📅 2020-yil 10-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 10 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 августа 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 10 August 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Papenburg Uzbekistan» Ўзбекистон-Германия қўшма корхонасини ташкил этиш чора-тадбирлари тўғрисида
Ўзбекистон Республикаси Президентининг « Автомобиль йўлларини қуриш ва улардан фойдаланиш соҳасида ишларни ташкил этишнинг илғор хорижий услубларини жорий этиш чора-тадбирлари тўғрисида » 2018 йил 27 ноябрдаги ПҚ-4035-сон ва « Ўзбекистон Республикаси ва Германия Федератив Республикаси ўртасида кўп қиррали ҳамкорликни янада кенгайтириш чора-тадбирлари тўғрисида » 2019 йил 1 февралдаги ПҚ-4145-сон қарорлари ижросини таъминлаш мақсадида Вазирлар Маҳкамаси қарор қилади:
1. Қуйидагилар:
а) Ўзбекистон Республикаси Транспорт вазирлиги ҳузуридаги Автомобиль йўллари қўмитаси (кейинги ўринларда — Қўмита) ва «GP Gunter Papenburg AG» компанияси (Германия) ўртасида Ўзбекистон Республикасида йўл қурилиши учун асфальт-бетон қоришмалар, тайёр бетон буюмлар ишлаб чиқариш, шунингдек, Германия технологиялари ва асбоб-ускуналарини қўллаган ҳолда, қурилиш-монтаж ишларини бажариш бўйича масъулияти чекланган жамият шаклидаги «Papenburg Uzbekistan» қўшма корхонасини (кейинги ўринларда — «Papenburg Uzbekistan» МЧЖ) ташкил этиш тўғрисида битим имзоланганлиги;
б) «Papenburg Uzbekistan» МЧЖ устав фонди:
30 фоизи — Қўмита таркибидаги «Трансйўлқурилиш» ДУКнинг Ўзбекистон Республикаси Марказий банкининг курси бўйича ўтказилган 1 714 286 евро эквивалентидаги пул маблағлари;
70 фоизи — «GP Gunter Papenburg AG» (Германия)нинг «Papenburg International GmbH» компанияси бир йил давомида ўз маблағлари ва жалб қилинган маблағлар ҳисобидан камида 4,0 млн евро миқдоридаги тўғридан-тўғри инвестицияси ҳисобига шакллантирилганлиги маълумот учун қабул қилинсин.
2. Ўзбекистон Республикаси Давлат активларини бошқариш агентлиги бир ой муддатда «Papenburg Uzbekistan» МЧЖ билан Қўмита таркибидаги «Тошкент кўприклардан фойдаланиш» унитар корхонанинг Тошкент шаҳри, Бектемир тумани, Порлоқ кўчаси 14-уй манзилида жойлашган бино ва иншоотлари ҳудудидан фойдаланилмаётган 8,3 га ер майдони ва ундаги бино-иншоотларни (кейинги ўринларда — объект) «ноль» харид қийматида сотиш бўйича имзоланган келишув битими доирасида инвестиция ва ижтимоий мажбуриятларни белгилаган ҳолда шартнома тузсин.
3. Қўмитага Вазирлар Маҳкамаси билан келишилган ҳолда «Papenburg Uzbekistan» МЧЖнинг Ўзбекистон томонидан иштирокчисини ўзгартириш бўйича жамият бошқарув органига таклиф киритиш ҳуқуқи берилсин.
4. «Papenburg Uzbekistan» МЧЖга истисно тариқасида, асфальт-бетон қоришмалар ва бетон буюмлар ишлаб чиқаришда фойдаланиш мақсадида Чирчиқ дарёси ирмоқлари участкасини тозалашда қум-шағал материаллари қазиб олиш учун Ўзбекистон Республикаси Фавқулодда вазиятлар вазирлиги ҳузуридаги «Хавфсиз дарё» давлат унитар корхонаси билан (Тошқинга қарши Ҳукумат комиссиясининг баённомаси билан тасдиқланган) тўғридан-тўғри шартнома тузсин.
