UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

ТАРТИБИ

ТАРТИБИ

ТАРТИБИ

МАЪМУРИЙ РЕГЛАМЕНТИ

СХЕМАСИ

РЎЙХАТИ

Ўзбекистон Республикаси Адлия вазирлиги юридик техникумлари фаолиятини такомиллаштиришга доир қўшимча чора-тадбирлар тўғрисида

Ўзбекистон Республикаси Президентининг «Ўзбекистон Республикасида юридик таълим ва фанни тубдан такомиллаштириш бўйича қўшимча чора-тадбирлар тўғрисида» 2020 йил 29 апрелдаги ПФ-5987-сон Фармони ижросини таъминлаш, шунингдек, касб-ҳунар маълумотига эга малакали мутахассислар, рақобатбардош юридик кадрлар тайёрлаш жараёнини янада такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Ўзбекистон Республикасида юридик таълим ва фанни тубдан такомиллаштириш бўйича қўшимча чора-тадбирлар тўғрисида» 2020 йил 29 апрелдаги ПФ-5987-сон Фармони билан Ўзбекистон Республикаси Адлия вазирлиги юридик техникумлари (кейинги ўринларда — юридик техникум) фаолияти янада такомиллаштирилганлиги, шу жумладан, мазкур Фармоннинг:

а) 3-бандига мувофиқ юридик кадрларни тайёрлашга буюртма шакллантириш тартиби жорий этилганлиги;

б) 15-бандига мувофиқ 2020/2021 ўқув йилидан бошлаб юридик техникумларда Ўзбекистон Республикаси фуқароларини қабул қилиш Вазирлар Маҳкамаси ҳузуридаги Давлат тест маркази (кейинги ўринларда — Давлат тест маркази) томонидан ўтказиладиган тест синовлари орқали амалга оширилиб, табақалаштирилган тўлов-контракт асосида қўшимча қабул тартиби жорий этилиши;

в) 17-бандига мувофиқ Ўзбекистон Республикаси Адлия вазирлигига юридик техникумлар тузилмасини ишлаб чиқиш ва тасдиқлаш, юридик техникумларга тўлов-контракт бўйича қўшимча қабул параметрлари ва ўқиш қийматини тасдиқлаш, юридик техникумларда ўқиш муддатлари ва шаклини белгилаш ҳамда уларнинг ходимлари иш ҳақи тизими ва тартибини белгилаш ваколатлари берилганлиги маълумот учун қабул қилинсин.

2. Қуйидагилар:

Ўзбекистон Республикаси Адлия вазирлигининг юридик техникумларига ўқишга қабул қилиш тартиби тўғрисида низом 1-иловага ;

Ўзбекистон Республикаси Адлия вазирлигининг юридик техникумларига ўқишга ҳужжатларни қабул қилиш бўйича давлат хизматларини кўрсатишнинг маъмурий регламенти 2-иловага мувофиқ тасдиқлансин.

3. Белгилансинки:

2021/2022 ўқув йилидан бошлаб юридик техникумларга ҳужжатларни қабул қилиш давлат хизматлари марказлари, Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ёки Давлат тест марказининг расмий веб-сайти орқали амалга оширилади;

Тошкент давлат юридик университети (кейинги ўринларда — ТДЮУ) ҳузуридаги академик лицейни тамомлаган ўзлаштириш кўрсаткичларининг 56 ва ундан юқори фоизлик натижаларига эга битирувчилар ҳамда республика олий таълим муассасаларида «юриспруденция» таълим йўналиши бўйича тест синовларида иштирок этиб, бироқ юридик техникумлардаги тест синовларидаги ўтиш балини тўплаган, ўқишга тавсия этилмаган абитуриентлар юридик техникумларга кириш имтиҳонларисиз, тўлов-контракт асосида қабул параметрларидан ташқари қабул қилинади;

юридик техникумларда ўқув юкламаси ҳажми Ўзбекистон Республикаси Адлия вазирлиги томонидан белгиланади;

юридик техникумларда педагог ходимларнинг шахсий иш режасидаги тадбирлар рўйхати ва уларнинг минимал соатлари ТДЮУ томонидан тасдиқланади;

юридик техникумлар педагог ва раҳбар ходимларининг хорижий давлатлар таълим муассасаларида стажировка ўташлари улар томонидан қонунчилик ҳужжатларига мувофиқ малакасини оширишга тенглаштирилади;

юридик техникумларда асосий иш жойи бўйича фаолият юритаётган педагог ходимлар белгиланган тартибда юридик техникумларнинг штат лавозимини эгаллайди ва штатларида акс эттирилади;

Вазирлар Маҳкамасининг 2001 йил 26 июлдаги 318-сон қарори билан тасдиқланган Олий ўқув юртларида тўлов-контракт асосида ўқиш учун таълим кредитлари бериш тўғрисидаги низомнинг амал қилиши, кредитларни бакалавриат талабалари учун белгиланган шартларда ажратиш орқали, юридик техникум ўқувчиларига нисбатан ҳам татбиқ этилади.

ТДЮУга Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармаларининг йўлланмалари ҳамда ТДЮУ ҳузуридаги академик лицей тавсияномалари асосида кириш тест синовларисиз якка тартибдаги суҳбат натижаларига кўра ўқишга кирган юридик техникумлар ва академик лицейнинг битирувчиларига (абитуриентларга) уларнинг тўлов-контракт асосида ўқиш харажатларини қоплаш учун Ўзбекистон Республикаси Адлия вазирлиги томонидан белгиланган тартибда Адлия вазирлигининг бюджетдан ташқари ва ТДЮУнинг бюджетдан ташқари (тўлов-контракт, шу жумладан табақалаштирилган тўлов-контракт) маблағлари ҳисобидан грантлар ажратилиши мумкин.

4. Белгилаб қўйилсинки:

а) қўшма таълим дастурлари ва қўшма факультетлар ҳамда хорижий ҳамкорлар билан биргаликда ташкил этиладиган олий таълим тизими билан интеграциялашган таълим дастурларига абитуриентларни қабул қилиш ҳамда битирувчиларини аттестациядан ўтказиш тартиби ва қоидалари ТДЮУ томонидан хорижий ҳамкорлар билан келишилган ҳолда белгиланади;

б) қўшма таълим дастурлари ва қўшма факультетлар ҳамда хорижий ҳамкорлар билан биргаликда ташкил этиладиган олий таълим тизими билан интеграциялашган таълим дастурларидаги ўқув жараёни тўлов-контракт асосида хорижий ҳамкорларнинг талабларини ҳисобга олган ҳолда, ТДЮУ томонидан тасдиқланган таълим шакли, ўқув режа ва ўқув дастурлари бўйича амалга оширилади;

в) қўшма таълим дастурлари ва қўшма факультетлар ҳамда хорижий ҳамкорлар билан биргаликда ташкил этиладиган олий таълим тизими билан интеграциялашган таълим дастурларида ўқитишнинг тўлов-контракт миқдори ТДЮУ томонидан Ўзбекистон Республикаси Адлия вазирлиги ва хорижий ҳамкорлар билан келишилган ҳолда белгиланади;

г) юридик техникум директорларига бюджетдан ташқари (тўлов-контракт, шу жумладан, табақалаштирилган тўлов-контракт асосида ўқитишдан тушган) маблағлар ҳисобидан мустақил равишда:

хорижий мутахассисларни фуқаролик-ҳуқуқий шартнома асосида консультант, маърузачи ва ўқитувчи сифатида, хусусан онлайн режимда дарс ўтиш учун жалб этиб, уларга иш ҳақи ва бошқа тўловларни белгилаш;

юридик техникум ходимларини хорижий таълим муассасалари, илмий ва бошқа ташкилотларда стажировка ўташ ҳамда малака оширишга юбориш ҳуқуқи берилади;

д) ТДЮУ ва юридик техникумларда автотранспорт воситаларининг йўл босиш йиллик лимити, нормативлари ва уларга хизмат кўрсатиш талаблари тегишлича ТДЮУ ва юридик техникумлар томонидан мустақил белгиланади.

5. Ўзбекистон Республикаси Адлия вазирлиги:

а) бир ой муддатда:

юридик техникумлар уставлари ишлаб чиқилиши ва тасдиқланишини, шунингдек, уларнинг белгиланган тартибда давлат рўйхатидан ўтказилишини;

юридик техникумларнинг штат жадваллари ва харажатлар сметалари;

таълим беришнинг кредит-модуль тизими шароитида педагог ходимларнинг таркиби меҳнатини меъёрлаштириш, иш вақтини фақат ўқув тадбирларига асосланган ҳолда амалга ошириш, шунингдек педагог ходимлар томонидан ўқув-методик, ташкилий-методик, маънавий-ахлоқий ва тарбиявий ишларни бажаришни рағбатлантиришни назарда тутувчи педагог ходимларнинг шахсий иш режасидаги тадбирлар рўйхати ва уларнинг минимал соатларини (сарфланадиган вақт меъёрларини) ТЮДУ томонидан тасдиқланишини;

юридик техникумларда бир ўқитувчига тўғри келадиган ўқувчилар сони нисбати нормативлари ва юридик техникумларда ўқув юклама ҳажми, шунингдек ТЮДУ томонидан юридик техникумларда педагог ходимларнинг шахсий иш режасидаги тадбирлар рўйхати ва уларнинг минимал соатларини тасдиқланишини;

б) уч ой муддатда юридик техникумларда ўқув жараёнини кредит-модуль тизимини қўллаган ҳолда ташкил этиш бўйича қарор лойиҳаси ишлаб чиқилиб, Вазирлар Маҳкамасига киритилишини таъминласин.

6. Ўзбекистон Республикаси Ахборот технологиялари ва коммуникацияларини ривожлантириш вазирлиги Адлия вазирлиги ҳузуридаги Давлат хизматлари агентлиги билан биргаликда 2021 йил 1 майга қадар юридик техникумларга ўқишга кириш учун ҳужжатларни ЯИДХП орқали қабул қилиш бўйича давлат хизматлари жорий этилишини таъминласин.

7. Юридик техникумларда ўқув-методик жараённи сифатли мувофиқлаштиришни таъминлаш, уларга амалий ва ахборот-ресурс жиҳатдан кўмаклашиш мақсадида ТДЮУга 1 та микроавтобус ва 2 та навбатчи хизмат енгил автотранспорт воситасини сақлаш учун лимит ажратилсин. Бунда, автотранспорт воситаларини сотиб олиш ва сақлаш билан боғлиқ харажатлар ТДЮУнинг бюджетдан ташқари маблағлари ҳисобидан амалга оширилади.

8. Ўзбекистон Республикаси Ҳукуматининг айрим қарорларига 3-иловага мувофиқ ўзгартириш ва қўшимчалар киритилсин.

9. Ўзбекистон Республикаси Адлия вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

10. Мазкур қарорнинг бажарилишини назорат қилиш Ўзбекистон Республикаси адлия вазири Р.К. Давлетов зиммасига юклансин.

Вазирлар Маҳкамасининг 2020 йил 30 октябрдаги 677-сон қарорига 1-ИЛОВА

Ўзбекистон Республикаси Адлия вазирлигининг юридик техникумларига ўқишга қабул қилиш тартиби тўғрисида

1-боб. Умумий қоидалар

1. Мазкур Низом Ўзбекистон Республикаси Адлия вазирлигининг юридик техникумларига (кейинги ўринларда — юридик техникумлар) кундузги, сиртқи, масофавий ва кечки таълим шакллари бўйича ўқишга қабул қилиш тартибини белгилайди.

2. Ўзбекистон Республикаси фуқароларини юридик техникумларга ўқишга қабул қилиш:

Ўзбекистон Республикаси таълим муассасаларига қабул қилиш бўйича давлат комиссияси (кейинги ўринларда — Давлат комиссияси) қарори билан тасдиқланган давлат буюртмаси (давлат гранти) параметрларига;

Ўзбекистон Республикаси Адлия вазирлиги (кейинги ўринларда — Адлия вазирлиги) томонидан тасдиқланадиган тўлов-контракт асосида қабул параметрларига мувофиқ кириш синовлари натижаларига кўра тўпланган балларнинг рейтинг тизими бўйича амалга оширилади.

3. Кириш синовларида энг юқори балл тўплаган абитуриентларнинг давлат грантлари бўйича биринчи навбатда қабул қилиниш ҳуқуқи таъминланади. Кейинги ўринлардаги абитуриентлар тўплаган рейтинг баллари асосида белгиланган тўлов-контракт параметрлари доирасида ўқишга қабул қилинади.

4. Ижтимоий реестрга киритилган оилалар аъзоларининг кириш синовларидан муваффақиятли ўтган фарзандлари, Меҳрибонлик уйи, Болалар шаҳарчаси ва Оилавий болалар уйининг битирувчилари, I гуруҳ ногиронлиги бўлган шахслар ҳамда ногиронлиги бўлган болалар тоифасидаги абитуриентлар қўшимча қабул параметрлари асосида қонунчилик ҳужжатларига мувофиқ давлат гранти асосида ўқишга қабул қилинади.

Ушбу тоифадаги абитуриентлар учун қўшимча қабул параметрлари юридик техникумлар учун ажратилган умумий қабул параметрлари (давлат гратни ва тўлов-контракт асосида)нинг 2 фоизи доирасида Давлат комиссияси томонидан тасдиқланади.

5. Тошкент давлат юридик университети (кейинги ўринларда — ТДЮУ) ҳузуридаги академик лицейни тамомлаган ўзлаштириш кўрсаткичларининг 56 ва ундан юқори фоизлик натижаларига эга битирувчилар ва жорий йилда юридик кадрлар тайёрловчи олий таълим муассасаларига ўқишга кириш учун республика олий таълим муассасаларининг «юриспруденция» таълим йўналиши бўйича тест синовларида иштирок этиб, ўқишга тавсия этилмаган, бироқ юридик техникумлардаги тегишли ўқув йилида тест синовларида ўтиш балини тўплаган ёки чет тилини билиш даражасини тасдиқловчи B2 ва ундан юқори даражадаги давлат малака сертификатига ёки халқаро сертификатларга эга абитуриентлар кириш имтиҳонларисиз юридик техникумларга қабул параметрларидан ташқари тўлов-контракт асосида қабул қилинади.

6. Юридик техникумларга кириш синовлари, қоида тариқасида, 25 — 30 август кунлари қуйидаги шаклда ўтказилади:

Ўзбекистон Республикаси фуқаролари учун — тест синовлари;

хорижий фуқаролар учун — оғзаки суҳбат;

кўзи ожизлар учун — танлов асосида.

Тест синовларини ўтказишнинг аниқ саналари Адлия вазирлиги томонидан Давлат тест маркази билан келишилган ҳолда белгиланади.

Зарур ҳолларда, Адлия вазирлиги томонидан Давлат тест маркази билан келишилган ҳолда мазкур банднинг биринчи хатбошисида белгиланган тест синовларини ўтказиш муддатига ўзгартириш киритилиши мумкин.

7. Юридик техникумларга қабул қилиш учун кириш синовлари ўқувчи таълим оладиган тилда топширилади. Бунда ўзбек гуруҳларига ҳужжат топширган абитуриентлар юридик техникумларга ҳужжатларни қабул қилиш ҳақидаги аризада акс эттирилган ўз ихтиёрига кўра танловдан ўзбек тилида лотин ёки кирилл алифбосида ўтиш ҳуқуқига эга.

Юридик техникумларда ўқитиш тили абитуриентлардан ҳужжатлар қабул қилинишига қадар Адлия вазирлиги томонидан белгиланади.

Кириш синовлари таълим шакли, мутахассислик ва касблар ҳамда ўқитиш тилларига кўра алоҳида ўтказилади.

8. Юридик техникумларга ўқишга қабул қилишни ташкил этиш, шу жумладан абитуриентларга маслаҳат хизматлари кўрсатиш тегишли ўқув йили учун Адлия вазирлиги томонидан ташкил этиладиган қабул комиссияси томонидан амалга оширилади.

9. Қабул комиссияси, қоида тариқасида, ҳар йили 15 мартдан кечикмай ташкил этилади. Қабул комиссияси раиси ва масъул котиби Ўзбекистон Республикаси адлия вазирининг буйруғи билан, қабул комиссиясининг қолган аъзолари эса — юридик техникум директорининг буйруғи билан тасдиқланади.

Юридик техникум директори лавозими бўйича қабул комиссияси раиси ҳисобланади. Қабул комиссиясининг жорий ишлари масъул котиб томонидан амалга оширилади.

10. Абитуриентларни юридик техникумларга ўқишга қабул қилишни ташкил этиш ушбу Низомнинг l-иловасига мувофиқ амалга оширилади.

2-боб. Ҳужжатларни қабул қилиш

11. Қабул комиссияси, қоида тариқасида, ҳужжатларни қабул қилиш бошланишидан бир ой олдин юридик техникумларга қабул қилиш муддатлари, мутахассислик ва касблар номлари ҳамда қабул параметрлари ҳақидаги ахборотни юридик техникум, шунингдек тегишли ҳудудий адлия органлари расмий веб-сайтларида эълон қилади.

12. Ўзбекистон Республикаси фуқаролари юридик техникумларга ўқишга кириш учун 1 августдан 20 августгача (шу куни ҳам) Ўзбекистон Республикаси Вазирлар Маҳкамаси томонидан тасдиқланган давлат хизматлари кўрсатишнинг маъмурий регламентига асосан давлат хизматлари марказлари, Ўзбекистон Республикаси Ягона интерактив давлат хизматлари портали ёки Ўзбекистон Республикаси Вазирлар Маҳкамаси ҳузуридаги Давлат тест марказининг (кейинги ўринларда — Давлат тест маркази) расмий веб-сайти орқали электрон шаклда тегишли ҳужжатларни топширади.

Бунда, Адлия вазирлиги тест синовларини ўтказиш муддатининг ўзгариши муносабати билан абитуриентлар электрон шаклда тегишли ҳужжатларни топшириш муддатларига ўзгартириш киритишга хақли.

13. Хорижий фуқаролар юридик техникумларга ўқишга кириш учун 15 мартдан 15 августгача (шу куни ҳам) Интернет жаҳон ахборот тармоғи орқали қабул комиссиясига юридик техникум директори номига ариза ҳамда қуйидаги ҳужжатларни электрон шаклда тақдим этган ҳолда рўйхатдан ўтади:

паспорт ёки унинг ўрнини босувчи ҳужжат;

ўрта ёки ўрта-махсус, профессионал маълумот тўғрисидаги ҳужжат.

Зарур ҳолларда, Адлия вазирлиги томонидан мазкур банднинг биринчи хатбошисида ҳужжатларни қабул қилиш муддатига ўзгартириш киритилиши мумкин.

14. Рўйхатдан ўтишнинг белгиланган муддати тугагандан сўнг уларга ўзгартириш ва қўшимчалар киритиш қатъиян тақиқланади.

15. Рўйхатга олинган абитуриентлар сони ҳақидаги кунлик маълумотлар мутахассислик ва касблар, таълим шакли ва тили кесимида қабул комиссияси томонидан юридик техникумнинг ҳамда Давлат тест маркази расмий веб-сайтига жойлаштириб борилади.

16. Абитуриент томонидан топширилган ҳужжатларнинг қалбакилиги ёки сохталиги аниқланса, у ҳолда абитуриент тест синовларидан (юридик техникумдан) четлаштирилади ҳамда ҳужжатлари белгиланган тартибда ҳуқуқни муҳофаза қилувчи органларга тегишли чоралар кўриш учун юборилади.

17. Абитуриент ўз рухсатномасини ҳужжатлар қабул қилиш тугаганидан кейин бир ҳафта мобайнида Давлат тест маркази расмий веб-сайтидан электрон шаклда олади.

3-боб. Кириш имтиҳонларини ўтказиш тартиби

18. Кириш имтиҳонлари ўтказилишига қадар қабул комиссияси томонидан маслаҳатлар ташкил этилиши мумкин. Маслаҳатлар жадвали қабул комиссияси томонидан ишлаб чиқилади ва юридик техникум директори томонидан тасдиқланади.

19. Тест синовлари Давлат тест маркази томонидан ўтказилади.

Тест синовлари учун саволлар умумий ўрта таълим (11-синф негизида), ўрта махсус, бошланғич профессионал таълим дастурлари умумтаълим фанларининг ўқув дастурларига мувофиқ Давлат тест маркази томонидан шакллантирилади.

20. Юридик техникумларга қабул қилиш учун тест синовларини ташкил этиш ва ўтказиш мазкур Низомга 2-иловада келтирилган тартибга мувофиқ амалга оширилади.

21. Тест синови топшириладиган фанлар мажмуаси, баҳолаш мезонлари, тест топшириқлари сони ТДЮУ бакалавриатига кириш учун белгиланган талабларга мувофиқ аниқланади.

22. Юридик техникумларга хорижий фуқароларни ва кўзи ожиз фуқароларни қабул қилиш тегишлича мазкур Низомга 3 ва 4-иловаларда келтирилган тартибга мувофиқ амалга оширилади.

23. Чет тилини билиш даражасини тасдиқловчи В1 ва ундан юқори даражадаги давлат малака сертификатига ёки халқаро сертификатларга эга абитуриентлар чет тили фани бўйича тест синовлари ўтказилган ҳолларда, ушбу фан бўйича тест синовини топширишдан озод қилинадилар ва уларга шу фан доирасида абитуриент олиши мумкин бўлган қуйидаги тартибда максимал балл қўшилади:

инглиз тили учун — миллий сертификат ёки International English Language Testing System (IELTS 5,0), Test af English as a Foreign Language (TOEFL IBT 86), Cambridge Assesstment English, PET Preliminary халқаро имтиҳон тизимлари бўйича тилни билиш даражалари B1 ва ундан юқори;

япон тили учун — миллий сертификат ёки Japanese Language Proficiency Test (JLPT № 3) халқаро имтиҳон тизими бўйича тилни билиш даражалари B1 ва ундан юқори;

немис тили учун — миллий сертификат ёки Goethe-Zertifikat, Deutsches Sprachdipom (DSD) халқаро имтиҳон тизимлари бўйича тилни билиш даражалари B1 ва ундан юқори;

француз тили учун — миллий сертификат ёки Diplome dʼEtudes en Language Francaise (DELF B1) халқаро имтиҳон тизими бўйича тилни билиш даражалари B1 ва ундан юқори.

24. Кириш имтиҳонлари бўйича Адлия вазирлиги томонидан белгиланган минимал ўтиш балидан кам баллни тўплаган, шунингдек, белгиланган вақтда имтиҳонларга етиб келмаган абитуриентлар юридик техникумларга қабул қилинмайди.

25. Абитуриентларнинг тўплаган баллари ҳақидаги маълумот тест синови ўтказилган куннинг эртасига Давлат тест марказининг расмий веб-сайтида эълон қилинади.

26. Тест синовларининг натижалари Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг қайдномасига киритилади.

Танлов ва суҳбат натижалари юридик техникумларнинг қайдномасига киритилади.

Қайдномада абитуриентлар рўйхати таълим шакли, ҳар бир мутахассислик ва касб бўйича тўпланган энг юқори баллдан бошлаб камайиб бориш тартибида жойлаштирилади.

Ижтимоий реестрга киритилган оилаларнинг фарзандлари, Меҳрибонлик уйи, Болалар шаҳарчаси ва Оилавий болалар уйининг битирувчилари, I гуруҳ ногиронлиги бўлган шахслар ҳамда ногиронлиги бўлган болалар тоифасидаги абитуриентларнинг тест синовлари натижалари қайдномалари алоҳида шакллантирилади.

27. Абитуриентнинг кириш имтиҳони натижаларига жиддий таъсир кўрсатиши мумкин бўлган тартибларнинг бузилиши аниқланганда, имтиҳон натижалари бекор қилинади, абитуриент ўқишга қабул қилинган бўлса, у юридик техникум ўқувчилари сафидан четлаштирилади.

28. Юридик техникумларга қабул қилиш учун кириш синовларини қайта ўтказиш тақиқланади.

29. Тест синовлари натижаси бўйича қайдномалар Давлат тест марказининг директори томонидан тасдиқланиб, танлов асосида ўқувчиликка тавсия этилгани ёки этилмаганлиги тўғрисидаги маълумот тўлиқ акс эттирилган ҳолда, Адлия вазирлигига тасдиқлаш учун тақдим этилади. Юридик техникумларнинг қайдномалари юридик техникум директори томонидан тасдиқланади.

Танлов юридик техникумлар томонидан ўтказилади ва танлов қайдномалари мазкур Низомнинг 26-банди асосида кириш имтиҳонлари тўлиқ якунлангандан кейин 3 кун муддатда абитуриентларни юридик техникумга қабул қилиш учун Адлия вазирлигига тақдим этилади.

Абитуриентларнинг танлов асосида ўқувчиликка тавсия этилгани ёки этилмаганлиги тўғрисидаги маълумот тест синовлари тўлиқ якунланиб, Адлия вазирлиги қарори қабул қилингандан сўнг эълон қилинади.

4-боб. Кириш имтиҳонлари натижаси бўйича берилган апелляцияларни кўриб чиқиш

30. Кириш имтиҳонлари натижалари юзасидан абитуриентларнинг шикоятларини кўриб чиқиш учун апелляция комиссиялари:

тест синовлари натижалари юзасидан — Адлия вазирлиги билан биргаликда Давлат тест маркази томонидан;

кўзи ожиз абитуриентлар учун танлов натижаларини кўриб чиқиш бўйича — юридик техникум директорининг буйруғи билан ташкил этилади.

31. Апелляция комиссияси таркибига тегишли фанлар бўйича экспертлар ҳамда Ўзбекистон кўзи ожизлар жамияти вакили (шикоят кўзи ожиз абитуриент томонидан берилганда) киритилади.

Зарур ҳолларда, апелляцияни кўриб чиқиш жараёнига тегишли масалалар бўйича Давлат тест маркази вакили, бино раҳбари ва гуруҳ назоратчилари жалб қилиниши мумкин.

32. Апелляция комиссияси аъзоларининг учдан икки қисми қатнашганда ваколатли ҳисобланади, умумий раҳбарликни раис амалга оширади, апелляция комиссияси баённомалари котиб томонидан расмийлаштирилади.

33. Кириш имтиҳонлари натижасидан норози бўлган абитуриент апелляция комиссиясига кириш имтиҳонлари натижаси эълон қилингандан бошлаб бир ҳафта муддатда ёзма тартибда апелляция шикояти бериш ҳуқуқига эга. Апелляция шикоятига абитуриент паспорти (ёки унинг ўрнини босувчи ҳужжат) ва рухсатномаси нусхалари (тест синовлари топширилганда) илова қилинади.

34. Апелляция комиссияси тақдим этилган апелляция шикоятини улар келиб тушган кундан бошлаб уч иш кунидан ошмаган муддатда кўриб чиқади. Апелляция шикояти кўриб чиқиладиган кун ҳақида абитуриентга хабарнома берилади.

