📅 2020-yil 30-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 30 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 октября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 30 October 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
КЎРСАТКИЧЛАРИ
ПРОГНОЗ ЖАДВАЛИ
Электр энергетика соҳасидаги ислоҳотларни амалга оширишда Ўзбекистон Республикаси бюджетини қўллаб-қувватлаш учун Осие тараққиёт банкининг 200 миллион АҚШ доллари миқдоридаги маблағларини жалб қилиш тўғрисида
Ўзбекистон Республикаси Президентининг « Коронавирус пандемияси даврида аҳоли, бюджет, базавий инфратузилма ва тадбиркорлик субъектларини қўллаб-қувватлаш учун ташқи ёрдам маблағларини жалб қилиш чора-тадбирлари тўғрисида » 2020 йил 22 апрелдаги ПҚ-4691-сон ва Вазирлар Маҳкамасининг « Электр энергиясини ҳисобга олиш ва назорат қилишнинг автоматлаштирилган тизимини жорий этишни жадаллаштириш чора-тадбирлари тўғрисида » 2020 йил 28 сентябрдаги 594-сон қарорларига мувофиқ ҳамда электр энергетика соҳасида ислоҳотларни амалга ошириш, жумладан электр энергиясини ҳисобга олиш ва назорат қилишнинг автоматлаштирилган тизимини жорий этишни жадаллаштириш мақсадида Вазирлар Маҳкамаси қарор қилади:
1. Қуйидагилар:
2020 йил 27 июлда Ўзбекистон Республикаси Молия вазирлиги, Инвестициялар ва ташқи савдо вазирлиги, Энергетика вазирлиги ва Осиё тараққиёт банки (кейинги ўринларда — ОТБ) ўртасида энергетика соҳасида ислоҳотларни амалга ошириш доирасида ОТБнинг 200 миллион АҚШ доллари миқдоридаги қарзини жалб қилиш бўйича англашув меморандуми имзоланганлиги;
2020 йил 28 сентябрда ОТБ Директорлар кенгаши томонидан электр энергетика соҳасидаги ислоҳотларни амалга оширишда Ўзбекистон Республикаси бюджетини қўллаб-қувватлаш учун 3 йиллик имтиёзли даврни ўз ичига олган ҳолда 15 йил муддатда қайтариш шарти билан 200 миллион АҚШ доллари миқдорида қарз (Policy Based Loan) ажратилиши маъқулланганлиги;
умумий қиймати 457,8 милион АҚШ долларига тенг бўлган «Ўзбекистон Республикасида электр энергиясини ҳисобга олиш ва назорат қилишнинг автоматлаштирилган тизимини жорий этиш» инвестиция лойиҳасининг (кейинги ўринларда — инвестиция лойиҳаси) техник-иқтисодий асослануви белгиланган тартибда Ўзбекистон Республикаси Молия вазирлиги ҳамда Инвестициялар ва ташқи савдо вазирлигида экспертизадан ўтказилганлиги маълумот учун қабул қилинсин.
2. Белгилаб қўйилсинки:
ОТБ қарзи Ўзбекистон Республикасининг республика бюджети харажатларини ҳамда қисман инвестиция лойиҳасини молиялаштириш учун ажратилади;
Ўзбекистон Республикаси Энергетика вазирлиги инвестиция лойиҳасини амалга оширилишида ОТБ қарз маблағларидан мақсадли ва самарали фойдаланиши юзасидан ижро этувчи орган ҳисобланади;
«Ҳудудий электр тармоқлари» АЖ инвестиция лойиҳасининг амалга оширилишини мувофиқлаштириш ва мониторинг қилиш, Молия вазирлиги томонидан ОТБнинг қарз маблағлари ҳисобидан ажратиладиган кредитни ўз вақтида ўзлаштирилиши юзасидан масъул ташаббускор ҳисобланади;
ОТБнинг қарзни сўндириш, улар бўйича фоизлар, мажбурият учун тўловларни тўлаш билан боғлиқ харажатлар Ўзбекистон Республикасининг республика бюджети маблағлари ҳисобидан амалга оширилади.
