📅 2018-yil 28-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 28 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 ноября 2018 г. · Постановления Президента
Официальный текст. Официальный документ. Редакционные примечания не включены.
📅 28 November 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси ва Франция Республикаси ўртасида икки томонлама ҳамкорликни янада кенгайтириш ва мустаҳкамлаш чора-тадбирлари тўғрисида
Ўзбекистон Республикаси Президентининг 2018 йил 8-9 октябри кунлари Франция Республикасига расмий ташрифи Ўзбекистон ва Франция халқларининг ўзаро алоқалари тарихида мутлақо янги саҳифани очиб берди, икки мамлакат ўртасида кўптомонлама ҳамкорликни ривожлантириш ҳамда дўстлик ва ҳамфикрликни янада мустаҳкамлашда катта туртки бўлди.
Очиқ, дўстона ва конструктив руҳда ўтган олий даражадаги сермаҳсул музокаралар, парламент, ҳукумат, ишбилармон доиралари ҳамда жамоатчилик вакиллари билан учрашувлар томонларнинг Ўзбекистон ва Франция ўртасида икки мамлакат халқларининг узоқ муддатли ва туб манфаатларига хизмат қилувчи ўзаро ҳамкорлик муносабатларини ҳар томонлама ривожлантиришга бўлган қатъий интилишларини яна бир бор тасдиқлади.
Сиёсий, савдо-иқтисодий, инвестициявий, ҳарбий-техникавий, маданий-гуманитар ва бошқа соҳаларда ўзаро ҳамкорликни ҳар томонлама кенгайтириш бўйича қўшма қарорлар муҳокама этилди ва қабул қилинди.
Ўзбекистон Республикаси ва Франция Республикаси ўртасидаги сиёсий, савдо-иқтисодий, инвестициявий, ҳарбий-техникавий, маданий-гуманитар ҳамкорликни янада кенгайтириш бўйича имзоланган икки томонлама битимлар ва эришилган келишувларнинг сўзсиз ҳамда тўлақонли амалга оширилишини таъминлаш мақсадида:
1. Куйидагилар:
Ўзбекистон Республикаси Президентининг Франция Республикасига расмий ташрифи давомида имзоланган икки томонлама шартномалар ва эришилган келишувларнинг ўз вақтида ва сўзсиз амалга оширилишини мониторинг ва назорат қилишни таъминлаш механизми 1-иловага * мувофиқ;
Ўзбекистон Республикаси Президентининг Франция Республикасига расмий ташрифи давомида имзоланган икки томонлама ҳужжатларни амалга ошириш бўйича амалий тадбирлар режаси («Йўл харитаси») 2-иловага * мувофиқ;
Ўзбекистон Республикаси Президентининг Франция Республикасига расмий ташрифи давомида имзоланган инвестиция лойиҳалари ва савдо битимларини амалга ошириш бўйича амалий тадбирлар режаси («Йўл харитаси») 3-иловага * мувофиқ;
Ўзбекистон Республикаси ва Франция Республикаси ўртасидаги 2018-2019 йилларга мўлжалланган кўп томонлама ҳамкорликни янада кенгайтириш бўйича келишувларни амалга ошириш юзасидан амалий тадбирлар режаси («Йўл харитаси») 4-иловага * мувофиқ;
Ўзбекистон Республикаси Президенти Ш.М. Мирзиёевнинг ЮНЕСКО Бош директори О. Азуле билан учрашуви якунлари бўйича ташкилот билан ҳамкорликни янада ривожлантириш юзасидан амалий тадбирлар режаси («Йўл харитаси») 5-иловага * мувофиқ тасдиқлансин.
2. Ўзбекистон Республикаси Вазирлар Маҳкамаси ушбу қарорнинг 3-иловасида кўрсатилган муддатларда инвестиция битимларини ва савдо шартномаларини амалга ошириш тармоқ жадвалларини тасдиқласин.
