📅 2020-yil 29-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 29 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 августа 2020 г. · Постановления Президента
Официальный текст. Официальный документ. Редакционные примечания не включены.
📅 29 August 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ўзгартириш ва қўшимча
Балиқчилик тармоғини қўллаб-қувватлаш ва унинг самарадорлигини ошириш чора-тадбирлари тўғрисида
Республикада балиқчилик тармоғини қўллаб-қувватлаш, балиқчилик ва балиқ овлаш хўжаликлари фаолияти самарадорлигини ошириш, ушбу соҳада ер ва сув ресурсларидан оқилона ва самарали фойдаланиш ҳамда интенсив технологияларнинг кенг жорий этилишини таъминлаш мақсадида:
1. Белгилансинки:
2020 йилдан бошлаб сунъий сув ҳавзаларида балиқ етиштирадиган балиқчилик хўжаликларига сув ресурсларидан фойдаланганлик учун солиқ сув объектидан олинган ва қайтариб чиқарилган сув ҳажми ўртасидаги фарқидан келиб чиқиб, қишлоқ хўжалиги ерларини суғориш учун белгиланган ставкаларда ҳисобланади;
коллектор-дренаж сувларидан олиб фойдаланилган сув ресурслари солиқ солиш объекти ҳисобланмайди;
балиқчилик хўжаликлари ва қишлоқ хўжалиги корхоналарига сув ресурсларидан фойдаланганлик учун солиқни ҳисоблаш учун фойдаланилган сувнинг ҳажми ҳақиқатда истеъмол қилинган ҳажмдан келиб чиққан ҳолда Сув хўжалиги вазирлиги таркибига кирувчи ташкилотлар томонидан аниқланади;
балиқчилик хўжаликлари ва қишлоқ хўжалиги корхоналари томонидан фойдаланилган сувнинг ҳақиқатда истеъмол қилинган ҳажмини аниқлаш имкони бўлмаганда, 2020 йилда сув ресурсларидан фойдаланганлик учун солиқ базаси белгиланган сувни истеъмол қилиш нормативларининг 50 фоизи миқдорида белгиланади;
Сув хўжалиги вазирлиги томонидан ҳар йили сув лимитлари белгиланаётганда балиқчилик хўжаликлари фойдаланиши мумкин бўлган коллектор-дренаж тармоқларининг рўйхати шакллантирилади ҳамда Сув хўжалиги вазирлигининг веб-сайтида жойлаштириб борилади;
балиқчилик хўжаликлари фойдаланиши мумкин бўлган коллектор-дренаж тармоқларидаги сувлардан коллектор-дренаж тармоқларининг лойиҳавий параметрларига риоя қилган ҳолда фойдаланади.
2. Сув хўжалиги вазирлиги:
фойдаланиш мумкин бўлган коллектор-дренаж тармоқлари, ундаги сувларнинг шўрланиш даражаси ва сифати доимий назорат қилиниши ҳамда бу тўғрисидаги маълумотларни ўзининг расмий веб-сайтида кўрсатиб борилишини;
сунъий сув ҳавзаларида балиқ етиштирадиган балиқчилик хўжаликлари учун сув олиш лимитлари манбаларнинг тахмин қилинган ва ҳақиқий сувлилиги, шунингдек, балиқчилик хўжаликларининг сув истеъмоли режаларини ҳисобга олган ҳолда белгиланишини;
сунъий сув ҳавзаларида балиқ етиштирадиган балиқчилик хўжаликлари, сув етказиб берувчи тегишли ташкилотлар ва «Ўзбекбалиқсаноат» уюшмаси билан биргаликда ҳар йили 15 январдан кечикмаган муддатда белгиланган тартибда уч томонлама шартнома тузилишини таъминласин.
3. Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ў.И. Барноев Қорақалпоғистон Республикаси Вазирлар Кенгаши Раиси ва вилоятлар ҳокимлари, Ветеринария ва чорвачиликни ривожлантириш давлат қўмитаси, Сув хўжалиги вазирлиги ҳамда «Ўзбекбалиқсаноат» уюшмаси билан биргаликда икки ой муддатда коллектор-дренаж тармоқлари атрофида санитария-муҳофаза зоналарига риоя этган ҳолда 2021 йилга мўлжалланган балиқчилик лойиҳаларини шакллантирсин ва уларнинг амалга оширилишини таъминласин.
4. Сув хўжалиги вазирлиги, Қорақалпоғистон Республикаси Вазирлар Кенгаши, вилоятлар ва туманлар ҳокимликлари ўз ҳудудида жойлашган қишлоқ хўжалиги корхоналарининг сув истеъмоли режаларини ишлаб чиқишда сунъий сув ҳавзаларида балиқ етиштирадиган балиқчилик хўжаликларининг сувга бўлган талабини манбалар кесимида (дарё, канал, коллектор-дренаж тармоқлари, сой, булоқ ва бошқалар) ҳисобга олинишини таъминласин.
5. Сув хўжалиги вазирлиги Қишлоқ хўжалиги вазирлиги ва «Ўзбекбалиқсаноат» уюшмаси билан биргаликда:
уч ой муддатда сунъий сув ҳавзаларида балиқ етиштириш учун талаб этиладиган сув ҳажми меъёрларини ишлаб чиқиб, тасдиқлаш учун Вазирлар Маҳкамасига киритсин;
2021-2022 йилларда сув танқислиги шароитида дарё ва каналлардан сув оладиган балиқчилик хўжаликлари томонидан сунъий сув ҳавзаларида босқичма-босқич янги ресурс тежамкор интенсив технологиялардан ва иккиламчи сув манбаларидан кенг фойдаланиш амалиётини жорий этсин.
6. Ветеринария ва чорвачиликни ривожлантириш давлат қўмитаси ва Инновацион ривожланиш вазирлиги икки ой муддатда Балиқчилик илмий-тадқиқот институтининг Тошкент вилоятида табиий ва сунъий сув ҳавзаларининг гидробиологик ва гидрокимёвий таркибини, омухта ем сифатини таҳлил қилиш ҳамда балиқ касалликларига ташхис қўйиш лабораториясини ташкил этишга қаратилган чора-тадбирлар дастурини Вазирлар Маҳкамасига киритсин.
Бунда:
кадрларни тайёрлаш ва уларнинг малакасини ошириш, уларда замонавий лаборатория ускуналаридан фойдаланиш бўйича билим ва кўникмаларни шакллантириш учун хорижий стажировкаларни ташкил этиш;
лабораторияларни бутлаш учун ускуналар, бутловчи қисмлар, реагент ва реактивларнинг рўйхатга мувофиқ харидларини амалга ошириш;
балиқчилик соҳасида ўтказилган илмий-тадқиқот ишларини хатловдан ўтказиш ва илмий ишланмаларни тижоратлаштириш;
лабораторияларни ташкил этиш, сақлаш ва ходимларга иш ҳақини тўлаш билан боғлиқ харажатларни молиялаштириш бўйича зарур чора-тадбирлар назарда тутилсин.
