UzbekAI

Ўзбекистон Республикаси Вазирлар Маҳкамасининг

қарори

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

АРИЗА

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

МАЪМУРИЙ РЕГЛАМЕНТИ

СХЕМАСИ

Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида

Ўзбекистон Республикаси Президентининг «Давлат хизматлари кўрсатиш миллий тизимини жадал ривожлантириш бўйича қўшимча чора-тадбирлар тўғрисида» 2020 йил 31 январдаги ПФ-5930-сон Фармонига мувофиқ кадастр соҳасида давлат хизматлари кўрсатиш тизимини янада такомиллаштириш мақсадида Вазирлар Маҳкамаси қарор қилади:

1. Қуйидагилар:

Кўчмас мулк объектига кадастр паспортини бериш бўйича давлат хизматлари кўрсатишнинг маъмурий регламенти 1-иловага мувофиқ;

Кўчмас мулкка бўлган ҳуқуқларни давлат рўйхатидан ўтказиш бўйича давлат хизматлари кўрсатишнинг маъмурий регламенти 2-иловага мувофиқ;

Кўчмас мулкни бўлиш ва унинг янги чегараларини белгилаш бўйича давлат хизматлари кўрсатишнинг маъмурий регламенти 3-иловага мувофиқ;

Кўчмас мулкни бирлаштириш ва унинг янги чегараларини белгилаш бўйича давлат хизматлари кўрсатишнинг маъмурий регламенти 4-иловага мувофиқ;

Кўчмас мулк бўйича кадастр муҳандисининг малака шаҳодатномасини бериш бўйича давлат хизматларини кўрсатишнинг маъмурий регламенти 5а-иловага мувофиқ;

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатишнинг маъмурий регламенти 5б-иловага ;

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатишнинг маъмурий регламенти 5в-иловага мувофиқ;

2. Ўзбекистон Республикаси Ахборот технологиялари ва коммуникацияларини ривожлантириш вазирлиги, Ер ресурслари, геодезия, картография ва давлат кадастри давлат қўмитаси, Адлия вазирлиги ҳузуридаги Давлат хизматлари агентлиги бошқа манфаатдор вазирлик ва идоралар билан биргаликда бир ой муддатда:

кадастр соҳасида давлат хизматлари кўрсатишнинг маъмурий регламентларини давлат хизматлари кўрсатиш тизими билан интеграциялаштиришни ва Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали жорий этилишини таъминласин;

ЯИДХПда давлат хизматлари кўрсатилишининг ҳар бир босқичида жисмоний ва юридик шахсларнинг мурожаатлари кўриб чиқилишини кузатиб бориш тартиботини жорий этсин.

3. Ўзбекистон Республикаси Адлия вазирлиги ҳузуридаги Давлат хизматлари агентлиги давлат органлари ва бошқа ташкилотлар томонидан давлат хизматлари кўрсатилишининг белгиланган тартиби бажарилиши, шу жумладан уларнинг фаолияти юзасидан ЯИДХП орқали доимий назорат ўрнатсин.

4. Белгилаб қўйилсинки, давлат хизматларни кўрсатадиган давлат органлари ва бошқа ташкилотлар ҳамда Ўзбекистон Республикаси Адлия вазирлиги ҳузуридаги Давлат хизматлари агентлиги раҳбарлари ушбу қарорда назарда тутилган вазифаларнинг ўз вақтида, тўлиқ ва сифатли бажарилиши учун шахсан жавоб берадилар.

5. Ўзбекистон Республикаси Ҳукуматининг 6-иловага мувофиқ айрим қарорларига ўзгартириш ва қўшимчалар киритилсин.

6. Ўзбекистон Республикаси Ер ресурслари, геодезия, картография ва давлат кадастри давлат қўмитаси манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

7. Мазкур қарорнинг бажарилишини назорат қилиш Ўзбекистон Республикаси адлия вазири Р.К. Давлетов ва Ер ресурслари, геодезия, картография ва давлат кадастри давлат қўмитаси раиси Х.С. Турахужаев зиммасига юклансин.

Вазирлар Маҳкамасининг 2020 йил 2 сентябрдаги 535-сон қарорига 1-ИЛОВА

Кўчмас мулк объектига кадастр паспортини бериш бўйича давлат хизматлари кўрсатишнинг

1-боб. Умумий қоидалар

1. Ушбу Регламент ер участкаси, бино ва иншоотлар ҳамда кўп йиллик дов-дарахтларга (кейинги ўринларда — кўчмас мулк объекти) кадастр паспортини бериш бўйича давлат хизматлари кўрсатиш тартибини белгилайди.

2. Кўчмас мулк объектини кадастр ҳисобига олиш ва кадастр йиғмажилдини шакллантириш натижасида кўчмас мулк объекти бўйича электрон ва пластик шаклда кадастр паспорти расмийлаштирилади.

Кадастр паспортида мулкдор ва ҳуқуқ белгиловчи ҳужжатлар ҳақидаги маълумотлар акс эттирилмайди.

3. Кадастр паспортининг шакллари Вазирлар Маҳкамасининг 2021 йил 22 июндаги 389-сон қарори билан тасдиқланган Кўчмас мулк объектларига кадастр йиғмажилдини тайёрлаш тартиби тўғрисида низомга мувофиқ турлар бўйича белгиланади.

4. Кўчмас мулк объектига кадастр паспорти қуйидаги ҳолларда расмийлаштирилади:

ер участкалари берилганда (реализация қилинганда);

кўчмас мулк объекти бўйича бирламчи техник инвентаризациядан ўтказиш ишлари бажарилганда;

кадастр йиғмажилди шакллантирилган кўчмас мулк объектида қайта техник инвентаризация ўтказиш натижасида ўзгаришлар аниқланганда (реконструкция, қўшимча иморат қуриш ва (ёки) алоҳида иморат қуриш, бир қисми бузилганда (вайрон бўлганда) ёки йўқ қилинганда);

кўчмас мулк бўлинганда ва унинг янги чегаралари белгиланганда;

кўчмас мулк бирлаштирилганда ва унинг янги чегаралари белгиланганда;

ер участкасининг майдони ёки чегара нуқталари ўзгарганда;

кўчмас мулк объектининг манзили белгиланганда ёки ўзгартирилганда;

ер участкасидан рухсат этилган фойдаланиш асосий тури ёки капитал қурилиш объектининг фойдаланиш мақсади ўзгарганда.

5. Кадастр паспорти шакллантирилиши натижасида кўчмас мулкка бўлган ҳуқуқни давлат рўйхатидан ўтказиш мажбурияти юзага келадиган ҳолларда, кадастр паспортини олиш ҳамда кўчмас мулкка бўлган ҳуқуқни давлат рўйхатидан ўтказиш композит хизмат тарзида амалга оширилади.

Белгиланган тартибда келишилган лойиҳа ҳужжатларига кўра объектнинг қурилиши (реконструкцияси) тугалланган тақдирда, битта сўровномага асосан кадастр паспорти, қурилиши (реконструкцияси) тугалланган объектдан фойдаланиш учун рухсатнома, кўчмас мулк давлат рўйхатидан ўтказилгани тўғрисидаги реестрдан кўчирма бир вақтда берилади.

Тасдиқланган лойиҳа ҳужжатларига асосан бир ер участкасида бир нечта кўп квартирали уйлар қурилиши мўлжалланган бўлса, фойдаланишга қабул қилинаётган ҳар бир кўп квартирали уйга алоҳида аризага асосан кадастр паспорти расмийлаштирилади.

Тасдиқланган лойиҳа ҳужжатларига асосан бир ер участкасида бир нечта кўп квартирали уйлар қурилиши мўлжалланган бўлса, ҳар бир кўп квартирали уй жойлашган ва унга туташ ер участкасининг лойиҳада кўрсатилган чегараси асосида Давлат кадастрлари палатасининг туман (шаҳар) филиаллари (кейинги ўринларда — филиаллар) ер участкасини бўлиш ишларини амалга оширади.

Лойиҳа ҳужжатларига асосан бир ер участкасида бир нечта кўп квартирали уйларни ягона турар жой мажмуаси сифатида назарда тутилган бўлса ёки уларни алоҳида ер участкаларига бўлиш имконияти бўлмаса ер участкаси умумий (биргаликда) фойдаланишдаги ер участкаси сифатида кадастр паспорти расмийлаштирилади.

Кўп квартирали уйнинг кадастр паспортида кўп квартирали уйлардаги турар жойлар ва яшаш учун мўлжалланмаган (нотурар) жойлар, умумий мол-мулк рўйхати ҳамда кўп квартирали уй жойлашган ва унга туташ ер участкаси тўғрисидаги маълумотлар кўрсатилади.

Кўчмас мулк объектига бўлган мулк ҳуқуқи ёки бошқа ашёвий ҳуқуқлар вужудга келганда, бошқа шахсга ўтганда, бекор бўлганда ёки кўчмас мулк объектининг ҳуқуқий ҳолати ўзгарганлигини тасдиқлаш ёки қурилиши (реконструкцияси) тугалланган бино ва иншоотларни фойдаланишга қабул қилиш бўйича мурожаат қилинганда, қоғоз ва пластик шаклдаги кадастр паспорти берилади.

6. Давлат кадастрлари палатасининг туман (шаҳар) филиаллари (кейинги ўринларда — филиаллар) кадастр йиғмажилдини шакллантириб, унинг натижаси бўйича кадастр паспортини тақдим этади. Бунда пластик шаклдаги кадастр паспорти филиаллар томонидан тайёрланиб, почта хизмати орқали ариза берувчига етказилади.

Давлат сири билан боғлиқ бўлган кўчмас мулк объектлари бўйича кадастр паспортини тайёрлаш учун тўғридан-тўғри филиалларга мурожаат қилинади.

Давлат кадастрлари палатаси томонидан ушбу хизматни кўрсатишда бажариладиган ишлар Давлат кадастрлари палатасининг марказий аппарати, ҳудудий бошқармалари ва туман (шаҳар) филиаллари ўртасида белгиланган муддатдан чиқмаган ҳолда тақсимланиши мумкин.

7. Давлат хизматлари марказлари ва филиаллар ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон тизим ёрдамида амалга оширилади.

8. Давлат хизмати ушбу Регламентга 1-иловага мувофиқ схема асосида кўрсатилади.

2-боб. Давлат хизматини кўрсатиш тартиби

9. Ариза берувчи кадастр паспортини олиш учун Давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) давлат хизматидан электрон тарзда фойдаланиш учун рўйхатдан ўтади.

10. Ариза берувчилар ўзи келиб мурожаат этган тақдирда, давлат хизматлари марказлари ходими — ариза берувчи номидан, ЯИДХП орқали мурожаат этган тақдирда эса ушбу Регламентга 2-иловага мувофиқ шаклдаги сўровномани электрон шаклда мустақил тўлдиради. Учинчи шахслар манфаати учун ҳаракат қилаётганда, сўровномага белгиланган тартибда расмийлаштирилган ишончнома илова қилинади.

Вафот этган шахс номидан унинг яқин қариндошлари мурожаат қилиши мумкин.

Сўровномага кўчмас мулкка бўлган ҳуқуқларни тасдиқловчи ҳужжат ва янги қурилиш объектларига тасдиқланган лойиҳа ҳужжатлари илова қилинади.

Ариза кўп квартирали уйга кадастр паспортини расмийлаштириш учун берилган тақдирда қуйидагилар қўшимча илова қилинади:

лойиҳа-смета ҳужжатлари;

кўп квартирали уй жойлашган ва унга туташ ер участкасининг чегараси туширилган режа-схема.

Давлат хизматлари марказлари томонидан ариза берувчидан ушбу бандда кўрсатилмаган маълумотларни ҳамда бошқа ҳужжатларни талаб қилиш қатъиян тақиқланади.

11. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, электрон имзо, Мобил-ID ва бошқалар) билан тасдиқлайди.

Ариза берувчи ЯИДХП орқали мурожаат этган тақдирда, сўровномани ЭРИ билан тасдиқлаш талаб этилмайди.

12. Ариза берувчи Давлат хизматлари марказларига келиб мурожаат этганда, унинг сўровномаси Давлат хизматлари маркази ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар реал вақт режимида филиалга электрон шаклда юборилади. ЯИДХП орқали мурожаат қилинганда эса сўровнома автоматик тарзда филиалга юборилади.

13. Ариза берувчи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматидан фойдаланишдан бош тортганда, унинг сўровномаси кўрилмасдан қолдирилади.

14. Филиал зарур ҳолларда ариза берувчи билан келишиб, сўровномада кўрсатилган жойга чиққан ҳолда, объектни техник инвентаризациядан ўтказади ҳамда талаб этилганда кўчмас мулк объектининг манзилини белгилайди ёки ўзгартиради.

15. Ариза берувчи ёки унинг вакили келишилган вақтда ва манзилда бўлмаган тақдирда, сўровномада кўрсатилган телефон рақами орқали алоқага чиқилиб, сабаби аниқланади ва бу ҳақда холислар (қўшнилар) иштирокида далолатнома расмийлаштирилади ва мурожаат (сўровнома) кўрилмасдан қолдирилади.

Расмийлаштирилган далолатномага асосан мурожаат (сўровнома) кўрилмасдан қолдирилганлиги ҳақида филиал масъул ходимлари томонидан ЭРИ билан тасдиқланган хабарнома (PDF шаклдаги далолатнома илова қилинган ҳолда) 1 иш куни давомида тегишли Давлат хизматлари марказига (ўзи келиб мурожаат этган тақдирда) ёки ариза берувчига (электрон тарзда мурожаат этган тақдирда) ЯИДХП орқали электрон шаклда юборилади.

16. Кадастр паспорти объектнинг мураккаблигига қараб, қуйидаги муддатларда тайёрланади:

а) кўчмас мулк объектларининг турар жойга оид қисми бўйича:

кўп квартирали уйдаги квартира учун — 5 иш кунигача;

якка тартибдаги турар жой учун — 8 иш кунигача;

б) кўчмас мулк объектларининг нотурар жойга оид қисми ҳамда яхлит кўп квартирали уйлар бўйича:

умумий майдони 100 кв. метргача бўлганда — 8 иш кунигача;

умумий майдони 100 кв. метрдан 1 000 кв. метргача бўлганда — 10 иш кунигача;

умумий майдони 1 000 кв. метрдан 5 000 кв. метргача бўлганда — 15 иш кунигача;

умумий майдони 5 000 кв. метрдан 15 000 кв. метргача бўлганда — 20 иш кунигача;

умумий майдони 15 000 кв. метрдан 50 000 кв. метргача бўлганда — 26 иш кунигача;

умумий майдони 50 000 кв. метрдан ортиқ бўлганда — 35 иш кунигача;

ажратилган ер участкалари бўйича — 5 иш кунигача;

в) кўп йиллик дов-дарахтлар жойлашган ер участкаси бўйича:

умумий майдони 1 гектаргача — 15 иш кунигача;

умумий майдони 1 гектардан 5 гектаргача — 20 иш кунигача;

умумий майдони 5 гектардан 10 гектаргача — 26 иш кунигача;

умумий майдони 10 гектардан 100 гектаргача — 35 иш кунигача;

умумий майдони 100 гектардан ортиқ — 40 иш кунигача.

17. Малака шаҳодатномасига эга бўлган кўчмас мулк бўйича кадастр муҳандиси томонидан ўтказилган техник хатлов натижасига кўра тайёрланган йиғмажилдга асосан кўчмас мулкни ҳисобга олиш ва кадастр паспортини бериш филиал томонидан 3 иш куни мобайнида амалга оширилади.

18. Кадастр йиғмажилди шакллантирилгандан сўнг филиал томонидан кадастр паспорти бериш ва кўчмас мулк объектига бўлган ҳуқуқни рўйхатдан ўтказиш (талаб этилганда) учун тўлов миқдори қиймати кўрсатилган хабарнома (инвойс) Давлат хизматлари марказига (ўзи келиб мурожаат қилган тақдирда) ёки ариза берувчига (электрон шаклда мурожаат қилган тақдирда) ЯИДХП орқали электрон шаклда юборади.

Бунда қоғоз шаклидаги кадастр паспорти ЯИДХП ёки Давлат хизматлари марказлари орқали, пластик шаклдаги кадастр паспорти филиаллар томонидан тайёрланиб, почта хизмати орқали ариза берувчига етказилади.

Кадастр паспортини бериш учун ундириладиган тўлов миқдорлари Вазирлар Маҳкамасининг «Давлат кадастри соҳасида давлат хизматлари нархларини белгилашда табақалаштирилган ёндашув тартибини такомиллаштириш тўғрисида» 2014 йил 10 июлдаги 186-сон қарорига асосан белгиланади.

19. Давлат хизматлари марказлари хабарнома келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

Ариза берувчи хабарномани олгандан сўнг бир ой мобайнида кадастр паспортини беришнинг тўлов қийматини хабарномада қайд этилган миқдорда тўлайди.

Суд бошқарувчисига кадастр паспорти олдиндан тўловларни амалга оширмасдан берилади ва хабарномада кўрсатилган тўловнинг ўрни суд бошқарувчиси томонидан «Тўловга қобилиятсизлик тўғрисида»ги Ўзбекистон Республикаси Қонунининг 150-моддаси биринчи қисмида назарда тутилган тартибда тўланади.

Кадастр паспорти бериш учун тўлов қиймати тўланганлиги ахборот-коммуникация тизими орқали тасдиқланади.

Белгиланган муддатда тегишли тўлов миқдори тўланмаслиги кадастр паспортини беришни рад этиш учун асос бўлади. Ушбу ҳолатларда ариза берувчи умумий тартибда давлат хизматидан фойдаланиш учун такроран мурожаат қилишга ҳақли.

Давлат хизматидан фойдаланиш учун ЯИДХП орқали мурожаат этилганда, тўлов қиймати суммасининг 90 фоизи ундирилади.

Кўп квартирали уй жойлашган ва унга туташ ер участкаси ҳамда кўп квартирали уйдаги умумий мол-мулкка кадастр паспортини расмийлаштириш учун тўловларни мулкдорлар ёки тегишли кўп квартирали уйнинг бошқариш органи икки йил давомида тенг улушларда бўлиб-бўлиб тўлаши мумкин.

20. Тўлов миқдори қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

7 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари ҳисобварағига ўтказилади;

б) ЯИДХП орқали мурожаат этилганда:

5 фоизи (шундан 0,25 фоизи — давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

қолган маблағлар тўлиқ миқдорда Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари ҳисобварағига ўтказилади;

в) риелторлик ташкилотлари орқали мурожаат этилганда:

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари ҳисобварағига ўтказилади»;

г) «Кўчмас мулкни комплекс бошқариш ахборот тизими» (кейинги ўринларда — «Uzmulk» тизими) орқали мурожаат этилганда:

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари ҳисобварағига ўтказилади.

21. Хабарномада кўрсатилган йиғим тўлиқ тўлангандан сўнг:

Давлат хизматлари марказлари ходими томонидан тизимда кадастр паспортини юклаб олиш (қоғоз шаклда чоп этиш) имкони пайдо бўлади ва ариза берувчига қоғоз шаклида кадастр паспорти берилади;

филиалларнинг масъул ходимлари томонидан пластик шаклдаги кадастр паспорти тайёрланиб, ариза берувчига почта хизмати орқали етказиб берилади.

Сўровномада ариза берувчи томонидан давлат хизматларини кўрсатишнинг натижасини олиб кетишга масъул шахс кўрсатилган ҳолатларда давлат хизматларини кўрсатишнинг натижасини ушбу шахсга тақдим этишда тегишли ишончнома талаб этилмайди.

22. Қуйидаги ҳолларда кадастр паспортини расмийлаштириш бепул амалга оширилади:

кўчмас мулк объекти бўйича бирламчи кадастр йиғмажилди (паспорти) мавжуд бўлиб, бегоналаштирилганда ёки объектда ўзгаришлар (реконструкция, қўшимча ва алоҳида қурилиш) мавжуд бўлмаганда;

кўчмас мулк объектининг бир қисми бегоналаштирилганда объектнинг қолган қисмига ёки реконструкциясиз фойдаланиш мақсади ўзгарганда;

ер участкасидан рухсат этилган фойдаланишнинг асосий тури белгиланганда ёки ўзгарганда;

кўчмас мулк объектининг ихтисослашиши реконструкциясиз ўзгартирилганда;

кадастр йиғмажилди (паспорти) йўқолганда (яроқсиз ҳолга келганда ва кўчмас мулк объекти кўрсаткичлари ўзгартирилмасдан).

Ушбу ҳолларда кадастр паспорти уч иш куни мобайнида расмийлаштирилади.

Ушбу банднинг тўртинчи хатбошисида кўрсатилган ҳолларда кадастр паспортини расмийлаштириш ҳамда ихтисослаштирилган объектдаги хоналарнинг фойдаланиш мақсадини белгилаш қурилиш органи томонидан тасдиқланган рухсатнома ва эскиз лойиҳаси асосида амалга оширилади.

23. Қуйидагилар кадастр паспорти беришни рад этиш учун асос бўлади:

сўровномада нотўғри маълумотлар кўрсатилиши;

кўчмас мулк объектларига бўлган ҳуқуқларни белгиловчи ҳужжатлар мавжуд эмаслиги;

кўчмас мулк объектида ўлчов ишларининг олиб борилишига, шу жумладан, кўчмас мулк объектига кириш имкони йўқлиги (фойдаланиб келаётган шахслар томонидан бино ва иншоотга, ер участкасига киришга қаршилик қилиниши бўйича маҳалла раиси иштирокида тузилган далолатнома);

ваколатли орган томонидан кадастр паспортини расмийлаштириш бўйича кўчмас мулк объектига тақиқ ёки хатлов қўйилгани;

бино ва иншоотнинг ихтисослашиши улар жойлашган ер участкасининг фойдаланиш мақсадига мос бўлмаган тарзда ўзгартирилгани;

тақдим этилган ҳужжатларда нотўғри, қарама-қарши маълумотлар аниқланиши;

филиалда ушбу кўчмас мулк объектининг мансублиги масаласида низолар борлигидан далолат берувчи суд ҳужжатларининг мавжудлиги;

филиалда ушбу ер участкаси қонунчилик ҳужжатларида белгиланган тартибда олиб қўйилгани ҳақидаги маълумотларнинг мавжудлиги;

ер участкасига бўлган ҳуқуқларнинг қонунчилик ҳужжатларида назарда тутилган ҳолларда ва тартибда бекор қилингани.

Кадастр паспортини тайёрлаш рад этилганда, ушбу бандда келтирилган рад этишнинг асоси кўрсатилади.

Кадастр паспортини расмийлаштиришни ушбу бандда кўрсатилмаган асослар бўйича рад этиш қатъиян тақиқланади.

3-боб. Якунловчи қоидалар

24. Давлат хизматлари марказлари ва филиаллар ўз фаолиятини амалга ошириши натижасида олинган маълумотларнинг сир сақланишини таъминлайди.

25. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва Давлат хизматлари марказлари мазкур Регламент талаблари ижроси бўйича давлат органлари ва бошқа ташкилотларнинг фаолиятини, шу жумладан ЯИДХП орқали доимий назорат ва мониторинг қилиб боради.

26. Ариза берувчи давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилишлари мумкин.

27. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Кўчмас мулк объектига кадастр паспортини бериш бўйича давлат хизматлари кўрсатишнинг маъмурий регламентига 1-ИЛОВА

Кўчмас мулк объектига кадастр паспортини бериш

Босқичлар Субъектлар Тадбирлар Бажариш муддатлари 1-босқич Аризаберувчи Кадастр паспортини олиш учун Давлат хизматлари марказига ўзи келиб ёки Ягона интерактив давлат хизматлари портали орқали мурожаат қилади. Ўз хоҳишига кўра 2-босқич 1. Давлат хизматлари маркази 2. ЯИДХП Сўровномани тегишлича Қорақалпоғистон Республикаси, вилоятлар ёки Тошкент шаҳар ер тузиш ва кўчмас мулк кадастри давлат корхонаси филиалига (ДК филиали) юборади. 1. Сўровнома тўлдирилиши билан 2. Автоматик тарзда 3-босқич ДКфилиали 1. Объектда жойига чиқиб ўлчов ишларини амалга оширади ва тўлов миқдори қиймати кўрсатилган хабарномани (инвойс) Давлат хизматлари марказига, ариза берувчига ЯИДХП орқали электрон шаклда юборади. 2. Объект манзилини белгилайди ёки ўзгартиради (талаб этилганда). Регламентда кўрсатилган (объект мураккаблигидан келиб чиқиб) муддатларда 4-босқич 1. Давлат хизматлари маркази 2. ЯИДХП Хабарномани (инвойс) ариза берувчига беради. 1. Реал вақт режимида 2. Автоматик тарзда 5-босқич Аризаберувчи Хабарномада (инвойс) белгиланган тўловни амалга оширади. 1 ой мобайнида 6-босқич 1. Давлат хизматлари маркази 2. ЯИДХП Тизимдан кадастр паспортини юклаб олади (чоп этади) ва ариза берувчига кадастр паспортини беради. 1. Реал вақт режимида 2. Автоматик тарзда

Кўчмас мулк объектига кадастр паспортини бериш бўйича давлат хизматлари кўрсатишнинг маъмурий регламентига 2-ИЛОВА

__________________ (санаси) __________________ (рақами) Кўчмас мулк объектига кадастр паспортини бериш тўғрисида СЎРОВНОМА I. (жис.) Ариза берувчи — жисмоний шахс тўғрисида маълумот: 1. Ф.И.О.: 2. Паспорт маълумотлари (серияси ва рақами, жисмоний шахснинг шахсий идентификация рақами (мавжуд бўлса): 2 1 . Ф.И.О. (вафот этган шахс номидан унинг яқин қариндошлари мурожаат қилганда): 2 2 . Вафот этган шахснинг ва ариза берувчининг паспорт маълумотлари (серияси ва рақами, жисмоний шахснинг шахсий идентификация рақами (мавжуд бўлса): 3. Телефон рақами: 4. Электрон почта манзили (мавжуд бўлса): I. (юр.) Ариза берувчи — юридик шахс тўғрисида маълумот: 1. Расмий номи (тўлиқ): 3. Жойлашган жойи: 4. Телефон рақами: 5. Электрон почта манзили (мавжуд бўлса): II. Кўчмас мулк объекти тўғрисида маълумот: 1. Кўчмас мулк объектининг тури: якка тартибдаги турар жой (дала ҳовли); ер участкаси; Кўп квартирали уйда жойлашган: Турар жой; Нотурар жой; Нотурар жой; Кўчмас мулк объектининг ҳолати: Қурилиши тугалланган; Қурилиши тугалланмаган; 2. Кўчмас мулк объектининг номланиши: (нотурар жой тоифасидаги объектлар учун): 3. Кўчмас мулк объектининг манзили (индекс, манзил, мўлжал): 4. Манзил ўзгарганми? Ҳа; (манзил учун пуллик) Йўқ; 5. Кўчмас мулкнинг кадастр рақами: (мавжуд бўлса) Йўқ; Сиз ижтимоий имтиёзга эгамисиз? I ва II гуруҳ ногиронлиги бўлган шахслар ёки Иккинчи жаҳон уруши қатнашчиси ёхуд Ижтимоий реестрга киритилган оила аъзоси III. Кадастр паспортини тайёрлашнинг мақсади: 1. Янги кўчмас мулк объектига (бирламчи) кадастр паспортини шакллантириш (тўлов асосида) кўп квартирали уйдаги турар жойнинг кадастр паспорти; якка тартибдаги турар жойнинг кадастр паспорти; нотурар жой тоифасидаги кўчмас мулк объектининг кадастр паспорти; ер участкасининг кадастр паспорти; кўп квартирали турар жойда жойлашган нотурар жойнинг кадастр паспорти; қурилиши тугалланмаган объектнинг кадастр паспорти. 2. Кўчмас мулк объекти бўйича бирламчи кадастр йиғмажилди (паспорти) мавжуд бўлиб, объектда ўзгаришлар мавжуд бўлмаганда бепул асосда кадастр паспортини бериш кадастр паспорти яроқсиз ҳолга келганда ёки йўқолганда; бегоналаштирилганда (эгаси ўзгарганда); реконструкциясиз фойдаланиш мақсади ўзгарганда; кўчмас мулк объектининг бир қисми бегоналаштирилганд, объектнинг қолган қисмига. 3. Қурилиши (реконструкцияси) тугалланган бино ва иншоотларнинг кадастр паспорти, объектдан фойдаланиш учун рухсатнома ва реестрдан кўчирмасини бир вақтда бериш а) кадастр паспорти (тўлов асосида); б) объектни фойдаланиш учун рухсатномаси (бепул); в) кўчмас мулк давлат рўйхатидан ўтказилганлиги тўғрисидаги реестрдан кўчирма (бепул). 4. Кўчмас мулк бегоналаштирилганда ёки эски кадастр ҳужжатини (ўзгаришсиз) янги шаклдаги кадастр паспортига янгилаш (бепул) Сиз ижтимоий имтиёзга эгамисиз? I ва II гуруҳ ногиронлиги бўлган шахслар ёки Иккинчи жаҳон уруши қатнашчиси ёхуд Ижтимоий реестрга киритилган оила аъзоси IV. Сўровномага илова: Кўчмас мулкка бўлган ҳуқуқларни тасдиқловчи ҳужжатнинг сканерланган нусхаси: (нотариал тасдиқланган олди-сотди шатрномаси, суд қарори ва унинг реквизитлари ва шунга ўхшаш ҳужжатлар) мавжуд бўлганда. V. Давлат хизматини кўрсатиш натижасини олиб кетувчи шахснинг (агар мавжуд бўлса) ЖШШИР маълумотлари:

Вазирлар Маҳкамасининг 2020 йил 2 сентябрдаги 535-сон қарорига 2-ИЛОВА

Кўчмас мулкка бўлган ҳуқуқларни давлат рўйхатидан ўтказиш бўйича давлат хизматлари кўрсатишнинг

1-боб. Умумий қоидалар

1. Ушбу Регламент жисмоний ва юридик шахсларнинг кўчмас мулкка бўлган ҳуқуқлари юзага келганлиги, бошқа шахсга ўтганлиги, чекланганлиги ва бекор қилинганлиги фактини давлат рўйхатидан ўтказиш бўйича давлат хизматларини кўрсатиш тартибини белгилайди.

2. Ушбу Регламент қоидалари фойдали қазилмалар қазиб олиш билан боғлиқ бўлган ер қаърига нисбатан татбиқ этилмайди.

3. Ушбу Регламентда қуйидаги асосий тушунчалардан фойдаланилади:

воситачилар — давлат хизматлари марказлари, нотариал идоралар, нотариуслар, риэлторлик ташкилотлари, тижорат банклари ҳамда Давлат активларини бошқариш агентлиги, «Ўздаверлойиҳа» давлат илмий-лойиҳалаш институти ва унинг ҳудудий бўлинмалари;

рўйхатдан ўтказувчи орган — Иқтисодиёт ва молия вазирлиги ҳузуридаги Кадастр агентлигининг (кейинги ўринларда — Кадастр агентлиги) Давлат кадастрлари палатаси;

ҳудудий бошқарма — Кадастр агентлиги Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари.

4. Жисмоний ва юридик шахслар ёки уларнинг ваколатли вакиллари (кейинги ўринларда — ариза берувчи) кўчмас мулкка бўлган мулк ҳуқуқи ёки бошқа ашёвий ҳуқуқлар юзага келганда, бошқа шахсга ўтганда, чекланганда ёки бекор бўлганда, ушбу ҳолат юзага келган кундан бошлаб бир ой муддатда «Кўчмас мулкка бўлган ҳуқуқларни давлат рўйхатидан ўтказиш тўғрисида»ги Ўзбекистон Республикаси Қонунида (кейинги ўринларда — Қонун) кўрсатилган тегишли ҳуқуқни белгиловчи ҳужжатларни илова қилган ҳолда, кўчмас мулкка бўлган ҳуқуқлари юзага келганлиги, бошқа шахсга ўтганлиги, чекланганлиги ва бекор қилинганлигини давлат рўйхатидан ўтказиш учун Ўзбекистон Республикаси Ягона интерактив давлат хизматлари порталига (кейинги ўринларда — ЯИДХП) ёки воситачилар орқали, гаров хати расмийлаштирилганда эса — ҳудудий бошқармага мурожаат қилади.

5. Юридик ва жисмоний шахсларнинг кўчмас мулкка бўлган ҳуқуқлари рўйхатдан ўтказувчи орган ва унинг ҳудудий бошқармалари томонидан ариза берувчиларнинг мурожаатига асосан ушбу Регламентга 1-иловада келтирилган схемага мувофиқ давлат рўйхатидан ўтказилади.

Кадастр паспорти шакллантирилиши натижасида кўчмас мулкка бўлган ҳуқуқни давлат рўйхатидан ўтказиш мажбурияти юзага келадиган ҳолларда, кадастр паспортини олиш ҳамда кўчмас мулкка бўлган ҳуқуқни давлат рўйхатидан ўтказиш композит хизмат тарзида амалга оширилади.

Мерос қилиб қолдириладиган умрбод эгалик қилиш ҳуқуқи билан ажратилган ер участкасида якка тартибдаги турар жой нотурар жой тоифасига ўтказилган тақдирда, ер участкаси доимий фойдаланиш ҳуқуқи асосида давлат рўйхатидан ўтказилади.

Доимий эгалик ёки доимий фойдаланиш ҳуқуқи билан ажратилган ер участкасидаги нотурар жой якка тартибдаги турар жой тоифасига ўтказилганда, ер участкаси мерос қилиб қолдириладиган умрбод эгалик қилиш ҳуқуқи асосида давлат рўйхатидан ўтказилади.

Ижара ҳуқуқи билан ажратилган ер участкасида жойлашган бино ва иншоотларнинг ихтисослашиши ўзгартирилганда ер участкасининг ҳуқуқ тури ўзгармайди. Бунда ижара шартномасини қайта расмийлаштириш талаб этилмайди, ижара шартномасининг муддати ўтгани бундан мустасно.

Давлат кадастрлари палатаси томонидан ушбу хизматни кўрсатишда бажариладиган ишлар Давлат кадастрлари палатасининг марказий аппарати, ҳудудий бошқармалари ва туман (шаҳар) филиаллари ўртасида белгиланган муддатдан чиқмаган ҳолда тақсимланиши мумкин.

6. Кўчмас мулкка бўлган ҳуқуқларни давлат рўйхатидан ўтказиш учун Вазирлар Маҳкамасининг «Давлат кадастри соҳасида давлат хизматлари нархларини белгилашда табақалаштирилган ёндашув тартибини такомиллаштириш тўғрисида» 2014 йил 10 июлдаги 186-сон қарори билан белгиланган миқдорларда йиғим ундирилади.

Суд томонидан кўчмас мулкка бўлган ҳуқуқни давлат рўйхатидан ўтказиш учун асос бўлган ҳуқуқни белгиловчи ҳужжат ҳақиқий эмас деб топилиши натижасида олдинги ҳуқуқ эгасининг кўчмас мулкка бўлган ҳуқуқи тикланган тақдирда, ушбу ҳуқуқни давлат рўйхатидан ўтказганлик учун тўлов ундирилмайди.

7. Воситачилар орқали қуйидаги хизматлар бўйича аризалар тақдим этилади:

давлат хизматлари марказлари — кўчмас мулкка бўлган ҳуқуқларни давлат рўйхатидан ўтказиш;

нотариал идоралар ва нотариуслар томонидан — нотариал ҳаракатлар асосида юзага келадиган кўчмас мулкка бўлган ҳуқуқларни давлат рўйхатидан ўтказиш;

тижорат банклари томонидан — ипотекани давлат рўйхатидан ўтказиш;

Давлат активларини бошқариш агентлиги — хусусийлаштириш ҳамда «E-auksion» электрон савдо платформасида аукцион орқали сотиш натижасида юзага келадиган кўчмас мулкка бўлган ҳуқуқларни давлат рўйхатидан ўтказиш;

риэлторлик ташкилотлари — риэлторлик хизматларини кўрсатиш натижасида юзага келадиган кўчмас мулкка бўлган ҳуқуқларни давлат рўйхатидан ўтказиш;

«Ўздаверлойиҳа» давлат илмий-лойиҳалаш институти ва унинг ҳудудий бўлинмалари — Вазирлар Маҳкамасининг 2021 йил 24 ноябрдаги 709-сон қарори билан тасдиқланган Бўш турган қишлоқ хўжалигига мўлжалланган ер участкаларини қишлоқ хўжалиги мақсадлари учун электрон онлайн-аукцион савдо орқали ижарага бериш тартиби тўғрисидаги низомга асосан ташкил этилган электрон онлайн-аукцион савдо натижасида юзага келган кўчмас мулкка бўлган ҳуқуқларни давлат рўйхатидан ўтказиш.

2-боб. Кўчмас мулкка бўлган ҳуқуқларни давлат рўйхатидан ўтказиш бўйича давлат хизматларини кўрсатиш тартиби

8. Ариза берувчи кўчмас мулкка бўлган ҳуқуқни давлат рўйхатидан ўтказиш учун воситачига мурожаат этади, давлат хизматидан электрон шаклда фойдаланиш учун ЯИДХПда ёки рўйхатдан ўтказувчи органнинг веб-сайтида (кейинги ўринларда — веб-сайт) рўйхатдан ўтади.

«E-auksion» электрон савдо платформасида кўчмас мулк объектларини сотиш бўйича ташкил этилган аукцион юзасидан расмийлаштирилган баённома аукцион ғолиби ва буюртмачи ҳамда ҳудудий бошқармага кўчмас мулкка бўлган ҳуқуқларни давлат рўйхатидан ўтказиш учун «Электрон онлайн-аукционларни ташкил этиш» акциядорлик жамияти (кейинги ўринларда — оператор) томонидан мазкур платформа орқали юборилади.

9. Ариза берувчи ҳуқуқни давлат рўйхатидан ўтказиш учун воситачига мурожаат этганда, воситачи ходими — ариза берувчи номидан, ЯИДХП ёки веб-сайт орқали мурожаат этган тақдирда эса ушбу Регламентга 2-иловадаги шаклга мувофиқ давлат хизматидан фойдаланиш учун аризани электрон шаклда мустақил тўлдиради. Учинчи шахслар манфаати учун ҳаракат қилган тақдирда, сўровномага белгиланган тартибда расмийлаштирилган ишончнома илова қилинади.

Аризага Қонунда назарда тутилган ҳуқуқни белгиловчи ҳужжатлар илова қилинади.

Давлат архивларининг мулкий ҳуқуқларни аниқлаш бўйича архив маълумотномалари фақат Давлат хизматлари маркази ёки Ягона интерактив давлат хизматлари портали орқали берилган бўлиши лозим. Мазкур архив маълумотномаси давлат архивидаги ер ва мол-мулкка доир ҳужжатга мувофиқлиги «Ўзархив» агентлигининг Ягона миллий архив ахборот тизими орқали текширилади ва тақдим этилган архив маълумотномаси тегишли давлат архиви томонидан берилмаганлиги ёки ундаги маълумотлар архив сақловидаги ҳужжатларга номувофиқлиги аниқланганда, ушбу маълумотнома ҳуқуқий баҳо бериш учун ҳуқуқни муҳофаза қилувчи органларга юборилади.

Илова қилинган ҳуқуқни белгиловчи ҳужжатларда бир нечта кўчмас мулкка бўлган ҳуқуқлар юзага келиши, бошқа шахсга ўтиши, чекланиши ва бекор қилиниши белгиланган бўлса, ҳар бир кўчмас мулк бўйича алоҳида ариза берилади.

Ижара ҳуқуқи билан ажратилган ер участкасида жойлашган бино ва иншоотлар тўлиқ бегоналаштирилганда, ер участкасига бўлган ижара ҳуқуқи ҳам бошқа шахсга ўтказилади, кўчмас мулк объектининг бир қисми бегоналаштирилиши, бўлиниши ёки ижара шартномасининг муддати тугаши бундан мустасно.

Бир йилдан кам бўлмаган муддатга тузилган кўчмас мулк объектларини ижарага бериш шартномаси ҳам давлат рўйхатидан ўтказиш учун асос бўлади.

Аризада кўчмас мулк объектининг тури, давлат рўйхатидан ўтказилиши лозим бўлган ҳуқуқ, кўчмас мулк объектининг кадастр рақами кўрсатилади.

Воситачилар томонидан ариза берувчилардан Қонунда ва ушбу бандда назарда тутилмаган маълумот ва ҳужжатларни талаб қилиш қатъиян тақиқланади.

9 1 . Кўчмас мулк мулкдори турар жой тоифасидаги кўчмас мулк объектига бўлган ҳуқуқларни давлат рўйхатидан ўтказиш билан бир вақтда ушбу манзилга ўзини яшаш жойи бўйича рўйхатдан ўтказиш учун ариза юбориши мумкин.

Кўчмас мулк мулкдори турар жой тоифасидаги кўчмас мулк объектига бўлган ҳуқуқларни давлат рўйхатидан ўтказиш билан бир вақтда ушбу манзилга ўзини яшаш жойи бўйича рўйхатдан ўтказиш учун мурожаат қилганда аризада қўшимча равишда мулкдорнинг ЖШШИР, паспорти (ID-картаси ёки контракт бўйича ҳарбий хизматчининг шахсий гувоҳномаси) маълумотлари (серияси ва рақами), телефон рақами (мавжуд бўлганда) кўрсатилади.

Бунда ариза берувчидан мазкур банднинг биринчи ва иккинчи хатбошиларида назарда тутилмаган маълумот ва ҳужжатларни талаб қилиш қатъиян тақиқланади.

10. Зарур маълумотлар аризага киритилгандан сўнг ариза берувчи уни ўз электрон рақамли имзоси (кейинги ўринларда — ЭРИ) билан тасдиқлайди.

Ўзи келиб мурожаат этган тақдирда, аризани ЭРИ билан тасдиқлаш имконияти бўлмаган ҳолларда, тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.

11. Давлат хизматлари кўрсатилгани учун ушбу Регламентнинг 6-бандига мувофиқ йиғим ундирилади.

Давлат хизмати кўрсатилиши учун ЯИДХП орқали мурожаат этилганда, кўрсатилган хизматлар учун белгиланган йиғим суммасининг 90 фоизи ундирилади.

Кўчмас мулкка бўлган ҳуқуқларни давлат рўйхатидан ўтказиш учун белгиланган тўлов миқдори кўрсатилган хабарнома (инвойс) воситачиларга (ўзи келиб мурожаат этган тақдирда), операторга ёки ариза берувчига (электрон шаклда мурожаат этган тақдирда) электрон шаклда юборилади.

Воситачилар (оператор) тўлов суммаси кўрсатилган хабарнома (инвойс) келиб тушганидан сўнг реал вақт режимида бу ҳақда ахборот-коммуникация тизими орқали ариза берувчини (аукцион ғолиби) хабардор қилади.

Ариза берувчи хабарномада кўрсатилган миқдорда йиғим суммасини ва яшаш жойи бўйича рўйхатдан ўтказиш учун давлат божини тўлайди.

Кўчмас мулк объектига бўлган ҳуқуқларни давлат рўйхатидан ўтказиш билан бир вақтда ушбу манзилга доимий рўйхатга қўйиш бўйича хизмат кўрсатилганда, яшаш жойи бўйича рўйхатдан ўтказиш учун Ўзбекистон Республикасининг «Давлат божи тўғрисида»ги Қонунида белгиланган миқдорда давлат божи кўрсатилган хабарнома (инвойс) автоматик равишда шакллантирилади.

Давлат хизматлари кўрсатилганда тўлов тўланганлиги ахборот-коммуникация тизимлари орқали тасдиқланади.

12. Йиғимлар суммаси куйидаги тартибда тақсимланади:

а) Давлат хизматлари марказлари орқали мурожаат этилганда:

7 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағнинг 10 фоизи рўйхатдан ўтказувчи орган ҳисобварағига, 90 фоизи тегишлилиги бўйича ҳудудий бошқармаларнинг ҳисобварағига ўтказилади;

б) нотариал идоралар ёки нотариуслар орқали мурожаат этилганда:

5 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағнинг 10 фоизи рўйхатдан ўтказувчи орган ҳисобварағига, 90 фоизи тегишлилиги бўйича ҳудудий бошқармаларнинг ҳисобварағига ўтказилади;

в) Давлат активларини бошқариш агентлиги, риелторлик ташкилотлари ва тижорат банклари орқали мурожаат этилганда:

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағнинг 10 фоизи рўйхатдан ўтказувчи орган ҳисобварағига, 90 фоизи тегишлилиги бўйича ҳудудий бошқармаларнинг ҳисобварағига ўтказилади;

г) ЯИДХП орқали мурожаат этилганда:

5 фоизи (шундан 0,25 фоизи — давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

қолган маблағнинг 10 фоизи рўйхатдан ўтказувчи орган ҳисобварағига, 90 фоизи тегишлилиги бўйича ҳудудий бошқармаларнинг ҳисобварағига ўтказилади;

д) «Uzmulk» тизими орқали мурожаат этилганда:

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағнинг 10 фоизи рўйхатдан ўтказувчи орган ҳисобварағига, 90 фоизи тегишлилиги бўйича ҳудудий бошқармаларнинг ҳисобварағига ўтказилади.

Доимий яшаш жойи бўйича рўйхатга олиш учун давлат божи суммаси Вазирлар Маҳкамасининг 2018 йил 22 октябрдаги 845-сон қарори билан тасдиқланган Ўзбекистон Республикаси фуқароларини доимий яшаш жойи ва вақтинча турган жойи бўйича рўйхатга олиш тартиби тўғрисидаги низом ҳамда 2019 йил 28 декабрдаги 1049-сон қарори билан тасдиқланган Ўзбекистон Республикаси фуқароларини Тошкент шаҳри ва Тошкент вилоятида доимий яшаш ва вақтинча турган жойи бўйича рўйхатга олиш тартиби тўғрисидаги низомда белгиланган тартибда тақсимланади.

13. Ариза берувчи давлат хизматидан фойдаланишдан кўчмас мулкка бўлган ҳуқуқ давлат рўйхатидан ўтказилгунига (давлат реестрига ёзув киритилгунга) қадар бош тортиш ҳуқуқига эга.

Ариза берувчи давлат хизматидан фойдаланишдан бош тортганда, унинг аризаси кўрилмасдан қолдирилади. Бунда тўланган йиғим суммаси қайтарилмайди.

14. Ариза берувчи воситачига келиб мурожаат этганда унинг аризаси воситачи ходими томонидан тўлдирилиб, ариза берувчи томонидан тасдиқланганидан сўнг барча ҳужжатлар реал вақт режимида ҳудудий бошқармага электрон шаклда юборилади. ЯИДХП орқали мурожаат қилинганда эса ариза автоматик тарзда ҳудудий бошқармага юборилади.

15. Ҳудудий бошқарманинг рўйхатдан ўтказувчиси (кейинги ўринларда — рўйхатдан ўтказувчи) ариза келиб тушгандан сўнг Қонунда белгиланган муддатларда ҳамда тартибда:

аризани ўрганиб чиқади;

ариза кўриб чиқиш учун қабул қилинган тақдирда, кўчмас мулкка бўлган ҳуқуқларни давлат рўйхатидан ўтказишга доир ҳаракатларни амалга оширади;

аризани кўриб чиқиш, кўчмас мулкка бўлган ҳуқуқларни давлат рўйхатидан ўтказишга доир ҳаракатларни амалга ошириш натижасини воситачига юборади;

ЯИДХП ёки веб-сайт орқали мурожаат қилинганда кўчмас мулкка бўлган ҳуқуқларни давлат рўйхатидан ўтказишга доир ҳаракатларни амалга ошириш натижасини ариза берувчининг электрон манзилига юборади ёки талабгорни бу ҳақда ахборот-коммуникация тизими орқали хабардор қилади.

Тақдим этилган ҳужжатларда бартараф этилиши зарур бўлган ёки қўшимча ҳужжатларни талаб этадиган камчиликлар мавжуд бўлганда, кўчмас мулкка бўлган ҳуқуқларни давлат рўйхатидан ўтказиш уч иш кунига тўхтатиб турилиши мумкин. Бундай ҳолда рўйхатдан ўтказувчи кўчмас мулкка бўлган ҳуқуқларни давлат рўйхатидан ўтказиш тўхтатиб турилганлиги тўғрисида воситачи ва (ёки) ариза берувчини бир иш куни ичида хабардор қилади.

Кўчмас мулкка бўлган ҳуқуқларни давлат рўйхатидан ўтказишга доир ҳаракатларни амалга ошириш натижасига кўра рўйхатдан ўтказувчи ҳуқуқни давлат рўйхатидан ўтказади ва ушбу Регламентга 3-иловада келтирилган намунага мувофиқ Кўчмас мулкка бўлган ҳуқуқлар давлат реестридан (кейинги ўринларда — давлат реестри) кўчирма беради ёки ҳуқуқни давлат рўйхатидан ўтказишни Қонунда белгиланган тартибда рад этади.

15 1 . Реестрдан кўчирма шаклланганидан сўнг мулкдорни яшаш жойи бўйича рўйхатдан ўтказиш учун ариза автоматик равишда Ички ишлар вазирлигининг «Манзил» ахборот тизимига юборилади.

Ариза берувчи ички ишлар органларининг тегишли миграция ва фуқароликни расмийлаштириш бўлинмаларида яшаш жойи бўйича рўйхатдан ўтказилганидан сўнг Давлат хизматлари марказига, нотариал идорага (ўзи келиб мурожаат этганда) ёки ариза берувчига (ЯИДХП орқали мурожаат этганда) QR-код билан ҳимояланган қайд варағи юборилади.

16. Воситачи аризани кўриб чиқиш, кўчмас мулкка бўлган ҳуқуқларни давлат рўйхатидан ўтказишга доир ҳаракатларни амалга ошириш натижаси келиб тушгандан сўнг реал вақт режимида уни ариза берувчининг электрон манзилига юборади ёки уни бу ҳақда ахборот-коммуникация тизими орқали хабардор қилади. Воситачи ариза берувчининг сўровига кўра унга давлат реестридан кўчирмани электрон шаклда ёки қоғоз шаклида бериши мумкин.

Сўровномада ариза берувчи томонидан давлат хизматларини кўрсатишнинг натижасини олиб кетишга масъул шахс кўрсатилган ҳолатларда давлат хизматларини кўрсатишнинг натижасини ушбу шахсга тақдим этишда тегишли ишончнома талаб этилмайди.

17. Ариза берувчи рўйхатдан ўтказиш рад этилган кундан бошлаб ўн кун мобайнида кўчмас мулкка бўлган ҳуқуқни давлат рўйхатидан ўтказиш учун йиғим тўламасдан қайта мурожаат қилиш ҳуқуқига эга.

3-боб. Якунловчи қоидалар

18. Воситачилар ва ҳудудий бошқармалар ўз фаолиятини амалга ошириш натижасида олинган маълумотларнинг сир сақланишини таъминлайди.

19. Адлия вазирлиги, унинг ҳудудий бошқармалари ва давлат хизматлари марказлари рўйхатдан ўтказувчи органнинг мазкур Регламент талаблари ижроси бўйича фаолиятини, шу жумладан, ЯИДХП орқали доимий назорат ва мониторинг қилиб боради.

20. Ариза берувчи давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилиши мумкин.

21. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Кўчмас мулкка бўлган ҳуқуқларни давлат рўйхатидан ўтказиш бўйича давлат хизматлари кўрсатишнинг маъмурий регламентига 1-ИЛОВА

Кўчмас мулкка бўлган ҳуқуқларни давлат рўйхатидан ўтказиш бўйича давлат хизматлари кўрсатиш

Босқичлар Субъектлар Тадбирлар Бажариш муддатлари 1-босқич Ариза берувчи (жисмоний ва юридик шахслар ёки уларнинг ваколатли вакиллари) Кўчмас мулкни давлат рўйхатидан ўтказиш учун воситачига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) ёки Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатасининг веб-сайти (кейинги ўринларда — веб-сайт) орқали рўйхатдан ўтади ҳамда белгиланган миқдордаги тўловни амалга оширади. Кўчмас мулкка бўлган ҳуқуқлар юзага келгандан кейин бир ой муддатда 2-босқич 1. Воситачи (давлат хизматлари марказлари, нотариал идоралар, нотариуслар, риэлторлик ташкилотлари, тижорат банклари, Давлат активларини бошқариш агентлиги, «Ўздаверлойиҳа» давлат илмий-лойиҳалаш институти ва унинг ҳудудий бўлинмалари) 2. Ўзбекистон Республикаси Ягона интерактив давлат хизматлари портали 3. Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатасининг веб-сайти Ариза ва унга илова қилинган ҳужжатларни Кадастр агентлиги Давлат кадастрлари палатасининг тегишли ҳудудий бошқармасига электрон шаклда юборади. Реал вақт режимида 3-босқич Кадастр агентлиги Давлат кадастрлари палатасининг Қорақалпоғистон Республикаси, вилоятлар ва Тошкент шаҳар бошқармалари 1. Аризани кўриб чиқишга қабул қилади ёки қабул қилишни рад этади. 2. Кўчмас мулкка бўлган ҳуқуқларни давлат рўйхатидан ўтказишга доир ҳаракатларни амалга оширади. 3. Давлат реестридан кўчирмани ёки рўйхатдан ўтказишни рад этиш тўғрисида хабарномани воситачига (ЯИДХП ёки веб-сайт орқали мурожаат этилганда ариза берувчига) юборади. Қонунда белгиланган муддатларда 4-босқич Воситачи (давлат хизматлари марказлари, нотариал идоралар, нотариуслар, риэлторлик ташкилотлари, тижорат банклари, Давлат активларини бошқариш агентлиги, «Ўздаверлойиҳа» давлат илмий-лойиҳалаш институти ва унинг ҳудудий бўлинмалари) Ариза берувчини давлат рўйхатидан ўтказишга доир ҳаракатларни амалга ошириш натижаси юзасидан хабардор қилади. Реал вақт режимида

Кўчмас мулкка бўлган ҳуқуқларни давлат рўйхатидан ўтказиш бўйича давлат хизматлари кўрсатишнинг маъмурий регламентига 2-ИЛОВА

Кўчмас мулкка бўлган ҳуқуқларни давлат рўйхатидан ўтказиш учун

I. Ариза берувчи — жисмоний шахс тўғрисида маълумот: 1. Ф.И.О.: 2. Паспорт маълумотлари (серияси ва рақами): 3. ЖШШИР: 4. Телефон рақами: 5. Электрон почта манзили (мавжуд бўлса): II. Ариза берувчи — юридик шахс тўғрисида маълумот: 1. Тўлиқ номи: 2. СТИР: 3. Телефон рақами: 4. Электрон почта манзили (мавжуд бўлса): Аризада кўрсатилиши лозим бўлган маълумотлар: Ҳуқуқни белгиловчи ҳужжат тури, қабул қилинган санаси ва рақами: Кўчмас мулк объекти тури: Давлат рўйхатидан ўтказилиши лозим бўлган ҳуқуқ: Кадастр йиғмажилди тайёрланган ёки қайта расмийлаштирилган кўчмас мулк объектининг номи ва йиғмажилд тайёрланган сана (мавжуд бўлса): III. Давлат хизматини кўрсатиш натижасини олиб кетувчи шахс (агар мавжуд бўлса) тўғрисидаги маълумотлар: ЖШШИР

Кўчмас мулкка бўлган ҳуқуқларни давлат рўйхатидан ўтказиш бўйича давлат хизматлари кўрсатишнинг маъмурий регламентига 3-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ Иқтисодиёт ва молия вазирлиги ҳузуридаги ‎Кадастр агентлигининг Давлат кадастрлари палатаси ‎ ‎ ‎ ‎ ‎ ‎ ‎ ‎ ‎ ‎ ‎ Сана «____» ___________ Давлат реестрининг тартиб рақами ____________ ‎ ‎ ‎ ‎ ‎ ‎ ‎ ‎ ‎ ‎ ‎ Кўчмас мулкка бўлган ҳуқуқлар давлат реестридан ‎КЎЧИРМА ‎ ‎ ‎ ‎ ‎ ‎ ‎ ‎ ‎ ‎ ‎ «____» ____________да келиб тушган «____» ___________ги буюртма асосида Кўчмас мулкка бўлган ҳуқуқлар давлат реестрига қуйидаги ҳуқуқлар давлат рўйхатидан ўтказилганлиги ҳақида ёзув киритилди: 1. Кўчмас мулк объекти: Кўчмас мулк объекти тури: Кўчмас мулк объекти номи: Кадастр рақами: Жойлашган жойи: 2. Рўйхатдан ўтказилди: Ҳуқуқ эгаси, ҳуқуқдаги улуш: СТИР (ҳуқуқ эгаси юридик шахс бўлганда): 2.1. Ер участкаси: Ҳуқуқ тури: Ҳуқуқни давлат рўйхатидан ўтказиш санаси: Ҳуқуқни белгиловчи ҳужжат реквизитлари: 2.2. Бино ва иншоотлар: Ҳуқуқ тури: Ҳуқуқни давлат рўйхатидан ўтказиш санаси: Ҳуқуқни белгиловчи ҳужжат реквизитлари: 2.3. Кўп йиллик дов-дарахтлар: Дарахтлар сони, дона: Ҳуқуқни давлат рўйхатидан ўтказиш санаси: Ҳуқуқни белгиловчи ҳужжат реквизитлари: 3. Бошқа маълумотлар: 3.1. Ҳужжат бўйича майдон (га): 3.2. Амалдаги майдон (га): 3.3. Давлат рўйхатидан ўтказилган бино ва иншоотлар майдони (кв.м): 3.4. Тақиқ, хатлов ёки чекловлар мавжудлиги: Ипотека давлат рўйхатидан ўтказилганлиги: Сервитут давлат рўйхатидан ўтказилганлиги: Бинолар ва иншоотлар ёки уларнинг қисмларига бўлган ижара ҳуқуқи давлат рўйхатидан ўтказилганлиги: 4. Қўшимча маълумотлар: ... ... Агар сизда кўчирманинг ҳақиқийлигини текшириш зарурати юзага келса, пастки чап бурчакдаги QR-кодни сканерланг. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎QR-код ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Вазирлар Маҳкамасининг 2020 йил 2 сентябрдаги 535-сон қарорига 3-ИЛОВА

Кўчмас мулкни бўлиш ва унинг янги чегараларини белгилаш бўйича давлат хизматлари кўрсатишнинг

1-боб. Умумий қоидалар

1. Ушбу Регламент:

жисмоний ва юридик шахсларга мулк ҳуқуқи асосида тегишли бўлган айрим бинолар ва иншоотларга ёки уларнинг бир қисмига бўлган ҳуқуқнинг бошқа шахсга ўтиши муносабати билан ушбу бино ва иншоотлар жойлашган доимий фойдаланиш, ижара, мерос қилиб қолдириладиган умрбод эгалик қилиш ва мулк ҳуқуқидаги ер участкаларини;

мулк ёки ижара ҳуқуқида тегишли ер участкасини;

жисмоний ва юридик шахсларга ижара, доимий фойдаланиш, мерос қилиб қолдириладиган умрбод эгалик қилиш ҳуқуқларида тегишли бўлган ер участкаларини (бунда янги шаклланаётган ер участкаларининг ҳар бирида бино ва иншоотларнинг мавжуд бўлиши);

ҳуқуқ эгасининг мулк ҳуқуқида тегишли бино ва иншоотларни алоҳида қисмларга бўлиш бўйича мурожаатига асосан кўчмас мулкни бўлиш ва унинг янги чегараларини белгилаш далолатномасини (кейинги ўринларда — далолатнома) расмийлаштириш бўйича давлат хизматларини кўрсатиш тартибини белгилайди.

2. Ушбу Регламент кўп квартирали уй жойлашган ва унга туташ ер участкаларига, муддатли (вақтинча) фойдаланиш ҳуқуқида бўлган ер участкаларига, ҳуқуқи давлат рўйхатидан ўтказилмаган кўчмас мулкларга, шунингдек, кўп квартирали уйлардаги квартиралар ва қурилиши тугалланмаган объектларга нисбатан татбиқ этилмайди.

3. Далолатномани расмийлаштириш ушбу Регламентга 1-иловада келтирилган схемага мувофиқ амалга оширилади.

4. Далолатнома қуйидаги тартибда расмийлаштирилади:

а) Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси туман (шаҳар) филиаллари (кейинги ўринларда — филиаллар):

ушбу Регламентга 2-иловага мувофиқ шаклда кўчмас мулкни бўлиш ва унинг янги чегараларини белгилаш далолатномасини тузади;

кўчмас мулкнинг бўлиниши натижасида ҳосил бўлган алоҳида кўчмас мулк объектларининг манзилларини Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга мувофиқ белгилайди;

б) далолатнома Қурилиш ва уй-жой коммунал хўжалиги вазирлиги туман (шаҳар) қурилиш ва уй-жой коммунал хўжалиги бўлимлари (кейинги ўринларда — қурилиш ва уй-жой коммунал хўжалиги бўлимлари) билан келишилади.

2-боб. Кўчмас мулкни бўлиш ҳамда унинг янги чегараларини белгилаш хусусиятлари

5. Умумий биргаликдаги мулкни бўлиш ушбу умумий мулк иштирокчилари ўртасидаги келишувга ёки суд қарорига асосан амалга оширилади.

6. Кўчмас мулкни бўлиш далолатномасини расмийлаштиришда:

а) янги ташкил этилаётган кўчмас мулклар ўзининг асосий фойдаланиш мақсадини ўзгартирмаган бўлиши;

б) бўлиш ер участкасига нисбатан амалга оширилганда ер участкаси бўлинадиган бўлиши;

в) ер участкалари ёнғинга қарши, санитария, экологияга оид, шаҳарсозлик регламентларини, шаҳарсозлик ҳамда бошқа мажбурий нормалар ва қоидаларни бузмаган ҳолда янгидан ташкил этилиши ҳамда бўлиш амалга оширилганидан кейин ҳосил бўлган қисмларнинг ҳар бири мустақил ер участкасини ташкил этиши;

г) ер участкаларининг эгалари ёки ундан фойдаланувчилар мустақил равишда ер участкасига умумий фойдаланишдаги ер участкаси орқали ўтиш имконидан маҳрум бўлиб қоладиган бўлса, ер участкаси бўлинишига йўл қўйилмайди;

д) ер участкасининг янги чегаралари унинг бўлинишидан аввалги чегаралари асосида белгиланиши лозим, бунда янги ер участкаларининг майдонлари йиғиндиси ҳамда чегаралари аввалги чегара ва майдондан фарқ қилишига йўл қўйилмайди;

е) кўчмас мулкни бўлиш Кўчмас мулк объектларига бўлган ҳуқуқлар давлат реестрида кўрсатилган майдон ва чегаралар доирасида амалга оширилиши зарур.

7. Кўчмас мулкни бўлиш натижасида янги пайдо бўлган кўчмас мулкларга кадастр йиғмажилди (кадастр паспорти) далолатнома асосида тайёрланади.

8. Кўчмас мулкни бўлиш ва унинг янги чегараларини белгилаш бўйича давлат хизматлари кўрсатишда давлат хизматлари марказлари, филиаллар ва қурилиш ва уй-жой коммунал хўжалиги бўлимлари ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ҳамкорлик ёрдамида амалга оширилади.

9. Кўчмас мулкнинг бўлинганлиги ҳуқуқ эгасига кўчмас мулкнинг конструктив элементларини ўзгартириш ҳуқуқини бермайди.

3-боб. Давлат хизматини кўрсатиш тартиби

10. Кўчмас мулкларнинг ҳуқуқ эгалари ёки уларнинг вакиллари (кейинги ўринларда — ариза берувчи) далолатнома расмийлаштириш учун давлат хизматлари марказига ўзлари келиб мурожаат этадилар ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) ёки Кадастр агентлигининг расмий веб-сайти орқали (кейинги ўринларда — веб-сайт) давлат хизматидан электрон тарзда фойдаланиш учун рўйхатдан ўтадилар.

11. Ариза берувчи ўзи келиб мурожаат этган тақдирда давлат хизматлари маркази ходими — ариза берувчи номидан, ЯИДХП ёки веб-сайт орқали мурожаат этган тақдирда эса мустақил равишда, ушбу Регламентга 3-иловага мувофиқ электрон шаклдаги сўровномани тўлдирадилар ҳамда давлат хизматидан фойдаланиш учун тўловни амалга оширадилар.

Ариза берувчи сўровномани тўлдиришда далолатнома расмийлаштириш келишилган ҳолда, бўлинган кўчмас мулкка кадастр йиғмажилдини тайёрлаш ҳамда кўчмас мулкка бўлган ҳуқуқни давлат рўйхатидан ўтказиш хизматларидан фойдаланиш учун ариза автоматик тарзда шакллантирилишини танлашлари мумкин.

12. Далолатнома расмийлаштириш бўлинаётган кўчмас мулкка бўлган ҳуқуқ эгасининг кўчмас мулкни алоҳида қисмларга бўлиш ҳақидаги сўровномаси асосида амалга оширилади.

Кўчмас мулкка бўлган ҳуқуқ эгасининг ўзига мулк ҳуқуқида тегишли бўлмаган тақдирда, сўровномага белгиланган тартибда расмийлаштирилган мулкдорнинг кўчмас мулкни бўлиш бўйича розилиги илова қилинади.

Мулк ҳуқуқида тегишли якка тартибда уй-жой бўлган кўчмас мулкни ёки унинг бир қисмини бошқа шахсга ўтказиш нотариал тартибда амалга оширилади.

Учинчи шахслар манфаати учун ҳаракат қилинаётганда сўровномага белгиланган тартибда расмийлаштирилган ишончнома илова қилинади.

Давлат хизматлари маркази томонидан ариза берувчидан ушбу бандда кўрсатилмаган бошқа ҳужжатларни талаб қилиш қатъиян тақиқланади.

13. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва идентификация қилишнинг тегишли воситалари (дактилоскопия, электрон имзо, мобил-ID ва бошқалар) билан тасдиқлайди.

Ариза берувчи ЯИДХП ёки веб-сайт орқали мурожаат этган ҳолларда сўровномани ЭРИ билан тасдиқлаш талаб этилмайди.

14. Ариза берувчи давлат хизматлари марказига келиб мурожаат этганда уларнинг сўровномаси марказ ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар реал вақт режимида филиалга электрон шаклда юборилади. ЯИДХП ёки веб-сайт орқали мурожаат қилинганда эса сўровнома автоматик тарзда филиалга юборилади.

15. Давлат хизмати кўрсатилгани учун базавий ҳисоблаш миқдорининг 1 баравари миқдорида йиғим ундирилади.

Давлат хизмати кўрсатилиши учун ЯИДХП орқали мурожаат этилганда кўрсатилган хизматлар учун йиғим суммасининг 90 фоизи ундирилади.

Давлат хизмати кўрсатилгани учун йиғим ундиришда Ижтимоий реестрнинг «камбағал оила» тоифасига киритилган оилаларнинг аъзоларига шунингдек, I ва II гуруҳ ногиронлиги бўлган шахсларга мазкур бандда белгиланган йиғимнинг 50 фоизи миқдорида, Ижтимоий реестрнинг «давлат таъминотидаги оила» тоифасига киритилган оилаларнинг аъзоларига белгиланган йиғимнинг 75 фоизи миқдорида чегирма қўлланилади. Бунда чегирма Ижтимоий реестрнинг:

«давлат таъминотидаги оила» ёки «камбағал оила» тоифасидан «камбағаллик чегарасидаги оила» тоифасига ўтказилган оилаларга, уларнинг илгари белгиланган тоифасига мувофиқ миқдорда;

оғир ҳаётий вазиятга тушган оила сифатида «камбағаллик чегарасидаги оила» тоифасига киритилган оилаларга «камбағал оила» тоифасидаги оила учун белгиланган миқдорда қўлланилади.

15 1 . Таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи педагог шахслардан ушбу Регламентнинг 15-бандида белгиланган йиғим суммасининг 50 фоизи ундирилади.

15 2 . Давлат тиббиёт муассасаларида қонунчилик ҳужжатларига мувофиқ тузилган меҳнат шартномаси асосида тиббиёт ва фармацевтика соҳасига оид касбий фаолиятни амалга оширувчи шахслардан ушбу Низомнинг 15-банди биринчи хатбошисида белгиланган йиғим суммасининг 50 фоизи ундирилади.

16. Ариза берувчи давлат хизматидан фойдаланишдан далолатнома ҳуқуқ эгалари томонидан имзолангунга қадар воз кечиш ҳуқуқига эга. Ариза берувчи давлат хизматидан фойдаланишдан воз кечганда унинг сўровномаси кўрилмасдан қолдирилади. Бунда тўланган йиғим қайтарилмайди.

17. Давлат хизмати кўрсатилганлиги учун йиғим тўланганлигини тасдиқлаш ахборот-коммуникация тизимлари орқали амалга оширилади.

18. Йиғимлар суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

18 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

11,75 фоизи (шундан 0,25 фоизи — давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади;

в) «Uzmulk» тизими орқали мурожаат этилганда:

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади.

Тўловлар давлат хизматлари кўрсатилгани учун тўланган давлат божлари ва йиғимлар суммаси ҳисобини юритувчи Ягона биллинг тизими орқали тўланади.

19. Филиал сўровнома келиб тушган кундан бошлаб ўн беш иш куни мобайнида кўчмас мулк жойлашган жойида кўчмас мулкни бўлиш имкониятини ўрганади. Бунда, филиал томонидан ушбу Регламент 5-бандининг талаблари ва 6-бандининг « д », « е », « ж », «з» кичик бандларида кўрсатилган талаблар асосида кўчмас мулкни қисмларга бўлиш ёки чегараларини ўзгартириш мумкинлиги кўриб чиқилади.

Ўрганиш натижасига кўра, филиал жойнинг ўзида мавжуд чегара элементлари ҳамда ҳуқуқ эгаси(лари) билан келишувга асосан кўчмас мулкларнинг янги чегараларини ва кўчмас мулкда жойлашган бино ва иншоотларнинг жойлашиши бўйича ўзгаришларни қайд этган ҳолда абрис тайёрлайди ва тайёр абрис ижрочи, шунингдек ҳуқуқ эгаларининг имзоси билан тасдиқланади.

Филиал жойида олиб борилган ўрганишлар ва тасдиқланган абрисга асосан кўчмас мулкларнинг кадастр режаси илова қилинган далолатномани тайёрлайди ёки рад этишнинг аниқ сабабларини ҳамда тегишли қонунчилик ҳужжатлари нормаларини кўрсатган ҳолда уни тайёрлашни рад этади.

Кўчмас мулкнинг бўлиниши натижасида далолатномага илова қилинган кўчмас мулкнинг кадастр режасида бўлинаётган кўчмас мулк ҳамда янги яратилаётган кўчмас мулкларнинг чегаралари кўрсатилади.

20. Филиал томонидан далолатнома тайёрланган куни филиал бошлиғи ва ижрочи далолатнома лойиҳасини ўз ЭРИси билан тасдиқлайди ҳамда далолатнома марказга (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига электрон шаклда юборилади.

Далолатномани тайёрлаш рад этилган тақдирда, рад этиш тўғрисидаги хабарнома филиал бошлиғининг ЭРИси билан тасдиқланган ҳолда марказга (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига юборилади.

21. Давлат хизматлари маркази далолатнома ва кўчмас мулкнинг кадастр режаси келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

22. Далолатнома 3 иш куни мобайнида ҳуқуқ эгалари томонидан давлат хизматлари марказига келиб (ўзи келиб мурожаат қилган тақдирда) идентификация қилиш воситалари (дактилоскопия ва бошқалар) орқали ёки ЯИДХП ёхуд веб-сайт орқали (электрон шаклда мурожаат қилган тақдирда) ҳуқуқ эгаларининг ЭРИси билан келишилади.

Вояга етмаган шахс кўчмас мулк мулкдори бўлганда далолатномани унинг номидан ота-онаси, шунингдек, ота-онаси бўлмаган ҳолатларда васийлик ва ҳомийлик тўғрисидаги қонунчилик ҳужжатларига мувофиқ бошқа қонуний вакил (васий ёки ҳомий) томонидан тасдиқланади.

Бунда вояга етмаган шахснинг ота-онаси, васий ёки ҳомийси ҳақидаги маълумотлар «Рақамли ҳукумат» тизимининг идоралараро интеграциялашув платформаси воситасида аниқланади.

Вояга етмаган шахснинг васий ёки ҳомийси ҳақидаги маълумотлар «Рақамли ҳукумат» тизимининг идоралараро интеграциялашув платформаси воситасида аниқланмаган тақдирда, манфаатдор шахс вояга етмаган шахсга нисбатан васий ёки ҳомий эканлигини тасдиқловчи ҳужжатларни Давлат хизматлари марказига тақдим этади ва далолатномани тасдиқлайди.

23. Ҳуқуқ эгалари томонидан келишилган далолатнома ва унга илова қилинган электрон шаклдаги кадастр режаси давлат хизматлари маркази томонидан реал вақт режимида, ЯИДХП ёки веб-сайт орқали мурожаат қилинганда эса автоматик тарзда қурилиш ва уй-жой коммунал хўжалиги бўлимига келишиш учун юборилади.

24. Қурилиш ва уй-жой коммунал хўжалиги бўлимлари далолатнома ва унга илова қилинган электрон шаклдаги кадастр режаси келиб тушгандан сўнг уч иш куни ичида кўчмас мулк жойлашган жойида кўчмас мулкни ушбу Регламент 6-бандининг « а », « б », « в », « г », «д» кичик бандларида кўрсатилган талаблар асосида қисмларга бўлиш ёки янги чегараларини белгилаш имкониятини ўрганган ҳолда далолатномани келишади ёки рад этишнинг аниқ сабабларини ва тегишли қонунчилик ҳужжатлари нормаларини кўрсатган ҳолда уни рад этади.

Далолатномани келишиш ёки рад этиш қурилиш ва уй-жой коммунал хўжалиги бўлимининг ЭРИси билан тасдиқлаш орқали амалга оширилади.

25. Қурилиш ва уй-жой коммунал хўжалиги бўлимлари далолатномани келишган ёки рад этган куни далолатнома ва кўчмас мулк чегаралари кадастр режаси ёки рад этиш ҳақидаги хабарномани электрон шаклда марказга (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) юборади.

26. Давлат хизматлари марказига далолатнома ёки далолатномани тайёрлашни рад этиш ҳақида хабарнома келиб тушган тақдирда, марказ хабарнома келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

Аризани кўриб чиқиш натижалари асосида QR-код (матрицали штрих-код) қўйиб берилган электрон ҳужжатлар асл ҳужжатларга тенглаштирилади.

Сўровномада ариза берувчи томонидан давлат хизматларини кўрсатишнинг натижасини олиб кетишга масъул шахс кўрсатилган ҳолатларда давлат хизматларини кўрсатишнинг натижасини ушбу шахсга тақдим этишда тегишли ишончнома талаб этилмайди.

27. Қуйидагилар давлат хизмати кўрсатишни рад этиш учун асос ҳисобланади:

ушбу Регламентнинг 1 , 2 , 5 ва 6-бандларида назарда тутилган талабларга мувофиқ эмаслиги;

сўровномада нотўғри маълумотлар кўрсатилиши;

далолатнома ҳуқуқ эгалари томонидан белгиланган муддатда имзоланмагани;

ер участкасига бўлган ҳуқуқларнинг давлат рўйхатидан ўтказилмагани;

ер участкасида жойлашган бино ва иншоотларга бўлган ҳуқуқларнинг давлат рўйхатидан ўтказилмагани;

кўчмас мулкнинг ҳақиқий ҳолати Кўчмас мулкка бўлган ҳуқуқлар давлат реестридаги маълумотлардан фарқ қилиши;

филиал ҳамда қурилиш ва уй-жой коммунал хўжалиги бўлимлари вакилига кўчмас мулкни кўздан кечириш учун имконият яратилмагани;

кўчмас мулкнинг ҳуқуқ эгаларидан бири томонидан далолатномани имзолашдан бош тортгани;

давлат рўйхатидан ўтказувчи органда ушбу кўчмас мулк объектининг мансублиги масаласида низолар борлигидан далолат берувчи суд ҳужжатлари ва сўровномаларининг мавжудлиги;

ваколатли орган томонидан кўчмас мулк объектига тақиқ ёки хатлов қўйилгани.

Давлат хизмати кўрсатишни бошқа асосларга кўра рад этиш қатъиян тақиқланади.

28. Ариза берувчи давлат хизмати кўрсатилиши рад этилган кундан бошлаб ўн иш куни мобайнида давлат хизмати кўрсатиш учун йиғимни тўламасдан кўрсатилган камчиликларни бартараф этиб қайта мурожаат қилиш ҳуқуқига эга.

Давлат хизматини такроран кўрсатишда филиаллар ҳамда қурилиш ва уй-жой коммунал хўжалиги бўлимлари томонидан аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабабларининг келтирилиши бундан мустасно.

Қайта мурожаат этилганда кейинги мурожаатлар ушбу Регламентга асосан умумий тартибда ва муддатларда кўриб чиқилади.

4-боб. Якунловчи қоидалар

29. Давлат хизматлари марказлари, филиаллар ва қурилиш ва уй-жой коммунал хўжалиги бўлимлари ўз фаолиятини амалга ошириши натижасида олинган ариза берувчи ҳақидаги маълумотларнинг махфийлигини таъминлаши шарт.

30. Адлия вазирлиги, унинг ҳудудий бошқармалари ва Давлат хизматлари марказлари давлат органлари ва бошқа ташкилотларнинг мазкур Регламент талаблари ижроси бўйича фаолиятини, шу жумладан, ЯИДХП орқали доимий назорат ва мониторинг қилиб боради.

31. Ариза берувчи давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилиши мумкин.

32. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Кўчмас мулкни бўлиш ва унинг янги чегараларини белгилаш бўйича давлат хизматлари кўрсатишнинг маъмурий регламентига 1-ИЛОВА

Кўчмас мулкни бўлиш ҳамда унинг янги чегараларини белгилаш

Босқичлар Субъектлар Тадбирлар Бажариш муддатлари 1-босқич Ариза берувчи (Кўчмас мулкларнинг ҳуқуқ эгалари ёки уларнинг вакиллари) Маълумотнома олиш учун давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) ёки Иқтисодиёт ва молия вазирлиги ҳузуридаги Кадастр агентлигининг расмий веб-сайти (кейинги ўринларда — веб-сайт) орқали рўйхатдан ўтади ҳамда белгиланган миқдордаги тўловни амалга оширади. Хоҳишга кўра 2-босқич 1. Давлат хизматлари маркази 2. Ўзбекистон Республикаси Ягона интерактив давлат хизматлари портали 3. Иқтисодиёт ва молия вазирлиги ҳузуридаги Кадастр агентлигининг расмий веб-сайти Сўровномани Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси тегишли туман (шаҳар) филиали (кейинги ўринларда — филиал)га юборади. Реал вақт режимида 3-босқич Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси туман (шаҳар) филиали Филиал кўчмас мулк жойлашган жойида кўчмас мулкни бўлиш имкониятини ўрганади ва абрис тайёрлайди ҳамда ўрганишлар ва абрисга асосан кўчмас мулкнинг кадастр режаси илова қилинган Кўчмас мулкни бўлиш ва унинг янги чегараларини белгил�ш далолатнома (кейинги ўринларда — далолатнома)сини тайёрлаб, уни давлат хизматлари марказларига юборади ёки далолатнома расмийлаштиришни рад этади. 10 иш кунида 4-босқич Давлат хизматлари маркази Далолатнома ва кўчмас мулкнинг кадастр режаси келиб тушганлиги ҳақида ахборот-коммуникация тизими орқали ариза берувчини хабардор қилади. Реал вақт режимида 5-босқич Ариза берувчи (Кўчмас мулкларнинг ҳуқуқ эгалари ёки уларнинг вакиллари) Давлат хизматлари марказига келиб идентификация қилиш воситалари орқали ёки ЯИДХП ёхуд веб-сайт орқали ҳуқуқ эгаларининг ЭРИси билан далолатномани келишади. 3 иш куни 6-босқич 1. Давлат хизматлари маркази 2. Ўзбекистон Республикаси Ягона интерактив давлат хизматлари портали 3. Иқтисодиёт ва молия вазирлиги ҳузуридаги Кадастр агентлигининг расмий веб-сайти Далолатнома ва унга илова қилинган ҳужжатларни келишиш учун қурилиш ва уй-жой коммунал хўжалиги бўлимига юборади. Реал вақт режимида 7-босқич Қурилиш ва уй-жой коммунал хўжалиги вазирлиги туман (шаҳар) қурилиш ва уй-жой коммунал хўжалиги бўлимлари 1. Далолатнома ва унга илова қилинган ҳужжатларни келишади ва уни давлат хизматлари марказига юборади. 2. Далолатнома ва унга илова қилинган ҳужжатларни келишишни рад этади. 3 иш куни 8-босқич Давлат хизматлари маркази Далолатнома ёки далолатномани тайёрлашни рад этиш ҳақида хабарнома келиб тушганлиги ҳақида ахборот-коммуникация тизими орқали ариза берувчини хабардор қилади. Реал вақт режимида

Кўчмас мулкни бўлиш ва унинг янги чегараларини белгилаш бўйича давлат хизматлари кўрсатишнинг маъмурий регламентига 2-ИЛОВА

‎ ‎ ‎ ‎ ‎ ‎ ‎ ‎ ‎ ‎ Кўчмас мулкни бўлиш ва унинг янги чегараларини белгилаш ‎ДАЛОЛАТНОМАСИ ‎ ‎ ‎ ‎ ‎ ‎ ‎ ‎ ‎ ‎ № _________ ‎ ‎ ____________ йил ‎ ‎ ‎ ‎ ‎ ‎ ‎ ‎ ‎ ‎ Мазкур далолатнома, Давлат кадастрлари палатаси _______________________ бошқармасининг ____________ туман филиали, ___________ туман қурилиш ва уй-жой коммунал хўжалиги бўлимлари вакиллари ва кўчмас мулк ҳуқуқ эгалари билан кўчмас мулкни бўлиш тўғрисида тузилди. 1. Бўлинаётган кўчмас мулк тўғрисидаги маълумотлар: 1.1. Кўчмас мулкка бўлган ҳуқуқ эгаси: ______________________________________ Кўчмас мулк жойлашган манзил: ___________________________________________ Ер участкасининг кадастр рақами: __________________________________________ Бино ва иншоотнинг кадастр рақами: ________________________________________ Ер участкасининг майдони (м²): ____________________________________________ Ер участкаси чегарасини ўзгартиришга асос бўлган ҳужжатлар: ___________________ ‎_________________________________________________________________________ Ер участкасининг алоҳида хусусиятлари: _____________________________________ 2. Кўчмас мулкни жойида ўрганиш натижасида қуйидагилар аниқланди: Бино ва иншоотлардан эгалик қилиш (фойдаланиш) тартиби мулкдорлар ўртасида юқоридаги ҳуқуқни тасдиқловчи ҳужжатлар асосида белгиланган бўлиб, бўлинаётган ер участкаси Ўзбекистон Республикаси Ер кодексининг 62-моддаси талабларига мувофиқлиги, яъни ер участкалари ёхуд ундаги иморатнинг у ёки бу қисми коммунал хизматдан (ёритиш, канализация, суғориш қурилмалари ва шу кабилар), кўчмас мулкларнинг эгалари ёки ундан фойдаланувчилар эса мустақил равишда ўзи ёки транспортда кириб-чиқиш имконидан маҳрум бўлиб қолмаслиги аниқланди ҳамда кўчмас мулк эгаларининг ўзаро келишуви, шунингдек, ер участкасидаги мавжуд ўзгармас элементлар (девор, бино ва х.к.)ни ўрганиш асосида кўчмас мулклар чегараларига ўзгартириш киритилди. 3. Ер участкаларига ўзгартириш киритилган кўчмас мулклар таркиби қуйидагилардан иборат: 3.1. Кўчмас мулк эгаси: ___________________________________________________ Кўчмас мулк жойлашган манзил: ___________________________________________ Ер участкасининг кадастр рақами: __________________________________________ Ер участкасининг майдони (м²): ____________________________________________ Кўчмас мулкка бўлган ҳуқуқни тасдиқловчи ҳужжатлар:_________________________ Кўчмас мулкнинг алоҳида хусусиятлари: _____________________________________ 3.2. Кўчмас мулк эгаси: ___________________________________________________ Кўчмас мулк жойлашган манзил: ___________________________________________ Ер участкасининг кадастр рақами: __________________________________________ Ер участкасининг майдони (м²): ____________________________________________ Кўчмас мулкка бўлган ҳуқуқни тасдиқловчи ҳужжатлар: _________________________ Кўчмас мулкнинг алоҳида хусусиятлари: _____________________________________ 4. Ушбу далолатнома, унинг ажралмас қисми сифатида илова қилинган кўчмас мулк чегаралари кадастр режаси билан бирга ҳақиқий ҳисобланади. 5. Кўчмас мулкларнинг эгалари томонидан мазкур далолатноманинг тасдиқланганлиги кейинчалик алоҳида ташкил топган ер участкалари ва ундаги бино ва иншоотларга кадастр йиғмажилдини қайта шакллантириш ва кўчмас мулкларга бўлган ҳуқуқларни давлат рўйхатидан ўтказиш учун асос ҳисобланади. ХУЛОСА: Ер участкаларига ўзгартириш киритилган кўчмас мулклар мазкур далолатноманинг 3-бандида келтирилган таркибда алоҳида кўчмас мулк деб ҳисоблансин. ‎ ‎ ‎ ‎ ‎ ‎ ‎ ‎ ‎ ‎ Филиал бошлиғи _________ ____________________________ ‎ ‎ ‎ ‎ ‎ ‎ (Ф.И.О.) Қурилиш ва уй-жой коммунал хўжалиги бўлими бошлиғи ‎ _________ ____________________________ ‎ ‎ ‎ ‎ ‎ ‎ (Ф.И.О.) Филиал муҳандиси _________ ____________________________ ‎ ‎ ‎ ‎ ‎ ‎ (Ф.И.О.) Кўчмас мулкка бўлган ҳуқуқ эгалари _________ ____________________________ ‎ ‎ ‎ ‎ ‎ ‎ (Ф.И.О.) ‎ ‎ ‎ ‎ _________ ____________________________ ‎ ‎ ‎ ‎ (Ф.И.О.) 20__ йил «___» _______ _________ тумани (шаҳри) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Кўчмас мулкни бирлаштириш ва унинг янги чегараларини белгилаш далолатномасига ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ЕР УЧАСТКАСИНИНГ КАДАСТР РЕЖАСИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________ (юридик шахснинг тўлиқ номи ёки жисмоний шахснинг Ф.И.О.) ‎ Кадастр рақами: ___________________________________________________________ ‎Ер участкасининг майдони, га: ________________________________________________ ‎Масштаб: ________________________________________________________________ ‎Ижрочи: _________________________________________________________________ ‎ ‎ (имзоси, Ф.И.О.) Ер участкасига бўлган ҳуқуқ эгаси: ____________________________________________ ‎ ‎ ‎ ‎ ‎ ‎ ‎ ‎ (имзоси, Ф.И.О.) Ер участкасига бўлган ҳуқуқ эгаси: ____________________________________________ ‎ ‎ ‎ ‎ ‎ ‎ ‎ ‎ (имзоси, Ф.И.О.) Ер участкасига бўлган ҳуқуқ эгаси: ____________________________________________ ‎ ‎ ‎ ‎ ‎ ‎ ‎ ‎ (имзоси, Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Кўчмас мулкни бўлиш ва унинг янги чегараларини белгилаш бўйича давлат хизматлари кўрсатишнинг маъмурий регламентига 3-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _________________ ‎ ‎ ‎ ‎ ‎ ‎ ‎ ‎ ‎ ‎ _________________ (санаси) ‎ ‎ ‎ ‎ ‎ ‎ ‎ ‎ ‎ ‎ (рақами) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Кўчмас мулкни бўлиш ва унинг янги чегараларини белгилаш тўғрисида ‎СЎРОВНОМА ‎‎I. Ариза берувчи — жисмоний шахс тўғрисида маълумот: 1. Ф.И.О.: 2. Паспорт маълумотлари (серияси ва рақами, жисмоний шахснинг шахсий идентификация рақами (мавжуд бўлса): 3. Телефон рақами: 4. Электрон почта манзили (мавжуд бўлса): II. Ариза берувчи — юридик шахс тўғрисида маълумот: 1. Расмий номи (тўлиқ): 2. Жойлашган жойи: 3. Телефон рақами: 4. Электрон почта манзили (мавжуд бўлса): III. Кўчмас мулк объекти тўғрисида маълумот: 1. Кўчмас мулк объекти тури:‏ якка тартибдаги турар жой; ер участкаси; нотурар жой; 2. Кўчмас мулк объекти номланиши (нотурар жой тоифасидаги объектлар учун): 3. Кўчмас мулк объекти манзили (индекс, манзил, мўлжал): 4. Кўчмас мулкнинг кадастр рақами: IV. Давлат хизматини кўрсатиш натижасини олиб кетувчи шахс (агар мавжуд бўлса) тўғрисидаги маълумотлар: ЖШШИР:

Вазирлар Маҳкамасининг 2020 йил 2 сентябрдаги 535-сон қарорига 4-ИЛОВА

Кўчмас мулкни бирлаштириш ва унинг янги чегараларини белгилаш бўйича давлат хизматлари кўрсатишнинг

1-боб. Умумий қоидалар

1. Ушбу Регламент жисмоний ва юридик шахсларга доимий фойдаланиш, ижара, мерос қилиб қолдириладиган умрбод эгалик қилиш, мулк ҳуқуқи асосида тегишли бўлган ер участкаларини, мулк ҳуқуқидаги бинолар ва иншоотларни уларнинг мурожаатига асосан бирлаштириш ва бирлаштирилиши натижасида ҳосил бўлган мулкнинг янги чегараларини белгилаш далолатномасини (кейинги ўринларда — далолатнома) расмийлаштириш бўйича давлат хизматлари кўрсатиш тартибини белгилайди.

2. Ушбу Регламент кўп квартирали уй жойлашган ва унга туташ ер участкаларига, ҳуқуқи давлат рўйхатидан ўтказилмаган кўчмас мулкларга, шунингдек, кўп квартирали уйлардаги квартиралар ва қурилиши тугалланмаган объектларга нисбатан татбиқ этилмайди.

3. Кўчмас мулкни бирлаштириш ва унинг янги чегараларини белгилаш ҳуқуқ эгасига доимий фойдаланиш, ижара, мерос қилиб қолдириладиган умрбод эгалик қилиш, мулк ҳуқуқи асосида тегишли бўлган ҳолларда амалга оширилади.

4. Далолатномани расмийлаштириш ушбу Регламентга 1-иловада келтирилган схемага мувофиқ амалга оширилади.

5. Далолатнома қуйидаги тартибда расмийлаштирилади:

а) Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси туман (шаҳар) филиаллари (кейинги ўринларда — филиаллар):

ушбу Регламентга 2-иловага мувофиқ шаклда Кўчмас мулкни бирлаштириш ва унинг янги чегараларини белгилаш далолатномасини тузади;

кўчмас мулкнинг бирлаштирилиши натижасида ҳосил бўлган кўчмас мулкнинг манзилини Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга мувофиқ белгилайди;

б) далолатнома Қурилиш ва уй-жой коммунал хўжалиги вазирлиги туман (шаҳар) қурилиш ва уй-жой коммунал хўжалиги бўлимлари (кейинги ўринларда — қурилиш ва уй-жой коммунал хўжалиги бўлимлари) келишилади.

2-боб. Кўчмас мулкни бирлаштириш ҳамда унинг янги чегараларини белгилаш хусусиятлари

6. Кўчмас мулкни бирлаштириш кўчмас мулк мулкдорининг қарорига, мулкдорлар ўртасида тузилган шартномага, давлат ижрочисининг ёки суднинг қарорига асосан амалга оширилади.

7. Кўчмас мулкни бирлаштириш далолатномасини расмийлаштиришда қуйидагилар талаб этилади:

а) янги ташкил этилаётган кўчмас мулклар ўзининг асосий фойдаланиш мақсадини ўзгартирмаган бўлиши;

б) бирлаштириш ер участкасига нисбатан амалга оширилганда, ер участкаси бирлаштириладиган бўлиши;

в) кўчмас мулк ёнғинга қарши, санитария, экологияга оид, шаҳарсозлик ҳамда бошқа мажбурий нормалар ва қоидаларни бузмаган ҳолда янгидан ташкил этилиши;

г) кўчмас мулкнинг янги чегаралари унинг бирлаштирилишидан аввалги чегаралари асосида белгиланиши, бунда янги кўчмас мулкнинг майдонлари йиғиндиси ҳамда чегаралари аввалги чегара ва майдондан фарқ қилишига йўл қўйилмаслиги;

д) кўчмас мулкни бирлаштириш Кўчмас мулк объектларига бўлган ҳуқуқлар давлат реестрида кўрсатилган майдон ва чегаралар доирасида амалга оширилиши;

е) кўчмас мулкнинг фойдаланиш мақсади, ер участкасининг рухсат этилган фойдаланиш асосий тури, ҳуқуқ тури бир хил бўлиши ҳамда бир маъмурий ҳудудда жойлашган ва умумий чегарага эга бўлиши.

8. Кўчмас мулкларни бирлаштириш натижасида янги пайдо бўлган кўчмас мулкка кадастр йиғмажилди (кадастр паспорти) далолатнома асосида тайёрланади.

9. Кўчмас мулкни бирлаштириш ва унинг янги чегараларини белгилаш бўйича давлат хизматлари кўрсатишда давлат хизматлари марказлари, филиаллар ва қурилиш ва уй-жой коммунал хўжалиги бўлимлари ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.

10. Кўчмас мулкнинг бирлаштирилганлиги ҳуқуқ эгасига кўчмас мулкнинг конструктив элементларини ўзгартириш ҳуқуқини бермайди.

3-боб. Давлат хизматини кўрсатиш тартиби

11. Кўчмас мулкларнинг ҳуқуқ эгалари ёки уларнинг вакиллари (кейинги ўринларда — ариза берувчи) далолатнома расмийлаштириш учун давлат хизматлари марказига ўзлари келиб мурожаат этадилар ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) ёки Кадастр агентлигининг расмий веб-сайти (кейинги ўринларда — веб-сайт) орқали давлат хизматидан электрон тарзда фойдаланиш учун рўйхатдан ўтадилар.

12. Ариза берувчи ўзи келиб мурожаат этган тақдирда давлат хизматлари маркази ходими — ариза берувчи номидан, ЯИДХП ёки веб-сайт орқали мурожаат этган тақдирда эса мустақил равишда, ушбу Регламентга 3-иловага мувофиқ электрон шаклдаги сўровномани тўлдиради ҳамда давлат хизматидан фойдаланиш учун тўловни амалга оширади.

Сўровномани тўлдиришда далолатнома келишилган ҳолда, бирлаштирилган кўчмас мулкка кадастр йиғмажилдини тайёрлаш ҳамда кўчмас мулкка бўлган ҳуқуқни давлат рўйхатидан ўтказиш хизматларидан фойдаланиш учун ариза автоматик тарзда шакллантирилиши танланиши мумкин.

13. Далолатнома расмийлаштириш бирлаштирилаётган кўчмас мулкларнинг ҳуқуқ эгалари сўровномаси асосида амалга оширилади.

Кўчмас мулк ҳуқуқ эгасининг ўзига мулк ҳуқуқида тегишли бўлмаган тақдирда, сўровномага белгиланган тартибда расмийлаштирилган мулкдорнинг кўчмас мулкни бирлаштириш бўйича розилиги илова қилинади.

Учинчи шахслар манфаати учун ҳаракат қилинаётганда сўровномага белгиланган тартибда расмийлаштирилган ишончнома илова қилинади.

Давлат хизматлари маркази томонидан ариза берувчидан ушбу бандда кўрсатилмаган бошқа ҳужжатларни талаб қилиш қатъиян тақиқланади.

14. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва идентификация қилишнинг тегишли воситалари (дактилоскопия, электрон имзо, Мобил-ID ва бошқалар) билан тасдиқлайди.

Ариза берувчи ЯИДХП ёки веб-сайт орқали мурожаат этган тақдирда сўровномани ЭРИ билан тасдиқлаш талаб этилмайди.

15. Ариза берувчи давлат хизматлари марказига келиб мурожаат этганда, унинг сўровномаси марказ ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар реал вақт режимида филиалга электрон шаклда юборилади. ЯИДХП ёки веб-сайт орқали мурожаат қилинганда эса сўровнома автоматик тарзда филиалга юборилади.

16. Давлат хизматини кўрсатиш учун базавий ҳисоблаш миқдорининг 1 баравари миқдорида йиғим ундирилади.

Давлат хизмати кўрсатилиши учун ЯИДХП орқали мурожаат этилганда кўрсатилган хизматлар учун йиғимлар суммасининг 90 фоизи ундирилади.

Давлат хизмати кўрсатиш учун йиғим ундиришда Ижтимоий реестрнинг «камбағал оила» тоифасига киритилган оилаларнинг аъзоларига шунингдек, I ва II гуруҳ ногиронлиги бўлган шахсларга мазкур бандда белгиланган йиғимнинг 50 фоизи миқдорида, Ижтимоий реестрнинг «давлат таъминотидаги оила» тоифасига киритилган оилаларнинг аъзоларига белгиланган йиғимнинг 75 фоизи миқдорида чегирма қўлланилади. Бунда чегирма Ижтимоий реестрнинг:

«давлат таъминотидаги оила» ёки «камбағал оила» тоифасидан «камбағаллик чегарасидаги оила» тоифасига ўтказилган оилаларга, уларнинг илгари белгиланган тоифасига мувофиқ миқдорда;

оғир ҳаётий вазиятга тушган оила сифатида «камбағаллик чегарасидаги оила» тоифасига киритилган оилаларга «камбағал оила» тоифасидаги оила учун белгиланган миқдорда қўлланилади.

16 1 . Таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи педагог шахслардан ушбу Регламентнинг 16-бандида белгиланган йиғим суммасининг 50 фоизи ундирилади.

16 2 . Давлат тиббиёт муассасаларида қонунчилик ҳужжатларига мувофиқ тузилган меҳнат шартномаси асосида тиббиёт ва фармацевтика соҳасига оид касбий фаолиятни амалга оширувчи шахслардан ушбу Низомнинг 16-банди биринчи хатбошисида белгиланган йиғим суммасининг 50 фоизи ундирилади.

17. Ариза берувчи давлат хизматидан фойдаланишдан далолатнома ҳуқуқ эгалари томонидан имзолангунга қадар воз кечиш ҳуқуқига эга. Ариза берувчи давлат хизматидан фойдаланишдан воз кечганда уларнинг сўровномаси кўрилмасдан қолдирилади. Бунда тўланган йиғим қайтарилмайди.

18. Давлат хизмати кўрсатилгани учун йиғим тўланганлигини тасдиқлаш ахборот-коммуникация тизимлари орқали амалга оширилади.

19. Йиғимлар суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

18 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

11,75 фоизи (шундан 0,25 фоизи — давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади;

в) «Uzmulk» тизими орқали мурожаат этилганда:

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

5 фоизи — Кадастр агентлигининг бюджетдан ташқари жамғармаси шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади.

Тўловлар давлат хизматлари кўрсатилгани учун тўланган давлат божлари ва йиғимлар суммаси ҳисобини юритувчи Ягона биллинг тизими орқали тўланади.

20. Филиал сўровнома келиб тушган кундан бошлаб ўн беш иш куни мобайнида кўчмас мулк жойлашган жойида кўчмас мулкларни бирлаштириш имкониятини ўрганади. Бунда, филиал томонидан ушбу Регламентнинг 6-банди ва 7-бандининг « г », « д », «е» кичик бандларида кўрсатилган талаблар асосида бирлаштириш мумкинлиги кўриб чиқилади.

Ўрганиш натижасига кўра филиал ходими жойнинг ўзида мавжуд чегара элементлари ҳамда ҳуқуқ эгаларининг келишувига асосан кўчмас мулкларнинг янги чегараларини қайд этган ҳолда абрис тайёрлайди ва тайёр абрис ижрочи, шунингдек, ҳуқуқ эгаларининг имзоси билан тасдиқланади.

Филиал жойида олиб борилган ўрганишлар ва тасдиқланган абрисга асосан ер участкаларининг кадастр режаси илова қилинган далолатномани тайёрлайди ёки рад этишнинг аниқ сабабларини ҳамда қонунчилик ҳужжатлари нормаларини кўрсатган ҳолда уни тайёрлашни рад этади.

Кўчмас мулкнинг бирлаштирилиши натижасида далолатномага илова қилинган кадастр режасида бирлаштирилаётган кўчмас мулклар ҳамда янги ҳосил бўлаётган кўчмас мулкнинг чегаралари кўрсатилади.

21. Филиал томонидан далолатнома тайёрланган куни филиал бошлиғи ва ижрочи далолатнома лойиҳасини ўз ЭРИси билан тасдиқлайди ҳамда далолатнома давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига электрон шаклда юборилади.

Далолатномани тайёрлаш рад этилган тақдирда рад этиш тўғрисидаги хабарнома филиал бошлиғининг ЭРИси билан тасдиқланган ҳолда марказга (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига юборилади.

22. Давлат хизматлари маркази далолатнома ва кадастр режаси келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

23. Далолатнома 3 иш куни мобайнида ҳуқуқ эгалари томонидан марказга келиб (ўзи келиб мурожаат қилган тақдирда) идентификация қилиш воситалари (дактилоскопия ва бошқалар) орқали ёки ЯИДХП ёхуд веб-сайт орқали (электрон шаклда мурожаат қилган тақдирда) ҳуқуқ эгаларининг ЭРИ си билан келишилади.

Белгиланган муддатда далолатнома ҳуқуқ эгалари томонидан тасдиқланмаслиги далолатномани расмийлаштиришни рад этиш учун асос бўлади. Ушбу ҳолатларда ариза берувчи умумий тартибда давлат хизматидан фойдаланиш учун такроран мурожаат қилишга ҳақли.

24. Ҳуқуқ эгалари томонидан келишилган далолатнома ва унга илова қилинган электрон шаклдаги кадастр режаси давлат хизматлари маркази томонидан реал вақт режимида, ЯИДХП ёки веб-сайт орқали мурожаат қилинганда эса автоматик тарзда туман (шаҳар) қурилиш ва уй-жой коммунал хўжалиги бўлимларига келишиш учун юборилади.

25. Қурилиш ва уй-жой коммунал хўжалиги бўлимлари далолатнома ва унга илова қилинган электрон шаклдаги кадастр режаси келиб тушгандан сўнг уч иш куни ичида ер участкаси жойлашган жойида кўчмас мулкни ушбу Регламентнинг 6-банди ва 7-бандининг « а », « б », « в », «г» кичик бандларида кўрсатилган талаблар асосида бирлаштириш имкониятини ўрганган ҳолда далолатномани келишади ёки рад этишнинг аниқ сабабларини ва тегишли қонунчилик ҳужжатлари нормаларини кўрсатган ҳолда уни рад этади.

Далолатномани келишиш ёки рад этиш қурилиш ва уй-жой коммунал хўжалиги бўлимининг ЭРИси билан тасдиқлаш орқали амалга оширилади.

