📅 2020-yil 13-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 13 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 августа 2020 г. · Постановления Президента
Официальный текст. Официальный документ. Редакционные примечания не включены.
📅 13 August 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тошкент вилоятида қуввати 240 МВт бўлган иссиқлик электр станцияси қурилишини ташкил этиш чора-тадбирлари тўғрисида
Электр энергетика тармоғига тўғридан-тўғри хорижий инвестицияларни жалб этган ҳолда электр энергиясини ишлаб чиқариш қувватларини ривожлантириш ҳамда иқтисодиёт тармоқларини ва аҳолини энергия ресурслари билан барқарор ва сифатли таъминлаш мақсадида:
1. Қуйидагилар:
а) Ўзбекистон Республикаси Ҳукумати номидан Ўзбекистон Республикаси Инвестициялар ва ташқи савдо вазирлиги ва «AKSA ENERJI ÜRETIM A.Ş.» (Туркия Республикаси) (кейинги ўринларда — Инвестор) ўртасида Тошкент вилоятида қуввати 240 МВт бўлган буғ-газ электр станциясини қуриш инвестиция лойиҳасини (кейинги ўринларда — инвестиция лойиҳаси) тўғридан-тўғри хорижий инвестициялар ҳисобидан амалга ошириш бўйича инвестор мажбуриятларини назарда тутувчи инвестиция битими (кейинги ўринларда — Инвестиция битими) тузилганлиги;
б) 2021 йил 20 январда «Ўзбекистон миллий электр тармоқлари» АЖ ва Инвестор ўртасида Электр энергиясини сотиб олиш тўғрисидаги битим ҳамда 2024 йил 10 сентябрда «Ўзбекистон миллий электр тармоқлари» АЖнинг ушбу битимда белгиланган ҳуқуқ ва мажбуриятларини «Ўзэнергосотиш» АЖга ўтказиш орқали қайта расмийлаштириш ҳақидаги қўшимча битим (кейинги ўринларда — Электр энергиясини сотиб олиш тўғрисидаги битим) имзоланганлиги ва шунга мувофиқ:
Инвестор ишлаб чиқарилган электр энергиясини кафолатланган тарзда ягона харидор — «Ўзэнергосотиш» АЖга сотиш мажбуриятини олганлиги;
«Ўзэнергосотиш» АЖ Электр энергиясини сотиб олиш тўғрисидаги битим шартларига мувофиқ 25 йил давомида электр энергиясини кафолатланган тарзда харид қилиш мажбуриятини олганлиги ва электр энергияси учун тўловни миллий валютада амалга ошириши;
«Ўзэнергосотиш» АЖ электр энергиясини уч ой мобайнида сотиб олишни қоплаш учун мажбуриятлар бажарилишининг таъминоти сифатида Инвестор фойдасига чет эл валютасида тасдиқланган, тикланадиган, қайтариб берилмайдиган ва шартсиз банк кафолатини тақдим этиши маълумот учун қабул қилинсин.
2. Ўзбекистон Республикаси Ҳукумати номидан Ўзбекистон Республикаси Инвестициялар ва ташқи савдо вазирлиги ҳамда Инвестор ўртасида тузилган Инвестиция битими тасдиқлансин.
Белгилансинки, Инвестиция битими мазкур қарор имзоланган кундан эътиборан кучга киради.
3. Электр энергиясини сотиб олиш тўғрисидаги битим маъқуллансин.
4. Ўзбекистон Республикаси Инвестициялар ва ташқи савдо вазирлиги, «Ўзэнергосотиш» АЖ ва Тошкент вилояти ҳокимлигига Инвестор ва инвестиция лойиҳасини молиялаштиришда иштирок этаётган кредиторлар билан инвестиция лойиҳасини амалга ошириш доирасида имзоланган битимлар бўйича мажбуриятлар Инвестор томонидан бажарилмаган тақдирда, Инвестор ҳуқуқларини кредиторларга бериш юзасидан битимлар тузиш ҳуқуқи берилсин.
