📅 2020-yil 30-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 30 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 октября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 30 October 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
СХЕМАСИ
Давлат иштирокидаги хўжалик жамиятлари тўғрисидаги маълумотларни ошкор этиш тизимини такомиллаштириш чора-тадбирлари тўғрисида
Давлат иштирокидаги хўжалик жамиятлари фаолиятининг очиқлиги ва шаффофлигини таъминлаш, мулкдор (муассис, акциядор, иштирокчи) функцияларини амалга оширувчи вазирликлар ва идораларнинг масъулиятини янада ошириш мақсадида Вазирлар Маҳкамаси қарор қилади:
1. Ўзбекистон Республикаси Давлат активларини бошқариш агентлиги (кейинги ўринларда — Агентлик), Ахборот технологиялари ва коммуникацияларини ривожлантириш вазирлиги ҳамда Иқтисодий тараққиёт ва камбағалликни қисқартириш вазирлигининг:
вазирликлар ва идораларнинг расмий веб-сайтларида мулкдор (муассис, акциядор, иштирокчи) функциялари амалга оширилаётган давлат улуши миқдори 50 фоиздан ортиқ бўлган хўжалик жамиятлари ёхуд устав фондидаги (устав капиталидаги) давлат улуши миқдори хўжалик жамиятининг бошқа ҳар бир акциядори (иштирокчиси) улушига нисбатан кўп бўлган хўжалик жамиятларининг (кейинги ўринларда — давлат иштирокидаги корхоналар) устав фонди (устав капитали), давлат улуши, ҳар чорак ва йил якунлари бўйича бухгалтерия баланси ва молиявий натижалари, ишлаб чиқариш кўрсаткичлари, иш ўринлари сони, корхоналар бошқарув ва назорат органлари таркиби тўғрисидаги маълумотларни (чекланган ҳолда тарқатиладиган ва тижорат сири мавжуд бўлган маълумотлар бундан мустасно) (кейинги ўринларда — асосий маълумотлар) жойлаштириш;
2021 йил 1 январдан бошлаб давлат иштирокидаги корхоналарнинг расмий веб-сайти бўлиши, унда иқтисодий, молиявий ва бошқа статистик маълумотларнинг, шу жумладан, ҳар чоракда йиллик бизнес-режанинг (лойиҳаларнинг техник-иқтисодий асослари бажарилиши ва мақсадларга эришиш инобатга олинган ҳолда) бажарилиши ва ривожланиш стратегияларида назарда тутилган дастурларнинг натижалари тўғрисидаги ҳисоботни жойлаштириш таклифлари маъқуллансин.
2. Агентлик:
бир ой муддатда «Давлат мулки» ахборот тизимига давлат иштирокидаги корхоналар тўғрисидаги маълумотлар ва ҳужжатларни электрон рақамли имзо билан тасдиқлаш орқали тақдим этиш имкониятини жорий этсин;
икки ой муддатда Ўзбекистон Республикаси Ахборот технологиялари ва коммуникацияларини ривожлантириш вазирлиги, Капитал бозорини ривожлантириш агентлиги ҳамда бошқа манфаатдор вазирликлар ва идоралар билан биргаликда Давлат иштирокидаги корхоналарнинг расмий веб-сайтларига қўйиладиган талаблар тўғрисидаги низомни ишлаб чиқсин ва тасдиқлаш учун Вазирлар Маҳкамасига киритсин;
2021 йил 1 январга қадар халқаро молия институтлари ва чет эл экспертларини жалб қилган ҳолда давлат иштирокидаги корхоналарнинг фаолияти натижалари тўғрисидаги йиғма ҳисобот шаклини ишлаб чиқсин ва тасдиқласин.
