📅 2020-yil 28-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 28 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 сентября 2020 г. · Постановления Президента
Официальный текст. Официальный документ. Редакционные примечания не включены.
📅 28 September 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
таркиби
низом
«Лазги» халқаро рақс фестивалини ташкил этиш ва ўтказиш тўғрисида
Мамлакатимизнинг бой рақс санъати тарихида алоҳида ўрин эгаллаган «Хоразм лазги рақси» ўзига хос ижро услуби ва жозибаси билан нафақат Ўзбекистонда, балки чет давлатларда ҳам машҳурдир. ЮНЕСКО томонидан «Хоразм лазги рақси» инсониятнинг номоддий маданий мероси рўйхатига киритилганлиги ҳам унинг бетакрор санъат эканлигидан далолат беради.
«Хоразм лазги рақси» санъатининг асрий анъаналарини сақлаш ва ривожлантириш, рақс санъати орқали халқлар ўртасидаги дўстлик, биродарлик ришталарини мустаҳкамлаш, халқаро миқёсда ижодий ҳамкорлик кўламини ва маданий алоқаларни янада кенгайтириш мақсадида:
1. Маданият вазирлиги, Фанлар академияси ва Хоразм вилояти ҳокимлигининг 2022 йилдан бошлаб ҳар икки йилда бир маротаба 25 — 30 апрель кунлари Хива шаҳрида «Лазги» халқаро рақс фестивалини (кейинги ўринларда — Фестиваль) ҳамда унинг доирасида халқаро илмий-амалий конференцияни ўтказиш тўғрисидаги таклифи маъқуллансин.
2. Қуйидагилар:
«Лазги» халқаро рақс фестивалига тайёргарлик кўриш ва уни ўтказиш бўйича ташкилий қўмита (кейинги ўринларда — Ташкилий қўмита) таркиби 1-иловага мувофиқ;
«Лазги» халқаро рақс фестивалини ўтказиш тартиби тўғрисидаги низом 2-иловага мувофиқ тасдиқлансин.
3. Хоразм вилояти ҳокимлиги ва Маданият вазирлиги Фестивални ташкил этиш ва ўтказиш бўйича масъул органлар этиб белгилансин.
4. Маданият вазирлиги, Фанлар академияси ва Хоразм вилояти ҳокимлиги:
2021 йил 1 декабрга қадар тажрибали режиссёр, таниқли санъаткор, продюсер, композитор, шоир ва соҳанинг малакали мутахассисларини жалб этган ҳолда Фестивалнинг очилиш ва ёпилиш маросимлари сценарий ва бадиий дастурларини тайёрласин;
Ташқи ишлар вазирлиги билан биргаликда 2022 йил 1 февралга қадар Фестиваль ва унинг доирасида ўтказиладиган «Ўзбек миллий рақсининг жаҳон рақс санъатидаги ўрни» мавзусидаги халқаро илмий-амалий конференцияда (кейинги ўринларда — илмий-амалий конференция) хорижий мамлакатлардан иштирок этадиган рақс санъати усталари, мусиқашунос ва санъатшунос олимлар, таниқли санъаткорлар, етук мутахассислар ва фахрий меҳмонлар рўйхатини шакллантирсин.
5. Ташқи ишлар вазирлиги, Маданият вазирлиги, Вазирлар Маҳкамаси ҳузуридаги ЮНЕСКО ишлари бўйича Ўзбекистон Республикаси Миллий комиссияси, Хоразм вилояти ҳокимлиги Фестивални ЮНЕСКО шафелиги остида ўтказиш чораларини кўрсин.
6. Маданият вазирлиги Туризмни ривожлантириш давлат қўмитаси, Ўзбекистон Бадиий академияси, «Ўзбеккино» миллий агентлиги, Ўзбекистон Ёзувчилар уюшмаси, Ўзбекистон Савдо-саноат палатаси, «Ҳунарманд» уюшмаси ва «Ўзтўқимачиликсаноат» уюшмаси билан биргаликда:
Фестиваль доирасида Хива шаҳридаги «Ичан-қалъа» мажмуаси ҳудудида рақс санъатига оид кўргазмалар, миллий созлар ва либослар, ҳунармандчилик буюмлари, тасвирий ва амалий санъат асарлари, ҳайкалтарошлик намуналари, бадиий ва ҳужжатли фильмлар, аудио ва видео дисклар, китоблар, альбомлар, фотосуратлар намойиши ҳамда уларнинг савдоси ташкил этилишини;
Фестиваль дастурини ишлаб чиқиш ва унинг Фестивалдан уч ой аввал туристик ташкилотларга тақдим этилиши, Интернет тармоғи ва ижтимоий тармоқларда жойлаштирилишини таъминласин.
7. Белгилансинки, Фестивални ташкил этиш ва ўтказиш билан боғлиқ сарф-харажатлар Маданият вазирлиги томонидан ишлаб чиқилган ва белгиланган тартибда тасдиқланган смета асосида қуйидаги тартибда қопланади:
70 фоизи — Ўзбекистон Республикаси республика бюджетидан Маданият вазирлигига маданий тадбирлар учун ҳар йилги ажратиладиган маблағлар ҳисобига;
30 фоизи — Хоразм вилоятининг маҳаллий бюджети, ҳомийлик хайриялари ҳамда қонун ҳужжатлари билан тақиқланмаган бошқа манбалар ҳисобига.
8. Мазкур қарорнинг ижроси қуйидаги тартибда амалга оширилсин:
Бош вазир ўринбосари, Ташкилий қўмита раиси Б. Мусаев — Фестиваль ва унинг доирасида ўтказиладиган халқаро илмий-амалий конференцияни юқори бадиий ва илмий савияда ташкил этилишини таъминласин;
Бош вазирнинг ўринбосари — Туризмни ривожлантириш давлат қўмитаси раиси А. Абдуҳакимов — Фестивални туризм календарь режасига киритиш, унга хорижий сайёҳларни жалб қилиш ҳамда Фестиваль қатнашчилари ва меҳмонлар учун меҳмонхоналардан жойларни олдиндан банд қилиш чораларини кўрсин;
маданият вазири О. Назарбеков — мусиқашунос ва санъатшунос олимлар, таниқли санъаткорларни жалб қилган ҳолда Фестивалнинг очилиш ва ёпилиш маросимлари сценарий ҳамда бадиий дастурларини юқори савияда ишлаб чиқсин;
Хоразм вилояти ҳокими Ф. Эрманов — Хива шаҳрида ободонлаштириш ва кўкаламзорлаштириш ишлари амалга оширилишини, Фестиваль ўтказиладиган саҳна майдонлари ва залларнинг талаб даражасида тайёрланишини ҳамда «Ичан-қалъа» мажмуаси ҳудудида рақс санъатига оид кўргазмалар ташкил этилишини таъминласин;
Ўзбекистон Миллий ахборот агентлиги, Ўзбекистон Миллий телерадиокомпанияси, «Дунё» ахборот агентлиги — Фестивалга тайёргарлик кўриш ва уни ўтказиш бўйича амалга оширилаётган ишларни атрофлича ёритиб борсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президентининг 2020 йил 28 сентябрдаги ПҚ-4843-сон қарорига 1-ИЛОВА
«Лазги» халқаро рақс фестивалига тайёргарлик кўриш ва уни ўтказиш бўйича ташкилий қўмита
