UzbekAI

Ўзбекистон Республикаси Вазирлар Маҳкамасининг

қарори

НИЗОМ

Йўл ҳаракати қоидаларига риоя этилишини таъминлаш бўйича қўшимча чора-тадбирлар тўғрисида

Ўзбекистон Республикаси ҳудудида йўл ҳаракати қоидаларига сўзсиз риоя этилиши ва мазкур турдаги қоидабузарликлар учун жавобгарликнинг муқаррарлигини таъминлаш, шунингдек, йўл ҳаракати қоидаларига қатьий риоя этилиши бўйича назоратни янада кучайтириш мақсадида Вазирлар Маҳкамаси қарор қилади:

1. Ўзбекистон Республикаси ҳудудида йўл ҳаракати қоидаларини бузган хорижий автотранспорт воситалари ҳайдовчилари ёки бошқа шахслардан тегишли жарималарни ушбу автотранспорт воситалари республика ҳудудидан олиб чиқиб кетаётилганда божхона органлари томонидан ички ишлар органлари «онлайн» режимда тақдим этган маълумотлар асосида ундириш механизми жорий этилсин.

Белгилансинки, ушбу бандда назарда тутилган қоидалар:

Ўзбекистон Республикасида аккредитациядан ўтган хорижий давлатлар дипломатик ваколатхоналари ва консуллик муассасаларининг, шунингдек, уларга тенглаштирилган ташкилотларнинг автотранспорт воситаларига;

Ўзбекистон Республикаси ҳудудига вақтинча кирган ёки транзит ҳаракатланишда бўлган хорижий расмий делегациялар автотранспорт воситаларига нисбатан татбиқ этилмайди.

2. Ўзбекистон Республикаси Давлат божхона қўмитасига республика ҳудудида йўл ҳаракати қоидалари бузилганлиги учун тўланмаган жарималарни автотранспорт воситалари республика ҳудудидан олиб чиқиб кетилаётганда ундириш, жарима тўланмаган тақдирда эса жарима суммаси тўлиқ ундирилгунга қадар автотранспорт воситаларини ҳудудий ички ишлар органлари билан биргаликда Ўзбекистон Республикасининг Маъмурий жавобгарлик тўғрисидаги кодекси 291-моддасида белгиланган тартибда вақтинча сақловга олиш ҳуқуқи берилсин.

3. Ўзбекистон Республикаси Давлат божхона қўмитаси Ички ишлар вазирлиги билан биргаликда Ўзбекистон Республикаси ҳудудида вақтинча бўлиб турган ҳамда республика ҳудуди бўйлаб транзит ҳаракатланаётган хорижий автотранспорт воситалари божхона чегарасини кесиб ўтишида, уларнинг республика ҳудудида йўл ҳаракати қоидаларини бузганлигини реал вақт режимида аниқлаш мақсадида Ички ишлар вазирлигининг махсус автоматлаштирилган фото ва видеофиксация маълумотлар базасини бир ой муддатда Давлат божхона қўмитасининг маълумотлар базаси билан интеграциялаштирсин.

4. Ўзбекистон Республикаси Давлат божхона қўмитаси:

йўл ҳаракати қоидаларини бузган хорижий автотранспорт воситалари ҳайдовчилари ёки бошқа шахслар томонидан тўланмаган жарималарни ушбу автотранспорт воситалари республика ҳудудидан олиб чиқиб кетилаётганда ундириб олиш чораларини кўрсин;

чегара божхона постларини замонавий камералар билан жиҳозласин, шу жумладан «Автотранспорт воситалари рақамларини аниқлаш тизими» ва дастурий таъминотлар билан таъминласин ҳамда ушбу техник воситаларни янгилаб бориш, ахборот тизимларининг доимий ишлаб туришини таъминлаш бўйича тегишли чора-тадбирларни белгиласин.

5. Йўл ҳаракати қоидаларини бузган хорижий автотранспорт воситалари ҳайдовчиларидан божхона органлари томонидан ундирилган жарима суммасидан Ўзбекистон Республикаси Ички ишлар вазирлигининг бюджетдан ташқари жамғармасига ажратилиши белгиланган қисмнинг 50 фоизи Давлат божхона қўмитасининг Моддий ёрдам, ижтимоий ҳимоя, божхона органларини ривожлантириш ва кўзда тутилмаган харажатлар махсус жамғармасига ўтказилсин.

6. Ўзбекистон Республикаси ҳудудида йўл ҳаракати қоидаларини бузган хорижий автотранспорт воситалари ҳайдовчиларидан жарималарни ундириш тартиби тўғрисидаги низом 1-иловага мувофиқ тасдиқлансин.

8. Ўзбекистон Республикаси Давлат божхона қўмитаси Ички ишлар вазирлиги, Молия вазирлиги ҳамда бошқа манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

9. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров, Ўзбекистон Республикаси ички ишлар вазири П.Р. Бобожонов ҳамда Ўзбекистон Республикаси Давлат божхона қўмитаси раиси М.Б. Азимов зиммасига юклансин.

Вазирлар Маҳкамасининг 2020 йил 5 августдаги 463-сон қарорига 1-ИЛОВА

Ўзбекистон Республикаси ҳудудида йўл ҳаракати қоидаларини бузган хорижий автотранспорт воситалари ҳайдовчиларидан жарималарни ундириш тартиби тўғрисида

1-боб. Умумий қоидалар

1. Мазкур Низом Ўзбекистон Республикаси ҳудудида йўл ҳаракати қоидаларини бузган хорижий автотранспорт воситалари ҳайдовчиларидан жарималарни ундириш тартибини белгилайди.

