📅 2020-yil 9-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 9 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 9 сентября 2020 г. · Постановления Президента
Официальный текст. Официальный документ. Редакционные примечания не включены.
📅 9 September 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Республика озиқ-овқат саноатини жадал ривожлантириш ҳамда аҳолини сифатли озиқ-овқат маҳсулотлари билан тўлақонли таъминлашга доир чора-тадбирлар тўғрисида
Мамлакатимизда сўнгги йилларда кўрилган чоралар натижасида қишлоқ хўжалиги маҳсулотларининг экспорти 2017 йилга нисбатан 2019 йилда 2 бараварга кўпайишига, йилига 10 миллион тоннадан ортиқ сабзавот, 17 миллион тоннадан ортиқ бошқа деҳқончилик маҳсулотлари ва 2,5 миллион тонна гўшт етиштиришга эришилди.
Шу билан бирга, етиштирилаётган қишлоқ хўжалиги маҳсулотларининг халқаро стандартлар ва хавфсизлик талабларига тўлиқ жавоб бермаслиги, озиқ-овқат ишлаб чиқарувчилар ва экспортёрлар орасида ўзаро муносабатлар тўғри йўлга қўйилмаганлиги мамлакатнинг экспорт салоҳиятини ошириш ва янги бозорларни очишда тўсқинлик қилмоқда.
Мева-сабзавот, гўшт, сут ва бошқа қишлоқ хўжалиги озиқ-овқат маҳсулотларини халқаро сифат стандартлари асосида қайта ишлаш ҳажмларини ошириш, ички ҳамда ташқи бозорларда рақобатбардош бўлган маҳаллий озиқ-овқат маҳсулотлари турларини ишлаб чиқаришни давлат томонидан қўллаб-қувватлаш тизимини жорий этиш ҳамда аҳолини сифатли ва хавфсиз озиқ-овқат маҳсулотлари билан таъминлашни янада яхшилаш мақсадида:
1. Қишлоқ хўжалиги вазирлигига қуйидаги қўшимча вазифалар юклатилсин:
мева-сабзавот, гўшт, сут ва бошқа қишлоқ хўжалиги озиқ-овқат маҳсулотларини етиштирувчи (ишлаб чиқарувчи) корхоналар билан ушбу маҳсулотларни қайта ишловчи, тайёрловчи ва реализация қилувчи корхоналар ўртасида ўзаро манфаатли муносабатлар учун шароитлар яратиш;
маҳаллий озиқ-овқат маҳсулотларининг рақобатбардошлигини ошириш ва уларни диверсификация қилиш, ҳудудларнинг мавжуд табиий ва иқтисодий ресурсларидан унумли фойдаланиш асосида озиқ-овқат саноатини ривожлантиришнинг стратегия ва моделларини ишлаб чиқиш;
мева-сабзавот, гўшт, сут ва бошқа қишлоқ хўжалиги озиқ-овқат маҳсулотларини қайта ишловчи тадбиркорлик субъектларини қўллаб-қувватлашнинг молиявий ва номолиявий чоралари — янги воситалар ва ахборот тизимларини яратиш, юқори самара берувчи йўналишларда лойиҳаларни амалга ошириш;
озиқ-овқат саноатининг ривожланишига хусусий ва тўғридан-тўғри чет инвестициялар оқимининг таъсирини таҳлил қилиш, прогнозлаш ва бу борада тегишли таклифларни ишлаб чиқиш;
замонавий савдо ва логистика марказларини ташкил этиш, маҳаллий озиқ-овқат маҳсулотларини жаҳон бозорларида илгари суриш, уларнинг рақобатбардошлигини ошириш, экспорт салоҳиятини кенгайтириш ҳамда импорт ҳажмини камайтириш чораларини кўриш.
2. Мазкур қарорга асосан юклатилаётган қўшимча вазифаларни самарали амалга ошириш учун Қишлоқ хўжалиги вазирлиги марказий аппарати тузилмасида:
Қишлоқ хўжалиги маҳсулотларини қайта ишлаш ва инфратузилмани ривожлантириш бошқармаси негизида бошқарув ходимларининг чекланган сони 12 та штат бирлигидан иборат Озиқ-овқат саноатини ривожлантириш бош бошқармаси ташкил этилсин;
вазир ўринбосари — Озиқ-овқат саноатини ривожлантириш бош бошқармаси бошлиғи лавозими жорий қилинсин.
Бунда, Озиқ-овқат саноатини ривожлантириш бош бошқармасининг 8 та штат бирлиги қўшимча штат бирликларини киритиш ҳисобига шакллантирилади.
3. Қишлоқ хўжалиги вазирлиги, Молия вазирлиги, Иқтисодий тараққиёт ва камбағалликни қисқартириш вазирлигининг Алкоголь ва тамаки бозорини тартибга солиш ҳамда виночиликни ривожлантириш агентлигининг Виночиликни ривожлантириш жамғармаси ҳисобидан 20 млрд сўм миқдоридаги маблағларни Қишлоқ хўжалиги вазирлигининг Қишлоқ хўжалигини ривожлантириш ва озиқ-овқат таъминоти жамғармаси (кейинги ўринларда — Жамғарма)га ўтказиб бериш тўғрисидаги таклифи маъқуллансин.
