📅 2020-yil 22-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 22 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 22 сентября 2020 г. · Указы Президента
Официальный текст. Официальный документ. Редакционные примечания не включены.
📅 22 September 2020 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ўзгартиришлар ва қўшимча
РЎЙХАТИ
Қимматбаҳо металлар муомаласини тартибга солишни янада такомиллаштириш чора-тадбирлари тўғрисида
Қимматбаҳо металларни қабул қилиш, сақлаш, топшириш ва ҳисобини юритиш тизимини янада такомиллаштириш, аҳолининг қимматбаҳо металлардан жамғарма сифатида фойдаланиш имкониятларини кенгайтириш мақсадида, шунингдек Ўзбекистон Республикаси Президентининг 2019 йил 18 майдаги «Ўзбекистон Республикасида заргарлик тармоғини жадал ривожлантириш чора-тадбирлари тўғрисида»ги ПФ-5721-сон Фармонига мувофиқ:
1. Марказий банк, Молия вазирлиги ҳамда Давлат божхона қўмитасининг жисмоний шахсларга тегишли сертификатлар мавжуд бўлганда ва товарларни олиб чиқишнинг қонун ҳужжатларида белгиланган меъёридан ошган тақдирда, мажбурий равишда йўловчи божхона декларациясини тўлдирган ҳолда Ўзбекистон Республикасида ишлаб чиқарилган қимматбаҳо металлардан тайёрланган ўлчовли ёмбилар ва Марказий банкнинг қимматбаҳо металлардан тайёрланган тангаларини республика ҳудудидан ташқарига чекловларсиз олиб чиқиш ҳуқуқини бериш тўғрисидаги таклифи маъқуллансин.
Давлат божхона қўмитаси Ташқи ишлар вазирлиги ва Ўзбекистон Миллий телерадиокомпанияси билан биргаликда ушбу банднинг қоидаларини республика аҳолисига ва хорижий давлатларнинг фуқароларига етказиш юзасидан комплекс чора-тадбирлар амалга оширилишини таъминласин.
2. Марказий банк ҳузуридаги Қимматбаҳо металлар агентлигининг Давлат асиллик даражасини белгилаш палатаси Молия вазирлиги тасарруфига ўтказилганлиги муносабати билан Марказий банкнинг:
Марказий банк ҳузуридаги Қимматбаҳо металлар агентлигини (кейинги ўринларда — Агентлик) тугатиш ва Марказий банкнинг марказий аппарати тузилмасида Қимматбаҳо металларни сақлаш ва улар билан ишлаш хизматини (кейинги ўринларда — хизмат) ташкил этиш;
тугатилаётган Агентликнинг Марказий банк томонидан халқаро резервларни бошқариш операциялари доирасида сотиб олинадиган ва сотиладиган қимматбаҳо металларни ҳамда сақланаётган бошқа қимматликларни қабул қилиш, сақлаш, жўнатиш ва ҳисобини юритиш борасидаги функцияларини хизматга ўтказиш таклифлари маъқуллансин.
3. Белгилансинки:
Марказий банк тугатилаётган Агентликнинг ҳуқуқлари, мажбуриятлари ва шартномалари бўйича ҳуқуқий вориси ҳисобланади;
хизмат томонидан қимматбаҳо металларни ҳамда бошқа қимматликларни қабул қилиш, сақлаш ва жўнатиш мақсадида фойдаланиладиган Марказий банкнинг бино ва объектлари ўта муҳим объектлар тоифасига киради ва тегишлича муҳофаза қилинади.
4. Марказий банк:
а) бир ҳафта муддатда:
хизматнинг ташкилий ва штат тузилмасини ҳамда у тўғрисидаги низомни тасдиқласин;
Агентликнинг пул маблағлари, мол-мулки, архив ва бошқа ҳужжатлари ўз балансига қабул қилинишини таъминласин;
б) қонунчиликка мувофиқ равишда Агентликни тугатиш чораларини кўрсин;
в) бир ой муддатда:
хизмат томонидан қимматбаҳо металларни қабул қилиш, сақлаш, жўнатиш ва ҳисобини юритиш тартибини тасдиқласин;
қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин;
қабул қилинган идоравий норматив-ҳуқуқий ҳужжатларни ушбу Фармонга мувофиқлаштирсин.
