📅 2020-yil 24-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 24 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 24 сентября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 24 September 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
МЕЪЁРЛАРИ
рўйхати
МЕЪЁРЛАРИ
Ўзбекистон Республикасида коронавирус инфекцияси тарқалишининг олдини олиш тадбирларига ажратилаётган маблағларнинг самарадорлигини таъминлашга оид қўшимча чора-тадбирлар тўғрисида
Ўзбекистон Республикаси ҳудудида коронавирус инфекциясига қарши курашиш даврида тиббиёт ходимлари зиммасига тушган юқори иш юкламасини юмшатиш ҳамда маблағлардан самарали ва оқилона фойдаланишни таъминлаш мақсадида Вазирлар Маҳкамаси қарор қилади:
1. Қуйидагилар:
а) Ўзбекистон Республикаси Соғлиқни сақлаш вазирлиги томонидан коронавирус инфекцияси билан касалланган беморларни даволаш стандартлари янгидан кўриб чиқиб тасдиқланганлиги ва бунда беморларнинг даволанишда бўлиш муддати 10 кундан 7 кунгача қисқартирилганлиги;
б) 2020 йил 20 августдан бошлаб:
коронавирус инфекцияси билан касалланган беморлар жойлашган муассасаларда фаолият олиб бораётган тиббиёт ходимлари ва бошқа ходимлар ҳамда коронавирус инфекциясини аниқлаш лабораториялари ходимлари иш фаолиятини ташкил қилиш амалдаги 14 кунлик «вахта» усулидан белгиланган санитария ва гигиена қоидаларига қатъий риоя қилган ҳолда кунлик тарзда келиб-кетиш тизимига ўтказилганлиги;
коронавирус инфекцияси билан касалланган беморларни кечаю кундуз танаффуссиз даволашга ихтисослашган тиббиёт ташкилотларида, жумладан, интенсив палаталар ва реанимация бўлимларида график асосида кечки ва тунги вақтларда врачлар навбатчилик қилиши орқали тиббий ёрдам узлуксиз кўрсатиши йўлга қўйилганлиги маълумот учун қабул қилинсин.
2. Белгилансинки, 2023 йил 15 июндан эътиборан:
коронавирус инфекцияси билан касалланган беморлар жойлашган муассасаларда фаолият олиб бораётган тиббиёт ва бошқа ходимлар ҳамда коронавирус инфекциясини аниқлаш лабораториялари ходимларига ишлаган даври учун иш юкламаларини инобатга олган ҳолда уларнинг тариф ставкаларига 50 фоиз миқдорида махсус устама тўлови амалга оширилади;
Бунда:
анестезиолог-реаниматолог врачларига махсус устамалар 1,2 коэффициентга оширилган ҳолда ҳисоб-китоб қилинади ва тўлаб берилади;
махсус устама тўловлари тўланадиган тиббиёт ходимлари ва бошқа ходимларнинг ойлик лавозим маошига 6 фоиз миқдорида ҳар кунлик қўшимча тўлов амалга оширилмайди.
3. Қуйидагилар:
Коронавирус инфекцияси билан касалланган беморларни даволаш объектларида ҳамда коронавирус инфекциясини аниқлаш лабораторияларида фаолият олиб бораётган ходимларга махсус рағбатлантириш тўловларини тўлаш тартиби тўғрисидаги низом 1-иловага мувофиқ;
Коронавирус инфекцияси тарқалишига қарши курашиш тадбирларига жалб қилинган тиббиёт, Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси ва унинг тизимидаги ташкилотлар ходимлари ва бошқа ходимларга 6 фоизлик кунлик қўшимча тўлов ўрнига ҳар ойлик моддий рағбатлантириш тўловлари амалга ошириладиган лавозимлар рўйхати 2а-иловага мувофиқ тасдиқлансин.
4. Ўзбекистон Республикаси Соғлиқни сақлаш вазирлиги Санитария-эпидемиологик осойишталик ва жамоат саломатлиги хизмати билан биргаликда бир ҳафта муддатда вақтинчалик карантинда сақланаётган шахслар ва коронавурус инфекциясини юқтирган беморлар учун кунлик овқатланиш меъёрларини қайта кўриб чиқсин ва тасдиқласин ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига етказсин.
5. Коронавирус инфекциясини юқтирган беморлар билан мулоқотга киришадиган, зарарланган беморлар жойлаштирилган тиббиёт муассасалари, вақтинчалик шифохоналар, провизор муассасалари, бўлимлари ҳамда коронавирус инфекциясини аниқлаш лабораторияларининг рўйхати Ўзбекистон Республикаси Соғлиқни сақлаш вазирлиги томонидан тасдиқланиши белгилаб қўйилсин.
6. Ўзбекистон Республикаси Соғлиқни сақлаш вазирлигининг коронавирус инфекцияси билан касалланган беморларни кечаю кундуз танаффуссиз даволашга ихтисослашган тиббиёт муассасаларида фаолият юритаётган тиббиёт ходимларини заруратга кўра ётоқхона билан таъминлаш ва кунлик овқатланиш тўғрисидаги таклифи маъқуллансин.
8. Ўзбекистон Республикаси Соғлиқни сақлаш вазирлиги республика бўйича коронавирус инфекциясига қарши курашиш тадбирларига жалб қилинган ходимлар тўғрисидаги маълумотлар, беморларни қабул қилиш ва чиқиш қайдномаси, товар-моддий бойликларнинг ҳаракати ҳамда шифохоналар бўйича бошқа таҳлилий маълумотлар шаффофлигини таъминлаш мақсадида бир ҳафта муддатда реал вақт режимида ишлайдиган «Bemor.ssv.uz» электрон назорат дастурини ишга туширсин.