1. Б. Мусаев — Бош вазир ўринбосари, ташкилий қўмита раиси 2. О. Назарбеков — маданият вазири, ташкилий қўмита раиси ўринбосари 3. Ф. Эрманов — Хоразм вилояти ҳокими, ташкилий қўмита раиси ўринбосари 4. И. Мажидов — олий ва ўрта махсус таълим вазири 5. И. Неъматов — ташқи ишлар вазири ўринбосари 6. Ш. Хашимов — қурилиш вазири ўринбосари 7. Ж . Абруев — молия вазири ўринбосари 8. А. Икрамов — ички ишлар вазири ўринбосари 9. С. Мамаюсупов — Миллий гвардия қўмондони ўринбосари 10. А. Аккулов — Туризмни ривожлантириш давлат қўмитаси раисининг биринчи ўринбосари 11. Б . Юлдашев — Фанлар академияси президенти 12. A. Нуриддинов — Бадиий академия раиси 13. A . Икрамов — Савдо-саноат палатаси раиси 14. A. Хаджаев — Ўзбекистон миллий телерадиокомпанияси раиси 15. Ф . Абдухаликов — « Ўзбеккино » миллий агентлиги бош директори 16. A. Кўчимов — Ўзбекистон Миллий ахборот агентлиги бош директори 17. Р . Абдуллаев — Ўзбекистон Композиторлар ва бастакорлар уюшмаси раиси 18. С . Сайидов — Ўзбекистон Ёзувчилар уюшмаси раиси 19. М . Хожиматов — Республика маънавият ва маърифат маркази раҳбари 20. Д. Раҳимова — Тошкент шаҳар ҳокимининг ўринбосари 21. С . Жуманиязов — Хива шаҳар ҳокими 22. Р. Қурбонов — Ўзбекистонда хизмат кўрсатган артист, Ўзбекистон давлат филармонияси Хоразм вилояти бўлинмаси директори 23. Г. Матякубова — Ўзбекистон халқ артисти, Ўзбекистон давлат филармонияси Хоразм вилояти бўлинмаси балетмейстери 24. О. Собиров — Ўзбекистон халқ артисти, Ўзбекистон давлат филармониясининг «Лазги» ашула ва рақс ансамблининг бадиий раҳбари 25. Ғ. Эшчанов — Ўзбекистон халқ артисти, Хоразм вилояти намунали мақом ансамбли бадиий раҳбари 26. М. Маджидов — Вазирлар Маҳкамасининг Таълим, соғлиқни сақлаш, маданият, ёшлар, маънавият ва жамоат ташкилотлари, маҳалла ва оилани қўллаб-қувватлаш масалалари котибияти бош мутахассиси, Ташкилий қўмита котиби
Ўзбекистон Республикаси Президентининг 2020 йил 28 сентябрдаги ПҚ-4843-сон қарорига 2-ИЛОВА
«Лазги» халқаро рақс фестивалини ўтказиш тартиби тўғрисида
1-боб. Умумий қоидалар
1. Ушбу Низом «Лазги» халқаро рақс фестивалини (кейинги ўринларда — Фестиваль) ўтказиш тартибини белгилайди.
2. Фестиваль қуйидагиларни назарда тутган ҳолда ўтказилади:
«Хоразм лазги рақси» санъатини кенг тарғиб қилиш, миллий рақснинг ушбу турини эъзозлаб сақлаш, ўрганиш, ривожлантириш, уни авлоддан-авлодга етказиб келаётган моҳир ижрочиларни рағбатлантириш;
миллий рақс, шу жумладан «Хоразм лазги рақси» санъатига ёшларнинг эътибори ва қизиқишини кучайтириш, миллий рақснинг бой, ўзига хос бадиий ва эстетик имкониятларини тараннум этиш, халқлар ўртасидаги дўстлик ришталарини янада мустаҳкамлаш;
«Хоразм лазги рақси» санъати ҳамда бошқа халқларнинг турдош рақс жанрларини қамраб олиш, улар билан илмий ва ижодий мулоқотларни йўлга қўйиш ва ҳамкорлик қилиш, рақс санъати ижодкорларини бирлаштириш, маданий муносабатларни халқаро миқёсда кенгайтириш;
рақс санъатининг турли йўналишларида тажриба алмашиш, қўшма ижодий лойиҳаларни амалга оширишда халқаро шериклик муносабатларини шакллантириш.
3. Фестиваль 2022 йилдан бошлаб ҳар икки йилда бир марта 25 — 30 апрель кунлари Хоразм вилоятининг Хива шаҳрида ўтказилади.
4. Фестивални ташкил этиш ва ўтказиш «Лазги» халқаро рақс фестивалига тайёргарлик кўриш ва уни ўтказиш бўйича ташкилий қўмита (кейинги ўринларда — Ташкилий қўмита) томонидан мувофиқлаштирилади.
5. Фестиваль Маданият вазирлиги ва Хоразм вилояти ҳокимлиги (кейинги ўринларда — ташкилотчилар) томонидан ташкил этилади ва ўтказилади.
2-боб. Фестивални ўтказиш тартиби ва шартлари
6. Фестиваль доирасида қуйидаги тадбирлар ўтказилади:
халқаро илмий-амалий конференция;
«Лазги» халқаро рақс фестивали танлови (кейинги ўринларда — танлов);
хорижлик мутахассислар иштирокида давра суҳбати, ижодий учрашув ва маҳорат дарслари;
концерт томошалари ва «Хоразм лазги рақси» санъатига оид кўргазмалар.
7. Фестивалда Ўзбекистон ва хорижий мамлакатларнинг профессионал рақс жамоалари ва якка ижрочилар иштирок этади.
8. Фестивалда иштирок этувчи ижрочилар қуйидагиларга бўлинади:
якка ижрочилар — рақс санъати соҳасида юқори малака ва тажрибага эга бўлган раққос ва раққосалар;
рақс санъати жамоалари — рақс санъати соҳасида юқори малака ва тажрибага эга бўлган раққос ва раққосалардан иборат жамоалар.
9. Иштирокчилар икки тоифага бўлинади:
маҳаллий иштирокчилар — Ўзбекистон Республикаси ҳудудида ижод қилаётган рақс санъатининг ёрқин намояндалари ва ижодий гуруҳлар;
халқаро иштирокчилар — хорижий мамлакатлар рақс санъатининг ёрқин намояндалари ва ижодий гуруҳлар.
10. Фестивалга Ташкилий қўмита томонидан тасдиқланган халқаро ҳайъат аъзолари ва иштирокчи сифатида ҳар бир мамлакатдан 12 нафаргача аъзоси бўлган ижодий делегация таклиф этилади ва уларнинг юртимизда яшаши, овқатланиши ва йўл (авиа, темир йўл ва автотранспорт) харажатлари каби харажатлар ташкилотчилар томонидан қопланади.
11. Фестивалда иштирок этиш истагини билдирган иштирокчилар Фестиваль ўтадиган йилнинг 10 январига қадар Фестивалнинг махсус электрон манзили орқали онлайн ариза берадилар ва ижро дастурлари тўғрисидаги маълумотларни тақдим этадилар.
Бунда Фестивалда иштирок этувчилар учун қуйидаги талаблар қўйилади:
иштирокчиларнинг чиқишлари 15 дақиқадан ошмаслиги;
ҳар бир мамлакатдан иштирок этадиган ижодий делегация аъзолари 12 нафардан ошмаслиги лозим.
Фестивалда ўз ҳисобидан иштирок этиш истагини билдирган (ижодий делегациянинг 12 нафаргача аъзоларидан ташқари) хорижий мамлакатлардан рақс санъати ижодкорлари, мусиқашунос олимлар, санъаткорлар, ижодий жамоалар, мутахассислар ва фахрий меҳмонлар ташкилотчилар таклифи асосида қатнашиши мумкин.
12. Ўзбек, рус ва инглиз тиллари Фестивалнинг ишчи тиллари этиб белгиланади.
