UzbekAI

Ўзбекистон Республикаси Адлия вазирининг

буйруғи

«Давлат нотариал идораларида нотариал иш юритиш қоидаларини тасдиқлаш ҳақида»ги буйруққа ўзгартиришлар киритиш ҳақида

«Нотариат тизими тубдан ислоҳ қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги 2020 йил 14 январдаги ЎРҚ-602-сон Ўзбекистон Республикаси Қонунининг ижросини таъминлаш мақсадида буюраман:

1. Ўзбекистон Республикаси адлия вазирининг 2010 йил 22 декабрдаги 308-мҳ-сон буйруғи (рўйхат рақами 2170, 2010 йил 22 декабрь) (Ўзбекистон Республикаси қонун ҳужжатлари тўплами, 2010 й., 51-сон, 503-модда) билан тасдиқланган Давлат нотариал идораларида нотариал иш юритиш қоидаларига иловага мувофиқ ўзгартиришлар киритилсин.

2. Мазкур буйруқ давлат рўйхатидан ўтказилсин ва бу ҳақда Идоравий норматив-ҳуқуқий ҳужжатларни давлат рўйхатидан ўтказиш бошқармаси Идоравий норматив-ҳуқуқий ҳужжатларнинг давлат реестрига тегишли ёзув киритсин.

3. Қонун ҳужжатларини таҳлил қилиш ва туркумлаш бошқармаси ушбу идоравий норматив-ҳуқуқий ҳужжатни «Ўзбекистон Республикаси қонун ҳужжатлари тўплами» — «Собрание законодательства Республики Узбекистан»да ҳамда Ўзбекистон Республикаси Қонун ҳужжатлари маълумотлари миллий базасида эълон қилинишини таъминласин.

4. Мазкур буйруқ расмий эълон қилинган кундан эътиборан кучга киради.

Ўзбекистон Республикаси адлия вазирининг 2020 йил 20 августдаги 194-мҳ-сон буйруғига ИЛОВА

«Давлат нотариал идораларида нотариал иш юритиш қоидаларини тасдиқлаш ҳақида»ги буйруққа киритилаётган ўзгартиришлар

1. Буйруқда :

а) номидаги ва 1-банддаги «Давлат нотариал идораларида» деган сўзлар «Нотариал идораларда» деган сўзлар билан алмаштирилсин;

б) муқаддима қуйидаги таҳрирда баён этилсин:

«Ўзбекистон Республикасининг «Нотариат тўғрисида»ги Қонуни ва Ўзбекистон Республикаси Президентининг 2018 йил 13 апрелдаги ПҚ-3666-сон «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида»ги қарорига мувофиқ буюраман:».

2. Қоидаларда :

а) номидаги «Давлат нотариал идораларида» деган сўзлар «Нотариал идораларда» деган сўзлар билан алмаштирилсин;

б) муқаддима қуйидаги таҳрирда баён этилсин:

«Мазкур Қоидалар Ўзбекистон Республикасининг «Нотариат тўғрисида»ги, «Жисмоний ва юридик шахсларнинг мурожаатлари тўғрисида»ги ва «Архив иши тўғрисида»ги қонунлари, Ўзбекистон Республикаси Вазирлар Маҳкамасининг 1999 йил 29 мартдаги 140-сон «Ўзбекистон Республикаси давлат ҳокимияти ва бошқарув органларида иш юритиш ва ижро назоратини ташкил этиш бўйича норматив ҳужжатларни тасдиқлаш ҳақида»ги қарори ва бошқа норматив-ҳуқуқий ҳужжатларга мувофиқ нотариал идораларда нотариал иш юритиш, нотариал ҳужжатларни сақлаш муддатлари ва тартибини белгилайди.»;

в) 1-банддаги «қонунларда» деган сўз «қонунда» деган сўз билан алмаштирилсин;

г) 2-банд қуйидаги таҳрирда баён этилсин:

«2. Нотариал идораларда нотариал иш юритишни ташкил этиш мазкур Қоидаларга мувофиқ амалга оширилади.»;

д) 3-банд қуйидаги таҳрирда баён этилсин:

«3. Нотариал иш юритишни тўғри ташкил қилиш учун нотариал идорада раҳбарлик қилувчи нотариус жавобгардир.