10. Ўзбекистон Республикаси Молия вазирлигининг Давлат молиявий назорати ҳудудий бошқармалари коронавирус инфекциясига қарши курашиш даврида тиббиёт муассасаларига Давлат бюджетидан ажратилаётган маблағларнинг мақсадли ишлатилиши, шу жумладан, жалб қилинган ходимларга махсус устама тўловларининг тўғри ва тўлиқ тўланиши устидан тизимли назорат ўрнатсин.
11. Вазирлар Маҳкамасинининг «Коронавирус инфекциясини юқтирган беморларга тиббий ёрдам кўрсатиш самарадорлигини ошириш чора-тадбирлари тўғрисида» 2020 йил 4 августдаги 461-сон қарорига 4-иловага мувофиқ ўзгартиришлар киритилсин.
12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев зиммасига юклансин.
Вазирлар Маҳкамасининг 2020 йил 24 сентябрдаги 583-сон қарорига 1-ИЛОВА
Коронавирус инфекцияси билан касалланган беморларни даволаш объектларида ҳамда коронавирус инфекциясини аниқлаш лабораторияларида фаолият олиб бораётган ходимларга махсус рағбатлантириш тўловларини тўлаш тартиби тўғрисида
1-боб. Умумий қоидалар
1. Ушбу Низом коронавирус инфекциясини юқтирган беморлар билан мулоқотга киришадиган, беморлар жойлаштирилган тиббиёт муассасалари, вақтинчалик шифохоналар ҳамда коронавирус инфекцияси тасдиқланмаган аммо барча клиник белгилари мавжуд, шифохонага ётқизиш талаб қилинадиган беморлар учун шошилинч тиббий ёрдам кўрсатувчи провизор тиббиёт муассасаларида ва бўлимларида (кейинги ўринларда — стационар тиббиёт муассасалари) ва коронавирус инфекциясини аниқлаш лабораторияларида (кейинги ўринларда — лабораториялар) фаолият олиб бораётган ходимларга махсус қўшимча рағбатлантириш тўловини (кейинги ўринларда — махсус устама) амалга ошириш тартибини белгилайди.
2. Ходимларга махсус устамалар ва уларга ҳисобланадиган ижтимоий солиқлар 2022 йилда коронавирус пандемиясига қарши курашиш ва вакцина сотиб олиш учун ажратиладиган маблағлар ҳисобидан амалга оширилади.
3. Махсус тўлов учун Ўзбекистон Республикаси Давлат бюджетидан молиялаштириладиган ташкилотларга алоҳида шахсий ғазна ҳисобварақлари очилади.
4. Коронавирус инфекцияси билан касалланган беморлар жойлашган муассасаларда фаолият олиб бораётган тиббиёт ва бошқа ходимлар ҳамда коронавирус инфекциясини аниқлаш лабораториялари ходимларига ишлаган даври учун иш юкламаларини инобатга олган ҳолда уларнинг тариф ставкаларига 50 фоиз миқдорида махсус устама белгиланади.
Анестезиолог-реаниматолог врачларга махсус устамалар 1,2 коэффициентга оширилган ҳолда ҳисоб-китоб қилинади ва тўлаб берилади;
Бошқа ходимлар таркибига жалб этилган ёрдамчи, техник ва хизмат кўрсатувчи ходимлар киради.
2-боб. Махсус тўловларни амалга ошириш тартиби
6. Махсус устама тиббиёт ходимлари ва бошқа ходимларга, шу жумладан, қисқа муддатга жалб этилган тор йўналишдаги тиббиёт мутахассисларига ҳақиқатда ишланган иш ҳажми учун тўланади.
7. Лабораторияларда фаолият олиб бораётган ходимларга махсус тўловлар республика даражасидаги лабораториялар, Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси, унинг ҳудудий бошқармалари, туман (шаҳар) бўлимлари лабораториялари, даволаш муассасалари лабораториялари ҳамда ОИТС марказлари лабораториялари учун юқори турувчи соғлиқни сақлаш органи раҳбарларининг буйруқлари асосида жалб этилган шахсларга тўланади.
Бунда Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси, унинг ҳудудий бошқармалари, туман (шаҳар) бўлимлари раҳбарлари ушбу низомга иловага мувофиқ меъёрга, эпидемиологик ҳолатга асосан ходимларни лабораторияларга жалб этади.
Махсус тўловлар миқдори ҳақиқатда ишлаган давр учун ҳар ойлик иш юкламасини инобатга олган ҳолда ушбу лабораторияда ҳақиқатда шу даврда ўтказилган тест синовлари ҳажмидан келиб чиққан ҳолда белгиланиши лозим бўлган ходимлар сонига мутаносиб равишда аниқланади.
9. Стационар тиббиёт муассасаларида фаолият олиб бораётган тиббиёт ходимлари ва бошқа ходимларга махсус тўловлар ушбу объектларда ҳақиқий ишланган даври учун тўланади. Бунда беморлар бўлмаган даврда вақтинча фаолият юритмаган давр учун махсус тўловлар тўланмайди. Беморлар сони белгиланган меъёрлар бўйича назарда тутилган ўринлар сонига нисбатан кескин камайган тақдирда, даволашга жалб этилган ходимлар сони тегишли равишда камайтирилади.
10. Коронавирус инфекцияси билан вафот этган ёки ушбу инфекцияга гумон қилинган марҳумлар жасадини кафанлаш ва дафн этиш гуруҳи юқори турувчи тегишли ташкилот буйруғи асосида ташкил этилади.
