UzbekAI

Ўзбекистон Республикаси Конституциявий судининг

қарори

Ўзбекистон Республикаси Конституциявий судининг 2020 йил 9 июлда қабул қилинган «Ўзбекистон Республикасининг Конституциявий суди тўғрисида»ги Ўзбекистон Республикаси Конституциявий қонунига ўзгартиш ва қўшимчалар киритиш ҳақида»ги Ўзбекистон Республикаси Конституциявий қонуни лойиҳасини Ўзбекистон Республикаси Олий Мажлиси Қонунчилик палатасига киритиш ҳақида»ги қарорига ўзгартиш киритиш тўғрисида

Ўзбекистон Республикаси Конституциявий суди раис Б. Мирбобоев, судьялар А. Гафуров, Ф. Каюмов, С. Кошаева, Б. Миралимов, Г. Пиржанов ва К. Улжаевдан иборат таркибда, 2020 йил 9 июлдаги «Ўзбекистон Республикасининг Конституциявий суди тўғрисида»ги Ўзбекистон Республикаси Конституциявий қонунига ўзгартиш ва қўшимчалар киритиш ҳақида»ги Ўзбекистон Республикаси Конституциявий қонуни лойиҳасини Ўзбекистон Республикаси Олий Мажлиси Қонунчилик палатасига киритиш ҳақида»ги Конституциявий суд қарорига ўзгартиш киритиш тўғрисидаги масалани кўриб чиқди.

Конституциявий суд мазкур масала юзасидан қуйидагиларни

аниқлади:

2020 йил 10 августда қабул қилинган «Қонун ижодкорлиги ҳамда парламент назорати жараёнлари янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Ўзбекистон Республикаси Қонунига мувофиқ «Қонун лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида»ги Қонуннинг 5 ва 26-моддаларига ўзгартишлар ва қўшимча киритилган.

Мазкур Қонуннинг 5-моддасига мувофиқ, Қорақалпоғистон Республикаси Жўқорғи Кенгеси, Ўзбекистон Республикаси Вазирлар Маҳкамаси, Ўзбекистон Республикаси Конституциявий суди, Ўзбекистон Республикаси Олий суди Қонунчилик палатасида ўзи киритган қонун лойиҳаси кўриб чиқилаётганда иштирок этиш учун, шу жумладан қонун лойиҳасини Қонунчилик палатаси мажлисида биринчи ўқишда кўриб чиқиш чоғида, қоида тариқасида, маъруза билан сўзга чиқиш учун ўз вакилини тайинлайди.

Шунингдек, Қонун 26-моддасининг тўртинчи қисмига кўра, қонун лойиҳасини Қонунчилик палатасига киритиш тўғрисидаги қарорда қонунчилик ташаббуси ҳуқуқи субъектининг вакили кўрсатилади, у қонун лойиҳасини Қонунчилик палатасида кўриб чиқиш чоғида иштирок этади. Қарорда қонунчилик ташаббуси ҳуқуқи субъектининг қонун лойиҳасини биринчи ўқишда кўриб чиқиш чоғида маъруза билан сўзга чиқадиган вакили ҳам кўрсатилади (бундан қонунчилик ташаббуси ҳуқуқи субъекти шахсан сўзга чиқадиган ҳоллар мустасно).

Шуларга кўра, Ўзбекистон Республикаси Конституциявий судининг 2020 йил 9 июлда қабул қилинган «Ўзбекистон Республикасининг Конституциявий суди тўғрисида»ги Ўзбекистон Республикаси Конституциявий қонунига ўзгартиш ва қўшимчалар киритиш ҳақида»ги Ўзбекистон Республикаси Конституциявий қонуни лойиҳасини Ўзбекистон Республикаси Олий Мажлиси Қонунчилик палатасига киритиш ҳақида»ги қарорининг 2-бандига тегишли ўзгартиш киритиб, унда қонун лойиҳасини Ўзбекистон Республикаси Олий Мажлиси Қонунчилик палатасида кўриб чиқиш чоғида иштирок этиш учун Конституциявий суднинг вакилини ҳамда уни биринчи ўқишда кўриб чиқиш чоғида маъруза билан сўзга чиқадиган вакилни белгилаш лозим.

Юқорида баён қилинганлардан келиб чиқиб, Конституциявий суд

ҚАРОР ҚИЛДИ:

Ўзбекистон Республикаси Конституциявий судининг 2020 йил 9 июлда қабул қилинган «Ўзбекистон Республикасининг Конституциявий суди тўғрисида»ги Ўзбекистон Республикаси Конституциявий қонунига ўзгартиш ва қўшимчалар киритиш ҳақида»ги Ўзбекистон Республикаси Конституциявий қонуни лойиҳасини Ўзбекистон Республикаси Олий Мажлиси Қонунчилик палатасига киритиш ҳақида»ги қарорининг 2-банди қуйидаги таҳрирда баён қилинсин:

«2. Ушбу қонун лойиҳасини Ўзбекистон Республикаси Олий Мажлиси Қонунчилик палатасида кўриб чиқиш чоғида иштирок этиш учун Конституциявий суднинг вакили этиб судья С. Кошаева, уни биринчи ўқишда кўриб чиқиш чоғида маъруза билан сўзга чиқадиган вакил этиб Конституциявий суд раисининг ўринбосари А. Гафуров белгилансин».