3-боб. Фестиваль доирасидаги илмий-амалий конференцияда иштирок этиш тартиби
13. Илмий-амалий конференцияда рақс санъати бўйича илмий-ижодий фаолият билан шуғулланувчи илмий изланувчилар иштирок этиши мумкин.
14. Илмий-амалий конференцияда иштирок этиш истагини билдирганлар Фестиваль ўтказиладиган йилнинг 10 январига қадар 300 сўздан кам бўлмаган, 4-5 бетдан ошмаган мақолалар ва тезисларни Фестивалнинг махсус электрон манзили орқали электрон тарзда тақдим этадилар.
15. Илмий-амалий конференцияда иштирок этувчиларнинг рўйхати Ташкилий қўмита томонидан шакллантирилиб, Фестиваль ўтказиладиган йилнинг 1 февралига қадар қатнашчиларга маълум қилинади.
16. Илмий-амалий конференциянинг ҳар бир иштирокчиси сертификат билан тақдирланади.
17. Илмий-амалий конференция иштирокчисига сертификат бериш Фестивалнинг ёпилиш маросими вақтида амалга оширилади.
4-боб. Халқаро ҳайъат фаолиятини ташкил этиш
18. Танлов иштирокчиларининг чиқишларини баҳолаш учун Ташкилий қўмита томонидан 7 кишидан иборат халқаро ҳайъат тузилади.
19. Халқаро ҳайъат аъзолари — халқаро миқёсдаги таниқли рақс санъати усталари, санъаткорлар, санъатшунос ва мусиқашунос олимлар, композитор ва бастакорлар, соҳанинг етук мутахассисларидан иборат бўлади.
20. Халқаро ҳайъат аъзолари ўз орасидан ҳайъат раисини сайлайди.
21. Халқаро ҳайъат аъзолари қуйидаги тартибда рағбатлантирилади:
Халқаро ҳайъат раисига — 2000 (икки минг) АҚШ доллари;
Халқаро ҳайъат аъзоларининг ҳар бирига — 1000 (бир минг) АҚШ доллари миқдорида гонорар пули Ташкилий қўмита томонидан тўлаб берилади.
22. Баҳолаш жараёнида:
рақс намуналарининг асл миллий хусусиятлари;
бадиий ва эстетик маъно-мазмуни;
ижрочиларнинг ижро маҳорати, кийиниш ва саҳна маданияти асосий мезон ҳисобланади.
23. Халқаро ҳайъат томонидан танлов иштирокчиларининг чиқишлари 3 та номинация («Энг яхши яккахон рақс ижрочиси», «Энг яхши рақс жамоаси» ва «Энг яхши саҳналаштирилган рақс») бўйича баҳоланади.
5-боб. Мукофотлаш тартиби
24. Анжуман доирасида ўтказиладиган танлов ғолиблари Ташкилий қўмита томонидан диплом, статуэтка ва қуйидаги миқдорда пул мукофотлари билан тақдирланади:
«Гран-При» — 7 000 АҚШ доллари;
1-ўрин — қуйидаги номинациялар бўйича:
«Энг яхши яккахон рақс ижрочиси» — 5 000 АҚШ доллари;
«Энг яхши рақс жамоаси» — 5 000 АҚШ доллари;
«Энг яхши саҳналаштирилган рақс» — 5 000 АҚШ доллари.
2-ўрин — қуйидаги номинациялар бўйича:
«Энг яхши яккахон рақс ижрочиси» — 3 000 АҚШ доллари;
«Энг яхши рақс жамоаси» — 3 000 АҚШ доллари;
«Энг яхши саҳналаштирилган рақс» — 3 000 АҚШ доллари.
3-ўрин — қуйидаги номинациялар бўйича:
«Энг яхши яккахон рақс ижрочиси» — 2 000 АҚШ доллари;
«Энг яхши рақс жамоаси» — 2 000 АҚШ доллари;
«Энг яхши саҳналаштирилган рақс» — 2 000 АҚШ доллари.
25. Фестиваль доирасида фаол ижрочиларни қўллаб-қувватлаш ва рағбатлантириш мақсадида таъсис этилган «Энг яхши рақс», «Энг яхши хореограф», «Энг яхши ёш раққоса (раққос)» каби номинациялар бўйича иштирокчилар рағбатлантирувчи совға ва мукофотлар билан тақдирланади.
26. Ташкилотчилар, ижодий уюшмалар ва ҳомий ташкилотлар халқаро ҳайъат аъзолари ва мухлислар эътирофига сазовор бўлган ижрочилар, хореографлар, олимлар ва санъатшуносларни тақдирлаш учун махсус мукофотлар таъсис этишлари мумкин.
27. Ташкилотчилар томонидан ҳар бир қўшимча номинация учун 500 АҚШ доллари миқдорида пул мукофотлари ажратилиши мумкин.
28. Фестивалнинг ҳар бир иштирокчисига «Лазги» халқаро рақс фестивали иштирокчиси» сертификати тақдим этилади.
6-боб. Ташкилотчиларнинг ҳуқуқлари
29. Ташкилотчилар:
Фестиваль қатнашчиларининг ижроларини эфирга узатиш ҳамда бошқа ташкилотларга трансляция қилиш учун рухсат бериш;
Фестивални ўтказиш давомида ва унинг якуни бўйича тайёрланган барча турдаги аудио, видео, босма ва бошқа турдаги маҳсулотларни ишлаб чиқариш ва тарқатиш;
Фестивалда иштирок этишни истаган жисмоний ва юридик шахслар томонидан Ташкилий қўмитага юбориладиган материаллардан реклама мақсадида фойдаланиш;
Фестивалга жаҳондаги етакчи продюсер ва менежерларни таклиф этиш ҳуқуқига эгадир.
7-боб. Фестивални молиялаштириш тартиби
30. Фестивални ташкил этиш ва ўтказиш билан боғлиқ сарф-харажатлар ташкилотчилар томонидан ишлаб чиқилган ва белгиланган тартибда тасдиқланган смета асосида қуйидаги тартибда:
70 фоизи — Ўзбекистон Республикаси республика бюджетидан Маданият вазирлигига маданий тадбирлар учун ҳар йили ажратиладиган маблағлар ҳисобига;
30 фоизи — Хоразм вилоятининг маҳаллий бюджети, ҳомийлик хайриялари ҳамда қонун ҳужжатларида тақиқланмаган бошқа манбалар ҳисобига қопланади.
8-боб. Якунловчи қоидалар
31. Фестивалнинг ҳар бир қатнашчиси ўз тиббий суғуртасига эга бўлиши лозим.
32. Ўзбекистон Республикаси Молия вазирлигининг Давлат молиявий назорати департаменти Фестивални ташкил этиш ва ўтказиш учун ажратилган бюджет маблағларининг мақсадли ишлатилиши ва тўғри тўланишини назорат қилади.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 28 сентябрь,
ПҚ-4843-сон
Oʻzbekiston Respublikasi Prezidentining
Qarori
tarkibi
nizom
“Lazgi” xalqaro raqs festivalini tashkil etish va oʻtkazish toʻgʻrisida
Mamlakatimizning boy raqs sanʼati tarixida alohida oʻrin egallagan “Xorazm lazgi raqsi” oʻziga xos ijro uslubi va jozibasi bilan nafaqat Oʻzbekistonda, balki chet davlatlarda ham mashhurdir. YUNESKO tomonidan “Xorazm lazgi raqsi” insoniyatning nomoddiy madaniy merosi roʻyxatiga kiritilganligi ham uning betakror sanʼat ekanligidan dalolat beradi.