5. Электр энергиясини сотиб олиш тўғрисидаги битимга мувофиқ «Ўзэнергосотиш» АЖга:
Инвестор томонидан ишлаб чиқариладиган электр энергиясини уч ой мобайнида сотиб олишни қоплаш учун мажбуриятлар бажарилишининг таъминоти сифатида Инвестор фойдасига Ўзбекистон Республикасининг рейтинги юқори даражада бўлган тижорат банкининг чет эл валютасида тасдиқланган, тикланадиган, қайтариб берилмайдиган ва шартсиз банк кафолати тақдим этилсин;
инвестиция лойиҳаси эҳтиёжи учун табиий газ ва техник сув етказиб берувчи сифатида иштирок этишга ҳамда жалб қилинадиган чет эл инвестициялари бўйича Ўзбекистон Республикаси ҳудудида сотиладиган товарлар (ишлар, хизматлар) нархларини, истисно тариқасида, чет эл валютасига боғлаган ҳолда белгилашга рухсат берилсин.
6. Ўзбекистон Республикаси Сув хўжалиги вазирлиги ва «Ўзтрансгаз» АЖ «Ўзэнергосотиш» АЖ билан Электр энергиясини сотиб олиш тўғрисидаги битимда назарда тутилган ҳажмларга ва параметрларга мувофиқ Инвесторга табиий газ ва техник сув етказиб бериш тўғрисидаги шартномалар имзоланишини таъминласин.
7. Инвестиция лойиҳасини амалга ошириш доирасида Инвесторга чет эллардаги хорижий банкларда банк ҳисобварақлари очиш ҳамда республикада тўланиши лозим бўлган барча солиқлар ва мажбурий тўловлар амалга оширилгандан кейин республикада очилган банк ҳисобварақларидан чет элларда очилган банк ҳисобварақларига пул маблағларини ўтказишга рухсат берилсин.
8. Ўзбекистон Республикаси Қишлоқ хўжалиги вазирлиги, Тошкент вилояти ҳокимлиги Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда бир ой муддатда Инвесторга Инвестиция битими ва Электр энергиясини сотиб олиш тўғрисидаги битимда кўрсатилган шартларда инвестиция лойиҳасини амалга ошириш муддатига ер участкасини белгиланган тартибда ажратсин.
9. Ўзбекистон Республикаси Адлия вазирлиги инвестиция лойиҳасини амалга ошириш доирасида Инвестиция битими қоидаларига мувофиқ имзоланган битимлар юзасидан юридик хулосалар берсин.
10. Ўзбекистон Республикаси Энергетика вазирлиги лойиҳа ҳужжатлари белгиланган тартибда давлат экология экспертизасидан ўтказилишини ҳамда инвестиция лойиҳасини амалга оширишда экология ва атроф-муҳитни муҳофаза қилишга оид қонунчиликка риоя этилишини таъминласин.
11. Ўзбекистон Республикаси Қурилиш вазирлиги инвестиция лойиҳасини амалга ошириш доирасида қурилиш-монтаж ишлари сифати устидан белгиланган тартибда архитектура-қурилиш назоратини амалга оширсин.
12. Ўзбекистон Республикаси Инвестициялар ва ташқи савдо вазирлиги инвестиция лойиҳасининг амалга оширилиши, шунингдек томонларнинг Инвестиция битими ва Электр энергиясини сотиб олиш тўғрисидаги битим доирасидаги мажбуриятларни бажариши устидан доимий назорат ўрнатсин.
13. Ўзбекистон Республикаси Ташқи ишлар вазирлиги Инвесторнинг буюртманомаларига асосан инвестиция лойиҳасини амалга оширишда иштирок этадиган хорижий мутахассисларга, шунингдек уларнинг оила аъзоларига кириш визалари расмийлаштирилишини (муддати узайтирилишини) белгиланган тартибда таъминласин.