2. Ушбу Низомда қуйидаги асосий тушунчалар қўлланилади:

Ўзбекистон Республикаси Ички ишлар вазирлигининг махсус маълумотлар базаси ― Ўзбекистон Республикаси Ички ишлар вазирлигининг (кейинги ўринларда ― Ички ишлар вазирлиги) республика ҳудудида йўл ҳаракати хавфсизлиги қоидаларини бузиш ҳолатларини қайд этиш ҳамда уларнинг ҳисобини юритиш бўйича автоматлаштирилган ахборот тизими;

хорижий автотранспорт воситалари ― хорижий давлатларнинг рўйхатга олиш идораларида рўйхатда турган ва Ўзбекистон Республикаси ҳудудига чет эл фуқаролари ва Ўзбекистон Республикаси ҳудудида доимий яшаш жойига эга бўлмаган фуқаролиги бўлмаган шахсларнинг шахсий эҳтиёжларини қондириш, шунингдек, юклар ва йўловчиларни халқаро ташиш мақсадида вақтинча олиб кириладиган автотранспорт воситалари;

хорижий автотранспорт воситасининг ҳайдовчиси ― Ўзбекистон Республикаси ҳудудида хорижий автотранспорт воситасини бошқарадиган шахс;

чиқиш (кириш) божхона пости ― ўз фаолиятини Ўзбекистон Республикаси Давлат божхона қўмитаси (кейинги ўринларда ― Давлат божхона қўмитаси) ҳудудий бошқармасининг бевосита раҳбарлигида амалга оширадиган ва унинг таркибига кирадиган, Ўзбекистон Республикаси Давлат чегарасининг ўтиш пунктида жойлашган давлат божхона органи.

3. Мазкур Низом қоидалари:

Ўзбекистон Республикасида аккредитациядан ўтган хорижий давлатлар дипломатик ваколатхоналари ва консуллик муассасаларининг, шунингдек, уларга тенглаштирилган ташкилотларнинг автотранспорт воситаларига;

Ўзбекистон Республикаси ҳудудига вақтинча кирган ёки транзит ҳаракатланишда бўлган хорижий расмий делегациялар автотранспорт воситаларига нисбатан татбиқ этилмайди.

4. Ўзбекистон Республикаси ҳудудида йўл ҳаракати қоидаларини бузган хорижий автотранспорт воситасининг ҳайдовчиси ёки уни амалда олиб чиқаётган бошқа шахсдан тегишли жарималар ушбу автотранспорт воситалари республика ҳудудидан олиб чиқиб кетилаётганда божхона органлари томонидан ички ишлар органлари онлайн режимда тақдим этган маълумотлар асосида ундирилади.

5. Божхона органлари хорижий автотранспорт воситаси ҳайдовчиси ёки уни амалда олиб чиқаётган бошқа шахсдан йўл ҳаракати қоидаларини бузганлик учун жарималарни ундиришда Ички ишлар вазирлигининг маълумотлар базасидан Давлат божхона қўмитасининг маълумотлар базасига келиб тушган жарима солиш тўғрисидаги қарор асос бўлади.

6. Ички ишлар органининг жарима солиш тўғрисидаги қарори, божхона органлари томонидан онлайн режимда тақдим этилган «Автотранспорт воситасини қайтариб олиб чиқиш тўғрисида мажбуриятнома» маълумотлари асосида реал вақтда автоматик шаклланади.

7. Йўл ҳаракати хавфсизлиги қоидаларини бузганлик учун жарима, Давлат божхона қўмитасининг маълумотлар базасига келиб тушган жарима солиш тўғрисидаги қарорда қайд этилган миқдорда хорижий автотранспорт воситаси эгаси, ҳайдовчиси ёки уни амалда олиб чиқаётган бошқа шахсдан ундирилади.

2-боб. Йўл ҳаракати хавфсизлиги қоидаларини бузганлик учун жаримани ундириш

8. Хорижий автотранспорт воситасининг ҳайдовчиси ёки уни амалда олиб чиқаётган бошқа шахс республика ҳудудидан чиқиш учун давлат божхона органига мурожаат қилганда, давлат божхона хизмати органи ходими ушбу хорижий автотранспорт воситаси иштирокида республика ҳудудида содир этилган йўл ҳаракати қоидаларини бузиш ҳолатлари мавжудлигини ички ишлар органи томонидан тақдим этилган маълумотлар базаси орқали мустақил равишда текширади.

9. Давлат божхона хизмати органи ходими республика ҳудудида йўл ҳаракати қоидаларини бузган хорижий автотранспорт воситасининг ҳайдовчисини ёки уни амалда олиб чиқаётган бошқа шахсни транспорт воситасининг жарима суммасини тўлаш шарти билан республикадан олиб чиқилишига йўл қўйилиши тўғрисида огоҳлантиради.

10. Ички ишлар вазирлигининг маълумотлар базасидан Давлат божхона қўмитасининг маълумотлар базасига келиб тушган жарима солиш тўғрисидаги қарор чиқиш божхона пости ходими томонидан икки нусхада чоп этилади.

Жарима солиш тўғрисидаги қарорнинг биринчи нусхаси тўлов амалга оширилган квитанция билан биргаликда чиқиш божхона пости иш юритувида қолади, иккинчи нусхаси эса хорижий автотранспорт воситаси ҳайдовчисига ёки уни амалда олиб чиқаётган бошқа шахсга берилади.

11. Йўл ҳаракати қоидаларини бузган хорижий автотранспорт воситасининг ҳайдовчиси ёки уни амалда олиб чиқаётган бошқа шахс жарима солиш тўғрисидаги қарорда қайд этилган жарима суммасини чегара божхона постидаги банк кассалари ёки электрон тўлов тизимлари ёхуд ўзига ўзи хизмат кўрсатиш терминаллари орқали тўлайди.

12. Чегара божхона постларидаги банк кассалари:

Ўзбекистон Республикаси ҳудудида йўл ҳаракати қоидаларини бузган хорижий автотранспорт воситасининг ҳайдовчиси ёки уни амалда олиб чиқаётган бошқа шахсдан жарима суммасини қабул қилади;

жарима суммаси қабул қилинганлиги ҳақида хорижий автотранспорт воситасининг рўйхатдан ўтказиш давлат рақами белгисини кўрсатган ҳолда квитанция расмийлаштиради ва унинг бир нусхасини хорижий автотранспорт воситасининг ҳайдовчиси ёки уни амалда олиб чиқаётган бошқа шахсга беради.

Банк кассаси ходими жарима солиш тўғрисидаги қарорнинг патта ва хазиначи қисмларини ўз имзоси ва муҳри билан тасдиқлайди, патта қисми иш юритувида қолади, қолган қисми эса хорижий автотранспорт воситасининг ҳайдовчиси ёки уни амалда олиб чиқаётган бошқа шахсга қайтарилади.