Нотариал иш юритиш ва (ёки) архив ишларини олиб бориш давлат нотариал идораларида Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари (бундан кейинги ўринларда адлия бошқармалари деб юритилади) раҳбарининг буйруғи билан нотариал идора ходимларидан бирига, хусусий амалиёт билан шуғулланувчи нотариусларда эса нотариуснинг буйруғи билан нотариуснинг ўзига ёки ходимларидан бирига юкланади.

Нотариал иш юритиш ва (ёки) архив ишларини олиб бориш юклатилган шахс (бундан кейинги ўринларда масъул шахс деб юритилади) ишдан бўшаганда ёки бошқа ишга ўтказилганда ҳужжатлар янги тайинланган ходимга далолатнома асосида топширилади.»;

е) 5-банддан «(Ўзбекистон Республикаси Олий Мажлисининг Ахборотномаси, 1995 й., 12-сон, 257-модда)» деган сўзлар чиқариб ташлансин.

ж) 25-банд қуйидаги таҳрирда баён этилсин:

«25. Ўзбекистон Республикаси Адлия вазирлиги, адлия бошқармалари, Нотариал палата ва унинг ҳудудий бошқармалари ҳамда бошқа юқори турувчи ташкилотлардан келиб тушган топшириқлар назоратга олинади.

Нотариал идорада раҳбарлик қилувчи нотариус томонидан бошқа ҳужжатларнинг ижроси ҳам назоратга олиниши мумкин.»;

з) 28-банд қуйидаги таҳрирда баён этилсин:

«28. Ҳужжатлар йиғмажилдлари номенклатураси нотариал идоранинг номи кўрсатилган ҳолда адлия бошқармалари ҳузуридаги идоравий нотариал архивлар (бундан кейинги ўринларда нотариал архив деб юритилади) билан келишилади.

Нотариал идораларнинг ҳужжатлар йиғмажилдлари номенклатураси нотариус томонидан мазкур Қоидаларнинг 1-иловасида келтирилган ҳужжатлар йиғмажилдларининг намунавий номенклатурасидан келиб чиқиб тасдиқланади.

Ҳужжатлар йиғмажилдлари номенклатураси бир календарь йил давомида амалда бўлади ва ҳар йили янгидан тасдиқланади. Ҳужжатлар йиғмажилдлари номенклатураси икки нусхада тузилади. Биринчи нусха адлия бошқармасида ёки Нотариал палатанинг тегишли ҳудудий бошқармасида, иккинчи нусхаси эса нотариал идорада сақланади. Нотариал идорада сақланадиган ҳужжатлар йиғмажилдлари номенклатурасидан иш нусхаси сифатида фойдаланилади.»;

и) VI бўлимнинг номи қуйидаги таҳрирда баён этилсин:

«VI. Ҳужжатларнинг нотариал идорада сақланиши ва нотариал архивларга топшириш»;

к) 35-банд қуйидаги таҳрирда баён этилсин:

«35. Ўзбекистон Республикаси «Нотариат тўғрисида»ги Қонунининг 10-моддасига асосан, нотариал идора нотариал иш юритиш ҳужжатлари ва материалларининг бут сақланишини таъминлаши, ўз нотариал архив ишини юритиши шарт.

Нотариал иш юритиш ҳужжатлари ва материаллари уч йил ўтгач нотариал архивларга топширилиши керак.»;

л) 1 — 3-иловалар тегишли равишда мазкур ўзгартиришларнинг 1 — 3-иловаларига мувофиқ таҳрирда баён этилсин.

Давлат нотариал идораларида нотариал иш юритиш қоидаларини тасдиқлаш ҳақида»ги буйруққа киритилаётган ўзгартиришларга 1-ИЛОВА

«Нотариал идораларда нотариал иш юритиш қоидаларига 1-ИЛОВА

Нотариал идоралар ҳужжатлар йиғмажилдларининг намунавий НОМЕНКЛАТУРАСИ

1. Иш юритиш бўйича

1-1. Юқори турувчи ташкилотларнинг буйруқ ва кўрсатмалари.