4. Қуйидагилар Жамғарма маблағларини сарфлашнинг қўшимча йўналишлари этиб белгилансин:
озиқ-овқат маҳсулотларини ишлаб чиқариш бўйича янги ташкил этилаётган истиқболли лойиҳаларнинг техник-иқтисодий асосланишини тайёрлаш билан боғлиқ харажатларнинг 50 фоизини, лекин ҳар бир лойиҳа учун 100 млн сўмдан кўп бўлмаган миқдорда қоплаш;
озиқ-овқат маҳсулотларини ишлаб чиқариш бўйича янги ташкил этилаётган истиқболли лойиҳаларнинг инфратузилмасини таъминлаш билан боғлиқ харажатларнинг 50 фоизини, лекин ҳар бир лойиҳа учун 100 млн сўмдан кўп бўлмаган миқдорда қоплаш;
озиқ-овқат маҳсулотларини етиштириш ва уларни чуқур қайта ишлаш соҳасига хорижий экспертларни жалб қилиш билан боғлиқ харажатларнинг 50 фоизини, лекин ҳар бир лойиҳа учун 50 млн сўмдан кўп бўлмаган миқдорда қоплаш.
Қишлоқ хўжалиги вазирлиги Молия вазирлиги, Иқтисодий тараққиёт ва камбағалликни қисқартириш вазирлиги билан биргаликда бир ой муддатда мазкур бандда назарда тутилган қўллаб-қувватлаш чораларини тақдим этиш тартиби бўйича таклифларни Вазирлар Маҳкамасига киритсин.
5. Иқтисодий тараққиёт ва камбағалликни қисқартириш вазирлиги, Молия вазирлиги, Давлат активларини бошқариш агентлиги ва «Ўзбекозиқовқатхолдинг» ХКнинг:
«Ўзбекозиқовқатхолдинг» ХКни тугатиш;
«Ўзбекозиқовқатхолдинг» ХК Озиқ-овқат саноати корхоналарини ривожлантириш, реконструкция қилиш ва модернизациялаш жамғармасининг тугатиш якунларига кўра қолдиқ маблағларини Жамғармага ўтказиш тўғрисидаги таклифларига розилик берилсин.
7. Молия вазирлиги сут маҳсулотларини қайта ишлаш қувватларини ташкил этиш учун Ҳукумат кафолати остида жалб этилган халқаро молия институтлари ва хорижий банклар олдидаги тугатилаётган «Ўзбекозиқовқатхолдинг» ХКнинг қарз маблағларини график бўйича тўлаб борилишини таъминласин.
8. Инвестициялар ва ташқи савдо вазирлиги, Қишлоқ хўжалиги вазирлиги тижорат банклари билан биргаликда:
озиқ-овқат маҳсулотларини етиштириш, қайта ишлаш ва экспорт қилиш тизимини молиявий қўллаб-қувватлаш учун халқаро молия институтлари маблағларининг кенг жалб қилинишини;
халқаро молия институтларининг жалб қилинган маблағлари Қорақалпоғистон Республикаси ва вилоятлар кесимида маҳсулот етиштирувчилар, қайта ишловчи ва экспорт қилувчи ташкилотларга манзилли етиб боришини таъминласин.
9. Иқтисодий тараққиёт ва камбағалликни қисқартириш вазирлиги, Олий ва ўрта махсус таълим вазирлиги Қишлоқ хўжалиги вазирлиги ҳамда бошқа манфаатдор вазирлик ва идораларнинг кадрларга бўлган эҳтиёжлари асосида 2021/2022 ўқув йилидан бошлаб республика олий таълим муассасаларининг «5321000-Озиқ-овқат технологияси (маҳсулотлар турлари бўйича)» ҳамда «5410500-Қишлоқ хўжалик маҳсулотларини сақлаш ва дастлабки ишлаш технологияси (маҳсулотлар турлари бўйича)» таълим йўналишлари бўйича бакалавриатнинг кундузги ва сиртқи таълим шаклларига ўқишга қабул қилишнинг давлат буюртмаси параметрларини босқичма-босқич ошириб бориш чораларини кўрсин.
Қишлоқ хўжалиги вазирлиги:
бир ой муддатда тегишли таълим йўналишлари (мутахассисликлар)да соҳа бўйича таҳсил олаётган талабаларнинг амалиётларини ўташ объектлари — иш берувчи ташкилотлар тўғрисидаги маълумотлар базасини шакллантирсин;
Олий ва ўрта махсус таълим вазирлиги билан биргаликда 2020 йил 1 декабрга қадар озиқ-овқат технологиялари соҳасида замонавий техника ва технологияларни жорий этган етакчи корхона, ташкилотлар ва муассасалар билан талабаларнинг амалиётларини ўташ юзасидан ўзаро ҳамкорлик ўрнатиш тўғрисида тегишли чора-тадбирларни амалга оширсин.
