📅 2020-yil 8-oktabr · Prezident farmoyishlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 8 октябрь · Президент фармойишлари
Расмий матн. Расмий ҳужжат. Таҳририй изоҳлар киритилмаган.
📅 8 октября 2020 г. · Распоряжения Президента
Официальный текст. Официальный документ. Редакционные примечания не включены.
📅 8 October 2020 · Presidential orders
Official text. Official document. Editorial notes are not included.
Ўзбекистон Республикаси Президентининг
Фармойиши
ТАРКИБИ
«ЙЎЛ ХАРИТАСИ»
Қатағон қурбонларининг меросини янада чуқур ўрганиш ва улар хотирасини абадийлаштиришга доир қўшимча чора-тадбирлар тўғрисида
Ватанимиз истиқлоли, халқимизнинг озодлиги ва эркинлиги, келажак авлодларнинг тинч ва фаровон ҳаётини таъминлаш йўлида мардона кураш олиб бориб азиз жонларини фидо қилган, мустабид тузум даврида қатағон қилинган аждодларимиз хотирасини абадийлаштириш, уларнинг фаолияти ва меросини ўрганиш ҳамда тарғиб этиш борасида бир қатор ишлар амалга оширилмоқда.
Жумладан, ўтган даврда ушбу йўналишда муҳим фармон ва қарорлар қабул қилинди. Юртимизда 2001 йилдан буён ҳар йили 31 август — «Қатағон қурбонларини ёд этиш куни» сифатида кенг нишонлаб келинмоқда. «Шаҳидлар хотираси» ёдгорлик мажмуаси барпо этилди. «Шаҳидлар хотираси» жамоат фонди, Қатағон қурбонлари хотираси давлат музейи ҳамда ҳудудлардаги олий таълим муассасалари қошида унинг бўлимлари ташкил этилди.
Маҳмудхўжа Беҳбудий, Абдулла Авлоний, Исҳоқхон Ибрат, Абдурауф Фитрат, Абдулҳамид Чўлпон, Абдулла Қодирий каби улуғ маърифатпарвар аждодларимиз хотирасига бағишланган муҳташам ҳайкаллар, музейлар бунёд этилди, ижод мактаблари фаолияти йўлга қўйилди. Сиёсий қатағон йилларида ноҳақ қурбон бўлган юртдошларимизнинг номларини аниқлаш, уларнинг қолдирган меросини ўрганиш ва кенг жамоатчиликка етказишга қаратилган илмий-тадқиқот ишлари, бадиий ва ҳужжатли асарлар яратилмоқда.
Дунёда глобал хавф-хатарлар кучайиб бораётган ҳамда миллий ўзликни англаш ва ҳақиқий тарихимизни тиклаш ҳар қачонгидан ҳам муҳим аҳамият касб этаётган бугунги даврда мустабид тузум томонидан шафқатсиз қатағон қилинган давлат ва жамоат арбоблари, илм-фан, маданият ва санъат, адабиёт намояндаларининг, оддий касб эгаси бўлган минглаб юртдошларимизнинг номлари ва хотираларини абадийлаштириш, уларнинг жасорати ва матонати мисолида ёш авлодимизни Ватанимиз ва халқимизга муҳаббат ва садоқат руҳида тарбиялаш долзарб вазифа бўлиб қолмоқда.
Бу борадаги тарихий маълумотларни холис ва ҳаққоний ўрганиш мамлакатимиз мустақиллиги қандай оғир ва машаққатли курашлар билан қўлга киритилганини, бугунги эркин, озод ва обод ҳаётимизни асраб-авайлаб, қадрлаб яшаш кераклигини янада чуқур англашга хизмат қилади.
Кўпмиллатли халқимизнинг фидойи фарзандлари, маърифатпарвар аждодларимиз ҳаёти ва фаолияти билан боғлиқ ҳақиқатни тўла юзага чиқариш, уларга нисбатан тарихий адолатни тиклаш, бу борадаги ишларнинг кўлами ва самарасини ошириш мақсадида:
1. Ўзбекистон фахрийларининг ижтимоий фаолиятини кўллаб-қувватлаш «Нуроний» жамғармаси, Қатағон қурбонлари хотираси давлат музейи, «Шаҳидлар хотираси» жамоат фонди, Маҳалла ва оилани қўллаб-қувватлаш вазирлиги, Маданият вазирлиги, Олий ва ўрта махсус таълим вазирлиги, Халқ таълими вазирлиги, Фанлар академияси, Ёзувчилар уюшмаси, Республика Маънавият ва маърифат маркази, Бадиий академия ҳамда кенг жамоатчиликнинг қатағон қурбонлари меросини янада чуқур ўрганиш ва улар хотирасини абадийлаштириш ҳақидаги таклифлари қўллаб-қувватлансин.
2. Қатағон қурбонларининг меросини янада чуқур ўрганиш, улар хотирасини абадийлаштириш ишларини ташкил этиш ва мувофиқлаштириш бўйича Республика ишчи гуруҳи (кейинги ўринларда — Ишчи гуруҳ) ташкил этилсин ва унинг таркиби 1-иловага мувофиқ тасдиқлансин.
3. Қуйидагилар Ишчи гуруҳнинг асосий вазифалари этиб белгилансин:
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда малакали олимлар ва мутахассислардан иборат тегишли гуруҳларни тузиш;
қатағон қурбонларини вилоят, туман ва шаҳарлар кесимида номма-ном аниқлаш, уларнинг ҳаёти ва фаолияти, тарихий хизматлари ҳақидаги маълумотларни, архив ва музейларда сақланаётган ҳужжатларни тўплаш ва ўрганиш бўйича ушбу гуруҳларнинг фаолиятини самарали ташкил этиш;
қатағон қурбони бўлган юртдошларимизнинг авлодлари ва яқинлари, ўша давр воқеаларини чуқур биладиган кишиларнинг хотираларини ёзиб олиш, оилавий архив ва кутубхоналарда сақланаётган тарихий материалларни, ноёб суратларни тўплаш ишларини мувофиқлаштириш;
аниқланган қатағон қурбонларининг номларини Тошкент шаҳридаги «Шаҳидлар хотираси» ёдгорлик мажмуасида барпо этиладиган рамзий китоб саҳифаларига киритиш;
шаҳид бўлган юртдошларимиз хотирасини келгуси авлодларга безавол етказиш мақсадида кўп жилдлик «Қатағон қурбонлари» китоби нашрга тайёрланиши ва чоп этилишини таъминлаш;
Қатағон қурбонлари хотираси давлат музейи ҳамда унинг ҳудудлардаги олий таълим муассасалари қошидаги бўлимларининг фондлари ва экспозицияларини янги топилган маълумотлар, ҳужжатлар ва бошқа экспонатлар билан мунтазам равишда бойитиб борилишини ташкиллаштириш;
хориждаги турли архив, музей, кутубхона ва бошқа илмий-маърифий муассасалар ҳамда тегишли мутахассислар билан ҳамкорлик ўрнатган ҳолда, илмий экспедициялар ташкил этиш;
ўрганишлар жараёнида аниқланган, муайян сабабларга кўра реабилитация қилинмай қолиб кетган қатағон қурбонларини оқлаш юзасидан белгиланган тартибда таклифлар киритиб бориш;
қатағон қурбонлари ҳаёти ва фаолиятини илмий тадқиқ этиш, улар ҳақида илмий-тарихий китоблар, бадиий ва ҳужжатли фильмлар яратиш ишларини мувофиқлаштириш;
қатағон қурбонлари хотирасини абадийлаштириш мақсадида улар туғилиб вояга етган ва истиқомат қилган маҳаллалар ва умумтаълим мактабларида хотира бурчакларини ташкил этиш;
«Инсон — азиз, хотира — муқаддас» деган ғоя асосида барча туман, шаҳар ва маҳаллаларда аҳоли, айниқса, ёш авлодни мустақиллик ва адолат тантанаси учун курашган фидойи ота-боболаримизнинг хотирасига ҳурмат руҳида тарбиялаш, уларнинг кўрсатган жасорати ва ибратли фаолиятларини тарғиб этишга қаратилган маънавий-маърифий тарғибот ишларини ташкил этиш.
4. Қатағон қурбонларининг номларини тиклаш ва хотирасини абадийлаштириш бўйича «Йўл харитаси» 2-иловага мувофиқ тасдиқлансин.
5. Ишчи гуруҳга қатағон қурбонлари номларини аниқлаш ва уларнинг хотирасини абадийлаштириш билан боғлиқ ишларни амалга ошириш учун давлат органлари ва бошқа ташкилотларнинг, илмий-тадқиқот муассасаларининг юқори малакали мутахассисларини, экспертларни, шунингдек Ўзбекистон Республикасининг хорижий давлатлардаги дипломатик ваколатхоналари вакилларини жалб этиш ҳуқуқи берилсин.
6. Вазирлар Маҳкамаси икки ой муддатда Тошкент шаҳридаги «Шаҳидлар хотираси» ёдгорлик мажмуасида қатағон қурбонларининг номлари қайд этиладиган рамзий китобни яратиш, Қатағон қурбонлари хотираси давлат музейи ва унинг ҳудудлардаги олий таълим муассасалари қошидаги бўлимларининг, шунингдек «Шаҳидлар хотираси» жамоат фондининг моддий-техник базасини мустаҳкамлаш, фонднинг ҳомийлар гуруҳи таркибини янгилаш ва улар томонидан қўллаб-қувватлашни кучайтириш ҳамда халқаро молия институтлари, хорижий ташкилотлар, донор мамлакатлар ва ташкилотларнинг грантларини жалб этиш юзасидан Ҳукумат қарорини қабул қилсин.
Бунда, жумладан, хориждаги турли архив, музей, кутубхона ва бошқа илмий-маърифий муассасалар ҳамда тегишли мутахассислар билан ҳамкорлик қилиш, чет элдаги мавжуд манбаларни излаб топиш ва ўрганиш, шунингдек қатағон қурбонлари ҳақида янги бадиий ва ҳужжатли фильмлар тайёрлаш, хотира китоблари ва фотоальбомларни нашр этиш, ташкилий ишларни молиялаштириш масалалари кўзда тутилсин.
