UzbekAI

Ўзбекистон Республикаси Марказий банки бошқарувининг

Қарори

ҚОИДАЛАРИ

МАЪЛУМОТ

РЎЙХАТИ

Ўзбекистон Республикасида валюта операцияларини амалга ошириш қоидаларини тасдиқлаш тўғрисида

Ўзбекистон Республикасининг « Ўзбекистон Республикасининг Марказий банки тўғрисида »ги ва « Валютани тартибга солиш тўғрисида »ги қонунларига мувофиқ Ўзбекистон Республикаси Марказий банки бошқаруви қарор қилади:

1. Ўзбекистон Республикасида валюта операцияларини амалга ошириш қоидалари 1-иловага мувофиқ тасдиқлансин.

2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.

3. Мазкур қарор 2020 йил 1 сентябрдан кучга киради.

Ўзбекистон Республикаси Марказий банки бошқарувининг 2020 йил 29 августдаги 18/5-сон қарорига 1-ИЛОВА

Ўзбекистон Республикасида валюта операцияларини амалга ошириш

Мазкур Қоидалар Ўзбекистон Республикасида Ўзбекистон Республикаси резидентлари (бундан буён матнда резидентлар деб юритилади) ва норезидентлари (бундан буён матнда норезидентлар деб юритилади) томонидан валюта операцияларини амалга ошириш тартибини белгилайди.

1-боб. Умумий қоидалар

1. Мазкур Қоидаларда қуйидаги асосий тушунчалардан фойдаланилади:

валюта ҳисобварақлари — Ўзбекистон Республикаси банкларида очиладиган чет эл валютасидаги талаб қилиб олингунча, жамғарма, муддатли ва бошқа депозит ҳисобварақлар;

ички валюта бозори — валюта биржасида, Ўзбекистон Республикаси банклари ўртасида ҳамда бевосита банкларда мижозлар билан амалга ошириладиган чет эл валютасини сотиб олиш ва сотиш;

ички валюта операциялари — Ўзбекистон Республикаси ҳудудида чет эл валютасида амалга ошириладиган операциялар.

2. Ички валюта операцияларига қуйидагилар киради:

божсиз савдо дўконларидаги ҳисоб-китоблар, шунингдек халқаро ташишларда транспорт воситаларининг қатнов йўлларида йўловчиларга товарларни реализация қилиш ва хизматлар кўрсатиш чоғидаги ҳисоб-китоблар билан боғлиқ операциялар;

воситачилар (вакиллар) томонидан норезидентлар билан товарларни топшириш, ишларни бажариш, хизматлар кўрсатиш, ахборот ва интеллектуал фаолият натижаларини, уларга бўлган мутлақ ҳуқуқларни бериш бўйича шартномалар тузиш ҳамда уларни бажариш билан боғлиқ хизматлар кўрсатиш чоғида воситачилар (вакиллар) ва комитентлар (ишонч билдирувчилар) ўртасидаги операциялар, шу жумладан комитентларга (ишонч билдирувчиларга) пул суммаларини (бошқа мол-мулкни) қайтаришга доир операциялар;

тузилган шартномалар асосида транспорт-экспедиторлик хизматларини реализация қилишдан экспедиторлик компанияларининг ҳисобварағига хориждан келиб тушаётган чет эл валютасидаги маблағларни ҳисоб-китоб қилишни ва ўтказишни назарда тутувчи операциялар;

жисмоний шахсларнинг Ўзбекистон Республикаси ҳудудидан ташқарига хизмат сафарлари амалга оширилиши билан боғлиқ харажатларини тўлаш ва уларнинг ўрнини қоплаш бўйича операциялар, шунингдек хизмат сафарлари муносабати билан берилган, сарфланмай қолган бўнакни қайтаришга доир операциялар;

жисмоний шахс томонидан Ўзбекистон Республикаси банкларида очилган ҳисобварақлардан бошқа жисмоний шахслар фойдасига уларнинг Ўзбекистон Республикаси банкларида очилган ҳисобварақларига носавдо тусдаги пул ўтказмалари;

агар охирги харидор ёки сотувчи норезидент бўлса, воситачилар (вакиллар) томонидан мажбуриятлар клиринг натижалари бўйича бажарилиши лозим бўлган шартномаларни тузиш ва бажариш билан боғлиқ хизматларни кўрсатиш чоғида воситачилар (вакиллар) ва комитентлар (ишонч билдирувчилар) ўртасидаги операциялар;

мажбуриятлар бажарилишининг таъминоти сифатида валюта қимматликларидан фойдаланиш, шунингдек уларни ундириш билан боғлиқ операциялар;

юридик шахсларнинг устав фондига (устав капиталига) валюта қимматликларини киритиш ва қайтариш билан боғлиқ операциялар;

банк хизматларини амалга ошириш билан боғлиқ операциялар;

хайрия фаолияти билан боғлиқ операциялар;

мерос ҳуқуқи бўйича валюта қимматликларини олиш билан боғлиқ операциялар;

мазкур Қоидаларнинг 45-бандида белгиланган ҳолатларда нақд чет эл валютасини қабул қилиш билан боғлиқ операциялар;

ички валюта бозорида чет эл валютасини сотиб олиш ва сотиш операциялари;

норезидент юридик шахснинг Ўзбекистон Республикасидаги инвестицион фаолияти натижасида олинган дивидендлари, даромадлари ва қонуний йўл билан топилган бошқа маблағларини ушбу норезидент томонидан Ўзбекистон Республикасида ташкил этилган ваколатхона ёки доимий муассасага ўтказиш операциялари;

товар-хом ашё биржаларининг очиқ электрон савдоларида норезидентлар томонидан, шу жумладан биржа брокерлари орқали товарларни сотиш ва сотиб олиш билан боғлиқ ўтказмалар;

қимматли қоғозлар бозорининг уюшган савдоларида норезидентлар томонидан, шу жумладан биржа брокерлари ва инвестиция воситачилари орқали акциялар ва облигацияларни (Ўзбекистон Республикаси Марказий банкининг облигациялари бундан мустасно) сотиш ва сотиб олиш билан боғлиқ ўтказмалар;

хорижий давлатларнинг дипломатик ваколатхоналарига консуллик йиғимларини тўлаш;

судларнинг қарорлари асосида пул маблағларини тўлаш.

Ички валюта операциялари резидентлар ва норезидентлар томонидан ушбу Қоидаларга мувофиқ чекловларсиз амалга оширилади.

3. Резидентлар ва норезидентлар томонидан Ўзбекистон Республикаси банкларида ҳисобварақларни очиш Банк ҳисобварақларини очиш, юритиш ва ёпиш тартиби тўғрисидаги йўриқномада (рўйхат рақами 3420, 2023 йил 8 февраль) белгиланган тартибда амалга оширилади.

4. Ўзбекистон Республикаси банклари хорижий банклар билан тузилган шартномаларга (келишувларга, битимларга) асосан миллий ва чет эл валютасида ўзаро вакиллик ҳисобварақлари очишлари ҳамда ушбу ҳисобварақлардан шартномада кўрсатилган мақсадлар доирасида фойдаланишлари мумкин.

5. Халқаро молия институтларининг Ўзбекистон Республикаси банкларида очилган ҳисобварақларидан томонлар ўртасида тузилган шартномаларда кўрсатилган мақсадларда фойдаланилади.

6. Резидент юридик шахсларнинг номига келиб тушаётган валюта маблағлари, агар Ўзбекистон Республикаси Президентининг ёки Ўзбекистон Республикаси Ҳукуматининг қарорларида ёхуд Ўзбекистон Республикасининг халқаро шартномаларида бошқача тартиб белгиланмаган бўлса, уларнинг Ўзбекистон Республикаси банкларидаги ҳисобварақларига киритилиши шарт.

7. Норезидентлар Ўзбекистон Республикаси банкларида очилган миллий валютадаги ҳисобварақларига қонуний йўл билан топилган маблағлари киритилади ва улардан мазкур Қоидаларга мувофиқ мустақил равишда фойдаланадилар.

8. Резидентлар ва норезидентлар Ўзбекистон Республикаси банкларидаги ўз ҳисобварақларидан маблағларини Ўзбекистон Республикасининг бошқа банкларида очилган ўз ҳисобварақларига чекловларсиз ўтказишлари мумкин.

9. Банклар томонидан чет эл валютасини сотиш ва сотиб олиш операциялари валюта позициясига нисбатан ўрнатилган лимитлар доирасида амалга оширилади.

10. Ўзбекистон Республикаси Марказий банки (бундан буён матнда Марказий банк деб юритилади) ва банклар бевосита ўзлари ўртасида, ўз мижозлари билан, шунингдек валюта биржаси орқали валютавий своп ва дериватив операцияларини Халқаро своплар ва деривативлар ассоциациясининг (Интернатионал Сwапс анд Деривативес Ассосиатион — ИСДА) битимларни тузишнинг намунавий шартлари ва тавсиялари асосида ёки валюта биржасидаги савдолар бўйича биржанинг ички қоидалари асосида амалга оширадилар.

Ташқи савдо операциялари билан боғлиқ хатарларни хеджирлаш мақсадида хорижий молия институтлари билан 180 кундан ортиқ бўлмаган муддатга тузиладиган своп ва деривативлар бўйича ўзаро ҳисоб-китоблар Ўзбекистон Республикаси банклари орқали чекловларсиз амалга оширилади.

11. Капитал ҳаракати операциялари Капитал ҳаракати билан боғлиқ айрим валюта операцияларини амалга ошириш тартиби тўғрисида низомда (рўйхат рақами 2536, 2013 йил 17 декабрь) белгиланган тартибда амалга оширилади.

12. Банклар валюта операцияларини амалга оширишда жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролларини тарқатишни молиялаштиришга қарши курашиш тўғрисидаги қонунчилик ҳужжатларига тўлиқ риоя этишлари лозим.

2-боб. Банклар томонидан резидентларнинг чет эл валютасидаги ҳисобварақларини юритиш

13. Резидент юридик шахсларнинг, шунингдек якка тартибдаги тадбиркорларнинг чет эл валютасидаги маблағлари Ўзбекистон Республикаси банкларида очилган валюта ҳисобварақларида сақланади ва улар ушбу маблағлардан мазкур Қоидаларга мувофиқ мустақил равишда фойдаланадилар.

14. Резидент юридик шахслар томонидан Ўзбекистон Республикаси ҳудудидан ташқаридаги ҳисобварақлардан ушбу ҳисобварақларни очиш учун асос бўлган Ўзбекистон Республикаси Президентининг ёки Ўзбекистон Республикаси Ҳукуматининг қарорларида ёхуд Ўзбекистон Республикасининг халқаро шартномаларида белгиланган мақсадларда фойдаланишга йўл қўйилади.

Хорижий давлатларда ҳисобварақлар очган резидент юридик шахслар томонидан ҳар чоракда ҳисобот чорагидан кейинги ойнинг 25 санасига қадар давлат рўйхатидан ўтган жойдаги давлат солиқ хизматига ҳамда асосий ҳисобварағига хизмат кўрсатувчи банкка ҳисобварақлар очилганлиги (ёпилганлиги) тўғрисида ва ҳисобварақларнинг реквизитлари ўзгарганлиги ҳақида, шунингдек ушбу ҳисобварақлардаги қолдиқлар ва айланмалар тўғрисида маълумотлар иловада келтирилган шаклга мувофиқ тақдим этилади.

15. Резидент юридик шахсларнинг ва якка тартибдаги тадбиркорларнинг валюта ҳисобварақларига ички ва халқаро валюта операциялари бўйича чет эл валютаси киритилиши мумкин.

Валюта ҳисобварақлардаги маблағлардан ҳисобварақ эгасининг топшириғига кўра:

ички валюта операциялари учун;

жорий халқаро операциялар учун;

қонунчилик ҳужжатларида белгиланган тартибда капитал ҳаракати операциялари учун фойдаланилиши мумкин.

16. Резидент жисмоний шахсларнинг номига келиб тушаётган валюта маблағлари уларнинг ҳисобварақларига чекловларсиз киритилади ҳамда ушбу маблағлардан мустақил равишда фойдаланилади.

3-боб. Банклар томонидан норезидентларнинг чет эл валютасидаги ҳисобварақларини юритиш

17. Ўзбекистон Республикасида аккредитация қилинган, иммунитет ва дипломатик имтиёзлардан фойдаланадиган хорижий давлатларнинг дипломатик ваколатхоналари, халқаро ташкилотлар ва уларнинг филиаллари, шунингдек хўжалик ёки бошқа тижорат фаолиятини амалга оширмайдиган Ўзбекистон Республикасидаги бошқа хорижий ташкилотлар ваколатхоналарининг (бундан буён матнда норезидентларнинг ваколатхоналари деб юритилади) чет эл валютасидаги ҳисобварақларига:

Ўзбекистон Республикасининг ҳудудида олинган консуллик йиғимлари;

ваколатхона ташкил этган норезидентнинг хориждаги ҳисобварағидан ўтказилган маблағлар;

ваколатхона ташкил этган норезидентнинг Ўзбекистон Республикасидаги инвестицион фаолияти натижасида олинган дивидендлари, даромадлари ва қонуний йўл билан топилган бошқа маблағлари;

ички валюта бозорида сотиб олинган маблағлар;

йўловчи божхона декларацияси асосида хориждан олиб келинган нақд чет эл валютаси, бундан декларация тўлдириш талаб этилмайдиган ҳолатлар мустасно;

хориждан ҳисобварақ эгаси номига почта жўнатмалари орқали юборилган нақд чет эл валютаси киритилиши мумкин.

Норезидентлар ваколатхоналарининг чет эл валютасидаги ҳисобварақлардаги маблағлардан ҳисобварақ эгасининг топшириғига кўра:

ваколатхона ташкил этган норезидентнинг хориждаги ҳисобварағига ўтказиш учун;

чет элга носавдо тусдаги пул ўтказмаларини амалга ошириш учун;

Ўзбекистон Республикаси ҳудудидаги банклар орқали сотиш учун фойдаланилиши мумкин.

18. Норезидентлар доимий муассасаларининг чет эл валютасидаги ҳисобварақларига:

доимий муассаса ташкил этган норезидентнинг хориждаги ҳисобварағидан ўтказилган маблағлар;

доимий муассаса ташкил этган норезидентнинг Ўзбекистон Республикасидаги инвестицион фаолияти натижасида олинган дивидендлари, даромадлари ва қонуний йўл билан топилган бошқа маблағлари;

ички валюта бозорида сотиб олинган маблағлари;

жорий халқаро операцияларига оид ўтказмалар киритилиши мумкин.

Норезидентлар доимий муассасаларининг чет эл валютасидаги ҳисобварақларидаги маблағлардан ҳисобварақ эгасининг топшириғига кўра:

доимий муассасани ташкил этган норезидентнинг хориждаги ҳисобварағига ўтказиш учун;

ички валюта бозорида сотиш учун;

жорий халқаро операциялар учун фойдаланилиши мумкин.

19. Товар-хом ашё биржаларида товарларни ва (ёки) қимматли қоғозлар бозорининг уюшган савдоларида акциялар ва облигацияларни (Марказий банкнинг облигациялари бундан мустасно) сотиб олишни (сотишни) амалга оширувчи норезидент юридик шахсларнинг чет эл валютасидаги ҳисобварақларига:

ушбу савдоларда иштирок этаётган норезидент юридик шахснинг хориждаги ҳисобварағидан ўтказилган маблағлар;

ички валюта бозорида сотиб олинган маблағлар;

товар-хом ашё биржаларида товарларни ва (ёки) қимматли қоғозлар бозорининг уюшган савдоларида акциялар ва облигацияларни (Марказий банкнинг облигациялари бундан мустасно) сотишдан тушган маблағлар киритилиши мумкин.

Товар-хом ашё биржаларида товарларни ва (ёки) қимматли қоғозлар бозорининг уюшган савдоларида акциялар ва облигацияларни (Марказий банкнинг облигациялари бундан мустасно) сотиб олишни (сотишни) амалга оширувчи норезидент юридик шахсларнинг чет эл валютасидаги ҳисобварақларидаги маблағлар ҳисобварақ эгасининг топшириғига кўра:

ички валюта бозорида сотилиши;

товар-хом ашё биржаларида товарларни ва (ёки) қимматли қоғозлар бозорининг уюшган савдоларида акциялар ва облигацияларни (Марказий банкнинг облигациялари бундан мустасно) сотиб олиш учун фойдаланилиши;

товар-хом ашё биржаларида товарларни ва (ёки) қимматли қоғозлар бозорининг уюшган савдоларида иштирок этаётган норезидент юридик шахснинг хориждаги ҳисобварақларига ўтказилиши мумкин.