14. Ўзбекистон Республикаси Ички ишлар вазирлиги Инвестор буюртманомаларига асосан инвестиция лойиҳасини амалга ошириш даврида иштирок этадиган хорижий мутахассисларга, шунингдек уларнинг оила аъзоларига кўп марталик визалар расмийлаштирилишини, берилишини (муддати узайтирилишини) ҳамда вақтинча яшаш жойи бўйича рўйхатга олинишини ва унинг муддати узайтирилишини белгиланган тартибда таъминласин.
15. Ўзбекистон Республикаси Бандлик ва меҳнат муносабатлари вазирлиги Инвестор буюртманомаларига асосан Ўзбекистон Республикасига хорижий ишчи кучини (Ўзбекистон Республикаси фуқаролари бўлмаганлар орасидан) жалб этишга рухсатномалар берилишини (муддати узайтирилишини), шунингдек хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддатини узайтирилишини) белгиланган тартибда таъминласин.
16. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 13 август,
ПҚ-4807-сон
Oʻzbekiston Respublikasi Prezidentining
Qarori
Toshkent viloyatida quvvati 240 MVt boʻlgan issiqlik elektr stansiyasi qurilishini tashkil etish chora-tadbirlari toʻgʻrisida
Elektr energetika tarmogʻiga toʻgʻridan-toʻgʻri xorijiy investitsiyalarni jalb etgan holda elektr energiyasini ishlab chiqarish quvvatlarini rivojlantirish hamda iqtisodiyot tarmoqlarini va aholini energiya resurslari bilan barqaror va sifatli taʼminlash maqsadida:
1. Quyidagilar:
a) Oʻzbekiston Respublikasi Hukumati nomidan Oʻzbekiston Respublikasi Investitsiyalar va tashqi savdo vazirligi va “AKSA ENERJI ÜRETIM A.Ş.” (Turkiya Respublikasi) (keyingi oʻrinlarda — Investor) oʻrtasida Toshkent viloyatida quvvati 240 MVt boʻlgan bugʻ-gaz elektr stansiyasini qurish investitsiya loyihasini (keyingi oʻrinlarda — investitsiya loyihasi) toʻgʻridan-toʻgʻri xorijiy investitsiyalar hisobidan amalga oshirish boʻyicha investor majburiyatlarini nazarda tutuvchi investitsiya bitimi (keyingi oʻrinlarda — Investitsiya bitimi) tuzilganligi;
b) 2021-yil 20-yanvarda “Oʻzbekiston milliy elektr tarmoqlari” AJ va Investor oʻrtasida Elektr energiyasini sotib olish toʻgʻrisidagi bitim hamda 2024-yil 10-sentabrda “Oʻzbekiston milliy elektr tarmoqlari” AJning ushbu bitimda belgilangan huquq va majburiyatlarini “Oʻzenergosotish” AJga oʻtkazish orqali qayta rasmiylashtirish haqidagi qoʻshimcha bitim (keyingi oʻrinlarda — Elektr energiyasini sotib olish toʻgʻrisidagi bitim) imzolanganligi va shunga muvofiq:
Investor ishlab chiqarilgan elektr energiyasini kafolatlangan tarzda yagona xaridor — “Oʻzenergosotish” AJga sotish majburiyatini olganligi;
“Oʻzenergosotish” AJ Elektr energiyasini sotib olish toʻgʻrisidagi bitim shartlariga muvofiq 25 yil davomida elektr energiyasini kafolatlangan tarzda xarid qilish majburiyatini olganligi va elektr energiyasi uchun toʻlovni milliy valyutada amalga oshirishi;
“Oʻzenergosotish” AJ elektr energiyasini uch oy mobaynida sotib olishni qoplash uchun majburiyatlar bajarilishining taʼminoti sifatida Investor foydasiga chet el valyutasida tasdiqlangan, tiklanadigan, qaytarib berilmaydigan va shartsiz bank kafolatini taqdim etishi maʼlumot uchun qabul qilinsin.
2. Oʻzbekiston Respublikasi Hukumati nomidan Oʻzbekiston Respublikasi Investitsiyalar va tashqi savdo vazirligi hamda Investor oʻrtasida tuzilgan Investitsiya bitimi tasdiqlansin.