1-2. Нотариал амалиётни умумлаштириш бўйича ҳужжатлар.

1-3. Нотариал идорани текшириш натижалари ҳақида маълумотнома ва далолатномалар.

1-4. Шахсий таркиб бўйича буйруқлар, меҳнат шартномалари ва бошқа ҳужжатлар.

1-5. Бошқа ташкилотлар билан ёзишмалар.

1-6. Нотариал архивга топширилган ҳужжатларнинг рўйхати ва топшириш далолатномалари.

1-7. Халқаро шартномалар бўйича ёзишмалар.

1-8. Бошқа ҳужжатлар.

2. Нотариал ҳаракатларнинг турлари бўйича

2-1. Кўчмас мулкни бошқа шахсга ўтказиш тўғрисидаги шартномалар ва уларни тасдиқлаш учун асос бўлган ҳужжатлар.

2-2. Гаров (ипотека) шартномалари ҳамда уларни тасдиқлаш учун асос бўлган ҳужжатлар.

2-3. Автомототранспорт воситаларини бошқа шахсга ўтказиш тўғрисидаги шартномалар ва уларни тасдиқлаш учун асос бўлган ҳужжатлар.

2-4. Бошқа шартномалар.

2-5. Ишончномалар.

2-6. Нотариал тасдиқланган васиятномалар.

2-7. Мерос ишлари.

2-8. Ижро хатларини ёзиш ва унга тегишли бўлган ҳужжатлар.

2-9. Нотариал тасдиқланган ҳужжатларнинг дубликатларини ҳамда реестрлардан кўчирмалар беришга оид ҳужжатлар.

2-10. Медиация ишларини юритишга оид ҳужжатлар.

2-11. Далилларни таъминлашга оид ҳужжатлар.

2-12. Бошқа нотариал ҳаракатлар.

3. Нотариал ҳаракатни амалга ошириш билан боғлиқ ҳужжатлар бўйича

3-1. Тугалланмаган мерос ишлари бўйича ҳужжатлар.

3-2. Мерос мол-мулкини қўриқлаш чораларини кўриш бўйича аризалар.

3-3. Нотариал ҳаракатни амалга оширишни кечиктириш ёки рад этиш ҳақидаги қарорлар.

3-4. Ҳужжатларни экспертизага жўнатиш ҳақидаги қарорлар.

3-5. Нотариал тасдиқланган ҳужжатларга тенглаштириладиган васиятномалар.».

Давлат нотариал идораларида нотариал иш юритиш қоидаларини тасдиқлаш ҳақида»ги буйруққа киритилаётган ўзгартиришларга 2-ИЛОВА

«Нотариал идораларда нотариал иш юритиш қоидаларига 2-ИЛОВА

‎‎Йиғмажилд муқоваси ‎ ‎__________________________________________________________________________ ‎(нотариал идора номи ва нотариуснинг Ф.И.О.) ‎ ‎ ‎ ‎‎Йиғмажилд индекси ______________________ ‎Йиғмажилд рақами _______________________ ‎ ‎ ‎ ‎ ‎ ‎ ‎ ‎‎__________________________________________________________________________ ‎ ___________ ________________________________________________________________________ ____________________________________________________________________________________ ‎ (йиғмажилднинг номланиши) ‎ ‎ ‎ __________________________‎ ‎ ‎ (бошланган сана)‎ ‎ ‎ ‎ ‎ ‎ __________________________‎ ‎ ‎ (тугаган сана)‎ ‎ ‎ ‎ ‎ ‎ _____ варақда. ‎ ‎ ‎ ‎ ‎ ‎ Сақлаш муддати _______________ ‎ ‎ ‎ ‎ ‎ ‎ ‎ ‎ ‎ ___________________________________‎‎‎ ‎ ‎‎(йиғмажилд тузилган жой ва сана) ‎ ‎ ‎ ».‎

Давлат нотариал идораларида нотариал иш юритиш қоидаларини тасдиқлаш ҳақида»ги буйруққа киритилаётган ўзгартиришларга 3-ИЛОВА