7. Ахборот ва оммавий коммуникациялар агентлиги, Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига ушбу фармойиш ижросини таъминлашга қаратилган тадбирларни кенг ёритиш, мавзуга оид телекўрсатув ва радиоэшиттиришларни эфирга узатиш ҳамда матбуот нашрлари ва Интернет саҳифаларида мақолалар эълон қилиш тавсия этилсин.
8. Мазкур фармойишнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг маслаҳатчилари Р.С. Қосимов ва А.А. Абдувахитов зиммасига юклансин.
Ўзбекистон Республикаси Президентининг 2020 йил 8 октябрдаги Ф-5598-сон фармойишига 1-ИЛОВА
Қатағон қурбонларининг меросини янада чуқур ўрганиш, улар хотирасини абадийлаштириш ишларини ташкил этиш ва мувофиқлаштириш бўйича Республика ишчи гуруҳининг
Р. Қосимов — Ўзбекистон Республикаси Президентининг маслаҳатчиси, ишчи гуруҳ раҳбари Б. Мусаев — Ўзбекистон Республикаси Бош вазири ўринбосари, Ишчи гуруҳ раҳбари ўринбосари Х. Султонов — Ўзбекистон Республикаси Президентининг маслаҳатчиси — Спичрайтери А. Жўрабоев — Ўзбекистон Республикаси Президентининг маслаҳатчиси ўринбосари К. Камилов — Олий суд раиси Б. Қурбонов — мудофаа вазири П. Бобожонов — ички ишлар вазири Т. Ишметов — молия вазири О. Назарбеков — маданият вазири И. Мажидов — олий ва ўрта махсус таълим вазири Ш. Шерматов — халқ таълими вазири Р. Маматов — маҳалла ва оилани қўллаб-қувватлаш вазири Б. Зокиров — қурилиш вазири Р. Абдуллаханов — Давлат хавфсизлик хизмати раиси ўринбосари Ф. Арзиев — ташқи ишлар вазирининг биринчи ўринбосари А. Ходжаев — Ахборот ва оммавий коммуникациялар агентлиги директори Б. Юлдашев — Фанлар академияси президенти У. Юсупов — «Ўзархив» агентлиги директори С. Турдиев — «Нуроний» жамғармаси республика бошқаруви раиси С. Саидов — Ўзбекистон Ёзувчилар уюшмаси раиси С. Ҳакимов — Ўзбекистон Журналистлари ижодий уюшмаси раиси М. Хожиматов — Республика Маънавият ва маърифат маркази раҳбари А. Нуридинов — Ўзбекистон Бадиий академияси раиси Ф. Абдухолиқов — «Ўзбеккино» Миллий агентлиги бош директори А. Хаджаев — Ўзбекистон Миллий телерадиокомпанияси раиси А. Кўчимов — Ўзбекистон Миллий ахборот агентлиги бош директори Б. Ҳасанов — Қатағон қурбонлари хотираси давлат музейи директори А. Зиёев — Фанлар академияси Тарих институти директори Ж. Исмаилова — Фанлар академияси Ўзбекистон тарихи давлат музейи директори Р. Калонов — Тошкент шаҳар Нуронийлар жамоатчилик кенгаши раиси У. Тешабоева — Алишер Навоий номидаги Ўзбекистон Миллий кутубхонаси директори Б. Онорбоев — Вазирлар Маҳкамасининг котибият мудири, ишчи гуруҳ котиби
Ўзбекистон Республикаси Президентининг 2020 йил 8 октябрдаги Ф-5598-сон фармойишига 2-ИЛОВА
Қатағон қурбонларининг номларини тиклаш ва хотирасини абадийлаштириш бўйича
Т/р Тадбир номи Амалга ошириш механизми Ижро муддати Молиялаштириш манбаи Масъул ижрочилар I. Ташкилий-амалий тадбирлар 1. Республика ишчи гуруҳининг ташкилий йиғилишини ўтказиш ва иш режасини тасдиқлаш Ташкилий чора-тадбирлар 2020 йил октябрь — Республика ишчи гуруҳи 2. Қатағон қурбонларини номма-ном аниқлаш мақсадида мамлакатимиз ҳудудларида малакали олимлар ва мутахассислардан иборат тегишли гуруҳларни тузиш ва уларнинг самарали фаолияти учун ҳудудлардаги олий ўқув юртлари базасида зарур шарт-шароитлар яратиш Ташкилий чора-тадбирлар 2020 йил октябрь — Республика ишчи гуруҳи, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Олий ва ўрта махсус таълим вазирлиги (И. Мажидов) 3. Олимлар ва мутахассислардан иборат тегишли гуруҳлар фаолиятини амалга ошириш тартиби тўғрисидаги Йўриқнома ва намунавий иш режаларини ишлаб чиқиш Республика ишчи гуруҳининг қарори 2020 йил октябрь — Республика ишчи гуруҳи, Қатағон қурбонлари хотираси давлат музейи (Б. Ҳасанов), Олий ва ўрта махсус таълим вазирлиги (И. Мажидов) 4. Илмий-ишчи гуруҳлар фаолиятига кўмаклашиш бўйича туман ва шаҳарларда давлат ва жамоат ташкилотлари, Нуронийлар жамоатчилик кенгашлари ҳамда фуқароларнинг ўзини ўзи бошқариш органларидан фаолларни бириктириш Ташкилий чора-тадбирлар 2020 йил октябрь — Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Маҳалла ва оилани қўллаб-қувватлаш вазирлиги (Р. Маматов) 5. Қатағон қурбонларининг номларини аниқлаш борасида изланишлар кўламини кенгайтириш мақсадида Қатағон қурбонлари хотираси давлат музейи ҳамда ҳудудлардаги олий таълим муассасаларидаги музейларнинг илмий ходимлари учун вазирлик ва идораларнинг идоравий архивларидан фойдаланиш имкониятини яратиш Ташкилий чора-тадбирлар 2020 йил октябрь ойидан бошлаб доимий равишда — Қатағон қурбонлари хотираси давлат музейи (Б. Ҳасанов), Ўзбекистон Республикаси Президенти Администрацияси, Олий суд (К. Камилов), Мудофаа вазирлиги (Б. Қурбонов), Ички ишлар вазирлиги (П. Бобожонов), Давлат хавфсизлик хизмати (А. Азизов), «Ўзархив» агентлиги (У. Юсупов), мутасадди вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 6. «Инсон — азиз, хотира — муқаддас» деган ғоя асосида барча туман ва шаҳарлар, маҳаллаларда аҳоли, айниқса, ёш авлодни мустақиллик ва адолат тантанаси учун курашган фидойи ота-боболаримизнинг хотирасига ҳурмат руҳида тарбиялаш, уларнинг кўрсатган жасорати ва ибратли фаолиятларини тарғиб этишга қаратилган маънавий-маърифий тарғибот ишларини ташкил этиш бўйича ташвиқот гуруҳларини тузиш Ташкилий чора-тадбирлар 2020 йил октябрь -ноябрь — Маҳалла ва оилани қўллаб-қувватлаш вазирлиги (Р. Маматов), Олий ва ўрта махсус таълим вазирлиги (И. Мажидов), Республика Маънавият ва маърифат маркази (М. Хожиматов), Ёшлар ишлари агентлиги (А. Саъдуллаев), ҳудудий Нуронийлар жамоатчилик кенгашлари 7. Эл-юртимиз озодлиги ва эркинлиги йўлида жасорат кўрсатган қатағон қурбонларининг авлодлари бўлган кам таъминланган оилаларга моддий ва маънавий ёрдамлар кўрсатиш Ташкилий чора-тадбирлар Доимий Маҳаллий ҳокимликларнинг бюджетдан ташқари маблағлари, «Маҳалла» фонди ва «Нуроний» жамғармаси маблағлари, ҳомийлик маблағлари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, «Маҳалла» фонди (Д. Усманов), «Нуроний» жамғармаси (С. Турдиев) 8. Ишчи гуруҳларнинг тавсиялари асосида, қатағонга учраган юртдошларимиз туғилиб вояга етган ва истиқомат қилган ҳудудлардаги маҳаллаларда ва умумтаълим мактабларида хотира бурчакларини ташкил этиш Ташкилий чора-тадбирлар Доимий «Маҳалла» фонди, Халқ таълими вазирлигининг бюджетдан ташқари маблағлари Республика ишчи гуруҳи, Қатағон қурбонлари хотираси давлат музейи (Б. Ҳасанов), Маҳалла ва оилани қўллаб-қувватлаш вазирлиги (Р. Маматов), Халқ таълими вазирлиги (Ш. Шерматов) 9. «Қатағон қурбонлари» хотира китоблари асосида қатағон қурбонларининг номларини Тошкент шаҳридаги «Шаҳидлар хотираси» ёдгорлик мажмуасида барпо этиладиган рамзий китоб саҳифаларига киритиш Ҳукумат қарори лойиҳаси 2022-2023 йиллар мобайнида Давлат бюджети маблағлари Қатағон қурбонлари хотираси давлат музейи, «Шаҳидлар хотираси» жамоат фонди (Б. Ҳасанов), Молия вазирлиги (Т. Ишметов), Қурилиш вазирлиги (Б. Закиров), Тошкент шаҳар ҳокимлиги (Ж. Артикходжаев) 10. Илмий-тадқиқот ишларини амалга ошириш жараёнида аниқланган, айрим сабабларга кўра реабилитация қилинмай қолиб кетган қатағон қурбонлари номларини оқлаш юзасидан белгиланган тартибда таклифлар киритиш Ташкилий чора-тадбирлар Доимий — Республика ишчи гуруҳи, Олий суд (К. Камилов), мутасадди вазирлик ва идоралар II. Илмий-тадқиқот ишлари 11. Шаҳид бўлган юртдошларимиз номини абадийлаштириш ва келгуси авлодларга етказиш мақсадида ҳудудлар кесимида улар ҳақидаги кўп жилдлик «Қатағон қурбонлари» хотира китобларини нашрга тайёрлаш ҳамда чоп этиш Илмий-тадқиқот ишлари 2021-2022 йиллар мобайнида Давлат бюджети маблағлари, маҳаллий ҳокимликларнинг бюджетдан ташқари маблағлари, «Шаҳидлар хотираси» жамоат фонди маблағлари Қатағон қурбонлари хотираси давлат музейи, «Шаҳидлар хотираси» жамоат