35. Тест синовлари натижаси бўйича апелляция шикояти берилганда абитуриентнинг жавоблар варақаси, тест топшириқлари китоби Давлат тест марказига белгиланган тартибда етказилмаган, йиртилган бўлса, шунингдек тест синовларидан четлаштирилган бўлса апелляция шикояти кўриб чиқилмайди.

36. Апелляция берган абитуриент хабарномада белгиланган вақтда апелляция комиссиясига ўзининг паспорти (ёки унинг ўрнини босувчи ҳужжат) билан келиши шарт.

37. Апелляция шикояти кўрилаётган абитуриентга унинг жавоблар варақаси нусхаси (кўз ожизлар учун танлов материаллари), хато ва тўғри бажарилган тест топшириқлари тўғрисида маълумот ҳамда тест синовларида абитуриентга тақдим этилган тест топшириқлари китоби берилади.

Абитуриент ўзининг эътирозларини ёзиб, унга берилган тест материаллари билан бирга Апелляция комиссиясига топширади.

38. Апелляция шикояти апелляция комиссияси томонидан фақат абитуриент иштирокида, унинг ёзма жавоблари асосида кўриб чиқилади.

39. Апелляция комиссияси абитуриентнинг эътирозларини кўриб чиқиш натижасида қyйидаги мазмундаги қарорлардан бирини қабул қилади:

эътироз асоссиз бўлса, апелляцияни қаноатлантиришни рад этиш ва кириш синовлари натижаларини ўзгаришсиз қолдириш;

эътироз асосли бўлса, кириш синови натижаларига ўзгартириш киритиш бўйича Адлия вазирлигига таклиф киритиш.

40. Абитуриент Апелляция комиссиясининг апелляция шикоятини кўриб чиқиш натижалари бўйича қабул қилган қарори юзасидан қонунчилик ҳужжатларида белгиланган тартибда судга шикоят қилиши мумкин.

5-боб. Ўқишга қабул қилиш

41. Адлия вазирлигининг абитуриентларни юридик техникумларга ўқишга қабул қилиш тўғрисидаги қарори, қоида тариқасида, 2 сентябрдан кечикмасдан қабул қилинади.

42. Адлия вазирлигининг қарорига мувофиқ абитуриентларни давлат гранти асосида ўқишга қабул қилиш бўйича юридик техникум директори 5 иш куни ичида буйруқни расмийлаштиради.

43. Қабул Адлия вазирлиги томонидан:

а) қабул параметрлари доирасида давлат гранти ва тўлов-контракт асосида;

б) қабул параметрларидан ташқари амалга оширилади.

Бунда қабул параметрларидан ташқари:

давлат гранти асосида — Ижтимоий реестрга киритилган оилалар фарзандлари, Меҳрибонлик уйи, Болалар шаҳарчаси ва Оилавий болалар уйининг битирувчилари, I гуруҳ ногиронлиги бўлган шахслар ҳамда ногиронлиги бўлган болалар тоифасидаги абитуриентлар;

тўлов-контракт асосида — ТДЮУ ҳузуридаги академик лицейни тамомлаган ўзлаштириш кўрсаткичларининг 56 ва ундан юқори фоизлик натижаларига эга битирувчилар ва жорий йилда юридик кадрлар тайёрловчи олий таълим муассасаларига ўқишга кириш учун «юриспруденция» таълим йўналиши бўйича тест синовларида иштирок этиб, ўқишга тавсия этилмаган, бироқ юридик техникумлардаги тест синовларида ўтиш балини тўплаган ёки чет тилини билиш даражасини тасдиқловчи B2 ва ундан юқори даражадаги давлат малака сертификатига ёки халқаро сертификатларга эга абитуриентлар ҳамда хорижий фуқаролар қабул қилинади;

Адлия вазирлигининг қарори Ижтимоий реестрга киритилган оилалар фарзандлари, Меҳрибонлик уйи, Болалар шаҳарчаси ва Оилавий болалар уйининг битирувчилари, I гуруҳ ногиронлиги бўлган шахслар ҳамда ногиронлиги бўлган болалар тоифасидаги абитуриентларни 5 сентябргача ўқишга қабул қилиш тўғрисида юридик техникум директорининг буйруғини расмийлаштириш учун асос ҳисобланади.

44. Адлия вазирлиги томонидан абитуриентларни тўлов-контракт асосида ўқишга тавсия этиш тўғрисида қарор қабул қилингандан кейин юридик техникумлар билан юридик ёки жисмоний шахслар ўртасида белгиланган тартибда контрактлар тузилади. Тўлов-контракт асосида ўқиш учун тўлов миқдори ва муддати Адлия вазирлиги томонидан белгиланади.

Белгиланган намунадаги контракт бланкалари Адлия вазирлиги қарори қабул қилинган кундан бошлаб берилади ҳамда юридик техникум директори ва бош бухгалтери имзоси билан расмийлаштирилади (юридик шахслар учун — 3 нусхада, жисмоний шахслар учун — 2 нусхада).

Адлия вазирлиги томонидан юридик техникумда ўқишга тавсия этилган абитуриентлар учун тўлов ҳар йили контракт шартларида кўрсатилган муддатларда амалга оширилади. Абитуриентларни ўқишга қабул қилиш юридик ҳамда жисмоний шахслар томонидан контракт тўлови тўлангандан сўнг юридик техникум директорининг буйруғи билан 15 сентябрдан кечиктирмай расмийлаштирилади.

Ушбу абитуриентларга 2 сентябрдан бошлаб дарсларга қатнашишига рухсат этиш тўғрисида буйруқ расмийлаштирилади. Адлия вазирлиги томонидан юридик техникумларнинг таклифларига биноан, контракт асосида ўқишга ҳақ тўлаш муддатлари ўзгартирилиши, шу жумладан узайтирилиши мумкин.

45. Юридик техникумларнинг таклифларига биноан, уларнинг имкониятларидан келиб чиққан ҳолда, тест синовлари натижаларига кўра қабул қилинмаган абитуриентлар Адлия вазирлигининг қарори билан қўшимча равишда табақалаштирилган тўлов-контракт асосида қабул қилиниши мумкин.

Юридик техникумлар қўшимча қабул бўйича таклифларни Адлия вазирлигига тасдиқлаш учун 25 сентябргача тақдим этади. Адлия вазирлиги юридик техникумларнинг имкониятларидан келиб чиқиб, 30 сентябргача қўшимча қабул қилиш тўғрисида қарор қабул қилади.

Бунда:

абитуриентлар 20 сентябргача қўшимча ўқишга кириш учун махсус платформа орқали электрон шаклда ариза билан юридик техникумга мурожаат қилади;

қабул тест синовлари натижаларига кўра, тўплаган баллар кетма-кетлигига мувофиқ амалга оширилади;

юқори балл тўплаган абитуриент қўшимча қабул қилиш учун ариза билан белгиланган муддат ичида мурожаат этмаса ёки қўшимча қабул қилишни рад этса, рейтинги бўйича навбатда турган ўқувчи қабул қилинади;

табақалаштирилган контракт миқдори ўқишнинг биринчи ўқув йилида қўлланилади.

Қўшимча равишда табақалаштирилган тўлов-контракт асосида ўқиш истагида бўлган абитуриентларни юридик техникумга қабул қилиш бўйича мурожаат қилиш ва ўқишга қабул қилиш муддатларига Адлия вазирлиги томонидан зарур ҳолларда ўзгартириш киритилиши мумкин.

46. Республика олий таълим муассасаларида «юриспруденция» таълим йўналиши бўйича тест синовларида иштирок этиб, ўқишга тавсия этилмаган, бироқ юридик техникумлардаги тегишли ўқув йилида тест синовларида ўтиш балини тўплаган ёки чет тилини билиш даражасини тасдиқловчи B2 ва ундан юқори даражадаги давлат малака сертификатига ёки халқаро сертификатларга эга абитуриентлар тўлов-контракт асосида доимий яшаш жойидаги юридик техникумга қабул қилинишлари мумкин.

Ушбу абитуриентлар доимий яшаш жойидаги юридик техникумларга 20 сентябргача махсус платформа орқали электрон шаклда мурожаат қилади. Мурожаатлар асосида юридик техникумлар 25 сентябргача Адлия вазирлигига тасдиқлаш учун абитуриентларни қабул қилиш бўйича таклиф тақдим этадилар.

Адлия вазирлиги юридик техникумларнинг имкониятларидан келиб чиқиб, 30 сентябргача уларни қабул қилиш тўғрисида қарор қабул қилади. Бунда ушбу абитуриентлар танловсиз, олий таълим муассасаларидаги тест натижаларига кўра баллар кетма-кетлиги асосида қабул қилинади.

Мазкур тоифадаги абитуриентларни юридик техникумга қабул қилиш бўйича мурожаат қилиш ва ўқишга қабул қилиш бўйича муддатларига Адлия вазирлиги томонидан зарур ҳолларда ўзгартиришлар киритилиши мумкин.

47. Адлия вазирлиги томонидан юридик техникумларга қўшимча ўқишга кириш учун тавсия этилган абитуриентлар учун тўлов ҳар йили шартнома шартларида белгиланган муддатда, бироқ Адлия вазирлиги томонидан белгиланган муддатдан кечиктирмай тўланади. Абитуриентларни ўқишга қабул қилиш ўқиш учун контрактда белгиланган пул маблағларини жисмоний ёки юридик шахслар томонидан 10 октябрдан кечиктирмай тўлаганларидан сўнг юридик техникум директорининг буйруғи билан расмийлаштирилади.

Ушбу абитуриентлар билан контракт тузилган кундан бошлаб ўқув машғулотларига қатнашишга рухсат бериш тўғрисида буйруқ расмийлаштирилади. Табақалаштирилган тўлов-контракт асосида қўшимча қабул бўйича ўқитиш харажатларининг миқдори Адлия вазирлиги томонидан белгиланади. Юридик техникумларнинг асосланган таклифига биноан, Адлия вазирлиги томонидан фуқароларни ўқиши учун тўлов-контракт миқдори ва контракт асосида ўқишга ҳақ тўлаш муддатлари ўзгартирилиши, шу жумладан узайтирилиши мумкин.

6-боб. Якуний қоидалар

48. Тест синовлари ва кўзи ожиз абитуриентларнинг танлов натижалари, хорижий фуқаролар билан ўтказилган суҳбат натижаларидан кўчирмалар, шунингдек юридик техникумга тест синовларисиз қабул қилинган абитуриентларнинг ҳужжатлари уларнинг шахсий ҳужжатлар йиғмажилдларига тикиб қўйилади.

Юридик техникумларга қабул қилинмаган абитуриентларнинг тест синовлари (кўзи ожиз абитуриентлар учун танлов) натижалари 6 ой давомида сақланади ва ундан сўнг белгиланган тартибда йўқ қилинади.

49. Тест синовлари ўтказилиши билан боғлиқ харажатлар ушбу мақсадлар учун ажратиладиган Ўзбекистон Республикаси Давлат бюджети маблағлари, кўзи ожиз абитуриентлар учун танлов ва хорижий фуқаролар учун суҳбатни ташкил этиш ва ўтказиш билан боғлиқ харажатлар юридик техникумларнинг бюджетдан ташқари маблағлари ҳамда адлия органлари ва муассасаларининг бюджетдан ташқари бошқа маблағлари ҳисобидан амалга оширилади.

50. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ўзбекистон Республикаси Адлия вазирлигининг юридик техникумларига ўқишга қабул қилиш тартиби тўғрисида низомга 1-ИЛОВА

Ўзбекистон Республикаси Адлия вазирлигининг юридик техникумларига ўқишга қабул қилишни ташкил этиш

Босқичлар Тадбирлар Бажариш муддатлари 1-босқич Абитуриентлар ҳужжатларини қабул қилишни ташкиллаштириш 1. Қабулнинг ташкилий масалаларини ҳал қилиш учун қабул комиссиясини тузиш. 1 июндан кечикмай 2. Юридик техникум ва тегишли ҳудудий адлия органи веб-сайтига қабул муддатлари, мутахассислик ва касблар номлари, қабул квоталари ҳақида маълумот жойлаштириш. Қоида тариқасида, ҳужжатларни қабул қилишдан бир ой олдин 3. Абитуриентларни ўқишга қабул қилиш учун давлат хизматлари марказлари, ЯИДХП ёки ДТМ веб-сайти орқали рўйхатдан ўтказиш. 1 — 20 август 4. Қабул комиссияси томонидан юридик техникум ва тегишли ҳудудий адлия органи веб-сайтида ўқиш учун топширилган аризалар сони ҳақида кунлик ахборот ва абитуриентлар ҳамда уларнинг ота-оналари саволларига жавоб бериш учун телефон алоқасининг ишлаб туришини таъминлаш. Ҳужжатларни қабул қилиш даврида 2-босқич Тест синовларини ўтказиш тайёргарлик кўриш 1. Давлат тест маркази томонидан тест ўтказиш учун мос биноларни тайёрлаш. 2. Тест синовларини ўтказиш жадвалини Давлат тест маркази томонидан тасдиқлаш. Тест синовларини ўтказишдан олдин 3-босқич Тест синовларини ўтказиш 1. Адлия вазирлиги томонидан белгиланган фанлар блоклари бўйича тест синовларини ўтказиш. 25 — 30 август 2. Тест синовлари натижаларини Давлат тест маркази веб-сайтида эълон қилиш Тест синовлари ўтказилган кундан кейинги иш кунида Кўзи ожиз абитуриентларни қабул қилиш учун танлов ўтказиш 1. Кўзи ожиз абитуриентларни қабул қилиш учун тест синовлари учун белгиланган фанлар бўйича кўп балли ёки тегишли анъанавий беш балли тизим асосида танлов ўтказиш. 25 — 30 август 2. Танлов натижаларини кўзи ожиз абитуриентларга эълон қилиш. Танлов ўтказилган куни 4-босқич Тест синовлари натижаларини Давлат қабул комиссияси ва Адлия вазирлигига юбориш 1. Тест синовлари натижаларини Давлат тест маркази директори томонидан тасдиқланадиган танлов қайдномаларига киритиш. 2. Кўзи ожиз абитуриентларни ўқишга қабул қилиш бўйича танлов натижаларини кўп балли ёхуд тегишли анъанавий беш балли тизим асосида аниқланган ва юридик техникум директори томонидан тасдиқланган қайдномаларига киритиш. 3. Тест синовлари қайдномалари ва кўзи ожизлар учун танлов натижалари қайдномаларини абитуриентларни юридик техникумларга ўқишга қабул қилиш тўғрисида қарор чиқариш учун Адлия вазирлиги ва Давлат қабул комиссиясига юбориш. натижалар эълон қилинган вақтдан бошлаб уч кун давомида 5-босқич Давлат қабул комиссияси ва Адлия вазирлиги томонидан абитуриентларни юридик техникумга ўқишга қабул қилиш тўғрисида қарор қабул қилиш қоида тариқасида, 5 сентябрдан кечикмай 6-босқич Ўқишга қабул қилишни расмийлаштириш, тўлов-контракт суммасини тўлаш 1. Юридик техникум директори томонидан Ижтимоий реестрга киритилган оилалар фарзандларини, Меҳрибонлик уйлари ва Болалар шаҳарчалари битирувчиларини, шунингдек кўзи ожиз абитуриентларни ўқишга қабул қилиш тўғрисида буйруқ чиқариш. Адлия вазирлиги карори қабул қилинганидан кейин 2. Абитуриентлар билан ўқиш учун шартнома (контракт)лар тузиш. 2 сентябрь — 15 сентябрь 3. Абитуриентлар томонидан ўқиш учун тўловларни юридик техникумлар ҳисобварағига ўтказиш. Адлия вазирлиги томонидан белгиланган муддатда 4. Юридик техникум директорининг тўлов-контракт асосида ўқувчилар сафига қабул қилиш учун тавсия этилган абитуриентларга ўқув машғулотларида қатнашишга рухсат бериш тўғрисидаги буйруғини расмийлаштириш. 2 сентябр 5. Юридик техникум директорининг ўқишга қабул қилиш ҳақидаги буйруғини расмийлаштириш. контракт суммаси тўлангандан сўнг 15 сентябрдан кечикмай

Ўзбекистон Республикаси Адлия вазирлигининг юридик техникумларига ўқишга қабул қилиш тартиби тўғрисида низомга 2-ИЛОВА

Ўзбекистон Республикаси Адлия вазирлигининг юридик техникумларига ўқишга қабул қилиш учун кириш тест синовларини ўтказиш

1-боб. Умумий қоидалар

1. Мазкур Тартиб Ўзбекистон Республикаси Адлия вазирлигининг юридик техникумларига (кейинги ўринларда — юридик техникум) ўқишга қабул қилиш учун кириш тест синовларини ўтказиш тартибини белгилайди.

2. Ушбу Тартибда қуйидаги асосий тушунчалардан фойдаланилади:

абитуриент — юридик техникумга ўқишга кириш учун белгиланган тартибда рўйхатдан ўтган ва тест синовларида иштирок этувчи жисмоний шахс;

абитуриент рухсатномаси — паспорт (у бўлмаган холда шахсни тасдиқловчи бошқа ҳужжат) билан биргаликда абитуриентнинг белгиланган сана ва вақтда тест синовларида иштирок этишга рухсат берадиган ҳужжат;

Давлат тест маркази вакили — Ўзбекистон Республикаси Вазирлар Маҳкамаси ҳузуридаги Давлат тест маркази (кейинги ўринларда — Давлат тест маркази) директорининг буйруғи билан тайинланадиган, тест синовлари ўтказиладиган тегишли бинода белгиланган вазифа ва мажбуриятлар бўйича амалга ошириладиган тадбирларга умумий раҳбарлик қилувчи ҳамда тест синови иштирокчиларининг вазифаларига мувофиқ ҳаракатини назорат қилувчи ва амалий ёрдам кўрсатувчи ходим;

бино раҳбари — Давлат тест маркази директорининг буйруғи билан тайинланадиган, белгиланган вазифа ва мажбуриятлар бўйича бинодаги гуруҳ назоратчилари ва абитуриентлар ҳаракатларига умумий раҳбарликни бажарувчи, назорат қилувчи ва амалий ёрдам кўрсатувчи ходим;

гуруҳ назоратчиси — Давлат тест маркази билан тузилган шартнома асосида шартномада белгиланган вазифа ва мажбурият бўйича тест синовларида абитуриентлар ҳаракатига умумий раҳбарликни амалга ошириш, тест синовининг белгиланган тартиб бўйича ўтишини қатъий назорат қилишга масъул бўлган ва абитуриентларга тест синовини топшириш тартиби бўйича амалий ёрдам кўрсатиш учун жалб қилинган ва тест синовлари ўтказилиши билан боғлиқ семинарда иштирок этган шахс;

тест топшириқлари китоби — белгиланган фанлар мажмуаси бўйича тест топшириқларини ўз ичига олган саволлар тўплами;

жавоблар варақаси — тест топшириқлари китобидаги ҳар бир топшириқнинг бажарилиши натижасида танлаган жавобнинг биттасини белгилашга мўлжалланган ва абитуриентнинг билимини баҳолаш учун асос ҳисобланадиган ягона ҳужжат;

қабул комиссияси — юридик техникумга ўқишга қабул қилишни ташкил этувчи, шу жумладан абитуриентларга маслаҳат хизматлари кўрсатадиган ҳар йили тузиладиган комиссия;

ҳудудий адлия органлари — Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари.

3. Ҳужжатларни рўйхатдан ўтказишнинг муддати якунланганидан сўнг уч кун муддатда абитуриент рухсатномасини Давлат тест марказининг расмий веб-сайтидан олади.

Абитуриент рухсатномасида кўрсатилган сана ва вақтда тест синовларида иштирок этади.

Абитуриент учун мазкур сана ва вақт қатъий ҳисобланиб, унга бошқа сана ва вақтда тест синовларида иштирок этиш учун рухсат берилмайди.

4. Абитуриент рўйхатдан ўтган ҳудудда (Қорақалпоғистон Республикаси, вилоятлар маркази ёки Тошкент шаҳрида) ташкил этиладиган тест синовларида иштирок этади.

2-боб. Тест синовларини ўтказишга тайёргарлик кўриш

5. Тест синовлари катта сиғимдаги, имтиҳонларнинг юқори даражада очиқлик ва шаффофлигини ҳамда имтиҳон жараёни видеокузатувлар орқали жамоатчилик, шу жумладан, абитуриентларнинг ота-оналари томонидан реал вақт режимида (онлайн) кузатиб борилишини таъминлайдиган биноларда (кейинги ўринларда — бино) ўтказилади.

Бинолар Адлия вазирлиги ва Давлат тест маркази билан келишилган ҳолда белгиланади.

Биноларни тайёрлаш, видеокузатувлар орқали жамоатчилик, шу жумладан абитуриентлар ота-оналарининг кириш тест синовлари жараёнини онлайн тарзда кузатиб боришлари, абитуриентларни шахсни идентификациялаш воситалари ҳамда видеофиксация қурилмалари орқали бинога тегишли ҳудудга киритиш, бинолардаги ва хизмат постларидаги видео ёзувлар сақланиши учун шароитлар яратиш Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари ҳамда Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан таъминланади.

Гуруҳ назоратчилари ва абитуриентларни тест синовлари ўтказиладиган ҳудудга назорат хизмати постлари орқали киритиш, тадбир жараёнида жамоат тартибини сақлаш ва жамоат хавфсизлигини таъминлаш Ўзбекистон Республикаси Миллий гвардияси, Ички ишлар вазирлиги, ҳудудий адлия органлари ҳамда қабул комиссияси томонидан амалга оширилади.

Тест синовлари ўтказиладиган ҳар бир бинода Давлат тест марказининг вакилига тест материалларини сақлаш, тарқатиш ва йиғиб олиш учун мўлжалланган етарли миқдорда стол, стуллар, компьютер, сканер, стационар телефон алоқаси, доимий видеокузатув ва сейф билан таъминланган махсус хона (штаб) тайёрланади. Бунда, бинонинг ҳолати санитария қоидалари, нормалари ва гигиена нормативлари талабларига тўлиқ жавоб бериши лозим.

6. Гуруҳ назоратчилари ва абитуриентларни тест синовлари ўтказиладиган ҳудудга назорат хизмати постлари орқали киритиш, тадбир жараёнида жамоат тартибини сақлаш ва жамоат хавфсизлигини таъминлаш Ўзбекистон Республикаси Ички ишлар вазирлиги ҳамда олий таълим муассасаларининг қабул комиссиялари томонидан амалга оширилади.

7. Ўзбекистон Республикаси Адлия вазирлиги тест синовлари ўтказиладиган жойларни шахсни идентификациялаш воситалари, видеокузатув ва мобиль алоқа тўлқинини тўсувчи қурилмалар ҳамда тест синовларини ўтказиш жараёнини видео ёзувга олиш воситалари билан таъминлайди.

Тест синовларини ўтказиш жараёни видеотасвирга туширилади. Видеотасвирдан нусха кўчириш тақиқланади. Ўзбекистон Республикаси Адлия вазирлиги тест синовлари ўтказилган куннинг эртасига Давлат тест марказига видеотасвирни тақдим этади.

8. Тест синовларини ушбу Тартиб талабларига қатъий мувофиқ равишда ташкил этиш ва ўтказиш бўйича масъулият бино раҳбари ва гуруҳ назоратчилари, шунингдек, қабул комиссияси зиммасига юкланади.

9. Тест синовларини ўтказиш жадвали Адлия вазирлиги билан келишилган ҳолда Давлат тест маркази томонидан тасдиқланади.

10. Бинода тест синовлари жараёнини тўлиқ назорат қилиш мақсадида бино, қоида тариқасида, электрон соат, овоз кучайтириш воситалари, 30 нафар абитуриент учун битта видеокузатув тизими ўрнатилиши, жараённи абитуриентларнинг ота-оналари онлайн тарзда кузатиши учун зарур асбоб-ускуналар билан жиҳозланади.

11. Бинода Давлат тест марказининг вакилига тест материалларини сақлаш, тарқатиш ва йиғиб олиш учун мўлжалланган етарли миқдорда стол, стуллар, компьютер, сканер, стационар телефон алоқаси, доимий видеокузатув ва сейф билан таъминланган махсус хона (штаб) тайёрланади. Бунда бинонинг ҳолати санитария қоидалари, нормалари ва гигиена нормативлари талабларига тўлиқ жавоб бериши лозим.

12. Биноларда тест синовларини ўтказиш учун зарур бўлган техник, тиббий ва маиший шароитлар яратилиши керак. Бинолар санитария ва ёнғин хавфсизлиги қоидаларига тўлиқ жавоб бериши шарт.

13. Бинода тест синовлар жараёнини тўлиқ назорат қилиш мақсадида, қоида тариқасида, 30 нафар абитуриентдан иборат гуруҳлар ташкил этилади.

Бино ва гуруҳларнинг алоҳида тартиб рақами такрорланмайдиган кетма-кетликда рақамланган бўлиши лозим.

14. Ҳар бир гуруҳ алоҳида ўтириш ўрнига эга бўлган 30 тадан стол ва стул билан таъминланиб, столлар бирдан ўттизгача рақамланиши лозим. Ҳар бир гуруҳга икки нафар назоратчи бириктирилади.

15. Бинода тест синовларини ўтказиш талабларига риоя этилишини таъминлаш бўйича шахсий жавобгарлик Давлат тест маркази вакили, бино раҳбари ва гуруҳ назоратчилари зиммасига юкланади.

16. Бино раҳбари ва гуруҳ назоратчилари Давлат тест маркази директори буйруғи асосида Давлат тест маркази, тегишли ҳудуддаги таълим муассасаларининг ҳамда бошқа ташкилотларнинг вакилларидан иборат бўлган таркибда, уларнинг раҳбарлари билан келишган ҳолда тайинланади.

17. Давлат тест маркази вакили:

бино раҳбарлари ва гуруҳ назоратчиларига умумий раҳбарлик қилади ҳамда уларга амалий ёрдам кўрсатади;

тест синовларининг бошланиши ва тугашини қатъий назорат қилиш, тезкор ахборотларни Давлат тест марказига юбориш, тест синовларини адолатли, холисона ва мазкур Тартибда белгиланган талаблар асосида ўтишини таъминлйди.

18. Давлат тест маркази вакили ўзига юкланган вазифаларни самарали амалга ошириш учун маҳаллий давлат ҳокимияти органлари ва қабул комиссияларига кўрсатма бериш, мазкур Тартиб талабларига амал қилмаган бино раҳбарини, гуруҳ назоратчисини ва абитуриентни тест синовлари жараёнидан четлаштириш ҳамда Давлат тест маркази раҳбарияти билан келишилган ҳолда четлаштирилганлар ўрнига бошқа бино раҳбарини, гуруҳ назоратчисини тайинлаш ҳуқуқига эга.

19. Давлат тест маркази вакили Давлат тест маркази директорининг буйруғи билан алмаштирилиши мумкин.

