UzbekAI

Ўзбекистон Республикаси адлия вазирининг

буйруғи

Медиаторларни тайёрлаш дастурига ўзгартиришлар киритиш ҳақида

Ўзбекистон Республикасининг «Медиация тўғрисида»ги Қонуни ва Ўзбекистон Республикаси Президентининг 2020 йил 17 июндаги ПҚ-4754-сон «Низоларни муқобил ҳал этишнинг механизмларини янада такомиллаштириш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси адлия вазирининг 2019 йил 31 январдаги 54-мҳ-сон буйруғи (рўйхат рақами 3134, 2019 йил 31 январь) (Қонун ҳужжатлари маълумотлари миллий базаси, 01.02.2019 й., 10/19/3134/2554-сон) билан тасдиқланган Медиаторларни тайёрлаш дастурига иловага мувофиқ ўзгартиришлар киритилсин.

2. Мазкур буйруқ давлат рўйхатидан ўтказилсин ва бу ҳақда Идоравий норматив-ҳуқуқий ҳужжатларни давлат рўйхатидан ўтказиш бошқармаси Идоравий норматив-ҳуқуқий ҳужжатларнинг давлат реестрига тегишли ёзув киритсин.

3. Қонун ҳужжатларини таҳлил қилиш ва туркумлаш бошқармаси ушбу идоравий норматив-ҳуқуқий ҳужжатни «Ўзбекистон Республикаси қонун ҳужжатлари тўплами» ― «Собрание законодательства Республики Узбекистан»да ҳамда Ўзбекистон Республикаси Қонун ҳужжатлари маълумотлари миллий базасида эълон қилинишини таъминласин.

4. Мазкур буйруқ расмий эълон қилинган кундан эътиборан кучга киради.

Ўзбекистон Республикаси адлия вазирининг 2020 йил 20 августдаги 183-мҳ-сон буйруғига ИЛОВА

Медиаторларни тайёрлаш дастурига киритилаётган ўзгартиришлар

1. 1 ― 3-бандлар қуйидаги таҳрирда баён этилсин:

«1. Медиаторларни тайёрлаш дастури бўйича махсус ўқув курслари профессионал медиаторларнинг ўзаро бирлашувига асосланган Медиация маркази, профессионал медиаторлар, ҳакамлик судлари ва халқаро арбитражларнинг ўзаро бирлашувига асосланган Низоларни муқобил усулда ҳал этиш маркази, шунингдек Ўзбекистон Республикаси Адлия вазирлиги қошидаги Юристлар малакасини ошириш маркази ҳамда Тошкент давлат юридик университети ҳузуридаги Юридик кадрларни халқаро стандартлар бўйича профессионал ўқитиш маркази (кейинги ўринларда Марказлар деб юритилади) томонидан ташкил этилади.

2. Махсус ўқув курсларида таълим олиш кундузги шаклда шартнома асосида 72 соатдан кўп бўлмаган ўқув курслари бўйича амалга оширилади.

3. Махсус ўқув курсларида ўқиш учун фуқаролар Марказларга ариза билан бевосита ўзлари келган ҳолда ёки электрон шаклда мурожаат қиладилар.».

2. 4-банддаги «шаклга» деган сўз «намуна ва тавсифга» деган сўзлар билан алмаштирилсин

3. 5-банд қуйидаги таҳрирда баён этилсин:

«5. Махсус ўқув курсларидаги ўқув жараёни, қоида тариқасида, кўпи билан 15 нафаргача тингловчилардан шакллантирилган академик гуруҳларда ташкил этилади.».

4. 6 ва 8-бандлар ўз кучини йўқотган деб топилсин.

5. 7-банд қуйидаги таҳрирда баён этилсин:

«7. Медиаторларни тайёрлаш дастури қуйидаги мавзуларни қамраб олиши керак:

медиациянинг моҳияти ва принциплари ҳамда ҳуқуқий асослари;

медиаторнинг касбий кўникмалари, этикаси ва жавобгарлиги;

музокаралар медиациянинг асоси сифатида;

медиация босқичлари ва унда медиаторнинг роли ва функциялари;

медиацияда тарафлар вакилларининг иштироки ва уларнинг мақоми;

медиация жараёни;

медиация жараёнининг натижаси ва у билан боғлиқ ҳужжатларни расмийлаштириш;

оилавий, меҳнат, иқтисодий ва бошқа муносабатлардан келиб чиқадиган низоларни медиация орқали ҳал этишнинг ўзига хос хусусиятлари.».