5. «Ўзбекистон республика товар-хом ашё биржаси» АЖ «Навоий КМК» АЖ, «Олмалиқ КМК» АЖ, Марказий банк, Иқтисодий тараққиёт ва камбағалликни қисқартириш вазирлиги ҳамда «Ўзбекзаргарсаноати» уюшмаси билан биргаликда бир ой муддатда биржа савдоларида сотиладиган қимматбаҳо металларни республика ҳудудларига етказиб бериш механизмини жорий этсин.
6. Ўзбекистон Республикаси Президентининг айрим ҳужжатларига 1-иловага мувофиқ ўзгартиришлар ва қўшимча киритилсин.
7. Ўзбекистон Республикаси Президентининг айрим фармонлари 2-иловага мувофиқ ўз кучини йўқотган деб ҳисоблансин.
8. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси Марказий банки раиси М.Б. Нурмуратов зиммасига юклансин.
Ўзбекистон Республикаси Президентининг 2020 йил 22 сентябрдаги ПФ-6066-сон Фармонига 1-ИЛОВА
Ўзбекистон Республикаси Президентининг айрим ҳужжатларига киритилаётган
2. Ўзбекистон Республикаси Президентининг 2017 йил 3 ноябрдаги «Махсус турдаги товарлар экспорти ва импортини лицензиялаш, шунингдек, экспорт контрактларини рўйхатга олиш ва импорт контрактларини экспертизадан ўтказишни тартибга солиш чора-тадбирлари тўғрисида»ги ПФ-5215-сон Фармонида :
а) 1-илованинг 4-позицияси қуйидаги таҳрирда баён этилсин:
« 4. Қимматбаҳо металлар ва улардан тайёрланган бошқа буюмлар 7106 (жисмоний шахслар томонидан олиб чиқиладиган ўлчовли кумуш ёмбилардан (қуймалардан) ташқари), 7107 — 7111000000 (жисмоний шахслар томонидан олиб чиқиладиган ўлчовли олтин ёмбилар (қуймалардан) ташқари), 7115 »;
б) 2-илованинг 2-позицияси қуйидаги таҳрирда баён этилсин:
« 2. Қимматбаҳо металлар, қотишмалар, улардан тайёрланган буюмлар, рудалар, концентратлар, парчалар ва чиқиндилар, қимматбаҳо табиий тошлар ва улардан тайёрланган буюмлар, чиқиндилар, табиий қимматбаҳо тошларнинг кукунлари ва рекуператори, дур ва ундан тайёрланган буюмлар, қахрабо ва ундан тайёрланган буюмлар 2843, 3006400000 (фақат қимматбаҳо металлардан), 7106 — 7115 (жисмоний шахслар томонидан олиб чиқиладиган ўлчовли олтин ва кумуш ёмбилардан (қуймалардан) ташқари), 7118 (фақат қимматбаҳо металлардан, жисмоний шахслар томонидан олиб чиқиладиган Марказий банкнинг олтин ва кумуш тангаларидан ташқари), 9003190001, 9021290000 (фақат қимматбаҳо металлардан), 9101, 9111100000, 911310, 9608109200 ва 9608109900 (фақат қимматбаҳо металлардан), 9608300000 (фақат қимматбаҳо металлардан), 9705 000000 (фақат қимматбаҳо металлардан тайёрланган тангалар, жисмоний шахслар томонидан олиб чиқиладиган Марказий банкнинг олтин ва кумуш тангаларидан ташқари), 7116 (фақат дур ва табиий қимматбаҳо тошлардан), 9602000000 (фақат ишлов берилган қахрабо ва ундан тайёрланган буюмлар) » .