13. Жарима суммаси электрон тўлов тизимлари ёхуд ўзига ўзи хизмат кўрсатиш терминаллари орқали тўланади, божхона пости ходими электрон тўлов тизимлари орқали мустақил текширади ва жарима суммаси тўланган тақдирда, бу тўғрисидаги тегишли маълумотларни Давлат божхона қўмитасининг ягона автоматлаштирилган ахборот тизимида (кейинги ўринларда ― ДБҚ ЯААТ) шакллантирган ҳолда, хорижий автотранспорт воситасининг республика ҳудудидан чиқишига рухсат беради.

14. Ички ишлар органи тўланган жарима суммаси бўйича маълумотларни давлат божхона хизмати органи томонидан ДБҚ ЯААТда онлайн режимда кўриш имкониятини яратади.

15. Йўл ҳаракати қоидаларини бузганлик учун жарима суммаси тўланмаган тақдирда, давлат божхона хизмати органи ҳудудий ички ишлар органлари билан биргаликда автотранспорт воситаларини ушбу жарима суммаси тўлиқ ундирилгунга қадар мазкур Низомга 1-иловага мувофиқ шаклдаги далолатнома асосида Ўзбекистон Республикасининг Маъмурий жавобгарлик тўғрисидаги кодекси 291-моддасида белгиланган тартибда вақтинча сақловга олади.

Агар экспорт юкларини ташиш жараёнида йўл ҳаракати хавфсизлиги қоидалари бузилганлиги бўйича жарима суммасини тўлаш имконияти бўлмаганда, кейинчалик тўлаш шарти билан, шу жумладан жарима суммаси тўланмаган тақдирда мазкур транспорт воситаси ёки мулкдорга (ҳайдовчига) тегишли бошқа транспорт воситаси келгусида Ўзбекистон Республикаси ҳудудида вақтинча сақловга олиниши тўғрисида 2-иловага мувофиқ шаклдаги далолатнома асосида ёзма равишда огоҳлантирилиб, вақтинча сақловга олинмасдан божхона постининг республикадан чиқиш йўналиши орқали ҳаракатланишига рухсат берилади.

Бунда чиқиш божхона пости ходими Давлат божхона қўмитасининг маълумотлар базасида ушбу бандга мувофиқ транспорт воситаси ҳайдовчиси огоҳлантирилганлиги тўғрисида тегишли белги қўяди.

Огоҳлантириш берилганлик бўйича жарима суммаси тўланмаган транспорт воситаси ёки мулкдорга (ҳайдовчига) тегишли бошқа транспорт воситаси Ўзбекистон Республикаси ҳудудига кирганда вақтинча сақловга олинади ва тўланмаган қарздорлик суммасини мазкур Низом ҳамда амалдаги қонунчилик ҳужжатларига мувофиқ ундириб олиш чоралари кўрилади.

Бунда ташқи савдо юклари ташувлари амалга оширилаётган бўлса, тўланмаган қарздорлик суммасини ундириб олиш чоралари чегара ёки ташқи савдо юклари етказиб бериладиган манзилдаги божхона постларида амалга оширилади.

Транзит ташувларни амалга оширишда эса йўл ҳаракати хавфсизлиги қоидалари бузилганлиги бўйича қарздорлик суммалари тўланмагунга қадар республика ҳудудига киритилмайди.

16. Низомга 1-иловадаги далолатнома уч нусхада тузилиб, унинг биринчи нусхаси ― транспорт воситасини вақтинча сақлаш учун масъул бўлган шахсда, иккинчи нусхаси ― чиқиш божхона пости иш юритувида қолади, учинчи нусхаси эса транспорт воситасининг ҳайдовчисига ёки уни амалда олиб чиқаётган бошқа шахсга берилади.

Низомга 2-иловадаги далолатнома икки нусхада тузилиб, унинг биринчи нусхаси ― чиқиш божхона пости иш юритувида қолади, иккинчи нусхаси эса транспорт воситасининг ҳайдовчисига ёки уни амалда олиб чиқаётган бошқа шахсга берилади.

Далолатномалар уни тўлдирган давлат божхона хизмати ходими имзоси ва шахсий муҳри билан тасдиқланади ва бу тўғрисида ДБҚ ЯААТга тегишли маълумотларни киритади.

Далолатномалар ҳисоби ДБҚ ЯААТда юритиб борилади.

17. Йўл ҳаракати қоидаларини бузганлик учун жарима суммаси тўланмаган автотранспорт воситаси белгиланадиган жойларда 60 календарь куни сақланади.

18. Жарима суммаси 60 календарь куни ичида тўланмаган тақдирда, тўланмаган қарздорлик суммасини амалдаги қонунчилик ҳужжатларига мувофиқ мажбурий ижро ва суд органлари билан ҳамкорликда транспорт воситаси ҳисобидан ундириш чоралари кўрилади.

19. Қарздорлик бўйича якуний қарор қабул қилинган кундан эътиборан ўн кундан кечиктирмасдан, давлат бюджетига ундирилган суммадан қарорда белгиланган миқдордаги маблағ Давлат божхона қўмитасининг Моддий ёрдам, ижтимоий ҳимоя, божхона органларини ривожлантириш ва кўзда тутилмаган харажатлар махсус жамғармасига ўтказилади.

3-боб. Якунловчи қоида

20. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўладилар.

Ўзбекистон Республикаси ҳудудида йўл ҳаракати қоидаларини бузган хорижий автотранспорт воситалари ҳайдовчиларидан жарималарни ундириш тартиби тўғрисидаги низомга 1-ИЛОВА