Belgilansinki, Investitsiya bitimi mazkur qaror imzolangan kundan eʼtiboran kuchga kiradi.
3. Elektr energiyasini sotib olish toʻgʻrisidagi bitim maʼqullansin.
4. Oʻzbekiston Respublikasi Investitsiyalar va tashqi savdo vazirligi, “Oʻzenergosotish” AJ va Toshkent viloyati hokimligiga Investor va investitsiya loyihasini moliyalashtirishda ishtirok etayotgan kreditorlar bilan investitsiya loyihasini amalga oshirish doirasida imzolangan bitimlar boʻyicha majburiyatlar Investor tomonidan bajarilmagan taqdirda, Investor huquqlarini kreditorlarga berish yuzasidan bitimlar tuzish huquqi berilsin.
5. Elektr energiyasini sotib olish toʻgʻrisidagi bitimga muvofiq “Oʻzenergosotish” AJga:
Investor tomonidan ishlab chiqariladigan elektr energiyasini uch oy mobaynida sotib olishni qoplash uchun majburiyatlar bajarilishining taʼminoti sifatida Investor foydasiga Oʻzbekiston Respublikasining reytingi yuqori darajada boʻlgan tijorat bankining chet el valyutasida tasdiqlangan, tiklanadigan, qaytarib berilmaydigan va shartsiz bank kafolati taqdim etilsin;
investitsiya loyihasi ehtiyoji uchun tabiiy gaz va texnik suv yetkazib beruvchi sifatida ishtirok etishga hamda jalb qilinadigan chet el investitsiyalari boʻyicha Oʻzbekiston Respublikasi hududida sotiladigan tovarlar (ishlar, xizmatlar) narxlarini, istisno tariqasida, chet el valyutasiga bogʻlagan holda belgilashga ruxsat berilsin.
6. Oʻzbekiston Respublikasi Suv xoʻjaligi vazirligi va “Oʻztransgaz” AJ “Oʻzenergosotish” AJ bilan Elektr energiyasini sotib olish toʻgʻrisidagi bitimda nazarda tutilgan hajmlarga va parametrlarga muvofiq Investorga tabiiy gaz va texnik suv yetkazib berish toʻgʻrisidagi shartnomalar imzolanishini taʼminlasin.
7. Investitsiya loyihasini amalga oshirish doirasida Investorga chet ellardagi xorijiy banklarda bank hisobvaraqlari ochish hamda respublikada toʻlanishi lozim boʻlgan barcha soliqlar va majburiy toʻlovlar amalga oshirilgandan keyin respublikada ochilgan bank hisobvaraqlaridan chet ellarda ochilgan bank hisobvaraqlariga pul mablagʻlarini oʻtkazishga ruxsat berilsin.
8. Oʻzbekiston Respublikasi Qishloq xoʻjaligi vazirligi, Toshkent viloyati hokimligi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda bir oy muddatda Investorga Investitsiya bitimi va Elektr energiyasini sotib olish toʻgʻrisidagi bitimda koʻrsatilgan shartlarda investitsiya loyihasini amalga oshirish muddatiga yer uchastkasini belgilangan tartibda ajratsin.
9. Oʻzbekiston Respublikasi Adliya vazirligi investitsiya loyihasini amalga oshirish doirasida Investitsiya bitimi qoidalariga muvofiq imzolangan bitimlar yuzasidan yuridik xulosalar bersin.
10. Oʻzbekiston Respublikasi Energetika vazirligi loyiha hujjatlari belgilangan tartibda davlat ekologiya ekspertizasidan oʻtkazilishini hamda investitsiya loyihasini amalga oshirishda ekologiya va atrof-muhitni muhofaza qilishga oid qonunchilikka rioya etilishini taʼminlasin.
11. Oʻzbekiston Respublikasi Qurilish vazirligi investitsiya loyihasini amalga oshirish doirasida qurilish-montaj ishlari sifati ustidan belgilangan tartibda arxitektura-qurilish nazoratini amalga oshirsin.