4. Ўзбекистон Республикаси Президентининг 2018 йил 26 августдаги ПФ-5519-сон Фармони билан тасдиқланган Ўзбекистон Республикаси Президенти Администрацияси Регламентига 2-иловадан 61-банд чиқариб ташлансин.
5. Ўзбекистон Республикаси Президентининг 2017 йил 10 августдаги «Заргарлик саноатини давлат томонидан қўллаб-қувватлаш чора-тадбирлари тўғрисида»ги ПҚ-3199-сон қарорининг 4-бандидаги «Ўзбекистон Республикаси Марказий банки ҳузуридаги Қимматбаҳо металлар агентлиги» сўзлари «Ўзбекистон Республикаси Марказий банки» сўзлари билан алмаштирилсин.
6. Ўзбекистон Республикаси Президентининг 2017 йил 15 ноябрдаги «2018 — 2020 йилларда Ўзбекистон Республикаси заргарлик саноатини янада ривожлантириш чора-тадбирлари тўғрисида»ги ПҚ-3388-сон қарорига 5-илованинг тўртинчи хатбошисидаги «Б.Б. Сабиров — Қимматбаҳо металлар агентлиги бош директори» сўзлари «Р.Э. Умаров — Давлат асиллик даражасини белгилаш палатаси бошлиғи» сўзлари билан алмаштирилсин.
Ўзбекистон Республикаси Президентининг 2020 йил 22 сентябрдаги ПФ-6066-сон Фармонига 2-ИЛОВА
Ўзбекистон Республикаси Президентининг ўз кучини йўқотган деб эътироф этилаётган айрим фармонлари
1. Ўзбекистон Республикаси Президентининг 2003 йил 31 октябрдаги «Қимматбаҳо металлар харид қилиш, сақлаш ва сотиш тизимини такомиллаштириш тўғрисида»ги ПФ-3346-сон Фармони .
2. Ўзбекистон Республикаси Президентининг 2019 йил 18 майдаги «Ўзбекистон Республикасида заргарлик тармоғини жадал ривожлантириш чора-тадбирлари тўғрисида»ги ПФ-5721-сон Фармонига 3-илованинг 1-банди .
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 22 сентябрь,
ПФ-6066-сон
Oʻzbekiston Respublikasi Prezidentining
Farmoni
oʻzgartirishlar va qoʻshimcha
ROʻYXATI
Qimmatbaho metallar muomalasini tartibga solishni yanada takomillashtirish chora-tadbirlari toʻgʻrisida
Qimmatbaho metallarni qabul qilish, saqlash, topshirish va hisobini yuritish tizimini yanada takomillashtirish, aholining qimmatbaho metallardan jamgʻarma sifatida foydalanish imkoniyatlarini kengaytirish maqsadida, shuningdek Oʻzbekiston Respublikasi Prezidentining 2019-yil 18-maydagi “Oʻzbekiston Respublikasida zargarlik tarmogʻini jadal rivojlantirish chora-tadbirlari toʻgʻrisida”gi PF-5721-son Farmoniga muvofiq:
1. Markaziy bank, Moliya vazirligi hamda Davlat bojxona qoʻmitasining jismoniy shaxslarga tegishli sertifikatlar mavjud boʻlganda va tovarlarni olib chiqishning qonun hujjatlarida belgilangan meʼyoridan oshgan taqdirda, majburiy ravishda yoʻlovchi bojxona deklaratsiyasini toʻldirgan holda Oʻzbekiston Respublikasida ishlab chiqarilgan qimmatbaho metallardan tayyorlangan oʻlchovli yombilar va Markaziy bankning qimmatbaho metallardan tayyorlangan tangalarini respublika hududidan tashqariga cheklovlarsiz olib chiqish huquqini berish toʻgʻrisidagi taklifi maʼqullansin.
