📅 2018-yil 18-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 18 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 18 сентября 2018 г. · Указы Президента
Официальный текст. Официальный документ. Редакционные примечания не включены.
📅 18 September 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
«Термиз» эркин иқтисодий зонасини ташкил этиш тўғрисида
Чегарадош мамлакатлар, ҳусусан Афғонистон Ислом Республикаси билан самарали савдо ва транспорт-логистика алоқаларини янада ривожлантириш, шунингдек, Ўзбекистон Республикасининг халқаро юкларни ташиш хавфсизлигини таъминлаш ва транзит салоҳиятини кенгайтириш, чегара атрофи минтақаларининг ресурс базасидан комплекс фойдаланиш ҳамда тўғридан тўғри хорижий инвестицияларни фаол жалб этиш учун қулай шарт-шароитларни шакллантириш мақсадида:
1. Ўзбекистон Республикаси Ташқи савдо вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда Ўзбекистон Республикаси Президенти ҳузуридаги Лойиҳа бошқаруви миллий агентлигининг Сурхондарё вилояти чегара яқини зонасида илгари ажратилган 3000 гектар майдонли ер участкаси ҳудудида «Термиз» эркин иқтисодий зонаси (кейинги ўринларда — «Термиз» ЭИЗ)ни ташкил этиш тўғрисидаги таклифларига розилик берилсин.
2. Қуйидагилар «Термиз» ЭИЗ фаолиятининг асосий вазифалари ва йўналишлари этиб белгилансин:
ЭИЗ ҳудудида биринчи навбатда кластер ёндошувидан кенг фойдаланган ҳолда ЭИЗ қатнашчилари ўртасидаги мустаҳкам кооперация асосида маҳаллий хом ашё ва материаллар негизида рақобатбардош тайёр маҳсулот ва бутловчи буюмлар ишлаб чиқаришни маҳаллийлаштириш бўйича юқори технологияли замонавий ишлаб чиқаришларни барпо этиш;
ЭИЗ ҳудудларидаги саноат корхоналари ва инфратузилма объектларида янги малакали иш ўринлари яратилишини, бунинг асосида республика минтақалари аҳолисининг бандлик даражаси ва даромадлари оширилишини таъминлаш;
маҳаллий минерал-хом ашё респурсларини чуқур қайта ишлаш ва жаҳонга машҳур брендлар остида юқори қўшилган қийматли рақобатбардош маҳсулотлар ишлаб чиқариш учун ўз ҳудудларида ЭИЗ ташкил қилинган минтақаларнинг ишлаб чиқариш ва ресурс салоҳиятидан комплекс ҳамда самарали фойдаланишни таъминлаш;
етакчи хорижий компаниялар ва корпорациялар иштирокида замонавий юқори технологияли инновацион ишлаб чиқаришларни барпо этиш учун инвестициялар, энг аввало хорижий инвестицияларни жалб этиш бўйича ғоят қулай шарт-шароитларни шакллантириш;
ишлаб чиқариш, муҳандислик-коммуникация, йўл-транспорт ва ижтимоий инфратузилмани янада ривожлантириш, шунингдек, сифатли логистика хизматлари кўрсатиш бўйича замонавий инфратузилмани шакллантириш.
3. Белгилансинки:
«Термиз» ЭИЗнинг фаолият кўрсатиш муддати 30 йилни ташкил этади ва уни кейинчалик узайтириш эҳтимоли бор;
фаолият юритиш мобайнида «Термиз» ЭИЗ ҳудудида алоҳида солиқ, божхона ва валюта тартиблари амал қилади;
«Термиз» ЭИЗ қатнашчиларининг ҳудуди чегарасигача ташқи муҳандислик коммуникациялари ва инфратузилмалар қурилиши тенг улушларда Ўзбекистон Республикасининг республика бюджети ва Сурхондарё вилоятининг маҳаллий бюджети маблағлари ҳисобидан амалга оширилади.
