📅 2020-yil 30-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 30 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 октября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 30 October 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Навоий вилоятида қуввати 100 МВт бўлган фотоэлектрик станцияни қуриш» инвестиция лойиҳасини амалга оширишга доир қўшимча чора-тадбирлар тўғрисида
Ўзбекистон Республикаси Президентининг «Навоий вилоятида қуввати 100 МВт бўлган фотоэлектрик станцияни қуриш» инвестиция лойиҳасини амалга ошириш чора-тадбирлари тўғрисида» 2020 йил 14 апрелдаги ПҚ-4677-сон қарорига мувофиқ ҳамда Навоий вилоятида қуввати 100 МВт бўлган фотоэлектрик станциясини кўришни ўз вақтида бошлашни таъминлаш мақсадида Вазирлар Махкамаси қарор қилади:
1. Инвестиция лойиҳасини амалга ошириш доирасида қуйидагилар:
Ўзбекистон Республикаси Ҳукумати номидан Ўзбекистон Республикаси Инвестициялар ва ташқи савдо вазирлиги ҳамда инвестор ўртасида 2019 йил 8 ноябрда Навоий вилоятида қуввати 100 МВт бўлган фотоэлектрик станциясини қуриш инвестиция лойиҳасини (кейинги ўринларда — инвестиция лойиҳаси) амалга ошириш бўйича инвестиция битими тузилганлиги ва унга кўра инвестор ўз ҳуқуқ ва мажбуриятларидан лойиҳа компанияси фойдасига воз кечганлиги;
«Nur Navoi Solar» масъулияти чекланган жамиятига (кейинги ўринларда — лойиҳа компанияси) инвестор мақоми, ҳуқуқлари ва мажбуриятлари татбиқ этилганлиги маълумот учун қабул қилинсин.
2. Ўзбекистон Республикаси молия вазирига Ўзбекистон Республикаси Ҳукумати номидан:
«Ўзбекистон миллий электр тармоқлари» АЖнинг лойиҳа компанияси олдидаги тўлов мажбуриятлари аккредитив орқали бажарилган тақдирда, «Ўзбекистон миллий электр тармоқлари» АЖ ва «Natixis» банки билан Жахон банки томонидан тайёрланган ва Ўзбекистон Республикаси Ҳукуматига мақбул шаклдаги «Natixis» банки харажатларини қоплаш тўғрисидаги битимни имзолаш;
«Ўзбекистон миллий электр тармоқлари» АЖнинг «Natixis» банки олдидаги тўлов мажбуриятлари Жахон банки кафолати орқали бажарилган тақдирда, Жахон банки билан Ўзбекистон Республикаси Ҳукуматига мақбул шаклдаги Жахон банки харажатларини қоплаш тўғрисидаги битимни имзолаш ваколати берилсин.
3. Лойиҳа компанияси инвестиция лойиҳасини амалга ошириш доирасида қишлоқ хўжалигига мўлжалланган ерлардан фойдаланганлик учун қишлоқ хўжалиги ишлаб чиқариши нобудгарчилиги ўрнини қоплашдан (компенсация тўловларидан) истисно тариқасида озод қилинсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 30 октябрь,
667-сон
Oʻzbekiston Respublikasi Vazirlar Mahkamasining
qarori
“Navoiy viloyatida quvvati 100 MVt boʻlgan fotoelektrik stansiyani qurish” investitsiya loyihasini amalga oshirishga doir qoʻshimcha chora-tadbirlar toʻgʻrisida
Oʻzbekiston Respublikasi Prezidentining “Navoiy viloyatida quvvati 100 MVt boʻlgan fotoelektrik stansiyani qurish” investitsiya loyihasini amalga oshirish chora-tadbirlari toʻgʻrisida” 2020-yil 14-apreldagi PQ-4677-son qaroriga muvofiq hamda Navoiy viloyatida quvvati 100 MVt boʻlgan fotoelektrik stansiyasini koʻrishni oʻz vaqtida boshlashni taʼminlash maqsadida Vazirlar Maxkamasi qaror qiladi:
1. Investitsiya loyihasini amalga oshirish doirasida quyidagilar:
Oʻzbekiston Respublikasi Hukumati nomidan Oʻzbekiston Respublikasi Investitsiyalar va tashqi savdo vazirligi hamda investor oʻrtasida 2019-yil 8-noyabrda Navoiy viloyatida quvvati 100 MVt boʻlgan fotoelektrik stansiyasini qurish investitsiya loyihasini (keyingi oʻrinlarda — investitsiya loyihasi) amalga oshirish boʻyicha investitsiya bitimi tuzilganligi va unga koʻra investor oʻz huquq va majburiyatlaridan loyiha kompaniyasi foydasiga voz kechganligi;
“Nur Navoi Solar” masʼuliyati cheklangan jamiyatiga (keyingi oʻrinlarda — loyiha kompaniyasi) investor maqomi, huquqlari va majburiyatlari tatbiq etilganligi maʼlumot uchun qabul qilinsin.
2. Oʻzbekiston Respublikasi moliya vaziriga Oʻzbekiston Respublikasi Hukumati nomidan:
“Oʻzbekiston milliy elektr tarmoqlari” AJning loyiha kompaniyasi oldidagi toʻlov majburiyatlari akkreditiv orqali bajarilgan taqdirda, “Oʻzbekiston milliy elektr tarmoqlari” AJ va “Natixis” banki bilan Jaxon banki tomonidan tayyorlangan va Oʻzbekiston Respublikasi Hukumatiga maqbul shakldagi “Natixis” banki xarajatlarini qoplash toʻgʻrisidagi bitimni imzolash;
“Oʻzbekiston milliy elektr tarmoqlari” AJning “Natixis” banki oldidagi toʻlov majburiyatlari Jaxon banki kafolati orqali bajarilgan taqdirda, Jaxon banki bilan Oʻzbekiston Respublikasi Hukumatiga maqbul shakldagi Jaxon banki xarajatlarini qoplash toʻgʻrisidagi bitimni imzolash vakolati berilsin.
3. Loyiha kompaniyasi investitsiya loyihasini amalga oshirish doirasida qishloq xoʻjaligiga moʻljallangan yerlardan foydalanganlik uchun qishloq xoʻjaligi ishlab chiqarishi nobudgarchiligi oʻrnini qoplashdan (kompensatsiya toʻlovlaridan) istisno tariqasida ozod qilinsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 30-oktabr,
667-son