10. Ушбу қарорда белгиланган чора-тадбирларнинг самарали ва ўз вақтида амалга оширилишини таъминлаш мақсадида:
а) Бош вазир ўринбосари Ў. Барноев:
бир ҳафта муддатда қишлоқ хўжалиги вазири ўринбосари — Озиқ-овқат саноатини ривожлантириш бош бошқармаси бошлиғи лавозимига юкланган вазифаларни профессионал даражада бажаришга қодир бўлган, зарур назарий билим ва амалий кўникмаларга эга юқори малакали номзод бўйича Ўзбекистон Республикаси Президенти Администрациясига таклиф киритсин;
бир ой муддатда ҳудудларнинг мавжуд табиий ва иқтисодий ресурсларини ҳисобга олган ҳолда қишлоқ хўжалиги маҳсулотларини етиштириш ва уларни қайта ишлаш бўйича туманларнинг диверсификацияланишини таъминласин;
б) Қишлоқ хўжалиги вазирлиги (Ходжаев):
бир ой муддатда Озиқ-овқат саноатини ривожлантириш бош бошқармаси фаолиятини йўлга қўйиш бўйича Ҳукумат қарори лойиҳасини Вазирлар Маҳкамасига киритсин;
бир ой муддатда Озиқ-овқат саноатини ривожлантириш бош бошқармасини танлов асосида зарур назарий билим ва амалий кўникмаларга эга замонавий менежмент ва маркетинг усулларини эгаллаган юқори малакали кадрлар билан тўлдирсин;
икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин;
Иқтисодий тараққиёт ва камбағалликни қисқартириш вазирлиги (Норқулов) ҳамда Давлат божхона қўмитаси (Азимов) билан биргаликда уч ой муддатда озиқ-овқат саноатида импорт қилинаётган товарлар тури, таснифи, миқдори, нархи ҳамда ушбу маҳсулотларни ишлаб чиқараётган маҳаллий корхоналар бўйича доимий янгиланиб борадиган маълумотлар базасини яратсин ва уни ўзининг расмий веб-сайтида жойлаштирсин;
в) Қишлоқ хўжалиги вазирлиги (Ходжаев) Иқтисодий тараққиёт ва камбағалликни қисқартириш вазирлиги (Норқулов) ҳамда Молия вазирлиги (Ишметов) билан биргаликда:
уч ой муддатда илғор хорижий тажрибани ўрганган ҳолда қишлоқ хўжалиги озиқ-овқат маҳсулотларини ишлаб чиқариш, қайта ишлаш ва реализация қилиш, савдо-логистика ҳамда сақлаш марказларини ташкил этишни қўллаб-қувватлаш механизмларини янада такомиллаштириш бўйича таклифларни ишлаб чиқсин ва Вазирлар Маҳкамасига киритсин;
2021 йил 1 январга қадар республикада қишлоқ хўжалиги озиқ-овқат маҳсулотларига мавжуд ички талабни ҳисобга олган ҳолда 2021 — 2023 йилларга мўлжалланган саноатбоп қишлоқ хўжалиги маҳсулотлари етиштиришни кенгайтириш дастурини ишлаб чиқсин ва тасдиқласин;
2021 йил 1 мартга қадар мева-сабзавот, гўшт, сут ва бошқа қишлоқ хўжалиги озиқ-овқат маҳсулотларини қайта ишлашни жадал ривожлантириш дастури ишлаб чиқилиши ва тасдиқланишини таъминласин;
г) Бош вазир ўринбосари С. Умурзоқов қишлоқ хўжалиги маҳсулотларини қайта ишлаш ва уларнинг экспорт ҳажмларини ошириш мақсадида халқаро молия институтлари маблағларини жалб қилиш чораларини кўрсин;
д) Қорақалпоғистон Республикаси Вазирлар Кенгаши, вилоятлар ва туман (шаҳар) ҳокимликлари бир ой муддатда ҳудудларнинг мавжуд табиий ва иқтисодий ресурсларини ҳисобга олган холда озиқ-овқат маҳсулотларини етиштириш ва уларни қайта ишлаш бўйича инвестициявий лойиҳалар ташаббускорларини аниқласин ва лойиҳаларни ишга тушириш учун доимий амалий ёрдам кўрсатиб борсин;
е) Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги (Ходжаев) Ўзбекистон Миллий ахборот агентлиги, Миллий телерадиокомпанияси ва «Дунё» ахборот агентлиги билан биргаликда оммавий ахборот воситаларида тадбиркорлик субъектларини жалб қилган ҳолда қарорда белгиланган тадбирларни аҳоли орасида кенг ёритиш чораларини кўрсин.
12. Ўзбекистон Республикаси Президентининг 2016 йил 18 февралдаги «Республика озиқ-овқат саноатини бошқаришни ташкил этишни янада такомиллаштириш чора-тадбирлари тўғрисида»ги ПҚ-2492-сон қарори ўз кучини йўқотган деб ҳисоблансин.