3. Ўзбекистон Республикаси Президентининг 2018 йил 30 октябрдаги ПФ-5565-сон Фармони билан тузилган Олий даражадаги ташрифлар давомида имзоланган ҳужжатлар ижросини таъминлаш масалалари бўйича республика мувофиқлаштирувчи гуруҳи:
Франция Республикасига олий даражадаги ташриф давомида имзоланган ҳужжатларни, эришилган келишувларни оғишмай ва сифатли амалга ошириш, шу жумладан айрим ҳужжатларнинг кучга кириши бўйича давлат ички тартиб-таомилларни ўз вақтида бажариш юзасидан доимий ва тизимли мониторинг ҳамда назоратни ташкил қилиш;
ушбу қарор билан тасдиқланган амалий тадбирлар режаларини («йўл хариталари»ни) сўзсиз бажариш бўйича кўрилаётган амалий чора-тадбирлар тўғрисида вазирликлар, идоралар, маҳаллий давлат ҳокимияти органлари ва бошқа ташкилотлар раҳбарлари — масъул ижрочиларнинг ойлик ҳисоботларини эшитиш;
Франция Республикасига амалга оширилган олий даражадаги ташриф давомида сиёсий, савдо-иқтисодий, инвестициявий, транспорт-коммуникация ва маданий-гуманитар соҳалардаги ҳамкорликни янада кенгайтириш бўйича эришилган келишувлар ва имзоланган ҳужжатларни амалга ошириш, шунингдек, юқорида кўрсатилган масалалар бўйича, шу жумладан Ўзбекистон Республикаси ва Франция Республикаси ўртасидаги савдо-иқтисодий ҳамкорлик бўйича Ҳукуматлараро қўшма комиссия фаолияти доирасида француз томони билан мунтазам ва самарали ҳамкорликни ташкил қилиш масалаларини мувофиқлаштиришни таъминласин.
4. Вазирликлар, идоралар, маҳаллий давлат ҳокимияти органлари ва бошқа ташкилотлар — масъул ижрочилар:
тармоқ жадваллари ва мазкур қарор билан тасдиқланган амалий тадбирлар режаларининг ўз вақтида ва сифатли бажарилишини ҳамда уларнинг ижроси тўғрисидаги маълумотларнинг «Ijro.gov.uz» тизимига доимий равишда киритиб борилишини;
ҳар ҳисобот ойидан кейинги ойнинг 3 санасига кадар тармоқ жадваллари ва мазкур қарор билан тасдиқланган амалий тадбирлар режаларининг ижроси тўғрисидаги маълумотларнинг 2, 4 ва 5-иловалар бўйича — Ташқи ишлар вазирлигига, 3-илова бўйича — тегишлилиги бўйича Ташқи савдо вазирлиги ва Инвестициялар бўйича давлат қўмитасига тақдим этиб борилишини таъминласин.
Ўзбекистон Республикаси Ташқи ишлар вазирлиги, Ташқи савдо вазирлиги ва Инвестициялар бўйича давлат қўмитаси тармоқ жадваллари ва мазкур қарор билан тасдиқланган амалий тадбирлар режаларининг ижроси тўғрисидаги умумлаштирилган маълумотларни ҳар ҳисобот ойидан кейинги ойнинг 7 санасига қадар Ўзбекистон Республикаси Вазирлар Маҳкамаси ва Ҳисоб палатасига киритиб борсин.
Ўзбекистон Республикаси Вазирлар Маҳкамаси ва Ҳисоб палатаси ушбу қарор ҳамда тасдиқланган амалий тадбирлар режалари ижросининг танқидий таҳлилини ҳар ҳисобот ойидан кейинги ойнинг 10 санасига қадар Ўзбекистон Республикаси Президенти Администрацияси ва Ўзбекистон Республикаси Президенти ҳузуридаги Хавфсизлик кенгаши аппаратига тақдим этиб борсин.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президенти ҳузуридаги Хавфсизлик кенгаши котиби В.В. Маҳмудов ва Ўзбекистон Республикаси Ҳисоб палатаси раиси М.М. Икрамов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 28 ноябрь,
ПҚ-4037-сон
Oʻzbekiston Respublikasi Prezidentining
Qarori
Oʻzbekiston Respublikasi va Fransiya Respublikasi oʻrtasida ikki tomonlama hamkorlikni yanada kengaytirish va mustahkamlash chora-tadbirlari toʻgʻrisida
Oʻzbekiston Respublikasi Prezidentining 2018-yil 8-9-oktabri kunlari Fransiya Respublikasiga rasmiy tashrifi Oʻzbekiston va Fransiya xalqlarining oʻzaro aloqalari tarixida mutlaqo yangi sahifani ochib berdi, ikki mamlakat oʻrtasida koʻptomonlama hamkorlikni rivojlantirish hamda doʻstlik va hamfikrlikni yanada mustahkamlashda katta turtki boʻldi.
