UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Вазирлар Маҳкамасининг «Чорвачилик тармоғига давлат томонидан субсидия ажратишни тартибга солувчи норматив-ҳуқуқий ҳужжатларни тасдиқлаш тўғрисида» 2020 йил 12 майдаги 280-сон қарорига ўзгартириш ва қўшимчалар киритиш тўғрисида

Ўзбекистон Республикаси Президентининг «Республикада қўлда тўқилган гиламчилик соҳасини ривожлантириш чора-тадбирлари тўғрисида» 2020 йил 26 июндаги ПҚ-4759-сон қарорига мувофиқ Вазирлар Маҳкамаси қарор қилади:

1. Вазирлар Маҳкамасининг «Чорвачилик тармоғига давлат томонидан субсидия ажратишни тартибга солувчи норматив-ҳуқуқий ҳужжатларни тасдиқлаш тўғрисида» 2020 йил 12 майдаги 280-сон қарорига иловага мувофиқ ўзгартириш ва қўшимчалар киритилсин.

2. Ўзбекистон Республикаси Ветеринария ва чорвачиликни ривожлантириш давлат қўмитаси бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни уч ой муддатда мазкур қарорга мувофиқлаштирсин.

3. Ушбу қарор 2021 йил 1 январдан бошлаб кучга киради.

4. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари ҳамда Ўзбекистон Республикаси Ветеринария ва чорвачиликни ривожлантириш давлат қўмитаси раиси Б.Т. Норқобилов зиммасига юклансин.

Вазирлар Маҳкамасининг 2020 йил 26 сентябрдаги 590-сон қарорига ИЛОВА

Вазирлар Маҳкамасининг «Чорвачилик тармоғига давлат томонидан субсидия ажратишни тартибга солувчи норматив-ҳуқуқий ҳужжатларни тасдиқлаш тўғрисида» 2020 йил 12 майдаги 280-сон қарорига киритилаётган ўзгартириш ва қўшимчалар

1. 1-бандда :

қуйидаги мазмундаги бешинчи хатбоши қўшилсин:

«2021 — 2023 йилларда чорвачилик маҳсулотлари етиштирувчи хўжаликларга улар томонидан қўлда гилам тўқишга ихтисослашган ҳунармандлар ва ташкилотларга сотилган «меринос» зотли қўй ва «ангор» зотли эчкиларнинг жуни учун субсидия ажратиш тартиби тўғрисидаги низом 3а-иловага мувофиқ»;

бешинчи — саккизинчи хатбошилар тегишлича олтинчи — тўққизинчи хатбошилар деб ҳисоблансин.

2. Қуйидаги мазмундаги 3а-илова қўшилсин:

«Вазирлар Маҳкамасининг 2020 йил 15 майдаги 280-сон қарорига 3а-ИЛОВА

2021 — 2023 йилларда чорвачилик маҳсулотлари етиштирувчи хўжаликларга улар томонидан қўлда гилам тўқишга ихтисослашган ҳунармандлар ва ташкилотларга сотилган «меринос» зотли қўй ва «ангор» зотли эчкиларнинг жуни учун субсидия бериш тартиби тўғрисида

1-боб. Умумий қоидалар

1. Ушбу Низом 2021 — 2023 йилларда чорвачилик маҳсулотлари етиштирувчи хўжаликлар томонидан парвариш қилинаётган «меринос» зотли қўй ҳамда «ангор» зотли эчкилардан қирқиб олиниб, қўлда гилам тўқишга ихтисослашган ҳунармандлар ва ташкилотларга (кейинги ўринларда — ҳунармандлар ва ташкилотлар) сотилган жун учун субсидия бериш тартибини белгилайди.

2. Ушбу Низомда қуйидаги асосий тушунчалар қўлланилади:

субсидия — чорвачилик маҳсулотлари етиштирувчи хўжаликлар томонидан «меринос» зотли қўй ҳамда «ангор» зотли эчкилар етиштириш учун сарфланган харажатлар ўрнини қисман қоплаш учун юридик шахсларга бериладиган пул маблағи;

чорвачилик маҳсулотлари етиштирувчи хўжалик — »меринос» зотли қўй ҳамда «ангор» зотли эчкиларни парвариш қилиш, такрор кўпайтириш ҳамда жун етиштириш билан шуғулланувчи хўжалик юритувчи субъектлар;

субсидия олувчилар — ушбу Низом билан белгиланган тартибда «меринос» зотли қўй ва «ангор» зотли эчкиларни парвариш қилиб, қирқиб олинган жунни ҳунармандлар ва ташкилотларга сотадиган чорвачилик маҳсулотлари етиштирувчи хўжалик юритувчи субъектлар.

3. Чорвачилик маҳсулотлари етиштирувчи хўжаликларга «меринос» зотли қўй ҳамда «ангор» зотли эчкилардан қирқиб олиниб, ҳунармандлар ва ташкилотларга сотилган ҳар бир килограмм жун учун давлат томонидан икки минг сўмдан субсидия ажратилади.

2-боб. Субсидия олувчилар рўйхатини шакллантириш тартиби

4. Чорвачилик тармоғини янада ривожлантириш фаолиятини самарали ташкил этишни таъминлаш бўйича туманлар (шаҳарлар) комиссиялари (кейинги ўринларда — туман комиссияси) календарь йилнинг 1 майига қадар ушбу Низомга 1-иловага мувофиқ шакл бўйича келгуси йил учун субсидия олувчилар рўйхатини шакллантиради ҳамда тасдиқлаган ҳолда Чорвачилик тармоғини янада ривожлантириш фаолиятини самарали ташкил этишни таъминлаш бўйича Қорақалпоғистон Республикаси ва вилоятлар комиссияларига (кейинги ўринларда — вилоят комиссияси) киритади.

5. Вилоят комиссияси календарь йилнинг 5 майига қадар субсидия олувчилар рўйхатини умумлаштириб, ушбу Низомга 2-иловага мувофиқ шакл бўйича тасдиқлаган ҳолда Ўзбекистон Республикаси Ветеринария ва чорвачиликни ривожлантириш давлат қўмитаси ҳузуридаги «Ўзбекчорванасл» агентлигига (кейинги ўринларда — Агентлик) тақдим этади.