13. Ушбу қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 9 сентябрь,
ПҚ-4821-сон
Oʻzbekiston Respublikasi Prezidentining
Qarori
Respublika oziq-ovqat sanoatini jadal rivojlantirish hamda aholini sifatli oziq-ovqat mahsulotlari bilan toʻlaqonli taʼminlashga doir chora-tadbirlar toʻgʻrisida
Mamlakatimizda soʻnggi yillarda koʻrilgan choralar natijasida qishloq xoʻjaligi mahsulotlarining eksporti 2017-yilga nisbatan 2019-yilda 2 baravarga koʻpayishiga, yiliga 10 million tonnadan ortiq sabzavot, 17 million tonnadan ortiq boshqa dehqonchilik mahsulotlari va 2,5 million tonna goʻsht yetishtirishga erishildi.
Shu bilan birga, yetishtirilayotgan qishloq xoʻjaligi mahsulotlarining xalqaro standartlar va xavfsizlik talablariga toʻliq javob bermasligi, oziq-ovqat ishlab chiqaruvchilar va eksportyorlar orasida oʻzaro munosabatlar toʻgʻri yoʻlga qoʻyilmaganligi mamlakatning eksport salohiyatini oshirish va yangi bozorlarni ochishda toʻsqinlik qilmoqda.
Meva-sabzavot, goʻsht, sut va boshqa qishloq xoʻjaligi oziq-ovqat mahsulotlarini xalqaro sifat standartlari asosida qayta ishlash hajmlarini oshirish, ichki hamda tashqi bozorlarda raqobatbardosh boʻlgan mahalliy oziq-ovqat mahsulotlari turlarini ishlab chiqarishni davlat tomonidan qoʻllab-quvvatlash tizimini joriy etish hamda aholini sifatli va xavfsiz oziq-ovqat mahsulotlari bilan taʼminlashni yanada yaxshilash maqsadida:
1. Qishloq xoʻjaligi vazirligiga quyidagi qoʻshimcha vazifalar yuklatilsin:
meva-sabzavot, goʻsht, sut va boshqa qishloq xoʻjaligi oziq-ovqat mahsulotlarini yetishtiruvchi (ishlab chiqaruvchi) korxonalar bilan ushbu mahsulotlarni qayta ishlovchi, tayyorlovchi va realizatsiya qiluvchi korxonalar oʻrtasida oʻzaro manfaatli munosabatlar uchun sharoitlar yaratish;
mahalliy oziq-ovqat mahsulotlarining raqobatbardoshligini oshirish va ularni diversifikatsiya qilish, hududlarning mavjud tabiiy va iqtisodiy resurslaridan unumli foydalanish asosida oziq-ovqat sanoatini rivojlantirishning strategiya va modellarini ishlab chiqish;
meva-sabzavot, goʻsht, sut va boshqa qishloq xoʻjaligi oziq-ovqat mahsulotlarini qayta ishlovchi tadbirkorlik subyektlarini qoʻllab-quvvatlashning moliyaviy va nomoliyaviy choralari — yangi vositalar va axborot tizimlarini yaratish, yuqori samara beruvchi yoʻnalishlarda loyihalarni amalga oshirish;
oziq-ovqat sanoatining rivojlanishiga xususiy va toʻgʻridan-toʻgʻri chet investitsiyalar oqimining taʼsirini tahlil qilish, prognozlash va bu borada tegishli takliflarni ishlab chiqish;
zamonaviy savdo va logistika markazlarini tashkil etish, mahalliy oziq-ovqat mahsulotlarini jahon bozorlarida ilgari surish, ularning raqobatbardoshligini oshirish, eksport salohiyatini kengaytirish hamda import hajmini kamaytirish choralarini koʻrish.
2. Mazkur qarorga asosan yuklatilayotgan qoʻshimcha vazifalarni samarali amalga oshirish uchun Qishloq xoʻjaligi vazirligi markaziy apparati tuzilmasida:
Qishloq xoʻjaligi mahsulotlarini qayta ishlash va infratuzilmani rivojlantirish boshqarmasi negizida boshqaruv xodimlarining cheklangan soni 12 ta shtat birligidan iborat Oziq-ovqat sanoatini rivojlantirish bosh boshqarmasi tashkil etilsin;
vazir oʻrinbosari — Oziq-ovqat sanoatini rivojlantirish bosh boshqarmasi boshligʻi lavozimi joriy qilinsin.
Bunda, Oziq-ovqat sanoatini rivojlantirish bosh boshqarmasining 8 ta shtat birligi qoʻshimcha shtat birliklarini kiritish hisobiga shakllantiriladi.
3. Qishloq xoʻjaligi vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligining Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish jamgʻarmasi hisobidan 20 mlrd soʻm miqdoridagi mablagʻlarni Qishloq xoʻjaligi vazirligining Qishloq xoʻjaligini rivojlantirish va oziq-ovqat taʼminoti jamgʻarmasi (keyingi oʻrinlarda — Jamgʻarma)ga oʻtkazib berish toʻgʻrisidagi taklifi maʼqullansin.