26. Қурилиш ва уй-жой коммунал хўжалиги бўлимлари далолатномани келишган ёки рад этган куни далолатнома ва ер чегаралари кадастр режаси ёки рад этиш ҳақидаги хабарномани электрон шаклда давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) юборади.

27. Давлат хизматлари марказига далолатнома ёки далолатнома тайёрлашни рад этиш ҳақида хабарнома келиб тушган тақдирда, марказ хабарнома келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

Аризани кўриб чиқиш натижалари асосида QR-код (матрицали штрих-код) қўйиб берилган электрон ҳужжатлар асл ҳужжатларга тенглаштирилади.

Сўровномада ариза берувчи томонидан давлат хизматларини кўрсатишнинг натижасини олиб кетишга масъул шахс кўрсатилган ҳолатларда давлат хизматларини кўрсатишнинг натижасини ушбу шахсга тақдим этишда тегишли ишончнома талаб этилмайди.

28. Қуйидагилар давлат хизмати кўрсатишни рад этиш учун асос ҳисобланади:

ушбу Регламентнинг 2 , 3 , 6 ва 7-бандларида назарда тутилган талабларга мувофиқ эмаслиги;

сўровномада нотўғри маълумотлар кўрсатилиши;

далолатнома ҳуқуқ эгалари томонидан белгиланган муддатда имзоланмагани;

ер участкасига бўлган ҳуқуқларнинг давлат рўйхатидан ўтказилмагани;

ер участкасида жойлашган бино ва иншоотларга бўлган ҳуқуқларнинг давлат рўйхатидан ўтказилмагани;

кўчмас мулкнинг ҳақиқий ҳолати кўчмас мулкка бўлган ҳуқуқлар давлат реестридаги маълумотлардан фарқ қилиши;

филиал ҳамда қурилиш ва уй-жой коммунал хўжалиги бўлимлари вакилига кўчмас мулкни кўздан кечириш учун имконият яратилмагани;

кўчмас мулкнинг ҳуқуқ эгаларидан бири далолатномани имзолашдан бош тортгани;

давлат рўйхатидан ўтказувчи органда ушбу кўчмас мулк объектининг мансублиги масаласида низолар борлигидан далолат берувчи суд ҳужжатлари ва сўровномаларининг мавжудлиги;

ваколатли орган томонидан кўчмас мулк объектига тақиқ ёки хатлов қўйилгани.

Давлат хизмати кўрсатишни бошқа асосларга кўра рад этиш қатъиян тақиқланади.

29. Ариза берувчи давлат хизмати кўрсатилиши рад этилган кундан бошлаб ўн иш куни мобайнида давлат хизмати кўрсатиш учун йиғимни тўламасдан, кўрсатилган камчиликни бартараф этган ҳолда қайта мурожаат қилиш ҳуқуқига эга.

Давлат хизматини такроран кўрсатишда филиаллар ва қурилиш ва уй-жой коммунал хўжалиги бўлимлари томонидан аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабабларининг келтирилиши бундан мустасно.

Қайта мурожаат этилганда кейинги мурожаатлар ушбу Регламентга асосан умумий тартибда ва муддатларда кўриб чиқилади.

4-боб. Якунловчи қоидалар

30. Давлат хизматлари марказлари, филиаллар ҳамда қурилиш ва уй-жой коммунал хўжалиги бўлимлари ўз фаолиятини амалга ошириши натижасида олинган ариза берувчи ҳақидаги маълумотларнинг махфийлигини таъминлаши шарт.

31. Адлия вазирлиги, унинг ҳудудий бошқармалари ва давлат хизматлари марказлари давлат органлари ва бошқа ташкилотларнинг мазкур Регламент талаблари ижроси бўйича фаолиятини, шу жумладан, ЯИДХП орқали доимий назорат ва мониторинг қилиб боради.

32. Ариза берувчи давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилиши мумкин.

33. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Кўчмас мулкни бирлаштириш ва унинг янги чегараларини белгилаш бўйича давлат хизматлари кўрсатишнинг маъмурий регламентига 1-ИЛОВА

Кўчмас мулкни бирлаштириш ва унинг янги чегараларини белгилаш

Босқичлар Субъектлар Тадбирлар Бажариш муддатлари 1-босқич Ариза берувчи (Кўчмас мулкларнинг ҳуқуқ эгалари ёки уларнинг вакиллари) Маълумотнома олиш учун давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) ёки Иқтисодиёт ва молия вазирлиги ҳузуридаги Кадастр агентлигининг расмий веб-сайти (кейинги ўринларда — веб-сайт) орқали рўйхатдан ўтади ҳамда белгиланган миқдордаги тўловни амалга оширади. Хоҳишга кўра 2-босқич 1. Давлат хизматлари маркази 2. Ўзбекистон Республикаси Ягона интерактив давлат хизматлари портали 3. Иқтисодиёт ва молия вазирлиги ҳузуридаги Кадастр агентлигининг расмий веб-сайти Сўровномани Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси тегишли туман (шаҳар) филиали (кейинги ўринларда — филиал)га юборади. Реал вақт режимида 3-босқич Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси туман (шаҳар) филиали 1. Кўчмас мулклар жойлашган жойида кўчмас мулкларни бирлаштириш имкониятини ўрганади ва абрис тайёрлайди ҳамда ўрганишлар ва абрисга асосан кўчмас мулкнинг кадастр режаси илова қилинган Кўчмас мулкни бирлаштириш ва унинг янги чегараларини белгилаш далолатномаси (кейинги ўринларда — далолатнома)ни тайёрлайди ва уни давлат хизматлари марказига юборади. 2. Далолатнома расмийлаштиришни рад этади. 10 иш кунида 4-босқич Давлат хизматлари маркази Далолатнома ва кўчмас мулкнинг кадастр режаси келиб тушганлиги ҳақида ахборот-коммуникация тизими орқали ариза берувчини хабардор қилади. Реал вақт режимида 5-босқич Ариза берувчи (Кўчмас мулкларнинг ҳуқуқ эгалари ёки уларнинг вакиллари) Давлат хизматлари марказига келиб идентификация қилиш воситалари орқали ёки ЯИДХП ёхуд веб-сайт орқали ҳуқуқ эгаларининг ЭРИси билан далолатномани келишади. 3 иш куни 6-босқич 1. Давлат хизматлари маркази 2. Ўзбекистон Республикаси Ягона интерактив давлат хизматлари портали 3. Иқтисодиёт ва молия вазирлиги ҳузуридаги Кадастр агентлигининг расмий веб-сайти Далолатнома ва унга илова қилинган ҳужжатларни келишиш учун қурилиш ва уй-жой коммунал хўжалиги бўлимига юборади. Реал вақт режимида 7-босқич Қурилиш ва уй-жой коммунал хўжалиги вазирлиги туман (шаҳар) қурилиш ва уй-жой коммунал хўжалиги бўлимлари 1. Далолатнома ва унга илова қилинган ҳужжатларни келишади ва уни давлат хизматлари марказига юборади. 2. Далолатнома ва унга илова қилинган ҳужжатларни келишишни рад этади. 3 иш куни 8-босқич Давлат хизматлари маркази Далолатнома ёки далолатномани тайёрлашни рад этиш ҳақида хабарнома келиб тушганлиги ҳақида ахборот-коммуникация тизими орқали ариза берувчини хабардор қилади. Реал вақт режимида

Кўчмас мулкни бирлаштириш ва унинг янги чегараларини белгилаш бўйича давлат хизматлари кўрсатишнинг маъмурий регламентига 2-ИЛОВА

‎ ‎ ‎ ‎ ‎ ‎ ‎ ‎ ‎ ‎ Кўчмас мулкни бирлаштириш ва унинг янги чегараларини белгилаш ‎ДАЛОЛАТНОМАСИ ‎ ‎ ‎ ‎ ‎ ‎ ‎ ‎ ‎ ‎ № _________ ‎ ‎ ____________ йил ‎ ‎ ‎ ‎ ‎ ‎ ‎ ‎ ‎ ‎ Мазкур далолатнома, Давлат кадастрлари палатаси _______________________ бошқармасининг _____________ туман филиали, ____________ туман қурилиш ва уй-жой коммунал хўжалиги бўлимлари вакиллари ва кўчмас мулк эгалари билан кўчмас мулкларни бирлаштириш тўғрисида тузилди. 1. Бирлаштирилаётган кўчмас мулклар тўғрисидаги маълумотлар: 1.1. Кўчмас мулкларга бўлган ҳуқуқ эгалари: __________________________________ Кўчмас мулклар жойлашган манзил: ________________________________________ Ер участкаларининг кадастр рақамлари: _____________________________________ Ер участкаларининг майдонлари (м²): _______________________________________ Ер участкалари чегараларини ўзгартиришга асос бўлган ҳужжатлар: _______________ ‎________________________________________________________________________ Ер участкаларининг алоҳида хусусиятлари: ___________________________________ 1.2. Кўчмас мулкларнинг ҳуқуқ эгалари: _____________________________________ Кўчмас мулклар жойлашган манзил: ________________________________________ Ер участкаларининг кадастр рақамлари: _____________________________________ Ер участкаларининг майдонлари (м²): _______________________________________ Ер участкалари чегараларини ўзгартиришга асос бўлган ҳужжатлар: _______________ ‎________________________________________________________________________ Ер участкаларининг алоҳида хусусиятлари: ___________________________________ 2. Кўчмас мулкларни жойида ўрганиш натижасида қуйидагилар аниқланди: Бирлаштирилаётган кўчмас мулклар Ўзбекистон Республикаси Ер кодексининг 62-моддаси талабларига мувофиқлиги, яъни ер участкалари ёхуд ундаги иморатнинг у ёки бу қисми коммунал хизматдан (ёритиш, канализация, суғориш қурилмалари ва шу каби), кўчмас мулкларнинг эгалари ёки ундан фойдаланувчилар эса мустақил равишда ўзича ёки транспортда кириб-чиқиш имконидан маҳрум бўлиб қолмаслиги аниқланди ҳамда кўчмас мулк эгаларининг ўзаро келишуви асосида кўчмас мулклар чегараларига ўзгартириш киритилди. 3. Бирлаштирилган кўчмас мулк таркиби қуйидагилардан иборат: 3.1. Кўчмас мулк эгалари: _________________________________________________ Кўчмас мулк жойлашган манзил: ___________________________________________ Ер участкасининг кадастр рақами: __________________________________________ Ер участкасининг майдони (м²): ____________________________________________ Кўчмас мулкка бўлган ҳуқуқни тасдиқловчи ҳужжатлар:_________________________ Кўчмас мулкнинг алоҳида хусусиятлари: _____________________________________ 4. Ушбу далолатнома, унинг ажралмас қисми сифатида илова қилинган кўчмас мулк чегаралари кадастр режаси билан бирга ҳақиқий ҳисобланади. 5. Кўчмас мулкларнинг эгалари томонидан мазкур далолатноманинг тасдиқланганлиги, кейинчалик бирлаштирилган ер участкаси ва ундаги бино ва иншоотларга кадастр йиғмажилдини қайта шакллантириш ва кўчмас мулкка бўлган ҳуқуқларни давлат рўйхатидан ўтказиш учун асос ҳисобланади. ХУЛОСА: Ер участкасига ўзгартириш киритилган кўчмас мулк мазкур далолатноманинг 3-бандида келтирилган таркибда алоҳида кўчмас мулк деб ҳисобланади. ‎ ‎ ‎ ‎ ‎ ‎ ‎ ‎ ‎ ‎ Филиал бошлиғи _________ ____________________________ ‎ ‎ ‎ ‎ ‎ ‎ (Ф.И.О.) Қурилиш ва уй-жой коммунал хўжалиги бўлими бошлиғи ‎ _________ ____________________________ ‎ ‎ ‎ ‎ ‎ ‎ (Ф.И.О.) Филиал муҳандиси _________ ____________________________ ‎ ‎ ‎ ‎ ‎ ‎ (Ф.И.О.) Кўчмас мулкка бўлган ҳуқуқ эгалари _________ ____________________________ ‎ ‎ ‎ ‎ (Ф.И.О.) ‎ ‎ ‎ ‎ _________ ____________________________ ‎ ‎ ‎ ‎ ‎ ‎ (Ф.И.О.) 20__ йил «___» _______ _________ тумани (шаҳри) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Кўчмас мулкни бирлаштириш ва унинг янги чегараларини белгилаш далолатномасига ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ЕР УЧАСТКАСИНИНГ КАДАСТР РЕЖАСИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________ (юридик шахснинг тўлиқ номи ёки жисмоний шахснинг Ф.И.О.) ‎ Кадастр рақами: ___________________________________________________________ ‎Ер участкасининг майдони: ____________________ га ‎Масштаб: ________________________________________________________________ ‎Ижрочи: _________________________________________________________________ ‎ ‎ (имзоси, Ф.И.О.) Ер участкасига бўлган ҳуқуқ эгаси: ____________________________________________ ‎ ‎ ‎ ‎ ‎ ‎ ‎ ‎ (имзоси, Ф.И.О.) Ер участкасига бўлган ҳуқуқ эгаси: ____________________________________________ ‎ ‎ ‎ ‎ ‎ ‎ ‎ ‎ (имзоси, Ф.И.О.) Ер участкасига бўлган ҳуқуқ эгаси: ____________________________________________ ‎ ‎ ‎ ‎ ‎ ‎ ‎ ‎ (имзоси, Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Кўчмас мулкни бирлаштириш ва унинг янги чегараларини белгилаш бўйича давлат хизматлари кўрсатишнинг маъмурий регламентига 3-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _________________ ‎ ‎ ‎ ‎ ‎ ‎ ‎ ‎ ‎ ‎ _________________ (санаси) ‎ ‎ ‎ ‎ ‎ ‎ ‎ ‎ ‎ ‎ (рақами) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Кўчмас мулкни бўлиш ва унинг янги чегараларини белгилаш тўғрисида ‎СЎРОВНОМА ‎‎I. Ариза берувчи — жисмоний шахс тўғрисида маълумот: 1. Ф.И.О.: 2. Паспорт маълумотлари (серияси ва рақами, жисмоний шахснинг шахсий идентификация рақами (мавжуд бўлса): 3. Телефон рақами: 4. Электрон почта манзили (мавжуд бўлса): II. Ариза берувчи — юридик шахс тўғрисида маълумот: 1. Расмий номи (тўлиқ): 2. Жойлашган жойи: 3. Телефон рақами: 4. Электрон почта манзили (мавжуд бўлса): III. Кўчмас мулк объекти тўғрисида маълумот: 1. Кўчмас мулк объекти тури:‏ якка тартибдаги турар жой; ер участкаси; нотурар жой; 2. Кўчмас мулк объекти номланиши (нотурар жой тоифасидаги объектлар учун): 3. Кўчмас мулк объекти манзили (индекс, манзил, мўлжал): 4. Кўчмас мулкнинг кадастр рақами: IV. Давлат хизматини кўрсатиш натижасини олиб кетувчи шахс (агар мавжуд бўлса) тўғрисидаги маълумотлар: ЖШШИР:

Вазирлар Маҳкамасининг 2020 йил 2 сентябрдаги 535-сон қарорига 5а-ИЛОВА

Кўчмас мулк бўйича кадастр муҳандисининг малака шаҳодатномасини бериш бўйича давлат хизматларини кўрсатишнинг

1-боб. Умумий қоидалар

1. Мазкур Маъмурий регламент кўчмас мулк бўйича кадастр муҳандисининг малака шаҳодатномасини бериш бўйича давлат хизматларини кўрсатиш тартибини белгилайди.

2. Мазкур Регламентда қуйидаги асосий тушунчалардан фойдаланилади:

кўчмас мулк бўйича кадастр муҳандиси (кейинги ўринларда — кадастр муҳандиси) — юридик шахслар билан меҳнат шартномасини тузиш орқали ёки якка тартибдаги тадбиркор сифатида фаолият юритувчи кадастр муҳандиси малака шаҳодатномасига эга жисмоний шахс;

малака имтиҳони — кадастр муҳандисига қўйилган талабларга талабгорнинг мос келишини текширишга йўналтирилган, малака имтиҳони комиссияси томонидан ўтказиладиган имтиҳон;

малака шаҳодатномаси — малака имтиҳонини муваффақиятли топширган талабгорнинг малакасини тасдиқловчи ҳужжат;

талабгор — кадастр муҳандиси малака шаҳодатномасини олишга талабгор бўлган жисмоний шахс.

3. Кадастр муносабатлари соҳасидаги тайёрлаш курсларида ўқиш Тошкент геодезия ва картография коллежининг Кадрларни қайта тайёрлаш ва уларнинг малакасини ошириш маркази (кейинги ўринларда — ўқув маркази) томонидан ташкил этилади.

4. Малака имтиҳонини топшириш учун талабгорлар қуйидаги талабларга жавоб бериши лозим:

геодезия, картография ва кадастр, бино ва иншоотлар қурилиши, қурилиш экспертизаси, кўчмас мулк экспертизаси, архитектура (меъморчилик), ер тузиш ва ер кадастри, амалий геодезия, геодезия ишлари техниги, геодезия ва геоинформатика, шаҳар қурилиши ва хўжалиги, саноат ва фуқаро қурилиши, инфратузилма объектларини қуриш (иншоотлар тури бўйича) йўналишлари бўйича олий маълумотга эга бўлиши;

геодезия, картография ва кадастр, бино ва иншоотлар қурилиши, қурилиш экспертизаси, кўчмас мулк экспертизаси, архитектура (меъморчилик), ер тузиш ва ер кадастри, амалий геодезия, геодезия ишлари техниги, геодезия ва геоинформатика, шаҳар қурилиши ва хўжалиги, саноат ва фуқаро қурилиши, инфратузилма объектларини қуриш (иншоотлар тури бўйича) йўналишлари бўйича камида бир йил иш стажига эга бўлиши ёки иш стажига эга бўлмаган ҳолда, кадастр муносабатлари соҳасида касбий қайта тайёрлаш курслари бўйича таълим олган бўлиши.

5. Кадастр муҳандиси Қорақалпоғистон Республикаси, вилоятлар ҳамда Тошкент шаҳри ҳудудида фаолият юритади.

Бунда кадастр муҳандиси ўз фаолиятини амалга ошириш учун юридик шахслар билан меҳнат шартномаси тузади ёки якка тартибдаги тадбиркор сифатида амалга оширади.

2-боб. Малака имтиҳонини топшириш

6. Малака имтиҳонини ўтказиш учун Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги (кейинги ўринларда — Агентлик) директорининг буйруғи билан беш кишидан кам бўлмаган тоқ сонли таркибда малака имтиҳони комиссияси тузилади.

Давлат кадастрлари палатаси (кейинги ўринларда — Палата) раиси малака имтиҳони комиссияси раиси ҳисобланади.

Давлат кадастрлари палатасининг масъул ходими комиссия котиби ҳисобланади.

Малака имтиҳони комиссиясининг таркиби Агентлик ва Палата масъул ходимлари ҳамда Ўзбекистон Савдо-саноат палатасининг масъул вакилларидан шакллантирилади.

7. Малака имтиҳони комиссиясининг таркиби доимий ҳисобланади.

Агентлик малака имтиҳони комиссиясининг таркибини шакллантириш учун Палата ва Ўзбекистон Савдо-саноат палатасига ёзма шаклда мурожаат қилади.

Комиссия ишчи органи вазифаси Палата томонидан амалга оширилади.

8. Малака имтиҳони комиссияси қарорлари баённома билан расмийлаштирилади ва комиссия раиси томонидан тасдиқланади.

Бунда комиссия мажлиси комиссия аъзоларининг камида учдан икки қисми (кворум) иштирок этган тақдирда, ваколатли ҳисобланади. Комиссия мажлисини ўтказиш учун кворум шаклланмаган тақдирда, комиссиянинг янги мажлиси ўтказиладиган сана ва вақти эълон қилинади.

9. Кўчмас мулк бўйича кадастр муҳандисининг малакасини ошириш ва уларга малака шаҳодатномасини бериш ушбу Регламентга 1-иловада келтирилган схема асосида амалга оширилади.

10. Талабгор малака имтиҳонини топшириш учун давлат хизматлари марказлари, Ягона интерактив давлат хизматлари портали (кейинги ўринларда — ЯИДХП) ёки Агентликнинг расмий веб-сайти орқали мазкур Регламентга 2-иловага мувофиқ шаклдаги аризани ҳамда ушбу Регламентнинг 4-бандида келтирилган мутахассисликлардан бири бўйича олий маълумот тўғрисидаги диплом нусхаси ёки хорижий давлатда олий таълим олганлик тўғрисидаги ҳужжатни тан олиш ҳақидаги гувоҳнома нусхасини pdf форматида тақдим этади.

Талабгор тақдим этган ҳужжатлар тўлиқ ва улардаги маълумотлар тўғри бўлиши зарур.

Талабгордан мазкур бандда назарда тутилмаган ҳужжатларни талаб қилишга йўл қўйилмайди.

11. Мазкур Регламентнинг 10-бандида кўрсатилган ҳужжатлардан ташқари қолган зарур бўлган ҳужжат ва маълумотларни, хусусан, талабгорнинг шахсини тасдиқловчи ҳужжат ва меҳнат дафтарчаларининг маълумотлари Агентлик томонидан тегишли давлат органлари ва ташкилотларидан мустақил равишда, шу жумладан, «Рақамли ҳукумат» тизими идоралараро интеграциялашув платформаси орқали сўраб олинади.

12. Агентлик ариза тушган кундан бошлаб уч иш куни ичида талабгорга малака имтиҳонини топширишга рухсат бериш ёки рад этиш ҳақида қарор қабул қилади.

13. Агентлик қуйидаги асосларга кўра малака имтиҳонини топширишга рухсат беришни рад этади:

талабгор мазкур Регламентнинг 4-банди талабларига жавоб бермаганда;

талабгор тақдим қилган ҳужжатлар тўлиқ бўлмаганда ёки нотўғри маълумотлар тақдим қилгани аниқланганда;

давлат хизматларини кўрсатиш учун йиғимни тўламаслик (бунда давлат хизматидан фойдаланиш учун хабарномада кўрсатилган тўлов миқдори бир ой мобайнида тўланмаган буюртмалар автоматик рад этилади).

Бошқа асосларга кўра малака имтиҳонини топширишни рад этишга йўл қўйилмайди.

14. Талабгорнинг малака имтиҳонини топшириши рад этилган тақдирда, Агентлик томонидан тегишли қарор қабул қилинади ва талабгор рад этиш сабаблари кўрсатилган ҳолда, қабул қилинган қарор ҳақида бир иш куни ичида талабгор ариза ва ҳужжатларни Агентликка тақдим этган усулда хабардор қилинади.

15. Малака имтиҳонини топширишга рухсат беришда рад этишга сабаб бўлган камчиликларни бартараф этиш учун талабгорга беш иш кунлик муддат берилади.

Белгиланган муддатда талабгор томонидан камчиликлар бартараф этилмаса, имтиҳон топширишга рухсат этилмайди ва унинг аризаси рад этилади.

16. Талабгорнинг малака имтиҳонини топширишига рухсат бериш ҳақида қарор қабул қилинганида талабгор малака имтиҳонини топширишга рухсат берилган шахслар рўйхатига киритилади ва рўйхат малака имтиҳони бошланишидан олдин малака имтиҳони комиссиясига топширилади.

Малака имтиҳонига қўйилган ва мурожаатлари рад этилган талабгорлар рўйхати ҳамда малака имтиҳонини ўтказиш бўйича баённома комиссия томонидан расмийлаштирилади ва комиссия раиси томонидан тасдиқланади.

17. Малака имтиҳонига қўйилган талабгор малака имтиҳонини ўтказиш санаси, вақти ва жойи ҳақида имтиҳон ўтказиладиган кундан камида беш кун олдин мобил телефони (мавжуд бўлганда), почта ёки электрон алоқа воситаси орқали хабардор қилинади.

Малака имтиҳонини ўтказиш куни, вақти ва жойи тўғрисида маълумот ваколатли органнинг расмий веб-сайтида мавжуд имтиҳон санасидан беш кун олдин жойлаштирилади.

Малака имтиҳонини ташкил этиш ва ўтказиш, шу жумладан, имтиҳон саволларини тузиш ва қайта ишлаш ҳамда натижаларини текширишни амалга ошириш учун талабгорлар томонидан базавий ҳисоблаш миқдорининг бир баравари миқдорида, ЯИДХП орқали мурожаат этилганда ушбу сумманинг 90 фоизи миқдорида тўлов амалга оширилади.

Тўлов миқдори қуйидаги тартибда тақсимланади:

а) давлат хизматлари марказларига ўзи келиб мурожаат этганда:

18 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

10 фоизи — Кадастр агентлигининг бюджетдан ташқари жамғармаси шахсий ҳисобварағига;

0,5 фоизи (ягона биллинг тизими орқали давлат хизмати кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Палатанинг ҳисобварағига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармаси шахсий ҳисобварағига;

10 фоизи — Кадастр агентлигининг бюджетдан ташқари жамғармаси шахсий ҳисобварағига;

11,75 фоизи (шундан 0,5 фоизи — давлат хизмати ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Палатанинг ҳисобварағига ўтказилади;

в) Агентликнинг расмий веб-сайти орқали мурожаат этилганда:

10 фоизи — Кадастр агентлигининг бюджетдан ташқари жамғармаси шахсий ҳисобварағига;

0,5 фоизи (ягона биллинг тизими орқали давлат хизмати кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Палатанинг ҳисобварағига ўтказилади.

Тўловлар давлат хизматлари кўрсатилгани учун тўланган давлат божлари ва йиғимлар суммаси ҳисобини юритувчи Ягона биллинг тизими орқали амалга оширилади.

18. Малака имтиҳонини ўтказиш тўғрисидаги маълумот уни ўтказиш ҳақидаги қарор қабул қилинган кунда Агентлик ва Палатанинг расмий веб-сайтига жойлаштирилади.

19. Малака имтиҳони гуруҳлар шаклланишига кўра, лекин камида бир ойда бир маротаба ўтказилиши лозим.

20. Малака имтиҳони комиссиясининг таркиби, иш регламенти, шунингдек, тест саволлари Агентлик директори томонидан тасдиқланади.

21. Малака имтиҳонини топширишда талабгорлар Ўзбекистон Республикаси фуқаросининг биометрик паспорти, Ўзбекистон Республикаси фуқаросининг идентификацияловчи ID-картаси ёки шахсини тасдиқловчи бошқа ҳужжатни тақдим этади.

22. Талабгор Ўзбекистон Республикаси фуқаросининг биометрик паспорти, Ўзбекистон Республикаси фуқаросининг идентификацияловчи ID-картаси ёки шахсини тасдиқловчи бошқа ҳужжатни тақдим қилмаганда ёхуд малака имтиҳонига кечиккан тақдирда, имтиҳонга қўйилмайди ва малака имтиҳонига келмаган ҳисобланади.

23. Малака имтиҳонига кечиккан талабгор навбатдаги малака имтиҳонидаги талабгорлар рўйхатига киритилади ва бу ҳақда мобил телефони, почта ёки электрон алоқа воситаси орқали икки иш кунидан кечиктирмай хабардор қилинади.

24. Агарда талабгор тегишли тарзда хабардор қилинганидан кейин икки маротаба малака имтиҳонини топшириш учун келмаса, навбатдаги малака имтиҳонидаги талабгорлар рўйхатига киритилмайди. Бундай ҳолларда талабгор малака имтиҳонидан ўтиш учун қайтадан ариза билан мурожаат қилиши лозим.

25. Малака имтиҳони тест синови усулида, компьютер техникасидан фойдаланган ҳолда, талабгорнинг танловига кўра ўзбек тилида ёки заруратга кўра рус тилида ҳам ўтказилади.

26. Малака имтиҳонининг шаффофлиги ва холислигини таъминлаш мақсадида имтиҳон жараёнлари узлуксиз видеотасвирга (овозли) туширилади ва видеотасвир камида бир йил сақланади.

27. Тест саволларини тайёрлаш жараёнида фойдаланилган мавзулар Агентлик ва Палата расмий веб-сайтига жойлаштирилади.

Тест саволлари қонунчилик ҳужжатларига киритилган ўзгартириш ва қўшимчаларни ҳисобга олган ҳолда янгилаб борилади.

28. Тест синови соҳага оид 75 та саволдан иборат бўлади.

Талабгорга малака имтиҳонини топшириш умумий имтиҳон вақти давомийлиги 60 дақиқани ташкил этади.

29. Тест синовлари ўтказиладиган хонага жадвал, китоб, уяли телефон ва шпаргалкалар олиб кириш, бошқа талабгорлар билан суҳбатлашиш тақиқланади.

Ушбу талабларни бузган талабгорлар тест синовлари ўтказиладиган хонадан чиқариб юборилади ва малака имтиҳонидан ўтмаган ҳисобланади.

30. Малака имтиҳони тест синови натижалари тест синови якуни билан эълон қилинади.

Малака имтиҳони ўтказилган кундан бошлаб икки иш куни ичида малака имтиҳони комиссиясининг тест синови натижалари қайд этилган баённомаси расмийлаштирилади ва комиссия раиси томонидан тасдиқланади.

31. Малака имтиҳони натижалари ҳамда малака имтиҳони комиссиясининг баённомаси Палатада сақланиши лозим.

32. Талабгорнинг тўғри жавоблар бўйича якуний натижаси 70 фоиз ва ундан юқори кўрсаткични ташкил қилган бўлса, у малака имтиҳонини муваффақиятли топширган ҳисобланади.

33. Малака имтиҳонидан ўтмаган талабгорлар уни навбатдаги малака имтиҳонида такроран топшириш ҳуқуқига эга, бироқ шу куннинг ўзида қайта топширишга йўл қўйилмайди.

Талабгор навбатдаги малака имтиҳонини қайта топширишига қадар тақдим қилинган ҳужжатлар Палатада сақланади.

34. Малака имтиҳонини муваффақиятли топширган талабгорларга малака шаҳодатномаси берилади.

35. Кадастр муҳандисларини Кадастр агентлигининг ўқув марказида ўқитиш ва доимий тарзда (уч йилда бир маротаба) малакасини ошириб бориш лозим.

3-боб. Апелляцияни кўриб чиқиш

36. Малака имтиҳонидан ўтмаган талабгор имтиҳон ўтказилган кундан бошлаб ўн кун муддатда Агентликка апелляция бериш ҳуқуқига эга. Апелляция ёзма ёки электрон алоқа воситалари орқали тақдим этилади.

37. Агентлик бир иш куни муддатида апелляцияни малака имтиҳони комиссиясига тақдим этади.

Малака имтиҳони комиссияси уч иш кунида апелляцияни кўриб чиқади ва Агентликка қабул қилинган қарор ҳақида хабар беради.

Агентлик малака имтиҳони комиссиясининг қарори тўғрисида талабгорга бир иш куни муддатида хабар беради.

38. Малака имтиҳони комиссияси томонидан апелляцияни кўриб чиқиш натижалари бўйича қуйидаги қарорлардан бири қабул қилинади:

апелляцияни қаноатлантириш ва талабгорни малака имтиҳонини муваффақиятли топширган деб ҳисоблаш тўғрисида;

малака имтиҳони натижаларини ўзгаришсиз қолдириш ва апелляцияни қаноатлантиришни рад этиш тўғрисида.

39. Малака имтиҳони натижаларини ўзгаришсиз қолдириш ва апелляцияни қаноатлантиришни рад этиш тўғрисидаги қарор апелляцияда кўрсатилган асослар ўз тасдиғини топмаган ҳолларда қабул қилинади.

40. Агентликнинг қароридан норози бўлган талабгорлар қонунчилик ҳужжатларида белгиланган тартибда судга мурожаат қилишлари мумкин.

4-боб. Малака шаҳодатномасини расмийлаштириш ва бериш

41. Малака шаҳодатномаси мазкур Регламентга 3-иловада келтирилган шаклда расмийлаштирилади ва Тошкент шаҳар ва бутун республика бўйича амал қилади.

42. Малака шаҳодатномаси Агентлик ахборот тизимининг электрон ҳужжатлар базасида шакллантирилиб, веб-сайти орқали ноёб идентификация рақамини киритиш ёки электрон ҳужжатда жойлашган QR-кодни сканер қилиш йўли билан текшириш имконияти бўлади.

43. Малака шаҳодатномаси Агентлик томонидан малака имтиҳони комиссиясининг баённомаси олинганидан бошлаб беш кун ичида расмийлаштирилади ва талабгор ариза ва ҳужжатларни Агентликка тақдим этган усулда электрон кўринишда талабгорга тақдим этилади.

44. Агар талабгор малака шаҳодатномасини олган кундан бошлаб бир йил мобайнида ўз фаолиятини амалга оширмаган бўлса, Агентлик мазкур шаҳодатномани бекор қилиш тўғрисида қарор қабул қилишга ҳақли.

5-боб. Малака шаҳодатномасини қайта расмийлаштириш

45. Кадастр муҳандисининг фамилияси ёки исми ёхуд отасининг исми ўзгарган тақдирда, у тегишли ўзгартиришларни тасдиқловчи ҳужжатлар берилган санадан бошлаб икки ой ичида Агентликка мазкур Регламентга 2-иловада келтирилган шаклда ариза билан мурожаат қилади.

Бунда аризага тегишли ўзгаришларни тасдиқловчи ҳужжатларнинг нусхалари илова қилинади.

46. Малака шаҳодатномасининг қайта расмийлаштирилиши кадастр муҳандиси томонидан ариза берилган вақтдан бошлаб беш иш куни ичида амалга оширилади.

47. Янги малака шаҳодатномада қайта расмийлаштирилаётган малака шаҳодатномасининг рақами қўшимча тарзда қайд қилинади.

48. Кадастр муҳандиси йўқотилган ёки яроқсиз ҳолга келган малака шаҳодатномаси ўрнига Агентлик ахборот тизимининг электрон ҳужжатлар репозиторийси веб-сайти орқали ноёб идентификация рақамини киритиш ёки электрон ҳужжатда жойлашган QR-кодни сканер қилиш йўли билан малака шаҳодатномасини қайта юклаб олиши мумкин.

6-боб. Малака шаҳодатномаси амал қилишини тугатиш ва уни бекор қилиш

49. Кадастр муҳандисининг ташаббуси билан малака шаҳодатномасини тугатиш ва бекор қилиш Агентлик томонидан белгиланган тартибда амалга оширилади.

Ваколатли органлар ташаббуси билан малака шаҳодатномасини тугатиш ва бекор қилиш фақат суд тартибида амалга оширилади.

50. Қуйидагилар малака шаҳодатномаси амал қилишини тугатиш учун асос бўлади:

кадастр муҳандисининг аризаси;

кадастр муҳандиси фаолиятини амалга оширишда қонунчилик ҳужжатларини бузиш;

кадастр йиғмажилди тайёрлашда, унинг қаватма-қават режаларини тузишда, техник режаларни расмийлаштиришда, шунингдек, унинг техник ҳисобга қўйиш ишларини амалга оширишда нотўғри маълумот бериш;

шахсни белгиланган тартибда муомалага лаёқатсиз ёки муомалага лаёқати чекланган деб эътироф этиш тўғрисидаги суд қарори.

51. Малака шаҳодатномасининг амал қилиши уни тугатиш тўғрисидаги қарор қабул қилинган санадан бошлаб тугатилади.

52. Малака шаҳодатномаси қуйидаги ҳолларда бекор қилинади:

Агентликнинг малака шаҳодатномасини бериш тўғрисидаги қарори ноқонуний эканлиги аниқланганда;

малака шаҳодатномаси сохта ҳужжатлардан фойдаланган ҳолда олингани факти аниқланганда;

ушбу Регламентнинг 50-бандида назарда тутилган асослар мавжудлиги.

53. Малака шаҳодатномасини бекор қилиш тўғрисидаги қарор ушбу қарор қонуний кучга кирган санадан бошлаб амал қилади.

54. Қонунчилик ҳужжатлари талабларини бузгани учун малака шаҳодатномасининг амал қилиши тугатилган кадастр муҳандисига, у тугатилган санадан бошлаб қуйидаги муддатлар мобайнида такроран малака шаҳодатномаси берилмайди:

кўчмас мулк объектларида хатлов ишларини олиб бориб кадастр йиғмажилдини шакллантиришда техник хатоликларга йўл қўйганда олти ой мобайнида;

кўчмас мулк объектига тегишли ҳуқуқ белгиловчи ҳужжатларга амал қилмаган холда кадастр йиғмажилдини шакллантиришда бир йил мобайнида.

55. Малака шаҳодатномаси амал қилишини тугатиш ёки малака шаҳодатномасини бекор қилиш тўғрисидаги қарор Агентликнинг расмий веб-сайтида эълон қилинади.

56. Малака шаҳодатномаси амал қилишини тугатиш ёки малака шаҳодатномасини бекор қилиш тўғрисидаги қарор қабул қилинган куннинг ўзида тегишли кадастр муҳандиси ва кадастр муҳандиси билан меҳнат шартномаси тузган юридик шахсга унинг нусхаси юборилади.

57. Малака шаҳодатномасини бекор қилиш ёки унинг амал қилишини тугатиш тўғрисидаги қарор устидан қонунчилик ҳужжатларида белгиланган тартибда судга шикоят қилиниши мумкин.

7-боб. Кадастр муҳандислари реестри

58. Агентлик томонидан кадастр муҳандислари реестри юритилади ва унда кадастр муҳандисларининг қуйидаги маълумотлари қайд этилади:

кадастр муҳандисининг фамилияси, исми, отасининг исми;

жисмоний шахснинг шахсий идентификация рақами;

малака шаҳодатномасининг рақами, берилган сана;

малака шаҳодатномаси олинган сана;

малака имтиҳонида қайд этилган натижа;

малака шаҳодатномасини бекор қилиш ёки амал қилишини тугатиш, қайта расмийлаштириш ҳақидаги маълумотлар.

59. Кадастр муҳандислари реестри электрон шаклда юритилади.

60. Кадастр муҳандислари реестрига киритилган маълумотлардан очиқ фойдаланилиши мумкин.

Кадастр муҳандислари реестри Агентликнинг расмий веб-сайтида акс эттирилади.

8-боб. Якунловчи қоидалар

61. Мазкур Регламентни бажариш жараёнида келиб чиқадиган низолар қонунчилик ҳужжатларига мувофиқ ҳал этилади.

62. Мазкур Регламент талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

Кўчмас мулк бўйича кадастр муҳандисининг малака шаҳодатномасини бериш бўйича давлат хизматлари кўрсатиш маъмурий регламентига 1-ИЛОВА

Кўчмас мулк бўйича кадастр муҳандисининг малакасини ошириш ва унга малака шаҳодатномасини бериш

Босқичлар Субъектлар Тадбирлар Бажариш муддатлари 1-босқич Талабгор Давлат хизматлари марказлари, Ягона интерактив давлат хизматлари портали ёки Агентликнинг расмий веб-сайти орқали аризани ҳамда мазкур Регламентнинг 3‑бандида келтирилган мутахассисликлардан бири бўйича олий маълумот тўғрисидаги диплом нусхаси ёки хорижий давлатда олий таълим олганлик тўғрисидаги ҳужжатни тан олиш ҳақидаги гувоҳнома нусхасини pdf форматида тақдим этади. Ўз хоҳишига кўра 2-босқич 1. Давлат хизматлари маркази. Сўровномани тегишлича Агентликка юборади. 1. Сўровнома тўлдирилиши билан 2. ЯИДХП. 2. Автоматик тарзда 3. Агентликнинг расмий веб-сайти. 3. Автоматик тарзда 3-босқич Агентлик Талабгорга малака имтиҳонини топширишга рухсат бериш ёки рад этиш ҳақида қарор қабул қилади, натижаси бўйича талабгорни хабардор қилади. Уч иш куни ичида 4-босқич Талабгор 1. Малака имтиҳонини топширишга рухсат берилганда базавий ҳисоблаш миқдорининг бир бараварига тенг миқдорда тўлов амалга оширади; Уч иш куни ичида 2. Малака имтиҳонини топшириш рад этилган тақдирда, кўрсатилган камчиликларни бартараф этади. Уч иш куни ичида 5-босқич Агентлик 1. Малака имтиҳонига қўйилган талабгор малака имтиҳонини ўтказиш санаси, вақти ва жойи ҳақида мобил телефони (мавжуд бўлганда), почта ёки электрон алоқа воситаси орқали хабардор қилади. Имтиҳон ўтказиладиган кундан камида беш иш куни олдин 2. Малака имтиҳонини топширишга рухсат берилган шахслар рўйхати Комиссияга тақдим этади. Малака имтиҳони бошланишидан бир кун олдин 3. Малака имтиҳонига қўйилган талабгорлар рўйхати ҳамда малака имтиҳонини ўтказиш тўғрисидаги маълумот Агентлик ва Палатанинг расмий веб-сайтига жойлаштирилади. 4. Кўрсатилган камчиликлар бартараф этилмаган тақдирда, малака имтиҳонини топширишга рухсат этилмайди. Малака имтиҳонини ўтказиш ҳақидаги қарор қабул қилинган кундан бошлаб икки кун ичида 6-босқич Талабгор Белгиланган вақтда келиб малака имтиҳонини топширади 45 дақиқа 7-босқич Агентлик 1. Малака имтиҳонини ўтказади. Белгиланган муддатда 2. Тест синови натижалари бўйича баённомани расмийлаштиради ва эълон қилади. Уч иш кунида 3. Малака шаҳодатномасини расмийлаштиради ва давлат хизматлари марказларига юборади ёки ЯИДХП, электрон почта орқали талабгорга тақдим этади. Икки иш кунида 8-босқич Давлат хизматлари маркази Малака шаҳодатномаси тушгандан сўнг уларни ариза берувчининг электрон манзилига юборади ва ариза берувчини бу ҳақда ахборот-коммуникация тизими орқали хабардор қилади. Реал вақт режимида

Кўчмас мулк бўйича кадастр муҳандисининг малака шаҳодатномасини бериш бўйича давлат хизматлари кўрсатиш маъмурий регламентига 2-ИЛОВА

Ўзбекистон Республикаси Иқтисодиёт ва молия вазирлиги ҳузуридаги Кадастр агентлигига АРИЗА Менга кўчмас мулк бўйича кадастр муҳандиси малака шаҳодатномасини олиш учун малака имтиҳонини топширишга рухсат беришингизни сўрайман. Шу билан бирга, ўзим тўғримда қуйидаги ахборотларни маълум қиламан: 1. Ф.И.О.: 2. Паспорт маълумотлари (серияси ва рақами): 3. (ЖШШИР): 4. Туғилган йили, ойи, санаси: 5. Яшаш манзили: 6. Телефон рақами: 7. Электрон почта манзили: 8. Меҳнат фаолиятини олиб борган жой(ташкилот номи): 9. Лавозими: 10. Ишга кирган сана: 11. Ишдан бўшаган сана: 12. Ўқиган таълим муассасаси: 13. Мутахассислиги: 14. Ўқишга кирган йил: 15. Ўқишни битирган йил: Шахсий маълумотларимдан кадастр муҳандиси малака шаҳодатномаси ва уни расмийлаштириш билан боғлиқ жараёнларда фойдаланилишига розиман. Шахсий имзо __________ 20___ йил «____» _______________.

Кўчмас мулк бўйича кадастр муҳандисининг малака шаҳодатномасини бериш бўйича давлат хизматлари кўрсатиш маъмурий регламентига 3-ИЛОВА

Ўзбекистон Республикасининг Давлат герби тасвири Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги КАДАСТР МУҲАНДИСИНИНГ МАЛАКА ШАҲОДАТНОМАСИ ______-сон 20___ йил «___» ___________ Кўчмас мулк бўйича кадастр муҳандиси малака шаҳодатномаси Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги томонидан _________________________ ________________________________________________________________________________________га (кадастр муҳандиси малака шаҳодатномасини олган шахснинг Ф.И.О.) малака имтиҳон комиссиясининг 20___ йил «___» ___________даги қарорига асосан берилди. ___________________________ (ваколатли шахснинг Ф.И.О.) QR-code

Вазирлар Маҳкамасининг 2020 йил 2 сентябрдаги 535-сон қарорига 5б-ИЛОВА

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатишнинг

1-боб. Умумий қоидалар

1. Ушбу Регламент барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатиш тартибини белгилайди.

2. Ушбу Регламентга асосан қуйидаги ер участкаларини бирлаштиришга ва унинг чегараларини белгилашга йўл қўйилади:

хусусий инвесторга мулк ҳуқуқи, мерос қилиб қолдириладиган умрбод эгалик, доимий эгалик, доимий фойдаланиш ва узоқ муддатли ижара ҳуқуқи билан тегишли бўлган ер участкалари;

юридик ва жисмоний шахсларга тегишли ер участкалари;

кўп квартирали уйлар жойлашган ерлар;

кўп квартирали уйларга туташ ҳамда умумий фойдаланишдаги ерлар.

3. Ушбу Регламент қишлоқ хўжалигига мўлжалланган ер участкаларига нисбатан татбиқ этилмайди.

4. Ер участкаларини ягона ер участкасига бирлаштириш ва унинг чегараларини белгилаш бирлаштирилаётган барча ер участкаларини ушбу ерларга бўлган ҳуқуқ тури, ер участкаси ва унда қурилган объектнинг тури, объектнинг қурилиши тугалланган ёки тугалланмаганидан қатъи назар, амалга оширилишига йўл қўйилади.

5. Далолатномани расмийлаштириш ушбу Регламентга 1-иловада келтирилган схемага мувофиқ амалга оширилади.

6. Далолатномани расмийлаштиришда Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси туман (шаҳар) филиаллари (кейинги ўринларда — филиаллар):

ушбу Регламентга 2-иловага мувофиқ шаклда далолатномани тузади;

ер участкаларининг бирлаштирилиши натижасида ҳосил бўлган ер участкасининг манзилини Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга мувофиқ белгилайди;

далолатномани туман (шаҳар) қурилиш ва уй-жой коммунал хўжалиги бўлимлари ҳамда Қорақалпоғистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Тошкент шаҳар ва вилоят экология, атроф-муҳитни муҳофаза қилиш ва иқлим ўзгариши бошқармалари (кейинги ўринларда — экология, атроф-муҳитни муҳофаза қилиш ва иқлим ўзгариши бошқармалари) билан келишади.

2-боб. Барпо этиладиган янги массив ҳудудидаги ер участкаларини бирлаштириш ҳамда бирлаштирилган ер участкасининг чегараларини белгилаш хусусиятлари

7. Барпо этиладиган янги массив ҳудудидаги ер участкаларини бирлаштириш хусусий инвесторнинг мурожаатига асосан амалга оширилади.

8. Далолатнома расмийлаштиришда қуйидагилар талаб этилади:

а) барпо этиладиган янги массив ҳудуди тасдиқланган ҳудудларни ва аҳоли пунктларини ривожлантиришни шаҳарсозлик жиҳатидан режалаштириш тўғрисидаги ҳамда уларни қуриш ҳақидаги тасдиқланган ҳужжатларга мувофиқлиги;

б) барпо этиладиган янги массив ёнғинга қарши, санитария, экологияга оид, шаҳарсозлик ҳамда бошқа мажбурий нормалар ва қоидаларни бузмаган ҳолда янгидан ташкил этилиши;

в) бирлаштириш натижасида ҳосил бўлган ер участкасида келгусида ўзининг асосий фойдаланиш мақсади билан ёки асослантирилган ҳолда ўзгартириладиган бино ва иншоотларни лойиҳалаштириш ва қурилиш ишларини амалга ошириш имкони мавжуд бўлиши;

г) бирлаштириш натижасида Тошкент ва Нукус шаҳарлари ҳамда вилоятлар марказларида ҳар бир барпо этиладиган янги массивда ягона ер участкаси ҳудудига киритиладиган кўп квартирали уйлар атрофидаги ва умумий фойдаланишдаги ер участкаларининг жами майдони юридик ва жисмоний шахсларга тегишли ер участкалари жами майдонининг 35 фоизидан ошмаслиги;

д) шаҳарсозлик ҳужжатларисиз амалга оширилган қурилиш-монтаж ишлари мавжудлиги;

е) муҳандислик тармоқлари ёки муҳофаза зоналарида объектни жойлаштириш режалаштирилгани;

ж) қурилаётган объект учун шаҳарсозлик талаблари бўйича ер майдони етарли эканлиги;

з) объектнинг ер майдонлари низоли бўлган тақдирда, мазкур низо мазмунан ҳал этилгани тўғрисидаги қонуний кучга кирган суд органининг қарори ёхуд низолашувчи тарафларнинг ёзма равишда расмийлаштирилиб, тасдиқланган келишув битими мавжудлиги;

и) барпо этиладиган янги массив ҳудудига киритилган ерлардаги кўп йиллик дов-дарахтларнинг хатловдан ўтказилгани ва рақамлангани (ID рақам берилгани).

9. Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатиш давлат хизматлари марказлари, филиаллар ва туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармалари ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.

3-боб. Давлат хизматини кўрсатиш тартиби

10. Хусусий инвестор (кейинги ўринларда — ариза берувчи) далолатнома расмийлаштириш учун давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) ёхуд Кадастр агентлигининг расмий веб-сайти «kadastr.uz» (кейинги ўринларда — веб-сайт) орқали давлат хизматидан электрон тарзда фойдаланиш учун рўйхатдан ўтади.

11. Ариза берувчи ўзи келиб мурожаат этган тақдирда, давлат хизматлари маркази ходими — ариза берувчи номидан, ЯИДХП ёки веб-сайт орқали мурожаат этган тақдирда эса мустақил равишда, ушбу Регламентга 3-иловага мувофиқ электрон шаклдаги сўровномани тўлдиради ҳамда давлат хизматидан фойдаланиш учун тўловни амалга оширади.

Ариза берувчи ихтиёрига кўра далолатнома расмийлаштириш ҳамда белгиланган тартибда кадастр паспортини олиш ҳамда кўчмас мулкни давлат рўйхатидан ўтказиш учун бир вақтда (композит хизмат сифатида) ёки алоҳида мурожаат қилиши мумкин.

12. Аризага қуйидаги ҳужжатлар илова қилинади:

а) барпо этиладиган янги массив ҳудудида бошқа жисмоний ва юридик шахсларга тегишли кўчмас мулклар ҳамда муҳандислик-коммуникация тармоқлари мавжуд бўлган тақдирда:

жисмоний ва юридик шахслар ҳамда хусусий инвестор ўртасида ўзига тегишли ер участкаси ўрнида режалаштирилган янги объектни қуриш ва уни тасарруф қилиш ҳуқуқини жисмоний ва юридик шахсларнинг ўзида қолдириш тўғрисида тузилган нотариал тасдиқланган шартномалар;

муҳандислик-коммуникация тармоқларини (электр, газ, алоқа, сув ва канализация тармоқлари, йўллар) сақловчи ташкилотлар билан уларни кўчириш ёки жойида сақлаш тўғрисида келишув битими;

б) барпо этиладиган янги массивнинг чегаралари кўрсатилган қурилиш лойиҳалари.

Инвестиция фаолияти субъектининг вакили ариза берган тақдирда, сўровномага белгиланган тартибда расмийлаштирилган ишончнома илова қилинади.

Давлат хизматлари маркази томонидан ариза берувчидан ушбу бандда кўрсатилмаган бошқа ҳужжатларни талаб қилиш қатъиян тақиқланади.

13. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва идентификация қилишнинг тегишли воситалари (дактилоскопия, электрон имзо, Мобил-ID ва бошқалар) билан тасдиқлайди.

Ариза берувчи ЯИДХП ёки веб-сайт орқали мурожаат этган тақдирда, сўровномани ЭРИ билан тасдиқлаш талаб этилмайди.

14. Ариза берувчи давлат хизматлари марказига келиб мурожаат этганда, унинг сўровномаси марказ ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар реал вақт режимида филиалга электрон шаклда юборилади.