«Нотариал идораларда нотариал иш юритиш қоидаларига 3-ИЛОВА

‎‎Қорақалпоғистон Республикаси Адлия вазирлиги, вилоятлар ва Тошкент шаҳар ‎адлия бошқармалари ҳузуридаги идоравий нотариал архивларга ҳужжатларни ‎ топшириш-қабул қилиш тўғрисида ‎ДАЛОЛАТНОМА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎___________________ ‎ ‎ ‎ ‎ ‎ ‎ ‎ ‎‎_________________________ ‎‎(тузилган вақти) ‎ ‎ ‎ ‎ ‎ ‎ ‎ ‎‎(тузилган жойи) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р‎ Йиғмажилдларнинг тури‎‎ Йиғмажилдларнинг санаси‎‎ Йиғмажилдларнинг номенклатура бўйича тартиб рақами‎‎ Йиғмажилдларнинг сони‎‎ ‎Йиғмажилдларнинг сони ‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Жами йиғмажилдлар сони ______________________________________________________________________ ‎ ‎ ‎ ‎ ‎ ‎‎(рақамлар ва сўзлар билан) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Нотариус ‎ ‎‎_________ ‎ ‎‎_____________________________________ ‎ ‎ ‎ ‎ ‎ ‎‎(имзо) ‎ ‎‎(Ф.И.О.) ___________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎(имзо) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎Эксперт комиссияси аъзолари: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎_________ ‎ _____________________________________‎‎ ‎ ‎ ‎ ‎ ‎ ‎‎(имзо) ‎‎ ‎ ‎‎(Ф.И.О.) ‎‎ ‎ ‎ ‎ ‎ ‎ ‎‎‎‎_________ ‎ _____________________________________‎‎ ‎ ‎ ‎ ‎ ‎ ‎‎(имзо) ‎‎ ‎‎ ‎ ‎‎(Ф.И.О.) ‎‎ ‎‎ ‎ ‎ ‎ ‎ ‎ _________ ‎‎ ‎ _____________________________________‎‎ ‎ ‎ ‎ ‎ ‎ ‎‎(имзо) ‎‎ ‎‎ ‎‎ ‎ ‎(Ф.И.О.) ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎____________ ‎(сана) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ».‎

Вазир Р. ДАВЛЕТОВ

Тошкент ш.,

2020 йил 20 август,

194-мҳ-сон

(Қонун ҳужжатлари маълумотлари миллий базаси, 20.08.2020 й., 10/20/2170-4/1200-сон)

lex.uz

Oʻzbekiston Respublikasi Adliya vazirining

buyrugʻi

“Davlat notarial idoralarida notarial ish yuritish qoidalarini tasdiqlash haqida”gi buyruqqa oʻzgartirishlar kiritish haqida

“Notariat tizimi tubdan isloh qilinishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi 2020-yil 14-yanvardagi OʻRQ-602-son Oʻzbekiston Respublikasi Qonunining ijrosini taʼminlash maqsadida buyuraman:

1. Oʻzbekiston Respublikasi adliya vazirining 2010-yil 22-dekabrdagi 308-mh-son buyrugʻi (roʻyxat raqami 2170, 2010-yil 22-dekabr) (Oʻzbekiston Respublikasi qonun hujjatlari toʻplami, 2010-y., 51-son, 503-modda) bilan tasdiqlangan Davlat notarial idoralarida notarial ish yuritish qoidalariga ilovaga muvofiq oʻzgartirishlar kiritilsin.

2. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarni davlat roʻyxatidan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

Oʻzbekiston Respublikasi adliya vazirining 2020-yil 20-avgustdagi 194-mh-son buyrugʻiga ILOVA

“Davlat notarial idoralarida notarial ish yuritish qoidalarini tasdiqlash haqida”gi buyruqqa kiritilayotgan oʻzgartirishlar

1. Buyruqda :

a) nomidagi va 1-banddagi “Davlat notarial idoralarida” degan soʻzlar “Notarial idoralarda” degan soʻzlar bilan almashtirilsin;

b) muqaddima quyidagi tahrirda bayon etilsin:

“Oʻzbekiston Respublikasining “Notariat toʻgʻrisida”gi Qonuni va Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qaroriga muvofiq buyuraman:”.