4. Quyidagilar Jamgʻarma mablagʻlarini sarflashning qoʻshimcha yoʻnalishlari etib belgilansin:
oziq-ovqat mahsulotlarini ishlab chiqarish boʻyicha yangi tashkil etilayotgan istiqbolli loyihalarning texnik-iqtisodiy asoslanishini tayyorlash bilan bogʻliq xarajatlarning 50 foizini, lekin har bir loyiha uchun 100 mln soʻmdan koʻp boʻlmagan miqdorda qoplash;
oziq-ovqat mahsulotlarini ishlab chiqarish boʻyicha yangi tashkil etilayotgan istiqbolli loyihalarning infratuzilmasini taʼminlash bilan bogʻliq xarajatlarning 50 foizini, lekin har bir loyiha uchun 100 mln soʻmdan koʻp boʻlmagan miqdorda qoplash;
oziq-ovqat mahsulotlarini yetishtirish va ularni chuqur qayta ishlash sohasiga xorijiy ekspertlarni jalb qilish bilan bogʻliq xarajatlarning 50 foizini, lekin har bir loyiha uchun 50 mln soʻmdan koʻp boʻlmagan miqdorda qoplash.
Qishloq xoʻjaligi vazirligi Moliya vazirligi, Iqtisodiy taraqqiyot va kambagʻallikni qisqartirish vazirligi bilan birgalikda bir oy muddatda mazkur bandda nazarda tutilgan qoʻllab-quvvatlash choralarini taqdim etish tartibi boʻyicha takliflarni Vazirlar Mahkamasiga kiritsin.
5. Iqtisodiy taraqqiyot va kambagʻallikni qisqartirish vazirligi, Moliya vazirligi, Davlat aktivlarini boshqarish agentligi va “Oʻzbekoziqovqatxolding” XKning:
“Oʻzbekoziqovqatxolding” XKni tugatish;
“Oʻzbekoziqovqatxolding” XK Oziq-ovqat sanoati korxonalarini rivojlantirish, rekonstruksiya qilish va modernizatsiyalash jamgʻarmasining tugatish yakunlariga koʻra qoldiq mablagʻlarini Jamgʻarmaga oʻtkazish toʻgʻrisidagi takliflariga rozilik berilsin.
7. Moliya vazirligi sut mahsulotlarini qayta ishlash quvvatlarini tashkil etish uchun Hukumat kafolati ostida jalb etilgan xalqaro moliya institutlari va xorijiy banklar oldidagi tugatilayotgan “Oʻzbekoziqovqatxolding” XKning qarz mablagʻlarini grafik boʻyicha toʻlab borilishini taʼminlasin.
8. Investitsiyalar va tashqi savdo vazirligi, Qishloq xoʻjaligi vazirligi tijorat banklari bilan birgalikda:
oziq-ovqat mahsulotlarini yetishtirish, qayta ishlash va eksport qilish tizimini moliyaviy qoʻllab-quvvatlash uchun xalqaro moliya institutlari mablagʻlarining keng jalb qilinishini;
xalqaro moliya institutlarining jalb qilingan mablagʻlari Qoraqalpogʻiston Respublikasi va viloyatlar kesimida mahsulot yetishtiruvchilar, qayta ishlovchi va eksport qiluvchi tashkilotlarga manzilli yetib borishini taʼminlasin.
9. Iqtisodiy taraqqiyot va kambagʻallikni qisqartirish vazirligi, Oliy va oʻrta maxsus taʼlim vazirligi Qishloq xoʻjaligi vazirligi hamda boshqa manfaatdor vazirlik va idoralarning kadrlarga boʻlgan ehtiyojlari asosida 2021/2022 oʻquv yilidan boshlab respublika oliy taʼlim muassasalarining “5321000-Oziq-ovqat texnologiyasi (mahsulotlar turlari boʻyicha)” hamda “5410500-Qishloq xoʻjalik mahsulotlarini saqlash va dastlabki ishlash texnologiyasi (mahsulotlar turlari boʻyicha)” taʼlim yoʻnalishlari boʻyicha bakalavriatning kunduzgi va sirtqi taʼlim shakllariga oʻqishga qabul qilishning davlat buyurtmasi parametrlarini bosqichma-bosqich oshirib borish choralarini koʻrsin.
Qishloq xoʻjaligi vazirligi:
bir oy muddatda tegishli taʼlim yoʻnalishlari (mutaxassisliklar)da soha boʻyicha tahsil olayotgan talabalarning amaliyotlarini oʻtash obyektlari — ish beruvchi tashkilotlar toʻgʻrisidagi maʼlumotlar bazasini shakllantirsin;
Oliy va oʻrta maxsus taʼlim vazirligi bilan birgalikda 2020-yil 1-dekabrga qadar oziq-ovqat texnologiyalari sohasida zamonaviy texnika va texnologiyalarni joriy etgan yetakchi korxona, tashkilotlar va muassasalar bilan talabalarning amaliyotlarini oʻtash yuzasidan oʻzaro hamkorlik oʻrnatish toʻgʻrisida tegishli chora-tadbirlarni amalga oshirsin.
