📅 2020-yil 15-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 15 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 сентября 2020 г. · Постановления Президента
Официальный текст. Официальный документ. Редакционные примечания не включены.
📅 15 September 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Пахта ҳосили теримини механизациялашни молиявий қўллаб-қувватлаш чора-тадбирлари тўғрисида
Сўнгги йилларда республикада пахта йиғим-теримида қўл меҳнати улушини камайтириш, теримни механизациялашган шаклда ташкил қилиш бўйича бир қатор ишлар амалга оширилмоқда.
Хусусан, қишлоқ хўжалиги техникаларини ишлаб чиқарувчи корхоналарда турли русумдаги замонавий пахта териш машиналарини ишлаб чиқариш йўлга қўйилди.
Шу билан бирга, 2020 йил пахта ҳосили терими мавсумига тайёргарлик кўриш жараёнида пахта-тўқимачилик кластерлари ва фермер хўжаликларининг пахта териш машиналари билан таъминланганлик даражасини ошириш талаб этилади.
Республикада пахта ҳосили теримини механизациялаш даражасини ошириш, пахта-тўқимачилик кластерлари ва бошқа хўжалик юритувчи субъектларни сифатли пахта териш машиналари сотиб олиш учун молиявий қўллаб-қувватлаш мақсадида:
1. Қишлоқ хўжалиги вазирлиги томонидан Қорақалпоғистон Республикаси Вазирлар Кенгаши ҳамда вилоятлар ҳокимликлари билан биргаликда жорий йил мавсумида пахта ҳосили теримини механизациялашган усулда ташкил қилиш бўйича пахта териш машиналарига бўлган буюртмалар портфели шакллантирилганлиги маълумот учун қабул қилинсин.
2. Тикланиш ва тараққиёт жамғармасининг (кейинги ўринларда — Жамғарма) маблағлари ҳисобидан эквиваленти 50 миллион АҚШ доллари миқдорида «Агробанк» АТБнинг устав капиталидаги Жамғарма улуши оширилсин.
Жамғарма бир ҳафта муддатда ушбу банднинг биринчи хатбошисида кўрсатилган маблағларни «Агробанк» АТБ устав капиталига ўтказиб берсин.
Капитал бозорини ривожлантириш агентлиги «Агробанк» АТБнинг қўшимча чиқарилган акцияларининг давлат рўйхатидан ўтказилишини таъминласин.
3. Белгилаб қўйилсинки:
«Агробанк» АТБ устав капиталига киритилаётган 50 миллион АҚШ доллари эквивалентидаги мақсадли маблағлар пахта-тўқимачилик кластерларига ва бошқа хўжалик юритувчи субъектларга маҳаллий ишлаб чиқарилган пахта териш машиналарини сотиб олишга Марказий банкнинг асосий ставкасида кредитлар ажратиш учун йўналтирилади;
юқорида кўрсатилган кредитларнинг сўндириладиган қисми маҳаллий ишлаб чиқарилган қишлоқ хўжалиги техникаларини сотиб олиш мақсадларига йўналтирилади.
4. Қишлоқ хўжалиги вазирлиги бир ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Ушбу қарорда белгиланган чора-тадбирларнинг самарали ва ўз вақтида амалга оширилишини таъминлаш мақсадида:
Қорақалпоғистон Республикаси Вазирлар Кенгаши Раиси, вилоятлар ва туманлар ҳокимлари уч кун муддатда ҳудудлардаги пахта териш машиналарига талабгорларнинг аниқ рўйхатини шакллантирсин;
қишлоқ хўжалиги вазири Ж. Ходжаев пахта териш машиналарига талабгорларни танлашга кўмаклашсин ҳамда пахта ҳосили теримини механизациялаш бўйича таклифларни ишлаб чиқсин;
«Агробанк» АТБ бошқаруви раиси Р. Маматкулов пахта-тўқимачилик кластерларига ва бошқа хўжалик юритувчи субъектларга кредит ҳужжатларини сифатли тайёрлашда амалий ёрдам кўрсатиш ва кредитларни бюрократиясиз ажратишни таъминласин;
«Ўзавтосаноат» АЖ бошқаруви раиси Ш. Умурзоқов пахта териш техникаларининг ўз вақтида ишлаб чиқарилишини ва талабгорларга етказиб берилишини таъминласин.
6. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва Ў.И. Барноев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 15 сентябрь,
ПҚ-4828-сон
Oʻzbekiston Respublikasi Prezidentining
Qarori
Paxta hosili terimini mexanizatsiyalashni moliyaviy qoʻllab-quvvatlash chora-tadbirlari toʻgʻrisida
Soʻnggi yillarda respublikada paxta yigʻim-terimida qoʻl mehnati ulushini kamaytirish, terimni mexanizatsiyalashgan shaklda tashkil qilish boʻyicha bir qator ishlar amalga oshirilmoqda.
Xususan, qishloq xoʻjaligi texnikalarini ishlab chiqaruvchi korxonalarda turli rusumdagi zamonaviy paxta terish mashinalarini ishlab chiqarish yoʻlga qoʻyildi.
Shu bilan birga, 2020-yil paxta hosili terimi mavsumiga tayyorgarlik koʻrish jarayonida paxta-toʻqimachilik klasterlari va fermer xoʻjaliklarining paxta terish mashinalari bilan taʼminlanganlik darajasini oshirish talab etiladi.
Respublikada paxta hosili terimini mexanizatsiyalash darajasini oshirish, paxta-toʻqimachilik klasterlari va boshqa xoʻjalik yurituvchi subyektlarni sifatli paxta terish mashinalari sotib olish uchun moliyaviy qoʻllab-quvvatlash maqsadida:
1. Qishloq xoʻjaligi vazirligi tomonidan Qoraqalpogʻiston Respublikasi Vazirlar Kengashi hamda viloyatlar hokimliklari bilan birgalikda joriy yil mavsumida paxta hosili terimini mexanizatsiyalashgan usulda tashkil qilish boʻyicha paxta terish mashinalariga boʻlgan buyurtmalar portfeli shakllantirilganligi maʼlumot uchun qabul qilinsin.
2. Tiklanish va taraqqiyot jamgʻarmasining (keyingi oʻrinlarda — Jamgʻarma) mablagʻlari hisobidan ekvivalenti 50 million AQSH dollari miqdorida “Agrobank” ATBning ustav kapitalidagi Jamgʻarma ulushi oshirilsin.
Jamgʻarma bir hafta muddatda ushbu bandning birinchi xatboshisida koʻrsatilgan mablagʻlarni “Agrobank” ATB ustav kapitaliga oʻtkazib bersin.
Kapital bozorini rivojlantirish agentligi “Agrobank” ATBning qoʻshimcha chiqarilgan aksiyalarining davlat roʻyxatidan oʻtkazilishini taʼminlasin.
3. Belgilab qoʻyilsinki:
“Agrobank” ATB ustav kapitaliga kiritilayotgan 50 million AQSH dollari ekvivalentidagi maqsadli mablagʻlar paxta-toʻqimachilik klasterlariga va boshqa xoʻjalik yurituvchi subyektlarga mahalliy ishlab chiqarilgan paxta terish mashinalarini sotib olishga Markaziy bankning asosiy stavkasida kreditlar ajratish uchun yoʻnaltiriladi;
yuqorida koʻrsatilgan kreditlarning soʻndiriladigan qismi mahalliy ishlab chiqarilgan qishloq xoʻjaligi texnikalarini sotib olish maqsadlariga yoʻnaltiriladi.
