UzbekAI

Ўзбекистон Республикаси Президентининг

Қарори

Таркиби

Буюк давлат ва сиёсат арбоби, Ўзбекистон Республикасининг биринчи Президенти Ислом Абдуғаниевич Каримов сиймоси тасвирланган ҳайкални яратиш бўйича халқаро ижодий танловни ташкил этиш тўғрисида

Мустақил Ўзбекистон давлатининг асосчиси, буюк давлат ва сиёсат арбоби, ўзбек халқининг улуғ ва ардоқли фарзанди, мамлакатимизнинг Биринчи Президенти Ислом Абдуғаниевич Каримов Ватанимизни узоқ йиллар давом этган мустабид тузум қарамлигидан озод қилиб, ҳалокат ёқасига келиб қолган юртимизни қайта тиклади. Буюк Йўлбошчимиз ғоят оғир ва таҳликали вазиятда турли қийинчилик ва машаққатларга қарамасдан, тарихан қисқа давр мобайнида Ўзбекистонни жадал ва барқарор суръатлар билан ривожланиб бораётган замонавий демократик давлатга айлантирди.

Ўзбекистон Республикасининг Биринчи Президенти ўзининг серқирра сиёсий фаолияти, олийжаноб инсоний фазилатлари билан Ватанимизнинг кўп асрлик тарихида ўчмас ва ёрқин из қолдирди. У нафақат Ўзбекистон, балки бутун жаҳон миқёсида катта ҳурмат ва обрў-эътиборга сазовор бўлган улкан шахс ва арбоб сифатида танилди.

Халқимизнинг самимий истаклари ва хоҳиш-иродасидан келиб чиққан ҳолда, она Ватанимиз тараққиёти, эл-юртимиз манфаати йўлидаги унутилмас буюк тарихий хизматларини инобатга олиб, Ўзбекистон Республикасининг Биринчи Президенти, Ўзбекистон Қаҳрамони Ислом Абдуғаниевич Каримовнинг хотирасини абадийлаштириш мақсадида:

1. Ўзбекистон Бадиий академияси, Ўзбекистон Республикаси Маданият ва спорт ишлари вазирлиги, Тошкент шаҳар ҳокимлиги, Фанлар академияси, Республика Маънавият тарғибот маркази, Ўзбекистон Республикаси Ёзувчилар уюшмаси ва кенг жамоатчиликнинг Ўзбекистон Республикасининг Биринчи Президенти Ислом Абдуғаниевич Каримов сиймоси тасвирланган ҳайкални яратиш бўйича Халқаро ижодий танловни (кейинги ўринларда Халқаро танлов деб аталади) ташкил этиш тўғрисидаги таклифи маъқуллансин.

2. Ўзбекистон Республикасининг Биринчи Президенти Ислом Абдуғаниевич Каримов сиймоси тасвирланган ҳайкални яратиш бўйича Халқаро ижодий танловга тайёргарлик кўриш ва уни ўтказиш бўйича ташкилий қўмита (кейинги ўринларда ташкилий қўмита деб аталади) таркиби иловага мувофиқ тасдиқлансин.

Ташкилий қўмита (А. Арипов) ўн беш кун муддатда Халқаро танловнинг тадбирлар режаси, харажатлар сметаси, низоми, регламенти ва дастурини ишлаб чиқсин ва тасдиқласин.

3. Белгилаб қўйилсинки, тасдиқланган харажатлар сметасига мувофиқ Халқаро танловга тайёргарлик кўриш ва уни ташкил этиш билан боғлиқ харажатлар Ўзбекистон Бадиий академиясининг 2016-2017 йиллар учун харажатлар сметасида назарда тутилган бюджет маблағлари ҳисобидан қопланади.

4. Ўзбекистон Республикаси Ташқи ишлар вазирлиги Ўзбекистон Республикасининг хорижий мамлакатлардаги ва хорижий давлатларнинг Ўзбекистон Республикасидаги дипломатик ваколатхоналари орқали Ўзбекистон Бадиий академияси томонидан тақдим қилинган Халқаро танлов ҳамда унда иштирок этиш тартиби тўғрисидаги маълумотларнинг тегишли хорижий ижодий ташкилотларга йигирма кун муддатда етказилишини таъминласин.

