📅 2020-yil 13-avgust · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 13 август · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 13 августа 2020 г. · Законы и кодексы
Официальный текст. Официальный документ. Редакционные примечания не включены.
📅 13 August 2020 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Хусусий бандлик агентликлари тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида
Қонунчилик палатаси томонидан 2020 йил 22 июлда қабул қилинган Cенат томонидан 2020 йил 7 августда маъқулланган
1-модда . Ўзбекистон Республикасининг 2018 йил 16 октябрда қабул қилинган «Хусусий бандлик агентликлари тўғрисида»ги ЎРҚ-501-сонли Қонунига (Ўзбекистон Республикаси Олий Мажлиси палаталарининг Ахборотномаси, 2018 йил, № 10, 677-модда; 2019 йил, № 12, 880-модда) қуйидаги ўзгартиш ва қўшимчалар киритилсин:
1) 13-модданинг иккинчи ва учинчи қисмлари қуйидаги мазмундаги иккинчи — олтинчи қисмлар билан алмаштирилсин:
«Ўзбекистон Республикасидан ташқаридаги ишни қидираётган шахсларга ёзма шаклда билдиришнома берилиб, унда ишга жойлаштириш бўйича кўрсатилган хизматлар учун фуқаролардан ҳақ ундиришга йўл қўйилмаслиги тўғрисидаги маълумотлар, шунингдек хусусий бандлик агентлиги томонидан шартнома мажбуриятлари бажарилмаган ёки лозим даражада бажарилмаган тақдирда, мурожаат қилиш учун хусусий бандлик агентлигининг ҳамда Ўзбекистон Республикаси Бандлик ва меҳнат муносабатлари вазирлигининг почта манзиллари ҳамда алоқа боғлаш учун телефон рақамлари кўрсатилади.
Ўзбекистон Республикасидан ташқаридаги ишни қидираётган шахсларни ишга жойлаштириш бўйича хизматлар хусусий бандлик агентлиги ва иш қидираётган шахс ўртасида тузилган хизматлар кўрсатиш тўғрисидаги шартнома асосида кўрсатилади ҳамда қуйидагиларни ўз ичига олади:
Ўзбекистон Республикасидан ташқаридаги ишни қидираётган шахсларни ишга жойлаштириш масаласи бўйича чет эллик шериклар билан ўз ваколатлари доирасида музокаралар (суҳбатлар) ўтказиш, шартномалар, битимлар ва баённомаларнинг лойиҳаларини тайёрлаш;
эҳтимол тутилган иш берувчиларни қидириш, хорижий мамлакатларнинг меҳнат бозорини ўрганиш асосида бўш иш ўринлари мавжудлиги тўғрисида Ўзбекистон Республикасидан ташқаридаги ишни қидираётган шахсларга ахборот тақдим этиш;
Ўзбекистон Республикасидан ташқарида меҳнат фаолиятини амалга оширишни хоҳлаётган шахслар ҳақидаги ахборотни фақат уларнинг розилиги билан чет эллик иш берувчилар ўртасида тарқатиш;
иш қидираётган шахсларга Ўзбекистон Республикасидан ташқарида меҳнат фаолиятини амалга ошириш учун дастлабки тайёргарлик тадбирларини ўтказиш йўли билан кўмаклашиш;
Ўзбекистон Республикасидан ташқаридаги ишни қидираётган шахсларни ишга жойлашиладиган мамлакатда бўлиш қоидалари, меҳнат шароитлари, ижтимоий ва уй-жой-маиший таъминоти, чет эллик иш берувчилар билан меҳнат шартномаларини тузишнинг ҳуқуқий жиҳатлари ҳақида хабардор қилиш;
Ўзбекистон Республикасидан ташқаридаги ишни қидираётган шахслар билан иш берувчилар ўртасида меҳнат шартномаларини тузишга кўмаклашиш.