“Xorazm lazgi raqsi” sanʼatining asriy anʼanalarini saqlash va rivojlantirish, raqs sanʼati orqali xalqlar oʻrtasidagi doʻstlik, birodarlik rishtalarini mustahkamlash, xalqaro miqyosda ijodiy hamkorlik koʻlamini va madaniy aloqalarni yanada kengaytirish maqsadida:
1. Madaniyat vazirligi, Fanlar akademiyasi va Xorazm viloyati hokimligining 2022-yildan boshlab har ikki yilda bir marotaba 25 — 30-aprel kunlari Xiva shahrida “Lazgi” xalqaro raqs festivalini (keyingi oʻrinlarda — Festival) hamda uning doirasida xalqaro ilmiy-amaliy konferensiyani oʻtkazish toʻgʻrisidagi taklifi maʼqullansin.
2. Quyidagilar:
“Lazgi” xalqaro raqs festivaliga tayyorgarlik koʻrish va uni oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) tarkibi 1-ilovaga muvofiq;
“Lazgi” xalqaro raqs festivalini oʻtkazish tartibi toʻgʻrisidagi nizom 2-ilovaga muvofiq tasdiqlansin.
3. Xorazm viloyati hokimligi va Madaniyat vazirligi Festivalni tashkil etish va oʻtkazish boʻyicha masʼul organlar etib belgilansin.
4. Madaniyat vazirligi, Fanlar akademiyasi va Xorazm viloyati hokimligi:
2021-yil 1-dekabrga qadar tajribali rejissor, taniqli sanʼatkor, prodyuser, kompozitor, shoir va sohaning malakali mutaxassislarini jalb etgan holda Festivalning ochilish va yopilish marosimlari ssenariy va badiiy dasturlarini tayyorlasin;
Tashqi ishlar vazirligi bilan birgalikda 2022-yil 1-fevralga qadar Festival va uning doirasida oʻtkaziladigan “Oʻzbek milliy raqsining jahon raqs sanʼatidagi oʻrni” mavzusidagi xalqaro ilmiy-amaliy konferensiyada (keyingi oʻrinlarda — ilmiy-amaliy konferensiya) xorijiy mamlakatlardan ishtirok etadigan raqs sanʼati ustalari, musiqashunos va sanʼatshunos olimlar, taniqli sanʼatkorlar, yetuk mutaxassislar va faxriy mehmonlar roʻyxatini shakllantirsin.
5. Tashqi ishlar vazirligi, Madaniyat vazirligi, Vazirlar Mahkamasi huzuridagi YUNESKO ishlari boʻyicha Oʻzbekiston Respublikasi Milliy komissiyasi, Xorazm viloyati hokimligi Festivalni YUNESKO shafeligi ostida oʻtkazish choralarini koʻrsin.
6. Madaniyat vazirligi Turizmni rivojlantirish davlat qoʻmitasi, Oʻzbekiston Badiiy akademiyasi, “Oʻzbekkino” milliy agentligi, Oʻzbekiston Yozuvchilar uyushmasi, Oʻzbekiston Savdo-sanoat palatasi, “Hunarmand” uyushmasi va “Oʻztoʻqimachiliksanoat” uyushmasi bilan birgalikda:
Festival doirasida Xiva shahridagi “Ichan-qalʼa” majmuasi hududida raqs sanʼatiga oid koʻrgazmalar, milliy sozlar va liboslar, hunarmandchilik buyumlari, tasviriy va amaliy sanʼat asarlari, haykaltaroshlik namunalari, badiiy va hujjatli filmlar, audio va video disklar, kitoblar, albomlar, fotosuratlar namoyishi hamda ularning savdosi tashkil etilishini;
Festival dasturini ishlab chiqish va uning Festivaldan uch oy avval turistik tashkilotlarga taqdim etilishi, Internet tarmogʻi va ijtimoiy tarmoqlarda joylashtirilishini taʼminlasin.
7. Belgilansinki, Festivalni tashkil etish va oʻtkazish bilan bogʻliq sarf-xarajatlar Madaniyat vazirligi tomonidan ishlab chiqilgan va belgilangan tartibda tasdiqlangan smeta asosida quyidagi tartibda qoplanadi:
70 foizi — Oʻzbekiston Respublikasi respublika budjetidan Madaniyat vazirligiga madaniy tadbirlar uchun har yilgi ajratiladigan mablagʻlar hisobiga;
30 foizi — Xorazm viloyatining mahalliy budjeti, homiylik xayriyalari hamda qonun hujjatlari bilan taqiqlanmagan boshqa manbalar hisobiga.
8. Mazkur qarorning ijrosi quyidagi tartibda amalga oshirilsin:
Bosh vazir oʻrinbosari, Tashkiliy qoʻmita raisi B. Musayev — Festival va uning doirasida oʻtkaziladigan xalqaro ilmiy-amaliy konferensiyani yuqori badiiy va ilmiy saviyada tashkil etilishini taʼminlasin;
Bosh vazirning oʻrinbosari — Turizmni rivojlantirish davlat qoʻmitasi raisi A. Abduhakimov — Festivalni turizm kalendar rejasiga kiritish, unga xorijiy sayyohlarni jalb qilish hamda Festival qatnashchilari va mehmonlar uchun mehmonxonalardan joylarni oldindan band qilish choralarini koʻrsin;
madaniyat vaziri O. Nazarbekov — musiqashunos va sanʼatshunos olimlar, taniqli sanʼatkorlarni jalb qilgan holda Festivalning ochilish va yopilish marosimlari ssenariy hamda badiiy dasturlarini yuqori saviyada ishlab chiqsin;
Xorazm viloyati hokimi F. Ermanov — Xiva shahrida obodonlashtirish va koʻkalamzorlashtirish ishlari amalga oshirilishini, Festival oʻtkaziladigan sahna maydonlari va zallarning talab darajasida tayyorlanishini hamda “Ichan-qalʼa” majmuasi hududida raqs sanʼatiga oid koʻrgazmalar tashkil etilishini taʼminlasin;
Oʻzbekiston Milliy axborot agentligi, Oʻzbekiston Milliy teleradiokompaniyasi, “Dunyo” axborot agentligi — Festivalga tayyorgarlik koʻrish va uni oʻtkazish boʻyicha amalga oshirilayotgan ishlarni atroflicha yoritib borsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidentining 2020-yil 28-sentabrdagi PQ-4843-son qaroriga 1-ILOVA
“Lazgi” xalqaro raqs festivaliga tayyorgarlik koʻrish va uni oʻtkazish boʻyicha tashkiliy qoʻmita
1. B. Musayev — Bosh vazir oʻrinbosari, tashkiliy qoʻmita raisi 2. O. Nazarbekov — madaniyat vaziri, tashkiliy qoʻmita raisi oʻrinbosari 3. F. Ermanov — Xorazm viloyati hokimi, tashkiliy qoʻmita raisi oʻrinbosari 4. I. Majidov — oliy va oʻrta maxsus taʼlim vaziri 5. I. Neʼmatov — tashqi ishlar vaziri oʻrinbosari 6. Sh. Xashimov — qurilish vaziri oʻrinbosari 7. J . Abruyev — moliya vaziri oʻrinbosari 8. A. Ikramov — ichki ishlar vaziri oʻrinbosari 9. S. Mamayusupov — Milliy gvardiya qoʻmondoni oʻrinbosari 10. A. Akkulov — Turizmni rivojlantirish davlat qoʻmitasi raisining birinchi oʻrinbosari 11. B . Yuldashev — Fanlar akademiyasi prezidenti 12. A. Nuriddinov — Badiiy akademiya raisi 13. A . Ikramov — Savdo-sanoat palatasi raisi 14. A. Xadjayev — Oʻzbekiston milliy teleradiokompaniyasi raisi 15. F . Abduxalikov — “ Oʻzbekkino ” milliy agentligi bosh direktori 16. A. Koʻchimov — Oʻzbekiston Milliy axborot agentligi bosh direktori 17. R . Abdullayev — Oʻzbekiston Kompozitorlar va bastakorlar uyushmasi raisi 18. S . Sayidov — Oʻzbekiston Yozuvchilar uyushmasi raisi 19. M . Xojimatov — Respublika maʼnaviyat va maʼrifat markazi rahbari 20. D. Rahimova — Toshkent shahar hokimining oʻrinbosari 21. S . Jumaniyazov — Xiva shahar hokimi 22. R. Qurbonov — Oʻzbekistonda xizmat koʻrsatgan artist, Oʻzbekiston davlat filarmoniyasi Xorazm viloyati boʻlinmasi direktori 23. G. Matyakubova — Oʻzbekiston xalq artisti, Oʻzbekiston davlat filarmoniyasi Xorazm viloyati boʻlinmasi baletmeysteri 24. O. Sobirov — Oʻzbekiston xalq artisti, Oʻzbekiston davlat filarmoniyasining “Lazgi” ashula va raqs ansamblining badiiy rahbari 25. Gʻ. Eshchanov — Oʻzbekiston xalq artisti, Xorazm viloyati namunali maqom ansambli badiiy rahbari 26. M. Madjidov — Vazirlar Mahkamasining Taʼlim, sogʻliqni saqlash, madaniyat, yoshlar, maʼnaviyat va jamoat tashkilotlari, mahalla va oilani qoʻllab-quvvatlash masalalari kotibiyati bosh mutaxassisi, Tashkiliy qoʻmita kotibi
Oʻzbekiston Respublikasi Prezidentining 2020-yil 28-sentabrdagi PQ-4843-son qaroriga 2-ILOVA
