📅 2020-yil 27-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 27 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 августа 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 27 August 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Қизилқумцемент» АЖда клинкер ишлаб чиқариш бўйича тўртинчи технологик линияни қуриш» инвестиция лойиҳаси техник-иқтисодий ҳисоб-китобининг асосий техник-иқтисодий кўрсаткичларини тасдиқлаш тўғрисида
«Қизилқумцемент» акциядорлик жамиятида клинкер ишлаб чиқариш бўйича тўртинчи технологик линияни қуриш» лойиҳасини амалга ошириш орқали ички ва ташқи бозорда талаб бўлган юқори маркали цемент ишлаб чиқариш ҳажмини кўпайтириш ҳамда янги турдаги маҳсулотлар ишлаб чиқарилишини йўлга қўйиш мақсадида Вазирлар Маҳкамаси қарор қилади:
1. Қуйидагилар:
«Қизилқумцемент» акциядорлик жамиятида клинкер ишлаб чиқариш бўйича тўртинчи технологик линияни қуриш» инвестиция лойиҳасини (кейинги ўринларда — инвестиция лойиҳаси) амалга ошириш доирасида капитал қўйилмаларнинг умумий қиймати 112 639,9 минг евро эквивалентига тенг бўлган инвестиция лойиҳасининг техник-иқтисодий ҳисоб-китоби ишлаб чиқилганлиги;
инвестиция лойиҳасини амалга ошириш «Қизилқумцемент» акциядорлик жамиятининг 92 829,0 минг евро эквиваленти миқдоридаги маблағлари ва «Ҳамкорбанк» акциядорлик тижорат банкининг 19 810,9 минг евро эквиваленти миқдоридаги кредитлари ҳисобидан молиялаштирилиши маълумот учун қабул қилинсин.
2. Белгилансинки:
«Қизилқумцемент» акциядорлик жамияти инвестиция лойиҳасининг ташаббускори ва «Ҳамкорбанк» акциядорлик тижорат банки кредитидан мақсадли фойдаланилиши ва лойиҳанинг самарали амалга оширилиши учун масъул қарз олувчи ҳисобланади;
қарз ва у билан боғлиқ харажатлар «Қизилқумцемент» акциядорлик жамиятининг ўз маблағлари ҳисобидан қопланади;
инвестиция лойиҳаси «тайёр ҳолда топшириш» шарти асосида (Engineering Procurement Construction) «fast-track» услубида (бир вақтнинг ўзида лойиҳалаш, харид қилиш ва қурилиш ишлари) амалга оширилади;
инвестиция лойиҳасини амалга ошириш доирасида олиб кириладиган технологик ускуналар, уларнинг бутловчи ва эҳтиёт қисмлари, материаллар, буюмлар, асбоб-ускуналар, технологик ҳужжатлар — Ўзбекистон Республикасида аккредитация қилинган тегишли синов лабораториялари мавжуд бўлмаган тақдирда, истисно тариқасида, мажбурий сертификатлашдан озод қилинади.
3. «Қизилқумцемент» акциядорлик жамиятида клинкер ишлаб чиқариш бўйича тўртинчи технологик линияни қуриш» инвестиция лойиҳаси техник-иқтисодий ҳисоб-китобининг асосий техник-иқтисодий кўрсаткичлари иловага мувофиқ тасдиқлансин.
4. 2021 йил декабрь ойи инвестиция лойиҳасини амалга ошириш муддати этиб белгилансин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов зиммасига юклансин.
Вазирлар Маҳкамасининг 2020 йил 27 августдаги 522-сон қарорига ИЛОВА
«Қизилқумцемент» акциядорлик жамиятида клинкер ишлаб чиқариш бўйича тўртинчи технологик линияни қуриш» инвестиция лойиҳаси техник-иқтисодий ҳисоб-китобининг асосий техник-иқтисодий кўрсаткичлари
Т/р Кўрсаткич номланиши Ўлчов бирлиги Жами шу жумладан: «Қизилқумцемент» АЖ маблағлари «Ҳамкорбанк» АТБ кредити 1. Лойиҳанинг умумий қиймати минг евро (экв) 112 639,9 92 829,0 19 810,9 2. Капитал қўйилмалар қиймати минг евро (экв) 112 639,9 92 829,0 19 810,9 шу жумладан: 2.1 машина ва ускуналар минг евро (экв) 54 594,8 34 783,9 19 810,9 ЭКВда минг евро (экв) 54 566,7 34 755,8 19 810,9 миллий валютада минг евро (экв) 28,1 28,1 2.2 қурилиш-монтаж ишлари минг евро (экв) 51 226,7 51 226,7 ЭКВда минг евро (экв) 51 226,7 51 226,7 2.3 инвестиция давридаги молиявий харажатлар минг евро (экв) 576,4 576,4 ЭКВда минг евро (экв) 99,1 99,1 миллий валютада минг евро (экв) 477,3 477,3 2.4 бошқа харажатлар минг евро (экв) 6 242,0 6 242,0 ЭКВда минг евро (экв) 5 614,1 5 614,1 миллий валютада минг евро (экв) 627,9 627,9 3. Лойиҳанинг қуввати, шу жумладан ишлаб чиқариладиган клинкер маҳсулотининг йиллик ҳажми минг тонна 1 800 4. Яратиладиган ишлаб чиқариш фондларининг қиймати минг евро (экв) 112 490,6 5. Мўлжалланаётган ишга жойлаштирилувчилар сони 40 нафар 6. Инвестиция даврининг давомийлиги 15 ой
Ўзбекистон Республикасининг Бош вазири А. АРИПОВ
Тошкент ш.,
2020 йил 27 август,