4 1 .Ўзбекистон Республикаси Геология ва минерал ресурслар давлат қўмитаси, Экология ва атроф муҳитни муҳофаза қилиш давлат қўмитаси ва Тошкент вилоят хокимлиги икки ҳафта муддатда қурилиш ишларида сифатли ва арзон инерт материалларини ишлаб чиқариш мақсадида Чирчиқ (1989) қум-шағал аралашмаси конида жойлашган «Хўкиз орол» ҳудудидаги Халқаро қуёш энергияси институтининг тажриба лабораториясига тегишли 20 гектар ер майдонини «Papenburg Uzbekistan» МЧЖга ажратсин хамда ер қаъридан фойдаланиш учун тегишли лицензия расмийлаштирсин.
5. Ўзбекистон Республикаси Ташқи ишлар вазирлиги Қўмитанинг буюртманомаларига биноан лойиҳани амалга ошириш доирасида Ўзбекистон Республикасига жалб килинадиган хорижий мутахассисларга, шунингдек, уларнинг оила аъзоларига (эри/хотини ва вояга етмаган болаларига) кириш визаларини расмийлаштирсин.
6. Ўзбекистон Республикаси Ички ишлар вазирлиги Қўмитанинг буюртманомаларига биноан хорижий мутахассислар ва уларнинг оила аъзоларига кўп марталик визалар берилиши ва муддати узайтирилишини, шунингдек, улар вақтинча рўйхатга олинишини таъминласин.
7. Ўзбекистон Республикаси Бандлик ва меҳнат муносабатлари вазирлиги «Papenburg Uzbekistan» МЧЖ буюртманомаларига биноан хориждан (Ўзбекистон Республикаси фуқаролари орасида бўлмаган) ишчи кучини Ўзбекистон Республикасига жалб қилишга рухсатномалар берилишини (узайтирилишини), шунингдек, хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқи учун тасдиқномалар берсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 10 август,
471-сон
Oʻzbekiston Respublikasi Vazirlar Mahkamasining
qarori
“Papenburg Uzbekistan” Oʻzbekiston-Germaniya qoʻshma korxonasini tashkil etish chora-tadbirlari toʻgʻrisida
Oʻzbekiston Respublikasi Prezidentining “ Avtomobil yoʻllarini qurish va ulardan foydalanish sohasida ishlarni tashkil etishning ilgʻor xorijiy uslublarini joriy etish chora-tadbirlari toʻgʻrisida ” 2018-yil 27-noyabrdagi PQ-4035-son va “ Oʻzbekiston Respublikasi va Germaniya Federativ Respublikasi oʻrtasida koʻp qirrali hamkorlikni yanada kengaytirish chora-tadbirlari toʻgʻrisida ” 2019-yil 1-fevraldagi PQ-4145-son qarorlari ijrosini taʼminlash maqsadida Vazirlar Mahkamasi qaror qiladi:
1. Quyidagilar:
a) Oʻzbekiston Respublikasi Transport vazirligi huzuridagi Avtomobil yoʻllari qoʻmitasi (keyingi oʻrinlarda — Qoʻmita) va “GP Gunter Papenburg AG” kompaniyasi (Germaniya) oʻrtasida Oʻzbekiston Respublikasida yoʻl qurilishi uchun asfalt-beton qorishmalar, tayyor beton buyumlar ishlab chiqarish, shuningdek, Germaniya texnologiyalari va asbob-uskunalarini qoʻllagan holda, qurilish-montaj ishlarini bajarish boʻyicha masʼuliyati cheklangan jamiyat shaklidagi “Papenburg Uzbekistan” qoʻshma korxonasini (keyingi oʻrinlarda — “Papenburg Uzbekistan” MCHJ) tashkil etish toʻgʻrisida bitim imzolanganligi;
b) “Papenburg Uzbekistan” MCHJ ustav fondi:
30 foizi — Qoʻmita tarkibidagi “Transyoʻlqurilish” DUKning Oʻzbekiston Respublikasi Markaziy bankining kursi boʻyicha oʻtkazilgan 1 714 286 yevro ekvivalentidagi pul mablagʻlari;
70 foizi — “GP Gunter Papenburg AG” (Germaniya)ning “Papenburg International GmbH” kompaniyasi bir yil davomida oʻz mablagʻlari va jalb qilingan mablagʻlar hisobidan kamida 4,0 mln yevro miqdoridagi toʻgʻridan-toʻgʻri investitsiyasi hisobiga shakllantirilganligi maʼlumot uchun qabul qilinsin.