Ўзбекистон Республикасидан ташқаридаги ишни қидираётган шахслардан Ўзбекистон Республикасидан ташқаридаги ишни қидираётган шахсларни ишга жойлаштириш бўйича хизматлар учун ҳақ ундириш тақиқланади.
Ўзбекистон Республикасидан ташқаридаги ишни қидираётган шахсларни ишга жойлаштириш бўйича хизматларга ҳақ тўлаш иш берувчининг маблағлари ҳисобидан амалга оширилади.
Ўзбекистон Республикасидан ташқаридаги ишни қидираётган шахсларни ишга жойлаштириш бўйича хизматлар кўрсатиш учун хусусий бандлик агентликлари захира қилинадиган сумма сарфланган тақдирда маблағларнинг ўрнини тўлдириш, шунингдек лицензия тугатилган ёки бекор қилинган тақдирда маблағларни қайтариш шартлари билан базавий ҳисоблаш миқдорининг саккиз минг беш юз баравари миқдоридаги маблағларни Ўзбекистон Республикаси Бандлик ва меҳнат муносабатлари вазирлиги ҳузуридаги Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармасида захира қилиб қўяди»;
2) 14-модданинг биринчи қисми қуйидаги таҳрирда баён этилсин:
«Ишга жойлаштириш соҳасидаги ахборот ва маслаҳат хизматларини хусусий бандлик агентликлари ишга жойлаштириш соҳасида ахборот ва маслаҳат хизматлари кўрсатиш тўғрисидаги шартнома асосида кўрсатади. Ишга жойлаштириш соҳасида хизматлар кўрсатиш тўғрисидаги шартномалар асосида хусусий бандлик агентликлари ишга жойлаштириш соҳасида тақдим этадиган ахборот ва маслаҳат хизматларининг қиймати қонун ҳужжатларида белгиланган базавий ҳисоблаш миқдорининг бир баравари миқдоридан ошмаслиги керак»;
3) 15-модда қуйидаги мазмундаги учинчи қисм билан тўлдирилсин:
«Хусусий бандлик агентлиги томонидан хизматлар кўрсатиш тўғрисидаги шартнома Ўзбекистон Республикаси Бандлик ва меҳнат муносабатлари вазирлигининг «labor-migration» ахборот тизимида реал вақт режимида рўйхатдан ўтказилади»;
4) қуйидаги мазмундаги 15 1 -модда билан тўлдирилсин:
« 15 1 -модда . Хусусий бандлик агентлигининг Ўзбекистон Республикасидан ташқаридаги ишни қидираётган шахсларни ишга жойлаштириш бўйича чет эллик иш берувчи ва (ёки) чет эллик шерик билан ҳамкорлиги тўғрисидаги шартнома
Хусусий бандлик агентлиги Ўзбекистон Республикасидан ташқаридаги ишни қидираётган шахсларни ишга жойлаштириш бўйича хизматлар кўрсатиш учун чет эллик иш берувчи ва (ёки) чет эллик шерик билан ҳамкорлик тўғрисида шартнома тузади.
Хусусий бандлик агентлигининг Ўзбекистон Республикасидан ташқаридаги ишни қидираётган шахсларни ишга жойлаштириш бўйича чет эллик иш берувчи ва (ёки) чет эллик шерик билан ҳамкорлиги тўғрисидаги шартнома ёзма шаклда тузилади ҳамда қуйидагиларни ўз ичига олиши керак:
Ўзбекистон Республикасидан ташқаридаги ишни қидираётган шахсларни ишга жойлаштириш шартларини (касб ёки мутахассислик тури, меҳнатга ҳақ тўлаш миқдори, ажратилган квоталар сони, иш вақтининг давомийлиги, иш жойигача ва иш жойидан транспортда ташиш, ишидан маҳрум бўлган тақдирда ижтимоий ҳимоя қилиш, санитария-гигиена тадбирларини ҳамда тиббиётга оид бошқа тадбирларни ташкил этиш, меҳнат ва дам олишни муҳофаза қилиш, ишлаб чиқаришда бахтсиз ҳодиса ёки касб касаллиги юзага келган тақдирда компенсация олиш тартиби ва бошқа шартлар);
тарафларнинг ҳуқуқлари, мажбуриятлари ва жавобгарлигини;
шартноманинг муддатларини, уни ўзгартириш ва бекор қилиш тартибини, шунингдек унинг бошқа шартларини.