ЯИДХП ёки веб-сайт орқали мурожаат қилинганда эса сўровнома автоматик тарзда филиалга юборилади.

15. Далолатнома расмийлаштириш учун базавий ҳисоблаш миқдорининг 3 баравари миқдорида йиғим ундирилади.

Давлат хизмати кўрсатилиши учун ЯИДХП орқали мурожаат этилганда кўрсатилган хизматлар учун йиғимлар суммасининг 90 фоизи ундирилади.

15 1 . Таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи педагог шахслардан ушбу Регламентнинг 15-бандида белгиланган йиғим суммасининг 50 фоизи ундирилади.

15 2 . Давлат тиббиёт муассасаларида қонунчилик ҳужжатларига мувофиқ тузилган меҳнат шартномаси асосида тиббиёт ва фармацевтика соҳасига оид касбий фаолиятни амалга оширувчи шахслардан ушбу Низомнинг 15-банди биринчи хатбошисида белгиланган йиғим суммасининг 50 фоизи ундирилади.

16. Ариза берувчи давлат хизматидан фойдаланишдан далолатнома имзолангунга қадар воз кечиш ҳуқуқига эга. Ариза берувчи давлат хизматидан фойдаланишдан воз кечганда, унинг сўровномаси кўрилмасдан қолдирилади. Бунда тўланган йиғим қайтарилмайди.

17. Давлат хизмати кўрсатилгани учун йиғим тўланганини тасдиқлаш ахборот-коммуникация тизимлари орқали амалга оширилади.

18. Йиғимлар суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

18 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

0,5 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига (Ягона биллинг тизими орқали тўловлар тўланганда);

5 фоизи — Кадастр агентлигининг бюджетдан ташқари жамғармасининг шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

11,75 фоизи (шундан 0,25 фоизи — давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига;

5 фоизи — Кадастр агентлигининг бюджетдан ташқари жамғармасининг шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади;

в) «Uzmulk» тизими орқали мурожаат этилганда:

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

5 фоизи — Кадастр агентлигининг бюджетдан ташқари жамғармасининг шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади.

Тўловлар давлат хизматлари кўрсатилгани учун тўланган давлат божлари ва йиғимлар суммаси ҳисобини юритувчи Ягона биллинг тизими орқали тўланади.

19. Далолатнома объектнинг мураккаблигига қараб, қуйидаги муддатларда тайёрланади:

умумий майдони 0,1 гектаргача бўлганда — 10 иш кунигача;

умумий майдони 0,1 гектардан 0,5 гектаргача бўлганда — 15 иш кунигача;

умумий майдони 0,5 гектардан 1,5 гектаргача бўлганда — 20 иш кунигача;

умумий майдони 1,5 гектардан 5 гектаргача бўлганда — 25 иш кунигача;

умумий майдони 5 гектардан ортиқ бўлганда — 30 иш кунигача.

20. Филиал сўровнома келиб тушган кундан бошлаб ушбу Регламентнинг 19-бандида белгиланган муддатларда қуйидаги ишларни амалга оширади:

а) барпо этиладиган янги массивнинг чегаралари кўрсатилган батафсил режалаштириш ва қуриш лойиҳаларида кўрсатилган ҳудуднинг топографик режасини тайёрлайди;

б) аризада келтирилган ер участкаларини бирлаштириш ва топографик режада кўрсатилган чегараларда ер участкасини бирлаштириш имкониятини ўрганади;

в) ушбу Регламентнинг 8-банди «г» кичик бандида кўрсатилган талабларга бирлаштирилаётган ер участкасининг мувофиқлигини текширади;

г) хусусий инвесторга мулк ҳуқуқи, мерос қилиб қолдириладиган умрбод эгалик, доимий эгалик, доимий фойдаланиш ва узоқ муддатли ижара ҳуқуқи билан тегишли бўлган ер участкаларининг кадастр рақамлари асосида мазкур ер участкаларининг хусусий инвестор номига давлат рўйхатидан ўтказилганини текширади;

д) барпо этиладиган янги массив ҳудудида бошқа жисмоний ва юридик шахсларга тегишли кўчмас мулкларга бўлган ҳуқуқларнинг давлат рўйхатидан ўтказилганини текширади.

21. Ўрганиш натижалари ушбу Регламентнинг 20-банди талабларига тўлиқ мувофиқ деб топилган тақдирда, филиал далолатнома лойиҳасини шакллантиради ҳамда далолатнома лойиҳасини филиал бошлиғи ва ижрочи ўз ЭРИси билан имзолайди.

Далолатномага янги ташкил бўлаётган ер участкасининг чегаралари кўрсатилган топографик режа илова қилинади.

Ер участкаси ва унга туташ ҳудуднинг топографик режасини тайёрлаш учун тўлов суммаси бир гектар ер майдони учун базавий ҳисоблаш миқдорининг беш баравари ҳисобидан келиб чиқиб (бир квадрат метргача бўлган аниқликда) ҳисобланади.

Ўрганиш натижалари ушбу Регламентнинг 20-банди талабларига тўлиқ мувофиқ эмас деб топилган тақдирда, филиал рад этишнинг аниқ сабаблари ҳамда қонунчилик ҳужжатлари нормаларини кўрсатган ҳолда далолатнома тайёрлашни рад этади.

22. Филиал томонидан далолатнома лойиҳаси имзолангандан сўнг далолатнома, топографик режа ҳамда топографик режани тайёрлаш учун тўлов миқдори қиймати кўрсатилган хабарнома (инвойс) давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига электрон шаклда юборилади.

Далолатномани тайёрлаш рад этилган тақдирда, рад этиш тўғрисидаги хабарнома филиал бошлиғининг ЭРИси билан тасдиқланган ҳолда марказга (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига юборилади.

23. Давлат хизматлари маркази далолатнома, топографик режа ҳамда топографик режани тайёрлаш учун тўлов миқдори қиймати кўрсатилган хабарнома (инвойс) келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

24. Ариза берувчи 20 иш куни мобайнида:

марказга келиб (ўзи келиб мурожаат қилган тақдирда) идентификация қилиш воситалари (дактилоскопия ва бошқалар) орқали ёки ЯИДХП ёхуд веб-сайт орқали (электрон шаклда мурожаат қилган тақдирда) далолатномани ЭРИси билан келишади;

топографик режани тайёрлашнинг тўлов қийматини хабарномада қайд этилган миқдорда тўлайди.

25. Ариза берувчи томонидан келишилган далолатнома ва унга илова қилинган топографик режа давлат хизматлари маркази томонидан реал вақт режимида, ЯИДХП ёки веб-сайт орқали мурожаат қилинганда эса автоматик тарзда туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармаларига келишиш учун юборилади.

26. Далолатнома ва унга илова қилинган топографик режа келиб тушгандан сўнг:

етти иш куни ичида туман (шаҳар) қурилиш ва уй-жой коммунал хўжалиги бўлимлари қуйидагиларни ўрганган ҳолда далолатномани келишади ёки рад этишнинг аниқ сабабларини ва тегишли қонунчилик ҳужжатлари нормаларини кўрсатган ҳолда уни рад этади:

ер участкаси жойлашган манзилда ер участкаларини ушбу Регламентнинг 8-банди «а» — «в» , «д» — «з» кичик бандларида кўрсатилган талаблар асосида бирлаштириш имкониятини;

барпо этиладиган янги массивнинг чегаралари кўрсатилган батафсил режалаштириш ва қуриш лойиҳаларини ҳудудларни ва аҳоли пунктларини ривожлантиришни шаҳарсозлик жиҳатидан режалаштириш тўғрисидаги ҳамда уларни қуриш ҳақидаги тасдиқланган ҳужжатларга мувофиқлигини;

уч иш куни ичида экология, атроф-муҳитни муҳофаза қилиш ва иқлим ўзгариши бошқармалари ушбу Регламентнинг 8-банди «и» кичик бандида кўрсатилган талаблар асосида ўрганган ҳолда далолатномани келишади ёки рад этишнинг аниқ сабабларини ва тегишли қонунчилик ҳужжатлари нормаларини кўрсатган ҳолда уни рад этади.

27. Далолатномани келишиш ёки рад этиш тегишли ташкилотларнинг туман (шаҳар) бўлими ҳамда тегишли вилоят бошқармаси бошлиғининг ЭРИси билан тасдиқлаш орқали амалга оширилади.

Далолатнома келишилган ёки рад этилган куни далолатнома ва топографик режа ёки рад этиш ҳақидаги хабарнома электрон шаклда давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) юборилади.

28. Давлат хизматлари марказига далолатнома ёки далолатнома тайёрлашни рад этиш ҳақида хабарнома келиб тушган тақдирда, марказ хабарнома келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

Аризани кўриб чиқиш натижалари асосида QR-код (матрицали штрих-код) қўйиб берилган электрон ҳужжатлар асл ҳужжатларга тенглаштирилади.

29. Қуйидагилар давлат хизмати кўрсатишни рад этиш учун асос ҳисобланади:

ушбу Регламентнинг 2 , 3 , 7 ва 8-бандларида назарда тутилган талабларга мувофиқ эмаслиги;

сўровномада нотўғри маълумотлар кўрсатилиши;

далолатнома ариза берувчи томонидан белгиланган муддатда имзоланмагани;

хусусий инвесторга мулк ҳуқуқи, мерос қилиб қолдириладиган умрбод эгалик, доимий эгалик, доимий фойдаланиш ва узоқ муддатли ижара ҳуқуқи билан тегишли бўлган ер участкаларига бўлган ҳуқуқларнинг давлат рўйхатидан ўтказилмагани;

хусусий инвесторга мулк ҳуқуқи, мерос қилиб қолдириладиган умрбод эгалик, доимий эгалик, доимий фойдаланиш ва узоқ муддатли ижара ҳуқуқи билан тегишли бўлган ер участкалари ҳамда юридик ва жисмоний шахсларга тегишли ер участкаларининг ҳақиқий ҳолати кўчмас мулкка бўлган ҳуқуқлар давлат реестридаги маълумотлардан фарқ қилиши;

филиал ҳамда туман (шаҳар) қурилиш ва уй-жой коммунал хўжалиги бўлимлари вакилига барпо этиладиган янги массив ҳудудидаги объектларда ўлчов ишларининг олиб борилишига, шу жумладан, объектларга кириш имкони йўқлиги (фойдаланиб келаётган шахслар томонидан бино ва иншоотга, ер участкасига киришга қаршилик қилиш);

давлат рўйхатидан ўтказувчи органда ушбу кўчмас мулк объектининг мансублиги масаласида низолар борлигидан далолат берувчи суд ҳужжатлари ва сўровномаларининг мавжудлиги;

ваколатли орган томонидан кўчмас мулк объектига тақиқ ёки хатлов қўйилгани;

аризага илова қилинган ҳужжатлар тўлиқ эмаслиги;

давлат хизматларини кўрсатиш учун йиғимни ва топографик режани тайёрлаш учун тўлов суммасини тўламаслик.

Далолатнома ариза берувчи томонидан белгиланган муддатда имзоланмаган тақдирда, ариза автоматик тарзда рад этилади.

Давлат хизматларини кўрсатишни бошқа асосларга кўра рад этиш қатъиян тақиқланади.

30. Ариза берувчи давлат хизмати кўрсатилиши рад этилган кундан бошлаб ўн иш куни мобайнида давлат хизмати кўрсатиш учун йиғимни тўламасдан, кўрсатилган камчиликни бартараф этган ҳолда қайта мурожаат қилиш ҳуқуқига эга.

Давлат хизматини такроран кўрсатишда филиаллар, туман (шаҳар) қурилиш ва уй-жой коммунал хўжалиги бўлимлари ва экология, атроф-муҳитни муҳофаза қилиш ва иқлим ўзгариши бошқармалари томонидан аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганини тасдиқловчи маълумотлар билан боғлиқ рад этиш сабабларининг келтирилиши бундан мустасно.

Қайта мурожаат этилганда мурожаатлар ушбу Регламентга асосан умумий тартибда ва муддатларда кўриб чиқилади.

4-боб. Якунловчи қоидалар

31. Хусусий инвестор ҳамда тегишли ташкилотлар томонидан ушбу далолатноманинг тасдиқлангани, кейинчалик бирлаштирилган ер участкаси ҳамда ундаги бино ва иншоотларга кадастр йиғмажилдини қайта шакллантириш ва кўчмас мулкка бўлган ҳуқуқларни давлат рўйхатидан ўтказиш учун асос ҳисобланади.

32. Давлат хизматлари марказлари, филиаллар, туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармалари ўз фаолиятини амалга ошириши натижасида олинган ариза берувчи ҳақидаги маълумотларнинг махфийлигини таъминлаши шарт.

33. Адлия вазирлиги, унинг ҳудудий бошқармалари ва давлат хизматлари марказлари давлат органлари ва бошқа ташкилотларнинг ушбу Регламент талаблари ижроси бўйича фаолиятини, шу жумладан, ЯИДХП орқали доимий назорат ва мониторинг қилиб боради.

34. Ариза берувчи давлат органлари ва бошқа ташкилотлар ходимларининг хатти-ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

35. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатишнинг маъмурий регламентига 1-ИЛОВА

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш

Босқичлар Субъектлар Тадбирлар Бажариш муддатлари 1-босқич Ариза берувчи 1. Далолатнома олиш учун давлат хизматлари марказига ўзи келиб мурожаат қилади ёки Ягона интерактив давлат хизматлари портали ёхуд Кадастр агентлигининг расмий веб-сайти орқали мурожаат қилади. 2. Давлат хизмати кўрсатиш учун йиғимни тўлайди. Хоҳишига кўра 2-босқич 1. Давлат хизматлари маркази. 2. ЯИДХП. 3. Кадастр агентлигининг расмий веб-сайти. Сўровномани филиалга юборади. Реал вақт режимида 3-босқич Филиал 1. Барпо этиладиган янги массивнинг чегаралари кўрсатилган батафсил режалаштириш ва қуриш лойиҳасида кўрсатилган ҳудуднинг топографик режасини тайёрлайди. 2. Аризада келтирилган ер участкаларини бирлаштириш ва топографик режада кўрсатилган чегараларда ер участкасини шакллантириш имкониятини ўрганади. 3. Регламентнинг 8-банди «г» кичик бандида кўрсатилган талаблар асосида бирлаштириш мумкинлигини кўриб чиқади. 4. Инвестиция фаолияти субъектига мулк ҳуқуқи, мерос қилиб қолдириладиган умрбод эгалик, доимий эгалик, доимий фойдаланиш ва узоқ муддатли ижара ҳуқуқи билан тегишли бўлган ер участкаларининг кадастр рақами асосида мазкур ер участкаларининг инвестиция фаолияти субъекти номига давлат рўйхатидан ўтказилганини текширади. 5. Барпо этиладиган янги массив ҳудудида бошқа жисмоний ва юридик шахсларга тегишли кўчмас мулкларга бўлган ҳуқуқларнинг давлат рўйхатидан ўтказилганини текширади. 6. Ўрганишлар натижасида топографик режа илова қилинган далолатномани тайёрлайди ёки далолатнома расмийлаштиришни рад этади ва уни давлат хизматлари марказларига юборади. Регламентнинг 19-бандида белгиланган муддатларда 4-босқич Давлат хизматлари маркази Далолатнома ва топографик режа келиб тушгани ҳақида ахборот-коммуникация тизими орқали ариза берувчини хабардор қилади. Реал вақт режимида 5-босқич Ариза берувчи Марказга келиб идентификация қилиш воситалари орқали ёки ЯИДХП ёхуд веб-сайт орқали ҳуқуқ эгаларининг ЭРИси билан далолатномани келишади. 20 иш куни 6-босқич 1. Давлат хизматлари маркази. 2. ЯИДХП. 3. Кадастр агентлигининг расмий веб-сайти. Далолатнома ва унга илова қилинган ҳужжатларни келишиш учун туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармаларига юборади. Реал вақт режимида 7-босқич Туман (шаҳар) қурилиш ва уй-жой коммунал хўжалиги бўлимлари, экология, атроф-муҳитни муҳофаза қилиш ва иқлим ўзгариши бошқармалари Далолатнома ва унга илова қилинган ҳужжатларни келишади ёки далолатнома ва унга илова қилинган ҳужжатларни келишишни рад этади ва уни давлат хизматлари марказларига юборади. Ушбу регламентнинг 26-бандида белгиланган муддатларда 8-босқич Давлат хизматлари маркази Далолатнома ёки далолатномани тайёрлашни рад этиш ҳақида хабарнома келиб тушгани ҳақида ахборот-коммуникация тизими орқали ариза берувчини хабардор қилади. Реал вақт режимида

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатишнинг маъмурий регламентига 2-ИЛОВА

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш ДАЛОЛАТНОМАСИ ________-сон __________ йил Ушбу далолатнома, Давлат кадастрлари палатаси __________________ бошқармасининг _________ туман (шаҳар) филиали, __________ туман (шаҳар) қурилиш ва уй-жой коммунал хўжалиги бўлими вакиллари, __________ экология, атроф-муҳитни муҳофаза қилиш ва иқлим ўзгариши бошқармаси вакиллари ва хусусий инвестор билан ер участкаларини бирлаштириш тўғрисида тузилди. 1. Бирлаштирилаётган ер участкалари тўғрисидаги маълумотлар: Хусусий инвестор: _____________________________________________ Ер участкалари жойлашган манзил: ______________________________ Ер участкаларининг кадастр рақамлари ___________________________ Ер участкаларининг майдонлари (м²) _____________________________ Ер участкаларидан рухсат этилган фойдаланишнинг асосий турлари: ________________________ _______________________________ Ер участкалари чегараларини ўзгартиришга асос бўлган ҳужжатлар _________________________ _______________________________ Ер участкаларининг алоҳида хусусиятлари: ________________________ 2. Бирлаштирилган кўчмас мулк таркиби қуйидагилардан иборат: Хусусий инвестор: _____________________________________________ Ер участкаси жойлашган манзил: ________________________________ Ер участкасининг кадастр рақами ________________________________ Ер участкасининг майдони (м²) __________________________________ Ер участкаларидан рухсат этилган фойдаланишнинг асосий турлари: ________________________ _______________________________ Ер участкасининг алоҳида хусусиятлари: __________________________ Хусусий инвесторга тегишли бўлган ер участкаларининг жами майдони (м² ва %): ____________ _______________________________ Барпо этиладиган янги массив ҳудудида кўп квартирали уйларга туташ ерлар ва умумий фойдаланишдаги ерларнинг жами майдони (м² ва %): ___________________________________________ _______________________ 3. Ушбу далолатнома, унинг ажралмас қисми сифатида илова қилинган топографик режа билан бирга ҳақиқий ҳисобланади. ХУЛОСА ҚИСМИ: Ер участкасига ўзгартириш киритилган кўчмас мулк ушбу далолатноманинг 3-бандида келтирилган таркибда алоҳида кўчмас мулк деб ҳисобланади. туман (шаҳар) филиали бошлиғи ________ ____________________ (Ф.И.О.) туман (шаҳар) қурилиш ва уй-жой коммунал хўжалиги бўлими бошлиғи ________ ____________________ (Ф.И.О.) экология, атроф-муҳитни муҳофаза қилиш ва иқлим ўзгариши бошқармаси бошлиғи ________ ____________________ (Ф.И.О.) туман (шаҳар) филиали муҳандиси ________ ____________________ (Ф.И.О.) Хусусий инвестор ________ ____________________ (Ф.И.О.) 20___ йил « ____» ______ ___ _ __________ тумани (шаҳри).

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш далолатномасига ИЛОВА

Ер участкасининг топографик режаси ______________тумани (шаҳри) объект: _____________ Манзили: ______________________________________ Масштаб 1: __________________ Ҳуқуқий ҳужжат бўйича ер участкаси майдони — ____________ м 2 Топограф: ________________ сана: 20___ йил «____» ____________

Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш бўйича давлат хизматлари кўрсатишнинг маъмурий регламентига 3-ИЛОВА

_________________ ______________ (санаси) (рақами) Барпо этиладиган янги массив ҳудудидаги ер участкаларини бирлаштириш ва бирлаштирилган ер участкасининг чегараларини белгилаш тўғрисида СЎРОВНОМА I. Ариза берувчи — жисмоний шахс тўғрисида маълумот: 1. Ф.И.О.: 2. Паспорт (ID-карта) маълумотлари (серияси ва рақами, жисмоний шахснинг шахсий идентификация рақами (мавжуд бўлса): 3. Телефон рақами: 4. Электрон почта манзили (мавжуд бўлса): II. Ариза берувчи — юридик шахс тўғрисида маълумот: 1. Расмий номи (тўлиқ): 2. Жойлашган жойи: 3. Телефон рақами: 4. Электрон почта манзили (мавжуд бўлса): III. Ер участкалари тўғрисида маълумот: 1. Ер участкаларининг манзили (индекс, манзил, мўлжал): 2. Ер участкаларининг кадастр рақами: 3. Ер участкаларининг майдонлари (м²): 4. Ер участкаларидан рухсат этилган фойдаланишнинг асосий турлари:

Вазирлар Маҳкамасининг 2020 йил 2 сентябрдаги 535-сон қарорига 5в-ИЛОВА

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатишнинг

1-боб. Умумий қоидалар

1. Ушбу Регламент барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатиш тартибини белгилайди.

2. Ушбу Регламент фақат барпо этиладиган янги массив ҳудудидаги бирлаштирилган ер участкасига нисбатан татбиқ этилади.

3. Далолатномани расмийлаштириш ушбу Регламентга 1-иловада келтирилган схемага мувофиқ амалга оширилади.

4. Далолатномани расмийлаштиришда Иқтисодиёт ва молия вазирлиги ҳузуридаги Кадастр агентлигининг Давлат кадастрлари палатаси туман (шаҳар) филиаллари (кейинги ўринларда — филиаллар):

ушбу Регламентга 2-иловага мувофиқ шаклда Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш далолатномасини тузади;

ер участкасининг бўлиниши натижасида ҳосил бўлган ер участкаларининг манзилини Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга мувофиқ белгилайди;

далолатномани туман (шаҳар) қурилиш ва уй-жой коммунал хўжалиги бўлимлари ҳамда Қорақалпоғистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Тошкент шаҳар ва вилоят экология, атроф-муҳитни муҳофаза қилиш ва иқлим ўзгариши бошқармалари (кейинги ўринларда — экология, атроф-муҳитни муҳофаза қилиш ва иқлим ўзгариши бошқармалари) билан келишади.

2-боб. Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш хусусиятлари

5. Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш инвестиция фаолияти субъектининг мурожаатига асосан амалга оширилади.

6. Далолатнома расмийлаштиришда қуйидагилар талаб этилади:

ер участкасини бўлиш натижасида ҳосил бўлган ер участкалари келгусида ундан рухcат этилган фойдаланишнинг асосий турларини ўзгартирмаган ҳолда бино ва иншоотларни лойиҳалаштириш ва қурилиш ишларини амалга ошириш имкони мавжуд бўлиши;

бўлиш натижасида вужудга келадиган ер участкалари ёнғинга қарши, санитария, экологияга оид, шаҳарсозлик ҳамда бошқа мажбурий нормалар ва қоидаларни бузмаган ҳолда янгидан ташкил этилиши;

ер участкаси бўлинадиган бўлиши;

ер участкаларининг эгалари ёки ундан фойдаланувчилар мустақил равишда ер участкасига умумий фойдаланишдаги ер участкаси орқали ўтиш имкониятидан маҳрум бўлиб қолмаслиги;

ер участкасининг янги чегаралари унинг бўлинишидан аввалги чегаралари асосида белгиланиши, бунда янги ер участкаларининг майдонлари йиғиндиси ҳамда чегаралари аввалги чегара ва майдондан фарқ қилишига йўл қўйилмаслиги;

барпо этиладиган янги массив ҳудудидаги бирлаштирилган ер участкаси бўлинаётганда ҳудуддаги жами кўп йиллик дарахтлар сони ва яшил ҳудудлар майдони камайтирилмагани.

7. Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатиш давлат хизматлари марказлари, филиаллар ва туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармалари ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.

3-боб. Давлат хизматини кўрсатиш тартиби

8. Хусусий инвестор (кейинги ўринларда — ариза берувчи) далолатнома расмийлаштириш учун давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП) ёки Кадастр агентлигининг расмий веб-сайти «kadastr.uz» (кейинги ўринларда — веб-сайт) орқали давлат хизматидан электрон тарзда фойдаланиш учун рўйхатдан ўтади.

9. Ариза берувчи ўзи келиб мурожаат этган тақдирда, давлат хизматлари маркази ходими — ариза берувчи номидан, ЯИДХП ёки веб-сайт орқали мурожаат этган тақдирда эса мустақил равишда, ушбу Регламентга 3-иловага мувофиқ электрон шаклдаги сўровномани тўлдиради ҳамда давлат хизматидан фойдаланиш учун тўловни амалга оширади.

Ариза берувчи ихтиёрига кўра далолатнома расмийлаштириш ҳамда белгиланган тартибда кадастр паспортини олиш ҳамда кўчмас мулкка бўлган ҳуқуқни давлат рўйхатидан ўтказиш учун бир вақтда (композит хизмат сифатида) ёки алоҳида мурожаат қилиши мумкин. Бунда далолатнома кадастр паспортини расмийлаштириш ҳамда кўчмас мулкка бўлган ҳуқуқни давлат рўйхатидан ўтказиш учун асос бўлади.

10. Аризага қуйидаги ҳужжатлар илова қилинади:

барпо этиладиган янги массив ҳудудидаги бирлаштирилган ер участкасида қурилиши режалаштирилган объектларнинг бўлиниш чегаралари кўрсатилган лойиҳа-смета ҳужжатлари;

муҳандислик-коммуникация тармоқларини (электр, газ, алоқа, сув ва канализация тармоқлари, йўллар) сақловчи ташкилотлар билан уларни кўчириш ёки жойида сақлаш тўғрисида келишув битими мавжуд бўлган тақдирда, битим шартлари бажарилгани тўғрисида маълумотлар.

Хусусий инвесторнинг вакили ариза берган тақдирда, сўровномага белгиланган тартибда расмийлаштирилган ишончнома илова қилинади.

Давлат хизматлари маркази томонидан ариза берувчидан ушбу бандда кўрсатилмаган бошқа ҳужжатларни талаб қилиш қатъиян тақиқланади.

11. Зарур маълумотлар сўровномага киритилгандан сўнг ариза берувчи маълумотларнинг тўғрилигини текширади ва идентификация қилишнинг тегишли воситалари (дактилоскопия, электрон имзо, Мобил-ID ва бошқалар) билан тасдиқлайди.

Ариза берувчи ЯИДХП ёки веб-сайт орқали мурожаат этган тақдирда, сўровномани ЭРИ билан тасдиқлаш талаб этилмайди.

12. Ариза берувчи давлат хизматлари марказига келиб мурожаат этганда, унинг сўровномаси давлат хизматлари маркази ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар реал вақт режимида филиалга электрон шаклда юборилади.

ЯИДХП ёки веб-сайт орқали мурожаат қилинганда эса сўровнома автоматик тарзда филиалга юборилади.

13. Далолатнома расмийлаштириш учун базавий ҳисоблаш миқдорининг 3 баравари миқдорида йиғим ундирилади.

Давлат хизмати кўрсатилиши учун ЯИДХП орқали мурожаат этилганда кўрсатилган хизматлар учун йиғимлар суммасининг 90 фоизи ундирилади.

13 1 . Таълим ташкилотида қонунчилик ҳужжатларига мувофиқ тузилган меҳнат шартномаси асосида таълим ва тарбия соҳасида касбий фаолиятни амалга оширувчи педагог шахслардан ушбу Регламентнинг 13-бандида белгиланган йиғим суммасининг 50 фоизи ундирилади.

13 2 . Давлат тиббиёт муассасаларида қонунчилик ҳужжатларига мувофиқ тузилган меҳнат шартномаси асосида тиббиёт ва фармацевтика соҳасига оид касбий фаолиятни амалга оширувчи шахслардан ушбу Низомнинг 13-банди биринчи хатбошисида белгиланган йиғим суммасининг 50 фоизи ундирилади.

14. Ариза берувчи давлат хизматидан фойдаланишдан далолатнома имзолангунга қадар воз кечиш ҳуқуқига эга. Ариза берувчи давлат хизматидан фойдаланишдан воз кечганда, унинг сўровномаси кўрилмасдан қолдирилади. Бунда тўланган йиғим қайтарилмайди.

15. Давлат хизмати кўрсатилгани учун йиғим тўланганини тасдиқлаш ахборот-коммуникация тизимлари орқали амалга оширилади.

16. Йиғимлар суммаси қуйидаги тартибда тақсимланади:

а) Давлат хизматлари марказларига ўзи келиб мурожаат этганда:

18 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

0,5 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига (Ягона биллинг тизими орқали тўловлар тўланганда);

5 фоизи — Кадастр агентлигининг бюджетдан ташқари жамғармасининг шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади;

б) ЯИДХП орқали мурожаат этилганда:

10 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

11,75 фоизи (шундан 0,25 фоизи — давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига;

5 фоизи — Кадастр агентлигининг бюджетдан ташқари жамғармасининг шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади;

в) «Uzmulk» тизими орқали мурожаат этилганда:

20 фоизи — Қурилиш ва уй-жой коммунал хўжалиги вазирлиги ҳузуридаги Ахборот-коммуникация технологияларини ривожлантириш Республика марказининг шахсий ҳисобварағига;

5 фоизи — Кадастр агентлигининг бюджетдан ташқари жамғармасининг шахсий ҳисобварағига;

2 фоизи — Кадастр агентлигининг «Компьютерлаштириш, геоахборот технологияларини жорий этиш ва ривожлантириш маркази» ДУК шахсий ҳисобварағига;

0,25 фоизи (давлат хизмати Ягона биллинг тизими орқали кўрсатилганда) — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар тўлиқ миқдорда Давлат кадастрлари палатаси ҳудудий бошқармаларининг ҳисобварағига ўтказилади.

Тўловлар давлат хизматлари кўрсатилгани учун тўланган давлат божлари ва йиғимлар суммаси ҳисобини юритувчи Ягона биллинг тизими орқали тўланади.

17. Далолатнома объектнинг мураккаблигига қараб, қуйидаги муддатларда тайёрланади:

умумий майдони 0,1 гектаргача бўлганда — 10 иш кунигача;

умумий майдони 0,1 гектардан 0,5 гектаргача бўлганда — 15 иш кунигача;

умумий майдони 0,5 гектардан 1,5 гектаргача бўлганда — 20 иш кунигача;

умумий майдони 1,5 гектардан 5 гектаргача бўлганда — 25 иш кунигача;

умумий майдони 5 гектардан ортиқ бўлганда — 30 иш кунигача.

18. Филиал сўровнома келиб тушган кундан бошлаб ушбу Регламентнинг 17-бандида белгиланган муддатларда қуйидаги ишларни амалга оширади:

а) барпо этиладиган янги массив ҳудудидаги бирлаштирилган ер участкасида қурилиши режалаштирилган объектларнинг бўлиниш чегаралари кўрсатилган лойиҳа-смета ҳужжатларига асосан ҳудуднинг топографик режасини тайёрлайди;

б) аризада келтирилган ер участкасини бўлиш ва топографик режада кўрсатилган чегараларда ер участкаларини бўлиш имкониятини ўрганади;

в) ушбу Регламент 6-бандининг бешинчи ва олтинчи хатбошиларида кўрсатилган талаблар асосида бўлиш мумкинлигини кўриб чиқади;

г) кадастр рақами аризада кўрсатилган ер участкасининг хусусий инвестор номига давлат рўйхатидан ўтказилганини текширади.

19. Ўрганиш натижалари ушбу Регламентнинг 18-банди талабларига тўлиқ мувофиқ деб топилган тақдирда, филиал далолатнома лойиҳасини шакллантиради ҳамда далолатнома лойиҳасини филиал бошлиғи ва ижрочи ўз ЭРИси билан имзолайди.

Далолатномага янги ҳосил бўлаётган ер участкаларининг чегаралари кўрсатилган топографик режа илова қилинади.

Ер участкалари ва унга туташ ҳудуднинг топографик режасини тайёрлаш учун тўлов суммаси бир гектар ер майдони учун базавий ҳисоблаш миқдорининг беш баравари ҳисобидан келиб чиқиб (бир квадрат метргача бўлган аниқликда) ҳисобланади.

Ўрганиш натижалари ушбу Регламентнинг 18-банди талабларидан бири ёки бир нечтасига мувофиқ эмас деб топилган тақдирда, филиал рад этишнинг аниқ сабаблари ҳамда қонунчилик ҳужжатлари нормаларини кўрсатган ҳолда далолатнома тайёрлашни рад этади.

20. Филиал томонидан далолатнома лойиҳаси имзолангандан сўнг далолатнома, топографик режа ҳамда топографик режани тайёрлаш учун тўлов миқдори қиймати кўрсатилган хабарнома (инвойс) давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига электрон шаклда юборилади.

Далолатномани тайёрлаш рад этилган тақдирда, рад этиш тўғрисидаги хабарнома филиал бошлиғининг ЭРИси билан тасдиқланган ҳолда давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) аризачига юборилади.

21. Давлат хизматлари маркази далолатнома, топографик режа ҳамда топографик режани тайёрлаш учун тўлов миқдори қиймати кўрсатилган хабарнома (инвойс) келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

22. Ариза берувчи 20 иш куни мобайнида:

марказга келиб (ўзи келиб мурожаат қилган тақдирда) идентификация қилиш воситалари (дактилоскопия ва бошқалар) орқали ёки ЯИДХП ёхуд веб-сайт орқали (электрон шаклда мурожаат қилган тақдирда) далолатномани ЭРИси билан келишади;

топографик режани тайёрлашнинг тўлов қийматини хабарномада қайд этилган миқдорда тўлайди.

23. Ариза берувчи томонидан келишилган далолатнома ва унга илова қилинган топографик режа давлат хизматлари маркази томонидан реал вақт режимида, ЯИДХП ёки веб-сайт орқали мурожаат қилинганда эса автоматик тарзда туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармаларига келишиш учун юборилади.

24. Далолатнома ва унга илова қилинган топографик режа келиб тушгандан сўнг:

етти иш куни ичида туман (шаҳар) қурилиш ва уй-жой коммунал хўжалиги бўлимлари ер участкаси жойлашган манзилда ер участкасини ушбу Регламентнинг 6-бандининг иккинчи — тўртинчи хатбошиларида кўрсатилган талаблар асосида бўлиш имкониятини ўрганган ҳолда далолатномани келишади ёки рад этишнинг аниқ сабабларини ва тегишли қонунчилик ҳужжатлари нормаларини кўрсатган ҳолда уни рад этади;

уч иш куни ичида экология, атроф-муҳитни муҳофаза қилиш ва иқлим ўзгариши бошқармалари ушбу Регламент 6-бандининг еттинчи хатбошида кўрсатилган талаблар асосида ўрганган ҳолда далолатномани келишади ёки рад этишнинг аниқ сабабларини ва тегишли қонунчилик ҳужжатлари нормаларини кўрсатган ҳолда уни рад этади.

25. Далолатномани келишиш ёки рад этиш тегишли ташкилотларнинг туман (шаҳар) бўлими ҳамда тегишли вилоят бошқармаси бошлиғининг ЭРИси билан тасдиқлаш орқали амалга оширилади.

Далолатнома келишилган ёки рад этилган куни далолатнома ва топографик режа ёки рад этиш ҳақидаги хабарнома электрон шаклда давлат хизматлари марказига (ўзи келиб мурожаат қилган тақдирда) ёки ЯИДХП ёхуд веб-сайт орқали (электрон шаклда мурожаат қилган тақдирда) юборилади.

26. Давлат хизматлари марказига далолатнома ёки далолатнома тайёрлашни рад этиш ҳақида хабарнома келиб тушган тақдирда, марказ хабарнома келиб тушгандан сўнг реал вақт режимида бу ҳақда ахборот-коммуникация тизими орқали ариза берувчини хабардор қилади.

Аризани кўриб чиқиш натижалари асосида QR-код (матрицали штрих-код) қўйиб берилган электрон ҳужжатлар асл ҳужжатларга тенглаштирилади.

27. Қуйидагилар давлат хизмати кўрсатишни рад этиш учун асос ҳисобланади:

ушбу Регламентнинг 2 , 5 ва 6-бандларида назарда тутилган талабларга мувофиқ эмаслиги;

сўровномада нотўғри маълумотлар кўрсатилиши;

далолатнома ариза берувчи томонидан белгиланган муддатда имзоланмагани;

хусусий инвесторга мулк ҳуқуқи, мерос қилиб қолдириладиган умрбод эгалик, доимий эгалик, доимий фойдаланиш ва узоқ муддатли ижара ҳуқуқи билан тегишли бўлган ер участкаларига бўлган ҳуқуқларнинг давлат рўйхатидан ўтказилмагани;

ер участкасининг ҳақиқий ҳолати кўчмас мулкка бўлган ҳуқуқлар давлат реестридаги маълумотлардан фарқ қилиши;

филиал ҳамда туман (шаҳар) қурилиш ва уй-жой коммунал хўжалиги бўлимлари вакилига барпо этиладиган янги массив ҳудудидаги объектларда ўлчов ишларининг олиб борилишига, шу жумладан, объектларга кириш имкони йўқлиги (фойдаланиб келаётган шахслар томонидан бино ва иншоотга, ер участкасига киришга қаршилик қилиш);

давлат рўйхатидан ўтказувчи органда ушбу кўчмас мулк объектининг мансублиги масаласида низолар борлигидан далолат берувчи суд ҳужжатлари ва сўровномаларининг мавжудлиги;

ваколатли орган томонидан кўчмас мулк объектига тақиқ ёки хатлов қўйилгани;

аризага илова қилинган ҳужжатлар тўлиқ эмаслиги;

давлат хизматларини кўрсатиш учун йиғимни ва топографик режани тайёрлаш учун тўлов суммасини тўламаслик.

Далолатнома ариза берувчи томонидан белгиланган муддатда имзоланмаган тақдирда, ариза автоматик тарзда рад этилади.

Давлат хизматларини кўрсатишни бошқа асосларга кўра рад этиш қатъиян тақиқланади.

28. Ариза берувчи давлат хизмати кўрсатилиши рад этилган кундан бошлаб ўн иш куни мобайнида давлат хизмати кўрсатиш учун йиғимни тўламасдан, кўрсатилган камчиликни бартараф этган ҳолда қайта мурожаат қилиш ҳуқуқига эга.

Давлат хизматини такроран кўрсатишда филиаллар, туман (шаҳар) қурилиш ва уй-жой коммунал хўжалиги бўлимлари ва экология, атроф-муҳитни муҳофаза қилиш ва иқлим ўзгариши бошқармалари томонидан аввалги рад этиш асосларида баён этилмаган сабабларнинг келтирилишига йўл қўйилмайди, аввал кўрсатилган сабаблар бартараф этилганини тасдиқловчи маълумотлар билан боғлиқ рад этиш сабабларининг келтирилиши бундан мустасно.

Қайта мурожаат этилганда мурожаатлар ушбу Регламентга асосан умумий тартибда ва муддатларда кўриб чиқилади.

4-боб. Якунловчи қоидалар

29. Давлат хизматлари марказлари, филиаллар, туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармалари ўз фаолиятини амалга ошириши натижасида олинган ариза берувчи ҳақидаги маълумотларнинг махфийлигини таъминлаши шарт.

30. Хусусий инвестор томонидан ушбу далолатноманинг тасдиқлангани, кейинчалик бўлинган ер участкалари ва улардаги бино иншоотларга кадастр йиғмажилдини қайта шакллантириш ва кўчмас мулкка бўлган ҳуқуқларни давлат рўйхатидан ўтказиш учун асос ҳисобланади.

Адлия вазирлиги, унинг ҳудудий бошқармалари ва давлат хизматлари марказлари давлат органлари ва бошқа ташкилотларнинг ушбу Регламент талаблари ижроси бўйича фаолиятини, шу жумладан, ЯИДХП орқали доимий назорат ва мониторинг қилиб боради.

31. Ариза берувчи давлат органлари ва бошқа ташкилотлар ходимларининг хатти-ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

32. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатишнинг маъмурий регламентига 1-ИЛОВА

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш

Босқичлар Субъектлар Тадбирлар Бажариш муддатлари 1-босқич Ариза берувчи 1. Далолатнома олиш учун давлат хизматлари марказига ўзи келиб мурожаат қилади ёки Ягона интерактив давлат хизматлари портали ёхуд Кадастр агентлигининг расмий веб-сайти орқали мурожаат қилади. 2. Давлат хизмати кўрсатиш учун йиғимни тўлайди. Хоҳишига кўра 2-босқич 1. Давлат хизматлари маркази. 2. ЯИДХП. 3. Кадастр агентлигининг расмий веб-сайти. Сўровномани филиалга юборади. Реал вақт режимида 3-босқич Филиал 1. Барпо этиладиган янги массив ҳудудидаги бирлаштирилган ер участкасида қурилиши режалаш-тирилган объектларнинг бўлиниш чегаралари кўрсатилган лойиҳа-смета ҳужжатларига асосан ҳудуднинг топографик режасини тайёрлайди. 2. Аризада келтирилган ер участкасини бўлиш ва топографик режада кўрсатилган чегараларда ер участкаларини шакллантириш имкониятини ўрганади. 3. Регламентнинг 6-банди «г» ва «д» кичик бандларида кўрсатилган талаблар асосида бўлиш мумкинлигини кўриб чиқади. 4. Ер участкасининг кадастр рақами асосида мазкур ер участкасининг инвестиция фаолияти субъекти номига давлат рўйхатидан ўтказилганини текширади. 5. Ўрганишлар натижасида топографик режа илова қилинган далолатномани тайёрлайди ёки далолатнома расмийлаштиришни рад этади ва уни давлат хизматлари марказларига юборади. Регламентнинг 17-бандида белгиланган муддатларда 4-босқич Давлат хизматлари маркази Далолатнома ва топографик режа келиб тушгани ҳақида ахборот-коммуникация тизими орқали ариза берувчини хабардор қилади. Реал вақт режимида 5-босқич Ариза берувчи Марказга келиб идентификация қилиш воситалари орқали ёки ЯИДХП ёхуд веб-сайт орқали ҳуқуқ эгаларининг ЭРИси билан далолатномани келишади. 20 иш куни 6-босқич 1. Давлат хизматлари маркази. 2. ЯИДХП. 3. Кадастр агентлигининг расмий веб-сайти. Далолатнома ва унга илова қилинган ҳужжатларни келишиш учун туман (шаҳар) қурилиш ва уй-жой коммунал хўжалиги бўлимлари ҳамда экология, атроф-муҳитни муҳофаза қилиш ва иқлим ўзгариши бошқармаларига юборади. Реал вақт режимида 7-босқич Туман (шаҳар) қурилиш ва уй-жой коммунал хўжалиги бўлимлари, экология, атроф-муҳитни муҳофаза қилиш ва иқлим ўзгариши бошқармалари Далолатнома ва унга илова қилинган ҳужжатларни келишади ёки далолатнома ва унга илова қилинган ҳужжатларни келишишни рад этади ва уни давлат хизматлари марказларига юборади. Ушбу регламентнинг 24-бандида белгиланган муддатларда 8-босқич Давлат хизматлари маркази Далолатнома ёки далолатномани тайёрлашни рад этиш ҳақида хабарнома келиб тушгани ҳақида ахборот-коммуникация тизими орқали ариза берувчини хабардор қилади. Реал вақт режимида

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатишнинг маъмурий регламентига 2-ИЛОВА

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш ДАЛОЛАТНОМАСИ ________-сон __________ йил Ушбу далолатнома, Давлат кадастрлари палатаси __________________ бошқармасининг ____________ туман филиали, ____________ туман (шаҳар) қурилиш ва уй-жой коммунал хўжалиги бўлими вакиллари, ______________ экология, атроф-муҳитни муҳофаза қилиш ва иқлим ўзгариши бошқармаси вакиллари ва инвестиция фаолияти субъекти билан ер участкасини бўлиш тўғрисида тузилди. 1. Бўлинаётган ер участкаси тўғрисидаги маълумотлар: 1.1. Хусусий инвестор: ____________________ Ер участкаси жойлашган манзил: ______________ Ер участкасининг кадастр рақами __________ Ер участкасининг майдони (м²) _____________ Ер участкасидан рухсат этилган фойдаланишнинг асосий тури: _________________ Ер участкасининг алоҳида хусусиятлари: _______ 2. Бўлинаётган кўчмас мулк таркиби қуйидагилардан иборат: 2.1. Хусусий инвестор: ________________________ Ер участкалари жойлашган манзил: _________________ Ер участкаларининг кадастр рақамлари ______________ Ер участкаларининг майдонлари (м²) ___________________ Ер участкаларидан рухсат этилган фойдаланишнинг асосий турлари: ______________________________ Ер участкаларининг алоҳида хусусиятлари: __________ Хусусий инвесторга тегишли бўлган ер участкаларининг жами майдони (м² ва %): ____________ Барпо этиладиган янги массив ҳудудида кўп квартирали уйларга туташ ерлар ва умумий фойдаланишдаги ерларнинг жами майдони (м² ва %): _______ 3. Ушбу далолатнома, унинг ажралмас қисми сифатида илова қилинган топографик режа билан бирга ҳақиқий ҳисобланади. ХУЛОСА ҚИСМИ: Ер участкасига ўзгартириш киритилган кўчмас мулк ушбу далолатноманинг 3-бандида келтирилган таркибда алоҳида кўчмас мулк деб ҳисобланади. туман (шаҳар) филиали бошлиғи ________ __________________ (Ф.И.О.) туман (шаҳар) қурилиш ва уй-жой коммунал хўжалиги бўлими бошлиғи ________ ___________________ (Ф.И.О.) экология, атроф-муҳитни муҳофаза қилиш ва иқлим ўзгариши бошқармаси бошлиғи ________ ____________________ (Ф.И.О.) туман (шаҳар) филиали муҳандиси ________ ____________________ (Ф.И.О.) Хусусий инвестор ________ ____________________ (Ф.И.О.) 20___ йил «____» _______ ___________ тумани (шаҳри).

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш далолатномасига ИЛОВА

Ер участкасининг топографик режаси ______________тумани (шаҳри) объект: _____________ Манзили: ______________________________________ Масштаб 1: __________________ Ҳуқуқий ҳужжат бўйича ер участкаси майдони — ____________ м 2 Топограф: ________________ сана: 20_ __ _ йил «_ __ _» _____ ___ ___

Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш бўйича давлат хизматлари кўрсатишнинг маъмурий регламентига 3-ИЛОВА

_________________ ______________ (санаси) (рақами) Барпо этиладиган янги массив ҳудудидаги бирлаштирилган ер участкасини бўлиш ва унинг янги чегараларини белгилаш тўғрисида СЎРОВНОМА I. Ариза берувчи — жисмоний шахс тўғрисида маълумот: 1. Ф.И.О.: 2. Паспорт (ID-карта) маълумотлари (серияси ва рақами, жисмоний шахснинг шахсий идентификация рақами (мавжуд бўлса): 3. Телефон рақами: 4. Электрон почта манзили (мавжуд бўлса): II. Ариза берувчи — юридик шахс тўғрисида маълумот: 1. Расмий номи (тўлиқ): 2. Жойлашган жойи: 3. Телефон рақами: 4. Электрон почта манзили (мавжуд бўлса): III. Ер участкалари тўғрисида маълумот: 1. Ер участкасининг манзили (индекс, манзил, мўлжал): 2. Ер участкасининг кадастр рақами: 3. Ер участкасининг майдони (м²): 4. Ер участкасидан рухсат этилган фойдаланишнинг асосий тури:

Вазирлар Маҳкамасининг 2020 йил 2 сентябрдаги 535-сон қарорига 6-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2014 йил 10 июлдаги 186-сон қарори (Ўзбекистон Республикаси ҚТ, 2014 й., 7-сон, 71-модда) билан тасдиқланган Кўчмас мулк объектларининг давлат кадастри соҳасида давлат хизматлари нархларини белгилаш тартибида :

а) 4.10-позиция қуйидаги таҳрирда баён этилсин:

«Ипотека ва ипотека ҳақидаги шартномани, шунингдек, ижара ҳуқуқини, ер участкаси бўйича сервитутни давлат рўйхатидан ўтказиш ҳамда гаров хатини расмийлаштириш»;

б) 4.11.-позициянинг «Давлат хизматларининг номи» устунидаги «ахборот» сўзи «маълумотнома» сўзи билан ҳамда «Ишлар нархи» устунидаги «20 фоизи» сўзлари «3 фоизи (ҳар бир фуқаро учун)» сўзлари билан алмаштирилсин;

қуйидаги мазмундаги 4.12 ва 4.13-позициялар қўшилсин:

« 4.12. Кўчмас мулкка оид кадастр маълумотларини тақдим этиш Базавий ҳисоблаш миқдорининг 5 фоизи (давлат органлари учун бепул) 4.13. Шаҳодатномага эга бўлган кадастр муҳандиси томонидан тайёрланган кадастр йиғмажилдига асосан кўчмас мулкни ҳисобга олиш ва кадастр паспортини бериш а) базавий ҳисоблаш миқдорининг 1 баравари б) кўчмас мулк объектининг кадастр қийматини ҳисоблаш талаб этилганда, базавий ҳисоблаш миқдорининг 2 баравари »

в) Изоҳлар қисмида:

1-банддаги «208» рақами «243» рақами билан алмаштирилсин;

2-банд қуйидаги таҳрирда баён этилсин:

Ўзбекистон Республикасининг Бош вазири А. АРИПОВ

Тошкент ш.,

2020 йил 2 сентябрь,

535-сон

(Қонун ҳужжатлари маълумотлари миллий базаси, 03.09.2020 й., 09/20/535/1247-сон; Қонунчилик маълумотлари миллий базаси, 05.04.2022 й., 09/22/153/0266-сон; 20.04.2022 й., 09/22/200/0327-сон; 29.09.2022 й., 09/22/541/0859-сон, 19.10.2022 й., 09/22/610/0938-сон; 22.07.2023 й., 09/23/304/0510-сон; 15.08.2023 й., 09/23/380/0611-сон; 24.08.2023 й., 09/23/411/0649-сон; 26.08.2023 й., 09/23/424/0655-сон; 04.09.2023 й., 09/23/436/0669-сон; 16.09.2023 й., 09/23/470/0707-сон; 22.11.2023 й., 09/23/612/0874-сон; 10.07.2024 й., 09/24/380/0487-сон; 02.10.2024 й., 09/24/614/0768-сон; 24.12.2024 й., 09/24/847/1056-сон; 03.03.2025 й., 09/25/135/0208-сон; 28.05.2025 й., 09/25/330/0473-сон; 08.08.2025 й., 09/25/504/0707-сон; 04.09.2025 й., 09/25/559/0802-сон; 25.12.2025 й., 09/25/821/1211-сон; 06.01.2026 й., 09/26/840/0012-сон; 02.02.2026 й., 09/26/35/0101-сон; 07.02.2026 й., 07/26/48/0119-сон; 17.03.2026 й., 09/26/104/0248-сон; 17.04.2026 й., 09/26/175/0373-сон; 06.05.2026 й., 09/26/224/0457-сон; 04.07.2026 й., 09/26/310/0685-сон; 21.07.2026 й., 09/26/393/0764-сон)

lex.uz

Oʻzbekiston Respublikasi Vazirlar Mahkamasining

qarori

MAʼMURIY REGLAMENTI

SXEMASI

MAʼMURIY REGLAMENTI

SXEMASI

ARIZA

MAʼMURIY REGLAMENTI

SXEMASI

MAʼMURIY REGLAMENTI

SXEMASI

MAʼMURIY REGLAMENTI

SXEMASI

MAʼMURIY REGLAMENTI

SXEMASI

MAʼMURIY REGLAMENTI

SXEMASI

Kadastr sohasida ayrim davlat xizmatlari koʻrsatishning maʼmuriy reglamentlarini tasdiqlash toʻgʻrisida

Oʻzbekiston Respublikasi Prezidentining “Davlat xizmatlari koʻrsatish milliy tizimini jadal rivojlantirish boʻyicha qoʻshimcha chora-tadbirlar toʻgʻrisida” 2020-yil 31-yanvardagi PF-5930-son Farmoniga muvofiq kadastr sohasida davlat xizmatlari koʻrsatish tizimini yanada takomillashtirish maqsadida Vazirlar Mahkamasi qaror qiladi:

1. Quyidagilar:

Koʻchmas mulk obyektiga kadastr pasportini berish boʻyicha davlat xizmatlari koʻrsatishning maʼmuriy reglamenti 1-ilovaga muvofiq;

Koʻchmas mulkka boʻlgan huquqlarni davlat roʻyxatidan oʻtkazish boʻyicha davlat xizmatlari koʻrsatishning maʼmuriy reglamenti 2-ilovaga muvofiq;

Koʻchmas mulkni boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamenti 3-ilovaga muvofiq;

Koʻchmas mulkni birlashtirish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamenti 4-ilovaga muvofiq;

Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlarini koʻrsatishning maʼmuriy reglamenti 5a-ilovaga muvofiq;

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatishning maʼmuriy reglamenti 5b-ilovaga ;

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamenti 5v-ilovaga muvofiq;

2. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Yer resurslari, geodeziya, kartografiya va davlat kadastri davlat qoʻmitasi, Adliya vazirligi huzuridagi Davlat xizmatlari agentligi boshqa manfaatdor vazirlik va idoralar bilan birgalikda bir oy muddatda:

kadastr sohasida davlat xizmatlari koʻrsatishning maʼmuriy reglamentlarini davlat xizmatlari koʻrsatish tizimi bilan integratsiyalashtirishni va Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali joriy etilishini taʼminlasin;

YIDXPda davlat xizmatlari koʻrsatilishining har bir bosqichida jismoniy va yuridik shaxslarning murojaatlari koʻrib chiqilishini kuzatib borish tartibotini joriy etsin.

