📅 2020-yil 30-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 30 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 сентября 2020 г. · Постановления Президента
Официальный текст. Официальный документ. Редакционные примечания не включены.
📅 30 September 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Солиқ маслаҳати соҳасини янада ривожлантириш чора-тадбирлари тўғрисида
Мамлакатда илғор хорижий тажриба асосида солиқ сиёсати ва солиқ маъмуриятчилигини такомиллаштириш ҳамда солиқ тўловчиларнинг солиқ органлари билан ўзаро муносабатларида шаффофликни таъминлаш бўйича комплекс чора-тадбирлар амалга оширилди.
Шу билан бирга солиқ маслаҳати давлатнинг янги солиқ сиёсатини самарали амалга оширишнинг профессионал институти ва солиқларни ҳисоблаш ва тўлаш масалаларида солиқ тўловчиларнинг ишончли ёрдамчиси сифатида етарлича шаклланмаган.
Давлат томонидан тартибга солиш, солиқ маслаҳатчиларини тайёрлаш ва малакасини ошириш тизимини такомиллаштириш, улар касбининг ҳуқуқий мақоми ва нуфузини мустаҳкамлаш, солиқ тўловчилар ҳуқуқларига риоя қилинишини таъминлаш мақсадида:
1. Ўзбекистон Республикасининг янги таҳрирдаги Солиқ кодекси билан солиқ маслаҳатчилари ташкилотларига:
давлат солиқ ва божхона хизмати органлари билан муносабатларда солиқ тўловчининг манфаатларини ифодалаш;
солиқ ҳисоботини солиқ тўловчи номидан солиқ тўловчининг шахсий кабинети орқали электрон ҳужжат тарзида тақдим этиш;
давлат солиқ хизмати органларининг талабномаларида кўрсатилган, аниқланган тафовутларнинг асосномаси сифатида хулосаларни солиқ тўловчи номидан давлат солиқ хизмати органига тақдим этиш бўйича қўшимча ҳуқуқлар берилганлиги маълумот учун қабул қилинсин.
2. Молия вазирлиги ва Ўзбекистон Солиқ маслаҳатчилари палатасининг (кейинги ўринларда — Палата) 2021 йил 1 январдан Молия вазирлигининг қуйидаги функцияларини Палатага ўтказиш тўғрисидаги таклифларига розилик берилсин:
солиқ маслаҳатчисининг малака сертификатини олиш учун малака имтиҳонларини ўтказиш;
солиқ маслаҳатчисининг малака сертификатини бериш, қайта расмийлаштириш, унинг амал қилишини тўхтатиб туриш, тугатиш ва уни бекор қилиш;
солиқ маслаҳатчиларини ўқитиш ва уларнинг малакасини ошириш дастурларини тасдиқлаш;
солиқ маслаҳатчиларининг реестрини юритиш.
3. Молия вазирлиги:
а) Палатага қуйидаги масалаларда кўмаклашсин:
солиқ маслаҳатчиларини тайёрлаш курсларини, шу жумладан масофадан ўқитиш шаклида ташкил этиш;
солиқ маслаҳатчиларининг малака имтиҳонларини тайёрлаш ва ўтказиш;
б) ўзининг расмий сайтида солиқ маслаҳатчилари реестрини жойлаштириш ва мунтазам равишда янгилаб боришни таъминласин.
4. Белгилансинки, солиқ маслаҳатчиси адвокатлик тузилмалари, аудиторлик ташкилотлари, шунингдек, бухгалтерия ҳисобини юритиш бўйича хизматларни кўрсатувчи бошқа юридик шахсларнинг штатида меҳнат фаолиятини олиб борган тақдирда, солиқ маслаҳати бўйича фаолиятда уч йил мобайнида иштирок этмаганлиги учун унинг малака сертификати амал қилишини тугатишга йўл қўйилмайди.
5. Иқтисодиёт ва молия вазирлиги, Солиқ қўмитаси ва Палатанинг қуйидаги таклифлари маъқуллансин:
Солиқ қўмитаси томонидан Солиқ тўловчилар ихтиёрий тугатилганда солиқлар бўйича хулоса бериш ҳуқуқига эга бўлган солиқ маслаҳатчилари ташкилотлари ва аудиторлик ташкилотлари рўйхатини (кейинги ўринларда — Рўйхат) юритиш;
«таваккалчиликни таҳлил қилиш» автоматлаштирилган ахборот тизими воситасида аниқланадиган, йиллик айланмаси охирги уч йил мобайнида 10 миллиард сўмдан ошмаган ҳамда солиқ хавфи даражаси ўрта бўлган солиқ тўловчилар ихтиёрий тугатилганда Рўйхатга киритилган солиқ маслаҳатчилари ташкилотлари ва аудиторлик ташкилотларининг солиқлар бўйича хулосалари солиқ органлари томонидан тан олиниши.