4. Qishloq xoʻjaligi vazirligi bir oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Ushbu qarorda belgilangan chora-tadbirlarning samarali va oʻz vaqtida amalga oshirilishini taʼminlash maqsadida:
Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlari uch kun muddatda hududlardagi paxta terish mashinalariga talabgorlarning aniq roʻyxatini shakllantirsin;
qishloq xoʻjaligi vaziri J. Xodjayev paxta terish mashinalariga talabgorlarni tanlashga koʻmaklashsin hamda paxta hosili terimini mexanizatsiyalash boʻyicha takliflarni ishlab chiqsin;
“Agrobank” ATB boshqaruvi raisi R. Mamatkulov paxta-toʻqimachilik klasterlariga va boshqa xoʻjalik yurituvchi subyektlarga kredit hujjatlarini sifatli tayyorlashda amaliy yordam koʻrsatish va kreditlarni byurokratiyasiz ajratishni taʼminlasin;
“Oʻzavtosanoat” AJ boshqaruvi raisi Sh. Umurzoqov paxta terish texnikalarining oʻz vaqtida ishlab chiqarilishini va talabgorlarga yetkazib berilishini taʼminlasin.
6. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va Oʻ.I. Barnoyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 15-sentabr,
PQ-4828-son
Президента Республики Узбекистан
Постановление
О мерах по финансовой поддержке механизации сбора урожая хлопка-сырца
За последние годы в республике осуществляется ряд работ по снижению доли ручного труда при сборе хлопка-сырца и организации сбора в механизированной форме.
В частности, на предприятиях по производству сельскохозяйственной техники налажено производство современных хлопкоуборочных машин разных моделей.
Вместе с тем в процессе подготовки к сезону сбора хлопка-сырца урожая 2020 года требуется повышение уровня обеспеченности хлопково-текстильных кластеров и фермерских хозяйств хлопкоуборочными машинами.
В целях повышения уровня механизации сбора урожая хлопка-сырца в республике, финансовой поддержки хлопково-текстильных кластеров и других хозяйствующих субъектов для закупки качественных хлопкоуборочных машин:
1. Принять к сведению, что Министерством сельского хозяйства совместно с Советом Министров Республики Каракалпакстан и хокимиятами областей сформирован портфель заказов на хлопкоуборочные машины для организации сбора урожая хлопка-сырца механизированным способом в сезоне текущего года.
2. Увеличить долю Фонда реконструкции и развития (далее — Фонд) в уставном капитале АКБ «Агробанк» в эквиваленте 50 миллионов долларов США за счет средств Фонда.
Фонду в недельный срок перечислить средства, указанные в абзаце первом настоящего пункта, в уставный капитал АКБ «Агробанк».
Агентству по развитию рынка капитала обеспечить государственную регистрацию дополнительно выпущенных акций АКБ «Агробанк».
3. Установить, что:
целевые средства в эквиваленте 50 миллионов долларов США, вносимые в уставный капитал АКБ «Агробанк», направляются на выделение кредитов хлопково-текстильным кластерам и другим хозяйствующим субъектам для закупки хлопкоуборочных машин отечественного производства по основной ставке Центрального банка;
погашаемая часть вышеуказанных кредитов направляется на закупку сельскохозяйственной техники отечественного производства.
4. Министерству сельского хозяйства в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
5. В целях обеспечения эффективной и своевременной реализации мер, установленных в настоящем постановлении:
Председателю Совета Министров Республики Каракалпакстан, хокимам областей и районов в трехдневный срок сформировать конкретный перечень претендентов на хлопкоуборочные машины в регионах;
министру сельского хозяйства Ж. Ходжаеву оказать содействие в отборе претендентов на хлопкоуборочные машины и разработать предложения по механизации сбора урожая хлопка-сырца;
председателю правления АКБ «Агробанк» Р. Маматкулову обеспечить оказание практической помощи хлопково-текстильным кластерам и другим хозяйствующим субъектам в качественной подготовке кредитных документов, а также выделение кредитов без бюрократии;
председателю правления АО «Узавтосаноат» Ш. Умурзакову обеспечить своевременное производство и поставку хлопкоуборочной техники претендентам.
6. Контроль за исполнением настоящего постановления возложить на заместителей Премьер-министра Республики Узбекистан Д.А. Кучкарова и У.И. Барноева.
Президент Республики Узбекистан Ш. МИРЗИЁЕВ
г. Ташкент,
15 сентября 2020 г.,
№ ПП-4828