5. Ўзбекистон Республикаси Олий ва ўрта махсус таълим вазирлиги Ташкилий қўмита буюртманомаларига биноан Халқаро танлов ўтказилиши жараёнида таржимонлар иштирокини таъминласин.

6. Ўзбекистон Бадиий академиясининг буюртманомаларига биноан Халқаро танлов доирасида хорижий давлатлардан келтириладиган юклар божхона тўловларидан озод қилинсин.

7. Ўзбекистон Республикаси Ташқи ишлар вазирлиги Халқаро танловнинг хорижий қатнашчиларига кириш визаларининг консуллик ва бошқа йиғимлар ундирилмасдан расмийлаштирилишини таъминласин.

8. «Ўзбекистон ҳаво йўллари» миллий авиакомпанияси Халқаро танловнинг хорижий қатнашчиларини ва унга алоқадор юкларни тўловларнинг барча турларидан озод қилсин.

9. Ўзбекистон Республикаси Ички ишлар вазирлиги Халқаро танловнинг ғолибларини тақдирлаш билан боғлиқ тадбир ўтказиладиган жойларда жамоат тартибини ҳамда унинг қатнашчилари ва меҳмонларига хизмат кўрсатувчи автотранспорт воситалари ҳаракати хавфсизлигини таъминласин.

10. Ўзбекистон миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Халқаро танлов жараёнларини кенг ёритиш тавсия этилсин.

11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А. Арипов зиммасига юклансин.

Ўзбекистон Республикаси Президентининг 2016 йил 2 декабрдаги ПҚ-2667-сон қарорига ИЛОВА

Буюк давлат ва сиёсат арбоби, Ўзбекистон Республикасининг Биринчи Президенти Ислом Абдуғаниевич Каримов сиймоси тасвирланган ҳайкални яратиш бўйича Халқаро ижодий танловга тайёргарлик кўриш ва уни ўтказиш бўйича ташкилий қўмита

А.Н. Арипов — Ўзбекистон Республикаси Бош вазирининг ўринбосари, ташкилий қўмита раиси Х.М. Султонов — Ўзбекистон Республикаси Президентининг Давлат маслаҳатчиси Р.Ж. Усмонов — Ташкент шаҳар ҳокими, ташкилий қўмита раисининг ўринбосари А.В. Нуридинов — Ўзбекистон Бадиий акдемияси раиси, ташкилий қўмита раисининг ўринбосари Б.М. Ахмедов — Маданият ва спорт ишлари вазири Ш.И. Солиҳов — Ўзбекитон Фанлар академияси президенти И.У. Мажидов — Олий ва ўрта махсус таълим вазирининг биринчи ўринбосари Ж.А. Ваҳабов — Таш қи ишлар вазирининг биринчи ўринбосари А.Р. Тохтаев — «Давархитектқурилиш» қўмитаси раисининг биринчи ўринбосари Б.Я. Раимов — Давлат божхона қўмитаси раисининг биринчи ўринбосари Ж.А. Қўчқоров — Молия вазирининг ўринбосари С.А. Нишонбоев — Ички ишлар вазирининг ўринбосари М.Б. Ҳазратқулов — Ўзбекистон Миллий ахборот агентлиги бош директори А.Ж. Хаджаев — Ўзбекистон миллий телерадиокомпанияси раиси Н.У. Қосимов — Республика маънавият тарғибот маркази раҳбари в.в.б. М. Ахмедов — Ўзбекистон Ёзувчилар уюшмаси раиси Ш.Р. Пидаев — Санъатшунослик илмий-тадқиқот институти ректори Ҳ.Р. Аминов — Камолиддин Беҳзод номидаги Миллий рассомчилик ва дизайн институти ректори

Ўзбекистон Республикаси Президенти вазифасини бажарувчи Ш. МИРЗИЁЕВ

Тошкент ш.,

2016 йил 2 декабрь,

ПҚ-2667-сон

Oʻzbekiston Respublikasi Prezidentining

Qarori

Tarkibi

Buyuk davlat va siyosat arbobi, Oʻzbekiston Respublikasining birinchi Prezidenti Islom Abdugʻaniyevich Karimov siymosi tasvirlangan haykalni yaratish boʻyicha xalqaro ijodiy tanlovni tashkil etish toʻgʻrisida