3-боб. Тест синовларини ўтказиш

20. Тест синовлари, қоида тариқасида, ҳар йили 25 — 30 август кунлари оралиғидаги муддатда Давлат тест маркази томонидан, кунига икки сменада ўтказилади. Биринчи смена соат 09:00 да, иккинчи смена соат l5:00 да бошланади.

Тест топшириқларини бажариш учун (жавоблар варақасини тўлдириш билан бирга) ҳар 30 та тест топшириғига 1 соат вақт белгиланади.

21. Тест синовлари ўтказиладиган кунда Давлат тест марказининг рухсатномаси бўлмаган шахсларга тест синовлари ўтказилаётган ҳудудга кириши тақиқланади.

22. Қабул комиссиясининг раиси ва масъул котиби Давлат тест маркази томонидан тақдим этилган рухсатнома асосида, унда белгиланган кун, тест синовлари ўтказиладиган бино штабида тест синовлари жараёни кузатувчиси сифатида иштирок этади.

23. Абитуриентлар бинога паспорт ва абитурент рухсати билан тегишли навбат бўйича киритилади. Киришда видеокузатув олиб борилади.

24. Абитуриентлар бинога соат 8.30 гача киритилади. Соат 8.30 дан кейин абитуриентлар бинога киритилмайди.

25. Давлат тест маркази вакили биринчи сменада соат 06:30 дан 07:00 гача, иккинчи сменада соат 13:30 дан 14:00 гача абитуриентларнинг гуруҳлар бўйича рўйхатини (икки нусхада) ва тест материалларини тарқатади ва қабул қилиш баённомасини расмийлаштиради.

Давлат тест маркази вакили, бино раҳбари ва гуруҳ назоратчилари соат 6.00 га етиб келади ва тест синовларини ўтказиш тартибига қатъий риоя қилишни ташкил қилади.

Давлат тест маркази вакили бино раҳбарлари ва гуруҳ назоратчилари ҳамда абитуриентлар рўйхатини, уларнинг рухсатномаларини назорат хизмат постларига етказишни таъминлайди, қуръа ташлаш йўли билан назоратчиларни гуруҳларга тақсимлашни амалга оширади, шунингдек тест материалларини тарқатиш ва қабул қилиш баённомасини расмийлаштиради.

26. Тест синовлари ўтказиладиган ҳудудга ёки бинога кириш жойларида ташкил этилган назорат хизмати постларида хизмат олиб бораётган Ўзбекистон Республикаси Ички ишлар вазирлиги ҳамда Ахборот технологиялари ва коммуникацияларини ривожлантириш вазирлиги ходимлари томонидан текширув вақтида абитуриент ва гуруҳ назоратчиларида микрокалькулятор, луғат, жадвал, китоб, уяли телефон, компьютер, телекоммуникация воситалари, шпаргалкалар мавжудлиги, шунингдек бармоқ излари ва фотосурати текширилган вақтда шахси тасдиқланмаганлиги аниқланган тақдирда, бу ҳақида Давлат тест марказининг вакилини хабардор қилиниб, уларни тест синовларига киритмаслик тўғрисида далолатнома расмийлаштиради.

27. Бино раҳбари эрталаб соат 06:00 дан 06:30 гача гуруҳ назоратчиларига уларнинг рухсатномаларини тарқатади ва тақсимотини расмийлаштиради ҳамда биринчи сменада соат 06:30 дан 07:00 гача, иккинчи сменада соат 13:30 дан 14:00 гача абитуриентларнинг гуруҳлар бўйича рўйхатини (икки нусхада) ва тест материалларини тарқатади ва қабул қилиш баённомасини расмийлаштирилишини ташкил этади.

28. Гуруҳ назоратчилари соат 8.30 гача абитуриентларни уларнинг паспортларини гуруҳ рўйхати билан текширган ҳолда бинога киритади. Абитуриентлар рўйхатда кўрсатилган ўринга ўтиради.

Тест синовларини ўтказиш вақтида имтиҳонга келмаган абитуриентлар ўрни бўш қолади.

29. Гуруҳ назоратчилари икки нафар абитуриент гувоҳлигида тест материаллари жойлаштирилган қутилар ва абитурентлар рўйхати ҳамда жавоб варақалари солинган пакетларнинг муҳрланганлигига ишонч ҳосил қилиб, уларни очади.

Назоратчилар тест синовлари китоблари ҳамда жавоб варақаларини тартиб билан тарқатади.

30. Гуруҳ назоратчилари тест синовлари бошлангунга қадар номзодларни 30 дақиқа мобайнида жавоблар варақаларини тўлдириш қоидалари билан таништиради ва улар томонидан тегишли бўлимга ўзи тўғрисидаги шахсий маълумотлар киритилади.

31. Бино раҳбари абитуриентларни тест топшириқлари китобининг муқовасида ва жавоблар варақасида кўрсатилган тегишли жойларни расмийлаштириш зарурлиги ҳамда жавоблар варақасини ҳаворанг пастали шарикли ручкадан бошқа рангда фойдаланиб тўлдириш, жавоблар варақасини букиш, маркер чизиғига ёзиш, жавоблар варақаси рақами остида жойлашган доирачаларни бўяшлик тест синовларини ўтказиш талабларини бузилиши деб тан олиниши ҳақида огохлантиради.

Давлат тест маркази вакили, бино раҳбари гуруҳ назоратчиларига тест синовлари ўтказишнинг белгиланган тартибини бузган абитуриентларни четлаштириш бўйича кўрсатма беради.

32. Гуруҳ назоратчиси абитуриент тест топшириқлари китоби нуқсонли эканлиги ҳақида мурожаат қилса, биринчи сменада 09:00 гача, иккинчи сменада 15:00 гача қуйидаги ишларни амалга оширади:

тест синовлари китоби ва жавоб варақаларини олганлигини тасдиқловчи имзо қўйдиради, шунингдек абитурентлар рўйхати тўлдирилган рўйхатнинг бир нусхасини бино раҳбарига беради;

гуруҳда тест синовларида қатнашмаган абитуриент учун ажратилган тест топшириқлари китобини мурожаат қилган абитуриентга беради;

гуруҳда ортиқча тест топшириқлари китоби бўлмаса, бино раҳбаридан захирадаги шу таълим йўналиши ва тилига мос бўлган тест топшириқлари китобини беришни сўрайди. Бу жараённи далолатнома билан расмийлаштиради.

Абитуриент тест синовига келмаган тақдирда гуруҳ рўйхатига «қатнашмади» деган ёзув киритилади.

Тест топшириқлари китобида нуқсон мавжудлиги аниқланса, унинг биринчи бетига «яроқсиз» деб ёзилади, алмаштирилган вақти кўрсатилади ҳамда абитуриентнинг фамилияси, исми, отасининг исмини ёзилиб имзоланади ва ушбу ҳолат ҳақида далолатнома тузилади. Абитуриентга яроқсиз тест синовлари китоби ўрнига янгиси берилади.

33. Абитуриент тест синовлари ўтказиладиган куни бинога тегишли ҳудудга соат 07:00 (иккинчи смена соат 14:00) гача, бинога соат 08:30 (иккинчи смена соат 14:30) гача фақат абитуриент рухсатномаси ва паспорти билан шахсни идентификациялаш воситалари ҳамда видеофиксация қурилмалари орқали тартибли равишда кириши билан биргаликда, биринчи сменада соат 07:30 дан 08:00 гача, иккинчи сменада соат 14:30 дан 15:00 гача қуйидаги ишларни амалга оширишга мажбур:

тест материаллари нуқсонсизлигини текшириш ва нуқсон борлиги аниқланса, дарҳол гуруҳ назоратчисига хабар бериш;

жавоблар варақаси тўғри тўлдирилишини таъминлаш;

тест топшириқлари китоби муқовасида ва жавоблар варақасида кўрсатилган тегишли жойларни расмийлаштириш.

34. Бино раҳбари биринчи сменада 09:00 да, иккинчи сменада 15:00 да тест синовлари бошланганлигини эълон қилади.

35. Жавоблар варақаси абитуриент билим даражасини белгиловчи асосий ҳужжат ҳисобланади.

Тест синовларига жавоблар ҳаво ранг пастали шарикли ручкада тўлдирилган бўлиши лозим.

Абитуриент жавоблар варақасини тўғри тўлдирилиши учун шахсан жавобгар бўлади. Жавоблар варақасининг тегишли бўлимларини тўғри тўлдирмаган абитуриентларнинг эътирозлари кўриб чиқилмайди.

36. Абитуриент ўзининг фикрига кўра тўғри бўлган ва тест синовлари китобидаги жавобга мос келадиган жавоблар варағидаги тегишли доирани тўлдиради. Бунда, ҳар бир тест топшириғи бўйича тўғри жавобга — фақат битта доира тўлдирилади.

Агар, жавоблар варақасидаги «белгилаш учун намуна» қоидасига риоя этилмаса, жумладан, битта тест топшириғига жавоблар варақасида тегишли доирача бўялмаса ёки икки ва ундан ортиқ доирача бўялса ёхуд тўлиқ бўялмаса ушбу тест топшириғига балл берилмайди.

37. Абитуриентларга тест синовлари материалларини бир бирига узатиш ва бошқаларга ёрдам бериш, шунингдек ўзаро гаплашиш тақиқланади.

Абитуриент томонидан уяли телефон ёки бошқа алоқа ва телекоммуникация воситаларини олиб кириш ва фойдаланиш қатъиян тақиқланади.

38. Тест синовига уяли телефон, компьютер ёки бошқа алоқа ва телекоммуникация воситаларини, микрокалькулятор, луғат, китоблар, шпаргалкалар олиб киришга ҳаракат қилган ёки олиб кирган, тест синови жараёнида тест синови материалларини бошқага узатган ёки ёрдам берган, тест синови учун ажратилган вақт тугаганидан кейин тест синови материалларини топширмаган, тест синови материалларини бино ташқарисига олиб чиққан абитуриент тест синови ўтказиш тартибини бузган ҳисобланади.

39. Тест синовлари давомида абитуриентларга бинодан чиқиш тақиқланади. Ўзбошимчалик билан бинони тарк этган абитуриентлар тест синовлари ўтказиш тартибини бузган ҳисобланади. Соғлиғининг ёмонлашиши ва бошқа зарур ҳолатларда тест синовлари материалларини бинода қолдириб, кузатув остида бинодан чиқишга рухсат берилади.

40. Тест синовлари ўтказишнинг белгиланган тартибини бузган абитуриентлар синовдан четлаштирилади ва бу ҳақда тест синовларидан четлаштириш бўйича бино раҳбари ва гуруҳ назоратчиси томонидан далолатнома расмийлаштирилади.

41. Тест синовларидан четлаштирилган абитуриентларнинг тест синовлари текширилмайди ва улар имтиҳонда иштирок этмаган ҳисобланади.

42. Бино раҳбари тест синовлари вақти тугаганлигини эълон қилади ва гуруҳ назоратчиларига тест топшириқлари китоби ва жавоблар варақларини йиғишга кўрсатма беради.

43. Тест синовлари учун ажратилган вақт тугагандан сўнг абитуриентлар тест материалларини топширади, белгиланган муддатдан олдин жавоб беришни тугатган абитуриентлар, тест материалларини муддатидан олдин топширишлари мумкин.

44. Гуруҳ назоратчилари абитуриентлардан тест топшириқлари китоби ва жавоблар варақасига шикаст етмаганлигини текшириб қабул қилиб олади.

Барча жавоблар варақалари, шу жумладан, тест синовларида қатнашган абитуриентларнинг жавоблар варақалари, «яроқсиз» деб топилган тест топшириқлари китобини, абитуриентларнинг гуруҳлар бўйича рўйхатининг иккинчи нусхасини жавоблар варақаси пакетга солиниб, пакет муҳрланади.

Ишлатилган ва ишлатилмаган тест топшириқлари китоблари тест материаллари қутисига жойлаштирилади.

45. Гуруҳ назоратчиси тест синовлари учун белгиланган вақт тугагандан сўнг 20 дақиқа ичида жавоблар варақаси пакети, тест топшириқлари китоби қутиси гуруҳларда муҳрланишини назорат қилиш ҳамда гуруҳ назоратчиларидан муҳрланган жавоблар варақаси пакети ва тест материаллари қутиларини бино раҳбарига топширади, бино раҳбари эса топшириш вақтини қайд этиб, тегишли реестрга имзо қўяди.

46. Бино раҳбари абитуриентларнинг гуруҳлар бўйича рўйхати солинган ва муҳрланган пакетни, тест материаллари ҳамда бино бўйича тўпланган жавоб варақалари пакетлари солинган ва муҳрланган қутиларни Давлат тест маркази вакилига (Давлат фельдъегерлик хизматига) топширилишини таъминлайди.

Ўзбекистон Республикаси Адлия вазирлигининг юридик техникумларига ўқишга қабул қилиш тартиби тўғрисида низомга 3-ИЛОВА

Ўзбекистон Республикаси Адлия вазирлигининг юридик техникумларига хорижий фуқароларни ўқишга қабул қилиш

1. Мазкур Тартиб Ўзбекистон Республикаси Адлия вазирлигининг (кейинги ўринларда — Адлия вазирлиги) юридик техникумларига (кейинги ўринларда — юридик техникум) хорижий фуқароларни ўқишга қабул қилиш тартибини белгилайди.

2. Хорижий фуқароларни (хорижий давлат фуқароси бўлган жисмоний шахсни, шунингдек хорижий давлат ҳудудида доимий яшовчи фуқаролиги бўлмаган шахсларни) юридик техникумга ўқишга қабул қилиш юридик техникумлар томонидан белгиланган тартибда ўтказиладиган суҳбат натижаси бўйича амалга оширилади.

Суҳбат 25 — 30 август кунлари ўтказилади. Зарур ҳолларда, Адлия вазирлиги томонидан суҳбат ўтказиш муддатига ўзгартириш киритилиши мумкин.

3. Суҳбат юқори даражада очиқлик ва шаффофликни ҳамда имтиҳон жараёни видеокузатувлар орқали жамоатчилик, шу жумладан, абитуриентларнинг ота-оналари томонидан реал вақт режимида (онлайн) кузатиб борилишини таъминлайдиган хоналарда ўтказилади.

Хоналарни тайёрлаш, танлов жараёнини видеокузатувлар орқали жамоатчилик, шу жумладан абитуриентлар ота-оналарининг онлайн тарзда кузатиб боришлари учун шароит яратиш учун жавобгарлик қабул комиссияси зиммасига юкланади.

4. Хорижий фуқароларни юридик техникумларга ўқишга қабул қилиш қабул параметрларидан ташқари, тўлов-контракт асосида амалга оширилади.

5. Адлия вазирлигининг хорижий фуқароларни юридик техникумларга ўқишга қабул қилиш тўғрисидаги қарори, қоида тариқасида, 2 сентябрдан кечикмасдан қабул қилинади.

6. Адлия вазирлиги томонидан хорижий фуқароларни ўқишга қабул қилиш тўғрисида қарор қабул қилингандан кейин юридик техникум билан жисмоний ва юридик шахслар ўртасида белгиланган тартибда шартнома (контракт) тузилади.

Белгиланган намунадаги шартнома бланкалари Адлия вазирлигининг қарори эълон қилинган кундан бошлаб берилади ва юридик техникум директори ва бош бухгалтери томонидан имзоланган ҳолда (юридик шахслар учун 3 нусхада, жисмоний шахслар учун 2 нусхада) расмийлаштирилади.

7. Хорижий фуқаролар ўқиш учун тўловни ҳар йили шартнома шартларида кўрсатилган муддатларда амалга оширади. Тўлов-контракт асосида ўқиш миқдори Адлия вазирлиги томонидан белгиланади.

8. Хорижий фуқароларни ўқишга қабул қилиш жисмоний ёки юридик шахслар томонидан ўқиш учун шартномада белгиланган пул маблағларини 15 сентябрдан кечиктирмай тўлангандан сўнг юридик техникум директорининг буйруғи билан расмийлаштирилади. Хорижий фуқароларга ўқув йили бошидан ўқув машғулотларига қатнашишга рухсат бериш тўғрисида буйруқ расмийлаштирилади.

Адлия вазирлиг томонидан юридик техникумларнинг таклифларига биноан, хорижий фуқароларни контракт асосида ўқишга ҳақ тўлаш муддатлари ўзгартирилиши, шу жумладан узайтирилиши мумкин.

Хорижий фуқароларга ўқув йили бошидан ўқув машғулотларига қатнашишга рухсат бериш тўғрисида буйруқ расмийлаштирилади.

Юридик техникумларнинг асослантирилган таклифлари асосида хорижий фуқароларни ўқишга қабул қилиш ва тўлов-контракт суммасини тўлаш муддатлари Адлия вазирлиги томонидан ўзгартирилиши, шу жумладан узайтирилиши мумкин.

Ўзбекистон Республикаси Адлия вазирлигининг юридик техникумларига ўқишга қабул қилиш тартиби тўғрисида низомга 4-ИЛОВА

Ўзбекистон Республикаси Адлия вазирлигининг юридик техникумларига кўзи ожиз абитуриентларни ўқишга қабул қилиш

1. Мазкур Тартиб Ўзбекистон Республикаси Адлия вазирлигининг юридик техникумларига кўзи ожиз абитуриентларни ўқишга қабул қилиш тартибини белгилайди.

2. Кўзи ожизлар тоифасига қуйидаги абитуриентлар киради:

махсус мактаб-интернатлар томонидан кўзи ожизлар учун берилган умумий ўрта таълим (11-синф негизида) аттестатига эга шахслар;

имконияти чекланган шахслар учун ихтисослаштирилган ўрта махсус касб-ҳунар таълим муассасалари томонидан кўзи ожизлар учун берилган дипломга эга шахслар;

9 йиллик кўзи ожизлар махсус мактаб-интернатида ўқиган ва ўрта махсус касб-ҳунар таълим муассасалари дипломига эга бўлган шахслар;

умумий ўрта таълим (11-синф негизида) ҳужжати ёки ўрта махсус касб ҳунар таълими муассасаси дипломига эга бўлган, белгиланган тартибда I гуруҳ ногиронлиги тўғрисида берилган маълумотномага эга бўлган шахслар, шунингдек, ногиронлиги бўлган бола тўғрисидаги маълумотномага эга бўлган болалар.

3. Кўзи ожиз абитуриентларни қабул қилиш учун танлов тест синовлари учун белгиланган фанлар бўйича кўп балли ёхуд анъанавий беш балли тизим асосида ўтказилади.

4. Фанлар бўйича кириш имтиҳонларини ўтказиш шакли (ёзма ёки оғзаки) Адлия вазирлиги билан келишган ҳолда қабул комиссияси томонидан белгиланади.

5. Кўзи ожизлар учун тест синовлари саволлари қабул комиссияси томонидан тест саволларининг тегишли фанлари бўйича малакали мутахассислардан иборат бўлган ва уларнинг раҳбарлари билан келишилган ҳолда шакллантириладиган эксперт гуруҳи томонидан тузилади. Эксперт гуруҳи фаолиятини қабул комиссияси раиси бошқаради.

6. Кўзи ожиз абитуриентларга доимий ёрдам бериш учун қабул комиссияси томонидан масъул ходим ажратилади.

7. Танловни ўтказиш жадвали масъул котибнинг тақдимномаси асосида юридик техникум директорининг буйруғи билан тасдиқланади. Буйруққа танловда иштирок этиш ҳуқуқига эга абитуриентлар рўйхати илова қилинади.

8. Қабул комиссияси томонидан танловни ўтказиш учун фанлар бўйича комиссиялар ташкил этилади.

9. Фанлар бўйича танлов дастурлари умумий ўрта таълим (11-синф негизида), ўрта махсус, бошланғич профессионал таълим дастурлари умумтаълим фанларининг ўқув дастурларига мувофиқ ҳолда тузилади ва Адлия вазирлиги томонидан тасдиқланади.

10. Танловни ўтказувчи комиссия таркибига Ўзбекистон кўзи ожизлар жамиятининг вакили киритилади.

11. Танлов юқори даражада очиқлик ва шаффофликни ҳамда имтиҳон жараёни видеокузатувлар орқали жамоатчилик, шу жумладан, абитуриентларнинг ота-оналари томонидан реал вақт режимида (онлайн) кузатиб борилишини таъминлайдиган хоналарда ўтказилади.

Хоналарни тайёрлаш, танлов жараёнини видеокузатувлар орқали жамоатчилик, шу жумладан абитуриентлар ота-оналарининг онлайн тарзда кузатиб боришлари учун шароит яратиш учун жавобгарлик қабул комиссияси зиммасига юкланади.

Зарур ҳолларда, Адлия вазирлиги томонидан юридик техникумларнинг таклифига кўра, мазкур банднинг биринчи хатбошисида белгиланган танлов ўтказиш муддатига ўзгартириш киритилиши мумкин.

12. Тест синовлари блокига киритилган барча фанлар йиғиндисидан белгиланган максимал баллнинг 55 фоизи ва ундан кам балл (беш балли баҳолаш тизимида баҳоланганда – «3» баҳодан пастни) тўплаган, шунингдек белгиланган вақтда танловга келмаган кўзи ожиз абитуриентлар юридик техникумларга қабул қилинмайди.

13. Юридик техникумларга қабул қилиш учун кўзи ожизлар учун танловни қайта ўтказиш тақиқланади.

Танловга белгиланган вақтда етиб келмаган кўзи ожиз абитуриентлар учун қўшимча танлов ўтказилмайди.

14. Танлов натижалари ҳар бир фан бўйича комиссия томонидан қайдномага киритилади ва шу асосида танловнинг умумий баллари чиқарилади.

15. Қайдномада кўзи ожиз абитуриентлар рўйхати ҳар бир мутахассислик ва касб бўйича кўп балли ёхуд тегишли анъанавий беш балли тизим асосида тўпланган энг юқори баллдан бошлаб камайиб бориш тартибида жойлаштирилади.

16. Танлов натижалари кўзи ожиз абитуриентларга танлов ўтказилган куни эълон қилинади.

Вазирлар Маҳкамасининг 2020 йил 30 октябрдаги 677-сон қарорига 2-ИЛОВА

Ўзбекистон Республикаси Адлия вазирлигининг юридик техникумларига ўқишга қабул қилиш бўйича давлат хизматлари кўрсатишнинг

1-боб. Умумий қоидалар

1. Ушбу Регламент давлат хизматлари марказлари (кейинги ўринларда — Марказ), Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ва Ўзбекистон Республикаси Вазирлар Маҳкамаси ҳузуридаги Давлат тест маркази (кейинги ўринларда — Давлат тест маркази) расмий веб-сайти орқали абитуриентларга Ўзбекистон Республикаси Адлия вазирлигининг юридик техникумларига (кейинги ўринларда — юридик техникумлар) ўқишга қабул қилиш бўйича давлат хизматларини (кейинги ўринларда — давлат хизматлари) кўрсатиш тартибини белгилайди.

2. Марказлар, Давлат тест маркази ва юридик техникумлар ўртасида маълумот алмашиш фақат электрон рақамли имзолар (кейинги ўринларда — ЭРИ)ни қўлланиши шарт бўлган ҳолда идоралараро электрон алоқа орқали амалга оширилади.

3. Абитуриентлар доимий (вақтинча) рўйхатдан ўтган жойидан қатъий назар, исталган Марказга мурожаат қилишлари мумкин.

Абитуриентлар доимий рўйхатдан ўтган жойдаги тест синовларида қатнашадилар.

4. Давлат хизматлари абитуриентларга ҳар йили, қоида тариқасида, 1 августдан 20 август (шу куни ҳам)гача кўрсатилади.

5. Давлат хизматларини кўрсатиш ушбу Низомнинг 1-иловасига мувофиқ схемага асосан амалга оширилади.

2-боб. Давлат хизматларини кўрсатиш тартиби

6. Давлат хизматларини олиш учун мурожаат этувчи ушбу Регламентнинг 4-бандида кўрсатилган муддатда давлат хизматларини электрон кўринишда олиш учун Марказга мурожаат қилади ёки ЯИДХП ёхуд Давлат тест маркази расмий веб-сайтида рўйхатдан ўтади.

Имтиёзга эга бўлган абитуриентлар, шунингдек фуқаролиги бўлмаган шахслар ва паспорт ёшига етмаганлар давлат хизматларидан фойдаланиш учун Марказларга мурожаат этади.

7. Агар ариза берувчи шахсан мурожаат қилса, Марказ ходими аризачининг номидан, ЯИДХП орқали мурожаат қилган такдирда, абитуриент мустақил равишда электрон шаклда маълумотни ушбу Регламентнинг 2-иловасида кўрсатилган сўровнома шаклида Давлат тест марказининг махсус тизимига киритади.

Марказ ходими томонидан сўровномада тегишли маълумотларни киритиш учун ариза берувчи Марказ ходимига қуйидаги ҳужжатларнинг аслини тақдим этади:

фуқаролик паспорти (ички ишлар органи томонидан 09 шакли бўйича, шахснинг шахсий идентификация рақамини, паспорт серия ва рақамини кўрсатувчи маълумотнома);

паспорт ёшига етмаган шахслар учун туғилганлик тўғрисидаги гувоҳнома;

Ўзбекистон Республикаси Президентининг ҳамда Вазирлар Маҳкамасининг норматив-ҳуқуқий ҳужжатларида белгиланган тартибда имтиёзга эга бўлган абитуриентлар имтиёз ҳуқуқини тасдиқловчи ҳужжат.

Ҳужжатларни топшириш муддати тугаганидан кейин сўровномага ўзгартириш ва қўшимчалар киритиш қатъиян ман этилади.

Абитуриентдан қўшимча ҳужжатларни сўраш ман этилади.

8. Давлат тест маркази Адлия вазирлиги ва Ахборот технологиялари ва коммуникацияларини ривожлантириш вазирлиги билан биргаликда, имтиёзга эга бўлган абитуриентларнинг электрон реестрини шакллантириш учун ваколатли органлар томонидан реал вақт режимида киритиб борилишини таъминловчи ягона платформа фаолият юритилишини таъминлайди.

9. Ўзбекистон Республикаси Адлия вазирлигининг юридик техникумларига ўқишга кириш учун имтиёзга эга бўлган абитуриентларнинг реестрини шакллантириш бўйича масъул бўлган мазкур Низомга 3-иловада келтирилган ваколатли органлар имтиёзга эга абитуриентлар тўғрисидаги маълумотларнинг электрон реестрини шакллантириб, ягона платформага доимий равишда маълумотлар киритиб борилишини таъминлайди.

Ушбу ваколатли органлар имтиёзлар ҳақидаги маълумотларнинг ахборот тизимига ўз вақтида ва тўлиқ киритиб борилиши учун шахсан масъул ҳисобланади ҳамда ахборот тизимига киритилмаган маълумотлар бўйича давлат хизматлари марказлари томонидан имтиёзли ҳуқуқ асосида абитуриентлардан ҳужжатлар қабул қилинмайди.