3. Ўзбекистон Республикаси Молия вазирлиги электр энергетикаси соҳасидаги ислоҳотларни амалга оширишда бюджетни қўллаб-қувватлаш (Policy Based Loan) учун ОТБ томонидан ажратилган қарз ҳисобидан «Ҳудудий электр тармоқлари» АЖга инвестиция лойиҳасини молиялаштириш учун 82 миллион АҚШ доллари миқдорида кредитни 15 йил муддатга 3 йиллик имтиёзли давр билан олти ойлик ЛИБОР+1,25 фоиз ставка тўлаш шарти асосида ажратсин.
4. Ўзбекистон Республикаси молия вазирига электр энергетика соҳасидаги ислоҳотларни амалга оширишда Ўзбекистон Республикаси бюджетини қўллаб-қувватлаш учун ОТБнинг 200 миллион АҚШ доллари миқдорида (Policy Based Loan) қарзини жалб этиш учун Ўзбекистон Республикаси ва ОТБ ўртасида қарз битимини Ўзбекистон Республикаси номидан имзолаш ваколати берилсин.
5. Қуйидагилар:
«Ўзбекистон Республикасида электр энергиясини ҳисобга олиш ва назорат қилишнинг автоматлаштирилган тизимини жорий этиш» инвестиция лойиҳаси техник-иқтисодий асосланувининг асосий техник-иқтисодий кўрсаткичлари 1-иловага мувофиқ;
Электр энергетика соҳасидаги ислоҳотларни амалга оширишда Ўзбекистон Республикаси бюджетини қўллаб-қувватлаш учун жалб этилаётган Осиё тараққиёт банкининг қарзини сўндириш, фоиз ва воситачилик тўловларини тўлашнинг прогноз жадвали 2-иловага мувофиқ тасдиқлансин.
6. Ўзбекистон Республикаси Адлия вазирлиги Ўзбекистон Республикаси билан ОТБ ўртасида имзоланадиган қарз битими бўйича белгиланган тартибда юридик хулоса берилишини таъминласин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг маслаҳатчиси — Саноат ва унинг базавий тармоқларини ҳамда кооперация алоқаларини ривожлантириш масалалари департаменти бошлиғи ҳамда Ўзбекистон Республикаси энергетика вазири А.С. Султанов зиммасига юклансин.
Вазирлар Маҳкамасининг 2020 йил 30 октябрдаги 673-сон қарорига 1-ИЛОВА
«Ўзбекистон Республикасида электр энергиясини ҳисобга олиш ва назорат қилишнинг автоматлаштирилган тизимини жорий этиш» инвестиция лойиҳаси техник-иқтисодий асосланувининг асосий техник-иқтисодий
минг АҚШ долл. экв. № Кўрсаткичлар номлари Жами Молиялаштириш манбаси, шу жумладан: «Ҳудудий электр тармоқлари» АЖ маблағи Молия вазирлиги кредити ОТБ қарзи «Ўзсаноатқурилишбанк» АТБ кредити МИБнинг ривожлантириш жамғармасининг маблағи 1 . Лойиҳанинг умумий қиймати 457 841 , 3 91 372 , 4 250 000 , 0 20 500 , 0 62 604 , 6 33 364 , 3 2 . Жами капитал қўйилмалар миқдори * , шу жумладан : 457 841 , 3 91 372 , 4 250 000 , 0 20 500 , 0 62 604 , 6 33 364 , 3 2.1 машина ва ускуналар: чет эл валютасида миллий валютада 385 968 , 9 2 70 500 , 0 115 468 , 9 19 500 , 0 - 19 500,0 250 000 , 0 250 000 , 0 - 20 500 , 0 20 500 , 0 - 62 604 , 6 - 62 604 , 6 33 364 , 3 - 33 364 , 3 2.2 қурилиш-монтаж ишлари: чет эл валютасида миллий валютада 38 309 , 5 - 38 309 , 5 38 309 , 5 - 38 309 , 5 - - - - - - - - - - - - 2.3 инвестиция давридаги молиявий харажатлар ** : чет эл валютасида миллий валютада 27 509 , 2 24 628 , 1 2 881 , 2 27 509 , 2 24 628 , 1 2 881 , 2 - - - - - - - - - - - - 2. 