📅 2020-yil 7-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 7 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 октября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 7 October 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Олий таълим муассасасининг энг яхши педагоги» танлови тўғрисидаги низомга ўзгартиришлар киритиш ҳақида
Олий таълим муассасалари педагог кадрларининг касбий фаолият самарадорлигини ошириш, ўқитишнинг инновацион технологияларини кенг оммалаштириш, педагогик фаолиятда ижодкорлик муҳитини яратиш, профессор-ўқитувчиларнинг касбий равнақини рағбатлантириш ва маҳоратини ошириш мақсадида Вазирлар Маҳкамаси қарор қилади:
1. Вазирлар Маҳкамасининг 2015 йил 24 февралдаги 32-сон қарори (Ўзбекистон Республикаси ҚҲТ, 2015 й., 8-сон, 94-модда) билан тасдиқланган «Олий таълим муассасасининг энг яхши педагоги» танлови тўғрисидаги низомга иловага мувофиқ ўзгартиришлар киритилсин.
2. Ўзбекистон Республикаси Олий ва ўрта махсус таълим вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев ҳамда Ўзбекистон Республикаси олий ва ўрта махсус таълим вазири И.У. Маджидов зиммасига юклансин.
Вазирлар Маҳкамасининг 2020 йил 7 октябрдаги 629-сон қарорига ИЛОВА
«Олий таълим муассасасининг энг яхши педагоги» танлови тўғрисидаги низомга киритилаётган ўзгартиришлар
1.5-банднинг биринчи хатбошисидаги «таълим соҳалари» сўзлари «билим соҳалари» сўзлари билан алмаштирилсин.
2. 31 , 34 , 36 , 38 ва 41-бандлардаги «таълим соҳаси» сўзлари «билим соҳаси» сўзлари билан алмаштирилсин.
3. 2-илованинг матни қуйидаги таҳрирда баён этилсин:
«Олий таълим муассасасининг энг яхши педагоги» танлови ўтказиладиган билим соҳалари ва таълим соҳалари гуруҳлари
Т/р Билим соҳалари Танлов ўтказиладиган таълим соҳалари гуруҳлари 1. Гуманитар соҳа Педагогика. Гуманитар фанлар; Санъат. Математика; Табиий фанлар. 2. Ижтимоий, иқтисод ва ҳуқуқ соҳаси Социология ва психология; Журналистика ва ахборот; Иқтисод; Ҳуқуқ. 3. Ишлаб чиқариш-техник соҳа Муҳандислик иши; Архитектура ва қурилиш. Ишлаб чиқариш технологиялари. Компьютер технологиялари ва информатика; Алоқа, ахборотлаштириш ва телекоммуникация технологиялари. 4. Қишлоқ ва сув хўжалиги соҳаси Қишлоқ, ўрмон ва балиқчилик хўжалиги; Қишлоқ хўжалигида менежмент; Қишлоқ хўжалиги техникаси; Ветеринария; Ирригация ва мелиорация. 5. Соғлиқни сақлаш ва ижтимоий таъминот соҳаси Соғлиқни сақлаш; Ижтимоий таъминот. 6. Хизматлар соҳаси Хизмат кўрсатиш; Транспорт; Атроф-муҳит муҳофазаси; Ҳаётий фаолият хавфсизлиги.
».
Ўзбекистон Республикасининг Бош вазири А. АРИПОВ
Тошкент ш.,
2020 йил 7 октябрь,
629-сон
Oʻzbekiston Respublikasi Vazirlar Mahkamasining
qarori
“Oliy taʼlim muassasasining eng yaxshi pedagogi” tanlovi toʻgʻrisidagi nizomga oʻzgartirishlar kiritish haqida
Oliy taʼlim muassasalari pedagog kadrlarining kasbiy faoliyat samaradorligini oshirish, oʻqitishning innovatsion texnologiyalarini keng ommalashtirish, pedagogik faoliyatda ijodkorlik muhitini yaratish, professor-oʻqituvchilarning kasbiy ravnaqini ragʻbatlantirish va mahoratini oshirish maqsadida Vazirlar Mahkamasi qaror qiladi:
1. Vazirlar Mahkamasining 2015-yil 24-fevraldagi 32-son qarori (Oʻzbekiston Respublikasi QHT, 2015-y., 8-son, 94-modda) bilan tasdiqlangan “Oliy taʼlim muassasasining eng yaxshi pedagogi” tanlovi toʻgʻrisidagi nizomga ilovaga muvofiq oʻzgartirishlar kiritilsin.
2. Oʻzbekiston Respublikasi Oliy va oʻrta maxsus taʼlim vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev hamda Oʻzbekiston Respublikasi oliy va oʻrta maxsus taʼlim vaziri I.U. Madjidov zimmasiga yuklansin.
Vazirlar Mahkamasining 2020-yil 7-oktabrdagi 629-son qaroriga ILOVA
“Oliy taʼlim muassasasining eng yaxshi pedagogi” tanlovi toʻgʻrisidagi nizomga kiritilayotgan oʻzgartirishlar
1.5-bandning birinchi xatboshisidagi “taʼlim sohalari” soʻzlari “bilim sohalari” soʻzlari bilan almashtirilsin.
2. 31 , 34 , 36 , 38 va 41-bandlardagi “taʼlim sohasi” soʻzlari “bilim sohasi” soʻzlari bilan almashtirilsin.
3. 2-ilovaning matni quyidagi tahrirda bayon etilsin:
“Oliy taʼlim muassasasining eng yaxshi pedagogi” tanlovi oʻtkaziladigan bilim sohalari va taʼlim sohalari guruhlari
T/r Bilim sohalari Tanlov oʻtkaziladigan taʼlim sohalari guruhlari 1. Gumanitar soha Pedagogika. Gumanitar fanlar; Sanʼat. Matematika; Tabiiy fanlar. 2. Ijtimoiy, iqtisod va huquq sohasi Sotsiologiya va psixologiya; Jurnalistika va axborot; Iqtisod; Huquq. 3. Ishlab chiqarish-texnik soha Muhandislik ishi; Arxitektura va qurilish. Ishlab chiqarish texnologiyalari. Kompyuter texnologiyalari va informatika; Aloqa, axborotlashtirish va telekommunikatsiya texnologiyalari. 4. Qishloq va suv xoʻjaligi sohasi Qishloq, oʻrmon va baliqchilik xoʻjaligi; Qishloq xoʻjaligida menejment; Qishloq xoʻjaligi texnikasi; Veterinariya; Irrigatsiya va melioratsiya. 5. Sogʻliqni saqlash va ijtimoiy taʼminot sohasi Sogʻliqni saqlash; Ijtimoiy taʼminot. 6. Xizmatlar sohasi Xizmat koʻrsatish; Transport; Atrof-muhit muhofazasi; Hayotiy faoliyat xavfsizligi.
”.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 7-oktabr,
629-son