📅 2020-yil 29-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 29 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 октября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 29 October 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Коронавирус пандемияси даврида ташқи иқтисодий фаолият, туризм ва қурилиш соҳаларини қўллаб-қувватлашга доир қўшимча чора-тадбирлар тўғрисида
Коронавирус пандемиясининг салбий таъсири оқибатида зарар кўрган ва кўраётган ташқи иқтисодий фаолият ва туризм соҳаларида фаолият юритувчи тадбиркорлик субъектларини ҳамда замонавий уй-жой қурилиши билан банд бўлган қурилиш-пудрат ташкилотларини қўллаб-қувватлаш, шунингдек, тадбиркорлик субъектларининг автотранспорт воситалари паркини янада янгилаш ва модернизация қилиш учун шарт-шароитлар яратиш мақсадида Вазирлар Маҳкамаси қарор қилади:
1. 2022 йил 31 декабрга қадар қуйидагиларга утилизация йиғимининг ноль ставкаси қўлланилсин:
юк ташиш учун мўлжалланган янги транспорт воситалари (ТИФ ТН коди 8704 23) ҳамда махсус мўлжалланган янги транспорт воситалари (ТИФ ТН коди 8705 10, 8705 40, 8705 90);
ҳайдовчи билан бирга ўн ва ундан ортиқ йўловчиларни ташиш учун мўлжалланган, «Евро-5» ва ундан юқори экологик тоифа талабларига мос келадиган транспорт воситалари (ТИФ ТН коди 8702, ишлаб чиқарилганига 4 йилдан ошганлари бундан мустасно).
2. Вазирлар Маҳкамасининг «Ғилдиракли транспорт воситалари, ўзиюрар машиналар ва уларнинг тиркамалари учун утилизация йиғимини жорий этиш тўғрисида» 2020 йил 2 июндаги 347-сон қарорига иловага мувофиқ ўзгартиришлар ва қўшимча киритилсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков зиммасига юклансин.
Вазирлар Маҳкамасининг 2020 йил 29 октябрдаги 665-сон қарорига ИЛОВА
Вазирлар Маҳкамасининг «Ғилдиракли транспорт воситалари, ўзиюрар машиналар ва уларнинг тиркамалари учун утилизация йиғимини жорий этиш тўғрисида» 2020 йил 2 июндаги 347-сон қарорига киритилаётган ўзгартиришлар ва қўшимча
1. 2-банднинг «б» кичик бандида :
а) қуйидаги мазмундаги тўртинчи хатбоши билан тўлдирилсин:
«давлатлараро, ҳукуматлараро, халқаро ташкилотлар йўналишлари бўйича хайрия ёрдами мақсадларида, шу жумладан техник кўмак (грант) маблағлари ҳисобига олиб кириладиган транспорт воситаларига;»;
б) тўртинчи хатбоши тегишли равишда бешинчи хатбоши деб ҳисоблансин.
2. Илованинг VI қисми қуйидаги таҳрирда баён этилсин:
« VI. Тиркамалар ва ярим тиркамалар Тиркамалар ва ярим тиркамалар; бошқа ўзиюрар бўлмаган транспорт воситалари 8716 (8716 80, 8716 90 дан ташқари) 60 660 » .
Ўзбекистон Республикасининг Бош вазири А. АРИПОВ
Тошкент ш.,
2020 йил 29 октябрь,
665-сон
Oʻzbekiston Respublikasi Vazirlar Mahkamasining
qarori
Koronavirus pandemiyasi davrida tashqi iqtisodiy faoliyat, turizm va qurilish sohalarini qoʻllab-quvvatlashga doir qoʻshimcha chora-tadbirlar toʻgʻrisida
Koronavirus pandemiyasining salbiy taʼsiri oqibatida zarar koʻrgan va koʻrayotgan tashqi iqtisodiy faoliyat va turizm sohalarida faoliyat yurituvchi tadbirkorlik subyektlarini hamda zamonaviy uy-joy qurilishi bilan band boʻlgan qurilish-pudrat tashkilotlarini qoʻllab-quvvatlash, shuningdek, tadbirkorlik subyektlarining avtotransport vositalari parkini yanada yangilash va modernizatsiya qilish uchun shart-sharoitlar yaratish maqsadida Vazirlar Mahkamasi qaror qiladi:
1. 2022-yil 31-dekabrga qadar quyidagilarga utilizatsiya yigʻimining nol stavkasi qoʻllanilsin:
yuk tashish uchun moʻljallangan yangi transport vositalari (TIF TN kodi 8704 23) hamda maxsus moʻljallangan yangi transport vositalari (TIF TN kodi 8705 10, 8705 40, 8705 90);
haydovchi bilan birga oʻn va undan ortiq yoʻlovchilarni tashish uchun moʻljallangan, “Yevro-5” va undan yuqori ekologik toifa talablariga mos keladigan transport vositalari (TIF TN kodi 8702, ishlab chiqarilganiga 4 yildan oshganlari bundan mustasno).
2. Vazirlar Mahkamasining “Gʻildirakli transport vositalari, oʻziyurar mashinalar va ularning tirkamalari uchun utilizatsiya yigʻimini joriy etish toʻgʻrisida” 2020-yil 2-iyundagi 347-son qaroriga ilovaga muvofiq oʻzgartirishlar va qoʻshimcha kiritilsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.
Vazirlar Mahkamasining 2020-yil 29-oktabrdagi 665-son qaroriga ILOVA
Vazirlar Mahkamasining “Gʻildirakli transport vositalari, oʻziyurar mashinalar va ularning tirkamalari uchun utilizatsiya yigʻimini joriy etish toʻgʻrisida” 2020-yil 2-iyundagi 347-son qaroriga kiritilayotgan oʻzgartirishlar va qoʻshimcha
1. 2-bandning “b” kichik bandida :
a) quyidagi mazmundagi toʻrtinchi xatboshi bilan toʻldirilsin:
“davlatlararo, hukumatlararo, xalqaro tashkilotlar yoʻnalishlari boʻyicha xayriya yordami maqsadlarida, shu jumladan texnik koʻmak (grant) mablagʻlari hisobiga olib kiriladigan transport vositalariga;”;
b) toʻrtinchi xatboshi tegishli ravishda beshinchi xatboshi deb hisoblansin.
2. Ilovaning VI qismi quyidagi tahrirda bayon etilsin:
“ VI. Tirkamalar va yarim tirkamalar Tirkamalar va yarim tirkamalar; boshqa oʻziyurar boʻlmagan transport vositalari 8716 (8716 80, 8716 90 dan tashqari) 60 660 ” .
Oʻzbekiston Respublikasining Bosh vaziri A. ARIPOV
Toshkent sh.,
2020-yil 29-oktabr,
665-son