7. Экология ва атроф-муҳитни муҳофаза қилиш давлат қўмитаси Ахборот технологиялари ва коммуникацияларини ривожлантириш вазирлиги, Инновацион ривожланиш вазирлиги ва «Ўзбекбалиқсаноат» уюшмаси билан биргаликда 2022 йил 1 январга қадар Ўзбекистон Республикаси табиий сув захиралари ихтиофаунаси ва сув биоресурсларининг ягона маълумотлар банкини (кейинги ўринларда — маълумотлар банки) ташкил этсин.
Инновацион ривожланиш вазирлиги Экология ва атроф-муҳитни муҳофаза қилиш давлат қўмитаси ва «Ўзбекбалиқсаноат» уюшмасининг маълумотлар банкидан фойдаланиш бўйича эҳтиёжларига мувофиқ молиялаштириладиган илмий лойиҳалар танловининг ўтказилишини таъминласин.
8. Иқтисодий тараққиёт ва камбағалликни қисқартириш вазирлиги манфаатдор вазирлик ва идоралар билан биргаликда тасдиқланган лойиҳа-смета ҳужжатларига асосан Балиқчилик илмий-тадқиқот институтининг моддий-техника базасини мустаҳкамлаш, инновацион ахборот-ресурс хоналари, балиқчиликда селекция ва наслчилик, балиқларнинг табиий ва сунъий озуқа сифатини таҳлил қилишга ихтисослашган лабораторияларни барпо этиш лойиҳаларини Ўзбекистон Республикасининг 2021 — 2023 йилларга мўлжалланган Инвестиция дастурига белгиланган тартибда киритилишини таъминласин.
9. Ветеринария ва чорвачиликни ривожлантириш давлат қўмитаси, «Ўзбекбалиқсаноат» уюшмаси ва «Ипотека банк» АТИБнинг қуйидагиларни назарда тутувчи таклифларига розилик берилсин:
йирик балиқчилик кластерларида балиқларни инкубация қилиш, ёпиқ сув айланма тизимида, қафаслар, бетон бассейнлар ва тупроқ ҳавзаларида интенсив усулда балиқ чавоқлари ва товар балиқ етиштириш бўйича балиқчилик хўжаликлари раҳбарлари ва мутахассисларини ўқитиш мақсадида пуллик асосда ўқув курслари ташкил этиш;
балиқчиликка ўқитиш бўйича таянч аудиториялар, кўргазмали балиқхоналар ташкил этиш, шартнома асосида ушбу йўналишдаги кластерлар, фермер хўжаликлари ходимлари, шунингдек, интенсив усулда балиқ етиштираётган аҳолини ўқитишни йўлга қўйиш.
Белгилансинки, аҳоли хонадонларида интенсив усулда балиқ етиштириш лойиҳаларини амалга ошириш учун дастурлар доирасида ажратиладиган кредитлар устувор равишда балиқчиликка ўқитиш бўйича курсларнинг тегишли сертификатига эга бўлган фуқароларга ажратилади.
10. «Ипотека-банк» АТИБнинг «Ипотека Сармояси» МЧЖ устав фондидаги улуши «Ўзбекбалиқсаноат» уюшмасига ўтказилганлиги ҳамда ушбу жамият томонидан қуйидаги вазифалар амалга оширилиши маълумот учун қабул қилинсин:
балиқчилик соҳасида лойиҳавий молиялаштиришни амалга ошириш, шунингдек, янги лойиҳаларни ишлаб чиқиш, мавжуд лойиҳалар (хўжаликлар)нинг самарадорлигини ошириш, уларни молиялаштириш, лизинг хизматларини кўрсатиш, зарур ҳолларда, лойиҳа-смета ҳужжатларини, техник-иқтисодий асосларини ишлаб чиқишда хорижий экспертларни жалб қилиш;
интенсив ва ярим интенсив усулда балиқ етиштириш, балиқ маҳсулотларини қайта ишлаш, тайёр ва ярим тайёр балиқ маҳсулотларини ва жаҳон андозалари асосида оқсилга бой озуқа ишлаб чиқариш бўйича янги лойиҳаларни ишга тушириш;
балиқ чавоқларини етиштириш ва кўпайтириш бўйича замонавий наслчилик корхоналарини ташкил этиш.
11. Тошкент вилояти ҳокимлиги, Давлат активларини бошқариш агентлиги ва Инвестициялар ва ташқи савдо вазирлигининг Тошкент вилояти Чиноз туманидаги «Чиноз деҳқон бозори» МЧЖнинг «Янги Чиноз балиқ бозори» филиали бино-иншоотларини тегишли ҳудуди билан бирга (кейинги ўринларда — объект), кейинчалик унинг негизида балиқ ва балиқ маҳсулотлари савдосини ташкиллаштиришга мўлжалланган замонавий савдо комплексини ташкил этиш учун «Чиноз деҳқон бозори» МЧЖнинг устав капиталидаги давлат улушини (унга мос келадиган соф активлари қийматини объектнинг баланс (қолдиқ) қиймати миқдорида) камайтириш ҳисобига Давлат активларини бошқариш агентлигига бериш тўғрисидаги таклифига розилик берилсин.
Давлат активларини бошқариш агентлиги:
йигирма кун муддатда Тошкент вилояти ҳокимлиги билан биргаликда объектнинг топшириш-қабул қилинишини;
бир ой муддатда объект негизида санитария-эпидемиология талабларига жавоб берадиган балиқ ва балиқ маҳсулотлари савдосини ташкил этиш, тайёр ва ярим тайёр маҳсулотларни сақлаш учун музлаткич ускуналарини қуриш бўйича минимал инвестиция мажбуриятларини, шу жумладан яратиладиган иш ўринлари сони юзасидан таклифлар ишлаб чиқилишини ва тасдиқлаш учун ҳудудий танлов комиссиясига киритилишини;
икки ой муддатда объектнинг инвестиция ва ижтимоий мажбуриятлари билан оммавий савдоларга бозор қиймати бўйича сотишга жойлаштирилишини таъминласин. Бунда, объект оммавий савдоларда қўйилган кундан бошлаб уч ой мобайнида сотилмаган тақдирда тўловларни 5 йилгача муддатга тенг улушларда бўлиб-бўлиб тўлаш имконияти билан бозор қиймати бўйича сотилиши назарда тутилсин.
12. Ветеринария ва чорвачиликни ривожлантириш давлат қўмитаси, Иқтисодий тараққиёт ва камбағалликни қисқартириш вазирлиги, «Ўзбекбалиқсаноат» уюшмаси балиқчиликка ихтисослашган туманларда 10 тадан аҳоли хонадонларида интенсив усулда балиқ етиштириш лойиҳаларини амалга ошириш чораларини кўрсин.