19 1 . Крипто-биржа иштирокчилари бўлган норезидент юридик шахсларнинг чет эл валютасидаги ҳисобварақларига уларнинг хориждаги ҳисобварақларидан ўтказилган (Ўзбекистон Республикаси Марказий банки томонидан сўмга нисбатан расмий курслари белгиланадиган чет эл валюталарида) маблағлар ҳамда крипто-биржада крипто-активларни сотишдан тушган маблағлар киритилиши мумкин.

Ушбу маблағлар крипто-активларни сотиб олиш учун крипто-биржага ҳамда мазкур норезидент юридик шахсларнинг хориждаги (маблағлар келиб тушган давлатдаги) ўз ҳисобварақларига ўтказилиши мумкин.

Крипто-биржа иштирокчилари бўлган норезидент юридик шахсларнинг ҳисобварағига келиб тушган маблағлардан бошқа мақсадларда фойдаланиш мумкин эмас.

Банклар, мазкур ҳисобварақлар орқали ўтказиладиган операцияларни амалга оширишда мавжуд рискларни баҳолаган ҳолда, ушбу операциялар жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисидаги қонун ҳужжатлари талаблари доирасида бўлишини таъминлайди.

20. Норезидент жисмоний шахсларнинг чет эл валютасидаги ҳисобварақларига:

йўловчи божхона декларацияси асосида (декларация тўлдириш талаб этилмайдиган ҳолатлар бундан мустасно) хориждан олиб келинган нақд чет эл валютаси;

носавдо тусдаги пул ўтказмалари;

ички валюта бозорида сотиб олинган маблағлар;

қонунийлигини асослантирувчи ҳужжатлар асосида олинган маблағлар киритилиши мумкин.

Норезидент жисмоний шахсларнинг чет эл валютасидаги ҳисобварақларидаги маблағлардан ҳисобварақ эгасининг топшириғига кўра:

носавдо тусдаги пул ўтказмалари учун;

ички валюта операциялари учун;

нақд чет эл валютасида ечиб олиш учун;

хорижий банкларда очилган ўз ҳисобварақларига ўтказиш учун фойдаланилиши мумкин.

4-боб. Ички валюта бозорида хўжалик юритувчи субъектлар томонидан чет эл валютасини сотиш ва сотиб олиш операцияларини амалга ошириш

21. Ички валюта бозорида қуйидаги операциялар амалга оширилади:

валюта биржасида ҳамда Ўзбекистон Республикаси банклари ўртасида чет эл валютасини сотиш ва сотиб олиш;

банклар томонидан ўз мижозларининг валюта маблағларини шартнома (оферта битими) асосида сотиш ва сотиб олиш;

банклар томонидан жисмоний шахслар билан валюта айирбошлаш операцияларини амалга ошириш;

банклар томонидан банклараро савдо сессиясида валюта маблағларини сотиб олиш ва сотиш;

товар-хом ашё биржаларида товарларни ва (ёки) қимматли қоғозлар бозорининг уюшган савдоларида акциялар ва облигацияларни (Марказий банкнинг облигациялари бундан мустасно) сотишдан олинган маблағлар ҳисобига норезидентлар томонидан, шу жумладан норезидентлар номидан биржа брокерлари ва инвестиция воситачилари орқали валюта маблағларини сотиб олиш ва сотиш.

Ички валюта бозорида чет эл валютасининг сотиб олиниши ва сотилиши резидентлар ва норезидентлар томонидан жорий халқаро операциялар бўйича, шунингдек норезидентларнинг тўғридан-тўғри инвестициялари ва даромадларини репатриация қилиш мақсадлари учун чекловларсиз амалга оширилади.

Банкларнинг ўзаро ва ўз мижозлари билан чет эл валютасини сотиш ва сотиб олиш, шу жумладан своп ва деривативлар орқали амалга ошириладиган операциялари тўғрисидаги маълумотлар Марказий банкнинг «Валюта операциялари ҳисобини юритиш» ахборот тизими (ФЕРУз)га (бундан буён матнда тизим деб юритилади) киритилади.

22. Ўзбекистон Республикаси бюджет тизими бюджетларининг чет эл валютасидаги Ягона ғазна ҳисобварағидан фойдаланган ҳолда хизмат кўрсатиладиган буюртмачилар томонидан чет эл валютасининг сотиб олиниши ва сотилиши Ўзбекистон Республикаси Вазирлар Маҳкамасининг 2020 йил 23 майдаги 329-сон қарори билан тасдиқланган Ўзбекистон Республикаси бюджет тизими бюджетлари чет эл валютасидаги маблағларининг ғазна ижроси тартиби тўғрисидаги низом талаблари асосида амалга оширилади.

23. Хўжалик юритувчи субъектлар чет эл валютасини сотиб олиш ёки сотиш учун хизмат кўрсатувчи банкка буюртма тақдим этадилар. Бунда буюртма шакли банк бошқаруви томонидан тасдиқланади ва унда қуйидаги маълумотлар кўрсатилиши шарт:

мижоз номи;

валюта тури ва суммаси;

сотиб олиш ёки сотиш курси.

Чет эл валютасини сотиб олиш учун тақдим этиладиган буюртмаларда қўшимча равишда қуйидаги маълумотлар ҳам кўрсатилади:

чет эл валютасини сотиб олиш мақсади;

валюта операцияларини асословчи ҳужжатлар.

Ўзбекистон Республикаси Президентининг «Капитал бозорида инвестиция муҳитини яхшилашга доир қўшимча чора-тадбирлар тўғрисида» 2025 йил 18 декабрдаги ПФ-254-сон Фармонига мувофиқ:

хўжалик юритувчи субъектлар томонидан номинал қиймати чет эл валютасида ифодаланган қимматли қоғозлар бўйича даромадларни тўлаш ва мажбуриятларни бажариш учун зарур ҳажмдаги чет эл валютасини сотиб олиш қимматли қоғозлар бозорини тартибга солиш бўйича ваколатли давлат органи томонидан рўйхатдан ўтказилган қимматли қоғозларни чиқариш ҳужжатининг нусхаси асосида;

чет эллик инвестор томонидан фонд биржасида қимматли қоғозларни сотишдан олинган чет эл валютасидаги маблағларни, шунингдек, дивидендлар, фоизлар (купонлар), облигацияларни сўндириш ёки қимматли қоғозлардан олинган бошқа даромадларни репатриация қилиш учун зарур ҳажмдаги чет эл валютасини сотиб олиш чет эллик инвесторнинг тегишли мурожаати асосида амалга оширилади.

Хўжалик юритувчи субъектлар томонидан чет эл валютасини сотиб олиш ёки сотиш учун буюртмалар хизмат кўрсатувчи банкларга масофавий хизмат кўрсатиш тизимлари орқали электрон кўринишда ҳам тақдим қилиниши мумкин.

Буюртмада қайд этилган маълумотларнинг ҳаққонийлиги юзасидан жавобгарлик мазкур буюртмани тақдим этган хўжалик юритувчи субъект зиммасига юклатилади.

Чет эл валютасидаги кредит ва лизингларга хизмат кўрсатиш, хорижий инвесторлар фойдаси, дивиденд ва бошқа даромадларни репатриация қилиш мақсадида чет эл валютасини сотиб олишда, хизмат кўрсатувчи банклар ушбу операцияларнинг ҳаққонийлигини тасдиқловчи қўшимча ҳужжатларни талаб қилишга ҳақлидир.

24. Хўжалик юритувчи субъектлар томонидан чет эл валютасини сотиб олиш учун тақдим этилган буюртмани кўриб чиқиш хизмат кўрсатувчи банкларнинг тегишли таркибий бўлинмаси (бундан буён матнда таркибий бўлинма деб юритилади) томонидан амалга оширилади.

Бунда, чет эл валютасини сотиб олиш учун тақдим этилган буюртма мазкур Қоидаларнинг 23-бандига мувофиқ расмийлаштирилмаганлиги аниқланган тақдирда, мижоз томонидан буюртмага техник тузатиш киритилиши мумкин.

Чет эл валютасини сотиб олиш учун тақдим этилган буюртмалар таркибий бўлинма томонидан қабул қилинган кундан кейинги банк иш кунидан кечиктирмасдан кўриб чиқилади ҳамда натижаси бўйича буюртмани қаноатлантириш ёки уни асослантирилган ҳолда рад этиш тўғрисида хулоса тайёрланади.

Таркибий бўлинма фаолиятини назорат қилиш ҳамда буюртмани кўриб чиқиш натижаси бўйича тайёрланган хулосани тасдиқлаш банк бошқаруви раисининг тегишли ўринбосари томонидан амалга оширилади.

Буюртма бўйича хулосаларнинг қонунийлиги учун уни тасдиқлаган банк бошқаруви раисининг тегишли ўринбосари жавобгар ҳисобланади.

25. Чет эл валютасини сотиб олиш ёки сотиш учун томонлар келишувига кўра бир марталик бош шартнома ёки ҳар бир операция бўйича алоҳида шартномалар расмийлаштирилиши мумкин. Бунда шартномалар хизмат кўрсатувчи банкларнинг тегишли дастурий таъминот воситаси орқали электрон шаклда ҳам тузилиши мумкин.

26. Хизмат кўрсатувчи банклар томонидан ички валюта бозорида сотиб олинган чет эл валютасини кирим қилиш учун мижоз номига махсус ҳисобварақлар очилади.

Махсус валюта ҳисобварағига мижоз томонидан сотиб олинган, шунингдек, ушбу ҳисобварақдан илгари чиқарилиб, фойдаланилмаган ёки бошқа сабабларга кўра қайтарилган чет-эл валютаси ҳам кирим қилинади.

27. Қаноатлантириш тўғрисида хулоса тасдиқланган буюртмалар бўйича банк ва мижозлар ўртасидаги барча ҳисоб-китоблар кейинги банк иш кунидан кечиктирилмаган ҳолда амалга оширилади.

Белгиланган вақтда ҳисоб-китоблар якунланмаган бўлса, келишув бекор қилинган ҳисобланади.

28. Махсус валюта ҳисобварақларига киритилган маблағлар қатъий равишда буюртмаларда кўрсатилган мақсадлар учун сарфланади.

Бунда, махсус валюта ҳисобварағига киритилган маблағлардан фойдаланиш мақсади мижоз томонидан банкка тақдим этиладиган қўшимча буюртма асосида бошқа жорий халқаро валюта операциясини амалга ошириш учун ўзгартирилиши мумкин.

29. Банк мижози томонидан сотиб олинган (шу жумладан фойдаланилмаган ёки қайтарилган) валюта маблағлари мижознинг махсус валюта ҳисобварағига киритилган вақтдан эътиборан етти банк иш куни мобайнида фойдаланилиши ёки ушбу муддат тугагандан кейинги банк иш кунидан кечиктирилмаган ҳолда банкка қайта сотилиши шарт.

Чет эл валютасининг қайта сотилиши сотув кунидаги талаб ва таклиф асосида шаклланадиган бозор курсида акцептсиз равишда амалга оширилади.

30. Ички валюта бозорида чет эл валютасини сотиб олиш ва сотиш операциялари чет эл валютасига бўлган талаб ва таклиф асосда шаклланадиган валюта курси бўйича амалга оширилади.

31. Биржа савдоларининг ташкил қилиниши ва ўтказилиши валюта биржасининг ички қоидаларига асосан амалга оширилади.

5-боб. Жисмоний шахслар билан валюта айирбошлаш операцияларини амалга ошириш тартиби

32. Банклар томонидан жисмоний шахслар билан валюта айирбошлаш операциялари чекловларсиз амалга оширилади.

Норезидент жисмоний шахсларга чет эл валютасини сотиш улар томонидан республика ҳудудида миллий валюта маблағларининг қонуний манбалардан олинганлигини тасдиқловчи ҳужжатлар тақдим этилганда амалга оширилади. Бунда операция суммаси тақдим этилган ҳужжатларда кўрсатилган сумма миқдоридан ошмаслиги лозим.

33. Банклар жисмоний шахслар билан валюта айирбошлаш операцияларини амалга оширишда тизимдан фойдаланадилар.

Тизимдан фойдаланиш учун банклар валюта айирбошлаш операцияларини амалга оширувчи чакана амалиётлар кассалари, банк хизматлари офислари, банкларнинг тегишли таркибий бўлинмалари ҳамда валюта айирбошлаш шохобчаларининг жойлашган жойи (почта манзили) кўрсатилган ҳолда Марказий банкнинг тегишли ҳудудий Бош бошқармасига маълумот тақдим этади.

Марказий банкнинг тегишли ҳудудий Бош бошқармаси беш банк иш куни мобайнида банклар томонидан тақдим этилган маълумотлар асосида валюта айирбошлаш операцияларини амалга оширувчи чакана амалиётлар кассалари, банк хизматлари офислари, банкларнинг тегишли таркибий бўлимлари ҳамда валюта айирбошлаш шохобчаларини рўйхатга олади ва тизимга киритиш учун тегишли маълумотни Марказий банкка тақдим этади.

Бунда, Марказий банкнинг ҳудудий Бош бошқармалари томонидан тақдим этилган маълумотлар беш банк иш куни мобайнида Марказий банк томонидан тизимга киритилади.

Жисмоний шахслар томонидан валюта айирбошлаш операциялари автоматлаштирилган банк шохобчалари (банкоматлар) орқали амалга оширилганда тизимдан фойдаланиш талаб этилмайди.

34. Чет эл валютасини сотиб олиш ва сотиш курслари банклар томонидан чет эл валютасига бўлган талаб ва таклифни ҳисобга олган ҳолда мустақил равишда белгиланади ва ушбу курсларга банклар томонидан операцион кун давомида ўзгартириш киритилиши мумкин.

35. Банкларда жисмоний шахслар билан барча турдаги валюта айирбошлаш операциялари амалга оширилади.

Банклар томонидан шикастланиш белгилари мавжуд муомалага яроқли банкноталар билан валюта айирбошлаш операцияларини амалга ошириш, шунингдек муомалага яроқсиз банкноталарни инкассога қабул қилишни рад этишга йўл қўйилмайди.

36. Эмитент-давлат томонидан банкнотага нисбатан ўрнатилган талабларга жавоб берадиган асосий белгиларга (эмитент банк номи, серия ва тартиб рақами, валюта номиналининг рақамлар ва сўз билан кўрсатилиши, олд ва орқа томонининг асосий тасвири (сурати, портрети), қалбакилаштирилишидан ҳимоя қилувчи элементлари (сув белгиси, магнитли белгилар, қоғозга киритилган рангли толалар, жумладан ультрабинафша нурларда кўринадиган толалар, конфетти (рангли қоғоз тангачалар), ҳимоя иплари, микроматн, нур сочувчи расмлар ва бошқалар) эга бўлган банкнота қонуний тўлов воситаси ҳисобланади.

37. Қуйидаги шикастланиш белгилари мавжуд бўлган банкноталар муомалага яроқли қонуний тўлов воситаси ҳисобланади:

банкнота тасвирини (шаклини) аниқлаш имконини берадиган даражада сийқаланган ва ифлосланган бўлса (сийқаланиш банкнотанинг ҳақиқийлигини аниқлашга халақит бермайдиган ва асосий белгиларидан бирининг 50 фоизидан ортиғини тўсиб қўймаган ҳолатлар бундан мустасно);

банкнота энининг (бўйининг) тўртдан бир қисмидан ошмаган ёпиштирилган йиртиқларга эга бўлса;

ёпиштириб қўйилган бурчаклари ёки қисмлари (1 sm 2 дан ошмаган) бўлса ҳамда йиртиб олинган бурчаклари ёки қисмлар аниқ ушбу банкнотага тегишли бўлса;

майда доғлар, ёзувлар, штамп изи бўлганда (бунда ёзув ёки штамп изи икки донадан ортиқ бўлса, банкнота тугатилганлиги, сохталиги ёки намунавийлигини тасдиқловчи штамплар бундан мустасно) ҳамда улар банкнотанинг ҳақиқийлигини аниқлашга халақит бермайдиган асосий белгиларидан бирининг 50 фоизидан ортиғини тўсиб қўймаган бўлса;

банкнотада диаметри 1 mm дан ошмаган ва иккитадан ортиқ тешиклар бўлса, бунда тешиклар банкнотанинг ҳақиқийлигини аниқлашга халақит бермайдиган ва асосий белгиларидан бирининг 50 фоизидан ортиғини тўсиб қўймаган бўлиши керак.