3. Oʻzbekiston Respublikasi Adliya vazirligi huzuridagi Davlat xizmatlari agentligi davlat organlari va boshqa tashkilotlar tomonidan davlat xizmatlari koʻrsatilishining belgilangan tartibi bajarilishi, shu jumladan ularning faoliyati yuzasidan YIDXP orqali doimiy nazorat oʻrnatsin.

4. Belgilab qoʻyilsinki, davlat xizmatlarni koʻrsatadigan davlat organlari va boshqa tashkilotlar hamda Oʻzbekiston Respublikasi Adliya vazirligi huzuridagi Davlat xizmatlari agentligi rahbarlari ushbu qarorda nazarda tutilgan vazifalarning oʻz vaqtida, toʻliq va sifatli bajarilishi uchun shaxsan javob beradilar.

5. Oʻzbekiston Respublikasi Hukumatining 6-ilovaga muvofiq ayrim qarorlariga oʻzgartirish va qoʻshimchalar kiritilsin.

6. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

7. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov va Yer resurslari, geodeziya, kartografiya va davlat kadastri davlat qoʻmitasi raisi X.S. Turaxujayev zimmasiga yuklansin.

Vazirlar Mahkamasining 2020-yil 2-sentabrdagi 535-son qaroriga 1-ILOVA

Koʻchmas mulk obyektiga kadastr pasportini berish boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament yer uchastkasi, bino va inshootlar hamda koʻp yillik dov-daraxtlarga (keyingi oʻrinlarda — koʻchmas mulk obyekti) kadastr pasportini berish boʻyicha davlat xizmatlari koʻrsatish tartibini belgilaydi.

2. Koʻchmas mulk obyektini kadastr hisobiga olish va kadastr yigʻmajildini shakllantirish natijasida koʻchmas mulk obyekti boʻyicha elektron va plastik shaklda kadastr pasporti rasmiylashtiriladi.

Kadastr pasportida mulkdor va huquq belgilovchi hujjatlar haqidagi maʼlumotlar aks ettirilmaydi.

3. Kadastr pasportining shakllari Vazirlar Mahkamasining 2021-yil 22-iyundagi 389-son qarori bilan tasdiqlangan Koʻchmas mulk obyektlariga kadastr yigʻmajildini tayyorlash tartibi toʻgʻrisida nizomga muvofiq turlar boʻyicha belgilanadi.

4. Koʻchmas mulk obyektiga kadastr pasporti quyidagi hollarda rasmiylashtiriladi:

yer uchastkalari berilganda (realizatsiya qilinganda);

koʻchmas mulk obyekti boʻyicha birlamchi texnik inventarizatsiyadan oʻtkazish ishlari bajarilganda;

kadastr yigʻmajildi shakllantirilgan koʻchmas mulk obyektida qayta texnik inventarizatsiya oʻtkazish natijasida oʻzgarishlar aniqlanganda (rekonstruksiya, qoʻshimcha imorat qurish va (yoki) alohida imorat qurish, bir qismi buzilganda (vayron boʻlganda) yoki yoʻq qilinganda);

koʻchmas mulk boʻlinganda va uning yangi chegaralari belgilanganda;

koʻchmas mulk birlashtirilganda va uning yangi chegaralari belgilanganda;

yer uchastkasining maydoni yoki chegara nuqtalari oʻzgarganda;

koʻchmas mulk obyektining manzili belgilanganda yoki oʻzgartirilganda;

yer uchastkasidan ruxsat etilgan foydalanish asosiy turi yoki kapital qurilish obyektining foydalanish maqsadi oʻzgarganda.

5. Kadastr pasporti shakllantirilishi natijasida koʻchmas mulkka boʻlgan huquqni davlat roʻyxatidan oʻtkazish majburiyati yuzaga keladigan hollarda, kadastr pasportini olish hamda koʻchmas mulkka boʻlgan huquqni davlat roʻyxatidan oʻtkazish kompozit xizmat tarzida amalga oshiriladi.

Belgilangan tartibda kelishilgan loyiha hujjatlariga koʻra obyektning qurilishi (rekonstruksiyasi) tugallangan taqdirda, bitta soʻrovnomaga asosan kadastr pasporti, qurilishi (rekonstruksiyasi) tugallangan obyektdan foydalanish uchun ruxsatnoma, koʻchmas mulk davlat roʻyxatidan oʻtkazilgani toʻgʻrisidagi reyestrdan koʻchirma bir vaqtda beriladi.

Tasdiqlangan loyiha hujjatlariga asosan bir yer uchastkasida bir nechta koʻp kvartirali uylar qurilishi moʻljallangan boʻlsa, foydalanishga qabul qilinayotgan har bir koʻp kvartirali uyga alohida arizaga asosan kadastr pasporti rasmiylashtiriladi.

Tasdiqlangan loyiha hujjatlariga asosan bir yer uchastkasida bir nechta koʻp kvartirali uylar qurilishi moʻljallangan boʻlsa, har bir koʻp kvartirali uy joylashgan va unga tutash yer uchastkasining loyihada koʻrsatilgan chegarasi asosida Davlat kadastrlari palatasining tuman (shahar) filiallari (keyingi oʻrinlarda — filiallar) yer uchastkasini boʻlish ishlarini amalga oshiradi.

Loyiha hujjatlariga asosan bir yer uchastkasida bir nechta koʻp kvartirali uylarni yagona turar joy majmuasi sifatida nazarda tutilgan boʻlsa yoki ularni alohida yer uchastkalariga boʻlish imkoniyati boʻlmasa yer uchastkasi umumiy (birgalikda) foydalanishdagi yer uchastkasi sifatida kadastr pasporti rasmiylashtiriladi.

Koʻp kvartirali uyning kadastr pasportida koʻp kvartirali uylardagi turar joylar va yashash uchun moʻljallanmagan (noturar) joylar, umumiy mol-mulk roʻyxati hamda koʻp kvartirali uy joylashgan va unga tutash yer uchastkasi toʻgʻrisidagi maʼlumotlar koʻrsatiladi.

Koʻchmas mulk obyektiga boʻlgan mulk huquqi yoki boshqa ashyoviy huquqlar vujudga kelganda, boshqa shaxsga oʻtganda, bekor boʻlganda yoki koʻchmas mulk obyektining huquqiy holati oʻzgarganligini tasdiqlash yoki qurilishi (rekonstruksiyasi) tugallangan bino va inshootlarni foydalanishga qabul qilish boʻyicha murojaat qilinganda, qogʻoz va plastik shakldagi kadastr pasporti beriladi.

6. Davlat kadastrlari palatasining tuman (shahar) filiallari (keyingi oʻrinlarda — filiallar) kadastr yigʻmajildini shakllantirib, uning natijasi boʻyicha kadastr pasportini taqdim etadi. Bunda plastik shakldagi kadastr pasporti filiallar tomonidan tayyorlanib, pochta xizmati orqali ariza beruvchiga yetkaziladi.

Davlat siri bilan bogʻliq boʻlgan koʻchmas mulk obyektlari boʻyicha kadastr pasportini tayyorlash uchun toʻgʻridan-toʻgʻri filiallarga murojaat qilinadi.

Davlat kadastrlari palatasi tomonidan ushbu xizmatni koʻrsatishda bajariladigan ishlar Davlat kadastrlari palatasining markaziy apparati, hududiy boshqarmalari va tuman (shahar) filiallari oʻrtasida belgilangan muddatdan chiqmagan holda taqsimlanishi mumkin.

7. Davlat xizmatlari markazlari va filiallar oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron tizim yordamida amalga oshiriladi.

8. Davlat xizmati ushbu Reglamentga 1-ilovaga muvofiq sxema asosida koʻrsatiladi.

2-bob. Davlat xizmatini koʻrsatish tartibi

9. Ariza beruvchi kadastr pasportini olish uchun Davlat xizmatlari markaziga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) davlat xizmatidan elektron tarzda foydalanish uchun roʻyxatdan oʻtadi.

10. Ariza beruvchilar oʻzi kelib murojaat etgan taqdirda, davlat xizmatlari markazlari xodimi — ariza beruvchi nomidan, YIDXP orqali murojaat etgan taqdirda esa ushbu Reglamentga 2-ilovaga muvofiq shakldagi soʻrovnomani elektron shaklda mustaqil toʻldiradi. Uchinchi shaxslar manfaati uchun harakat qilayotganda, soʻrovnomaga belgilangan tartibda rasmiylashtirilgan ishonchnoma ilova qilinadi.

Vafot etgan shaxs nomidan uning yaqin qarindoshlari murojaat qilishi mumkin.

Soʻrovnomaga koʻchmas mulkka boʻlgan huquqlarni tasdiqlovchi hujjat va yangi qurilish obyektlariga tasdiqlangan loyiha hujjatlari ilova qilinadi.

Ariza koʻp kvartirali uyga kadastr pasportini rasmiylashtirish uchun berilgan taqdirda quyidagilar qoʻshimcha ilova qilinadi:

loyiha-smeta hujjatlari;

koʻp kvartirali uy joylashgan va unga tutash yer uchastkasining chegarasi tushirilgan reja-sxema.

Davlat xizmatlari markazlari tomonidan ariza beruvchidan ushbu bandda koʻrsatilmagan maʼlumotlarni hamda boshqa hujjatlarni talab qilish qatʼiyan taqiqlanadi.

11. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.

Ariza beruvchi YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.

12. Ariza beruvchi Davlat xizmatlari markazlariga kelib murojaat etganda, uning soʻrovnomasi Davlat xizmatlari markazi xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar real vaqt rejimida filialga elektron shaklda yuboriladi. YIDXP orqali murojaat qilinganda esa soʻrovnoma avtomatik tarzda filialga yuboriladi.

13. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatidan foydalanishdan bosh tortganda, uning soʻrovnomasi koʻrilmasdan qoldiriladi.

14. Filial zarur hollarda ariza beruvchi bilan kelishib, soʻrovnomada koʻrsatilgan joyga chiqqan holda, obyektni texnik inventarizatsiyadan oʻtkazadi hamda talab etilganda koʻchmas mulk obyektining manzilini belgilaydi yoki oʻzgartiradi.

15. Ariza beruvchi yoki uning vakili kelishilgan vaqtda va manzilda boʻlmagan taqdirda, soʻrovnomada koʻrsatilgan telefon raqami orqali aloqaga chiqilib, sababi aniqlanadi va bu haqda xolislar (qoʻshnilar) ishtirokida dalolatnoma rasmiylashtiriladi va murojaat (soʻrovnoma) koʻrilmasdan qoldiriladi.

Rasmiylashtirilgan dalolatnomaga asosan murojaat (soʻrovnoma) koʻrilmasdan qoldirilganligi haqida filial masʼul xodimlari tomonidan ERI bilan tasdiqlangan xabarnoma (PDF shakldagi dalolatnoma ilova qilingan holda) 1 ish kuni davomida tegishli Davlat xizmatlari markaziga (oʻzi kelib murojaat etgan taqdirda) yoki ariza beruvchiga (elektron tarzda murojaat etgan taqdirda) YIDXP orqali elektron shaklda yuboriladi.

16. Kadastr pasporti obyektning murakkabligiga qarab, quyidagi muddatlarda tayyorlanadi:

a) koʻchmas mulk obyektlarining turar joyga oid qismi boʻyicha:

koʻp kvartirali uydagi kvartira uchun — 5 ish kunigacha;

yakka tartibdagi turar joy uchun — 8 ish kunigacha;

b) koʻchmas mulk obyektlarining noturar joyga oid qismi hamda yaxlit koʻp kvartirali uylar boʻyicha:

umumiy maydoni 100 kv. metrgacha boʻlganda — 8 ish kunigacha;

umumiy maydoni 100 kv. metrdan 1 000 kv. metrgacha boʻlganda — 10 ish kunigacha;

umumiy maydoni 1 000 kv. metrdan 5 000 kv. metrgacha boʻlganda — 15 ish kunigacha;

umumiy maydoni 5 000 kv. metrdan 15 000 kv. metrgacha boʻlganda — 20 ish kunigacha;

umumiy maydoni 15 000 kv. metrdan 50 000 kv. metrgacha boʻlganda — 26 ish kunigacha;

umumiy maydoni 50 000 kv. metrdan ortiq boʻlganda — 35 ish kunigacha;

ajratilgan yer uchastkalari boʻyicha — 5 ish kunigacha;

v) koʻp yillik dov-daraxtlar joylashgan yer uchastkasi boʻyicha:

umumiy maydoni 1 gektargacha — 15 ish kunigacha;

umumiy maydoni 1 gektardan 5 gektargacha — 20 ish kunigacha;

umumiy maydoni 5 gektardan 10 gektargacha — 26 ish kunigacha;

umumiy maydoni 10 gektardan 100 gektargacha — 35 ish kunigacha;

umumiy maydoni 100 gektardan ortiq — 40 ish kunigacha.

17. Malaka shahodatnomasiga ega boʻlgan koʻchmas mulk boʻyicha kadastr muhandisi tomonidan oʻtkazilgan texnik xatlov natijasiga koʻra tayyorlangan yigʻmajildga asosan koʻchmas mulkni hisobga olish va kadastr pasportini berish filial tomonidan 3 ish kuni mobaynida amalga oshiriladi.

18. Kadastr yigʻmajildi shakllantirilgandan soʻng filial tomonidan kadastr pasporti berish va koʻchmas mulk obyektiga boʻlgan huquqni roʻyxatdan oʻtkazish (talab etilganda) uchun toʻlov miqdori qiymati koʻrsatilgan xabarnoma (invoys) Davlat xizmatlari markaziga (oʻzi kelib murojaat qilgan taqdirda) yoki ariza beruvchiga (elektron shaklda murojaat qilgan taqdirda) YIDXP orqali elektron shaklda yuboradi.

Bunda qogʻoz shaklidagi kadastr pasporti YIDXP yoki Davlat xizmatlari markazlari orqali, plastik shakldagi kadastr pasporti filiallar tomonidan tayyorlanib, pochta xizmati orqali ariza beruvchiga yetkaziladi.

Kadastr pasportini berish uchun undiriladigan toʻlov miqdorlari Vazirlar Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qaroriga asosan belgilanadi.

19. Davlat xizmatlari markazlari xabarnoma kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

Ariza beruvchi xabarnomani olgandan soʻng bir oy mobaynida kadastr pasportini berishning toʻlov qiymatini xabarnomada qayd etilgan miqdorda toʻlaydi.

Sud boshqaruvchisiga kadastr pasporti oldindan toʻlovlarni amalga oshirmasdan beriladi va xabarnomada koʻrsatilgan toʻlovning oʻrni sud boshqaruvchisi tomonidan “Toʻlovga qobiliyatsizlik toʻgʻrisida”gi Oʻzbekiston Respublikasi Qonunining 150-moddasi birinchi qismida nazarda tutilgan tartibda toʻlanadi.

Kadastr pasporti berish uchun toʻlov qiymati toʻlanganligi axborot-kommunikatsiya tizimi orqali tasdiqlanadi.

Belgilangan muddatda tegishli toʻlov miqdori toʻlanmasligi kadastr pasportini berishni rad etish uchun asos boʻladi. Ushbu holatlarda ariza beruvchi umumiy tartibda davlat xizmatidan foydalanish uchun takroran murojaat qilishga haqli.

Davlat xizmatidan foydalanish uchun YIDXP orqali murojaat etilganda, toʻlov qiymati summasining 90 foizi undiriladi.

Koʻp kvartirali uy joylashgan va unga tutash yer uchastkasi hamda koʻp kvartirali uydagi umumiy mol-mulkka kadastr pasportini rasmiylashtirish uchun toʻlovlarni mulkdorlar yoki tegishli koʻp kvartirali uyning boshqarish organi ikki yil davomida teng ulushlarda boʻlib-boʻlib toʻlashi mumkin.

20. Toʻlov miqdori quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

7 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari hisobvaragʻiga oʻtkaziladi;

b) YIDXP orqali murojaat etilganda:

5 foizi (shundan 0,25 foizi — davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari hisobvaragʻiga oʻtkaziladi;

v) riyeltorlik tashkilotlari orqali murojaat etilganda:

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari hisobvaragʻiga oʻtkaziladi”;

g) “Koʻchmas mulkni kompleks boshqarish axborot tizimi” (keyingi oʻrinlarda — “Uzmulk” tizimi) orqali murojaat etilganda:

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari hisobvaragʻiga oʻtkaziladi.

21. Xabarnomada koʻrsatilgan yigʻim toʻliq toʻlangandan soʻng:

Davlat xizmatlari markazlari xodimi tomonidan tizimda kadastr pasportini yuklab olish (qogʻoz shaklda chop etish) imkoni paydo boʻladi va ariza beruvchiga qogʻoz shaklida kadastr pasporti beriladi;

filiallarning masʼul xodimlari tomonidan plastik shakldagi kadastr pasporti tayyorlanib, ariza beruvchiga pochta xizmati orqali yetkazib beriladi.

Soʻrovnomada ariza beruvchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.

22. Quyidagi hollarda kadastr pasportini rasmiylashtirish bepul amalga oshiriladi:

koʻchmas mulk obyekti boʻyicha birlamchi kadastr yigʻmajildi (pasporti) mavjud boʻlib, begonalashtirilganda yoki obyektda oʻzgarishlar (rekonstruksiya, qoʻshimcha va alohida qurilish) mavjud boʻlmaganda;

koʻchmas mulk obyektining bir qismi begonalashtirilganda obyektning qolgan qismiga yoki rekonstruksiyasiz foydalanish maqsadi oʻzgarganda;

yer uchastkasidan ruxsat etilgan foydalanishning asosiy turi belgilanganda yoki oʻzgarganda;

koʻchmas mulk obyektining ixtisoslashishi rekonstruksiyasiz oʻzgartirilganda;

kadastr yigʻmajildi (pasporti) yoʻqolganda (yaroqsiz holga kelganda va koʻchmas mulk obyekti koʻrsatkichlari oʻzgartirilmasdan).

Ushbu hollarda kadastr pasporti uch ish kuni mobaynida rasmiylashtiriladi.

Ushbu bandning toʻrtinchi xatboshisida koʻrsatilgan hollarda kadastr pasportini rasmiylashtirish hamda ixtisoslashtirilgan obyektdagi xonalarning foydalanish maqsadini belgilash qurilish organi tomonidan tasdiqlangan ruxsatnoma va eskiz loyihasi asosida amalga oshiriladi.

23. Quyidagilar kadastr pasporti berishni rad etish uchun asos boʻladi:

soʻrovnomada notoʻgʻri maʼlumotlar koʻrsatilishi;

koʻchmas mulk obyektlariga boʻlgan huquqlarni belgilovchi hujjatlar mavjud emasligi;

koʻchmas mulk obyektida oʻlchov ishlarining olib borilishiga, shu jumladan, koʻchmas mulk obyektiga kirish imkoni yoʻqligi (foydalanib kelayotgan shaxslar tomonidan bino va inshootga, yer uchastkasiga kirishga qarshilik qilinishi boʻyicha mahalla raisi ishtirokida tuzilgan dalolatnoma);

vakolatli organ tomonidan kadastr pasportini rasmiylashtirish boʻyicha koʻchmas mulk obyektiga taqiq yoki xatlov qoʻyilgani;

bino va inshootning ixtisoslashishi ular joylashgan yer uchastkasining foydalanish maqsadiga mos boʻlmagan tarzda oʻzgartirilgani;

taqdim etilgan hujjatlarda notoʻgʻri, qarama-qarshi maʼlumotlar aniqlanishi;

filialda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlarining mavjudligi;

filialda ushbu yer uchastkasi qonunchilik hujjatlarida belgilangan tartibda olib qoʻyilgani haqidagi maʼlumotlarning mavjudligi;

yer uchastkasiga boʻlgan huquqlarning qonunchilik hujjatlarida nazarda tutilgan hollarda va tartibda bekor qilingani.

Kadastr pasportini tayyorlash rad etilganda, ushbu bandda keltirilgan rad etishning asosi koʻrsatiladi.

Kadastr pasportini rasmiylashtirishni ushbu bandda koʻrsatilmagan asoslar boʻyicha rad etish qatʼiyan taqiqlanadi.

3-bob. Yakunlovchi qoidalar

24. Davlat xizmatlari markazlari va filiallar oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.

25. Oʻzbekiston Respublikasi Adliya vazirligi huzuridagi Davlat xizmatlari agentligi, uning hududiy boshqarmalari va Davlat xizmatlari markazlari mazkur Reglament talablari ijrosi boʻyicha davlat organlari va boshqa tashkilotlarning faoliyatini, shu jumladan YIDXP orqali doimiy nazorat va monitoring qilib boradi.

26. Ariza beruvchi davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishlari mumkin.

27. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Koʻchmas mulk obyektiga kadastr pasportini berish boʻyicha davlat xizmatlari koʻrsatishning maʼmuriy reglamentiga 1-ILOVA

Koʻchmas mulk obyektiga kadastr pasportini berish

Bosqichlar Subyektlar Tadbirlar Bajarish muddatlari 1-bosqich Arizaberuvchi Kadastr pasportini olish uchun Davlat xizmatlari markaziga oʻzi kelib yoki Yagona interaktiv davlat xizmatlari portali orqali murojaat qiladi. Oʻz xohishiga koʻra 2-bosqich 1. Davlat xizmatlari markazi 2. YIDXP Soʻrovnomani tegishlicha Qoraqalpogʻiston Respublikasi, viloyatlar yoki Toshkent shahar yer tuzish va koʻchmas mulk kadastri davlat korxonasi filialiga (DK filiali) yuboradi. 1. Soʻrovnoma toʻldirilishi bilan 2. Avtomatik tarzda 3-bosqich DKfiliali 1. Obyektda joyiga chiqib oʻlchov ishlarini amalga oshiradi va toʻlov miqdori qiymati koʻrsatilgan xabarnomani (invoys) Davlat xizmatlari markaziga, ariza beruvchiga YIDXP orqali elektron shaklda yuboradi. 2. Obyekt manzilini belgilaydi yoki oʻzgartiradi (talab etilganda). Reglamentda koʻrsatilgan (obyekt murakkabligidan kelib chiqib) muddatlarda 4-bosqich 1. Davlat xizmatlari markazi 2. YIDXP Xabarnomani (invoys) ariza beruvchiga beradi. 1. Real vaqt rejimida 2. Avtomatik tarzda 5-bosqich Arizaberuvchi Xabarnomada (invoys) belgilangan toʻlovni amalga oshiradi. 1 oy mobaynida 6-bosqich 1. Davlat xizmatlari markazi 2. YIDXP Tizimdan kadastr pasportini yuklab oladi (chop etadi) va ariza beruvchiga kadastr pasportini beradi. 1. Real vaqt rejimida 2. Avtomatik tarzda

Koʻchmas mulk obyektiga kadastr pasportini berish boʻyicha davlat xizmatlari koʻrsatishning maʼmuriy reglamentiga 2-ILOVA

__________________ (sanasi) __________________ (raqami) Koʻchmas mulk obyektiga kadastr pasportini berish toʻgʻrisida SOʻROVNOMA I. (jis.) Ariza beruvchi — jismoniy shaxs toʻgʻrisida maʼlumot: 1. F.I.O.: 2. Pasport maʼlumotlari (seriyasi va raqami, jismoniy shaxsning shaxsiy identifikatsiya raqami (mavjud boʻlsa): 2 1 . F.I.O. (vafot etgan shaxs nomidan uning yaqin qarindoshlari murojaat qilganda): 2 2 . Vafot etgan shaxsning va ariza beruvchining pasport maʼlumotlari (seriyasi va raqami, jismoniy shaxsning shaxsiy identifikatsiya raqami (mavjud boʻlsa): 3. Telefon raqami: 4. Elektron pochta manzili (mavjud boʻlsa): I. (yur.) Ariza beruvchi — yuridik shaxs toʻgʻrisida maʼlumot: 1. Rasmiy nomi (toʻliq): 3. Joylashgan joyi: 4. Telefon raqami: 5. Elektron pochta manzili (mavjud boʻlsa): II. Koʻchmas mulk obyekti toʻgʻrisida maʼlumot: 1. Koʻchmas mulk obyektining turi: yakka tartibdagi turar joy (dala hovli); yer uchastkasi; Koʻp kvartirali uyda joylashgan: Turar joy; Noturar joy; Noturar joy; Koʻchmas mulk obyektining holati: Qurilishi tugallangan; Qurilishi tugallanmagan; 2. Koʻchmas mulk obyektining nomlanishi: (noturar joy toifasidagi obyektlar uchun): 3. Koʻchmas mulk obyektining manzili (indeks, manzil, moʻljal): 4. Manzil oʻzgarganmi? Ha; (manzil uchun pullik) Yoʻq; 5. Koʻchmas mulkning kadastr raqami: (mavjud boʻlsa) Yoʻq; Siz ijtimoiy imtiyozga egamisiz? I va II guruh nogironligi boʻlgan shaxslar yoki Ikkinchi jahon urushi qatnashchisi yoxud Ijtimoiy reyestrga kiritilgan oila aʼzosi III. Kadastr pasportini tayyorlashning maqsadi: 1. Yangi koʻchmas mulk obyektiga (birlamchi) kadastr pasportini shakllantirish (toʻlov asosida) koʻp kvartirali uydagi turar joyning kadastr pasporti; yakka tartibdagi turar joyning kadastr pasporti; noturar joy toifasidagi koʻchmas mulk obyektining kadastr pasporti; yer uchastkasining kadastr pasporti; koʻp kvartirali turar joyda joylashgan noturar joyning kadastr pasporti; qurilishi tugallanmagan obyektning kadastr pasporti. 2. Koʻchmas mulk obyekti boʻyicha birlamchi kadastr yigʻmajildi (pasporti) mavjud boʻlib, obyektda oʻzgarishlar mavjud boʻlmaganda bepul asosda kadastr pasportini berish kadastr pasporti yaroqsiz holga kelganda yoki yoʻqolganda; begonalashtirilganda (egasi oʻzgarganda); rekonstruksiyasiz foydalanish maqsadi oʻzgarganda; koʻchmas mulk obyektining bir qismi begonalashtirilgand, obyektning qolgan qismiga. 3. Qurilishi (rekonstruksiyasi) tugallangan bino va inshootlarning kadastr pasporti, obyektdan foydalanish uchun ruxsatnoma va reyestrdan koʻchirmasini bir vaqtda berish a) kadastr pasporti (toʻlov asosida); b) obyektni foydalanish uchun ruxsatnomasi (bepul); v) koʻchmas mulk davlat roʻyxatidan oʻtkazilganligi toʻgʻrisidagi reyestrdan koʻchirma (bepul). 4. Koʻchmas mulk begonalashtirilganda yoki eski kadastr hujjatini (oʻzgarishsiz) yangi shakldagi kadastr pasportiga yangilash (bepul) Siz ijtimoiy imtiyozga egamisiz? I va II guruh nogironligi boʻlgan shaxslar yoki Ikkinchi jahon urushi qatnashchisi yoxud Ijtimoiy reyestrga kiritilgan oila aʼzosi IV. Soʻrovnomaga ilova: Koʻchmas mulkka boʻlgan huquqlarni tasdiqlovchi hujjatning skanerlangan nusxasi: (notarial tasdiqlangan oldi-sotdi shatrnomasi, sud qarori va uning rekvizitlari va shunga oʻxshash hujjatlar) mavjud boʻlganda. V. Davlat xizmatini koʻrsatish natijasini olib ketuvchi shaxsning (agar mavjud boʻlsa) JSHSHIR maʼlumotlari:

Vazirlar Mahkamasining 2020-yil 2-sentabrdagi 535-son qaroriga 2-ILOVA

Koʻchmas mulkka boʻlgan huquqlarni davlat roʻyxatidan oʻtkazish boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament jismoniy va yuridik shaxslarning koʻchmas mulkka boʻlgan huquqlari yuzaga kelganligi, boshqa shaxsga oʻtganligi, cheklanganligi va bekor qilinganligi faktini davlat roʻyxatidan oʻtkazish boʻyicha davlat xizmatlarini koʻrsatish tartibini belgilaydi.

2. Ushbu Reglament qoidalari foydali qazilmalar qazib olish bilan bogʻliq boʻlgan yer qaʼriga nisbatan tatbiq etilmaydi.

3. Ushbu Reglamentda quyidagi asosiy tushunchalardan foydalaniladi:

vositachilar — davlat xizmatlari markazlari, notarial idoralar, notariuslar, rieltorlik tashkilotlari, tijorat banklari hamda Davlat aktivlarini boshqarish agentligi, “Oʻzdaverloyiha” davlat ilmiy-loyihalash instituti va uning hududiy boʻlinmalari;

roʻyxatdan oʻtkazuvchi organ — Iqtisodiyot va moliya vazirligi huzuridagi Kadastr agentligining (keyingi oʻrinlarda — Kadastr agentligi) Davlat kadastrlari palatasi;

hududiy boshqarma — Kadastr agentligi Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari.

4. Jismoniy va yuridik shaxslar yoki ularning vakolatli vakillari (keyingi oʻrinlarda — ariza beruvchi) koʻchmas mulkka boʻlgan mulk huquqi yoki boshqa ashyoviy huquqlar yuzaga kelganda, boshqa shaxsga oʻtganda, cheklanganda yoki bekor boʻlganda, ushbu holat yuzaga kelgan kundan boshlab bir oy muddatda “Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi Oʻzbekiston Respublikasi Qonunida (keyingi oʻrinlarda — Qonun) koʻrsatilgan tegishli huquqni belgilovchi hujjatlarni ilova qilgan holda, koʻchmas mulkka boʻlgan huquqlari yuzaga kelganligi, boshqa shaxsga oʻtganligi, cheklanganligi va bekor qilinganligini davlat roʻyxatidan oʻtkazish uchun Oʻzbekiston Respublikasi Yagona interaktiv davlat xizmatlari portaliga (keyingi oʻrinlarda — YIDXP) yoki vositachilar orqali, garov xati rasmiylashtirilganda esa — hududiy boshqarmaga murojaat qiladi.

5. Yuridik va jismoniy shaxslarning koʻchmas mulkka boʻlgan huquqlari roʻyxatdan oʻtkazuvchi organ va uning hududiy boshqarmalari tomonidan ariza beruvchilarning murojaatiga asosan ushbu Reglamentga 1-ilovada keltirilgan sxemaga muvofiq davlat roʻyxatidan oʻtkaziladi.

Kadastr pasporti shakllantirilishi natijasida koʻchmas mulkka boʻlgan huquqni davlat roʻyxatidan oʻtkazish majburiyati yuzaga keladigan hollarda, kadastr pasportini olish hamda koʻchmas mulkka boʻlgan huquqni davlat roʻyxatidan oʻtkazish kompozit xizmat tarzida amalga oshiriladi.

Meros qilib qoldiriladigan umrbod egalik qilish huquqi bilan ajratilgan yer uchastkasida yakka tartibdagi turar joy noturar joy toifasiga oʻtkazilgan taqdirda, yer uchastkasi doimiy foydalanish huquqi asosida davlat roʻyxatidan oʻtkaziladi.

Doimiy egalik yoki doimiy foydalanish huquqi bilan ajratilgan yer uchastkasidagi noturar joy yakka tartibdagi turar joy toifasiga oʻtkazilganda, yer uchastkasi meros qilib qoldiriladigan umrbod egalik qilish huquqi asosida davlat roʻyxatidan oʻtkaziladi.

Ijara huquqi bilan ajratilgan yer uchastkasida joylashgan bino va inshootlarning ixtisoslashishi oʻzgartirilganda yer uchastkasining huquq turi oʻzgarmaydi. Bunda ijara shartnomasini qayta rasmiylashtirish talab etilmaydi, ijara shartnomasining muddati oʻtgani bundan mustasno.

Davlat kadastrlari palatasi tomonidan ushbu xizmatni koʻrsatishda bajariladigan ishlar Davlat kadastrlari palatasining markaziy apparati, hududiy boshqarmalari va tuman (shahar) filiallari oʻrtasida belgilangan muddatdan chiqmagan holda taqsimlanishi mumkin.

6. Koʻchmas mulkka boʻlgan huquqlarni davlat roʻyxatidan oʻtkazish uchun Vazirlar Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qarori bilan belgilangan miqdorlarda yigʻim undiriladi.

Sud tomonidan koʻchmas mulkka boʻlgan huquqni davlat roʻyxatidan oʻtkazish uchun asos boʻlgan huquqni belgilovchi hujjat haqiqiy emas deb topilishi natijasida oldingi huquq egasining koʻchmas mulkka boʻlgan huquqi tiklangan taqdirda, ushbu huquqni davlat roʻyxatidan oʻtkazganlik uchun toʻlov undirilmaydi.

7. Vositachilar orqali quyidagi xizmatlar boʻyicha arizalar taqdim etiladi:

davlat xizmatlari markazlari — koʻchmas mulkka boʻlgan huquqlarni davlat roʻyxatidan oʻtkazish;

notarial idoralar va notariuslar tomonidan — notarial harakatlar asosida yuzaga keladigan koʻchmas mulkka boʻlgan huquqlarni davlat roʻyxatidan oʻtkazish;

tijorat banklari tomonidan — ipotekani davlat roʻyxatidan oʻtkazish;

Davlat aktivlarini boshqarish agentligi — xususiylashtirish hamda “E-auksion” elektron savdo platformasida auksion orqali sotish natijasida yuzaga keladigan koʻchmas mulkka boʻlgan huquqlarni davlat roʻyxatidan oʻtkazish;

rieltorlik tashkilotlari — rieltorlik xizmatlarini koʻrsatish natijasida yuzaga keladigan koʻchmas mulkka boʻlgan huquqlarni davlat roʻyxatidan oʻtkazish;

“Oʻzdaverloyiha” davlat ilmiy-loyihalash instituti va uning hududiy boʻlinmalari — Vazirlar Mahkamasining 2021-yil 24-noyabrdagi 709-son qarori bilan tasdiqlangan Boʻsh turgan qishloq xoʻjaligiga moʻljallangan yer uchastkalarini qishloq xoʻjaligi maqsadlari uchun elektron onlayn-auksion savdo orqali ijaraga berish tartibi toʻgʻrisidagi nizomga asosan tashkil etilgan elektron onlayn-auksion savdo natijasida yuzaga kelgan koʻchmas mulkka boʻlgan huquqlarni davlat roʻyxatidan oʻtkazish.

2-bob. Koʻchmas mulkka boʻlgan huquqlarni davlat roʻyxatidan oʻtkazish boʻyicha davlat xizmatlarini koʻrsatish tartibi

8. Ariza beruvchi koʻchmas mulkka boʻlgan huquqni davlat roʻyxatidan oʻtkazish uchun vositachiga murojaat etadi, davlat xizmatidan elektron shaklda foydalanish uchun YIDXPda yoki roʻyxatdan oʻtkazuvchi organning veb-saytida (keyingi oʻrinlarda — veb-sayt) roʻyxatdan oʻtadi.

“E-auksion” elektron savdo platformasida koʻchmas mulk obyektlarini sotish boʻyicha tashkil etilgan auksion yuzasidan rasmiylashtirilgan bayonnoma auksion gʻolibi va buyurtmachi hamda hududiy boshqarmaga koʻchmas mulkka boʻlgan huquqlarni davlat roʻyxatidan oʻtkazish uchun “Elektron onlayn-auksionlarni tashkil etish” aksiyadorlik jamiyati (keyingi oʻrinlarda — operator) tomonidan mazkur platforma orqali yuboriladi.

9. Ariza beruvchi huquqni davlat roʻyxatidan oʻtkazish uchun vositachiga murojaat etganda, vositachi xodimi — ariza beruvchi nomidan, YIDXP yoki veb-sayt orqali murojaat etgan taqdirda esa ushbu Reglamentga 2-ilovadagi shaklga muvofiq davlat xizmatidan foydalanish uchun arizani elektron shaklda mustaqil toʻldiradi. Uchinchi shaxslar manfaati uchun harakat qilgan taqdirda, soʻrovnomaga belgilangan tartibda rasmiylashtirilgan ishonchnoma ilova qilinadi.

Arizaga Qonunda nazarda tutilgan huquqni belgilovchi hujjatlar ilova qilinadi.

Davlat arxivlarining mulkiy huquqlarni aniqlash boʻyicha arxiv maʼlumotnomalari faqat Davlat xizmatlari markazi yoki Yagona interaktiv davlat xizmatlari portali orqali berilgan boʻlishi lozim. Mazkur arxiv maʼlumotnomasi davlat arxividagi yer va mol-mulkka doir hujjatga muvofiqligi “Oʻzarxiv” agentligining Yagona milliy arxiv axborot tizimi orqali tekshiriladi va taqdim etilgan arxiv maʼlumotnomasi tegishli davlat arxivi tomonidan berilmaganligi yoki undagi maʼlumotlar arxiv saqlovidagi hujjatlarga nomuvofiqligi aniqlanganda, ushbu maʼlumotnoma huquqiy baho berish uchun huquqni muhofaza qiluvchi organlarga yuboriladi.

Ilova qilingan huquqni belgilovchi hujjatlarda bir nechta koʻchmas mulkka boʻlgan huquqlar yuzaga kelishi, boshqa shaxsga oʻtishi, cheklanishi va bekor qilinishi belgilangan boʻlsa, har bir koʻchmas mulk boʻyicha alohida ariza beriladi.

Ijara huquqi bilan ajratilgan yer uchastkasida joylashgan bino va inshootlar toʻliq begonalashtirilganda, yer uchastkasiga boʻlgan ijara huquqi ham boshqa shaxsga oʻtkaziladi, koʻchmas mulk obyektining bir qismi begonalashtirilishi, boʻlinishi yoki ijara shartnomasining muddati tugashi bundan mustasno.

Bir yildan kam boʻlmagan muddatga tuzilgan koʻchmas mulk obyektlarini ijaraga berish shartnomasi ham davlat roʻyxatidan oʻtkazish uchun asos boʻladi.

Arizada koʻchmas mulk obyektining turi, davlat roʻyxatidan oʻtkazilishi lozim boʻlgan huquq, koʻchmas mulk obyektining kadastr raqami koʻrsatiladi.

Vositachilar tomonidan ariza beruvchilardan Qonunda va ushbu bandda nazarda tutilmagan maʼlumot va hujjatlarni talab qilish qatʼiyan taqiqlanadi.

9 1 . Koʻchmas mulk mulkdori turar joy toifasidagi koʻchmas mulk obyektiga boʻlgan huquqlarni davlat roʻyxatidan oʻtkazish bilan bir vaqtda ushbu manzilga oʻzini yashash joyi boʻyicha roʻyxatdan oʻtkazish uchun ariza yuborishi mumkin.

Koʻchmas mulk mulkdori turar joy toifasidagi koʻchmas mulk obyektiga boʻlgan huquqlarni davlat roʻyxatidan oʻtkazish bilan bir vaqtda ushbu manzilga oʻzini yashash joyi boʻyicha roʻyxatdan oʻtkazish uchun murojaat qilganda arizada qoʻshimcha ravishda mulkdorning JSHSHIR, pasporti (ID-kartasi yoki kontrakt boʻyicha harbiy xizmatchining shaxsiy guvohnomasi) maʼlumotlari (seriyasi va raqami), telefon raqami (mavjud boʻlganda) koʻrsatiladi.

Bunda ariza beruvchidan mazkur bandning birinchi va ikkinchi xatboshilarida nazarda tutilmagan maʼlumot va hujjatlarni talab qilish qatʼiyan taqiqlanadi.

10. Zarur maʼlumotlar arizaga kiritilgandan soʻng ariza beruvchi uni oʻz elektron raqamli imzosi (keyingi oʻrinlarda — ERI) bilan tasdiqlaydi.

Oʻzi kelib murojaat etgan taqdirda, arizani ERI bilan tasdiqlash imkoniyati boʻlmagan hollarda, tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.

11. Davlat xizmatlari koʻrsatilgani uchun ushbu Reglamentning 6-bandiga muvofiq yigʻim undiriladi.

Davlat xizmati koʻrsatilishi uchun YIDXP orqali murojaat etilganda, koʻrsatilgan xizmatlar uchun belgilangan yigʻim summasining 90 foizi undiriladi.

Koʻchmas mulkka boʻlgan huquqlarni davlat roʻyxatidan oʻtkazish uchun belgilangan toʻlov miqdori koʻrsatilgan xabarnoma (invoys) vositachilarga (oʻzi kelib murojaat etgan taqdirda), operatorga yoki ariza beruvchiga (elektron shaklda murojaat etgan taqdirda) elektron shaklda yuboriladi.

Vositachilar (operator) toʻlov summasi koʻrsatilgan xabarnoma (invoys) kelib tushganidan soʻng real vaqt rejimida bu haqda axborot-kommunikatsiya tizimi orqali ariza beruvchini (auksion gʻolibi) xabardor qiladi.

Ariza beruvchi xabarnomada koʻrsatilgan miqdorda yigʻim summasini va yashash joyi boʻyicha roʻyxatdan oʻtkazish uchun davlat bojini toʻlaydi.

Koʻchmas mulk obyektiga boʻlgan huquqlarni davlat roʻyxatidan oʻtkazish bilan bir vaqtda ushbu manzilga doimiy roʻyxatga qoʻyish boʻyicha xizmat koʻrsatilganda, yashash joyi boʻyicha roʻyxatdan oʻtkazish uchun Oʻzbekiston Respublikasining “Davlat boji toʻgʻrisida”gi Qonunida belgilangan miqdorda davlat boji koʻrsatilgan xabarnoma (invoys) avtomatik ravishda shakllantiriladi.

Davlat xizmatlari koʻrsatilganda toʻlov toʻlanganligi axborot-kommunikatsiya tizimlari orqali tasdiqlanadi.

12. Yigʻimlar summasi kuyidagi tartibda taqsimlanadi:

a) Davlat xizmatlari markazlari orqali murojaat etilganda:

7 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻning 10 foizi roʻyxatdan oʻtkazuvchi organ hisobvaragʻiga, 90 foizi tegishliligi boʻyicha hududiy boshqarmalarning hisobvaragʻiga oʻtkaziladi;

b) notarial idoralar yoki notariuslar orqali murojaat etilganda:

5 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻning 10 foizi roʻyxatdan oʻtkazuvchi organ hisobvaragʻiga, 90 foizi tegishliligi boʻyicha hududiy boshqarmalarning hisobvaragʻiga oʻtkaziladi;

v) Davlat aktivlarini boshqarish agentligi, riyeltorlik tashkilotlari va tijorat banklari orqali murojaat etilganda:

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻning 10 foizi roʻyxatdan oʻtkazuvchi organ hisobvaragʻiga, 90 foizi tegishliligi boʻyicha hududiy boshqarmalarning hisobvaragʻiga oʻtkaziladi;

g) YIDXP orqali murojaat etilganda:

5 foizi (shundan 0,25 foizi — davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

qolgan mablagʻning 10 foizi roʻyxatdan oʻtkazuvchi organ hisobvaragʻiga, 90 foizi tegishliligi boʻyicha hududiy boshqarmalarning hisobvaragʻiga oʻtkaziladi;

d) “Uzmulk” tizimi orqali murojaat etilganda:

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻning 10 foizi roʻyxatdan oʻtkazuvchi organ hisobvaragʻiga, 90 foizi tegishliligi boʻyicha hududiy boshqarmalarning hisobvaragʻiga oʻtkaziladi.

Doimiy yashash joyi boʻyicha roʻyxatga olish uchun davlat boji summasi Vazirlar Mahkamasining 2018-yil 22-oktabrdagi 845-son qarori bilan tasdiqlangan Oʻzbekiston Respublikasi fuqarolarini doimiy yashash joyi va vaqtincha turgan joyi boʻyicha roʻyxatga olish tartibi toʻgʻrisidagi nizom hamda 2019-yil 28-dekabrdagi 1049-son qarori bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida doimiy yashash va vaqtincha turgan joyi boʻyicha roʻyxatga olish tartibi toʻgʻrisidagi nizomda belgilangan tartibda taqsimlanadi.

13. Ariza beruvchi davlat xizmatidan foydalanishdan koʻchmas mulkka boʻlgan huquq davlat roʻyxatidan oʻtkazilguniga (davlat reyestriga yozuv kiritilgunga) qadar bosh tortish huquqiga ega.

Ariza beruvchi davlat xizmatidan foydalanishdan bosh tortganda, uning arizasi koʻrilmasdan qoldiriladi. Bunda toʻlangan yigʻim summasi qaytarilmaydi.

14. Ariza beruvchi vositachiga kelib murojaat etganda uning arizasi vositachi xodimi tomonidan toʻldirilib, ariza beruvchi tomonidan tasdiqlanganidan soʻng barcha hujjatlar real vaqt rejimida hududiy boshqarmaga elektron shaklda yuboriladi. YIDXP orqali murojaat qilinganda esa ariza avtomatik tarzda hududiy boshqarmaga yuboriladi.

15. Hududiy boshqarmaning roʻyxatdan oʻtkazuvchisi (keyingi oʻrinlarda — roʻyxatdan oʻtkazuvchi) ariza kelib tushgandan soʻng Qonunda belgilangan muddatlarda hamda tartibda:

arizani oʻrganib chiqadi;

ariza koʻrib chiqish uchun qabul qilingan taqdirda, koʻchmas mulkka boʻlgan huquqlarni davlat roʻyxatidan oʻtkazishga doir harakatlarni amalga oshiradi;

arizani koʻrib chiqish, koʻchmas mulkka boʻlgan huquqlarni davlat roʻyxatidan oʻtkazishga doir harakatlarni amalga oshirish natijasini vositachiga yuboradi;

YIDXP yoki veb-sayt orqali murojaat qilinganda koʻchmas mulkka boʻlgan huquqlarni davlat roʻyxatidan oʻtkazishga doir harakatlarni amalga oshirish natijasini ariza beruvchining elektron manziliga yuboradi yoki talabgorni bu haqda axborot-kommunikatsiya tizimi orqali xabardor qiladi.

Taqdim etilgan hujjatlarda bartaraf etilishi zarur boʻlgan yoki qoʻshimcha hujjatlarni talab etadigan kamchiliklar mavjud boʻlganda, koʻchmas mulkka boʻlgan huquqlarni davlat roʻyxatidan oʻtkazish uch ish kuniga toʻxtatib turilishi mumkin. Bunday holda roʻyxatdan oʻtkazuvchi koʻchmas mulkka boʻlgan huquqlarni davlat roʻyxatidan oʻtkazish toʻxtatib turilganligi toʻgʻrisida vositachi va (yoki) ariza beruvchini bir ish kuni ichida xabardor qiladi.

Koʻchmas mulkka boʻlgan huquqlarni davlat roʻyxatidan oʻtkazishga doir harakatlarni amalga oshirish natijasiga koʻra roʻyxatdan oʻtkazuvchi huquqni davlat roʻyxatidan oʻtkazadi va ushbu Reglamentga 3-ilovada keltirilgan namunaga muvofiq Koʻchmas mulkka boʻlgan huquqlar davlat reyestridan (keyingi oʻrinlarda — davlat reyestri) koʻchirma beradi yoki huquqni davlat roʻyxatidan oʻtkazishni Qonunda belgilangan tartibda rad etadi.

15 1 . Reyestrdan koʻchirma shakllanganidan soʻng mulkdorni yashash joyi boʻyicha roʻyxatdan oʻtkazish uchun ariza avtomatik ravishda Ichki ishlar vazirligining “Manzil” axborot tizimiga yuboriladi.

Ariza beruvchi ichki ishlar organlarining tegishli migratsiya va fuqarolikni rasmiylashtirish boʻlinmalarida yashash joyi boʻyicha roʻyxatdan oʻtkazilganidan soʻng Davlat xizmatlari markaziga, notarial idoraga (oʻzi kelib murojaat etganda) yoki ariza beruvchiga (YIDXP orqali murojaat etganda) QR-kod bilan himoyalangan qayd varagʻi yuboriladi.

16. Vositachi arizani koʻrib chiqish, koʻchmas mulkka boʻlgan huquqlarni davlat roʻyxatidan oʻtkazishga doir harakatlarni amalga oshirish natijasi kelib tushgandan soʻng real vaqt rejimida uni ariza beruvchining elektron manziliga yuboradi yoki uni bu haqda axborot-kommunikatsiya tizimi orqali xabardor qiladi. Vositachi ariza beruvchining soʻroviga koʻra unga davlat reyestridan koʻchirmani elektron shaklda yoki qogʻoz shaklida berishi mumkin.

Soʻrovnomada ariza beruvchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.

17. Ariza beruvchi roʻyxatdan oʻtkazish rad etilgan kundan boshlab oʻn kun mobaynida koʻchmas mulkka boʻlgan huquqni davlat roʻyxatidan oʻtkazish uchun yigʻim toʻlamasdan qayta murojaat qilish huquqiga ega.

3-bob. Yakunlovchi qoidalar

18. Vositachilar va hududiy boshqarmalar oʻz faoliyatini amalga oshirish natijasida olingan maʼlumotlarning sir saqlanishini taʼminlaydi.

19. Adliya vazirligi, uning hududiy boshqarmalari va davlat xizmatlari markazlari roʻyxatdan oʻtkazuvchi organning mazkur Reglament talablari ijrosi boʻyicha faoliyatini, shu jumladan, YIDXP orqali doimiy nazorat va monitoring qilib boradi.