10. Керакли маълумотларни тўлдириб, сўровномага киритилгандан сўнг Марказ ходими ҳужжатларнинг асл нусхасини аризачига қайтаради, QR-код (матрицали штрих код) билан икки нусхада аризани босиб чиқаради ва уларни аризачига топширади. Абитуриент маълумотларнинг тўғрилигини текширади, анкетани ўз имзоси билан тасдиқлайди, битта нусхасини ўзига қолдиради ва иккинчи нусхасини Марказ ходимига топширади.

Сўровнома абитуриентнинг имзоси билан тасдиқланганидан сўнг автоматик равишда Марказ тизимига Марказ ходимининг ЭРИ билан киритилади.

Давлат тест маркази маълумотлар базасига киритилган маълумотларни автоматик равишда қабул қилади.

11. Давлат хизматлари амалга оширилганлиги учун ҳақ олинмайди.

12. Сўровномада нотўғри маълумотларнинг кўрсатилиши, абитуриентнинг Марказга шахсан мурожаат этишдан бош тортиши давлат хизматларини кўрсатишни рад этиш учун асос ҳисобланади. Бошқа сабабларга кўра давлат хизматларини кўрсатишни рад этиш тақиқланади.

13. Абитуриент ҳар қандай босқичда давлат хизматларини олишдан воз кечиш ҳуқуқига эга. Агар абитуриент давлат хизматларини олишдан воз кечса, унинг ҳужжатлари кўрмасдан қолдирилади.

14. Рўйхатдан ўтиш ЯИДХП ёки Давлат тест марказининг веб-сайти орқали амалга оширилганда мазкур Регламентнинг 7-банди учинчи — олтинчи хатбошиларида келтирилган маълумотлар абитуриент томонидан мустақил равишда электрон шаклда юкланади, маълумотларнинг ҳаққонийлиги ва тўғрилиги учун абитуриент шахсан жавобгар ҳисобланади.

15. Рўйхатдан ўтишда тегишли маълумотлар расмийлаштириб тизимга киритилганидан сўнг ЯИДХП ёки Давлат тест марказининг расмий веб-сайти орқали электрон равишда QR-код (матрицали штрих код) қўйилган сўровномани абитуриент электрон шаклда олади.

3-боб. Якунловчи қоидалар

16. Кўзи ожиз абитуриентлар учун танлов Давлат тест маркази тизимига киритилган сўровнома маълумотлари асосида ўтказилади.

17. Юридик техникумга тест синовлари, кўзи ожиз абитуриентлар учун танлов натижалари асосида қабул қилинганда, шунингдек ТДЮУ ҳузуридаги академик лицей битирувчилари учун танлов натижалари бўйича қабул қилинган тақдирда, ушбу абитуриентлар ўқув йили бошланишидан олдин тегишли юридик техникумга ушбу Регламентнинг 7-банди учинчи — олтинчи хатбошиларида кўрсатилган ҳужжатларнинг асл нусхаларини, шунингдек 3,5 x 4,5 см ўлчамли 6 дона рангли фотосурат топширадилар.

18. Марказлар, Давлат тест маркази ва юридик техникумлар ўз фаолияти натижасида олинган маълумотларнинг махфийлигини таъминлайдилар.

19. Ўзбекистон Республикаси Адлия вазирлиги, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари ва марказлар давлат органлари ва бошқа ташкилотлар фаолияти Регламент талабларига мувофиқлиги юзасидан, шу жумладан, ЯИДХП орқали доимий назорат ва мониторинг олиб боради.

20. Абитуриентлар давлат органлари ва бошқа ташкилотлар ходимлари ҳаракатлари устидан қонунчилик ҳужжатларида белгиланган тартибда шикоят қилишлари мумкин.

21. Ушбу Регламентни қўллаш билан боғлиқ низолар қонунда белгиланган тартибда ҳал этилади.

22. Ушбу Регламент талабларини бузганликда айбдор шахслар қонунда белгиланган тартибда жавобгарликка тортилади.

Ўзбекистон Республикаси Адлия вазирлигининг юридик техникумларига ўқишга қабул қилиш бўйича давлат хизматлари кўрсатишнинг маъмурий регламентига 1-ИЛОВА

Ўзбекистон Республикаси Адлия вазирлигининг юридик техникумларига ўқишга қабул қилишни ташкил этиш

Босқичлар Субъектлар Тадбирлар Бажариш муддати 1-босқич Абитуриент Юридик техникумга кириш ҳужжатларини қабул қилиш учун абитуриент Давлат хизматлари марказига шахсан келади ёки Ягона интерактив давлат хизматлари портали ёхуд Давлат тест маркази веб-сайтида рўйхатдан ўтади. 1 — 20 август кунлари 2-босқич Давлат хизматлари маркази Давлат хизматлари марказининг ходими ариза берувчи номидан, 10 дақиқа давомида Ягона интерактив давлат хизматлари портали ЯИДХП ёки Давлат тест маркази веб-сайти орқали мурожаат қилинган тақдирда, абитуриент электрон шаклда сўровнома бўйича маълумотни Давлат тест марказида шакллантирилган абитуриентнинг махсус тест маълумотлар базасига мустақил равишда киритади. автоматик равишда 3-босқич Давлат тест маркази 1. Абитуриентларнинг маълумотлар базасига киритилган маълумотларни қабул қилади. автоматик равишда ҳужжатлари қабул қилиш муддати тугаганидан кейин 2. Абитуриентлардан ҳужжатларни қабул қилиш муддати тугагандан сўнг тест синовлари жадвалига мувофиқ расмий веб-сайтида тест синовларининг вақти ва жойи тўғрисида маълумот жойлаштирилади. 3. Абитуриентлар маълумотлар базасига киритилган маълумотлар асосида тест синовларини ўтказади. 30 августга қадар 4-босқич Абитуриент Имтиҳонлардан муваффақиятли ўтган тақдирда керакли ҳужжатларини асл нусхаларини тегишли юридик техникумларга тақдим этади ўқув йилининг 2 сентябрига қадар

Ўзбекистон Республикаси Адлия вазирлигининг юридик техникумларига ўқишга қабул қилиш бўйича давлат хизматлари кўрсатишнинг маъмурий регламентига 2-ИЛОВА

(Сана) Ўзбекистон Республикаси Адлия вазирлиги юридик техникумларига кириш учун ҳужжатларни топшириш бўйича СЎРОВНОМА

I. Ариза берувчи ҳақидаги маълумотлар: 1.1. Ф.И.О: 1.2. Паспорт маълумотлари (рақами ва серияси) (мавжуд бўлмаган тақдирда, ички ишлар органлари томонидан 09 шакл бўйича берилган маълумот): 1.3. Паспорт олиш ёшига етмаган шахсларнинг туғилганлик ҳақида гувоҳномаси: 1.4. Жисмоний шахснинг шахсий идентификация рақами (ЖШШИР) (агар мавжуд бўлса): 1.5. Манзили: 1.6. Фуқаролиги: 1.7. Миллати: 1.8. Телефон рақами: 1.9. Электрон почта манзили: II. Қўшимча маълумотлар: 2.1. Умумий ўрта (11-синф база бўйича), ўрта махсус, касб-ҳунар ёки бошланғич профессионал таълим муассасаси номи, ушбу муассаса томонидан берилган ўқишни тамомлаганлик ҳақида ҳужжатнинг серияси, рақами ва санаси: 2.2. Тест ўтказиладиган тил: 2.3. Юридик техникум номи: 2.4. Юридик техникумдаги мутахассислик ва касб номи: 2.5. Таълим шакли: III. Имтиёз борлиги ҳақидаги маълумотлар (мавжуд бўлса) Тегишли ҳужжатнинг реквизитлари (рақами, берилган санаси) 3.1. I гуруҳ ногиронлиги бўлган шахслар 3.2. Ижтимоий реестрга киритилган оилалар фарзандлари 3.3. «Меҳрибонлик уйи» ва Болалар шаҳарчасининг битирувчилари 3.4. Чет тилини билиш даражасини тасдиқловчи В1 ва ундан юқори даражадаги давлат малака сертификатига ёки халқаро сертификатларга эга абитуриентлар IV. Абитуриентни хабардор қилиш тартиби 4.1. Имтиҳондан ўтиш учун рўйхатдан ўтказиш ҳақида абитуриентга СМС хабар юбориш (телефон рақами) 4.2. Имтиҳон ўтказиш куни, вақти ва жойи ҳақида Давлат тест марказининг расмий веб-сайти орқали маълум қилиш. Ушбу анкетада кўрсатилган маълумотларнинг тўлиқ, аниқ ва тўғрилигини тасдиқлайман. Ариза берувчининг имзоси

Ўзбекистон Республикаси Адлия вазирлигининг юридик техникумларига ўқишга қабул қилиш бўйича давлат хизматлари кўрсатишнинг маъмурий регламентига 3-ИЛОВА

Ўзбекистон Республикаси Адлия вазирлигининг юридик техникумларига ўқишга кириш учун имтиёзга эга бўлган абитуриентлар тоифаси ҳамда уларнинг реестрини шакллантириш учун масъул бўлган ваколатли органлар

Т/р Имтиёзлар турлари (тоифалари) Имтиёзларни бериш учун масъул ваколатли органлар 1. I гуруҳ ногиронлиги бўлган шахслар ҳамда ногиронлиги бўлган болалар тоифасидаги абитуриентлар Ўзбекистон Республикаси Президенти ҳузуридаги Ижтимоий ҳимоя миллий агентлиги, Соғлиқни сақлаш вазирлиги, Мактабгача ва мактаб таълими вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2. Меҳрибонлик уйи, Болалар шаҳарчаси ва Оилавий болалар уйининг битирувчилари Ўзбекистон Республикаси Президенти ҳузуридаги Ижтимоий ҳимоя миллий агентлиги 3. Ижтимоий реестрга киритилган оилалар фарзандлари 4. Чет тилини билиш даражаси тўғрисида давлат намунасидаги B1 ва ундан юқори даражадаги малака сертификатига ва халқаро сертификатга эга бўлган абитуриентлар Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги

Вазирлар Маҳкамасининг 2020 йил 30 октябрдаги 677-сон қарорига 3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

4. Вазирлар Маҳкамасининг «Муҳаммад ал Хоразмий номидаги Тошкент ахборот технологиялари университети ва Тошкент давлат юридик университетларида ўқув юкламасининг ҳажмларини тасдиқлаш тўғрисида» 2013 йил 23 декабрдаги 337-сон қарорига (Ўзбекистон Республикаси ҚҲТ, 2013 й., 52-сон, 691-модда) киритилаётган ўзгартиришлар рус тилидаги матнда берилган.

5. Вазирлар Маҳкамасининг «Ўзбекистон Республикаси Ҳукуматининг қонун лойиҳаларига доир фаолиятини янада такомиллаштириш чора-тадбирлари тўғрисида» 2016 йил 17 октябрдаги 345-сон қарорида (Ўзбекистон Республикаси ҚТ, 2016 йил, 10-сон, 90-модда):

а) 1-иловада :

41-банднинг биринчи хатбошиси қуйидаги таҳрирда баён этилсин:

«41. Қонун лойиҳасининг жамоатчилик муҳокамаси семинарлар ва давра суҳбатларини ўтказиш, қонун лойиҳалари матнларини ва уларга таҳлилий материалларни Ўзбекистон Республикасининг Ягона интерактив давлат хизматлари портали, органнинг расмий веб-сайтида жойлаштириш йўли билан, шунингдек, бошқа усуллар билан фуқаролар, манфаатдор давлат органлари, шунингдек, фуқароларнинг ўзини ўзи бошқариш органлари ва фуқаролик жамияти бошқа институтлари, илмий, нодавлат нотижорат ва бошқа ташкилотларнинг вакиллари, олимлар ва мутахассислар, экспертлар иштирокида ўтказилади»;

44-банд қуйидаги таҳрирда баён этилсин:

«44. Қонун лойиҳаси ишлаб чиқувчи томонидан Ўзбекистон Республикаси Ягона интерактив давлат хизматлари порталига жамоатчилик муҳокамаси ўтказилиши учун белгиланган тартибда жойлаштирилиши лозим»;

45-банд ўз кучини йўқотган деб ҳисоблансин;

46-банднинг иккинчи хатбошиси қуйидаги таҳрирда баён этилсин:

«Ўзбекистон Республикасининг Ягона интерактив давлат хизматлари порталида жойлаштириладиган қонун лойиҳаларини жамоатчилик томонидан муҳокама қилиш натижалари Ўзбекистон Республикаси Адлия вазирлигига (ҳуқуқий экспертиза учун) ва Ўзбекистон Республикаси Вазирлар Маҳкамасига (кўриб чиқиш учун) киритилади, бунда, қоида тариқасида, келиб тушган таклифларни кўриб чиқиш натижалари кўрсатилиши мажбурийдир»;

47-банддан «жамоатчилик ва (ёки)» сўзлари чиқариб ташлансин;

б) 2-иловада :

14-банднинг ўн биринчи хатбошиси қуйидаги таҳрирда баён этилсин:

«қонун лойиҳаси мутахассислар муҳокамасининг ўтказилганлиги ва унинг натижалари тўғрисидаги ахборот»;

17-бандга қуйидаги мазмундаги олтинчи хатбоши қўшилсин:

«Ўзбекистон Республикасининг Ягона интерактив давлат хизматлари порталига жамоатчилик муҳокамаси учун жойлаштирилган қонун лойиҳаси бўйича фуқаролар таклифларини (изоҳлари) кўриб чиқиш якуни бўйича жадвал»;

олтинчи — еттинчи хатбошилар тегишли равишда еттинчи — саккизинчи хатбошилар деб ҳисоблансин.

6. Вазирлар Маҳкамасининг «Ўзбекистон Республикаси Адлия вазирлигининг Тошкент юридик коллежида ўқув-тарбия жараёнини ташкил этиш ва унинг мазмунини тубдан такомиллаштириш чора-тадбирлари тўғрисида» 2017 йил 10 ноябрдаги 901-сон қарори 14-банди ўз кучини йўқотган деб ҳисоблансин.

8. Вазирлар Маҳкамасининг «Ўзбекистон Республикаси Адлия вазирлигининг юридик коллежларида ўқишни ташкил этиш чора-тадбирлари тўғрисида» 2018 йил 23 октябрдаги 858-сон қарорида :

а) номидаги «коллежларида» сўзи «техникумларида» сўзи билан алмаштирилсин;

б) 1-бандда :

иккинчи хатбошидаги «коллеж» ва «коллежлар» сўзлари тегишли равишда «техникум» ва «техникумлар» сўзлари билан алмаштирилсин;

учинчи хатбошидаги «коллежларнинг» сўзи «техникумларнинг» сўзи билан алмаштирилсин;

в) 2-банд ўз кучини йўқотган деб ҳисоблансин;

г) 3-банднинг биринчи хатбошисидаги «коллежларнинг» сўзи «техникумларнинг» сўзи билан алмаштирилсин;

д) 4-бандда :

«а» кичик бандда :

биринчи хатбошидаги «коллежларда» сўзи «техникумларда» сўзи билан алмаштирилсин;

учинчи хатбошидаги «коллежларни» сўзи «техникумларни» сўзи билан алмаштирилсин;

еттинчи хатбошидаги «коллежлар» сўзи «техникумлар» сўзи билан алмаштирилсин;

«б» кичик бандда :

биринчи — учинчи хатбошилардаги «коллежлар» сўзи «техникумлар» сўзи билан алмаштирилсин;

тўртинчи хатбошидаги «коллежларда» сўзи «техникумларда» сўзи билан алмаштирилсин;

е) 5-банддаги «коллежларда» сўзи «техникумларда» сўзи билан алмаштирилсин;

ж) 6-банд ўз кучини йўқотган деб ҳисоблансин;

з) 7 — 9-бандлардаги «коллежларга» сўзи «техникумларга» сўзи билан алмаштирилсин;

и) 10-банд қуйидаги таҳрирда баён этилсин:

«10. Белгилансинки:

ТДЮУнинг юридик техникумлар ва ТДЮУ қошидаги академик лицейда ўқув-методик жараёнини мувофиқлаштириш бўйича фаолиятни ташкил этадиган таркибий бўлинмаси ходимларининг штатдаги чекланган сони Адлия вазирлиги томонидан тасдиқланадиган ТДЮУ намунавий штатлари билан аниқланади;

ТДЮУ мазкур таркибий бўлинмаси бошлиғининг лавозим маоши олий таълим муассасаси деканининг базавий лавозим маошига, унинг ўринбосари лавозим маоши — олий таълим муассасаси декани ўринбосари базавий лавозим маошига тенглаштирилади;

автотранспорт воситаларини сотиб олиш ва сақлаш билан боғлиқ харажатлар юридик техникумларнинг бюджетдан ташқари маблағлари, бюджетдан ташқари Адлия органлари ва муассасаларини ривожлантириш жамғармаси маблағлари ҳамда адлия органлари ва муассасаларининг бюджетдан ташқари бошқа маблағлари ҳисобига амалга оширилади;

Юридик техникумлар ва ТДЮУ ҳузуридаги академик лицей ўқув-методик жараёнини мувофиқлаштириш бўйича фаолиятни ташкил этадиган ТДЮУ таркибий бўлинмаси штат бирликларининг сони кўпайтирилиши билан ҳамда мазкур таркибий бўлинма бошлиғининг лавозим маоши олий таълим муассасаси деканининг базавий лавозим маошига, унинг ўринбосари лавозим маоши — олий таълим муассасаси декани ўринбосари базавий лавозим маошига тенглаштириш билан боғлиқ харажатлар ТДЮУ бюджетдан ташқари маблағлари ҳисобига амалга оширилади.»;

к) 11 ва 12-бандлар қуйидаги таҳрирда баён этилсин:

«11. Ўзбекистон Республикаси Молия вазирлиги Ўзбекистон Республикаси Давлат бюджети параметрларида юридик техникумларда кам таъминланган оилалар аъзолари бўлган ўқувчилар, «Меҳрибонлик уйи» ва Болалар шаҳарчасининг битирувчилари, I гуруҳ ногиронлиги бўлган, шу жумладан кўзи ожиз шахслар таълим олиши билан боғлиқ харажатлар учун зарур маблағларни назарда тутсин.

12. Ўзбекистон Республикаси Адлия вазирлигига таълим хизматлари сифатини ошириш мақсадида юридик техникумларинг бошқарув, педагог, ўқув-ёрдамчи, техник ва хизмат кўрсатувчи ходимларига устама ҳақлари ва моддий рағбатлантиришнинг бошқа турлари миқдорларини юридик техникумларнинг тўлов-контрактдан келиб тушган маблағлари (шу жумладан, табақалаштирилган контракт) ҳисобидан ҳамда Адлия органлари ва муассасаларини ривожлантириш жамғармаси маблағлари, адлия органлари ва муассасаларининг бюджетдан ташқари бошқа маблағлари ҳисобидан мустақил белгилаш ҳуқуқи берилсин.

Юридик техникумлар ходимларига ҳар ойлик устамаларни белгилаш мезонлари Ўзбекистон Республикаси Адлия вазирлиги томонидан ўрнатилади.»;

л) 13-банддаги «коллежларда» сўзи «коллежларда ва техникумларда» сўзлари билан алмаштирилсин.

11. Вазирлар Маҳкамасининг 2020 йил 19 мартдаги 171-сон «Ал-Хоразмий номидаги Халқаро физика ва математика мактаб-интернатини ташкил этиш тўғрисида»ги қарори 5-банди қуйидаги таҳрирда баён этилсин:

«5. Ўзбекистон Республикаси Халқ таълими вазирлиги Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси ҳамда бошқа манфаатдор вазирлик ва идоралар билан биргаликда:

2021 йил 1 январга қадар халқаро мактабнинг раҳбар ва бошқа кадрларини аттестациядан ўтказсин ҳамда танлов асосида халқаро мактабни замонавий талабларга жавоб берадиган, юксак малака ва юқори профессионал тайёргарликка эга бошқарув ва бошқа кадрлар билан тўлдиришни таъминласин;

бир ой муддатда халқаро мактабни раҳбар ва бошқа кадрларини аттестациядан ўтказиш ҳамда ходимларни танлов асосида халқаро мактабга ишга қабул қилиш тартибини ишлаб чиқсин ва тасдиқласин».

Ўзбекистон Республикасининг Бош вазири А. АРИПОВ

Тошкент ш.,

2020 йил 30 октябрь,

677-сон

(Қонун ҳужжатлари маълумотлари миллий базаси, 31.10.2020 й., 09/20/677/1443-сон, 31.12.2020 й., 09/20/834/1700-сон; Қонунчилик маълумотлари миллий базаси, 10.06.2021 й., 09/21/359/0546-сон, 17.09.2021 й., 09/21/572/0891-сон, 23.11.2021 й., 09/21/705/1082-сон; 05.04.2022 й., 09/22/153/0266-сон; 14.07.2022 й., 09/22/385/0643-сон; 15.12.2023 й., 09/23/660/0938-сон; 08.10.2024 й., 09/24/640/0791-сон; 09.11.2024 й., 09/24/741/1098-сон; 03.01.2025 й., 09/25/900/0006-сон; 22.05.2025 й., 09/25/325/0460-сон; 02.02.2026 й., 09/26/35/0101-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

TARTIBI

TARTIBI

TARTIBI

MAʼMURIY REGLAMENTI

SXEMASI

ROʻYXATI

Oʻzbekiston Respublikasi Adliya vazirligi yuridik texnikumlari faoliyatini takomillashtirishga doir qoʻshimcha chora-tadbirlar toʻgʻrisida

Oʻzbekiston Respublikasi Prezidentining “Oʻzbekiston Respublikasida yuridik taʼlim va fanni tubdan takomillashtirish boʻyicha qoʻshimcha chora-tadbirlar toʻgʻrisida” 2020-yil 29-apreldagi PF-5987-son Farmoni ijrosini taʼminlash, shuningdek, kasb-hunar maʼlumotiga ega malakali mutaxassislar, raqobatbardosh yuridik kadrlar tayyorlash jarayonini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Oʻzbekiston Respublikasida yuridik taʼlim va fanni tubdan takomillashtirish boʻyicha qoʻshimcha chora-tadbirlar toʻgʻrisida” 2020-yil 29-apreldagi PF-5987-son Farmoni bilan Oʻzbekiston Respublikasi Adliya vazirligi yuridik texnikumlari (keyingi oʻrinlarda — yuridik texnikum) faoliyati yanada takomillashtirilganligi, shu jumladan, mazkur Farmonning:

a) 3-bandiga muvofiq yuridik kadrlarni tayyorlashga buyurtma shakllantirish tartibi joriy etilganligi;

b) 15-bandiga muvofiq 2020/2021 oʻquv yilidan boshlab yuridik texnikumlarda Oʻzbekiston Respublikasi fuqarolarini qabul qilish Vazirlar Mahkamasi huzuridagi Davlat test markazi (keyingi oʻrinlarda — Davlat test markazi) tomonidan oʻtkaziladigan test sinovlari orqali amalga oshirilib, tabaqalashtirilgan toʻlov-kontrakt asosida qoʻshimcha qabul tartibi joriy etilishi;

v) 17-bandiga muvofiq Oʻzbekiston Respublikasi Adliya vazirligiga yuridik texnikumlar tuzilmasini ishlab chiqish va tasdiqlash, yuridik texnikumlarga toʻlov-kontrakt boʻyicha qoʻshimcha qabul parametrlari va oʻqish qiymatini tasdiqlash, yuridik texnikumlarda oʻqish muddatlari va shaklini belgilash hamda ularning xodimlari ish haqi tizimi va tartibini belgilash vakolatlari berilganligi maʼlumot uchun qabul qilinsin.

2. Quyidagilar:

Oʻzbekiston Respublikasi Adliya vazirligining yuridik texnikumlariga oʻqishga qabul qilish tartibi toʻgʻrisida nizom 1-ilovaga ;

Oʻzbekiston Respublikasi Adliya vazirligining yuridik texnikumlariga oʻqishga hujjatlarni qabul qilish boʻyicha davlat xizmatlarini koʻrsatishning maʼmuriy reglamenti 2-ilovaga muvofiq tasdiqlansin.

3. Belgilansinki:

2021/2022 oʻquv yilidan boshlab yuridik texnikumlarga hujjatlarni qabul qilish davlat xizmatlari markazlari, Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) yoki Davlat test markazining rasmiy veb-sayti orqali amalga oshiriladi;

Toshkent davlat yuridik universiteti (keyingi oʻrinlarda — TDYU) huzuridagi akademik litseyni tamomlagan oʻzlashtirish koʻrsatkichlarining 56 va undan yuqori foizlik natijalariga ega bitiruvchilar hamda respublika oliy taʼlim muassasalarida “yurisprudensiya” taʼlim yoʻnalishi boʻyicha test sinovlarida ishtirok etib, biroq yuridik texnikumlardagi test sinovlaridagi oʻtish balini toʻplagan, oʻqishga tavsiya etilmagan abituriyentlar yuridik texnikumlarga kirish imtihonlarisiz, toʻlov-kontrakt asosida qabul parametrlaridan tashqari qabul qilinadi;

yuridik texnikumlarda oʻquv yuklamasi hajmi Oʻzbekiston Respublikasi Adliya vazirligi tomonidan belgilanadi;

yuridik texnikumlarda pedagog xodimlarning shaxsiy ish rejasidagi tadbirlar roʻyxati va ularning minimal soatlari TDYU tomonidan tasdiqlanadi;

yuridik texnikumlar pedagog va rahbar xodimlarining xorijiy davlatlar taʼlim muassasalarida stajirovka oʻtashlari ular tomonidan qonunchilik hujjatlariga muvofiq malakasini oshirishga tenglashtiriladi;

yuridik texnikumlarda asosiy ish joyi boʻyicha faoliyat yuritayotgan pedagog xodimlar belgilangan tartibda yuridik texnikumlarning shtat lavozimini egallaydi va shtatlarida aks ettiriladi;

Vazirlar Mahkamasining 2001-yil 26-iyuldagi 318-son qarori bilan tasdiqlangan Oliy oʻquv yurtlarida toʻlov-kontrakt asosida oʻqish uchun taʼlim kreditlari berish toʻgʻrisidagi nizomning amal qilishi, kreditlarni bakalavriat talabalari uchun belgilangan shartlarda ajratish orqali, yuridik texnikum oʻquvchilariga nisbatan ham tatbiq etiladi.

TDYUga Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining yoʻllanmalari hamda TDYU huzuridagi akademik litsey tavsiyanomalari asosida kirish test sinovlarisiz yakka tartibdagi suhbat natijalariga koʻra oʻqishga kirgan yuridik texnikumlar va akademik litseyning bitiruvchilariga (abituriyentlarga) ularning toʻlov-kontrakt asosida oʻqish xarajatlarini qoplash uchun Oʻzbekiston Respublikasi Adliya vazirligi tomonidan belgilangan tartibda Adliya vazirligining budjetdan tashqari va TDYUning budjetdan tashqari (toʻlov-kontrakt, shu jumladan tabaqalashtirilgan toʻlov-kontrakt) mablagʻlari hisobidan grantlar ajratilishi mumkin.