4 бошқа харажатлар: чет эл валютасида миллий валютада 6 053 , 6 - 6 053 , 6 6 053 , 6 - 6 053 , 6 - - - - - - - - - - - -
Вазирлар Маҳкамасининг 2020 йил 30 октябрдаги 673-сон қарорига 2-ИЛОВА
Электр энергетика соҳасидаги ислоҳотларни амалга оширишда Ўзбекистон Республикаси бюджетини қўллаб-қувватлаш учун жалб этилаётган Осиё тараққиёт банкининг қарзини сўндириш, фоиз ва воситачилик тўловларини тўлашнинг
Қарз суммаси — 200 млн АҚШ доллари Қарз муддати — 15 йил Имтиёзли давр — 3 йил Фоиз ставкаси — 6 ойлик LIBOR + 0,5 % йиллик ставкаси Воситачилик тўлови — қарзни ўзлаштирилмаган қисмидан йиллик 0,15 % ставкада
млн АҚШ доллари Тўлов даври Қарз қолдиғи Тўлов суммаси Тўланадиган жами сумма Асосий қарз Фоиз тўлови * Воситачилик тўлови ** 01.11.2020 й. 200,00 - - - - 15.03.2021 й. 200,00 - 1,60 - 1,60 15.09.2021 й. 200,00 - 1,89 - 1,89 15.03.2022 й. 200,00 - 1,86 - 1,86 15.09.2022 й. 200,00 - 1,89 - 1,89 15.03.2023 й. 200,00 - 1,86 - 1,86 15.09.2023 й. 200,00 - 1,89 - 1,89 15.03.2024 й. 191,67 8,33 1,87 - 10,20 15.09.2024 й. 183,33 8,33 1,81 - 10,15 15.03.2025 й. 175,00 8,33 1,71 - 10,04 15.09.2025 й. 166,67 8,33 1,65 - 9,99 15.03.2026 й. 158,33 8,33 1,55 - 9,88 15.09.2026 й. 150,00 8,33 1,50 - 9,83 15.03.2027 й. 141,67 8,33 1,40 - 9,73 15.09.2027 й. 133,33 8,33 1,34 - 9,67 15.03.2028 й. 125,00 8,33 1,25 - 9,58 15.09.2028 й. 116,67 8,33 1,18 - 9,52 15.03.2029 й. 108,33 8,33 1,09 - 9,42 15.09.2029 й. 100,00 8,33 1,02 - 9,36 15.03.2030 й. 91,67 8,33 0,93 - 9,26 15.09.2030 й. 83,33 8,33 0,87 - 9,20 15.03.2031 й. 75,00 8,33 0,78 - 9,11 15.09.2031 й. 66,67 8,33 0,71 - 9,04 15.03.2032 й. 58,33 8,33 0,62 - 8,96 15.09.2032 й. 50,00 8,33 0,55 - 8,88 15.03.2033 й. 41,67 8,33 0,47 - 8,80 15.09.2033 й. 33,33 8,33 0,39 - 8,73 15.03.2034 й. 25,00 8,33 0,31 - 8,64 15.09.2034 й. 16,67 8,33 0,24 - 8,57 15.03.2035 й. 8,33 8,33 0,16 - 8,49 15.09.2035 й. 0,00 8,33 0,08 - 8,41 Жами 200,00 34,46 - 234,46
Ўзбекистон Республикасининг Бош вазири А. АРИПОВ
Тошкент ш.,
2020 йил 30 октябрь,
673-сон
Oʻzbekiston Respublikasi Vazirlar Mahkamasining
qarori
KOʻRSATKICHLARI
PROGNOZ JADVALI
Elektr energetika sohasidagi islohotlarni amalga oshirishda Oʻzbekiston Respublikasi budjetini qoʻllab-quvvatlash uchun Osiye taraqqiyot bankining 200 million AQSH dollari miqdoridagi mablagʻlarini jalb qilish toʻgʻrisida