Ветеринария ва чорвачиликни ривожлантириш давлат қўмитаси «Ўзбекбалиқсаноат» уюшмаси билан биргаликда бир ой муддатда хорижий тажриба ва ресурс тежовчи инновацион технологиялар жорий этилишини назарда тутган ҳолда аҳоли хонадонларида интенсив усулда балиқ етиштириш учун қўлланма (балиқ тури, сифати, етиштириш схемаси, ресурс тежовчи технологиялар) ишлаб чиқсин.
13. Қорақалпоғистон Республикаси Вазирлар Кенгаши, вилоят ҳокимликлари, ҳудудий «Чорванасл» марказлари ва «Ўзбекбалиқсаноат» уюшмаси:
бир ой муддатда сектор раҳбарлари билан биргаликда ҳудудлардаги аҳоли ўртасида интенсив усулда балиқ етиштиришнинг афзалликлари ҳамда самарадорликлари хусусида тарғибот ва ташвиқот ишларини ҳамда ўқув семинарларини ташкил қилиш юзасидан «Иш режа» ишлаб чиқсин;
аҳоли хонадонларида интенсив усулда балиқ етиштириш истагини билдирган талабгорлар рўйхатини шакллантириб, уларга тижорат банклари орқали кредит маблағлари олишда амалий ёрдам кўрсатсин;
балиқ етиштиришни таъминлаш борасида зарур тадбирларни ўз муддатида амалга ошириш бўйича чора-тадбирларни белгиласин.
Сув хўжалиги вазирлиги ва Энергетика вазирлиги аҳоли хонадонларида интенсив усулда балиқ етиштирувчи ташаббускорларга сув ва электр энергиясининг узлуксиз етиб боришини таъминласин.
14. Ветеринария ва чорвачиликни ривожлантириш давлат қўмитаси «Ўзбекбалиқсаноат» уюшмаси билан биргаликда аҳоли хонадонларида интенсив усулда балиқ етиштириш натижалари юзасидан асослантирилган таклифларни 2021 йил 1 сентябрга қадар Вазирлар Маҳкамасига киритсин.
15. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига иловага мувофиқ ўзгартириш ва қўшимча киритилсин.
16. Мазкур қарор ижросини таъминлаш мақсадида:
а) сув хўжалиги вазири Ш. Хамроев:
балиқчилик хўжаликлари билан сувдан фойдаланиш бўйича шартнома тузилиши ва уларга белгиланган сув миқдори кафолатли етказиб берилишини, шунингдек, улар томонидан ҳақиқатда истеъмол қилинган сувнинг ҳажмлари аниқланишини;
балиқчилик хўжаликлари томонидан фойдаланиш мумкин бўлган коллектор-дренаж тармоқлари рўйхатининг ҳар йили шакллантирилишини, шунингдек, улар ҳақидаги маълумотларнинг вазирликнинг веб-сайтида жойлаштириб борилишини;
Қишлоқ хўжалиги вазирлиги ва «Ўзбекбалиқсаноат» уюшмаси билан биргаликда балиқчилик хўжаликлари томонидан сунъий сув ҳавзаларида ресурс тежамкор технологиялар ва иккиламчи сув манбаларидан кенг фойдаланиш амалиёти жорий этилишини таъминласин;
б) Ветеринария ва чорвачиликни ривожлантириш давлат қўмитаси раиси Б. Норқобилов — аҳоли хонадонларида интенсив усулда балиқ етиштириш лойиҳаларини амалга ошириш ҳамда уларнинг кўникмаларини янада ривожлантириш мақсадида қўлланмалар ишлаб чиқилишини таъминласин;
в) Тошкент вилояти ҳокими Р. Холматов ва Давлат активларини бошқариш агентлиги директори С. Бекенов — «Чиноз деҳқон бозори» МЧЖ негизида салоҳиятли инвесторларни жалб қилган ҳолда балиқ маҳсулотлари савдосини ташкиллаштиришга мўлжалланган замонавий савдо комплексини ташкил этсин;
г) Қорақалпоғистон Республикаси Вазирлар Кенгаши Раиси ва вилоятлар ҳокимлари — коллектор-дренаж сув тармоқлари атрофида санитария-муҳофаза зоналарига риоя этган ҳолда балиқчилик лойиҳаларини амалга ошириш чораларини кўрсин.
17. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ушбу қарор натижадорлиги тўғрисида 2020 йил 1 декабрга қадар ва 2021 йилнинг ҳар чораги якуни бўйича Ўзбекистон Республикаси Президентига ахборот берилсин.
Ўзбекистон Республикаси Президентининг 2020 йил 29 августдаги ПҚ-4816-сон қарорига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган
1. Ўзбекистон Республикаси Президентининг 2018 йил 6 ноябрдаги «Балиқчилик соҳасини янада ривожлантиришга доир қўшимча чора-тадбирлар тўғрисида»ги ПҚ-4005-сон қарори 5-бандининг биринчи хатбошиси қуйидаги таҳрирда баён қилинсин:
«Балиқчилик лойиҳалари (аквакультура йўналишидаги) ҳажми ва уни амалга ошириш учун зарур бўлган валюта туридан қатъи назар, тижорат банклари томонидан 2019 — 2022 йилларда ажратилаётган кредит фоизи учун Тадбиркорлик фаолиятини қўллаб-қувватлаш давлат жамғармаси ҳисобидан компенсация беришнинг қуйидаги тартиби ўрнатилсин».
2. Вазирлар Маҳкамасининг 2017 йил 7 августдаги 593-сон қарори билан тасдиқланган «Ўзбекбалиқсаноат» уюшмасининг Балиқчиликни ривожлантириш жамғармасини шакллантириш ва унинг маблағларидан фойдаланиш тартиби тўғрисидаги Низомнинг 6-банди қуйидаги мазмундаги хатбоши билан тўлдирилсин:
«табиий ва сунъий сув ҳавзаларида балиқчилик фаолияти билан шуғулланаётган тадбиркорларнинг фаолиятини қонунийлаштириш мақсадида мазкур сув ҳавзалари бўйича кадастр ҳужжатларини тузиш ва рўйхатдан ўтказиш».
