📅 2020-yil 22-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 22 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 октября 2020 г. · Постановления Президента
Официальный текст. Официальный документ. Редакционные примечания не включены.
📅 22 October 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Фавқулодда вазиятлардан жабр кўрган фуқароларни ижтимоий ҳимоя қилишнинг қўшимча чоралари тўғрисида
Фавқулодда вазиятлар оқибатида зарар кўрган фуқароларни ҳар томонлама қўллаб-қувватлаш ҳамда қонуний ҳуқуқ ва манфаатларини ҳимоя қилиш, шунингдек уларнинг ўзига боғлиқ бўлмаган тарзда йўқотилган ёки яроқсиз ҳолга келган муайян фактни тасдиқловчи ҳужжатларини тиклашда амалий ёрдам кўрсатилишини таъминлаш механизмларини жорий этиш мақсадида:
1. Адлия вазирлиги, Ички ишлар вазирлиги, Ташқи ишлар вазирлиги ва Молия вазирлигининг Ўзбекистон Республикаси ва хорижий давлатлар ҳудудида табиий ва техноген хусусиятли фавқулодда вазиятлар, шу жумладан маиший тусдаги офатлар (турар, нотурар-жойнинг ёнғини ёки қулаши, транспорт воситасининг ёнғини) (кейинги ўринларда — офатлар) юз берганлиги оқибатида жисмоний шахсларнинг айбисиз йўқотилган ёки яроқсиз ҳолга келган муайян фактни тасдиқловчи ҳужжатларини тиклаш учун тегишли ваколатли давлат органига мурожаат қилинганда, уларни тўловлардан озод қилиш ҳақидаги таклифига розилик берилсин.
2. Белгилаб қўйилсинки, 2021 йил 1 январдан бошлаб жисмоний шахслар мазкур қарорнинг 1-бандига мувофиқ муайян фактни тасдиқловчи ҳужжатларни тиклашда давлат божи ва йиғим (герб, консуллик йиғими ва ҳақиқий харажатларнинг ўрнини қоплаш ҳисобидан йиғим ва давлат хизматларини кўрсатганлик учун белгиланган нарх)лардан (кейинги ўринларда — тўловлар) озод қилинади.
Офатлар юз берганлиги оқибатида жисмоний шахсларнинг айбисиз йўқотилган ёки яроқсиз ҳолга келган ва тикланишда тегишли тўловлардан озод қилинадиган муайян фактни тасдиқловчи ҳужжатлар рўйхати иловага мувофиқ тасдиқлансин.
3. Белгилансинки, офатлар юз берганлиги ҳолатларини тасдиқлаш, зарурат бўлганда, муайян фактни тасдиқловчи ҳужжатни тиклаш ваколати бўлган давлат органининг сўровига асосан:
Ўзбекистон Республикаси ҳудудида — Фавқулодда вазиятлар вазирлиги томонидан бериладиган маълумотнома асосида;
хорижий давлатлар ҳудудида — хорижий давлат ваколатли идоралари томонидан берилган ва легаллаштирилган ёки апостиль қўйилган ёхуд Ўзбекистон Республикасининг халқаро шартномаларига мувофиқ расмийлаштирилган маълумотнома асосида амалга оширилади.
Мазкур банднинг учинчи хатбошисида кўрсатилган маълумотномалар мавжуд бўлмаган тақдирда, муайян фактни тасдиқловчи ҳужжатларни тиклаш Ташқи ишлар вазирлиги орқали Ўзбекистон Республикасининг хориждаги дипломатик ваколатхоналари ёки консуллик муассасаларидан олинадиган маълумотнома асосида амалга оширилади.
4. Қуйидагилар белгилансин:
Ўзбекистон Республикаси ҳудудида офатлар юз берганлиги оқибатида йўқотилган ёки яроқсиз ҳолга келган муайян фактни тасдиқловчи ҳужжатларни тиклаганлик учун ундирилмаган тўловлар ва бошқа ҳақиқий харажатлар, башарти мазкур ҳолатлар юзасидан айбдор бўлган шахслар (ташкилотлар) мавжуд бўлса, кейинчалик улардан регресс тартибида ундирилади;
офатлар юз берганлиги оқибатида жисмоний шахсларнинг айбисиз муайян фактни тасдиқловчи ҳужжатлари йўқотилса ёки яроқсиз ҳолга келса, уларга нисбатан жазо чоралари қўлланилмайди.