4. Belgilab qoʻyilsinki:

a) qoʻshma taʼlim dasturlari va qoʻshma fakultetlar hamda xorijiy hamkorlar bilan birgalikda tashkil etiladigan oliy taʼlim tizimi bilan integratsiyalashgan taʼlim dasturlariga abituriyentlarni qabul qilish hamda bitiruvchilarini attestatsiyadan oʻtkazish tartibi va qoidalari TDYU tomonidan xorijiy hamkorlar bilan kelishilgan holda belgilanadi;

b) qoʻshma taʼlim dasturlari va qoʻshma fakultetlar hamda xorijiy hamkorlar bilan birgalikda tashkil etiladigan oliy taʼlim tizimi bilan integratsiyalashgan taʼlim dasturlaridagi oʻquv jarayoni toʻlov-kontrakt asosida xorijiy hamkorlarning talablarini hisobga olgan holda, TDYU tomonidan tasdiqlangan taʼlim shakli, oʻquv reja va oʻquv dasturlari boʻyicha amalga oshiriladi;

v) qoʻshma taʼlim dasturlari va qoʻshma fakultetlar hamda xorijiy hamkorlar bilan birgalikda tashkil etiladigan oliy taʼlim tizimi bilan integratsiyalashgan taʼlim dasturlarida oʻqitishning toʻlov-kontrakt miqdori TDYU tomonidan Oʻzbekiston Respublikasi Adliya vazirligi va xorijiy hamkorlar bilan kelishilgan holda belgilanadi;

g) yuridik texnikum direktorlariga budjetdan tashqari (toʻlov-kontrakt, shu jumladan, tabaqalashtirilgan toʻlov-kontrakt asosida oʻqitishdan tushgan) mablagʻlar hisobidan mustaqil ravishda:

xorijiy mutaxassislarni fuqarolik-huquqiy shartnoma asosida konsultant, maʼruzachi va oʻqituvchi sifatida, xususan onlayn rejimda dars oʻtish uchun jalb etib, ularga ish haqi va boshqa toʻlovlarni belgilash;

yuridik texnikum xodimlarini xorijiy taʼlim muassasalari, ilmiy va boshqa tashkilotlarda stajirovka oʻtash hamda malaka oshirishga yuborish huquqi beriladi;

d) TDYU va yuridik texnikumlarda avtotransport vositalarining yoʻl bosish yillik limiti, normativlari va ularga xizmat koʻrsatish talablari tegishlicha TDYU va yuridik texnikumlar tomonidan mustaqil belgilanadi.

5. Oʻzbekiston Respublikasi Adliya vazirligi:

a) bir oy muddatda:

yuridik texnikumlar ustavlari ishlab chiqilishi va tasdiqlanishini, shuningdek, ularning belgilangan tartibda davlat roʻyxatidan oʻtkazilishini;

yuridik texnikumlarning shtat jadvallari va xarajatlar smetalari;

taʼlim berishning kredit-modul tizimi sharoitida pedagog xodimlarning tarkibi mehnatini meʼyorlashtirish, ish vaqtini faqat oʻquv tadbirlariga asoslangan holda amalga oshirish, shuningdek pedagog xodimlar tomonidan oʻquv-metodik, tashkiliy-metodik, maʼnaviy-axloqiy va tarbiyaviy ishlarni bajarishni ragʻbatlantirishni nazarda tutuvchi pedagog xodimlarning shaxsiy ish rejasidagi tadbirlar roʻyxati va ularning minimal soatlarini (sarflanadigan vaqt meʼyorlarini) TYUDU tomonidan tasdiqlanishini;

yuridik texnikumlarda bir oʻqituvchiga toʻgʻri keladigan oʻquvchilar soni nisbati normativlari va yuridik texnikumlarda oʻquv yuklama hajmi, shuningdek TYUDU tomonidan yuridik texnikumlarda pedagog xodimlarning shaxsiy ish rejasidagi tadbirlar roʻyxati va ularning minimal soatlarini tasdiqlanishini;

b) uch oy muddatda yuridik texnikumlarda oʻquv jarayonini kredit-modul tizimini qoʻllagan holda tashkil etish boʻyicha qaror loyihasi ishlab chiqilib, Vazirlar Mahkamasiga kiritilishini taʼminlasin.

6. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Adliya vazirligi huzuridagi Davlat xizmatlari agentligi bilan birgalikda 2021-yil 1-mayga qadar yuridik texnikumlarga oʻqishga kirish uchun hujjatlarni YIDXP orqali qabul qilish boʻyicha davlat xizmatlari joriy etilishini taʼminlasin.

7. Yuridik texnikumlarda oʻquv-metodik jarayonni sifatli muvofiqlashtirishni taʼminlash, ularga amaliy va axborot-resurs jihatdan koʻmaklashish maqsadida TDYUga 1 ta mikroavtobus va 2 ta navbatchi xizmat yengil avtotransport vositasini saqlash uchun limit ajratilsin. Bunda, avtotransport vositalarini sotib olish va saqlash bilan bogʻliq xarajatlar TDYUning budjetdan tashqari mablagʻlari hisobidan amalga oshiriladi.

8. Oʻzbekiston Respublikasi Hukumatining ayrim qarorlariga 3-ilovaga muvofiq oʻzgartirish va qoʻshimchalar kiritilsin.

9. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

10. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov zimmasiga yuklansin.

Vazirlar Mahkamasining 2020-yil 30-oktabrdagi 677-son qaroriga 1-ILOVA

Oʻzbekiston Respublikasi Adliya vazirligining yuridik texnikumlariga oʻqishga qabul qilish tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Adliya vazirligining yuridik texnikumlariga (keyingi oʻrinlarda — yuridik texnikumlar) kunduzgi, sirtqi, masofaviy va kechki taʼlim shakllari boʻyicha oʻqishga qabul qilish tartibini belgilaydi.

2. Oʻzbekiston Respublikasi fuqarolarini yuridik texnikumlarga oʻqishga qabul qilish:

Oʻzbekiston Respublikasi taʼlim muassasalariga qabul qilish boʻyicha davlat komissiyasi (keyingi oʻrinlarda — Davlat komissiyasi) qarori bilan tasdiqlangan davlat buyurtmasi (davlat granti) parametrlariga;

Oʻzbekiston Respublikasi Adliya vazirligi (keyingi oʻrinlarda — Adliya vazirligi) tomonidan tasdiqlanadigan toʻlov-kontrakt asosida qabul parametrlariga muvofiq kirish sinovlari natijalariga koʻra toʻplangan ballarning reyting tizimi boʻyicha amalga oshiriladi.

3. Kirish sinovlarida eng yuqori ball toʻplagan abituriyentlarning davlat grantlari boʻyicha birinchi navbatda qabul qilinish huquqi taʼminlanadi. Keyingi oʻrinlardagi abituriyentlar toʻplagan reyting ballari asosida belgilangan toʻlov-kontrakt parametrlari doirasida oʻqishga qabul qilinadi.

4. Ijtimoiy reyestrga kiritilgan oilalar aʼzolarining kirish sinovlaridan muvaffaqiyatli oʻtgan farzandlari, Mehribonlik uyi, Bolalar shaharchasi va Oilaviy bolalar uyining bitiruvchilari, I guruh nogironligi boʻlgan shaxslar hamda nogironligi boʻlgan bolalar toifasidagi abituriyentlar qoʻshimcha qabul parametrlari asosida qonunchilik hujjatlariga muvofiq davlat granti asosida oʻqishga qabul qilinadi.

Ushbu toifadagi abituriyentlar uchun qoʻshimcha qabul parametrlari yuridik texnikumlar uchun ajratilgan umumiy qabul parametrlari (davlat gratni va toʻlov-kontrakt asosida)ning 2 foizi doirasida Davlat komissiyasi tomonidan tasdiqlanadi.

5. Toshkent davlat yuridik universiteti (keyingi oʻrinlarda — TDYU) huzuridagi akademik litseyni tamomlagan oʻzlashtirish koʻrsatkichlarining 56 va undan yuqori foizlik natijalariga ega bitiruvchilar va joriy yilda yuridik kadrlar tayyorlovchi oliy taʼlim muassasalariga oʻqishga kirish uchun respublika oliy taʼlim muassasalarining “yurisprudensiya” taʼlim yoʻnalishi boʻyicha test sinovlarida ishtirok etib, oʻqishga tavsiya etilmagan, biroq yuridik texnikumlardagi tegishli oʻquv yilida test sinovlarida oʻtish balini toʻplagan yoki chet tilini bilish darajasini tasdiqlovchi B2 va undan yuqori darajadagi davlat malaka sertifikatiga yoki xalqaro sertifikatlarga ega abituriyentlar kirish imtihonlarisiz yuridik texnikumlarga qabul parametrlaridan tashqari toʻlov-kontrakt asosida qabul qilinadi.

6. Yuridik texnikumlarga kirish sinovlari, qoida tariqasida, 25 — 30-avgust kunlari quyidagi shaklda oʻtkaziladi:

Oʻzbekiston Respublikasi fuqarolari uchun — test sinovlari;

xorijiy fuqarolar uchun — ogʻzaki suhbat;

koʻzi ojizlar uchun — tanlov asosida.

Test sinovlarini oʻtkazishning aniq sanalari Adliya vazirligi tomonidan Davlat test markazi bilan kelishilgan holda belgilanadi.

Zarur hollarda, Adliya vazirligi tomonidan Davlat test markazi bilan kelishilgan holda mazkur bandning birinchi xatboshisida belgilangan test sinovlarini oʻtkazish muddatiga oʻzgartirish kiritilishi mumkin.

7. Yuridik texnikumlarga qabul qilish uchun kirish sinovlari oʻquvchi taʼlim oladigan tilda topshiriladi. Bunda oʻzbek guruhlariga hujjat topshirgan abituriyentlar yuridik texnikumlarga hujjatlarni qabul qilish haqidagi arizada aks ettirilgan oʻz ixtiyoriga koʻra tanlovdan oʻzbek tilida lotin yoki kirill alifbosida oʻtish huquqiga ega.

Yuridik texnikumlarda oʻqitish tili abituriyentlardan hujjatlar qabul qilinishiga qadar Adliya vazirligi tomonidan belgilanadi.

Kirish sinovlari taʼlim shakli, mutaxassislik va kasblar hamda oʻqitish tillariga koʻra alohida oʻtkaziladi.

8. Yuridik texnikumlarga oʻqishga qabul qilishni tashkil etish, shu jumladan abituriyentlarga maslahat xizmatlari koʻrsatish tegishli oʻquv yili uchun Adliya vazirligi tomonidan tashkil etiladigan qabul komissiyasi tomonidan amalga oshiriladi.

9. Qabul komissiyasi, qoida tariqasida, har yili 15-martdan kechikmay tashkil etiladi. Qabul komissiyasi raisi va masʼul kotibi Oʻzbekiston Respublikasi adliya vazirining buyrugʻi bilan, qabul komissiyasining qolgan aʼzolari esa — yuridik texnikum direktorining buyrugʻi bilan tasdiqlanadi.

Yuridik texnikum direktori lavozimi boʻyicha qabul komissiyasi raisi hisoblanadi. Qabul komissiyasining joriy ishlari masʼul kotib tomonidan amalga oshiriladi.

10. Abituriyentlarni yuridik texnikumlarga oʻqishga qabul qilishni tashkil etish ushbu Nizomning l-ilovasiga muvofiq amalga oshiriladi.

2-bob. Hujjatlarni qabul qilish

11. Qabul komissiyasi, qoida tariqasida, hujjatlarni qabul qilish boshlanishidan bir oy oldin yuridik texnikumlarga qabul qilish muddatlari, mutaxassislik va kasblar nomlari hamda qabul parametrlari haqidagi axborotni yuridik texnikum, shuningdek tegishli hududiy adliya organlari rasmiy veb-saytlarida eʼlon qiladi.

12. Oʻzbekiston Respublikasi fuqarolari yuridik texnikumlarga oʻqishga kirish uchun 1-avgustdan 20-avgustgacha (shu kuni ham) Oʻzbekiston Respublikasi Vazirlar Mahkamasi tomonidan tasdiqlangan davlat xizmatlari koʻrsatishning maʼmuriy reglamentiga asosan davlat xizmatlari markazlari, Oʻzbekiston Respublikasi Yagona interaktiv davlat xizmatlari portali yoki Oʻzbekiston Respublikasi Vazirlar Mahkamasi huzuridagi Davlat test markazining (keyingi oʻrinlarda — Davlat test markazi) rasmiy veb-sayti orqali elektron shaklda tegishli hujjatlarni topshiradi.

Bunda, Adliya vazirligi test sinovlarini oʻtkazish muddatining oʻzgarishi munosabati bilan abituriyentlar elektron shaklda tegishli hujjatlarni topshirish muddatlariga oʻzgartirish kiritishga xaqli.

13. Xorijiy fuqarolar yuridik texnikumlarga oʻqishga kirish uchun 15-martdan 15-avgustgacha (shu kuni ham) Internet jahon axborot tarmogʻi orqali qabul komissiyasiga yuridik texnikum direktori nomiga ariza hamda quyidagi hujjatlarni elektron shaklda taqdim etgan holda roʻyxatdan oʻtadi:

pasport yoki uning oʻrnini bosuvchi hujjat;

oʻrta yoki oʻrta-maxsus, professional maʼlumot toʻgʻrisidagi hujjat.

Zarur hollarda, Adliya vazirligi tomonidan mazkur bandning birinchi xatboshisida hujjatlarni qabul qilish muddatiga oʻzgartirish kiritilishi mumkin.

14. Roʻyxatdan oʻtishning belgilangan muddati tugagandan soʻng ularga oʻzgartirish va qoʻshimchalar kiritish qatʼiyan taqiqlanadi.

15. Roʻyxatga olingan abituriyentlar soni haqidagi kunlik maʼlumotlar mutaxassislik va kasblar, taʼlim shakli va tili kesimida qabul komissiyasi tomonidan yuridik texnikumning hamda Davlat test markazi rasmiy veb-saytiga joylashtirib boriladi.

16. Abituriyent tomonidan topshirilgan hujjatlarning qalbakiligi yoki soxtaligi aniqlansa, u holda abituriyent test sinovlaridan (yuridik texnikumdan) chetlashtiriladi hamda hujjatlari belgilangan tartibda huquqni muhofaza qiluvchi organlarga tegishli choralar koʻrish uchun yuboriladi.

17. Abituriyent oʻz ruxsatnomasini hujjatlar qabul qilish tugaganidan keyin bir hafta mobaynida Davlat test markazi rasmiy veb-saytidan elektron shaklda oladi.

3-bob. Kirish imtihonlarini oʻtkazish tartibi

18. Kirish imtihonlari oʻtkazilishiga qadar qabul komissiyasi tomonidan maslahatlar tashkil etilishi mumkin. Maslahatlar jadvali qabul komissiyasi tomonidan ishlab chiqiladi va yuridik texnikum direktori tomonidan tasdiqlanadi.

19. Test sinovlari Davlat test markazi tomonidan oʻtkaziladi.

Test sinovlari uchun savollar umumiy oʻrta taʼlim (11-sinf negizida), oʻrta maxsus, boshlangʻich professional taʼlim dasturlari umumtaʼlim fanlarining oʻquv dasturlariga muvofiq Davlat test markazi tomonidan shakllantiriladi.

20. Yuridik texnikumlarga qabul qilish uchun test sinovlarini tashkil etish va oʻtkazish mazkur Nizomga 2-ilovada keltirilgan tartibga muvofiq amalga oshiriladi.

21. Test sinovi topshiriladigan fanlar majmuasi, baholash mezonlari, test topshiriqlari soni TDYU bakalavriatiga kirish uchun belgilangan talablarga muvofiq aniqlanadi.

22. Yuridik texnikumlarga xorijiy fuqarolarni va koʻzi ojiz fuqarolarni qabul qilish tegishlicha mazkur Nizomga 3 va 4-ilovalarda keltirilgan tartibga muvofiq amalga oshiriladi.

23. Chet tilini bilish darajasini tasdiqlovchi V1 va undan yuqori darajadagi davlat malaka sertifikatiga yoki xalqaro sertifikatlarga ega abituriyentlar chet tili fani boʻyicha test sinovlari oʻtkazilgan hollarda, ushbu fan boʻyicha test sinovini topshirishdan ozod qilinadilar va ularga shu fan doirasida abituriyent olishi mumkin boʻlgan quyidagi tartibda maksimal ball qoʻshiladi:

ingliz tili uchun — milliy sertifikat yoki International English Language Testing System (IELTS 5,0), Test af English as a Foreign Language (TOEFL IBT 86), Cambridge Assesstment English, PET Preliminary xalqaro imtihon tizimlari boʻyicha tilni bilish darajalari B1 va undan yuqori;

yapon tili uchun — milliy sertifikat yoki Japanese Language Proficiency Test (JLPT № 3) xalqaro imtihon tizimi boʻyicha tilni bilish darajalari B1 va undan yuqori;

nemis tili uchun — milliy sertifikat yoki Goethe-Zertifikat, Deutsches Sprachdipom (DSD) xalqaro imtihon tizimlari boʻyicha tilni bilish darajalari B1 va undan yuqori;

fransuz tili uchun — milliy sertifikat yoki Diplome dʼEtudes en Language Francaise (DELF B1) xalqaro imtihon tizimi boʻyicha tilni bilish darajalari B1 va undan yuqori.

24. Kirish imtihonlari boʻyicha Adliya vazirligi tomonidan belgilangan minimal oʻtish balidan kam ballni toʻplagan, shuningdek, belgilangan vaqtda imtihonlarga yetib kelmagan abituriyentlar yuridik texnikumlarga qabul qilinmaydi.

25. Abituriyentlarning toʻplagan ballari haqidagi maʼlumot test sinovi oʻtkazilgan kunning ertasiga Davlat test markazining rasmiy veb-saytida eʼlon qilinadi.

26. Test sinovlarining natijalari Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligining qaydnomasiga kiritiladi.

Tanlov va suhbat natijalari yuridik texnikumlarning qaydnomasiga kiritiladi.

Qaydnomada abituriyentlar roʻyxati taʼlim shakli, har bir mutaxassislik va kasb boʻyicha toʻplangan eng yuqori balldan boshlab kamayib borish tartibida joylashtiriladi.

Ijtimoiy reyestrga kiritilgan oilalarning farzandlari, Mehribonlik uyi, Bolalar shaharchasi va Oilaviy bolalar uyining bitiruvchilari, I guruh nogironligi boʻlgan shaxslar hamda nogironligi boʻlgan bolalar toifasidagi abituriyentlarning test sinovlari natijalari qaydnomalari alohida shakllantiriladi.

27. Abituriyentning kirish imtihoni natijalariga jiddiy taʼsir koʻrsatishi mumkin boʻlgan tartiblarning buzilishi aniqlanganda, imtihon natijalari bekor qilinadi, abituriyent oʻqishga qabul qilingan boʻlsa, u yuridik texnikum oʻquvchilari safidan chetlashtiriladi.

28. Yuridik texnikumlarga qabul qilish uchun kirish sinovlarini qayta oʻtkazish taqiqlanadi.

29. Test sinovlari natijasi boʻyicha qaydnomalar Davlat test markazining direktori tomonidan tasdiqlanib, tanlov asosida oʻquvchilikka tavsiya etilgani yoki etilmaganligi toʻgʻrisidagi maʼlumot toʻliq aks ettirilgan holda, Adliya vazirligiga tasdiqlash uchun taqdim etiladi. Yuridik texnikumlarning qaydnomalari yuridik texnikum direktori tomonidan tasdiqlanadi.

Tanlov yuridik texnikumlar tomonidan oʻtkaziladi va tanlov qaydnomalari mazkur Nizomning 26-bandi asosida kirish imtihonlari toʻliq yakunlangandan keyin 3 kun muddatda abituriyentlarni yuridik texnikumga qabul qilish uchun Adliya vazirligiga taqdim etiladi.

Abituriyentlarning tanlov asosida oʻquvchilikka tavsiya etilgani yoki etilmaganligi toʻgʻrisidagi maʼlumot test sinovlari toʻliq yakunlanib, Adliya vazirligi qarori qabul qilingandan soʻng eʼlon qilinadi.

4-bob. Kirish imtihonlari natijasi boʻyicha berilgan apellyatsiyalarni koʻrib chiqish

30. Kirish imtihonlari natijalari yuzasidan abituriyentlarning shikoyatlarini koʻrib chiqish uchun apellyatsiya komissiyalari:

test sinovlari natijalari yuzasidan — Adliya vazirligi bilan birgalikda Davlat test markazi tomonidan;

koʻzi ojiz abituriyentlar uchun tanlov natijalarini koʻrib chiqish boʻyicha — yuridik texnikum direktorining buyrugʻi bilan tashkil etiladi.

31. Apellyatsiya komissiyasi tarkibiga tegishli fanlar boʻyicha ekspertlar hamda Oʻzbekiston koʻzi ojizlar jamiyati vakili (shikoyat koʻzi ojiz abituriyent tomonidan berilganda) kiritiladi.

Zarur hollarda, apellyatsiyani koʻrib chiqish jarayoniga tegishli masalalar boʻyicha Davlat test markazi vakili, bino rahbari va guruh nazoratchilari jalb qilinishi mumkin.

32. Apellyatsiya komissiyasi aʼzolarining uchdan ikki qismi qatnashganda vakolatli hisoblanadi, umumiy rahbarlikni rais amalga oshiradi, apellyatsiya komissiyasi bayonnomalari kotib tomonidan rasmiylashtiriladi.

33. Kirish imtihonlari natijasidan norozi boʻlgan abituriyent apellyatsiya komissiyasiga kirish imtihonlari natijasi eʼlon qilingandan boshlab bir hafta muddatda yozma tartibda apellyatsiya shikoyati berish huquqiga ega. Apellyatsiya shikoyatiga abituriyent pasporti (yoki uning oʻrnini bosuvchi hujjat) va ruxsatnomasi nusxalari (test sinovlari topshirilganda) ilova qilinadi.

34. Apellyatsiya komissiyasi taqdim etilgan apellyatsiya shikoyatini ular kelib tushgan kundan boshlab uch ish kunidan oshmagan muddatda koʻrib chiqadi. Apellyatsiya shikoyati koʻrib chiqiladigan kun haqida abituriyentga xabarnoma beriladi.

35. Test sinovlari natijasi boʻyicha apellyatsiya shikoyati berilganda abituriyentning javoblar varaqasi, test topshiriqlari kitobi Davlat test markaziga belgilangan tartibda yetkazilmagan, yirtilgan boʻlsa, shuningdek test sinovlaridan chetlashtirilgan boʻlsa apellyatsiya shikoyati koʻrib chiqilmaydi.

36. Apellyatsiya bergan abituriyent xabarnomada belgilangan vaqtda apellyatsiya komissiyasiga oʻzining pasporti (yoki uning oʻrnini bosuvchi hujjat) bilan kelishi shart.

37. Apellyatsiya shikoyati koʻrilayotgan abituriyentga uning javoblar varaqasi nusxasi (koʻz ojizlar uchun tanlov materiallari), xato va toʻgʻri bajarilgan test topshiriqlari toʻgʻrisida maʼlumot hamda test sinovlarida abituriyentga taqdim etilgan test topshiriqlari kitobi beriladi.

Abituriyent oʻzining eʼtirozlarini yozib, unga berilgan test materiallari bilan birga Apellyatsiya komissiyasiga topshiradi.

38. Apellyatsiya shikoyati apellyatsiya komissiyasi tomonidan faqat abituriyent ishtirokida, uning yozma javoblari asosida koʻrib chiqiladi.

39. Apellyatsiya komissiyasi abituriyentning eʼtirozlarini koʻrib chiqish natijasida qyyidagi mazmundagi qarorlardan birini qabul qiladi:

eʼtiroz asossiz boʻlsa, apellyatsiyani qanoatlantirishni rad etish va kirish sinovlari natijalarini oʻzgarishsiz qoldirish;

eʼtiroz asosli boʻlsa, kirish sinovi natijalariga oʻzgartirish kiritish boʻyicha Adliya vazirligiga taklif kiritish.

40. Abituriyent Apellyatsiya komissiyasining apellyatsiya shikoyatini koʻrib chiqish natijalari boʻyicha qabul qilgan qarori yuzasidan qonunchilik hujjatlarida belgilangan tartibda sudga shikoyat qilishi mumkin.

5-bob. Oʻqishga qabul qilish

41. Adliya vazirligining abituriyentlarni yuridik texnikumlarga oʻqishga qabul qilish toʻgʻrisidagi qarori, qoida tariqasida, 2-sentabrdan kechikmasdan qabul qilinadi.

42. Adliya vazirligining qaroriga muvofiq abituriyentlarni davlat granti asosida oʻqishga qabul qilish boʻyicha yuridik texnikum direktori 5 ish kuni ichida buyruqni rasmiylashtiradi.

43. Qabul Adliya vazirligi tomonidan:

a) qabul parametrlari doirasida davlat granti va toʻlov-kontrakt asosida;

b) qabul parametrlaridan tashqari amalga oshiriladi.

Bunda qabul parametrlaridan tashqari:

davlat granti asosida — Ijtimoiy reyestrga kiritilgan oilalar farzandlari, Mehribonlik uyi, Bolalar shaharchasi va Oilaviy bolalar uyining bitiruvchilari, I guruh nogironligi boʻlgan shaxslar hamda nogironligi boʻlgan bolalar toifasidagi abituriyentlar;

toʻlov-kontrakt asosida — TDYU huzuridagi akademik litseyni tamomlagan oʻzlashtirish koʻrsatkichlarining 56 va undan yuqori foizlik natijalariga ega bitiruvchilar va joriy yilda yuridik kadrlar tayyorlovchi oliy taʼlim muassasalariga oʻqishga kirish uchun “yurisprudensiya” taʼlim yoʻnalishi boʻyicha test sinovlarida ishtirok etib, oʻqishga tavsiya etilmagan, biroq yuridik texnikumlardagi test sinovlarida oʻtish balini toʻplagan yoki chet tilini bilish darajasini tasdiqlovchi B2 va undan yuqori darajadagi davlat malaka sertifikatiga yoki xalqaro sertifikatlarga ega abituriyentlar hamda xorijiy fuqarolar qabul qilinadi;

Adliya vazirligining qarori Ijtimoiy reyestrga kiritilgan oilalar farzandlari, Mehribonlik uyi, Bolalar shaharchasi va Oilaviy bolalar uyining bitiruvchilari, I guruh nogironligi boʻlgan shaxslar hamda nogironligi boʻlgan bolalar toifasidagi abituriyentlarni 5-sentabrgacha oʻqishga qabul qilish toʻgʻrisida yuridik texnikum direktorining buyrugʻini rasmiylashtirish uchun asos hisoblanadi.