38. Мазкур Қоидаларнинг 37-бандида кўрсатилган меъёрлардан ортиқ бўлган ва қуйидаги шикастланиш белгилари мавжуд бўлган банкноталар муомалага яроқсиз ҳисобланади:

бўлакларга ажратилган, шу жумладан ёпиштирилган бўлса;

дастлабки ранги ўзгарган ёки ранги ўчган бўлса;

ёнган ёки куйган ҳолатда бўлса;

қонуний тўлов воситаси эканлигини кўрсатувчи асосий белгиларидан бирининг 50 фоизидан ортиқ қисмига мой, бўёқ ёки сиёҳ тўкилган бўлса;

банкнотада кимёвий реактивлар таъсири бўлса;

муайян даражада қасддан шикастланган ҳолда тасвир (сурат, портрет) ўзгартирилганда, номинали ўзгартирилган, ҳимоя ипчалари олиб ташланган, катта ҳажмдаги ёзувлар бўлса;

банкнотлар аниқ босма хатога эга бўлган (сув белгиси ёки ҳимоя ипчаларининг йўқлиги ёки нотўғри жойлашганлиги), тасвирлари тўлиқ босилмаган ёки суркалиб кетган бўлса;

банкнота геометрик ўлчамининг 3 mm га тенг ёки ундан ортиққа ўзгарган бўлса;

банкнота тасвирини (суратини, портретини, шаклини) аниқлаш имконини бермайдиган даражада сезиларли сийқаланган ва ифлосланган бўлса;

ўзининг қаттиқлик даражасини сезиларли даражада йўқотиб, юмшоқ ҳолга келган банкнотлар.

Тегишли хорижий давлатнинг эмитент банки томонидан эълон қилинган санадан кейин муомаладан чиқарилган ҳамда банкнота тугатилганлиги, сохталиги ёки намунавийлигини тасдиқловчи штамплар мавжуд бўлган банкноталар тўловга яроқсиз деб эътироф этилади.

39. Тегишли хорижий давлатнинг эмитент банки томонидан эълон қилинган санадан кейин муомаладан чиқарилган ҳамда банкнота тугатилганлиги, сохталиги ёки намунавийлигини тасдиқловчи штамплар мавжуд бўлган банкноталар билан валюта айирбошлаш операциялари амалга оширилмайди.

Банклар томонидан мазкур Қоидаларнинг 37 ва 38-бандларида кўрсатилган шикастланиш белгилари мавжуд бўлган банкноталарнинг қайта муомалага чиқарилишига йўл қўйилмайди.

40. Жисмоний шахслар банкнинг масофавий хизмат кўрсатиш тизимларидан фойдаланган ҳолда чет эл валютасини сотиши, сотиб олиши ва қонунчилик ҳужжатларига мувофиқ бошқа операцияларни амалга оширишлари мумкин. Бунинг учун жисмоний шахслар масофавий хизмат кўрсатиш тизимини компьютер қурилмасига (шу жумладан, планшет, мобиль телефон ва бошқа қурилмаларга) юклаб олади ҳамда ундан фойдаланиш шартлари билан боғлиқ офертани акцептлайди.

41. Валюта айирбошлаш шохобчаларини очиш ва ёпиш, хавфсизлик талаблари, шунингдек айирбошлаш операцияларида қимматликлар билан ишлаш Тижорат банкларида касса ишини ташкил этиш, нақд пул ва бошқа қимматликларни инкассация қилишга доир йўриқномада (рўйхат рақами 3028, 2018 йил 29 июнь) белгиланган тартибда амалга оширилади.

42. Валюта айирбошлаш операцияларини амалга оширувчи банк ходимларига қуйидагилар тақиқланади:

валюта айирбошлаш операцияларини сиртдан амалга ошириш;

тегишли маълумотнома бермасдан валюта айирбошлаш операцияларини бажариш ёки валюта айирбошлаш операциясини бажармасдан тегишли маълумотномаларни бериш.

43. Валюта айирбошлаш операцияларини расмийлаштиришда фойдаланиладиган бланклар шакли, шунингдек шохобча ходимлари сони банклар томонидан мустақил белгиланади.

Валюта айирбошлаш операцияларини амалга оширувчи тарикибий тузилмаларнинг қонунчилик ҳужжатлари талабларига мувофиқ фаолият юритиши банк томонидан доимий равишда мониторинг қилиб борилади.

6-боб. Ўзбекистон Республикаси ҳудудида нақд чет эл валютасида операцияларни амалга ошириш тартиби

44. Ўзбекистон Республикаси ҳудудида банк кассаларига АҚШ доллари, инглиз фунт стерлинги, Евро, швейцария франки, япон иенаси ҳамда банкларнинг ихтиёрига кўра бошқа чет эл валюталари қабул қилиниши мумкин.

45. Ўзбекистон Республикаси ҳудудида нақд чет эл валютаси банклар кассаларига қуйидаги ҳолатларда қабул қилиниши мумкин:

консуллик йиғимларини тўлаш учун;

хорижда ўтказилган кўргазма ва ярмаркаларда сотилган товарлар учун;

божсиз савдо дўконларидаги ҳисоб-китоблар, шунингдек халқаро ташишларда транспорт воситаларининг қатнов йўлларида йўловчиларга товарларни реализация қилиш ва хизматлар кўрсатиш чоғидаги ҳисоб-китоблар билан боғлиқ операциялар учун;

хорижий хизмат сафари харажатлари учун олинган бўнакларнинг қайтарилишида;

банк хизматларини амалга ошириш билан боғлиқ операциялар учун;

юридик шахсларнинг устав фондига (устав капиталига) маблағларни киритиш учун;

хайрия фаолияти билан боғлиқ операциялар учун;

экспорт қилинадиган товарлар (ишлар, хизматлар) учун;

норезидент жисмоний шахс томонидан ташқи савдо шартномаси бўйича дебитор қарздорликларни сўндириш учун;

норезидентларнинг ваколатхоналари номига хориждан олиб келинган ёки почта жўнатмалари орқали юборилган нақд чет эл валютаси;

миллий ташувчилар (резидентлар) томонидан Ўзбекистон Республикасидан ташқарида транспорт экспедицияси (юкларни ташиш) шартномалари бўйича халқаро товар-транспорт юк хати асосида норезидентлардан олинган нақд чет эл валютаси.

46. Мазкур Қоидаларнинг 45-банди олтинчи — ўн иккинчи хатбошиларида назарда тутилган ҳолларда норезидент жисмоний шахс томонидан қуйидаги ҳужжатлардан бири тақдим этилганда нақд чет эл валютаси банк томонидан қабул қилинади:

норезидент жисмоний шахс томонидан нақд чет эл валютаси хориждан олиб келганлигини тасдиқловчи йўловчи божхона декларацияси, тегишли ишончнома асосида;

норезидент жисмоний шахс номига унинг Ўзбекистон Республикаси банкларида очилган ҳисобварақларига чет элдан келиб тушган маблағларнинг ечилганлигини тасдиқловчи банк маълумотномалари.

Мазкур Қоидаларнинг 45-банди олтинчи — саккизинчи хатбошиларида назарда тутилган ҳолларда нақд чет эл валютаси норезидент жисмоний шахс томонидан маблағларнинг қонуний йўл билан топилганлигини тасдиқловчи бошқа ҳужжатлар асосида ҳам банк томонидан қабул қилиниши мумкин.

Норезидентлардан банк кассасига қабул қилинган валюта маблағларининг суммаси йўловчи божхона декларациясида кўрсатилади ҳамда банк штампи билан тасдиқланади. Мазкур йўловчи божхона декларациясининг нусхаси кунлик ҳужжатлар йиғмажилдига тикиб қўйилади.

Нақд чет эл валютаси норезидент томонидан берилган ишончнома асосида резидент жисмоний шахслардан қабул қилинганда, пул маблағлари ушбу резидент жисмоний шахс томонидан хориждан олиб келинганлигини тасдиқловчи йўловчи божхона декларацияси тақдим этилиши лозим.

Қонунчилик ҳужжатларига мувофиқ нақд чет эл валютасини хориждан олиб киришда йўловчи божхона декларацияси тўлдирилиши талаб этилмайдиган миқдордаги валюта маблағлари банк кассаларига топширилганда асослантирувчи ҳужжат талаб этилмайди.

46 1 . Ўзбекистон Республикаси ҳудудида нақд чет эл валютаси мижозларнинг ҳисобварақларидан банк кассалари орқали қуйидаги ҳолатларда берилиши мумкин:

жисмоний шахсларга — ҳисобварақларидаги маблағлари доирасида чекловларсиз;

юридик шахсларга — уларнинг устав фондига (устав капиталига) жисмоний шахслар томонидан илгари киритилган валюта маблағларини қайтариш ҳамда ходимларни Ўзбекистон Республикаси ҳудудидан ташқарига хизмат сафарига юбориш билан боғлиқ операциялар учун;

норезидентларнинг ваколатхоналари, филиаллари ва доимий муассасаларига — ходимларни Ўзбекистон Республикаси ҳудудидан ташқарига хизмат сафарига юбориш билан боғлиқ операциялар учун;

хорижий давлатларнинг дипломатик ваколатхоналарига — банкларга тақдим этиладиган расмий хат асосида аниқ кўрсатилган бошқа мақсадлар учун;

қонунчилик ҳужжатларида белгиланган тартибда чет эл фуқароларига — қўшилган қиймат солиғини нақд пулда қайтариш учун.

7-боб. Банклар томонидан нақд валюта маблағларини Ўзбекистон Республикаси ҳудудидан олиб чиқиш ва олиб кириш

47. Банклар томонидан нақд валюта маблағларини Ўзбекистон Республикаси ҳудудига олиб кириш Ўзбекистон Республикаси Марказий банкини хабардор қилиш тартибида амалга оширилади.

Нақд валюта маблағларининг Ўзбекистон Республикаси ҳудудига олиб кирилганлиги тўғрисидаги хабарномалар банклар томонидан уч кун муддат давомида Марказий банкка тақдим этилиши лозим.

47 1 . Банклар томонидан нақд валюта маблағларини Ўзбекистон Республикаси ҳудудидан олиб чиқиш Марказий банкнинг рухсати асосида амалга оширилади.

48. Марказий банкнинг рухсатини олиш учун банклар Ўзбекистон Республикасидан олиб чиқишга мўлжалланган валютанинг тури, унинг суммаси, валюта маблағлари қайси давлатга олиб чиқилиши, хорижий банкнинг номи, нақд валюта маблағларини олиб чиқиш мақсадлари кўрсатилган аризани Марказий банкка тақдим этади.

49. Банкларнинг нақд валюта маблағларини олиб чиқиш учун мурожаати Марказий банк томонидан уч банк иш кунидан ошмаган муддатда кўриб чиқилади. Кўриб чиқиш натижалари бўйича банкларга нақд валюта маблағларини Ўзбекистон Республикасидан олиб чиқиш учун рухсат берилади.

Банкларга нақд валюта маблағларини Ўзбекистон Республикасидан олиб чиқиш учун рухсат беришни рад қилиш фақат банкларнинг мурожаати мазкур Қоидаларнинг 48-бандида белгиланган талабларга мувофиқ бўлмаганда амалга оширилади.

8-боб. Якуний қоида

50. Мазкур Қоидалар талабларининг бузилишида айбдор шахслар қонунчилик ҳужжатларида белгиланган тартибда жавобгар бўлади.

Ўзбекистон Республикасида валюта операцияларини амалга ошириш қоидаларига ИЛОВА

Резидент юридик шахсларнинг Ўзбекистон Республикаси ҳудудидан ташқарида очилган банк ҳисобварақлари ҳамда уларнинг ҳаракати тўғрисида

Т/р Мижоз номи Солиқ тўловчининг идентификация рақами (СТИР) Чет элдаги банк номи Банк идентификацияси коди (БИК) ёки CODE (SWIFT) Чел элдаги банк жойлашган мамлакат коди Чет элдаги банк жойлашган мамлакат номи Чет элдаги банкнинг тўлиқ манзили 1 2 3 4 5 6 7 8

Жадвалнинг давоми Т/р Мижоз номи Чет элдаги банкда очилган ҳисобварақ Чет элдаги банкда очилган ҳисобварақ валюта коди Чет эл банкида ҳисобварақ очилган сана Чет элда ҳисбварақ очиш учун асос бўлувчи ҳужжат Чет эл банкида ҳисобварақ ёпилган сана Ҳисобварақ ҳолати белгиси 9 10 11 12 13 14

Жадвалнинг давоми Т/р Мижоз номи Ҳисобот даври бошига ҳисобварақдаги қолдиқ сумма Давр (ой) Чет эл банк ҳисобварағига келиб тушган пул маблағлари Чет эл банк ҳисобварағидан пул маблағлари ўтказмаси Ҳисобот даври охирига ҳисобварақдаги қолдиқ сумма сумма тўловчининг давлати тўлов мақсади сумма қабул қилувчининг давлати тўлов мақсади 15 16 17 18 19 20 21 22 23

Ўзбекистон Республикаси Марказий банки бошқарувининг 2020 йил 29 авгусидаги 18/5-сон қарорига 2-ИЛОВА

Ўз кучини йўқотган деб топилаётган норматив-ҳуқуқий ҳужжатлар

1. Ўзбекистон Республикаси Марказий банки бошқаруви томонидан 1998 йил 5 сентябрда 231-сон билан тасдиқланган Тижорат банклари томонидан норезидентларнинг Ўзбекистон Республикаси миллий валютасидаги ҳисобварақларини юритиш тартиби (рўйхат рақами 510, 1998 йил 22 октябрь).

2. Ўзбекистон Республикаси Марказий банки бошқарувининг 2004 йил 21 февралдаги 231-1 сон «Ваколатли банклар томонидан норезидентларнинг Ўзбекистон Республикаси миллий валютасидаги ҳисобварақларини юритиш тартибига ўзгартириш ва қўшимчалар киритиш ҳақида»ги қарори (рўйхат рақами 510-1, 2004 йил 29 март) (Ўзбекистон Республикаси қонун ҳужжатлари тўплами, 2004 й., 13-сон, 160-модда).

3. Ўзбекистон Республикаси Марказий банки бошқарувининг 2009 йил 26 декабрдаги 38/11-сон «Ваколатли банклар томонидан норезидентларнинг Ўзбекистон Республикаси миллий валютасидаги ҳисобварақларини юритиш тартибига ўзгартириш ва қўшимча киритиш тўғрисида»ги қарори (рўйхат рақами 510-2, 2010 йил 4 февраль) (Ўзбекистон Республикаси қонун ҳужжатлари тўплами, 2010 й., 5-сон, 47-модда).

4. Ўзбекистон Республикаси Марказий банки бошқарувининг 2011 йил 26 ноябрдаги 35/3-сон «Ваколатли банклар томонидан норезидентларнинг Ўзбекистон Республикаси миллий валютасидаги ҳисобварақларини юритиш тартибига ўзгартириш киритиш ҳақида»ги қарори (рўйхат рақами 510-3, 2011 йил 22 декабрь) (Ўзбекистон Республикаси қонун ҳужжатлари тўплами, 2011 й., 51-сон, 553-модда).

5. Ўзбекистон Республикаси Марказий банки бошқарувининг 2018 йил 30 июндаги 22/7-сон «Ваколатли банклар томонидан норезидентларнинг Ўзбекистон Республикаси миллий валютасидаги ҳисобварақларни юритиш тартибига ўзгартириш ва қўшимчалар киритиш тўғрисида»ги қарори (рўйхат рақами 510-4, 2018 йил 28 июль) (Ўзбекистон Республикаси қонун ҳужжатлари тўплами, 2018 й., 31-сон, 648-модда).

6. Ўзбекистон Республикаси Марказий банки бошқарувининг 2019 йил 16 февралдаги 3/7-сон «Тижорат банклари томонидан норезидентларнинг Ўзбекистон Республикаси миллий валютасидаги ҳисобварақларини юритиш тартибига ўзгартириш ва қўшимчалар киритиш тўғрисида»ги қарори (рўйхат рақами 510-5, 2019 йил 25 март) (Ўзбекистон Республикаси қонун ҳужжатлари тўплами, 2019 й., 13-сон, 244-модда).

7. Ўзбекистон Республикаси Марказий банки бошқарувининг 2019 йил 20 июлдаги 16/6-сон «Тижорат банклари томонидан норезидентларнинг Ўзбекистон Республикаси миллий валютасидаги ҳисобварақларини юритиш тартибига ўзгартиришлар ва қўшимча киритиш тўғрисида»ги қарори (рўйхат рақами 510-6, 2019 йил 23 август) (Ўзбекистон Республикаси қонун ҳужжатлари тўплами, 2019 й., 34-сон, 616-модда).

8. Ўзбекистон Республикаси Марказий банки бошқаруви томонидан 1998 йил 5 сентябрда 232-сон билан тасдиқланган Тижорат банклари томонидан хорижий валютадаги ҳисобварақларни юритиш тартиби (рўйхат рақами 511, 1998 йил 22 октябрь).

9. Ўзбекистон Республикаси Марказий банки бошқаруви томонидан 1999 йил 20 февралда 232-1-сон билан тасдиқланган Ваколатли банкларда чет эл валютасидаги ҳисобварақларни юритиш тартибига 1-сонли ўзгартириш (рўйхат рақами 511-1, 1999 йил 1 март).