6. Олий ва ўрта махсус таълим вазирлиги Молия вазирлиги ва Давлат солиқ қўмитаси билан биргаликда 2021 йил 1 январдан Тошкент давлат иқтисодиёт университети ва Тошкент молия институтида «солиқлар ва солиққа тортиш» ҳамда «бухгалтерия ҳисоби ва аудит» йўналишлари бўйича 4-курс бакалавриатининг ўқув дастурларига «солиқ маслаҳати» фани киритилишини таъминласин.
7. Палата Молия вазирлиги билан биргаликда:
а) бир ой муддатда солиқ маслаҳатчиларини ўқитиш ва уларнинг малакасини ошириш ўқув дастурини тасдиқласин. Бунда давлат солиқ хизмати органларида иш стажига ва (ёки) аудитор сертификатига эга бўлган талабгорлар учун ўқув дастурини оптималлаштириш назарда тутилсин;
б) икки ой муддатда:
ўқув жараёнига қўйиладиган талабларни ишлаб чиқсин ва солиқ маслаҳатига ўқишни амалга оширувчи ташкилотлар томонидан уларга риоя қилиниши устидан мониторинг олиб борсин;
масофадан ўқитиш шаклидаги солиқ маслаҳатчиларини тайёрлаш курслари ташкил этилишини таъминласин.
8. Солиқ маслаҳатчиларига судлар, ҳуқуқни муҳофаза қилувчи ва назорат органларида солиқ солиш, солиқ органларининг ҳужжатлари, мансабдор шахсларнинг ҳаракатлари ва (ёки) ҳаракатсизлиги устидан шикоят қилиш билан боғлиқ ишларни кўриб чиқишда ҳисоблаш техникаси ва алоқа воситалари, аудио ва видео ёзиш қурилмаларидан фойдаланиш ҳуқуқи берилсин.
9. Молия вазирлиги Давлат солиқ қўмитаси ва Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил билан биргаликда Вазирлар Маҳкамасига қуйидагиларни киритсин:
а) икки ой муддатда:
Солиқ кодекси ва бошқа қонун ҳужжатларига мазкур қарорнинг 5-бандига мувофиқ ўзгартириш ва қўшимчалар киритиш тўғрисидаги қонун лойиҳасини;
қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида таклифларни;
б) уч ой муддатда қуйидагиларни назарда тутувчи Рўйхатни юритиш ва солиқ тўловчилар ихтиёрий тугатилганда солиқларга доир хулосаларни бериш тартибини:
ўз фаолиятини бир йилдан ортиқ муддат давомида амалга ошираётган ва штатида камида бир йиллик солиқ маслаҳатчиси стажига эга солиқ маслаҳатчилари бўлган солиқ маслаҳатчилари ташкилотларини Рўйхатга киритиш;
солиқларга доир берилган хулоса доирасида ихтиёрий тугатилаётган солиқ тўловчининг солиқ мажбуриятлари солиқ маслаҳатчилари ташкилотлари томонидан яширилганлиги ёки қасддан бузиб кўрсатилганлиги ҳолатлари солиқ органлари томонидан аниқланганда уларни Рўйхатдан чиқариш;
Рўйхатни Давлат солиқ қўмитасининг расмий сайтида жойлаштириш ва мунтазам равишда янгилаб бориш;
в) 2021 йилнинг 1 апрелига қадар солиқ маслаҳати соҳасида ўзини ўзи бошқаришнинг асосий қоидаларини белгиловчи ҳамда самарали фаолият кўрсатадиган солиқ маслаҳатчилари институтини шакллантиришга имкон берувчи янги таҳрирдаги «Солиқ маслаҳати тўғрисида»ги қонун лойиҳасини.
10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 30 сентябрь,
ПҚ-4846-сон
Oʻzbekiston Respublikasi Prezidentining
Qarori
Soliq maslahati sohasini yanada rivojlantirish chora-tadbirlari toʻgʻrisida
Mamlakatda ilgʻor xorijiy tajriba asosida soliq siyosati va soliq maʼmuriyatchiligini takomillashtirish hamda soliq toʻlovchilarning soliq organlari bilan oʻzaro munosabatlarida shaffoflikni taʼminlash boʻyicha kompleks chora-tadbirlar amalga oshirildi.