Коронавирус инфекциясидан вафот этган шахсларни паталоганатомик текширувдан ўтказиш, марҳумлар жасадини кафанлаш ва дафн этиш учун жалб қилинадиган ходимларга ҳақиқатда ишлаган иш даври учун ушбу низомнинг 4-бандида кўрсатиб ўтилган миқдорларда махсус тўловлар тўланади.
Бунда паталагоанатомик хизматининг 1 нафардан врач-паталоганатоми, санитари, санитар-фарроши, мурда ташувчи бригада санитари ва унинг ҳайдовчиси ҳамда дезинфекторлардан иборат гуруҳ (жами 6 нафар) тузилади.
11. Стационар тиббиёт муассасалари ва лабораторияларга жалб этиладиган тиббиёт ходимлари ва бошқа ходимлар асосий иш жойининг раҳбари (ёки масъул шахси) сафарбар қилиниши ҳақидаги буйруғи билан бирга паспорт нусхаси, солиқ тўловчининг индентификация рақами (СТИР), шахсий жамғарилиб бориладиган пенсия ҳисобварағи (ШЖБПҲ) рақами ҳақидаги маълумотларни стационар тиббиёт муассасаси ёки лабораторияси мавжуд бўлган муассасага тақдим этади.
Соғлиқни сақлаш вазирлиги ёки ҳудудий соғлиқни сақлаш бошқарув органи стационар тиббиёт муассасаси ва лабораторияларга жалб этиладиган тиббиёт ходимлари ва бошқа ходимларнинг рўйхатини (захирасини) шакллантириб боради.
12. Стационар тиббиёт муассасаси бухгалтери бошқа муассасалардан жалб қилинган ходимлар тўғрисидаги маълумотларни бюджет ҳисоби ва ҳисоботи юритилишини комплекс автоматлаштириш учун мўлжалланган «УзАСБО» дастурий мажмуига киритади ҳамда уларга махсус тўловларни тўлаш учун тегишли бухгалтерия ҳисоб-китобларини амалга оширади, тўлов қайдномаларини шакллантиради ҳамда Ўзбекистон Республикаси Молия вазирлигининг Ғазначилиги тегишли бўлинмасига сўровнома юборади.
13. Стационар тиббиёт муассасалари ва лабораториялар томонидан махсус тўловни тўлаш учун ҳисобварағида етишмайдиган маблағ бўйича қўшимча маблағ ажратиш тўғрисида асосланган ҳисоб-китоблар билан Ўзбекистон Республикаси Молия вазирлигининг ҳудудий бошқарув органларига (кейинги ўринларда — молия бошқармалари) тўловларни амалга оширишдан камида бир ҳафта олдин буюртманома тақдим қилади.
14. Молия бошқармалари асосланган ҳисоб-китобларга мувофиқ икки кун муддатда зарур қўшимча маблағларни тегишли муассаса шахсий ғазна ҳисобварағига ажратади.
15. Молия бошқармалари махсус тўловларни тўлиқ ажратиш учун шахсий ғазна ҳисобварағида маблағлар етишмовчилиги мавжуд бўлганида, асосланган ҳисоб-китоблар билан Ўзбекистон Республикаси Молия вазирлигига қўшимча маблағ ажратиш тўғрисида мурожаат қилади.
Ўзбекистон Республикаси Молия вазирлиги ҳисоб-китоблардан келиб чиқиб, бир кун муддатда зарур маблағларни молия бошқармаларининг шахсий ғазна ҳисобварағига ажратади.
16. Стационар тиббиёт муассасалари ва лабораторияларнинг кадрлар бўлими ёки кадрлар ҳисобини юритиш вазифаси юклатилган ходим томонидан тиббиёт ходимлари ва бошқа ходимларнинг ишлаган соатлари кўрсатилган ҳолда иш кунини ҳисоблаш табели шакллантирилади ҳамда муассаса раҳбари томонидан тасдиқланади.
Муассаса ҳисобхонаси томонидан бюджет ҳисоби ва ҳисоботи юритилишини комплекс автоматлаштириш учун мўлжалланган «УзАСБО» дастурий мажмуада кунлик табелга асосан ҳар ойнинг ўн бешинчи ва охирги кунида махсус тўловлар ҳисобланади ва сўровнома шакллантирилади.
3-боб. Якунловчи қоидалар
17. Ушбу Низом талаблари республикада коронавирус инфекцияси тарқалишига қарши курашиш тадбирлари расман тўхтатиладиган ой якунига қадар амал қилади.
18. Ушбу Низомда назарда тутилган махсус тўловни олиш учун ходимлар ва ташкилотлар рўйхатлари тўғри шакллантирилиши, тегишли маълумот ва ҳисоб-китобларнинг тўғрилиги, шунингдек, ажратилган маблағлардан самарали ва мақсадли фойдаланилиши юзасидан шахсий жавобгарлик тиббиёт муассасалари раҳбарлари ва бош бухгалтерлари зиммасига юкланади.
19. Тиббиёт муассасасига бириктирилган молия ходимлари бошқа муассасалардан жалб қилинган ходимларнинг маълумотларини аниқлашда, уларни бюджет ҳисоби ва ҳисобот юритилишини комплекс автоматлаштириш учун мўлжалланган «УзАСБО» дастурий мажмуага киритишга, зарур ҳолларда махсус тўловларни ҳисоблашда кўмаклашади.
