📅 2020-yil 27-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 27 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 октября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 27 October 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент вилоятининг Янгийўл туманида кичик саноат зонасини ташкил этиш чора-тадбирлари тўғрисида
Тошкент вилоятининг Янгийўл туманини ижтимоий-иқтисодий ривожлантириш, ҳудудда тадбиркорлик фаолияти учун қулай шарт-шароитлар яратиш, замонавий ишлаб чиқаришларни ташкил этишга инвестицияларни фаол жалб қилиш, янги рақобатбардош ишлаб чиқаришлар ва тадбиркорлик субъектларини ривожлантиришни янада қўллаб-қувватлаш, аҳолининг бандлиги ва даромадларини ошириш ҳамда янги иш ўринлари ташкил этиш мақсадида Вазирлар Маҳкамаси қарор қилади:
1. Тошкент вилояти ҳокимлиги, Ўзбекистон Республикаси Иқтисодий тараққиёт ва камбағалликни қисқартириш вазирлиги ҳамда Инвестициялар ва ташқи савдо вазирлигининг Тошкент вилояти, Янгийўл тумани, «Тинчлик» маҳалласи ҳудудидаги туман ҳокимлиги тасарруфидаги захирада турган, фойдаланилмаётган, қишлоқ хўжалигида фойдаланиш учун яроқсиз ахволга келиб қолган 36,0 гектар суғориладиган ер майдонида кичик саноат зонасини (кейинги ўринларда — кичик саноат зонаси) ташкил этиш тўғрисидаги таклифига розилик берилсин.
Тошкент вилояти ҳокимлиги ва Ўзбекистон Республикаси Давлат солиқ қўмитаси ҳузуридаги Кадастр агентлиги бир ой муддатда кичик саноат зонаси ташкил этиш учун ушбу банднинг биринчи хатбошисида назарда тутилган ер майдони ажратилишини таъминласин.
2. Белгилаб қўйилсинки, кичик саноат зонасини ташкил этиш учун ер майдонлари ажратилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликлари ўрнини қоплаш бўйича тўланадиган компенсация тўловлари, истисно тариқасида, ундирилмайди.
3. Тошкент вилояти махсус иқтисодий зонанинг маъмурий кенгаши бир ой муддатда кичик саноат зонасини самарали бошқариш учун алоҳида дирекция ташкил этиш чораларини кўрсин.
4. Тошкент вилояти ҳокимлиги:
а) икки ой муддатда — Ўзбекистон Республикаси Қурилиш вазирлиги билан биргаликда вилоят маҳаллий бюджети маблағлари ҳисобидан кичик саноат зонасининг архитектура-режалаштириш ҳужжатлари ишлаб чиқилишини;
б) бир ой муддатда — Ўзбекистон Республикаси Иқтисодий тараққиёт ва камбағалликни қисқартириш вазирлиги билан биргаликда кичик саноат зонасида лойиҳаларни жойлаштириш мезонлари ишлаб чиқилишини;
в) Ўзбекистон Республикаси Энергетика вазирлиги, Молия вазирлиги, Уй-жой коммунал хизмат кўрсатиш вазирлиги, Автомобиль йўллари қўмитаси ва «Ўзбектелеком» АК билан биргаликда:
бир ҳафта муддатда — муҳандислик-коммуникация ва ишлаб чиқариш инфратузилма объектларини ташкил этиш бўйича тармоқ жадвалларини ишлаб чиқилишини ва тасдиқланишини;
кичик саноат зонасида тадбиркорлик субъектларини жойлаштириш бўйича ишлаб чиқилган лойиҳаларга мувофиқ, Тошкент вилоятининг маҳаллий бюджети, шунингдек, хизматларни етказиб берувчилар маблағлари ҳисобидан кичик саноат зонасининг бўлиниш чегарасига қадар зарур муҳандислик-коммуникация ва ишлаб чиқариш инфратузилма объектларини қуриш ва модернизация қилиш ишлари бажарилишини;
г) суғориладиган ер майдонлари қисқариб кетишининг олдини олиш мақсадида лойиҳа учун ажратилаётган суғориладиган ер майдонига тенг миқдорда янги ерлар ўзлаштирилишини таъминласин.