2. Qoidalarda :

a) nomidagi “Davlat notarial idoralarida” degan soʻzlar “Notarial idoralarda” degan soʻzlar bilan almashtirilsin;

b) muqaddima quyidagi tahrirda bayon etilsin:

“Mazkur Qoidalar Oʻzbekiston Respublikasining “Notariat toʻgʻrisida”gi, “Jismoniy va yuridik shaxslarning murojaatlari toʻgʻrisida”gi va “Arxiv ishi toʻgʻrisida”gi qonunlari, Oʻzbekiston Respublikasi Vazirlar Mahkamasining 1999-yil 29-martdagi 140-son “Oʻzbekiston Respublikasi davlat hokimiyati va boshqaruv organlarida ish yuritish va ijro nazoratini tashkil etish boʻyicha normativ hujjatlarni tasdiqlash haqida”gi qarori va boshqa normativ-huquqiy hujjatlarga muvofiq notarial idoralarda notarial ish yuritish, notarial hujjatlarni saqlash muddatlari va tartibini belgilaydi.”;

v) 1-banddagi “qonunlarda” degan soʻz “qonunda” degan soʻz bilan almashtirilsin;

g) 2-band quyidagi tahrirda bayon etilsin:

“2. Notarial idoralarda notarial ish yuritishni tashkil etish mazkur Qoidalarga muvofiq amalga oshiriladi.”;

d) 3-band quyidagi tahrirda bayon etilsin:

“3. Notarial ish yuritishni toʻgʻri tashkil qilish uchun notarial idorada rahbarlik qiluvchi notarius javobgardir.

Notarial ish yuritish va (yoki) arxiv ishlarini olib borish davlat notarial idoralarida Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari (bundan keyingi oʻrinlarda adliya boshqarmalari deb yuritiladi) rahbarining buyrugʻi bilan notarial idora xodimlaridan biriga, xususiy amaliyot bilan shugʻullanuvchi notariuslarda esa notariusning buyrugʻi bilan notariusning oʻziga yoki xodimlaridan biriga yuklanadi.

Notarial ish yuritish va (yoki) arxiv ishlarini olib borish yuklatilgan shaxs (bundan keyingi oʻrinlarda masʼul shaxs deb yuritiladi) ishdan boʻshaganda yoki boshqa ishga oʻtkazilganda hujjatlar yangi tayinlangan xodimga dalolatnoma asosida topshiriladi.”;

e) 5-banddan “(Oʻzbekiston Respublikasi Oliy Majlisining Axborotnomasi, 1995-y., 12-son, 257-modda)” degan soʻzlar chiqarib tashlansin.

j) 25-band quyidagi tahrirda bayon etilsin:

“25. Oʻzbekiston Respublikasi Adliya vazirligi, adliya boshqarmalari, Notarial palata va uning hududiy boshqarmalari hamda boshqa yuqori turuvchi tashkilotlardan kelib tushgan topshiriqlar nazoratga olinadi.

Notarial idorada rahbarlik qiluvchi notarius tomonidan boshqa hujjatlarning ijrosi ham nazoratga olinishi mumkin.”;

z) 28-band quyidagi tahrirda bayon etilsin:

“28. Hujjatlar yigʻmajildlari nomenklaturasi notarial idoraning nomi koʻrsatilgan holda adliya boshqarmalari huzuridagi idoraviy notarial arxivlar (bundan keyingi oʻrinlarda notarial arxiv deb yuritiladi) bilan kelishiladi.

Notarial idoralarning hujjatlar yigʻmajildlari nomenklaturasi notarius tomonidan mazkur Qoidalarning 1-ilovasida keltirilgan hujjatlar yigʻmajildlarining namunaviy nomenklaturasidan kelib chiqib tasdiqlanadi.