3. Белгилансинки:
давлат иштирокидаги корхоналар бизнес-режа кўрсаткичлари бажарилиши, ишлаб чиқариш қувватларидан фойдаланиш, солиқ ва давлат мақсадли жамғармаларига тўловлар, ташқи қарздорлик, маҳаллийлаштириш ва инвестиция лойиҳалари бажарилиши тўғрисидаги маълумотларни ҳар чорак якунлари бўйича ҳисобот даврининг кейинги ойи давомида, йил якунлари бўйича кейинги молия йилининг 25 февралига қадар электрон рақамли имзо билан тасдиқлаган ҳолда Агентликнинг махсус ахборот тизимида жойлаштириб боради;
давлат номидан мулкдор (муассис, акциядор, иштирокчи) функцияларини бажарувчи вазирликлар ва идоралар, шунингдек, давлат иштирокидаги корхоналарнинг раҳбарлари тегишли расмий веб-сайтларда жойлаштирилиши белгиланган маълумотларнинг тўлиқ ва тўғри жойлаштирилиши учун шахсан масъул ҳисобланади;
давлат иштирокидаги корхоналар томонидан улар фаолияти тўғрисидаги маълумот ва тегишли ҳужжатлар «Давлат мулки» ахборот тизимига электрон рақамли имзо билан тасдиқлаш орқали тақдим этилиши мумкин.
4. Давлат иштирокидаги хўжалик жамиятларининг фаолияти тўғрисидаги маълумотларни ошкор этиш ушбу қарорнинг иловасида кўрсатилган схемага мувофиқ амалга оширилади.
6. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — Ўзбекистон Республикаси иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси Давлат активларини бошқариш агентлиги директори С.Х. Бекенов зиммасига юклансин.
Вазирлар Маҳкамасининг 2020 йил 30 октябрдаги 674-сон қарорига ИЛОВА
Давлат иштирокидаги хўжалик жамиятларининг фаолияти тўғрисидаги маълумотларни ошкор этиш
Босқичлар Субъектлар Тадбирлар Бажариш муддатлари 1-босқич Давлат иштирокидаги корхоналар Расмий веб-сайтларда бизнес-режа кўрсаткичлари бажарилиши, ишлаб чиқариш қувватларидан фойдаланиш, солиқ ва давлат мақсадли жамғармаларига тўловлар, ташқи қарздорлик, маҳаллийлаштириш ва инвестиция лойиҳалари бажарилиши тўғрисидаги маълумотларни жойлаштириш. Ҳар чорак якунлари бўйича ҳисобот даврининг кейинги ойи давомида, йил якунлари бўйича кейинги молия йилининг 25 февралига қадар 2-босқич Мулкдор (муассис, акциядор, иштирокчи) функцияларини бажарувчи вазирликлар ва идоралар Давлат иштирокидаги корхоналарнинг устав капитали, давлат улуши, ҳар чорак ва йил якунлари бўйича бухгалтерия баланси ва молиявий натижалари, ишлаб чиқариш кўрсаткичлари, иш ўринлари сони, бошқарув ва назорат органлари таркиби тўғрисидаги маълумотларни расмий веб-сайтларида ҳамда Давлат активларини бошқариш агентлигининг махсус ахборот тизимида жойлаштириш. Ҳар чорак якунлари бўйича ҳисобот даврининг кейинги ойи давомида, йил якунлари бўйича кейинги молия йилининг 25 февралига қадар 3-босқич Давлат активларини бошқариш агентлиги Давлат номидан мулкдор (муассис, акциядор, иштирокчи) функцияларини бажарувчи вазирликлар ва идоралар ҳамда давлат иштирокидаги корхоналар томонидан тақдим этилган маълумотларни «Давлат мулки» ахборот тизимида жойлаштириш. Ҳар чорак якунлари бўйича ҳисобот даврининг кейинги ойи давомида, йил якунлари бўйича кейинги молия йилининг 25 февралига қадар