‎‎‎Жарима суммаси тўлиқ ундирилгунга қадар автотранспорт воситасини вақтинча ‎сақловга олиш тўғрисида ‎ Д А Л О Л А Т Н О М А ‎___________-сон ‎божхона пости коди/сана /рақами ‎ ______________________________‎‎ 20___ й. «____» __________ ‎‎ ‎ ‎ (ҳудуд) ‎ ‎ ‎ ‎ ‎ ‎ ‎ ‎‎Транспорт воситаси русуми ____________________ давлат белгиси _________________________ __________________________________________________________________________________‎‎ ‎‎Транспорт воситасини вақтинча сақловга олиш сабаби (жарима суммаси тўланмаганлиги, жарима солиш тўғрисидаги қарор рақами ва санаси, жарима суммаси (рақамда ҳамда сўз билан) ва бошқа маълумотлар) __________________________________________________________________________________‎‎ ‎‎Вақтинча сақловга олинган транспорт воситаси ва унга тегишли ҳужжатлар (Йўл ҳаракати тўғрисидаги конвенцияга (Вена, 1968 йил 8 ноябрь) мувофиқ автотранспорт воситасининг рўйхатдан ўтказилганлиги тўғрисидаги гувоҳнома, ишончнома (агар мавжуд бўлса), суғурта полиси ва бошқа) ‎ (транспорт воситаси вақтинча сақловга олинган жой (манзили, номи))‎‎ ‎ ‎‎Транспорт воситасининг ташқи кўриниши: ‎‎3. Антенна __________________________ ‎‎1. Ойна тозалагич ____________________ 4. Балонлар ҳолати ___________________ ‎‎2. Ён ойнаси ________________________ 5. Кузов ҳолати ______________________ ‎‎Салон: ‎‎1. Орқа кўриниш ойнаси ______________ 5. Бар ______________________________ ‎‎2. Магнитофон ______________________ 6. Ўриндиқлар ҳолати ________________ ‎‎3. Бош қўйгич _______________________ 7. Бошқа буюм ва жиҳозлар ___________ ‎‎4. Парда ____________________________ ‎ ‎ ‎ ‎ ‎ ‎‎Багажда: ‎ ‎ ‎ ‎ ‎ ‎‎1. Эҳтиёт балон _______________ 2. Домкрат ________________ 3. Темир калитлар ______________ __________________________________________________________________________________ ‎‎(транспорт воситасида пул ва қимматбаҳо буюмлар, агар бундай буюмлар бўлган тақдирда номи кўрсатилади) ‎ ‎ ‎‎Жарима суммаси 60 календарь куни ичида тўланмаганда, қарздорлик суммасини транспорт воситаси ҳисобидан ундириш чоралари кўрилиши юзасидан огоҳлантирилади. ‎ ‎‎Ҳайдовчи: _________________________________________________________________________ ‎ ‎ ‎ ‎‎(фамилияси, исми, отасининг исми, имзоси) ‎ ‎ ‎‎Қабул қилувчи: _____________________________________________________________________ ‎ ‎ ‎ ‎‎(фамилияси, исми, отасининг исми, имзоси) ‎‎ ‎ ‎ ‎‎Божхона ходими: ____________________________________________________________________ ‎ ‎ ‎ ‎‎(фамилияси, исми, отасининг исми, имзоси) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Ўзбекистон Республикаси ҳудудида йўл ҳаракати қоидаларини бузган хорижий автотранспорт воситалари ҳайдовчиларидан жарималарни ундириш тартиби тўғрисидаги низомга 2-ИЛОВА

‎‎Экспорт юклар ташувини амалга ошираётган транспорт воситасини ‎йўл ҳаракати хавфсизлиги қоидаларини бузганлик учун жарима ‎суммасини келгусида тўлаш шарти билан республика ҳудудидан ‎олиб чиқилишига рухсат беришда, транспорт воситасини ‎амалда олиб чиқаётган шахсни (эгаси, мулкдор, ҳайдовчи) ‎огоҳлантириш тўғрисида ‎Д А Л О Л А Т Н О М А ‎‎___________-сон ‎божхона пости ‎коди/сана/рақами ‎ ‎‎__________________________ ‎‎20___ й. «____» __________ ‎ ‎ (ҳудуд)‎ ‎ ‎ ‎ ‎ ‎ ‎ ‎ Транспорт воситаси русуми ________________ давлат белгиси ____________________ ‎‎__________________________________________________________________________________ ‎‎Жарима солиш тўғрисидаги қарор рақами ва санаси, жарима суммаси (рақамда ҳамда сўз билан) ‎ ‎‎__________________________________________________________________________________ ‎‎Республика ҳудудидан олиб чиқилишига рухсат берилган , экспорт юклар ташувини амалга ошираётган транспорт воситаси ва унга тегишли ҳужжатлар (Йўл ҳаракати тўғрисидаги конвенцияга (Вена, 1968 йил 8 ноябрь) мувофиқ автотранспорт воситасининг рўйхатдан ўтказилганлиги тўғрисидаги гувоҳнома, ишончнома (агар мавжуд бўлса), суғурта полиси ва бошқа) ‎ ‎‎‎‎__________________________________________________________________________________ ‎‎Ташилаётган экспорт товарлари тўғрисида қисқача маълумот (номи, қиймати, вазни) , БЮД ва ЮЕБНК рақами. ‎ ‎ ‎‎Йўл ҳаракати хавфсизлиги қоидаларини бузганлик учун жарима суммасини тўлаш имконияти бўлмаганда, кейинчалик тўлаш шарти билан, шу жумладан жарима суммаси тўланмаган тақдирда мазкур транспорт воситаси ёки мулкдор (ҳайдовчи)га тегишли бошқа транспорт воситаси келгусида Ўзбекистон Республикаси ҳудудида вақтинча сақловга олиниши ҳамда 60 календарь куни ичида тўланмаганда, қарздорлик суммасини транспорт воситаси ҳисобидан ундириш чоралари кўрилиши юзасидан огоҳлантирилади. ‎‎ __________________________________________________________________________________ ‎__________________________________________________________________________________ ‎__________________________________________________________________________________ ‎__________________________________________________________________________________ ‎‎Ҳайдовчи: _________________________________________________________________________ ‎ ‎ ‎ ‎‎(фамилияси, исми, отасининг исми, имзоси) ‎ ‎ ‎‎Божхона ходими: ____________________________________________________________________ ‎ ‎ ‎ ‎‎‎‎(фамилияси, исми, отасининг исми, имзоси) ‎ ‎ ‎ ‎ ‎ ‎ ‎ ‎ ‎ ‎ ‎ ‎

Ўзбекистон Республикасининг Бош вазири А. АРИПОВ

Тошкент ш.,

2020 йил 5 август,

463-сон

(Қонун ҳужжатлари маълумотлари миллий базаси, 06.08.2020 й., 09/20/463/1141-сон; Қонунчилик маълумотлари миллий базаси, 05.04.2022 й., 09/22/153/0266-сон; 22.05.2025 й., 09/25/325/0460-сон; 07.11.2025 й., 09/25/700/1022-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

Yoʻl harakati qoidalariga rioya etilishini taʼminlash boʻyicha qoʻshimcha chora-tadbirlar toʻgʻrisida

Oʻzbekiston Respublikasi hududida yoʻl harakati qoidalariga soʻzsiz rioya etilishi va mazkur turdagi qoidabuzarliklar uchun javobgarlikning muqarrarligini taʼminlash, shuningdek, yoʻl harakati qoidalariga qatiy rioya etilishi boʻyicha nazoratni yanada kuchaytirish maqsadida Vazirlar Mahkamasi qaror qiladi:

1. Oʻzbekiston Respublikasi hududida yoʻl harakati qoidalarini buzgan xorijiy avtotransport vositalari haydovchilari yoki boshqa shaxslardan tegishli jarimalarni ushbu avtotransport vositalari respublika hududidan olib chiqib ketayotilganda bojxona organlari tomonidan ichki ishlar organlari “onlayn” rejimda taqdim etgan maʼlumotlar asosida undirish mexanizmi joriy etilsin.