“Lazgi” xalqaro raqs festivalini oʻtkazish tartibi toʻgʻrisida
1-bob. Umumiy qoidalar
1. Ushbu Nizom “Lazgi” xalqaro raqs festivalini (keyingi oʻrinlarda — Festival) oʻtkazish tartibini belgilaydi.
2. Festival quyidagilarni nazarda tutgan holda oʻtkaziladi:
“Xorazm lazgi raqsi” sanʼatini keng targʻib qilish, milliy raqsning ushbu turini eʼzozlab saqlash, oʻrganish, rivojlantirish, uni avloddan-avlodga yetkazib kelayotgan mohir ijrochilarni ragʻbatlantirish;
milliy raqs, shu jumladan “Xorazm lazgi raqsi” sanʼatiga yoshlarning eʼtibori va qiziqishini kuchaytirish, milliy raqsning boy, oʻziga xos badiiy va estetik imkoniyatlarini tarannum etish, xalqlar oʻrtasidagi doʻstlik rishtalarini yanada mustahkamlash;
“Xorazm lazgi raqsi” sanʼati hamda boshqa xalqlarning turdosh raqs janrlarini qamrab olish, ular bilan ilmiy va ijodiy muloqotlarni yoʻlga qoʻyish va hamkorlik qilish, raqs sanʼati ijodkorlarini birlashtirish, madaniy munosabatlarni xalqaro miqyosda kengaytirish;
raqs sanʼatining turli yoʻnalishlarida tajriba almashish, qoʻshma ijodiy loyihalarni amalga oshirishda xalqaro sheriklik munosabatlarini shakllantirish.
3. Festival 2022-yildan boshlab har ikki yilda bir marta 25 — 30-aprel kunlari Xorazm viloyatining Xiva shahrida oʻtkaziladi.
4. Festivalni tashkil etish va oʻtkazish “Lazgi” xalqaro raqs festivaliga tayyorgarlik koʻrish va uni oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) tomonidan muvofiqlashtiriladi.
5. Festival Madaniyat vazirligi va Xorazm viloyati hokimligi (keyingi oʻrinlarda — tashkilotchilar) tomonidan tashkil etiladi va oʻtkaziladi.
2-bob. Festivalni oʻtkazish tartibi va shartlari
6. Festival doirasida quyidagi tadbirlar oʻtkaziladi:
xalqaro ilmiy-amaliy konferensiya;
“Lazgi” xalqaro raqs festivali tanlovi (keyingi oʻrinlarda — tanlov);
xorijlik mutaxassislar ishtirokida davra suhbati, ijodiy uchrashuv va mahorat darslari;
konsert tomoshalari va “Xorazm lazgi raqsi” sanʼatiga oid koʻrgazmalar.
7. Festivalda Oʻzbekiston va xorijiy mamlakatlarning professional raqs jamoalari va yakka ijrochilar ishtirok etadi.
8. Festivalda ishtirok etuvchi ijrochilar quyidagilarga boʻlinadi:
yakka ijrochilar — raqs sanʼati sohasida yuqori malaka va tajribaga ega boʻlgan raqqos va raqqosalar;
raqs sanʼati jamoalari — raqs sanʼati sohasida yuqori malaka va tajribaga ega boʻlgan raqqos va raqqosalardan iborat jamoalar.
9. Ishtirokchilar ikki toifaga boʻlinadi:
mahalliy ishtirokchilar — Oʻzbekiston Respublikasi hududida ijod qilayotgan raqs sanʼatining yorqin namoyandalari va ijodiy guruhlar;
xalqaro ishtirokchilar — xorijiy mamlakatlar raqs sanʼatining yorqin namoyandalari va ijodiy guruhlar.
10. Festivalga Tashkiliy qoʻmita tomonidan tasdiqlangan xalqaro hayʼat aʼzolari va ishtirokchi sifatida har bir mamlakatdan 12 nafargacha aʼzosi boʻlgan ijodiy delegatsiya taklif etiladi va ularning yurtimizda yashashi, ovqatlanishi va yoʻl (avia, temir yoʻl va avtotransport) xarajatlari kabi xarajatlar tashkilotchilar tomonidan qoplanadi.
11. Festivalda ishtirok etish istagini bildirgan ishtirokchilar Festival oʻtadigan yilning 10-yanvariga qadar Festivalning maxsus elektron manzili orqali onlayn ariza beradilar va ijro dasturlari toʻgʻrisidagi maʼlumotlarni taqdim etadilar.
Bunda Festivalda ishtirok etuvchilar uchun quyidagi talablar qoʻyiladi:
ishtirokchilarning chiqishlari 15 daqiqadan oshmasligi;
har bir mamlakatdan ishtirok etadigan ijodiy delegatsiya aʼzolari 12 nafardan oshmasligi lozim.
Festivalda oʻz hisobidan ishtirok etish istagini bildirgan (ijodiy delegatsiyaning 12 nafargacha aʼzolaridan tashqari) xorijiy mamlakatlardan raqs sanʼati ijodkorlari, musiqashunos olimlar, sanʼatkorlar, ijodiy jamoalar, mutaxassislar va faxriy mehmonlar tashkilotchilar taklifi asosida qatnashishi mumkin.
12. Oʻzbek, rus va ingliz tillari Festivalning ishchi tillari etib belgilanadi.
3-bob. Festival doirasidagi ilmiy-amaliy konferensiyada ishtirok etish tartibi
13. Ilmiy-amaliy konferensiyada raqs sanʼati boʻyicha ilmiy-ijodiy faoliyat bilan shugʻullanuvchi ilmiy izlanuvchilar ishtirok etishi mumkin.