Shu bilan birga soliq maslahati davlatning yangi soliq siyosatini samarali amalga oshirishning professional instituti va soliqlarni hisoblash va toʻlash masalalarida soliq toʻlovchilarning ishonchli yordamchisi sifatida yetarlicha shakllanmagan.
Davlat tomonidan tartibga solish, soliq maslahatchilarini tayyorlash va malakasini oshirish tizimini takomillashtirish, ular kasbining huquqiy maqomi va nufuzini mustahkamlash, soliq toʻlovchilar huquqlariga rioya qilinishini taʼminlash maqsadida:
1. Oʻzbekiston Respublikasining yangi tahrirdagi Soliq kodeksi bilan soliq maslahatchilari tashkilotlariga:
davlat soliq va bojxona xizmati organlari bilan munosabatlarda soliq toʻlovchining manfaatlarini ifodalash;
soliq hisobotini soliq toʻlovchi nomidan soliq toʻlovchining shaxsiy kabineti orqali elektron hujjat tarzida taqdim etish;
davlat soliq xizmati organlarining talabnomalarida koʻrsatilgan, aniqlangan tafovutlarning asosnomasi sifatida xulosalarni soliq toʻlovchi nomidan davlat soliq xizmati organiga taqdim etish boʻyicha qoʻshimcha huquqlar berilganligi maʼlumot uchun qabul qilinsin.
2. Moliya vazirligi va Oʻzbekiston Soliq maslahatchilari palatasining (keyingi oʻrinlarda — Palata) 2021-yil 1-yanvardan Moliya vazirligining quyidagi funksiyalarini Palataga oʻtkazish toʻgʻrisidagi takliflariga rozilik berilsin:
soliq maslahatchisining malaka sertifikatini olish uchun malaka imtihonlarini oʻtkazish;
soliq maslahatchisining malaka sertifikatini berish, qayta rasmiylashtirish, uning amal qilishini toʻxtatib turish, tugatish va uni bekor qilish;
soliq maslahatchilarini oʻqitish va ularning malakasini oshirish dasturlarini tasdiqlash;
soliq maslahatchilarining reyestrini yuritish.
3. Moliya vazirligi:
a) Palataga quyidagi masalalarda koʻmaklashsin:
soliq maslahatchilarini tayyorlash kurslarini, shu jumladan masofadan oʻqitish shaklida tashkil etish;
soliq maslahatchilarining malaka imtihonlarini tayyorlash va oʻtkazish;
b) oʻzining rasmiy saytida soliq maslahatchilari reyestrini joylashtirish va muntazam ravishda yangilab borishni taʼminlasin.
4. Belgilansinki, soliq maslahatchisi advokatlik tuzilmalari, auditorlik tashkilotlari, shuningdek, buxgalteriya hisobini yuritish boʻyicha xizmatlarni koʻrsatuvchi boshqa yuridik shaxslarning shtatida mehnat faoliyatini olib borgan taqdirda, soliq maslahati boʻyicha faoliyatda uch yil mobaynida ishtirok etmaganligi uchun uning malaka sertifikati amal qilishini tugatishga yoʻl qoʻyilmaydi.
5. Iqtisodiyot va moliya vazirligi, Soliq qoʻmitasi va Palataning quyidagi takliflari maʼqullansin:
Soliq qoʻmitasi tomonidan Soliq toʻlovchilar ixtiyoriy tugatilganda soliqlar boʻyicha xulosa berish huquqiga ega boʻlgan soliq maslahatchilari tashkilotlari va auditorlik tashkilotlari roʻyxatini (keyingi oʻrinlarda — Roʻyxat) yuritish;
“tavakkalchilikni tahlil qilish” avtomatlashtirilgan axborot tizimi vositasida aniqlanadigan, yillik aylanmasi oxirgi uch yil mobaynida 10 milliard soʻmdan oshmagan hamda soliq xavfi darajasi oʻrta boʻlgan soliq toʻlovchilar ixtiyoriy tugatilganda Roʻyxatga kiritilgan soliq maslahatchilari tashkilotlari va auditorlik tashkilotlarining soliqlar boʻyicha xulosalari soliq organlari tomonidan tan olinishi.
6. Oliy va oʻrta maxsus taʼlim vazirligi Moliya vazirligi va Davlat soliq qoʻmitasi bilan birgalikda 2021-yil 1-yanvardan Toshkent davlat iqtisodiyot universiteti va Toshkent moliya institutida “soliqlar va soliqqa tortish” hamda “buxgalteriya hisobi va audit” yoʻnalishlari boʻyicha 4-kurs bakalavriatining oʻquv dasturlariga “soliq maslahati” fani kiritilishini taʼminlasin.