фонди (Б. Ҳасанов), Молия вазирлиги (Т. Ишметов), Ахборот ва оммавий коммуникациялар агентлиги (А. Ходжаев), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 12. Номлари аниқланган қатағон қурбонларининг ҳар бири ҳақида китоблар, рисолалар тайёрлаш ва нашр этиш Илмий-тадқиқот ишлари 2021 йилдан бошлаб мунтазам равишда Давлат бюджети маблағлари, маҳаллий ҳокимликларнинг бюджетдан ташқари маблағлари, «Шаҳидлар хотираси» жамоат фонди маблағлари, ҳомийлик маблағлари Қатағон қурбонлари хотираси давлат музейи, «Шаҳидлар хотираси» жамоат фонди (Б. Ҳасанов), Олий ва ўрта махсус таълими вазирлиги (И. Мажидов), Молия вазирлиги (Т. Ишметов), Ахборот ва оммавий коммуникациялар агентлиги (А. Ходжаев), мутасадди вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 13. Чор Россияси мустамлакаси ва мустабид тузум даврида мамлакатимиз озодлиги учун курашган ва қатағонга учраган ота-боболаримиз ҳаёти ва фаолиятини ўрганиш, бу йўналишдаги илмий-тадқиқот ишларини самарали ташкил этиш Чора-тадбирлар режаси Доимий Давлат бюджети маблағлари, ҳомийлик маблағлари Қатағон қурбонлари хотираси давлат музейи (Б. Ҳасанов), Олий ва ўрта махсус таълими вазирлиги (И. Мажидов), Молия вазирлиги (Т. Ишметов), Фанлар академияси (Б. Йўлдошев), «Ўзархив» агентлиги (У. Юсупов), мутасадди вазирлик ва идоралар 14. Мустақиллик ва адолат тантанаси учун курашган ота-боболаримиз ҳақида илмий-тарихий китоблар ва фотоальбомлар тайёрлаш Ташкилий чора-тадбирлар Доимий Давлат бюджети маблағлари, ҳомийлик маблағлари Қатағон қурбонлари хотираси давлат музейи (Б. Ҳасанов), Олий ва ўрта махсус таълим вазирлиги (И. Мажидов), Молия вазирлиги (Т. Ишметов), Фанлар академияси (Б. Йўлдошев), «Ўзархив» агентлиги (У. Юсупов), Ахборот ва оммавий коммуникациялар агентлиги (А. Ходжаев), мутасадди вазирлик ва идоралар 15. Қатағонга учраган шахсларнинг ҳаёти ва фаолияти, мамлакатимизда содир бўлган ижтимоий-сиёсий жараёнлар, муайян тарихий воқеаларга оид илмий лойиҳаларни илмий-тадқиқот ишларига давлат буюртмаси талабларига мувофиқ танловлар асосида шакллантириш ва илмий лойиҳаларнинг амалга оширилишини таъминлаш Фундаментал тадқиқотлар Доимий Илмий-тадқиқот давлат дастурлари учун ажратилган маблағлар Инновацион ривожланиш вазирлиги (И. Абдураҳмонов), Қатағон қурбонлари хотираси давлат музейи (Б. Ҳасанов), Олий ва ўрта махсус таълим вазирлиги (И. Мажидов), Фанлар академияси (Б. Йўлдошев), мутасадди вазирлик ва идоралар 16. Қатағонга учраган давлат, жамоат арбоблари, фан ва маданият, адабиёт ва санъат намояндаларининг асарларини тайёрлаш ва чоп этиш Фундаментал тадқиқотлар Доимий Илмий-тадқиқот давлат дастурлари учун ажратилган маблағлар Қатағон қурбонлари хотираси давлат музейи (Б. Ҳасанов), Олий ва ўрта махсус таълим вазирлиги (И. Мажидов), Фанлар академияси (Б. Йўлдошев), Ахборот ва оммавий коммуникациялар агентлиги (А. Ходжаев), «Ўзархив» агентлиги (У. Юсупов), Ўзбекистон Миллий кутубхонаси (У. Тешабоева), мутасадди вазирлик ва идоралар 17. Қатағон қурбонлари бўлган аждодларимизнинг ҳар бири бўйича мультимедиа маҳсулотларини тайёрлаш Ташкилий чора-тадбирлар Доимий Ижрочиларнинг маблағлари Олий ва ўрта махсус таълим вазирлиги (И. Мажидов), Қатағон қурбонлари хотираси давлат музейи (Б. Ҳасанов), Халқ таълими вазирлиги (Ш. Шерматов), Фанлар академиясининг Тарих институти (А. Зиё), Ўзбекистон халқаро ислом академияси (Ш. Ёвқочев) 18. Қатағон қурбони бўлган жадидларни республика олий таълим муассасаларига бириктириш орқали уларнинг илмий-ижодий меросини чуқур ўрганиш ва тарғиб қилиш тизимини яратиш Ташкилий чора-тадбирлар Доимий — Олий ва ўрта махсус таълим вазирлиги (И. Мажидов), Қатағон қурбонлари хотираси давлат музейи (Б. Ҳасанов), мутасадди вазирлик ва идоралар 19. Мустабид тузум даврида қатағон қурбони бўлган ватандошларимиз ҳаёти ва фаолияти, ўша пайтларда мамлакатимизда ҳукм сурган мураккаб ижтимоий-сиёсий жараёнлар, муайян тарихий воқеалар ҳақида бадиий ва публицистик асарлар, кинофильмлар тайёрлаш ишларини ташкил этиш, ёзувчи ва шоирлар, журналистлар, режиссёрлар ўртасида ушбу мавзуга доир энг яхши асарлар танловини ўтказиш Ташкилий чора-тадбирлар Доимий Давлат бюджети маблағлари, ижрочиларнинг маблағлари Республика ишчи гуруҳи, Ёзувчилар уюшмаси (С. Саидов), Журналистлар ижодий уюшмаси (С. Ҳакимов), «Ўзбеккино» Миллий агентлиги (Ф. Абдуҳолиқов), мутасадди вазирлик ва идоралар III. Маънавий-маърифий тадбирлар 20. «Инсон — азиз, хотира — муқаддас» деган ғоя асосида барча туман ва шаҳарлар, маҳаллаларда аҳоли, айниқса, ёш авлодни мустақиллик ва адолат тантанаси учун курашган фидойи ота-боболаримизнинг хотирасига ҳурмат руҳида тарбиялаш, уларнинг жасорати ва ибратли фаолиятларини тарғиб этишга қаратилган маънавий-маърифий тадбирларни ташкил этиш Ташкилий чора-тадбирлар Доимий Ижрочиларнинг маблағлари Республика Маънавият ва маърифат маркази (М. Хожиматов), Маҳалла ва оилани қўллаб-қувватлаш вазирлиги (Р. Маматов), Олий ва ўрта махсус таълим вазирлиги (И. Мажидов), Дин ишлари бўйича қўмита (А. Аҳмедов), Ёшлар ишлари агентлиги (А. Саъдуллаев), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, ҳудудий Нуронийлар жамоатчилик кенгашлари 21. Мустақиллик ва адолат тантанаси учун курашган ота-боболаримиз ҳақида бадиий ва ҳужжатли фильмлар яратиш Ташкилий чора-тадбирлар Доимий Давлат бюджети маблағлари «Ўзбеккино» миллий агентлиги (Ф. Абдухолиқов), Миллий телерадиокомпания (А. Хаджаев), Қатағон қурбонлари хотираси давлат музейи (Б. Ҳасанов), «Ўзархив» агентлиги (У. Юсупов), мутасадди вазирлик ва идоралар 22. Қатағон қурбонларининг номларини тиклаш ва хотирасини абадийлаштириш билан боғлиқ жараёнларни, ишчи гуруҳлар фаолиятини кенг ёритиш, шунингдек мавзуга оид туркум телекўрсатув ва радиоэшиттиришлар тайёрлаб эфирга узатиш, матбуот нашрлари ва Интернет саҳифаларида мақолалар эълон қилиш Ташкилий чора-тадбирлар Доимий — Ахборот ва оммавий коммуникациялар агентлиги (А. Ходжаев), Миллий телерадиокомпания (А. Хаджаев), Миллий ахборот агентлиги (А. Кўчимов), оммавий ахборот воситалари 23. Қатағон қурбонлари хотираси давлат музейи ҳамда унинг ҳудудлардаги олий таълим муассасалари қошидаги бўлимлари базасида ўқувчи-талабалар учун мустақиллик ва адолат тантанаси йўлида курашган фидойи ота-боболаримизнинг жасорати ва ибратли фаолиятлари ҳақида тарғибот-ташвиқот ишларини ташкил этиш Ташкилий чора-тадбирлар Доимий — Олий ва ўрта махсус таълим вазирлиги (И. Мажидов), Халқ таълими вазирлиги (Ш. Шерматов), Қатағон қурбонлари хотираси давлат музейи (Б. Ҳасанов) IV. Хорижий давлатлардаги ваколатли муассасалар билан ҳамкорликда амалга ошириладиган чора-тадбирлар 24. Хорижий давлатлардаги турли архив, музей, кутубхона ва бошқа илмий-маърифий муассасалар ҳамда тегишли мутахассислар билан алоқалар ўрнатиш Ташкилий чора-тадбирлар 2020 йил октябрь ойидан бошлаб режа асосида — Ташқи ишлар вазирлиги (Ф. Арзиев), Республика ишчи гуруҳи, Қатағон қурбонлари хотираси давлат музейи (Б. Ҳасанов) 25. Қатағон қурбони бўлган ватандошларимиз ҳаёти ва фаолиятига оид чет эллардаги мавжуд манбаларни излаб топиш ва ўрганиш мақсадида илмий экспедицияларни ташкил этиш Ташкилий чора-тадбирлар Доимий Давлат бюджети маблағлари Республика ишчи гуруҳи, Қатағон қурбонлари хотираси давлат музейи (Б. Ҳасанов) 26. Қатағон қурбони бўлган ватандошларимизнинг номларини тиклаш мақсадида хорижий давлатлардаги илмий-тадқиқот муассасалари, архивлар ва турдош музейлар билан ҳамкорликда халқаро грантларни жалб этган ҳолда илмий лойиҳаларни амалга ошириш Ўзаро ҳамкорлик келишувлари Доимий Халқаро ва хорижий ташкилотларнинг грант маблағлари Қатағон қурбонлари хотираси давлат музейи (Б. Ҳасанов), Олий ва ўрта махсус таълим вазирлиги (И. Мажидов), Инвестициялар ва савдо вазирлиги (Л. Кудратов), Ташқи