Хусусий бандлик агентлигининг Ўзбекистон Республикасидан ташқаридаги ишни қидираётган шахсларни ишга жойлаштириш бўйича чет эллик иш берувчи ва (ёки) чет эллик шерик билан ҳамкорлиги тўғрисидаги шартноманинг матни хусусий бандлик агентлигининг расмий веб-сайтида жойлаштирилади.
Хусусий бандлик агентлигининг Ўзбекистон Республикасидан ташқаридаги ишни қидираётган шахсларни ишга жойлаштириш бўйича чет эллик иш берувчи ва (ёки) чет эллик шерик билан ҳамкорлиги тўғрисидаги шартномани тузмасдан, хусусий бандлик агентлиги томонидан Ўзбекистон Республикасидан ташқаридаги ишни қидираётган шахсларни ишга жойлаштириш бўйича хизматлар кўрсатиш тақиқланади»;
5) 17-модданинг саккизинчи , тўққизинчи ва ўнинчи хатбошилари қуйидаги мазмундаги саккизинчи — ўн биринчи хатбошилар билан алмаштирилсин:
«Ўзбекистон Республикаси Бандлик ва меҳнат муносабатлари вазирлигининг сўровига кўра ўз фаолияти ҳақидаги маълумотларни тақдим этиши;
хизматлар кўрсатиш тўғрисидаги шартномаларни Ўзбекистон Республикаси Бандлик ва меҳнат муносабатлари вазирлигининг «labor-migration» ахборот тизимида реал вақт режимида рўйхатдан ўтказиши;
хизматлар кўрсатиш тўғрисидаги бажарилган шартномаларга оид архив материалларини шакллантириши ва сақлаши;
хусусий бандлик агентлиги тўғрисидаги, шунингдек унинг филиаллари ва (ёки) ваколатхоналари ҳақидаги маълумотлар ўзгарганлиги тўғрисида Ўзбекистон Республикаси Бандлик ва меҳнат муносабатлари вазирлигини етти иш куни ичида хабардор қилиши шарт»;
6) 20-модда қуйидаги мазмундаги иккинчи қисм билан тўлдирилсин:
«Хусусий бандлик агентликлари томонидан қонун ҳужжатлари талабларига риоя этилиши устидан назоратни амалга ошириш мақсадида Ўзбекистон Республикаси Бандлик ва меҳнат муносабатлари вазирлиги хусусий бандлик агентликлари фаолиятининг текширувларини (молиявий-хўжалик фаолиятига аралашмасдан) ўтказиш ҳуқуқига эга. Бунда текширувлар Текширувларни электрон рўйхатга олиш ягона тизимида тадбиркорлик субъектларини рўйхатдан ўтказиш орқали Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилни хабардор қилиш тартибида ўтказилади. Хусусий бандлик агентликлари фаолиятини текшириш чоғида Ўзбекистон Республикаси Бандлик ва меҳнат муносабатлари вазирлигининг мансабдор шахслари ўз ваколатлари доирасида:
хусусий бандлик агентликларининг ҳудудлари ва биноларига монеликсиз кириш;
текширувга тааллуқли барча зарур ҳужжатлар билан танишиб чиқиш;
хусусий бандлик агентликларининг мансабдор шахсларидан текширув ўтказиш чоғида аниқланган қоидабузарликлар фактлари юзасидан ёзма тушунтиришлар, шунингдек ҳужжатларнинг зарур бўлган, тегишли равишда тасдиқланган кўчирма нусхаларини олиш ҳуқуқига эга»;
7) 23-модда учинчи қисмининг еттинчи хатбошисидаги «эллик минг АҚШ доллари» деган сўзлар «базавий ҳисоблаш миқдорининг саккиз минг беш юз баравари» деган сўзлар билан алмаштирилсин.