10. Ўзбекистон Республикаси Марказий банки бошқарувининг 2003 йил 1 мартдаги 232-2-сон «Ваколатли банклар томонидан чет эл валютасидаги ҳисобварақларни юритиш тартибига ўзгартириш киритиш ҳақида»ги қарори (рўйхат рақами 511-2, 2003 йил 27 март) (Ўзбекистон Республикаси вазирликлари, давлат қўмиталари ва идораларининг норматив ҳужжатлари ахборотномаси, 2003 й., 5-6-сон).

11. Ўзбекистон Республикаси Марказий банки бошқарувининг 2003 йил 31 июлдаги 232-3-сон «Ваколатли банклар томонидан чет эл валютасидаги ҳисобварақларни юритиш тартибига ўзгартириш ва қўшимчалар киритиш ҳақида»ги қарори (рўйхат рақами 511-3, 2003 йил 12 август) (Ўзбекистон Республикаси вазирликлари, давлат қўмиталари ва идораларининг норматив ҳужжатлари ахборотномаси, 2003 й., 15-сон).

12. Ўзбекистон Республикаси Марказий банки бошқарувининг 2004 йил 21 февралдаги 232-4-сон «Ваколатли банклар томонидан чет эл валютасидаги ҳисобварақларни юритиш тартибига ўзгартириш ва қўшимчалар киритиш ҳақида»ги қарори (рўйхат рақами 511-4, 2004 йил 30 март) (Ўзбекистон Республикаси қонун ҳужжатлари тўплами, 2004 й., 13-сон, 165-модда).

13. Ўзбекистон Республикаси Марказий банки бошқарувининг 2009 йил 26 декабрдаги 38/12-сон «Ваколатли банкларда чет эл валютасидаги ҳисобварақларнинг юритилиши тартибига ўзгартириш ва қўшимча киритиш тўғрисида»ги қарори (рўйхат рақами 511-5, 2010 йил 4 февраль) (Ўзбекистон Республикаси қонун ҳужжатлари тўплами, 2010 й., 5-сон, 48-модда).

14. Ўзбекистон Республикаси Марказий банки бошқарувининг 2011 йил 26 ноябрдаги 35/2-сон «Ваколатли банклар томонидан чет эл валютасидаги ҳисобварақларни юритиш тартибига ўзгартириш ва қўшимчалар киритиш тўғрисида»ги қарори (рўйхат рақами 511-6, 2011 йил 22 декабрь) (Ўзбекистон Республикаси қонун ҳужжатлари тўплами, 2011 й., 51-сон, 554-модда).

15. Ўзбекистон Республикаси Марказий банки бошқарувининг 2013 йил 23 ноябрдаги 22/3-сон «Ваколатли банклар томонидан чет эл валютасидаги ҳисобварақларни юритиш тартибига ўзгартиришлар киритиш тўғрисида»ги қарори (рўйхат рақами 511-7, 2013 йил 3 декабрь) (Ўзбекистон Республикаси қонун ҳужжатлари тўплами, 2013 й., 49-сон, 638-модда).

16. Ўзбекистон Республикаси Марказий банки бошқарувининг 2017 йил 26 августдаги 21/7-сон «Ваколатли банклар томонидан чет эл валютасидаги ҳисобварақларни юритиш тартибига ўзгартириш ва қўшимчалар киритиш ҳақида»ги қарори (рўйхат рақами 511-8, 2017 йил 12 сентябрь) (Ўзбекистон Республикаси қонун ҳужжатлари тўплами, 2017 й., 37-сон, 1016-модда).

17. Ўзбекистон Республикаси Марказий банки бошқарувининг 2017 йил 11 ноябрдаги 31/3-сон «Тижорат банклар томонидан чет эл валютасидаги ҳисобварақларни юритилиши тартибига қўшимчалар киритиш тўғрисида»ги қарори (рўйхат рақами 511-9, 2017 йил 23 ноябрь) (Ўзбекистон Республикаси қонун ҳужжатлари тўплами, 2017 й., 47-сон, 1174-модда).

18. Ўзбекистон Республикаси Марказий банки бошқарувининг 2018 йил 28 апрелдаги 16/7-сон «Тижорат банклари томонидан чет эл валютасидаги ҳисобварақларни юритиш тартибига ўзгартириш ва қўшимчалар киритиш тўғрисида»ги қарори (рўйхат рақами 511-10, 2018 йил 4 июнь) (Ўзбекистон Республикаси қонун ҳужжатлари тўплами, 2018 й., 23-сон, 477-модда).

19. Ўзбекистон Республикаси Марказий банки бошқарувининг 2018 йил 30 июндаги 22/8-сон «Тижорат банклари томонидан чет эл валютасидаги ҳисобварақларни юритиш тартибига ўзгартириш ва қўшимчалар киритиш тўғрисида»ги қарори (рўйхат рақами 511-11, 2018 йил 28 июль) (Ўзбекистон Республикаси қонун ҳужжатлари тўплами, 2018 й., 31-сон, 649-модда).

20. Ўзбекистон Республикаси Марказий банки бошқарувининг 2019 йил 16 февралдаги 3/6-сон «Тижорат банклари томонидан чет эл валютасидаги ҳисобварақларни юритиш тартибига ўзгартириш ва қўшимчалар киритиш тўғрисида»ги қарори (рўйхат рақами 511-12, 2019 йил 25 март) (Ўзбекистон Республикаси қонун ҳужжатлари тўплами, 2019 й., 13-сон, 245-модда).

21. Ўзбекистон Республикаси Марказий банки бошқарувининг 2008 йил 28 июндаги 15/1-сон «Ўзбекистон Республикаси банклари томонидан валютавий своп операцияларини амалга ошириш тартиби тўғрисидаги низомни тасдиқлаш ҳақида»ги қарори (рўйхат рақами 1839, 2008 йил 24 июль) (Ўзбекистон Республикаси қонун ҳужжатлари тўплами, 2008 й., 29-30-сон, 293-модда).

22. Ўзбекистон Республикаси Марказий банки бошқарувининг 2011 йил 21 майдаги 16/1-сон «Ўзбекистон Республикаси банклари томонидан валютавий своп операцияларини амалга ошириш тартиби тўғрисидаги низомга қўшимча киритиш ҳақида»ги қарори (рўйхат рақами 1839-1, 2011 йил 3 июнь) (Ўзбекистон Республикаси қонун ҳужжатлари тўплами, 2011 й., 22-23-сон, 242-модда).

23. Ўзбекистон Республикаси Марказий банки бошқарувининг 2018 йил 28 апрелдаги 16/6-сон «Ўзбекистон Республикаси банклари томонидан валютавий своп операцияларини амалга ошириш тартиби тўғрисидаги низомга ўзгартиришлар киритиш ҳақида»ги қарори (рўйхат рақами 1839-2, 2018 йил 4 июнь) (Ўзбекистон Республикаси қонун ҳужжатлари тўплами, 2018 й., 23-сон, 478-модда).

24. Ўзбекистон Республикаси Марказий банки бошқарувининг 2018 йил 28 апрелдаги 16/9-сон «Тижорат банкларида жисмоний шахслар билан валюта айирбошлаш операцияларини амалга ошириш тартиби тўғрисидаги низомни тасдиқлаш ҳақида»ги қарори (рўйхат рақами 3029, 2018 йил 29 июнь) (Ўзбекистон Республикаси қонун ҳужжатлари тўплами, 2018 й., 26-сон, 532-модда).

25. Ўзбекистон Республикаси Марказий банки бошқарувининг 2018 йил 10 ноябрдаги 35/3-сон «Тижорат банкларида жисмоний шахслар билан валюта айирбошлаш операцияларини амалга ошириш тартиби тўғрисидаги низомга ўзгартириш ва қўшимчалар киритиш ҳақида»ги қарори (рўйхат рақами 3029-1, 2018 йил 11 декабрь) (Ўзбекистон Республикаси қонун ҳужжатлари тўплами, 2018 й., 50-сон, 959-модда).

26. Ўзбекистон Республикаси Марказий банки бошқарувининг 2019 йил 20 июлдаги 16/3-сон «Тижорат банкларида жисмоний шахслар билан валюта айирбошлаш операцияларини амалга ошириш тартиби тўғрисидаги низомга ўзгартиришлар киритиш ҳақида»ги қарори (рўйхат рақами 3029-2, 2019 йил 6 август) (Ўзбекистон Республикаси қонун ҳужжатлари тўплами, 2019 й., 32-сон, 566-модда).

27. Ўзбекистон Республикаси Марказий банки бошқарувининг 2019 йил 24 августдаги 21/14-сон «Тижорат банкларида жисмоний шахслар билан валюта айирбошлаш операцияларини амалга ошириш тартиби тўғрисидаги низомга ўзгартириш ва қўшимчалар киритиш ҳақида»ги қарори (рўйхат рақами 3029-3, 2019 йил 17 октябрь) (Ўзбекистон Республикаси қонун ҳужжатлари тўплами, 2019 й., 42-сон, 808-модда).

Марказий банк раиси М. НУРМУРАТОВ

Тошкент ш.,

2020 йил 29 август,

18/5-сон

(Қонун ҳужжатлари маълумотлари миллий базаси, 31.08.2020 й., 10/20/3281/1242-сон; 26.03.2021 й., 10/21/3281-1/0237-сон; Қонунчилик маълумотлари миллий базаси, 28.07.2021 й., 10/21/3313/0724-сон; 09.02.2023 й., 10/23/3281-2/0082-сон; 21.12.2023 й., 10/23/3281-3/0952-сон; 01.04.2025 й., 10/25/3281-4/0295-сон; 23.04.2026 й., 10/26/3281-5/0408-сон; 17.07.2026 й., 10/26/3281-6/0744-сон)

lex.uz

Oʻzbekiston Respublikasi Markaziy banki boshqaruvining

Qarori

QOIDALARI

MAʼLUMOT

ROʻYXATI

Oʻzbekiston Respublikasida valyuta operatsiyalarini amalga oshirish qoidalarini tasdiqlash toʻgʻrisida

Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi va “ Valyutani tartibga solish toʻgʻrisida ”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasida valyuta operatsiyalarini amalga oshirish qoidalari 1-ilovaga muvofiq tasdiqlansin.

2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.

3. Mazkur qaror 2020-yil 1-sentabrdan kuchga kiradi.

Oʻzbekiston Respublikasi Markaziy banki boshqaruvining 2020-yil 29-avgustdagi 18/5-son qaroriga 1-ILOVA

Oʻzbekiston Respublikasida valyuta operatsiyalarini amalga oshirish

Mazkur Qoidalar Oʻzbekiston Respublikasida Oʻzbekiston Respublikasi rezidentlari (bundan buyon matnda rezidentlar deb yuritiladi) va norezidentlari (bundan buyon matnda norezidentlar deb yuritiladi) tomonidan valyuta operatsiyalarini amalga oshirish tartibini belgilaydi.

1-bob. Umumiy qoidalar

1. Mazkur Qoidalarda quyidagi asosiy tushunchalardan foydalaniladi:

valyuta hisobvaraqlari — Oʻzbekiston Respublikasi banklarida ochiladigan chet el valyutasidagi talab qilib olinguncha, jamgʻarma, muddatli va boshqa depozit hisobvaraqlar;

ichki valyuta bozori — valyuta birjasida, Oʻzbekiston Respublikasi banklari oʻrtasida hamda bevosita banklarda mijozlar bilan amalga oshiriladigan chet el valyutasini sotib olish va sotish;

ichki valyuta operatsiyalari — Oʻzbekiston Respublikasi hududida chet el valyutasida amalga oshiriladigan operatsiyalar.

2. Ichki valyuta operatsiyalariga quyidagilar kiradi:

bojsiz savdo doʻkonlaridagi hisob-kitoblar, shuningdek xalqaro tashishlarda transport vositalarining qatnov yoʻllarida yoʻlovchilarga tovarlarni realizatsiya qilish va xizmatlar koʻrsatish chogʻidagi hisob-kitoblar bilan bogʻliq operatsiyalar;

vositachilar (vakillar) tomonidan norezidentlar bilan tovarlarni topshirish, ishlarni bajarish, xizmatlar koʻrsatish, axborot va intellektual faoliyat natijalarini, ularga boʻlgan mutlaq huquqlarni berish boʻyicha shartnomalar tuzish hamda ularni bajarish bilan bogʻliq xizmatlar koʻrsatish chogʻida vositachilar (vakillar) va komitentlar (ishonch bildiruvchilar) oʻrtasidagi operatsiyalar, shu jumladan komitentlarga (ishonch bildiruvchilarga) pul summalarini (boshqa mol-mulkni) qaytarishga doir operatsiyalar;

tuzilgan shartnomalar asosida transport-ekspeditorlik xizmatlarini realizatsiya qilishdan ekspeditorlik kompaniyalarining hisobvaragʻiga xorijdan kelib tushayotgan chet el valyutasidagi mablagʻlarni hisob-kitob qilishni va oʻtkazishni nazarda tutuvchi operatsiyalar;

jismoniy shaxslarning Oʻzbekiston Respublikasi hududidan tashqariga xizmat safarlari amalga oshirilishi bilan bogʻliq xarajatlarini toʻlash va ularning oʻrnini qoplash boʻyicha operatsiyalar, shuningdek xizmat safarlari munosabati bilan berilgan, sarflanmay qolgan boʻnakni qaytarishga doir operatsiyalar;

jismoniy shaxs tomonidan Oʻzbekiston Respublikasi banklarida ochilgan hisobvaraqlardan boshqa jismoniy shaxslar foydasiga ularning Oʻzbekiston Respublikasi banklarida ochilgan hisobvaraqlariga nosavdo tusdagi pul oʻtkazmalari;

agar oxirgi xaridor yoki sotuvchi norezident boʻlsa, vositachilar (vakillar) tomonidan majburiyatlar kliring natijalari boʻyicha bajarilishi lozim boʻlgan shartnomalarni tuzish va bajarish bilan bogʻliq xizmatlarni koʻrsatish chogʻida vositachilar (vakillar) va komitentlar (ishonch bildiruvchilar) oʻrtasidagi operatsiyalar;

majburiyatlar bajarilishining taʼminoti sifatida valyuta qimmatliklaridan foydalanish, shuningdek ularni undirish bilan bogʻliq operatsiyalar;

yuridik shaxslarning ustav fondiga (ustav kapitaliga) valyuta qimmatliklarini kiritish va qaytarish bilan bogʻliq operatsiyalar;

bank xizmatlarini amalga oshirish bilan bogʻliq operatsiyalar;

xayriya faoliyati bilan bogʻliq operatsiyalar;

meros huquqi boʻyicha valyuta qimmatliklarini olish bilan bogʻliq operatsiyalar;

mazkur Qoidalarning 45-bandida belgilangan holatlarda naqd chet el valyutasini qabul qilish bilan bogʻliq operatsiyalar;

ichki valyuta bozorida chet el valyutasini sotib olish va sotish operatsiyalari;

norezident yuridik shaxsning Oʻzbekiston Respublikasidagi investitsion faoliyati natijasida olingan dividendlari, daromadlari va qonuniy yoʻl bilan topilgan boshqa mablagʻlarini ushbu norezident tomonidan Oʻzbekiston Respublikasida tashkil etilgan vakolatxona yoki doimiy muassasaga oʻtkazish operatsiyalari;

tovar-xom ashyo birjalarining ochiq elektron savdolarida norezidentlar tomonidan, shu jumladan birja brokerlari orqali tovarlarni sotish va sotib olish bilan bogʻliq oʻtkazmalar;

qimmatli qogʻozlar bozorining uyushgan savdolarida norezidentlar tomonidan, shu jumladan birja brokerlari va investitsiya vositachilari orqali aksiyalar va obligatsiyalarni (Oʻzbekiston Respublikasi Markaziy bankining obligatsiyalari bundan mustasno) sotish va sotib olish bilan bogʻliq oʻtkazmalar;

xorijiy davlatlarning diplomatik vakolatxonalariga konsullik yigʻimlarini toʻlash;

sudlarning qarorlari asosida pul mablagʻlarini toʻlash.

Ichki valyuta operatsiyalari rezidentlar va norezidentlar tomonidan ushbu Qoidalarga muvofiq cheklovlarsiz amalga oshiriladi.

3. Rezidentlar va norezidentlar tomonidan Oʻzbekiston Respublikasi banklarida hisobvaraqlarni ochish Bank hisobvaraqlarini ochish, yuritish va yopish tartibi toʻgʻrisidagi yoʻriqnomada (roʻyxat raqami 3420, 2023-yil 8-fevral) belgilangan tartibda amalga oshiriladi.