ишлар вазирлиги (Ф. Арзиев), Инновацион ривожланиш вазирлиги (И. Абдураҳмонов), мутасадди вазирлик ва идоралар 27. Қатағон қурбонларининг номларини тиклаш ва хотирасини абадийлаштириш бўйича халқаро конференциялар ва давра суҳбатларини ўтказиш Ташкилий чора-тадбирлар Алоҳида режа асосида Ижрочиларнинг маблағлари Қатағон қурбонлари хотираси давлат музейи (Б. Ҳасанов), Олий ва ўрта махсус таълим вазирлиги (И. Мажидов), Фанлар академияси (Б. Йўлдошев), мутасадди вазирлик ва идоралар V. Қатағон қурбонлари хотираси давлат музейи ҳамда ҳудудлардаги олий таълим муассасалари тузилмаларидаги музейларнинг фаолиятини такомиллаштириш бўйича чора-тадбирлар 28. Қуйидагиларни назарда тутувчи норматив-ҳуқуқий ҳужжат лойиҳасини ишлаб чиқиш ва қабул қилиш: Қатағон қурбонлари хотираси давлат музейи ва ҳудудлардаги олий таълим муассасалари тузилмаларидаги музейларнинг моддий-техник базасини мустаҳкамлаш; Қатағон қурбонлари хотираси давлат музейи ходимлари учун алоҳида хизмат биносини қуриш; Қатағон қурбонлари хотираси давлат музейи ҳамда ҳудудлардаги олий таълим муассасалари тузилмаларидаги музейларда қўшимча илмий ва мутахассис ходимлар штат бирликлари жорий этилишини белгилаган ҳолда намунавий тузилмаларни тасдиқлаш; Қатағон қурбонлари хотираси давлат музейининг ҳудудлардаги олий таълим муассасалари тузилмаларидаги музейлар раҳбарлари ва илмий ходимларининг ойлик иш ҳақларини ошириш; «Шаҳидлар хотираси» жамоат фондининг ҳомийлар гуруҳи таркибини янгилаш ва улар томонидан қўллаб-қувватлашни кучайтириш ҳамда халқаро молия институтлари, хорижий ташкилотларнинг грантларини жалб этиш. Ҳукумат қарори лойиҳаси 2020 йил ноябрь давлат бюджети маблағлари, халқаро ва хорижий ташкилотларнинг грант маблағлари, ҳомийлар маблағлари Қатағон қурбонлари хотираси давлат музейи (Б. Ҳасанов), Молия вазирлиги (Т. Ишметов), Қурилиш вазирлиги (Б. Закиров), Олий ва ўрта махсус таълим вазирлиги (И. Мажидов), Инвестициялар ва савдо вазирлиги (Л. Кудратов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, мутасадди вазирлик ва идоралар 29. Қатағон қурбонлари, шу жумладан, мустақиллик ва адолат тантанаси учун курашган фидойи ота-боболаримизнинг жасоратлари ва ибратли фаолияти билан таништириш мақсадида маҳаллалардаги ўқувчи ёшлар учун «Шаҳидлар хотираси» ёдгорлик мажмуаси, Қатағон қурбонлари хотираси давлат музейи ҳамда ҳудудлардаги олий таълим муассасалари тузилмаларидаги музейларга саёҳатлар уюштириш. Бунда кам таъминланган, ижтимоий ҳимояга муҳтож ва ногиронлиги бўлган оила фарзандлари учун саёҳатлар давомида имтиёзлар белгилаш. Ташкилий чора-тадбирлар Доимий — Қатағон қурбонлари хотираси давлат музейи, «Шаҳидлар хотираси» жамоат фонди (Б. Ҳасанов), Олий ва ўрта махсус таълим вазирлиги (И. Мажидов), Халқ таълими вазирлиги (Ш. Шерматов), Маҳалла ва оилани қўллаб-қувватлаш вазирлиги (Р. Маматов) 30. Мустақиллик ва адолат тантанаси учун курашган фидойи ота-боболаримиз, қатағон қурбонларининг кўрсатган жасоратларини ва ибратли фаолиятларини кенг тарғиб этиш мақсадида Қатағон қурбонлари хотираси давлат музейи ҳамда унинг ҳудудлардаги олий таълим муассасалари қошидаги бўлимларига туристларнинг ташрифларини ташкил этиш ва уларни сайёҳлик йўналишларига киритиш Ташкилий чора-тадбирлар Доимий — Туризмни ривожлантириш давлат қўмитаси (А. Аккулов), Олий ва ўрта махсус таълим вазирлиги (И. Мажидов), Маҳалла ва оилани қўллаб-қувватлаш вазирлиги (Р. Маматов), Ёшлар ишлари агентлиги (А. Саъдуллаев) 31. Қатағон қурбонлари хотираси давлат музейи ҳамда унинг ҳудудлардаги олий таълим муассасалари қошидаги бўлимларининг фондлари ва экспозицияларини янги топилган маълумотлар, ҳужжатлар ва бошқа экспонатлар билан мунтазам равишда бойитиб бориш Ташкилий чора-тадбирлар Доимий Ижрочиларнинг маблағлари Қатағон қурбонлари хотираси давлат музейи, «Шаҳидлар хотираси» жамоат фонди (Б. Ҳасанов), Олий ва ўрта махсус таълим вазирлиги (И. Мажидов) 32. Қатағон қурбонлари, шу жумладан, мустақиллик ва адолат тантанаси учун курашган фидойи ота-боболаримизнинг жасоратлари ва ибратли фаолиятлари тўғрисида маълумот берувчи алоҳида расмий интернет сайтини яратиш Ташкилий чора-тадбирлар 2021 йил январь Давлат бюджети маблағлари Ахборот технологиялари ва коммуникацияларини ривожлантириш вазирлиги (Ш. Садиков), Қатағон қурбонлари хотираси давлат музейи (Б. Ҳасанов), Олий ва ўрта махсус таълим вазирлиги (И. Мажидов), «Ўзархив» агентлиги (У. Юсупов), мутасадди вазирлик ва идоралар
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 8 октябрь,
Ф-5598-сон
Oʻzbekiston Respublikasi Prezidentining
Farmoyishi
TARKIBI
“YOʻL XARITASI”
Qatagʻon qurbonlarining merosini yanada chuqur oʻrganish va ular xotirasini abadiylashtirishga doir qoʻshimcha chora-tadbirlar toʻgʻrisida
Vatanimiz istiqloli, xalqimizning ozodligi va erkinligi, kelajak avlodlarning tinch va farovon hayotini taʼminlash yoʻlida mardona kurash olib borib aziz jonlarini fido qilgan, mustabid tuzum davrida qatagʻon qilingan ajdodlarimiz xotirasini abadiylashtirish, ularning faoliyati va merosini oʻrganish hamda targʻib etish borasida bir qator ishlar amalga oshirilmoqda.
Jumladan, oʻtgan davrda ushbu yoʻnalishda muhim farmon va qarorlar qabul qilindi. Yurtimizda 2001-yildan buyon har yili 31-avgust — “Qatagʻon qurbonlarini yod etish kuni” sifatida keng nishonlab kelinmoqda. “Shahidlar xotirasi” yodgorlik majmuasi barpo etildi. “Shahidlar xotirasi” jamoat fondi, Qatagʻon qurbonlari xotirasi davlat muzeyi hamda hududlardagi oliy taʼlim muassasalari qoshida uning boʻlimlari tashkil etildi.
Mahmudxoʻja Behbudiy, Abdulla Avloniy, Isʼhoqxon Ibrat, Abdurauf Fitrat, Abdulhamid Choʻlpon, Abdulla Qodiriy kabi ulugʻ maʼrifatparvar ajdodlarimiz xotirasiga bagʻishlangan muhtasham haykallar, muzeylar bunyod etildi, ijod maktablari faoliyati yoʻlga qoʻyildi. Siyosiy qatagʻon yillarida nohaq qurbon boʻlgan yurtdoshlarimizning nomlarini aniqlash, ularning qoldirgan merosini oʻrganish va keng jamoatchilikka yetkazishga qaratilgan ilmiy-tadqiqot ishlari, badiiy va hujjatli asarlar yaratilmoqda.
Dunyoda global xavf-xatarlar kuchayib borayotgan hamda milliy oʻzlikni anglash va haqiqiy tariximizni tiklash har qachongidan ham muhim ahamiyat kasb etayotgan bugungi davrda mustabid tuzum tomonidan shafqatsiz qatagʻon qilingan davlat va jamoat arboblari, ilm-fan, madaniyat va sanʼat, adabiyot namoyandalarining, oddiy kasb egasi boʻlgan minglab yurtdoshlarimizning nomlari va xotiralarini abadiylashtirish, ularning jasorati va matonati misolida yosh avlodimizni Vatanimiz va xalqimizga muhabbat va sadoqat ruhida tarbiyalash dolzarb vazifa boʻlib qolmoqda.
Bu boradagi tarixiy maʼlumotlarni xolis va haqqoniy oʻrganish mamlakatimiz mustaqilligi qanday ogʻir va mashaqqatli kurashlar bilan qoʻlga kiritilganini, bugungi erkin, ozod va obod hayotimizni asrab-avaylab, qadrlab yashash kerakligini yanada chuqur anglashga xizmat qiladi.
Koʻpmillatli xalqimizning fidoyi farzandlari, maʼrifatparvar ajdodlarimiz hayoti va faoliyati bilan bogʻliq haqiqatni toʻla yuzaga chiqarish, ularga nisbatan tarixiy adolatni tiklash, bu boradagi ishlarning koʻlami va samarasini oshirish maqsadida:
1. Oʻzbekiston faxriylarining ijtimoiy faoliyatini koʻllab-quvvatlash “Nuroniy” jamgʻarmasi, Qatagʻon qurbonlari xotirasi davlat muzeyi, “Shahidlar xotirasi” jamoat fondi, Mahalla va oilani qoʻllab-quvvatlash vazirligi, Madaniyat vazirligi, Oliy va oʻrta maxsus taʼlim vazirligi, Xalq taʼlimi vazirligi, Fanlar akademiyasi, Yozuvchilar uyushmasi, Respublika Maʼnaviyat va maʼrifat markazi, Badiiy akademiya hamda keng jamoatchilikning qatagʻon qurbonlari merosini yanada chuqur oʻrganish va ular xotirasini abadiylashtirish haqidagi takliflari qoʻllab-quvvatlansin.