2-модда . Ўзбекистон Республикаси Бандлик ва меҳнат муносабатлари вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда . Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда . Ушбу Қонун расмий эълон қилинган кундан эътиборан уч ой ўтгач кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2020 йил 13 август,
ЎРҚ-632-сон
Oʻzbekiston Respublikasining Qonuni
“Xususiy bandlik agentliklari toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida
Qonunchilik palatasi tomonidan 2020-yil 22-iyulda qabul qilingan Cenat tomonidan 2020-yil 7-avgustda maʼqullangan
1-modda . Oʻzbekiston Respublikasining 2018-yil 16-oktabrda qabul qilingan “Xususiy bandlik agentliklari toʻgʻrisida”gi OʻRQ-501-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2018-yil, № 10, 677-modda; 2019-yil, № 12, 880-modda) quyidagi oʻzgartish va qoʻshimchalar kiritilsin:
1) 13-moddaning ikkinchi va uchinchi qismlari quyidagi mazmundagi ikkinchi — oltinchi qismlar bilan almashtirilsin:
“Oʻzbekiston Respublikasidan tashqaridagi ishni qidirayotgan shaxslarga yozma shaklda bildirishnoma berilib, unda ishga joylashtirish boʻyicha koʻrsatilgan xizmatlar uchun fuqarolardan haq undirishga yoʻl qoʻyilmasligi toʻgʻrisidagi maʼlumotlar, shuningdek xususiy bandlik agentligi tomonidan shartnoma majburiyatlari bajarilmagan yoki lozim darajada bajarilmagan taqdirda, murojaat qilish uchun xususiy bandlik agentligining hamda Oʻzbekiston Respublikasi Bandlik va mehnat munosabatlari vazirligining pochta manzillari hamda aloqa bogʻlash uchun telefon raqamlari koʻrsatiladi.
Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha xizmatlar xususiy bandlik agentligi va ish qidirayotgan shaxs oʻrtasida tuzilgan xizmatlar koʻrsatish toʻgʻrisidagi shartnoma asosida koʻrsatiladi hamda quyidagilarni oʻz ichiga oladi:
Oʻzbekiston Respublikasidan tashqaridagi ishni qidirayotgan shaxslarni ishga joylashtirish masalasi boʻyicha chet ellik sheriklar bilan oʻz vakolatlari doirasida muzokaralar (suhbatlar) oʻtkazish, shartnomalar, bitimlar va bayonnomalarning loyihalarini tayyorlash;
ehtimol tutilgan ish beruvchilarni qidirish, xorijiy mamlakatlarning mehnat bozorini oʻrganish asosida boʻsh ish oʻrinlari mavjudligi toʻgʻrisida Oʻzbekiston Respublikasidan tashqaridagi ishni qidirayotgan shaxslarga axborot taqdim etish;
Oʻzbekiston Respublikasidan tashqarida mehnat faoliyatini amalga oshirishni xohlayotgan shaxslar haqidagi axborotni faqat ularning roziligi bilan chet ellik ish beruvchilar oʻrtasida tarqatish;
ish qidirayotgan shaxslarga Oʻzbekiston Respublikasidan tashqarida mehnat faoliyatini amalga oshirish uchun dastlabki tayyorgarlik tadbirlarini oʻtkazish yoʻli bilan koʻmaklashish;
Oʻzbekiston Respublikasidan tashqaridagi ishni qidirayotgan shaxslarni ishga joylashiladigan mamlakatda boʻlish qoidalari, mehnat sharoitlari, ijtimoiy va uy-joy-maishiy taʼminoti, chet ellik ish beruvchilar bilan mehnat shartnomalarini tuzishning huquqiy jihatlari haqida xabardor qilish;
Oʻzbekiston Respublikasidan tashqaridagi ishni qidirayotgan shaxslar bilan ish beruvchilar oʻrtasida mehnat shartnomalarini tuzishga koʻmaklashish.