Davlat bojxona qoʻmitasi Tashqi ishlar vazirligi va Oʻzbekiston Milliy teleradiokompaniyasi bilan birgalikda ushbu bandning qoidalarini respublika aholisiga va xorijiy davlatlarning fuqarolariga yetkazish yuzasidan kompleks chora-tadbirlar amalga oshirilishini taʼminlasin.
2. Markaziy bank huzuridagi Qimmatbaho metallar agentligining Davlat asillik darajasini belgilash palatasi Moliya vazirligi tasarrufiga oʻtkazilganligi munosabati bilan Markaziy bankning:
Markaziy bank huzuridagi Qimmatbaho metallar agentligini (keyingi oʻrinlarda — Agentlik) tugatish va Markaziy bankning markaziy apparati tuzilmasida Qimmatbaho metallarni saqlash va ular bilan ishlash xizmatini (keyingi oʻrinlarda — xizmat) tashkil etish;
tugatilayotgan Agentlikning Markaziy bank tomonidan xalqaro rezervlarni boshqarish operatsiyalari doirasida sotib olinadigan va sotiladigan qimmatbaho metallarni hamda saqlanayotgan boshqa qimmatliklarni qabul qilish, saqlash, joʻnatish va hisobini yuritish borasidagi funksiyalarini xizmatga oʻtkazish takliflari maʼqullansin.
3. Belgilansinki:
Markaziy bank tugatilayotgan Agentlikning huquqlari, majburiyatlari va shartnomalari boʻyicha huquqiy vorisi hisoblanadi;
xizmat tomonidan qimmatbaho metallarni hamda boshqa qimmatliklarni qabul qilish, saqlash va joʻnatish maqsadida foydalaniladigan Markaziy bankning bino va obyektlari oʻta muhim obyektlar toifasiga kiradi va tegishlicha muhofaza qilinadi.
4. Markaziy bank:
a) bir hafta muddatda:
xizmatning tashkiliy va shtat tuzilmasini hamda u toʻgʻrisidagi nizomni tasdiqlasin;
Agentlikning pul mablagʻlari, mol-mulki, arxiv va boshqa hujjatlari oʻz balansiga qabul qilinishini taʼminlasin;
b) qonunchilikka muvofiq ravishda Agentlikni tugatish choralarini koʻrsin;
v) bir oy muddatda:
xizmat tomonidan qimmatbaho metallarni qabul qilish, saqlash, joʻnatish va hisobini yuritish tartibini tasdiqlasin;
qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin;
qabul qilingan idoraviy normativ-huquqiy hujjatlarni ushbu Farmonga muvofiqlashtirsin.
5. “Oʻzbekiston respublika tovar-xom ashyo birjasi” AJ “Navoiy KMK” AJ, “Olmaliq KMK” AJ, Markaziy bank, Iqtisodiy taraqqiyot va kambagʻallikni qisqartirish vazirligi hamda “Oʻzbekzargarsanoati” uyushmasi bilan birgalikda bir oy muddatda birja savdolarida sotiladigan qimmatbaho metallarni respublika hududlariga yetkazib berish mexanizmini joriy etsin.
6. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirishlar va qoʻshimcha kiritilsin.