2. Qatagʻon qurbonlarining merosini yanada chuqur oʻrganish, ular xotirasini abadiylashtirish ishlarini tashkil etish va muvofiqlashtirish boʻyicha Respublika ishchi guruhi (keyingi oʻrinlarda — Ishchi guruh) tashkil etilsin va uning tarkibi 1-ilovaga muvofiq tasdiqlansin.
3. Quyidagilar Ishchi guruhning asosiy vazifalari etib belgilansin:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda malakali olimlar va mutaxassislardan iborat tegishli guruhlarni tuzish;
qatagʻon qurbonlarini viloyat, tuman va shaharlar kesimida nomma-nom aniqlash, ularning hayoti va faoliyati, tarixiy xizmatlari haqidagi maʼlumotlarni, arxiv va muzeylarda saqlanayotgan hujjatlarni toʻplash va oʻrganish boʻyicha ushbu guruhlarning faoliyatini samarali tashkil etish;
qatagʻon qurboni boʻlgan yurtdoshlarimizning avlodlari va yaqinlari, oʻsha davr voqealarini chuqur biladigan kishilarning xotiralarini yozib olish, oilaviy arxiv va kutubxonalarda saqlanayotgan tarixiy materiallarni, noyob suratlarni toʻplash ishlarini muvofiqlashtirish;
aniqlangan qatagʻon qurbonlarining nomlarini Toshkent shahridagi “Shahidlar xotirasi” yodgorlik majmuasida barpo etiladigan ramziy kitob sahifalariga kiritish;
shahid boʻlgan yurtdoshlarimiz xotirasini kelgusi avlodlarga bezavol yetkazish maqsadida koʻp jildlik “Qatagʻon qurbonlari” kitobi nashrga tayyorlanishi va chop etilishini taʼminlash;
Qatagʻon qurbonlari xotirasi davlat muzeyi hamda uning hududlardagi oliy taʼlim muassasalari qoshidagi boʻlimlarining fondlari va ekspozitsiyalarini yangi topilgan maʼlumotlar, hujjatlar va boshqa eksponatlar bilan muntazam ravishda boyitib borilishini tashkillashtirish;
xorijdagi turli arxiv, muzey, kutubxona va boshqa ilmiy-maʼrifiy muassasalar hamda tegishli mutaxassislar bilan hamkorlik oʻrnatgan holda, ilmiy ekspeditsiyalar tashkil etish;
oʻrganishlar jarayonida aniqlangan, muayyan sabablarga koʻra reabilitatsiya qilinmay qolib ketgan qatagʻon qurbonlarini oqlash yuzasidan belgilangan tartibda takliflar kiritib borish;
qatagʻon qurbonlari hayoti va faoliyatini ilmiy tadqiq etish, ular haqida ilmiy-tarixiy kitoblar, badiiy va hujjatli filmlar yaratish ishlarini muvofiqlashtirish;
qatagʻon qurbonlari xotirasini abadiylashtirish maqsadida ular tugʻilib voyaga yetgan va istiqomat qilgan mahallalar va umumtaʼlim maktablarida xotira burchaklarini tashkil etish;
“Inson — aziz, xotira — muqaddas” degan gʻoya asosida barcha tuman, shahar va mahallalarda aholi, ayniqsa, yosh avlodni mustaqillik va adolat tantanasi uchun kurashgan fidoyi ota-bobolarimizning xotirasiga hurmat ruhida tarbiyalash, ularning koʻrsatgan jasorati va ibratli faoliyatlarini targʻib etishga qaratilgan maʼnaviy-maʼrifiy targʻibot ishlarini tashkil etish.
4. Qatagʻon qurbonlarining nomlarini tiklash va xotirasini abadiylashtirish boʻyicha “Yoʻl xaritasi” 2-ilovaga muvofiq tasdiqlansin.
5. Ishchi guruhga qatagʻon qurbonlari nomlarini aniqlash va ularning xotirasini abadiylashtirish bilan bogʻliq ishlarni amalga oshirish uchun davlat organlari va boshqa tashkilotlarning, ilmiy-tadqiqot muassasalarining yuqori malakali mutaxassislarini, ekspertlarni, shuningdek Oʻzbekiston Respublikasining xorijiy davlatlardagi diplomatik vakolatxonalari vakillarini jalb etish huquqi berilsin.
6. Vazirlar Mahkamasi ikki oy muddatda Toshkent shahridagi “Shahidlar xotirasi” yodgorlik majmuasida qatagʻon qurbonlarining nomlari qayd etiladigan ramziy kitobni yaratish, Qatagʻon qurbonlari xotirasi davlat muzeyi va uning hududlardagi oliy taʼlim muassasalari qoshidagi boʻlimlarining, shuningdek “Shahidlar xotirasi” jamoat fondining moddiy-texnik bazasini mustahkamlash, fondning homiylar guruhi tarkibini yangilash va ular tomonidan qoʻllab-quvvatlashni kuchaytirish hamda xalqaro moliya institutlari, xorijiy tashkilotlar, donor mamlakatlar va tashkilotlarning grantlarini jalb etish yuzasidan Hukumat qarorini qabul qilsin.
Bunda, jumladan, xorijdagi turli arxiv, muzey, kutubxona va boshqa ilmiy-maʼrifiy muassasalar hamda tegishli mutaxassislar bilan hamkorlik qilish, chet eldagi mavjud manbalarni izlab topish va oʻrganish, shuningdek qatagʻon qurbonlari haqida yangi badiiy va hujjatli filmlar tayyorlash, xotira kitoblari va fotoalbomlarni nashr etish, tashkiliy ishlarni moliyalashtirish masalalari koʻzda tutilsin.
7. Axborot va ommaviy kommunikatsiyalar agentligi, Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga ushbu farmoyish ijrosini taʼminlashga qaratilgan tadbirlarni keng yoritish, mavzuga oid telekoʻrsatuv va radioeshittirishlarni efirga uzatish hamda matbuot nashrlari va Internet sahifalarida maqolalar eʼlon qilish tavsiya etilsin.
8. Mazkur farmoyishning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchilari R.S. Qosimov va A.A. Abduvaxitov zimmasiga yuklansin.
Oʻzbekiston Respublikasi Prezidentining 2020-yil 8-oktabrdagi F-5598-son farmoyishiga 1-ILOVA
Qatagʻon qurbonlarining merosini yanada chuqur oʻrganish, ular xotirasini abadiylashtirish ishlarini tashkil etish va muvofiqlashtirish boʻyicha Respublika ishchi guruhining
R. Qosimov — Oʻzbekiston Respublikasi Prezidentining maslahatchisi, ishchi guruh rahbari B. Musayev — Oʻzbekiston Respublikasi Bosh vaziri oʻrinbosari, Ishchi guruh rahbari oʻrinbosari X. Sultonov — Oʻzbekiston Respublikasi Prezidentining maslahatchisi — Spichrayteri A. Joʻraboyev — Oʻzbekiston Respublikasi Prezidentining maslahatchisi oʻrinbosari K. Kamilov — Oliy sud raisi B. Qurbonov — mudofaa vaziri P. Bobojonov — ichki ishlar vaziri T. Ishmetov — moliya vaziri O. Nazarbekov — madaniyat vaziri I. Majidov — oliy va oʻrta maxsus taʼlim vaziri Sh. Shermatov — xalq taʼlimi vaziri R. Mamatov — mahalla va oilani qoʻllab-quvvatlash vaziri B. Zokirov — qurilish vaziri R. Abdullaxanov — Davlat xavfsizlik xizmati raisi oʻrinbosari F. Arziyev — tashqi ishlar vazirining birinchi oʻrinbosari A. Xodjayev — Axborot va ommaviy kommunikatsiyalar agentligi direktori B. Yuldashev — Fanlar akademi�si prezidenti U. Yusupov — “Oʻzarxiv” agentligi direktori S. Turdiyev — “Nuroniy” jamgʻarmasi respublika boshqaruvi raisi S. Saidov — Oʻzbekiston Yozuvchilar uyushmasi raisi S. Hakimov — Oʻzbekiston Jurnalistlari ijodiy uyushmasi raisi M. Xojimatov — Respublika Maʼnaviyat va maʼrifat markazi rahbari A. Nuridinov — Oʻzbekiston Badiiy akademiyasi raisi F. Abduxoliqov — “Oʻzbekkino” Milliy agentligi bosh direktori A. Xadjayev — Oʻzbekiston Milliy teleradiokompaniyasi raisi A. Koʻchimov — Oʻzbekiston Milliy axborot agentligi bosh direktori B. Hasanov — Qatagʻon qurbonlari xotirasi davlat muzeyi direktori A. Ziyoyev — Fanlar akademiyasi Tarix instituti direktori J. Ismailova — Fanlar akademiyasi Oʻzbekiston tarixi davlat muzeyi direktori R. Kalonov — Toshkent shahar Nuroniylar jamoatchilik kengashi raisi U. Teshaboyeva — Alisher Navoiy nomidagi Oʻzbekiston Milliy kutubxonasi direktori B. Onorboyev — Vazirlar Mahkamasining kotibiyat mudiri, ishchi guruh kotibi
Oʻzbekiston Respublikasi Prezidentining 2020-yil 8-oktabrdagi F-5598-son farmoyishiga 2-ILOVA
Qatagʻon qurbonlarining nomlarini tiklash va xotirasini abadiylashtirish boʻyicha