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 29 август,
ПҚ-4816-сон
Oʻzbekiston Respublikasi Prezidentining
Qarori
oʻzgartirish va qoʻshimcha
Baliqchilik tarmogʻini qoʻllab-quvvatlash va uning samaradorligini oshirish chora-tadbirlari toʻgʻrisida
Respublikada baliqchilik tarmogʻini qoʻllab-quvvatlash, baliqchilik va baliq ovlash xoʻjaliklari faoliyati samaradorligini oshirish, ushbu sohada yer va suv resurslaridan oqilona va samarali foydalanish hamda intensiv texnologiyalarning keng joriy etilishini taʼminlash maqsadida:
1. Belgilansinki:
2020-yildan boshlab sunʼiy suv havzalarida baliq yetishtiradigan baliqchilik xoʻjaliklariga suv resurslaridan foydalanganlik uchun soliq suv obyektidan olingan va qaytarib chiqarilgan suv hajmi oʻrtasidagi farqidan kelib chiqib, qishloq xoʻjaligi yerlarini sugʻorish uchun belgilangan stavkalarda hisoblanadi;
kollektor-drenaj suvlaridan olib foydalanilgan suv resurslari soliq solish obyekti hisoblanmaydi;
baliqchilik xoʻjaliklari va qishloq xoʻjaligi korxonalariga suv resurslaridan foydalanganlik uchun soliqni hisoblash uchun foydalanilgan suvning hajmi haqiqatda isteʼmol qilingan hajmdan kelib chiqqan holda Suv xoʻjaligi vazirligi tarkibiga kiruvchi tashkilotlar tomonidan aniqlanadi;
baliqchilik xoʻjaliklari va qishloq xoʻjaligi korxonalari tomonidan foydalanilgan suvning haqiqatda isteʼmol qilingan hajmini aniqlash imkoni boʻlmaganda, 2020-yilda suv resurslaridan foydalanganlik uchun soliq bazasi belgilangan suvni isteʼmol qilish normativlarining 50 foizi miqdorida belgilanadi;
Suv xoʻjaligi vazirligi tomonidan har yili suv limitlari belgilanayotganda baliqchilik xoʻjaliklari foydalanishi mumkin boʻlgan kollektor-drenaj tarmoqlarining roʻyxati shakllantiriladi hamda Suv xoʻjaligi vazirligining veb-saytida joylashtirib boriladi;
baliqchilik xoʻjaliklari foydalanishi mumkin boʻlgan kollektor-drenaj tarmoqlaridagi suvlardan kollektor-drenaj tarmoqlarining loyihaviy parametrlariga rioya qilgan holda foydalanadi.
2. Suv xoʻjaligi vazirligi:
foydalanish mumkin boʻlgan kollektor-drenaj tarmoqlari, undagi suvlarning shoʻrlanish darajasi va sifati doimiy nazorat qilinishi hamda bu toʻgʻrisidagi maʼlumotlarni oʻzining rasmiy veb-saytida koʻrsatib borilishini;
sunʼiy suv havzalarida baliq yetishtiradigan baliqchilik xoʻjaliklari uchun suv olish limitlari manbalarning taxmin qilingan va haqiqiy suvliligi, shuningdek, baliqchilik xoʻjaliklarining suv isteʼmoli rejalarini hisobga olgan holda belgilanishini;
sunʼiy suv havzalarida baliq yetishtiradigan baliqchilik xoʻjaliklari, suv yetkazib beruvchi tegishli tashkilotlar va “Oʻzbekbaliqsanoat” uyushmasi bilan birgalikda har yili 15-yanvardan kechikmagan muddatda belgilangan tartibda uch tomonlama shartnoma tuzilishini taʼminlasin.
3. Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Oʻ.I. Barnoyev Qoraqalpogʻiston Respublikasi Vazirlar Kengashi Raisi va viloyatlar hokimlari, Veterinariya va chorvachilikni rivojlantirish davlat qoʻmitasi, Suv xoʻjaligi vazirligi hamda “Oʻzbekbaliqsanoat” uyushmasi bilan birgalikda ikki oy muddatda kollektor-drenaj tarmoqlari atrofida sanitariya-muhofaza zonalariga rioya etgan holda 2021-yilga moʻljallangan baliqchilik loyihalarini shakllantirsin va ularning amalga oshirilishini taʼminlasin.
4. Suv xoʻjaligi vazirligi, Qoraqalpogʻiston Respublikasi Vazirlar Kengashi, viloyatlar va tumanlar hokimliklari oʻz hududida joylashgan qishloq xoʻjaligi korxonalarining suv isteʼmoli rejalarini ishlab chiqishda sunʼiy suv havzalarida baliq yetishtiradigan baliqchilik xoʻjaliklarining suvga boʻlgan talabini manbalar kesimida (daryo, kanal, kollektor-drenaj tarmoqlari, soy, buloq va boshqalar) hisobga olinishini taʼminlasin.
5. Suv xoʻjaligi vazirligi Qishloq xoʻjaligi vazirligi va “Oʻzbekbaliqsanoat” uyushmasi bilan birgalikda:
uch oy muddatda sunʼiy suv havzalarida baliq yetishtirish uchun talab etiladigan suv hajmi meʼyorlarini ishlab chiqib, tasdiqlash uchun Vazirlar Mahkamasiga kiritsin;
2021-2022-yillarda suv tanqisligi sharoitida daryo va kanallardan suv oladigan baliqchilik xoʻjaliklari tomonidan sunʼiy suv havzalarida bosqichma-bosqich yangi resurs tejamkor intensiv texnologiyalardan va ikkilamchi suv manbalaridan keng foydalanish amaliyotini joriy etsin.
6. Veterinariya va chorvachilikni rivojlantirish davlat qoʻmitasi va Innovatsion rivojlanish vazirligi ikki oy muddatda Baliqchilik ilmiy-tadqiqot institutining Toshkent viloyatida tabiiy va sunʼiy suv havzalarining gidrobiologik va gidrokimyoviy tarkibini, omuxta yem sifatini tahlil qilish hamda baliq kasalliklariga tashxis qoʻyish laboratoriyasini tashkil etishga qaratilgan chora-tadbirlar dasturini Vazirlar Mahkamasiga kiritsin.
Bunda:
kadrlarni tayyorlash va ularning malakasini oshirish, ularda zamonaviy laboratoriya uskunalaridan foydalanish boʻyicha bilim va koʻnikmalarni shakllantirish uchun xorijiy stajirovkalarni tashkil etish;
laboratoriyalarni butlash uchun uskunalar, butlovchi qismlar, reagent va reaktivlarning roʻyxatga muvofiq xaridlarini amalga oshirish;
baliqchilik sohasida oʻtkazilgan ilmiy-tadqiqot ishlarini xatlovdan oʻtkazish va ilmiy ishlanmalarni tijoratlashtirish;
laboratoriyalarni tashkil etish, saqlash va xodimlarga ish haqini toʻlash bilan bogʻliq xarajatlarni moliyalashtirish boʻyicha zarur chora-tadbirlar nazarda tutilsin.
7. Ekologiya va atrof-muhitni muhofaza qilish davlat qoʻmitasi Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi va “Oʻzbekbaliqsanoat” uyushmasi bilan birgalikda 2022-yil 1-yanvarga qadar Oʻzbekiston Respublikasi tabiiy suv zaxiralari ixtiofaunasi va suv bioresurslarining yagona maʼlumotlar bankini (keyingi oʻrinlarda — maʼlumotlar banki) tashkil etsin.