7. Oʻzbekiston Respublikasi Prezidentining ayrim farmonlari 2-ilovaga muvofiq oʻz kuchini yoʻqotgan deb hisoblansin.
8. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasi Prezidentining 2020-yil 22-sentabrdagi PF-6066-son Farmoniga 1-ILOVA
Oʻzbekiston Respublikasi Prezidentining ayrim hujjatlariga kiritilayotgan
2. Oʻzbekiston Respublikasi Prezidentining 2017-yil 3-noyabrdagi “Maxsus turdagi tovarlar eksporti va importini litsenziyalash, shuningdek, eksport kontraktlarini roʻyxatga olish va import kontraktlarini ekspertizadan oʻtkazishni tartibga solish chora-tadbirlari toʻgʻrisida”gi PF-5215-son Farmonida :
a) 1-ilovaning 4-pozitsiyasi quyidagi tahrirda bayon etilsin:
“ 4. Qimmatbaho metallar va ulardan tayyorlangan boshqa buyumlar 7106 (jismoniy shaxslar tomonidan olib chiqiladigan oʻlchovli kumush yombilardan (quymalardan) tashqari), 7107 — 7111000000 (jismoniy shaxslar tomonidan olib chiqiladigan oʻlchovli oltin yombilar (quymalardan) tashqari), 7115 ”;
b) 2-ilovaning 2-pozitsiyasi quyidagi tahrirda bayon etilsin:
“ 2. Qimmatbaho metallar, qotishmalar, ulardan tayyorlangan buyumlar, rudalar, konsentratlar, parchalar va chiqindilar, qimmatbaho tabiiy toshlar va ulardan tayyorlangan buyumlar, chiqindilar, tabiiy qimmatbaho toshlarning kukunlari va rekuperatori, dur va undan tayyorlangan buyumlar, qaxrabo va undan tayyorlangan buyumlar 2843, 3006400000 (faqat qimmatbaho metallardan), 7106 — 7115 (jismoniy shaxslar tomonidan olib chiqiladigan oʻlchovli oltin va kumush yombilardan (quymalardan) tashqari), 7118 (faqat qimmatbaho metallardan, jismoniy shaxslar tomonidan olib chiqiladigan Markaziy bankning oltin va kumush tangalaridan tashqari), 9003190001, 9021290000 (faqat qimmatbaho metallardan), 9101, 9111100000, 911310, 9608109200 va 9608109900 (faqat qimmatbaho metallardan), 9608300000 (faqat qimmatbaho metallardan), 9705 000000 (faqat qimmatbaho metallardan tayyorlangan tangalar, jismoniy shaxslar tomonidan olib chiqiladigan Markaziy bankning oltin va kumush tangalaridan tashqari), 7116 (faqat dur va tabiiy qimmatbaho toshlardan), 9602000000 (faqat ishlov berilgan qaxrabo va undan tayyorlangan buyumlar) ” .
4. Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasi Reglamentiga 2-ilovadan 61-band chiqarib tashlansin.
5. Oʻzbekiston Respublikasi Prezidentining 2017-yil 10-avgustdagi “Zargarlik sanoatini davlat tomonidan qoʻllab-quvvatlash chora-tadbirlari toʻgʻrisida”gi PQ-3199-son qarorining 4-bandidagi “Oʻzbekiston Respublikasi Markaziy banki huzuridagi Qimmatbaho metallar agentligi” soʻzlari “Oʻzbekiston Respublikasi Markaziy banki” soʻzlari bilan almashtirilsin.
6. Oʻzbekiston Respublikasi Prezidentining 2017-yil 15-noyabrdagi “2018 — 2020-yillarda Oʻzbekiston Respublikasi zargarlik sanoatini yanada rivojlantirish chora-tadbirlari toʻgʻrisida”gi PQ-3388-son qaroriga 5-ilovaning toʻrtinchi xatboshisidagi “B.B. Sabirov — Qimmatbaho metallar agentligi bosh direktori” soʻzlari “R.E. Umarov — Davlat asillik darajasini belgilash palatasi boshligʻi” soʻzlari bilan almashtirilsin.
Oʻzbekiston Respublikasi Prezidentining 2020-yil 22-sentabrdagi PF-6066-son Farmoniga 2-ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim farmonlari
1. Oʻzbekiston Respublikasi Prezidentining 2003-yil 31-oktabrdagi “Qimmatbaho metallar xarid qilish, saqlash va sotish tizimini takomillashtirish toʻgʻrisida”gi PF-3346-son Farmoni .
2. Oʻzbekiston Respublikasi Prezidentining 2019-yil 18-maydagi “Oʻzbekiston Respublikasida zargarlik tarmogʻini jadal rivojlantirish chora-tadbirlari toʻgʻrisida”gi PF-5721-son Farmoniga 3-ilovaning 1-bandi .