4. Oʻzbekiston Respublikasi banklari xorijiy banklar bilan tuzilgan shartnomalarga (kelishuvlarga, bitimlarga) asosan milliy va chet el valyutasida oʻzaro vakillik hisobvaraqlari ochishlari hamda ushbu hisobvaraqlardan shartnomada koʻrsatilgan maqsadlar doirasida foydalanishlari mumkin.

5. Xalqaro moliya institutlarining Oʻzbekiston Respublikasi banklarida ochilgan hisobvaraqlaridan tomonlar oʻrtasida tuzilgan shartnomalarda koʻrsatilgan maqsadlarda foydalaniladi.

6. Rezident yuridik shaxslarning nomiga kelib tushayotgan valyuta mablagʻlari, agar Oʻzbekiston Respublikasi Prezidentining yoki Oʻzbekiston Respublikasi Hukumatining qarorlarida yoxud Oʻzbekiston Respublikasining xalqaro shartnomalarida boshqacha tartib belgilanmagan boʻlsa, ularning Oʻzbekiston Respublikasi banklaridagi hisobvaraqlariga kiritilishi shart.

7. Norezidentlar Oʻzbekiston Respublikasi banklarida ochilgan milliy valyutadagi hisobvaraqlariga qonuniy yoʻl bilan topilgan mablagʻlari kiritiladi va ulardan mazkur Qoidalarga muvofiq mustaqil ravishda foydalanadilar.

8. Rezidentlar va norezidentlar Oʻzbekiston Respublikasi banklaridagi oʻz hisobvaraqlaridan mablagʻlarini Oʻzbekiston Respublikasining boshqa banklarida ochilgan oʻz hisobvaraqlariga cheklovlarsiz oʻtkazishlari mumkin.

9. Banklar tomonidan chet el valyutasini sotish va sotib olish operatsiyalari valyuta pozitsiyasiga nisbatan oʻrnatilgan limitlar doirasida amalga oshiriladi.

10. Oʻzbekiston Respublikasi Markaziy banki (bundan buyon matnda Markaziy bank deb yuritiladi) va banklar bevosita oʻzlari oʻrtasida, oʻz mijozlari bilan, shuningdek valyuta birjasi orqali valyutaviy svop va derivativ operatsiyalarini Xalqaro svoplar va derivativlar assotsiatsiyasining (International Swaps and Derivatives Assosiation — ISDA) bitimlarni tuzishning namunaviy shartlari va tavsiyalari asosida yoki valyuta birjasidagi savdolar boʻyicha birjaning ichki qoidalari asosida amalga oshiradilar.

Tashqi savdo operatsiyalari bilan bogʻliq xatarlarni xedjirlash maqsadida xorijiy moliya institutlari bilan 180 kundan ortiq boʻlmagan muddatga tuziladigan svop va derivativlar boʻyicha oʻzaro hisob-kitoblar Oʻzbekiston Respublikasi banklari orqali cheklovlarsiz amalga oshiriladi.

11. Kapital harakati operatsiyalari Kapital harakati bilan bogʻliq ayrim valyuta operatsiyalarini amalga oshirish tartibi toʻgʻrisida nizomda (roʻyxat raqami 2536, 2013-yil 17-dekabr) belgilangan tartibda amalga oshiriladi.

12. Banklar valyuta operatsiyalarini amalga oshirishda jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurollarini tarqatishni moliyalashtirishga qarshi kurashish toʻgʻrisidagi qonunchilik hujjatlariga toʻliq rioya etishlari lozim.

2-bob. Banklar tomonidan rezidentlarning chet el valyutasidagi hisobvaraqlarini yuritish

13. Rezident yuridik shaxslarning, shuningdek yakka tartibdagi tadbirkorlarning chet el valyutasidagi mablagʻlari Oʻzbekiston Respublikasi banklarida ochilgan valyuta hisobvaraqlarida saqlanadi va ular ushbu mablagʻlardan mazkur Qoidalarga muvofiq mustaqil ravishda foydalanadilar.

14. Rezident yuridik shaxslar tomonidan Oʻzbekiston Respublikasi hududidan tashqaridagi hisobvaraqlardan ushbu hisobvaraqlarni ochish uchun asos boʻlgan Oʻzbekiston Respublikasi Prezidentining yoki Oʻzbekiston Respublikasi Hukumatining qarorlarida yoxud Oʻzbekiston Respublikasining xalqaro shartnomalarida belgilangan maqsadlarda foydalanishga yoʻl qoʻyiladi.

Xorijiy davlatlarda hisobvaraqlar ochgan rezident yuridik shaxslar tomonidan har chorakda hisobot choragidan keyingi oyning 25 sanasiga qadar davlat roʻyxatidan oʻtgan joydagi davlat soliq xizmatiga hamda asosiy hisobvaragʻiga xizmat koʻrsatuvchi bankka hisobvaraqlar ochilganligi (yopilganligi) toʻgʻrisida va hisobvaraqlarning rekvizitlari oʻzgarganligi haqida, shuningdek ushbu hisobvaraqlardagi qoldiqlar va aylanmalar toʻgʻrisida maʼlumotlar ilovada keltirilgan shaklga muvofiq taqdim etiladi.

15. Rezident yuridik shaxslarning va yakka tartibdagi tadbirkorlarning valyuta hisobvaraqlariga ichki va xalqaro valyuta operatsiyalari boʻyicha chet el valyutasi kiritilishi mumkin.

Valyuta hisobvaraqlardagi mablagʻlardan hisobvaraq egasining topshirigʻiga koʻra:

ichki valyuta operatsiyalari uchun;

joriy xalqaro operatsiyalar uchun;

qonunchilik hujjatlarida belgilangan tartibda kapital harakati operatsiyalari uchun foydalanilishi mumkin.

16. Rezident jismoniy shaxslarning nomiga kelib tushayotgan valyuta mablagʻlari ularning hisobvaraqlariga cheklovlarsiz kiritiladi hamda ushbu mablagʻlardan mustaqil ravishda foydalaniladi.

3-bob. Banklar tomonidan norezidentlarning chet el valyutasidagi hisobvaraqlarini yuritish

17. Oʻzbekiston Respublikasida akkreditatsiya qilingan, immunitet va diplomatik imtiyozlardan foydalanadigan xorijiy davlatlarning diplomatik vakolatxonalari, xalqaro tashkilotlar va ularning filiallari, shuningdek xoʻjalik yoki boshqa tijorat faoliyatini amalga oshirmaydigan Oʻzbekiston Respublikasidagi boshqa xorijiy tashkilotlar vakolatxonalarining (bundan buyon matnda norezidentlarning vakolatxonalari deb yuritiladi) chet el valyutasidagi hisobvaraqlariga:

Oʻzbekiston Respublikasining hududida olingan konsullik yigʻimlari;

vakolatxona tashkil etgan norezidentning xorijdagi hisobvaragʻidan oʻtkazilgan mablagʻlar;

vakolatxona tashkil etgan norezidentning Oʻzbekiston Respublikasidagi investitsion faoliyati natijasida olingan dividendlari, daromadlari va qonuniy yoʻl bilan topilgan boshqa mablagʻlari;

ichki valyuta bozorida sotib olingan mablagʻlar;

yoʻlovchi bojxona deklaratsiyasi asosida xorijdan olib kelingan naqd chet el valyutasi, bundan deklaratsiya toʻldirish talab etilmaydigan holatlar mustasno;

xorijdan hisobvaraq egasi nomiga pochta joʻnatmalari orqali yuborilgan naqd chet el valyutasi kiritilishi mumkin.

Norezidentlar vakolatxonalarining chet el valyutasidagi hisobvaraqlardagi mablagʻlardan hisobvaraq egasining topshirigʻiga koʻra:

vakolatxona tashkil etgan norezidentning xorijdagi hisobvaragʻiga oʻtkazish uchun;

chet elga nosavdo tusdagi pul oʻtkazmalarini amalga oshirish uchun;

Oʻzbekiston Respublikasi hududidagi banklar orqali sotish uchun foydalanilishi mumkin.

18. Norezidentlar doimiy muassasalarining chet el valyutasidagi hisobvaraqlariga:

doimiy muassasa tashkil etgan norezidentning xorijdagi hisobvaragʻidan oʻtkazilgan mablagʻlar;

doimiy muassasa tashkil etgan norezidentning Oʻzbekiston Respublikasidagi investitsion faoliyati natijasida olingan dividendlari, daromadlari va qonuniy yoʻl bilan topilgan boshqa mablagʻlari;

ichki valyuta bozorida sotib olingan mablagʻlari;

joriy xalqaro operatsiyalariga oid oʻtkazmalar kiritilishi mumkin.

Norezidentlar doimiy muassasalarining chet el valyutasidagi hisobvaraqlaridagi mablagʻlardan hisobvaraq egasining topshirigʻiga koʻra:

doimiy muassasani tashkil etgan norezidentning xorijdagi hisobvaragʻiga oʻtkazish uchun;

ichki valyuta bozorida sotish uchun;

joriy xalqaro operatsiyalar uchun foydalanilishi mumkin.

19. Tovar-xom ashyo birjalarida tovarlarni va (yoki) qimmatli qogʻozlar bozorining uyushgan savdolarida aksiyalar va obligatsiyalarni (Markaziy bankning obligatsiyalari bundan mustasno) sotib olishni (sotishni) amalga oshiruvchi norezident yuridik shaxslarning chet el valyutasidagi hisobvaraqlariga:

ushbu savdolarda ishtirok etayotgan norezident yuridik shaxsning xorijdagi hisobvaragʻidan oʻtkazilgan mablagʻlar;

ichki valyuta bozorida sotib olingan mablagʻlar;

tovar-xom ashyo birjalarida tovarlarni va (yoki) qimmatli qogʻozlar bozorining uyushgan savdolarida aksiyalar va obligatsiyalarni (Markaziy bankning obligatsiyalari bundan mustasno) sotishdan tushgan mablagʻlar kiritilishi mumkin.

Tovar-xom ashyo birjalarida tovarlarni va (yoki) qimmatli qogʻozlar bozorining uyushgan savdolarida aksiyalar va obligatsiyalarni (Markaziy bankning obligatsiyalari bundan mustasno) sotib olishni (sotishni) amalga oshiruvchi norezident yuridik shaxslarning chet el valyutasidagi hisobvaraqlaridagi mablagʻlar hisobvaraq egasining topshirigʻiga koʻra:

ichki valyuta bozorida sotilishi;

tovar-xom ashyo birjalarida tovarlarni va (yoki) qimmatli qogʻozlar bozorining uyushgan savdolarida aksiyalar va obligatsiyalarni (Markaziy bankning obligatsiyalari bundan mustasno) sotib olish uchun foydalanilishi;

tovar-xom ashyo birjalarida tovarlarni va (yoki) qimmatli qogʻozlar bozorining uyushgan savdolarida ishtirok etayotgan norezident yuridik shaxsning xorijdagi hisobvaraqlariga oʻtkazilishi mumkin.

19 1 . Kripto-birja ishtirokchilari boʻlgan norezident yuridik shaxslarning chet el valyutasidagi hisobvaraqlariga ularning xorijdagi hisobvaraqlaridan oʻtkazilgan (Oʻzbekiston Respublikasi Markaziy banki tomonidan soʻmga nisbatan rasmiy kurslari belgilanadigan chet el valyutalarida) mablagʻlar hamda kripto-birjada kripto-aktivlarni sotishdan tushgan mablagʻlar kiritilishi mumkin.

Ushbu mablagʻlar kripto-aktivlarni sotib olish uchun kripto-birjaga hamda mazkur norezident yuridik shaxslarning xorijdagi (mablagʻlar kelib tushgan davlatdagi) oʻz hisobvaraqlariga oʻtkazilishi mumkin.

Kripto-birja ishtirokchilari boʻlgan norezident yuridik shaxslarning hisobvaragʻiga kelib tushgan mablagʻlardan boshqa maqsadlarda foydalanish mumkin emas.

Banklar, mazkur hisobvaraqlar orqali oʻtkaziladigan operatsiyalarni amalga oshirishda mavjud risklarni baholagan holda, ushbu operatsiyalar jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisidagi qonun hujjatlari talablari doirasida boʻlishini taʼminlaydi.

20. Norezident jismoniy shaxslarning chet el valyutasidagi hisobvaraqlariga:

yoʻlovchi bojxona deklaratsiyasi asosida (deklaratsiya toʻldirish talab etilmaydigan holatlar bundan mustasno) xorijdan olib kelingan naqd chet el valyutasi;

nosavdo tusdagi pul oʻtkazmalari;

ichki valyuta bozorida sotib olingan mablagʻlar;

qonuniyligini asoslantiruvchi hujjatlar asosida olingan mablagʻlar kiritilishi mumkin.

Norezident jismoniy shaxslarning chet el valyutasidagi hisobvaraqlaridagi mablagʻlardan hisobvaraq egasining topshirigʻiga koʻra:

nosavdo tusdagi pul oʻtkazmalari uchun;

ichki valyuta operatsiyalari uchun;

naqd chet el valyutasida yechib olish uchun;

xorijiy banklarda ochilgan oʻz hisobvaraqlariga oʻtkazish uchun foydalanilishi mumkin.

4-bob. Ichki valyuta bozorida xoʻjalik yurituvchi subyektlar tomonidan chet el valyutasini sotish va sotib olish operatsiyalarini amalga oshirish

21. Ichki valyuta bozorida quyidagi operatsiyalar amalga oshiriladi:

valyuta birjasida hamda Oʻzbekiston Respublikasi banklari oʻrtasida chet el valyutasini sotish va sotib olish;

banklar tomonidan oʻz mijozlarining valyuta mablagʻlarini shartnoma (oferta bitimi) asosida sotish va sotib olish;

banklar tomonidan jismoniy shaxslar bilan valyuta ayirboshlash operatsiyalarini amalga oshirish;

banklar tomonidan banklararo savdo sessiyasida valyuta mablagʻlarini sotib olish va sotish;

tovar-xom ashyo birjalarida tovarlarni va (yoki) qimmatli qogʻozlar bozorining uyushgan savdolarida aksiyalar va obligatsiyalarni (Markaziy bankning obligatsiyalari bundan mustasno) sotishdan olingan mablagʻlar hisobiga norezidentlar tomonidan, shu jumladan norezidentlar nomidan birja brokerlari va investitsiya vositachilari orqali valyuta mablagʻlarini sotib olish va sotish.

Ichki valyuta bozorida chet el valyutasining sotib olinishi va sotilishi rezidentlar va norezidentlar tomonidan joriy xalqaro operatsiyalar boʻyicha, shuningdek norezidentlarning toʻgʻridan-toʻgʻri investitsiyalari va daromadlarini repatriatsiya qilish maqsadlari uchun cheklovlarsiz amalga oshiriladi.

Banklarning oʻzaro va oʻz mijozlari bilan chet el valyutasini sotish va sotib olish, shu jumladan svop va derivativlar orqali amalga oshiriladigan operatsiyalari toʻgʻrisidagi maʼlumotlar Markaziy bankning “Valyuta operatsiyalari hisobini yuritish” axborot tizimi (FERUz)ga (bundan buyon matnda tizim deb yuritiladi) kiritiladi.

22. Oʻzbekiston Respublikasi budjet tizimi budjetlarining chet el valyutasidagi Yagona gʻazna hisobvaragʻidan foydalangan holda xizmat koʻrsatiladigan buyurtmachilar tomonidan chet el valyutasining sotib olinishi va sotilishi Oʻzbekiston Respublikasi Vazirlar Mahkamasining 2020-yil 23-maydagi 329-son qarori bilan tasdiqlangan Oʻzbekiston Respublikasi budjet tizimi budjetlari chet el valyutasidagi mablagʻlarining gʻazna ijrosi tartibi toʻgʻrisidagi nizom talablari asosida amalga oshiriladi.

23. Xoʻjalik yurituvchi subyektlar chet el valyutasini sotib olish yoki sotish uchun xizmat koʻrsatuvchi bankka buyurtma taqdim etadilar. Bunda buyurtma shakli bank boshqaruvi tomonidan tasdiqlanadi va unda quyidagi maʼlumotlar koʻrsatilishi shart:

mijoz nomi;

valyuta turi va summasi;

sotib olish yoki sotish kursi.

Chet el valyutasini sotib olish uchun taqdim etiladigan buyurtmalarda qoʻshimcha ravishda quyidagi maʼlumotlar ham koʻrsatiladi:

chet el valyutasini sotib olish maqsadi;

valyuta operatsiyalarini asoslovchi hujjatlar.