Belgilansinki, ushbu bandda nazarda tutilgan qoidalar:

Oʻzbekiston Respublikasida akkreditatsiyadan oʻtgan xorijiy davlatlar diplomatik vakolatxonalari va konsullik muassasalarining, shuningdek, ularga tenglashtirilgan tashkilotlarning avtotransport vositalariga;

Oʻzbekiston Respublikasi hududiga vaqtincha kirgan yoki tranzit harakatlanishda boʻlgan xorijiy rasmiy delegatsiyalar avtotransport vositalariga nisbatan tatbiq etilmaydi.

2. Oʻzbekiston Respublikasi Davlat bojxona qoʻmitasiga respublika hududida yoʻl harakati qoidalari buzilganligi uchun toʻlanmagan jarimalarni avtotransport vositalari respublika hududidan olib chiqib ketilayotganda undirish, jarima toʻlanmagan taqdirda esa jarima summasi toʻliq undirilgunga qadar avtotransport vositalarini hududiy ichki ishlar organlari bilan birgalikda Oʻzbekiston Respublikasining Maʼmuriy javobgarlik toʻgʻrisidagi kodeksi 291-moddasida belgilangan tartibda vaqtincha saqlovga olish huquqi berilsin.

3. Oʻzbekiston Respublikasi Davlat bojxona qoʻmitasi Ichki ishlar vazirligi bilan birgalikda Oʻzbekiston Respublikasi hududida vaqtincha boʻlib turgan hamda respublika hududi boʻylab tranzit harakatlanayotgan xorijiy avtotransport vositalari bojxona chegarasini kesib oʻtishida, ularning respublika hududida yoʻl harakati qoidalarini buzganligini real vaqt rejimida aniqlash maqsadida Ichki ishlar vazirligining maxsus avtomatlashtirilgan foto va videofiksatsiya maʼlumotlar bazasini bir oy muddatda Davlat bojxona qoʻmitasining maʼlumotlar bazasi bilan integratsiyalashtirsin.

4. Oʻzbekiston Respublikasi Davlat bojxona qoʻmitasi:

yoʻl harakati qoidalarini buzgan xorijiy avtotransport vositalari haydovchilari yoki boshqa shaxslar tomonidan toʻlanmagan jarimalarni ushbu avtotransport vositalari respublika hududidan olib chiqib ketilayotganda undirib olish choralarini koʻrsin;

chegara bojxona postlarini zamonaviy kameralar bilan jihozlasin, shu jumladan “Avtotransport vositalari raqamlarini aniqlash tizimi” va dasturiy taʼminotlar bilan taʼminlasin hamda ushbu texnik vositalarni yangilab borish, axborot tizimlarining doimiy ishlab turishini taʼminlash boʻyicha tegishli chora-tadbirlarni belgilasin.

5. Yoʻl harakati qoidalarini buzgan xorijiy avtotransport vositalari haydovchilaridan bojxona organlari tomonidan undirilgan jarima summasidan Oʻzbekiston Respublikasi Ichki ishlar vazirligining budjetdan tashqari jamgʻarmasiga ajratilishi belgilangan qismning 50 foizi Davlat bojxona qoʻmitasining Moddiy yordam, ijtimoiy himoya, bojxona organlarini rivojlantirish va koʻzda tutilmagan xarajatlar maxsus jamgʻarmasiga oʻtkazilsin.

6. Oʻzbekiston Respublikasi hududida yoʻl harakati qoidalarini buzgan xorijiy avtotransport vositalari haydovchilaridan jarimalarni undirish tartibi toʻgʻrisidagi nizom 1-ilovaga muvofiq tasdiqlansin.

8. Oʻzbekiston Respublikasi Davlat bojxona qoʻmitasi Ichki ishlar vazirligi, Moliya vazirligi hamda boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov, Oʻzbekiston Respublikasi ichki ishlar vaziri P.R. Bobojonov hamda Oʻzbekiston Respublikasi Davlat bojxona qoʻmitasi raisi M.B. Azimov zimmasiga yuklansin.

Vazirlar Mahkamasining 2020-yil 5-avgustdagi 463-son qaroriga 1-ILOVA

Oʻzbekiston Respublikasi hududida yoʻl harakati qoidalarini buzgan xorijiy avtotransport vositalari haydovchilaridan jarimalarni undirish tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi hududida yoʻl harakati qoidalarini buzgan xorijiy avtotransport vositalari haydovchilaridan jarimalarni undirish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

Oʻzbekiston Respublikasi Ichki ishlar vazirligining maxsus maʼlumotlar bazasi ― Oʻzbekiston Respublikasi Ichki ishlar vazirligining (keyingi oʻrinlarda ― Ichki ishlar vazirligi) respublika hududida yoʻl harakati xavfsizligi qoidalarini buzish holatlarini qayd etish hamda ularning hisobini yuritish boʻyicha avtomatlashtirilgan axborot tizimi;

xorijiy avtotransport vositalari ― xorijiy davlatlarning roʻyxatga olish idoralarida roʻyxatda turgan va Oʻzbekiston Respublikasi hududiga chet el fuqarolari va Oʻzbekiston Respublikasi hududida doimiy yashash joyiga ega boʻlmagan fuqaroligi boʻlmagan shaxslarning shaxsiy ehtiyojlarini qondirish, shuningdek, yuklar va yoʻlovchilarni xalqaro tashish maqsadida vaqtincha olib kiriladigan avtotransport vositalari;

xorijiy avtotransport vositasining haydovchisi ― Oʻzbekiston Respublikasi hududida xorijiy avtotransport vositasini boshqaradigan shaxs;

chiqish (kirish) bojxona posti ― oʻz faoliyatini Oʻzbekiston Respublikasi Davlat bojxona qoʻmitasi (keyingi oʻrinlarda ― Davlat bojxona qoʻmitasi) hududiy boshqarmasining bevosita rahbarligida amalga oshiradigan va uning tarkibiga kiradigan, Oʻzbekiston Respublikasi Davlat chegarasining oʻtish punktida joylashgan davlat bojxona organi.