20. Ariza beruvchi davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

21. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Koʻchmas mulkka boʻlgan huquqlarni davlat roʻyxatidan oʻtkazish boʻyicha davlat xizmatlari koʻrsatishning maʼmuriy reglamentiga 1-ILOVA

Koʻchmas mulkka boʻlgan huquqlarni davlat roʻyxatidan oʻtkazish boʻyicha davlat xizmatlari koʻrsatish

Bosqichlar Subyektlar Tadbirlar Bajarish muddatlari 1-bosqich Ariza beruvchi (jismoniy va yuridik shaxslar yoki ularning vakolatli vakillari) Koʻchmas mulkni davlat roʻyxatidan oʻtkazish uchun vositachiga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) yoki Iqtisodiyot va moliya vazirligi huzuridagi Kadastr agentligining Davlat kadastrlari palatasining veb-sayti (keyingi oʻrinlarda — veb-sayt) orqali roʻyxatdan oʻtadi hamda belgilangan miqdordagi toʻlovni amalga oshiradi. Koʻchmas mulkka boʻlgan huquqlar yuzaga kelgandan keyin bir oy muddatda 2-bosqich 1. Vositachi (davlat xizmatlari markazlari, notarial idoralar, notariuslar, rieltorlik tashkilotlari, tijorat banklari, Davlat aktivlarini boshqarish agentligi, “Oʻzdaverloyiha” davlat ilmiy-loyihalash instituti va uning hududiy boʻlinmalari) 2. Oʻzbekiston Respublikasi Yagona interaktiv davlat xizmatlari portali 3. Iqtisodiyot va moliya vazirligi huzuridagi Kadastr agentligining Davlat kadastrlari palatasining veb-sayti Ariza va unga ilova qilingan hujjatlarni Kadastr agentligi Davlat kadastrlari palatasining tegishli hududiy boshqarmasiga elektron shaklda yuboradi. Real vaqt rejimida 3-bosqich Kadastr agentligi Davlat kadastrlari palatasining Qoraqalpogʻiston Respublikasi, viloyatlar va Toshkent shahar boshqarmalari 1. Arizani koʻrib chiqishga qabul qiladi yoki qabul qilishni rad etadi. 2. Koʻchmas mulkka boʻlgan huquqlarni davlat roʻyxatidan oʻtkazishga doir harakatlarni amalga oshiradi. 3. Davlat reyestridan koʻchirmani yoki roʻyxatdan oʻtkazishni rad etish toʻgʻrisida xabarnomani vositachiga (YIDXP yoki veb-sayt orqali murojaat etilganda ariza beruvchiga) yuboradi. Qonunda belgilangan muddatlarda 4-bosqich Vositachi (davlat xizmatlari markazlari, notarial idoralar, notariuslar, rieltorlik tashkilotlari, tijorat banklari, Davlat aktivlarini boshqarish agentligi, “Oʻzdaverloyiha” davlat ilmiy-loyihalash instituti va uning hududiy boʻlinmalari) Ariza beruvchini davlat roʻyxatidan oʻtkazishga doir harakatlarni amalga oshirish natijasi yuzasidan xabardor qiladi. Real vaqt rejimida

Koʻchmas mulkka boʻlgan huquqlarni davlat roʻyxatidan oʻtkazish boʻyicha davlat xizmatlari koʻrsatishning maʼmuriy reglamentiga 2-ILOVA

Koʻchmas mulkka boʻlgan huquqlarni davlat roʻyxatidan oʻtkazish uchun

I. Ariza beruvchi — jismoniy shaxs toʻgʻrisida maʼlumot: 1. F.I.O.: 2. Pasport maʼlumotlari (seriyasi va raqami): 3. JSHSHIR: 4. Telefon raqami: 5. Elektron pochta manzili (mavjud boʻlsa): II. Ariza beruvchi — yuridik shaxs toʻgʻrisida maʼlumot: 1. Toʻliq nomi: 2. STIR: 3. Telefon raqami: 4. Elektron pochta manzili (mavjud boʻlsa): Arizada koʻrsatilishi lozim boʻlgan maʼlumotlar: Huquqni belgilovchi hujjat turi, qabul qilingan sanasi va raqami: Koʻchmas mulk obyekti turi: Davlat roʻyxatidan oʻtkazilishi lozim boʻlgan huquq: Kadastr yigʻmajildi tayyorlangan yoki qayta rasmiylashtirilgan koʻchmas mulk obyektining nomi va yigʻmajild tayyorlangan sana (mavjud boʻlsa): III. Davlat xizmatini koʻrsatish natijasini olib ketuvchi shaxs (agar mavjud boʻlsa) toʻgʻrisidagi maʼlumotlar: JSHSHIR

Koʻchmas mulkka boʻlgan huquqlarni davlat roʻyxatidan oʻtkazish boʻyicha davlat xizmatlari koʻrsatishning maʼmuriy reglamentiga 3-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ Iqtisodiyot va moliya vazirligi huzuridagi ‎Kadastr agentligining Davlat kadastrlari palatasi ‎ ‎ ‎ ‎ ‎ ‎ ‎ ‎ ‎ ‎ ‎ Sana “____” ___________ Davlat reyestrining tartib raqami ____________ ‎ ‎ ‎ ‎ ‎ ‎ ‎ ‎ ‎ ‎ ‎ Koʻchmas mulkka boʻlgan huquqlar davlat reyestridan ‎KOʻCHIRMA ‎ ‎ ‎ ‎ ‎ ‎ ‎ ‎ ‎ ‎ ‎ “____” ____________da kelib tushgan “____” ___________gi buyurtma asosida Koʻchmas mulkka boʻlgan huquqlar davlat reyestriga quyidagi huquqlar davlat roʻyxatidan oʻtkazilganligi haqida yozuv kiritildi: 1. Koʻchmas mulk obyekti: Koʻchmas mulk obyekti turi: Koʻchmas mulk obyekti nomi: Kadastr raqami: Joylashgan joyi: 2. Roʻyxatdan oʻtkazildi: Huquq egasi, huquqdagi ulush: STIR (huquq egasi yuridik shaxs boʻlganda): 2.1. Yer uchastkasi: Huquq turi: Huquqni davlat roʻyxatidan oʻtkazish sanasi: Huquqni belgilovchi hujjat rekvizitlari: 2.2. Bino va inshootlar: Huquq turi: Huquqni davlat roʻyxatidan oʻtkazish sanasi: Huquqni belgilovchi hujjat rekvizitlari: 2.3. Koʻp yillik dov-daraxtlar: Daraxtlar soni, dona: Huquqni davlat roʻyxatidan oʻtkazish sanasi: Huquqni belgilovchi hujjat rekvizitlari: 3. Boshqa maʼlumotlar: 3.1. Hujjat boʻyicha maydon (ga): 3.2. Amaldagi maydon (ga): 3.3. Davlat roʻyxatidan oʻtkazilgan bino va inshootlar maydoni (kv.m): 3.4. Taqiq, xatlov yoki cheklovlar mavjudligi: Ipoteka davlat roʻyxatidan oʻtkazilganligi: Servitut davlat roʻyxatidan oʻtkazilganligi: Binolar va inshootlar yoki ularning qismlariga boʻlgan ijara huquqi davlat roʻyxatidan oʻtkazilganligi: 4. Qoʻshimcha maʼlumotlar: ... ... Agar sizda koʻchirmaning haqiqiyligini tekshirish zarurati yuzaga kelsa, pastki chap burchakdagi QR-kodni skanerlang. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎QR-kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Vazirlar Mahkamasining 2020-yil 2-sentabrdagi 535-son qaroriga 3-ILOVA

Koʻchmas mulkni boʻlish va uning yangi chegaralarini belgilash boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament:

jismoniy va yuridik shaxslarga mulk huquqi asosida tegishli boʻlgan ayrim binolar va inshootlarga yoki ularning bir qismiga boʻlgan huquqning boshqa shaxsga oʻtishi munosabati bilan ushbu bino va inshootlar joylashgan doimiy foydalanish, ijara, meros qilib qoldiriladigan umrbod egalik qilish va mulk huquqidagi yer uchastkalarini;

mulk yoki ijara huquqida tegishli yer uchastkasini;

jismoniy va yuridik shaxslarga ijara, doimiy foydalanish, meros qilib qoldiriladigan umrbod egalik qilish huquqlarida tegishli boʻlgan yer uchastkalarini (bunda yangi shakllanayotgan yer uchastkalarining har birida bino va inshootlarning mavjud boʻlishi);

huquq egasining mulk huquqida tegishli bino va inshootlarni alohida qismlarga boʻlish boʻyicha murojaatiga asosan koʻchmas mulkni boʻlish va uning yangi chegaralarini belgilash dalolatnomasini (keyingi oʻrinlarda — dalolatnoma) rasmiylashtirish boʻyicha davlat xizmatlarini koʻrsatish tartibini belgilaydi.

2. Ushbu Reglament koʻp kvartirali uy joylashgan va unga tutash yer uchastkalariga, muddatli (vaqtincha) foydalanish huquqida boʻlgan yer uchastkalariga, huquqi davlat roʻyxatidan oʻtkazilmagan koʻchmas mulklarga, shuningdek, koʻp kvartirali uylardagi kvartiralar va qurilishi tugallanmagan obyektlarga nisbatan tatbiq etilmaydi.

3. Dalolatnomani rasmiylashtirish ushbu Reglamentga 1-ilovada keltirilgan sxemaga muvofiq amalga oshiriladi.

4. Dalolatnoma quyidagi tartibda rasmiylashtiriladi:

a) Iqtisodiyot va moliya vazirligi huzuridagi Kadastr agentligining Davlat kadastrlari palatasi tuman (shahar) filiallari (keyingi oʻrinlarda — filiallar):

ushbu Reglamentga 2-ilovaga muvofiq shaklda koʻchmas mulkni boʻlish va uning yangi chegaralarini belgilash dalolatnomasini tuzadi;

koʻchmas mulkning boʻlinishi natijasida hosil boʻlgan alohida koʻchmas mulk obyektlarining manzillarini Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga muvofiq belgilaydi;

b) dalolatnoma Qurilish va uy-joy kommunal xoʻjaligi vazirligi tuman (shahar) qurilish va uy-joy kommunal xoʻjaligi boʻlimlari (keyingi oʻrinlarda — qurilish va uy-joy kommunal xoʻjaligi boʻlimlari) bilan kelishiladi.

2-bob. Koʻchmas mulkni boʻlish hamda uning yangi chegaralarini belgilash xususiyatlari

5. Umumiy birgalikdagi mulkni boʻlish ushbu umumiy mulk ishtirokchilari oʻrtasidagi kelishuvga yoki sud qaroriga asosan amalga oshiriladi.

6. Koʻchmas mulkni boʻlish dalolatnomasini rasmiylashtirishda:

a) yangi tashkil etilayotgan koʻchmas mulklar oʻzining asosiy foydalanish maqsadini oʻzgartirmagan boʻlishi;

b) boʻlish yer uchastkasiga nisbatan amalga oshirilganda yer uchastkasi boʻlinadigan boʻlishi;

v) yer uchastkalari yongʻinga qarshi, sanitariya, ekologiyaga oid, shaharsozlik reglamentlarini, shaharsozlik hamda boshqa majburiy normalar va qoidalarni buzmagan holda yangidan tashkil etilishi hamda boʻlish amalga oshirilganidan keyin hosil boʻlgan qismlarning har biri mustaqil yer uchastkasini tashkil etishi;

g) yer uchastkalarining egalari yoki undan foydalanuvchilar mustaqil ravishda yer uchastkasiga umumiy foydalanishdagi yer uchastkasi orqali oʻtish imkonidan mahrum boʻlib qoladigan boʻlsa, yer uchastkasi boʻlinishiga yoʻl qoʻyilmaydi;

d) yer uchastkasining yangi chegaralari uning boʻlinishidan avvalgi chegaralari asosida belgilanishi lozim, bunda yangi yer uchastkalarining maydonlari yigʻindisi hamda chegaralari avvalgi chegara va maydondan farq qilishiga yoʻl qoʻyilmaydi;

e) koʻchmas mulkni boʻlish Koʻchmas mulk obyektlariga boʻlgan huquqlar davlat reyestrida koʻrsatilgan maydon va chegaralar doirasida amalga oshirilishi zarur.

7. Koʻchmas mulkni boʻlish natijasida yangi paydo boʻlgan koʻchmas mulklarga kadastr yigʻmajildi (kadastr pasporti) dalolatnoma asosida tayyorlanadi.

8. Koʻchmas mulkni boʻlish va uning yangi chegaralarini belgilash boʻyicha davlat xizmatlari koʻrsatishda davlat xizmatlari markazlari, filiallar va qurilish va uy-joy kommunal xoʻjaligi boʻlimlari oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron hamkorlik yordamida amalga oshiriladi.

9. Koʻchmas mulkning boʻlinganligi huquq egasiga koʻchmas mulkning konstruktiv elementlarini oʻzgartirish huquqini bermaydi.

3-bob. Davlat xizmatini koʻrsatish tartibi

10. Koʻchmas mulklarning huquq egalari yoki ularning vakillari (keyingi oʻrinlarda — ariza beruvchi) dalolatnoma rasmiylashtirish uchun davlat xizmatlari markaziga oʻzlari kelib murojaat etadilar yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) yoki Kadastr agentligining rasmiy veb-sayti orqali (keyingi oʻrinlarda — veb-sayt) davlat xizmatidan elektron tarzda foydalanish uchun roʻyxatdan oʻtadilar.

11. Ariza beruvchi oʻzi kelib murojaat etgan taqdirda davlat xizmatlari markazi xodimi — ariza beruvchi nomidan, YIDXP yoki veb-sayt orqali murojaat etgan taqdirda esa mustaqil ravishda, ushbu Reglamentga 3-ilovaga muvofiq elektron shakldagi soʻrovnomani toʻldiradilar hamda davlat xizmatidan foydalanish uchun toʻlovni amalga oshiradilar.

Ariza beruvchi soʻrovnomani toʻldirishda dalolatnoma rasmiylashtirish kelishilgan holda, boʻlingan koʻchmas mulkka kadastr yigʻmajildini tayyorlash hamda koʻchmas mulkka boʻlgan huquqni davlat roʻyxatidan oʻtkazish xizmatlaridan foydalanish uchun ariza avtomatik tarzda shakllantirilishini tanlashlari mumkin.

12. Dalolatnoma rasmiylashtirish boʻlinayotgan koʻchmas mulkka boʻlgan huquq egasining koʻchmas mulkni alohida qismlarga boʻlish haqidagi soʻrovnomasi asosida amalga oshiriladi.

Koʻchmas mulkka boʻlgan huquq egasining oʻziga mulk huquqida tegishli boʻlmagan taqdirda, soʻrovnomaga belgilangan tartibda rasmiylashtirilgan mulkdorning koʻchmas mulkni boʻlish boʻyicha roziligi ilova qilinadi.

Mulk huquqida tegishli yakka tartibda uy-joy boʻlgan koʻchmas mulkni yoki uning bir qismini boshqa shaxsga oʻtkazish notarial tartibda amalga oshiriladi.

Uchinchi shaxslar manfaati uchun harakat qilinayotganda soʻrovnomaga belgilangan tartibda rasmiylashtirilgan ishonchnoma ilova qilinadi.

Davlat xizmatlari markazi tomonidan ariza beruvchidan ushbu bandda koʻrsatilmagan boshqa hujjatlarni talab qilish qatʼiyan taqiqlanadi.

13. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va identifikatsiya qilishning tegishli vositalari (daktiloskopiya, elektron imzo, mobil-ID va boshqalar) bilan tasdiqlaydi.

Ariza beruvchi YIDXP yoki veb-sayt orqali murojaat etgan hollarda soʻrovnomani ERI bilan tasdiqlash talab etilmaydi.

14. Ariza beruvchi davlat xizmatlari markaziga kelib murojaat etganda ularning soʻrovnomasi markaz xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar real vaqt rejimida filialga elektron shaklda yuboriladi. YIDXP yoki veb-sayt orqali murojaat qilinganda esa soʻrovnoma avtomatik tarzda filialga yuboriladi.

15. Davlat xizmati koʻrsatilgani uchun bazaviy hisoblash miqdorining 1 baravari miqdorida yigʻim undiriladi.

Davlat xizmati koʻrsatilishi uchun YIDXP orqali murojaat etilganda koʻrsatilgan xizmatlar uchun yigʻim summasining 90 foizi undiriladi.

Davlat xizmati koʻrsatilgani uchun yigʻim undirishda Ijtimoiy reyestrning “kambagʻal oila” toifasiga kiritilgan oilalarning aʼzolariga shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.

15 1 . Taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentning 15-bandida belgilangan yigʻim summasining 50 foizi undiriladi.

15 2 . Davlat tibbiyot muassasalarida qonunchilik hujjatlariga muvofiq tuzilgan mehnat shartnomasi asosida tibbiyot va farmatsevtika sohasiga oid kasbiy faoliyatni amalga oshiruvchi shaxslardan ushbu Nizomning 15-bandi birinchi xatboshisida belgilangan yigʻim summasining 50 foizi undiriladi.

16. Ariza beruvchi davlat xizmatidan foydalanishdan dalolatnoma huquq egalari tomonidan imzolangunga qadar voz kechish huquqiga ega. Ariza beruvchi davlat xizmatidan foydalanishdan voz kechganda uning soʻrovnomasi koʻrilmasdan qoldiriladi. Bunda toʻlangan yigʻim qaytarilmaydi.

17. Davlat xizmati koʻrsatilganligi uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.

18. Yigʻimlar summasi quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

18 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

11,75 foizi (shundan 0,25 foizi — davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

v) “Uzmulk” tizimi orqali murojaat etilganda:

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi.

Toʻlovlar davlat xizmatlari koʻrsatilgani uchun toʻlangan davlat bojlari va yigʻimlar summasi hisobini yurituvchi Yagona billing tizimi orqali toʻlanadi.

19. Filial soʻrovnoma kelib tushgan kundan boshlab oʻn besh ish kuni mobaynida koʻchmas mulk joylashgan joyida koʻchmas mulkni boʻlish imkoniyatini oʻrganadi. Bunda, filial tomonidan ushbu Reglament 5-bandining talablari va 6-bandining “ d ”, “ e ”, “ j ”, “z” kichik bandlarida koʻrsatilgan talablar asosida koʻchmas mulkni qismlarga boʻlish yoki chegaralarini oʻzgartirish mumkinligi koʻrib chiqiladi.

Oʻrganish natijasiga koʻra, filial joyning oʻzida mavjud chegara elementlari hamda huquq egasi(lari) bilan kelishuvga asosan koʻchmas mulklarning yangi chegaralarini va koʻchmas mulkda joylashgan bino va inshootlarning joylashishi boʻyicha oʻzgarishlarni qayd etgan holda abris tayyorlaydi va tayyor abris ijrochi, shuningdek huquq egalarining imzosi bilan tasdiqlanadi.

Filial joyida olib borilgan oʻrganishlar va tasdiqlangan abrisga asosan koʻchmas mulklarning kadastr rejasi ilova qilingan dalolatnomani tayyorlaydi yoki rad etishning aniq sabablarini hamda tegishli qonunchilik hujjatlari normalarini koʻrsatgan holda uni tayyorlashni rad etadi.

Koʻchmas mulkning boʻlinishi natijasida dalolatnomaga ilova qilingan koʻchmas mulkning kadastr rejasida boʻlinayotgan koʻchmas mulk hamda yangi yaratilayotgan koʻchmas mulklarning chegaralari koʻrsatiladi.

20. Filial tomonidan dalolatnoma tayyorlangan kuni filial boshligʻi va ijrochi dalolatnoma loyihasini oʻz ERIsi bilan tasdiqlaydi hamda dalolatnoma markazga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga elektron shaklda yuboriladi.

Dalolatnomani tayyorlash rad etilgan taqdirda, rad etish toʻgʻrisidagi xabarnoma filial boshligʻining ERIsi bilan tasdiqlangan holda markazga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga yuboriladi.

21. Davlat xizmatlari markazi dalolatnoma va koʻchmas mulkning kadastr rejasi kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

22. Dalolatnoma 3 ish kuni mobaynida huquq egalari tomonidan davlat xizmatlari markaziga kelib (oʻzi kelib murojaat qilgan taqdirda) identifikatsiya qilish vositalari (daktiloskopiya va boshqalar) orqali yoki YIDXP yoxud veb-sayt orqali (elektron shaklda murojaat qilgan taqdirda) huquq egalarining ERIsi bilan kelishiladi.

Voyaga yetmagan shaxs koʻchmas mulk mulkdori boʻlganda dalolatnomani uning nomidan ota-onasi, shuningdek, ota-onasi boʻlmagan holatlarda vasiylik va homiylik toʻgʻrisidagi qonunchilik hujjatlariga muvofiq boshqa qonuniy vakil (vasiy yoki homiy) tomonidan tasdiqlanadi.

Bunda voyaga yetmagan shaxsning ota-onasi, vasiy yoki homiysi haqidagi maʼlumotlar “Raqamli hukumat” tizimining idoralararo integratsiyalashuv platformasi vositasida aniqlanadi.

Voyaga yetmagan shaxsning vasiy yoki homiysi haqidagi maʼlumotlar “Raqamli hukumat” tizimining idoralararo integratsiyalashuv platformasi vositasida aniqlanmagan taqdirda, manfaatdor shaxs voyaga yetmagan shaxsga nisbatan vasiy yoki homiy ekanligini tasdiqlovchi hujjatlarni Davlat xizmatlari markaziga taqdim etadi va dalolatnomani tasdiqlaydi.

23. Huquq egalari tomonidan kelishilgan dalolatnoma va unga ilova qilingan elektron shakldagi kadastr rejasi davlat xizmatlari markazi tomonidan real vaqt rejimida, YIDXP yoki veb-sayt orqali murojaat qilinganda esa avtomatik tarzda qurilish va uy-joy kommunal xoʻjaligi boʻlimiga kelishish uchun yuboriladi.

24. Qurilish va uy-joy kommunal xoʻjaligi boʻlimlari dalolatnoma va unga ilova qilingan elektron shakldagi kadastr rejasi kelib tushgandan soʻng uch ish kuni ichida koʻchmas mulk joylashgan joyida koʻchmas mulkni ushbu Reglament 6-bandining “ a ”, “ b ”, “ v ”, “ g ”, “d” kichik bandlarida koʻrsatilgan talablar asosida qismlarga boʻlish yoki yangi chegaralarini belgilash imkoniyatini oʻrgangan holda dalolatnomani kelishadi yoki rad etishning aniq sabablarini va tegishli qonunchilik hujjatlari normalarini koʻrsatgan holda uni rad etadi.

Dalolatnomani kelishish yoki rad etish qurilish va uy-joy kommunal xoʻjaligi boʻlimining ERIsi bilan tasdiqlash orqali amalga oshiriladi.

25. Qurilish va uy-joy kommunal xoʻjaligi boʻlimlari dalolatnomani kelishgan yoki rad etgan kuni dalolatnoma va koʻchmas mulk chegaralari kadastr rejasi yoki rad etish haqidagi xabarnomani elektron shaklda markazga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) yuboradi.

26. Davlat xizmatlari markaziga dalolatnoma yoki dalolatnomani tayyorlashni rad etish haqida xabarnoma kelib tushgan taqdirda, markaz xabarnoma kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

Arizani koʻrib chiqish natijalari asosida QR-kod (matritsali shtrix-kod) qoʻyib berilgan elektron hujjatlar asl hujjatlarga tenglashtiriladi.

Soʻrovnomada ariza beruvchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.

27. Quyidagilar davlat xizmati koʻrsatishni rad etish uchun asos hisoblanadi:

ushbu Reglamentning 1 , 2 , 5 va 6-bandlarida nazarda tutilgan talablarga muvofiq emasligi;

soʻrovnomada notoʻgʻri maʼlumotlar koʻrsatilishi;

dalolatnoma huquq egalari tomonidan belgilangan muddatda imzolanmagani;

yer uchastkasiga boʻlgan huquqlarning davlat roʻyxatidan oʻtkazilmagani;

yer uchastkasida joylashgan bino va inshootlarga boʻlgan huquqlarning davlat roʻyxatidan oʻtkazilmagani;

koʻchmas mulkning haqiqiy holati Koʻchmas mulkka boʻlgan huquqlar davlat reyestridagi maʼlumotlardan farq qilishi;

filial hamda qurilish va uy-joy kommunal xoʻjaligi boʻlimlari vakiliga koʻchmas mulkni koʻzdan kechirish uchun imkoniyat yaratilmagani;

koʻchmas mulkning huquq egalaridan biri tomonidan dalolatnomani imzolashdan bosh tortgani;

davlat roʻyxatidan oʻtkazuvchi organda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlari va soʻrovnomalarining mavjudligi;

vakolatli organ tomonidan koʻchmas mulk obyektiga taqiq yoki xatlov qoʻyilgani.

Davlat xizmati koʻrsatishni boshqa asoslarga koʻra rad etish qatʼiyan taqiqlanadi.

28. Ariza beruvchi davlat xizmati koʻrsatilishi rad etilgan kundan boshlab oʻn ish kuni mobaynida davlat xizmati koʻrsatish uchun yigʻimni toʻlamasdan koʻrsatilgan kamchiliklarni bartaraf etib qayta murojaat qilish huquqiga ega.

Davlat xizmatini takroran koʻrsatishda filiallar hamda qurilish va uy-joy kommunal xoʻjaligi boʻlimlari tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablarining keltirilishi bundan mustasno.

Qayta murojaat etilganda keyingi murojaatlar ushbu Reglamentga asosan umumiy tartibda va muddatlarda koʻrib chiqiladi.

4-bob. Yakunlovchi qoidalar

29. Davlat xizmatlari markazlari, filiallar va qurilish va uy-joy kommunal xoʻjaligi boʻlimlari oʻz faoliyatini amalga oshirishi natijasida olingan ariza beruvchi haqidagi maʼlumotlarning maxfiyligini taʼminlashi shart.

30. Adliya vazirligi, uning hududiy boshqarmalari va Davlat xizmatlari markazlari davlat organlari va boshqa tashkilotlarning mazkur Reglament talablari ijrosi boʻyicha faoliyatini, shu jumladan, YIDXP orqali doimiy nazorat va monitoring qilib boradi.

31. Ariza beruvchi davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

32. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Koʻchmas mulkni boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 1-ILOVA

Koʻchmas mulkni boʻlish hamda uning yangi chegaralarini belgilash

Bosqichlar Subyektlar Tadbirlar Bajarish muddatlari 1-bosqich Ariza beruvchi (Koʻchmas mulklarning huquq egalari yoki ularning vakillari) Maʼlumotnoma olish uchun davlat xizmatlari markaziga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) yoki Iqtisodiyot va moliya vazirligi huzuridagi Kadastr agentligining rasmiy veb-sayti (keyingi oʻrinlarda — veb-sayt) orqali roʻyxatdan oʻtadi hamda belgilangan miqdordagi toʻlovni amalga oshiradi. Xohishga koʻra 2-bosqich 1. Davlat xizmatlari markazi 2. Oʻzbekiston Respublikasi Yagona interaktiv davlat xizmatlari portali 3. Iqtisodiyot va moliya vazirligi huzuridagi Kadastr agentligining rasmiy veb-sayti Soʻrovnomani Iqtisodiyot va moliya vazirligi huzuridagi Kadastr agentligining Davlat kadastrlari palatasi tegishli tuman (shahar) filiali (keyingi oʻrinlarda — filial)ga yuboradi. Real vaqt rejimida 3-bosqich Iqtisodiyot va moliya vazirligi huzuridagi Kadastr agentligining Davlat kadastrlari palatasi tuman (shahar) filiali Filial koʻchmas mulk joylashgan joyida koʻchmas mulkni boʻlish imkoniyatini oʻrganadi va abris tayyorlaydi hamda oʻrganishlar va abrisga asosan koʻchmas mulkning kadastr rejasi ilova qilingan Koʻchmas mulkni boʻlish va uning yangi chegaralarini belgil�sh dalolatnoma (keyingi oʻrinlarda — dalolatnoma)sini tayyorlab, uni davlat xizmatlari markazlariga yuboradi yoki dalolatnoma rasmiylashtirishni rad etadi. 10 ish kunida 4-bosqich Davlat xizmatlari markazi Dalolatnoma va koʻchmas mulkning kadastr rejasi kelib tushganligi haqida axborot-kommunikatsiya tizimi orqali ariza beruvchini xabardor qiladi. Real vaqt rejimida 5-bosqich Ariza beruvchi (Koʻchmas mulklarning huquq egalari yoki ularning vakillari) Davlat xizmatlari markaziga kelib identifikatsiya qilish vositalari orqali yoki YIDXP yoxud veb-sayt orqali huquq egalarining ERIsi bilan dalolatnomani kelishadi. 3 ish kuni 6-bosqich 1. Davlat xizmatlari markazi 2. Oʻzbekiston Respublikasi Yagona interaktiv davlat xizmatlari portali 3. Iqtisodiyot va moliya vazirligi huzuridagi Kadastr agentligining rasmiy veb-sayti Dalolatnoma va unga ilova qilingan hujjatlarni kelishish uchun qurilish va uy-joy kommunal xoʻjaligi boʻlimiga yuboradi. Real vaqt rejimida 7-bosqich Qurilish va uy-joy kommunal xoʻjaligi vazirligi tuman (shahar) qurilish va uy-joy kommunal xoʻjaligi boʻlimlari 1. Dalolatnoma va unga ilova qilingan hujjatlarni kelishadi va uni davlat xizmatlari markaziga yuboradi. 2. Dalolatnoma va unga ilova qilingan hujjatlarni kelishishni rad etadi. 3 ish kuni 8-bosqich Davlat xizmatlari markazi Dalolatnoma yoki dalolatnomani tayyorlashni rad etish haqida xabarnoma kelib tushganligi haqida axborot-kommunikatsiya tizimi orqali ariza beruvchini xabardor qiladi. Real vaqt rejimida

Koʻchmas mulkni boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 2-ILOVA

‎ ‎ ‎ ‎ ‎ ‎ ‎ ‎ ‎ ‎ Koʻchmas mulkni boʻlish va uning yangi chegaralarini belgilash ‎DALOLATNOMASI ‎ ‎ ‎ ‎ ‎ ‎ ‎ ‎ ‎ ‎ № _________ ‎ ‎ ____________ yil ‎ ‎ ‎ ‎ ‎ ‎ ‎ ‎ ‎ ‎ Mazkur dalolatnoma, Davlat kadastrlari palatasi _______________________ boshqarmasining ____________ tuman filiali, ___________ tuman qurilish va uy-joy kommunal xoʻjaligi boʻlimlari vakillari va koʻchmas mulk huquq egalari bilan koʻchmas mulkni boʻlish toʻgʻrisida tuzildi. 1. Boʻlinayotgan koʻchmas mulk toʻgʻrisidagi maʼlumotlar: 1.1. Koʻchmas mulkka boʻlgan huquq egasi: ______________________________________ Koʻchmas mulk joylashgan manzil: ___________________________________________ Yer uchastkasining kadastr raqami: __________________________________________ Bino va inshootning kadastr raqami: ________________________________________ Yer uchastkasining maydoni (m²): ____________________________________________ Yer uchastkasi chegarasini oʻzgartirishga asos boʻlgan hujjatlar: ___________________ ‎_________________________________________________________________________ Yer uchastkasining alohida xususiyatlari: _____________________________________ 2. Koʻchmas mulkni joyida oʻrganish natijasida quyidagilar aniqlandi: Bino va inshootlardan egalik qilish (foydalanish) tartibi mulkdorlar oʻrtasida yuqoridagi huquqni tasdiqlovchi hujjatlar asosida belgilangan boʻlib, boʻlinayotgan yer uchastkasi Oʻzbekiston Respublikasi Yer kodeksining 62-moddasi talablariga muvofiqligi, yaʼni yer uchastkalari yoxud undagi imoratning u yoki bu qismi kommunal xizmatdan (yoritish, kanalizatsiya, sugʻorish qurilmalari va shu kabilar), koʻchmas mulklarning egalari yoki undan foydalanuvchilar esa mustaqil ravishda oʻzi yoki transportda kirib-chiqish imkonidan mahrum boʻlib qolmasligi aniqlandi hamda koʻchmas mulk egalarining oʻzaro kelishuvi, shuningdek, yer uchastkasidagi mavjud oʻzgarmas elementlar (devor, bino va x.k.)ni oʻrganish asosida koʻchmas mulklar chegaralariga oʻzgartirish kiritildi. 3. Yer uchastkalariga oʻzgartirish kiritilgan koʻchmas mulklar tarkibi quyidagilardan iborat: 3.1. Koʻchmas mulk egasi: ___________________________________________________ Koʻchmas mulk joylashgan manzil: ___________________________________________ Yer uchastkasining kadastr raqami: __________________________________________ Yer uchastkasining maydoni (m²): ____________________________________________ Koʻchmas mulkka boʻlgan huquqni tasdiqlovchi hujjatlar:_________________________ Koʻchmas mulkning alohida xususiyatlari: _____________________________________ 3.2. Koʻchmas mulk egasi: ___________________________________________________ Koʻchmas mulk joylashgan manzil: ___________________________________________ Yer uchastkasining kadastr raqami: __________________________________________ Yer uchastkasining maydoni (m²): ____________________________________________ Koʻchmas mulkka boʻlgan huquqni tasdiqlovchi hujjatlar: _________________________ Koʻchmas mulkning alohida xususiyatlari: _____________________________________ 4. Ushbu dalolatnoma, uning ajralmas qismi sifatida ilova qilingan koʻchmas mulk chegaralari kadastr rejasi bilan birga haqiqiy hisoblanadi. 5. Koʻchmas mulklarning egalari tomonidan mazkur dalolatnomaning tasdiqlanganligi keyinchalik alohida tashkil topgan yer uchastkalari va undagi bino va inshootlarga kadastr yigʻmajildini qayta shakllantirish va koʻchmas mulklarga boʻlgan huquqlarni davlat roʻyxatidan oʻtkazish uchun asos hisoblanadi. XULOSA: Yer uchastkalariga oʻzgartirish kiritilgan koʻchmas mulklar mazkur dalolatnomaning 3-bandida keltirilgan tarkibda alohida koʻchmas mulk deb hisoblansin. ‎ ‎ ‎ ‎ ‎ ‎ ‎ ‎ ‎ ‎ Filial boshligʻi _________ ____________________________ ‎ ‎ ‎ ‎ ‎ ‎ (F.I.O.) Qurilish va uy-joy kommunal xoʻjaligi boʻlimi boshligʻi ‎ _________ ____________________________ ‎ ‎ ‎ ‎ ‎ ‎ (F.I.O.) Filial muhandisi _________ ____________________________ ‎ ‎ ‎ ‎ ‎ ‎ (F.I.O.) Koʻchmas mulkka boʻlgan huquq egalari _________ ____________________________ ‎ ‎ ‎ ‎ ‎ ‎ (F.I.O.) ‎ ‎ ‎ ‎ _________ ____________________________ ‎ ‎ ‎ ‎ (F.I.O.) 20__ yil “___” _______ _________ tumani (shahri) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Koʻchmas mulkni birlashtirish va uning yangi chegaralarini belgilash dalolatnomasiga ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ YER UCHASTKASINING KADASTR REJASI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________ (yuridik shaxsning toʻliq nomi yoki jismoniy shaxsning F.I.O.) ‎ Kadastr raqami: ___________________________________________________________ ‎Yer uchastkasining maydoni, ga: ________________________________________________ ‎Masshtab: ________________________________________________________________ ‎Ijrochi: _________________________________________________________________ ‎ ‎ (imzosi, F.I.O.) Yer uchastkasiga boʻlgan huquq egasi: ____________________________________________ ‎ ‎ ‎ ‎ ‎ ‎ ‎ ‎ (imzosi, F.I.O.) Yer uchastkasiga boʻlgan huquq egasi: ____________________________________________ ‎ ‎ ‎ ‎ ‎ ‎ ‎ ‎ (imzosi, F.I.O.) Yer uchastkasiga boʻlgan huquq egasi: ____________________________________________ ‎ ‎ ‎ ‎ ‎ ‎ ‎ ‎ (imzosi, F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Koʻchmas mulkni boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 3-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _________________ ‎ ‎ ‎ ‎ ‎ ‎ ‎ ‎ ‎ ‎ _________________ (sanasi) ‎ ‎ ‎ ‎ ‎ ‎ ‎ ‎ ‎ ‎ (raqami) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Koʻchmas mulkni boʻlish va uning yangi chegaralarini belgilash toʻgʻrisida ‎SOʻROVNOMA ‎‎I. Ariza beruvchi — jismoniy shaxs toʻgʻrisida maʼlumot: 1. F.I.O.: 2. Pasport maʼlumotlari (seriyasi va raqami, jismoniy shaxsning shaxsiy identifikatsiya raqami (mavjud boʻlsa): 3. Telefon raqami: 4. Elektron pochta manzili (mavjud boʻlsa): II. Ariza beruvchi — yuridik shaxs toʻgʻrisida maʼlumot: 1. Rasmiy nomi (toʻliq): 2. Joylashgan joyi: 3. Telefon raqami: 4. Elektron pochta manzili (mavjud boʻlsa): III. Koʻchmas mulk obyekti toʻgʻrisida maʼlumot: 1. Koʻchmas mulk obyekti turi:‏ yakka tartibdagi turar joy; yer uchastkasi; noturar joy; 2. Koʻchmas mulk obyekti nomlanishi (noturar joy toifasidagi obyektlar uchun): 3. Koʻchmas mulk obyekti manzili (indeks, manzil, moʻljal): 4. Koʻchmas mulkning kadastr raqami: IV. Davlat xizmatini koʻrsatish natijasini olib ketuvchi shaxs (agar mavjud boʻlsa) toʻgʻrisidagi maʼlumotlar: JSHSHIR:

Vazirlar Mahkamasining 2020-yil 2-sentabrdagi 535-son qaroriga 4-ILOVA

Koʻchmas mulkni birlashtirish va uning yangi chegaralarini belgilash boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament jismoniy va yuridik shaxslarga doimiy foydalanish, ijara, meros qilib qoldiriladigan umrbod egalik qilish, mulk huquqi asosida tegishli boʻlgan yer uchastkalarini, mulk huquqidagi binolar va inshootlarni ularning murojaatiga asosan birlashtirish va birlashtirilishi natijasida hosil boʻlgan mulkning yangi chegaralarini belgilash dalolatnomasini (keyingi oʻrinlarda — dalolatnoma) rasmiylashtirish boʻyicha davlat xizmatlari koʻrsatish tartibini belgilaydi.

2. Ushbu Reglament koʻp kvartirali uy joylashgan va unga tutash yer uchastkalariga, huquqi davlat roʻyxatidan oʻtkazilmagan koʻchmas mulklarga, shuningdek, koʻp kvartirali uylardagi kvartiralar va qurilishi tugallanmagan obyektlarga nisbatan tatbiq etilmaydi.

3. Koʻchmas mulkni birlashtirish va uning yangi chegaralarini belgilash huquq egasiga doimiy foydalanish, ijara, meros qilib qoldiriladigan umrbod egalik qilish, mulk huquqi asosida tegishli boʻlgan hollarda amalga oshiriladi.

4. Dalolatnomani rasmiylashtirish ushbu Reglamentga 1-ilovada keltirilgan sxemaga muvofiq amalga oshiriladi.

5. Dalolatnoma quyidagi tartibda rasmiylashtiriladi:

a) Iqtisodiyot va moliya vazirligi huzuridagi Kadastr agentligining Davlat kadastrlari palatasi tuman (shahar) filiallari (keyingi oʻrinlarda — filiallar):

ushbu Reglamentga 2-ilovaga muvofiq shaklda Koʻchmas mulkni birlashtirish va uning yangi chegaralarini belgilash dalolatnomasini tuzadi;

koʻchmas mulkning birlashtirilishi natijasida hosil boʻlgan koʻchmas mulkning manzilini Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga muvofiq belgilaydi;

b) dalolatnoma Qurilish va uy-joy kommunal xoʻjaligi vazirligi tuman (shahar) qurilish va uy-joy kommunal xoʻjaligi boʻlimlari (keyingi oʻrinlarda — qurilish va uy-joy kommunal xoʻjaligi boʻlimlari) kelishiladi.

2-bob. Koʻchmas mulkni birlashtirish hamda uning yangi chegaralarini belgilash xususiyatlari

6. Koʻchmas mulkni birlashtirish koʻchmas mulk mulkdorining qaroriga, mulkdorlar oʻrtasida tuzilgan shartnomaga, davlat ijrochisining yoki sudning qaroriga asosan amalga oshiriladi.

7. Koʻchmas mulkni birlashtirish dalolatnomasini rasmiylashtirishda quyidagilar talab etiladi:

a) yangi tashkil etilayotgan koʻchmas mulklar oʻzining asosiy foydalanish maqsadini oʻzgartirmagan boʻlishi;

b) birlashtirish yer uchastkasiga nisbatan amalga oshirilganda, yer uchastkasi birlashtiriladigan boʻlishi;

v) koʻchmas mulk yongʻinga qarshi, sanitariya, ekologiyaga oid, shaharsozlik hamda boshqa majburiy normalar va qoidalarni buzmagan holda yangidan tashkil etilishi;

g) koʻchmas mulkning yangi chegaralari uning birlashtirilishidan avvalgi chegaralari asosida belgilanishi, bunda yangi koʻchmas mulkning maydonlari yigʻindisi hamda chegaralari avvalgi chegara va maydondan farq qilishiga yoʻl qoʻyilmasligi;

d) koʻchmas mulkni birlashtirish Koʻchmas mulk obyektlariga boʻlgan huquqlar davlat reyestrida koʻrsatilgan maydon va chegaralar doirasida amalga oshirilishi;

e) koʻchmas mulkning foydalanish maqsadi, yer uchastkasining ruxsat etilgan foydalanish asosiy turi, huquq turi bir xil boʻlishi hamda bir maʼmuriy hududda joylashgan va umumiy chegaraga ega boʻlishi.

8. Koʻchmas mulklarni birlashtirish natijasida yangi paydo boʻlgan koʻchmas mulkka kadastr yigʻmajildi (kadastr pasporti) dalolatnoma asosida tayyorlanadi.

9. Koʻchmas mulkni birlashtirish va uning yangi chegaralarini belgilash boʻyicha davlat xizmatlari koʻrsatishda davlat xizmatlari markazlari, filiallar va qurilish va uy-joy kommunal xoʻjaligi boʻlimlari oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.

10. Koʻchmas mulkning birlashtirilganligi huquq egasiga koʻchmas mulkning konstruktiv elementlarini oʻzgartirish huquqini bermaydi.

3-bob. Davlat xizmatini koʻrsatish tartibi

11. Koʻchmas mulklarning huquq egalari yoki ularning vakillari (keyingi oʻrinlarda — ariza beruvchi) dalolatnoma rasmiylashtirish uchun davlat xizmatlari markaziga oʻzlari kelib murojaat etadilar yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) yoki Kadastr agentligining rasmiy veb-sayti (keyingi oʻrinlarda — veb-sayt) orqali davlat xizmatidan elektron tarzda foydalanish uchun roʻyxatdan oʻtadilar.

12. Ariza beruvchi oʻzi kelib murojaat etgan taqdirda davlat xizmatlari markazi xodimi — ariza beruvchi nomidan, YIDXP yoki veb-sayt orqali murojaat etgan taqdirda esa mustaqil ravishda, ushbu Reglamentga 3-ilovaga muvofiq elektron shakldagi soʻrovnomani toʻldiradi hamda davlat xizmatidan foydalanish uchun toʻlovni amalga oshiradi.

Soʻrovnomani toʻldirishda dalolatnoma kelishilgan holda, birlashtirilgan koʻchmas mulkka kadastr yigʻmajildini tayyorlash hamda koʻchmas mulkka boʻlgan huquqni davlat roʻyxatidan oʻtkazish xizmatlaridan foydalanish uchun ariza avtomatik tarzda shakllantirilishi tanlanishi mumkin.

13. Dalolatnoma rasmiylashtirish birlashtirilayotgan koʻchmas mulklarning huquq egalari soʻrovnomasi asosida amalga oshiriladi.

Koʻchmas mulk huquq egasining oʻziga mulk huquqida tegishli boʻlmagan taqdirda, soʻrovnomaga belgilangan tartibda rasmiylashtirilgan mulkdorning koʻchmas mulkni birlashtirish boʻyicha roziligi ilova qilinadi.

Uchinchi shaxslar manfaati uchun harakat qilinayotganda soʻrovnomaga belgilangan tartibda rasmiylashtirilgan ishonchnoma ilova qilinadi.

Davlat xizmatlari markazi tomonidan ariza beruvchidan ushbu bandda koʻrsatilmagan boshqa hujjatlarni talab qilish qatʼiyan taqiqlanadi.

14. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.

Ariza beruvchi YIDXP yoki veb-sayt orqali murojaat etgan taqdirda soʻrovnomani ERI bilan tasdiqlash talab etilmaydi.

15. Ariza beruvchi davlat xizmatlari markaziga kelib murojaat etganda, uning soʻrovnomasi markaz xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar real vaqt rejimida filialga elektron shaklda yuboriladi. YIDXP yoki veb-sayt orqali murojaat qilinganda esa soʻrovnoma avtomatik tarzda filialga yuboriladi.

16. Davlat xizmatini koʻrsatish uchun bazaviy hisoblash miqdorining 1 baravari miqdorida yigʻim undiriladi.

Davlat xizmati koʻrsatilishi uchun YIDXP orqali murojaat etilganda koʻrsatilgan xizmatlar uchun yigʻimlar summasining 90 foizi undiriladi.

Davlat xizmati koʻrsatish uchun yigʻim undirishda Ijtimoiy reyestrning “kambagʻal oila” toifasiga kiritilgan oilalarning aʼzolariga shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.

16 1 . Taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentning 16-bandida belgilangan yigʻim summasining 50 foizi undiriladi.

16 2 . Davlat tibbiyot muassasalarida qonunchilik hujjatlariga muvofiq tuzilgan mehnat shartnomasi asosida tibbiyot va farmatsevtika sohasiga oid kasbiy faoliyatni amalga oshiruvchi shaxslardan ushbu Nizomning 16-bandi birinchi xatboshisida belgilangan yigʻim summasining 50 foizi undiriladi.

17. Ariza beruvchi davlat xizmatidan foydalanishdan dalolatnoma huquq egalari tomonidan imzolangunga qadar voz kechish huquqiga ega. Ariza beruvchi davlat xizmatidan foydalanishdan voz kechganda ularning soʻrovnomasi koʻrilmasdan qoldiriladi. Bunda toʻlangan yigʻim qaytarilmaydi.

18. Davlat xizmati koʻrsatilgani uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.

19. Yigʻimlar summasi quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

18 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

11,75 foizi (shundan 0,25 foizi — davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

v) “Uzmulk” tizimi orqali murojaat etilganda:

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi.

Toʻlovlar davlat xizmatlari koʻrsatilgani uchun toʻlangan davlat bojlari va yigʻimlar summasi hisobini yurituvchi Yagona billing tizimi orqali toʻlanadi.

20. Filial soʻrovnoma kelib tushgan kundan boshlab oʻn besh ish kuni mobaynida koʻchmas mulk joylashgan joyida koʻchmas mulklarni birlashtirish imkoniyatini oʻrganadi. Bunda, filial tomonidan ushbu Reglamentning 6-bandi va 7-bandining “ g ”, “ d ”, “e” kichik bandlarida koʻrsatilgan talablar asosida birlashtirish mumkinligi koʻrib chiqiladi.

Oʻrganish natijasiga koʻra filial xodimi joyning oʻzida mavjud chegara elementlari hamda huquq egalarining kelishuviga asosan koʻchmas mulklarning yangi chegaralarini qayd etgan holda abris tayyorlaydi va tayyor abris ijrochi, shuningdek, huquq egalarining imzosi bilan tasdiqlanadi.

Filial joyida olib borilgan oʻrganishlar va tasdiqlangan abrisga asosan yer uchastkalarining kadastr rejasi ilova qilingan dalolatnomani tayyorlaydi yoki rad etishning aniq sabablarini hamda qonunchilik hujjatlari normalarini koʻrsatgan holda uni tayyorlashni rad etadi.

Koʻchmas mulkning birlashtirilishi natijasida dalolatnomaga ilova qilingan kadastr rejasida birlashtirilayotgan koʻchmas mulklar hamda yangi hosil boʻlayotgan koʻchmas mulkning chegaralari koʻrsatiladi.

21. Filial tomonidan dalolatnoma tayyorlangan kuni filial boshligʻi va ijrochi dalolatnoma loyihasini oʻz ERIsi bilan tasdiqlaydi hamda dalolatnoma davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga elektron shaklda yuboriladi.

Dalolatnomani tayyorlash rad etilgan taqdirda rad etish toʻgʻrisidagi xabarnoma filial boshligʻining ERIsi bilan tasdiqlangan holda markazga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga yuboriladi.

22. Davlat xizmatlari markazi dalolatnoma va kadastr rejasi kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

23. Dalolatnoma 3 ish kuni mobaynida huquq egalari tomonidan markazga kelib (oʻzi kelib murojaat qilgan taqdirda) identifikatsiya qilish vositalari (daktiloskopiya va boshqalar) orqali yoki YIDXP yoxud veb-sayt orqali (elektron shaklda murojaat qilgan taqdirda) huquq egalarining ERI si bilan kelishiladi.

Belgilangan muddatda dalolatnoma huquq egalari tomonidan tasdiqlanmasligi dalolatnomani rasmiylashtirishni rad etish uchun asos boʻladi. Ushbu holatlarda ariza beruvchi umumiy tartibda davlat xizmatidan foydalanish uchun takroran murojaat qilishga haqli.

24. Huquq egalari tomonidan kelishilgan dalolatnoma va unga ilova qilingan elektron shakldagi kadastr rejasi davlat xizmatlari markazi tomonidan real vaqt rejimida, YIDXP yoki veb-sayt orqali murojaat qilinganda esa avtomatik tarzda tuman (shahar) qurilish va uy-joy kommunal xoʻjaligi boʻlimlariga kelishish uchun yuboriladi.

25. Qurilish va uy-joy kommunal xoʻjaligi boʻlimlari dalolatnoma va unga ilova qilingan elektron shakldagi kadastr rejasi kelib tushgandan soʻng uch ish kuni ichida yer uchastkasi joylashgan joyida koʻchmas mulkni ushbu Reglamentning 6-bandi va 7-bandining “ a ”, “ b ”, “ v ”, “g” kichik bandlarida koʻrsatilgan talablar asosida birlashtirish imkoniyatini oʻrgangan holda dalolatnomani kelishadi yoki rad etishning aniq sabablarini va tegishli qonunchilik hujjatlari normalarini koʻrsatgan holda uni rad etadi.

Dalolatnomani kelishish yoki rad etish qurilish va uy-joy kommunal xoʻjaligi boʻlimining ERIsi bilan tasdiqlash orqali amalga oshiriladi.

26. Qurilish va uy-joy kommunal xoʻjaligi boʻlimlari dalolatnomani kelishgan yoki rad etgan kuni dalolatnoma va yer chegaralari kadastr rejasi yoki rad etish haqidagi xabarnomani elektron shaklda davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) yuboradi.

27. Davlat xizmatlari markaziga dalolatnoma yoki dalolatnoma tayyorlashni rad etish haqida xabarnoma kelib tushgan taqdirda, markaz xabarnoma kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

Arizani koʻrib chiqish natijalari asosida QR-kod (matritsali shtrix-kod) qoʻyib berilgan elektron hujjatlar asl hujjatlarga tenglashtiriladi.

Soʻrovnomada ariza beruvchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.