Oʻzbekiston Respublikasi Prezidentining “Kapital bozorida investitsiya muhitini yaxshilashga doir qoʻshimcha chora-tadbirlar toʻgʻrisida” 2025-yil 18-dekabrdagi PF-254-son Farmoniga muvofiq:

xoʻjalik yurituvchi subyektlar tomonidan nominal qiymati chet el valyutasida ifodalangan qimmatli qogʻozlar boʻyicha daromadlarni toʻlash va majburiyatlarni bajarish uchun zarur hajmdagi chet el valyutasini sotib olish qimmatli qogʻozlar bozorini tartibga solish boʻyicha vakolatli davlat organi tomonidan roʻyxatdan oʻtkazilgan qimmatli qogʻozlarni chiqarish hujjatining nusxasi asosida;

chet ellik investor tomonidan fond birjasida qimmatli qogʻozlarni sotishdan olingan chet el valyutasidagi mablagʻlarni, shuningdek, dividendlar, foizlar (kuponlar), obligatsiyalarni soʻndirish yoki qimmatli qogʻozlardan olingan boshqa daromadlarni repatriatsiya qilish uchun zarur hajmdagi chet el valyutasini sotib olish chet ellik investorning tegishli murojaati asosida amalga oshiriladi.

Xoʻjalik yurituvchi subyektlar tomonidan chet el valyutasini sotib olish yoki sotish uchun buyurtmalar xizmat koʻrsatuvchi banklarga masofaviy xizmat koʻrsatish tizimlari orqali elektron koʻrinishda ham taqdim qilinishi mumkin.

Buyurtmada qayd etilgan maʼlumotlarning haqqoniyligi yuzasidan javobgarlik mazkur buyurtmani taqdim etgan xoʻjalik yurituvchi subyekt zimmasiga yuklatiladi.

Chet el valyutasidagi kredit va lizinglarga xizmat koʻrsatish, xorijiy investorlar foydasi, dividend va boshqa daromadlarni repatriatsiya qilish maqsadida chet el valyutasini sotib olishda, xizmat koʻrsatuvchi banklar ushbu operatsiyalarning haqqoniyligini tasdiqlovchi qoʻshimcha hujjatlarni talab qilishga haqlidir.

24. Xoʻjalik yurituvchi subyektlar tomonidan chet el valyutasini sotib olish uchun taqdim etilgan buyurtmani koʻrib chiqish xizmat koʻrsatuvchi banklarning tegishli tarkibiy boʻlinmasi (bundan buyon matnda tarkibiy boʻlinma deb yuritiladi) tomonidan amalga oshiriladi.

Bunda, chet el valyutasini sotib olish uchun taqdim etilgan buyurtma mazkur Qoidalarning 23-bandiga muvofiq rasmiylashtirilmaganligi aniqlangan taqdirda, mijoz tomonidan buyurtmaga texnik tuzatish kiritilishi mumkin.

Chet el valyutasini sotib olish uchun taqdim etilgan buyurtmalar tarkibiy boʻlinma tomonidan qabul qilingan kundan keyingi bank ish kunidan kechiktirmasdan koʻrib chiqiladi hamda natijasi boʻyicha buyurtmani qanoatlantirish yoki uni asoslantirilgan holda rad etish toʻgʻrisida xulosa tayyorlanadi.

Tarkibiy boʻlinma faoliyatini nazorat qilish hamda buyurtmani koʻrib chiqish natijasi boʻyicha tayyorlangan xulosani tasdiqlash bank boshqaruvi raisining tegishli oʻrinbosari tomonidan amalga oshiriladi.

Buyurtma boʻyicha xulosalarning qonuniyligi uchun uni tasdiqlagan bank boshqaruvi raisining tegishli oʻrinbosari javobgar hisoblanadi.

25. Chet el valyutasini sotib olish yoki sotish uchun tomonlar kelishuviga koʻra bir martalik bosh shartnoma yoki har bir operatsiya boʻyicha alohida shartnomalar rasmiylashtirilishi mumkin. Bunda shartnomalar xizmat koʻrsatuvchi banklarning tegishli dasturiy taʼminot vositasi orqali elektron shaklda ham tuzilishi mumkin.

26. Xizmat koʻrsatuvchi banklar tomonidan ichki valyuta bozorida sotib olingan chet el valyutasini kirim qilish uchun mijoz nomiga maxsus hisobvaraqlar ochiladi.

Maxsus valyuta hisobvaragʻiga mijoz tomonidan sotib olingan, shuningdek, ushbu hisobvaraqdan ilgari chiqarilib, foydalanilmagan yoki boshqa sabablarga koʻra qaytarilgan chet-el valyutasi ham kirim qilinadi.

27. Qanoatlantirish toʻgʻrisida xulosa tasdiqlangan buyurtmalar boʻyicha bank va mijozlar oʻrtasidagi barcha hisob-kitoblar keyingi bank ish kunidan kechiktirilmagan holda amalga oshiriladi.

Belgilangan vaqtda hisob-kitoblar yakunlanmagan boʻlsa, kelishuv bekor qilingan hisoblanadi.

28. Maxsus valyuta hisobvaraqlariga kiritilgan mablagʻlar qatʼiy ravishda buyurtmalarda koʻrsatilgan maqsadlar uchun sarflanadi.

Bunda, maxsus valyuta hisobvaragʻiga kiritilgan mablagʻlardan foydalanish maqsadi mijoz tomonidan bankka taqdim etiladigan qoʻshimcha buyurtma asosida boshqa joriy xalqaro valyuta operatsiyasini amalga oshirish uchun oʻzgartirilishi mumkin.

29. Bank mijozi tomonidan sotib olingan (shu jumladan foydalanilmagan yoki qaytarilgan) valyuta mablagʻlari mijozning maxsus valyuta hisobvaragʻiga kiritilgan vaqtdan eʼtiboran yetti bank ish kuni mobaynida foydalanilishi yoki ushbu muddat tugagandan keyingi bank ish kunidan kechiktirilmagan holda bankka qayta sotilishi shart.

Chet el valyutasining qayta sotilishi sotuv kunidagi talab va taklif asosida shakllanadigan bozor kursida akseptsiz ravishda amalga oshiriladi.

30. Ichki valyuta bozorida chet el valyutasini sotib olish va sotish operatsiyalari chet el valyutasiga boʻlgan talab va taklif asosda shakllanadigan valyuta kursi boʻyicha amalga oshiriladi.

31. Birja savdolarining tashkil qilinishi va oʻtkazilishi valyuta birjasining ichki qoidalariga asosan amalga oshiriladi.

5-bob. Jismoniy shaxslar bilan valyuta ayirboshlash operatsiyalarini amalga oshirish tartibi

32. Banklar tomonidan jismoniy shaxslar bilan valyuta ayirboshlash operatsiyalari cheklovlarsiz amalga oshiriladi.

Norezident jismoniy shaxslarga chet el valyutasini sotish ular tomonidan respublika hududida milliy valyuta mablagʻlarining qonuniy manbalardan olinganligini tasdiqlovchi hujjatlar taqdim etilganda amalga oshiriladi. Bunda operatsiya summasi taqdim etilgan hujjatlarda koʻrsatilgan summa miqdoridan oshmasligi lozim.

33. Banklar jismoniy shaxslar bilan valyuta ayirboshlash operatsiyalarini amalga oshirishda tizimdan foydalanadilar.

Tizimdan foydalanish uchun banklar valyuta ayirboshlash operatsiyalarini amalga oshiruvchi chakana amaliyotlar kassalari, bank xizmatlari ofislari, banklarning tegishli tarkibiy boʻlinmalari hamda valyuta ayirboshlash shoxobchalarining joylashgan joyi (pochta manzili) koʻrsatilgan holda Markaziy bankning tegishli hududiy Bosh boshqarmasiga maʼlumot taqdim etadi.

Markaziy bankning tegishli hududiy Bosh boshqarmasi besh bank ish kuni mobaynida banklar tomonidan taqdim etilgan maʼlumotlar asosida valyuta ayirboshlash operatsiyalarini amalga oshiruvchi chakana amaliyotlar kassalari, bank xizmatlari ofislari, banklarning tegishli tarkibiy boʻlimlari hamda valyuta ayirboshlash shoxobchalarini roʻyxatga oladi va tizimga kiritish uchun tegishli maʼlumotni Markaziy bankka taqdim etadi.

Bunda, Markaziy bankning hududiy Bosh boshqarmalari tomonidan taqdim etilgan maʼlumotlar besh bank ish kuni mobaynida Markaziy bank tomonidan tizimga kiritiladi.

Jismoniy shaxslar tomonidan valyuta ayirboshlash operatsiyalari avtomatlashtirilgan bank shoxobchalari (bankomatlar) orqali amalga oshirilganda tizimdan foydalanish talab etilmaydi.

34. Chet el valyutasini sotib olish va sotish kurslari banklar tomonidan chet el valyutasiga boʻlgan talab va taklifni hisobga olgan holda mustaqil ravishda belgilanadi va ushbu kurslarga banklar tomonidan operatsion kun davomida oʻzgartirish kiritilishi mumkin.

35. Banklarda jismoniy shaxslar bilan barcha turdagi valyuta ayirboshlash operatsiyalari amalga oshiriladi.

Banklar tomonidan shikastlanish belgilari mavjud muomalaga yaroqli banknotalar bilan valyuta ayirboshlash operatsiyalarini amalga oshirish, shuningdek muomalaga yaroqsiz banknotalarni inkassoga qabul qilishni rad etishga yoʻl qoʻyilmaydi.

36. Emitent-davlat tomonidan banknotaga nisbatan oʻrnatilgan talablarga javob beradigan asosiy belgilarga (emitent bank nomi, seriya va tartib raqami, valyuta nominalining raqamlar va soʻz bilan koʻrsatilishi, old va orqa tomonining asosiy tasviri (surati, portreti), qalbakilashtirilishidan himoya qiluvchi elementlari (suv belgisi, magnitli belgilar, qogʻozga kiritilgan rangli tolalar, jumladan ultrabinafsha nurlarda koʻrinadigan tolalar, konfetti (rangli qogʻoz tangachalar), himoya iplari, mikromatn, nur sochuvchi rasmlar va boshqalar) ega boʻlgan banknota qonuniy toʻlov vositasi hisoblanadi.

37. Quyidagi shikastlanish belgilari mavjud boʻlgan banknotalar muomalaga yaroqli qonuniy toʻlov vositasi hisoblanadi:

banknota tasvirini (shaklini) aniqlash imkonini beradigan darajada siyqalangan va ifloslangan boʻlsa (siyqalanish banknotaning haqiqiyligini aniqlashga xalaqit bermaydigan va asosiy belgilaridan birining 50 foizidan ortigʻini toʻsib qoʻymagan holatlar bundan mustasno);

banknota enining (boʻyining) toʻrtdan bir qismidan oshmagan yopishtirilgan yirtiqlarga ega boʻlsa;

yopishtirib qoʻyilgan burchaklari yoki qismlari (1 sm 2 dan oshmagan) boʻlsa hamda yirtib olingan burchaklari yoki qismlar aniq ushbu banknotaga tegishli boʻlsa;

mayda dogʻlar, yozuvlar, shtamp izi boʻlganda (bunda yozuv yoki shtamp izi ikki donadan ortiq boʻlsa, banknota tugatilganligi, soxtaligi yoki namunaviyligini tasdiqlovchi shtamplar bundan mustasno) hamda ular banknotaning haqiqiyligini aniqlashga xalaqit bermaydigan asosiy belgilaridan birining 50 foizidan ortigʻini toʻsib qoʻymagan boʻlsa;

banknotada diametri 1 mm dan oshmagan va ikkitadan ortiq teshiklar boʻlsa, bunda teshiklar banknotaning haqiqiyligini aniqlashga xalaqit bermaydigan va asosiy belgilaridan birining 50 foizidan ortigʻini toʻsib qoʻymagan boʻlishi kerak.

38. Mazkur Qoidalarning 37-bandida koʻrsatilgan meʼyorlardan ortiq boʻlgan va quyidagi shikastlanish belgilari mavjud boʻlgan banknotalar muomalaga yaroqsiz hisoblanadi:

boʻlaklarga ajratilgan, shu jumladan yopishtirilgan boʻlsa;

dastlabki rangi oʻzgargan yoki rangi oʻchgan boʻlsa;

yongan yoki kuygan holatda boʻlsa;

qonuniy toʻlov vositasi ekanligini koʻrsatuvchi asosiy belgilaridan birining 50 foizidan ortiq qismiga moy, boʻyoq yoki siyoh toʻkilgan boʻlsa;

banknotada kimyoviy reaktivlar taʼsiri boʻlsa;

muayyan darajada qasddan shikastlangan holda tasvir (surat, portret) oʻzgartirilganda, nominali oʻzgartirilgan, himoya ipchalari olib tashlangan, katta hajmdagi yozuvlar boʻlsa;

banknotlar aniq bosma xatoga ega boʻlgan (suv belgisi yoki himoya ipchalarining yoʻqligi yoki notoʻgʻri joylashganligi), tasvirlari toʻliq bosilmagan yoki surkalib ketgan boʻlsa;

banknota geometrik oʻlchamining 3 mm ga teng yoki undan ortiqqa oʻzgargan boʻlsa;

banknota tasvirini (suratini, portretini, shaklini) aniqlash imkonini bermaydigan darajada sezilarli siyqalangan va ifloslangan boʻlsa;

oʻzining qattiqlik darajasini sezilarli darajada yoʻqotib, yumshoq holga kelgan banknotlar.

Tegishli xorijiy davlatning emitent banki tomonidan eʼlon qilingan sanadan keyin muomaladan chiqarilgan hamda banknota tugatilganligi, soxtaligi yoki namunaviyligini tasdiqlovchi shtamplar mavjud boʻlgan banknotalar toʻlovga yaroqsiz deb eʼtirof etiladi.

39. Tegishli xorijiy davlatning emitent banki tomonidan eʼlon qilingan sanadan keyin muomaladan chiqarilgan hamda banknota tugatilganligi, soxtaligi yoki namunaviyligini tasdiqlovchi shtamplar mavjud boʻlgan banknotalar bilan valyuta ayirboshlash operatsiyalari amalga oshirilmaydi.

Banklar tomonidan mazkur Qoidalarning 37 va 38-bandlarida koʻrsatilgan shikastlanish belgilari mavjud boʻlgan banknotalarning qayta muomalaga chiqarilishiga yoʻl qoʻyilmaydi.

40. Jismoniy shaxslar bankning masofaviy xizmat koʻrsatish tizimlaridan foydalangan holda chet el valyutasini sotishi, sotib olishi va qonunchilik hujjatlariga muvofiq boshqa operatsiyalarni amalga oshirishlari mumkin. Buning uchun jismoniy shaxslar masofaviy xizmat koʻrsatish tizimini kompyuter qurilmasiga (shu jumladan, planshet, mobil telefon va boshqa qurilmalarga) yuklab oladi hamda undan foydalanish shartlari bilan bogʻliq ofertani akseptlaydi.

41. Valyuta ayirboshlash shoxobchalarini ochish va yopish, xavfsizlik talablari, shuningdek ayirboshlash operatsiyalarida qimmatliklar bilan ishlash Tijorat banklarida kassa ishini tashkil etish, naqd pul va boshqa qimmatliklarni inkassatsiya qilishga doir yoʻriqnomada (roʻyxat raqami 3028, 2018-yil 29-iyun) belgilangan tartibda amalga oshiriladi.

42. Valyuta ayirboshlash operatsiyalarini amalga oshiruvchi bank xodimlariga quyidagilar taqiqlanadi:

valyuta ayirboshlash operatsiyalarini sirtdan amalga oshirish;

tegishli maʼlumotnoma bermasdan valyuta ayirboshlash operatsiyalarini bajarish yoki valyuta ayirboshlash operatsiyasini bajarmasdan tegishli maʼlumotnomalarni berish.

43. Valyuta ayirboshlash operatsiyalarini rasmiylashtirishda foydalaniladigan blanklar shakli, shuningdek shoxobcha xodimlari soni banklar tomonidan mustaqil belgilanadi.

Valyuta ayirboshlash operatsiyalarini amalga oshiruvchi tarikibiy tuzilmalarning qonunchilik hujjatlari talablariga muvofiq faoliyat yuritishi bank tomonidan doimiy ravishda monitoring qilib boriladi.

6-bob. Oʻzbekiston Respublikasi hududida naqd chet el valyutasida operatsiyalarni amalga oshirish tartibi

44. Oʻzbekiston Respublikasi hududida bank kassalariga AQSH dollari, ingliz funt sterlingi, Yevro, shveysariya franki, yapon iyenasi hamda banklarning ixtiyoriga koʻra boshqa chet el valyutalari qabul qilinishi mumkin.