6. Агентлик вилоят комиссияси томонидан тақдим этилган рўйхатни беш иш кунида ушбу Низомга 3-иловага мувофиқ шакл бўйича умумлаштириб, Ўзбекистон Республикаси Молия вазирлиги билан келишган ҳолда Вазирлар Маҳкамасига тақдим этади.

7. Ўзбекистон Республикаси Вазирлар Маҳкамаси Агентлик томонидан тақдим этилган рўйхатни уч иш кунида белгиланган тартибда кўриб чиқиб тасдиқлайди ҳамда ижро учун Ветеринария ва чорвачиликни ривожлантириш давлат қўмитаси ва Молия вазирлигига юборади.

8. Ўзбекистон Республикаси Молия вазирлиги келгуси йил учун Давлат бюджети параметрларини шакллантиришда Вазирлар Маҳкамаси томонидан тасдиқланган кўрсаткичлардан келиб чиқиб субсидия олувчиларга субсидия ажратиш учун зарур маблағларни ҳисобга олади.

9. Агентлик субсидия ажратиш бўйича туман комиссияси томонидан шакллантирилган рўйхатга йил давомида ҳақиқий ҳолатдан келиб чиқиб тегишли ўзгартириш ва қўшимчалар киритиш бўйича Вазирлар Маҳкамасига таклиф киритиши мумкин.

3-боб. Субсидия ажратиш учун талаб этиладиган ҳужжатлар ва уларни кўриб чиқиш тартиби

10. Субсидия олувчи «меринос» зотли қўй ва «ангор» зотли эчки жунини ҳунармандлар ва ташкилотларга сотгандан сўнг туман комиссиясига субсидия олиш учун ариза билан мурожаат қилади. Аризада қуйидагилар кўрсатилиши лозим:

«меринос» зотли қўй ва «ангор» зотли эчки жунини сотишда тўлдирилган олди-сотди шартнома, ҳисобварақ-фактура рақами ва тўлов топшириқномаси нусхаси;

«меринос» зотли қўй ва «ангор» зотли эчки жуни сотилган ҳунарманд ёки ташкилот номи ҳамда унинг солиқ тўловчи сифатидаги идентификация рақами (СТИР);

субсидия олувчининг тижорат банки ва ундаги ҳисобварағи бўйича маълумотлар.

Тақдим этилган ариза туман комиссияси котиби томонидан қабул қилинади ҳамда қабул қилинган сана кўрсатилган ҳолда ариза нусхаси субсидия олувчига қайтарилади. Субсидия олувчиларнинг аризалари тикилган ва муҳрланган журналга туман комиссияси котиби томонидан қайд этилади ва янгиланиб борилади.

Тақдим этилган ҳужжатларнинг тўлиқ ва хаққонийлиги учун субсидия олувчилар жавобгар ҳисобланади.

11. Субсидия олувчининг аризаси туман комиссияси томонидан уч иш кунида кўриб чиқилади.

Туман комиссияси ушбу Низомга 4-иловада келтирилган шаклга мувофиқ субсидия ажратиш ёки ажратишни рад этиш тўғрисида уч нусхада хулоса қабул қилади ва шу куннинг ўзида ўз хулосаси ҳақида субсидия олувчини хабардор қилади.

Агар субсидия ажратишни рад этиш тўғрисида хулоса қабул қилинган тақдирда, субсидия олувчи кўрсатилган камчиликларни бартараф этиб, субсидия олиш учун туман комиссиясига ариза билан қайта мурожаат қилса, аризалар туман комиссияси томонидан уч иш кунида кўриб чиқилади.

Субсидия ажратиш ва ажратишни рад этиш тўғрисида хулоса қабул қилинганда, хулосанинг биринчи нусхаси мурожаат эгасида ва иккинчи нусхаси туман комиссиясида сақланади.

12. Туман комиссияси субсидия олувчилар томонидан тақдим этилган ариза нусхасини унга илова қилинган ҳужжатлар ва субсидия бериш тўғрисидаги хулосани бир иш кунида вилоят комиссиясига юборади.

13. Вилоят комиссияси туман комиссияси томонидан тақдим этилган субсидия олувчининг ҳужжатларини кўриб чиқади ва субсидия олувчи томонидан тақдим этилган ариза нусхасини унга илова қилинган ҳужжатлар ва субсидия бериш тўғрисидаги хулосани икки иш кунида Агентликка юборади.

14. Субсидия олувчининг аризасини кўриб чиқиш учун тўлов ундирилмайди.

15. Субсидия ажратишни рад этиш учун қуйидагилар асос бўлади:

жун сотилгандаги электрон ҳисобварақ-фактура кўрсатилмаса ёки кўрсатилган рақамнинг ҳаққонийлиги тасдиқланмаса;

жунни сотиб олган субъект қўлда гилам тўқиш фаолияти билан шуғулланмаса;

ариза тақдим этган субъектда «меринос» зотли қўй ёки «ангор» зотли эчки мавжуд бўлмаса.

Ушбу бандда қайд этилганидан ташқари бошқа ҳолатларда субсидия олувчига субсидия ажратишни рад этишга йўл қўйилмайди.

16. Субсидия олувчи субсидия ажратилишини рад этиш тўғрисидаги қарордан норози бўлган тақдирда, белгиланган тартибда юқори турувчи ташкилотга ёки судга шикоят қилиш ҳуқуқига эга.

17. Чорвачилик маҳсулотлари етиштирувчи хўжаликларга улар томонидан ҳунармандлар ва ташкилотларга сотилган «меринос» зотли қўй ва «ангор» зотли эчкиларнинг жуни учун субсидия бериш ушбу Низомга 5-иловада келтирилган схемага мувофиқ амалга оширилади.

4-боб. Субсидияни ажратиш тартиби

18. Ўзбекистон Республикаси Молия вазирлиги ҳар йили Ўзбекистон Республикаси Давлат бюджетининг асосий параметрлари тасдиқлангандан сўнг субсидия ажратиш учун зарур маблағларни белгиланган тартибда Агентликка ўтказиб беради.