4. Қуйидагилар:
Ўзбекистон Республикаси Президентининг «Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида» 2016 йил 26 октябрдаги ПФ-4853-сонли Фармони 3 , 4 , ва 5-бандларининг қоидаси «Термиз» ЭИЗ қатнашчиларига нисбатан;
Ўзбекистон Республикаси Президентининг ««Ургут» «Ғиждувон», «Қўқон» ва «Ҳазорасп» эркин иқтисодий зоналарини ташкил этиш тўғрисида» 2017 йил 12 январдаги ПФ-4931-сонли Фармони 8-бандининг қоидаси «Термиз» ЭИЗ дирекциясига нисбатан жорий этилсин.
5. «Термиз» ЭИЗ бош режасини ишлаб чиқиш бўйича:
Сурхондарё вилояти ҳокимлиги ҳузуридаги «Ягона буюртмачи хизмати» ИК» ДУК — буюртмачи этиб;
танлов асосидаги лойиҳа ташкилоти — бош лойиҳа ташкилоти этиб;
Сурхондарё вилояти маҳаллий бюджетининг маблағлари, шунингдек, қонун ҳужжатларида тақиқланмаган бошқа манбалар — молиялаштириш манбалари этиб белгилансин.
6. Сурхондарё вилоятининг эркин иқтисодий зоналари ва кичик саноат зоналарининг маъмурий кенгаши Ўзбекистон Республикаси Ташқи савдо вазирлиги, Инвестициялар бўйича давлат қўмитаси, Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда бир ой муддатда «Термиз» ЭИЗга кирувчи ҳудуд чегараларини белгилашни ва «Термиз» ЭИЗ дирекцияси фаолиятини ташкил этишни назарда тутувчи ҳукумат қарори лойиҳасини Ўзбекистон Республикаси Вазирлар Маҳкамасига тақдим этсин.
7. Ўзбекистон Республикаси Ташқи ишлар вазирлиги «Термиз» ЭИЗ ҳудудида инвестиция лойиҳаларини амалга оширишда иштирок этувчи хорижий мутахассисларга кириш визаларини, зарур ҳолларда Тошкент шаҳридаги Ислом Каримов номли халқаро аэропортда консуллик ва бошқа йиғимлар ундирилмасдан белгиланган тартибда расмийлаштирилишини таъминласин.
8. Ўзбекистон Республикаси Ички ишлар вазирлиги «Термиз» ЭИЗ ҳудудида инвестиция лойиҳаларини амалга оширишга жалб этилаётган хорижий мутахассисларга кўп марталик визалар берилиши ва муддати узайтирилишини, шунингдек, уларнинг вақтинчалик яшаш жойларида вақтинча рўйхатга олиниши ва унинг муддати узайтирилишини белгиланган тартибда давлат божи ундирилмасдан таъминласин.
9. Ўзбекистон Республикаси Бандлик ва меҳнат муносабатлари вазирлиги «Термиз» ЭИЗ ҳудудида инвестиция лойиҳаларини амалга оширишга жалб этилаётган хорижий мутахассисларни республикага жалб этишга рухсатномалар берилиши (муддати узайтирилиши)ни, шунингдек, ушбу мутахассисларга Ўзбекистон Республикаси ҳудудида меҳнат фаолияти билан шуғулланиш ҳуқуқига тасдиқномалар берилишини (муддати узайтирилишини) белгиланган тартибда таъминласин.
10. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Давлат хавфсизлик хизмати раиси И.Б. Абдуллаев ва Сурхондарё вилояти ҳокими вазифасини бажарувчиси Б.Б. Пўлатов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 18 сентябрь,
ПФ-5540-сон
Oʻzbekiston Respublikasi Prezidentining
Farmoni
“Termiz” erkin iqtisodiy zonasini tashkil etish toʻgʻrisida
Chegaradosh mamlakatlar, hususan Afgʻoniston Islom Respublikasi bilan samarali savdo va transport-logistika aloqalarini yanada rivojlantirish, shuningdek, Oʻzbekiston Respublikasining xalqaro yuklarni tashish xavfsizligini taʼminlash va tranzit salohiyatini kengaytirish, chegara atrofi mintaqalarining resurs bazasidan kompleks foydalanish hamda toʻgʻridan toʻgʻri xorijiy investitsiyalarni faol jalb etish uchun qulay shart-sharoitlarni shakllantirish maqsadida:
1. Oʻzbekiston Respublikasi Tashqi savdo vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Oʻzbekiston Respublikasi Prezidenti huzuridagi Loyiha boshqaruvi milliy agentligining Surxondaryo viloyati chegara yaqini zonasida ilgari ajratilgan 3000 gektar maydonli yer uchastkasi hududida “Termiz” erkin iqtisodiy zonasi (keyingi oʻrinlarda — “Termiz” EIZ)ni tashkil etish toʻgʻrisidagi takliflariga rozilik berilsin.