Oʻzbekiston Respublikasi Prezidentining “ Koronavirus pandemiyasi davrida aholi, budjet, bazaviy infratuzilma va tadbirkorlik subyektlarini qoʻllab-quvvatlash uchun tashqi yordam mablagʻlarini jalb qilish chora-tadbirlari toʻgʻrisida ” 2020-yil 22-apreldagi PQ-4691-son va Vazirlar Mahkamasining “ Elektr energiyasini hisobga olish va nazorat qilishning avtomatlashtirilgan tizimini joriy etishni jadallashtirish chora-tadbirlari toʻgʻrisida ” 2020-yil 28-sentabrdagi 594-son qarorlariga muvofiq hamda elektr energetika sohasida islohotlarni amalga oshirish, jumladan elektr energiyasini hisobga olish va nazorat qilishning avtomatlashtirilgan tizimini joriy etishni jadallashtirish maqsadida Vazirlar Mahkamasi qaror qiladi:
1. Quyidagilar:
2020-yil 27-iyulda Oʻzbekiston Respublikasi Moliya vazirligi, Investitsiyalar va tashqi savdo vazirligi, Energetika vazirligi va Osiyo taraqqiyot banki (keyingi oʻrinlarda — OTB) oʻrtasida energetika sohasida islohotlarni amalga oshirish doirasida OTBning 200 million AQSH dollari miqdoridagi qarzini jalb qilish boʻyicha anglashuv memorandumi imzolanganligi;
2020-yil 28-sentabrda OTB Direktorlar kengashi tomonidan elektr energetika sohasidagi islohotlarni amalga oshirishda Oʻzbekiston Respublikasi budjetini qoʻllab-quvvatlash uchun 3 yillik imtiyozli davrni oʻz ichiga olgan holda 15 yil muddatda qaytarish sharti bilan 200 million AQSH dollari miqdorida qarz (Policy Based Loan) ajratilishi maʼqullanganligi;
umumiy qiymati 457,8 milion AQSH dollariga teng boʻlgan “Oʻzbekiston Respublikasida elektr energiyasini hisobga olish va nazorat qilishning avtomatlashtirilgan tizimini joriy etish” investitsiya loyihasining (keyingi oʻrinlarda — investitsiya loyihasi) texnik-iqtisodiy asoslanuvi belgilangan tartibda Oʻzbekiston Respublikasi Moliya vazirligi hamda Investitsiyalar va tashqi savdo vazirligida ekspertizadan oʻtkazilganligi maʼlumot uchun qabul qilinsin.
2. Belgilab qoʻyilsinki:
OTB qarzi Oʻzbekiston Respublikasining respublika budjeti xarajatlarini hamda qisman investitsiya loyihasini moliyalashtirish uchun ajratiladi;
Oʻzbekiston Respublikasi Energetika vazirligi investitsiya loyihasini amalga oshirilishida OTB qarz mablagʻlaridan maqsadli va samarali foydalanishi yuzasidan ijro etuvchi organ hisoblanadi;
“Hududiy elektr tarmoqlari” AJ investitsiya loyihasining amalga oshirilishini muvofiqlashtirish va monitoring qilish, Moliya vazirligi tomonidan OTBning qarz mablagʻlari hisobidan ajratiladigan kreditni oʻz vaqtida oʻzlashtirilishi yuzasidan masʼul tashabbuskor hisoblanadi;
OTBning qarzni soʻndirish, ular boʻyicha foizlar, majburiyat uchun toʻlovlarni toʻlash bilan bogʻliq xarajatlar Oʻzbekiston Respublikasining respublika budjeti mablagʻlari hisobidan amalga oshiriladi.