12. Oʻzbekiston Respublikasi Investitsiyalar va tashqi savdo vazirligi investitsiya loyihasining amalga oshirilishi, shuningdek tomonlarning Investitsiya bitimi va Elektr energiyasini sotib olish toʻgʻrisidagi bitim doirasidagi majburiyatlarni bajarishi ustidan doimiy nazorat oʻrnatsin.
13. Oʻzbekiston Respublikasi Tashqi ishlar vazirligi Investorning buyurtmanomalariga asosan investitsiya loyihasini amalga oshirishda ishtirok etadigan xorijiy mutaxassislarga, shuningdek ularning oila aʼzolariga kirish vizalari rasmiylashtirilishini (muddati uzaytirilishini) belgilangan tartibda taʼminlasin.
14. Oʻzbekiston Respublikasi Ichki ishlar vazirligi Investor buyurtmanomalariga asosan investitsiya loyihasini amalga oshirish davrida ishtirok etadigan xorijiy mutaxassislarga, shuningdek ularning oila aʼzolariga koʻp martalik vizalar rasmiylashtirilishini, berilishini (muddati uzaytirilishini) hamda vaqtincha yashash joyi boʻyicha roʻyxatga olinishini va uning muddati uzaytirilishini belgilangan tartibda taʼminlasin.
15. Oʻzbekiston Respublikasi Bandlik va mehnat munosabatlari vazirligi Investor buyurtmanomalariga asosan Oʻzbekiston Respublikasiga xorijiy ishchi kuchini (Oʻzbekiston Respublikasi fuqarolari boʻlmaganlar orasidan) jalb etishga ruxsatnomalar berilishini (muddati uzaytirilishini), shuningdek xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddatini uzaytirilishini) belgilangan tartibda taʼminlasin.
16. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 13-avgust,
PQ-4807-son
Президента Республики Узбекистан
Постановление
О мерах по организации строительства тепловой электростанции мощностью 240 МВт в Ташкентской области
В целях развития мощностей по производству электроэнергии с привлечением прямых иностранных инвестиций в электроэнергетическую отрасль, а также стабильного и качественного обеспечения отраслей экономики и населения энергоресурсами:
1. Принять к сведению, что:
а) между Правительством Республики Узбекистан в лице Министерства инвестиций и внешней торговли Республики Узбекистан и «AKSA ENERJI ÜRETIM A. Ş.» (Турецкая Республика) (далее — Инвестор) заключено инвестиционное соглашение (далее — Инвестиционное соглашение), предусматривающее обязательства Инвестора о реализации инвестиционного проекта по строительству парогазовой электростанции мощностью 240 МВт в Ташкентской области (далее — инвестиционный проект) за счет прямых иностранных инвестиций;
б) между АО «Национальные электрические сети Узбекистана» и Инвестором 20 января 2021 года было подписано Соглашение о закупке электроэнергии, а 10 сентября 2024 года - дополнительное соглашение о переоформлении прав и обязанностей АО «Национальные электрические сети Узбекистана», указанных в данном соглашении на АО «Узэнергосотиш» (далее — Соглашение о закупке электроэнергии), в соответствии с которым:
Инвестор принимает обязательство по гарантированной продаже выработанной электрической энергии единому покупателю в лице АО «Ўзэнергосотиш»;
АО «Ўзэнергосотиш» в соответствии с условиями Соглашения о закупке электроэнергии принимает обязательство по гарантированной закупке электрической энергии в течение 25 лет и осуществляет оплату за электрическую энергию в национальной валюте;
АО «Ўзэнергосотиш» в качестве обеспечения исполнения обязательств представляет в пользу Инвестора подтвержденную, возобновляемую, безотзывную и безусловную банковскую гарантию в иностранной валюте для покрытия закупки электрической энергии в течение трех месяцев.
2. Утвердить Инвестиционное соглашение между Правительством Республики Узбекистан в лице Министерства инвестиций и внешней торговли Республики Узбекистан и Инвестором.
Определить, что Инвестиционное соглашение вступает в силу со дня подписания настоящего постановления.
3. Одобрить Соглашение о закупке электроэнергии.