Innovatsion rivojlanish vazirligi Ekologiya va atrof-muhitni muhofaza qilish davlat qoʻmitasi va “Oʻzbekbaliqsanoat” uyushmasining maʼlumotlar bankidan foydalanish boʻyicha ehtiyojlariga muvofiq moliyalashtiriladigan ilmiy loyihalar tanlovining oʻtkazilishini taʼminlasin.
8. Iqtisodiy taraqqiyot va kambagʻallikni qisqartirish vazirligi manfaatdor vazirlik va idoralar bilan birgalikda tasdiqlangan loyiha-smeta hujjatlariga asosan Baliqchilik ilmiy-tadqiqot institutining moddiy-texnika bazasini mustahkamlash, innovatsion axborot-resurs xonalari, baliqchilikda seleksiya va naslchilik, baliqlarning tabiiy va sunʼiy ozuqa sifatini tahlil qilishga ixtisoslashgan laboratoriyalarni barpo etish loyihalarini Oʻzbekiston Respublikasining 2021 — 2023-yillarga moʻljallangan Investitsiya dasturiga belgilangan tartibda kiritilishini taʼminlasin.
9. Veterinariya va chorvachilikni rivojlantirish davlat qoʻmitasi, “Oʻzbekbaliqsanoat” uyushmasi va “Ipoteka bank” ATIBning quyidagilarni nazarda tutuvchi takliflariga rozilik berilsin:
yirik baliqchilik klasterlarida baliqlarni inkubatsiya qilish, yopiq suv aylanma tizimida, qafaslar, beton basseynlar va tuproq havzalarida intensiv usulda baliq chavoqlari va tovar baliq yetishtirish boʻyicha baliqchilik xoʻjaliklari rahbarlari va mutaxassislarini oʻqitish maqsadida pullik asosda oʻquv kurslari tashkil etish;
baliqchilikka oʻqitish boʻyicha tayanch auditoriyalar, koʻrgazmali baliqxonalar tashkil etish, shartnoma asosida ushbu yoʻnalishdagi klasterlar, fermer xoʻjaliklari xodimlari, shuningdek, intensiv usulda baliq yetishtirayotgan aholini oʻqitishni yoʻlga qoʻyish.
Belgilansinki, aholi xonadonlarida intensiv usulda baliq yetishtirish loyihalarini amalga oshirish uchun dasturlar doirasida ajratiladigan kreditlar ustuvor ravishda baliqchilikka oʻqitish boʻyicha kurslarning tegishli sertifikatiga ega boʻlgan fuqarolarga ajratiladi.
10. “Ipoteka-bank” ATIBning “Ipoteka Sarmoyasi” MCHJ ustav fondidagi ulushi “Oʻzbekbaliqsanoat” uyushmasiga oʻtkazilganligi hamda ushbu jamiyat tomonidan quyidagi vazifalar amalga oshirilishi maʼlumot uchun qabul qilinsin:
baliqchilik sohasida loyihaviy moliyalashtirishni amalga oshirish, shuningdek, yangi loyihalarni ishlab chiqish, mavjud loyihalar (xoʻjaliklar)ning samaradorligini oshirish, ularni moliyalashtirish, lizing xizmatlarini koʻrsatish, zarur hollarda, loyiha-smeta hujjatlarini, texnik-iqtisodiy asoslarini ishlab chiqishda xorijiy ekspertlarni jalb qilish;
intensiv va yarim intensiv usulda baliq yetishtirish, baliq mahsulotlarini qayta ishlash, tayyor va yarim tayyor baliq mahsulotlarini va jahon andozalari asosida oqsilga boy ozuqa ishlab chiqarish boʻyicha yangi loyihalarni ishga tushirish;
baliq chavoqlarini yetishtirish va koʻpaytirish boʻyicha zamonaviy naslchilik korxonalarini tashkil etish.
11. Toshkent viloyati hokimligi, Davlat aktivlarini boshqarish agentligi va Investitsiyalar va tashqi savdo vazirligining Toshkent viloyati Chinoz tumanidagi “Chinoz dehqon bozori” MCHJning “Yangi Chinoz baliq bozori” filiali bino-inshootlarini tegishli hududi bilan birga (keyingi oʻrinlarda — obyekt), keyinchalik uning negizida baliq va baliq mahsulotlari savdosini tashkillashtirishga moʻljallangan zamonaviy savdo kompleksini tashkil etish uchun “Chinoz dehqon bozori” MCHJning ustav kapitalidagi davlat ulushini (unga mos keladigan sof aktivlari qiymatini obyektning balans (qoldiq) qiymati miqdorida) kamaytirish hisobiga Davlat aktivlarini boshqarish agentligiga berish toʻgʻrisidagi taklifiga rozilik berilsin.
Davlat aktivlarini boshqarish agentligi:
yigirma kun muddatda Toshkent viloyati hokimligi bilan birgalikda obyektning topshirish-qabul qilinishini;
bir oy muddatda obyekt negizida sanitariya-epidemiologiya talablariga javob beradigan baliq va baliq mahsulotlari savdosini tashkil etish, tayyor va yarim tayyor mahsulotlarni saqlash uchun muzlatkich uskunalarini qurish boʻyicha minimal investitsiya majburiyatlarini, shu jumladan yaratiladigan ish oʻrinlari soni yuzasidan takliflar ishlab chiqilishini va tasdiqlash uchun hududiy tanlov komissiyasiga kiritilishini;
ikki oy muddatda obyektning investitsiya va ijtimoiy majburiyatlari bilan ommaviy savdolarga bozor qiymati boʻyicha sotishga joylashtirilishini taʼminlasin. Bunda, obyekt ommaviy savdolarda qoʻyilgan kundan boshlab uch oy mobaynida sotilmagan taqdirda toʻlovlarni 5 yilgacha muddatga teng ulushlarda boʻlib-boʻlib toʻlash imkoniyati bilan bozor qiymati boʻyicha sotilishi nazarda tutilsin.
12. Veterinariya va chorvachilikni rivojlantirish davlat qoʻmitasi, Iqtisodiy taraqqiyot va kambagʻallikni qisqartirish vazirligi, “Oʻzbekbaliqsanoat” uyushmasi baliqchilikka ixtisoslashgan tumanlarda 10 tadan aholi xonadonlarida intensiv usulda baliq yetishtirish loyihalarini amalga oshirish choralarini koʻrsin.
