📅 2020-yil 7-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 7 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 сентября 2020 г. · Указы Президента
Официальный текст. Официальный документ. Редакционные примечания не включены.
📅 7 September 2020 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Ер ҳисоби ва давлат кадастрларини юритиш тизимини тубдан такомиллаштириш чора-тадбирлари тўғрисида
Ер умуммиллий бойлик, Ўзбекистон халқининг ҳаёти, фаолияти ва фаровонлиги асоси, энг муҳим табиий ресурс ҳисобланади. Шу сабабли, ерлардан оқилона, самарали ва белгиланган мақсадда фойдаланишни таъминлаш, ерларни муҳофаза қилиш, ер билан узвий боғланган Давлат кадастрлари ягона тизимини тўлақонли юритиш давлатнинг энг муҳим вазифаларидандир.
Иқтисодий соҳадаги кенг кўламли ўзгаришлар ер ва унга боғлиқ ресурсларнинг аниқ ҳисобини юритиш, улардан оқилона фойдаланиш тизимини янада такомиллаштиришни талаб этмоқда.
Хусусан, ерларни ажратиш, уларнинг ҳисобини юритиш, қишлоқ хўжалиги экинларини жойлаштириш, ер назоратини амалга ошириш вазифаларининг ягона органда тўпланганлиги, ер участкалари, бино ва иншоотларга (кейинги ўринларда — кўчмас мулк) кадастр йиғмажилди рўйхатдан ўтказувчи органнинг ўзи томонидан тайёрланиши соҳада манфаатлар тўқнашувини юзага келтирмоқда.
Ер ҳисоби ва давлат кадастрларини юритиш тизимини тубдан такомиллаштириш мақсадида:
1. Ўзбекистон Республикаси Ер ресурслари, геодезия, картография ва давлат кадастри давлат қўмитасининг қишлоқ хўжалиги ерлари ва экинларини мониторинг қилиш, қишлоқ хўжалиги экинларини жойлаштириш, қишлоқ хўжалиги ерларини муҳофаза қилиш бўйича давлат назоратини амалга ошириш, тупроқ бонитировкасини ўтказиш, қишлоқ хўжалиги ерларининг меъёрий қийматини аниқлаш, тупроқ унумдорлигини ошириш, тупроқшунослик, геоботаникага оид тадқиқотларни амалга оширишга доир вазифалари, функциялари ҳамда ваколатлари Қишлоқ хўжалиги вазирлигига ўтказилсин.
Қишлоқ хўжалигига мўлжалланмаган ерларнинг таркибидаги ўзгаришларни ўз вақтида аниқлаш, салбий жараёнларнинг олдини олиш ва оқибатларини тугатиш мақсадида уларнинг мониторингини ўтказиш Ўзбекистон Республикасида атроф табиий муҳитнинг давлат мониторинги доирасида амалга оширилиши белгилансин.
2. Ўзбекистон Республикаси Ер ресурслари, геодезия, картография ва давлат кадастри давлат қўмитаси негизида Ўзбекистон Республикаси Давлат солиқ қўмитаси ҳузуридаги Кадастр агентлиги (кейинги ўринларда — Кадастр агентлиги) ташкил этилсин.
3. Қуйидагилар Кадастр агентлигининг асосий вазифалари ҳамда фаолият йўналишлари этиб белгилансин:
а) кўчмас мулкка бўлган ҳуқуқларни давлат рўйхатидан ўтказиш соҳасида:
кўчмас мулкка бўлган ҳуқуқларни давлат рўйхатидан ўтказиш соҳасида ягона давлат сиёсатининг амалга оширилишини таъминлаш;
кўчмас мулкка бўлган ҳуқуқларни давлат рўйхатидан ўтказиш;
давлат ер кадастри, бинолар ва иншоотлар давлат кадастрини юритиш;
кўчмас мулкка бўлган ҳуқуқларнинг давлат рўйхатидан ўтказилишини таъминлашга ва ер участкаларининг ўзбошимчалик билан эгаллаб олинишига йўл қўймасликка қаратилган самарали ер назоратини амалга ошириш;
б) геодезия ва картография соҳасида:
геодезия ва картография соҳасида ягона давлат сиёсатининг амалга оширилишини таъминлаш;
аэрокосмик суратга олиш, топография-геодезия, картографияга оид изланишлар ҳамда тадқиқотларни, ерларни масофадан зондлаш, геодинамик тадқиқотлар маълумотлари ва материалларидан фойдаланган ҳолда картографик мониторингни амалга ошириш;
давлат картография-геодезия кадастрини юритиш;
давлат геодезия назоратини амалга ошириш;
в) давлат кадастрларини юритиш соҳасида:
давлат кадастрларини юритиш соҳасида ягона давлат сиёсатининг амалга оширилишини таъминлаш;
давлат бошқаруви органлари ва маҳаллий давлат ҳокимияти органларининг давлат кадастрларини юритиш соҳасидаги фаолиятини мувофиқлаштириш;
Давлат кадастрлари ягона тизимини юритиш, ҳудудлар давлат кадастрининг самарали юритилишини таъминлаш;
давлат кадастрларини юритиш тартибларига риоя қилинишини таъминлашга қаратилган самарали кадастр назоратини амалга ошириш;
г) кўчмас мулкка бўлган ҳуқуқларни давлат рўйхатидан ўтказиш, геодезия, картография ва давлат кадастрларини юритиш соҳасида халқаро ҳамкорликни кенгайтириш;
д) кўчмас мулкка бўлган ҳуқуқларни давлат рўйхатидан ўтказиш, геодезия, картография ва давлат кадастрларини юритиш соҳасида кадрларни қайта тайёрлаш ва уларнинг малакасини оширишни таъминлаш.