10. Ushbu qarorda belgilangan chora-tadbirlarning samarali va oʻz vaqtida amalga oshirilishini taʼminlash maqsadida:
a) Bosh vazir oʻrinbosari Oʻ. Barnoyev:
bir hafta muddatda qishloq xoʻjaligi vaziri oʻrinbosari — Oziq-ovqat sanoatini rivojlantirish bosh boshqarmasi boshligʻi lavozimiga yuklangan vazifalarni professional darajada bajarishga qodir boʻlgan, zarur nazariy bilim va amaliy koʻnikmalarga ega yuqori malakali nomzod boʻyicha Oʻzbekiston Respublikasi Prezidenti Administratsiyasiga taklif kiritsin;
bir oy muddatda hududlarning mavjud tabiiy va iqtisodiy resurslarini hisobga olgan holda qishloq xoʻjaligi mahsulotlarini yetishtirish va ularni qayta ishlash boʻyicha tumanlarning diversifikatsiyalanishini taʼminlasin;
b) Qishloq xoʻjaligi vazirligi (Xodjayev):
bir oy muddatda Oziq-ovqat sanoatini rivojlantirish bosh boshqarmasi faoliyatini yoʻlga qoʻyish boʻyicha Hukumat qarori loyihasini Vazirlar Mahkamasiga kiritsin;
bir oy muddatda Oziq-ovqat sanoatini rivojlantirish bosh boshqarmasini tanlov asosida zarur nazariy bilim va amaliy koʻnikmalarga ega zamonaviy menejment va marketing usullarini egallagan yuqori malakali kadrlar bilan toʻldirsin;
ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin;
Iqtisodiy taraqqiyot va kambagʻallikni qisqartirish vazirligi (Norqulov) hamda Davlat bojxona qoʻmitasi (Azimov) bilan birgalikda uch oy muddatda oziq-ovqat sanoatida import qilinayotgan tovarlar turi, tasnifi, miqdori, narxi hamda ushbu mahsulotlarni ishlab chiqarayotgan mahalliy korxonalar boʻyicha doimiy yangilanib boradigan maʼlumotlar bazasini yaratsin va uni oʻzining rasmiy veb-saytida joylashtirsin;
v) Qishloq xoʻjaligi vazirligi (Xodjayev) Iqtisodiy taraqqiyot va kambagʻallikni qisqartirish vazirligi (Norqulov) hamda Moliya vazirligi (Ishmetov) bilan birgalikda:
uch oy muddatda ilgʻor xorijiy tajribani oʻrgangan holda qishloq xoʻjaligi oziq-ovqat mahsulotlarini ishlab chiqarish, qayta ishlash va realizatsiya qilish, savdo-logistika hamda saqlash markazlarini tashkil etishni qoʻllab-quvvatlash mexanizmlarini yanada takomillashtirish boʻyicha takliflarni ishlab chiqsin va Vazirlar Mahkamasiga kiritsin;
2021-yil 1-yanvarga qadar respublikada qishloq xoʻjaligi oziq-ovqat mahsulotlariga mavjud ichki talabni hisobga olgan holda 2021 — 2023-yillarga moʻljallangan sanoatbop qishloq xoʻjaligi mahsulotlari yetishtirishni kengaytirish dasturini ishlab chiqsin va tasdiqlasin;
2021-yil 1-martga qadar meva-sabzavot, goʻsht, sut va boshqa qishloq xoʻjaligi oziq-ovqat mahsulotlarini qayta ishlashni jadal rivojlantirish dasturi ishlab chiqilishi va tasdiqlanishini taʼminlasin;
g) Bosh vazir oʻrinbosari S. Umurzoqov qishloq xoʻjaligi mahsulotlarini qayta ishlash va ularning eksport hajmlarini oshirish maqsadida xalqaro moliya institutlari mablagʻlarini jalb qilish choralarini koʻrsin;
d) Qoraqalpogʻiston Respublikasi Vazirlar Kengashi, viloyatlar va tuman (shahar) hokimliklari bir oy muddatda hududlarning mavjud tabiiy va iqtisodiy resurslarini hisobga olgan xolda oziq-ovqat mahsulotlarini yetishtirish va ularni qayta ishlash boʻyicha investitsiyaviy loyihalar tashabbuskorlarini aniqlasin va loyihalarni ishga tushirish uchun doimiy amaliy yordam koʻrsatib borsin;
e) Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi (Xodjayev) Oʻzbekiston Milliy axborot agentligi, Milliy teleradiokompaniyasi va “Dunyo” axborot agentligi bilan birgalikda ommaviy axborot vositalarida tadbirkorlik subyektlarini jalb qilgan holda qarorda belgilangan tadbirlarni aholi orasida keng yoritish choralarini koʻrsin.