6. 9-банд қуйидаги таҳрирда баён этилсин:

«9. Ўқиш жараёнида ўқув машғулотлари маъруза, амалий машғулот ва тренинг шаклида ташкил этилади.

Ўқув машғулотлари тингловчиларда медиация жараёнини юқори савияда ташкил этиш кўникмасини шакллантиришга йўналтирилади.

Ўқиш жараёнида клиник таълим, низоли жараёнларнинг имитацияси ҳамда сайёр машғулотлар қўлланилиши мумкин.».

7. 13-бандда :

бешинчи хатбошидаги «модулларни» деган сўз «мавзуларни» деган сўз билан алмаштирилсин;

олтинчи хатбошидаги «Марказ» деган сўз «Марказлар» деган сўз билан алмаштирилсин;

еттинчи хатбошидаги «модулларни» ва «Марказнинг» деган сўзлар тегишли равишда «мавзуларни» ва «Марказларнинг» деган сўзлар билан алмаштирилсин.

8. 15-банднинг биринчи хатбошиси қуйидаги таҳрирда баён этилсин:

«15. Махсус ўқув курслари тингловчиларини баҳолашни ташкил этиш ва ўтказиш учун Марказларда уч нафардан иборат таркибдаги комиссия шакллантирилади.».

9. Илова мазкур ўзгартиришларнинг иловасига мувофиқ таҳрирда баён этилсин.

Медиаторларни тайёрлаш дастурига киритилаётган ўзгартиришларга ИЛОВА

«Медиаторларни тайёрлаш дастурига ИЛОВА

‎‎‎Медиаторларни тайёрлаш бўйича махсус ўқув курсини ‎тугатганлиги тўғрисидаги намунавий ‎СЕРТИФИКАТ ‎ ‎‎OʻZBEKISTON RESPUBLIKASI DAVLAT GERBI ‎YOKI TASHKILOT RAMZINING TASVIRI ‎ (tashkilot nomlanishi) ‎ ‎ ‎ ‎ ‎ ‎ ‎ ‎ ‎ ‎ ‎‎Mediatorlarni tayyorlash maxsus oʻquv kursini ‎tugatganligi toʻgrisidagi ‎‎SERTIFIKAT ‎ ‎MT № 000000 ‎ __________________________________________________________________________________‎‎ (tinglovchining familiyasi, ismi, otasining ismi) ‎‎__________________________________________________________________________________ ‎‎(tashkilotning nomi) ‎‎__________________________________________________________________ soatga moʻljallangan __________________________________________________________________________________‎‎ ‎ ‎ ‎ ‎ ‎‎(oʻquv kursning nomi) ‎ ‎ ‎ ‎ ______________________________________________________________ ‎‎muvaffaqiyatli tamomladi.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Rahbar: _ _________________ ‎ Muhr oʻrni‎ ‎ ‎ ‎ ‎ ‎ ‎‎(F.I.O., imzo) ‎ ‎ ‎ ‎ ‎ ‎ ‎‎ Sana ____________________ ‎ ‎ ‎ ‎ ‎ ‎ ‎ ‎‎Qayd raqami № ___________ ‎ ‎ ‎ ‎ ‎ ‎ ‎ ‎ ‎ ‎

Медиаторларни тайёрлаш бўйича махсус ўқув курсини тугатганлиги тўғрисидаги намунавий сертификатнинг тавсифи

Сертификат А4 форматли оқ қоғозда офсет усулида босиб чиқарилади.

Сертификатда лотин ёзуви билан давлат тилида «Mediatorlarni tayyorlash maxsus oʻquv kursini tugatganligi toʻgrisidagi SERTIFIKAT» сўзлари босилади. Сертификат икки лотин ҳарфи ― МT ва олти рақамли сондан иборат тартиб рақами билан таъминланган. Барча матн нақшли растрдан иборат оч кул ранг фонда босиб чиқарилади.

Сертификат:

босиб чиқаришнинг икки усули ― офсет ва юқори усули;

ёруғлик воситасида нусха кўчиришни қийинлаштириш учун очиқ ранглар;

нақшли растр;

ҳар хил рангли растрлардан фойдаланиш йўли билан турли рангларни ташкил этиш;

махсус қоғозлар;

ўзгарадиган рақамлардан иборат тартиб рақами қўлланган ҳолда олтита ҳимояга эга.».