Ўзбекистон Республикаси Давлат бюджетидан ушбу мақсадлар учун ажратиладиган маблағлар ҳисоби Агентликда очиладиган махсус шахсий ғазна ҳисобварағида юритилади.

19. Агентлик вилоят комиссияси томонидан тақдим этилган ҳужжатларни кўриб чиқади ва икки иш кунида субсидия олувчиларнинг тижорат банкларидаги асосий талаб қилиб олингунча депозит ҳисобварақларига субсидия маблағларини ўтказиб беради.

Бунда молия йили якуни бўйича Агентликнинг шахсий ғазна ҳисобварағида фойдаланилмай қолган бюджет маблағлари Ўзбекистон Республикаси Давлат бюджетига қайтарилади.

5-боб. Якунловчи қоидалар

20. Субсидия бериш бўйича юзага келадиган келишмовчиликлар томонлар ўртасида музокаралар ўтказиш орқали ҳал қилинади.

Келишмовчиликларни музокаралар ўтказиш орқали ҳал қилишнинг иложи бўлмаганда, суд тартибида ҳал қилинади.

21. Ўзбекистон Республикаси Молия вазирлигининг Давлат молиявий назорати департаменти ажратилган субсидиялар мақсадли ишлатилиши устидан назорат қилади.

22. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

«Тасдиқлайман» ______________ туман (шаҳар) комиссияси раиси _____________________________ (Ф.И.О.) 20__ й «_____» ________________ ____________туманида (шаҳрида) 20__ йилда «меринос» зотли қўй ва «ангор» зотли эчкиларнинг жуни учун субсидия бериш прогнози Т/р « М еринос» зотли қўй ва « а нгор» зотли эчкилар ни етиштирувчи хўжали клар н оми « М еринос» зотли қўй лар бош сони (бош) Қириб олинадиган жун (кг) « А нгор» зотли эчкилар бош сони (бош) Қириб олинадиган жун (кг) Қўлда гилам тўқишга ихтисослашган ҳунармандлар ва ташкилотларга сотиладиган жун ( кг ) Субсидия бериш прогнози (м инг сўм) 1 . 2 . Туман (шаҳар) бўйича жами:

«Тасдиқлайман» ______________ вилояти комиссияси раиси ____________________________ (Ф.И.О.) 20__ й «_____» ________________ ____________ вилоятида 20__ йилда «меринос» зотли қўй ва «ангор» зотли эчкиларнинг жуни учун субсидия бериш прогнози Т/р « М еринос» зотли қўй ва « а нгор» зотли эчкилар ни етиштирувчи хўжали клар н оми « М еринос» зотли қўй лар бош сони (бош) Қириб олинадиган жун (кг) « А нгор» зотли эчкилар бош сони (бош) Қириб олинадиган жун (кг) Қўлда гилам тўқишга ихтисослашган ҳунармандлар ва ташкилотларга сотиладиган жун ( кг ) Субсидия бериш прогнози (м инг сўм) _______________ тумани (шаҳри) 1. 2. Туман (шаҳар) бўйича жами: _______________ тумани (шаҳри) 1. 2. Туман (шаҳар) бўйича жами: Вилоят бўйича жами:

«Тасдиқлайман» «Ўзбекчорванасл» агентлиги бош директори ___________________________ (Ф.И.О.) 20__ й «_____» ________________ Республикада 20__ йилда «меринос» зотли қўй ва «ангор» зотли эчкиларнинг жуни учун субсидия бериш прогнози Т/р « М еринос» зотли қўй ва « а нгор» зотли эчкилар ни етиштирувчи хўжали клар н оми « М еринос» зотли қўй лар бош сони (бош) Қириб олинадиган жун (кг) « А нгор» зотли эчкилар бош сони (бош) Қириб олинадиган жун (кг) Қўлда гилам тўқишга ихтисослашган ҳунармандлар ва ташкилотларга сотиладиган жун ( кг ) Субсидия бериш прогнози (м инг сўм) _______________ вилояти 1. 2. Вилоят бўйича жами: _______________ вилояти 1. 2. Вилоят бўйича жами: Республика бўйича жами:

«Тасдиқлайман» _______________ туман (шаҳар) комиссияси раиси ____________________________ (Ф.И.О.) 20__ й «______» _________________ ХУЛОСА _______________ вилояти _______________тумани (шаҳри) даги субсидия олишга талабгор _________________ нинг 20___ йил _______________даги мурожаати ва тақдим этилган ҳужжатлар туман (шаҳар) комиссияси томонидан жойига чиқиб ўрганилди ва қуйидагилар аниқланди: Т/р « М еринос» зотли қўй ва « А нгор» зотли эчкилар ни етиштирувчи хўжали клар н оми « М еринос» зотли қўй лар бош сони (бош) Қириб олинган жун (кг) « А нгор» зотли эчкилар бош сони (бош) Қириб олинган жун (кг) Қўлда гилам тўқишга ихтисослашган ҳунармандлар ва ташкилотларга сотилган жун ( кг ) Субсидия бериш прогнози (м инг сўм) 1 . 2 . Туман (шаҳар) бўйича жами:

ЯКУНИЙ ХУЛОСА ________ вилояти ________ тумани (шаҳри)даги _____ (ташкилот номи) _____ га жами _______ минг сўм миқдорида субсидия ажратиш мақсадга мувофиқ деб топилди.* ________вилояти ________ тумани (шаҳри)даги _____ (ташкилот номи) _____га қуйидагиларга, жумладан ______________га асосан субсидия ажратиш мақсадга мувофиқ эмас деб топилди.** *) Субсидия ажратиш мақсадга мувофиқ деб топилганда, мақсадга мувофиқ эмас деб топиш тўғрисидаги хатбоши чиқариб ташланади. **) Субсидия ажратиш мақсадга мувофиқ эмас деб топилганда, мақсадга мувофиқ деб топиш тўғрисидаги хатбоши чиқариб ташланади ва мақсадга мувофиқ эмас деб топиш тўғрисидаги хатбошида мазкур Низомга мувофиқ рад этиш сабаблари тўлиқ кўрсатилади. Комиссия аъзолари: Туман ветеринария ва чорвачиликни ривожлантириш бўлими бошлиғи Имзо/муҳр Ф.И.О. Туман давлат солиқ инспекцияси вакили Имзо/муҳр Ф.И.О. Туман статистика бўлими вакили Имзо/муҳр Ф.И.О. Туман молия бўлими мудири Имзо/муҳр Ф.И.О. Туман агросаноат мажмуи устидан назорат қилиш инспекцияси бошлиғи Имзо/муҳр Ф.И.О. Фермер, деҳқон хўжаликлари ва томорқа ер эгалари туман кенгаши раиси Имзо/муҳр Ф.И.О. ҳудудий « Чорванасл » маркази туман вакили Имзо/муҳр Ф.И.О.