Ўзбекистон Республикасининг Бош вазири А. АРИПОВ
Тошкент ш.,
2020 йил 30 октябрь,
674-сон
Oʻzbekiston Respublikasi Vazirlar Mahkamasining
qarori
SXEMASI
Davlat ishtirokidagi xoʻjalik jamiyatlari toʻgʻrisidagi maʼlumotlarni oshkor etish tizimini takomillashtirish chora-tadbirlari toʻgʻrisida
Davlat ishtirokidagi xoʻjalik jamiyatlari faoliyatining ochiqligi va shaffofligini taʼminlash, mulkdor (muassis, aksiyador, ishtirokchi) funksiyalarini amalga oshiruvchi vazirliklar va idoralarning masʼuliyatini yanada oshirish maqsadida Vazirlar Mahkamasi qaror qiladi:
1. Oʻzbekiston Respublikasi Davlat aktivlarini boshqarish agentligi (keyingi oʻrinlarda — Agentlik), Axborot texnologiyalari va kommunikatsiyalarini rivojlantirish vazirligi hamda Iqtisodiy taraqqiyot va kambagʻallikni qisqartirish vazirligining:
vazirliklar va idoralarning rasmiy veb-saytlarida mulkdor (muassis, aksiyador, ishtirokchi) funksiyalari amalga oshirilayotgan davlat ulushi miqdori 50 foizdan ortiq boʻlgan xoʻjalik jamiyatlari yoxud ustav fondidagi (ustav kapitalidagi) davlat ulushi miqdori xoʻjalik jamiyatining boshqa har bir aksiyadori (ishtirokchisi) ulushiga nisbatan koʻp boʻlgan xoʻjalik jamiyatlarining (keyingi oʻrinlarda — davlat ishtirokidagi korxonalar) ustav fondi (ustav kapitali), davlat ulushi, har chorak va yil yakunlari boʻyicha buxgalteriya balansi va moliyaviy natijalari, ishlab chiqarish koʻrsatkichlari, ish oʻrinlari soni, korxonalar boshqaruv va nazorat organlari tarkibi toʻgʻrisidagi maʼlumotlarni (cheklangan holda tarqatiladigan va tijorat siri mavjud boʻlgan maʼlumotlar bundan mustasno) (keyingi oʻrinlarda — asosiy maʼlumotlar) joylashtirish;
2021-yil 1-yanvardan boshlab davlat ishtirokidagi korxonalarning rasmiy veb-sayti boʻlishi, unda iqtisodiy, moliyaviy va boshqa statistik maʼlumotlarning, shu jumladan, har chorakda yillik biznes-rejaning (loyihalarning texnik-iqtisodiy asoslari bajarilishi va maqsadlarga erishish inobatga olingan holda) bajarilishi va rivojlanish strategiyalarida nazarda tutilgan dasturlarning natijalari toʻgʻrisidagi hisobotni joylashtirish takliflari maʼqullansin.
2. Agentlik:
bir oy muddatda “Davlat mulki” axborot tizimiga davlat ishtirokidagi korxonalar toʻgʻrisidagi maʼlumotlar va hujjatlarni elektron raqamli imzo bilan tasdiqlash orqali taqdim etish imkoniyatini joriy etsin;
ikki oy muddatda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Kapital bozorini rivojlantirish agentligi hamda boshqa manfaatdor vazirliklar va idoralar bilan birgalikda Davlat ishtirokidagi korxonalarning rasmiy veb-saytlariga qoʻyiladigan talablar toʻgʻrisidagi nizomni ishlab chiqsin va tasdiqlash uchun Vazirlar Mahkamasiga kiritsin;
2021-yil 1-yanvarga qadar xalqaro moliya institutlari va chet el ekspertlarini jalb qilgan holda davlat ishtirokidagi korxonalarning faoliyati natijalari toʻgʻrisidagi yigʻma hisobot shaklini ishlab chiqsin va tasdiqlasin.