Veterinariya va chorvachilikni rivojlantirish davlat qoʻmitasi “Oʻzbekbaliqsanoat” uyushmasi bilan birgalikda bir oy muddatda xorijiy tajriba va resurs tejovchi innovatsion texnologiyalar joriy etilishini nazarda tutgan holda aholi xonadonlarida intensiv usulda baliq yetishtirish uchun qoʻllanma (baliq turi, sifati, yetishtirish sxemasi, resurs tejovchi texnologiyalar) ishlab chiqsin.
13. Qoraqalpogʻiston Respublikasi Vazirlar Kengashi, viloyat hokimliklari, hududiy “Chorvanasl” markazlari va “Oʻzbekbaliqsanoat” uyushmasi:
bir oy muddatda sektor rahbarlari bilan birgalikda hududlardagi aholi oʻrtasida intensiv usulda baliq yetishtirishning afzalliklari hamda samaradorliklari xususida targʻibot va tashviqot ishlarini hamda oʻquv seminarlarini tashkil qilish yuzasidan “Ish reja” ishlab chiqsin;
aholi xonadonlarida intensiv usulda baliq yetishtirish istagini bildirgan talabgorlar roʻyxatini shakllantirib, ularga tijorat banklari orqali kredit mablagʻlari olishda amaliy yordam koʻrsatsin;
baliq yetishtirishni taʼminlash borasida zarur tadbirlarni oʻz muddatida amalga oshirish boʻyicha chora-tadbirlarni belgilasin.
Suv xoʻjaligi vazirligi va Energetika vazirligi aholi xonadonlarida intensiv usulda baliq yetishtiruvchi tashabbuskorlarga suv va elektr energiyasining uzluksiz yetib borishini taʼminlasin.
14. Veterinariya va chorvachilikni rivojlantirish davlat qoʻmitasi “Oʻzbekbaliqsanoat” uyushmasi bilan birgalikda aholi xonadonlarida intensiv usulda baliq yetishtirish natijalari yuzasidan asoslantirilgan takliflarni 2021-yil 1-sentabrga qadar Vazirlar Mahkamasiga kiritsin.
15. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga ilovaga muvofiq oʻzgartirish va qoʻshimcha kiritilsin.
16. Mazkur qaror ijrosini taʼminlash maqsadida:
a) suv xoʻjaligi vaziri Sh. Xamroyev:
baliqchilik xoʻjaliklari bilan suvdan foydalanish boʻyicha shartnoma tuzilishi va ularga belgilangan suv miqdori kafolatli yetkazib berilishini, shuningdek, ular tomonidan haqiqatda isteʼmol qilingan suvning hajmlari aniqlanishini;
baliqchilik xoʻjaliklari tomonidan foydalanish mumkin boʻlgan kollektor-drenaj tarmoqlari roʻyxatining har yili shakllantirilishini, shuningdek, ular haqidagi maʼlumotlarning vazirlikning veb-saytida joylashtirib borilishini;
Qishloq xoʻjaligi vazirligi va “Oʻzbekbaliqsanoat” uyushmasi bilan birgalikda baliqchilik xoʻjaliklari tomonidan sunʼiy suv havzalarida resurs tejamkor texnologiyalar va ikkilamchi suv manbalaridan keng foydalanish amaliyoti joriy etilishini taʼminlasin;
b) Veterinariya va chorvachilikni rivojlantirish davlat qoʻmitasi raisi B. Norqobilov — aholi xonadonlarida intensiv usulda baliq yetishtirish loyihalarini amalga oshirish hamda ularning koʻnikmalarini yanada rivojlantirish maqsadida qoʻllanmalar ishlab chiqilishini taʼminlasin;
v) Toshkent viloyati hokimi R. Xolmatov va Davlat aktivlarini boshqarish agentligi direktori S. Bekenov — “Chinoz dehqon bozori” MCHJ negizida salohiyatli investorlarni jalb qilgan holda baliq mahsulotlari savdosini tashkillashtirishga moʻljallangan zamonaviy savdo kompleksini tashkil etsin;
g) Qoraqalpogʻiston Respublikasi Vazirlar Kengashi Raisi va viloyatlar hokimlari — kollektor-drenaj suv tarmoqlari atrofida sanitariya-muhofaza zonalariga rioya etgan holda baliqchilik loyihalarini amalga oshirish choralarini koʻrsin.
17. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Ushbu qaror natijadorligi toʻgʻrisida 2020-yil 1-dekabrga qadar va 2021-yilning har choragi yakuni boʻyicha Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidentining 2020-yil 29-avgustdagi PQ-4816-son qaroriga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan
1. Oʻzbekiston Respublikasi Prezidentining 2018-yil 6-noyabrdagi “Baliqchilik sohasini yanada rivojlantirishga doir qoʻshimcha chora-tadbirlar toʻgʻrisida”gi PQ-4005-son qarori 5-bandining birinchi xatboshisi quyidagi tahrirda bayon qilinsin:
“Baliqchilik loyihalari (akvakultura yoʻnalishidagi) hajmi va uni amalga oshirish uchun zarur boʻlgan valyuta turidan qatʼi nazar, tijorat banklari tomonidan 2019 — 2022-yillarda ajratilayotgan kredit foizi uchun Tadbirkorlik faoliyatini qoʻllab-quvvatlash davlat jamgʻarmasi hisobidan kompensatsiya berishning quyidagi tartibi oʻrnatilsin”.
2. Vazirlar Mahkamasining 2017-yil 7-avgustdagi 593-son qarori bilan tasdiqlangan “Oʻzbekbaliqsanoat” uyushmasining Baliqchilikni rivojlantirish jamgʻarmasini shakllantirish va uning mablagʻlaridan foydalanish tartibi toʻgʻrisidagi Nizomning 6-bandi quyidagi mazmundagi xatboshi bilan toʻldirilsin:
“tabiiy va sunʼiy suv havzalarida baliqchilik faoliyati bilan shugʻullanayotgan tadbirkorlarning faoliyatini qonuniylashtirish maqsadida mazkur suv havzalari boʻyicha kadastr hujjatlarini tuzish va roʻyxatdan oʻtkazish”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 29-avgust,
PQ-4816-son
Президента Республики Узбекистан
Постановление
Изменения и дополнения
О мерах по поддержке и повышению эффективности рыбной отрасли
В целях поддержки рыбной отрасли республики, повышения эффективности деятельности рыбоводческих и рыболовных хозяйств, а также рационального и эффективного использования земельных и водных ресурсов, обеспечения широкого внедрения интенсивных технологий в данную сферу:
1. Установить, что:
с 2020 года налог за пользование водными ресурсами для рыбоводческих хозяйств, занимающихся разведением рыбы в искусственных водоемах, исчисляется по ставкам, установленным для орошения сельскохозяйственных земель, исходя из разницы в объеме взятой из водного объекта и возвращенной воды;
использованные водные ресурсы, взятые из коллекторно-дренажных вод, не являются объектом налогообложения;
объем воды, использованный для исчисления налога за пользование водными ресурсами для рыбоводческих хозяйств и сельскохозяйственных предприятий, определяется организациями, входящими в состав Министерства водного хозяйства исходя из фактически потребляемого объема;
при отсутствии возможности определения фактического объема потребления воды, использованной рыбоводческими хозяйствами и сельскохозяйственными предприятиями, налоговая база за пользование водными ресурсами в 2020 году устанавливается в размере 50 процентов от установленных нормативов потребления воды;
Министерство водного хозяйства ежегодно при установлении лимита воды формирует и размещает на своем веб-сайте перечень коллекторно-дренажных сетей, которые могут использоваться рыбоводческими хозяйствами;
использование воды из коллекторно-дренажных сетей, которыми могут пользоваться рыбоводческие хозяйства, осуществляется с соблюдением проектных параметров коллекторно-дренажных сетей.