Белгилансинки, Кадастр агентлиги фаолиятининг ер ҳисобини юритиш, мазкур соҳада вазирлик ва идоралар, маҳаллий давлат ҳокимияти органлари билан фаол ишлаш бўйича йўналишлари Бош вазир ўринбосари А.Ж. Раматов, молиявий фаолияти Бош вазир ўринбосари Ж.А. Қўчқоров томонидан мувофиқлаштирилади.
4. Қуйидагилар:
кўчмас мулкка бўлган ҳуқуқларнинг, шу жумладан ер участкасига бўлган мулк ҳуқуқи, эгалик қилиш, фойдаланиш ва ижарага олиш ҳуқуқининг вужудга келиши, ўзгариши, бошқа шахсга ўтиши, чекланиши ва бекор бўлиши фақат давлат рўйхатидан ўтказилгандан кейин кучга кириши;
кўчмас мулкка бўлган ҳуқуқни рўйхатдан ўтказиш учун ўз вақтида мурожаат этмасликда айбдор шахсларга маъмурий жавобгарлик белгиланганлиги;
кўчмас мулкнинг тури, тавсифи, ҳажми, қиймати ва бошқа кўрсаткичларини аниқлаш мақсадида унинг кадастр йиғмажилди тайёрланиши маълумот учун қабул қилинсин.
5. Шундай тартиб жорий этилсинки, унга мувофиқ:
захирада турган ва янги ажратилаётган ер участкаларига кадастр йиғмажилди қишлоқ хўжалигига мўлжалланган ерларда — туман (Қувасой шаҳар) қишлоқ хўжалиги бўлимининг, қишлоқ хўжалигига мўлжалланмаган ерларда — туман (шаҳар) қурилиш бўлимининг мурожаатига мувофиқ туман (шаҳар) ҳокимлигининг буюртмасига асосан тайёрланади, ушбу харажатлар ер участкасига бўлган ҳуқуқни давлат рўйхатидан ўтказиш вақтида мазкур ер участкасига эга бўлган шахс томонидан қопланади;
ер участкаларига бўлган ҳуқуқлар мазкур Фармон кучга киргунга қадар вужудга келган, бироқ давлат рўйхатидан ўтказилмаган бўлса, уларга кадастр йиғмажилдини тайёрлаш ҳамда кўчмас мулкка бўлган ҳуқуқни давлат рўйхатидан ўтказиш ҳуқуқ эгаларининг буюртмаларига асосан уларнинг маблағлари ҳисобидан амалга оширилади;
давлат органлари ва ташкилотлари, хўжалик бошқаруви органлари, шу жумладан ўрмон хўжаликлари, сув хўжалиги ташкилотлари, муҳофаза қилинадиган табиий ҳудудлар, ижтимоий муассасаларга берилган ер участкаларига кадастр йиғмажилдини тайёрлаш ҳамда кўчмас мулкка бўлган ҳуқуқни давлат рўйхатидан ўтказиш балансда сақловчиларнинг буюртмаларига асосан ва уларнинг маблағлари ҳисобидан амалга оширилади;
кадастр йиғмажилди Кадастр агентлиги томонидан шаҳодатланган кадастр муҳандислари ҳамда Кадастр агентлиги тизимидаги ташкилотлар томонидан шартнома асосида тайёрланади;
2020 йил 1 октябрдан бошлаб ер участкаларига бўлган ҳуқуқларнинг вужудга келиши, ўзгариши, бошқа шахсга ўтиши, чекланиши ва бекор бўлишини назарда тутувчи қарорлар, аукцион ва танлов баённомалари, нотариал тасдиқланган битимлар ҳамда бошқа ҳужжатлар Кадастр ва кўчмас мулкни рўйхатдан ўтказиш интеграцион ахборот тизимида (UZKAD) давлат рўйхатидан ўтказилганидан кейин кучга киради;
давлат ер кадастри, бинолар ва иншоотлар давлат кадастрини юритиш кўчмас мулкка бўлган ҳуқуқларни давлат рўйхатидан ўтказиш орқали тўпланган маълумотлар асосида амалга оширилади.
6. Белгилансинки, 2021 йил 1 январдан бошлаб:
ер тури, контури, чегараси ва ҳуқуқ эгалари ҳақидаги барча маълумотлар Кадастр агентлигининг онлайн геопорталига (кейинги ўринларда — онлайн геопортал) киритилади;
онлайн геопортал Ўзбекистон Республикаси Миллий географик ахборот тизимига (кейинги ўринларда — Миллий геоахборот тизими) интеграция қилинади;
ер баланси ва унинг ҳисоботи фақат Миллий геоахборот тизимида юритилади;
Давлат кадастрлари ягона тизими Миллий геоахборот тизимида шакллантирилади;
тегишли давлат кадастрлари маълумотлари Миллий геоахборот тизимига фақат телекоммуникация тармоқлари орқали тўғридан-тўғри тақдим этиб борилади.