Hujjatlar yigʻmajildlari nomenklaturasi bir kalendar yil davomida amalda boʻladi va har yili yangidan tasdiqlanadi. Hujjatlar yigʻmajildlari nomenklaturasi ikki nusxada tuziladi. Birinchi nusxa adliya boshqarmasida yoki Notarial palataning tegishli hududiy boshqarmasida, ikkinchi nusxasi esa notarial idorada saqlanadi. Notarial idorada saqlanadigan hujjatlar yigʻmajildlari nomenklaturasidan ish nusxasi sifatida foydalaniladi.”;

i) VI boʻlimning nomi quyidagi tahrirda bayon etilsin:

“VI. Hujjatlarning notarial idorada saqlanishi va notarial arxivlarga topshirish”;

k) 35-band quyidagi tahrirda bayon etilsin:

“35. Oʻzbekiston Respublikasi “Notariat toʻgʻrisida”gi Qonunining 10-moddasiga asosan, notarial idora notarial ish yuritish hujjatlari va materiallarining but saqlanishini taʼminlashi, oʻz notarial arxiv ishini yuritishi shart.

Notarial ish yuritish hujjatlari va materiallari uch yil oʻtgach notarial arxivlarga topshirilishi kerak.”;

l) 1 — 3-ilovalar tegishli ravishda mazkur oʻzgartirishlarning 1 — 3-ilovalariga muvofiq tahrirda bayon etilsin.

Davlat notarial idoralarida notarial ish yuritish qoidalarini tasdiqlash haqida”gi buyruqqa kiritilayotgan oʻzgartirishlarga 1-ILOVA

“Notarial idoralarda notarial ish yuritish qoidalariga 1-ILOVA

Notarial idoralar hujjatlar yigʻmajildlarining namunaviy NOMENKLATURASI

1. Ish yuritish boʻyicha

1-1. Yuqori turuvchi tashkilotlarning buyruq va koʻrsatmalari.

1-2. Notarial amaliyotni umumlashtirish boʻyicha hujjatlar.

1-3. Notarial idorani tekshirish natijalari haqida maʼlumotnoma va dalolatnomalar.

1-4. Shaxsiy tarkib boʻyicha buyruqlar, mehnat shartnomalari va boshqa hujjatlar.

1-5. Boshqa tashkilotlar bilan yozishmalar.

1-6. Notarial arxivga topshirilgan hujjatlarning roʻyxati va topshirish dalolatnomalari.

1-7. Xalqaro shartnomalar boʻyicha yozishmalar.

1-8. Boshqa hujjatlar.

2. Notarial harakatlarning turlari boʻyicha

2-1. Koʻchmas mulkni boshqa shaxsga oʻtkazish toʻgʻrisidagi shartnomalar va ularni tasdiqlash uchun asos boʻlgan hujjatlar.

2-2. Garov (ipoteka) shartnomalari hamda ularni tasdiqlash uchun asos boʻlgan hujjatlar.

2-3. Avtomototransport vositalarini boshqa shaxsga oʻtkazish toʻgʻrisidagi shartnomalar va ularni tasdiqlash uchun asos boʻlgan hujjatlar.

2-4. Boshqa shartnomalar.

2-5. Ishonchnomalar.

2-6. Notarial tasdiqlangan vasiyatnomalar.

2-7. Meros ishlari.

2-8. Ijro xatlarini yozish va unga tegishli boʻlgan hujjatlar.

2-9. Notarial tasdiqlangan hujjatlarning dublikatlarini hamda reyestrlardan koʻchirmalar berishga oid hujjatlar.

2-10. Mediatsiya ishlarini yuritishga oid hujjatlar.

2-11. Dalillarni taʼminlashga oid hujjatlar.

2-12. Boshqa notarial harakatlar.

3. Notarial harakatni amalga oshirish bilan bogʻliq hujjatlar boʻyicha

3-1. Tugallanmagan meros ishlari boʻyicha hujjatlar.

3-2. Meros mol-mulkini qoʻriqlash choralarini koʻrish boʻyicha arizalar.

3-3. Notarial harakatni amalga oshirishni kechiktirish yoki rad etish haqidagi qarorlar.

3-4. Hujjatlarni ekspertizaga joʻnatish haqidagi qarorlar.

3-5. Notarial tasdiqlangan hujjatlarga tenglashtiriladigan vasiyatnomalar.”.