2. Министерству водного хозяйства обеспечить:
регулярный контроль за коллекторно-дренажными системами, годными к использованию, уровнем засоления и качеством воды в них, а также размещением данной информации на своем официальном веб-сайте;
определение лимитов водозабора для рыбоводческих хозяйств, занимающихся разведением рыбы в искусственных водоемах, с учетом предполагаемой и фактической водности источников и планов водопотребления рыбоводческих хозяйств;
совместно с рыбоводческими хозяйствами, занимающимися разведением рыбы в искусственных водоемах, а также соответствующими организациями водоснабжения и Ассоциацией «Узбекбаликсаноат» ежегодное заключение трехстороннего договора не позднее 15 января в установленном порядке.
3. Заместителю Премьер-министра Республики Узбекистан по вопросам развития аграрной и продовольственной сфер У.И. Барноеву совместно с Председателем Совета Министров Республики Каракалпакстан и хокимами областей, Государственным комитетом ветеринарии и развития животноводства, Министерством водного хозяйства и Ассоциацией «Узбекбаликсаноат» в двухмесячный срок сформировать и обеспечить реализацию рыбоводческих проектов на 2021 год с соблюдением санитарно-защитных зон вокруг коллекторно-дренажных сетей.
4. Министерству водного хозяйства, Совету Министров Республики Каракалпакстан, хокимиятам областей и районов при разработке планов водопотребления для сельскохозяйственных предприятий, расположенных на соответствующей территории, обеспечить учет потребности в воде рыбоводческих хозяйств, занимающихся разведением рыбы в искусственных водоемах, в разрезе источников воды (рек, каналов, коллекторно-дренажных сетей, саев, родников и других).
5. Министерству водного хозяйства совместно с Министерством сельского хозяйства и Ассоциацией «Узбекбаликсаноат»:
в трехмесячный срок разработать и внести на утверждение в Кабинет Министров нормы объема воды, требуемой для разведения рыбы в искусственных водоемах;
внедрить в 2021-2022 годах практику поэтапного широкого использования рыбоводческими хозяйствами, берущими воду из рек и каналов, вторичных источников воды, а также новых ресурсосберегающих интенсивных технологий в искусственных водоемах в условиях дефицита воды.
6. Государственному комитету ветеринарии и развития животноводства и Министерству инновационного развития в двухмесячный срок внести в Кабинет Министров программу мер по созданию в Ташкентской области лаборатории анализа гидробиологического и гидрохимического состава естественных и искусственных водоемов, качества комбинированного корма и диагностики заболеваний рыб Научно-исследовательского института рыбоводства.
При этом предусмотреть необходимые меры по:
организации зарубежных стажировок для подготовки и повышения квалификации кадров, формирования у них знаний и навыков по эксплуатации современного лабораторного оборудования;
осуществлению закупок оборудования, комплектующих, реагентов и реактивов для укомплектования лабораторий в соответствии с перечнем;
проведению инвентаризации научно-исследовательских работ в сфере рыбоводства и коммерциализации научных разработок;
финансированию затрат, связанных с организацией и содержанием лабораторий, выплатой заработной платы работникам.
7. Государственному комитету по экологии и охране окружающей среды совместно с Министерством по развитию информационных технологий и коммуникаций, Министерством инновационного развития и Ассоциацией «Узбекбаликсаноат» до 1 января 2022 года создать Единый банк данных ихтиофауны естественных запасов воды и водных биоресурсов Республики Узбекистан (далее — банк данных).
Министерству инновационного развития обеспечить проведение конкурса научных проектов, финансируемого в соответствии с потребностями в использовании банка данных Государственного комитета по экологии и охране окружающей среды и Ассоциации «Узбекбаликсаноат».
8. Министерству экономического развития и сокращения бедности совместно с заинтересованными министерствами и ведомствами обеспечить включение в установленном порядке проектов по укреплению материально-технической базы Научно-исследовательского института рыбоводства, созданию инновационных информационно-ресурсных кабинетов, строительству лабораторий, специализированных на селекции и племенном деле в рыбоводстве, анализе качества естественных и искусственных кормов для рыб, в Инвестиционную программу Республики Узбекистан на 2021 — 2023 годы на основе утвержденной проектно-сметной документации.
9. Согласиться с предложениями Государственного комитета ветеринарии и развития животноводства, Ассоциации «Узбекбаликсаноат» и АКИБ «Ипотека банк», предусматривающими:
организацию в крупных рыбоводческих кластерах учебных курсов на платной основе в целях обучения руководителей и специалистов рыбоводческих хозяйств инкубации рыб, разведению мальков рыб и товарной рыбы интенсивным методом в системах замкнутого водоснабжения, садках, бассейнах из бетона и земляных прудах;
создание базовых аудиторий по обучению рыбоводству и показательных помещений по разведению рыбы, организацию обучения работников кластеров и фермерских хозяйств, ведущих деятельность в данном направлении, а также населения, занимающегося разведением рыбы интенсивным методом, на договорной основе.
Определить, что кредиты, выделяемые в рамках программ по реализации проектов по разведению рыб интенсивным методом в домовладениях населения, в приоритетном порядке выделяются гражданам, имеющим соответствующий сертификат курсов по обучению рыбоводству.
10. Принять к сведению, что доля АКБ «Ипотека банк» в уставном капитале ООО «Ипотека Сармояси» передана Ассоциации «Узбекбаликсаноат» и данным обществом реализуются следующие задачи:
осуществление проектного финансирования в сфере рыбоводства, а также разработка новых проектов, повышение эффективности и финансирование действующих проектов (хозяйств), оказание лизинговых услуг, при необходимости привлечение зарубежных экспертов к разработке проектно-сметной документации и технико-экономических обоснований;
запуск новых проектов по разведению рыбы интенсивным и полуинтенсивным методами, переработке рыбной продукции, производству готовой рыбной продукции, полуфабрикатов и кормов с высоким содержанием белка на основе мировых стандартов;
создание современных племенных предприятий по разведению и воспроизводству мальков рыб.