28. Quyidagilar davlat xizmati koʻrsatishni rad etish uchun asos hisoblanadi:

ushbu Reglamentning 2 , 3 , 6 va 7-bandlarida nazarda tutilgan talablarga muvofiq emasligi;

soʻrovnomada notoʻgʻri maʼlumotlar koʻrsatilishi;

dalolatnoma huquq egalari tomonidan belgilangan muddatda imzolanmagani;

yer uchastkasiga boʻlgan huquqlarning davlat roʻyxatidan oʻtkazilmagani;

yer uchastkasida joylashgan bino va inshootlarga boʻlgan huquqlarning davlat roʻyxatidan oʻtkazilmagani;

koʻchmas mulkning haqiqiy holati koʻchmas mulkka boʻlgan huquqlar davlat reyestridagi maʼlumotlardan farq qilishi;

filial hamda qurilish va uy-joy kommunal xoʻjaligi boʻlimlari vakiliga koʻchmas mulkni koʻzdan kechirish uchun imkoniyat yaratilmagani;

koʻchmas mulkning huquq egalaridan biri dalolatnomani imzolashdan bosh tortgani;

davlat roʻyxatidan oʻtkazuvchi organda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlari va soʻrovnomalarining mavjudligi;

vakolatli organ tomonidan koʻchmas mulk obyektiga taqiq yoki xatlov qoʻyilgani.

Davlat xizmati koʻrsatishni boshqa asoslarga koʻra rad etish qatʼiyan taqiqlanadi.

29. Ariza beruvchi davlat xizmati koʻrsatilishi rad etilgan kundan boshlab oʻn ish kuni mobaynida davlat xizmati koʻrsatish uchun yigʻimni toʻlamasdan, koʻrsatilgan kamchilikni bartaraf etgan holda qayta murojaat qilish huquqiga ega.

Davlat xizmatini takroran koʻrsatishda filiallar va qurilish va uy-joy kommunal xoʻjaligi boʻlimlari tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablarining keltirilishi bundan mustasno.

Qayta murojaat etilganda keyingi murojaatlar ushbu Reglamentga asosan umumiy tartibda va muddatlarda koʻrib chiqiladi.

4-bob. Yakunlovchi qoidalar

30. Davlat xizmatlari markazlari, filiallar hamda qurilish va uy-joy kommunal xoʻjaligi boʻlimlari oʻz faoliyatini amalga oshirishi natijasida olingan ariza beruvchi haqidagi maʼlumotlarning maxfiyligini taʼminlashi shart.

31. Adliya vazirligi, uning hududiy boshqarmalari va davlat xizmatlari markazlari davlat organlari va boshqa tashkilotlarning mazkur Reglament talablari ijrosi boʻyicha faoliyatini, shu jumladan, YIDXP orqali doimiy nazorat va monitoring qilib boradi.

32. Ariza beruvchi davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

33. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Koʻchmas mulkni birlashtirish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 1-ILOVA

Koʻchmas mulkni birlashtirish va uning yangi chegaralarini belgilash

Bosqichlar Subyektlar Tadbirlar Bajarish muddatlari 1-bosqich Ariza beruvchi (Koʻchmas mulklarning huquq egalari yoki ularning vakillari) Maʼlumotnoma olish uchun davlat xizmatlari markaziga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) yoki Iqtisodiyot va moliya vazirligi huzuridagi Kadastr agentligining rasmiy veb-sayti (keyingi oʻrinlarda — veb-sayt) orqali roʻyxatdan oʻtadi hamda belgilangan miqdordagi toʻlovni amalga oshiradi. Xohishga koʻra 2-bosqich 1. Davlat xizmatlari markazi 2. Oʻzbekiston Respublikasi Yagona interaktiv davlat xizmatlari portali 3. Iqtisodiyot va moliya vazirligi huzuridagi Kadastr agentligining rasmiy veb-sayti Soʻrovnomani Iqtisodiyot va moliya vazirligi huzuridagi Kadastr agentligining Davlat kadastrlari palatasi tegishli tuman (shahar) filiali (keyingi oʻrinlarda — filial)ga yuboradi. Real vaqt rejimida 3-bosqich Iqtisodiyot va moliya vazirligi huzuridagi Kadastr agentligining Davlat kadastrlari palatasi tuman (shahar) filiali 1. Koʻchmas mulklar joylashgan joyida koʻchmas mulklarni birlashtirish imkoniyatini oʻrganadi va abris tayyorlaydi hamda oʻrganishlar va abrisga asosan koʻchmas mulkning kadastr rejasi ilova qilingan Koʻchmas mulkni birlashtirish va uning yangi chegaralarini belgilash dalolatnomasi (keyingi oʻrinlarda — dalolatnoma)ni tayyorlaydi va uni davlat xizmatlari markaziga yuboradi. 2. Dalolatnoma rasmiylashtirishni rad etadi. 10 ish kunida 4-bosqich Davlat xizmatlari markazi Dalolatnoma va koʻchmas mulkning kadastr rejasi kelib tushganligi haqida axborot-kommunikatsiya tizimi orqali ariza beruvchini xabardor qiladi. Real vaqt rejimida 5-bosqich Ariza beruvchi (Koʻchmas mulklarning huquq egalari yoki ularning vakillari) Davlat xizmatlari markaziga kelib identifikatsiya qilish vositalari orqali yoki YIDXP yoxud veb-sayt orqali huquq egalarining ERIsi bilan dalolatnomani kelishadi. 3 ish kuni 6-bosqich 1. Davlat xizmatlari markazi 2. Oʻzbekiston Respublikasi Yagona interaktiv davlat xizmatlari portali 3. Iqtisodiyot va moliya vazirligi huzuridagi Kadastr agentligining rasmiy veb-sayti Dalolatnoma va unga ilova qilingan hujjatlarni kelishish uchun qurilish va uy-joy kommunal xoʻjaligi boʻlimiga yuboradi. Real vaqt rejimida 7-bosqich Qurilish va uy-joy kommunal xoʻjaligi vazirligi tuman (shahar) qurilish va uy-joy kommunal xoʻjaligi boʻlimlari 1. Dalolatnoma va unga ilova qilingan hujjatlarni kelishadi va uni davlat xizmatlari markaziga yuboradi. 2. Dalolatnoma va unga ilova qilingan hujjatlarni kelishishni rad etadi. 3 ish kuni 8-bosqich Davlat xizmatlari markazi Dalolatnoma yoki dalolatnomani tayyorlashni rad etish haqida xabarnoma kelib tushganligi haqida axborot-kommunikatsiya tizimi orqali ariza beruvchini xabardor qiladi. Real vaqt rejimida

Koʻchmas mulkni birlashtirish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 2-ILOVA

‎ ‎ ‎ ‎ ‎ ‎ ‎ ‎ ‎ ‎ Koʻchmas mulkni birlashtirish va uning yangi chegaralarini belgilash ‎DALOLATNOMASI ‎ ‎ ‎ ‎ ‎ ‎ ‎ ‎ ‎ ‎ № _________ ‎ ‎ ____________ yil ‎ ‎ ‎ ‎ ‎ ‎ ‎ ‎ ‎ ‎ Mazkur dalolatnoma, Davlat kadastrlari palatasi _______________________ boshqarmasining _____________ tuman filiali, ____________ tuman qurilish va uy-joy kommunal xoʻjaligi boʻlimlari vakillari va koʻchmas mulk egalari bilan koʻchmas mulklarni birlashtirish toʻgʻrisida tuzildi. 1. Birlashtirilayotgan koʻchmas mulklar toʻgʻrisidagi maʼlumotlar: 1.1. Koʻchmas mulklarga boʻlgan huquq egalari: __________________________________ Koʻchmas mulklar joylashgan manzil: ________________________________________ Yer uchastkalarining kadastr raqamlari: _____________________________________ Yer uchastkalarining maydonlari (m²): _______________________________________ Yer uchastkalari chegaralarini oʻzgartirishga asos boʻlgan hujjatlar: _______________ ‎________________________________________________________________________ Yer uchastkalarining alohida xususiyatlari: ___________________________________ 1.2. Koʻchmas mulklarning huquq egalari: _____________________________________ Koʻchmas mulklar joylashgan manzil: ________________________________________ Yer uchastkalarining kadastr raqamlari: _____________________________________ Yer uchastkalarining maydonlari (m²): _______________________________________ Yer uchastkalari chegaralarini oʻzgartirishga asos boʻlgan hujjatlar: _______________ ‎________________________________________________________________________ Yer uchastkalarining alohida xususiyatlari: ___________________________________ 2. Koʻchmas mulklarni joyida oʻrganish natijasida quyidagilar aniqlandi: Birlashtirilayotgan koʻchmas mulklar Oʻzbekiston Respublikasi Yer kodeksining 62-moddasi talablariga muvofiqligi, yaʼni yer uchastkalari yoxud undagi imoratning u yoki bu qismi kommunal xizmatdan (yoritish, kanalizatsiya, sugʻorish qurilmalari va shu kabi), koʻchmas mulklarning egalari yoki undan foydalanuvchilar esa mustaqil ravishda oʻzicha yoki transportda kirib-chiqish imkonidan mahrum boʻlib qolmasligi aniqlandi hamda koʻchmas mulk egalarining oʻzaro kelishuvi asosida koʻchmas mulklar chegaralariga oʻzgartirish kiritildi. 3. Birlashtirilgan koʻchmas mulk tarkibi quyidagilardan iborat: 3.1. Koʻchmas mulk egalari: _________________________________________________ Koʻchmas mulk joylashgan manzil: ___________________________________________ Yer uchastkasining kadastr raqami: __________________________________________ Yer uchastkasining maydoni (m²): ____________________________________________ Koʻchmas mulkka boʻlgan huquqni tasdiqlovchi hujjatlar:_________________________ Koʻchmas mulkning alohida xususiyatlari: _____________________________________ 4. Ushbu dalolatnoma, uning ajralmas qismi sifatida ilova qilingan koʻchmas mulk chegaralari kadastr rejasi bilan birga haqiqiy hisoblanadi. 5. Koʻchmas mulklarning egalari tomonidan mazkur dalolatnomaning tasdiqlanganligi, keyinchalik birlashtirilgan yer uchastkasi va undagi bino va inshootlarga kadastr yigʻmajildini qayta shakllantirish va koʻchmas mulkka boʻlgan huquqlarni davlat roʻyxatidan oʻtkazish uchun asos hisoblanadi. XULOSA: Yer uchastkasiga oʻzgartirish kiritilgan koʻchmas mulk mazkur dalolatnomaning 3-bandida keltirilgan tarkibda alohida koʻchmas mulk deb hisoblanadi. ‎ ‎ ‎ ‎ ‎ ‎ ‎ ‎ ‎ ‎ Filial boshligʻi _________ ____________________________ ‎ ‎ ‎ ‎ ‎ ‎ (F.I.O.) Qurilish va uy-joy kommunal xoʻjaligi boʻlimi boshligʻi ‎ _________ ____________________________ ‎ ‎ ‎ ‎ ‎ ‎ (F.I.O.) Filial muhandisi _________ ____________________________ ‎ ‎ ‎ ‎ ‎ ‎ (F.I.O.) Koʻchmas mulkka boʻlgan huquq egalari _________ ____________________________ ‎ ‎ ‎ ‎ (F.I.O.) ‎ ‎ ‎ ‎ _________ ____________________________ ‎ ‎ ‎ ‎ ‎ ‎ (F.I.O.) 20__ yil “___” _______ _________ tumani (shahri) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Koʻchmas mulkni birlashtirish va uning yangi chegaralarini belgilash dalolatnomasiga ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ YER UCHASTKASINING KADASTR REJASI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________ (yuridik shaxsning toʻliq nomi yoki jismoniy shaxsning F.I.O.) ‎ Kadastr raqami: ___________________________________________________________ ‎Yer uchastkasining maydoni: ____________________ ga ‎Masshtab: ________________________________________________________________ ‎Ijrochi: _________________________________________________________________ ‎ ‎ (imzosi, F.I.O.) Yer uchastkasiga boʻlgan huquq egasi: ____________________________________________ ‎ ‎ ‎ ‎ ‎ ‎ ‎ ‎ (imzosi, F.I.O.) Yer uchastkasiga boʻlgan huquq egasi: ____________________________________________ ‎ ‎ ‎ ‎ ‎ ‎ ‎ ‎ (imzosi, F.I.O.) Yer uchastkasiga boʻlgan huquq egasi: ____________________________________________ ‎ ‎ ‎ ‎ ‎ ‎ ‎ ‎ (imzosi, F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Koʻchmas mulkni birlashtirish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 3-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _________________ ‎ ‎ ‎ ‎ ‎ ‎ ‎ ‎ ‎ ‎ _________________ (sanasi) ‎ ‎ ‎ ‎ ‎ ‎ ‎ ‎ ‎ ‎ (raqami) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Koʻchmas mulkni boʻlish va uning yangi chegaralarini belgilash toʻgʻrisida ‎SOʻROVNOMA ‎‎I. Ariza beruvchi — jismoniy shaxs toʻgʻrisida maʼlumot: 1. F.I.O.: 2. Pasport maʼlumotlari (seriyasi va raqami, jismoniy shaxsning shaxsiy identifikatsiya raqami (mavjud boʻlsa): 3. Telefon raqami: 4. Elektron pochta manzili (mavjud boʻlsa): II. Ariza beruvchi — yuridik shaxs toʻgʻrisida maʼlumot: 1. Rasmiy nomi (toʻliq): 2. Joylashgan joyi: 3. Telefon raqami: 4. Elektron pochta manzili (mavjud boʻlsa): III. Koʻchmas mulk obyekti toʻgʻrisida maʼlumot: 1. Koʻchmas mulk obyekti turi:‏ yakka tartibdagi turar joy; yer uchastkasi; noturar joy; 2. Koʻchmas mulk obyekti nomlanishi (noturar joy toifasidagi obyektlar uchun): 3. Koʻchmas mulk obyekti manzili (indeks, manzil, moʻljal): 4. Koʻchmas mulkning kadastr raqami: IV. Davlat xizmatini koʻrsatish natijasini olib ketuvchi shaxs (agar mavjud boʻlsa) toʻgʻrisidagi maʼlumotlar: JSHSHIR:

Vazirlar Mahkamasining 2020-yil 2-sentabrdagi 535-son qaroriga 5a-ILOVA

Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlarini koʻrsatishning

1-bob. Umumiy qoidalar

1. Mazkur Maʼmuriy reglament koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlarini koʻrsatish tartibini belgilaydi.

2. Mazkur Reglamentda quyidagi asosiy tushunchalardan foydalaniladi:

koʻchmas mulk boʻyicha kadastr muhandisi (keyingi oʻrinlarda — kadastr muhandisi) — yuridik shaxslar bilan mehnat shartnomasini tuzish orqali yoki yakka tartibdagi tadbirkor sifatida faoliyat yurituvchi kadastr muhandisi malaka shahodatnomasiga ega jismoniy shaxs;

malaka imtihoni — kadastr muhandisiga qoʻyilgan talablarga talabgorning mos kelishini tekshirishga yoʻnaltirilgan, malaka imtihoni komissiyasi tomonidan oʻtkaziladigan imtihon;

malaka shahodatnomasi — malaka imtihonini muvaffaqiyatli topshirgan talabgorning malakasini tasdiqlovchi hujjat;

talabgor — kadastr muhandisi malaka shahodatnomasini olishga talabgor boʻlgan jismoniy shaxs.

3. Kadastr munosabatlari sohasidagi tayyorlash kurslarida oʻqish Toshkent geodeziya va kartografiya kollejining Kadrlarni qayta tayyorlash va ularning malakasini oshirish markazi (keyingi oʻrinlarda — oʻquv markazi) tomonidan tashkil etiladi.

4. Malaka imtihonini topshirish uchun talabgorlar quyidagi talablarga javob berishi lozim:

geodeziya, kartografiya va kadastr, bino va inshootlar qurilishi, qurilish ekspertizasi, koʻchmas mulk ekspertizasi, arxitektura (meʼmorchilik), yer tuzish va yer kadastri, amaliy geodeziya, geodeziya ishlari texnigi, geodeziya va geoinformatika, shahar qurilishi va xoʻjaligi, sanoat va fuqaro qurilishi, infratuzilma obyektlarini qurish (inshootlar turi boʻyicha) yoʻnalishlari boʻyicha oliy maʼlumotga ega boʻlishi;

geodeziya, kartografiya va kadastr, bino va inshootlar qurilishi, qurilish ekspertizasi, koʻchmas mulk ekspertizasi, arxitektura (meʼmorchilik), yer tuzish va yer kadastri, amaliy geodeziya, geodeziya ishlari texnigi, geodeziya va geoinformatika, shahar qurilishi va xoʻjaligi, sanoat va fuqaro qurilishi, infratuzilma obyektlarini qurish (inshootlar turi boʻyicha) yoʻnalishlari boʻyicha kamida bir yil ish stajiga ega boʻlishi yoki ish stajiga ega boʻlmagan holda, kadastr munosabatlari sohasida kasbiy qayta tayyorlash kurslari boʻyicha taʼlim olgan boʻlishi.

5. Kadastr muhandisi Qoraqalpogʻiston Respublikasi, viloyatlar hamda Toshkent shahri hududida faoliyat yuritadi.

Bunda kadastr muhandisi oʻz faoliyatini amalga oshirish uchun yuridik shaxslar bilan mehnat shartnomasi tuzadi yoki yakka tartibdagi tadbirkor sifatida amalga oshiradi.

2-bob. Malaka imtihonini topshirish

6. Malaka imtihonini oʻtkazish uchun Oʻzbekiston Respublikasi Iqtisodiyot va moliya vazirligi huzuridagi Kadastr agentligi (keyingi oʻrinlarda — Agentlik) direktorining buyrugʻi bilan besh kishidan kam boʻlmagan toq sonli tarkibda malaka imtihoni komissiyasi tuziladi.

Davlat kadastrlari palatasi (keyingi oʻrinlarda — Palata) raisi malaka imtihoni komissiyasi raisi hisoblanadi.

Davlat kadastrlari palatasining masʼul xodimi komissiya kotibi hisoblanadi.

Malaka imtihoni komissiyasining tarkibi Agentlik va Palata masʼul xodimlari hamda Oʻzbekiston Savdo-sanoat palatasining masʼul vakillaridan shakllantiriladi.

7. Malaka imtihoni komissiyasining tarkibi doimiy hisoblanadi.

Agentlik malaka imtihoni komissiyasining tarkibini shakllantirish uchun Palata va Oʻzbekiston Savdo-sanoat palatasiga yozma shaklda murojaat qiladi.

Komissiya ishchi organi vazifasi Palata tomonidan amalga oshiriladi.

8. Malaka imtihoni komissiyasi qarorlari bayonnoma bilan rasmiylashtiriladi va komissiya raisi tomonidan tasdiqlanadi.

Bunda komissiya majlisi komissiya aʼzolarining kamida uchdan ikki qismi (kvorum) ishtirok etgan taqdirda, vakolatli hisoblanadi. Komissiya majlisini oʻtkazish uchun kvorum shakllanmagan taqdirda, komissiyaning yangi majlisi oʻtkaziladigan sana va vaqti eʼlon qilinadi.

9. Koʻchmas mulk boʻyicha kadastr muhandisining malakasini oshirish va ularga malaka shahodatnomasini berish ushbu Reglamentga 1-ilovada keltirilgan sxema asosida amalga oshiriladi.

10. Talabgor malaka imtihonini topshirish uchun davlat xizmatlari markazlari, Yagona interaktiv davlat xizmatlari portali (keyingi oʻrinlarda — YIDXP) yoki Agentlikning rasmiy veb-sayti orqali mazkur Reglamentga 2-ilovaga muvofiq shakldagi arizani hamda ushbu Reglamentning 4-bandida keltirilgan mutaxassisliklardan biri boʻyicha oliy maʼlumot toʻgʻrisidagi diplom nusxasi yoki xorijiy davlatda oliy taʼlim olganlik toʻgʻrisidagi hujjatni tan olish haqidagi guvohnoma nusxasini pdf formatida taqdim etadi.

Talabgor taqdim etgan hujjatlar toʻliq va ulardagi maʼlumotlar toʻgʻri boʻlishi zarur.

Talabgordan mazkur bandda nazarda tutilmagan hujjatlarni talab qilishga yoʻl qoʻyilmaydi.

11. Mazkur Reglamentning 10-bandida koʻrsatilgan hujjatlardan tashqari qolgan zarur boʻlgan hujjat va maʼlumotlarni, xususan, talabgorning shaxsini tasdiqlovchi hujjat va mehnat daftarchalarining maʼlumotlari Agentlik tomonidan tegishli davlat organlari va tashkilotlaridan mustaqil ravishda, shu jumladan, “Raqamli hukumat” tizimi idoralararo integratsiyalashuv platformasi orqali soʻrab olinadi.

12. Agentlik ariza tushgan kundan boshlab uch ish kuni ichida talabgorga malaka imtihonini topshirishga ruxsat berish yoki rad etish haqida qaror qabul qiladi.

13. Agentlik quyidagi asoslarga koʻra malaka imtihonini topshirishga ruxsat berishni rad etadi:

talabgor mazkur Reglamentning 4-bandi talablariga javob bermaganda;

talabgor taqdim qilgan hujjatlar toʻliq boʻlmaganda yoki notoʻgʻri maʼlumotlar taqdim qilgani aniqlanganda;

davlat xizmatlarini koʻrsatish uchun yigʻimni toʻlamaslik (bunda davlat xizmatidan foydalanish uchun xabarnomada koʻrsatilgan toʻlov miqdori bir oy mobaynida toʻlanmagan buyurtmalar avtomatik rad etiladi).

Boshqa asoslarga koʻra malaka imtihonini topshirishni rad etishga yoʻl qoʻyilmaydi.

14. Talabgorning malaka imtihonini topshirishi rad etilgan taqdirda, Agentlik tomonidan tegishli qaror qabul qilinadi va talabgor rad etish sabablari koʻrsatilgan holda, qabul qilingan qaror haqida bir ish kuni ichida talabgor ariza va hujjatlarni Agentlikka taqdim etgan usulda xabardor qilinadi.

15. Malaka imtihonini topshirishga ruxsat berishda rad etishga sabab boʻlgan kamchiliklarni bartaraf etish uchun talabgorga besh ish kunlik muddat beriladi.

Belgilangan muddatda talabgor tomonidan kamchiliklar bartaraf etilmasa, imtihon topshirishga ruxsat etilmaydi va uning arizasi rad etiladi.

16. Talabgorning malaka imtihonini topshirishiga ruxsat berish haqida qaror qabul qilinganida talabgor malaka imtihonini topshirishga ruxsat berilgan shaxslar roʻyxatiga kiritiladi va roʻyxat malaka imtihoni boshlanishidan oldin malaka imtihoni komissiyasiga topshiriladi.

Malaka imtihoniga qoʻyilgan va murojaatlari rad etilgan talabgorlar roʻyxati hamda malaka imtihonini oʻtkazish boʻyicha bayonnoma komissiya tomonidan rasmiylashtiriladi va komissiya raisi tomonidan tasdiqlanadi.

17. Malaka imtihoniga qoʻyilgan talabgor malaka imtihonini oʻtkazish sanasi, vaqti va joyi haqida imtihon oʻtkaziladigan kundan kamida besh kun oldin mobil telefoni (mavjud boʻlganda), pochta yoki elektron aloqa vositasi orqali xabardor qilinadi.

Malaka imtihonini oʻtkazish kuni, vaqti va joyi toʻgʻrisida maʼlumot vakolatli organning rasmiy veb-saytida mavjud imtihon sanasidan besh kun oldin joylashtiriladi.

Malaka imtihonini tashkil etish va oʻtkazish, shu jumladan, imtihon savollarini tuzish va qayta ishlash hamda natijalarini tekshirishni amalga oshirish uchun talabgorlar tomonidan bazaviy hisoblash miqdorining bir baravari miqdorida, YIDXP orqali murojaat etilganda ushbu summaning 90 foizi miqdorida toʻlov amalga oshiriladi.

Toʻlov miqdori quyidagi tartibda taqsimlanadi:

a) davlat xizmatlari markazlariga oʻzi kelib murojaat etganda:

18 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

0,5 foizi (yagona billing tizimi orqali davlat xizmati koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Palataning hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga;

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

11,75 foizi (shundan 0,5 foizi — davlat xizmati yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Palataning hisobvaragʻiga oʻtkaziladi;

v) Agentlikning rasmiy veb-sayti orqali murojaat etilganda:

10 foizi — Kadastr agentligining budjetdan tashqari jamgʻarmasi shaxsiy hisobvaragʻiga;

0,5 foizi (yagona billing tizimi orqali davlat xizmati koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Palataning hisobvaragʻiga oʻtkaziladi.

Toʻlovlar davlat xizmatlari koʻrsatilgani uchun toʻlangan davlat bojlari va yigʻimlar summasi hisobini yurituvchi Yagona billing tizimi orqali amalga oshiriladi.

18. Malaka imtihonini oʻtkazish toʻgʻrisidagi maʼlumot uni oʻtkazish haqidagi qaror qabul qilingan kunda Agentlik va Palataning rasmiy veb-saytiga joylashtiriladi.

19. Malaka imtihoni guruhlar shakllanishiga koʻra, lekin kamida bir oyda bir marotaba oʻtkazilishi lozim.

20. Malaka imtihoni komissiyasining tarkibi, ish reglamenti, shuningdek, test savollari Agentlik direktori tomonidan tasdiqlanadi.

21. Malaka imtihonini topshirishda talabgorlar Oʻzbekiston Respublikasi fuqarosining biometrik pasporti, Oʻzbekiston Respublikasi fuqarosining identifikatsiyalovchi ID-kartasi yoki shaxsini tasdiqlovchi boshqa hujjatni taqdim etadi.

22. Talabgor Oʻzbekiston Respublikasi fuqarosining biometrik pasporti, Oʻzbekiston Respublikasi fuqarosining identifikatsiyalovchi ID-kartasi yoki shaxsini tasdiqlovchi boshqa hujjatni taqdim qilmaganda yoxud malaka imtihoniga kechikkan taqdirda, imtihonga qoʻyilmaydi va malaka imtihoniga kelmagan hisoblanadi.

23. Malaka imtihoniga kechikkan talabgor navbatdagi malaka imtihonidagi talabgorlar roʻyxatiga kiritiladi va bu haqda mobil telefoni, pochta yoki elektron aloqa vositasi orqali ikki ish kunidan kechiktirmay xabardor qilinadi.

24. Agarda talabgor tegishli tarzda xabardor qilinganidan keyin ikki marotaba malaka imtihonini topshirish uchun kelmasa, navbatdagi malaka imtihonidagi talabgorlar roʻyxatiga kiritilmaydi. Bunday hollarda talabgor malaka imtihonidan oʻtish uchun qaytadan ariza bilan murojaat qilishi lozim.

25. Malaka imtihoni test sinovi usulida, kompyuter texnikasidan foydalangan holda, talabgorning tanloviga koʻra oʻzbek tilida yoki zaruratga koʻra rus tilida ham oʻtkaziladi.

26. Malaka imtihonining shaffofligi va xolisligini taʼminlash maqsadida imtihon jarayonlari uzluksiz videotasvirga (ovozli) tushiriladi va videotasvir kamida bir yil saqlanadi.

27. Test savollarini tayyorlash jarayonida foydalanilgan mavzular Agentlik va Palata rasmiy veb-saytiga joylashtiriladi.

Test savollari qonunchilik hujjatlariga kiritilgan oʻzgartirish va qoʻshimchalarni hisobga olgan holda yangilab boriladi.

28. Test sinovi sohaga oid 75 ta savoldan iborat boʻladi.

Talabgorga malaka imtihonini topshirish umumiy imtihon vaqti davomiyligi 60 daqiqani tashkil etadi.

29. Test sinovlari oʻtkaziladigan xonaga jadval, kitob, uyali telefon va shpargalkalar olib kirish, boshqa talabgorlar bilan suhbatlashish taqiqlanadi.

Ushbu talablarni buzgan talabgorlar test sinovlari oʻtkaziladigan xonadan chiqarib yuboriladi va malaka imtihonidan oʻtmagan hisoblanadi.

30. Malaka imtihoni test sinovi natijalari test sinovi yakuni bilan eʼlon qilinadi.

Malaka imtihoni oʻtkazilgan kundan boshlab ikki ish kuni ichida malaka imtihoni komissiyasining test sinovi natijalari qayd etilgan bayonnomasi rasmiylashtiriladi va komissiya raisi tomonidan tasdiqlanadi.

31. Malaka imtihoni natijalari hamda malaka imtihoni komissiyasining bayonnomasi Palatada saqlanishi lozim.

32. Talabgorning toʻgʻri javoblar boʻyicha yakuniy natijasi 70 foiz va undan yuqori koʻrsatkichni tashkil qilgan boʻlsa, u malaka imtihonini muvaffaqiyatli topshirgan hisoblanadi.

33. Malaka imtihonidan oʻtmagan talabgorlar uni navbatdagi malaka imtihonida takroran topshirish huquqiga ega, biroq shu kunning oʻzida qayta topshirishga yoʻl qoʻyilmaydi.

Talabgor navbatdagi malaka imtihonini qayta topshirishiga qadar taqdim qilingan hujjatlar Palatada saqlanadi.

34. Malaka imtihonini muvaffaqiyatli topshirgan talabgorlarga malaka shahodatnomasi beriladi.

35. Kadastr muhandislarini Kadastr agentligining oʻquv markazida oʻqitish va doimiy tarzda (uch yilda bir marotaba) malakasini oshirib borish lozim.

3-bob. Apellyatsiyani koʻrib chiqish

36. Malaka imtihonidan oʻtmagan talabgor imtihon oʻtkazilgan kundan boshlab oʻn kun muddatda Agentlikka apellyatsiya berish huquqiga ega. Apellyatsiya yozma yoki elektron aloqa vositalari orqali taqdim etiladi.

37. Agentlik bir ish kuni muddatida apellyatsiyani malaka imtihoni komissiyasiga taqdim etadi.

Malaka imtihoni komissiyasi uch ish kunida apellyatsiyani koʻrib chiqadi va Agentlikka qabul qilingan qaror haqida xabar beradi.

Agentlik malaka imtihoni komissiyasining qarori toʻgʻrisida talabgorga bir ish kuni muddatida xabar beradi.

38. Malaka imtihoni komissiyasi tomonidan apellyatsiyani koʻrib chiqish natijalari boʻyicha quyidagi qarorlardan biri qabul qilinadi:

apellyatsiyani qanoatlantirish va talabgorni malaka imtihonini muvaffaqiyatli topshirgan deb hisoblash toʻgʻrisida;

malaka imtihoni natijalarini oʻzgarishsiz qoldirish va apellyatsiyani qanoatlantirishni rad etish toʻgʻrisida.

39. Malaka imtihoni natijalarini oʻzgarishsiz qoldirish va apellyatsiyani qanoatlantirishni rad etish toʻgʻrisidagi qaror apellyatsiyada koʻrsatilgan asoslar oʻz tasdigʻini topmagan hollarda qabul qilinadi.

40. Agentlikning qaroridan norozi boʻlgan talabgorlar qonunchilik hujjatlarida belgilangan tartibda sudga murojaat qilishlari mumkin.

4-bob. Malaka shahodatnomasini rasmiylashtirish va berish

41. Malaka shahodatnomasi mazkur Reglamentga 3-ilovada keltirilgan shaklda rasmiylashtiriladi va Toshkent shahar va butun respublika boʻyicha amal qiladi.

42. Malaka shahodatnomasi Agentlik axborot tizimining elektron hujjatlar bazasida shakllantirilib, veb-sayti orqali noyob identifikatsiya raqamini kiritish yoki elektron hujjatda joylashgan QR-kodni skaner qilish yoʻli bilan tekshirish imkoniyati boʻladi.

43. Malaka shahodatnomasi Agentlik tomonidan malaka imtihoni komissiyasining bayonnomasi olinganidan boshlab besh kun ichida rasmiylashtiriladi va talabgor ariza va hujjatlarni Agentlikka taqdim etgan usulda elektron koʻrinishda talabgorga taqdim etiladi.

44. Agar talabgor malaka shahodatnomasini olgan kundan boshlab bir yil mobaynida oʻz faoliyatini amalga oshirmagan boʻlsa, Agentlik mazkur shahodatnomani bekor qilish toʻgʻrisida qaror qabul qilishga haqli.

5-bob. Malaka shahodatnomasini qayta rasmiylashtirish

45. Kadastr muhandisining familiyasi yoki ismi yoxud otasining ismi oʻzgargan taqdirda, u tegishli oʻzgartirishlarni tasdiqlovchi hujjatlar berilgan sanadan boshlab ikki oy ichida Agentlikka mazkur Reglamentga 2-ilovada keltirilgan shaklda ariza bilan murojaat qiladi.

Bunda arizaga tegishli oʻzgarishlarni tasdiqlovchi hujjatlarning nusxalari ilova qilinadi.

46. Malaka shahodatnomasining qayta rasmiylashtirilishi kadastr muhandisi tomonidan ariza berilgan vaqtdan boshlab besh ish kuni ichida amalga oshiriladi.

47. Yangi malaka shahodatnomada qayta rasmiylashtirilayotgan malaka shahodatnomasining raqami qoʻshimcha tarzda qayd qilinadi.

48. Kadastr muhandisi yoʻqotilgan yoki yaroqsiz holga kelgan malaka shahodatnomasi oʻrniga Agentlik axborot tizimining elektron hujjatlar repozitoriysi veb-sayti orqali noyob identifikatsiya raqamini kiritish yoki elektron hujjatda joylashgan QR-kodni skaner qilish yoʻli bilan malaka shahodatnomasini qayta yuklab olishi mumkin.

6-bob. Malaka shahodatnomasi amal qilishini tugatish va uni bekor qilish

49. Kadastr muhandisining tashabbusi bilan malaka shahodatnomasini tugatish va bekor qilish Agentlik tomonidan belgilangan tartibda amalga oshiriladi.

Vakolatli organlar tashabbusi bilan malaka shahodatnomasini tugatish va bekor qilish faqat sud tartibida amalga oshiriladi.

50. Quyidagilar malaka shahodatnomasi amal qilishini tugatish uchun asos boʻladi:

kadastr muhandisining arizasi;

kadastr muhandisi faoliyatini amalga oshirishda qonunchilik hujjatlarini buzish;

kadastr yigʻmajildi tayyorlashda, uning qavatma-qavat rejalarini tuzishda, texnik rejalarni rasmiylashtirishda, shuningdek, uning texnik hisobga qoʻyish ishlarini amalga oshirishda notoʻgʻri maʼlumot berish;

shaxsni belgilangan tartibda muomalaga layoqatsiz yoki muomalaga layoqati cheklangan deb eʼtirof etish toʻgʻrisidagi sud qarori.

51. Malaka shahodatnomasining amal qilishi uni tugatish toʻgʻrisidagi qaror qabul qilingan sanadan boshlab tugatiladi.

52. Malaka shahodatnomasi quyidagi hollarda bekor qilinadi:

Agentlikning malaka shahodatnomasini berish toʻgʻrisidagi qarori noqonuniy ekanligi aniqlanganda;

malaka shahodatnomasi soxta hujjatlardan foydalangan holda olingani fakti aniqlanganda;

ushbu Reglamentning 50-bandida nazarda tutilgan asoslar mavjudligi.

53. Malaka shahodatnomasini bekor qilish toʻgʻrisidagi qaror ushbu qaror qonuniy kuchga kirgan sanadan boshlab amal qiladi.

54. Qonunchilik hujjatlari talablarini buzgani uchun malaka shahodatnomasining amal qilishi tugatilgan kadastr muhandisiga, u tugatilgan sanadan boshlab quyidagi muddatlar mobaynida takroran malaka shahodatnomasi berilmaydi:

koʻchmas mulk obyektlarida xatlov ishlarini olib borib kadastr yigʻmajildini shakllantirishda texnik xatoliklarga yoʻl qoʻyganda olti oy mobaynida;

koʻchmas mulk obyektiga tegishli huquq belgilovchi hujjatlarga amal qilmagan xolda kadastr yigʻmajildini shakllantirishda bir yil mobaynida.

55. Malaka shahodatnomasi amal qilishini tugatish yoki malaka shahodatnomasini bekor qilish toʻgʻrisidagi qaror Agentlikning rasmiy veb-saytida eʼlon qilinadi.

56. Malaka shahodatnomasi amal qilishini tugatish yoki malaka shahodatnomasini bekor qilish toʻgʻrisidagi qaror qabul qilingan kunning oʻzida tegishli kadastr muhandisi va kadastr muhandisi bilan mehnat shartnomasi tuzgan yuridik shaxsga uning nusxasi yuboriladi.

57. Malaka shahodatnomasini bekor qilish yoki uning amal qilishini tugatish toʻgʻrisidagi qaror ustidan qonunchilik hujjatlarida belgilangan tartibda sudga shikoyat qilinishi mumkin.

7-bob. Kadastr muhandislari reyestri

58. Agentlik tomonidan kadastr muhandislari reyestri yuritiladi va unda kadastr muhandislarining quyidagi maʼlumotlari qayd etiladi:

kadastr muhandisining familiyasi, ismi, otasining ismi;

jismoniy shaxsning shaxsiy identifikatsiya raqami;

malaka shahodatnomasining raqami, berilgan sana;

malaka shahodatnomasi olingan sana;

malaka imtihonida qayd etilgan natija;

malaka shahodatnomasini bekor qilish yoki amal qilishini tugatish, qayta rasmiylashtirish haqidagi maʼlumotlar.

59. Kadastr muhandislari reyestri elektron shaklda yuritiladi.

60. Kadastr muhandislari reyestriga kiritilgan maʼlumotlardan ochiq foydalanilishi mumkin.

Kadastr muhandislari reyestri Agentlikning rasmiy veb-saytida aks ettiriladi.

8-bob. Yakunlovchi qoidalar

61. Mazkur Reglamentni bajarish jarayonida kelib chiqadigan nizolar qonunchilik hujjatlariga muvofiq hal etiladi.

62. Mazkur Reglament talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlari koʻrsatish maʼmuriy reglamentiga 1-ILOVA

Koʻchmas mulk boʻyicha kadastr muhandisining malakasini oshirish va unga malaka shahodatnomasini berish

Bosqichlar Subyektlar Tadbirlar Bajarish muddatlari 1-bosqich Talabgor Davlat xizmatlari markazlari, Yagona interaktiv davlat xizmatlari portali yoki Agentlikning rasmiy veb-sayti orqali arizani hamda mazkur Reglamentning 3‑bandida keltirilgan mutaxassisliklardan biri boʻyicha oliy maʼlumot toʻgʻrisidagi diplom nusxasi yoki xorijiy davlatda oliy taʼlim olganlik toʻgʻrisidagi hujjatni tan olish haqidagi guvohnoma nusxasini pdf formatida taqdim etadi. Oʻz xohishiga koʻra 2-bosqich 1. Davlat xizmatlari markazi. Soʻrovnomani tegishlicha Agentlikka yuboradi. 1. Soʻrovnoma toʻldirilishi bilan 2. YIDXP. 2. Avtomatik tarzda 3. Agentlikning rasmiy veb-sayti. 3. Avtomatik tarzda 3-bosqich Agentlik Talabgorga malaka imtihonini topshirishga ruxsat berish yoki rad etish haqida qaror qabul qiladi, natijasi boʻyicha talabgorni xabardor qiladi. Uch ish kuni ichida 4-bosqich Talabgor 1. Malaka imtihonini topshirishga ruxsat berilganda bazaviy hisoblash miqdorining bir baravariga teng miqdorda toʻlov amalga oshiradi; Uch ish kuni ichida 2. Malaka imtihonini topshirish rad etilgan taqdirda, koʻrsatilgan kamchiliklarni bartaraf etadi. Uch ish kuni ichida 5-bosqich Agentlik 1. Malaka imtihoniga qoʻyilgan talabgor malaka imtihonini oʻtkazish sanasi, vaqti va joyi haqida mobil telefoni (mavjud boʻlganda), pochta yoki elektron aloqa vositasi orqali xabardor qiladi. Imtihon oʻtkaziladigan kundan kamida besh ish kuni oldin 2. Malaka imtihonini topshirishga ruxsat berilgan shaxslar roʻyxati Komissiyaga taqdim etadi. Malaka imtihoni boshlanishidan bir kun oldin 3. Malaka imtihoniga qoʻyilgan talabgorlar roʻyxati hamda malaka imtihonini oʻtkazish toʻgʻrisidagi maʼlumot Agentlik va Palataning rasmiy veb-saytiga joylashtiriladi. 4. Koʻrsatilgan kamchiliklar bartaraf etilmagan taqdirda, malaka imtihonini topshirishga ruxsat etilmaydi. Malaka imtihonini oʻtkazish haqidagi qaror qabul qilingan kundan boshlab ikki kun ichida 6-bosqich Talabgor Belgilangan vaqtda kelib malaka imtihonini topshiradi 45 daqiqa 7-bosqich Agentlik 1. Malaka imtihonini oʻtkazadi. Belgilangan muddatda 2. Test sinovi natijalari boʻyicha bayonnomani rasmiylashtiradi va eʼlon qiladi. Uch ish kunida 3. Malaka shahodatnomasini rasmiylashtiradi va davlat xizmatlari markazlariga yuboradi yoki YIDXP, elektron pochta orqali talabgorga taqdim etadi. Ikki ish kunida 8-bosqich Davlat xizmatlari markazi Malaka shahodatnomasi tushgandan soʻng ularni ariza beruvchining elektron manziliga yuboradi va ariza beruvchini bu haqda axborot-kommunikatsiya tizimi orqali xabardor qiladi. Real vaqt rejimida

Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlari koʻrsatish maʼmuriy reglamentiga 2-ILOVA

Oʻzbekiston Respublikasi Iqtisodiyot va moliya vazirligi huzuridagi Kadastr agentligiga ARIZA Menga koʻchmas mulk boʻyicha kadastr muhandisi malaka shahodatnomasini olish uchun malaka imtihonini topshirishga ruxsat berishingizni soʻrayman. Shu bilan birga, oʻzim toʻgʻrimda quyidagi axborotlarni maʼlum qilaman: 1. F.I.O.: 2. Pasport maʼlumotlari (seriyasi va raqami): 3. (JSHSHIR): 4. Tugʻilgan yili, oyi, sanasi: 5. Yashash manzili: 6. Telefon raqami: 7. Elektron pochta manzili: 8. Mehnat faoliyatini olib borgan joy(tashkilot nomi): 9. Lavozimi: 10. Ishga kirgan sana: 11. Ishdan boʻshagan sana: 12. Oʻqigan taʼlim muassasasi: 13. Mutaxassisligi: 14. Oʻqishga kirgan yil: 15. Oʻqishni bitirgan yil: Shaxsiy maʼlumotlarimdan kadastr muhandisi malaka shahodatnomasi va uni rasmiylashtirish bilan bogʻliq jarayonlarda foydalanilishiga roziman. Shaxsiy imzo __________ 20___ yil “____” _______________.

Koʻchmas mulk boʻyicha kadastr muhandisining malaka shahodatnomasini berish boʻyicha davlat xizmatlari koʻrsatish maʼmuriy reglamentiga 3-ILOVA

Oʻzbekiston Respublikasining Davlat gerbi tasviri Oʻzbekiston Respublikasi Iqtisodiyot va moliya vazirligi huzuridagi Kadastr agentligi KADASTR MUHANDISINING MALAKA SHAHODATNOMASI ______-son 20___ yil “___” ___________ Koʻchmas mulk boʻyicha kadastr muhandisi malaka shahodatnomasi Oʻzbekiston Respublikasi Iqtisodiyot va moliya vazirligi huzuridagi Kadastr agentligi tomonidan _________________________ ________________________________________________________________________________________ga (kadastr muhandisi malaka shahodatnomasini olgan shaxsning F.I.O.) malaka imtihon komissiyasining 20___ yil “___” ___________dagi qaroriga asosan berildi. ___________________________ (vakolatli shaxsning F.I.O.) QR-code

Vazirlar Mahkamasining 2020-yil 2-sentabrdagi 535-son qaroriga 5b-ILOVA

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatish tartibini belgilaydi.

2. Ushbu Reglamentga asosan quyidagi yer uchastkalarini birlashtirishga va uning chegaralarini belgilashga yoʻl qoʻyiladi:

xususiy investorga mulk huquqi, meros qilib qoldiriladigan umrbod egalik, doimiy egalik, doimiy foydalanish va uzoq muddatli ijara huquqi bilan tegishli boʻlgan yer uchastkalari;

yuridik va jismoniy shaxslarga tegishli yer uchastkalari;

koʻp kvartirali uylar joylashgan yerlar;

koʻp kvartirali uylarga tutash hamda umumiy foydalanishdagi yerlar.

3. Ushbu Reglament qishloq xoʻjaligiga moʻljallangan yer uchastkalariga nisbatan tatbiq etilmaydi.

4. Yer uchastkalarini yagona yer uchastkasiga birlashtirish va uning chegaralarini belgilash birlashtirilayotgan barcha yer uchastkalarini ushbu yerlarga boʻlgan huquq turi, yer uchastkasi va unda qurilgan obyektning turi, obyektning qurilishi tugallangan yoki tugallanmaganidan qatʼi nazar, amalga oshirilishiga yoʻl qoʻyiladi.

5. Dalolatnomani rasmiylashtirish ushbu Reglamentga 1-ilovada keltirilgan sxemaga muvofiq amalga oshiriladi.

6. Dalolatnomani rasmiylashtirishda Iqtisodiyot va moliya vazirligi huzuridagi Kadastr agentligining Davlat kadastrlari palatasi tuman (shahar) filiallari (keyingi oʻrinlarda — filiallar):

ushbu Reglamentga 2-ilovaga muvofiq shaklda dalolatnomani tuzadi;

yer uchastkalarining birlashtirilishi natijasida hosil boʻlgan yer uchastkasining manzilini Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga muvofiq belgilaydi;

dalolatnomani tuman (shahar) qurilish va uy-joy kommunal xoʻjaligi boʻlimlari hamda Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Toshkent shahar va viloyat ekologiya, atrof-muhitni muhofaza qilish va iqlim oʻzgarishi boshqarmalari (keyingi oʻrinlarda — ekologiya, atrof-muhitni muhofaza qilish va iqlim oʻzgarishi boshqarmalari) bilan kelishadi.

2-bob. Barpo etiladigan yangi massiv hududidagi yer uchastkalarini birlashtirish hamda birlashtirilgan yer uchastkasining chegaralarini belgilash xususiyatlari

7. Barpo etiladigan yangi massiv hududidagi yer uchastkalarini birlashtirish xususiy investorning murojaatiga asosan amalga oshiriladi.

8. Dalolatnoma rasmiylashtirishda quyidagilar talab etiladi:

a) barpo etiladigan yangi massiv hududi tasdiqlangan hududlarni va aholi punktlarini rivojlantirishni shaharsozlik jihatidan rejalashtirish toʻgʻrisidagi hamda ularni qurish haqidagi tasdiqlangan hujjatlarga muvofiqligi;

b) barpo etiladigan yangi massiv yongʻinga qarshi, sanitariya, ekologiyaga oid, shaharsozlik hamda boshqa majburiy normalar va qoidalarni buzmagan holda yangidan tashkil etilishi;

v) birlashtirish natijasida hosil boʻlgan yer uchastkasida kelgusida oʻzining asosiy foydalanish maqsadi bilan yoki asoslantirilgan holda oʻzgartiriladigan bino va inshootlarni loyihalashtirish va qurilish ishlarini amalga oshirish imkoni mavjud boʻlishi;

g) birlashtirish natijasida Toshkent va Nukus shaharlari hamda viloyatlar markazlarida har bir barpo etiladigan yangi massivda yagona yer uchastkasi hududiga kiritiladigan koʻp kvartirali uylar atrofidagi va umumiy foydalanishdagi yer uchastkalarining jami maydoni yuridik va jismoniy shaxslarga tegishli yer uchastkalari jami maydonining 35 foizidan oshmasligi;

d) shaharsozlik hujjatlarisiz amalga oshirilgan qurilish-montaj ishlari mavjudligi;

e) muhandislik tarmoqlari yoki muhofaza zonalarida obyektni joylashtirish rejalashtirilgani;

j) qurilayotgan obyekt uchun shaharsozlik talablari boʻyicha yer maydoni yetarli ekanligi;

z) obyektning yer maydonlari nizoli boʻlgan taqdirda, mazkur nizo mazmunan hal etilgani toʻgʻrisidagi qonuniy kuchga kirgan sud organining qarori yoxud nizolashuvchi taraflarning yozma ravishda rasmiylashtirilib, tasdiqlangan kelishuv bitimi mavjudligi;

i) barpo etiladigan yangi massiv hududiga kiritilgan yerlardagi koʻp yillik dov-daraxtlarning xatlovdan oʻtkazilgani va raqamlangani (ID raqam berilgani).

9. Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatish davlat xizmatlari markazlari, filiallar va tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalari oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.

3-bob. Davlat xizmatini koʻrsatish tartibi

10. Xususiy investor (keyingi oʻrinlarda — ariza beruvchi) dalolatnoma rasmiylashtirish uchun davlat xizmatlari markaziga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) yoxud Kadastr agentligining rasmiy veb-sayti “kadastr.uz” (keyingi oʻrinlarda — veb-sayt) orqali davlat xizmatidan elektron tarzda foydalanish uchun roʻyxatdan oʻtadi.

11. Ariza beruvchi oʻzi kelib murojaat etgan taqdirda, davlat xizmatlari markazi xodimi — ariza beruvchi nomidan, YIDXP yoki veb-sayt orqali murojaat etgan taqdirda esa mustaqil ravishda, ushbu Reglamentga 3-ilovaga muvofiq elektron shakldagi soʻrovnomani toʻldiradi hamda davlat xizmatidan foydalanish uchun toʻlovni amalga oshiradi.

Ariza beruvchi ixtiyoriga koʻra dalolatnoma rasmiylashtirish hamda belgilangan tartibda kadastr pasportini olish hamda koʻchmas mulkni davlat roʻyxatidan oʻtkazish uchun bir vaqtda (kompozit xizmat sifatida) yoki alohida murojaat qilishi mumkin.

12. Arizaga quyidagi hujjatlar ilova qilinadi:

a) barpo etiladigan yangi massiv hududida boshqa jismoniy va yuridik shaxslarga tegishli koʻchmas mulklar hamda muhandislik-kommunikatsiya tarmoqlari mavjud boʻlgan taqdirda:

jismoniy va yuridik shaxslar hamda xususiy investor oʻrtasida oʻziga tegishli yer uchastkasi oʻrnida rejalashtirilgan yangi obyektni qurish va uni tasarruf qilish huquqini jismoniy va yuridik shaxslarning oʻzida qoldirish toʻgʻrisida tuzilgan notarial tasdiqlangan shartnomalar;

muhandislik-kommunikatsiya tarmoqlarini (elektr, gaz, aloqa, suv va kanalizatsiya tarmoqlari, yoʻllar) saqlovchi tashkilotlar bilan ularni koʻchirish yoki joyida saqlash toʻgʻrisida kelishuv bitimi;

b) barpo etiladigan yangi massivning chegaralari koʻrsatilgan qurilish loyihalari.

Investitsiya faoliyati subyektining vakili ariza bergan taqdirda, soʻrovnomaga belgilangan tartibda rasmiylashtirilgan ishonchnoma ilova qilinadi.

Davlat xizmatlari markazi tomonidan ariza beruvchidan ushbu bandda koʻrsatilmagan boshqa hujjatlarni talab qilish qatʼiyan taqiqlanadi.

13. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.

Ariza beruvchi YIDXP yoki veb-sayt orqali murojaat etgan taqdirda, soʻrovnomani ERI bilan tasdiqlash talab etilmaydi.

14. Ariza beruvchi davlat xizmatlari markaziga kelib murojaat etganda, uning soʻrovnomasi markaz xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar real vaqt rejimida filialga elektron shaklda yuboriladi.

YIDXP yoki veb-sayt orqali murojaat qilinganda esa soʻrovnoma avtomatik tarzda filialga yuboriladi.

15. Dalolatnoma rasmiylashtirish uchun bazaviy hisoblash miqdorining 3 baravari miqdorida yigʻim undiriladi.

Davlat xizmati koʻrsatilishi uchun YIDXP orqali murojaat etilganda koʻrsatilgan xizmatlar uchun yigʻimlar summasining 90 foizi undiriladi.