Mustaqil Oʻzbekiston davlatining asoschisi, buyuk davlat va siyosat arbobi, oʻzbek xalqining ulugʻ va ardoqli farzandi, mamlakatimizning Birinchi Prezidenti Islom Abdugʻaniyevich Karimov Vatanimizni uzoq yillar davom etgan mustabid tuzum qaramligidan ozod qilib, halokat yoqasiga kelib qolgan yurtimizni qayta tikladi. Buyuk Yoʻlboshchimiz gʻoyat ogʻir va tahlikali vaziyatda turli qiyinchilik va mashaqqatlarga qaramasdan, tarixan qisqa davr mobaynida Oʻzbekistonni jadal va barqaror surʼatlar bilan rivojlanib borayotgan zamonaviy demokratik davlatga aylantirdi.

Oʻzbekiston Respublikasining Birinchi Prezidenti oʻzining serqirra siyosiy faoliyati, oliyjanob insoniy fazilatlari bilan Vatanimizning koʻp asrlik tarixida oʻchmas va yorqin iz qoldirdi. U nafaqat Oʻzbekiston, balki butun jahon miqyosida katta hurmat va obroʻ-eʼtiborga sazovor boʻlgan ulkan shaxs va arbob sifatida tanildi.

Xalqimizning samimiy istaklari va xohish-irodasidan kelib chiqqan holda, ona Vatanimiz taraqqiyoti, el-yurtimiz manfaati yoʻlidagi unutilmas buyuk tarixiy xizmatlarini inobatga olib, Oʻzbekiston Respublikasining Birinchi Prezidenti, Oʻzbekiston Qahramoni Islom Abdugʻaniyevich Karimovning xotirasini abadiylashtirish maqsadida:

1. Oʻzbekiston Badiiy akademiyasi, Oʻzbekiston Respublikasi Madaniyat va sport ishlari vazirligi, Toshkent shahar hokimligi, Fanlar akademiyasi, Respublika Maʼnaviyat targʻibot markazi, Oʻzbekiston Respublikasi Yozuvchilar uyushmasi va keng jamoatchilikning Oʻzbekiston Respublikasining Birinchi Prezidenti Islom Abdugʻaniyevich Karimov siymosi tasvirlangan haykalni yaratish boʻyicha Xalqaro ijodiy tanlovni (keyingi oʻrinlarda Xalqaro tanlov deb ataladi) tashkil etish toʻgʻrisidagi taklifi maʼqullansin.

2. Oʻzbekiston Respublikasining Birinchi Prezidenti Islom Abdugʻaniyevich Karimov siymosi tasvirlangan haykalni yaratish boʻyicha Xalqaro ijodiy tanlovga tayyorgarlik koʻrish va uni oʻtkazish boʻyicha tashkiliy qoʻmita (keyingi oʻrinlarda tashkiliy qoʻmita deb ataladi) tarkibi ilovaga muvofiq tasdiqlansin.

Tashkiliy qoʻmita (A. Aripov) oʻn besh kun muddatda Xalqaro tanlovning tadbirlar rejasi, xarajatlar smetasi, nizomi, reglamenti va dasturini ishlab chiqsin va tasdiqlasin.

3. Belgilab qoʻyilsinki, tasdiqlangan xarajatlar smetasiga muvofiq Xalqaro tanlovga tayyorgarlik koʻrish va uni tashkil etish bilan bogʻliq xarajatlar Oʻzbekiston Badiiy akademiyasining 2016-2017-yillar uchun xarajatlar smetasida nazarda tutilgan budjet mablagʻlari hisobidan qoplanadi.

4. Oʻzbekiston Respublikasi Tashqi ishlar vazirligi Oʻzbekiston Respublikasining xorijiy mamlakatlardagi va xorijiy davlatlarning Oʻzbekiston Respublikasidagi diplomatik vakolatxonalari orqali Oʻzbekiston Badiiy akademiyasi tomonidan taqdim qilingan Xalqaro tanlov hamda unda ishtirok etish tartibi toʻgʻrisidagi maʼlumotlarning tegishli xorijiy ijodiy tashkilotlarga yigirma kun muddatda yetkazilishini taʼminlasin.