Чорвачилик маҳсулотлари етиштирувчи хўжаликларга улар томонидан ҳунармандлар ва ташкилотларга сотилган «меринос» зотли қўй ва «ангор» зотли эчкиларнинг жуни учун субсидия бериш

Босқичлар Субъектлар Тадбирлар Бажариш муддати I. Субсидия ажратиш прогноз парметрларини шакллантириш схемаси I босқич Туман комиссияси (Чорвачилик тармоғини янада ривожлантириш фаолиятини самарали ташкил этишни таъминлаш бўйича туманлар (шаҳарлар) комиссиялари) Субсидия олувчилар рўйхати шакллантирилади ва тасдиқланган ҳолда вилоят комиссиясига тақдим этилади. Календарь йилининг 1 майга қадар II босқич Вилоят комиссияси (Чорвачилик тармоғини янада ривожлантириш фаолиятини самарали ташкил этишни таъминлаш бўйича Қорақалпоғистон Республикаси ва вилоятлар комиссиялари ) Туман комиссияситомонидан тақдим этилган сусбсидия олувчилар рўйхати умумлаштирилиб «Ўзбекчорванасл» агентлигига тақдим этилади. Календарь йилининг 5 майига қадар III босқич «Ўзбекчорванасл» агентлиги Вилоят комиссияси томонидан тақдим этилган рўйхат умумлаштирилиб Молия вазирлиги билан келишган ҳолда Вазирлар Маҳкамасига тақдим этилади. Беш иш кунида IV босқич Вазирлар Маҳкамаси «Ўзбекчорванасл» агентлик томонидан тақдим этилган рўйхат кўриб чиқилади, тасдиқланади ва ижро учун Ветеринария ва чорвачиликни ривожлантириш давлат қўмитаси ҳамда Молия вазирлигига юборилади. Уч иш кунида V босқич Молия вазирлиги Субсидия ажратиш учун зарур маблағлар белгиланган тартибда «Ўзбекчорванасл» агентлигига ўтказиб берилади. Ҳар йили Ўзбекистон Республикаси Давлат бюджетининг асосий параметрлари тасдиқланагандан сўнг II. Субсидия олувчиларга субсидия ажратиш схемаси I босқич Субсидия олувчи «Меринос» зотли қўй ва «ангор» зотли эчки жунини ҳунармандлар ва ташкилотларга сотгандан сўнг туман комиссиясига субсидия олиш учун ариза билан мурожаат қилади. «Меринос» зотли қўй ва «ангор» зотли эчки жунини ҳунармандлар ва ташкилотларга сотганда II босқич Туман комиссияси (Чорвачилик тармоғини янада ривожлантириш фаолиятини самарали ташкил этишни таъминлаш бўйича туманлар (шаҳарлар) комиссиялари) Субсидия олувчи томонидан берилган ариза кўриб чиқилади ва белгиланган шаклда уч нусхада субсидия ажратиш ёки ажратишни рад этиш тўғрисида хулоса қабул қилинади. Уч иш кунида III босқич Туман комиссияси (Чорвачилик тармоғини янада ривожлантириш фаолиятини самарали ташкил этишни таъминлаш бўйича туманлар (шаҳарлар) комиссиялари) Туман комиссияси томонидан субсидия ажратиш тўғрисида хулоса қабул қилинганда субсидия олувчини қабул қилинган хулоса тўғрисида хабардор қилади. Хулоса қабул қилинган кунда IV босқич Туман комиссияси (Чорвачилик тармоғини янада ривожлантириш фаолиятини самарали ташкил этишни таъминлаш бўйича туманлар (шаҳарлар) комиссиялари) Субсидия олувчилар томонидан тақдим этилган ариза нусхаси, унга илова қилинган ҳужжатлар ва субсидия ажратиш тўғрисида қабул қилинган хулоса вилоят комиссиясига тақдим этилади. Бир иш кунида V босқич Вилоят комиссияси (Чорвачилик тармоғини янада ривожлантириш фаолиятини самарали ташкил этишни таъминлаш бўйича Қорақалпоғистон Республикаси ва вилоятлар комиссиялари) Субсидия олувчи томонидан тақдим этилган ариза нусхасини унга илова қилинган ҳужжатлар ва субсидия бериш тўғрисидаги хулосани икки иш кунида «Ўзбекчорванасл» агентлигига юборади. Икки иш кунида VI босқич «Ўзбекчорванасл» агентлиги Вилоят комиссияси томонидан тақдим этилган ҳужжатлар кўриб чиқилади ва субсидия маблағлари субсидия олувчиларнинг тижорат банкларидаги асосий ҳисобварақларига ўтказиб берилади. Икки иш кунида

».