12. Oʻzbekiston Respublikasi Prezidentining 2016-yil 18-fevraldagi “Respublika oziq-ovqat sanoatini boshqarishni tashkil etishni yanada takomillashtirish chora-tadbirlari toʻgʻrisida”gi PQ-2492-son qarori oʻz kuchini yoʻqotgan deb hisoblansin.
13. Ushbu qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 9-sentabr,
PQ-4821-son
Президента Республики Узбекистан
Постановление
О мерах по ускоренному развитию пищевой промышленности республики и полноценному обеспечению населения качественной продовольственной продукцией
В результате принятых за последние годы мер в стране достигнуто увеличение экспорта сельскохозяйственной продукции в 2019 году в два раза по сравнению с 2017 годом, производство свыше 10 миллионов тонн овощной, более 17 миллионов тонн другой земледельческой и 2,5 миллиона тонн мясной продукции в год.
Вместе с тем несоответствие в полной мере производимой сельскохозяйственной продукции международным стандартам и требованиям безопасности, неправильно организованные взаимоотношения между производителями пищевой продукции и экспортерами препятствуют росту экспортного потенциала страны и продвижению на новые рынки.
В целях увеличения объемов переработки плодоовощной, мясной, молочной и другой сельскохозяйственной продовольственной продукции на основе международных стандартов качества, внедрения системы государственной поддержки производства конкурентоспособных на внутреннем и внешнем рынках видов отечественной продовольственной продукции, а также дальнейшего улучшения обеспечения населения качественной и безопасной продовольственной продукцией:
1. Возложить на Министерство сельского хозяйства следующие дополнительные задачи:
создание условий для взаимовыгодных отношений между предприятиями, выращивающими (производящими) плодоовощную, мясную, молочную и другую сельскохозяйственную продовольственную продукцию, и предприятиями по переработке, заготовке и реализации данной продукции;
повышение конкурентоспособности и диверсификацию отечественной продовольственной продукции, разработку стратегии и моделей развития пищевой промышленности на основе эффективного использования имеющихся природных и экономических ресурсов регионов;
создание новых инструментов и информационных систем — финансовых и нефинансовых мер поддержки субъектов предпринимательства, занимающихся переработкой плодоовощной, мясной, молочной и другой сельскохозяйственной продовольственной продукции, реализацию проектов в высокоэффективных направлениях;
анализ и прогнозирование влияния притока частных и иностранных прямых инвестиций на развитие пищевой промышленности, разработку соответствующих предложений в данном направлении;
принятие мер по созданию современных торговых и логистических центров, продвижению отечественной продовольственной продукции на мировых рынках, повышению ее конкурентоспособности, расширению экспортного потенциала и сокращению объема импорта.
2. В целях эффективной реализации дополнительных задач, возлагаемых настоящим постановлением, в структуре центрального аппарата Министерства сельского хозяйства:
образовать Главное управление по развитию пищевой промышленности с предельной численностью управленческого персонала 12 штатных единиц на базе Управления по переработке сельскохозяйственной продукции и развитию инфраструктуры;
ввести должность заместителя министра — начальника Главного управления по развитию пищевой промышленности.
При этом 8 штатных единиц Главного управления по развитию пищевой промышленности формируются за счет введения дополнительных штатных единиц.
3. Одобрить предложение Министерства сельского хозяйства, Министерства финансов и Министерства экономического развития и сокращения бедности о перечислении из Фонда развития виноделия Агентства по регулированию алкогольного и табачного рынка и развитию виноделия средств в размере 20 миллиардов сумов Фонду сельскохозяйственного развития и продовольственного обеспечения Министерства сельского хозяйства (далее — Фонд).
4. Определить дополнительными направлениями расходования средств Фонда:
покрытие 50 процентов затрат на подготовку технико-экономического обоснования формируемых новых перспективных проектов по производству продовольственной продукции в размере, не превышающем 100 миллионов сумов на каждый проект;
покрытие 50 процентов затрат на обеспечение инфраструктурой формируемых новых перспективных проектов по производству продовольственной продукции в размере, не превышающем 100 миллионов сумов на каждый проект;
покрытие 50 процентов затрат на привлечение зарубежных экспертов в сферу производства и глубокой переработки продовольственной продукции в размере, не превышающем 50 миллионов сумов на каждый проект.
Министерству сельского хозяйства совместно с Министерством финансов, Министерством экономического развития и сокращения бедности в месячный срок внести в Кабинет Министров предложения о порядке предоставления мер поддержки, предусмотренных в настоящем пункте.
5. Согласиться с предложениями Министерства экономического развития и сокращения бедности, Министерства финансов, Агентства по управлению государственными активами и ХК «Узбекозиковкатхолдинг» о:
ликвидации ХК «Узбекозиковкатхолдинг»;
перечислении в Фонд остатка средств по итогам ликвидации Фонда развития, реконструкции и модернизации предприятий пищевой промышленности ХК «Узбекозиковкатхолдинг».
7. Министерству финансов обеспечить на основе графика погашение заемных средств ликвидируемой ХК «Узбекозиковкатхолдинг» перед международными финансовыми институтами и иностранными банками, привлеченных под гарантию Правительства для создания мощностей по переработке молочной продукции.