Ochiq, doʻstona va konstruktiv ruhda oʻtgan oliy darajadagi sermahsul muzokaralar, parlament, hukumat, ishbilarmon doiralari hamda jamoatchilik vakillari bilan uchrashuvlar tomonlarning Oʻzbekiston va Fransiya oʻrtasida ikki mamlakat xalqlarining uzoq muddatli va tub manfaatlariga xizmat qiluvchi oʻzaro hamkorlik munosabatlarini har tomonlama rivojlantirishga boʻlgan qatʼiy intilishlarini yana bir bor tasdiqladi.
Siyosiy, savdo-iqtisodiy, investitsiyaviy, harbiy-texnikaviy, madaniy-gumanitar va boshqa sohalarda oʻzaro hamkorlikni har tomonlama kengaytirish boʻyicha qoʻshma qarorlar muhokama etildi va qabul qilindi.
Oʻzbekiston Respublikasi va Fransiya Respublikasi oʻrtasidagi siyosiy, savdo-iqtisodiy, investitsiyaviy, harbiy-texnikaviy, madaniy-gumanitar hamkorlikni yanada kengaytirish boʻyicha imzolangan ikki tomonlama bitimlar va erishilgan kelishuvlarning soʻzsiz hamda toʻlaqonli amalga oshirilishini taʼminlash maqsadida:
1. Kuyidagilar:
Oʻzbekiston Respublikasi Prezidentining Fransiya Respublikasiga rasmiy tashrifi davomida imzolangan ikki tomonlama shartnomalar va erishilgan kelishuvlarning oʻz vaqtida va soʻzsiz amalga oshirilishini monitoring va nazorat qilishni taʼminlash mexanizmi 1-ilovaga * muvofiq;
Oʻzbekiston Respublikasi Prezidentining Fransiya Respublikasiga rasmiy tashrifi davomida imzolangan ikki tomonlama hujjatlarni amalga oshirish boʻyicha amaliy tadbirlar rejasi (“Yoʻl xaritasi”) 2-ilovaga * muvofiq;
Oʻzbekiston Respublikasi Prezidentining Fransiya Respublikasiga rasmiy tashrifi davomida imzolangan investitsiya loyihalari va savdo bitimlarini amalga oshirish boʻyicha amaliy tadbirlar rejasi (“Yoʻl xaritasi”) 3-ilovaga * muvofiq;
Oʻzbekiston Respublikasi va Fransiya Respublikasi oʻrtasidagi 2018-2019-yillarga moʻljallangan koʻp tomonlama hamkorlikni yanada kengaytirish boʻyicha kelishuvlarni amalga oshirish yuzasidan amaliy tadbirlar rejasi (“Yoʻl xaritasi”) 4-ilovaga * muvofiq;
Oʻzbekiston Respublikasi Prezidenti Sh.M. Mirziyoyevning YUNESKO Bosh direktori O. Azule bilan uchrashuvi yakunlari boʻyicha tashkilot bilan hamkorlikni yanada rivojlantirish yuzasidan amaliy tadbirlar rejasi (“Yoʻl xaritasi”) 5-ilovaga * muvofiq tasdiqlansin.
2. Oʻzbekiston Respublikasi Vazirlar Mahkamasi ushbu qarorning 3-ilovasida koʻrsatilgan muddatlarda investitsiya bitimlarini va savdo shartnomalarini amalga oshirish tarmoq jadvallarini tasdiqlasin.