7. Palata Moliya vazirligi bilan birgalikda:
a) bir oy muddatda soliq maslahatchilarini oʻqitish va ularning malakasini oshirish oʻquv dasturini tasdiqlasin. Bunda davlat soliq xizmati organlarida ish stajiga va (yoki) auditor sertifikatiga ega boʻlgan talabgorlar uchun oʻquv dasturini optimallashtirish nazarda tutilsin;
b) ikki oy muddatda:
oʻquv jarayoniga qoʻyiladigan talablarni ishlab chiqsin va soliq maslahatiga oʻqishni amalga oshiruvchi tashkilotlar tomonidan ularga rioya qilinishi ustidan monitoring olib borsin;
masofadan oʻqitish shaklidagi soliq maslahatchilarini tayyorlash kurslari tashkil etilishini taʼminlasin.
8. Soliq maslahatchilariga sudlar, huquqni muhofaza qiluvchi va nazorat organlarida soliq solish, soliq organlarining hujjatlari, mansabdor shaxslarning harakatlari va (yoki) harakatsizligi ustidan shikoyat qilish bilan bogʻliq ishlarni koʻrib chiqishda hisoblash texnikasi va aloqa vositalari, audio va video yozish qurilmalaridan foydalanish huquqi berilsin.
9. Moliya vazirligi Davlat soliq qoʻmitasi va Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan birgalikda Vazirlar Mahkamasiga quyidagilarni kiritsin:
a) ikki oy muddatda:
Soliq kodeksi va boshqa qonun hujjatlariga mazkur qarorning 5-bandiga muvofiq oʻzgartirish va qoʻshimchalar kiritish toʻgʻrisidagi qonun loyihasini;
qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida takliflarni;
b) uch oy muddatda quyidagilarni nazarda tutuvchi Roʻyxatni yuritish va soliq toʻlovchilar ixtiyoriy tugatilganda soliqlarga doir xulosalarni berish tartibini:
oʻz faoliyatini bir yildan ortiq muddat davomida amalga oshirayotgan va shtatida kamida bir yillik soliq maslahatchisi stajiga ega soliq maslahatchilari boʻlgan soliq maslahatchilari tashkilotlarini Roʻyxatga kiritish;
soliqlarga doir berilgan xulosa doirasida ixtiyoriy tugatilayotgan soliq toʻlovchining soliq majburiyatlari soliq maslahatchilari tashkilotlari tomonidan yashirilganligi yoki qasddan buzib koʻrsatilganligi holatlari soliq organlari tomonidan aniqlanganda ularni Roʻyxatdan chiqarish;
Roʻyxatni Davlat soliq qoʻmitasining rasmiy saytida joylashtirish va muntazam ravishda yangilab borish;
v) 2021-yilning 1-apreliga qadar soliq maslahati sohasida oʻzini oʻzi boshqarishning asosiy qoidalarini belgilovchi hamda samarali faoliyat koʻrsatadigan soliq maslahatchilari institutini shakllantirishga imkon beruvchi yangi tahrirdagi “Soliq maslahati toʻgʻrisida”gi qonun loyihasini.
10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 30-sentabr,
PQ-4846-son
Президента Республики Узбекистан
Постановление
О мерах по дальнейшему развитию сферы налогового консультирования
В стране реализованы комплексные меры по совершенствованию налоговой политики и налогового администрирования на основе передовой зарубежной практики и обеспечению прозрачности взаимоотношений налогоплательщика с налоговыми органами.
Вместе с тем налоговое консультирование еще не сформировалось в качестве профессионального института эффективной реализации новой налоговой политики государства и надежного помощника налогоплательщиков в вопросах исчисления и уплаты налогов.
В целях совершенствования системы государственного регулирования, подготовки и повышения квалификации налоговых консультантов, укрепления правового статуса и престижа их профессии, обеспечения соблюдения прав налогоплательщиков:
1. Принять к сведению, что Налоговым кодексом Республики Узбекистан в новой редакции организациям налоговых консультантов предоставлены дополнительные права по представлению:
интересов налогоплательщика в отношениях с органами государственной налоговой и таможенной служб;
налоговой отчетности в виде электронного документа от имени налогоплательщика через персональный кабинет налогоплательщика;
органу государственной налоговой службы от имени налогоплательщика заключений в качестве обоснования выявленных расхождений, указанных в требованиях органов государственной налоговой службы.