Ўзбекистон Республикасининг Бош вазири А. АРИПОВ

Тошкент ш.,

2020 йил 26 сентябрь,

590-сон

(Қонун ҳужжатлари маълумотлари миллий базаси, 28.09.2020 й., 09/20/590/1332-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Vazirlar Mahkamasining “Chorvachilik tarmogʻiga davlat tomonidan subsidiya ajratishni tartibga soluvchi normativ-huquqiy hujjatlarni tasdiqlash toʻgʻrisida” 2020-yil 12-maydagi 280-son qaroriga oʻzgartirish va qoʻshimchalar kiritish toʻgʻrisida

Oʻzbekiston Respublikasi Prezidentining “Respublikada qoʻlda toʻqilgan gilamchilik sohasini rivojlantirish chora-tadbirlari toʻgʻrisida” 2020-yil 26-iyundagi PQ-4759-son qaroriga muvofiq Vazirlar Mahkamasi qaror qiladi:

1. Vazirlar Mahkamasining “Chorvachilik tarmogʻiga davlat tomonidan subsidiya ajratishni tartibga soluvchi normativ-huquqiy hujjatlarni tasdiqlash toʻgʻrisida” 2020-yil 12-maydagi 280-son qaroriga ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Veterinariya va chorvachilikni rivojlantirish davlat qoʻmitasi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni uch oy muddatda mazkur qarorga muvofiqlashtirsin.

3. Ushbu qaror 2021-yil 1-yanvardan boshlab kuchga kiradi.

4. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari hamda Oʻzbekiston Respublikasi Veterinariya va chorvachilikni rivojlantirish davlat qoʻmitasi raisi B.T. Norqobilov zimmasiga yuklansin.

Vazirlar Mahkamasining 2020-yil 26-sentabrdagi 590-son qaroriga ILOVA

1. 1-bandda :

quyidagi mazmundagi beshinchi xatboshi qoʻshilsin:

“2021 — 2023-yillarda chorvachilik mahsulotlari yetishtiruvchi xoʻjaliklarga ular tomonidan qoʻlda gilam toʻqishga ixtisoslashgan hunarmandlar va tashkilotlarga sotilgan “merinos” zotli qoʻy va “angor” zotli echkilarning juni uchun subsidiya ajratish tartibi toʻgʻrisidagi nizom 3a-ilovaga muvofiq”;

beshinchi — sakkizinchi xatboshilar tegishlicha oltinchi — toʻqqizinchi xatboshilar deb hisoblansin.

2. Quyidagi mazmundagi 3a-ilova qoʻshilsin:

“Vazirlar Mahkamasining 2020-yil 15-maydagi 280-son qaroriga 3a-ILOVA

2021 — 2023-yillarda chorvachilik mahsulotlari yetishtiruvchi xoʻjaliklarga ular tomonidan qoʻlda gilam toʻqishga ixtisoslashgan hunarmandlar va tashkilotlarga sotilgan “merinos” zotli qoʻy va “angor” zotli echkilarning juni uchun subsidiya berish tartibi toʻgʻrisida

1-bob. Umumiy qoidalar

1. Ushbu Nizom 2021 — 2023-yillarda chorvachilik mahsulotlari yetishtiruvchi xoʻjaliklar tomonidan parvarish qilinayotgan “merinos” zotli qoʻy hamda “angor” zotli echkilardan qirqib olinib, qoʻlda gilam toʻqishga ixtisoslashgan hunarmandlar va tashkilotlarga (keyingi oʻrinlarda — hunarmandlar va tashkilotlar) sotilgan jun uchun subsidiya berish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

subsidiya — chorvachilik mahsulotlari yetishtiruvchi xoʻjaliklar tomonidan “merinos” zotli qoʻy hamda “angor” zotli echkilar yetishtirish uchun sarflangan xarajatlar oʻrnini qisman qoplash uchun yuridik shaxslarga beriladigan pul mablagʻi;

chorvachilik mahsulotlari yetishtiruvchi xoʻjalik — ”merinos” zotli qoʻy hamda “angor” zotli echkilarni parvarish qilish, takror koʻpaytirish hamda jun yetishtirish bilan shugʻullanuvchi xoʻjalik yurituvchi subyektlar;

subsidiya oluvchilar — ushbu Nizom bilan belgilangan tartibda “merinos” zotli qoʻy va “angor” zotli echkilarni parvarish qilib, qirqib olingan junni hunarmandlar va tashkilotlarga sotadigan chorvachilik mahsulotlari yetishtiruvchi xoʻjalik yurituvchi subyektlar.

3. Chorvachilik mahsulotlari yetishtiruvchi xoʻjaliklarga “merinos” zotli qoʻy hamda “angor” zotli echkilardan qirqib olinib, hunarmandlar va tashkilotlarga sotilgan har bir kilogramm jun uchun davlat tomonidan ikki ming soʻmdan subsidiya ajratiladi.

2-bob. Subsidiya oluvchilar roʻyxatini shakllantirish tartibi

4. Chorvachilik tarmogʻini yanada rivojlantirish faoliyatini samarali tashkil etishni taʼminlash boʻyicha tumanlar (shaharlar) komissiyalari (keyingi oʻrinlarda — tuman komissiyasi) kalendar yilning 1-mayiga qadar ushbu Nizomga 1-ilovaga muvofiq shakl boʻyicha kelgusi yil uchun subsidiya oluvchilar roʻyxatini shakllantiradi hamda tasdiqlagan holda Chorvachilik tarmogʻini yanada rivojlantirish faoliyatini samarali tashkil etishni taʼminlash boʻyicha Qoraqalpogʻiston Respublikasi va viloyatlar komissiyalariga (keyingi oʻrinlarda — viloyat komissiyasi) kiritadi.

5. Viloyat komissiyasi kalendar yilning 5-mayiga qadar subsidiya oluvchilar roʻyxatini umumlashtirib, ushbu Nizomga 2-ilovaga muvofiq shakl boʻyicha tasdiqlagan holda Oʻzbekiston Respublikasi Veterinariya va chorvachilikni rivojlantirish davlat qoʻmitasi huzuridagi “Oʻzbekchorvanasl” agentligiga (keyingi oʻrinlarda — Agentlik) taqdim etadi.

6. Agentlik viloyat komissiyasi tomonidan taqdim etilgan roʻyxatni besh ish kunida ushbu Nizomga 3-ilovaga muvofiq shakl boʻyicha umumlashtirib, Oʻzbekiston Respublikasi Moliya vazirligi bilan kelishgan holda Vazirlar Mahkamasiga taqdim etadi.