T/r Tadbir nomi Amalga oshirish mexanizmi Ijro muddati Moliyalashtirish manbai Masʼul ijrochilar I. Tashkiliy-amaliy tadbirlar 1. Respublika ishchi guruhining tashkiliy yigʻilishini oʻtkazish va ish rejasini tasdiqlash Tashkiliy chora-tadbirlar 2020-yil oktyabr — Respublika ishchi guruhi 2. Qatagʻon qurbonlarini nomma-nom aniqlash maqsadida mamlakatimiz hududlarida malakali olimlar va mutaxassislardan iborat tegishli guruhlarni tuzish va ularning samarali faoliyati uchun hududlardagi oliy oʻquv yurtlari bazasida zarur shart-sharoitlar yaratish Tashkiliy chora-tadbirlar 2020-yil oktyabr — Respublika ishchi guruhi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oliy va oʻrta maxsus taʼlim vazirligi (I. Majidov) 3. Olimlar va mutaxassislardan iborat tegishli guruhlar faoliyatini amalga oshirish tartibi toʻgʻrisidagi Yoʻriqnoma va namunaviy ish rejalarini ishlab chiqish Respublika ishchi guruhining qarori 2020-yil oktyabr — Respublika ishchi guruhi, Qatagʻon qurbonlari xotirasi davlat muzeyi (B. Hasanov), Oliy va oʻrta maxsus taʼlim vazirligi (I. Majidov) 4. Ilmiy-ishchi guruhlar faoliyatiga koʻmaklashish boʻyicha tuman va shaharlarda davlat va jamoat tashkilotlari, Nuroniylar jamoatchilik kengashlari hamda fuqarolarning oʻzini oʻzi boshqarish organlaridan faollarni biriktirish Tashkiliy chora-tadbirlar 2020-yil oktyabr — Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Mahalla va oilani qoʻllab-quvvatlash vazirligi (R. Mamatov) 5. Qatagʻon qurbonlarining nomlarini aniqlash borasida izlanishlar koʻlamini kengaytirish maqsadida Qatagʻon qurbonlari xotirasi davlat muzeyi hamda hududlardagi oliy taʼlim muassasalaridagi muzeylarning ilmiy xodimlari uchun vazirlik va idoralarning idoraviy arxivlaridan foydalanish imkoniyatini yaratish Tashkiliy chora-tadbirlar 2020-yil oktyabr oyidan boshlab doimiy ravishda — Qatagʻon qurbonlari xotirasi davlat muzeyi (B. Hasanov), Oʻzbekiston Respublikasi Prezidenti Administratsiyasi, Oliy sud (K. Kamilov), Mudofaa vazirligi (B. Qurbonov), Ichki ishlar vazirligi (P. Bobojonov), Davlat xavfsizlik xizmati (A. Azizov), “Oʻzarxiv” agentligi (U. Yusupov), mutasaddi vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 6. “Inson — aziz, xotira — muqaddas” degan gʻoya asosida barcha tuman va shaharlar, mahallalarda aholi, ayniqsa, yosh avlodni mustaqillik va adolat tantanasi uchun kurashgan fidoyi ota-bobolarimizning xotirasiga hurmat ruhida tarbiyalash, ularning koʻrsatgan jasorati va ibratli faoliyatlarini targʻib etishga qaratilgan maʼnaviy-maʼrifiy targʻibot ishlarini tashkil etish boʻyicha tashviqot guruhlarini tuzish Tashkiliy chora-tadbirlar 2020-yil oktyabr -noyabr — Mahalla va oilani qoʻllab-quvvatlash vazirligi (R. Mamatov), Oliy va oʻrta maxsus taʼlim vazirligi (I. Majidov), Respublika Maʼnaviyat va maʼrifat markazi (M. Xojimatov), Yoshlar ishlari agentligi (A. Saʼdullayev), hududiy Nuroniylar jamoatchilik kengashlari 7. El-yurtimiz ozodligi va erkinligi yoʻlida jasorat koʻrsatgan qatagʻon qurbonlarining avlodlari boʻlgan kam taʼminlangan oilalarga moddiy va maʼnaviy yordamlar koʻrsatish Tashkiliy chora-tadbirlar Doimiy Mahalliy hokimliklarning budjetdan tashqari mablagʻlari, “Mahalla” fondi va “Nuroniy” jamgʻarmasi mablagʻlari, homiylik mablagʻlari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, “Mahalla” fondi (D. Usmanov), “Nuroniy” jamgʻarmasi (S. Turdiyev) 8. Ishchi guruhlarning tavsiyalari asosida, qatagʻonga uchragan yurtdoshlarimiz tugʻilib voyaga yetgan va istiqomat qilgan hududlardagi mahallalarda va umumtaʼlim maktablarida xotira burchaklarini tashkil etish Tashkiliy chora-tadbirlar Doimiy “Mahalla” fondi, Xalq taʼlimi vazirligining budjetdan tashqari mablagʻlari Respublika ishchi guruhi, Qatagʻon qurbonlari xotirasi davlat muzeyi (B. Hasanov), Mahalla va oilani qoʻllab-quvvatlash vazirligi (R. Mamatov), Xalq taʼlimi vazirligi (Sh. Shermatov) 9. “Qatagʻon qurbonlari” xotira kitoblari asosida qatagʻon qurbonlarining nomlarini Toshkent shahridagi “Shahidlar xotirasi” yodgorlik majmuasida barpo etiladigan ramziy kitob sahifalariga kiritish Hukumat qarori loyihasi 2022-2023-yillar mobaynida Davlat budjeti mablagʻlari Qatagʻon qurbonlari xotirasi davlat muzeyi, “Shahidlar xotirasi” jamoat fondi (B. Hasanov), Moliya vazirligi (T. Ishmetov), Qurilish vazirligi (B. Zakirov), Toshkent shahar hokimligi (J. Artikxodjayev) 10. Ilmiy-tadqiqot ishlarini amalga oshirish jarayonida aniqlangan, ayrim sabablarga koʻra reabilitatsiya qilinmay qolib ketgan qatagʻon qurbonlari nomlarini oqlash yuzasidan belgilangan tartibda takliflar kiritish Tashkiliy chora-tadbirlar Doimiy — Respublika ishchi guruhi, Oliy sud (K. Kamilov), mutasaddi vazirlik va idoralar II. Ilmiy-tadqiqot ishlari 11. Shahid boʻlgan yurtdoshlarimiz nomini abadiylashtirish va kelgusi avlodlarga yetkazish maqsadida hududlar kesimida ular haqidagi koʻp jildlik “Qatagʻon qurbonlari” xotira kitoblarini nashrga tayyorlash hamda chop etish Ilmiy-tadqiqot ishlari 2021-2022-yillar mobaynida Davlat budjeti mablagʻlari, mahalliy hokimliklarning budjetdan tashqari mablagʻlari, “Shahidlar xotirasi” jamoat fondi mablagʻlari Qatagʻon qurbonlari xotirasi davlat muzeyi, “Shahidlar xotirasi” jamoat fondi (B. Hasanov), Moliya vazirligi (T. Ishmetov), Axborot va ommaviy kommunikatsiyalar agentligi (A. Xodjayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 12. Nomlari aniqlangan qatagʻon qurbonlarining har biri haqida kitoblar, risolalar tayyorlash va nashr etish Ilmiy-tadqiqot ishlari 2021-yildan boshlab muntazam ravishda Davlat budjeti mablagʻlari, mahalliy hokimliklarning budjetdan tashqari mablagʻlari, “Shahidlar xotirasi” jamoat fondi mablagʻlari, homiylik mablagʻlari Qatagʻon qurbonlari xotirasi davlat muzeyi, “Shahidlar xotirasi” jamoat fondi (B. Hasanov), Oliy va oʻrta maxsus taʼlimi vazirligi (I. Majidov), Moliya vazirligi (T. Ishmetov), Axborot va ommaviy kommunikatsiyalar agentligi (A. Xodjayev), mutasaddi vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 13. Chor Rossiyasi mustamlakasi va mustabid tuzum davrida mamlakatimiz ozodligi uchun kurashgan va qatagʻonga uchragan ota-bobolarimiz hayoti va faoliyatini oʻrganish, bu yoʻnalishdagi ilmiy-tadqiqot ishlarini samarali tashkil etish Chora-tadbirlar rejasi Doimiy Davlat budjeti mablagʻlari, homiylik mablagʻlari Qatagʻon qurbonlari xotirasi davlat muzeyi (B. Hasanov), Oliy va oʻrta maxsus taʼlimi vazirligi (I. Majidov), Moliya vazirligi (T. Ishmetov), Fanlar akademiyasi (B. Yoʻldoshev), “Oʻzarxiv” agentligi (U. Yusupov), mutasaddi vazirlik va idoralar 14. Mustaqillik va adolat tantanasi uchun kurashgan ota-bobolarimiz haqida ilmiy-tarixiy kitoblar va fotoalbomlar tayyorlash Tashkiliy chora-tadbirlar Doimiy Davlat budjeti mablagʻlari, homiylik mablagʻlari Qatagʻon qurbonlari xotirasi davlat muzeyi (B. Hasanov), Oliy va oʻrta maxsus taʼlim vazirligi (I. Majidov), Moliya vazirligi (T. Ishmetov), Fanlar akademiyasi (B. Yoʻldoshev), “Oʻzarxiv” agentligi (U. Yusupov), Axborot va ommaviy kommunikatsiyalar agentligi (A. Xodjayev), mutasaddi vazirlik va idoralar 15. Qatagʻonga uchragan shaxslarning hayoti va faoliyati, mamlakatimizda sodir boʻlgan ijtimoiy-siyosiy jarayonlar, muayyan tarixiy voqealarga oid ilmiy loyihalarni ilmiy-tadqiqot ishlariga davlat buyurtmasi talablariga muvofiq tanlovlar asosida shakllantirish va ilmiy loyihalarning amalga oshirilishini taʼminlash Fundamental tadqiqotlar Doimiy Ilmiy-tadqiqot davlat dasturlari uchun ajratilgan mablagʻlar Innovatsion rivojlanish vazirligi (I. Abdurahmonov), Qatagʻon qurbonlari xotirasi davlat muzeyi (B. Hasanov), Oliy va oʻrta maxsus taʼlim vazirligi (I. Majidov), Fanlar akademiyasi (B. Yoʻldoshev), mutasaddi vazirlik va idoralar 16. Qatagʻonga uchragan davlat, jamoat arboblari, fan va madaniyat, adabiyot va sanʼat namoyandalarining asarlarini tayyorlash va chop etish Fundamental tadqiqotlar Doimiy Ilmiy-tadqiqot davlat dasturlari uchun ajratilgan mablagʻlar Qatagʻon qurbonlari xotirasi davlat muzeyi (B. Hasanov), Oliy va oʻrta maxsus taʼlim vazirligi (I. Majidov), Fanlar akademiyasi (B. Yoʻldoshev), Axborot va ommaviy kommunikatsiyalar agentligi (A. Xodjayev), “Oʻzarxiv” agentligi (U. Yusupov), Oʻzbekiston Milliy kutubxonasi (U. Teshaboyeva), mutasaddi vazirlik va idoralar 17. Qatagʻon qurbonlari boʻlgan ajdodlarimizning har biri boʻyicha multimedia mahsulotlarini tayyorlash Tashkiliy chora-tadbirlar Doimiy Ijrochilarning mablagʻlari Oliy va oʻrta maxsus taʼlim vazirligi (I. Majidov), Qatagʻon qurbonlari xotirasi davlat muzeyi (B. Hasanov), Xalq taʼlimi vazirligi (Sh. Shermatov), Fanlar akademiyasining Tarix instituti (A. Ziyo), Oʻzbekiston xalqaro islom akademiyasi (Sh. Yovqochev) 18. Qatagʻon qurboni boʻlgan jadidlarni respublika oliy taʼlim muassasalariga biriktirish orqali ularning ilmiy-ijodiy merosini chuqur oʻrganish va targʻib qilish tizimini yaratish Tashkiliy chora-tadbirlar Doimiy — Oliy va oʻrta maxsus taʼlim vazirligi (I. Majidov), Qatagʻon qurbonlari xotirasi davlat muzeyi (B. Hasanov), mutasaddi vazirlik va idoralar 19. Mustabid tuzum davrida qatagʻon qurboni boʻlgan vatandoshlarimiz hayoti va faoliyati, oʻsha paytlarda mamlakatimizda hukm