3. Mazkur Nizom qoidalari:

Oʻzbekiston Respublikasida akkreditatsiyadan oʻtgan xorijiy davlatlar diplomatik vakolatxonalari va konsullik muassasalarining, shuningdek, ularga tenglashtirilgan tashkilotlarning avtotransport vositalariga;

Oʻzbekiston Respublikasi hududiga vaqtincha kirgan yoki tranzit harakatlanishda boʻlgan xorijiy rasmiy delegatsiyalar avtotransport vositalariga nisbatan tatbiq etilmaydi.

4. Oʻzbekiston Respublikasi hududida yoʻl harakati qoidalarini buzgan xorijiy avtotransport vositasining haydovchisi yoki uni amalda olib chiqayotgan boshqa shaxsdan tegishli jarimalar ushbu avtotransport vositalari respublika hududidan olib chiqib ketilayotganda bojxona organlari tomonidan ichki ishlar organlari onlayn rejimda taqdim etgan maʼlumotlar asosida undiriladi.

5. Bojxona organlari xorijiy avtotransport vositasi haydovchisi yoki uni amalda olib chiqayotgan boshqa shaxsdan yoʻl harakati qoidalarini buzganlik uchun jarimalarni undirishda Ichki ishlar vazirligining maʼlumotlar bazasidan Davlat bojxona qoʻmitasining maʼlumotlar bazasiga kelib tushgan jarima solish toʻgʻrisidagi qaror asos boʻladi.

6. Ichki ishlar organining jarima solish toʻgʻrisidagi qarori, bojxona organlari tomonidan onlayn rejimda taqdim etilgan “Avtotransport vositasini qaytarib olib chiqish toʻgʻrisida majburiyatnoma” maʼlumotlari asosida real vaqtda avtomatik shakllanadi.

7. Yoʻl harakati xavfsizligi qoidalarini buzganlik uchun jarima, Davlat bojxona qoʻmitasining maʼlumotlar bazasiga kelib tushgan jarima solish toʻgʻrisidagi qarorda qayd etilgan miqdorda xorijiy avtotransport vositasi egasi, haydovchisi yoki uni amalda olib chiqayotgan boshqa shaxsdan undiriladi.

2-bob. Yoʻl harakati xavfsizligi qoidalarini buzganlik uchun jarimani undirish

8. Xorijiy avtotransport vositasining haydovchisi yoki uni amalda olib chiqayotgan boshqa shaxs respublika hududidan chiqish uchun davlat bojxona organiga murojaat qilganda, davlat bojxona xizmati organi xodimi ushbu xorijiy avtotransport vositasi ishtirokida respublika hududida sodir etilgan yoʻl harakati qoidalarini buzish holatlari mavjudligini ichki ishlar organi tomonidan taqdim etilgan maʼlumotlar bazasi orqali mustaqil ravishda tekshiradi.

9. Davlat bojxona xizmati organi xodimi respublika hududida yoʻl harakati qoidalarini buzgan xorijiy avtotransport vositasining haydovchisini yoki uni amalda olib chiqayotgan boshqa shaxsni transport vositasining jarima summasini toʻlash sharti bilan respublikadan olib chiqilishiga yoʻl qoʻyilishi toʻgʻrisida ogohlantiradi.

10. Ichki ishlar vazirligining maʼlumotlar bazasidan Davlat bojxona qoʻmitasining maʼlumotlar bazasiga kelib tushgan jarima solish toʻgʻrisidagi qaror chiqish bojxona posti xodimi tomonidan ikki nusxada chop etiladi.

Jarima solish toʻgʻrisidagi qarorning birinchi nusxasi toʻlov amalga oshirilgan kvitansiya bilan birgalikda chiqish bojxona posti ish yurituvida qoladi, ikkinchi nusxasi esa xorijiy avtotransport vositasi haydovchisiga yoki uni amalda olib chiqayotgan boshqa shaxsga beriladi.

11. Yoʻl harakati qoidalarini buzgan xorijiy avtotransport vositasining haydovchisi yoki uni amalda olib chiqayotgan boshqa shaxs jarima solish toʻgʻrisidagi qarorda qayd etilgan jarima summasini chegara bojxona postidagi bank kassalari yoki elektron toʻlov tizimlari yoxud oʻziga oʻzi xizmat koʻrsatish terminallari orqali toʻlaydi.

12. Chegara bojxona postlaridagi bank kassalari:

Oʻzbekiston Respublikasi hududida yoʻl harakati qoidalarini buzgan xorijiy avtotransport vositasining haydovchisi yoki uni amalda olib chiqayotgan boshqa shaxsdan jarima summasini qabul qiladi;

jarima summasi qabul qilinganligi haqida xorijiy avtotransport vositasining roʻyxatdan oʻtkazish davlat raqami belgisini koʻrsatgan holda kvitansiya rasmiylashtiradi va uning bir nusxasini xorijiy avtotransport vositasining haydovchisi yoki uni amalda olib chiqayotgan boshqa shaxsga beradi.

Bank kassasi xodimi jarima solish toʻgʻrisidagi qarorning patta va xazinachi qismlarini oʻz imzosi va muhri bilan tasdiqlaydi, patta qismi ish yurituvida qoladi, qolgan qismi esa xorijiy avtotransport vositasining haydovchisi yoki uni amalda olib chiqayotgan boshqa shaxsga qaytariladi.