8. Министерству инвестиций и внешней торговли, Министерству сельского хозяйства совместно с коммерческими банками обеспечить:
широкое привлечение средств международных финансовых институтов для финансовой поддержки системы производства, переработки и экспорта продовольственной продукции;
адресное доведение привлеченных средств международных финансовых институтов до производителей, переработчиков и экспортеров продукции в разрезе Республики Каракалпакстан и областей.
9. Министерству экономического развития и сокращения бедности и Министерству высшего и среднего специального образования принять меры для поэтапного увеличения с 2021/2022 учебного года параметров государственного заказа приема на очную и заочную формы обучения бакалавриата по направлениям образования «5321000-Пищевая технология (по видам продукции)» и «5410500-Технология хранения и первичной обработки сельскохозяйственной продукции (по видам продукции)» высших образовательных учреждений республики на основе потребностей в кадрах Министерства сельского хозяйства и других заинтересованных министерств и ведомств.
Министерству сельского хозяйства:
в месячный срок сформировать базу данных о работодателях — объектах прохождения практики студентами, обучающимися по профилю соответствующих направлений образования (специальностей);
совместно с Министерством высшего и среднего специального образования до 1 декабря 2020 года реализовать соответствующие меры для установления взаимного сотрудничества по прохождению студентами практики с ведущими предприятиями, организациями и учреждениями, внедрившими современные технику и технологии в сфере пищевых технологий.
10. В целях обеспечения эффективной и своевременной реализации мер, определенных в настоящем постановлении:
а) заместителю Премьер-министра У. Барноеву:
в недельный срок внести в Администрацию Президента Республики Узбекистан предложение по высококвалифицированному кандидату на должность заместителя министра сельского хозяйства — начальника Главного управления по развитию пищевой промышленности, способному на профессиональном уровне выполнять возложенные на него задачи, обладающему необходимыми теоретическими знаниями и практическими навыками;
в месячный срок обеспечить диверсификацию районов по выращиванию и переработке сельскохозяйственной продукции с учетом имеющихся природных и экономических ресурсов регионов;
б) Министерству сельского хозяйства (Ходжаев):
в месячный срок внести в Кабинет Министров проект правительственного решения об организации деятельности Главного управления по развитию пищевой промышленности;
в месячный срок укомплектовать на конкурсной основе Главное управление по развитию пищевой промышленности высококвалифицированными кадрами, обладающими необходимыми теоретическими знаниями и практическими навыками, освоившими методы современного менеджмента и маркетинга;
в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления;
в трехмесячный срок совместно с Министерством экономического развития и сокращения бедности (Норкулов) и Государственным таможенным комитетом (Азимов) создать постоянно обновляемую базу данных о типах, характеристиках, объеме, ценах на импортируемые товары в пищевой промышленности, а также об отечественных предприятиях, производящих данную продукцию с размещением базы данных на своем официальном веб-сайте;
в) Министерству сельского хозяйства (Ходжаев) совместно с Министерством экономического развития и сокращения бедности (Норкулов) и Министерством финансов (Ишметов):
в трехмесячный срок разработать и внести в Кабинет Министров предложения о дальнейшем совершенствовании механизмов поддержки создания центров по производству, переработке и реализации сельскохозяйственной продовольственной продукции торгово-логистических центров и центров хранения сельскохозяйственной продовольственной продукции с изучением передового зарубежного опыта;
до 1 января 2021 года разработать и утвердить Программу по расширению производства промышленной сельскохозяйственной продукции на 2021 — 2023 годы с учетом внутреннего спроса на сельскохозяйственную продовольственную продукцию в республике;
до 1 марта 2021 года обеспечить разработку и утверждение программы по ускоренному развитию переработки плодоовощной, мясной, молочной и другой сельскохозяйственной продовольственной продукции;
г) заместителю Премьер-министра С. Умурзакову принять меры для привлечения средств международных финансовых институтов на переработку сельскохозяйственной продукции и увеличение объемов ее экспорта;
д) Совету Министров Республики Каракалпакстан, хокимиятам областей, районов (городов) в месячный срок определить инициаторов инвестиционных проектов по производству и переработке продовольственной продукции с учетом имеющихся природных и экономических ресурсов регионов и оказывать постоянную практическую помощь в запуске проектов;
е) Агентству информации и массовых коммуникаций при Администрации Президента Республики Узбекистан (Ходжаев) совместно с Национальным информационным агентством Узбекистана, Национальной телерадиокомпанией Узбекистана и Информационным агентством «Дунё» принять меры по широкому освещению в средствах массовой информации мероприятий, определенных в настоящем постановлении, с привлечением субъектов предпринимательства.
12. Признать утратившим силу постановление Президента Республики Узбекистан от 18 февраля 2016 года № ПП-2492 «О мерах по дальнейшему совершенствованию организации управления пищевой промышленности республики».
13. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
9 сентября 2020 г.,
№ ПП-4821