7. Кадастр агентлиги:
а) икки ой муддатда Вазирлар Маҳкамасига:
ер участкаларига бўлган ҳуқуқларни давлат рўйхатидан ўтказмаслик, ер участкаларини ўзбошимчалик билан эгаллаб олиш ҳамда давлат кадастрларини юритиш тартибини бузиш билан боғлиқ маъмурий ҳуқуқбузарликлар тўғрисидаги ишлар фақат Кадастр агентлиги органлари томонидан кўриб чиқилишини назарда тутувчи қонун лойиҳасини;
кўчмас мулк объектларининг давлат кадастри соҳасида давлат хизматлари нархларини қайта кўриб чиқиш, шу жумладан қишлоқ хўжалигига мўлжалланган ер участкаларига бўлган ҳуқуқларни давлат рўйхатидан ўтказиш учун ундириладиган йиғимни камайтириш бўйича ҳукумат қарори лойиҳасини киритсин;
б) 2020 йил 1 ноябрга қадар онлайн геопортални синов тариқасида ишга туширсин;
в) 2020 йил 1 декабрга қадар барча қишлоқ хўжалиги хариталарининг онлайн геопорталга киритилишини ҳамда унинг Миллий геоахборот тизимига интеграция қилинишини таъминласин;
г) 2021 йил 1 январдан бошлаб онлайн геопортални тўлиқ ишга туширсин.
8. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Давлат солиқ қўмитаси, Қишлоқ хўжалиги вазирлиги ва Қурилиш вазирлиги билан бирга ер участкаларини ажратиш ҳақидаги қарорлар, аукцион ва танлов баённомалари ҳамда ер участкаларига бўлган ҳуқуқларнинг вужудга келиши, ўзгариши ва бекор бўлишига асос бўлган бошқа ҳужжатларнинг 2021 йил якунига қадар Миллий геоахборот тизимида тўлиқ давлат рўйхатидан ўтказилишини таъминласин.
9. Белгилансинки, қишлоқ хўжалиги ерларининг норматив қийматини аниқлаш ва қайта баҳолаш, тупроқ бонитировкаси ва тупроқ хариталарининг корректировкасини ўтказиш, суғориладиган ерларда тупроқ агрокимёвий тадқиқот ишларини бажариш ва агрокимёвий картограммалар тузиш, тупроқ (ер) мониторингини ўтказиш учун Ўзбекистон Республикасининг Давлат бюджетидан назарда тутиладиган маблағлар 2021 йил 1 январдан бошлаб Қишлоқ хўжалиги вазирлигига ажратилади.
Қишлоқ хўжалиги вазирлиги икки ой муддатда тупроқ бонитировкаси ишларини ўтказиш, қишлоқ хўжалиги ерларининг норматив қийматини аниқлаш ва геоботаникага оид тадқиқотларни амалга оширишга тадбиркорлик субъектларини жалб қилиш бўйича Вазирлар Маҳкамасига таклиф киритсин.
11. Ўзбекистон Республикаси Президентининг айрим ҳужжатлари 2-иловага мувофиқ ўз кучини йўқотган деб ҳисоблансин.
12. Давлат солиқ қўмитаси манфаатдор вазирлик ва идоралар билан биргаликда Вазирлар Маҳкамасига:
икки ҳафта муддатда Ўзбекистон Республикаси Президентининг «Ўзбекистон Республикаси Давлат солиқ қўмитаси ҳузуридаги Кадастр агентлиги фаолиятини ташкил этиш чора-тадбирлари тўғрисида»ги қарори лойиҳасини;
икки ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифларни киритсин.
13. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2020 йил 7 сентябрдаги ПФ-6061-сон Фармонига 2-ИЛОВА
Ўзбекистон Республикаси Президентининг ўз кучини йўқотган деб эътироф этилаётган айрим ҳужжатлари
1. Ўзбекистон Республикаси Президентининг 2017 йил 31 майдаги «Ерларни муҳофаза қилиш ва улардан оқилона фойдаланиш борасида назоратни кучайтириш, геодезия ва картография фаолиятини такомиллаштириш, давлат кадастрлари юритишни тартибга солиш чора-тадбирлари тўғрисида»ги ПФ-5065-сон Фармони .
2. Ўзбекистон Республикаси Президентининг 2016 йил 3 августдаги «Жаҳон банки иштирокида «Кўчмас мулкни рўйхатдан ўтказиш ва кадастр тизимларини модернизация қилиш» лойиҳасини амалга ошириш чора-тадбирлари тўғрисида»ги ПҚ-2571-сон қaрорининг 7-банди.
3. Ўзбекистон Республикаси Президентининг 2017 йил 31 майдаги «Ўзбекистон Республикаси Ер ресурслари, геодезия, картография ва давлат кадастри давлат қўмитаси фаолиятини янада такомиллаштириш чора-тадбирлари тўғрисида»ги ПҚ-3024-сон қaрорининг 1 — 3-бандлари ҳамда унга 1 — 5-иловалар .