Davlat notarial idoralarida notarial ish yuritish qoidalarini tasdiqlash haqida”gi buyruqqa kiritilayotgan oʻzgartirishlarga 2-ILOVA

“Notarial idoralarda notarial ish yuritish qoidalariga 2-ILOVA

‎‎Yigʻmajild muqovasi ‎ ‎__________________________________________________________________________ ‎(notarial idora nomi va notariusning F.I.O.) ‎ ‎ ‎ ‎‎Yigʻmajild indeksi ______________________ ‎Yigʻmajild raqami _______________________ ‎ ‎ ‎ ‎ ‎ ‎ ‎ ‎‎__________________________________________________________________________ ‎ ___________ ________________________________________________________________________ ____________________________________________________________________________________ ‎ (yigʻmajildning nomlanishi) ‎ ‎ ‎ __________________________‎ ‎ ‎ (boshlangan sana)‎ ‎ ‎ ‎ ‎ ‎ __________________________‎ ‎ ‎ (tugagan sana)‎ ‎ ‎ ‎ ‎ ‎ _____ varaqda. ‎ ‎ ‎ ‎ ‎ ‎ Saqlash muddati _______________ ‎ ‎ ‎ ‎ ‎ ‎ ‎ ‎ ‎ ___________________________________‎‎‎ ‎ ‎‎(yigʻmajild tuzilgan joy va sana) ‎ ‎ ‎ ”.‎

Davlat notarial idoralarida notarial ish yuritish qoidalarini tasdiqlash haqida”gi buyruqqa kiritilayotgan oʻzgartirishlarga 3-ILOVA

“Notarial idoralarda notarial ish yuritish qoidalariga 3-ILOVA

‎‎Qoraqalpogʻiston Respublikasi Adliya vazirligi, viloyatlar va Toshkent shahar ‎adliya boshqarmalari huzuridagi idoraviy notarial arxivlarga hujjatlarni ‎ topshirish-qabul qilish toʻgʻrisida ‎DALOLATNOMA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎___________________ ‎ ‎ ‎ ‎ ‎ ‎ ‎ ‎‎_________________________ ‎‎(tuzilgan vaqti) ‎ ‎ ‎ ‎ ‎ ‎ ‎ ‎‎(tuzilgan joyi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r‎ Yigʻmajildlarning turi‎‎ Yigʻmajildlarning sanasi‎‎ Yigʻmajildlarning nomenklatura boʻyicha tartib raqami‎‎ Yigʻmajildlarning soni‎‎ ‎Yigʻmajildlarning soni ‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Jami yigʻmajildlar soni ______________________________________________________________________ ‎ ‎ ‎ ‎ ‎ ‎‎(raqamlar va soʻzlar bilan) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Notarius ‎ ‎‎_________ ‎ ‎‎_____________________________________ ‎ ‎ ‎ ‎ ‎ ‎‎(imzo) ‎ ‎‎(F.I.O.) ___________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎(imzo) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎Ekspert komissiyasi aʼzolari: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎_________ ‎ _____________________________________‎‎ ‎ ‎ ‎ ‎ ‎ ‎‎(imzo) ‎‎ ‎ ‎‎(F.I.O.) ‎‎ ‎ ‎ ‎ ‎ ‎ ‎‎‎‎_________ ‎ _____________________________________‎‎ ‎ ‎ ‎ ‎ ‎ ‎‎(imzo) ‎‎ ‎‎ ‎ ‎‎(F.I.O.) ‎‎ ‎‎ ‎ ‎ ‎ ‎ ‎ _________ ‎‎ ‎ _____________________________________‎‎ ‎ ‎ ‎ ‎ ‎ ‎‎(imzo) ‎‎ ‎‎ ‎‎ ‎ ‎(F.I.O.) ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎____________ ‎(sana) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ”.‎

Vazir R. DAVLETOV

Toshkent sh.,

2020-yil 20-avgust,

194-mh-son

(Qonun hujjatlari maʼlumotlari milliy bazasi, 20.08.2020-y., 10/20/2170-4/1200-son)

lex.uz