Oʻzbekiston Respublikasidan tashqaridagi ishni qidirayotgan shaxslardan Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha xizmatlar uchun haq undirish taqiqlanadi.
Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha xizmatlarga haq toʻlash ish beruvchining mablagʻlari hisobidan amalga oshiriladi.
Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha xizmatlar koʻrsatish uchun xususiy bandlik agentliklari zaxira qilinadigan summa sarflangan taqdirda mablagʻlarning oʻrnini toʻldirish, shuningdek litsenziya tugatilgan yoki bekor qilingan taqdirda mablagʻlarni qaytarish shartlari bilan bazaviy hisoblash miqdorining sakkiz ming besh yuz baravari miqdoridagi mablagʻlarni Oʻzbekiston Respublikasi Bandlik va mehnat munosabatlari vazirligi huzuridagi Xorijda mehnat faoliyatini amalga oshiruvchi fuqarolarni qoʻllab-quvvatlash hamda ularning huquq va manfaatlarini himoya qilish jamgʻarmasida zaxira qilib qoʻyadi”;
2) 14-moddaning birinchi qismi quyidagi tahrirda bayon etilsin:
“Ishga joylashtirish sohasidagi axborot va maslahat xizmatlarini xususiy bandlik agentliklari ishga joylashtirish sohasida axborot va maslahat xizmatlari koʻrsatish toʻgʻrisidagi shartnoma asosida koʻrsatadi. Ishga joylashtirish sohasida xizmatlar koʻrsatish toʻgʻrisidagi shartnomalar asosida xususiy bandlik agentliklari ishga joylashtirish sohasida taqdim etadigan axborot va maslahat xizmatlarining qiymati qonun hujjatlarida belgilangan bazaviy hisoblash miqdorining bir baravari miqdoridan oshmasligi kerak”;
3) 15-modda quyidagi mazmundagi uchinchi qism bilan toʻldirilsin:
“Xususiy bandlik agentligi tomonidan xizmatlar koʻrsatish toʻgʻrisidagi shartnoma Oʻzbekiston Respublikasi Bandlik va mehnat munosabatlari vazirligining “labor-migration” axborot tizimida real vaqt rejimida roʻyxatdan oʻtkaziladi”;
4) quyidagi mazmundagi 15 1 -modda bilan toʻldirilsin:
“ 15 1 -modda . Xususiy bandlik agentligining Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha chet ellik ish beruvchi va (yoki) chet ellik sherik bilan hamkorligi toʻgʻrisidagi shartnoma
Xususiy bandlik agentligi Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha xizmatlar koʻrsatish uchun chet ellik ish beruvchi va (yoki) chet ellik sherik bilan hamkorlik toʻgʻrisida shartnoma tuzadi.
Xususiy bandlik agentligining Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha chet ellik ish beruvchi va (yoki) chet ellik sherik bilan hamkorligi toʻgʻrisidagi shartnoma yozma shaklda tuziladi hamda quyidagilarni oʻz ichiga olishi kerak:
Oʻzbekiston Respublikasidan tashqaridagi ishni qidirayotgan shaxslarni ishga joylashtirish shartlarini (kasb yoki mutaxassislik turi, mehnatga haq toʻlash miqdori, ajratilgan kvotalar soni, ish vaqtining davomiyligi, ish joyigacha va ish joyidan transportda tashish, ishidan mahrum boʻlgan taqdirda ijtimoiy himoya qilish, sanitariya-gigiyena tadbirlarini hamda tibbiyotga oid boshqa tadbirlarni tashkil etish, mehnat va dam olishni muhofaza qilish, ishlab chiqarishda baxtsiz hodisa yoki kasb kasalligi yuzaga kelgan taqdirda kompensatsiya olish tartibi va boshqa shartlar);
taraflarning huquqlari, majburiyatlari va javobgarligini;
shartnomaning muddatlarini, uni oʻzgartirish va bekor qilish tartibini, shuningdek uning boshqa shartlarini.