Вазир Р. ДАВЛЕТОВ

Тошкент ш.,

2020 йил 20 август,

183-мҳ-сон

(Қонун ҳужжатлари маълумотлари миллий базаси, 20.08.2020 й., 10/20/3134-1/1201-сон)

lex.uz

Oʻzbekiston Respublikasi adliya vazirining

buyrugʻi

Mediatorlarni tayyorlash dasturiga oʻzgartirishlar kiritish haqida

Oʻzbekiston Respublikasining “Mediatsiya toʻgʻrisida”gi Qonuni va Oʻzbekiston Respublikasi Prezidentining 2020-yil 17-iyundagi PQ-4754-son “Nizolarni muqobil hal etishning mexanizmlarini yanada takomillashtirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi adliya vazirining 2019-yil 31-yanvardagi 54-mh-son buyrugʻi (roʻyxat raqami 3134, 2019-yil 31-yanvar) (Qonun hujjatlari maʼlumotlari milliy bazasi, 01.02.2019-y., 10/19/3134/2554-son) bilan tasdiqlangan Mediatorlarni tayyorlash dasturiga ilovaga muvofiq oʻzgartirishlar kiritilsin.

2. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarni davlat roʻyxatidan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” ― “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

Oʻzbekiston Respublikasi adliya vazirining 2020-yil 20-avgustdagi 183-mh-son buyrugʻiga ILOVA

Mediatorlarni tayyorlash dasturiga kiritilayotgan oʻzgartirishlar

1. 1 ― 3-bandlar quyidagi tahrirda bayon etilsin:

“1. Mediatorlarni tayyorlash dasturi boʻyicha maxsus oʻquv kurslari professional mediatorlarning oʻzaro birlashuviga asoslangan Mediatsiya markazi, professional mediatorlar, hakamlik sudlari va xalqaro arbitrajlarning oʻzaro birlashuviga asoslangan Nizolarni muqobil usulda hal etish markazi, shuningdek Oʻzbekiston Respublikasi Adliya vazirligi qoshidagi Yuristlar malakasini oshirish markazi hamda Toshkent davlat yuridik universiteti huzuridagi Yuridik kadrlarni xalqaro standartlar boʻyicha professional oʻqitish markazi (keyingi oʻrinlarda Markazlar deb yuritiladi) tomonidan tashkil etiladi.

2. Maxsus oʻquv kurslarida taʼlim olish kunduzgi shaklda shartnoma asosida 72 soatdan koʻp boʻlmagan oʻquv kurslari boʻyicha amalga oshiriladi.

3. Maxsus oʻquv kurslarida oʻqish uchun fuqarolar Markazlarga ariza bilan bevosita oʻzlari kelgan holda yoki elektron shaklda murojaat qiladilar.”.

2. 4-banddagi “shaklga” degan soʻz “namuna va tavsifga” degan soʻzlar bilan almashtirilsin

3. 5-band quyidagi tahrirda bayon etilsin:

“5. Maxsus oʻquv kurslaridagi oʻquv jarayoni, qoida tariqasida, koʻpi bilan 15 nafargacha tinglovchilardan shakllantirilgan akademik guruhlarda tashkil etiladi.”.

4. 6 va 8-bandlar oʻz kuchini yoʻqotgan deb topilsin.

5. 7-band quyidagi tahrirda bayon etilsin:

“7. Mediatorlarni tayyorlash dasturi quyidagi mavzularni qamrab olishi kerak:

mediatsiyaning mohiyati va prinsiplari hamda huquqiy asoslari;

mediatorning kasbiy koʻnikmalari, etikasi va javobgarligi;

muzokaralar mediatsiyaning asosi sifatida;

mediatsiya bosqichlari va unda mediatorning roli va funksiyalari;

mediatsiyada taraflar vakillarining ishtiroki va ularning maqomi;

mediatsiya jarayoni;

mediatsiya jarayonining natijasi va u bilan bogʻliq hujjatlarni rasmiylashtirish;

oilaviy, mehnat, iqtisodiy va boshqa munosabatlardan kelib chiqadigan nizolarni mediatsiya orqali hal etishning oʻziga xos xususiyatlari.”.

6. 9-band quyidagi tahrirda bayon etilsin:

“9. Oʻqish jarayonida oʻquv mashgʻulotlari maʼruza, amaliy mashgʻulot va trening shaklida tashkil etiladi.

Oʻquv mashgʻulotlari tinglovchilarda mediatsiya jarayonini yuqori saviyada tashkil etish koʻnikmasini shakllantirishga yoʻnaltiriladi.