3. Oʻzbekiston Respublikasi Prezidentining 2018-yil 30-oktabrdagi PF-5565-son Farmoni bilan tuzilgan Oliy darajadagi tashriflar davomida imzolangan hujjatlar ijrosini taʼminlash masalalari boʻyicha respublika muvofiqlashtiruvchi guruhi:
Fransiya Respublikasiga oliy darajadagi tashrif davomida imzolangan hujjatlarni, erishilgan kelishuvlarni ogʻishmay va sifatli amalga oshirish, shu jumladan ayrim hujjatlarning kuchga kirishi boʻyicha davlat ichki tartib-taomillarni oʻz vaqtida bajarish yuzasidan doimiy va tizimli monitoring hamda nazoratni tashkil qilish;
ushbu qaror bilan tasdiqlangan amaliy tadbirlar rejalarini (“yoʻl xaritalari”ni) soʻzsiz bajarish boʻyicha koʻrilayotgan amaliy chora-tadbirlar toʻgʻrisida vazirliklar, idoralar, mahalliy davlat hokimiyati organlari va boshqa tashkilotlar rahbarlari — masʼul ijrochilarning oylik hisobotlarini eshitish;
Fransiya Respublikasiga amalga oshirilgan oliy darajadagi tashrif davomida siyosiy, savdo-iqtisodiy, investitsiyaviy, transport-kommunikatsiya va madaniy-gumanitar sohalardagi hamkorlikni yanada kengaytirish boʻyicha erishilgan kelishuvlar va imzolangan hujjatlarni amalga oshirish, shuningdek, yuqorida koʻrsatilgan masalalar boʻyicha, shu jumladan Oʻzbekiston Respublikasi va Fransiya Respublikasi oʻrtasidagi savdo-iqtisodiy hamkorlik boʻyicha Hukumatlararo qoʻshma komissiya faoliyati doirasida fransuz tomoni bilan muntazam va samarali hamkorlikni tashkil qilish masalalarini muvofiqlashtirishni taʼminlasin.
4. Vazirliklar, idoralar, mahalliy davlat hokimiyati organlari va boshqa tashkilotlar — masʼul ijrochilar:
tarmoq jadvallari va mazkur qaror bilan tasdiqlangan amaliy tadbirlar rejalarining oʻz vaqtida va sifatli bajarilishini hamda ularning ijrosi toʻgʻrisidagi maʼlumotlarning “Ijro.gov.uz” tizimiga doimiy ravishda kiritib borilishini;
har hisobot oyidan keyingi oyning 3 sanasiga kadar tarmoq jadvallari va mazkur qaror bilan tasdiqlangan amaliy tadbirlar rejalarining ijrosi toʻgʻrisidagi maʼlumotlarning 2, 4 va 5-ilovalar boʻyicha — Tashqi ishlar vazirligiga, 3-ilova boʻyicha — tegishliligi boʻyicha Tashqi savdo vazirligi va Investitsiyalar boʻyicha davlat qoʻmitasiga taqdim etib borilishini taʼminlasin.
Oʻzbekiston Respublikasi Tashqi ishlar vazirligi, Tashqi savdo vazirligi va Investitsiyalar boʻyicha davlat qoʻmitasi tarmoq jadvallari va mazkur qaror bilan tasdiqlangan amaliy tadbirlar rejalarining ijrosi toʻgʻrisidagi umumlashtirilgan maʼlumotlarni har hisobot oyidan keyingi oyning 7 sanasiga qadar Oʻzbekiston Respublikasi Vazirlar Mahkamasi va Hisob palatasiga kiritib borsin.
Oʻzbekiston Respublikasi Vazirlar Mahkamasi va Hisob palatasi ushbu qaror hamda tasdiqlangan amaliy tadbirlar rejalari ijrosining tanqidiy tahlilini har hisobot oyidan keyingi oyning 10 sanasiga qadar Oʻzbekiston Respublikasi Prezidenti Administratsiyasi va Oʻzbekiston Respublikasi Prezidenti huzuridagi Xavfsizlik kengashi apparatiga taqdim etib borsin.
5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Mahmudov va Oʻzbekiston Respublikasi Hisob palatasi raisi M.M. Ikramov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 28-noyabr,
PQ-4037-son
Президента Республики Узбекистан
Постановление
О мерах по дальнейшему расширению и укреплению двустороннего сотрудничества между Республикой Узбекистан и Французской Республикой
Официальный визит Президента Республики Узбекистан во Французскую Республику 8-9 октября 2018 года открыл принципиально новую страницу в истории взаимоотношений народов Узбекистана и Франции, дал мощный толчок развитию многопланового сотрудничества и дальнейшему укреплению дружбы и взаимопонимания между двумя странами.
Прошедшие в открытой, дружественной и конструктивной атмосфере плодотворные переговоры на высшем уровне, встречи с представителями парламента, правительства, деловых кругов и общественности еще раз подтвердили незыблемое стремление сторон всесторонне развивать взаимоотношения между Узбекистаном и Францией, отвечающие долгосрочным и коренным интересам народов двух стран.
Обсуждены и приняты совместные решения по всемерному развитию сотрудничества в политической, торгово-экономической, инвестиционной, военно-технической, культурно-гуманитарной и других сферах.