522-сон
Oʻzbekiston Respublikasi Vazirlar Mahkamasining
qarori
“Qizilqumsement” AJda klinker ishlab chiqarish boʻyicha toʻrtinchi texnologik liniyani qurish” investitsiya loyihasi texnik-iqtisodiy hisob-kitobining asosiy texnik-iqtisodiy koʻrsatkichlarini tasdiqlash toʻgʻrisida
“Qizilqumsement” aksiyadorlik jamiyatida klinker ishlab chiqarish boʻyicha toʻrtinchi texnologik liniyani qurish” loyihasini amalga oshirish orqali ichki va tashqi bozorda talab boʻlgan yuqori markali sement ishlab chiqarish hajmini koʻpaytirish hamda yangi turdagi mahsulotlar ishlab chiqarilishini yoʻlga qoʻyish maqsadida Vazirlar Mahkamasi qaror qiladi:
1. Quyidagilar:
“Qizilqumsement” aksiyadorlik jamiyatida klinker ishlab chiqarish boʻyicha toʻrtinchi texnologik liniyani qurish” investitsiya loyihasini (keyingi oʻrinlarda — investitsiya loyihasi) amalga oshirish doirasida kapital qoʻyilmalarning umumiy qiymati 112 639,9 ming yevro ekvivalentiga teng boʻlgan investitsiya loyihasining texnik-iqtisodiy hisob-kitobi ishlab chiqilganligi;
investitsiya loyihasini amalga oshirish “Qizilqumsement” aksiyadorlik jamiyatining 92 829,0 ming yevro ekvivalenti miqdoridagi mablagʻlari va “Hamkorbank” aksiyadorlik tijorat bankining 19 810,9 ming yevro ekvivalenti miqdoridagi kreditlari hisobidan moliyalashtirilishi maʼlumot uchun qabul qilinsin.
2. Belgilansinki:
“Qizilqumsement” aksiyadorlik jamiyati investitsiya loyihasining tashabbuskori va “Hamkorbank” aksiyadorlik tijorat banki kreditidan maqsadli foydalanilishi va loyihaning samarali amalga oshirilishi uchun masʼul qarz oluvchi hisoblanadi;
qarz va u bilan bogʻliq xarajatlar “Qizilqumsement” aksiyadorlik jamiyatining oʻz mablagʻlari hisobidan qoplanadi;
investitsiya loyihasi “tayyor holda topshirish” sharti asosida (Engineering Procurement Construction) “fast-track” uslubida (bir vaqtning oʻzida loyihalash, xarid qilish va qurilish ishlari) amalga oshiriladi;
investitsiya loyihasini amalga oshirish doirasida olib kiriladigan texnologik uskunalar, ularning butlovchi va ehtiyot qismlari, materiallar, buyumlar, asbob-uskunalar, texnologik hujjatlar — Oʻzbekiston Respublikasida akkreditatsiya qilingan tegishli sinov laboratoriyalari mavjud boʻlmagan taqdirda, istisno tariqasida, majburiy sertifikatlashdan ozod qilinadi.
3. “Qizilqumsement” aksiyadorlik jamiyatida klinker ishlab chiqarish boʻyicha toʻrtinchi texnologik liniyani qurish” investitsiya loyihasi texnik-iqtisodiy hisob-kitobining asosiy texnik-iqtisodiy koʻrsatkichlari ilovaga muvofiq tasdiqlansin.
4. 2021-yil dekabr oyi investitsiya loyihasini amalga oshirish muddati etib belgilansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.
Vazirlar Mahkamasining 2020-yil 27-avgustdagi 522-son qaroriga ILOVA
“Qizilqumsement” aksiyadorlik jamiyatida klinker ishlab chiqarish boʻyicha toʻrtinchi texnologik liniyani qurish” investitsiya loyihasi texnik-iqtisodiy hisob-kitobining asosiy texnik-iqtisodiy koʻrsatkichlari
T/r Koʻrsatkich nomlanishi Oʻlchov birligi Jami shu jumladan: “Qizilqumsement” AJ mablagʻlari “Hamkorbank” ATB krediti 1. Loyihaning umumiy qiymati ming yevro (ekv) 112 639,9 92 829,0 19 810,9 2. Kapital qoʻyilmalar qiymati ming yevro (ekv) 112 639,9 92 829,0 19 810,9 shu jumladan: 2.1 mashina va uskunalar ming yevro (ekv) 54 594,8 34 783,9 19 810,9 EKVda ming yevro (ekv) 54 566,7 34 755,8 19 810,9 milliy valyutada ming yevro (ekv) 28,1 28,1 2.2 qurilish-montaj ishlari ming yevro (ekv) 51 226,7 51 226,7 EKVda ming yevro (ekv) 51 226,7 51 226,7 2.3 investitsiya davridagi moliyaviy xarajatlar ming yevro (ekv) 576,4 576,4 EKVda ming yevro (ekv) 99,1 99,1 milliy valyutada ming yevro (ekv) 477,3 477,3 2.4 boshqa xarajatlar ming yevro (ekv) 6 242,0 6 242,0 EKVda ming yevro (ekv) 5 614,1 5 614,1 milliy valyutada ming yevro (ekv) 627,9 627,9 3. Loyihaning quvvati, shu jumladan ishlab chiqariladigan klinker mahsulotining yillik hajmi ming tonna 1 800 4. Yaratiladigan ishlab chiqarish fondlarining qiymati ming yevro (ekv) 112 490,6 5. Moʻljallanayotgan ishga joylashtiriluvchilar soni 40 nafar 6. Investitsiya davrining davomiyligi 15 oy
Oʻzbekiston Respublikasining Bosh vaziri A. ARIPOV
Toshkent sh.,
2020-yil 27-avgust,
522-son