5. Ўзбекистон Республикаси Қурилиш вазирлиги кичик саноат зонаси ҳудудидаги объектларда бажариладиган қурилиш-монтаж ишлари сифати устидан давлат-архитектура қурилиш назорати ўрнатилишини таъминласин.
6. Тошкент вилояти ҳокимлиги Ўзбекистон Республикаси Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги, Савдо-саноат палатаси ва тижорат банклари билан биргаликда:
икки ой муддатда — кичик саноат зонаси ҳудудида импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар (кабель, керамика ва пластик маҳсулотлар, металл конструкциялар) турларини ишлаб чиқариш ва қишлоқ хўжалиги маҳсулотларини қайта ишлаш корхоналарини жойлаштириш бўйича манзилли дастурни ишлаб чиқсин ва тасдиқласин;
кичик саноат зонаси ҳудудида ўзлаштириш учун таклиф қилинаётган импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турлари тўғрисидаги маълумотларнинг мунтазам равишда тадбиркорлик субъектларига етказилишини таъминласин;
кичик саноат зонаси ҳудудида лойиҳаларни амалга ошириш учун тадбиркорлик субъектларини жалб этиш, улар билан тизимли ишларни олиб бориш, шунингдек, кичик саноат зонаси ҳудудида ишлаб чиқаришларни жойлаштириш бўйича инвестиция буюртманомаларини сифатли ва ўз вақтида кўриб чиқсин;
кичик саноат зонаси ҳудудида ишлаб чиқаришларни ташкил этиш бўйича инвестиция лойиҳаларининг бизнес-режаларини ишлаб чиқишда тадбиркорлик субъектларига кўмаклашиш бўйича тегишли чоралар кўрсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — инвестициялар ва ташқи савдо вазири С.У. Умурзаков ва Тошкент вилояти ҳокими Р.Қ. Холматов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 27 октябрь,
657-сон
Oʻzbekiston Respublikasi Vazirlar Mahkamasining
qarori
Toshkent viloyatining Yangiyoʻl tumanida kichik sanoat zonasini tashkil etish chora-tadbirlari toʻgʻrisida
Toshkent viloyatining Yangiyoʻl tumanini ijtimoiy-iqtisodiy rivojlantirish, hududda tadbirkorlik faoliyati uchun qulay shart-sharoitlar yaratish, zamonaviy ishlab chiqarishlarni tashkil etishga investitsiyalarni faol jalb qilish, yangi raqobatbardosh ishlab chiqarishlar va tadbirkorlik subyektlarini rivojlantirishni yanada qoʻllab-quvvatlash, aholining bandligi va daromadlarini oshirish hamda yangi ish oʻrinlari tashkil etish maqsadida Vazirlar Mahkamasi qaror qiladi:
1. Toshkent viloyati hokimligi, Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi hamda Investitsiyalar va tashqi savdo vazirligining Toshkent viloyati, Yangiyoʻl tumani, “Tinchlik” mahallasi hududidagi tuman hokimligi tasarrufidagi zaxirada turgan, foydalanilmayotgan, qishloq xoʻjaligida foydalanish uchun yaroqsiz axvolga kelib qolgan 36,0 gektar sugʻoriladigan yer maydonida kichik sanoat zonasini (keyingi oʻrinlarda — kichik sanoat zonasi) tashkil etish toʻgʻrisidagi taklifiga rozilik berilsin.
Toshkent viloyati hokimligi va Oʻzbekiston Respublikasi Davlat soliq qoʻmitasi huzuridagi Kadastr agentligi bir oy muddatda kichik sanoat zonasi tashkil etish uchun ushbu bandning birinchi xatboshisida nazarda tutilgan yer maydoni ajratilishini taʼminlasin.