20. Ушбу Низомда назарда тутилган махсус тўловлар тўғри, тўлиқ ва узлуксиз амалга оширилишини назорат қилиш Ўзбекистон Республикаси Молия вазирлигининг Давлат молиявий назорати департаментига юкланади.
21. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Коронавирус инфекцияси билан касалланган беморларни даволаш объектларида ҳамда коронавирус инфекциясини аниқлаш лабораторияларида фаолият олиб бораётган ходимларга махсус рағбатлантириш тўловларини тўлаш тартиби тўғрисидаги низомга ИЛОВА
Махсус рағбатлантириш тўловларини тўлаш бўйича коронавирус инфекциясини аниқлаш лабораторияларига жалб қилинадиган ходимлар сони
Т/р Мутахассислар сони Намуналар сони 100 тагача таҳлил 100 тадан 250 тагача таҳлил 250 тадан 500 тагача таҳлил 500 тадан 800 тагача таҳлил Кейинги ҳар 300 та таҳлилга Намуналарни олиш гуруҳи 1 . Лаборант 0,5 1 2 4 1 2 . Ҳайдовчи * 0,5 1 1 1 — ПЗР лабораториялар и 1 . Врач - лаборант 0,5 1 2 3 1 2 . Лаборант 0,5 1 2 3 1 3 . Санитарка ** Рўй х атга олиш гуруҳи 1 . Лаборатория раҳбари — 0,5 1 1 — 2 . Тиббий рўйхатчи — 1 1 2 —
Вазирлар Маҳкамасининг 2020 йил 24 сентябрдаги 583-сон қарорига 2а-ИЛОВА
Коронавирус инфекцияси тарқалишига қарши курашиш тадбирларига жалб қилинган тиббиёт, Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси ва унинг тизимидаги ташкилотлар ходимлари ва бошқа ходимларга 6 фоизлик кунлик қўшимча тўлови ўрнига ҳар ойлик моддий рағбатлантириш тўловлари амалга ошириладиган лавозимлар
Т/р Муассасалар номи Рағбатлантириш миқдорлари 1. Коронавирус инфекцияси тарқалишига қарши курашишга ихтисослашган махсус поликлиникалар Врач (2,5 млн сўм), ўрта тиббиёт ходими (1,5 млн сўм), кичик тиббиёт ходими (1.0 млн сўм), бошқа ходимлар (0,5 млн сўм) 2. Тез тиббий ёрдам бригадалари Врач (2,5 млн сўм), ўрта тиббиёт ходими (1,5 млн сўм), ҳайдовчилар (1,0 млн сўм)
Вазирлар Маҳкамасининг 2020 йил 24 сентябрдаги 583-сон қарорига 3-ИЛОВА
Ихчамлаштирилган мобил тез тиббий ёрдам бригадалари ташкил этишнинг вақтинчалик
Т/р Ҳудудлар Меъёр 1 . Қорақалпоғистон Республикаси, вилоятлар ҳамда туман ва шаҳарлар марказларида Суткалик 16 та чақириқдан ошганда — ҳар 16 та чақириққа 2 . Туман (шаҳар)лардаги олис ва чекка ҳамда аҳоли тарқоқ бўлган ҳудудларда Суткалик 12 та чақириқдан ошганда — ҳар 12 та чақириққа 3 . Тошкент шаҳри ҳудудида Суткалик 14 та чақириқдан ошганда — ҳар 14 та чақириққа
Вазирлар Маҳкамасининг 2020 йил 24 сентябрдаги 583-сон қарорига 4-ИЛОВА
Вазирлар Маҳкамасинининг «Коронавирус инфекциясини юқтирган беморларга тиббий ёрдам кўрсатиш самарадорлигини ошириш чора-тадбирлари тўғрисида» 2020 йил 4 августдаги 461-сон қарорига киритилаётган ўзгартиришлар
1. 3-банднинг учинчи хатбошиси ва 6-банднинг еттинчи хатбошиси , 8-банд , 10-банднинг иккинчи хатбошиси ўз кучини йўқотган деб ҳисоблансин.
2. 6-банднинг саккизинчи хатбошиси қуйидаги таҳрирда баён қилинсин:
«Ўзбекистон Республикаси Соғлиқни сақлаш вазирлигига Молия вазирлиги билан келишган ҳолда коронавирус инфекциясини юқтирган беморлар билан мулоқотга киришадиган, беморлар жойлаштирилган объектларда (стационар даволаш муассасаларида) даволанаётган беморлар сонидан ва ходимларнинг ишлаш хусусиятидан келиб чиқиб тиббиёт ходимлари ва бошқа ходимларнинг меъёрларини тасдиқлаш ҳуқуқи берилсин».
3. 7-банднинг «б» кичик банди биринчи хатбошисидаги «лавозим маоши» сўзлари «пул таъминоти (иш ҳақи)» сўзлари билан алмаштирилсин.