surgan murakkab ijtimoiy-siyosiy jarayonlar, muayyan tarixiy voqealar haqida badiiy va publitsistik asarlar, kinofilmlar tayyorlash ishlarini tashkil etish, yozuvchi va shoirlar, jurnalistlar, rejissorlar oʻrtasida ushbu mavzuga doir eng yaxshi asarlar tanlovini oʻtkazish Tashkiliy chora-tadbirlar Doimiy Davlat budjeti mablagʻlari, ijrochilarning mablagʻlari Respublika ishchi guruhi, Yozuvchilar uyushmasi (S. Saidov), Jurnalistlar ijodiy uyushmasi (S. Hakimov), “Oʻzbekkino” Milliy agentligi (F. Abduholiqov), mutasaddi vazirlik va idoralar III. Maʼnaviy-maʼrifiy tadbirlar 20. “Inson — aziz, xotira — muqaddas” degan gʻoya asosida barcha tuman va shaharlar, mahallalarda aholi, ayniqsa, yosh avlodni mustaqillik va adolat tantanasi uchun kurashgan fidoyi ota-bobolarimizning xotirasiga hurmat ruhida tarbiyalash, ularning jasorati va ibratli faoliyatlarini targʻib etishga qaratilgan maʼnaviy-maʼrifiy tadbirlarni tashkil etish Tashkiliy chora-tadbirlar Doimiy Ijrochilarning mablagʻlari Respublika Maʼnaviyat va maʼrifat markazi (M. Xojimatov), Mahalla va oilani qoʻllab-quvvatlash vazirligi (R. Mamatov), Oliy va oʻrta maxsus taʼlim vazirligi (I. Majidov), Din ishlari boʻyicha qoʻmita (A. Ahmedov), Yoshlar ishlari agentligi (A. Saʼdullayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, hududiy Nuroniylar jamoatchilik kengashlari 21. Mustaqillik va adolat tantanasi uchun kurashgan ota-bobolarimiz haqida badiiy va hujjatli filmlar yaratish Tashkiliy chora-tadbirlar Doimiy Davlat budjeti mablagʻlari “Oʻzbekkino” milliy agentligi (F. Abduxoliqov), Milliy teleradiokompaniya (A. Xadjayev), Qatagʻon qurbonlari xotirasi davlat muzeyi (B. Hasanov), “Oʻzarxiv” agentligi (U. Yusupov), mutasaddi vazirlik va idoralar 22. Qatagʻon qurbonlarining nomlarini tiklash va xotirasini abadiylashtirish bilan bogʻliq jarayonlarni, ishchi guruhlar faoliyatini keng yoritish, shuningdek mavzuga oid turkum telekoʻrsatuv va radioeshittirishlar tayyorlab efirga uzatish, matbuot nashrlari va Internet sahifalarida maqolalar eʼlon qilish Tashkiliy chora-tadbirlar Doimiy — Axborot va ommaviy kommunikatsiyalar agentligi (A. Xodjayev), Milliy teleradiokompaniya (A. Xadjayev), Milliy axborot agentligi (A. Koʻchimov), ommaviy axborot vositalari 23. Qatagʻon qurbonlari xotirasi davlat muzeyi hamda uning hududlardagi oliy taʼlim muassasalari qoshidagi boʻlimlari bazasida oʻquvchi-talabalar uchun mustaqillik va adolat tantanasi yoʻlida kurashgan fidoyi ota-bobolarimizning jasorati va ibratli faoliyatlari haqida targʻibot-tashviqot ishlarini tashkil etish Tashkiliy chora-tadbirlar Doimiy — Oliy va oʻrta maxsus taʼlim vazirligi (I. Majidov), Xalq taʼlimi vazirligi (Sh. Shermatov), Qatagʻon qurbonlari xotirasi davlat muzeyi (B. Hasanov) IV. Xorijiy davlatlardagi vakolatli muassasalar bilan hamkorlikda amalga oshiriladigan chora-tadbirlar 24. Xorijiy davlatlardagi turli arxiv, muzey, kutubxona va boshqa ilmiy-maʼrifiy muassasalar hamda tegishli mutaxassislar bilan aloqalar oʻrnatish Tashkiliy chora-tadbirlar 2020-yil oktyabr oyidan boshlab reja asosida — Tashqi ishlar vazirligi (F. Arziyev), Respublika ishchi guruhi, Qatagʻon qurbonlari xotirasi davlat muzeyi (B. Hasanov) 25. Qatagʻon qurboni boʻlgan vatandoshlarimiz hayoti va faoliyatiga oid chet ellardagi mavjud manbalarni izlab topish va oʻrganish maqsadida ilmiy �kspeditsiyalarni tashkil etish Tashkiliy chora-tadbirlar Doimiy Davlat budjeti mablagʻlari Respublika ishchi guruhi, Qatagʻon qurbonlari xotirasi davlat muzeyi (B. Hasanov) 26. Qatagʻon qurboni boʻlgan vatandoshlarimizning nomlarini tiklash maqsadida xorijiy davlatlardagi ilmiy-tadqiqot muassasalari, arxivlar va turdosh muzeylar bilan hamkorlikda xalqaro grantlarni jalb etgan holda ilmiy loyihalarni amalga oshirish Oʻzaro hamkorlik kelishuvlari Doimiy Xalqaro va xorijiy tashkilotlarning grant mablagʻlari Qatagʻon qurbonlari xotirasi davlat muzeyi (B. Hasanov), Oliy va oʻrta maxsus taʼlim vazirligi (I. Majidov), Investitsiyalar va savdo vazirligi (L. Kudratov), Tashqi ishlar vazirligi (F. Arziyev), Innovatsion rivojlanish vazirligi (I. Abdurahmonov), mutasaddi vazirlik va idoralar 27. Qatagʻon qurbonlarining nomlarini tiklash va xotirasini abadiylashtirish boʻyicha xalqaro konferensiyalar va davra suhbatlarini oʻtkazish Tashkiliy chora-tadbirlar Alohida reja asosida Ijrochilarning mablagʻlari Qatagʻon qurbonlari xotirasi davlat muzeyi (B. Hasanov), Oliy va oʻrta maxsus taʼlim vazirligi (I. Majidov), Fanlar akademiyasi (B. Yoʻldoshev), mutasaddi vazirlik va idoralar V. Qatagʻon qurbonlari xotirasi davlat muzeyi hamda hududlardagi oliy taʼlim muassasalari tuzilmalaridagi muzeylarning faoliyatini takomillashtirish boʻyicha chora-tadbirlar 28. Quyidagilarni nazarda tutuvchi normativ-huquqiy hujjat loyihasini ishlab chiqish va qabul qilish: Qatagʻon qurbonlari xotirasi davlat muzeyi va hududlardagi oliy taʼlim muassasalari tuzilmalaridagi muzeylarning moddiy-texnik bazasini mustahkamlash; Qatagʻon qurbonlari xotirasi davlat muzeyi xodimlari uchun alohida xizmat binosini qurish; Qatagʻon qurbonlari xotirasi davlat muzeyi hamda hududlardagi oliy taʼlim muassasalari tuzilmalaridagi muzeylarda qoʻshimcha ilmiy va mutaxassis xodimlar shtat birliklari joriy etilishini belgilagan holda namunaviy tuzilmalarni tasdiqlash; Qatagʻon qurbonlari xotirasi davlat muzeyining hududlardagi oliy taʼlim muassasalari tuzilmalaridagi muzeylar rahbarlari va ilmiy xodimlarining oylik ish haqlarini oshirish; “Shahidlar xotirasi” jamoat fondining homiylar guruhi tarkibini yangilash va ular tomonidan qoʻllab-quvvatlashni kuchaytirish hamda xalqaro moliya institutlari, xorijiy tashkilotlarning grantlarini jalb etish. Hukumat qarori loyihasi 2020-yil noyabr davlat budjeti mablagʻlari, xalqaro va xorijiy tashkilotlarning grant mablagʻlari, homiylar mablagʻlari Qatagʻon qurbonlari xotirasi davlat muzeyi (B. Hasanov), Moliya vazirligi (T. Ishmetov), Qurilish vazirligi (B. Zakirov), Oliy va oʻrta maxsus taʼlim vazirligi (I. Majidov), Investitsiyalar va savdo vazirligi (L. Kudratov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, mutasaddi vazirlik va idoralar 29. Qatagʻon qurbonlari, shu jumladan, mustaqillik va adolat tantanasi uchun kurashgan fidoyi ota-bobolarimizning jasoratlari va ibratli faoliyati bilan tanishtirish maqsadida mahallalardagi oʻquvchi yoshlar uchun “Shahidlar xotirasi” yodgorlik majmuasi, Qatagʻon qurbonlari xotirasi davlat muzeyi hamda hududlardagi oliy taʼlim muassasalari tuzilmalaridagi muzeylarga sayohatlar uyushtirish. Bunda kam taʼminlangan, ijtimoiy himoyaga muhtoj va nogironligi boʻlgan oila farzandlari uchun sayohatlar davomida imtiyozlar belgilash. Tashkiliy chora-tadbirlar Doimiy — Qatagʻon qurbonlari xotirasi davlat muzeyi, “Shahidlar xotirasi” jamoat fondi (B. Hasanov), Oliy va oʻrta maxsus taʼlim vazirligi (I. Majidov), Xalq taʼlimi vazirligi (Sh. Shermatov), Mahalla va oilani qoʻllab-quvvatlash vazirligi (R. Mamatov) 30. Mustaqillik va adolat tantanasi uchun kurashgan fidoyi ota-bobolarimiz, qatagʻon qurbonlarining koʻrsatgan jasoratlarini va ibratli faoliyatlarini keng targʻib etish maqsadida Qatagʻon qurbonlari xotirasi davlat muzeyi hamda uning hududlardagi oliy taʼlim muassasalari qoshidagi boʻlimlariga turistlarning tashriflarini tashkil etish va ularni sayyohlik yoʻnalishlariga kiritish Tashkiliy chora-tadbirlar Doimiy — Turizmni rivojlantirish davlat qoʻmitasi (A. Akkulov), Oliy va oʻrta maxsus taʼlim vazirligi (I. Majidov), Mahalla va oilani qoʻllab-quvvatlash vazirligi (R. Mamatov), Yoshlar ishlari agentligi (A. Saʼdullayev) 31. Qatagʻon qurbonlari xotirasi davlat muzeyi hamda uning hududlardagi oliy taʼlim muassasalari qoshidagi boʻlimlarining fondlari va ekspozitsiyalarini yangi topilgan maʼlumotlar, hujjatlar va boshqa eksponatlar bilan muntazam ravishda boyitib borish Tashkiliy chora-tadbirlar Doimiy Ijrochilarning mablagʻlari Qatagʻon qurbonlari xotirasi davlat muzeyi, “Shahidlar xotirasi” jamoat fondi (B. Hasanov), Oliy va oʻrta maxsus taʼlim vazirligi (I. Majidov) 32. Qatagʻon qurbonlari, shu jumladan, mustaqillik va adolat tantanasi uchun kurashgan fidoyi ota-bobolarimizning jasoratlari va ibratli faoliyatlari toʻgʻrisida maʼlumot beruvchi alohida rasmiy internet saytini yaratish Tashkiliy chora-tadbirlar 2021-yil yanvar Davlat budjeti mablagʻlari Axborot texnologiyalari va kommunikatsiyalarini rivojlantirish vazirligi (Sh. Sadikov), Qatagʻon qurbonlari xotirasi davlat muzeyi (B. Hasanov), Oliy va oʻrta maxsus taʼlim vazirligi (I. Majidov), “Oʻzarxiv” agentligi (U. Yusupov), mutasaddi vazirlik va idoralar