45. Oʻzbekiston Respublikasi hududida naqd chet el valyutasi banklar kassalariga quyidagi holatlarda qabul qilinishi mumkin:

konsullik yigʻimlarini toʻlash uchun;

xorijda oʻtkazilgan koʻrgazma va yarmarkalarda sotilgan tovarlar uchun;

bojsiz savdo doʻkonlaridagi hisob-kitoblar, shuningdek xalqaro tashishlarda transport vositalarining qatnov yoʻllarida yoʻlovchilarga tovarlarni realizatsiya qilish va xizmatlar koʻrsatish chogʻidagi hisob-kitoblar bilan bogʻliq operatsiyalar uchun;

xorijiy xizmat safari xarajatlari uchun olingan boʻnaklarning qaytarilishida;

bank xizmatlarini amalga oshirish bilan bogʻliq operatsiyalar uchun;

yuridik shaxslarning ustav fondiga (ustav kapitaliga) mablagʻlarni kiritish uchun;

xayriya faoliyati bilan bogʻliq operatsiyalar uchun;

eksport qilinadigan tovarlar (ishlar, xizmatlar) uchun;

norezident jismoniy shaxs tomonidan tashqi savdo shartnomasi boʻyicha debitor qarzdorliklarni soʻndirish uchun;

norezidentlarning vakolatxonalari nomiga xorijdan olib kelingan yoki pochta joʻnatmalari orqali yuborilgan naqd chet el valyutasi;

milliy tashuvchilar (rezidentlar) tomonidan Oʻzbekiston Respublikasidan tashqarida transport ekspeditsiyasi (yuklarni tashish) shartnomalari boʻyicha xalqaro tovar-transport yuk xati asosida norezidentlardan olingan naqd chet el valyutasi.

46. Mazkur Qoidalarning 45-bandi oltinchi — oʻn ikkinchi xatboshilarida nazarda tutilgan hollarda norezident jismoniy shaxs tomonidan quyidagi hujjatlardan biri taqdim etilganda naqd chet el valyutasi bank tomonidan qabul qilinadi:

norezident jismoniy shaxs tomonidan naqd chet el valyutasi xorijdan olib kelganligini tasdiqlovchi yoʻlovchi bojxona deklaratsiyasi, tegishli ishonchnoma asosida;

norezident jismoniy shaxs nomiga uning Oʻzbekiston Respublikasi banklarida ochilgan hisobvaraqlariga chet eldan kelib tushgan mablagʻlarning yechilganligini tasdiqlovchi bank maʼlumotnomalari.

Mazkur Qoidalarning 45-bandi oltinchi — sakkizinchi xatboshilarida nazarda tutilgan hollarda naqd chet el valyutasi norezident jismoniy shaxs tomonidan mablagʻlarning qonuniy yoʻl bilan topilganligini tasdiqlovchi boshqa hujjatlar asosida ham bank tomonidan qabul qilinishi mumkin.

Norezidentlardan bank kassasiga qabul qilingan valyuta mablagʻlarining summasi yoʻlovchi bojxona deklaratsiyasida koʻrsatiladi hamda bank shtampi bilan tasdiqlanadi. Mazkur yoʻlovchi bojxona deklaratsiyasining nusxasi kunlik hujjatlar yigʻmajildiga tikib qoʻyiladi.

Naqd chet el valyutasi norezident tomonidan berilgan ishonchnoma asosida rezident jismoniy shaxslardan qabul qilinganda, pul mablagʻlari ushbu rezident jismoniy shaxs tomonidan xorijdan olib kelinganligini tasdiqlovchi yoʻlovchi bojxona deklaratsiyasi taqdim etilishi lozim.

Qonunchilik hujjatlariga muvofiq naqd chet el valyutasini xorijdan olib kirishda yoʻlovchi bojxona deklaratsiyasi toʻldirilishi talab etilmaydigan miqdordagi valyuta mablagʻlari bank kassalariga topshirilganda asoslantiruvchi hujjat talab etilmaydi.

46 1 . Oʻzbekiston Respublikasi hududida naqd chet el valyutasi mijozlarning hisobvaraqlaridan bank kassalari orqali quyidagi holatlarda berilishi mumkin:

jismoniy shaxslarga — hisobvaraqlaridagi mablagʻlari doirasida cheklovlarsiz;

yuridik shaxslarga — ularning ustav fondiga (ustav kapitaliga) jismoniy shaxslar tomonidan ilgari kiritilgan valyuta mablagʻlarini qaytarish hamda xodimlarni Oʻzbekiston Respublikasi hududidan tashqariga xizmat safariga yuborish bilan bogʻliq operatsiyalar uchun;

norezidentlarning vakolatxonalari, filiallari va doimiy muassasalariga — xodimlarni Oʻzbekiston Respublikasi hududidan tashqariga xizmat safariga yuborish bilan bogʻliq operatsiyalar uchun;

xorijiy davlatlarning diplomatik vakolatxonalariga — banklarga taqdim etiladigan rasmiy xat asosida aniq koʻrsatilgan boshqa maqsadlar uchun;

qonunchilik hujjatlarida belgilangan tartibda chet el fuqarolariga — qoʻshilgan qiymat soligʻini naqd pulda qaytarish uchun.

7-bob. Banklar tomonidan naqd valyuta mablagʻlarini Oʻzbekiston Respublikasi hududidan olib chiqish va olib kirish

47. Banklar tomonidan naqd valyuta mablagʻlarini Oʻzbekiston Respublikasi hududiga olib kirish Oʻzbekiston Respublikasi Markaziy bankini xabardor qilish tartibida amalga oshiriladi.

Naqd valyuta mablagʻlarining Oʻzbekiston Respublikasi hududiga olib kirilganligi toʻgʻrisidagi xabarnomalar banklar tomonidan uch kun muddat davomida Markaziy bankka taqdim etilishi lozim.

47 1 . Banklar tomonidan naqd valyuta mablagʻlarini Oʻzbekiston Respublikasi hududidan olib chiqish Markaziy bankning ruxsati asosida amalga oshiriladi.

48. Markaziy bankning ruxsatini olish uchun banklar Oʻzbekiston Respublikasidan olib chiqishga moʻljallangan valyutaning turi, uning summasi, valyuta mablagʻlari qaysi davlatga olib chiqilishi, xorijiy bankning nomi, naqd valyuta mablagʻlarini olib chiqish maqsadlari koʻrsatilgan arizani Markaziy bankka taqdim etadi.

49. Banklarning naqd valyuta mablagʻlarini olib chiqish uchun murojaati Markaziy bank tomonidan uch bank ish kunidan oshmagan muddatda koʻrib chiqiladi. Koʻrib chiqish natijalari boʻyicha banklarga naqd valyuta mablagʻlarini Oʻzbekiston Respublikasidan olib chiqish uchun ruxsat beriladi.

Banklarga naqd valyuta mablagʻlarini Oʻzbekiston Respublikasidan olib chiqish uchun ruxsat berishni rad qilish faqat banklarning murojaati mazkur Qoidalarning 48-bandida belgilangan talablarga muvofiq boʻlmaganda amalga oshiriladi.

8-bob. Yakuniy qoida

50. Mazkur Qoidalar talablarining buzilishida aybdor shaxslar qonunchilik hujjatlarida belgilangan tartibda javobgar boʻladi.

Oʻzbekiston Respublikasida valyuta operatsiyalarini amalga oshirish qoidalariga ILOVA

Rezident yuridik shaxslarning Oʻzbekiston Respublikasi hududidan tashqarida ochilgan bank hisobvaraqlari hamda ularning harakati toʻgʻrisida

T/r Mijoz nomi Soliq toʻlovchining identifikatsiya raqami (STIR) Chet eldagi bank nomi Bank identifikatsiyasi kodi (BIK) yoki CODE (SWIFT) Chel eldagi bank joylashgan mamlakat kodi Chet eldagi bank joylashgan mamlakat nomi Chet eldagi bankning toʻliq manzili 1 2 3 4 5 6 7 8

Jadvalning davomi T/r Mijoz nomi Chet eldagi bankda ochilgan hisobvaraq Chet eldagi bankda ochilgan hisobvaraq valyuta kodi Chet el bankida hisobvaraq ochilgan sana Chet elda hisbvaraq ochish uchun asos boʻluvchi hujjat Chet el bankida hisobvaraq yopilgan sana Hisobvaraq holati belgisi 9 10 11 12 13 14

Jadvalning davomi T/r Mijoz nomi Hisobot davri boshiga hisobvaraqdagi qoldiq summa Davr (oy) Chet el bank hisobvaragʻiga kelib tushgan pul mablagʻlari Chet el bank hisobvaragʻidan pul mablagʻlari oʻtkazmasi Hisobot davri oxiriga hisobvaraqdagi qoldiq summa summa toʻlovchining davlati toʻlov maqsadi summa qabul qiluvchining davlati toʻlov maqsadi 15 16 17 18 19 20 21 22 23

Oʻzbekiston Respublikasi Markaziy banki boshqaruvining 2020-yil 29 avgusidagi 18/5-son qaroriga 2-ILOVA

Oʻz kuchini yoʻqotgan deb topilayotgan normativ-huquqiy hujjatlar

1. Oʻzbekiston Respublikasi Markaziy banki boshqaruvi tomonidan 1998-yil 5-sentabrda 231-son bilan tasdiqlangan Tijorat banklari tomonidan norezidentlarning Oʻzbekiston Respublikasi milliy valyutasidagi hisobvaraqlarini yuritish tartibi (roʻyxat raqami 510, 1998-yil 22-oktabr).

2. Oʻzbekiston Respublikasi Markaziy banki boshqaruvining 2004-yil 21-fevraldagi 231-1 son “Vakolatli banklar tomonidan norezidentlarning Oʻzbekiston Respublikasi milliy valyutasidagi hisobvaraqlarini yuritish tartibiga oʻzgartirish va qoʻshimchalar kiritish haqida”gi qarori (roʻyxat raqami 510-1, 2004-yil 29-mart) (Oʻzbekiston Respublikasi qonun hujjatlari toʻplami, 2004-y., 13-son, 160-modda).

3. Oʻzbekiston Respublikasi Markaziy banki boshqaruvining 2009-yil 26-dekabrdagi 38/11-son “Vakolatli banklar tomonidan norezidentlarning Oʻzbekiston Respublikasi milliy valyutasidagi hisobvaraqlarini yuritish tartibiga oʻzgartirish va qoʻshimcha kiritish toʻgʻrisida”gi qarori (roʻyxat raqami 510-2, 2010-yil 4-fevral) (Oʻzbekiston Respublikasi qonun hujjatlari toʻplami, 2010-y., 5-son, 47-modda).

4. Oʻzbekiston Respublikasi Markaziy banki boshqaruvining 2011-yil 26-noyabrdagi 35/3-son “Vakolatli banklar tomonidan norezidentlarning Oʻzbekiston Respublikasi milliy valyutasidagi hisobvaraqlarini yuritish tartibiga oʻzgartirish kiritish haqida”gi qarori (roʻyxat raqami 510-3, 2011-yil 22-dekabr) (Oʻzbekiston Respublikasi qonun hujjatlari toʻplami, 2011-y., 51-son, 553-modda).

5. Oʻzbekiston Respublikasi Markaziy banki boshqaruvining 2018-yil 30-iyundagi 22/7-son “Vakolatli banklar tomonidan norezidentlarning Oʻzbekiston Respublikasi milliy valyutasidagi hisobvaraqlarni yuritish tartibiga oʻzgartirish va qoʻshimchalar kiritish toʻgʻrisida”gi qarori (roʻyxat raqami 510-4, 2018-yil 28-iyul) (Oʻzbekiston Respublikasi qonun hujjatlari toʻplami, 2018-y., 31-son, 648-modda).

6. Oʻzbekiston Respublikasi Markaziy banki boshqaruvining 2019-yil 16-fevraldagi 3/7-son “Tijorat banklari tomonidan norezidentlarning Oʻzbekiston Respublikasi milliy valyutasidagi hisobvaraqlarini yuritish tartibiga oʻzgartirish va qoʻshimchalar kiritish toʻgʻrisida”gi qarori (roʻyxat raqami 510-5, 2019-yil 25-mart) (Oʻzbekiston Respublikasi qonun hujjatlari toʻplami, 2019-y., 13-son, 244-modda).

7. Oʻzbekiston Respublikasi Markaziy banki boshqaruvining 2019-yil 20-iyuldagi 16/6-son “Tijorat banklari tomonidan norezidentlarning Oʻzbekiston Respublikasi milliy valyutasidagi hisobvaraqlarini yuritish tartibiga oʻzgartirishlar va qoʻshimcha kiritish toʻgʻrisida”gi qarori (roʻyxat raqami 510-6, 2019-yil 23-avgust) (Oʻzbekiston Respublikasi qonun hujjatlari toʻplami, 2019-y., 34-son, 616-modda).

8. Oʻzbekiston Respublikasi Markaziy banki boshqaruvi tomonidan 1998-yil 5-sentabrda 232-son bilan tasdiqlangan Tijorat banklari tomonidan xorijiy valyutadagi hisobvaraqlarni yuritish tartibi (roʻyxat raqami 511, 1998-yil 22-oktabr).

9. Oʻzbekiston Respublikasi Markaziy banki boshqaruvi tomonidan 1999-yil 20-fevralda 232-1-son bilan tasdiqlangan Vakolatli banklarda chet el valyutasidagi hisobvaraqlarni yuritish tartibiga 1-sonli oʻzgartirish (roʻyxat raqami 511-1, 1999-yil 1-mart).

10. Oʻzbekiston Respublikasi Markaziy banki boshqaruvining 2003-yil 1-martdagi 232-2-son “Vakolatli banklar tomonidan chet el valyutasidagi hisobvaraqlarni yuritish tartibiga oʻzgartirish kiritish haqida”gi qarori (roʻyxat raqami 511-2, 2003-yil 27-mart) (Oʻzbekiston Respublikasi vazirliklari, davlat qoʻmitalari va idoralarining normativ hujjatlari axborotnomasi, 2003-y., 5-6-son).

11. Oʻzbekiston Respublikasi Markaziy banki boshqaruvining 2003-yil 31-iyuldagi 232-3-son “Vakolatli banklar tomonidan chet el valyutasidagi hisobvaraqlarni yuritish tartibiga oʻzgartirish va qoʻshimchalar kiritish haqida”gi qarori (roʻyxat raqami 511-3, 2003-yil 12-avgust) (Oʻzbekiston Respublikasi vazirliklari, davlat qoʻmitalari va idoralarining normativ hujjatlari axborotnomasi, 2003-y., 15-son).

12. Oʻzbekiston Respublikasi Markaziy banki boshqaruvining 2004-yil 21-fevraldagi 232-4-son “Vakolatli banklar tomonidan chet el valyutasidagi hisobvaraqlarni yuritish tartibiga oʻzgartirish va qoʻshimchalar kiritish haqida”gi qarori (roʻyxat raqami 511-4, 2004-yil 30-mart) (Oʻzbekiston Respublikasi qonun hujjatlari toʻplami, 2004-y., 13-son, 165-modda).

13. Oʻzbekiston Respublikasi Markaziy banki boshqaruvining 2009-yil 26-dekabrdagi 38/12-son “Vakolatli banklarda chet el valyutasidagi hisobvaraqlarning yuritilishi tartibiga oʻzgartirish va qoʻshimcha kiritish toʻgʻrisida”gi qarori (roʻyxat raqami 511-5, 2010-yil 4-fevral) (Oʻzbekiston Respublikasi qonun hujjatlari toʻplami, 2010-y., 5-son, 48-modda).

14. Oʻzbekiston Respublikasi Markaziy banki boshqaruvining 2011-yil 26-noyabrdagi 35/2-son “Vakolatli banklar tomonidan chet el valyutasidagi hisobvaraqlarni yuritish tartibiga oʻzgartirish va qoʻshimchalar kiritish toʻgʻrisida”gi qarori (roʻyxat raqami 511-6, 2011-yil 22-dekabr) (Oʻzbekiston Respublikasi qonun hujjatlari toʻplami, 2011-y., 51-son, 554-modda).

15. Oʻzbekiston Respublikasi Markaziy banki boshqaruvining 2013-yil 23-noyabrdagi 22/3-son “Vakolatli banklar tomonidan chet el valyutasidagi hisobvaraqlarni yuritish tartibiga oʻzgartirishlar kiritish toʻgʻrisida”gi qarori (roʻyxat raqami 511-7, 2013-yil 3-dekabr) (Oʻzbekiston Respublikasi qonun hujjatlari toʻplami, 2013-y., 49-son, 638-modda).

16. Oʻzbekiston Respublikasi Markaziy banki boshqaruvining 2017-yil 26-avgustdagi 21/7-son “Vakolatli banklar tomonidan chet el valyutasidagi hisobvaraqlarni yuritish tartibiga oʻzgartirish va qoʻshimchalar kiritish haqida”gi qarori (roʻyxat raqami 511-8, 2017-yil 12-sentabr) (Oʻzbekiston Respublikasi qonun hujjatlari toʻplami, 2017-y., 37-son, 1016-modda).

