📅 2020-yil 23-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 23 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 сентября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 23 September 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Озиқ-овқат саноати соҳасини бошқариш тизимини янада такомиллаштиришга доир чора-тадбирлар тўғрисида
Мамлакатда озиқ-овқат саноатини ривожлантиришда бозор механизмларини жорий қилиш, соҳада давлат иштирокини қисқартириш ва рақобат муҳитини янада мустаҳкамлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Республика озиқ-овқат саноатини жадал ривожлантириш ҳамда аҳолини сифатли озиқ-овқат маҳсулотлари билан тўлақонли таъминлашга доир чора-тадбирлар тўғрисида» 2020 йил 9 сентябрдаги ПҚ-4821-сон қарорига мувофиқ «Ўзбекозиқовқатхолдинг» ХК тугатилаётганлиги маълумот учун қабул қилинсин.
2. Қуйидагилар:
«Ўзбекозиқовқатхолдинг» ХК таркибига кирувчи ташкилотларнинг устав жамғармаларидаги давлат улушлари иловага мувофиқ Давлат активларини бошқариш агентлигига;
«Ўзагроэкспортбанк» АТБ ва «Агробанк» АТБ устав капиталларидаги «Ўзбекозиқовқатхолдинг» ХК улуши Молия вазирлигига баланс қиймати бўйича бепул ўтказилсин.
3. Ўзбекистон Республикаси Давлат активларини бошқариш агентлиги:
иловада назарда тутилган ташкилотларни хусусийлаштиришга тайёрлаш, уларнинг жозибадорлигини ошириш, савдога чиқариш бўйича ҳар бир тадбирни аниқ амалга ошириш муддати ва масъул шахслар кўрсатилган чора-тадбирлар режаларини икки ой муддатда тасдиқлаш учун Вазирлар Маҳкамасига киритсин;
2021 йил 1 мартга қадар иловада назарда тутилган ташкилотларнинг устав жамғармаларидаги давлат улушларининг белгиланган тартибда оммавий савдоларга қўйилишини таъминласин;
белгиланган тартибда сотилмаган ташкилотларнинг мол-мулкидан самарали фойдаланиш бўйича таклифларни уч ой муддатда Вазирлар Маҳкамасига киритсин.
Инвестициялар ва ташқи савдо вазирлиги билан биргаликда салоҳиятли, жумладан, хорижий инвесторларни мазкур бандга мувофиқ реализация қилинадиган объектлар ҳақида кенг хабардор қилиш ва уларни харид қилишга жалб этиш бўйича зарур чора-тадбирларни кўрсин.
4. «Ўзбекозиқовқатхолдинг» ХКни тугатиш комиссияси асосий турдаги озиқ-овқат маҳсулотларини харид қилиш учун Ўзбекистон Республикаси Молия вазирлиги томонидан ажратилган қарзларнинг «Ўзбекозиқовқатхолдинг» ХК тизимидаги ташкилотлар омборхоналарида сақланаётган шакар маҳсулотларини реализация қилишдан тушган ва бошқа маблағлар ҳисобига 2021 йил 1 февралга қадар тўлиқ қопланишини таъминласин.
5. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Аграр ва озиқ-овқат соҳаларини ривожлантириш масалалари котибияти ва Ўзбекистон Республикаси Давлат активларини бошқариш агентлиги директори С.Х. Бекенов зиммасига юклансин.