14. Ilmiy-amaliy konferensiyada ishtirok etish istagini bildirganlar Festival oʻtkaziladigan yilning 10-yanvariga qadar 300 soʻzdan kam boʻlmagan, 4-5 betdan oshmagan maqolalar va tezislarni Festivalning maxsus elektron manzili orqali elektron tarzda taqdim etadilar.
15. Ilmiy-amaliy konferensiyada ishtirok etuvchilarning roʻyxati Tashkiliy qoʻmita tomonidan shakllantirilib, Festival oʻtkaziladigan yilning 1-fevraliga qadar qatnashchilarga maʼlum qilinadi.
16. Ilmiy-amaliy konferensiyaning har bir ishtirokchisi sertifikat bilan taqdirlanadi.
17. Ilmiy-amaliy konferensiya ishtirokchisiga sertifikat berish Festivalning yopilish marosimi vaqtida amalga oshiriladi.
4-bob. Xalqaro hayʼat faoliyatini tashkil etish
18. Tanlov ishtirokchilarining chiqishlarini baholash uchun Tashkiliy qoʻmita tomonidan 7 kishidan iborat xalqaro hayʼat tuziladi.
19. Xalqaro hayʼat aʼzolari — xalqaro miqyosdagi taniqli raqs sanʼati ustalari, sanʼatkorlar, sanʼatshunos va musiqashunos olimlar, kompozitor va bastakorlar, sohaning yetuk mutaxassislaridan iborat boʻladi.
20. Xalqaro hayʼat aʼzolari oʻz orasidan hayʼat raisini saylaydi.
21. Xalqaro hayʼat aʼzolari quyidagi tartibda ragʻbatlantiriladi:
Xalqaro hayʼat raisiga — 2000 (ikki ming) AQSH dollari;
Xalqaro hayʼat aʼzolarining har biriga — 1000 (bir ming) AQSH dollari miqdorida gonorar puli Tashkiliy qoʻmita tomonidan toʻlab beriladi.
22. Baholash jarayonida:
raqs namunalarining asl milliy xususiyatlari;
badiiy va estetik maʼno-mazmuni;
ijrochilarning ijro mahorati, kiyinish va sahna madaniyati asosiy mezon hisoblanadi.
23. Xalqaro hayʼat tomonidan tanlov ishtirokchilarining chiqishlari 3 ta nominatsiya (“Eng yaxshi yakkaxon raqs ijrochisi”, “Eng yaxshi raqs jamoasi” va “Eng yaxshi sahnalashtirilgan raqs”) boʻyicha baholanadi.
5-bob. Mukofotlash tartibi
24. Anjuman doirasida oʻtkaziladigan tanlov gʻoliblari Tashkiliy qoʻmita tomonidan diplom, statuetka va quyidagi miqdorda pul mukofotlari bilan taqdirlanadi:
“Gran-Pri” — 7 000 AQSH dollari;
1-oʻrin — quyidagi nominatsiyalar boʻyicha:
“Eng yaxshi yakkaxon raqs ijrochisi” — 5 000 AQSH dollari;
“Eng yaxshi raqs jamoasi” — 5 000 AQSH dollari;
“Eng yaxshi sahnalashtirilgan raqs” — 5 000 AQSH dollari.
2-oʻrin — quyidagi nominatsiyalar boʻyicha:
“Eng yaxshi yakkaxon raqs ijrochisi” — 3 000 AQSH dollari;
“Eng yaxshi raqs jamoasi” — 3 000 AQSH dollari;
“Eng yaxshi sahnalashtirilgan raqs” — 3 000 AQSH dollari.
3-oʻrin — quyidagi nominatsiyalar boʻyicha:
“Eng yaxshi yakkaxon raqs ijrochisi” — 2 000 AQSH dollari;
“Eng yaxshi raqs jamoasi” — 2 000 AQSH dollari;
“Eng yaxshi sahnalashtirilgan raqs” — 2 000 AQSH dollari.
25. Festival doirasida faol ijrochilarni qoʻllab-quvvatlash va ragʻbatlantirish maqsadida taʼsis etilgan “Eng yaxshi raqs”, “Eng yaxshi xoreograf”, “Eng yaxshi yosh raqqosa (raqqos)” kabi nominatsiyalar boʻyicha ishtirokchilar ragʻbatlantiruvchi sovgʻa va mukofotlar bilan taqdirlanadi.
26. Tashkilotchilar, ijodiy uyushmalar va homiy tashkilotlar xalqaro hayʼat aʼzolari va muxlislar eʼtirofiga sazovor boʻlgan ijrochilar, xoreograflar, olimlar va sanʼatshunoslarni taqdirlash uchun maxsus mukofotlar taʼsis etishlari mumkin.
27. Tashkilotchilar tomonidan har bir qoʻshimcha nominatsiya uchun 500 AQSH dollari miqdorida pul mukofotlari ajratilishi mumkin.
28. Festivalning har bir ishtirokchisiga “Lazgi” xalqaro raqs festivali ishtirokchisi” sertifikati taqdim etiladi.
6-bob. Tashkilotchilarning huquqlari
29. Tashkilotchilar:
Festival qatnashchilarining ijrolarini efirga uzatish hamda boshqa tashkilotlarga translyatsiya qilish uchun ruxsat berish;
Festivalni oʻtkazish davomida va uning yakuni boʻyicha tayyorlangan barcha turdagi audio, video, bosma va boshqa turdagi mahsulotlarni ishlab chiqarish va tarqatish;
Festivalda ishtirok etishni istagan jismoniy va yuridik shaxslar tomonidan Tashkiliy qoʻmitaga yuboriladigan materiallardan reklama maqsadida foydalanish;
Festivalga jahondagi yetakchi prodyuser va menejerlarni taklif etish huquqiga egadir.
7-bob. Festivalni moliyalashtirish tartibi
30. Festivalni tashkil etish va oʻtkazish bilan bogʻliq sarf-xarajatlar tashkilotchilar tomonidan ishlab chiqilgan va belgilangan tartibda tasdiqlangan smeta asosida quyidagi tartibda:
70 foizi — Oʻzbekiston Respublikasi respublika budjetidan Madaniyat vazirligiga madaniy tadbirlar uchun har yili ajratiladigan mablagʻlar hisobiga;
30 foizi — Xorazm viloyatining mahalliy budjeti, homiylik xayriyalari hamda qonun hujjatlarida taqiqlanmagan boshqa manbalar hisobiga qoplanadi.
8-bob. Yakunlovchi qoidalar
31. Festivalning har bir qatnashchisi oʻz tibbiy sugʻurtasiga ega boʻlishi lozim.
32. Oʻzbekiston Respublikasi Moliya vazirligining Davlat moliyaviy nazorati departamenti Festivalni tashkil etish va oʻtkazish uchun ajratilgan budjet mablagʻlarining maqsadli ishlatilishi va toʻgʻri toʻlanishini nazorat qiladi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 28-sentabr,
PQ-4843-son
Президента Республики Узбекистан
Постановление
СОСТАВ
ПОЛОЖЕНИЕ
Об организации и проведении Международного фестиваля танца «Лазги»
«Хорезмский танец — лазги», занимающий особое место в богатой истории танцевального искусства нашей страны, своим уникальным стилем исполнения и привлекательностью пользуется популярностью не только в республике, но и в зарубежных странах. Включение ЮНЕСКО «Хорезмский танец — лазги» в Список нематериального культурного наследия человечества также свидетельствует о неповторимости его искусства.
В целях сохранения и развития вековых традиций искусства «Хорезмский танец — лазги», укрепления уз дружбы и братства между народами посредством танцевального искусства, дальнейшего расширения масштаба творческого сотрудничества и культурных связей на международном уровне:
1. Одобрить предложение Министерства культуры, Академии наук и хокимията Хорезмской области о проведении начиная с 2022 года в городе Хиве один раз в два года 25 — 30 апреля Международного фестиваля танца «Лазги» (далее — Фестиваль) и международной научно-практической конференции в его рамках.