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 7 сентябрь,
ПФ-6061-сон
Oʻzbekiston Respublikasi Prezidentining
Farmoni
ROʻYXATI
Yer hisobi va davlat kadastrlarini yuritish tizimini tubdan takomillashtirish chora-tadbirlari toʻgʻrisida
Yer umummilliy boylik, Oʻzbekiston xalqining hayoti, faoliyati va farovonligi asosi, eng muhim tabiiy resurs hisoblanadi. Shu sababli, yerlardan oqilona, samarali va belgilangan maqsadda foydalanishni taʼminlash, yerlarni muhofaza qilish, yer bilan uzviy bogʻlangan Davlat kadastrlari yagona tizimini toʻlaqonli yuritish davlatning eng muhim vazifalaridandir.
Iqtisodiy sohadagi keng koʻlamli oʻzgarishlar yer va unga bogʻliq resurslarning aniq hisobini yuritish, ulardan oqilona foydalanish tizimini yanada takomillashtirishni talab etmoqda.
Xususan, yerlarni ajratish, ularning hisobini yuritish, qishloq xoʻjaligi ekinlarini joylashtirish, yer nazoratini amalga oshirish vazifalarining yagona organda toʻplanganligi, yer uchastkalari, bino va inshootlarga (keyingi oʻrinlarda — koʻchmas mulk) kadastr yigʻmajildi roʻyxatdan oʻtkazuvchi organning oʻzi tomonidan tayyorlanishi sohada manfaatlar toʻqnashuvini yuzaga keltirmoqda.
Yer hisobi va davlat kadastrlarini yuritish tizimini tubdan takomillashtirish maqsadida:
1. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining qishloq xoʻjaligi yerlari va ekinlarini monitoring qilish, qishloq xoʻjaligi ekinlarini joylashtirish, qishloq xoʻjaligi yerlarini muhofaza qilish boʻyicha davlat nazoratini amalga oshirish, tuproq bonitirovkasini oʻtkazish, qishloq xoʻjaligi yerlarining meʼyoriy qiymatini aniqlash, tuproq unumdorligini oshirish, tuproqshunoslik, geobotanikaga oid tadqiqotlarni amalga oshirishga doir vazifalari, funksiyalari hamda vakolatlari Qishloq xoʻjaligi vazirligiga oʻtkazilsin.
Qishloq xoʻjaligiga moʻljallanmagan yerlarning tarkibidagi oʻzgarishlarni oʻz vaqtida aniqlash, salbiy jarayonlarning oldini olish va oqibatlarini tugatish maqsadida ularning monitoringini oʻtkazish Oʻzbekiston Respublikasida atrof tabiiy muhitning davlat monitoringi doirasida amalga oshirilishi belgilansin.
2. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi negizida Oʻzbekiston Respublikasi Davlat soliq qoʻmitasi huzuridagi Kadastr agentligi (keyingi oʻrinlarda — Kadastr agentligi) tashkil etilsin.
3. Quyidagilar Kadastr agentligining asosiy vazifalari hamda faoliyat yoʻnalishlari etib belgilansin:
a) koʻchmas mulkka boʻlgan huquqlarni davlat roʻyxatidan oʻtkazish sohasida:
koʻchmas mulkka boʻlgan huquqlarni davlat roʻyxatidan oʻtkazish sohasida yagona davlat siyosatining amalga oshirilishini taʼminlash;
koʻchmas mulkka boʻlgan huquqlarni davlat roʻyxatidan oʻtkazish;
davlat yer kadastri, binolar va inshootlar davlat kadastrini yuritish;
koʻchmas mulkka boʻlgan huquqlarning davlat roʻyxatidan oʻtkazilishini taʼminlashga va yer uchastkalarining oʻzboshimchalik bilan egallab olinishiga yoʻl qoʻymaslikka qaratilgan samarali yer nazoratini amalga oshirish;
b) geodeziya va kartografiya sohasida:
geodeziya va kartografiya sohasida yagona davlat siyosatining amalga oshirilishini taʼminlash;
aerokosmik suratga olish, topografiya-geodeziya, kartografiyaga oid izlanishlar hamda tadqiqotlarni, yerlarni masofadan zondlash, geodinamik tadqiqotlar maʼlumotlari va materiallaridan foydalangan holda kartografik monitoringni amalga oshirish;
davlat kartografiya-geodeziya kadastrini yuritish;
davlat geodeziya nazoratini amalga oshirish;
v) davlat kadastrlarini yuritish sohasida:
davlat kadastrlarini yuritish sohasida yagona davlat siyosatining amalga oshirilishini taʼminlash;
davlat boshqaruvi organlari va mahalliy davlat hokimiyati organlarining davlat kadastrlarini yuritish sohasidagi faoliyatini muvofiqlashtirish;
Davlat kadastrlari yagona tizimini yuritish, hududlar davlat kadastrining samarali yuritilishini taʼminlash;
davlat kadastrlarini yuritish tartiblariga rioya qilinishini taʼminlashga qaratilgan samarali kadastr nazoratini amalga oshirish;
g) koʻchmas mulkka boʻlgan huquqlarni davlat roʻyxatidan oʻtkazish, geodeziya, kartografiya va davlat kadastrlarini yuritish sohasida xalqaro hamkorlikni kengaytirish;
d) koʻchmas mulkka boʻlgan huquqlarni davlat roʻyxatidan oʻtkazish, geodeziya, kartografiya va davlat kadastrlarini yuritish sohasida kadrlarni qayta tayyorlash va ularning malakasini oshirishni taʼminlash.