5. Oʻzbekiston Respublikasi Oliy va oʻrta maxsus taʼlim vazirligi Tashkiliy qoʻmita buyurtmanomalariga binoan Xalqaro tanlov oʻtkazilishi jarayonida tarjimonlar ishtirokini taʼminlasin.

6. Oʻzbekiston Badiiy akademiyasining buyurtmanomalariga binoan Xalqaro tanlov doirasida xorijiy davlatlardan keltiriladigan yuklar bojxona toʻlovlaridan ozod qilinsin.

7. Oʻzbekiston Respublikasi Tashqi ishlar vazirligi Xalqaro tanlovning xorijiy qatnashchilariga kirish vizalarining konsullik va boshqa yigʻimlar undirilmasdan rasmiylashtirilishini taʼminlasin.

8. “Oʻzbekiston havo yoʻllari” milliy aviakompaniyasi Xalqaro tanlovning xorijiy qatnashchilarini va unga aloqador yuklarni toʻlovlarning barcha turlaridan ozod qilsin.

9. Oʻzbekiston Respublikasi Ichki ishlar vazirligi Xalqaro tanlovning gʻoliblarini taqdirlash bilan bogʻliq tadbir oʻtkaziladigan joylarda jamoat tartibini hamda uning qatnashchilari va mehmonlariga xizmat koʻrsatuvchi avtotransport vositalari harakati xavfsizligini taʼminlasin.

10. Oʻzbekiston milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga Xalqaro tanlov jarayonlarini keng yoritish tavsiya etilsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A. Aripov zimmasiga yuklansin.

Oʻzbekiston Respublikasi Prezidentining 2016-yil 2-dekabrdagi PQ-2667-son qaroriga ILOVA

Buyuk davlat va siyosat arbobi, Oʻzbekiston Respublikasining Birinchi Prezidenti Islom Abdugʻaniyevich Karimov siymosi tasvirlangan haykalni yaratish boʻyicha Xalqaro ijodiy tanlovga tayyorgarlik koʻrish va uni oʻtkazish boʻyicha tashkiliy qoʻmita

A.N. Aripov — Oʻzbekiston Respublikasi Bosh vazirining oʻrinbosari, tashkiliy qoʻmita raisi X.M. Sultonov — Oʻzbekiston Respublikasi Prezidentining Davlat maslahatchisi R.J. Usmonov — Tashkent shahar hokimi, tashkiliy qoʻmita raisining oʻrinbosari A.V. Nuridinov — Oʻzbekiston Badiiy akdemiyasi raisi, tashkiliy qoʻmita raisining oʻrinbosari B.M. Axmedov — Madaniyat va sport ishlari vaziri Sh.I. Solihov — Oʻzbekiton Fanlar akademiyasi prezidenti I.U. Majidov — Oliy va oʻrta maxsus taʼlim vazirining birinchi oʻrinbosari J.A. Vahabov — Tash qi ishlar vazirining birinchi oʻrinbosari A.R. Toxtayev — “Davarxitektqurilish” qoʻmitasi raisining birinchi oʻrinbosari B.Ya. Raimov — Davlat bojxona qoʻmitasi raisining birinchi oʻrinbosari J.A. Qoʻchqorov — Moliya vazirining oʻrinbosari S.A. Nishonboyev — Ichki ishlar vazirining oʻrinbosari M.B. Hazratqulov — Oʻzbekiston Milliy axborot agentligi bosh direktori A.J. Xadjayev — Oʻzbekiston milliy teleradiokompaniyasi raisi N.U. Qosimov — Respublika maʼnaviyat targʻibot markazi rahbari v.v.b. M. Axmedov — Oʻzbekiston Yozuvchilar uyushmasi raisi Sh.R. Pidayev — Sanʼatshunoslik ilmiy-tadqiqot instituti rektori H.R. Aminov — Kamoliddin Behzod nomidagi Milliy rassomchilik va dizayn instituti rektori

Oʻzbekiston Respublikasi Prezidenti vazifasini bajaruvchi Sh. MIRZIYOYEV

Toshkent sh.,

2016-yil 2-dekabr,

PQ-2667-son