3. Oʻzbekiston Respublikasi Moliya vazirligi elektr energetikasi sohasidagi islohotlarni amalga oshirishda budjetni qoʻllab-quvvatlash (Policy Based Loan) uchun OTB tomonidan ajratilgan qarz hisobidan “Hududiy elektr tarmoqlari” AJga investitsiya loyihasini moliyalashtirish uchun 82 million AQSH dollari miqdorida kreditni 15 yil muddatga 3 yillik imtiyozli davr bilan olti oylik LIBOR+1,25 foiz stavka toʻlash sharti asosida ajratsin.
4. Oʻzbekiston Respublikasi moliya vaziriga elektr energetika sohasidagi islohotlarni amalga oshirishda Oʻzbekiston Respublikasi budjetini qoʻllab-quvvatlash uchun OTBning 200 million AQSH dollari miqdorida (Policy Based Loan) qarzini jalb etish uchun Oʻzbekiston Respublikasi va OTB oʻrtasida qarz bitimini Oʻzbekiston Respublikasi nomidan imzolash vakolati berilsin.
5. Quyidagilar:
“Oʻzbekiston Respublikasida elektr energiyasini hisobga olish va nazorat qilishning avtomatlashtirilgan tizimini joriy etish” investitsiya loyihasi texnik-iqtisodiy asoslanuvining asosiy texnik-iqtisodiy koʻrsatkichlari 1-ilovaga muvofiq;
Elektr energetika sohasidagi islohotlarni amalga oshirishda Oʻzbekiston Respublikasi budjetini qoʻllab-quvvatlash uchun jalb etilayotgan Osiyo taraqqiyot bankining qarzini soʻndirish, foiz va vositachilik toʻlovlarini toʻlashning prognoz jadvali 2-ilovaga muvofiq tasdiqlansin.
6. Oʻzbekiston Respublikasi Adliya vazirligi Oʻzbekiston Respublikasi bilan OTB oʻrtasida imzolanadigan qarz bitimi boʻyicha belgilangan tartibda yuridik xulosa berilishini taʼminlasin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining maslahatchisi — Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti boshligʻi hamda Oʻzbekiston Respublikasi energetika vaziri A.S. Sultanov zimmasiga yuklansin.
Vazirlar Mahkamasining 2020-yil 30-oktabrdagi 673-son qaroriga 1-ILOVA
“Oʻzbekiston Respublikasida elektr energiyasini hisobga olish va nazorat qilishning avtomatlashtirilgan tizimini joriy etish” investitsiya loyihasi texnik-iqtisodiy asoslanuvining asosiy texnik-iqtisodiy
ming AQSH doll. ekv. № Koʻrsatkichlar nomlari Jami Moliyalashtirish manbasi, shu jumladan: “Hududiy elektr tarmoqlari” AJ mablagʻi Moliya vazirligi krediti OTB qarzi “Oʻzsanoatqurilishbank” ATB krediti MIBning rivojlantirish jamgʻarmasining mablagʻi 1 . Loyihaning umumiy qiymati 457 841 , 3 91 372 , 4 250 000 , 0 20 500 , 0 62 604 , 6 33 364 , 3 2 . Jami kapital qoʻyilmalar miqdori * , shu jumladan : 457 841 , 3 91 372 , 4 250 000 , 0 20 500 , 0 62 604 , 6 33 364 , 3 2.1 mashina va uskunalar: chet el