3. Belgilansinki:
davlat ishtirokidagi korxonalar biznes-reja koʻrsatkichlari bajarilishi, ishlab chiqarish quvvatlaridan foydalanish, soliq va davlat maqsadli jamgʻarmalariga toʻlovlar, tashqi qarzdorlik, mahalliylashtirish va investitsiya loyihalari bajarilishi toʻgʻrisidagi maʼlumotlarni har chorak yakunlari boʻyicha hisobot davrining keyingi oyi davomida, yil yakunlari boʻyicha keyingi moliya yilining 25-fevraliga qadar elektron raqamli imzo bilan tasdiqlagan holda Agentlikning maxsus axborot tizimida joylashtirib boradi;
davlat nomidan mulkdor (muassis, aksiyador, ishtirokchi) funksiyalarini bajaruvchi vazirliklar va idoralar, shuningdek, davlat ishtirokidagi korxonalarning rahbarlari tegishli rasmiy veb-saytlarda joylashtirilishi belgilangan maʼlumotlarning toʻliq va toʻgʻri joylashtirilishi uchun shaxsan masʼul hisoblanadi;
davlat ishtirokidagi korxonalar tomonidan ular faoliyati toʻgʻrisidagi maʼlumot va tegishli hujjatlar “Davlat mulki” axborot tizimiga elektron raqamli imzo bilan tasdiqlash orqali taqdim etilishi mumkin.
4. Davlat ishtirokidagi xoʻjalik jamiyatlarining faoliyati toʻgʻrisidagi maʼlumotlarni oshkor etish ushbu qarorning ilovasida koʻrsatilgan sxemaga muvofiq amalga oshiriladi.
6. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — Oʻzbekiston Respublikasi iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi Davlat aktivlarini boshqarish agentligi direktori S.X. Bekenov zimmasiga yuklansin.
Vazirlar Mahkamasining 2020-yil 30-oktabrdagi 674-son qaroriga ILOVA
Davlat ishtirokidagi xoʻjalik jamiyatlarining faoliyati toʻgʻrisidagi maʼlumotlarni oshkor etish
Bosqichlar Subyektlar Tadbirlar Bajarish muddatlari 1-bosqich Davlat ishtirokidagi korxonalar Rasmiy veb-saytlarda biznes-reja koʻrsatkichlari bajarilishi, ishlab chiqarish quvvatlaridan foydalanish, soliq va davlat maqsadli jamgʻarmalariga toʻlovlar, tashqi qarzdorlik, mahalliylashtirish va investitsiya loyihalari bajarilishi toʻgʻrisidagi maʼlumotlarni joylashtirish. Har chorak yakunlari boʻyicha hisobot davrining keyingi oyi davomida, yil yakunlari boʻyicha keyingi moliya yilining 25-fevraliga qadar 2-bosqich Mulkdor (muassis, aksiyador, ishtirokchi) funksiyalarini bajaruvchi vazirliklar va idoralar Davlat ishtirokidagi korxonalarning ustav kapitali, davlat ulushi, har chorak va yil yakunlari boʻyicha buxgalteriya balansi va moliyaviy natijalari, ishlab chiqarish koʻrsatkichlari, ish oʻrinlari soni, boshqaruv va nazorat organlari tarkibi toʻgʻrisidagi maʼlumotlarni rasmiy veb-saytlarida hamda Davlat aktivlarini boshqarish agentligining maxsus axborot tizimida joylashtirish. Har chorak yakunlari boʻyicha hisobot davrining keyingi oyi davomida, yil yakunlari boʻyicha keyingi moliya yilining 25-fevraliga qadar 3-bosqich Davlat aktivlarini boshqarish agentligi Davlat nomidan mulkdor (muassis, aksiyador, ishtirokchi) funksiyalarini bajaruvchi vazirliklar va idoralar hamda davlat ishtirokidagi korxonalar tomonidan taqdim etilgan maʼlumotlarni “Davlat mulki” axborot tizimida joylashtirish. Har chorak yakunlari boʻyicha hisobot davrining keyingi oyi davomida, yil yakunlari boʻyicha keyingi moliya yilining 25-fevraliga qadar
Oʻzbekiston Respublikasining Bosh vaziri A. ARIPOV
Toshkent sh.,
2020-yil 30-oktabr,
674-son