Вазирлар Маҳкамасининг 2020 йил 23 сентябрдаги 581-сон қарорига ИЛОВА
«Ўзбекозиқовқатхолдинг» ХК таркибига кирувчи ташкилотларнинг устав жамғармаларидаги Давлат активларини бошқариш агентлигига баланс қиймати бўйича бепул ўтказиладиган давлат улушлари
Т/р Ташкилотлар номи Давлат улуши миқдори, фоиз Суммаси, млн сўм 1 . « Shakh Gardens » МЧЖ 20 4 000,0 2 . « Osiyo Elga Baraka » МЧЖ 35,6 1 800,0 3 . « Bespilotnie Texnologi » МЧЖ 100 1 470,0 4 . « Ўзагроэкспорт » АЖ 18,6 1199,9 5 . « Sangzor Tabiiy Sut » МЧЖ 100 676,6 6 . « Чимбой мой » МЧЖ 90,2 605,8 7 . « БСБ Сабзавод уруғлари » МЧЖ 100 550,0 8 . « Янгийўлёғмой » АЖ 3,93 332,5 9 . « Деҳқонсавдо » ДУК 100 218,0 10 . « Gallaorol-Agro-Export » МЧЖ 57,14 200,0 11 . « Ташкент ёғ-мой комбинати » АЖ 5 196,5 12 . « Anhor Company » МЧЖ 3,9 156,4 13 . « BKQ-Besler Kristall Quvvat » МЧЖ 25 153,1 14 . « ЎзБАТ » АЖ 2,59 147,6 15 . « Ковар ишлаб чиқариш ва экспорт қилиш маркази » МЧЖ 30 108,0 16 . « Angren Logistika Markazi » АЖ 0,48 100,0 17 . « A'lo sifat sinov laboratoriya » МЧЖ 100 100,0 18 . « Oziqovqatzomin » МЧЖ 100 100,0 19 . « Zamonaviy issiqxona » МЧЖ 100 100,0 20 . « Oziqovqat-injiniring » МЧЖ 100 75,0 21 . « Урганч гўшт » МЧЖ 25 61,3 22 . « МТ Инвест-Импекс » МЧЖ 6,21 54,1 23 . « Shafran ilmiy tadqiqot markazi » МЧЖ 7,14 50,0 24 . « Таъминот маркази » МЧЖ 25 26,6 25 . « Mandjoukov Food » МЧЖ 5,96 23,8 26 . « Китоб анори » МЧЖ 6,13 23,0 27 . « Choy yetishtirish rivojlantitish ilmiy-ishlab chiqarish markazi » МЧЖ 5,2 20,0 28 . « ПЭТ Пласт оил » ҚК МЧЖ 17 17,0 29 . « Озиқ-овқат саноат таълим сервис » МЧЖ 100 10,2 30 . « Андижан Фларуп оил » ҚК МЧЖ 10 13,3 31 . « Avtosanoat Agro » МЧЖ 0,2 7,0 32 . « Семменной картофел » ҚК МЧЖ 33 3,8 33 . « Қишлоқ ҳаёти газетаси » МЧЖ 2,5 3,0 34 . « Гўштсутсаноат » МЧЖ 100 1,3 35 . « Савдогарбанк » АТБ 0 2,3 36 . « Қарши ёғ » ҚК МЧЖ 10 1,2
Ўзбекистон Республикасининг Бош вазири А. АРИПОВ
Тошкент ш.,
2020 йил 23 сентябрь,
581-сон
Oʻzbekiston Respublikasi Vazirlar Mahkamasining
qarori
ROʻYXATI
Oziq-ovqat sanoati sohasini boshqarish tizimini yanada takomillashtirishga doir chora-tadbirlar toʻgʻrisida
Mamlakatda oziq-ovqat sanoatini rivojlantirishda bozor mexanizmlarini joriy qilish, sohada davlat ishtirokini qisqartirish va raqobat muhitini yanada mustahkamlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Respublika oziq-ovqat sanoatini jadal rivojlantirish hamda aholini sifatli oziq-ovqat mahsulotlari bilan toʻlaqonli taʼminlashga doir chora-tadbirlar toʻgʻrisida” 2020-yil 9-sentabrdagi PQ-4821-son qaroriga muvofiq “Oʻzbekoziqovqatxolding” XK tugatilayotganligi maʼlumot uchun qabul qilinsin.
2. Quyidagilar:
“Oʻzbekoziqovqatxolding” XK tarkibiga kiruvchi tashkilotlarning ustav jamgʻarmalaridagi davlat ulushlari ilovaga muvofiq Davlat aktivlarini boshqarish agentligiga;
“Oʻzagroeksportbank” ATB va “Agrobank” ATB ustav kapitallaridagi “Oʻzbekoziqovqatxolding” XK ulushi Moliya vazirligiga balans qiymati boʻyicha bepul oʻtkazilsin.
3. Oʻzbekiston Respublikasi Davlat aktivlarini boshqarish agentligi:
ilovada nazarda tutilgan tashkilotlarni xususiylashtirishga tayyorlash, ularning jozibadorligini oshirish, savdoga chiqarish boʻyicha har bir tadbirni aniq amalga oshirish muddati va masʼul shaxslar koʻrsatilgan chora-tadbirlar rejalarini ikki oy muddatda tasdiqlash uchun Vazirlar Mahkamasiga kiritsin;
2021-yil 1-martga qadar ilovada nazarda tutilgan tashkilotlarning ustav jamgʻarmalaridagi davlat ulushlarining belgilangan tartibda ommaviy savdolarga qoʻyilishini taʼminlasin;
belgilangan tartibda sotilmagan tashkilotlarning mol-mulkidan samarali foydalanish boʻyicha takliflarni uch oy muddatda Vazirlar Mahkamasiga kiritsin.