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 8-oktabr,
F-5598-son
Президента Республики Узбекистан
Распоряжение
О дополнительных мерах по более глубокому изучению наследия и увековечению памяти жертв репрессий
В стране проводится определенная работа по увековечению памяти, изучению деятельности и популяризации наследия наших предков, репрессированных в период тоталитарного режима, проявивших мужество и самоотверженность в борьбе за независимость Родины, свободу нашего народа, отдавших свои жизни во имя мира и благополучия будущих поколений.
В частности, были приняты важные указы и постановления в этом направлении. Начиная с 2001 года в стране ежегодно 31 августа широко отмечается как День поминовения жертв репрессий. Возведен мемориальный комплекс «Шахидпар хотираси». Образованы благотворительный фонд «Шахидпар хотираси», Государственный музей памяти жертв репрессий и его филиалы при высших учебных заведениях в регионах.
Установлены памятники, открыты музеи, организованы творческие школы таких наших великих предков-просветителей, как Махмудходжа Бехбуди, Абдулла Авлони, Исхокхон Ибрат, Абдурауф Фитрат, Абдулхамид Чулпан, Абдулла Кадыри. Проводится научноисследовательская работа, создаются художественные и документальные произведения с целью выявления имен, изучения и широкого ознакомления общественности с наследием соотечественников, пострадавших в годы политических репрессий.
Сегодня, когда усиливаются глобальные вызовы и угрозы миру и развитию и все более важное значение приобретают рост национального самосознания, восстановление исторической правды, особенно актуальной задачей становится увековечение памяти и имен тысяч наших соотечественников — государственных и общественных деятелей, представителей науки, культуры, искусства и литературы, других сфер, бесжалостно репрессированных тоталитарным режимом, а также воспитание молодого поколения на примере их мужества и стойкости, в духе любви и преданности Родине.
В этой связи всестороннее и объективное изучение исторических данных будет способствовать еще более глубокому осознанию того, какие трудности и испытания пришлось преодолеть нашему народу в борьбе за независимость, необходимости беречь как самую великую ценность нашу сегодняшнюю свободную и благополучную жизнь.
В целях восстановления исторической правды о жизни и деятельности ярких представителей нашего многонационального народа, самоотверженных предков-просветителей, а также расширения масштаба и повышения эффективности работы в данном направлении:
1. Одобрить предложения Фонда по поддержке общественной деятельности ветеранов Узбекистана «Нуроний», Государственного музея памяти жертв репрессий, благотворительного фонда «Шахидлар хотираси», Министерства по поддержке махалли и семьи, Министерства культуры, Министерства высшего и среднего специального образования, Министерства народного образования, Академии наук, Союза писателей, Республиканского центра духовности и просветительства, Академии художеств Узбекистана и широкой общественности о еще более глубоком изучении наследия и увековечении памяти жертв репрессий.
2. Создать Республиканскую рабочую группу для организации работы по глубокому изучению жизни и деятельности, увековечению памяти жертв репрессий (далее — Рабочая группа) и утвердить ее состав согласно приложению № 1 * .
3. Определить основными задачами Рабочей группы:
создание совместно с Советом Министров Республики Каракалпакстан, хокимиятами областей и города Ташкента соответствующих групп из числа квалифицированных ученых и специалистов;
эффективную организацию работы этих групп по выявлению имен, сбору и изучению данных, в том числе документов, хранящихся в архивах и музеях, о жизни, деятельности и исторических заслугах жертв репрессий;
запись воспоминаний потомков и родных жертв репрессий, а также людей, хорошо помнящих события того времени, координацию работы по сбору исторических материалов и уникальных фотоснимков, хранящихся в семейных архивах и библиотеках;
запечатление выявленных имен жертв репрессий на страницах символической книги, создаваемой в мемориальном комплексе «Шахидлар хотираси» в городе Ташкенте;
обеспечение подготовки и издания многотомной книги «Жертвы репрессий» для обобщения и сохранения для будущих поколений памяти о соотечественниках, ставших жертвами репрессий;
организацию пополнения на постоянной основе фондов и экспозиций Государственного музея памяти жертв репрессий и его филиалов при высших учебных заведениях в регионах новыми данными, документами и другими обнаружеными в ходе работы экспонатами;
организацию научных экспедиций и изучения материалов в сотрудничестве с зарубежными архивами, музеями, библиотеками, другими научно-просветительскими учреждениями и специалистами;
внесение в установленном порядке предложений о реабилитации выявленных в ходе исследований жертв репрессий, по определенным причинам оставшихся нереабилитированными;
координацию работы по изучению жизни и деятельности жертв репрессий, созданию о них научно-исторических книг, художественных и документальных фильмов;
создание «уголков памяти» в махаллях и общеобразовательных школах, где родились, жили и учились жертвы репрессий, в целях увековечения их памяти;
организацию и проведение в каждом районе, городе, махалле духовно-просветительских мероприятий, направленных на воспитание молодого поколения в духе уважения памяти самоотверженных отцов и дедов, отважно боровшихся за независимость и торжество справедливости, а также популяризацию их наследия.
4. Утвердить «Дорожную карту» по выявлению имен и увековечению памяти жертв репрессий согласно приложению № 2 * .
5. Предоставить Рабочей группе право привлекать высококвалифицированных специалистов государственных органов и других организаций, научно-исследовательских учреждений, экспертов, а также сотрудников дипломатических представительств Республики Узбекистан в зарубежных странах к работе, связанной с выявлением имен и увековечением памяти жертв репрессий.
6. Кабинету Министров в двухмесячный срок принять постановление о создании в мемориальном комплексе «Шахидлар хотираси» в городе Ташкенте символической книги с именами жертв репрессий, укреплении материально-технической базы Государственного музея памяти жертв репрессий, его филиалов при высших учебных заведениях в регионах и благотворительного фонда «Шахидлар хотираси», обновлении состава попечителей данного фонда и усилении поддержки с их стороны, а также привлечении грантов международных финансовых институтов, стран-доноров, зарубежных и благотворительных организаций.
Наряду с этим предусмотреть организацию работы, осуществляемой совместно с различными архивами, музеями, библиотеками, научно-просветительскими учреждениями и соответствующими специалистами, по поиску и изучению источников, в том числе имеющихся в зарубежных странах, подготовке новых художественных и документальных фильмов, изданию книг памяти и фотоальбомов о жертвах репрессий, а также финансирование этих мероприятий.
7. Рекомендовать Агентству информации и массовых коммуникаций, Национальной телерадиокомпании Узбекистана, Национальному информационному агентству Узбекистана и другим средствам массовой информации широко освещать проводимую в рамках выполнения данного распоряжения работу, организовать подготовку и выпуск в эфир теле- и радиопередач, опубликование в печатных изданиях и Интернете материалов по этой тематике.
8. Контроль за исполнением настоящего распоряжения возложить на Премьер-министра Республики Узбекистан А.Н. Арипова, советников Президента Республики Узбекистан Р.С. Касимова и А.А. Абдувахитова.
Президент Республики Узбекистан Ш. МИРЗИЁЕВ
г. Ташкент,
8 октября 2020 г.,
№ Р-5598