44. Adliya vazirligi tomonidan abituriyentlarni toʻlov-kontrakt asosida oʻqishga tavsiya etish toʻgʻrisida qaror qabul qilingandan keyin yuridik texnikumlar bilan yuridik yoki jismoniy shaxslar oʻrtasida belgilangan tartibda kontraktlar tuziladi. Toʻlov-kontrakt asosida oʻqish uchun toʻlov miqdori va muddati Adliya vazirligi tomonidan belgilanadi.

Belgilangan namunadagi kontrakt blankalari Adliya vazirligi qarori qabul qilingan kundan boshlab beriladi hamda yuridik texnikum direktori va bosh buxgalteri imzosi bilan rasmiylashtiriladi (yuridik shaxslar uchun — 3 nusxada, jismoniy shaxslar uchun — 2 nusxada).

Adliya vazirligi tomonidan yuridik texnikumda oʻqishga tavsiya etilgan abituriyentlar uchun toʻlov har yili kontrakt shartlarida koʻrsatilgan muddatlarda amalga oshiriladi. Abituriyentlarni oʻqishga qabul qilish yuridik hamda jismoniy shaxslar tomonidan kontrakt toʻlovi toʻlangandan soʻng yuridik texnikum direktorining buyrugʻi bilan 15-sentabrdan kechiktirmay rasmiylashtiriladi.

Ushbu abituriyentlarga 2-sentabrdan boshlab darslarga qatnashishiga ruxsat etish toʻgʻrisida buyruq rasmiylashtiriladi. Adliya vazirligi tomonidan yuridik texnikumlarning takliflariga binoan, kontrakt asosida oʻqishga haq toʻlash muddatlari oʻzgartirilishi, shu jumladan uzaytirilishi mumkin.

45. Yuridik texnikumlarning takliflariga binoan, ularning imkoniyatlaridan kelib chiqqan holda, test sinovlari natijalariga koʻra qabul qilinmagan abituriyentlar Adliya vazirligining qarori bilan qoʻshimcha ravishda tabaqalashtirilgan toʻlov-kontrakt asosida qabul qilinishi mumkin.

Yuridik texnikumlar qoʻshimcha qabul boʻyicha takliflarni Adliya vazirligiga tasdiqlash uchun 25-sentabrgacha taqdim etadi. Adliya vazirligi yuridik texnikumlarning imkoniyatlaridan kelib chiqib, 30-sentabrgacha qoʻshimcha qabul qilish toʻgʻrisida qaror qabul qiladi.

Bunda:

abituriyentlar 20-sentabrgacha qoʻshimcha oʻqishga kirish uchun maxsus platforma orqali elektron shaklda ariza bilan yuridik texnikumga murojaat qiladi;

qabul test sinovlari natijalariga koʻra, toʻplagan ballar ketma-ketligiga muvofiq amalga oshiriladi;

yuqori ball toʻplagan abituriyent qoʻshimcha qabul qilish uchun ariza bilan belgilangan muddat ichida murojaat etmasa yoki qoʻshimcha qabul qilishni rad etsa, reytingi boʻyicha navbatda turgan oʻquvchi qabul qilinadi;

tabaqalashtirilgan kontrakt miqdori oʻqishning birinchi oʻquv yilida qoʻllaniladi.

Qoʻshimcha ravishda tabaqalashtirilgan toʻlov-kontrakt asosida oʻqish istagida boʻlgan abituriyentlarni yuridik texnikumga qabul qilish boʻyicha murojaat qilish va oʻqishga qabul qilish muddatlariga Adliya vazirligi tomonidan zarur hollarda oʻzgartirish kiritilishi mumkin.

46. Respublika oliy taʼlim muassasalarida “yurisprudensiya” taʼlim yoʻnalishi boʻyicha test sinovlarida ishtirok etib, oʻqishga tavsiya etilmagan, biroq yuridik texnikumlardagi tegishli oʻquv yilida test sinovlarida oʻtish balini toʻplagan yoki chet tilini bilish darajasini tasdiqlovchi B2 va undan yuqori darajadagi davlat malaka sertifikatiga yoki xalqaro sertifikatlarga ega abituriyentlar toʻlov-kontrakt asosida doimiy yashash joyidagi yuridik texnikumga qabul qilinishlari mumkin.

Ushbu abituriyentlar doimiy yashash joyidagi yuridik texnikumlarga 20-sentabrgacha maxsus platforma orqali elektron shaklda murojaat qiladi. Murojaatlar asosida yuridik texnikumlar 25-sentabrgacha Adliya vazirligiga tasdiqlash uchun abituriyentlarni qabul qilish boʻyicha taklif taqdim etadilar.

Adliya vazirligi yuridik texnikumlarning imkoniyatlaridan kelib chiqib, 30-sentabrgacha ularni qabul qilish toʻgʻrisida qaror qabul qiladi. Bunda ushbu abituriyentlar tanlovsiz, oliy taʼlim muassasalaridagi test natijalariga koʻra ballar ketma-ketligi asosida qabul qilinadi.

Mazkur toifadagi abituriyentlarni yuridik texnikumga qabul qilish boʻyicha murojaat qilish va oʻqishga qabul qilish boʻyicha muddatlariga Adliya vazirligi tomonidan zarur hollarda oʻzgartirishlar kiritilishi mumkin.

47. Adliya vazirligi tomonidan yuridik texnikumlarga qoʻshimcha oʻqishga kirish uchun tavsiya etilgan abituriyentlar uchun toʻlov har yili shartnoma shartlarida belgilangan muddatda, biroq Adliya vazirligi tomonidan belgilangan muddatdan kechiktirmay toʻlanadi. Abituriyentlarni oʻqishga qabul qilish oʻqish uchun kontraktda belgilangan pul mablagʻlarini jismoniy yoki yuridik shaxslar tomonidan 10-oktabrdan kechiktirmay toʻlaganlaridan soʻng yuridik texnikum direktorining buyrugʻi bilan rasmiylashtiriladi.

Ushbu abituriyentlar bilan kontrakt tuzilgan kundan boshlab oʻquv mashgʻulotlariga qatnashishga ruxsat berish toʻgʻrisida buyruq rasmiylashtiriladi. Tabaqalashtirilgan toʻlov-kontrakt asosida qoʻshimcha qabul boʻyicha oʻqitish xarajatlarining miqdori Adliya vazirligi tomonidan belgilanadi. Yuridik texnikumlarning asoslangan taklifiga binoan, Adliya vazirligi tomonidan fuqarolarni oʻqishi uchun toʻlov-kontrakt miqdori va kontrakt asosida oʻqishga haq toʻlash muddatlari oʻzgartirilishi, shu jumladan uzaytirilishi mumkin.

6-bob. Yakuniy qoidalar

48. Test sinovlari va koʻzi ojiz abituriyentlarning tanlov natijalari, xorijiy fuqarolar bilan oʻtkazilgan suhbat natijalaridan koʻchirmalar, shuningdek yuridik texnikumga test sinovlarisiz qabul qilingan abituriyentlarning hujjatlari ularning shaxsiy hujjatlar yigʻmajildlariga tikib qoʻyiladi.

Yuridik texnikumlarga qabul qilinmagan abituriyentlarning test sinovlari (koʻzi ojiz abituriyentlar uchun tanlov) natijalari 6 oy davomida saqlanadi va undan soʻng belgilangan tartibda yoʻq qilinadi.

49. Test sinovlari oʻtkazilishi bilan bogʻliq xarajatlar ushbu maqsadlar uchun ajratiladigan Oʻzbekiston Respublikasi Davlat budjeti mablagʻlari, koʻzi ojiz abituriyentlar uchun tanlov va xorijiy fuqarolar uchun suhbatni tashkil etish va oʻtkazish bilan bogʻliq xarajatlar yuridik texnikumlarning budjetdan tashqari mablagʻlari hamda adliya organlari va muassasalarining budjetdan tashqari boshqa mablagʻlari hisobidan amalga oshiriladi.

50. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Oʻzbekiston Respublikasi Adliya vazirligining yuridik texnikumlariga oʻqishga qabul qilish tartibi toʻgʻrisida nizomga 1-ILOVA

Oʻzbekiston Respublikasi Adliya vazirligining yuridik texnikumlariga oʻqishga qabul qilishni tashkil etish

Bosqichlar Tadbirlar Bajarish muddatlari 1-bosqich Abituriyentlar hujjatlarini qabul qilishni tashkillashtirish 1. Qabulning tashkiliy masalalarini hal qilish uchun qabul komissiyasini tuzish. 1-iyundan kechikmay 2. Yuridik texnikum va tegishli hududiy adliya organi veb-saytiga qabul muddatlari, mutaxassislik va kasblar nomlari, qabul kvotalari haqida maʼlumot joylashtirish. Qoida tariqasida, hujjatlarni qabul qilishdan bir oy oldin 3. Abituriyentlarni oʻqishga qabul qilish uchun davlat xizmatlari markazlari, YIDXP yoki DTM veb-sayti orqali roʻyxatdan oʻtkazish. 1 — 20-avgust 4. Qabul komissiyasi tomonidan yuridik texnikum va tegishli hududiy adliya organi veb-saytida oʻqish uchun topshirilgan arizalar soni haqida kunlik axborot va abituriyentlar hamda ularning ota-onalari savollariga javob berish uchun telefon aloqasining ishlab turishini taʼminlash. Hujjatlarni qabul qilish davrida 2-bosqich Test sinovlarini oʻtkazish tayyorgarlik koʻrish 1. Davlat test markazi tomonidan test oʻtkazish uchun mos binolarni tayyorlash. 2. Test sinovlarini oʻtkazish jadvalini Davlat test markazi tomonidan tasdiqlash. Test sinovlarini oʻtkazishdan oldin 3-bosqich Test sinovlarini oʻtkazish 1. Adliya vazirligi tomonidan belgilangan fanlar bloklari boʻyicha test sinovlarini oʻtkazish. 25 — 30-avgust 2. Test sinovlari natijalarini Davlat test markazi veb-saytida eʼlon qilish Test sinovlari oʻtkazilgan kundan keyingi ish kunida Koʻzi ojiz abituriyentlarni qabul qilish uchun tanlov oʻtkazish 1. Koʻzi ojiz abituriyentlarni qabul qilish uchun test sinovlari uchun belgilangan fanlar boʻyicha koʻp balli yoki tegishli anʼanaviy besh balli tizim asosida tanlov oʻtkazish. 25 — 30-avgust 2. Tanlov natijalarini koʻzi ojiz abituriyentlarga eʼlon qilish. Tanlov oʻtkazilgan kuni 4-bosqich Test sinovlari natijalarini Davlat qabul komissiyasi va Adliya vazirligiga yuborish 1. Test sinovlari natijalarini Davlat test markazi direktori tomonidan tasdiqlanadigan tanlov qaydnomalariga kiritish. 2. Koʻzi ojiz abituriyentlarni oʻqishga qabul qilish boʻyicha tanlov natijalarini koʻp balli yoxud tegishli anʼanaviy besh balli tizim asosida aniqlangan va yuridik texnikum direktori tomonidan tasdiqlangan qaydnomalariga kiritish. 3. Test sinovlari qaydnomalari va koʻzi ojizlar uchun tanlov natijalari qaydnomalarini abituriyentlarni yuridik texnikumlarga oʻqishga qabul qilish toʻgʻrisida qaror chiqarish uchun Adliya vazirligi va Davlat qabul komissiyasiga yuborish. natijalar eʼlon qilingan vaqtdan boshlab uch kun davomida 5-bosqich Davlat qabul komissiyasi va Adliya vazirligi tomonidan abituriyentlarni yuridik texnikumga oʻqishga qabul qilish toʻgʻrisida qaror qabul qilish qoida tariqasida, 5-sentabrdan kechikmay 6-bosqich Oʻqishga qabul qilishni rasmiylashtirish, toʻlov-kontrakt summasini toʻlash 1. Yuridik texnikum direktori tomonidan Ijtimoiy reyestrga kiritilgan oilalar farzandlarini, Mehribonlik uylari va Bolalar shaharchalari bitiruvchilarini, shuningdek koʻzi ojiz abituriyentlarni oʻqishga qabul qilish toʻgʻrisida buyruq chiqarish. Adliya vazirligi karori qabul qilinganidan keyin 2. Abituriyentlar bilan oʻqish uchun shartnoma (kontrakt)lar tuzish. 2-sentabr — 15-sentabr 3. Abituriyentlar tomonidan oʻqish uchun toʻlovlarni yuridik texnikumlar hisobvaragʻiga oʻtkazish. Adliya vazirligi tomonidan belgilangan muddatda 4. Yuridik texnikum direktorining toʻlov-kontrakt asosida oʻquvchilar safiga qabul qilish uchun tavsiya etilgan abituriyentlarga oʻquv mashgʻulotlarida qatnashishga ruxsat berish toʻgʻrisidagi buyrugʻini rasmiylashtirish. 2-sentabr 5. Yuridik texnikum direktorining oʻqishga qabul qilish haqidagi buyrugʻini rasmiylashtirish. kontrakt summasi toʻlangandan soʻng 15-sentabrdan kechikmay

Oʻzbekiston Respublikasi Adliya vazirligining yuridik texnikumlariga oʻqishga qabul qilish tartibi toʻgʻrisida nizomga 2-ILOVA

Oʻzbekiston Respublikasi Adliya vazirligining yuridik texnikumlariga oʻqishga qabul qilish uchun kirish test sinovlarini oʻtkazish

1-bob. Umumiy qoidalar

1. Mazkur Tartib Oʻzbekiston Respublikasi Adliya vazirligining yuridik texnikumlariga (keyingi oʻrinlarda — yuridik texnikum) oʻqishga qabul qilish uchun kirish test sinovlarini oʻtkazish tartibini belgilaydi.

2. Ushbu Tartibda quyidagi asosiy tushunchalardan foydalaniladi:

abituriyent — yuridik texnikumga oʻqishga kirish uchun belgilangan tartibda roʻyxatdan oʻtgan va test sinovlarida ishtirok etuvchi jismoniy shaxs;

abituriyent ruxsatnomasi — pasport (u boʻlmagan xolda shaxsni tasdiqlovchi boshqa hujjat) bilan birgalikda abituriyentning belgilangan sana va vaqtda test sinovlarida ishtirok etishga ruxsat beradigan hujjat;

Davlat test markazi vakili — Oʻzbekiston Respublikasi Vazirlar Mahkamasi huzuridagi Davlat test markazi (keyingi oʻrinlarda — Davlat test markazi) direktorining buyrugʻi bilan tayinlanadigan, test sinovlari oʻtkaziladigan tegishli binoda belgilangan vazifa va majburiyatlar boʻyicha amalga oshiriladigan tadbirlarga umumiy rahbarlik qiluvchi hamda test sinovi ishtirokchilarining vazifalariga muvofiq harakatini nazorat qiluvchi va amaliy yordam koʻrsatuvchi xodim;

bino rahbari — Davlat test markazi direktorining buyrugʻi bilan tayinlanadigan, belgilangan vazifa va majburiyatlar boʻyicha binodagi guruh nazoratchilari va abituriyentlar harakatlariga umumiy rahbarlikni bajaruvchi, nazorat qiluvchi va amaliy yordam koʻrsatuvchi xodim;

guruh nazoratchisi — Davlat test markazi bilan tuzilgan shartnoma asosida shartnomada belgilangan vazifa va majburiyat boʻyicha test sinovlarida abituriyentlar harakatiga umumiy rahbarlikni amalga oshirish, test sinovining belgilangan tartib boʻyicha oʻtishini qatʼiy nazorat qilishga masʼul boʻlgan va abituriyentlarga test sinovini topshirish tartibi boʻyicha amaliy yordam koʻrsatish uchun jalb qilingan va test sinovlari oʻtkazilishi bilan bogʻliq seminarda ishtirok etgan shaxs;

test topshiriqlari kitobi — belgilangan fanlar majmuasi boʻyicha test topshiriqlarini oʻz ichiga olgan savollar toʻplami;

javoblar varaqasi — test topshiriqlari kitobidagi har bir topshiriqning bajarilishi natijasida tanlagan javobning bittasini belgilashga moʻljallangan va abituriyentning bilimini baholash uchun asos hisoblanadigan yagona hujjat;

qabul komissiyasi — yuridik texnikumga oʻqishga qabul qilishni tashkil etuvchi, shu jumladan abituriyentlarga maslahat xizmatlari koʻrsatadigan har yili tuziladigan komissiya;

hududiy adliya organlari — Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari.

3. Hujjatlarni roʻyxatdan oʻtkazishning muddati yakunlanganidan soʻng uch kun muddatda abituriyent ruxsatnomasini Davlat test markazining rasmiy veb-saytidan oladi.

Abituriyent ruxsatnomasida koʻrsatilgan sana va vaqtda test sinovlarida ishtirok etadi.

Abituriyent uchun mazkur sana va vaqt qatʼiy hisoblanib, unga boshqa sana va vaqtda test sinovlarida ishtirok etish uchun ruxsat berilmaydi.

4. Abituriyent roʻyxatdan oʻtgan hududda (Qoraqalpogʻiston Respublikasi, viloyatlar markazi yoki Toshkent shahrida) tashkil etiladigan test sinovlarida ishtirok etadi.

2-bob. Test sinovlarini oʻtkazishga tayyorgarlik koʻrish

5. Test sinovlari katta sigʻimdagi, imtihonlarning yuqori darajada ochiqlik va shaffofligini hamda imtihon jarayoni videokuzatuvlar orqali jamoatchilik, shu jumladan, abituriyentlarning ota-onalari tomonidan real vaqt rejimida (onlayn) kuzatib borilishini taʼminlaydigan binolarda (keyingi oʻrinlarda — bino) oʻtkaziladi.

Binolar Adliya vazirligi va Davlat test markazi bilan kelishilgan holda belgilanadi.

Binolarni tayyorlash, videokuzatuvlar orqali jamoatchilik, shu jumladan abituriyentlar ota-onalarining kirish test sinovlari jarayonini onlayn tarzda kuzatib borishlari, abituriyentlarni shaxsni identifikatsiyalash vositalari hamda videofiksatsiya qurilmalari orqali binoga tegishli hududga kiritish, binolardagi va xizmat postlaridagi video yozuvlar saqlanishi uchun sharoitlar yaratish Qoraqalpogʻiston Respublikasi Vazirlar Kengashi, Toshkent shahar va viloyatlar hokimliklari hamda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan taʼminlanadi.

Guruh nazoratchilari va abituriyentlarni test sinovlari oʻtkaziladigan hududga nazorat xizmati postlari orqali kiritish, tadbir jarayonida jamoat tartibini saqlash va jamoat xavfsizligini taʼminlash Oʻzbekiston Respublikasi Milliy gvardiyasi, Ichki ishlar vazirligi, hududiy adliya organlari hamda qabul komissiyasi tomonidan amalga oshiriladi.

Test sinovlari oʻtkaziladigan har bir binoda Davlat test markazining vakiliga test materiallarini saqlash, tarqatish va yigʻib olish uchun moʻljallangan yetarli miqdorda stol, stullar, kompyuter, skaner, statsionar telefon aloqasi, doimiy videokuzatuv va seyf bilan taʼminlangan maxsus xona (shtab) tayyorlanadi. Bunda, binoning holati sanitariya qoidalari, normalari va gigiyena normativlari talablariga toʻliq javob berishi lozim.

6. Guruh nazoratchilari va abituriyentlarni test sinovlari oʻtkaziladigan hududga nazorat xizmati postlari orqali kiritish, tadbir jarayonida jamoat tartibini saqlash va jamoat xavfsizligini taʼminlash Oʻzbekiston Respublikasi Ichki ishlar vazirligi hamda oliy taʼlim muassasalarining qabul komissiyalari tomonidan amalga oshiriladi.

7. Oʻzbekiston Respublikasi Adliya vazirligi test sinovlari oʻtkaziladigan joylarni shaxsni identifikatsiyalash vositalari, videokuzatuv va mobil aloqa toʻlqinini toʻsuvchi qurilmalar hamda test sinovlarini oʻtkazish jarayonini video yozuvga olish vositalari bilan taʼminlaydi.

Test sinovlarini oʻtkazish jarayoni videotasvirga tushiriladi. Videotasvirdan nusxa koʻchirish taqiqlanadi. Oʻzbekiston Respublikasi Adliya vazirligi test sinovlari oʻtkazilgan kunning ertasiga Davlat test markaziga videotasvirni taqdim etadi.

8. Test sinovlarini ushbu Tartib talablariga qatʼiy muvofiq ravishda tashkil etish va oʻtkazish boʻyicha masʼuliyat bino rahbari va guruh nazoratchilari, shuningdek, qabul komissiyasi zimmasiga yuklanadi.

9. Test sinovlarini oʻtkazish jadvali Adliya vazirligi bilan kelishilgan holda Davlat test markazi tomonidan tasdiqlanadi.

10. Binoda test sinovlari jarayonini toʻliq nazorat qilish maqsadida bino, qoida tariqasida, elektron soat, ovoz kuchaytirish vositalari, 30 nafar abituriyent uchun bitta videokuzatuv tizimi oʻrnatilishi, jarayonni abituriyentlarning ota-onalari onlayn tarzda kuzatishi uchun zarur asbob-uskunalar bilan jihozlanadi.

11. Binoda Davlat test markazining vakiliga test materiallarini saqlash, tarqatish va yigʻib olish uchun moʻljallangan yetarli miqdorda stol, stullar, kompyuter, skaner, statsionar telefon aloqasi, doimiy videokuzatuv va seyf bilan taʼminlangan maxsus xona (shtab) tayyorlanadi. Bunda binoning holati sanitariya qoidalari, normalari va gigiyena normativlari talablariga toʻliq javob berishi lozim.

12. Binolarda test sinovlarini oʻtkazish uchun zarur boʻlgan texnik, tibbiy va maishiy sharoitlar yaratilishi kerak. Binolar sanitariya va yongʻin xavfsizligi qoidalariga toʻliq javob berishi shart.

13. Binoda test sinovlar jarayonini toʻliq nazorat qilish maqsadida, qoida tariqasida, 30 nafar abituriyentdan iborat guruhlar tashkil etiladi.

Bino va guruhlarning alohida tartib raqami takrorlanmaydigan ketma-ketlikda raqamlangan boʻlishi lozim.

14. Har bir guruh alohida oʻtirish oʻrniga ega boʻlgan 30 tadan stol va stul bilan taʼminlanib, stollar birdan oʻttizgacha raqamlanishi lozim. Har bir guruhga ikki nafar nazoratchi biriktiriladi.

15. Binoda test sinovlarini oʻtkazish talablariga rioya etilishini taʼminlash boʻyicha shaxsiy javobgarlik Davlat test markazi vakili, bino rahbari va guruh nazoratchilari zimmasiga yuklanadi.

16. Bino rahbari va guruh nazoratchilari Davlat test markazi direktori buyrugʻi asosida Davlat test markazi, tegishli hududdagi taʼlim muassasalarining hamda boshqa tashkilotlarning vakillaridan iborat boʻlgan tarkibda, ularning rahbarlari bilan kelishgan holda tayinlanadi.

17. Davlat test markazi vakili:

bino rahbarlari va guruh nazoratchilariga umumiy rahbarlik qiladi hamda ularga amaliy yordam koʻrsatadi;

test sinovlarining boshlanishi va tugashini qatʼiy nazorat qilish, tezkor axborotlarni Davlat test markaziga yuborish, test sinovlarini adolatli, xolisona va mazkur Tartibda belgilangan talablar asosida oʻtishini taʼminlydi.

18. Davlat test markazi vakili oʻziga yuklangan vazifalarni samarali amalga oshirish uchun mahalliy davlat hokimiyati organlari va qabul komissiyalariga koʻrsatma berish, mazkur Tartib talablariga amal qilmagan bino rahbarini, guruh nazoratchisini va abituriyentni test sinovlari jarayonidan chetlashtirish hamda Davlat test markazi rahbariyati bilan kelishilgan holda chetlashtirilganlar oʻrniga boshqa bino rahbarini, guruh nazoratchisini tayinlash huquqiga ega.

19. Davlat test markazi vakili Davlat test markazi direktorining buyrugʻi bilan almashtirilishi mumkin.

3-bob. Test sinovlarini oʻtkazish

20. Test sinovlari, qoida tariqasida, har yili 25 — 30-avgust kunlari oraligʻidagi muddatda Davlat test markazi tomonidan, kuniga ikki smenada oʻtkaziladi. Birinchi smena soat 09:00 da, ikkinchi smena soat l5:00 da boshlanadi.

Test topshiriqlarini bajarish uchun (javoblar varaqasini toʻldirish bilan birga) har 30 ta test topshirigʻiga 1 soat vaqt belgilanadi.

21. Test sinovlari oʻtkaziladigan kunda Davlat test markazining ruxsatnomasi boʻlmagan shaxslarga test sinovlari oʻtkazilayotgan hududga kirishi taqiqlanadi.

22. Qabul komissiyasining raisi va masʼul kotibi Davlat test markazi tomonidan taqdim etilgan ruxsatnoma asosida, unda belgilangan kun, test sinovlari oʻtkaziladigan bino shtabida test sinovlari jarayoni kuzatuvchisi sifatida ishtirok etadi.

23. Abituriyentlar binoga pasport va abiturent ruxsati bilan tegishli navbat boʻyicha kiritiladi. Kirishda videokuzatuv olib boriladi.

24. Abituriyentlar binoga soat 8.30 gacha kiritiladi. Soat 8.30 dan keyin abituriyentlar binoga kiritilmaydi.

25. Davlat test markazi vakili birinchi smenada soat 06:30 dan 07:00 gacha, ikkinchi smenada soat 13:30 dan 14:00 gacha abituriyentlarning guruhlar boʻyicha roʻyxatini (ikki nusxada) va test materiallarini tarqatadi va qabul qilish bayonnomasini rasmiylashtiradi.

Davlat test markazi vakili, bino rahbari va guruh nazoratchilari soat 6.00 ga yetib keladi va test sinovlarini oʻtkazish tartibiga qatʼiy rioya qilishni tashkil qiladi.

Davlat test markazi vakili bino rahbarlari va guruh nazoratchilari hamda abituriyentlar roʻyxatini, ularning ruxsatnomalarini nazorat xizmat postlariga yetkazishni taʼminlaydi, qurʼa tashlash yoʻli bilan nazoratchilarni guruhlarga taqsimlashni amalga oshiradi, shuningdek test materiallarini tarqatish va qabul qilish bayonnomasini rasmiylashtiradi.