2. Oʻzbekiston Respublikasi Davlat aktivlarini boshqarish agentligi bir oy muddatda “Papenburg Uzbekistan” MCHJ bilan Qoʻmita tarkibidagi “Toshkent koʻpriklardan foydalanish” unitar korxonaning Toshkent shahri, Bektemir tumani, Porloq koʻchasi 14-uy manzilida joylashgan bino va inshootlari hududidan foydalanilmayotgan 8,3 ga yer maydoni va undagi bino-inshootlarni (keyingi oʻrinlarda — obyekt) “nol” xarid qiymatida sotish boʻyicha imzolangan kelishuv bitimi doirasida investitsiya va ijtimoiy majburiyatlarni belgilagan holda shartnoma tuzsin.
3. Qoʻmitaga Vazirlar Mahkamasi bilan kelishilgan holda “Papenburg Uzbekistan” MCHJning Oʻzbekiston tomonidan ishtirokchisini oʻzgartirish boʻyicha jamiyat boshqaruv organiga taklif kiritish huquqi berilsin.
4. “Papenburg Uzbekistan” MCHJga istisno tariqasida, asfalt-beton qorishmalar va beton buyumlar ishlab chiqarishda foydalanish maqsadida Chirchiq daryosi irmoqlari uchastkasini tozalashda qum-shagʻal materiallari qazib olish uchun Oʻzbekiston Respublikasi Favqulodda vaziyatlar vazirligi huzuridagi “Xavfsiz daryo” davlat unitar korxonasi bilan (Toshqinga qarshi Hukumat komissiyasining bayonnomasi bilan tasdiqlangan) toʻgʻridan-toʻgʻri shartnoma tuzsin.
4 1 .Oʻzbekiston Respublikasi Geologiya va mineral resurslar davlat qoʻmitasi, Ekologiya va atrof muhitni muhofaza qilish davlat qoʻmitasi va Toshkent viloyat xokimligi ikki hafta muddatda qurilish ishlarida sifatli va arzon inert materiallarini ishlab chiqarish maqsadida Chirchiq (1989) qum-shagʻal aralashmasi konida joylashgan “Xoʻkiz orol” hududidagi Xalqaro quyosh energiyasi institutining tajriba laboratoriyasiga tegishli 20 gektar yer maydonini “Papenburg Uzbekistan” MCHJga ajratsin xamda yer qaʼridan foydalanish uchun tegishli litsenziya rasmiylashtirsin.
5. Oʻzbekiston Respublikasi Tashqi ishlar vazirligi Qoʻmitaning buyurtmanomalariga binoan loyihani amalga oshirish doirasida Oʻzbekiston Respublikasiga jalb kilinadigan xorijiy mutaxassislarga, shuningdek, ularning oila aʼzolariga (eri/xotini va voyaga yetmagan bolalariga) kirish vizalarini rasmiylashtirsin.
6. Oʻzbekiston Respublikasi Ichki ishlar vazirligi Qoʻmitaning buyurtmanomalariga binoan xorijiy mutaxassislar va ularning oila aʼzolariga koʻp martalik vizalar berilishi va muddati uzaytirilishini, shuningdek, ular vaqtincha roʻyxatga olinishini taʼminlasin.
7. Oʻzbekiston Respublikasi Bandlik va mehnat munosabatlari vazirligi “Papenburg Uzbekistan” MCHJ buyurtmanomalariga binoan xorijdan (Oʻzbekiston Respublikasi fuqarolari orasida boʻlmagan) ishchi kuchini Oʻzbekiston Respublikasiga jalb qilishga ruxsatnomalar berilishini (uzaytirilishini), shuningdek, xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqi uchun tasdiqnomalar bersin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 10-avgust,
471-son