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 22-sentabr,
PF-6066-son
Президента Республики Узбекистан
Указ
Изменения и дополнение
Перечень
О мерах по дальнейшему совершенствованию регулирования оборота драгоценных металлов
В целях дальнейшего совершенствования системы приема, хранения, выдачи и учета драгоценных металлов, расширения возможностей населения по использованию драгоценных металлов в качестве сбережений, а также в соответствии с Указом Президента Республики Узбекистан от 18 мая 2019 года № УП-5721 «О мерах по ускоренному развитию ювелирной отрасли в Республике Узбекистан»:
1. Одобрить предложение Центрального банка, Министерства финансов и Государственного таможенного комитета о предоставлении физическим лицам права на вывоз за пределы территории республики произведенных в Республике Узбекистан мерных слитков, изготовленных из драгоценных металлов, и монет Центрального банка, изготовленных из драгоценных металлов без ограничений, при наличии соответствующих сертификатов и с обязательным заполнением пассажирской таможенной декларации в случае превышения установленной законодательством нормы вывоза товаров.
Государственному таможенному комитету совместно с Министерством иностранных дел и Национальной телерадиокомпанией Узбекистана обеспечить реализацию комплекса мер по доведению до населения республики и граждан зарубежных государств положений настоящего пункта.
2. В связи с передачей Государственной пробирной палаты Агентства по драгоценным металлам при Центральном банке в ведение Министерства финансов одобрить предложения Центрального банка:
об упразднении Агентства по драгоценным металлам при Центральном банке (далее — Агентство) и создании в структуре центрального аппарата Центрального банка Службы по хранению и работе с драгоценными металлами (далее — Служба);
о передаче Службе функций упраздняемого Агентства по приему, хранению, отпуску и учету драгоценных металлов, приобретаемых и реализуемых Центральным банком в рамках операций по управлению международными резервами, а также других ценностей, находящихся на хранении.
3. Определить, что:
Центральный банк является правопреемником по правам, обязательствам и договорам упраздняемого Агентства;
здания и объекты Центрального банка, используемые Службой в целях приема, хранения и отпуска драгоценных металлов и других ценностей, относятся к категории объектов особой важности и подлежат соответствующей охране.
4. Центральному банку:
а) в недельный срок:
утвердить организационную и штатную структуру Службы, а также положение о ней;
обеспечить приемку на свой баланс денежных средств, имущества, архивных и других документов Агентства;
б) принять меры по упразднению Агентства в соответствии с законодательством;
в) в месячный срок:
утвердить порядок приема, хранения, отпуска и учета драгоценных металлов Службой;
внести в Кабинет Министров предложения об изменениях и дополнениях в законодательство, вытекающих из настоящего Указа;
привести принятые ведомственные нормативно правовые акты в соответствие с настоящим Указом.
5. АО «Узбекская республиканская товарно сырьевая биржа» совместно с АО «Навоийский ГМК», АО «Алмалыкский ГМК», Центральным банком, Министерством экономического развития и сокращения бедности и Ассоциацией «Узбекзаргарсаноати» в месячный срок внедрить механизм поставки в регионы республики драгоценных металлов, реализуемых на биржевых торгах.
6. Внести изменения и дополнения в некоторые акты Президента Республики Узбекистан согласно приложению № 1 .
7. Признать утратившими силу некоторые указы Президента Республики Узбекистан согласно приложению № 2 .
8. Контроль за исполнением настоящего Указа возложить на заместителя Премьер-министра Республики Узбекистан Д.А. Кучкарова и председателя Центрального банка Республики Узбекистан М.Б. Нурмуратова.