Investitsiyalar va tashqi savdo vazirligi bilan birgalikda salohiyatli, jumladan, xorijiy investorlarni mazkur bandga muvofiq realizatsiya qilinadigan obyektlar haqida keng xabardor qilish va ularni xarid qilishga jalb etish boʻyicha zarur chora-tadbirlarni koʻrsin.
4. “Oʻzbekoziqovqatxolding” XKni tugatish komissiyasi asosiy turdagi oziq-ovqat mahsulotlarini xarid qilish uchun Oʻzbekiston Respublikasi Moliya vazirligi tomonidan ajratilgan qarzlarning “Oʻzbekoziqovqatxolding” XK tizimidagi tashkilotlar omborxonalarida saqlanayotgan shakar mahsulotlarini realizatsiya qilishdan tushgan va boshqa mablagʻlar hisobiga 2021-yil 1-fevralga qadar toʻliq qoplanishini taʼminlasin.
5. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Agrar va oziq-ovqat sohalarini rivojlantirish masalalari kotibiyati va Oʻzbekiston Respublikasi Davlat aktivlarini boshqarish agentligi direktori S.X. Bekenov zimmasiga yuklansin.
Vazirlar Mahkamasining 2020-yil 23-sentabrdagi 581-son qaroriga ILOVA
“Oʻzbekoziqovqatxolding” XK tarkibiga kiruvchi tashkilotlarning ustav jamgʻarmalaridagi Davlat aktivlarini boshqarish agentligiga balans qiymati boʻyicha bepul oʻtkaziladigan davlat ulushlari
T/r Tashkilotlar nomi Davlat ulushi miqdori, foiz Summasi, mln soʻm 1 . “ Shakh Gardens ” MChJ 20 4 000,0 2 . “ Osiyo Elga Baraka ” MChJ 35,6 1 800,0 3 . “ Bespilotnie Texnologi ” MChJ 100 1 470,0 4 . “ Oʻzagroeksport ” AJ 18,6 1199,9 5 . “ Sangzor Tabiiy Sut ” MChJ 100 676,6 6 . “ Chimboy moy ” MChJ 90,2 605,8 7 . “ BSB Sabzavod urugʻlari ” MChJ 100 550,0 8 . “ Yangiyoʻlyogʻmoy ” AJ 3,93 332,5 9 . “ Dehqonsavdo ” DUK 100 218,0 10 . “ Gallaorol-Agro-Export ” MChJ 57,14 200,0 11 . “ Tashkent yogʻ-moy kombinati ” AJ 5 196,5 12 . “ Anhor Company ” MChJ 3,9 156,4 13 . “ BKQ-Besler Kristall Quvvat ” MChJ 25 153,1 14 . “ OʻzBAT ” AJ 2,59 147,6 15 . “ Kovar ishlab chiqarish va eksport qilish markazi ” MChJ 30 108,0 16 . “ Angren Logistika Markazi ” AJ 0,48 100,0 17 . “ A'lo sifat sinov laboratoriya ” MChJ 100 100,0 18 . “ Oziqovqatzomin ” MChJ 100 100,0 19 . “ Zamonaviy issiqxona ” MChJ 100 100,0 20 . “ Oziqovqat-injiniring ” MChJ 100 75,0 21 . “ Urganch goʻsht ” MChJ 25 61,3 22 . “ MT Invest-Impeks ” MChJ 6,21 54,1 23 . “ Shafran ilmiy tadqiqot markazi ” MChJ 7,14 50,0 24 . “ Taʼminot markazi ” MChJ 25 26,6 25 . “ Mandjoukov Food ” MChJ 5,96 23,8 26 . “ Kitob anori ” MChJ 6,13 23,0 27 . “ Choy yetishtirish rivojlantitish ilmiy-ishlab chiqarish markazi ” MChJ 5,2 20,0 28 . “ PET Plast oil ” QK MChJ 17 17,0 29 . “ Oziq-ovqat sanoat taʼlim servis ” MChJ 100 10,2 30 . “ Andijan Flarup oil ” QK MChJ 10 13,3 31 . “ Avtosanoat Agro ” MChJ 0,2 7,0 32 . “ Semmennoy kartofel ” QK MChJ 33 3,8 33 . “ Qishloq hayoti gazetasi ” MChJ 2,5 3,0 34 . “ Goʻshtsutsanoat ” MChJ 100 1,3 35 . “ Savdogarbank ” ATB 0 2,3 36 . “ Qarshi yogʻ ” QK MChJ 10 1,2
Oʻzbekiston Respublikasining Bosh vaziri A. ARIPOV
Toshkent sh.,
2020-yil 23-sentabr,
581-son