📅 2020-yil 8-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 8 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 сентября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 8 September 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Меҳр-саховат» кўкрак нишони билан тақдирланадиганлар рўйхатини тасдиқлаш тўғрисида
Ўзбекистон Республикаси Президентининг « Меҳр-саховат» кўкрак нишонини таъсис этиш тўғрисида » 2020 йил 26 майдаги ПФ-5999-сон ҳамда «Меҳр-саховат» кўкрак нишони билан мукофотлаш тўғрисида» 2020 йил 26 августдаги ПФ-6046-сон фармонлари ижросини таъминлаш мақсадида Вазирлар Маҳкамаси қарор қилади:
1. «Меҳр-саховат» кўкрак нишони билан тақдирланадиган соғлиқни сақлаш соҳасининг жонкуяр вакиллари, саховатли тадбиркорлар, давлат ташкилотлари ва жамоат бирлашмаларининг фидойи ходимлари ҳамда бошқа ташаббускор ва фаол фуқаролар рўйхати 1-иловага * мувофиқ тасдиқлансин.
2. Вазирликлар, идоралар, хўжалик бирлашмалари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари «Меҳр-саховат» кўкрак нишонлари ўз эгаларига жойларда тантанали вазиятда топширилишини ташкил этсин.
3. «Фонон» давлат илмий-ишлаб чиқариш корхонаси томонидан тасдиқланган намуналар асосида жами 26 минг дона «Меҳр-саховат» кўкрак нишони, уларнинг гувоҳномалари ва ғилофлари тайёрланганлиги маълумот учун қабул қилинсин.
4. «Меҳр-саховат» кўкрак нишонлари, уларнинг гувоҳномалари ва ғилофларини тайёрлаш билан боғлиқ сарф-харажатлар сметаси 2-иловага * мувофиқ тасдиқлансин.
5. Ўзбекистон Республикаси Молия вазирлиги бир кун муддатда «Давлат белгиси» ДУКга Вазирлар Маҳкамасининг захира жамғармаси ҳисобидан зарур маблағларни ажратсин.
6. Ўзбекистон Миллий телерадиокомпанияси, Ўзбекистон Миллий ахборот агентлиги, «Дунё» ахборот агентлиги ва бошқа оммавий ахборот воситаларига «Меҳр-саховат» кўкрак нишонларини тантанали топшириш маросимларини кенг ёритиш тавсия этилсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 8 сентябрь,
543-сон
Oʻzbekiston Respublikasi Vazirlar Mahkamasining
qarori
“Mehr-saxovat” koʻkrak nishoni bilan taqdirlanadiganlar roʻyxatini tasdiqlash toʻgʻrisida
Oʻzbekiston Respublikasi Prezidentining “ Mehr-saxovat” koʻkrak nishonini taʼsis etish toʻgʻrisida ” 2020-yil 26-maydagi PF-5999-son hamda “Mehr-saxovat” koʻkrak nishoni bilan mukofotlash toʻgʻrisida” 2020-yil 26-avgustdagi PF-6046-son farmonlari ijrosini taʼminlash maqsadida Vazirlar Mahkamasi qaror qiladi:
1. “Mehr-saxovat” koʻkrak nishoni bilan taqdirlanadigan sogʻliqni saqlash sohasining jonkuyar vakillari, saxovatli tadbirkorlar, davlat tashkilotlari va jamoat birlashmalarining fidoyi xodimlari hamda boshqa tashabbuskor va faol fuqarolar roʻyxati 1-ilovaga * muvofiq tasdiqlansin.
2. Vazirliklar, idoralar, xoʻjalik birlashmalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari “Mehr-saxovat” koʻkrak nishonlari oʻz egalariga joylarda tantanali vaziyatda topshirilishini tashkil etsin.
3. “Fonon” davlat ilmiy-ishlab chiqarish korxonasi tomonidan tasdiqlangan namunalar asosida jami 26 ming dona “Mehr-saxovat” koʻkrak nishoni, ularning guvohnomalari va gʻiloflari tayyorlanganligi maʼlumot uchun qabul qilinsin.
4. “Mehr-saxovat” koʻkrak nishonlari, ularning guvohnomalari va gʻiloflarini tayyorlash bilan bogʻliq sarf-xarajatlar smetasi 2-ilovaga * muvofiq tasdiqlansin.
5. Oʻzbekiston Respublikasi Moliya vazirligi bir kun muddatda “Davlat belgisi” DUKga Vazirlar Mahkamasining zaxira jamgʻarmasi hisobidan zarur mablagʻlarni ajratsin.
6. Oʻzbekiston Milliy teleradiokompaniyasi, Oʻzbekiston Milliy axborot agentligi, “Dunyo” axborot agentligi va boshqa ommaviy axborot vositalariga “Mehr-saxovat” koʻkrak nishonlarini tantanali topshirish marosimlarini keng yoritish tavsiya etilsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 8-sentabr,
543-son