15 1 . Taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentning 15-bandida belgilangan yigʻim summasining 50 foizi undiriladi.

15 2 . Davlat tibbiyot muassasalarida qonunchilik hujjatlariga muvofiq tuzilgan mehnat shartnomasi asosida tibbiyot va farmatsevtika sohasiga oid kasbiy faoliyatni amalga oshiruvchi shaxslardan ushbu Nizomning 15-bandi birinchi xatboshisida belgilangan yigʻim summasining 50 foizi undiriladi.

16. Ariza beruvchi davlat xizmatidan foydalanishdan dalolatnoma imzolangunga qadar voz kechish huquqiga ega. Ariza beruvchi davlat xizmatidan foydalanishdan voz kechganda, uning soʻrovnomasi koʻrilmasdan qoldiriladi. Bunda toʻlangan yigʻim qaytarilmaydi.

17. Davlat xizmati koʻrsatilgani uchun yigʻim toʻlanganini tasdiqlash axborot-kommunikatsiya tizimlari orqali amalga oshiriladi.

18. Yigʻimlar summasi quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

18 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

0,5 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga (Yagona billing tizimi orqali toʻlovlar toʻlanganda);

5 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

11,75 foizi (shundan 0,25 foizi — davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

v) “Uzmulk” tizimi orqali murojaat etilganda:

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi.

Toʻlovlar davlat xizmatlari koʻrsatilgani uchun toʻlangan davlat bojlari va yigʻimlar summasi hisobini yurituvchi Yagona billing tizimi orqali toʻlanadi.

19. Dalolatnoma obyektning murakkabligiga qarab, quyidagi muddatlarda tayyorlanadi:

umumiy maydoni 0,1 gektargacha boʻlganda — 10 ish kunigacha;

umumiy maydoni 0,1 gektardan 0,5 gektargacha boʻlganda — 15 ish kunigacha;

umumiy maydoni 0,5 gektardan 1,5 gektargacha boʻlganda — 20 ish kunigacha;

umumiy maydoni 1,5 gektardan 5 gektargacha boʻlganda — 25 ish kunigacha;

umumiy maydoni 5 gektardan ortiq boʻlganda — 30 ish kunigacha.

20. Filial soʻrovnoma kelib tushgan kundan boshlab ushbu Reglamentning 19-bandida belgilangan muddatlarda quyidagi ishlarni amalga oshiradi:

a) barpo etiladigan yangi massivning chegaralari koʻrsatilgan batafsil rejalashtirish va qurish loyihalarida koʻrsatilgan hududning topografik rejasini tayyorlaydi;

b) arizada keltirilgan yer uchastkalarini birlashtirish va topografik rejada koʻrsatilgan chegaralarda yer uchastkasini birlashtirish imkoniyatini oʻrganadi;

v) ushbu Reglamentning 8-bandi “g” kichik bandida koʻrsatilgan talablarga birlashtirilayotgan yer uchastkasining muvofiqligini tekshiradi;

g) xususiy investorga mulk huquqi, meros qilib qoldiriladigan umrbod egalik, doimiy egalik, doimiy foydalanish va uzoq muddatli ijara huquqi bilan tegishli boʻlgan yer uchastkalarining kadastr raqamlari asosida mazkur yer uchastkalarining xususiy investor nomiga davlat roʻyxatidan oʻtkazilganini tekshiradi;

d) barpo etiladigan yangi massiv hududida boshqa jismoniy va yuridik shaxslarga tegishli koʻchmas mulklarga boʻlgan huquqlarning davlat roʻyxatidan oʻtkazilganini tekshiradi.

21. Oʻrganish natijalari ushbu Reglamentning 20-bandi talablariga toʻliq muvofiq deb topilgan taqdirda, filial dalolatnoma loyihasini shakllantiradi hamda dalolatnoma loyihasini filial boshligʻi va ijrochi oʻz ERIsi bilan imzolaydi.

Dalolatnomaga yangi tashkil boʻlayotgan yer uchastkasining chegaralari koʻrsatilgan topografik reja ilova qilinadi.

Yer uchastkasi va unga tutash hududning topografik rejasini tayyorlash uchun toʻlov summasi bir gektar yer maydoni uchun bazaviy hisoblash miqdorining besh baravari hisobidan kelib chiqib (bir kvadrat metrgacha boʻlgan aniqlikda) hisoblanadi.

Oʻrganish natijalari ushbu Reglamentning 20-bandi talablariga toʻliq muvofiq emas deb topilgan taqdirda, filial rad etishning aniq sabablari hamda qonunchilik hujjatlari normalarini koʻrsatgan holda dalolatnoma tayyorlashni rad etadi.

22. Filial tomonidan dalolatnoma loyihasi imzolangandan soʻng dalolatnoma, topografik reja hamda topografik rejani tayyorlash uchun toʻlov miqdori qiymati koʻrsatilgan xabarnoma (invoys) davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga elektron shaklda yuboriladi.

Dalolatnomani tayyorlash rad etilgan taqdirda, rad etish toʻgʻrisidagi xabarnoma filial boshligʻining ERIsi bilan tasdiqlangan holda markazga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga yuboriladi.

23. Davlat xizmatlari markazi dalolatnoma, topografik reja hamda topografik rejani tayyorlash uchun toʻlov miqdori qiymati koʻrsatilgan xabarnoma (invoys) kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

24. Ariza beruvchi 20 ish kuni mobaynida:

markazga kelib (oʻzi kelib murojaat qilgan taqdirda) identifikatsiya qilish vositalari (daktiloskopiya va boshqalar) orqali yoki YIDXP yoxud veb-sayt orqali (elektron shaklda murojaat qilgan taqdirda) dalolatnomani ERIsi bilan kelishadi;

topografik rejani tayyorlashning toʻlov qiymatini xabarnomada qayd etilgan miqdorda toʻlaydi.

25. Ariza beruvchi tomonidan kelishilgan dalolatnoma va unga ilova qilingan topografik reja davlat xizmatlari markazi tomonidan real vaqt rejimida, YIDXP yoki veb-sayt orqali murojaat qilinganda esa avtomatik tarzda tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalariga kelishish uchun yuboriladi.

26. Dalolatnoma va unga ilova qilingan topografik reja kelib tushgandan soʻng:

yetti ish kuni ichida tuman (shahar) qurilish va uy-joy kommunal xoʻjaligi boʻlimlari quyidagilarni oʻrgangan holda dalolatnomani kelishadi yoki rad etishning aniq sabablarini va tegishli qonunchilik hujjatlari normalarini koʻrsatgan holda uni rad etadi:

yer uchastkasi joylashgan manzilda yer uchastkalarini ushbu Reglamentning 8-bandi “a” — “v” , “d” — “z” kichik bandlarida koʻrsatilgan talablar asosida birlashtirish imkoniyatini;

barpo etiladigan yangi massivning chegaralari koʻrsatilgan batafsil rejalashtirish va qurish loyihalarini hududlarni va aholi punktlarini rivojlantirishni shaharsozlik jihatidan rejalashtirish toʻgʻrisidagi hamda ularni qurish haqidagi tasdiqlangan hujjatlarga muvofiqligini;

uch ish kuni ichida ekologiya, atrof-muhitni muhofaza qilish va iqlim oʻzgarishi boshqarmalari ushbu Reglamentning 8-bandi “i” kichik bandida koʻrsatilgan talablar asosida oʻrgangan holda dalolatnomani kelishadi yoki rad etishning aniq sabablarini va tegishli qonunchilik hujjatlari normalarini koʻrsatgan holda uni rad etadi.

27. Dalolatnomani kelishish yoki rad etish tegishli tashkilotlarning tuman (shahar) boʻlimi hamda tegishli viloyat boshqarmasi boshligʻining ERIsi bilan tasdiqlash orqali amalga oshiriladi.

Dalolatnoma kelishilgan yoki rad etilgan kuni dalolatnoma va topografik reja yoki rad etish haqidagi xabarnoma elektron shaklda davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) yuboriladi.

28. Davlat xizmatlari markaziga dalolatnoma yoki dalolatnoma tayyorlashni rad etish haqida xabarnoma kelib tushgan taqdirda, markaz xabarnoma kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

Arizani koʻrib chiqish natijalari asosida QR-kod (matritsali shtrix-kod) qoʻyib berilgan elektron hujjatlar asl hujjatlarga tenglashtiriladi.

29. Quyidagilar davlat xizmati koʻrsatishni rad etish uchun asos hisoblanadi:

ushbu Reglamentning 2 , 3 , 7 va 8-bandlarida nazarda tutilgan talablarga muvofiq emasligi;

soʻrovnomada notoʻgʻri maʼlumotlar koʻrsatilishi;

dalolatnoma ariza beruvchi tomonidan belgilangan muddatda imzolanmagani;

xususiy investorga mulk huquqi, meros qilib qoldiriladigan umrbod egalik, doimiy egalik, doimiy foydalanish va uzoq muddatli ijara huquqi bilan tegishli boʻlgan yer uchastkalariga boʻlgan huquqlarning davlat roʻyxatidan oʻtkazilmagani;

xususiy investorga mulk huquqi, meros qilib qoldiriladigan umrbod egalik, doimiy egalik, doimiy foydalanish va uzoq muddatli ijara huquqi bilan tegishli boʻlgan yer uchastkalari hamda yuridik va jismoniy shaxslarga tegishli yer uchastkalarining haqiqiy holati koʻchmas mulkka boʻlgan huquqlar davlat reyestridagi maʼlumotlardan farq qilishi;

filial hamda tuman (shahar) qurilish va uy-joy kommunal xoʻjaligi boʻlimlari vakiliga barpo etiladigan yangi massiv hududidagi obyektlarda oʻlchov ishlarining olib borilishiga, shu jumladan, obyektlarga kirish imkoni yoʻqligi (foydalanib kelayotgan shaxslar tomonidan bino va inshootga, yer uchastkasiga kirishga qarshilik qilish);

davlat roʻyxatidan oʻtkazuvchi organda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlari va soʻrovnomalarining mavjudligi;

vakolatli organ tomonidan koʻchmas mulk obyektiga taqiq yoki xatlov qoʻyilgani;

arizaga ilova qilingan hujjatlar toʻliq emasligi;

davlat xizmatlarini koʻrsatish uchun yigʻimni va topografik rejani tayyorlash uchun toʻlov summasini toʻlamaslik.

Dalolatnoma ariza beruvchi tomonidan belgilangan muddatda imzolanmagan taqdirda, ariza avtomatik tarzda rad etiladi.

Davlat xizmatlarini koʻrsatishni boshqa asoslarga koʻra rad etish qatʼiyan taqiqlanadi.

30. Ariza beruvchi davlat xizmati koʻrsatilishi rad etilgan kundan boshlab oʻn ish kuni mobaynida davlat xizmati koʻrsatish uchun yigʻimni toʻlamasdan, koʻrsatilgan kamchilikni bartaraf etgan holda qayta murojaat qilish huquqiga ega.

Davlat xizmatini takroran koʻrsatishda filiallar, tuman (shahar) qurilish va uy-joy kommunal xoʻjaligi boʻlimlari va ekologiya, atrof-muhitni muhofaza qilish va iqlim oʻzgarishi boshqarmalari tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganini tasdiqlovchi maʼlumotlar bilan bogʻliq rad etish sabablarining keltirilishi bundan mustasno.

Qayta murojaat etilganda murojaatlar ushbu Reglamentga asosan umumiy tartibda va muddatlarda koʻrib chiqiladi.

4-bob. Yakunlovchi qoidalar

31. Xususiy investor hamda tegishli tashkilotlar tomonidan ushbu dalolatnomaning tasdiqlangani, keyinchalik birlashtirilgan yer uchastkasi hamda undagi bino va inshootlarga kadastr yigʻmajildini qayta shakllantirish va koʻchmas mulkka boʻlgan huquqlarni davlat roʻyxatidan oʻtkazish uchun asos hisoblanadi.

32. Davlat xizmatlari markazlari, filiallar, tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalari oʻz faoliyatini amalga oshirishi natijasida olingan ariza beruvchi haqidagi maʼlumotlarning maxfiyligini taʼminlashi shart.

33. Adliya vazirligi, uning hududiy boshqarmalari va davlat xizmatlari markazlari davlat organlari va boshqa tashkilotlarning ushbu Reglament talablari ijrosi boʻyicha faoliyatini, shu jumladan, YIDXP orqali doimiy nazorat va monitoring qilib boradi.

34. Ariza beruvchi davlat organlari va boshqa tashkilotlar xodimlarining xatti-harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

35. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatishning maʼmuriy reglamentiga 1-ILOVA

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash

Bosqichlar Subyektlar Tadbirlar Bajarish muddatlari 1-bosqich Ariza beruvchi 1. Dalolatnoma olish uchun davlat xizmatlari markaziga oʻzi kelib murojaat qiladi yoki Yagona interaktiv davlat xizmatlari portali yoxud Kadastr agentligining rasmiy veb-sayti orqali murojaat qiladi. 2. Davlat xizmati koʻrsatish uchun yigʻimni toʻlaydi. Xohishiga koʻra 2-bosqich 1. Davlat xizmatlari markazi. 2. YIDXP. 3. Kadastr agentligining rasmiy veb-sayti. Soʻrovnomani filialga yuboradi. Real vaqt rejimida 3-bosqich Filial 1. Barpo etiladigan yangi massivning chegaralari koʻrsatilgan batafsil rejalashtirish va qurish loyihasida koʻrsatilgan hududning topografik rejasini tayyorlaydi. 2. Arizada keltirilgan yer uchastkalarini birlashtirish va topografik rejada koʻrsatilgan chegaralarda yer uchastkasini shakllantirish imkoniyatini oʻrganadi. 3. Reglamentning 8-bandi “g” kichik bandida koʻrsatilgan talablar asosida birlashtirish mumkinligini koʻrib chiqadi. 4. Investitsiya faoliyati subyektiga mulk huquqi, meros qilib qoldiriladigan umrbod egalik, doimiy egalik, doimiy foydalanish va uzoq muddatli ijara huquqi bilan tegishli boʻlgan yer uchastkalarining kadastr raqami asosida mazkur yer uchastkalarining investitsiya faoliyati subyekti nomiga davlat roʻyxatidan oʻtkazilganini tekshiradi. 5. Barpo etiladigan yangi massiv hududida boshqa jismoniy va yuridik shaxslarga tegishli koʻchmas mulklarga boʻlgan huquqlarning davlat roʻyxatidan oʻtkazilganini tekshiradi. 6. Oʻrganishlar natijasida topografik reja ilova qilingan dalolatnomani tayyorlaydi yoki dalolatnoma rasmiylashtirishni rad etadi va uni davlat xizmatlari markazlariga yuboradi. Reglamentning 19-bandida belgilangan muddatlarda 4-bosqich Davlat xizmatlari markazi Dalolatnoma va topografik reja kelib tushgani haqida axborot-kommunikatsiya tizimi orqali ariza beruvchini xabardor qiladi. Real vaqt rejimida 5-bosqich Ariza beruvchi Markazga kelib identifikatsiya qilish vositalari orqali yoki YIDXP yoxud veb-sayt orqali huquq egalarining ERIsi bilan dalolatnomani kelishadi. 20 ish kuni 6-bosqich 1. Davlat xizmatlari markazi. 2. YIDXP. 3. Kadastr agentligining rasmiy veb-sayti. Dalolatnoma va unga ilova qilingan hujjatlarni kelishish uchun tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalariga yuboradi. Real vaqt rejimida 7-bosqich Tuman (shahar) qurilish va uy-joy kommunal xoʻjaligi boʻlimlari, ekologiya, atrof-muhitni muhofaza qilish va iqlim oʻzgarishi boshqarmalari Dalolatnoma va unga ilova qilingan hujjatlarni kelishadi yoki dalolatnoma va unga ilova qilingan hujjatlarni kelishishni rad etadi va uni davlat xizmatlari markazlariga yuboradi. Ushbu reglamentning 26-bandida belgilangan muddatlarda 8-bosqich Davlat xizmatlari markazi Dalolatnoma yoki dalolatnomani tayyorlashni rad etish haqida xabarnoma kelib tushgani haqida axborot-kommunikatsiya tizimi orqali ariza beruvchini xabardor qiladi. Real vaqt rejimida

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatishning maʼmuriy reglamentiga 2-ILOVA

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash DALOLATNOMASI ________-son __________ yil Ushbu dalolatnoma, Davlat kadastrlari palatasi __________________ boshqarmasining _________ tuman (shahar) filiali, __________ tuman (shahar) qurilish va uy-joy kommunal xoʻjaligi boʻlimi vakillari, __________ ekologiya, atrof-muhitni muhofaza qilish va iqlim oʻzgarishi boshqarmasi vakillari va xususiy investor bilan yer uchastkalarini birlashtirish toʻgʻrisida tuzildi. 1. Birlashtirilayotgan yer uchastkalari toʻgʻrisidagi maʼlumotlar: Xususiy investor: _____________________________________________ Yer uchastkalari joylashgan manzil: ______________________________ Yer uchastkalarining kadastr raqamlari ___________________________ Yer uchastkalarining maydonlari (m²) _____________________________ Yer uchastkalaridan ruxsat etilgan foydalanishning asosiy turlari: ________________________ _______________________________ Yer uchastkalari chegaralarini oʻzgartirishga asos boʻlgan hujjatlar _________________________ _______________________________ Yer uchastkalarining alohida xususiyatlari: ________________________ 2. Birlashtirilgan koʻchmas mulk tarkibi quyidagilardan iborat: Xususiy investor: _____________________________________________ Yer uchastkasi joylashgan manzil: ________________________________ Yer uchastkasining kadastr raqami ________________________________ Yer uchastkasining maydoni (m²) __________________________________ Yer uchastkalaridan ruxsat etilgan foydalanishning asosiy turlari: ________________________ _______________________________ Yer uchastkasining alohida xususiyatlari: __________________________ Xususiy investorga tegishli boʻlgan yer uchastkalarining jami maydoni (m² va %): ____________ _______________________________ Barpo etiladigan yangi massiv hududida koʻp kvartirali uylarga tutash yerlar va umumiy foydalanishdagi yerlarning jami maydoni (m² va %): ___________________________________________ _______________________ 3. Ushbu dalolatnoma, uning ajralmas qismi sifatida ilova qilingan topografik reja bilan birga haqiqiy hisoblanadi. XULOSA QISMI: Yer uchastkasiga oʻzgartirish kiritilgan koʻchmas mulk ushbu dalolatnomaning 3-bandida keltirilgan tarkibda alohida koʻchmas mulk deb hisoblanadi. tuman (shahar) filiali boshligʻi ________ ____________________ (F.I.O.) tuman (shahar) qurilish va uy-joy kommunal xoʻjaligi boʻlimi boshligʻi ________ ____________________ (F.I.O.) ekologiya, atrof-muhitni muhofaza qilish va iqlim oʻzgarishi boshqarmasi boshligʻi ________ ____________________ (F.I.O.) tuman (shahar) filiali muhandisi ________ ____________________ (F.I.O.) Xususiy investor ________ ____________________ (F.I.O.) 20___ yil “ ____” ______ ___ _ __________ tumani (shahri).

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash dalolatnomasiga ILOVA

Yer uchastkasining topografik rejasi ______________tumani (shahri) obyekt: _____________ Manzili: ______________________________________ Masshtab 1: __________________ Huquqiy hujjat boʻyicha yer uchastkasi maydoni — ____________ m 2 Topograf: ________________ sana: 20___ yil “____” ____________

Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash boʻyicha davlat xizmatlari koʻrsatishning maʼmuriy reglamentiga 3-ILOVA

_________________ ______________ (sanasi) (raqami) Barpo etiladigan yangi massiv hududidagi yer uchastkalarini birlashtirish va birlashtirilgan yer uchastkasining chegaralarini belgilash toʻgʻrisida SOʻROVNOMA I. Ariza beruvchi — jismoniy shaxs toʻgʻrisida maʼlumot: 1. F.I.O.: 2. Pasport (ID-karta) maʼlumotlari (seriyasi va raqami, jismoniy shaxsning shaxsiy identifikatsiya raqami (mavjud boʻlsa): 3. Telefon raqami: 4. Elektron pochta manzili (mavjud boʻlsa): II. Ariza beruvchi — yuridik shaxs toʻgʻrisida maʼlumot: 1. Rasmiy nomi (toʻliq): 2. Joylashgan joyi: 3. Telefon raqami: 4. Elektron pochta manzili (mavjud boʻlsa): III. Yer uchastkalari toʻgʻrisida maʼlumot: 1. Yer uchastkalarining manzili (indeks, manzil, moʻljal): 2. Yer uchastkalarining kadastr raqami: 3. Yer uchastkalarining maydonlari (m²): 4. Yer uchastkalaridan ruxsat etilgan foydalanishning asosiy turlari:

Vazirlar Mahkamasining 2020-yil 2-sentabrdagi 535-son qaroriga 5v-ILOVA

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatish tartibini belgilaydi.

2. Ushbu Reglament faqat barpo etiladigan yangi massiv hududidagi birlashtirilgan yer uchastkasiga nisbatan tatbiq etiladi.

3. Dalolatnomani rasmiylashtirish ushbu Reglamentga 1-ilovada keltirilgan sxemaga muvofiq amalga oshiriladi.

4. Dalolatnomani rasmiylashtirishda Iqtisodiyot va moliya vazirligi huzuridagi Kadastr agentligining Davlat kadastrlari palatasi tuman (shahar) filiallari (keyingi oʻrinlarda — filiallar):

ushbu Reglamentga 2-ilovaga muvofiq shaklda Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash dalolatnomasini tuzadi;

yer uchastkasining boʻlinishi natijasida hosil boʻlgan yer uchastkalarining manzilini Vazirlar Mahkamasining 2018-yil 14-dekabrdagi 1010-son qarori bilan tasdiqlangan Koʻchmas mulk obyektlari manzillari yagona reyestrini shakllantirish va yuritish tartibi toʻgʻrisidagi nizomga muvofiq belgilaydi;

dalolatnomani tuman (shahar) qurilish va uy-joy kommunal xoʻjaligi boʻlimlari hamda Qoraqalpogʻiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Toshkent shahar va viloyat ekologiya, atrof-muhitni muhofaza qilish va iqlim oʻzgarishi boshqarmalari (keyingi oʻrinlarda — ekologiya, atrof-muhitni muhofaza qilish va iqlim oʻzgarishi boshqarmalari) bilan kelishadi.

2-bob. Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash xususiyatlari

5. Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash investitsiya faoliyati subyektining murojaatiga asosan amalga oshiriladi.

6. Dalolatnoma rasmiylashtirishda quyidagilar talab etiladi:

yer uchastkasini boʻlish natijasida hosil boʻlgan yer uchastkalari kelgusida undan ruxcat etilgan foydalanishning asosiy turlarini oʻzgartirmagan holda bino va inshootlarni loyihalashtirish va qurilish ishlarini amalga oshirish imkoni mavjud boʻlishi;

boʻlish natijasida vujudga keladigan yer uchastkalari yongʻinga qarshi, sanitariya, ekologiyaga oid, shaharsozlik hamda boshqa majburiy normalar va qoidalarni buzmagan holda yangidan tashkil etilishi;

yer uchastkasi boʻlinadigan boʻlishi;

yer uchastkalarining egalari yoki undan foydalanuvchilar mustaqil ravishda yer uchastkasiga umumiy foydalanishdagi yer uchastkasi orqali oʻtish imkoniyatidan mahrum boʻlib qolmasligi;

yer uchastkasining yangi chegaralari uning boʻlinishidan avvalgi chegaralari asosida belgilanishi, bunda yangi yer uchastkalarining maydonlari yigʻindisi hamda chegaralari avvalgi chegara va maydondan farq qilishiga yoʻl qoʻyilmasligi;

barpo etiladigan yangi massiv hududidagi birlashtirilgan yer uchastkasi boʻlinayotganda hududdagi jami koʻp yillik daraxtlar soni va yashil hududlar maydoni kamaytirilmagani.

7. Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatish davlat xizmatlari markazlari, filiallar va tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalari oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.

3-bob. Davlat xizmatini koʻrsatish tartibi

8. Xususiy investor (keyingi oʻrinlarda — ariza beruvchi) dalolatnoma rasmiylashtirish uchun davlat xizmatlari markaziga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) yoki Kadastr agentligining rasmiy veb-sayti “kadastr.uz” (keyingi oʻrinlarda — veb-sayt) orqali davlat xizmatidan elektron tarzda foydalanish uchun roʻyxatdan oʻtadi.

9. Ariza beruvchi oʻzi kelib murojaat etgan taqdirda, davlat xizmatlari markazi xodimi — ariza beruvchi nomidan, YIDXP yoki veb-sayt orqali murojaat etgan taqdirda esa mustaqil ravishda, ushbu Reglamentga 3-ilovaga muvofiq elektron shakldagi soʻrovnomani toʻldiradi hamda davlat xizmatidan foydalanish uchun toʻlovni amalga oshiradi.

Ariza beruvchi ixtiyoriga koʻra dalolatnoma rasmiylashtirish hamda belgilangan tartibda kadastr pasportini olish hamda koʻchmas mulkka boʻlgan huquqni davlat roʻyxatidan oʻtkazish uchun bir vaqtda (kompozit xizmat sifatida) yoki alohida murojaat qilishi mumkin. Bunda dalolatnoma kadastr pasportini rasmiylashtirish hamda koʻchmas mulkka boʻlgan huquqni davlat roʻyxatidan oʻtkazish uchun asos boʻladi.

10. Arizaga quyidagi hujjatlar ilova qilinadi:

barpo etiladigan yangi massiv hududidagi birlashtirilgan yer uchastkasida qurilishi rejalashtirilgan obyektlarning boʻlinish chegaralari koʻrsatilgan loyiha-smeta hujjatlari;

muhandislik-kommunikatsiya tarmoqlarini (elektr, gaz, aloqa, suv va kanalizatsiya tarmoqlari, yoʻllar) saqlovchi tashkilotlar bilan ularni koʻchirish yoki joyida saqlash toʻgʻrisida kelishuv bitimi mavjud boʻlgan taqdirda, bitim shartlari bajarilgani toʻgʻrisida maʼlumotlar.

Xususiy investorning vakili ariza bergan taqdirda, soʻrovnomaga belgilangan tartibda rasmiylashtirilgan ishonchnoma ilova qilinadi.

Davlat xizmatlari markazi tomonidan ariza beruvchidan ushbu bandda koʻrsatilmagan boshqa hujjatlarni talab qilish qatʼiyan taqiqlanadi.

11. Zarur maʼlumotlar soʻrovnomaga kiritilgandan soʻng ariza beruvchi maʼlumotlarning toʻgʻriligini tekshiradi va identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.

Ariza beruvchi YIDXP yoki veb-sayt orqali murojaat etgan taqdirda, soʻrovnomani ERI bilan tasdiqlash talab etilmaydi.

12. Ariza beruvchi davlat xizmatlari markaziga kelib murojaat etganda, uning soʻrovnomasi davlat xizmatlari markazi xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar real vaqt rejimida filialga elektron shaklda yuboriladi.

YIDXP yoki veb-sayt orqali murojaat qilinganda esa soʻrovnoma avtomatik tarzda filialga yuboriladi.

13. Dalolatnoma rasmiylashtirish uchun bazaviy hisoblash miqdorining 3 baravari miqdorida yigʻim undiriladi.

Davlat xizmati koʻrsatilishi uchun YIDXP orqali murojaat etilganda koʻrsatilgan xizmatlar uchun yigʻimlar summasining 90 foizi undiriladi.

13 1 . Taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentning 13-bandida belgilangan yigʻim summasining 50 foizi undiriladi.

13 2 . Davlat tibbiyot muassasalarida qonunchilik hujjatlariga muvofiq tuzilgan mehnat shartnomasi asosida tibbiyot va farmatsevtika sohasiga oid kasbiy faoliyatni amalga oshiruvchi shaxslardan ushbu Nizomning 13-bandi birinchi xatboshisida belgilangan yigʻim summasining 50 foizi undiriladi.

14. Ariza beruvchi davlat xizmatidan foydalanishdan dalolatnoma imzolangunga qadar voz kechish huquqiga ega. Ariza beruvchi davlat xizmatidan foydalanishdan voz kechganda, uning soʻrovnomasi koʻrilmasdan qoldiriladi. Bunda toʻlangan yigʻim qaytarilmaydi.

15. Davlat xizmati koʻrsatilgani uchun yigʻim toʻlanganini tasdiqlash axborot-kommunikatsiya tizimlari orqali amalga oshiriladi.

16. Yigʻimlar summasi quyidagi tartibda taqsimlanadi:

a) Davlat xizmatlari markazlariga oʻzi kelib murojaat etganda:

18 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

0,5 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga (Yagona billing tizimi orqali toʻlovlar toʻlanganda);

5 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

b) YIDXP orqali murojaat etilganda:

10 foizi — Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

11,75 foizi (shundan 0,25 foizi — davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi;

v) “Uzmulk” tizimi orqali murojaat etilganda:

20 foizi — Qurilish va uy-joy kommunal xoʻjaligi vazirligi huzuridagi Axborot-kommunikatsiya texnologiyalarini rivojlantirish Respublika markazining shaxsiy hisobvaragʻiga;

5 foizi — Kadastr agentligining budjetdan tashqari jamgʻarmasining shaxsiy hisobvaragʻiga;

2 foizi — Kadastr agentligining “Kompyuterlashtirish, geoaxborot texnologiyalarini joriy etish va rivojlantirish markazi” DUK shaxsiy hisobvaragʻiga;

0,25 foizi (davlat xizmati Yagona billing tizimi orqali koʻrsatilganda) — Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar toʻliq miqdorda Davlat kadastrlari palatasi hududiy boshqarmalarining hisobvaragʻiga oʻtkaziladi.

Toʻlovlar davlat xizmatlari koʻrsatilgani uchun toʻlangan davlat bojlari va yigʻimlar summasi hisobini yurituvchi Yagona billing tizimi orqali toʻlanadi.

17. Dalolatnoma obyektning murakkabligiga qarab, quyidagi muddatlarda tayyorlanadi:

umumiy maydoni 0,1 gektargacha boʻlganda — 10 ish kunigacha;

umumiy maydoni 0,1 gektardan 0,5 gektargacha boʻlganda — 15 ish kunigacha;

umumiy maydoni 0,5 gektardan 1,5 gektargacha boʻlganda — 20 ish kunigacha;

umumiy maydoni 1,5 gektardan 5 gektargacha boʻlganda — 25 ish kunigacha;

umumiy maydoni 5 gektardan ortiq boʻlganda — 30 ish kunigacha.

18. Filial soʻrovnoma kelib tushgan kundan boshlab ushbu Reglamentning 17-bandida belgilangan muddatlarda quyidagi ishlarni amalga oshiradi:

a) barpo etiladigan yangi massiv hududidagi birlashtirilgan yer uchastkasida qurilishi rejalashtirilgan obyektlarning boʻlinish chegaralari koʻrsatilgan loyiha-smeta hujjatlariga asosan hududning topografik rejasini tayyorlaydi;

b) arizada keltirilgan yer uchastkasini boʻlish va topografik rejada koʻrsatilgan chegaralarda yer uchastkalarini boʻlish imkoniyatini oʻrganadi;

v) ushbu Reglament 6-bandining beshinchi va oltinchi xatboshilarida koʻrsatilgan talablar asosida boʻlish mumkinligini koʻrib chiqadi;

g) kadastr raqami arizada koʻrsatilgan yer uchastkasining xususiy investor nomiga davlat roʻyxatidan oʻtkazilganini tekshiradi.

19. Oʻrganish natijalari ushbu Reglamentning 18-bandi talablariga toʻliq muvofiq deb topilgan taqdirda, filial dalolatnoma loyihasini shakllantiradi hamda dalolatnoma loyihasini filial boshligʻi va ijrochi oʻz ERIsi bilan imzolaydi.

Dalolatnomaga yangi hosil boʻlayotgan yer uchastkalarining chegaralari koʻrsatilgan topografik reja ilova qilinadi.

Yer uchastkalari va unga tutash hududning topografik rejasini tayyorlash uchun toʻlov summasi bir gektar yer maydoni uchun bazaviy hisoblash miqdorining besh baravari hisobidan kelib chiqib (bir kvadrat metrgacha boʻlgan aniqlikda) hisoblanadi.

Oʻrganish natijalari ushbu Reglamentning 18-bandi talablaridan biri yoki bir nechtasiga muvofiq emas deb topilgan taqdirda, filial rad etishning aniq sabablari hamda qonunchilik hujjatlari normalarini koʻrsatgan holda dalolatnoma tayyorlashni rad etadi.

20. Filial tomonidan dalolatnoma loyihasi imzolangandan soʻng dalolatnoma, topografik reja hamda topografik rejani tayyorlash uchun toʻlov miqdori qiymati koʻrsatilgan xabarnoma (invoys) davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga elektron shaklda yuboriladi.

Dalolatnomani tayyorlash rad etilgan taqdirda, rad etish toʻgʻrisidagi xabarnoma filial boshligʻining ERIsi bilan tasdiqlangan holda davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) arizachiga yuboriladi.

21. Davlat xizmatlari markazi dalolatnoma, topografik reja hamda topografik rejani tayyorlash uchun toʻlov miqdori qiymati koʻrsatilgan xabarnoma (invoys) kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

22. Ariza beruvchi 20 ish kuni mobaynida:

markazga kelib (oʻzi kelib murojaat qilgan taqdirda) identifikatsiya qilish vositalari (daktiloskopiya va boshqalar) orqali yoki YIDXP yoxud veb-sayt orqali (elektron shaklda murojaat qilgan taqdirda) dalolatnomani ERIsi bilan kelishadi;

topografik rejani tayyorlashning toʻlov qiymatini xabarnomada qayd etilgan miqdorda toʻlaydi.

23. Ariza beruvchi tomonidan kelishilgan dalolatnoma va unga ilova qilingan topografik reja davlat xizmatlari markazi tomonidan real vaqt rejimida, YIDXP yoki veb-sayt orqali murojaat qilinganda esa avtomatik tarzda tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalariga kelishish uchun yuboriladi.

24. Dalolatnoma va unga ilova qilingan topografik reja kelib tushgandan soʻng:

yetti ish kuni ichida tuman (shahar) qurilish va uy-joy kommunal xoʻjaligi boʻlimlari yer uchastkasi joylashgan manzilda yer uchastkasini ushbu Reglamentning 6-bandining ikkinchi — toʻrtinchi xatboshilarida koʻrsatilgan talablar asosida boʻlish imkoniyatini oʻrgangan holda dalolatnomani kelishadi yoki rad etishning aniq sabablarini va tegishli qonunchilik hujjatlari normalarini koʻrsatgan holda uni rad etadi;

uch ish kuni ichida ekologiya, atrof-muhitni muhofaza qilish va iqlim oʻzgarishi boshqarmalari ushbu Reglament 6-bandining yettinchi xatboshida koʻrsatilgan talablar asosida oʻrgangan holda dalolatnomani kelishadi yoki rad etishning aniq sabablarini va tegishli qonunchilik hujjatlari normalarini koʻrsatgan holda uni rad etadi.

25. Dalolatnomani kelishish yoki rad etish tegishli tashkilotlarning tuman (shahar) boʻlimi hamda tegishli viloyat boshqarmasi boshligʻining ERIsi bilan tasdiqlash orqali amalga oshiriladi.

Dalolatnoma kelishilgan yoki rad etilgan kuni dalolatnoma va topografik reja yoki rad etish haqidagi xabarnoma elektron shaklda davlat xizmatlari markaziga (oʻzi kelib murojaat qilgan taqdirda) yoki YIDXP yoxud veb-sayt orqali (elektron shaklda murojaat qilgan taqdirda) yuboriladi.

26. Davlat xizmatlari markaziga dalolatnoma yoki dalolatnoma tayyorlashni rad etish haqida xabarnoma kelib tushgan taqdirda, markaz xabarnoma kelib tushgandan soʻng real vaqt rejimida bu haqda axborot-kommunikatsiya tizimi orqali ariza beruvchini xabardor qiladi.

Arizani koʻrib chiqish natijalari asosida QR-kod (matritsali shtrix-kod) qoʻyib berilgan elektron hujjatlar asl hujjatlarga tenglashtiriladi.

27. Quyidagilar davlat xizmati koʻrsatishni rad etish uchun asos hisoblanadi:

ushbu Reglamentning 2 , 5 va 6-bandlarida nazarda tutilgan talablarga muvofiq emasligi;

soʻrovnomada notoʻgʻri maʼlumotlar koʻrsatilishi;

dalolatnoma ariza beruvchi tomonidan belgilangan muddatda imzolanmagani;

xususiy investorga mulk huquqi, meros qilib qoldiriladigan umrbod egalik, doimiy egalik, doimiy foydalanish va uzoq muddatli ijara huquqi bilan tegishli boʻlgan yer uchastkalariga boʻlgan huquqlarning davlat roʻyxatidan oʻtkazilmagani;

yer uchastkasining haqiqiy holati koʻchmas mulkka boʻlgan huquqlar davlat reyestridagi maʼlumotlardan farq qilishi;

filial hamda tuman (shahar) qurilish va uy-joy kommunal xoʻjaligi boʻlimlari vakiliga barpo etiladigan yangi massiv hududidagi obyektlarda oʻlchov ishlarining olib borilishiga, shu jumladan, obyektlarga kirish imkoni yoʻqligi (foydalanib kelayotgan shaxslar tomonidan bino va inshootga, yer uchastkasiga kirishga qarshilik qilish);

davlat roʻyxatidan oʻtkazuvchi organda ushbu koʻchmas mulk obyektining mansubligi masalasida nizolar borligidan dalolat beruvchi sud hujjatlari va soʻrovnomalarining mavjudligi;

vakolatli organ tomonidan koʻchmas mulk obyektiga taqiq yoki xatlov qoʻyilgani;

arizaga ilova qilingan hujjatlar toʻliq emasligi;

davlat xizmatlarini koʻrsatish uchun yigʻimni va topografik rejani tayyorlash uchun toʻlov summasini toʻlamaslik.

Dalolatnoma ariza beruvchi tomonidan belgilangan muddatda imzolanmagan taqdirda, ariza avtomatik tarzda rad etiladi.

Davlat xizmatlarini koʻrsatishni boshqa asoslarga koʻra rad etish qatʼiyan taqiqlanadi.

28. Ariza beruvchi davlat xizmati koʻrsatilishi rad etilgan kundan boshlab oʻn ish kuni mobaynida davlat xizmati koʻrsatish uchun yigʻimni toʻlamasdan, koʻrsatilgan kamchilikni bartaraf etgan holda qayta murojaat qilish huquqiga ega.

Davlat xizmatini takroran koʻrsatishda filiallar, tuman (shahar) qurilish va uy-joy kommunal xoʻjaligi boʻlimlari va ekologiya, atrof-muhitni muhofaza qilish va iqlim oʻzgarishi boshqarmalari tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganini tasdiqlovchi maʼlumotlar bilan bogʻliq rad etish sabablarining keltirilishi bundan mustasno.

Qayta murojaat etilganda murojaatlar ushbu Reglamentga asosan umumiy tartibda va muddatlarda koʻrib chiqiladi.

4-bob. Yakunlovchi qoidalar

29. Davlat xizmatlari markazlari, filiallar, tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalari oʻz faoliyatini amalga oshirishi natijasida olingan ariza beruvchi haqidagi maʼlumotlarning maxfiyligini taʼminlashi shart.

30. Xususiy investor tomonidan ushbu dalolatnomaning tasdiqlangani, keyinchalik boʻlingan yer uchastkalari va ulardagi bino inshootlarga kadastr yigʻmajildini qayta shakllantirish va koʻchmas mulkka boʻlgan huquqlarni davlat roʻyxatidan oʻtkazish uchun asos hisoblanadi.

Adliya vazirligi, uning hududiy boshqarmalari va davlat xizmatlari markazlari davlat organlari va boshqa tashkilotlarning ushbu Reglament talablari ijrosi boʻyicha faoliyatini, shu jumladan, YIDXP orqali doimiy nazorat va monitoring qilib boradi.

31. Ariza beruvchi davlat organlari va boshqa tashkilotlar xodimlarining xatti-harakatlari (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

32. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 1-ILOVA

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash

Bosqichlar Subyektlar Tadbirlar Bajarish muddatlari 1-bosqich Ariza beruvchi 1. Dalolatnoma olish uchun davlat xizmatlari markaziga oʻzi kelib murojaat qiladi yoki Yagona interaktiv davlat xizmatlari portali yoxud Kadastr agentligining rasmiy veb-sayti orqali murojaat qiladi. 2. Davlat xizmati koʻrsatish uchun yigʻimni toʻlaydi. Xohishiga koʻra 2-bosqich 1. Davlat xizmatlari markazi. 2. YIDXP. 3. Kadastr agentligining rasmiy veb-sayti. Soʻrovnomani filialga yuboradi. Real vaqt rejimida 3-bosqich Filial 1. Barpo etiladigan yangi massiv hududidagi birlashtirilgan yer uchastkasida qurilishi rejalash-tirilgan obyektlarning boʻlinish chegaralari koʻrsatilgan loyiha-smeta hujjatlariga asosan hududning topografik rejasini tayyorlaydi. 2. Arizada keltirilgan yer uchastkasini boʻlish va topografik rejada koʻrsatilgan chegaralarda yer uchastkalarini shakllantirish imkoniyatini oʻrganadi. 3. Reglamentning 6-bandi “g” va “d” kichik bandlarida koʻrsatilgan talablar asosida boʻlish mumkinligini koʻrib chiqadi. 4. Yer uchastkasining kadastr raqami asosida mazkur yer uchastkasining investitsiya faoliyati subyekti nomiga davlat roʻyxatidan oʻtkazilganini tekshiradi. 5. Oʻrganishlar natijasida topografik reja ilova qilingan dalolatnomani tayyorlaydi yoki dalolatnoma rasmiylashtirishni rad etadi va uni davlat xizmatlari markazlariga yuboradi. Reglamentning 17-bandida belgilangan muddatlarda 4-bosqich Davlat xizmatlari markazi Dalolatnoma va topografik reja kelib tushgani haqida axborot-kommunikatsiya tizimi orqali ariza beruvchini xabardor qiladi. Real vaqt rejimida 5-bosqich Ariza beruvchi Markazga kelib identifikatsiya qilish vositalari orqali yoki YIDXP yoxud veb-sayt orqali huquq egalarining ERIsi bilan dalolatnomani kelishadi. 20 ish kuni 6-bosqich 1. Davlat xizmatlari markazi. 2. YIDXP. 3. Kadastr agentligining rasmiy veb-sayti. Dalolatnoma va unga ilova qilingan hujjatlarni kelishish uchun tuman (shahar) qurilish va uy-joy kommunal xoʻjaligi boʻlimlari hamda ekologiya, atrof-muhitni muhofaza qilish va iqlim oʻzgarishi boshqarmalariga yuboradi. Real vaqt rejimida 7-bosqich Tuman (shahar) qurilish va uy-joy kommunal xoʻjaligi boʻlimlari, ekologiya, atrof-muhitni muhofaza qilish va iqlim oʻzgarishi boshqarmalari Dalolatnoma va unga ilova qilingan hujjatlarni kelishadi yoki dalolatnoma va unga ilova qilingan hujjatlarni kelishishni rad etadi va uni davlat xizmatlari markazlariga yuboradi. Ushbu reglamentning 24-bandida belgilangan muddatlarda 8-bosqich Davlat xizmatlari markazi Dalolatnoma yoki dalolatnomani tayyorlashni rad etish haqida xabarnoma kelib tushgani haqida axborot-kommunikatsiya tizimi orqali ariza beruvchini xabardor qiladi. Real vaqt rejimida

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 2-ILOVA

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash DALOLATNOMASI ________-son __________ yil Ushbu dalolatnoma, Davlat kadastrlari palatasi __________________ boshqarmasining ____________ tuman filiali, ____________ tuman (shahar) qurilish va uy-joy kommunal xoʻjaligi boʻlimi vakillari, ______________ ekologiya, atrof-muhitni muhofaza qilish va iqlim oʻzgarishi boshqarmasi vakillari va investitsiya faoliyati subyekti bilan yer uchastkasini boʻlish toʻgʻrisida tuzildi. 1. Boʻlinayotgan yer uchastkasi toʻgʻrisidagi maʼlumotlar: 1.1. Xususiy investor: ____________________ Yer uchastkasi joylashgan manzil: ______________ Yer uchastkasining kadastr raqami __________ Yer uchastkasining maydoni (m²) _____________ Yer uchastkasidan ruxsat etilgan foydalanishning asosiy turi: _________________ Yer uchastkasining alohida xususiyatlari: _______ 2. Boʻlinayotgan koʻchmas mulk tarkibi quyidagilardan iborat: 2.1. Xususiy investor: ________________________ Yer uchastkalari joylashgan manzil: _________________ Yer uchastkalarining kadastr raqamlari ______________ Yer uchastkalarining maydonlari (m²) ___________________ Yer uchastkalaridan ruxsat etilgan foydalanishning asosiy turlari: ______________________________ Yer uchastkalarining alohida xususiyatlari: __________ Xususiy investorga tegishli boʻlgan yer uchastkalarining jami maydoni (m² va %): ____________ Barpo etiladigan yangi massiv hududida koʻp kvartirali uylarga tutash yerlar va umumiy foydalanishdagi yerlarning jami maydoni (m² va %): _______ 3. Ushbu dalolatnoma, uning ajralmas qismi sifatida ilova qilingan topografik reja bilan birga haqiqiy hisoblanadi. XULOSA QISMI: Yer uchastkasiga oʻzgartirish kiritilgan koʻchmas mulk ushbu dalolatnomaning 3-bandida keltirilgan tarkibda alohida koʻchmas mulk deb hisoblanadi. tuman (shahar) filiali boshligʻi ________ __________________ (F.I.O.) tuman (shahar) qurilish va uy-joy kommunal xoʻjaligi boʻlimi boshligʻi ________ ___________________ (F.I.O.) ekologiya, atrof-muhitni muhofaza qilish va iqlim oʻzgarishi boshqarmasi boshligʻi ________ ____________________ (F.I.O.) tuman (shahar) filiali muhandisi ________ ____________________ (F.I.O.) Xususiy investor ________ ____________________ (F.I.O.) 20___ yil “____” _______ ___________ tumani (shahri).

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash dalolatnomasiga ILOVA

Yer uchastkasining topografik rejasi ______________tumani (shahri) obyekt: _____________ Manzili: ______________________________________ Masshtab 1: __________________ Huquqiy hujjat boʻyicha yer uchastkasi maydoni — ____________ m 2 Topograf: ________________ sana: 20_ __ _ yil “_ __ _” _____ ___ ___

Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash boʻyicha davlat xizmatlari koʻrsatishning maʼmuriy reglamentiga 3-ILOVA

_________________ ______________ (sanasi) (raqami) Barpo etiladigan yangi massiv hududidagi birlashtirilgan yer uchastkasini boʻlish va uning yangi chegaralarini belgilash toʻgʻrisida SOʻROVNOMA I. Ariza beruvchi — jismoniy shaxs toʻgʻrisida maʼlumot: 1. F.I.O.: 2. Pasport (ID-karta) maʼlumotlari (seriyasi va raqami, jismoniy shaxsning shaxsiy identifikatsiya raqami (mavjud boʻlsa): 3. Telefon raqami: 4. Elektron pochta manzili (mavjud boʻlsa): II. Ariza beruvchi — yuridik shaxs toʻgʻrisida maʼlumot: 1. Rasmiy nomi (toʻliq): 2. Joylashgan joyi: 3. Telefon raqami: 4. Elektron pochta manzili (mavjud boʻlsa): III. Yer uchastkalari toʻgʻrisida maʼlumot: 1. Yer uchastkasining manzili (indeks, manzil, moʻljal): 2. Yer uchastkasining kadastr raqami: 3. Yer uchastkasining maydoni (m²): 4. Yer uchastkasidan ruxsat etilgan foydalanishning asosiy turi:

Vazirlar Mahkamasining 2020-yil 2-sentabrdagi 535-son qaroriga 6-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2014-yil 10-iyuldagi 186-son qarori (Oʻzbekiston Respublikasi QT, 2014-y., 7-son, 71-modda) bilan tasdiqlangan Koʻchmas mulk obyektlarining davlat kadastri sohasida davlat xizmatlari narxlarini belgilash tartibida :

a) 4.10-pozitsiya quyidagi tahrirda bayon etilsin:

“Ipoteka va ipoteka haqidagi shartnomani, shuningdek, ijara huquqini, yer uchastkasi boʻyicha servitutni davlat roʻyxatidan oʻtkazish hamda garov xatini rasmiylashtirish”;

b) 4.11.-pozitsiyaning “Davlat xizmatlarining nomi” ustunidagi “axborot” soʻzi “maʼlumotnoma” soʻzi bilan hamda “Ishlar narxi” ustunidagi “20 foizi” soʻzlari “3 foizi (har bir fuqaro uchun)” soʻzlari bilan almashtirilsin;

quyidagi mazmundagi 4.12 va 4.13-pozitsiyalar qoʻshilsin:

“ 4.12. Koʻchmas mulkka oid kadastr maʼlumotlarini taqdim etish Bazaviy hisoblash miqdorining 5 foizi (davlat organlari uchun bepul) 4.13. Shahodatnomaga ega boʻlgan kadastr muhandisi tomonidan tayyorlangan kadastr yigʻmajildiga asosan koʻchmas mulkni hisobga olish va kadastr pasportini berish a) bazaviy hisoblash miqdorining 1 baravari b) koʻchmas mulk obyektining kadastr qiymatini hisoblash talab etilganda, bazaviy hisoblash miqdorining 2 baravari ”

v) Izohlar qismida:

1-banddagi “208” raqami “243” raqami bilan almashtirilsin;

2-band quyidagi tahrirda bayon etilsin:

Oʻzbekiston Respublikasining Bosh vaziri A. ARIPOV

Toshkent sh.,

2020-yil 2-sentabr,

535-son

(Qonun hujjatlari maʼlumotlari milliy bazasi, 03.09.2020-y., 09/20/535/1247-son; Qonunchilik maʼlumotlari milliy bazasi, 05.04.2022-y., 09/22/153/0266-son; 20.04.2022-y., 09/22/200/0327-son; 29.09.2022-y., 09/22/541/0859-son, 19.10.2022-y., 09/22/610/0938-son; 22.07.2023-y., 09/23/304/0510-son; 15.08.2023-y., 09/23/380/0611-son; 24.08.2023-y., 09/23/411/0649-son; 26.08.2023-y., 09/23/424/0655-son; 04.09.2023-y., 09/23/436/0669-son; 16.09.2023-y., 09/23/470/0707-son; 22.11.2023-y., 09/23/612/0874-son; 10.07.2024-y., 09/24/380/0487-son; 02.10.2024-y., 09/24/614/0768-son; 24.12.2024-y., 09/24/847/1056-son; 03.03.2025-y., 09/25/135/0208-son; 28.05.2025-y., 09/25/330/0473-son; 08.08.2025-y., 09/25/504/0707-son; 04.09.2025-y., 09/25/559/0802-son; 25.12.2025-y., 09/25/821/1211-son; 06.01.2026-y., 09/26/840/0012-son; 02.02.2026-y., 09/26/35/0101-son; 07.02.2026-y., 07/26/48/0119-son; 17.03.2026-y., 09/26/104/0248-son; 17.04.2026-y., 09/26/175/0373-son; 06.05.2026-y., 09/26/224/0457-son; 04.07.2026-y., 09/26/310/0685-son; 21.07.2026-y., 09/26/393/0764-son)

lex.uz