Belgilansinki, Kadastr agentligi faoliyatining yer hisobini yuritish, mazkur sohada vazirlik va idoralar, mahalliy davlat hokimiyati organlari bilan faol ishlash boʻyicha yoʻnalishlari Bosh vazir oʻrinbosari A.J. Ramatov, moliyaviy faoliyati Bosh vazir oʻrinbosari J.A. Qoʻchqorov tomonidan muvofiqlashtiriladi.
4. Quyidagilar:
koʻchmas mulkka boʻlgan huquqlarning, shu jumladan yer uchastkasiga boʻlgan mulk huquqi, egalik qilish, foydalanish va ijaraga olish huquqining vujudga kelishi, oʻzgarishi, boshqa shaxsga oʻtishi, cheklanishi va bekor boʻlishi faqat davlat roʻyxatidan oʻtkazilgandan keyin kuchga kirishi;
koʻchmas mulkka boʻlgan huquqni roʻyxatdan oʻtkazish uchun oʻz vaqtida murojaat etmaslikda aybdor shaxslarga maʼmuriy javobgarlik belgilanganligi;
koʻchmas mulkning turi, tavsifi, hajmi, qiymati va boshqa koʻrsatkichlarini aniqlash maqsadida uning kadastr yigʻmajildi tayyorlanishi maʼlumot uchun qabul qilinsin.
5. Shunday tartib joriy etilsinki, unga muvofiq:
zaxirada turgan va yangi ajratilayotgan yer uchastkalariga kadastr yigʻmajildi qishloq xoʻjaligiga moʻljallangan yerlarda — tuman (Quvasoy shahar) qishloq xoʻjaligi boʻlimining, qishloq xoʻjaligiga moʻljallanmagan yerlarda — tuman (shahar) qurilish boʻlimining murojaatiga muvofiq tuman (shahar) hokimligining buyurtmasiga asosan tayyorlanadi, ushbu xarajatlar yer uchastkasiga boʻlgan huquqni davlat roʻyxatidan oʻtkazish vaqtida mazkur yer uchastkasiga ega boʻlgan shaxs tomonidan qoplanadi;
yer uchastkalariga boʻlgan huquqlar mazkur Farmon kuchga kirgunga qadar vujudga kelgan, biroq davlat roʻyxatidan oʻtkazilmagan boʻlsa, ularga kadastr yigʻmajildini tayyorlash hamda koʻchmas mulkka boʻlgan huquqni davlat roʻyxatidan oʻtkazish huquq egalarining buyurtmalariga asosan ularning mablagʻlari hisobidan amalga oshiriladi;
davlat organlari va tashkilotlari, xoʻjalik boshqaruvi organlari, shu jumladan oʻrmon xoʻjaliklari, suv xoʻjaligi tashkilotlari, muhofaza qilinadigan tabiiy hududlar, ijtimoiy muassasalarga berilgan yer uchastkalariga kadastr yigʻmajildini tayyorlash hamda koʻchmas mulkka boʻlgan huquqni davlat roʻyxatidan oʻtkazish balansda saqlovchilarning buyurtmalariga asosan va ularning mablagʻlari hisobidan amalga oshiriladi;
kadastr yigʻmajildi Kadastr agentligi tomonidan shahodatlangan kadastr muhandislari hamda Kadastr agentligi tizimidagi tashkilotlar tomonidan shartnoma asosida tayyorlanadi;
2020-yil 1-oktabrdan boshlab yer uchastkalariga boʻlgan huquqlarning vujudga kelishi, oʻzgarishi, boshqa shaxsga oʻtishi, cheklanishi va bekor boʻlishini nazarda tutuvchi qarorlar, auksion va tanlov bayonnomalari, notarial tasdiqlangan bitimlar hamda boshqa hujjatlar Kadastr va koʻchmas mulkni roʻyxatdan oʻtkazish integratsion axborot tizimida (UZKAD) davlat roʻyxatidan oʻtkazilganidan keyin kuchga kiradi;
davlat yer kadastri, binolar va inshootlar davlat kadastrini yuritish koʻchmas mulkka boʻlgan huquqlarni davlat roʻyxatidan oʻtkazish orqali toʻplangan maʼlumotlar asosida amalga oshiriladi.
6. Belgilansinki, 2021-yil 1-yanvardan boshlab:
er turi, konturi, chegarasi va huquq egalari haqidagi barcha maʼlumotlar Kadastr agentligining onlayn geoportaliga (keyingi oʻrinlarda — onlayn geoportal) kiritiladi;
onlayn geoportal Oʻzbekiston Respublikasi Milliy geografik axborot tizimiga (keyingi oʻrinlarda — Milliy geoaxborot tizimi) integratsiya qilinadi;
er balansi va uning hisoboti faqat Milliy geoaxborot tizimida yuritiladi;
Davlat kadastrlari yagona tizimi Milliy geoaxborot tizimida shakllantiriladi;
tegishli davlat kadastrlari maʼlumotlari Milliy geoaxborot tizimiga faqat telekommunikatsiya tarmoqlari orqali toʻgʻridan-toʻgʻri taqdim etib boriladi.