Oʻqish jarayonida klinik taʼlim, nizoli jarayonlarning imitatsiyasi hamda sayyor mashgʻulotlar qoʻllanilishi mumkin.”.

7. 13-bandda :

beshinchi xatboshidagi “modullarni” degan soʻz “mavzularni” degan soʻz bilan almashtirilsin;

oltinchi xatboshidagi “Markaz” degan soʻz “Markazlar” degan soʻz bilan almashtirilsin;

yettinchi xatboshidagi “modullarni” va “Markazning” degan soʻzlar tegishli ravishda “mavzularni” va “Markazlarning” degan soʻzlar bilan almashtirilsin.

8. 15-bandning birinchi xatboshisi quyidagi tahrirda bayon etilsin:

“15. Maxsus oʻquv kurslari tinglovchilarini baholashni tashkil etish va oʻtkazish uchun Markazlarda uch nafardan iborat tarkibdagi komissiya shakllantiriladi.”.

9. Ilova mazkur oʻzgartirishlarning ilovasiga muvofiq tahrirda bayon etilsin.

Mediatorlarni tayyorlash dasturiga kiritilayotgan oʻzgartirishlarga ILOVA

“Mediatorlarni tayyorlash dasturiga ILOVA

‎‎‎Mediatorlarni tayyorlash boʻyicha maxsus oʻquv kursini ‎tugatganligi toʻgʻrisidagi namunaviy ‎SERTIFIKAT ‎ ‎‎OʻZBEKISTON RESPUBLIKASI DAVLAT GERBI ‎YOKI TASHKILOT RAMZINING TASVIRI ‎ (tashkilot nomlanishi) ‎ ‎ ‎ ‎ ‎ ‎ ‎ ‎ ‎ ‎ ‎‎Mediatorlarni tayyorlash maxsus oʻquv kursini ‎tugatganligi toʻgrisidagi ‎‎SERTIFIKAT ‎ ‎MT № 000000 ‎ __________________________________________________________________________________‎‎ (tinglovchining familiyasi, ismi, otasining ismi) ‎‎__________________________________________________________________________________ ‎‎(tashkilotning nomi) ‎‎__________________________________________________________________ soatga moʻljallangan __________________________________________________________________________________‎‎ ‎ ‎ ‎ ‎ ‎‎(oʻquv kursning nomi) ‎ ‎ ‎ ‎ ______________________________________________________________ ‎‎muvaffaqiyatli tamomladi.‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Rahbar: _ _________________ ‎ Muhr oʻrni‎ ‎ ‎ ‎ ‎ ‎ ‎‎(F.I.O., imzo) ‎ ‎ ‎ ‎ ‎ ‎ ‎‎ Sana ____________________ ‎ ‎ ‎ ‎ ‎ ‎ ‎ ‎‎Qayd raqami № ___________ ‎ ‎ ‎ ‎ ‎ ‎ ‎ ‎ ‎ ‎

Mediatorlarni tayyorlash boʻyicha maxsus oʻquv kursini tugatganligi toʻgʻrisidagi namunaviy sertifikatning tavsifi

Sertifikat A4 formatli oq qogʻozda ofset usulida bosib chiqariladi.

Sertifikatda lotin yozuvi bilan davlat tilida “Mediatorlarni tayyorlash maxsus oʻquv kursini tugatganligi toʻgrisidagi SERTIFIKAT” soʻzlari bosiladi. Sertifikat ikki lotin harfi ― MT va olti raqamli sondan iborat tartib raqami bilan taʼminlangan. Barcha matn naqshli rastrdan iborat och kul rang fonda bosib chiqariladi.

Sertifikat:

bosib chiqarishning ikki usuli ― ofset va yuqori usuli;

yorugʻlik vositasida nusxa koʻchirishni qiyinlashtirish uchun ochiq ranglar;

naqshli rastr;

har xil rangli rastrlardan foydalanish yoʻli bilan turli ranglarni tashkil etish;

maxsus qogʻozlar;

oʻzgaradigan raqamlardan iborat tartib raqami qoʻllangan holda oltita himoyaga ega.”.

Vazir R. DAVLETOV

Toshkent sh.,

2020-yil 20-avgust,

183-mh-son

(Qonun hujjatlari maʼlumotlari milliy bazasi, 20.08.2020-y., 10/20/3134-1/1201-son)

lex.uz