📅 2020-yil 9-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 9 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 9 октября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 9 October 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Туси ўзгартирилган (қорайтирилган) ойнали автотранспорт воситаларидан фойдаланишни тартибга солиш чора-тадбирлари тўғрисида» 2018 йил 18 июлдаги 547-сон қарорига ўзгартиришлар киритиш ҳақида
Транспорт воситаларининг ҳайдовчилари ва йўловчилари учун қулай шарт-шароитлар яратиш, туси ўзгартирилган (қорайтирилган) ойнали транспорт воситаларидан фойдаланиш тартибини оптималлаштириш мақсадида Вазирлар Маҳкамаси қарор қилади:
1. Вазирлар Маҳкамасининг «Туси ўзгартирилган (қорайтирилган) ойнали автотранспорт воситаларидан фойдаланишни тартибга солиш чора-тадбирлари тўғрисида» 2018 йил 18 июлдаги 547-сон қарорига иловага мувофиқ ўзгартиришлар киритилсин.
2. Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси ички ишлар вазири П.Р. Бобожонов зиммасига юклансин.
Вазирлар Маҳкамасининг 2020 йил 9 октябрдаги 635-сон қарорига ИЛОВА
Вазирлар Маҳкамасининг «Туси ўзгартирилган (қорайтирилган) ойнали автотранспорт воситаларидан фойдаланишни тартибга солиш чора-тадбирлари тўғрисида» 2018 йил 18 июлдаги 547-сон қарорига киритилаётган ўзгартиришлар
2-бандда :
а) «а» кичик банд қуйидаги таҳрирда баён қилинсин:
«а) М1, N1 ва N2 тоифага оид автотранспорт воситалари орқа ён ойналарининг тусини ёруғлик ўтказувчанлиги — чекланмаган даражада, олд ён ойналарининг тусини ёруғлик ўтказувчанлиги — 50 фоиздан кам бўлмаган даражада, шунингдек, М2, М3 тоифага оид III класс автотранспорт воситалари ён ойналарининг тусини ёруғлик ўтказувчанлиги — 50 фоиздан кам бўлмаган даражада ўзгартириш (қорайтириш) тасдиқланган давлат стандарти бўйича Ўзбекистон Республикаси Ички ишлар вазирлиги Давлат йўл ҳаракати хавфсизлиги хизмати томонидан 1 йил муддатга бериладиган рухсатномага асосан амалга оширилади»;
б) «в» кичик бандда :
биринчи хатбошидаги «енгил» сўзи «М1, N1 ва N2 тоифага оид» сўзлари билан алмаштирилсин;
иккинчи хатбошидаги «орқа ён ойналар бўйича жисмоний шахслар учун — базавий ҳисоблаш миқдорининг ўн баравари» сўзлари «орқа ён ойналар бўйича жисмоний шахслар учун — базавий ҳисоблаш миқдорининг беш баравари» сўзлари билан алмаштирилсин;
в) «г» кичик банд қуйидаги таҳрирда баён қилинсин:
«г) М2, М3 тоифага оид III класс автотранспорт воситалари ён ойналарининг тусини ўзгартиришга (қорайтиришга) рухсатнома бериш учун тўлов ставкалари уларнинг эгалари ҳуқуқий ҳолати инобатга олинган ҳолда ушбу банднинг «в» кичик банди учинчи хатбошисига мувофиқ белгиланади»;
г) «д» кичик банддаги :
«автотранспорт воситалари ойналарининг тусини ўзгартириш (қорайтириш) учун сарфланадиган материалларни харид қилиш» сўзлари «рухсатномалар бланкларини ва тусини ўзгартириш (қорайтириш) учун рухсатноманинг мавжудлигини тасдиқловчи махсус эмблема (голограмма)ларни тайёрлаш» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2020 йил 9 октябрь,
635-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Tusi oʻzgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari toʻgʻrisida” 2018-yil 18-iyuldagi 547-son qaroriga oʻzgartirishlar kiritish haqida
Transport vositalarining haydovchilari va yoʻlovchilari uchun qulay shart-sharoitlar yaratish, tusi oʻzgartirilgan (qoraytirilgan) oynali transport vositalaridan foydalanish tartibini optimallashtirish maqsadida Vazirlar Mahkamasi qaror qiladi:
1. Vazirlar Mahkamasining “Tusi oʻzgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari toʻgʻrisida” 2018-yil 18-iyuldagi 547-son qaroriga ilovaga muvofiq oʻzgartirishlar kiritilsin.
2. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Vazirlar Mahkamasining 2020-yil 9-oktabrdagi 635-son qaroriga ILOVA
Vazirlar Mahkamasining “Tusi oʻzgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari toʻgʻrisida” 2018-yil 18-iyuldagi 547-son qaroriga kiritilayotgan oʻzgartirishlar
2-bandda :
a) “a” kichik band quyidagi tahrirda bayon qilinsin:
“a) M1, N1 va N2 toifaga oid avtotransport vositalari orqa yon oynalarining tusini yorugʻlik oʻtkazuvchanligi — cheklanmagan darajada, old yon oynalarining tusini yorugʻlik oʻtkazuvchanligi — 50 foizdan kam boʻlmagan darajada, shuningdek, M2, M3 toifaga oid III klass avtotransport vositalari yon oynalarining tusini yorugʻlik oʻtkazuvchanligi — 50 foizdan kam boʻlmagan darajada oʻzgartirish (qoraytirish) tasdiqlangan davlat standarti boʻyicha Oʻzbekiston Respublikasi Ichki ishlar vazirligi Davlat yoʻl harakati xavfsizligi xizmati tomonidan 1 yil muddatga beriladigan ruxsatnomaga asosan amalga oshiriladi”;
b) “v” kichik bandda :
birinchi xatboshidagi “yengil” soʻzi “M1, N1 va N2 toifaga oid” soʻzlari bilan almashtirilsin;
ikkinchi xatboshidagi “orqa yon oynalar boʻyicha jismoniy shaxslar uchun — bazaviy hisoblash miqdorining oʻn baravari” soʻzlari “orqa yon oynalar boʻyicha jismoniy shaxslar uchun — bazaviy hisoblash miqdorining besh baravari” soʻzlari bilan almashtirilsin;
v) “g” kichik band quyidagi tahrirda bayon qilinsin:
“g) M2, M3 toifaga oid III klass avtotransport vositalari yon oynalarining tusini oʻzgartirishga (qoraytirishga) ruxsatnoma berish uchun toʻlov stavkalari ularning egalari huquqiy holati inobatga olingan holda ushbu bandning “v” kichik bandi uchinchi xatboshisiga muvofiq belgilanadi”;
g) “d” kichik banddagi :
“avtotransport vositalari oynalarining tusini oʻzgartirish (qoraytirish) uchun sarflanadigan materiallarni xarid qilish” soʻzlari “ruxsatnomalar blanklarini va tusini oʻzgartirish (qoraytirish) uchun ruxsatnomaning mavjudligini tasdiqlovchi maxsus emblema (gologramma)larni tayyorlash” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 9-oktabr,
635-son
Кабинета Министров Республики Узбекистан
Постановление
О внесении изменений в постановление Кабинета Министров от 18 июля 2018 года № 547 «О мерах по упорядочению эксплуатации автотранспортных средств с тонированными (затемненными) стеклами»
В целях создания благоприятных условий для водителей и пассажиров, а также оптимизации порядка эксплуатации транспортных средств с тонированными (затемненными) стеклами Кабинет Министров постановляет:
1. Внести изменения в постановление Кабинета Министров от 18 июля 2018 года № 547 «О мерах по упорядочению эксплуатации автотранспортных средств с тонированными (затемненными) стеклами» согласно приложению .
2. Министерству внутренних дел совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на министра внутренних дел Республики Узбекистан П.Р. Бобожонова.
ПРИЛОЖЕНИЕ к постановлению Кабинета Министров от 9 октября 2020 года № 635
Изменения, вносимые в постановление Кабинета Министров от 18 июля 2018 года № 547 «О мерах по упорядочению эксплуатации автотранспортных средств с тонированными (затемненными) стеклами»
в пункте 2 :
а) подпункт «а» изложить в следующей редакции:
«а) Изменение светопропускания задних боковых стекол транспортных средств категории М1, N1 и N2 — без ограничения светопропускания, в пределах светопропускания не ниже 50 процентов — для передних боковых стекол, а также не ниже 50 процентов — на боковые стекла транспортных средств категории М1, N1 и N2 класса III производится на основании разрешения, выдаваемого Государственной службой безопасности дорожного движения Министерства внутренних дел Республики Узбекистан сроком на 1 год, по утвержденному государственному стандарту;
б) в подпункте «в» :
в абзаце первом слово «легковых» заменить словами «категории М1, N1 и N2»;
в абзаце втором слова «задних боковых стекол в размере десяти базовых расчетных величин — для физических лиц» заменить словами «задних боковых стекол в размере пяти базовых расчетных величин — для физических лиц»;
в) подпункт «г» изложить в следующей редакции:
«г) ставки платежей за выдачу разрешения на установку тонировки (затемнения) на боковые стекла автотранспортных средств категории М2, М3 класса III определяются с учетом юридического положения их владельцев в соответствии с абзацем третьим подпункта «в»;
г) в подпункте «д» :
слова «приобретением расходных материалов тонировки (затемнения) на стекла автотранспортных средств» заменить словами «изготовление специальных бланков разрешения и эмблем (голограмм), подтверждающих наличие разрешения на установку тонировки (затемнения)».
Премьер-министр Республики Узбекистан А. АРИПОВ
г. Ташкент,
9 октября 2020 г.,
№ 635