Xususiy bandlik agentligining Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha chet ellik ish beruvchi va (yoki) chet ellik sherik bilan hamkorligi toʻgʻrisidagi shartnomaning matni xususiy bandlik agentligining rasmiy veb-saytida joylashtiriladi.
Xususiy bandlik agentligining Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha chet ellik ish beruvchi va (yoki) chet ellik sherik bilan hamkorligi toʻgʻrisidagi shartnomani tuzmasdan, xususiy bandlik agentligi tomonidan Oʻzbekiston Respublikasidan tashqaridagi ishni qidirayotgan shaxslarni ishga joylashtirish boʻyicha xizmatlar koʻrsatish taqiqlanadi”;
5) 17-moddaning sakkizinchi , toʻqqizinchi va oʻninchi xatboshilari quyidagi mazmundagi sakkizinchi — oʻn birinchi xatboshilar bilan almashtirilsin:
“Oʻzbekiston Respublikasi Bandlik va mehnat munosabatlari vazirligining soʻroviga koʻra oʻz faoliyati haqidagi maʼlumotlarni taqdim etishi;
xizmatlar koʻrsatish toʻgʻrisidagi shartnomalarni Oʻzbekiston Respublikasi Bandlik va mehnat munosabatlari vazirligining “labor-migration” axborot tizimida real vaqt rejimida roʻyxatdan oʻtkazishi;
xizmatlar koʻrsatish toʻgʻrisidagi bajarilgan shartnomalarga oid arxiv materiallarini shakllantirishi va saqlashi;
xususiy bandlik agentligi toʻgʻrisidagi, shuningdek uning filiallari va (yoki) vakolatxonalari haqidagi maʼlumotlar oʻzgarganligi toʻgʻrisida Oʻzbekiston Respublikasi Bandlik va mehnat munosabatlari vazirligini yetti ish kuni ichida xabardor qilishi shart”;
6) 20-modda quyidagi mazmundagi ikkinchi qism bilan toʻldirilsin:
“Xususiy bandlik agentliklari tomonidan qonun hujjatlari talablariga rioya etilishi ustidan nazoratni amalga oshirish maqsadida Oʻzbekiston Respublikasi Bandlik va mehnat munosabatlari vazirligi xususiy bandlik agentliklari faoliyatining tekshiruvlarini (moliyaviy-xoʻjalik faoliyatiga aralashmasdan) oʻtkazish huquqiga ega. Bunda tekshiruvlar Tekshiruvlarni elektron roʻyxatga olish yagona tizimida tadbirkorlik subyektlarini roʻyxatdan oʻtkazish orqali Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilni xabardor qilish tartibida oʻtkaziladi. Xususiy bandlik agentliklari faoliyatini tekshirish chogʻida Oʻzbekiston Respublikasi Bandlik va mehnat munosabatlari vazirligining mansabdor shaxslari oʻz vakolatlari doirasida:
xususiy bandlik agentliklarining hududlari va binolariga moneliksiz kirish;
tekshiruvga taalluqli barcha zarur hujjatlar bilan tanishib chiqish;
xususiy bandlik agentliklarining mansabdor shaxslaridan tekshiruv oʻtkazish chogʻida aniqlangan qoidabuzarliklar faktlari yuzasidan yozma tushuntirishlar, shuningdek hujjatlarning zarur boʻlgan, tegishli ravishda tasdiqlangan koʻchirma nusxalarini olish huquqiga ega”;
7) 23-modda uchinchi qismining yettinchi xatboshisidagi “ellik ming AQSh dollari” degan soʻzlar “bazaviy hisoblash miqdorining sakkiz ming besh yuz baravari” degan soʻzlar bilan almashtirilsin.