valyutasida milliy valyutada 385 968 , 9 2 70 500 , 0 115 468 , 9 19 500 , 0 - 19 500,0 250 000 , 0 250 000 , 0 - 20 500 , 0 20 500 , 0 - 62 604 , 6 - 62 604 , 6 33 364 , 3 - 33 364 , 3 2.2 qurilish-montaj ishlari: chet el valyutasida milliy valyutada 38 309 , 5 - 38 309 , 5 38 309 , 5 - 38 309 , 5 - - - - - - - - - - - - 2.3 investitsiya davridagi moliyaviy xarajatlar ** : chet el valyutasida milliy valyutada 27 509 , 2 24 628 , 1 2 881 , 2 27 509 , 2 24 628 , 1 2 881 , 2 - - - - - - - - - - - - 2. 4 boshqa xarajatlar: chet el valyutasida milliy valyutada 6 053 , 6 - 6 053 , 6 6 053 , 6 - 6 053 , 6 - - - - - - - - - - - -
Vazirlar Mahkamasining 2020-yil 30-oktabrdagi 673-son qaroriga 2-ILOVA
Elektr energetika sohasidagi islohotlarni amalga oshirishda Oʻzbekiston Respublikasi budjetini qoʻllab-quvvatlash uchun jalb etilayotgan Osiyo taraqqiyot bankining qarzini soʻndirish, foiz va vositachilik toʻlovlarini toʻlashning
Qarz summasi — 200 mln AQSH dollari Qarz muddati — 15 yil Imtiyozli davr — 3 yil Foiz stavkasi — 6 oylik LIBOR + 0,5 % yillik stavkasi Vositachilik toʻlovi — qarzni oʻzlashtirilmagan qismidan yillik 0,15 % stavkada
mln AQSH dollari Toʻlov davri Qarz qoldigʻi Toʻlov summasi Toʻlanadigan jami summa Asosiy qarz Foiz toʻlovi * Vositachilik toʻlovi ** 01.11.2020-y. 200,00 - - - - 15.03.2021-y. 200,00 - 1,60 - 1,60 15.09.2021-y. 200,00 - 1,89 - 1,89 15.03.2022-y. 200,00 - 1,86 - 1,86 15.09.2022-y. 200,00 - 1,89 - 1,89 15.03.2023-y. 200,00 - 1,86 - 1,86 15.09.2023-y. 200,00 - 1,89 - 1,89 15.03.2024-y. 191,67 8,33 1,87 - 10,20 15.09.2024-y. 183,33 8,33 1,81 - 10,15 15.03.2025-y. 175,00 8,33 1,71 - 10,04 15.09.2025-y. 166,67 8,33 1,65 - 9,99 15.03.2026-y. 158,33 8,33 1,55 - 9,88 15.09.2026-y. 150,00 8,33 1,50 - 9,83 15.03.2027-y. 141,67 8,33 1,40 - 9,73 15.09.2027-y. 133,33 8,33 1,34 - 9,67 15.03.2028-y. 125,00 8,33 1,25 - 9,58 15.09.2028-y. 116,67 8,33 1,18 - 9,52 15.03.2029-y. 108,33 8,33 1,09 - 9,42 15.09.2029-y. 100,00 8,33 1,02 - 9,36 15.03.2030-y. 91,67 8,33 0,93 - 9,26 15.09.2030-y. 83,33 8,33 0,87 - 9,20 15.03.2031-y. 75,00 8,33 0,78 - 9,11 15.09.2031-y. 66,67 8,33 0,71 - 9,04 15.03.2032-y. 58,33 8,33 0,62 - 8,96 15.09.2032-y. 50,00 8,33 0,55 - 8,88 15.03.2033-y. 41,67 8,33 0,47 - 8,80 15.09.2033-y. 33,33 8,33 0,39 - 8,73 15.03.2034-y. 25,00 8,33 0,31 - 8,64 15.09.2034-y. 16,67 8,33 0,24 - 8,57 15.03.2035-y. 8,33 8,33 0,16 - 8,49 15.09.2035-y. 0,00 8,33 0,08 - 8,41 Jami 200,00 34,46 - 234,46
Oʻzbekiston Respublikasining Bosh vaziri A. ARIPOV
Toshkent sh.,
2020-yil 30-oktabr,
673-son