26. Test sinovlari oʻtkaziladigan hududga yoki binoga kirish joylarida tashkil etilgan nazorat xizmati postlarida xizmat olib borayotgan Oʻzbekiston Respublikasi Ichki ishlar vazirligi hamda Axborot texnologiyalari va kommunikatsiyalarini rivojlantirish vazirligi xodimlari tomonidan tekshiruv vaqtida abituriyent va guruh nazoratchilarida mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari, shpargalkalar mavjudligi, shuningdek barmoq izlari va fotosurati tekshirilgan vaqtda shaxsi tasdiqlanmaganligi aniqlangan taqdirda, bu haqida Davlat test markazining vakilini xabardor qilinib, ularni test sinovlariga kiritmaslik toʻgʻrisida dalolatnoma rasmiylashtiradi.

27. Bino rahbari ertalab soat 06:00 dan 06:30 gacha guruh nazoratchilariga ularning ruxsatnomalarini tarqatadi va taqsimotini rasmiylashtiradi hamda birinchi smenada soat 06:30 dan 07:00 gacha, ikkinchi smenada soat 13:30 dan 14:00 gacha abituriyentlarning guruhlar boʻyicha roʻyxatini (ikki nusxada) va test materiallarini tarqatadi va qabul qilish bayonnomasini rasmiylashtirilishini tashkil etadi.

28. Guruh nazoratchilari soat 8.30 gacha abituriyentlarni ularning pasportlarini guruh roʻyxati bilan tekshirgan holda binoga kiritadi. Abituriyentlar roʻyxatda koʻrsatilgan oʻringa oʻtiradi.

Test sinovlarini oʻtkazish vaqtida imtihonga kelmagan abituriyentlar oʻrni boʻsh qoladi.

29. Guruh nazoratchilari ikki nafar abituriyent guvohligida test materiallari joylashtirilgan qutilar va abiturentlar roʻyxati hamda javob varaqalari solingan paketlarning muhrlanganligiga ishonch hosil qilib, ularni ochadi.

Nazoratchilar test sinovlari kitoblari hamda javob varaqalarini tartib bilan tarqatadi.

30. Guruh nazoratchilari test sinovlari boshlangunga qadar nomzodlarni 30 daqiqa mobaynida javoblar varaqalarini toʻldirish qoidalari bilan tanishtiradi va ular tomonidan tegishli boʻlimga oʻzi toʻgʻrisidagi shaxsiy maʼlumotlar kiritiladi.

31. Bino rahbari abituriyentlarni test topshiriqlari kitobining muqovasida va javoblar varaqasida koʻrsatilgan tegishli joylarni rasmiylashtirish zarurligi hamda javoblar varaqasini havorang pastali sharikli ruchkadan boshqa rangda foydalanib toʻldirish, javoblar varaqasini bukish, marker chizigʻiga yozish, javoblar varaqasi raqami ostida joylashgan doirachalarni boʻyashlik test sinovlarini oʻtkazish talablarini buzilishi deb tan olinishi haqida ogoxlantiradi.

Davlat test markazi vakili, bino rahbari guruh nazoratchilariga test sinovlari oʻtkazishning belgilangan tartibini buzgan abituriyentlarni chetlashtirish boʻyicha koʻrsatma beradi.

32. Guruh nazoratchisi abituriyent test topshiriqlari kitobi nuqsonli ekanligi haqida murojaat qilsa, birinchi smenada 09:00 gacha, ikkinchi smenada 15:00 gacha quyidagi ishlarni amalga oshiradi:

test sinovlari kitobi va javob varaqalarini olganligini tasdiqlovchi imzo qoʻydiradi, shuningdek abiturentlar roʻyxati toʻldirilgan roʻyxatning bir nusxasini bino rahbariga beradi;

guruhda test sinovlarida qatnashmagan abituriyent uchun ajratilgan test topshiriqlari kitobini murojaat qilgan abituriyentga beradi;

guruhda ortiqcha test topshiriqlari kitobi boʻlmasa, bino rahbaridan zaxiradagi shu taʼlim yoʻnalishi va tiliga mos boʻlgan test topshiriqlari kitobini berishni soʻraydi. Bu jarayonni dalolatnoma bilan rasmiylashtiradi.

Abituriyent test sinoviga kelmagan taqdirda guruh roʻyxatiga “qatnashmadi” degan yozuv kiritiladi.

Test topshiriqlari kitobida nuqson mavjudligi aniqlansa, uning birinchi betiga “yaroqsiz” deb yoziladi, almashtirilgan vaqti koʻrsatiladi hamda abituriyentning familiyasi, ismi, otasining ismini yozilib imzolanadi va ushbu holat haqida dalolatnoma tuziladi. Abituriyentga yaroqsiz test sinovlari kitobi oʻrniga yangisi beriladi.

33. Abituriyent test sinovlari oʻtkaziladigan kuni binoga tegishli hududga soat 07:00 (ikkinchi smena soat 14:00) gacha, binoga soat 08:30 (ikkinchi smena soat 14:30) gacha faqat abituriyent ruxsatnomasi va pasporti bilan shaxsni identifikatsiyalash vositalari hamda videofiksatsiya qurilmalari orqali tartibli ravishda kirishi bilan birgalikda, birinchi smenada soat 07:30 dan 08:00 gacha, ikkinchi smenada soat 14:30 dan 15:00 gacha quyidagi ishlarni amalga oshirishga majbur:

test materiallari nuqsonsizligini tekshirish va nuqson borligi aniqlansa, darhol guruh nazoratchisiga xabar berish;

javoblar varaqasi toʻgʻri toʻldirilishini taʼminlash;

test topshiriqlari kitobi muqovasida va javoblar varaqasida koʻrsatilgan tegishli joylarni rasmiylashtirish.

34. Bino rahbari birinchi smenada 09:00 da, ikkinchi smenada 15:00 da test sinovlari boshlanganligini eʼlon qiladi.

35. Javoblar varaqasi abituriyent bilim darajasini belgilovchi asosiy hujjat hisoblanadi.

Test sinovlariga javoblar havo rang pastali sharikli ruchkada toʻldirilgan boʻlishi lozim.

Abituriyent javoblar varaqasini toʻgʻri toʻldirilishi uchun shaxsan javobgar boʻladi. Javoblar varaqasining tegishli boʻlimlarini toʻgʻri toʻldirmagan abituriyentlarning eʼtirozlari koʻrib chiqilmaydi.

36. Abituriyent oʻzining fikriga koʻra toʻgʻri boʻlgan va test sinovlari kitobidagi javobga mos keladigan javoblar varagʻidagi tegishli doirani toʻldiradi. Bunda, har bir test topshirigʻi boʻyicha toʻgʻri javobga — faqat bitta doira toʻldiriladi.

Agar, javoblar varaqasidagi “belgilash uchun namuna” qoidasiga rioya etilmasa, jumladan, bitta test topshirigʻiga javoblar varaqasida tegishli doiracha boʻyalmasa yoki ikki va undan ortiq doiracha boʻyalsa yoxud toʻliq boʻyalmasa ushbu test topshirigʻiga ball berilmaydi.

37. Abituriyentlarga test sinovlari materiallarini bir biriga uzatish va boshqalarga yordam berish, shuningdek oʻzaro gaplashish taqiqlanadi.

Abituriyent tomonidan uyali telefon yoki boshqa aloqa va telekommunikatsiya vositalarini olib kirish va foydalanish qatʼiyan taqiqlanadi.

38. Test sinoviga uyali telefon, kompyuter yoki boshqa aloqa va telekommunikatsiya vositalarini, mikrokalkulyator, lugʻat, kitoblar, shpargalkalar olib kirishga harakat qilgan yoki olib kirgan, test sinovi jarayonida test sinovi materiallarini boshqaga uzatgan yoki yordam bergan, test sinovi uchun ajratilgan vaqt tugaganidan keyin test sinovi materiallarini topshirmagan, test sinovi materiallarini bino tashqarisiga olib chiqqan abituriyent test sinovi oʻtkazish tartibini buzgan hisoblanadi.

39. Test sinovlari davomida abituriyentlarga binodan chiqish taqiqlanadi. Oʻzboshimchalik bilan binoni tark etgan abituriyentlar test sinovlari oʻtkazish tartibini buzgan hisoblanadi. Sogʻligʻining yomonlashishi va boshqa zarur holatlarda test sinovlari materiallarini binoda qoldirib, kuzatuv ostida binodan chiqishga ruxsat beriladi.

40. Test sinovlari oʻtkazishning belgilangan tartibini buzgan abituriyentlar sinovdan chetlashtiriladi va bu haqda test sinovlaridan chetlashtirish boʻyicha bino rahbari va guruh nazoratchisi tomonidan dalolatnoma rasmiylashtiriladi.

41. Test sinovlaridan chetlashtirilgan abituriyentlarning test sinovlari tekshirilmaydi va ular imtihonda ishtirok etmagan hisoblanadi.

42. Bino rahbari test sinovlari vaqti tugaganligini eʼlon qiladi va guruh nazoratchilariga test topshiriqlari kitobi va javoblar varaqlarini yigʻishga koʻrsatma beradi.

43. Test sinovlari uchun ajratilgan vaqt tugagandan soʻng abituriyentlar test materiallarini topshiradi, belgilangan muddatdan oldin javob berishni tugatgan abituriyentlar, test materiallarini muddatidan oldin topshirishlari mumkin.

44. Guruh nazoratchilari abituriyentlardan test topshiriqlari kitobi va javoblar varaqasiga shikast yetmaganligini tekshirib qabul qilib oladi.

Barcha javoblar varaqalari, shu jumladan, test sinovlarida qatnashgan abituriyentlarning javoblar varaqalari, “yaroqsiz” deb topilgan test topshiriqlari kitobini, abituriyentlarning guruhlar boʻyicha roʻyxatining ikkinchi nusxasini javoblar varaqasi paketga solinib, paket muhrlanadi.

Ishlatilgan va ishlatilmagan test topshiriqlari kitoblari test materiallari qutisiga joylashtiriladi.

45. Guruh nazoratchisi test sinovlari uchun belgilangan vaqt tugagandan soʻng 20 daqiqa ichida javoblar varaqasi paketi, test topshiriqlari kitobi qutisi guruhlarda muhrlanishini nazorat qilish hamda guruh nazoratchilaridan muhrlangan javoblar varaqasi paketi va test materiallari qutilarini bino rahbariga topshiradi, bino rahbari esa topshirish vaqtini qayd etib, tegishli reyestrga imzo qoʻyadi.

46. Bino rahbari abituriyentlarning guruhlar boʻyicha roʻyxati solingan va muhrlangan paketni, test materiallari hamda bino boʻyicha toʻplangan javob varaqalari paketlari solingan va muhrlangan qutilarni Davlat test markazi vakiliga (Davlat feldyegerlik xizmatiga) topshirilishini taʼminlaydi.

Oʻzbekiston Respublikasi Adliya vazirligining yuridik texnikumlariga oʻqishga qabul qilish tartibi toʻgʻrisida nizomga 3-ILOVA

Oʻzbekiston Respublikasi Adliya vazirligining yuridik texnikumlariga xorijiy fuqarolarni oʻqishga qabul qilish

1. Mazkur Tartib Oʻzbekiston Respublikasi Adliya vazirligining (keyingi oʻrinlarda — Adliya vazirligi) yuridik texnikumlariga (keyingi oʻrinlarda — yuridik texnikum) xorijiy fuqarolarni oʻqishga qabul qilish tartibini belgilaydi.

2. Xorijiy fuqarolarni (xorijiy davlat fuqarosi boʻlgan jismoniy shaxsni, shuningdek xorijiy davlat hududida doimiy yashovchi fuqaroligi boʻlmagan shaxslarni) yuridik texnikumga oʻqishga qabul qilish yuridik texnikumlar tomonidan belgilangan tartibda oʻtkaziladigan suhbat natijasi boʻyicha amalga oshiriladi.

Suhbat 25 — 30-avgust kunlari oʻtkaziladi. Zarur hollarda, Adliya vazirligi tomonidan suhbat oʻtkazish muddatiga oʻzgartirish kiritilishi mumkin.

3. Suhbat yuqori darajada ochiqlik va shaffoflikni hamda imtihon jarayoni videokuzatuvlar orqali jamoatchilik, shu jumladan, abituriyentlarning ota-onalari tomonidan real vaqt rejimida (onlayn) kuzatib borilishini taʼminlaydigan xonalarda oʻtkaziladi.

Xonalarni tayyorlash, tanlov jarayonini videokuzatuvlar orqali jamoatchilik, shu jumladan abituriyentlar ota-onalarining onlayn tarzda kuzatib borishlari uchun sharoit yaratish uchun javobgarlik qabul komissiyasi zimmasiga yuklanadi.

4. Xorijiy fuqarolarni yuridik texnikumlarga oʻqishga qabul qilish qabul parametrlaridan tashqari, toʻlov-kontrakt asosida amalga oshiriladi.

5. Adliya vazirligining xorijiy fuqarolarni yuridik texnikumlarga oʻqishga qabul qilish toʻgʻrisidagi qarori, qoida tariqasida, 2-sentabrdan kechikmasdan qabul qilinadi.

6. Adliya vazirligi tomonidan xorijiy fuqarolarni oʻqishga qabul qilish toʻgʻrisida qaror qabul qilingandan keyin yuridik texnikum bilan jismoniy va yuridik shaxslar oʻrtasida belgilangan tartibda shartnoma (kontrakt) tuziladi.

Belgilangan namunadagi shartnoma blankalari Adliya vazirligining qarori eʼlon qilingan kundan boshlab beriladi va yuridik texnikum direktori va bosh buxgalteri tomonidan imzolangan holda (yuridik shaxslar uchun 3 nusxada, jismoniy shaxslar uchun 2 nusxada) rasmiylashtiriladi.

7. Xorijiy fuqarolar oʻqish uchun toʻlovni har yili shartnoma shartlarida koʻrsatilgan muddatlarda amalga oshiradi. Toʻlov-kontrakt asosida oʻqish miqdori Adliya vazirligi tomonidan belgilanadi.

8. Xorijiy fuqarolarni oʻqishga qabul qilish jismoniy yoki yuridik shaxslar tomonidan oʻqish uchun shartnomada belgilangan pul mablagʻlarini 15-sentabrdan kechiktirmay toʻlangandan soʻng yuridik texnikum direktorining buyrugʻi bilan rasmiylashtiriladi. Xorijiy fuqarolarga oʻquv yili boshidan oʻquv mashgʻulotlariga qatnashishga ruxsat berish toʻgʻrisida buyruq rasmiylashtiriladi.

Adliya vazirlig tomonidan yuridik texnikumlarning takliflariga binoan, xorijiy fuqarolarni kontrakt asosida oʻqishga haq toʻlash muddatlari oʻzgartirilishi, shu jumladan uzaytirilishi mumkin.

Xorijiy fuqarolarga oʻquv yili boshidan oʻquv mashgʻulotlariga qatnashishga ruxsat berish toʻgʻrisida buyruq rasmiylashtiriladi.

Yuridik texnikumlarning asoslantirilgan takliflari asosida xorijiy fuqarolarni oʻqishga qabul qilish va toʻlov-kontrakt summasini toʻlash muddatlari Adliya vazirligi tomonidan oʻzgartirilishi, shu jumladan uzaytirilishi mumkin.

Oʻzbekiston Respublikasi Adliya vazirligining yuridik texnikumlariga oʻqishga qabul qilish tartibi toʻgʻrisida nizomga 4-ILOVA

Oʻzbekiston Respublikasi Adliya vazirligining yuridik texnikumlariga koʻzi ojiz abituriyentlarni oʻqishga qabul qilish

1. Mazkur Tartib Oʻzbekiston Respublikasi Adliya vazirligining yuridik texnikumlariga koʻzi ojiz abituriyentlarni oʻqishga qabul qilish tartibini belgilaydi.

2. Koʻzi ojizlar toifasiga quyidagi abituriyentlar kiradi:

maxsus maktab-internatlar tomonidan koʻzi ojizlar uchun berilgan umumiy oʻrta taʼlim (11-sinf negizida) attestatiga ega shaxslar;

imkoniyati cheklangan shaxslar uchun ixtisoslashtirilgan oʻrta maxsus kasb-hunar taʼlim muassasalari tomonidan koʻzi ojizlar uchun berilgan diplomga ega shaxslar;

9 yillik koʻzi ojizlar maxsus maktab-internatida oʻqigan va oʻrta maxsus kasb-hunar taʼlim muassasalari diplomiga ega boʻlgan shaxslar;

umumiy oʻrta taʼlim (11-sinf negizida) hujjati yoki oʻrta maxsus kasb hunar taʼlimi muassasasi diplomiga ega boʻlgan, belgilangan tartibda I guruh nogironligi toʻgʻrisida berilgan maʼlumotnomaga ega boʻlgan shaxslar, shuningdek, nogironligi boʻlgan bola toʻgʻrisidagi maʼlumotnomaga ega boʻlgan bolalar.

3. Koʻzi ojiz abituriyentlarni qabul qilish uchun tanlov test sinovlari uchun belgilangan fanlar boʻyicha koʻp balli yoxud anʼanaviy besh balli tizim asosida oʻtkaziladi.

4. Fanlar boʻyicha kirish imtihonlarini oʻtkazish shakli (yozma yoki ogʻzaki) Adliya vazirligi bilan kelishgan holda qabul komissiyasi tomonidan belgilanadi.

5. Koʻzi ojizlar uchun test sinovlari savollari qabul komissiyasi tomonidan test savollarining tegishli fanlari boʻyicha malakali mutaxassislardan iborat boʻlgan va ularning rahbarlari bilan kelishilgan holda shakllantiriladigan ekspert guruhi tomonidan tuziladi. Ekspert guruhi faoliyatini qabul komissiyasi raisi boshqaradi.

6. Koʻzi ojiz abituriyentlarga doimiy yordam berish uchun qabul komissiyasi tomonidan masʼul xodim ajratiladi.

7. Tanlovni oʻtkazish jadvali masʼul kotibning taqdimnomasi asosida yuridik texnikum direktorining buyrugʻi bilan tasdiqlanadi. Buyruqqa tanlovda ishtirok etish huquqiga ega abituriyentlar roʻyxati ilova qilinadi.

8. Qabul komissiyasi tomonidan tanlovni oʻtkazish uchun fanlar boʻyicha komissiyalar tashkil etiladi.

9. Fanlar boʻyicha tanlov dasturlari umumiy oʻrta taʼlim (11-sinf negizida), oʻrta maxsus, boshlangʻich professional taʼlim dasturlari umumtaʼlim fanlarining oʻquv dasturlariga muvofiq holda tuziladi va Adliya vazirligi tomonidan tasdiqlanadi.

10. Tanlovni oʻtkazuvchi komissiya tarkibiga Oʻzbekiston koʻzi ojizlar jamiyatining vakili kiritiladi.

11. Tanlov yuqori darajada ochiqlik va shaffoflikni hamda imtihon jarayoni videokuzatuvlar orqali jamoatchilik, shu jumladan, abituriyentlarning ota-onalari tomonidan real vaqt rejimida (onlayn) kuzatib borilishini taʼminlaydigan xonalarda oʻtkaziladi.

Xonalarni tayyorlash, tanlov jarayonini videokuzatuvlar orqali jamoatchilik, shu jumladan abituriyentlar ota-onalarining onlayn tarzda kuzatib borishlari uchun sharoit yaratish uchun javobgarlik qabul komissiyasi zimmasiga yuklanadi.

Zarur hollarda, Adliya vazirligi tomonidan yuridik texnikumlarning taklifiga koʻra, mazkur bandning birinchi xatboshisida belgilangan tanlov oʻtkazish muddatiga oʻzgartirish kiritilishi mumkin.

12. Test sinovlari blokiga kiritilgan barcha fanlar yigʻindisidan belgilangan maksimal ballning 55 foizi va undan kam ball (besh balli baholash tizimida baholanganda – “3” bahodan pastni) toʻplagan, shuningdek belgilangan vaqtda tanlovga kelmagan koʻzi ojiz abituriyentlar yuridik texnikumlarga qabul qilinmaydi.

13. Yuridik texnikumlarga qabul qilish uchun koʻzi ojizlar uchun tanlovni qayta oʻtkazish taqiqlanadi.

Tanlovga belgilangan vaqtda yetib kelmagan koʻzi ojiz abituriyentlar uchun qoʻshimcha tanlov oʻtkazilmaydi.

14. Tanlov natijalari har bir fan boʻyicha komissiya tomonidan qaydnomaga kiritiladi va shu asosida tanlovning umumiy ballari chiqariladi.

15. Qaydnomada koʻzi ojiz abituriyentlar roʻyxati har bir mutaxassislik va kasb boʻyicha koʻp balli yoxud tegishli anʼanaviy besh balli tizim asosida toʻplangan eng yuqori balldan boshlab kamayib borish tartibida joylashtiriladi.

16. Tanlov natijalari koʻzi ojiz abituriyentlarga tanlov oʻtkazilgan kuni eʼlon qilinadi.

Vazirlar Mahkamasining 2020-yil 30-oktabrdagi 677-son qaroriga 2-ILOVA

Oʻzbekiston Respublikasi Adliya vazirligining yuridik texnikumlariga oʻqishga qabul qilish boʻyicha davlat xizmatlari koʻrsatishning

1-bob. Umumiy qoidalar

1. Ushbu Reglament davlat xizmatlari markazlari (keyingi oʻrinlarda — Markaz), Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) va Oʻzbekiston Respublikasi Vazirlar Mahkamasi huzuridagi Davlat test markazi (keyingi oʻrinlarda — Davlat test markazi) rasmiy veb-sayti orqali abituriyentlarga Oʻzbekiston Respublikasi Adliya vazirligining yuridik texnikumlariga (keyingi oʻrinlarda — yuridik texnikumlar) oʻqishga qabul qilish boʻyicha davlat xizmatlarini (keyingi oʻrinlarda — davlat xizmatlari) koʻrsatish tartibini belgilaydi.

2. Markazlar, Davlat test markazi va yuridik texnikumlar oʻrtasida maʼlumot almashish faqat elektron raqamli imzolar (keyingi oʻrinlarda — ERI)ni qoʻllanishi shart boʻlgan holda idoralararo elektron aloqa orqali amalga oshiriladi.

3. Abituriyentlar doimiy (vaqtincha) roʻyxatdan oʻtgan joyidan qatʼiy nazar, istalgan Markazga murojaat qilishlari mumkin.

Abituriyentlar doimiy roʻyxatdan oʻtgan joydagi test sinovlarida qatnashadilar.

4. Davlat xizmatlari abituriyentlarga har yili, qoida tariqasida, 1-avgustdan 20-avgust (shu kuni ham)gacha koʻrsatiladi.

5. Davlat xizmatlarini koʻrsatish ushbu Nizomning 1-ilovasiga muvofiq sxemaga asosan amalga oshiriladi.

2-bob. Davlat xizmatlarini koʻrsatish tartibi

6. Davlat xizmatlarini olish uchun murojaat etuvchi ushbu Reglamentning 4-bandida koʻrsatilgan muddatda davlat xizmatlarini elektron koʻrinishda olish uchun Markazga murojaat qiladi yoki YIDXP yoxud Davlat test markazi rasmiy veb-saytida roʻyxatdan oʻtadi.

Imtiyozga ega boʻlgan abituriyentlar, shuningdek fuqaroligi boʻlmagan shaxslar va pasport yoshiga yetmaganlar davlat xizmatlaridan foydalanish uchun Markazlarga murojaat etadi.

7. Agar ariza beruvchi shaxsan murojaat qilsa, Markaz xodimi arizachining nomidan, YIDXP orqali murojaat qilgan takdirda, abituriyent mustaqil ravishda elektron shaklda maʼlumotni ushbu Reglamentning 2-ilovasida koʻrsatilgan soʻrovnoma shaklida Davlat test markazining maxsus tizimiga kiritadi.

Markaz xodimi tomonidan soʻrovnomada tegishli maʼlumotlarni kiritish uchun ariza beruvchi Markaz xodimiga quyidagi hujjatlarning aslini taqdim etadi:

fuqarolik pasporti (ichki ishlar organi tomonidan 09 shakli boʻyicha, shaxsning shaxsiy identifikatsiya raqamini, pasport seriya va raqamini koʻrsatuvchi maʼlumotnoma);

pasport yoshiga yetmagan shaxslar uchun tugʻilganlik toʻgʻrisidagi guvohnoma;

Oʻzbekiston Respublikasi Prezidentining hamda Vazirlar Mahkamasining normativ-huquqiy hujjatlarida belgilangan tartibda imtiyozga ega boʻlgan abituriyentlar imtiyoz huquqini tasdiqlovchi hujjat.

Hujjatlarni topshirish muddati tugaganidan keyin soʻrovnomaga oʻzgartirish va qoʻshimchalar kiritish qatʼiyan man etiladi.

Abituriyentdan qoʻshimcha hujjatlarni soʻrash man etiladi.

8. Davlat test markazi Adliya vazirligi va Axborot texnologiyalari va kommunikatsiyalarini rivojlantirish vazirligi bilan birgalikda, imtiyozga ega boʻlgan abituriyentlarning elektron reyestrini shakllantirish uchun vakolatli organlar tomonidan real vaqt rejimida kiritib borilishini taʼminlovchi yagona platforma faoliyat yuritilishini taʼminlaydi.

9. Oʻzbekiston Respublikasi Adliya vazirligining yuridik texnikumlariga oʻqishga kirish uchun imtiyozga ega boʻlgan abituriyentlarning reyestrini shakllantirish boʻyicha masʼul boʻlgan mazkur Nizomga 3-ilovada keltirilgan vakolatli organlar imtiyozga ega abituriyentlar toʻgʻrisidagi maʼlumotlarning elektron reyestrini shakllantirib, yagona platformaga doimiy ravishda maʼlumotlar kiritib borilishini taʼminlaydi.

Ushbu vakolatli organlar imtiyozlar haqidagi maʼlumotlarning axborot tizimiga oʻz vaqtida va toʻliq kiritib borilishi uchun shaxsan masʼul hisoblanadi hamda axborot tizimiga kiritilmagan maʼlumotlar boʻyicha davlat xizmatlari markazlari tomonidan imtiyozli huquq asosida abituriyentlardan hujjatlar qabul qilinmaydi.

10. Kerakli maʼlumotlarni toʻldirib, soʻrovnomaga kiritilgandan soʻng Markaz xodimi hujjatlarning asl nusxasini arizachiga qaytaradi, QR-kod (matritsali shtrix kod) bilan ikki nusxada arizani bosib chiqaradi va ularni arizachiga topshiradi. Abituriyent maʼlumotlarning toʻgʻriligini tekshiradi, anketani oʻz imzosi bilan tasdiqlaydi, bitta nusxasini oʻziga qoldiradi va ikkinchi nusxasini Markaz xodimiga topshiradi.

Soʻrovnoma abituriyentning imzosi bilan tasdiqlanganidan soʻng avtomatik ravishda Markaz tizimiga Markaz xodimining ERI bilan kiritiladi.

Davlat test markazi maʼlumotlar bazasiga kiritilgan maʼlumotlarni avtomatik ravishda qabul qiladi.

