uz

Oʻzbekiston Respublikasi Prezidentining

Qarori

tarkibi

Atoqli davlat arbobi va yozuvchi Sharof Rashidov tavalludining 100 yilligini nishonlash toʻgʻrisida

Respublikamizni juda murakkab va ogʻir yillarda boshqarib, yurtimiz taraqqiyoti yoʻlida fidokorona xizmat qilgan, ijtimoiy va ijodiy faoliyati bilan milliy adabiyotimiz va madaniyatimiz rivojiga katta hissa qoʻshgan atoqli davlat arbobi, taniqli yozuvchi Sharof Rashidovning yorqin xotirasini ulugʻlash hamda tavalludining 100 yilligini munosib nishonlash maqsadida:

1. Oʻzbekiston Respublikasi Madaniyat vazirligi, Oʻzbekiston Yozuvchilar uyushmasi, “Nuroniy” jamgʻarmasi, Respublika Maʼnaviyat targʻibot markazi, “Mahalla” xayriya jamoat fondi va jamoatchilik vakillarining xalqimizning otashqalb farzandi Sharof Rashidov tavalludining 100 yilligini mamlakatimiz miqyosida keng nishonlash toʻgʻrisidagi taklifi maʼqullansin.

2. Oʻzbekiston Respublikasi Oliy Majlisi Senatining qaroriga muvofiq Jizzax viloyati Jizzax tumaniga Sharof Rashidov nomi berilgani maʼlumot uchun qabul qilinsin.

3. Sharof Rashidov tavalludining 100 yilligini nishonlash boʻyicha tashkiliy qoʻmita (keyingi oʻrinlarda ― Tashkiliy qoʻmita deb ataladi) tarkibi ilovaga muvofiq tasdiqlansin.

4. Tashkiliy qoʻmita bir oy muddatda Sharof Rashidov tavalludining 100 yilligini nishonlash boʻyicha tegishli chora-tadbirlar rejasini ishlab chiqsin.

Ushbu rejada:

Oʻzbekiston Respublikasi Madaniyat vazirligi, Moliya vazirligi, Davlat arxitektura va qurilish qoʻmitasi, Oʻzbekiston Badiiy akademiyasi va Jizzax viloyati hokimligi bilan birgalikda Jizzax viloyati Sharof Rashidov tumanida uning xotirasiga bagʻishlangan yodgorlik majmuasini barpo etish va haykalini oʻrnatish;

xalqimiz, ayniqsa, yosh avlodimizni atoqli davlat arbobi va adib Sharof Rashidovning hayoti va faoliyati bilan yaqindan tanishtirish maqsadida Jizzax shahrida uning memorial uy-muzeyini tashkil etish va muzey hududini obodonlashtirish;

Oʻzbekiston Yozuvchilar uyushmasi tomonidan adibning “Saylanma” kitobini;

Sharof Rashidov hayoti va faoliyatiga bagʻishlangan “Xalqimizning otashqalb farzandi” nomli xotira kitobini nashrga tayyorlash va chop etish;

Sharof Rashidovning hayoti va ijtimoiy-ijodiy faoliyati haqida hujjatli film yaratish;

Oʻzbekiston Fanlar akademiyasi, Oʻzbekiston Yozuvchilar uyushmasi, Respublika Maʼnaviyat targʻibot markazi bilan hamkorlikda “Sharof Rashidovning Oʻzbekiston tarixida tutgan oʻrni” mavzusida ilmiy konferensiya oʻtkazish;

mamlakatimizdagi oliy, oʻrta maxsus, kasb-hunar va umumiy oʻrta taʼlim muassasalari, harbiy qismlar, mehnat jamoalari va mahallalarda taniqli adib va olimlar, sanʼatkorlar ishtirokida xotira tadbirlari tashkil etish;

2017-yil noyabr oyining birinchi oʻn kunligida Jizzax va Toshkent shaharlarida Sharof Rashidov tavalludining 100 yilligiga bagʻishlangan xotira kechasini oʻtkazish tadbirlari nazarda tutilsin.

5. Oʻzbekiston Milliy axborot agentligi, Oʻzbekiston Milliy teleradiokompaniyasi va boshqa ommaviy axborot vositalariga Sharof Rashidov tavalludining 100 yilligini nishonlash bilan bogʻliq tadbirlarni keng yoritish tavsiya etilsin.

6. Mazkur qarorning bajarilishini nazorat qilish Oʻzbekiston Respublikasi Bosh vaziri A. Aripov zimmasiga yuklansin.

Oʻzbekiston Respublikasi Prezidentining 2017-yil 27-martdagi PQ-2854-son qaroriga ILOVA

Sharof Rashidov tavalludining 100 yilligini nishonlash boʻyicha tashkiliy qoʻmita

A. Aripov ― Oʻ z bekisto n Respublikasi Bosh vaziri, tashkiliy qoʻmita raisi X. Sultonov ― Oʻ z bekisto n Respublikasi Prezidentining Davlat maslahatchisi T. Narbayeva ― Oʻzbekiston Respublikasi Bosh vaziri oʻrinbosari — Respublika Xotin-qizlar qoʻmitasi raisi, tashkiliy qoʻmita raisi oʻrinbosari M. Muratov ― m adaniyat vaziri M. Axmedov ― Oʻ z bekisto n Yo zuvchilar uyushmasi raisi I. Mirzaaliyev ― Oʻ z bekisto n Yozuvchilar uyushmasi rais i oʻrinbosari , tashkiliy qoʻmita kotibi B. Yuldashev ― Oʻzbekiston Fanlar akademiyasi prezidenti O. Salimov ― Akademik S. Rashidova ― Oʻ z bekisto n Fanlar akademiyasining akademigi, Sharof Rashidovning farzandi I. Joʻrabekov ― Meh n at faxriysi A. Nuriddinov ― Oʻ z bekisto n Badiiy akademiyasi raisi B. Zakirov ― “Davarxitekt q urilish” qoʻ mitasi raisi R. Usmonov ― Toshk e nt shahri h okimi U. U zoq ov ― Jizzax viloyati h okimi R. Qosimov ― oliy va oʻrta maxsus taʼlim vaziri U. Inoyatov ― xalq taʼlimi vaziri M. Hazratqulov ― Oʻ z bekisto n Milli y axborot agentligi bosh direktori X. Mirzaxidov ― Oʻzbekiston milliy teleradiokompan i yasi raisi K. Rafikov ― Oʻzbekiston Kasaba uyushmalari Federatsiyasi Ke ng ashi raisi Sh. Jalilov ― “Nuroniy” jam gʻ armasi raisi Sh. Javlonov ― “Ma h al l a” xayriya jamoat fondi raisi A. Musayev ― “Oʻzbekkino” Milliy agentligi bosh direktori N. Qosimov ― Respublika Maʼnaviyat tar gʻi bot markazi ra h bari v.v.b. K. Mansurov ― Matbuot va axborot agentligi bosh direktori oʻrinbosari A. Mavrulov ― Milliy gʻ oya va mafkura ilmiy-amaliy markazi ra h bari S. Ashurov ― “Kamolot” yoshlar ijtimoiy h arakati Markaziy Ke n gashi rais i v.v.b.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 27-mart,

PQ-2854-son

lex.uz