2. Belgilab qoʻyilsinki, kichik sanoat zonasini tashkil etish uchun yer maydonlari ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklari oʻrnini qoplash boʻyicha toʻlanadigan kompensatsiya toʻlovlari, istisno tariqasida, undirilmaydi.
3. Toshkent viloyati maxsus iqtisodiy zonaning maʼmuriy kengashi bir oy muddatda kichik sanoat zonasini samarali boshqarish uchun alohida direksiya tashkil etish choralarini koʻrsin.
4. Toshkent viloyati hokimligi:
a) ikki oy muddatda — Oʻzbekiston Respublikasi Qurilish vazirligi bilan birgalikda viloyat mahalliy budjeti mablagʻlari hisobidan kichik sanoat zonasining arxitektura-rejalashtirish hujjatlari ishlab chiqilishini;
b) bir oy muddatda — Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi bilan birgalikda kichik sanoat zonasida loyihalarni joylashtirish mezonlari ishlab chiqilishini;
v) Oʻzbekiston Respublikasi Energetika vazirligi, Moliya vazirligi, Uy-joy kommunal xizmat koʻrsatish vazirligi, Avtomobil yoʻllari qoʻmitasi va “Oʻzbektelekom” AK bilan birgalikda:
bir hafta muddatda — muhandislik-kommunikatsiya va ishlab chiqarish infratuzilma obyektlarini tashkil etish boʻyicha tarmoq jadvallarini ishlab chiqilishini va tasdiqlanishini;
kichik sanoat zonasida tadbirkorlik subyektlarini joylashtirish boʻyicha ishlab chiqilgan loyihalarga muvofiq, Toshkent viloyatining mahalliy budjeti, shuningdek, xizmatlarni yetkazib beruvchilar mablagʻlari hisobidan kichik sanoat zonasining boʻlinish chegarasiga qadar zarur muhandislik-kommunikatsiya va ishlab chiqarish infratuzilma obyektlarini qurish va modernizatsiya qilish ishlari bajarilishini;
g) sugʻoriladigan yer maydonlari qisqarib ketishining oldini olish maqsadida loyiha uchun ajratilayotgan sugʻoriladigan yer maydoniga teng miqdorda yangi yerlar oʻzlashtirilishini taʼminlasin.
5. Oʻzbekiston Respublikasi Qurilish vazirligi kichik sanoat zonasi hududidagi obyektlarda bajariladigan qurilish-montaj ishlari sifati ustidan davlat-arxitektura qurilish nazorati oʻrnatilishini taʼminlasin.
6. Toshkent viloyati hokimligi Oʻzbekiston Respublikasi Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Savdo-sanoat palatasi va tijorat banklari bilan birgalikda:
ikki oy muddatda — kichik sanoat zonasi hududida import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar (kabel, keramika va plastik mahsulotlar, metall konstruksiyalar) turlarini ishlab chiqarish va qishloq xoʻjaligi mahsulotlarini qayta ishlash korxonalarini joylashtirish boʻyicha manzilli dasturni ishlab chiqsin va tasdiqlasin;
kichik sanoat zonasi hududida oʻzlashtirish uchun taklif qilinayotgan import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlari toʻgʻrisidagi maʼlumotlarning muntazam ravishda tadbirkorlik subyektlariga yetkazilishini taʼminlasin;
kichik sanoat zonasi hududida loyihalarni amalga oshirish uchun tadbirkorlik subyektlarini jalb etish, ular bilan tizimli ishlarni olib borish, shuningdek, kichik sanoat zonasi hududida ishlab chiqarishlarni joylashtirish boʻyicha investitsiya buyurtmanomalarini sifatli va oʻz vaqtida koʻrib chiqsin;
kichik sanoat zonasi hududida ishlab chiqarishlarni tashkil etish boʻyicha investitsiya loyihalarining biznes-rejalarini ishlab chiqishda tadbirkorlik subyektlariga koʻmaklashish boʻyicha tegishli choralar koʻrsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — investitsiyalar va tashqi savdo vaziri S.U. Umurzakov va Toshkent viloyati hokimi R.Q. Xolmatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 27-oktabr,
657-son