2. Утвердить:
cостав Организационного комитета по подготовке и проведению Международного фестиваля танца «Лазги» (далее — Организационный комитет) согласно приложению № 1 ;
Положение о порядке проведения Международного фестиваля танца «Лазги» согласно приложению № 2 .
3. Определить хокимият Хорезмской области и Министерство культуры органами, ответственными за организацию и проведение Фестиваля.
4. Министерству культуры, Академии наук и хокимияту Хорезмской области:
до 1 декабря 2021 года подготовить сценарии и художественные программы церемоний открытия и закрытия Фестиваля с привлечением опытных режиссеров, известных артистов, продюсеров, композиторов, поэтов и квалифицированных специалистов сферы;
совместно с Министерством иностранных дел до 1 февраля 2022 года сформировать список мастеров танцевального искусства, ученых — музыковедов и искусствоведов, известных артистов, ведущих специалистов и почетных гостей из зарубежных стран, принимающих участие в Фестивале и проводимой в его рамках международной научно-практической конференции на тему «Место узбекского национального танца в мировом танцевальном искусстве» (далее — научно-практическая конференция).
5. Министерству иностранных дел, Министерству культуры, Национальной комиссии Республики Узбекистан по делам ЮНЕСКО при Кабинете Министров и хокимияту Хорезмской области принять меры для проведения Фестиваля под эгидой ЮНЕСКО.
6. Министерству культуры совместно с Государственным комитетом по развитию туризма, Академией художеств Узбекистана, Национальным агентством «Узбеккино», Союзом писателей Узбекистана, Торгово-промышленной палатой Узбекистана, Ассоциацией «Хунарманд» и Ассоциацией «Узтукимачиликсаноат» обеспечить:
организацию в рамках Фестиваля выставочных павильонов о танцевальном искусстве, демонстрации национальных музыкальных инструментов и костюмов, изделий ремесленничества, произведений изобразительного и прикладного искусства, образцов скульптуры, художественных и документальных фильмов, аудио- и видеодисков, книг, альбомов, фотоснимков, а также торговли ими на территории комплекса «Ичан-калъа» города Хивы;
разработку и представление туристским организациям программы Фестиваля, а также ее размещение в сети Интернет и социальных сетях за три месяца до Фестиваля.
7. Установить, что расходы, связанные с организацией и проведением Фестиваля, покрываются на основе сметы, разработанной и утвержденной в установленном порядке Министерством культуры, в следующем порядке:
70 процентов — за счет средств, ежегодно выделяемых Министерству культуры из республиканского бюджета Республики Узбекистан для проведения культурных мероприятий;
30 процентов — за счет местного бюджета Хорезмской области, благотворительных пожертвований и иных источников, не запрещенных законодательством.
8. Установить следующий порядок исполнения настоящего постановления:
заместителю Премьер-министра, председателю Организационного комитета Б. Мусаеву — обеспечить организацию Фестиваля и международной научно-практической конференции в его рамках на высоком художественном и научном уровне;
заместителю Премьер-министра, председателю Государственного комитета по развитию туризма А. Абдухакимову — принять меры для включения Фестиваля в календарный план туризма, привлечения к нему зарубежных туристов, а также заблаговременного бронирования мест в гостиницах для участников и гостей Фестиваля;
министру культуры О. Назарбекову — разработать сценарии и художественные программы церемоний открытия и закрытия Фестиваля на высоком уровне с привлечением ученых — музыковедов и искусствоведов, а также известных артистов;
хокиму Хорезмской области Ф. Эрманову — обеспечить проведение благоустроительных и озеленительных работ в городе Хиве, подготовку сцен для выступлений и залов на требуемом уровне, а также организацию выставочных павильонов о танцевальном искусстве на территории комплекса «Ичан-калъа»;
Национальному информационному агентству Узбекистана, Национальной телерадиокомпании Узбекистана и Информационному агентству «Дунё» — всесторонне освещать работу, осуществляемую по подготовке и проведению Фестиваля.
9. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А А. Абдувахитова.
ПРИЛОЖЕНИЕ № 1 к постановлению Президента Республики Узбекистан от 28 сентября 2020 года № ПП-4843
Организационного комитета по подготовке и проведению Международного фестиваля танца «Лазги»
1. Мусаев Б. — заместитель Премьер-министра, председатель Организационного комитета 2. Назарбеков О. — министр культуры, заместитель председателя Организационного комитета 3. Эрманов Ф. — хоким Хорезмской области, заместитель председателя Организационного комитета 4. Маджидов И. — министр высшего и среднего специального образования 5. Неъматов И. — заместитель министра иностранных дел 6. Хашимов Ш. — заместитель министра строительства 7. Абруев Ж. — заместитель министра финансов 8. Икрамов А. — заместитель министра внутренних дел 9. Мамаюсупов С. — заместитель командующего Национальной гвардии 1 0 . Аккулов А. — первый заместитель председателя Государственного комитета по развитию туризма 1 1 . Юлдашев Б. — президент Академии наук 1 2 . Нуриддинов A. — председатель Академии художеств 1 3 . Икрамов A. — председатель Торгово-промышленной палаты 1 4 . Хаджаев A. — председатель Национальной телерадиокомпании Узбекистана 1 5 . Абдухаликов Ф. — генеральный директор Национального агентства «Узбеккино» 1 6 . Кучимов A. — генеральный директор Национального информационного агентства Узбекистана 1 7 . Абдуллаев Р. — председатель Союза композиторов и бастакоров Узбекистана 1 8 . Сайидов С. — председатель Союза писателей Узбекистана 19 . Хожиматов М. — руководитель Республиканского центра духовности и просветительства 20. Рахимова Д. — заместитель хокима города Ташкента 21. Жуманиязов С. — хоким города Хивы 22. Курбонов Р. — Заслуженный артист Узбекистана, директор Хорезмского областного отделения Государственной филармонии Узбекистана 23. Матякубова Г. — Народная артистка Узбекистана, балетмейстер Хорезмского областного отделения Государственной филармонии Узбекистана 24. Собиров. О. — Народный артист Узбекистана, художественный руководитель ансамбля песни и танца «Лазги» Государственной филармонии Узбекистана 25. Эшчанов Г. — Народный артист Узбекистана, художественный руководитель типового ансамбля макома Хорезмской области 26. Маджидов М. — главный специалист Секретариата по вопросам образования, здравоохранения, культуры, молодежи, духовности и общественных организаций, поддержки махалли и семьи Кабинета Министров, секретарь Организационного комитета
ПРИЛОЖЕНИЕ № 2 к постановлению Президента Республики Узбекистан от 28 сентября 2020 года № ПП-4843
о порядке проведения Международного фестиваля танца «Лазги»
Глава 1. Общие положения
1. Настоящее Положение определяет порядок проведения Международного фестиваля танца «Лазги» (далее — Фестиваль).
2. Фестиваль проводится в целях:
широкой пропаганды искусства «Хорезмского танца — лазги», бережного сохранения, изучения и развития данного вида национального танца, поощрения искусных мастеров, передающих его из поколения в поколение;
повышения интереса молодежи к национальным танцам, в частности «Хорезмскому танцу — лазги», воспевания богатых и редкостных художественных и эстетических особенностей национального танца, дальнейшего укрепления уз дружбы между народами;
охвата искусством «Хорезмский танец — лазги» и идентичными жанрами танцевального искусства других народов, организации научного и творческого диалога и сотрудничества с ними, объединения творческих деятелей танцевального искусства, расширения культурных связей на международном уровне;
обмена опытом в различных направлениях танцевального искусства, формирования международных партнерских отношений по реализации совместных творческих проектов.