7. Kadastr agentligi:
a) ikki oy muddatda Vazirlar Mahkamasiga:
yer uchastkalariga boʻlgan huquqlarni davlat roʻyxatidan oʻtkazmaslik, yer uchastkalarini oʻzboshimchalik bilan egallab olish hamda davlat kadastrlarini yuritish tartibini buzish bilan bogʻliq maʼmuriy huquqbuzarliklar toʻgʻrisidagi ishlar faqat Kadastr agentligi organlari tomonidan koʻrib chiqilishini nazarda tutuvchi qonun loyihasini;
koʻchmas mulk obyektlarining davlat kadastri sohasida davlat xizmatlari narxlarini qayta koʻrib chiqish, shu jumladan qishloq xoʻjaligiga moʻljallangan yer uchastkalariga boʻlgan huquqlarni davlat roʻyxatidan oʻtkazish uchun undiriladigan yigʻimni kamaytirish boʻyicha hukumat qarori loyihasini kiritsin;
b) 2020-yil 1-noyabrga qadar onlayn geoportalni sinov tariqasida ishga tushirsin;
v) 2020-yil 1-dekabrga qadar barcha qishloq xoʻjaligi xaritalarining onlayn geoportalga kiritilishini hamda uning Milliy geoaxborot tizimiga integratsiya qilinishini taʼminlasin;
g) 2021-yil 1-yanvardan boshlab onlayn geoportalni toʻliq ishga tushirsin.
8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Davlat soliq qoʻmitasi, Qishloq xoʻjaligi vazirligi va Qurilish vazirligi bilan birga yer uchastkalarini ajratish haqidagi qarorlar, auksion va tanlov bayonnomalari hamda yer uchastkalariga boʻlgan huquqlarning vujudga kelishi, oʻzgarishi va bekor boʻlishiga asos boʻlgan boshqa hujjatlarning 2021-yil yakuniga qadar Milliy geoaxborot tizimida toʻliq davlat roʻyxatidan oʻtkazilishini taʼminlasin.
9. Belgilansinki, qishloq xoʻjaligi yerlarining normativ qiymatini aniqlash va qayta baholash, tuproq bonitirovkasi va tuproq xaritalarining korrektirovkasini oʻtkazish, sugʻoriladigan yerlarda tuproq agrokimyoviy tadqiqot ishlarini bajarish va agrokimyoviy kartogrammalar tuzish, tuproq (er) monitoringini oʻtkazish uchun Oʻzbekiston Respublikasining Davlat budjetidan nazarda tutiladigan mablagʻlar 2021-yil 1-yanvardan boshlab Qishloq xoʻjaligi vazirligiga ajratiladi.
Qishloq xoʻjaligi vazirligi ikki oy muddatda tuproq bonitirovkasi ishlarini oʻtkazish, qishloq xoʻjaligi yerlarining normativ qiymatini aniqlash va geobotanikaga oid tadqiqotlarni amalga oshirishga tadbirkorlik subyektlarini jalb qilish boʻyicha Vazirlar Mahkamasiga taklif kiritsin.
11. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.
12. Davlat soliq qoʻmitasi manfaatdor vazirlik va idoralar bilan birgalikda Vazirlar Mahkamasiga:
ikki hafta muddatda Oʻzbekiston Respublikasi Prezidentining “Oʻzbekiston Respublikasi Davlat soliq qoʻmitasi huzuridagi Kadastr agentligi faoliyatini tashkil etish chora-tadbirlari toʻgʻrisida”gi qarori loyihasini;
ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflarni kiritsin.
13. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2020-yil 7-sentabrdagi PF-6061-son Farmoniga 2-ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim hujjatlari
1. Oʻzbekiston Respublikasi Prezidentining 2017-yil 31-maydagi “Yerlarni muhofaza qilish va ulardan oqilona foydalanish borasida nazoratni kuchaytirish, geodeziya va kartografiya faoliyatini takomillashtirish, davlat kadastrlari yuritishni tartibga solish chora-tadbirlari toʻgʻrisida”gi PF-5065-son Farmoni .
2. Oʻzbekiston Respublikasi Prezidentining 2016-yil 3-avgustdagi “Jahon banki ishtirokida “Koʻchmas mulkni roʻyxatdan oʻtkazish va kadastr tizimlarini modernizatsiya qilish” loyihasini amalga oshirish chora-tadbirlari toʻgʻrisida”gi PQ-2571-son qarorining 7-bandi.
3. Oʻzbekiston Respublikasi Prezidentining 2017-yil 31-maydagi “Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi faoliyatini yanada takomillashtirish chora-tadbirlari toʻgʻrisida”gi PQ-3024-son qarorining 1 — 3-bandlari hamda unga 1 — 5-ilovalar .