5. Ички ишлар вазирлиги, Мудофаа вазирлиги, Олий ва ўрта махсус таълим вазирлиги, Халқ таълими вазирлиги ва Ташқи ишлар вазирлиги икки ҳафта муддатда тегишли равишда ушбу қарорнинг 2-бандида белгиланган тартибнинг ўрнатилиши муносабати билан қонун ҳужжатларига ўзгартириш ва қўшимчалар тўғрисида Адлия вазирлигига таклифлар киритсин.
Адлия вазирлиги манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
Вазирлик ва идоралар икки ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2020 йил 22 октябрдаги ПҚ-4871-сон қарорига ИЛОВА
Офатлар юз берганлиги оқибатида жисмоний шахсларнинг айбисиз йўқотилган ёки яроқсиз ҳолга келган ва тикланишда тегишли тўловлардан озод қилинадиган муайян фактни тасдиқловчи ҳужжатлар
1. Ўзбекистон Республикаси фуқароси, Ўзбекистон Республикаси ҳудудида доимий яшайдиган фуқаролиги бўлмаган шахс ва хорижий фуқаро идентификация ID-картаси (Ўзбекистон Республикаси фуқаросининг биометрик паспорти).
2. Ўзбекистон Республикаси фуқаросининг хорижга чиқиш учун биометрик паспорти.
3. Ўзбекистон Республикасига қайтиш учун гувоҳнома.
4. Ўзбекистон Республикаси ҳудудида доимий яшовчи фуқаролиги бўлмаган шахснинг хорижга чиқиш учун биометрик ҳаракатланиш ҳужжати.
5. Ўзбекистон Республикаси ҳудудида вақтинча бўлиб турган чет эл фуқаросига ёки фуқаролиги бўлмаган шахсга паспортнинг ёки унинг ўрнини босувчи ҳужжатнинг йўқолганлиги ҳақидаги маълумотнома.
6. Ўзбекистон Республикаси ҳудудида доимий яшовчи чет эллик фуқароларга ва фуқаролиги бўлмаган шахсларга яшаш учун рухсатнома.
7. Ўзбекистон Республикасига таклиф қилиш тўғрисидаги ҳужжатлар.
8. Чақирув участкасида қайд этилганлик ҳақидаги гувоҳнома.
9. Ҳарбий гувоҳнома ва захирадаги офицернинг гувоҳномаси.
10. Транспорт воситасининг давлат рўйхатидан ўтказилганлик гувоҳномаси.
11. Ҳайдовчилик гувоҳномаси.
12. Йўқотилган ҳайдовчилик гувоҳномаси ўрнига вақтинчалик рухсатнома.
13. Туғилганлик ҳақида гувоҳнома.
14. Никоҳ тузилганлиги ҳақида гувоҳнома.
15. Никоҳдан ажралганлик ҳақида гувоҳнома.
16. Ўлим ҳақида гувоҳнома.
17. Нотариал тасдиқланган ҳужжатларнинг дубликатлари, ҳужжатларнинг кўчирма нусхалари ҳамда реестрлардан кўчирмалар.
18. Ўзбекистон Республикасининг хориждаги дипломатик ваколатхоналари ёки консуллик муассасалари томонидан расмийлаштириладиган маълумотномалар.
19. Ўзбекистон Республикасининг хориждаги дипломатик ваколатхоналари ёки консуллик муассасалари томонидан талаб қилиб олинадиган ушбу рўйхатнинг 8 — 17-бандларида назарда тутилган ҳужжатларнинг кўчирма нусхаси, дубликати ҳамда уларнинг мавжудлиги ҳақида маълумотномалар.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 22 октябрь,
ПҚ-4871-сон
Oʻzbekiston Respublikasi Prezidentining
Qarori
ROʻYXATI
Favqulodda vaziyatlardan jabr koʻrgan fuqarolarni ijtimoiy himoya qilishning qoʻshimcha choralari toʻgʻrisida
Favqulodda vaziyatlar oqibatida zarar koʻrgan fuqarolarni har tomonlama qoʻllab-quvvatlash hamda qonuniy huquq va manfaatlarini himoya qilish, shuningdek ularning oʻziga bogʻliq boʻlmagan tarzda yoʻqotilgan yoki yaroqsiz holga kelgan muayyan faktni tasdiqlovchi hujjatlarini tiklashda amaliy yordam koʻrsatilishini taʼminlash mexanizmlarini joriy etish maqsadida:
1. Adliya vazirligi, Ichki ishlar vazirligi, Tashqi ishlar vazirligi va Moliya vazirligining Oʻzbekiston Respublikasi va xorijiy davlatlar hududida tabiiy va texnogen xususiyatli favqulodda vaziyatlar, shu jumladan maishiy tusdagi ofatlar (turar, noturar-joyning yongʻini yoki qulashi, transport vositasining yongʻini) (keyingi oʻrinlarda — ofatlar) yuz berganligi oqibatida jismoniy shaxslarning aybisiz yoʻqotilgan yoki yaroqsiz holga kelgan muayyan faktni tasdiqlovchi hujjatlarini tiklash uchun tegishli vakolatli davlat organiga murojaat qilinganda, ularni toʻlovlardan ozod qilish haqidagi taklifiga rozilik berilsin.