2. Quyidagilar “Termiz” EIZ faoliyatining asosiy vazifalari va yoʻnalishlari etib belgilansin:
EIZ hududida birinchi navbatda klaster yondoshuvidan keng foydalangan holda EIZ qatnashchilari oʻrtasidagi mustahkam kooperatsiya asosida mahalliy xomashyo va materiallar negizida raqobatbardosh tayyor mahsulot va butlovchi buyumlar ishlab chiqarishni mahalliylashtirish boʻyicha yuqori texnologiyali zamonaviy ishlab chiqarishlarni barpo etish;
EIZ hududlaridagi sanoat korxonalari va infratuzilma obyektlarida yangi malakali ish oʻrinlari yaratilishini, buning asosida respublika mintaqalari aholisining bandlik darajasi va daromadlari oshirilishini taʼminlash;
mahalliy mineral-xomashyo respurslarini chuqur qayta ishlash va jahonga mashhur brendlar ostida yuqori qoʻshilgan qiymatli raqobatbardosh mahsulotlar ishlab chiqarish uchun oʻz hududlarida EIZ tashkil qilingan mintaqalarning ishlab chiqarish va resurs salohiyatidan kompleks hamda samarali foydalanishni taʼminlash;
yetakchi xorijiy kompaniyalar va korporatsiyalar ishtirokida zamonaviy yuqori texnologiyali innovatsion ishlab chiqarishlarni barpo etish uchun investitsiyalar, eng avvalo xorijiy investitsiyalarni jalb etish boʻyicha gʻoyat qulay shart-sharoitlarni shakllantirish;
ishlab chiqarish, muhandislik-kommunikatsiya, yoʻl-transport va ijtimoiy infratuzilmani yanada rivojlantirish, shuningdek, sifatli logistika xizmatlari koʻrsatish boʻyicha zamonaviy infratuzilmani shakllantirish.
3. Belgilansinki:
“Termiz” EIZning faoliyat koʻrsatish muddati 30 yilni tashkil etadi va uni keyinchalik uzaytirish ehtimoli bor;
faoliyat yuritish mobaynida “Termiz” EIZ hududida alohida soliq, bojxona va valyuta tartiblari amal qiladi;
“Termiz” EIZ qatnashchilarining hududi chegarasigacha tashqi muhandislik kommunikatsiyalari va infratuzilmalar qurilishi teng ulushlarda Oʻzbekiston Respublikasining respublika budjeti va Surxondaryo viloyatining mahalliy budjeti mablagʻlari hisobidan amalga oshiriladi.
4. Quyidagilar:
Oʻzbekiston Respublikasi Prezidentining “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida” 2016-yil 26-oktabrdagi PF-4853-sonli Farmoni 3 , 4 , va 5-bandlarining qoidasi “Termiz” EIZ qatnashchilariga nisbatan;
Oʻzbekiston Respublikasi Prezidentining ““Urgut” “Gʻijduvon”, “Qoʻqon” va “Hazorasp” erkin iqtisodiy zonalarini tashkil etish toʻgʻrisida” 2017-yil 12-yanvardagi PF-4931-sonli Farmoni 8-bandining qoidasi “Termiz” EIZ direksiyasiga nisbatan joriy etilsin.