17. Oʻzbekiston Respublikasi Markaziy banki boshqaruvining 2017-yil 11-noyabrdagi 31/3-son “Tijorat banklar tomonidan chet el valyutasidagi hisobvaraqlarni yuritilishi tartibiga qoʻshimchalar kiritish toʻgʻrisida”gi qarori (roʻyxat raqami 511-9, 2017-yil 23-noyabr) (Oʻzbekiston Respublikasi qonun hujjatlari toʻplami, 2017-y., 47-son, 1174-modda).

18. Oʻzbekiston Respublikasi Markaziy banki boshqaruvining 2018-yil 28-apreldagi 16/7-son “Tijorat banklari tomonidan chet el valyutasidagi hisobvaraqlarni yuritish tartibiga oʻzgartirish va qoʻshimchalar kiritish toʻgʻrisida”gi qarori (roʻyxat raqami 511-10, 2018-yil 4-iyun) (Oʻzbekiston Respublikasi qonun hujjatlari toʻplami, 2018-y., 23-son, 477-modda).

19. Oʻzbekiston Respublikasi Markaziy banki boshqaruvining 2018-yil 30-iyundagi 22/8-son “Tijorat banklari tomonidan chet el valyutasidagi hisobvaraqlarni yuritish tartibiga oʻzgartirish va qoʻshimchalar kiritish toʻgʻrisida”gi qarori (roʻyxat raqami 511-11, 2018-yil 28-iyul) (Oʻzbekiston Respublikasi qonun hujjatlari toʻplami, 2018-y., 31-son, 649-modda).

20. Oʻzbekiston Respublikasi Markaziy banki boshqaruvining 2019-yil 16-fevraldagi 3/6-son “Tijorat banklari tomonidan chet el valyutasidagi hisobvaraqlarni yuritish tartibiga oʻzgartirish va qoʻshimchalar kiritish toʻgʻrisida”gi qarori (roʻyxat raqami 511-12, 2019-yil 25-mart) (Oʻzbekiston Respublikasi qonun hujjatlari toʻplami, 2019-y., 13-son, 245-modda).

21. Oʻzbekiston Respublikasi Markaziy banki boshqaruvining 2008-yil 28-iyundagi 15/1-son “Oʻzbekiston Respublikasi banklari tomonidan valyutaviy svop operatsiyalarini amalga oshirish tartibi toʻgʻrisidagi nizomni tasdiqlash haqida”gi qarori (roʻyxat raqami 1839, 2008-yil 24-iyul) (Oʻzbekiston Respublikasi qonun hujjatlari toʻplami, 2008-y., 29-30-son, 293-modda).

22. Oʻzbekiston Respublikasi Markaziy banki boshqaruvining 2011-yil 21-maydagi 16/1-son “Oʻzbekiston Respublikasi banklari tomonidan valyutaviy svop operatsiyalarini amalga oshirish tartibi toʻgʻrisidagi nizomga qoʻshimcha kiritish haqida”gi qarori (roʻyxat raqami 1839-1, 2011-yil 3-iyun) (Oʻzbekiston Respublikasi qonun hujjatlari toʻplami, 2011-y., 22-23-son, 242-modda).

23. Oʻzbekiston Respublikasi Markaziy banki boshqaruvining 2018-yil 28-apreldagi 16/6-son “Oʻzbekiston Respublikasi banklari tomonidan valyutaviy svop operatsiyalarini amalga oshirish tartibi toʻgʻrisidagi nizomga oʻzgartirishlar kiritish haqida”gi qarori (roʻyxat raqami 1839-2, 2018-yil 4-iyun) (Oʻzbekiston Respublikasi qonun hujjatlari toʻplami, 2018-y., 23-son, 478-modda).

24. Oʻzbekiston Respublikasi Markaziy banki boshqaruvining 2018-yil 28-apreldagi 16/9-son “Tijorat banklarida jismoniy shaxslar bilan valyuta ayirboshlash operatsiyalarini amalga oshirish tartibi toʻgʻrisidagi nizomni tasdiqlash haqida”gi qarori (roʻyxat raqami 3029, 2018-yil 29-iyun) (Oʻzbekiston Respublikasi qonun hujjatlari toʻplami, 2018-y., 26-son, 532-modda).

25. Oʻzbekiston Respublikasi Markaziy banki boshqaruvining 2018-yil 10-noyabrdagi 35/3-son “Tijorat banklarida jismoniy shaxslar bilan valyuta ayirboshlash operatsiyalarini amalga oshirish tartibi toʻgʻrisidagi nizomga oʻzgartirish va qoʻshimchalar kiritish haqida”gi qarori (roʻyxat raqami 3029-1, 2018-yil 11-dekabr) (Oʻzbekiston Respublikasi qonun hujjatlari toʻplami, 2018-y., 50-son, 959-modda).

26. Oʻzbekiston Respublikasi Markaziy banki boshqaruvining 2019-yil 20-iyuldagi 16/3-son “Tijorat banklarida jismoniy shaxslar bilan valyuta ayirboshlash operatsiyalarini amalga oshirish tartibi toʻgʻrisidagi nizomga oʻzgartirishlar kiritish haqida”gi qarori (roʻyxat raqami 3029-2, 2019-yil 6-avgust) (Oʻzbekiston Respublikasi qonun hujjatlari toʻplami, 2019-y., 32-son, 566-modda).

27. Oʻzbekiston Respublikasi Markaziy banki boshqaruvining 2019-yil 24-avgustdagi 21/14-son “Tijorat banklarida jismoniy shaxslar bilan valyuta ayirboshlash operatsiyalarini amalga oshirish tartibi toʻgʻrisidagi nizomga oʻzgartirish va qoʻshimchalar kiritish haqida”gi qarori (roʻyxat raqami 3029-3, 2019-yil 17-oktabr) (Oʻzbekiston Respublikasi qonun hujjatlari toʻplami, 2019-y., 42-son, 808-modda).

Markaziy bank raisi M. NURMURATOV

Toshkent sh.,

2020-yil 29-avgust,

18/5-son

(Qonun hujjatlari maʼlumotlari milliy bazasi, 31.08.2020-y., 10/20/3281/1242-son; 26.03.2021-y., 10/21/3281-1/0237-son; Qonunchilik maʼlumotlari milliy bazasi, 28.07.2021-y., 10/21/3313/0724-son; 09.02.2023-y., 10/23/3281-2/0082-son; 21.12.2023-y., 10/23/3281-3/0952-son; 01.04.2025-y., 10/25/3281-4/0295-son; 23.04.2026-y., 10/26/3281-5/0408-son; 17.07.2026-y., 10/26/3281-6/0744-son)

lex.uz

Правления Центрального банка Республики Узбекистан

Постановление

ПЕРЕЧЕНЬ

Об утверждении Правил осуществления валютных операций в Республике Узбекистан

В соответствии с законами Республики Узбекистан « О Центральном банке Республики Узбекистан » и « О валютном регулировании » правление Центрального банка Республики Узбекистан постановляет:

1. Утвердить Правила осуществления валютных операций в Республике Узбекистан согласно приложению № 1 * .

2. Признать утратившими силу некоторые ведомственные нормативно-правовые акты согласно приложению № 2 .

3. Настоящее постановление вступает в силу с 1 сентября 2020 года.

ПРИЛОЖЕНИЕ № 2 к постановлению правления Центрального банка Республики Узбекистан от 29 августа 2020 года № 18/5

нормативно-правовых актов, признаваемых утратившими силу

1. Порядок ведения коммерческими банками счетов нерезидентов в национальной валюте Республики Узбекистан, утвержденный правлением Центрального банка Республики Узбекистан 5 сентября 1998 года № 231 (рег. № 510 от 22 октября 1998 года).

2. Постановление правления Центрального банка Республики Узбекистан от 21 февраля 2004 года № 231-1 «О внесении изменений и дополнений в Порядок ведения уполномоченными банками счетов нерезидентов в национальной валюте Республики Узбекистан» (рег. № 510-1 от 29 марта 2004 года) (Собрание законодательства Республики Узбекистан, 2004 г., № 13, ст. 160).

3. Постановление Правления Центрального банка Республики Узбекистан от 26 декабря 2009 года № 38/11 «О внесении изменения и дополнения в Порядок ведения уполномоченными банками счетов нерезидентов в национальной валюте Республики Узбекистан» (рег. № 510-2 от 4 февраля 2010 года) (Собрание законодательства Республики Узбекистан, 2010 г., № 5, ст. 47).

4. Постановление правления Центрального банка Республики Узбекистан от 26 ноября 2011 года № 35/3 «О внесении изменения в Порядок ведения уполномоченными банками счетов нерезидентов в национальной валюте Республики Узбекистан» (рег. № 510-3 от 22 декабря 2011 года) (Собрание законодательства Республики Узбекистан, 2011 г., № 51, ст. 553).

5. Постановление правления Центрального банка Республики Узбекистан от 30 июня 2018 года № 22/7 «О внесении изменений и дополнений в Порядок ведения уполномоченными банками счетов нерезидентов в национальной валюте Республики Узбекистан» (рег. № 510-4 от 28 июля 2018 года) (Собрание законодательства Республики Узбекистан, 2018 г., № 31, ст. 648).

6. Постановление правления Центрального банка Республики Узбекистан от 16 февраля 2019 года № 3/7 «О внесении изменений и дополнений в Порядок ведения коммерческими банками счетов нерезидентов в национальной валюте Республики Узбекистан» (рег. № 510-5 от 25 марта 2019 года) (Собрание законодательства Республики Узбекистан, 2019 г., № 13, ст. 244).

7. Постановление правления Центрального банка Республики Узбекистан от 20 июля 2019 года № 16/6 «О внесении изменений и дополнения в Порядок ведения коммерческими банками счетов нерезидентов в национальной валюте Республики Узбекистан» (рег. № 510-6 от 23 августа 2019 года) (Собрание законодательства Республики Узбекистан, 2019 г., № 34, ст. 616).

8. Порядок ведения коммерческими банками счетов в иностранной валюте, утвержденный правлением Центрального банка Республики Узбекистан 5 сентября 1998 года № 232 (рег. № 511 от 22 октября 1998 года).

9. Изменение № 1 в Порядок ведения уполномоченными банками счетов в иностранной валюте, утвержденное правлением Центрального банка Республики Узбекистан 20 февраля 1999 года № 232-1 (рег. № 511-1 от 1 марта 1999 года).

10. Постановление правления Центрального банка Республики Узбекистан от 1 марта 2003 года № 232-2 «О внесении изменения в Порядок ведения уполномоченными банками счетов в иностранной валюте» (рег. № 511-2 от 27 марта 2003 года) (Бюллетень нормативных актов министерств, государственных комитетов и ведомств Республики Узбекистан, 2003 г., № 5-6).

11. Постановление правления Центрального банка Республики Узбекистан от 31 июля 2003 года № 232-3 «О внесении изменений и дополнений в Порядок ведения уполномоченными банками счетов в иностранной валюте» (рег. № 511-3 от 12 августа 2003 года) (Бюллетень нормативных актов министерств, государственных комитетов и ведомств Республики Узбекистан, 2003 г., № 15).

12. Постановление правления Центрального банка Республики Узбекистан от 21 февраля 2004 года № 232-4 «О внесении изменений и дополнений в Порядок ведения уполномоченными банками счетов в иностранной валюте» (рег. № 511-4 от 30 марта 2004 года) (Собрание законодательства Республики Узбекистан, 2004 г., № 13, ст. 165).

13. Постановление правления Центрального банка Республики Узбекистан от 26 декабря 2009 года № 38/12 «О внесении изменения и дополнения в Порядок ведения уполномоченными банками счетов в иностранной валюте» (рег. № 511-5 от 4 февраля 2010 года) (Собрание законодательства Республики Узбекистан, 2010 г., № 5, ст. 48).

14. Постановление правления Центрального банка Республики Узбекистан от 26 ноября 2011 года № 35/2 «О внесении изменений и дополнений в Порядок ведения уполномоченными банками счетов в иностранной валюте» (рег. № 511-6 от 22 декабря 2011 года) (Собрание законодательства Республики Узбекистан, 2011 г., № 51, ст. 554).

15. Постановление правления Центрального банка Республики Узбекистан от 23 ноября 2013 года № 22/3 «О внесении изменений в Порядок ведения уполномоченными банками счетов в иностранной валюте» (рег. № 511-7 от 3 декабря 2013 года) (Собрание законодательства Республики Узбекистан, 2013 г., № 49, ст. 638).

16. Постановление правления Центрального банка Республики Узбекистан от 26 августа 2017 года № 21/7 «О внесении изменений и дополнений в Порядок ведения уполномоченными банками счетов в иностранной валюте» (рег. № 511-8 от 12 сентября 2017 года) (Собрание законодательства Республики Узбекистан, 2017 г., № 37, ст. 1016).

17. Постановление правления Центрального банка Республики Узбекистан от 11 ноября 2017 года № 31/3 «О внесении дополнений в Порядок ведения коммерческими банками счетов в иностранной валюте» (рег. № 511-9 от 23 ноября 2017 года) (Собрание законодательства Республики Узбекистан, 2017 г., № 47, ст. 1174).

18. Постановление правления Центрального банка Республики Узбекистан от 28 апреля 2018 года № 16/7 «О внесении изменений и дополнений в Порядок ведения коммерческими банками счетов в иностранной валюте» (рег. № 511-10 от 4 июня 2018 года) (Собрание законодательства Республики Узбекистан, 2018 г., № 23, ст. 477).

19. Постановление правления Центрального банка Республики Узбекистан от 30 июня 2018 года № 22/8 «О внесении изменений и дополнений в Порядок ведения коммерческими банками счетов в иностранной валюте» (рег. № 511-11 от 28 июля 2018 года) (Собрание законодательства Республики Узбекистан, 2018 г., № 31, ст. 649).

20. Постановление правления Центрального банка Республики Узбекистан от 16 февраля 2019 года № 3/6 «О внесении изменений и дополнений в Порядок ведения коммерческими банками счетов в иностранной валюте» (рег. № 511-12 от 25 марта 2019 года) (Собрание законодательства Республики Узбекистан, 2019 г., № 13, ст. 245).

21. Постановление правления Центрального банка Республики Узбекистан от 28 июня 2008 года № 15/1 «Об утверждении Положения о порядке осуществления операций валютного свопа банками Республики Узбекистан» (рег. № 1839 от 24 июля 2008 года) (Собрание законодательства Республики Узбекистан, 2008 г., № 29-30, ст. 293).

22. Постановление правления Центрального банка Республики Узбекистан от 21 мая 2011 года № 16/1 «О внесении дополнения в Положение о порядке осуществления операций валютного свопа банками Республики Узбекистан» (рег. № 1839-1 от 3 июня 2011 года) (Собрание законодательства Республики Узбекистан, 2011 г., № 22-23, ст. 242).

23. Постановление правления Центрального банка Республики Узбекистан от 28 апреля 2018 года № 16/6 «О внесении изменений в Положение о порядке осуществления операций валютного свопа банками Республики Узбекистан» (рег. № 1839-2 от 4 июня 2018 года) (Собрание законодательства Республики Узбекистан, 2018 г., № 23, ст. 478).

24. Постановление правления Центрального банка Республики Узбекистан от 28 апреля 2018 года № 16/9 «Об утверждении Положения о порядке осуществления операций по обмену валют с физическими лицами в коммерческих банках» (рег. № 3029 от 29 июня 2018 года) (Собрание законодательства Республики Узбекистан, 2018 г., № 26, ст. 532).

25. Постановление правления Центрального банка Республики Узбекистан от 10 ноября 2018 года № 35/3 «О внесении изменений и дополнений в Положение о порядке осуществления операций по обмену валют с физическими лицами в коммерческих банках» (рег. № 3029-1 от 11 декабря 2018 года) (Собрание законодательства Республики Узбекистан, 2018 г., № 50, ст. 959).

26. Постановление правления Центрального банка Республики Узбекистан от 20 июля 2019 года № 16/3 «О внесении изменений в Положение о порядке осуществления операций по обмену валют физическими лицами в коммерческих банках» (рег. № 3029-2 от 6 августя 2019 года) (Собрание законодательства Республики Узбекистан, 2019 г., № 32, ст. 566).

27. Постановление правления Центрального банка Республики Узбекистан от 24 августя 2019 года № 21/14 «О внесении изменений и дополнений в Положение о порядке осуществления операций по обмену валют с физическими лицами в коммерческих банках» (рег. № 3029-3 от 17 октября 2019 года) (Собрание законодательства Республики Узбекистан, 2019 г., № 42, ст. 808).

Председатель Центрального банка М. НУРМУРАТОВ

г. Ташкент,

29 августа 2020 г.,

№ 18/5

(Национальная база данных законодательства, 31.08.2020 г., № 10/20/3281/1242)

lex.uz