2. Belgilab qoʻyilsinki, 2021-yil 1-yanvardan boshlab jismoniy shaxslar mazkur qarorning 1-bandiga muvofiq muayyan faktni tasdiqlovchi hujjatlarni tiklashda davlat boji va yigʻim (gerb, konsullik yigʻimi va haqiqiy xarajatlarning oʻrnini qoplash hisobidan yigʻim va davlat xizmatlarini koʻrsatganlik uchun belgilangan narx)lardan (keyingi oʻrinlarda — toʻlovlar) ozod qilinadi.
Ofatlar yuz berganligi oqibatida jismoniy shaxslarning aybisiz yoʻqotilgan yoki yaroqsiz holga kelgan va tiklanishda tegishli toʻlovlardan ozod qilinadigan muayyan faktni tasdiqlovchi hujjatlar roʻyxati ilovaga muvofiq tasdiqlansin.
3. Belgilansinki, ofatlar yuz berganligi holatlarini tasdiqlash, zarurat boʻlganda, muayyan faktni tasdiqlovchi hujjatni tiklash vakolati boʻlgan davlat organining soʻroviga asosan:
Oʻzbekiston Respublikasi hududida — Favqulodda vaziyatlar vazirligi tomonidan beriladigan maʼlumotnoma asosida;
xorijiy davlatlar hududida — xorijiy davlat vakolatli idoralari tomonidan berilgan va legallashtirilgan yoki apostil qoʻyilgan yoxud Oʻzbekiston Respublikasining xalqaro shartnomalariga muvofiq rasmiylashtirilgan maʼlumotnoma asosida amalga oshiriladi.
Mazkur bandning uchinchi xatboshisida koʻrsatilgan maʼlumotnomalar mavjud boʻlmagan taqdirda, muayyan faktni tasdiqlovchi hujjatlarni tiklash Tashqi ishlar vazirligi orqali Oʻzbekiston Respublikasining xorijdagi diplomatik vakolatxonalari yoki konsullik muassasalaridan olinadigan maʼlumotnoma asosida amalga oshiriladi.
4. Quyidagilar belgilansin:
Oʻzbekiston Respublikasi hududida ofatlar yuz berganligi oqibatida yoʻqotilgan yoki yaroqsiz holga kelgan muayyan faktni tasdiqlovchi hujjatlarni tiklaganlik uchun undirilmagan toʻlovlar va boshqa haqiqiy xarajatlar, basharti mazkur holatlar yuzasidan aybdor boʻlgan shaxslar (tashkilotlar) mavjud boʻlsa, keyinchalik ulardan regress tartibida undiriladi;
ofatlar yuz berganligi oqibatida jismoniy shaxslarning aybisiz muayyan faktni tasdiqlovchi hujjatlari yoʻqotilsa yoki yaroqsiz holga kelsa, ularga nisbatan jazo choralari qoʻllanilmaydi.
5. Ichki ishlar vazirligi, Mudofaa vazirligi, Oliy va oʻrta maxsus taʼlim vazirligi, Xalq taʼlimi vazirligi va Tashqi ishlar vazirligi ikki hafta muddatda tegishli ravishda ushbu qarorning 2-bandida belgilangan tartibning oʻrnatilishi munosabati bilan qonun hujjatlariga oʻzgartirish va qoʻshimchalar toʻgʻrisida Adliya vazirligiga takliflar kiritsin.
