📅 2020-yil 29-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 29 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 августа 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 29 August 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Москвa шaҳридaги Бутунроссия кўргазма маркази ҳудудида жойлашган «Ўзбекистон Республикаси кўргазма-маданий маркази» экспозицион марказини сақлаб туриш ва ундан фойдаланиш дирекциясини тaшкил этиш тўғрисидa
Берилган мулкдан самарали фойдаланиш ва Россия Федерацияси фуқаролари ва Москва шаҳри меҳмонларини Ўзбекистон Республикасининг бой тарихи ва миллий маданияти, мамлакатда эришилган ютуқлар билан таништириш, туризм ва инвестиция салоҳиятини илгари суриш, кенг ишбилармон давра вакилларининг эътиборини инвестиция лойиҳаларига жалб этиш ҳамда маҳаллий маҳсулотлар экспорти ҳажмини янада ошириш мақсадида Вазирлар Маҳкамаси қарор қилади:
1. Ўзбекистон Республикаси Ҳукумати билан Россия Федерацияси Ҳукумати ўртасида Москва шаҳридаги Бутунроссия кўргазма маркази ҳудудидаги 66-павильонда «Ўзбекистон Республикаси кўргазма-маданий маркази» экспозицион марказини ташкил этиш тўғрисидаги Битимга (2019 йил 30 май, Урганч шаҳри) мувофиқ Россия томони Ўзбекистон томонига Москва шаҳридаги Бутунроссия кўргазма маркази ҳудудидаги маданий мерос объекти — 66-павильонни 49 йилга ижарага берганлиги маълумот учун қабул қилинсин.
2. Ўзбекистон Республикаси Ташқи ишлар вазирлиги, Инвестициялар ва ташқи савдо вазирлиги, Давлат активларини бошқариш агентлиги ва Тошкент шаҳар ҳокимлигининг Давлат активларини бошқарига агентлиги иштирокчилигида Москвa шaҳридaги Бутунроссия кўргазма маркази ҳудудида «Ўзбекистон Республикаси кўргазма-маданий маркази» экспозицион марказини сақлаб туриш ва ундан фойдаланиш дирекциясини (кейинги ўринларда — Дирекция) Россия Федерацияси қонунчилигига мувофиқ ташкил этиш тўғрисидаги таклифига розилик берилсин.
3. Ўзбекистон Республикаси Инвестициялар ва ташқи савдо вазирлиги уч ой муддатда:
Россия Федерацияси қонунчилиги талабларига мувофиқ Дирекциянинг таъсис ҳужжатлари белгиланган тартибда тасдиқланишини;
Ўзбекистон Республикаси Ташқи ишлар вазирлиги билан биргаликда Дирекцияни Москва шаҳрида жойлаштириш ва жиҳозлашни, шунингдек, Дирекциянинг фаолиятини Россия Федерацияси қонунчилигига мувофиқ ташкил этиш билан боғлиқ бошқа масалаларни ҳал этишни таъминласин.
4. Ўзбекистон Республикаси Инвестициялар ва ташқи савдо вазирлиги Дирекциянинг таъсис ҳужжатларини унинг асосий вазифалари ва фаолияти йўналишлари этиб қуйидагилар белгиланганлигини назарда тутган ҳолда пухта тайёрланишини таъминласин:
кўргазма-ярмарка фаолиятини амалга ошириш;
маданий-оммавий ва концерт тадбирларини ташкил этиш;
мамлакатнинг сайёҳлик салоҳиятини ошириш, халқаро кўргазмаларда маҳаллий туроператорларни кенг реклама қилиш;
кенг кўламдаги реклама ишларини амалга ошириш, шу жумладан, халқаро маданий, саноат ва сайёҳлик кўргазмаларини ўтказиш тўғрисида хорижий фойдаланувчилар учун очиқ бўлган ахборот манбалари орқали ташкил этилаётган тадбирларда, авваламбор, Ўзбекистон Республикасининг обрўсини, шунингдек, мамлакатда амалга оширилаётган ислоҳотларни самарали тарғиб қилишни таъминлаш;
МДҲ давлатлари ва бошқа мамлакатлардан потенциал хорижий харидорларни халқаро маданий, саноат ва туристик кўргазмалари ҳамда ярмаркаларига кенг жалб қилишни амалга ошириш;
вазирликлар ва идораларга Бутунроссия кўргазма маркази ҳудудидаги 66-павильонда «Ўзбекистон Республикаси кўргазма-маданий маркази» экспозицион марказида ўтказилиши режалаштирилаётган кўргазма ва ярмаркаларни ўтказишда методик ёрдам кўрсатиш;
Ўзбекистон Республикаси иқтисодиёти ва инфратузилма соҳаларини модернизация қилиш ва ривожлантириш учун Россия Федерациясининг тўғридан-тўғри хорижий инвестицияларини ҳамда илғор технологияларини жалб қилишга кўмаклашиш;
маҳаллий товарлар ва хизматлар экспорти ҳажмини ошириш, Россия Федерацияси бозорига Ўзбекистон Республикаси корхона ва ташкилотларининг маҳсулот ва хизматларининг узоқ муддатли экспорт қилиниши ҳисобига ўзаро савдо товарлари номенклатурасини кенгайтиришга кўмаклашиш.