4. 10-банднинг учинчи хатбошисидаги «8 ва 9-бандларида» сўзлари «9-бандида» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2020 йил 24 сентябрь,
583-сон
Oʻzbekiston Respublikasi Vazirlar Mahkamasining
qarori
NIZOM
MEʼYORLARI
roʻyxati
MEʼYORLARI
Oʻzbekiston Respublikasida koronavirus infeksiyasi tarqalishining oldini olish tadbirlariga ajratilayotgan mablagʻlarning samaradorligini taʼminlashga oid qoʻshimcha chora-tadbirlar toʻgʻrisida
Oʻzbekiston Respublikasi hududida koronavirus infeksiyasiga qarshi kurashish davrida tibbiyot xodimlari zimmasiga tushgan yuqori ish yuklamasini yumshatish hamda mablagʻlardan samarali va oqilona foydalanishni taʼminlash maqsadida Vazirlar Mahkamasi qaror qiladi:
1. Quyidagilar:
a) Oʻzbekiston Respublikasi Sogʻliqni saqlash vazirligi tomonidan koronavirus infeksiyasi bilan kasallangan bemorlarni davolash standartlari yangidan koʻrib chiqib tasdiqlanganligi va bunda bemorlarning davolanishda boʻlish muddati 10 kundan 7 kungacha qisqartirilganligi;
b) 2020-yil 20-avgustdan boshlab:
koronavirus infeksiyasi bilan kasallangan bemorlar joylashgan muassasalarda faoliyat olib borayotgan tibbiyot xodimlari va boshqa xodimlar hamda koronavirus infeksiyasini aniqlash laboratoriyalari xodimlari ish faoliyatini tashkil qilish amaldagi 14 kunlik “vaxta” usulidan belgilangan sanitariya va gigiyena qoidalariga qatʼiy rioya qilgan holda kunlik tarzda kelib-ketish tizimiga oʻtkazilganligi;
koronavirus infeksiyasi bilan kasallangan bemorlarni kechayu kunduz tanaffussiz davolashga ixtisoslashgan tibbiyot tashkilotlarida, jumladan, intensiv palatalar va reanimatsiya boʻlimlarida grafik asosida kechki va tungi vaqtlarda vrachlar navbatchilik qilishi orqali tibbiy yordam uzluksiz koʻrsatishi yoʻlga qoʻyilganligi maʼlumot uchun qabul qilinsin.
2. Belgilansinki, 2023-yil 15-iyundan eʼtiboran:
koronavirus infeksiyasi bilan kasallangan bemorlar joylashgan muassasalarda faoliyat olib borayotgan tibbiyot va boshqa xodimlar hamda koronavirus infeksiyasini aniqlash laboratoriyalari xodimlariga ishlagan davri uchun ish yuklamalarini inobatga olgan holda ularning tarif stavkalariga 50 foiz miqdorida maxsus ustama toʻlovi amalga oshiriladi;
Bunda:
anesteziolog-reanimatolog vrachlariga maxsus ustamalar 1,2 koeffitsiyentga oshirilgan holda hisob-kitob qilinadi va toʻlab beriladi;
maxsus ustama toʻlovlari toʻlanadigan tibbiyot xodimlari va boshqa xodimlarning oylik lavozim maoshiga 6 foiz miqdorida har kunlik qoʻshimcha toʻlov amalga oshirilmaydi.
3. Quyidagilar:
Koronavirus infeksiyasi bilan kasallangan bemorlarni davolash obyektlarida hamda koronavirus infeksiyasini aniqlash laboratoriyalarida faoliyat olib borayotgan xodimlarga maxsus ragʻbatlantirish toʻlovlarini toʻlash tartibi toʻgʻrisidagi nizom 1-ilovaga muvofiq;
Koronavirus infeksiyasi tarqalishiga qarshi kurashish tadbirlariga jalb qilingan tibbiyot, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi va uning tizimidagi tashkilotlar xodimlari va boshqa xodimlarga 6 foizlik kunlik qoʻshimcha toʻlov oʻrniga har oylik moddiy ragʻbatlantirish toʻlovlari amalga oshiriladigan lavozimlar roʻyxati 2a-ilovaga muvofiq tasdiqlansin.
4. Oʻzbekiston Respublikasi Sogʻliqni saqlash vazirligi Sanitariya-epidemiologik osoyishtalik va jamoat salomatligi xizmati bilan birgalikda bir hafta muddatda vaqtinchalik karantinda saqlanayotgan shaxslar va koronavurus infeksiyasini yuqtirgan bemorlar uchun kunlik ovqatlanish meʼyorlarini qayta koʻrib chiqsin va tasdiqlasin hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yetkazsin.
5. Koronavirus infeksiyasini yuqtirgan bemorlar bilan muloqotga kirishadigan, zararlangan bemorlar joylashtirilgan tibbiyot muassasalari, vaqtinchalik shifoxonalar, provizor muassasalari, boʻlimlari hamda koronavirus infeksiyasini aniqlash laboratoriyalarining roʻyxati Oʻzbekiston Respublikasi Sogʻliqni saqlash vazirligi tomonidan tasdiqlanishi belgilab qoʻyilsin.
6. Oʻzbekiston Respublikasi Sogʻliqni saqlash vazirligining koronavirus infeksiyasi bilan kasallangan bemorlarni kechayu kunduz tanaffussiz davolashga ixtisoslashgan tibbiyot muassasalarida faoliyat yuritayotgan tibbiyot xodimlarini zaruratga koʻra yotoqxona bilan taʼminlash va kunlik ovqatlanish toʻgʻrisidagi taklifi maʼqullansin.
8. Oʻzbekiston Respublikasi Sogʻliqni saqlash vazirligi respublika boʻyicha koronavirus infeksiyasiga qarshi kurashish tadbirlariga jalb qilingan xodimlar toʻgʻrisidagi maʼlumotlar, bemorlarni qabul qilish va chiqish qaydnomasi, tovar-moddiy boyliklarning harakati hamda shifoxonalar boʻyicha boshqa tahliliy maʼlumotlar shaffofligini taʼminlash maqsadida bir hafta muddatda real vaqt rejimida ishlaydigan “Bemor.ssv.uz” elektron nazorat dasturini ishga tushirsin.