7. Oʻzbekiston Respublikasi Vazirlar Mahkamasi Agentlik tomonidan taqdim etilgan roʻyxatni uch ish kunida belgilangan tartibda koʻrib chiqib tasdiqlaydi hamda ijro uchun Veterinariya va chorvachilikni rivojlantirish davlat qoʻmitasi va Moliya vazirligiga yuboradi.

8. Oʻzbekiston Respublikasi Moliya vazirligi kelgusi yil uchun Davlat budjeti parametrlarini shakllantirishda Vazirlar Mahkamasi tomonidan tasdiqlangan koʻrsatkichlardan kelib chiqib subsidiya oluvchilarga subsidiya ajratish uchun zarur mablagʻlarni hisobga oladi.

9. Agentlik subsidiya ajratish boʻyicha tuman komissiyasi tomonidan shakllantirilgan roʻyxatga yil davomida haqiqiy holatdan kelib chiqib tegishli oʻzgartirish va qoʻshimchalar kiritish boʻyicha Vazirlar Mahkamasiga taklif kiritishi mumkin.

3-bob. Subsidiya ajratish uchun talab etiladigan hujjatlar va ularni koʻrib chiqish tartibi

10. Subsidiya oluvchi “merinos” zotli qoʻy va “angor” zotli echki junini hunarmandlar va tashkilotlarga sotgandan soʻng tuman komissiyasiga subsidiya olish uchun ariza bilan murojaat qiladi. Arizada quyidagilar koʻrsatilishi lozim:

“merinos” zotli qoʻy va “angor” zotli echki junini sotishda toʻldirilgan oldi-sotdi shartnoma, hisobvaraq-faktura raqami va toʻlov topshiriqnomasi nusxasi;

“merinos” zotli qoʻy va “angor” zotli echki juni sotilgan hunarmand yoki tashkilot nomi hamda uning soliq toʻlovchi sifatidagi identifikatsiya raqami (STIR);

subsidiya oluvchining tijorat banki va undagi hisobvaragʻi boʻyicha maʼlumotlar.

Taqdim etilgan ariza tuman komissiyasi kotibi tomonidan qabul qilinadi hamda qabul qilingan sana koʻrsatilgan holda ariza nusxasi subsidiya oluvchiga qaytariladi. Subsidiya oluvchilarning arizalari tikilgan va muhrlangan jurnalga tuman komissiyasi kotibi tomonidan qayd etiladi va yangilanib boriladi.

Taqdim etilgan hujjatlarning toʻliq va xaqqoniyligi uchun subsidiya oluvchilar javobgar hisoblanadi.

11. Subsidiya oluvchining arizasi tuman komissiyasi tomonidan uch ish kunida koʻrib chiqiladi.

Tuman komissiyasi ushbu Nizomga 4-ilovada keltirilgan shaklga muvofiq subsidiya ajratish yoki ajratishni rad etish toʻgʻrisida uch nusxada xulosa qabul qiladi va shu kunning oʻzida oʻz xulosasi haqida subsidiya oluvchini xabardor qiladi.

Agar subsidiya ajratishni rad etish toʻgʻrisida xulosa qabul qilingan taqdirda, subsidiya oluvchi koʻrsatilgan kamchiliklarni bartaraf etib, subsidiya olish uchun tuman komissiyasiga ariza bilan qayta murojaat qilsa, arizalar tuman komissiyasi tomonidan uch ish kunida koʻrib chiqiladi.

Subsidiya ajratish va ajratishni rad etish toʻgʻrisida xulosa qabul qilinganda, xulosaning birinchi nusxasi murojaat egasida va ikkinchi nusxasi tuman komissiyasida saqlanadi.

12. Tuman komissiyasi subsidiya oluvchilar tomonidan taqdim etilgan ariza nusxasini unga ilova qilingan hujjatlar va subsidiya berish toʻgʻrisidagi xulosani bir ish kunida viloyat komissiyasiga yuboradi.

13. Viloyat komissiyasi tuman komissiyasi tomonidan taqdim etilgan subsidiya oluvchining hujjatlarini koʻrib chiqadi va subsidiya oluvchi tomonidan taqdim etilgan ariza nusxasini unga ilova qilingan hujjatlar va subsidiya berish toʻgʻrisidagi xulosani ikki ish kunida Agentlikka yuboradi.

14. Subsidiya oluvchining arizasini koʻrib chiqish uchun toʻlov undirilmaydi.

15. Subsidiya ajratishni rad etish uchun quyidagilar asos boʻladi:

jun sotilgandagi elektron hisobvaraq-faktura koʻrsatilmasa yoki koʻrsatilgan raqamning haqqoniyligi tasdiqlanmasa;

junni sotib olgan subyekt qoʻlda gilam toʻqish faoliyati bilan shugʻullanmasa;

ariza taqdim etgan subyektda “merinos” zotli qoʻy yoki “angor” zotli echki mavjud boʻlmasa.

Ushbu bandda qayd etilganidan tashqari boshqa holatlarda subsidiya oluvchiga subsidiya ajratishni rad etishga yoʻl qoʻyilmaydi.

16. Subsidiya oluvchi subsidiya ajratilishini rad etish toʻgʻrisidagi qarordan norozi boʻlgan taqdirda, belgilangan tartibda yuqori turuvchi tashkilotga yoki sudga shikoyat qilish huquqiga ega.

17. Chorvachilik mahsulotlari yetishtiruvchi xoʻjaliklarga ular tomonidan hunarmandlar va tashkilotlarga sotilgan “merinos” zotli qoʻy va “angor” zotli echkilarning juni uchun subsidiya berish ushbu Nizomga 5-ilovada keltirilgan sxemaga muvofiq amalga oshiriladi.

4-bob. Subsidiyani ajratish tartibi

18. Oʻzbekiston Respublikasi Moliya vazirligi har yili Oʻzbekiston Respublikasi Davlat budjetining asosiy parametrlari tasdiqlangandan soʻng subsidiya ajratish uchun zarur mablagʻlarni belgilangan tartibda Agentlikka oʻtkazib beradi.

Oʻzbekiston Respublikasi Davlat budjetidan ushbu maqsadlar uchun ajratiladigan mablagʻlar hisobi Agentlikda ochiladigan maxsus shaxsiy gʻazna hisobvaragʻida yuritiladi.