13. Jarima summasi elektron toʻlov tizimlari yoxud oʻziga oʻzi xizmat koʻrsatish terminallari orqali toʻlanadi, bojxona posti xodimi elektron toʻlov tizimlari orqali mustaqil tekshiradi va jarima summasi toʻlangan taqdirda, bu toʻgʻrisidagi tegishli maʼlumotlarni Davlat bojxona qoʻmitasining yagona avtomatlashtirilgan axborot tizimida (keyingi oʻrinlarda ― DBQ YAAAT) shakllantirgan holda, xorijiy avtotransport vositasining respublika hududidan chiqishiga ruxsat beradi.

14. Ichki ishlar organi toʻlangan jarima summasi boʻyicha maʼlumotlarni davlat bojxona xizmati organi tomonidan DBQ YAAATda onlayn rejimda koʻrish imkoniyatini yaratadi.

15. Yoʻl harakati qoidalarini buzganlik uchun jarima summasi toʻlanmagan taqdirda, davlat bojxona xizmati organi hududiy ichki ishlar organlari bilan birgalikda avtotransport vositalarini ushbu jarima summasi toʻliq undirilgunga qadar mazkur Nizomga 1-ilovaga muvofiq shakldagi dalolatnoma asosida Oʻzbekiston Respublikasining Maʼmuriy javobgarlik toʻgʻrisidagi kodeksi 291-moddasida belgilangan tartibda vaqtincha saqlovga oladi.

Agar eksport yuklarini tashish jarayonida yoʻl harakati xavfsizligi qoidalari buzilganligi boʻyicha jarima summasini toʻlash imkoniyati boʻlmaganda, keyinchalik toʻlash sharti bilan, shu jumladan jarima summasi toʻlanmagan taqdirda mazkur transport vositasi yoki mulkdorga (haydovchiga) tegishli boshqa transport vositasi kelgusida Oʻzbekiston Respublikasi hududida vaqtincha saqlovga olinishi toʻgʻrisida 2-ilovaga muvofiq shakldagi dalolatnoma asosida yozma ravishda ogohlantirilib, vaqtincha saqlovga olinmasdan bojxona postining respublikadan chiqish yoʻnalishi orqali harakatlanishiga ruxsat beriladi.

Bunda chiqish bojxona posti xodimi Davlat bojxona qoʻmitasining maʼlumotlar bazasida ushbu bandga muvofiq transport vositasi haydovchisi ogohlantirilganligi toʻgʻrisida tegishli belgi qoʻyadi.

Ogohlantirish berilganlik boʻyicha jarima summasi toʻlanmagan transport vositasi yoki mulkdorga (haydovchiga) tegishli boshqa transport vositasi Oʻzbekiston Respublikasi hududiga kirganda vaqtincha saqlovga olinadi va toʻlanmagan qarzdorlik summasini mazkur Nizom hamda amaldagi qonunchilik hujjatlariga muvofiq undirib olish choralari koʻriladi.

Bunda tashqi savdo yuklari tashuvlari amalga oshirilayotgan boʻlsa, toʻlanmagan qarzdorlik summasini undirib olish choralari chegara yoki tashqi savdo yuklari yetkazib beriladigan manzildagi bojxona postlarida amalga oshiriladi.

Tranzit tashuvlarni amalga oshirishda esa yoʻl harakati xavfsizligi qoidalari buzilganligi boʻyicha qarzdorlik summalari toʻlanmagunga qadar respublika hududiga kiritilmaydi.

16. Nizomga 1-ilovadagi dalolatnoma uch nusxada tuzilib, uning birinchi nusxasi ― transport vositasini vaqtincha saqlash uchun masʼul boʻlgan shaxsda, ikkinchi nusxasi ― chiqish bojxona posti ish yurituvida qoladi, uchinchi nusxasi esa transport vositasining haydovchisiga yoki uni amalda olib chiqayotgan boshqa shaxsga beriladi.

Nizomga 2-ilovadagi dalolatnoma ikki nusxada tuzilib, uning birinchi nusxasi ― chiqish bojxona posti ish yurituvida qoladi, ikkinchi nusxasi esa transport vositasining haydovchisiga yoki uni amalda olib chiqayotgan boshqa shaxsga beriladi.

Dalolatnomalar uni toʻldirgan davlat bojxona xizmati xodimi imzosi va shaxsiy muhri bilan tasdiqlanadi va bu toʻgʻrisida DBQ YAAATga tegishli maʼlumotlarni kiritadi.

Dalolatnomalar hisobi DBQ YAAATda yuritib boriladi.

17. Yoʻl harakati qoidalarini buzganlik uchun jarima summasi toʻlanmagan avtotransport vositasi belgilanadigan joylarda 60 kalendar kuni saqlanadi.

18. Jarima summasi 60 kalendar kuni ichida toʻlanmagan taqdirda, toʻlanmagan qarzdorlik summasini amaldagi qonunchilik hujjatlariga muvofiq majburiy ijro va sud organlari bilan hamkorlikda transport vositasi hisobidan undirish choralari koʻriladi.

19. Qarzdorlik boʻyicha yakuniy qaror qabul qilingan kundan eʼtiboran oʻn kundan kechiktirmasdan, davlat budjetiga undirilgan summadan qarorda belgilangan miqdordagi mablagʻ Davlat bojxona qoʻmitasining Moddiy yordam, ijtimoiy himoya, bojxona organlarini rivojlantirish va koʻzda tutilmagan xarajatlar maxsus jamgʻarmasiga oʻtkaziladi.

3-bob. Yakunlovchi qoida

20. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladilar.

Oʻzbekiston Respublikasi hududida yoʻl harakati qoidalarini buzgan xorijiy avtotransport vositalari haydovchilaridan jarimalarni undirish tartibi toʻgʻrisidagi nizomga 1-ILOVA