2-modda . Oʻzbekiston Respublikasi Bandlik va mehnat munosabatlari vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda . Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda . Ushbu Qonun rasmiy eʼlon qilingan kundan eʼtiboran uch oy oʻtgach kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2020-yil 13-avgust,
OʻRQ-632-son
Закон Республики Узбекистан
О внесении изменений и дополнений в Закон Республики Узбекистан «О частных агентствах занятости»
Принят Законодательной палатой 22 июля 2020 года Одобрен Сенатом 7 августа 2020 года
Статья 1 . Внести в Закон Республики Узбекистан от 16 октября 2018 года № ЗРУ-501 «О частных агентствах занятости» (Ведомости палат Олий Мажлиса Республики Узбекистан, 2018 г., № 10, ст. 677; 2019 г., № 12, ст. 880) следующие изменения и дополнения:
1) части вторую и третью статьи 13 заменить частями второй — шестой следующего содержания:
«Лицам, ищущим работу за пределами Республики Узбекистан, предоставляется уведомление в письменной форме, в котором указываются сведения о недопустимости взимания платы с граждан за оказанные услуги по трудоустройству, а также почтовые адреса и номера контактных телефонов частного агентства занятости и Министерства занятости и трудовых отношений Республики Узбекистан для обращения в случае неисполнения или ненадлежащего исполнения договорных обязательств частным агентством занятости.
Услуги по трудоустройству лиц, ищущих работу за пределами Республики Узбекистан, оказываются на основании договора об оказании услуг, заключенного между частным агентством занятости и лицом, ищущим работу, и включают в себя:
проведение, в пределах своей компетенции, переговоров (собеседований), подготовку проектов договоров, соглашений и протоколов с иностранными партнерами по вопросу трудоустройства лиц, ищущих работу за пределами Республики Узбекистан;
поиск потенциальных работодателей, предоставление на основе изучения рынка труда зарубежных стран информации о наличии вакантных рабочих мест лицам, ищущим работу за пределами Республики Узбекистан;
распространение среди иностранных работодателей информации о лицах, желающих осуществлять трудовую деятельность за пределами Республики Узбекистан, только при их согласии;
оказание содействия лицам, ищущим работу, путем проведения предварительных подготовительных мероприятий для осуществления трудовой деятельности за пределами Республики Узбекистан;
информирование лиц, ищущих работу за пределами Республики Узбекистан, о правилах пребывания, условиях труда, социальном и жилищно-бытовом обеспечении в стране трудоустройства, правовых аспектах заключения трудовых договоров с иностранными работодателями;
оказание содействия в заключении трудовых договоров между лицами, ищущими работу за пределами Республики Узбекистан, и работодателями.
С лиц, ищущих работу за пределами Республики Узбекистан, запрещается взимание платы за услуги по трудоустройству лиц, ищущих работу за пределами Республики Узбекистан.
Оплата услуг по трудоустройству лиц, ищущих работу за пределами Республики Узбекистан, осуществляется за счет средств работодателя.
Для оказания услуг по трудоустройству лиц, ищущих работу за пределами Республики Узбекистан, частные агентства занятости резервируют в Фонде поддержки и защиты прав и интересов граждан, осуществляющих трудовую деятельность за рубежом, при Министерстве занятости и трудовых отношений Республики Узбекистан средства в размере восьми тысяч пятисот базовых расчетных величин, с условиями пополнения средств в случае расходования резервируемой суммы, а также возвращения средств в случае прекращения или аннулирования лицензии»;
2) часть первую статьи 14 изложить в следующей редакции:
«Информационные и консультационные услуги в сфере трудоустройства оказываются частными агентствами занятости на основании договора об оказании информационных и консультационных услуг в сфере трудоустройства. Стоимость информационных и консультационных услуг в сфере трудоустройства, предоставляемых частными агентствами занятости на основании договоров об оказании услуг в сфере трудоустройства, не должна превышать размер одной базовой расчетной величины, установленной законодательством»;
3) статью 15 дополнить частью третьей следующего содержания:
«Договор об оказании услуг частным агентством занятости регистрируется в режиме реального времени в информационной системе «labor-migration» Министерства занятости и трудовых отношений Республики Узбекистан»;
4) дополнить статьей 15 1 следующего содержания:
« Статья 15 1 . Договор о сотрудничестве частного агентства занятости с иностранным работодателем и (или) иностранным партнером по трудоустройству лиц, ищущих работу за пределами Республики Узбекистан
Для оказания услуг по трудоустройству лиц, ищущих работу за пределами Республики Узбекистан, частное агентство занятости заключает с иностранным работодателем и (или) иностранным партнером договор о сотрудничестве.