11. Согласиться с предложением хокимията Ташкентской области, Агентства по управлению государственными активами и Министерства инвестиций и внешней торговли о передаче Агентству по управлению государственными активами зданий и сооружений филиала «Янги Чиноз балик бозори» ООО «Чиноз дехкон бозори» (далее — объект), расположенного в Чиназском районе Ташкентской области, вместе с соответствующей территорией за счет уменьшения государственной доли (уменьшения стоимости чистых активов пропорциональной доле государства на балансовую (остаточную) стоимость объекта) в уставном капитале ООО «Чиноз дехкон бозори», с последующим созданием на его базе современного торгового комплекса, предназначенного для организации торговли рыбой и рыбной продукцией.
Агентству по управлению государственными активами обеспечить:
в двадцатидневный срок совместно с хокимиятом Ташкентской области — передачу и прием объекта;
в месячный срок — разработку и внесение на утверждение в территориальную конкурсную комиссию предложений о минимальных инвестиционных обязательствах по организации на базе объекта торговли рыбой и рыбной продукцией, строительству холодильного оборудования для хранения готовой продукции и полуфабрикатов, отвечающих санитарно-эпидемиологическим требованиям, в том числе количеству создаваемых рабочих мест;
в двухмесячный срок — выставление объекта на публичные торги для реализации по рыночной стоимости с инвестиционными и социальными обязательствами. При этом в случае нереализации данного объекта в течение трех месяцев со дня выставления на публичные торги предусмотреть его реализацию по рыночной стоимости с возможностью оплаты платежей в рассрочку в равных долях в срок до пяти лет.
12. Государственному комитету ветеринарии и развития животноводства, Министерству экономического развития и сокращения бедности, Ассоциации «Узбекбаликсаноат» принять меры для реализации проектов по разведению рыбы интенсивным методом в 10 домовладениях населения в районах, специализированных на рыбоводстве.
Государственному комитету ветеринарии и развития животноводства совместно с Ассоциацией «Узбекбаликсаноат» в месячный срок разработать пособие о разведении рыбы интенсивным методом в домовладениях населения (видах, качествах, схемах разведения рыбы и ресурсосберегающих технологиях) с учетом зарубежного опыта, предусмотрев внедрение ресурсосберегающих инновационных технологий.
13. Совету Министров Республики Каракалпакстан, хокимиятам областей, территориальным центрам «Чорванасл» и Ассоциации «Узбекбаликсаноат»:
в месячный срок совместно с руководителями секторов разработать План по организации пропагандистско-разъяснительной работы и проведению учебных семинаров среди населения о преимуществах и эффективности разведения рыбы интенсивным методом;
сформировать список претендентов, желающих заниматься разведением рыбы интенсивным методом в домовладениях населения, оказывать им практическую помощь в получении кредитных средств в коммерческих банках;
определить меры по своевременному проведению мероприятий, необходимых для обеспечения разведения рыбы.
Министерству водного хозяйства и Министерству энергетики обеспечить бесперебойное обеспечение водой и электрической энергией инициаторов, занимающихся разведением рыбы интенсивным методом в домовладениях населения.
14. Государственному комитету ветеринарии и развития животноводства совместно с Ассоциацией «Узбекбаликсаноат» до 1 сентября 2021 года внести в Кабинет Министров обоснованные предложения о результатах разведения рыб интенсивным методом в домовладениях населения.
15. Внести изменение и дополнение в некоторые решения Президента Республики Узбекистан и Правительства Республики Узбекистан согласно приложению .
16. В целях обеспечения реализации настоящего постановления:
а) министру водного хозяйства Ш. Хамроеву обеспечить:
заключение договоров о водопользовании с рыбоводческими хозяйствами и гарантированное обеспечение их определенным объемом воды, а также определение объема фактически потребляемой ими воды;
ежегодное формирование перечня коллекторно-дренажных сетей, которыми могут пользоваться рыбоводческие хозяйства, а также размещение информации о коллекторно-дренажных сетях на веб-сайте министерства;
совместно с Министерством сельского хозяйства и Ассоциацией «Узбекбаликсаноат» внедрение практики широкого использования рыбоводческими хозяйствами ресурсосберегающих технологий в искусственных водоемах и вторичных источников воды;
б) председателю Государственного комитета ветеринарии и развития животноводства Б. Норкобилову — обеспечить разработку пособий о реализации проектов по разведению рыбы интенсивным методом в домовладениях и дальнейшем развитии соответствующих навыков у населения;
в) хокиму Ташкентской области Р. Холматову и директору Агентства по управлению государственными активами С. Бекенову — создать на базе ООО «Чиноз дехкон бозори» современный торговый комплекс, предназначенный для организации торговли рыбной продукцией, с привлечением потенциальных инвесторов;
г) Председателю Совета Министров Республики Каракалпакстан и хокимам областей — принять меры для реализации рыбоводческих проектов с соблюдением санитарно-защитных зон вокруг коллекторно-дренажных водных сетей.
17. Контроль за исполнением настоящего постановления возложить на Премьер-министра Республики Узбекистан А.Н. Арипова.
В срок до 1 декабря 2020 года, в 2021 году — по итогам каждого квартала информировать Президента Республики Узбекистан о результативности настоящего постановления.
ПРИЛОЖЕНИЕ к постановлению Президента Республики Узбекистан от 29 августа 2020 года № ПП-4816
вносимые в некоторые решения Президента Республики Узбекистан и Правительства Республики Узбекистан
1. Абзац первый пункта 5 постановления Президента Республики Узбекистан от 6 ноября 2018 года № ПП-4005 «О дополнительных мерах по дальнейшему развитию рыбоводческой отрасли» изложить в следующей редакции:
«5. Установить, что независимо от объема рыбоводческих проектов (в направлении аквакультуры) и вида валюты, необходимой для их осуществления, применяется следующий порядок компенсации процентов по кредитам, выдаваемым коммерческими банками в 2019 — 2022 годах, за счет Государственного фонда поддержки предпринимательской деятельности».
2. Пункт 6 Положения о формировании Фонда развития рыбоводства Ассоциации «Узбекбаликсаноат» и порядке использования его средств, утвержденного постановлением Кабинета Министров Республики Узбекистан от 7 августа 2017 года № 593, дополнить абзацем следующего содержания:
в тексте на узбекском языке:
«табиий ва сунъий сув ҳавзаларида балиқчилик фаолияти билан шуғулланаётган тадбиркорларнинг фаолиятини қонунийлаштириш мақсадида мазкур сув ҳавзалари бўйича кадастр ҳужжатларини тузиш ва рўйхатдан ўтказиш».
Президент Республики Узбекистан Ш. МИРЗИЁЕВ
г. Ташкент,
29 августа 2020 г.,
№ ПП-4816