‎‎‎Jarima summasi toʻliq undirilgunga qadar avtotransport vositasini vaqtincha ‎saqlovga olish toʻgʻrisida ‎ D A L O L A T N O M A ‎___________-son ‎bojxona posti kodi/sana /raqami ‎ ______________________________‎‎ 20___ y. “____” __________ ‎‎ ‎ ‎ (hudud) ‎ ‎ ‎ ‎ ‎ ‎ ‎ ‎‎Transport vositasi rusumi ____________________ davlat belgisi _________________________ __________________________________________________________________________________‎‎ ‎‎Transport vositasini vaqtincha saqlovga olish sababi (jarima summasi toʻlanmaganligi, jarima solish toʻgʻrisidagi qaror raqami va sanasi, jarima summasi (raqamda hamda soʻz bilan) va boshqa maʼlumotlar) __________________________________________________________________________________‎‎ ‎‎Vaqtincha saqlovga olingan transport vositasi va unga tegishli hujjatlar (Yoʻl harakati toʻgʻrisidagi konvensiyaga (Vena, 1968-yil 8-noyabr) muvofiq avtotransport vositasining roʻyxatdan oʻtkazilganligi toʻgʻrisidagi guvohnoma, ishonchnoma (agar mavjud boʻlsa), sugʻurta polisi va boshqa) ‎ (transport vositasi vaqtincha saqlovga olingan joy (manzili, nomi))‎‎ ‎ ‎‎Transport vositasining tashqi koʻrinishi: ‎‎3. Antenna __________________________ ‎‎1. Oyna tozalagich ____________________ 4. Balonlar holati ___________________ ‎‎2. Yon oynasi ________________________ 5. Kuzov holati ______________________ ‎‎Salon: ‎‎1. Orqa koʻrinish oynasi ______________ 5. Bar ______________________________ ‎‎2. Magnitofon ______________________ 6. Oʻrindiqlar holati ________________ ‎‎3. Bosh qoʻygich _______________________ 7. Boshqa buyum va jihozlar ___________ ‎‎4. Parda ____________________________ ‎ ‎ ‎ ‎ ‎ ‎‎Bagajda: ‎ ‎ ‎ ‎ ‎ ‎‎1. Ehtiyot balon _______________ 2. Domkrat ________________ 3. Temir kalitlar ______________ __________________________________________________________________________________ ‎‎(transport vositasida pul va qimmatbaho buyumlar, agar bunday buyumlar boʻlgan taqdirda nomi koʻrsatiladi) ‎ ‎ ‎‎Jarima summasi 60 kalendar kuni ichida toʻlanmaganda, qarzdorlik summasini transport vositasi hisobidan undirish choralari koʻrilishi yuzasidan ogohlantiriladi. ‎ ‎‎Haydovchi: _________________________________________________________________________ ‎ ‎ ‎ ‎‎(familiyasi, ismi, otasining ismi, imzosi) ‎ ‎ ‎‎Qabul qiluvchi: _____________________________________________________________________ ‎ ‎ ‎ ‎‎(familiyasi, ismi, otasining ismi, imzosi) ‎‎ ‎ ‎ ‎‎Bojxona xodimi: ____________________________________________________________________ ‎ ‎ ‎ ‎‎(familiyasi, ismi, otasining ismi, imzosi) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Oʻzbekiston Respublikasi hududida yoʻl harakati qoidalarini buzgan xorijiy avtotransport vositalari haydovchilaridan jarimalarni undirish tartibi toʻgʻrisidagi nizomga 2-ILOVA

‎‎Eksport yuklar tashuvini amalga oshirayotgan transport vositasini ‎yoʻl harakati xavfsizligi qoidalarini buzganlik uchun jarima ‎summasini kelgusida toʻlash sharti bilan respublika hududidan ‎olib chiqilishiga ruxsat berishda, transport vositasini ‎amalda olib chiqayotgan shaxsni (egasi, mulkdor, haydovchi) ‎ogohlantirish toʻgʻrisida ‎D A L O L A T N O M A ‎‎___________-son ‎bojxona posti ‎kodi/sana/raqami ‎ ‎‎__________________________ ‎‎20___ y. “____” __________ ‎ ‎ (hudud)‎ ‎ ‎ ‎ ‎ ‎ ‎ ‎ Transport vositasi rusumi ________________ davlat belgisi ____________________ ‎‎__________________________________________________________________________________ ‎‎Jarima solish toʻgʻrisidagi qaror raqami va sanasi, jarima summasi (raqamda hamda soʻz bilan) ‎ ‎‎__________________________________________________________________________________ ‎‎Respublika hududidan olib chiqilishiga ruxsat berilgan , eksport yuklar tashuvini amalga oshirayotgan transport vositasi va unga tegishli hujjatlar (Yoʻl harakati toʻgʻrisidagi konvensiyaga (Vena, 1968-yil 8-noyabr) muvofiq avtotransport vositasining roʻyxatdan oʻtkazilganligi toʻgʻrisidagi guvohnoma, ishonchnoma (agar mavjud boʻlsa), sugʻurta polisi va boshqa) ‎ ‎‎‎‎__________________________________________________________________________________ ‎‎Tashilayotgan eksport tovarlari toʻgʻrisida qisqacha maʼlumot (nomi, qiymati, vazni) , BYD va YUYEBNK raqami. ‎ ‎ ‎‎Yoʻl harakati xavfsizligi qoidalarini buzganlik uchun jarima summasini toʻlash imkoniyati boʻlmaganda, keyinchalik toʻlash sharti bilan, shu jumladan jarima summasi toʻlanmagan taqdirda mazkur transport vositasi yoki mulkdor (haydovchi)ga tegishli boshqa transport vositasi kelgusida Oʻzbekiston Respublikasi hududida vaqtincha saqlovga olinishi hamda 60 kalendar kuni ichida toʻlanmaganda, qarzdorlik summasini transport vositasi hisobidan undirish choralari koʻrilishi yuzasidan ogohlantiriladi. ‎‎ __________________________________________________________________________________ ‎__________________________________________________________________________________ ‎__________________________________________________________________________________ ‎__________________________________________________________________________________ ‎‎Haydovchi: _________________________________________________________________________ ‎ ‎ ‎ ‎‎(familiyasi, ismi, otasining ismi, imzosi) ‎ ‎ ‎‎Bojxona xodimi: ____________________________________________________________________ ‎ ‎ ‎ ‎‎‎‎(familiyasi, ismi, otasining ismi, imzosi) ‎ ‎ ‎ ‎ ‎ ‎ ‎ ‎ ‎ ‎ ‎ ‎

Oʻzbekiston Respublikasining Bosh vaziri A. ARIPOV

Toshkent sh.,

2020-yil 5-avgust,

463-son

(Qonun hujjatlari maʼlumotlari milliy bazasi, 06.08.2020-y., 09/20/463/1141-son; Qonunchilik maʼlumotlari milliy bazasi, 05.04.2022-y., 09/22/153/0266-son; 22.05.2025-y., 09/25/325/0460-son; 07.11.2025-y., 09/25/700/1022-son)

lex.uz