5. Белгилансинки, Дирекция фаолиятини молиялаштириш:
хўжалик фаолиятидан ва шартнома асосида хизматлар кўрсатишдан тушадиган тушумлар;
тегишли бинолар (майдонлар) ва иншоотларни ижарага беришдан тушадиган тушумлар;
жисмоний ва юридик, шу жумладан, чет эллик шахсларнинг ҳомийлик хайриялари;
халқаро молия институтлари ва хорижий ҳукумат молия ташкилотларининг маблағлари;
Россия Федерациясининг қонун ҳужжатлари билан тақиқланмаган бошқа манбалар;
зарур ҳолларда Ўзбекистон Республикаси Инвестициялар ва ташқи савдо вазирлиги, Ташқи ишлар вазирлиги ҳамда уларнинг таркибига кирувчи идоравий мансуб ташкилотларнинг бюджетдан ташқари маблағлари ҳисобидан амалга оширилади.
6. Ўзбекистон Республикаси Инвестициялар ва ташқи савдо вазирлиги, Ташқи ишлар вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Бутунроссия кўргазма маркази ҳудудидаги 66-павильонда «Ўзбекистон Республикаси кўргазма-маданий маркази» экспозицион марказида намойиш қилиш учун ахборот материаллари ва маҳсулот намуналари ҳар ярим йилда янгилаб борилишини таъминласинлар.
7. Ўзбекистон Республикаси Маданият вазирлиги Инвестициялар ва ташқи савдо вазирлиги, Ташқи ишлар вазирлиги билан биргаликда икки ой муддатда Бутунроссия кўргазма маркази ҳудудида 66-павильондаги «Ўзбекистон Республикаси кўргазма-маданий маркази» экспозицион марказини Ўзбекистон Республикасининг замонавий маданияти ва тарихи тўғрисидаги материаллар ва экспонатлар билан жиҳозлаш бўйича тегишли ташкилий ва молиявий чораларни кўрсин.
8. Ўзбекистон Республикаси Қурилиш вазирлиги Тошкент шаҳар ҳокимлиги билан биргаликда Ўзбекистон Республикаси Вазирлар Маҳкамасининг 2020 йил 25 мартдаги 161-Ф-сон фармойишига мувофиқ 2020 йил охиригача Москва шаҳридаги Бутунроссия кўргазма маркази ҳудудида жойлашган 66-павильонни реконструкция қилиш ва жиҳозлаш ишлари тугатилишини таъминласин.
9. Ўзбекистон Республикаси Вазирлар Маҳкамасининг 2020 йил 25 мартдаги 161-Ф-сон фармойишининг 3-бандидаги «1 июлгача» сўзлари «1 ноябргача» сўзлари билан алмаштирилсин.
10. Дирекция зиммасига Бутунроссия кўргазма маркази ҳудудида жойлашган 66-павильонда халқаро анжуманлар, кўргазма-ярмаркалар, форумлар ва бошқа тадбирларни ташкил этиш ва ўтказиш бўйича ягона мувофиқлаштирувчи орган функциялари юклансин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 29 август,
527-сон
Oʻzbekiston Respublikasi Vazirlar Mahkamasining
qarori
Moskva shahridagi Butunrossiya koʻrgazma markazi hududida joylashgan “Oʻzbekiston Respublikasi koʻrgazma-madaniy markazi” ekspozitsion markazini saqlab turish va undan foydalanish direksiyasini tashkil etish toʻgʻrisida
Berilgan mulkdan samarali foydalanish va Rossiya Federatsiyasi fuqarolari va Moskva shahri mehmonlarini Oʻzbekiston Respublikasining boy tarixi va milliy madaniyati, mamlakatda erishilgan yutuqlar bilan tanishtirish, turizm va investitsiya salohiyatini ilgari surish, keng ishbilarmon davra vakillarining eʼtiborini investitsiya loyihalariga jalb etish hamda mahalliy mahsulotlar eksporti hajmini yanada oshirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumati bilan Rossiya Federatsiyasi Hukumati oʻrtasida Moskva shahridagi Butunrossiya koʻrgazma markazi hududidagi 66-pavilyonda “Oʻzbekiston Respublikasi koʻrgazma-madaniy markazi” ekspozitsion markazini tashkil etish toʻgʻrisidagi Bitimga (2019-yil 30-may, Urganch shahri) muvofiq Rossiya tomoni Oʻzbekiston tomoniga Moskva shahridagi Butunrossiya koʻrgazma markazi hududidagi madaniy meros obyekti — 66-pavilyonni 49 yilga ijaraga berganligi maʼlumot uchun qabul qilinsin.