Раис Б. МИРБОБОЕВ

Судьялар А. ГАФУРОВ

Ф. КАЮМОВ

С. КОШАЕВА

Б. МИРАЛИМОВ

Г. ПИРЖАНОВ

К. УЛЖАЕВ

Тошкент ш.,

2020 йил 3 сентябрь

lex.uz

Oʻzbekiston Respublikasi Konstitutsiyaviy sudining

qarori

Oʻzbekiston Respublikasi Konstitutsiyaviy sudining 2020-yil 9-iyulda qabul qilingan “Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy qonuniga oʻzgartish va qoʻshimchalar kiritish haqida”gi Oʻzbekiston Respublikasi Konstitutsiyaviy qonuni loyihasini Oʻzbekiston Respublikasi Oliy Majlisi Qonunchilik palatasiga kiritish haqida”gi qaroriga oʻzgartish kiritish toʻgʻrisida

Oʻzbekiston Respublikasi Konstitutsiyaviy sudi rais B. Mirboboyev, sudyalar A. Gafurov, F. Kayumov, S. Koshayeva, B. Miralimov, G. Pirjanov va K. Uljayevdan iborat tarkibda, 2020-yil 9-iyuldagi “Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy qonuniga oʻzgartish va qoʻshimchalar kiritish haqida”gi Oʻzbekiston Respublikasi Konstitutsiyaviy qonuni loyihasini Oʻzbekiston Respublikasi Oliy Majlisi Qonunchilik palatasiga kiritish haqida”gi Konstitutsiyaviy sud qaroriga oʻzgartish kiritish toʻgʻrisidagi masalani koʻrib chiqdi.

Konstitutsiyaviy sud mazkur masala yuzasidan quyidagilarni

aniqladi:

2020-yil 10-avgustda qabul qilingan “Qonun ijodkorligi hamda parlament nazorati jarayonlari yanada takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Qonuniga muvofiq “Qonun loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi Qonunning 5 va 26-moddalariga oʻzgartishlar va qoʻshimcha kiritilgan.

Mazkur Qonunning 5-moddasiga muvofiq, Qoraqalpogʻiston Respublikasi Joʻqorgʻi Kengesi, Oʻzbekiston Respublikasi Vazirlar Mahkamasi, Oʻzbekiston Respublikasi Konstitutsiyaviy sudi, Oʻzbekiston Respublikasi Oliy sudi Qonunchilik palatasida oʻzi kiritgan qonun loyihasi koʻrib chiqilayotganda ishtirok etish uchun, shu jumladan qonun loyihasini Qonunchilik palatasi majlisida birinchi oʻqishda koʻrib chiqish chogʻida, qoida tariqasida, maʼruza bilan soʻzga chiqish uchun oʻz vakilini tayinlaydi.

Shuningdek, Qonun 26-moddasining toʻrtinchi qismiga koʻra, qonun loyihasini Qonunchilik palatasiga kiritish toʻgʻrisidagi qarorda qonunchilik tashabbusi huquqi subyektining vakili koʻrsatiladi, u qonun loyihasini Qonunchilik palatasida koʻrib chiqish chogʻida ishtirok etadi. Qarorda qonunchilik tashabbusi huquqi subyektining qonun loyihasini birinchi oʻqishda koʻrib chiqish chogʻida maʼruza bilan soʻzga chiqadigan vakili ham koʻrsatiladi (bundan qonunchilik tashabbusi huquqi subyekti shaxsan soʻzga chiqadigan hollar mustasno).

Shularga koʻra, Oʻzbekiston Respublikasi Konstitutsiyaviy sudining 2020-yil 9-iyulda qabul qilingan “Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy qonuniga oʻzgartish va qoʻshimchalar kiritish haqida”gi Oʻzbekiston Respublikasi Konstitutsiyaviy qonuni loyihasini Oʻzbekiston Respublikasi Oliy Majlisi Qonunchilik palatasiga kiritish haqida”gi qarorining 2-bandiga tegishli oʻzgartish kiritib, unda qonun loyihasini Oʻzbekiston Respublikasi Oliy Majlisi Qonunchilik palatasida koʻrib chiqish chogʻida ishtirok etish uchun Konstitutsiyaviy sudning vakilini hamda uni birinchi oʻqishda koʻrib chiqish chogʻida maʼruza bilan soʻzga chiqadigan vakilni belgilash lozim.

Yuqorida bayon qilinganlardan kelib chiqib, Konstitutsiyaviy sud

QAROR QILDI:

Oʻzbekiston Respublikasi Konstitutsiyaviy sudining 2020-yil 9-iyulda qabul qilingan “Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy qonuniga oʻzgartish va qoʻshimchalar kiritish haqida”gi Oʻzbekiston Respublikasi Konstitutsiyaviy qonuni loyihasini Oʻzbekiston Respublikasi Oliy Majlisi Qonunchilik palatasiga kiritish haqida”gi qarorining 2-bandi quyidagi tahrirda bayon qilinsin:

“2. Ushbu qonun loyihasini Oʻzbekiston Respublikasi Oliy Majlisi Qonunchilik palatasida koʻrib chiqish chogʻida ishtirok etish uchun Konstitutsiyaviy sudning vakili etib sudya S. Koshayeva, uni birinchi oʻqishda koʻrib chiqish chogʻida maʼruza bilan soʻzga chiqadigan vakil etib Konstitutsiyaviy sud raisining oʻrinbosari A. Gafurov belgilansin”.

Rais B. MIRBOBOYEV

Sudyalar A. GAFUROV

F. KAYuMOV

S. KOShAYEVA

B. MIRALIMOV

G. PIRJANOV

K. ULJAYEV

Toshkent sh.,

2020-yil 3-sentabr

lex.uz