ПРИЛОЖЕНИЕ № 1 к Указу Президента Республики Узбекистан от 22 сентября 2020 года № УП-6066
вносимые в некоторые акты Президента Республики Узбекистан
2. В Указе Президента Республики Узбекистан от 3 ноября 2017 года № УП-5215 «О мерах по упорядочению лицензирования экспорта и импорта специфических товаров, а также регистрации экспортных и экспертизы импортных контрактов»:
а) позицию 4 приложения № 1 текста на узбекском языке изложить в следующей редакции:
« 4. Қимматбаҳо металлар ва улардан тайёрланган бошқа буюмлар 7106 (жисмоний шахслар томонидан олиб чиқиладиган ўлчовли кумуш ёмбилардан (қуймалардан) ташқари), 7107– 7111000000 (жисмоний шахслар томонидан олиб чиқиладиган ўлчовли олтин ёмбилар (қуймалардан) ташқари), 7115 »;
б) позицию 2 приложения № 2 текста на узбекском языке изложить в следующей редакции:
« 2. Қимматбаҳо металлар, қотишмалар, улардан тайёрланган буюмлар, рудалар, концентратлар, парчалар ва чиқиндилар, қимматбаҳо табиий тошлар ва улардан тайёрланган буюмлар, чиқиндилар, табиий қимматбаҳо тошларнинг кукунлари ва рекуператори, дур ва ундан тайёрланган буюмлар, қахрабо ва ундан тайёрланган буюмлар 2843, 3006400000 (фақат қимматбаҳо металлардан), 7106 — 7115 (жисмоний шахслар томонидан олиб чиқиладиган ўлчовли олтин ва кумуш ёмбилардан (қуймалардан) ташқари), 7118 (фақат қимматбаҳо металлардан, жисмоний шахслар томонидан олиб чиқиладиган Марказий банкнинг олтин ва кумуш тангаларидан ташқари), 9003190001, 9021290000 (фақат қимматбаҳо металлардан), 9101, 9111100000, 911310, 9608109200 ва 9608109900 (фақат қимматбаҳо металлардан), 9608300000 (фақат қимматбаҳо металлардан), 9705 000000 (фақат қимматбаҳо металлардан тайёрланган тангалар, жисмоний шахслар томонидан олиб чиқиладиган Марказий банкнинг олтин ва кумуш тангаларидан ташқари), 7116 (фақат дур ва табиий қимматбаҳо тошлардан), 9602000000 (фақат ишлов берилган қахрабо ва ундан тайёрланган буюмлар) » .
4. Из приложения № 2 к Регламенту Администрации Президента Республики Узбекистан, утвержденному Указом Президента Республики Узбекистан от 26 августа 2018 года № УП-5519, пункт 61 исключить.
5. В пункте 4 постановления Президента Республики Узбекистан от 10 августа 2017 года № ПП-3199 «О мерах по государственной поддержке ювелирной промышленности» слова «Агентством по драгоценным металлам при Центральном банке Республики Узбекистан» заменить словами «Центральным банком Республики Узбекистан».
6. В абзаце четвертом приложения № 5 к постановлению Президента Республики Узбекистан от 15 ноября 2017 года № ПП-3388 «О мерах по дальнейшему развитию ювелирной промышленности Республики Узбекистан на 2018 — 2020 годы» слова «Б.Б. Сабиров — генеральный директор Агентства по драгоценным металлам» заменить словами «Р.Э. Умаров — начальник Государственной пробирной палаты».
ПРИЛОЖЕНИЕ № 2 к Указу Президента Республики Узбекистан от 22 сентября 2020 года № УП-6066
некоторых указов Президента Республики Узбекистан, признаваемых утратившими силу
1. Указ Президента Республики Узбекистан от 31 октября 2003 года № УП-3346 «О совершенствовании системы закупки, хранения и реализации драгоценных металлов».
2. Пункт 1 приложения № 3 к Указу Президента Республики Узбекистан от 18 мая 2019 года № УП-5721 «О мерах по ускоренному развитию ювелирной отрасли в Республике Узбекистан».
Президент Республики Узбекистан Ш. МИРЗИЁЕВ
г. Ташкент,
22 сентября 2020 г.,
№ УП-6066