2. Oʻzbekiston Respublikasi Tashqi ishlar vazirligi, Investitsiyalar va tashqi savdo vazirligi, Davlat aktivlarini boshqarish agentligi va Toshkent shahar hokimligining Davlat aktivlarini boshqariga agentligi ishtirokchiligida Moskva shahridagi Butunrossiya koʻrgazma markazi hududida “Oʻzbekiston Respublikasi koʻrgazma-madaniy markazi” ekspozitsion markazini saqlab turish va undan foydalanish direksiyasini (keyingi oʻrinlarda — Direksiya) Rossiya Federatsiyasi qonunchiligiga muvofiq tashkil etish toʻgʻrisidagi taklifiga rozilik berilsin.
3. Oʻzbekiston Respublikasi Investitsiyalar va tashqi savdo vazirligi uch oy muddatda:
Rossiya Federatsiyasi qonunchiligi talablariga muvofiq Direksiyaning taʼsis hujjatlari belgilangan tartibda tasdiqlanishini;
Oʻzbekiston Respublikasi Tashqi ishlar vazirligi bilan birgalikda Direksiyani Moskva shahrida joylashtirish va jihozlashni, shuningdek, Direksiyaning faoliyatini Rossiya Federatsiyasi qonunchiligiga muvofiq tashkil etish bilan bogʻliq boshqa masalalarni hal etishni taʼminlasin.
4. Oʻzbekiston Respublikasi Investitsiyalar va tashqi savdo vazirligi Direksiyaning taʼsis hujjatlarini uning asosiy vazifalari va faoliyati yoʻnalishlari etib quyidagilar belgilanganligini nazarda tutgan holda puxta tayyorlanishini taʼminlasin:
koʻrgazma-yarmarka faoliyatini amalga oshirish;
madaniy-ommaviy va konsert tadbirlarini tashkil etish;
mamlakatning sayyohlik salohiyatini oshirish, xalqaro koʻrgazmalarda mahalliy turoperatorlarni keng reklama qilish;
keng koʻlamdagi reklama ishlarini amalga oshirish, shu jumladan, xalqaro madaniy, sanoat va sayyohlik koʻrgazmalarini oʻtkazish toʻgʻrisida xorijiy foydalanuvchilar uchun ochiq boʻlgan axborot manbalari orqali tashkil etilayotgan tadbirlarda, avvalambor, Oʻzbekiston Respublikasining obroʻsini, shuningdek, mamlakatda amalga oshirilayotgan islohotlarni samarali targʻib qilishni taʼminlash;
MDH davlatlari va boshqa mamlakatlardan potensial xorijiy xaridorlarni xalqaro madaniy, sanoat va turistik koʻrgazmalari hamda yarmarkalariga keng jalb qilishni amalga oshirish;
vazirliklar va idoralarga Butunrossiya koʻrgazma markazi hududidagi 66-pavilyonda “Oʻzbekiston Respublikasi koʻrgazma-madaniy markazi” ekspozitsion markazida oʻtkazilishi rejalashtirilayotgan koʻrgazma va yarmarkalarni oʻtkazishda metodik yordam koʻrsatish;
Oʻzbekiston Respublikasi iqtisodiyoti va infratuzilma sohalarini modernizatsiya qilish va rivojlantirish uchun Rossiya Federatsiyasining toʻgʻridan-toʻgʻri xorijiy investitsiyalarini hamda ilgʻor texnologiyalarini jalb qilishga koʻmaklashish;
mahalliy tovarlar va xizmatlar eksporti hajmini oshirish, Rossiya Federatsiyasi bozoriga Oʻzbekiston Respublikasi korxona va tashkilotlarining mahsulot va xizmatlarining uzoq muddatli eksport qilinishi hisobiga oʻzaro savdo tovarlari nomenklaturasini kengaytirishga koʻmaklashish.