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 7-sentabr,
PF-6061-son
Президента Республики Узбекистан
Указ
ПЕРЕЧЕНЬ
О мерах по кардинальному совершенствованию системы ведения учета земли и государственных кадастров
Земля является общенациональным богатством, основой жизнедеятельности и благосостояния народа Узбекистана, важнейшим природным ресурсом. Поэтому обеспечение рационального и эффективного использования земель в установленных целях, охрана земель, полноценное ведение Единой системы государственных кадастров, неразрывно связанной с землей, являются важнейшими задачами государства.
Широкомасштабные преобразования в сфере экономики требуют ведения конкретного учета и дальнейшего совершенствования системы рационального использования земли и связанных с ней ресурсов.
В частности, концентрация в одном органе задач по выделению земли, ведению ее учета, размещению сельскохозяйственных культур, осуществлению земельного надзора, а также подготовка кадастровых дел земельных участков, зданий и сооружений (далее — недвижимое имущество) непосредственно регистрирующим органом порождает конфликт интересов в данной сфере.
В целях кардинального совершенствования системы ведения учета земли и государственных кадастров:
1. Передать Министерству сельского хозяйства задачи, функции и полномочия Государственного комитета Республики Узбекистан по земельным ресурсам, геодезии, картографии и государственному кадастру по ведению мониторинга сельскохозяйственных земель и культур, размещению сельскохозяйственных культур, осуществлению государственного надзора за охраной сельскохозяйственных земель, проведению бонитировки почв, определению нормативной стоимости сельскохозяйственных земель, повышению плодородия почвы, проведению исследований в области почвоведения и геоботаники.
Определить, что проведение мониторинга земель несельскохозяйственного назначения в целях своевременного определения изменений их структуры, предупреждения и ликвидации последствий негативных процессов осуществляется в рамках Государственного мониторинга окружающей природной среды в Республике Узбекистан.
2. Образовать на базе Государственного комитета Республики Узбекистан по земельным ресурсам, геодезии, картографии и государственному кадастру Агентство по кадастру при Государственном налоговом комитете Республики Узбекистан (далее — Агентство по кадастру).
3. Определить основными задачами и направлениями деятельности Агентства по кадастру:
а) в сфере государственной регистрации прав на недвижимое имущество:
обеспечение реализации единой государственной политики в сфере государственной регистрации прав на недвижимое имущество;
государственную регистрацию прав на недвижимое имущество;
ведение государственного земельного кадастра, государственного кадастра зданий и сооружений;
осуществление эффективного земельного надзора, направленного на обеспечение государственной регистрации прав на недвижимое имущество и недопущение самовольного захвата земельных участков;
б) в сфере геодезии и картографии:
обеспечение реализации единой государственной политики в сфере геодезии и картографии;
проведение картографического мониторинга с использованием данных и материалов аэрокосмической съемки, топографических, геодезических и картографических изысканий и исследований, а также дистанционного зондирования земли и геодинамических исследований;
ведение государственного картографо-геодезического кадастра;
осуществление государственного геодезического надзора;
в) в сфере ведения государственных кадастров:
обеспечение реализации единой государственной политики в сфере ведения государственных кадастров;
координацию деятельности органов государственного управления и органов государственной власти на местах в сфере ведения государственных кадастров;
ведение Единой системы государственных кадастров, обеспечение эффективного ведения государственного кадастра территорий;
осуществление эффективного кадастрового надзора, направленного на обеспечение соблюдения порядков ведения государственных кадастров;
г) расширение международного сотрудничества в сфере государственной регистрации прав на недвижимое имущество, геодезии, картографии и ведения государственных кадастров;
д) обеспечение переподготовки и повышения квалификации кадров в сфере государственной регистрации прав на недвижимое имущество, геодезии, картографии и ведения государственных кадастров.
Определить, что направления деятельности Агентства по кадастру в части ведения учета земель, активной работы в данной сфере с министерствами и ведомствами, органами государственной власти на местах координируются заместителем Премьер-министра А.Ж. Раматовым, в части его финансовой деятельности — заместителем Премьер-министра Д.А. Кучкаровым.
4. Принять к сведению, что:
возникновение, изменение, отчуждение, ограничение и прекращение права собственности на недвижимое имущество, в том числе права собственности, владения, использования и аренды земельного участка, вступают в силу исключительно после их государственной регистрации;
установлена административная ответственность лиц, виновных в несвоевременном обращении за регистрацией прав на недвижимое имущество;
кадастровое дело подготавливается в целях определения вида, характеристик, объема, стоимости и других показателей недвижимого имущества.