5. “Termiz” EIZ bosh rejasini ishlab chiqish boʻyicha:
Surxondaryo viloyati hokimligi huzuridagi “Yagona buyurtmachi xizmati” IK” DUK — buyurtmachi etib;
tanlov asosidagi loyiha tashkiloti — bosh loyiha tashkiloti etib;
Surxondaryo viloyati mahalliy budjetining mablagʻlari, shuningdek, qonun hujjatlarida taqiqlanmagan boshqa manbalar — moliyalashtirish manbalari etib belgilansin.
6. Surxondaryo viloyatining erkin iqtisodiy zonalari va kichik sanoat zonalarining maʼmuriy kengashi Oʻzbekiston Respublikasi Tashqi savdo vazirligi, Investitsiyalar boʻyicha davlat qoʻmitasi, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda bir oy muddatda “Termiz” EIZga kiruvchi hudud chegaralarini belgilashni va “Termiz” EIZ direksiyasi faoliyatini tashkil etishni nazarda tutuvchi hukumat qarori loyihasini Oʻzbekiston Respublikasi Vazirlar Mahkamasiga taqdim etsin.
7. Oʻzbekiston Respublikasi Tashqi ishlar vazirligi “Termiz” EIZ hududida investitsiya loyihalarini amalga oshirishda ishtirok etuvchi xorijiy mutaxassislarga kirish vizalarini, zarur hollarda Toshkent shahridagi Islom Karimov nomli xalqaro aeroportda konsullik va boshqa yigʻimlar undirilmasdan belgilangan tartibda rasmiylashtirilishini taʼminlasin.
8. Oʻzbekiston Respublikasi Ichki ishlar vazirligi “Termiz” EIZ hududida investitsiya loyihalarini amalga oshirishga jalb etilayotgan xorijiy mutaxassislarga koʻp martalik vizalar berilishi va muddati uzaytirilishini, shuningdek, ularning vaqtinchalik yashash joylarida vaqtincha roʻyxatga olinishi va uning muddati uzaytirilishini belgilangan tartibda davlat boji undirilmasdan taʼminlasin.
9. Oʻzbekiston Respublikasi Bandlik va mehnat munosabatlari vazirligi “Termiz” EIZ hududida investitsiya loyihalarini amalga oshirishga jalb etilayotgan xorijiy mutaxassislarni respublikaga jalb etishga ruxsatnomalar berilishi (muddati uzaytirilishi)ni, shuningdek, ushbu mutaxassislarga Oʻzbekiston Respublikasi hududida mehnat faoliyati bilan shugʻullanish huquqiga tasdiqnomalar berilishini (muddati uzaytirilishini) belgilangan tartibda taʼminlasin.
10. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Davlat xavfsizlik xizmati raisi I.B. Abdullayev va Surxondaryo viloyati hokimi vazifasini bajaruvchisi B.B. Poʻlatov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 18-sentabr,
PF-5540-son
Президента Республики Узбекистан
Указ
О создании свободной экономической зоны «Термез»
В целях дальнейшего развития эффективных торговых и транспортно¬логистических связей с сопредельными странами, особенно с Исламской Республикой Афганистан, а также обеспечения безопасности международных перевозок грузов и расширения транзитного потенциала Республики Узбекистан, комплексного использования ресурсной базы приграничных регионов и формирования благоприятных условий для активного привлечения прямых иностранных инвестиций:
1. Согласиться с предложениями Министерства внешней торговли, Государственного комитета по инвестициям, Государственного комитета по содействию приватизированным предприятиям и развитию конкуренции и Национального агентства проектного управления при Президенте Республики Узбекистан о создании на территории ранее отведенного земельного участка площадью 3 000 гектаров в приграничной зоне Сурхандарьинской области свободной экономической зоны «Термез» (далее — СЭЗ «Термез»).