3. Фестиваль проводится в городе Хиве Хорезмской области 25 — 30 апреля один раз в два года начиная с 2022 года.
4. Организация и проведение Фестиваля координируется Организационным комитетом по подготовке и проведению Международного фестиваля танца «Лазги» (далее — Организационный комитет).
5. Фестиваль организуется и проводится Министерством культуры и хокимиятом Хорезмской области (далее — организаторы).
Глава 2. Порядок и условия проведения Фестиваля
6. В рамках Фестиваля проводятся следующие мероприятия:
международная научно-практическая конференция;
конкурс Международного фестиваля танца «Лазги» (далее — конкурс);
«круглый стол», творческие встречи и мастер-классы с участием зарубежных специалистов;
концертные представления и выставки об искусстве «Хорезмский танец — лазги».
7. В Фестивале принимают участие профессиональные танцевальные коллективы и исполнители из Узбекистана и зарубежных стран.
8. Исполнители, принимающие участие в Фестивале, подразделяются на:
сольные исполнители — танцоры и танцовщицы, обладающие высокой квалификацией и опытом в области искусства танца;
коллективы танцевального искусства — коллективы, состоящие из танцоров и танцовщиц, обладающих высокой квалификацией и опытом в области танцевального искусства.
9. Участники делятся на две категории:
отечественные участники — яркие представители и творческие группы танцевального искусства, занимающиеся творчеством на территории Республики Узбекистан;
международные участники — яркие представители и творческие группы танцевального искусства зарубежных стран.
10. На Фестиваль приглашаются творческие делегации в составе до 12 членов от каждой страны в качестве членов жюри и участников, утвержденных Организационным комитетом, их транспортные расходы (авиа-, железнодорожные и автотранспортные), а также расходы на проживание и питание в нашей стране возмещаются организаторами.
11. Участники, изъявившие желание участвовать в Фестивале, направляют онлайн-заявление на специальный электронный адрес Фестиваля в срок до 10 января года проведения Фестиваля и представляют информацию о своей исполнительской программе.
При этом к участникам Фестиваля предъявляются следующие требования:
выступления участников не должны превышать 15 минут;
численность членов творческих делегаций, участвующих от каждой страны, не должно превышать 12 человек.
Творческие деятели танцевального искусства, ученые — музыковеды, артисты, творческие коллективы, специалисты и почетные гости, изъявившие желание участвовать в Фестивале за свой счет (за исключением до 12 членов творческих делегаций), могут принимать участие по приглашению организаторов.
12. Узбекский, русский и английский языки устанавливаются рабочими языками Фестиваля.
Глава 3. Порядок участия в научно-практической конференции, проводимой в рамках Фестиваля
13. В научно-практической конференции могут принимать участие научные соискатели, занимающиеся научно-творческой деятельностью в сфере танцевального искусства.
14. Лица, изъявившие желание участвовать в научно-практической конференции, направляют на специальный электронный адрес Фестиваля свои статьи и тезисы в объеме не менее 300 слов, не более 4-5 страниц, в электронной форме в срок до 10 января года проведения Фестиваля.
15. Список участников научно-практической конференции формируется Организационным комитетом и объявляется всем участникам в срок до 1 февраля года проведения Фестиваля.
16. Каждый участник научно-практической конференции награждается сертификатом.
17. Вручение сертификатов участникам научно-практической конференции осуществляется во время церемонии закрытия Фестиваля.
Глава 4. Организация деятельности Международного жюри
18. Для оценки выступлений участников конкурса Организационным комитетом формируется Международное жюри, состоящее из 7 человек.
19. Членами Международного жюри являются известные мастера танцевального искусства международного масштаба, артисты, ученые — искусствоведы и музыковеды, композиторы и бастакоры, ведущие специалисты данной сферы.
20. Члены Международного жюри из своего состава избирают председателя жюри.
21. Члены Международного жюри поощряются Организационным комитетом в форме выплаты гонорара в следующем размере:
председателю Международного жюри — 2 000 (две тысячи) долларов США;
каждому члену Международного жюри — 1 000 (одна тысяча) долларов США.
22. В процессе оценки основными критериями являются:
истинно национальные особенности образцов танца;
художественное и эстетическое содержание;
исполнительское мастерство, костюмы и сценическая культура исполнителей.
23. Выступления участников оценивается Международным жюри по 3 номинациям («Лучший исполнитель сольного танца», «Лучший танцевальный коллектив», «Лучший постановочный танец»).
Глава 5. Порядок награждения
24. Победители конкурса, проводимого в рамках Фестиваля, награждаются Организационным комитетом дипломом, статуэткой и денежной премией в следующем размере:
«Гран-при» — 7 000 долларов США;
за 1-е место в номинациях:
«Лучший исполнитель сольного танца» — 5 000 долларов США;
«Лучший танцевальный коллектив» — 5 000 долларов США;
«Лучший постановочный танец» — 5 000 долларов США;
за 2-е место в номинациях:
«Лучший исполнитель сольного танца» — 3 000 долларов США;
«Лучший танцевальный коллектив» — 3 000 долларов США;
«Лучший постановочный танец» — 3 000 долларов США;
за 3-е место в номинациях:
«Лучший исполнитель сольного танца» — 2 000 долларов США;
«Лучший танцевальный коллектив» — 2 000 долларов США;
«Лучший постановочный танец» — 2 000 долларов США.
25. В номинациях «Лучший танец», «Лучший хореограф», «Лучшая юная танцовщица» («Лучший юный танцор»), учрежденных в рамках Фестиваля в целях поддержки и поощрения активных исполнителей участники награждаются поощрительными подарками и призами.
26. Для награждения исполнителей, хореографов, ученых и искусствоведов, получивших признание членов Международного жюри и поклонников организаторы, творческие союзы и спонсорские организации могут учреждать специальные призы.
27. За каждую дополнительную номинацию организаторами могут выделяться денежные премии в размере 500 долларов США.
28. Каждому участнику Фестиваля вручается сертификат Международного фестиваля танца «Лазги».
Глава 6. Права организаторов
29. Организаторы имеют право:
выдавать разрешения на передачу в эфир выступлений участников Фестиваля и их трансляцую другим организациям;
производить и распространять все виды аудио-, видео-, а также печатной и иной продукции, подготовленной в ходе проведения и по итогам Фестиваля;
использовать в целях рекламы материалы, направленные Организационному комитету физическими и юридическими лицами, желающих принять участие в Фестивале;
приглашать на Фестиваль ведущих продюсеров и менеджеров мира.
Глава 7. Порядок финансирования Фестиваля
30. Расходы, связанные с организацией и проведением Фестиваля, покрываются на основе сметы, разработанной и утвержденной в установленном порядке организаторами, в следующем порядке:
70 процентов — за счет средств, ежегодно выделяемых Министерству культуры из республиканского бюджета Республики Узбекистан для проведения культурных мероприятий;
30 процентов — за счет местного бюджета Хорезмской области, благотворительных пожертвований и иных источников, не запрещенных законодательством.
Глава 8. Заключительные положения
31. Каждый участник Фестиваля должен иметь собственную медицинскую страховку.
32. Департамент Государственного финансового контроля Министерства финансов Республики Узбекистан осуществляет контроль за целевым расходованием и правильной выплатой бюджетных средств, выделенных на организацию и проведение Фестиваля.
Президент Республики Узбекистан Ш. МИРЗИЁЕВ
г. Ташкент,
28 сентября 2020 г.,
№ ПП-4843