Adliya vazirligi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
Vazirlik va idoralar ikki oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2020-yil 22-oktabrdagi PQ-4871-son qaroriga ILOVA
Ofatlar yuz berganligi oqibatida jismoniy shaxslarning aybisiz yoʻqotilgan yoki yaroqsiz holga kelgan va tiklanishda tegishli toʻlovlardan ozod qilinadigan muayyan faktni tasdiqlovchi hujjatlar
1. Oʻzbekiston Respublikasi fuqarosi, Oʻzbekiston Respublikasi hududida doimiy yashaydigan fuqaroligi boʻlmagan shaxs va xorijiy fuqaro identifikatsiya ID-kartasi (Oʻzbekiston Respublikasi fuqarosining biometrik pasporti).
2. Oʻzbekiston Respublikasi fuqarosining xorijga chiqish uchun biometrik pasporti.
3. Oʻzbekiston Respublikasiga qaytish uchun guvohnoma.
4. Oʻzbekiston Respublikasi hududida doimiy yashovchi fuqaroligi boʻlmagan shaxsning xorijga chiqish uchun biometrik harakatlanish hujjati.
5. Oʻzbekiston Respublikasi hududida vaqtincha boʻlib turgan chet el fuqarosiga yoki fuqaroligi boʻlmagan shaxsga pasportning yoki uning oʻrnini bosuvchi hujjatning yoʻqolganligi haqidagi maʼlumotnoma.
6. Oʻzbekiston Respublikasi hududida doimiy yashovchi chet ellik fuqarolarga va fuqaroligi boʻlmagan shaxslarga yashash uchun ruxsatnoma.
7. Oʻzbekiston Respublikasiga taklif qilish toʻgʻrisidagi hujjatlar.
8. Chaqiruv uchastkasida qayd etilganlik haqidagi guvohnoma.
9. Harbiy guvohnoma va zaxiradagi ofitserning guvohnomasi.
10. Transport vositasining davlat roʻyxatidan oʻtkazilganlik guvohnomasi.
11. Haydovchilik guvohnomasi.
12. Yoʻqotilgan haydovchilik guvohnomasi oʻrniga vaqtinchalik ruxsatnoma.
13. Tugʻilganlik haqida guvohnoma.
14. Nikoh tuzilganligi haqida guvohnoma.
15. Nikohdan ajralganlik haqida guvohnoma.
16. Oʻlim haqida guvohnoma.
17. Notarial tasdiqlangan hujjatlarning dublikatlari, hujjatlarning koʻchirma nusxalari hamda reyestrlardan koʻchirmalar.
18. Oʻzbekiston Respublikasining xorijdagi diplomatik vakolatxonalari yoki konsullik muassasalari tomonidan rasmiylashtiriladigan maʼlumotnomalar.
19. Oʻzbekiston Respublikasining xorijdagi diplomatik vakolatxonalari yoki konsullik muassasalari tomonidan talab qilib olinadigan ushbu roʻyxatning 8 — 17-bandlarida nazarda tutilgan hujjatlarning koʻchirma nusxasi, dublikati hamda ularning mavjudligi haqida maʼlumotnomalar.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 22-oktabr,
PQ-4871-son
Президента Республики Узбекистан
Постановление
ПЕРЕЧЕНЬ
О дополнительных мерах по социальной защите граждан, пострадавших от чрезвычайных ситуаций
В целях внедрения механизмов всесторонней поддержки и защиты законных прав и интересов граждан, пострадавших в результате чрезвычайных ситуаций, а также обеспечения оказания им практической помощи в восстановлении подтверждающих определенный факт документов, утерянных либо пришедших в негодное состояние по независящим от них обстоятельствам:
1. Согласиться с предложением Министерства юстиции, Министерства внутренних дел, Министерства иностранных дел и Министерства финансов об освобождении физических лиц от платежей при обращении в соответствующий уполномоченный государственный орган для восстановления документов, подтверждающих определенный факт, утерянных либо пришедших в негодное состояние в результате возникновения чрезвычайных ситуаций природного и техногенного характера, в том числе бедствий бытового характера (пожаров, обрушений жилых или нежилых помещений, возгораний транспортных средств) (далее — бедствия) на территории Республики Узбекистан или зарубежных государств, не по вине данных лиц.