5. Belgilansinki, Direksiya faoliyatini moliyalashtirish:
xoʻjalik faoliyatidan va shartnoma asosida xizmatlar koʻrsatishdan tushadigan tushumlar;
tegishli binolar (maydonlar) va inshootlarni ijaraga berishdan tushadigan tushumlar;
jismoniy va yuridik, shu jumladan, chet ellik shaxslarning homiylik xayriyalari;
xalqaro moliya institutlari va xorijiy hukumat moliya tashkilotlarining mablagʻlari;
Rossiya Federatsiyasining qonun hujjatlari bilan taqiqlanmagan boshqa manbalar;
zarur hollarda Oʻzbekiston Respublikasi Investitsiyalar va tashqi savdo vazirligi, Tashqi ishlar vazirligi hamda ularning tarkibiga kiruvchi idoraviy mansub tashkilotlarning budjetdan tashqari mablagʻlari hisobidan amalga oshiriladi.
6. Oʻzbekiston Respublikasi Investitsiyalar va tashqi savdo vazirligi, Tashqi ishlar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Butunrossiya koʻrgazma markazi hududidagi 66-pavilyonda “Oʻzbekiston Respublikasi koʻrgazma-madaniy markazi” ekspozitsion markazida namoyish qilish uchun axborot materiallari va mahsulot namunalari har yarim yilda yangilab borilishini taʼminlasinlar.
7. Oʻzbekiston Respublikasi Madaniyat vazirligi Investitsiyalar va tashqi savdo vazirligi, Tashqi ishlar vazirligi bilan birgalikda ikki oy muddatda Butunrossiya koʻrgazma markazi hududida 66-pavilyondagi “Oʻzbekiston Respublikasi koʻrgazma-madaniy markazi” ekspozitsion markazini Oʻzbekiston Respublikasining zamonaviy madaniyati va tarixi toʻgʻrisidagi materiallar va eksponatlar bilan jihozlash boʻyicha tegishli tashkiliy va moliyaviy choralarni koʻrsin.
8. Oʻzbekiston Respublikasi Qurilish vazirligi Toshkent shahar hokimligi bilan birgalikda Oʻzbekiston Respublikasi Vazirlar Mahkamasining 2020-yil 25-martdagi 161-F-son farmoyishiga muvofiq 2020-yil oxirigacha Moskva shahridagi Butunrossiya koʻrgazma markazi hududida joylashgan 66-pavilyonni rekonstruksiya qilish va jihozlash ishlari tugatilishini taʼminlasin.
9. Oʻzbekiston Respublikasi Vazirlar Mahkamasining 2020-yil 25-martdagi 161-F-son farmoyishining 3-bandidagi “1-iyulgacha” soʻzlari “1-noyabrgacha” soʻzlari bilan almashtirilsin.
10. Direksiya zimmasiga Butunrossiya koʻrgazma markazi hududida joylashgan 66-pavilyonda xalqaro anjumanlar, koʻrgazma-yarmarkalar, forumlar va boshqa tadbirlarni tashkil etish va oʻtkazish boʻyicha yagona muvofiqlashtiruvchi organ funksiyalari yuklansin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 29-avgust,
527-son
Кабинета Министров Республики Узбекистан
Постановление
О создании Дирекции по содержанию и эксплуатации экспозиционного центра «Выставочно-культурный центр Республики Узбекистан» на территории Всероссийского выставочного центра в г. Москве
В целях эффективного использования переданного имущества и ознакомления граждан Российской Федерации и гостей г. Москвы с богатой историей и национальной культурой Республики Узбекистан, ее достижениями, продвижения туристического и инвестиционного потенциала страны, привлечения внимания представителей широких деловых кругов к инвестиционным проектам, дальнейшего увеличения объемов экспорта отечественной продукции Кабинет Министров постановляет:
1. Принять к сведению, что в соответствии с Соглашением между Правительством Республики Узбекистан и Правительством Российской Федерации о создании экспозиционного центра «Выставочно-культурный центр Республики Узбекистан» в павильоне № 66 на территории Всероссийского выставочного центра в г. Москве (30 мая 2019 г., г. Ургенч), российской стороной предоставлен узбекской стороне объект культурного наследия — павильон № 66 на территории Всероссийского выставочного центра в г. Москве, в аренду сроком на 49 лет.
2. Согласиться с предложением Министерства иностранных дел, Министерства инвестиций и внешней торговли, Агентства по управлению государственными активами Республики Узбекистан и хокимията города Ташкента о создании в присутствии агентства по управлению государственными активами Дирекции по содержанию и эксплуатации экспозиционного центра «Выставочно-культурный центр Республики Узбекистан» на территории Всероссийского выставочного центра в г. Москве (далее — Дирекция) в соответствии с законодательством Российской Федерации.