4. Предоставить Министерству Инвестиций и внешней торговли Республики Узбекистан, АО «Ўзэнергосотиш» и хокимияту Ташкентской области право на заключение с Инвестором и кредиторами, участвующими в финансировании инвестиционного проекта, соглашений по уступке прав Инвестора кредиторам в случае неисполнения обязательств со стороны Инвестора по соглашениям, подписанным в рамках реализации инвестиционного проекта.
5. АО «Ўзэнергосотиш» в соответствии с Соглашением о закупке электроэнергии:
предоставить в иностранной валюте подтвержденную, возобновляемую, безотзывную и безусловную банковскую гарантию коммерческого банка Республики Узбекистан, имеющего высокий уровень рейтинга, в пользу Инвестора в качестве обеспечения исполнения обязательств для покрытия закупки электроэнергии, вырабатываемой Инвестором, в течение трех месяцев;
разрешить выступать в качестве поставщика природного газа и технической воды для целей инвестиционного проекта, а также, в порядке исключения, устанавливать цены на товары (работы, услуги), реализуемые на территории Республики Узбекистан в рамках привлекаемых иностранных инвестиций, с привязкой к иностранной валюте.
6. Министерству водного хозяйства Республики Узбекистан и АО «Узтрансгаз» с АО «Ўзэнергосотиш» обеспечить заключение договоров на поставку Инвестору природного газа и технической воды в соответствии с объемами и параметрами, предусмотренными Соглашением о закупке электроэнергии.
7. Разрешить Инвестору открывать банковские счета за рубежом в иностранных банках, а также переводить денежные средства с банковских счетов, открытых в республике, на банковские счета, открытые за рубежом, после осуществления оплаты всех налогов и обязательных платежей, подлежащих уплате в республике.
8. Министерству сельского хозяйства Республики Узбекистан, хокимияту Ташкентской области совместно с Государственным комитетом Республики Узбекистан по земельным ресурсам, геодезии, картографии и государственному кадастру в месячный срок на условиях, указанных в Инвестиционном соглашении и Соглашении о закупке электроэнергии, в установленном порядке выделить Инвестору земельный участок на срок реализации инвестиционного проекта.
9. Министерству юстиции Республики Узбекистан выдать юридические заключения по соглашениям, подписанным в рамках реализации инвестиционного проекта в соответствии с положениями Инвестиционного соглашения.
10. Министерству энергетики Республики Узбекистан в установленном порядке обеспечить проведение государственной экологической экспертизы проектной документации и соблюдение законодательства по экологии и охране окружающей среды при реализации инвестиционного проекта.
11. Министерству строительства Республики Узбекистан в установленном порядке осуществлять архитектурно-строительный контроль за качеством строительно-монтажных работ в рамках реализации инвестиционного проекта.
12. Министерству инвестиций и внешней торговли Республики Узбекистан установить постоянный контроль за реализацией инвестиционного проекта, а также исполнением сторонами обязательств в рамках Инвестиционного соглашения и Соглашения о закупке электроэнергии.
13. Министерству иностранных дел Республики Узбекистан по заявкам Инвестора обеспечить в установленном порядке оформление (продление) въездных виз зарубежным специалистам, участвующим в реализации инвестиционного проекта, а также членам их семей.
14. Министерству внутренних дел Республики Узбекистан по заявкам Инвестора обеспечить в установленном порядке оформление, выдачу (продление) многократных виз, а также временную регистрацию по месту временного пребывания и ее продление зарубежным специалистам, участвующим в реализации инвестиционного проекта, а также членам их семей.
15. Министерству занятости и трудовых отношений Республики Узбекистан по заявкам Инвестора обеспечить в установленном порядке выдачу (продление) разрешений на привлечение в Республику Узбекистан зарубежной рабочей силы (не из числа граждан Республики Узбекистан), а также выдачу (продление) иностранным гражданам подтверждений на право трудовой деятельности на территории Республики Узбекистан.
16. Контроль за исполнением настоящего постановления возложить на заместителя Премьер-министра Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
13 августа 2020 г.,
№ ПП-4807