19. Agentlik viloyat komissiyasi tomonidan taqdim etilgan hujjatlarni koʻrib chiqadi va ikki ish kunida subsidiya oluvchilarning tijorat banklaridagi asosiy talab qilib olinguncha depozit hisobvaraqlariga subsidiya mablagʻlarini oʻtkazib beradi.

Bunda moliya yili yakuni boʻyicha Agentlikning shaxsiy gʻazna hisobvaragʻida foydalanilmay qolgan budjet mablagʻlari Oʻzbekiston Respublikasi Davlat budjetiga qaytariladi.

5-bob. Yakunlovchi qoidalar

20. Subsidiya berish boʻyicha yuzaga keladigan kelishmovchiliklar tomonlar oʻrtasida muzokaralar oʻtkazish orqali hal qilinadi.

Kelishmovchiliklarni muzokaralar oʻtkazish orqali hal qilishning iloji boʻlmaganda, sud tartibida hal qilinadi.

21. Oʻzbekiston Respublikasi Moliya vazirligining Davlat moliyaviy nazorati departamenti ajratilgan subsidiyalar maqsadli ishlatilishi ustidan nazorat qiladi.

22. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

“Tasdiqlayman” ______________ tuman (shahar) komissiyasi raisi _____________________________ (F.I.O.) 20__ y “_____” ________________ ____________tumanida (shahrida) 20__ yilda “merinos” zotli qoʻy va “angor” zotli echkilarning juni uchun subsidiya berish prognozi T/r “ M yerinos” zotli qoʻy va “ a ngor” zotli echkilar ni yetishtiruvchi xoʻjali klar n omi “ M yerinos” zotli qoʻy lar bosh soni (bosh) Qirib olinadigan jun (kg) “ A ngor” zotli echkilar bosh soni (bosh) Qirib olinadigan jun (kg) Qoʻlda gilam toʻqishga ixtisoslashgan hunarmandlar va tashkilotlarga sotiladigan jun ( kg ) Subsidiya berish prognozi (m ing soʻm) 1 . 2 . Tuman (shahar) boʻyicha jami:

“Tasdiqlayman” ______________ viloyati komissiyasi raisi ____________________________ (F.I.O.) 20__ y “_____” ________________ ____________ viloyatida 20__ yilda “merinos” zotli qoʻy va “angor” zotli echkilarning juni uchun subsidiya berish prognozi T/r “ M yerinos” zotli qoʻy va “ a ngor” zotli echkilar ni yetishtiruvchi xoʻjali klar n omi “ M yerinos” zotli qoʻy lar bosh soni (bosh) Qirib olinadigan jun (kg) “ A ngor” zotli echkilar bosh soni (bosh) Qirib olinadigan jun (kg) Qoʻlda gilam toʻqishga ixtisoslashgan hunarmandlar va tashkilotlarga sotiladigan jun ( kg ) Subsidiya berish prognozi (m ing soʻm) _______________ tumani (shahri) 1. 2. Tuman (shahar) boʻyicha jami: _______________ tumani (shahri) 1. 2. Tuman (shahar) boʻyicha jami: Viloyat boʻyicha jami:

“Tasdiqlayman” “Oʻzbekchorvanasl” agentligi bosh direktori ___________________________ (F.I.O.) 20__ y “_____” ________________ Respublikada 20__ yilda “merinos” zotli qoʻy va “angor” zotli echkilarning juni uchun subsidiya berish prognozi T/r “ M yerinos” zotli qoʻy va “ a ngor” zotli echkilar ni yetishtiruvchi xoʻjali klar n omi “ M yerinos” zotli qoʻy lar bosh soni (bosh) Qirib olinadigan jun (kg) “ A ngor” zotli echkilar bosh soni (bosh) Qirib olinadigan jun (kg) Qoʻlda gilam toʻqishga ixtisoslashgan hunarmandlar va tashkilotlarga sotiladigan jun ( kg ) Subsidiya berish prognozi (m ing soʻm) _______________ viloyati 1. 2. Viloyat boʻyicha jami: _______________ viloyati 1. 2. Viloyat boʻyicha jami: Respublika boʻyicha jami:

“Tasdiqlayman” _______________ tuman (shahar) komissiyasi raisi ____________________________ (F.I.O.) 20__ y “______” _________________ XULOSA _______________ viloyati _______________tumani (shahri) dagi subsidiya olishga talabgor _________________ ning 20___ yil _______________dagi murojaati va taqdim etilgan hujjatlar tuman (shahar) komissiyasi tomonidan joyiga chiqib oʻrganildi va quyidagilar aniqlandi: T/r “ M yerinos” zotli qoʻy va “ A ngor” zotli echkilar ni yetishtiruvchi xoʻjali klar n omi “ M yerinos” zotli qoʻy lar bosh soni (bosh) Qirib olingan jun (kg) “ A ngor” zotli echkilar bosh soni (bosh) Qirib olingan jun (kg) Qoʻlda gilam toʻqishga ixtisoslashgan hunarmandlar va tashkilotlarga sotilgan jun ( kg ) Subsidiya berish prognozi (m ing soʻm) 1 . 2 . Tuman (shahar) boʻyicha jami:

YAKUNIY XULOSA ________ viloyati ________ tumani (shahri)dagi _____ (tashkilot nomi) _____ ga jami _______ ming soʻm miqdorida subsidiya ajratish maqsadga muvofiq deb topildi.* ________viloyati ________ tumani (shahri)dagi _____ (tashkilot nomi) _____ga quyidagilarga, jumladan ______________ga asosan subsidiya ajratish maqsadga muvofiq emas deb topildi.** *) Subsidiya ajratish maqsadga muvofiq deb topilganda, maqsadga muvofiq emas deb topish toʻgʻrisidagi xatboshi chiqarib tashlanadi. **) Subsidiya ajratish maqsadga muvofiq emas deb topilganda, maqsadga muvofiq deb topish toʻgʻrisidagi xatboshi chiqarib tashlanadi va maqsadga muvofiq emas deb topish toʻgʻrisidagi xatboshida mazkur Nizomga muvofiq rad etish sabablari toʻliq koʻrsatiladi. Komissiya aʼzolari: Tuman veterinariya va chorvachilikni rivojlantirish boʻlimi boshligʻi Imzo/muhr F.I.O. Tuman davlat soliq inspeksiyasi vakili Imzo/muhr F.I.O. Tuman statistika boʻlimi vakili Imzo/muhr F.I.O. Tuman moliya boʻlimi mudiri Imzo/muhr F.I.O. Tuman agrosanoat majmui ustidan nazorat qilish inspeksiyasi boshligʻi Imzo/muhr F.I.O. Fermer, dehqon xoʻjaliklari va tomorqa yer egalari tuman kengashi raisi Imzo/muhr F.I.O. hududiy “ Chorvanasl ” markazi tuman vakili Imzo/muhr F.I.O.