3. Министерству инвестиций и внешней торговли Республики Узбекистан в трехмесячный срок обеспечить:
утверждение в установленном порядке учредительных документов Дирекции в соответствии с требованиями законодательства Российской Федерации;
совместно с Министерством иностранных дел Республики Узбекистан размещение и обустройство Дирекции в г. Москве, а также решение других вопросов, связанных с организацией деятельности Дирекции в соответствии с законодательством Российской Федерации.
4. Министерству инвестиций и внешней торговли Республики Узбекистан обеспечить тщательную подготовку учредительных документов Дирекции, предусмотрев определение основными задачами и направлениями ее деятельности нижеследующих:
осуществление выставочно-ярмарочной деятельности;
организация культурно-массовых и концертных мероприятий;
повышение туристического потенциала страны, широкая реклама отечественных туроператоров на международных выставках;
организация эффективной рекламы, в том числе обеспечение в первую очередь активного продвижения и пропаганды в рамках мероприятий, организуемых через открытые для зарубежных пользователей информационные ресурсы положительного имиджа Республики Узбекистан, проводимых в стране преобразований, а также международных культурных, промышленных и туристических выставок;
осуществление мероприятий по широкому привлечению к участию в международных культурных, промышленных, туристических выставках и ярмарках потенциальных иностранных покупателей из стран СНГ и других государств;
оказание методического содействия министерствам и ведомствам в организации планируемых к проведению выставок и ярмарок в экспозиционном центре «Выставочно-культурный центр Республики Узбекистан» в павильоне № 66 на территории Всероссийского выставочного центра;
содействие в привлечении прямых иностранных инвестиций и передовых технологий Российской Федерации для модернизации и развития отраслей экономики и инфраструктуры Республики Узбекистан;
содействие в увеличении объемов экспорта отечественных товаров и услуг, расширении номенклатуры взаимного товарооборота за счет организации долгосрочных экспортных поставок продукции и услуг предприятий и организаций Республики Узбекистан на рынок Российской Федерации.
5. Определить, что финансирование деятельности Дирекции осуществляется за счет:
поступлений от хозяйственной деятельности и оказания договорных услуг;
поступлений от предоставления соответствующих зданий (площадей) и сооружений в аренду;
благотворительных пожертвований юридических и физических лиц, в том числе иностранных;
средств международных финансовых институтов и иностранных правительственных финансовых организаций;
других источников, не запрещенных законодательными актами Российской Федерации;
при необходимости, внебюджетных средств Министерства инвестиций и внешней торговли, Министерства иностранных дел Республики Узбекистан и их подведомственных организаций.
6. Министерству инвестиций и внешней торговли, Министерству иностранных дел Республики Узбекистан, Совету Министров Республики Каракалпакстан, хокимиятам областей и г. Ташкента обеспечить обновление каждые полгода информационных материалов и образцов продукций для экспонирования в экспозиционном центре «Выставочно-культурный центр Республики Узбекистан» в павильоне № 66 на территории Всероссийского выставочного центра.
7. Министерству культуры Республики Узбекистан совместно с Министерством инвестиций и внешней торговли, Министерством иностранных дел Республики Узбекистан в двухмесячный срок осуществить необходимые организационные и финансовые меры по оснащению экспозиционного центра «Выставочно-культурный центр Республики Узбекистан» в павильоне № 66 на территории Всероссийского выставочного центра материалами и экспонатами, рассказывающими о современной культуре и истории Республики Узбекистан.
8. Министерству строительства Республики Узбекистан совместно с хокимиятом города Ташкента обеспечить в соответствии с распоряжением Кабинета Министров Республики Узбекистан от 25 марта 2020 г. № 161-Ф завершение до конца 2020 года работ по реконструкции и оснащению павильона № 66 на территории Всероссийского выставочного центра в г. Москве.
9. В пункте 3 распоряжения Кабинета Министров Республики Узбекистан от 25 марта 2020 г. № 161-Ф слова «до 1 июля» заменить словами «до 1 ноября».
10. Возложить на дирекцию функции единого координирующего органа по организации и проведению в павильоне № 66 на территории Всероссийского выставочного центра международных конференций, выставок-ярмарок, форумов и других мероприятий.
11. Контроль за исполнением настоящего постановления возложить на заместителя Премьер-министра — министра инвестиций и внешней торговли Республики Узбекистан С.У. Умурзакова.
Премьер-министр Республики Узбекистан А. АРИПОВ
г. Ташкент,
29 августа 2020 г.,
№ 527