10. Oʻzbekiston Respublikasi Moliya vazirligining Davlat moliyaviy nazorati hududiy boshqarmalari koronavirus infeksiyasiga qarshi kurashish davrida tibbiyot muassasalariga Davlat budjetidan ajratilayotgan mablagʻlarning maqsadli ishlatilishi, shu jumladan, jalb qilingan xodimlarga maxsus ustama toʻlovlarining toʻgʻri va toʻliq toʻlanishi ustidan tizimli nazorat oʻrnatsin.
11. Vazirlar Mahkamasinining “Koronavirus infeksiyasini yuqtirgan bemorlarga tibbiy yordam koʻrsatish samaradorligini oshirish chora-tadbirlari toʻgʻrisida” 2020-yil 4-avgustdagi 461-son qaroriga 4-ilovaga muvofiq oʻzgartirishlar kiritilsin.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev zimmasiga yuklansin.
Vazirlar Mahkamasining 2020-yil 24-sentabrdagi 583-son qaroriga 1-ILOVA
Koronavirus infeksiyasi bilan kasallangan bemorlarni davolash obyektlarida hamda koronavirus infeksiyasini aniqlash laboratoriyalarida faoliyat olib borayotgan xodimlarga maxsus ragʻbatlantirish toʻlovlarini toʻlash tartibi toʻgʻrisida
1-bob. Umumiy qoidalar
1. Ushbu Nizom koronavirus infeksiyasini yuqtirgan bemorlar bilan muloqotga kirishadigan, bemorlar joylashtirilgan tibbiyot muassasalari, vaqtinchalik shifoxonalar hamda koronavirus infeksiyasi tasdiqlanmagan ammo barcha klinik belgilari mavjud, shifoxonaga yotqizish talab qilinadigan bemorlar uchun shoshilinch tibbiy yordam koʻrsatuvchi provizor tibbiyot muassasalarida va boʻlimlarida (keyingi oʻrinlarda — statsionar tibbiyot muassasalari) va koronavirus infeksiyasini aniqlash laboratoriyalarida (keyingi oʻrinlarda — laboratoriyalar) faoliyat olib borayotgan xodimlarga maxsus qoʻshimcha ragʻbatlantirish toʻlovini (keyingi oʻrinlarda — maxsus ustama) amalga oshirish tartibini belgilaydi.
2. Xodimlarga maxsus ustamalar va ularga hisoblanadigan ijtimoiy soliqlar 2022-yilda koronavirus pandemiyasiga qarshi kurashish va vaksina sotib olish uchun ajratiladigan mablagʻlar hisobidan amalga oshiriladi.
3. Maxsus toʻlov uchun Oʻzbekiston Respublikasi Davlat budjetidan moliyalashtiriladigan tashkilotlarga alohida shaxsiy gʻazna hisobvaraqlari ochiladi.
4. Koronavirus infeksiyasi bilan kasallangan bemorlar joylashgan muassasalarda faoliyat olib borayotgan tibbiyot va boshqa xodimlar hamda koronavirus infeksiyasini aniqlash laboratoriyalari xodimlariga ishlagan davri uchun ish yuklamalarini inobatga olgan holda ularning tarif stavkalariga 50 foiz miqdorida maxsus ustama belgilanadi.
Anesteziolog-reanimatolog vrachlarga maxsus ustamalar 1,2 koeffitsiyentga oshirilgan holda hisob-kitob qilinadi va toʻlab beriladi;
Boshqa xodimlar tarkibiga jalb etilgan yordamchi, texnik va xizmat koʻrsatuvchi xodimlar kiradi.
2-bob. Maxsus toʻlovlarni amalga oshirish tartibi
6. Maxsus ustama tibbiyot xodimlari va boshqa xodimlarga, shu jumladan, qisqa muddatga jalb etilgan tor yoʻnalishdagi tibbiyot mutaxassislariga haqiqatda ishlangan ish hajmi uchun toʻlanadi.
7. Laboratoriyalarda faoliyat olib borayotgan xodimlarga maxsus toʻlovlar respublika darajasidagi laboratoriyalar, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi, uning hududiy boshqarmalari, tuman (shahar) boʻlimlari laboratoriyalari, davolash muassasalari laboratoriyalari hamda OITS markazlari laboratoriyalari uchun yuqori turuvchi sogʻliqni saqlash organi rahbarlarining buyruqlari asosida jalb etilgan shaxslarga toʻlanadi.
Bunda Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi, uning hududiy boshqarmalari, tuman (shahar) boʻlimlari rahbarlari ushbu nizomga ilovaga muvofiq meʼyorga, epidemiologik holatga asosan xodimlarni laboratoriyalarga jalb etadi.
Maxsus toʻlovlar miqdori haqiqatda ishlagan davr uchun har oylik ish yuklamasini inobatga olgan holda ushbu laboratoriyada haqiqatda shu davrda oʻtkazilgan test sinovlari hajmidan kelib chiqqan holda belgilanishi lozim boʻlgan xodimlar soniga mutanosib ravishda aniqlanadi.
9. Statsionar tibbiyot muassasalarida faoliyat olib borayotgan tibbiyot xodimlari va boshqa xodimlarga maxsus toʻlovlar ushbu obyektlarda haqiqiy ishlangan davri uchun toʻlanadi. Bunda bemorlar boʻlmagan davrda vaqtincha faoliyat yuritmagan davr uchun maxsus toʻlovlar toʻlanmaydi. Bemorlar soni belgilangan meʼyorlar boʻyicha nazarda tutilgan oʻrinlar soniga nisbatan keskin kamaygan taqdirda, davolashga jalb etilgan xodimlar soni tegishli ravishda kamaytiriladi.