Chorvachilik mahsulotlari yetishtiruvchi xoʻjaliklarga ular tomonidan hunarmandlar va tashkilotlarga sotilgan “merinos” zotli qoʻy va “angor” zotli echkilarning juni uchun subsidiya berish

Bosqichlar Subyektlar Tadbirlar Bajarish muddati I. Subsidiya ajratish prognoz parmetrlarini shakllantirish sxemasi I bosqich Tuman komissiyasi (Chorvachilik tarmogʻini yanada rivojlantirish faoliyatini samarali tashkil etishni taʼminlash boʻyicha tumanlar (shaharlar) komissiyalari) Subsidiya oluvchilar roʻyxati shakllantiriladi va tasdiqlangan holda viloyat komissiyasiga taqdim etiladi. Kalendar yilining 1-mayga qadar II bosqich Viloyat komissiyasi (Chorvachilik tarmogʻini yanada rivojlantirish faoliyatini samarali tashkil etishni taʼminlash boʻyicha Qoraqalpogʻiston Respublikasi va viloyatlar komissiyalari ) Tuman komissiyasitomonidan taqdim etilgan susbsidiya oluvchilar roʻyxati umumlashtirilib “Oʻzbekchorvanasl” agentligiga taqdim etiladi. Kalendar yilining 5-mayiga qadar III bosqich “Oʻzbekchorvanasl” agentligi Viloyat komissiyasi tomonidan taqdim etilgan roʻyxat umumlashtirilib Moliya vazirligi bilan kelishgan holda Vazirlar Mahkamasiga taqdim etiladi. Besh ish kunida IV bosqich Vazirlar Mahkamasi “Oʻzbekchorvanasl” agentlik tomonidan taqdim etilgan roʻyxat koʻrib chiqiladi, tasdiqlanadi va ijro uchun Veterinariya va chorvachilikni rivojlantirish davlat qoʻmitasi hamda Moliya vazirligiga yuboriladi. Uch ish kunida V bosqich Moliya vazirligi Subsidiya ajratish uchun zarur mablagʻlar belgilangan tartibda “Oʻzbekchorvanasl” agentligiga oʻtkazib beriladi. Har yili Oʻzbekiston Respublikasi Davlat budjetining asosiy parametrlari tasdiqlanagandan soʻng II. Subsidiya oluvchilarga subsidiya ajratish sxemasi I bosqich Subsidiya oluvchi “Merinos” zotli qoʻy va “angor” zotli echki junini hunarmandlar va tashkilotlarga sotgandan soʻng tuman komissiyasiga subsidiya olish uchun ariza bilan murojaat qiladi. “Merinos” zotli qoʻy va “angor” zotli echki junini hunarmandlar va tashkilotlarga sotganda II bosqich Tuman komissiyasi (Chorvachilik tarmogʻini yanada rivojlantirish faoliyatini samarali tashkil etishni taʼminlash boʻyicha tumanlar (shaharlar) komissiyalari) Subsidiya oluvchi tomonidan berilgan ariza koʻrib chiqiladi va belgilangan shaklda uch nusxada subsidiya ajratish yoki ajratishni rad etish toʻgʻrisida xulosa qabul qilinadi. Uch ish kunida III bosqich Tuman komissiyasi (Chorvachilik tarmogʻini yanada rivojlantirish faoliyatini samarali tashkil etishni taʼminlash boʻyicha tumanlar (shaharlar) komissiyalari) Tuman komissiyasi tomonidan subsidiya ajratish toʻgʻrisida xulosa qabul qilinganda subsidiya oluvchini qabul qilingan xulosa toʻgʻrisida xabardor qiladi. Xulosa qabul qilingan kunda IV bosqich Tuman komissiyasi (Chorvachilik tarmogʻini yanada rivojlantirish faoliyatini samarali tashkil etishni taʼminlash boʻyicha tumanlar (shaharlar) komissiyalari) Subsidiya oluvchilar tomonidan taqdim etilgan ariza nusxasi, unga ilova qilingan hujjatlar va subsidiya ajratish toʻgʻrisida qabul qilingan xulosa viloyat komissiyasiga taqdim etiladi. Bir ish kunida V bosqich Viloyat komissiyasi (Chorvachilik tarmogʻini yanada rivojlantirish faoliyatini samarali tashkil etishni taʼminlash boʻyicha Qoraqalpogʻiston Respublikasi va viloyatlar komissiyalari) Subsidiya oluvchi tomonidan taqdim etilgan ariza nusxasini unga ilova qilingan hujjatlar va subsidiya berish toʻgʻrisidagi xulosani ikki ish kunida “Oʻzbekchorvanasl” agentligiga yuboradi. Ikki ish kunida VI bosqich “Oʻzbekchorvanasl” agentligi Viloyat komissiyasi tomonidan taqdim etilgan hujjatlar koʻrib chiqiladi va subsidiya mablagʻlari subsidiya oluvchilarning tijorat banklaridagi asosiy hisobvaraqlariga oʻtkazib beriladi. Ikki ish kunida

”.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 26-sentabr,

590-son

(Qonun hujjatlari maʼlumotlari milliy bazasi, 28.09.2020-y., 09/20/590/1332-son)

lex.uz