Договор о сотрудничестве частного агентства занятости с иностранным работодателем и (или) иностранным партнером по трудоустройству лиц, ищущих работу за пределами Республики Узбекистан, составляется в письменной форме и должен включать:
условия трудоустройства лиц, ищущих работу за пределами Республики Узбекистан (вид профессии или специальности, размер оплаты труда, количество выделенных квот, продолжительность рабочего времени, порядок транспортировки до места работы и обратно, социальной защиты в случае потери работы, организации санитарно-гигиенических и других медицинских мероприятий, охраны труда и отдыха, получения компенсации в случае возникновения несчастного случая на производстве или профессионального заболевания и другие условия);
права, обязанности и ответственность сторон;
сроки, порядок изменения и расторжения, а также иные условия договора.
Текст договора о сотрудничестве частного агентства занятости с иностранным работодателем и (или) иностранным партнером по трудоустройству лиц, ищущих работу за пределами Республики Узбекистан, размещается на официальном веб-сайте частного агентства занятости.
Предоставление частным агентством занятости услуг по трудоустройству лиц, ищущих работу за пределами Республики Узбекистан, без заключения договора о сотрудничестве частного агентства занятости с иностранным работодателем и (или) иностранным партнером по трудоустройству лиц, ищущих работу за пределами Республики Узбекистан, запрещается»;
5) абзацы восьмой , девятый и десятый статьи 17 заменить абзацами восьмым — одиннадцатым следующего содержания:
«предоставлять по запросу Министерства занятости и трудовых отношений Республики Узбекистан сведения о своей деятельности;
регистрировать договоры об оказании услуг в режиме реального времени в информационной системе «labor-migration» Министерства занятости и трудовых отношений Республики Узбекистан;
формировать и хранить архивные материалы по исполненным договорам об оказании услуг;
уведомить Министерство занятости и трудовых отношений Республики Узбекистан в течение семи рабочих дней об изменении сведений о частном агентстве занятости, а также о его филиалах и (или) представительствах»;
6) статью 20 дополнить частью второй следующего содержания:
«В целях осуществления контроля за соблюдением частными агентствами занятости требований законодательства Министерство занятости и трудовых отношений Республики Узбекистан имеет право проводить проверки деятельности частных агентств занятости (без вмешательства в финансово-хозяйственную деятельность). При этом проверки проводятся в порядке уведомления Уполномоченного при Президенте Республики Узбекистан по защите прав и законных интересов субъектов предпринимательства путем их регистрации в Единой системе электронной регистрации проверок. При проверке деятельности частных агентств занятости должностные лица Министерства занятости и трудовых отношений Республики Узбекистан в пределах своей компетенции имеют право:
беспрепятственно посещать территории и помещения частных агентств занятости;
знакомиться со всеми необходимыми документами, касающимися проверки;
получать от должностных лиц частных агентств занятости письменные объяснения по фактам нарушений, выявленных при проведении проверки, а также необходимые заверенные надлежащим образом копии документов»;
7) в абзаце седьмом части третьей статьи 23 слова «пятидесяти тысяч долларов США» заменить словами «восьми тысяч пятисот базовых расчетных величин».
Статья 2 . Министерству занятости и трудовых отношений Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3 . Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 4 . Настоящий Закон вступает в силу по истечении трех месяцев со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
13 августа 2020 г.,
№ ЗРУ-632