5. Внедрить порядок, в соответствии с которым:
кадастровые дела земельных участков, находящихся в резерве, а также выделяемых новых земельных участков на сельскохозяйственных землях подготавливаются по обращениям районных (Кувасайского городского) отделов сельского хозяйства, на землях несельскохозяйственного назначения — районных (городских) отделов строительства на основе заказов хокимиятов районов (городов), данные расходы покрываются владельцами соответствующих земельных участков при государственной регистрации права на земельный участок;
подготовка кадастровых дел земельных участков и государственная регистрация прав на недвижимое имущество в случае возникновения права на земельные участки, не прошедшего государственную регистрацию до вступления в силу настоящего Указа, осуществляются на основе заявок правообладателей за счет их средств;
подготовка кадастровых дел земельных участков, выделенных государственным органам и организациям, органам хозяйственного управления, в том числе лесным хозяйствам, организациям водного хозяйства, охраняемым природным территориям и социальным учреждениям, а также государственная регистрация прав на недвижимое имущество осуществляются на основе заявок балансодержателей за счет их средств;
подготовка кадастровых дел осуществляется инженерами по кадастру, аттестованными Агентством по кадастру, и организациями системы Агентства по кадастру на договорной основе;
с 1 октября 2020 года решения, протоколы аукционов и тендеров, нотариально удостоверенные сделки и другие документы, предусматривающие возникновение, изменение, отчуждение, ограничение и прекращение прав на земельные участки, вступают в силу после государственной регистрации в Интеграционной информационной системе кадастра и регистрации недвижимости (UZKAD);
ведение государственного земельного кадастра, а также государственного кадастра зданий и сооружений осуществляется на основе данных, собранных путем государственной регистрации прав на недвижимое имущество.
6. Определить, что с 1 января 2021 года:
вся информация о типе, контурах, границах и правообладателях земель вносится в онлайн-геопортал Агентства по кадастру (далее — онлайн-геопортал);
онлайн-геопортал интегрируется с Национальной географической информационной системой Республики Узбекистан (далее — Национальная геоинформационная система);
земельный баланс и его отчетность ведутся исключительно в Национальной геоинформационной системе;
Единая система государственных кадастров формируется в Национальной геоинформационной системе;
соответствующие данные государственных кадастров представляются в Национальную геоинформационную систему исключительно посредством телекоммуникационных сетей напрямую.
7. Агентству по кадастру:
а) в двухмесячный срок внести в Кабинет Министров:
проект закона, предусматривающий рассмотрение дел об административных правонарушениях, связанных с непрохождением государственной регистрации права на земельный участок, самовольным захватом земельных участков, а также нарушением порядка ведения государственных кадастров, исключительно органами Агентства по кадастру;
проект правительственного решения, предусматривающий пересмотр расценок на государственные услуги в сфере государственного кадастра объектов недвижимости, в том числе уменьшение размера сбора, взимаемого за государственную регистрацию прав на земельные участки сельскохозяйственного назначения;
б) до 1 ноября 2020 года запустить онлайн-геопортал в порядке эксперимента;
в) до 1 декабря 2020 года обеспечить внесение всех сельскохозяйственных карт в онлайн-геопортал и его интеграцию с Национальной геоинформационной системой;
г) с 1 января 2021 года осуществить полный запуск онлайн-геопортала.
8. Совету Министров Республики Каракалпакстан, хокимиятам областей и города Ташкента совместно с Государственным налоговым комитетом, Министерством сельского хозяйства и Министерством строительства до конца 2021 года обеспечить полную государственную регистрацию в Национальной геоинформационной системе решений, протоколов аукционов и тендеров о выделении земельных участков, а также других документов, служащих основанием для возникновения, изменения и прекращения прав на земельные участки.
9. Установить, что с 1 января 2021 года средства, предусматриваемые в Государственном бюджете Республики Узбекистан на определение нормативной стоимости, переоценку, проведение бонитировки почвы и корректировки карт почвы сельскохозяйственных земель, а также выполнение работ по агрохимическому исследованию почвы орошаемых земель, составление агрохимических картограмм и проведение мониторинга почвы (земель), выделяются Министерству сельского хозяйства.
Министерству сельского хозяйства в двухмесячный срок внести в Кабинет Министров предложение о привлечении субъектов предпринимательства к выполнению работ по бонитировке почвы, определению нормативной стоимости сельскохозяйственных земель и проведению геоботанических исследований.
11. Признать утратившими силу некоторые акты Президента Республики Узбекистан согласно приложению № 2 .
12. Государственному налоговому комитету совместно с заинтересованными министерствами и ведомствами внести в Кабинет Министров:
в двухнедельный срок проект постановления Президента Республики Узбекистан «О мерах по организации деятельности Агентства по кадастру при Государственном налоговом комитете Республики Узбекистан»;
в двухмесячный срок предложения об изменениях и дополнениях в законодательство, вытекающих из настоящего Указа.
13. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ № 2 к Указу Президента Республики Узбекистан от 7 сентября 2020 года № УП-6061
некоторых актов Президента Республики Узбекистан, признаваемых утратившими силу
1. Указ Президента Республики Узбекистан от 31 мая 2017 года № УП-5065 «О мерах по усилению контроля за охраной и рациональным использованием земель, совершенствованию геодезической и картографической деятельности, упорядочению ведения государственных кадастров».
2. Пункт 7 постановления Президента Республики Узбекистан от 3 августа 2016 года № ПП-2571 «О мерах по реализации проекта «Модернизация систем регистрации недвижимого имущества и кадастра» с участием Всемирного банка».
3. Пункты 1 — 3 постановления Президента Республики Узбекистан от 31 мая 2017 года № ПП-3024 «О мерах по дальнейшему совершенствованию деятельности Государственного комитета Республики Узбекистан по земельным ресурсам, геодезии, картографии и государственному кадастру», а также приложения №№ 1 — 5 к нему.
Президент Республики Узбекистан Ш. МИРЗИЁЕВ
г. Ташкент,
7 сентября 2020 г.,
№ УП-6061