2. Установить, что начиная с 1 января 2021 года физические лица освобождаются от уплаты государственной пошлины и сборов (гербовых, консульских сборов и сборов в счет возмещения фактических расходов, установленных тарифов за оказанные государственные услуги) (далее — платежи) при восстановлении документов, подтверждающих определенный факт, в соответствии с пунктом 1 настоящего постановления.
Утвердить Перечень документов, подтверждающих определенный факт, утраченных или пришедших в негодное состояние в результате возникновения бедствий, не по вине физических лиц, освобождаемых от соответствующих платежей при восстановлении, согласно приложению .
3. Установить, что подтверждение факта возникновения чрезвычайной ситуации, при необходимости, производится на основании запроса государственного органа, уполномоченного восстанавливать документ, подтверждающий определенный факт, на основании:
справки, выдаваемой Министерством по чрезвычайным ситуациям, — на территории Республики Узбекистан;
справки, выданной и легализованной уполномоченными ведомствами зарубежных государств, либо с проставленным апостилем, или оформленной в соответствии с международными договорами Республики Узбекистан, — на территории зарубежных государств.
В случае отсутствия справок, указанных в абзаце третьем настоящего пункта, восстановление документов, подтверждающих определенный факт, производится через Министерство иностранных дел на основании справок, получаемых из дипломатических представительств или консульских учреждений Республики Узбекистан за рубежом.
4. Установить, что:
платежи и другие фактические расходы, не взысканные за восстановление документов, подтверждающих определенный факт, утерянных либо пришедших в негодное состояние в результате возникновения бедствий на территории Республики Узбекистан, в случаях, когда имеются лица (организации), виновные в наступлении данных обстоятельств, в дальнейшем взыскиваются с виновных в порядке регресса;
не применяются меры наказания в отношении физических лиц, документы которых утеряны или пришли в негодное состояние в результате возникновения бедствий, не по вине данных лиц.
5. Министерству внутренних дел, Министерству обороны, Министерству высшего и среднего специального образования, Министерству народного образования, а также Министерству иностранных дел в связи с внедрением порядка, определенного пунктом 2 настоящего постановления, в двухнедельный срок внести по подведомственности в Министерство юстиции предложения об изменениях и дополнениях в законодательство.
Министерству юстиции совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
Министерствам и ведомствам в двухмесячный срок привести принятые ими нормативно-правовые акты в соответствие с настоящим постановлением.
6. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 22 октября 2020 года № ПП-4871
документов, подтверждающих определенный факт, утраченных или пришедших в негодное состояние в результате возникновения бедствий, не по вине физических лиц, освобождаемых от соответствующих платежей при восстановлении
1. Идентификационная ID-карта гражданина Республики Узбекистан, лица без гражданства и гражданина иностранного государства, постоянно проживающих на территории Республики Узбекистан (биометрический паспорт гражданина Республики Узбекистан).
2. Биометрический паспорт гражданина Республики Узбекистан для выезда за границу.
3. Свидетельство для возвращения в Республику Узбекистан.
4. Биометрический проездной документ лица без гражданства, постоянно проживающего на территории Республики Узбекистан, для выезда за границу.
5. Справка об утере паспорта или заменяющего его документа иностранному гражданину или лицу без гражданства, временно пребывающему на территории Республики Узбекистан.
6. Вид на жительство иностранным гражданам и лицам без гражданства, постоянно проживающим в Республике Узбекистан.
7. Документы о приглашении в Республику Узбекистан.
8. Удостоверение о приписке к призывному участку.
9. Военное удостоверение и удостоверение офицера запаса.
10. Свидетельство о государственной регистрации транспортного средства.
11. Водительское удостоверение.
12. Временное разрешение взамен утерянного водительского удостоверения.
13. Свидетельство о рождении.
14. Свидетельство о заключении брака.
15. Свидетельство о расторжении брака.
16. Свидетельство о смерти.
17. Дубликаты нотариально заверенных документов, копии документов и выписки из реестров.
18. Справки, оформляемые дипломатическими представительствами или консульскими учреждениями Республики Узбекистан за рубежом.
19. Копии и дубликаты документов, предусмотренных в пунктах 8 — 17 настоящего перечня, истребуемые дипломатическими представительствами или консульскими учреждениями Республики Узбекистан за рубежом, а также справки об их наличии.
Президент Республики Узбекистан Ш. МИРЗИЁЕВ
г. Ташкент,
22 октября 2020 г.,
№ ПП-4871