10. Koronavirus infeksiyasi bilan vafot etgan yoki ushbu infeksiyaga gumon qilingan marhumlar jasadini kafanlash va dafn etish guruhi yuqori turuvchi tegishli tashkilot buyrugʻi asosida tashkil etiladi.
Koronavirus infeksiyasidan vafot etgan shaxslarni pataloganatomik tekshiruvdan oʻtkazish, marhumlar jasadini kafanlash va dafn etish uchun jalb qilinadigan xodimlarga haqiqatda ishlagan ish davri uchun ushbu nizomning 4-bandida koʻrsatib oʻtilgan miqdorlarda maxsus toʻlovlar toʻlanadi.
Bunda patalagoanatomik xizmatining 1 nafardan vrach-pataloganatomi, sanitari, sanitar-farroshi, murda tashuvchi brigada sanitari va uning haydovchisi hamda dezinfektorlardan iborat guruh (jami 6 nafar) tuziladi.
11. Statsionar tibbiyot muassasalari va laboratoriyalarga jalb etiladigan tibbiyot xodimlari va boshqa xodimlar asosiy ish joyining rahbari (yoki masʼul shaxsi) safarbar qilinishi haqidagi buyrugʻi bilan birga pasport nusxasi, soliq toʻlovchining indentifikatsiya raqami (STIR), shaxsiy jamgʻarilib boriladigan pensiya hisobvaragʻi (SHJBPH) raqami haqidagi maʼlumotlarni statsionar tibbiyot muassasasi yoki laboratoriyasi mavjud boʻlgan muassasaga taqdim etadi.
Sogʻliqni saqlash vazirligi yoki hududiy sogʻliqni saqlash boshqaruv organi statsionar tibbiyot muassasasi va laboratoriyalarga jalb etiladigan tibbiyot xodimlari va boshqa xodimlarning roʻyxatini (zaxirasini) shakllantirib boradi.
12. Statsionar tibbiyot muassasasi buxgalteri boshqa muassasalardan jalb qilingan xodimlar toʻgʻrisidagi maʼlumotlarni budjet hisobi va hisoboti yuritilishini kompleks avtomatlashtirish uchun moʻljallangan “UzASBO” dasturiy majmuiga kiritadi hamda ularga maxsus toʻlovlarni toʻlash uchun tegishli buxgalteriya hisob-kitoblarini amalga oshiradi, toʻlov qaydnomalarini shakllantiradi hamda Oʻzbekiston Respublikasi Moliya vazirligining Gʻaznachiligi tegishli boʻlinmasiga soʻrovnoma yuboradi.
13. Statsionar tibbiyot muassasalari va laboratoriyalar tomonidan maxsus toʻlovni toʻlash uchun hisobvaragʻida yetishmaydigan mablagʻ boʻyicha qoʻshimcha mablagʻ ajratish toʻgʻrisida asoslangan hisob-kitoblar bilan Oʻzbekiston Respublikasi Moliya vazirligining hududiy boshqaruv organlariga (keyingi oʻrinlarda — moliya boshqarmalari) toʻlovlarni amalga oshirishdan kamida bir hafta oldin buyurtmanoma taqdim qiladi.
14. Moliya boshqarmalari asoslangan hisob-kitoblarga muvofiq ikki kun muddatda zarur qoʻshimcha mablagʻlarni tegishli muassasa shaxsiy gʻazna hisobvaragʻiga ajratadi.
15. Moliya boshqarmalari maxsus toʻlovlarni toʻliq ajratish uchun shaxsiy gʻazna hisobvaragʻida mablagʻlar yetishmovchiligi mavjud boʻlganida, asoslangan hisob-kitoblar bilan Oʻzbekiston Respublikasi Moliya vazirligiga qoʻshimcha mablagʻ ajratish toʻgʻrisida murojaat qiladi.
Oʻzbekiston Respublikasi Moliya vazirligi hisob-kitoblardan kelib chiqib, bir kun muddatda zarur mablagʻlarni moliya boshqarmalarining shaxsiy gʻazna hisobvaragʻiga ajratadi.
16. Statsionar tibbiyot muassasalari va laboratoriyalarning kadrlar boʻlimi yoki kadrlar hisobini yuritish vazifasi yuklatilgan xodim tomonidan tibbiyot xodimlari va boshqa xodimlarning ishlagan soatlari koʻrsatilgan holda ish kunini hisoblash tabeli shakllantiriladi hamda muassasa rahbari tomonidan tasdiqlanadi.
Muassasa hisobxonasi tomonidan budjet hisobi va hisoboti yuritilishini kompleks avtomatlashtirish uchun moʻljallangan “UzASBO” dasturiy majmuada kunlik tabelga asosan har oyning oʻn beshinchi va oxirgi kunida maxsus toʻlovlar hisoblanadi va soʻrovnoma shakllantiriladi.
3-bob. Yakunlovchi qoidalar
17. Ushbu Nizom talablari respublikada koronavirus infeksiyasi tarqalishiga qarshi kurashish tadbirlari rasman toʻxtatiladigan oy yakuniga qadar amal qiladi.
18. Ushbu Nizomda nazarda tutilgan maxsus toʻlovni olish uchun xodimlar va tashkilotlar roʻyxatlari toʻgʻri shakllantirilishi, tegishli maʼlumot va hisob-kitoblarning toʻgʻriligi, shuningdek, ajratilgan mablagʻlardan samarali va maqsadli foydalanilishi yuzasidan shaxsiy javobgarlik tibbiyot muassasalari rahbarlari va bosh buxgalterlari zimmasiga yuklanadi.