В целях обеспечения полномасштабной реализации подписанных двусторонних соглашений и достигнутых договоренностей по дальнейшему расширению политического, торгово-экономического, инвестиционного и культурно-гуманитарного сотрудничества между Республикой Узбекистан и Французской Республикой:
1. Утвердить:
Механизм обеспечения мониторинга и контроля за своевременной и безусловной реализацией подписанных двусторонних соглашений и достигнутых договоренностей в ходе официального визита Президента Республики Узбекистан во Французскую Республику, согласно приложению № 1 .
План практических мероприятий («Дорожная карта») по реализации двусторонних документов, подписанных в ходе официального визита Президента Республики Узбекистан во Французскую Республику согласно приложению № 2 ;
План практических мероприятий («Дорожная карта») по реализации инвестиционных проектов и торговых контрактов, подписанных в ходе официального визита Президента Республики Узбекистан во Французскую Республику согласно приложению № 3 ;
План практических мероприятий («Дорожная карта») по реализации договоренностей по дальнейшему расширению многопланового сотрудничества между Республикой Узбекистан и Французской Республикой на 2018-2019 годы согласно приложению № 4 ;
План практических мероприятий («Дорожная карта») по дальнейшему развитию сотрудничества с ЮНЕСКО по итогам встречи Президента Республики Узбекистан Ш.М. Мирзиёева с Генеральным директором Организации О. Азуле согласно приложению № 5 .
2. Кабинету Министров Республики Узбекистан утвердить сетевые графики реализации инвестиционных соглашений и торговых контрактов в сроки указанные в приложении № 3 .
3. Республиканской координационной группе по вопросам обеспечения исполнения документов, подписанных в ходе визитов на высшем уровне, созданной Указом Президента Республики Узбекистан от 30 октября 2018 года № УП-5565, обеспечить:
организацию постоянного и системного мониторинга и контроля за неукоснительным и качественным исполнением подписанных документов, включая своевременное выполнение внутригосударственных процедур по вступлению в силу отдельных документов, и достигнутых договоренностей в ходе визита на высшем уровне во Французскую Республику;
ежемесячное заслушивание отчетов руководителей министерств, ведомств, органов государственной власти на местах и других организаций — ответственных исполнителей о принимаемых ими практических мерах по безусловной реализации утвержденных настоящим постановлением планов практических мероприятий («дорожных карт»);
осуществление, координации вопросов, связанных с реализацией подписанных документов и достигнутых договоренностей в ходе визита на высшем уровне во Французскую Республику по дальнейшему расширению политического, торгово-экономического, инвестиционного, транспортно-коммуникационного и культурно-гуманитарного сотрудничества, а также организацию регулярного и эффективного взаимодействия по указанным вопросам с французской стороной, в том числе в рамках деятельности Совместной межправительственной комиссии по торгово-экономическому сотрудничеству между Республикой Узбекистан и Французской Республикой.
4. Министерствам, ведомствам, органам государственной власти на местах и другим организациям — ответственным исполнителям обеспечить:
своевременное и качественное исполнение сетевых графиков и утвержденных настоящим постановлением планов практических мероприятий с постоянным вводом в систему «Ijro.gov.uz» информации об их исполнении;
представление ежемесячно до 3 числа месяца, следующего за отчетным информации о ходе сетевых графиков и утвержденных настоящим постановлением планов практических мероприятий реализации в Министерство иностранных дел — по приложениям № 2 , 4 и 5 , Министерство внешней торговли и Государственный комитет по инвестициям — по приложению № 3 к настоящему постановлению в части касающейся;
Министерству иностранных дел, Министерству внешней торговли и Государственному комитету Республики Узбекистан по инвестициям ежемесячно к 7 числу за отчетным месяцем вносить в Кабинет Министров и Счетную палату Республики Узбекистан обобщенную информацию о ходе исполнения сетевых графиков и утвержденных настоящим постановлением планов практических мероприятий.
Кабинету Министров и Счетной палате ежемесячно до 10 числа месяца, следующего за отчетным, представлять в Администрацию Президента Республики Узбекистан и аппарат Совета безопасности при Президенте Республики Узбекистан критический анализ хода исполнения настоящего постановления и утвержденных планов практических мероприятий.
5. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, секретаря Совета безопасности при Президенте Республики Узбекистан В.В. Махмудова и председателя Счетной палаты Республики Узбекистан М.М. Икрамова.
Президент Республики Узбекистан Ш. МИРЗИЁЕВ
г. Ташкент,
28 ноября 2018 г.,
№ ПП-4037