2. Определить основными задачами и направлениями деятельности СЭЗ «Термез»:
создание на территории СЭЗ современных высокотехнологичных производств, в первую очередь по локализации производства готовой конкурентоспособной продукции и комплектующих изделий на базе местного сырья и материалов в тесной кооперации между участниками СЭЗ с широким использованием кластерного подхода;
обеспечение создания на территориях СЭЗ новых квалифицированных рабочих мест на промышленных предприятиях и объектах инфраструктуры, повышение на этой основе уровня занятости и доходов населения регионов республики;
обеспечение комплексного и эффективного использования производственного и ресурсного потенциала регионов, на территории которых созданы СЭЗ, для глубокой переработки местных минерально-сырьевых ресурсов и выпуска конкурентоспособной продукции с высокой добавленной стоимостью под всемирно известными брендами;
формирование наиболее благоприятных условий по привлечению инвестиций, прежде всего иностранных, для создания современных высокотехнологичных инновационных производств с участием ведущих зарубежных компаний и корпораций;
дальнейшее развитие производственной, инженерно-коммуникационной, дорожно-транспортной и социальной инфраструктуры, а также формирование современной инфраструктуры по оказанию качественных услуг логистики.
3. Установить, что:
срок функционирования СЭЗ «Термез» составляет 30 лет с возможностью его последующего продления;
в течение срока функционирования на территории СЭЗ «Термез» действуют особые налоговый, таможенный и валютный режимы;
строительство внешних инженерных коммуникаций и инфраструктуры до границы территории участников СЭЗ «Термез» осуществляется в равных долях за счет средств республиканского бюджета Республики Узбекистан и местного бюджета Сурхандарьинской области.
4. Распространить:
на участников СЭЗ «Термез» положение пунктов 3 , 4 и 5 Указа Президента Республики Узбекистан от 26 октября 2016 года № УП-4853 «О дополнительных мерах по активизации и расширению деятельности свободных экономических зон»;
на дирекцию СЭЗ «Термез» положение пункта 8 Указа Президента Республики Узбекистан от 12 января 2017 года № УП-4931 «О создании свободных экономических зон «Ургут», «Гиждуван», «Коканд» и «Хазарасп».
5. Определить по разработке генерального плана СЭЗ «Термез»:
заказчиком — ГУП «ИК «Служба единого заказчика»» при хокимияте Сурхандарьинской области;
генеральной проектной организацией — проектную организацию на основе конкурса;
источником финансирования — средства местного бюджета Сурхандарьинской области, а также иные источники, не запрещенные законодательством.
6. Административному совету свободных зон и малых промышленных зон Сурхандарьинской области совместно с Министерством внешней торговли, Государственным комитетом Республики Узбекистан по инвестициям, Государственным комитетом Республики Узбекистан по земельным ресурсам, геодезии, картографии и государственному кадастру в месячный срок внести в Кабинет Министров Республики Узбекистан проект правительственного решения, предусматривающего определение границ территории, входящей в СЭЗ «Термез» и организацию деятельности дирекции СЭЗ «Термез».
7. Министерству иностранных дел Республики Узбекистан обеспечить в установленном порядке оформление въездных виз иностранным специалистам, участвующим в реализации инвестиционных проектов на территории СЭЗ «Термез», в случае необходимости в международном аэропорту г. Ташкента им. Ислама Каримова, без взимания консульских и иных сборов.
8. Министерству внутренних дел Республики Узбекистан обеспечить в установленном порядке выдачу (продление) многократных виз, а также временную прописку и ее продление по месту временного проживания иностранным специалистам, привлекаемым к реализации инвестиционных проектов на территории СЭЗ «Термез», без взимания государственной пошлины.
9. Министерству занятости и трудовых отношений Республики Узбекистан обеспечить в установленном порядке выдачу (продление) разрешений на привлечение в республику иностранных специалистов, привлекаемых к реализации инвестиционных проектов на территории СЭЗ «Термез», а также выдачу (продление) данным специалистам подтверждений на право трудовой деятельности на территории Республики Узбекистан.
10. Контроль за исполнением настоящего Указа возложить на Премьер-министра Республики Узбекистан А.Н. Арипова, председателя Службы государственной безопасности Республики Узбекистан И.Б. Абдуллаева и исполняющего обязанности хокима Сурхандарьинской области Б.Б. Пулатова.
Президент Республики Узбекистан Ш. МИРЗИЁЕВ
г. Ташкент,
18 сентября 2018 г.,
№ УП-5540