2. Согласиться с предложениями Министерства финансов и Палаты налоговых консультантов Узбекистана (далее — Палата) о передаче с 1 января 2021 года Палате функций Министерства финансов по:
проведению квалификационных экзаменов для получения квалификационного сертификата налогового консультанта;
выдаче, переоформлению, приостановлению, прекращению действия и аннулированию квалификационного сертификата налогового консультанта;
утверждению программ обучения и повышения квалификации налоговых консультантов;
ведению реестра налоговых консультантов.
3. Министерству финансов:
а) оказывать содействие Палате в:
организации курсов подготовки налоговых консультантов, в том числе в форме дистанционного обучения;
подготовке и проведении квалификационных экзаменов налоговых консультантов;
б) обеспечить размещение и регулярное обновление реестра налоговых консультантов на своем официальном сайте.
4. Установить, что не допускается прекращение действия квалификационного сертификата налогового консультанта за неучастие в течение трех лет в деятельности по налоговому консультированию, в случае если он осуществляет трудовую деятельность в штате адвокатских формирований, аудиторских организаций, а также иных юридических лиц, оказывающих услуги по ведению бухгалтерского учета.
5. Одобрить предложения Министерства экономики и финансов, Налогового комитета и Палаты о:
ведении Налоговым комитетом Перечня организаций налоговых консультантов и аудиторских организаций, имеющих право на выдачу заключения по налогам при добровольной ликвидации налогоплательщиков (далее — Перечень);
признании налоговыми органами заключений по налогам организаций налоговых консультантов и аудиторских организаций, включенных в Перечень, при добровольной ликвидации налогоплательщиков с годовым оборотом до 10 миллиардов сумов и средним уровнем налогового риска в течение последних трех лет, определяемых посредством автоматизированной информационной системы «риск-анализа».
6. Министерству высшего и среднего специального образования совместно с Министерством финансов и Государственным налоговым комитетом обеспечить включение c 1 января 2021 года в учебные программы бакалавриата 4 курса по направлениям «налог и налогообложение» и «бухгалтерский учет и аудит» предмета «налоговое консультирование» в Ташкентском государственном экономическом университете и Ташкентском финансовом институте.
7. Палате совместно с Министерством финансов:
а) в месячный срок утвердить учебную программу обучения и повышения квалификации налоговых консультантов. При этом предусмотреть оптимизацию учебной программы для претендентов, имеющих стаж работы в органах государственной налоговой службы и (или) сертификат аудитора;
б) в двухмесячный срок:
разработать требования к процессу обучения и осуществлять мониторинг их соблюдения организациями, осуществляющими обучение налоговому консультированию;
обеспечить организацию курсов подготовки налоговых консультантов в форме дистанционного обучения.
8. Предоставить налоговым консультантам право пользоваться средствами вычислительной техники и связи, аудио- и видеозаписывающими устройствами в судах, правоохранительных и контролирующих органах при рассмотрении дел, связанных с налогообложением, обжалованием актов налоговых органов, действий и (или) бездействия их должностных лиц.
9. Министерству финансов совместно с Государственным налоговым комитетом и Уполномоченным по защите прав и законных интересов субъектов предпринимательства внести в Кабинет Министров:
а) в двухмесячный срок:
проект закона о внесении изменений и дополнений в Налоговый кодекс и другие законодательные акты в соответствии с пунктом 5 настоящего постановления;
предложения об изменениях и дополнениях в законодательство, вытекающих из настоящего постановления;
б) в трехмесячный срок порядок ведения Перечня и выдачи заключения по налогам при добровольной ликвидации налогоплательщиков, предусматривающий:
включение в Перечень организаций налоговых консультантов, осуществляющих свою деятельность более одного года и имеющих в штате налоговых консультантов со стажем налогового консультирования не менее одного года;
исключение из Перечня организаций налоговых консультантов при выявлении налоговыми органами фактов сокрытия или преднамеренном искажении ими налоговых обязательств добровольно ликвидируемого налогоплательщика в рамках выданного заключения по налогам;
размещение и регулярное обновление Перечня на официальном сайте Государственного налогового комитета;
в) до 1 апреля 2021 года проект закона «О налоговом консультировании» в новой редакции, устанавливающий основные положения саморегулирования сферы налогового консультирования и позволяющий сформировать эффективно функционирующий институт налоговых консультантов.
10. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
30 сентября 2020 г.,
№ ПП-4846