19. Tibbiyot muassasasiga biriktirilgan moliya xodimlari boshqa muassasalardan jalb qilingan xodimlarning maʼlumotlarini aniqlashda, ularni budjet hisobi va hisobot yuritilishini kompleks avtomatlashtirish uchun moʻljallangan “UzASBO” dasturiy majmuaga kiritishga, zarur hollarda maxsus toʻlovlarni hisoblashda koʻmaklashadi.
20. Ushbu Nizomda nazarda tutilgan maxsus toʻlovlar toʻgʻri, toʻliq va uzluksiz amalga oshirilishini nazorat qilish Oʻzbekiston Respublikasi Moliya vazirligining Davlat moliyaviy nazorati departamentiga yuklanadi.
21. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Koronavirus infeksiyasi bilan kasallangan bemorlarni davolash obyektlarida hamda koronavirus infeksiyasini aniqlash laboratoriyalarida faoliyat olib borayotgan xodimlarga maxsus ragʻbatlantirish toʻlovlarini toʻlash tartibi toʻgʻrisidagi nizomga ILOVA
Maxsus ragʻbatlantirish toʻlovlarini toʻlash boʻyicha koronavirus infeksiyasini aniqlash laboratoriyalariga jalb qilinadigan xodimlar soni
T/r Mutaxassislar soni Namunalar soni 100 tagacha tahlil 100 tadan 250 tagacha tahlil 250 tadan 500 tagacha tahlil 500 tadan 800 tagacha tahlil Keyingi har 300 ta tahlilga Namunalarni olish guruhi 1 . Laborant 0,5 1 2 4 1 2 . Haydovchi * 0,5 1 1 1 — PZR laboratoriyalar i 1 . Vrach - laborant 0,5 1 2 3 1 2 . Laborant 0,5 1 2 3 1 3 . Sanitarka ** Roʻy x atga olish guruhi 1 . Laboratoriya rahbari — 0,5 1 1 — 2 . Tibbiy roʻyxatchi — 1 1 2 —
Vazirlar Mahkamasining 2020-yil 24-sentabrdagi 583-son qaroriga 2a-ILOVA
Koronavirus infeksiyasi tarqalishiga qarshi kurashish tadbirlariga jalb qilingan tibbiyot, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi va uning tizimidagi tashkilotlar xodimlari va boshqa xodimlarga 6 foizlik kunlik qoʻshimcha toʻlovi oʻrniga har oylik moddiy ragʻbatlantirish toʻlovlari amalga oshiriladigan lavozimlar
T/r Muassasalar nomi Ragʻbatlantirish miqdorlari 1. Koronavirus infeksiyasi tarqalishiga qarshi kurashishga ixtisoslashgan maxsus poliklinikalar Vrach (2,5 mln soʻm), oʻrta tibbiyot xodimi (1,5 mln soʻm), kichik tibbiyot xodimi (1.0 mln soʻm), boshqa xodimlar (0,5 mln soʻm) 2. Tez tibbiy yordam brigadalari Vrach (2,5 mln soʻm), oʻrta tibbiyot xodimi (1,5 mln soʻm), haydovchilar (1,0 mln soʻm)
Vazirlar Mahkamasining 2020-yil 24-sentabrdagi 583-son qaroriga 3-ILOVA
Ixchamlashtirilgan mobil tez tibbiy yordam brigadalari tashkil etishning vaqtinchalik
T/r Hududlar Meʼyor 1 . Qoraqalpogʻiston Respublikasi, viloyatlar hamda tuman va shaharlar markazlarida Sutkalik 16 ta chaqiriqdan oshganda — har 16 ta chaqiriqqa 2 . Tuman (shahar)lardagi olis va chekka hamda aholi tarqoq boʻlgan hududlarda Sutkalik 12 ta chaqiriqdan oshganda — har 12 ta chaqiriqqa 3 . Toshkent shahri hududida Sutkalik 14 ta chaqiriqdan oshganda — har 14 ta chaqiriqqa
Vazirlar Mahkamasining 2020-yil 24-sentabrdagi 583-son qaroriga 4-ILOVA
Vazirlar Mahkamasinining “Koronavirus infeksiyasini yuqtirgan bemorlarga tibbiy yordam koʻrsatish samaradorligini oshirish chora-tadbirlari toʻgʻrisida” 2020-yil 4-avgustdagi 461-son qaroriga kiritilayotgan oʻzgartirishlar
1. 3-bandning uchinchi xatboshisi va 6-bandning yettinchi xatboshisi , 8-band , 10-bandning ikkinchi xatboshisi oʻz kuchini yoʻqotgan deb hisoblansin.
2. 6-bandning sakkizinchi xatboshisi quyidagi tahrirda bayon qilinsin:
“Oʻzbekiston Respublikasi Sogʻliqni saqlash vazirligiga Moliya vazirligi bilan kelishgan holda koronavirus infeksiyasini yuqtirgan bemorlar bilan muloqotga kirishadigan, bemorlar joylashtirilgan obyektlarda (statsionar davolash muassasalarida) davolanayotgan bemorlar sonidan va xodimlarning ishlash xususiyatidan kelib chiqib tibbiyot xodimlari va boshqa xodimlarning meʼyorlarini tasdiqlash huquqi berilsin”.
3. 7-bandning “b” kichik bandi birinchi xatboshisidagi “lavozim maoshi” soʻzlari “pul taʼminoti (ish haqi)” soʻzlari bilan almashtirilsin.
4. 10-bandning uchinchi xatboshisidagi “8 va 9-bandlarida” soʻzlari “9-bandida” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 24-sentabr,
583-son