11. Davlat xizmatlari amalga oshirilganligi uchun haq olinmaydi.

12. Soʻrovnomada notoʻgʻri maʼlumotlarning koʻrsatilishi, abituriyentning Markazga shaxsan murojaat etishdan bosh tortishi davlat xizmatlarini koʻrsatishni rad etish uchun asos hisoblanadi. Boshqa sabablarga koʻra davlat xizmatlarini koʻrsatishni rad etish taqiqlanadi.

13. Abituriyent har qanday bosqichda davlat xizmatlarini olishdan voz kechish huquqiga ega. Agar abituriyent davlat xizmatlarini olishdan voz kechsa, uning hujjatlari koʻrmasdan qoldiriladi.

14. Roʻyxatdan oʻtish YIDXP yoki Davlat test markazining veb-sayti orqali amalga oshirilganda mazkur Reglamentning 7-bandi uchinchi — oltinchi xatboshilarida keltirilgan maʼlumotlar abituriyent tomonidan mustaqil ravishda elektron shaklda yuklanadi, maʼlumotlarning haqqoniyligi va toʻgʻriligi uchun abituriyent shaxsan javobgar hisoblanadi.

15. Roʻyxatdan oʻtishda tegishli maʼlumotlar rasmiylashtirib tizimga kiritilganidan soʻng YIDXP yoki Davlat test markazining rasmiy veb-sayti orqali elektron ravishda QR-kod (matritsali shtrix kod) qoʻyilgan soʻrovnomani abituriyent elektron shaklda oladi.

3-bob. Yakunlovchi qoidalar

16. Koʻzi ojiz abituriyentlar uchun tanlov Davlat test markazi tizimiga kiritilgan soʻrovnoma maʼlumotlari asosida oʻtkaziladi.

17. Yuridik texnikumga test sinovlari, koʻzi ojiz abituriyentlar uchun tanlov natijalari asosida qabul qilinganda, shuningdek TDYU huzuridagi akademik litsey bitiruvchilari uchun tanlov natijalari boʻyicha qabul qilingan taqdirda, ushbu abituriyentlar oʻquv yili boshlanishidan oldin tegishli yuridik texnikumga ushbu Reglamentning 7-bandi uchinchi — oltinchi xatboshilarida koʻrsatilgan hujjatlarning asl nusxalarini, shuningdek 3,5 x 4,5 sm oʻlchamli 6 dona rangli fotosurat topshiradilar.

18. Markazlar, Davlat test markazi va yuridik texnikumlar oʻz faoliyati natijasida olingan maʼlumotlarning maxfiyligini taʼminlaydilar.

19. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari va markazlar davlat organlari va boshqa tashkilotlar faoliyati Reglament talablariga muvofiqligi yuzasidan, shu jumladan, YIDXP orqali doimiy nazorat va monitoring olib boradi.

20. Abituriyentlar davlat organlari va boshqa tashkilotlar xodimlari harakatlari ustidan qonunchilik hujjatlarida belgilangan tartibda shikoyat qilishlari mumkin.

21. Ushbu Reglamentni qoʻllash bilan bogʻliq nizolar qonunda belgilangan tartibda hal etiladi.

22. Ushbu Reglament talablarini buzganlikda aybdor shaxslar qonunda belgilangan tartibda javobgarlikka tortiladi.

Oʻzbekiston Respublikasi Adliya vazirligining yuridik texnikumlariga oʻqishga qabul qilish boʻyicha davlat xizmatlari koʻrsatishning maʼmuriy reglamentiga 1-ILOVA

Oʻzbekiston Respublikasi Adliya vazirligining yuridik texnikumlariga oʻqishga qabul qilishni tashkil etish

Bosqichlar Subyektlar Tadbirlar Bajarish muddati 1-bosqich Abituriyent Yuridik texnikumga kirish hujjatlarini qabul qilish uchun abituriyent Davlat xizmatlari markaziga shaxsan keladi yoki Yagona interaktiv davlat xizmatlari portali yoxud Davlat test markazi veb-saytida roʻyxatdan oʻtadi. 1 — 20-avgust kunlari 2-bosqich Davlat xizmatlari markazi Davlat xizmatlari markazining xodimi ariza beruvchi nomidan, 10 daqiqa davomida Yagona interaktiv davlat xizmatlari portali YIDXP yoki Davlat test markazi veb-sayti orqali murojaat qilingan taqdirda, abituriyent elektron shaklda soʻrovnoma boʻyicha maʼlumotni Davlat test markazida shakllantirilgan abituriyentning maxsus test maʼlumotlar bazasiga mustaqil ravishda kiritadi. avtomatik ravishda 3-bosqich Davlat test markazi 1. Abituriyentlarning maʼlumotlar bazasiga kiritilgan maʼlumotlarni qabul qiladi. avtomatik ravishda hujjatlari qabul qilish muddati tugaganidan keyin 2. Abituriyentlardan hujjatlarni qabul qilish muddati tugagandan soʻng test sinovlari jadvaliga muvofiq rasmiy veb-saytida test sinovlarining vaqti va joyi toʻgʻrisida maʼlumot joylashtiriladi. 3. Abituriyentlar maʼlumotlar bazasiga kiritilgan maʼlumotlar asosida test sinovlarini oʻtkazadi. 30-avgustga qadar 4-bosqich Abituriyent Imtihonlardan muvaffaqiyatli oʻtgan taqdirda kerakli hujjatlarini asl nusxalarini tegishli yuridik texnikumlarga taqdim etadi oʻquv yilining 2-sentabriga qadar

Oʻzbekiston Respublikasi Adliya vazirligining yuridik texnikumlariga oʻqishga qabul qilish boʻyicha davlat xizmatlari koʻrsatishning maʼmuriy reglamentiga 2-ILOVA

(Sana) Oʻzbekiston Respublikasi Adliya vazirligi yuridik texnikumlariga kirish uchun hujjatlarni topshirish boʻyicha SOʻROVNOMA

I. Ariza beruvchi haqidagi maʼlumotlar: 1.1. F.I.O: 1.2. Pasport maʼlumotlari (raqami va seriyasi) (mavjud boʻlmagan taqdirda, ichki ishlar organlari tomonidan 09 shakl boʻyicha berilgan maʼlumot): 1.3. Pasport olish yoshiga yetmagan shaxslarning tugʻilganlik haqida guvohnomasi: 1.4. Jismoniy shaxsning shaxsiy identifikatsiya raqami (JSHSHIR) (agar mavjud boʻlsa): 1.5. Manzili: 1.6. Fuqaroligi: 1.7. Millati: 1.8. Telefon raqami: 1.9. Elektron pochta manzili: II. Qoʻshimcha maʼlumotlar: 2.1. Umumiy oʻrta (11-sinf baza boʻyicha), oʻrta maxsus, kasb-hunar yoki boshlangʻich professional taʼlim muassasasi nomi, ushbu muassasa tomonidan berilgan oʻqishni tamomlaganlik haqida hujjatning seriyasi, raqami va sanasi: 2.2. Test oʻtkaziladigan til: 2.3. Yuridik texnikum nomi: 2.4. Yuridik texnikumdagi mutaxassislik va kasb nomi: 2.5. Taʼlim shakli: III. Imtiyoz borligi haqidagi maʼlumotlar (mavjud boʻlsa) Tegishli hujjatning rekvizitlari (raqami, berilgan sanasi) 3.1. I guruh nogironligi boʻlgan shaxslar 3.2. Ijtimoiy reyestrga kiritilgan oilalar farzandlari 3.3. “Mehribonlik uyi” va Bolalar shaharchasining bitiruvchilari 3.4. Chet tilini bilish darajasini tasdiqlovchi V1 va undan yuqori darajadagi davlat malaka sertifikatiga yoki xalqaro sertifikatlarga ega abituriyentlar IV. Abituriyentni xabardor qilish tartibi 4.1. Imtihondan oʻtish uchun roʻyxatdan oʻtkazish haqida abituriyentga SMS xabar yuborish (telefon raqami) 4.2. Imtihon oʻtkazish kuni, vaqti va joyi haqida Davlat test markazining rasmiy veb-sayti orqali maʼlum qilish. Ushbu anketada koʻrsatilgan maʼlumotlarning toʻliq, aniq va toʻgʻriligini tasdiqlayman. Ariza beruvchining imzosi

Oʻzbekiston Respublikasi Adliya vazirligining yuridik texnikumlariga oʻqishga qabul qilish boʻyicha davlat xizmatlari koʻrsatishning maʼmuriy reglamentiga 3-ILOVA

Oʻzbekiston Respublikasi Adliya vazirligining yuridik texnikumlariga oʻqishga kirish uchun imtiyozga ega boʻlgan abituriyentlar toifasi hamda ularning reyestrini shakllantirish uchun masʼul boʻlgan vakolatli organlar

T/r Imtiyozlar turlari (toifalari) Imtiyozlarni berish uchun masʼul vakolatli organlar 1. I guruh nogironligi boʻlgan shaxslar hamda nogironligi boʻlgan bolalar toifasidagi abituriyentlar Oʻzbekiston Respublikasi Prezidenti huzuridagi Ijtimoiy himoya milliy agentligi, Sogʻliqni saqlash vazirligi, Maktabgacha va maktab taʼlimi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Mehribonlik uyi, Bolalar shaharchasi va Oilaviy bolalar uyining bitiruvchilari Oʻzbekiston Respublikasi Prezidenti huzuridagi Ijtimoiy himoya milliy agentligi 3. Ijtimoiy reyestrga kiritilgan oilalar farzandlari 4. Chet tilini bilish darajasi toʻgʻrisida davlat namunasidagi B1 va undan yuqori darajadagi malaka sertifikatiga va xalqaro sertifikatga ega boʻlgan abituriyentlar Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi

Vazirlar Mahkamasining 2020-yil 30-oktabrdagi 677-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

4. Vazirlar Mahkamasining “Muhammad al Xorazmiy nomidagi Toshkent axborot texnologiyalari universiteti va Toshkent davlat yuridik universitetlarida oʻquv yuklamasining hajmlarini tasdiqlash toʻgʻrisida” 2013-yil 23-dekabrdagi 337-son qaroriga (Oʻzbekiston Respublikasi QHT, 2013-y., 52-son, 691-modda) kiritilayotgan oʻzgartirishlar rus tilidagi matnda berilgan.

5. Vazirlar Mahkamasining “Oʻzbekiston Respublikasi Hukumatining qonun loyihalariga doir faoliyatini yanada takomillashtirish chora-tadbirlari toʻgʻrisida” 2016-yil 17-oktabrdagi 345-son qarorida (Oʻzbekiston Respublikasi QT, 2016-yil, 10-son, 90-modda):

a) 1-ilovada :

41-bandning birinchi xatboshisi quyidagi tahrirda bayon etilsin:

“41. Qonun loyihasining jamoatchilik muhokamasi seminarlar va davra suhbatlarini oʻtkazish, qonun loyihalari matnlarini va ularga tahliliy materiallarni Oʻzbekiston Respublikasining Yagona interaktiv davlat xizmatlari portali, organning rasmiy veb-saytida joylashtirish yoʻli bilan, shuningdek, boshqa usullar bilan fuqarolar, manfaatdor davlat organlari, shuningdek, fuqarolarning oʻzini oʻzi boshqarish organlari va fuqarolik jamiyati boshqa institutlari, ilmiy, nodavlat notijorat va boshqa tashkilotlarning vakillari, olimlar va mutaxassislar, ekspertlar ishtirokida oʻtkaziladi”;

44-band quyidagi tahrirda bayon etilsin:

“44. Qonun loyihasi ishlab chiquvchi tomonidan Oʻzbekiston Respublikasi Yagona interaktiv davlat xizmatlari portaliga jamoatchilik muhokamasi oʻtkazilishi uchun belgilangan tartibda joylashtirilishi lozim”;

45-band oʻz kuchini yoʻqotgan deb hisoblansin;

46-bandning ikkinchi xatboshisi quyidagi tahrirda bayon etilsin:

“Oʻzbekiston Respublikasining Yagona interaktiv davlat xizmatlari portalida joylashtiriladigan qonun loyihalarini jamoatchilik tomonidan muhokama qilish natijalari Oʻzbekiston Respublikasi Adliya vazirligiga (huquqiy ekspertiza uchun) va Oʻzbekiston Respublikasi Vazirlar Mahkamasiga (koʻrib chiqish uchun) kiritiladi, bunda, qoida tariqasida, kelib tushgan takliflarni koʻrib chiqish natijalari koʻrsatilishi majburiydir”;

47-banddan “jamoatchilik va (yoki)” soʻzlari chiqarib tashlansin;

b) 2-ilovada :

14-bandning oʻn birinchi xatboshisi quyidagi tahrirda bayon etilsin:

“qonun loyihasi mutaxassislar muhokamasining oʻtkazilganligi va uning natijalari toʻgʻrisidagi axborot”;

17-bandga quyidagi mazmundagi oltinchi xatboshi qoʻshilsin:

“Oʻzbekiston Respublikasining Yagona interaktiv davlat xizmatlari portaliga jamoatchilik muhokamasi uchun joylashtirilgan qonun loyihasi boʻyicha fuqarolar takliflarini (izohlari) koʻrib chiqish yakuni boʻyicha jadval”;

oltinchi — yettinchi xatboshilar tegishli ravishda yettinchi — sakkizinchi xatboshilar deb hisoblansin.

6. Vazirlar Mahkamasining “Oʻzbekiston Respublikasi Adliya vazirligining Toshkent yuridik kollejida oʻquv-tarbiya jarayonini tashkil etish va uning mazmunini tubdan takomillashtirish chora-tadbirlari toʻgʻrisida” 2017-yil 10-noyabrdagi 901-son qarori 14-bandi oʻz kuchini yoʻqotgan deb hisoblansin.

8. Vazirlar Mahkamasining “Oʻzbekiston Respublikasi Adliya vazirligining yuridik kollejlarida oʻqishni tashkil etish chora-tadbirlari toʻgʻrisida” 2018-yil 23-oktabrdagi 858-son qarorida :

a) nomidagi “kollejlarida” soʻzi “texnikumlarida” soʻzi bilan almashtirilsin;

b) 1-bandda :

ikkinchi xatboshidagi “kollej” va “kollejlar” soʻzlari tegishli ravishda “texnikum” va “texnikumlar” soʻzlari bilan almashtirilsin;

uchinchi xatboshidagi “kollejlarning” soʻzi “texnikumlarning” soʻzi bilan almashtirilsin;

v) 2-band oʻz kuchini yoʻqotgan deb hisoblansin;

g) 3-bandning birinchi xatboshisidagi “kollejlarning” soʻzi “texnikumlarning” soʻzi bilan almashtirilsin;

d) 4-bandda :

“a” kichik bandda :

birinchi xatboshidagi “kollejlarda” soʻzi “texnikumlarda” soʻzi bilan almashtirilsin;

uchinchi xatboshidagi “kollejlarni” soʻzi “texnikumlarni” soʻzi bilan almashtirilsin;

yettinchi xatboshidagi “kollejlar” soʻzi “texnikumlar” soʻzi bilan almashtirilsin;

“b” kichik bandda :

birinchi — uchinchi xatboshilardagi “kollejlar” soʻzi “texnikumlar” soʻzi bilan almashtirilsin;

toʻrtinchi xatboshidagi “kollejlarda” soʻzi “texnikumlarda” soʻzi bilan almashtirilsin;

e) 5-banddagi “kollejlarda” soʻzi “texnikumlarda” soʻzi bilan almashtirilsin;

j) 6-band oʻz kuchini yoʻqotgan deb hisoblansin;

z) 7 — 9-bandlardagi “kollejlarga” soʻzi “texnikumlarga” soʻzi bilan almashtirilsin;

i) 10-band quyidagi tahrirda bayon etilsin:

“10. Belgilansinki:

TDYUning yuridik texnikumlar va TDYU qoshidagi akademik litseyda oʻquv-metodik jarayonini muvofiqlashtirish boʻyicha faoliyatni tashkil etadigan tarkibiy boʻlinmasi xodimlarining shtatdagi cheklangan soni Adliya vazirligi tomonidan tasdiqlanadigan TDYU namunaviy shtatlari bilan aniqlanadi;

TDYU mazkur tarkibiy boʻlinmasi boshligʻining lavozim maoshi oliy taʼlim muassasasi dekanining bazaviy lavozim maoshiga, uning oʻrinbosari lavozim maoshi — oliy taʼlim muassasasi dekani oʻrinbosari bazaviy lavozim maoshiga tenglashtiriladi;

avtotransport vositalarini sotib olish va saqlash bilan bogʻliq xarajatlar yuridik texnikumlarning budjetdan tashqari mablagʻlari, budjetdan tashqari Adliya organlari va muassasalarini rivojlantirish jamgʻarmasi mablagʻlari hamda adliya organlari va muassasalarining budjetdan tashqari boshqa mablagʻlari hisobiga amalga oshiriladi;

Yuridik texnikumlar va TDYU huzuridagi akademik litsey oʻquv-metodik jarayonini muvofiqlashtirish boʻyicha faoliyatni tashkil etadigan TDYU tarkibiy boʻlinmasi shtat birliklarining soni koʻpaytirilishi bilan hamda mazkur tarkibiy boʻlinma boshligʻining lavozim maoshi oliy taʼlim muassasasi dekanining bazaviy lavozim maoshiga, uning oʻrinbosari lavozim maoshi — oliy taʼlim muassasasi dekani oʻrinbosari bazaviy lavozim maoshiga tenglashtirish bilan bogʻliq xarajatlar TDYU budjetdan tashqari mablagʻlari hisobiga amalga oshiriladi.”;

k) 11 va 12-bandlar quyidagi tahrirda bayon etilsin:

“11. Oʻzbekiston Respublikasi Moliya vazirligi Oʻzbekiston Respublikasi Davlat budjeti parametrlarida yuridik texnikumlarda kam taʼminlangan oilalar aʼzolari boʻlgan oʻquvchilar, “Mehribonlik uyi” va Bolalar shaharchasining bitiruvchilari, I guruh nogironligi boʻlgan, shu jumladan koʻzi ojiz shaxslar taʼlim olishi bilan bogʻliq xarajatlar uchun zarur mablagʻlarni nazarda tutsin.

12. Oʻzbekiston Respublikasi Adliya vazirligiga taʼlim xizmatlari sifatini oshirish maqsadida yuridik texnikumlaring boshqaruv, pedagog, oʻquv-yordamchi, texnik va xizmat koʻrsatuvchi xodimlariga ustama haqlari va moddiy ragʻbatlantirishning boshqa turlari miqdorlarini yuridik texnikumlarning toʻlov-kontraktdan kelib tushgan mablagʻlari (shu jumladan, tabaqalashtirilgan kontrakt) hisobidan hamda Adliya organlari va muassasalarini rivojlantirish jamgʻarmasi mablagʻlari, adliya organlari va muassasalarining budjetdan tashqari boshqa mablagʻlari hisobidan mustaqil belgilash huquqi berilsin.

Yuridik texnikumlar xodimlariga har oylik ustamalarni belgilash mezonlari Oʻzbekiston Respublikasi Adliya vazirligi tomonidan oʻrnatiladi.”;

l) 13-banddagi “kollejlarda” soʻzi “kollejlarda va texnikumlarda” soʻzlari bilan almashtirilsin.

11. Vazirlar Mahkamasining 2020-yil 19-martdagi 171-son “Al-Xorazmiy nomidagi Xalqaro fizika va matematika maktab-internatini tashkil etish toʻgʻrisida”gi qarori 5-bandi quyidagi tahrirda bayon etilsin:

“5. Oʻzbekiston Respublikasi Xalq taʼlimi vazirligi Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi hamda boshqa manfaatdor vazirlik va idoralar bilan birgalikda:

2021-yil 1-yanvarga qadar xalqaro maktabning rahbar va boshqa kadrlarini attestatsiyadan oʻtkazsin hamda tanlov asosida xalqaro maktabni zamonaviy talablarga javob beradigan, yuksak malaka va yuqori professional tayyorgarlikka ega boshqaruv va boshqa kadrlar bilan toʻldirishni taʼminlasin;

bir oy muddatda xalqaro maktabni rahbar va boshqa kadrlarini attestatsiyadan oʻtkazish hamda xodimlarni tanlov asosida xalqaro maktabga ishga qabul qilish tartibini ishlab chiqsin va tasdiqlasin”.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 30-oktabr,

677-son

(Qonun hujjatlari maʼlumotlari milliy bazasi, 31.10.2020-y., 09/20/677/1443-son, 31.12.2020-y., 09/20/834/1700-son; Qonunchilik maʼlumotlari milliy bazasi, 10.06.2021-y., 09/21/359/0546-son, 17.09.2021-y., 09/21/572/0891-son, 23.11.2021-y., 09/21/705/1082-son; 05.04.2022-y., 09/22/153/0266-son; 14.07.2022-y., 09/22/385/0643-son; 15.12.2023-y., 09/23/660/0938-son; 08.10.2024-y., 09/24/640/0791-son; 09.11.2024-y., 09/24/741/1098-son; 03.01.2025-y., 09/25/900/0006-son; 22.05.2025-y., 09/25/325/0460-son; 02.02.2026-y., 09/26/35/0101-son)

lex.uz

Кабинета Министров Республики Узбекистан

Постановление

О дополнительных мерах по совершенствованию деятельности юридических техникумов Министерства юстиции Республики Узбекистан

ПРИЛОЖЕНИЕ № 3 к постановлению Кабинета Министров от 30 октября 2020 года № 677

Изменения и дополнения, вносимые в некоторые решения Правительства Республики Узбекистан

4. В постановлении Кабинета Министров от 23 декабря 2013 г. № 337 «Об утверждении объемов учебной нагрузки в Ташкентском университете информационных технологий имени Мухаммада ал-Хоразмий и в Ташкентском государственном юридическом университете» (СЗ Республики Узбекистан, 2013 г., № 52, ст. 691):

а) наименование постановления изложить в следующей редакции:

«Об утверждении объемов учебной нагрузки в Ташкентском университете информационных технологий имени Мухаммада ал-Хоразмий»;

б) пункт 1 изложить в следующей редакции:

«1. Утвердить объемы учебной нагрузки в Ташкентском университете информационных технологий имени Мухаммада ал-Хоразмий согласно приложению»;

в) приложение № 2 считать утратившим силу.

5. В постановлении Кабинета Министров от 17 октября 2016 г. № 345 «О мерах по дальнейшему совершенствованию законопроектной деятельности Правительства Республики Узбекистан» (СП Республики Узбекистан, 2016 г., № 10, ст. 90):

а) в приложении № 1 :

абзац первый пункта 41 изложить в следующей редакции:

«41. Общественное обсуждение законопроекта посредством семинаров и «круглых столов», размещение текстов законопроектов и их аналитических материалов на Едином портале интерактивных государственных услуг Республики Узбекистан, официальном сайте органа, а также другими способами осуществляется с участием представителей уполномоченных государственных органов, а также органов самоуправления граждан и других институтов гражданского общества, научных, негосударственных некоммерческих и иных организаций, ученых и специалистов, экспертов»;

пункт 44 изложить в следующей редакции:

«44. Законопроект должен быть размещен разработчиком на Едином портале интерактивных государственных услуг Республики Узбекистан для общественного обсуждения в установленном порядке»;

пункт 45 считать утратившим силу;

абзац второй пункта 46 изложить в следующей редакции:

«Результаты общественного обсуждения законопроектов, размещенных на Едином портале интерактивных государственных услуг Республики Узбекистан, направляются в Министерство юстиции Республики Узбекистан (на правовую экспертизу) и Кабинет Министров Республики Узбекистан (на рассмотрение), в этом случае, как правило, следует обязательно указать результаты рассмотрения поступивших предложений»;

из пункта 47 слова «общественном и (или)» исключить;

б) в приложении № 2 :

абзац одиннадцатый пункта 14 изложить в следующей редакции:

«информация об обсуждении законопроекта экспертами и его результаты»;

пункт 17 дополнить шестым абзацем следующего содержания:

«Таблица по результатам рассмотрения предложений (комментариев) граждан по законопроекту размещенного для общественного обсуждения на Едином портале интерактивных государственных услуг Республики Узбекистан»;

абзацы шестой-седьмой считать абзацами седьмым-восьмым, соответственно.

6. Считать утратившим силу пункт 14 постановления Кабинета Министров от 10 ноября 2017 г. № 901 «О мерах по коренному совершенствованию организации и содержания учебно-воспитательного процесса в Ташкентском юридическом колледже Министерства юстиции Республики Узбекистан».

7. В постановлении Кабинета Министров от 24 июля 2018 г. № 573 «Об утверждении Положения о приеме выпускников юридических колледжей Министерства юстиции Республики Узбекистан в бакалавриат Ташкентского государственного юридического университета»:

а) в наименовании слова «колледжей» и «Положения» заменить соответственно словами «техникумов» и «положения»;

б) в пункте 1 слова «2020/2021» и «колледжей» заменить соответственно словами «2021/2022» и «техникумов»;

в) в пунктах 2 и 3 слова «колледжей» заменить словами «техникумов»;

г) в наименовании , абзаце втором пункта 1, в абзаце третьем пункта 2 приложения слова «колледжей», а также в абзаце втором пункта 2 приложения слово «колледжа» заменить словами «техникумов» и «техникума», соответственно;

д) в пункте 5 :

из абзаца третьего слова «наличие знаний и профессиональных навыков в области юриспруденции на уровне среднего профессионального образования)» исключить;

абзац пятый изложить в следующей редакции:

«наличие знаний и профессиональных навыков в области юриспруденции (наличие способности анализировать и излагать свои мысли в сфере юриспруденции на уровне профессионального образования)»;

е) в пунктах 8 , 10 и 11 слова «колледжей» заменить словами «техникумов»;

ж) в пунктах 12 — 14 , 16 — 19 и 69 слово «колледж» заменить словом «техникум»;

з) пункт 15 изложить в следующей редакции:

«15. При рассмотрении вопроса о выдаче направления специальная комиссия учитывает следующие основные минимальные требования:

а) общий показатель успеваемости выпускника юридического техникума по итогам рейтинга должен составлять 71 и более процентов;

б) наличие национального или международного сертификата, подтверждающего знание иностранного языка:

для английского языка — национальный сертификат или владение языком на уровне В2 и выше по международным экзаменационным системам International English Language Testing System (IELTS 5,5 (при этом по модулю writing 5,5 баллов), Test of English as a Foreign Language (TOEFL IBT 72), Cambridge Assessment English FCE и CAE;

для японского языка — национальный сертификат или владение языком на уровне В2 и выше по международным экзаменационным системам Japanese Language Proficiency Test (JLPT № 2);

для немецского языка — национальный сертификат или владение языком на уровне В2 и выше по международным экзаменационным системам Goethe-Zertifikat, Deutsches Sprachdiplom (DSD II);

для французкого языка национальный сертификат или владение языком на уровне B2 и выше по международным экзаминационным системам Diplôme dʼEtudes en Langue Française (DELF), Test de Connaissance du Français (TCF4);

для других языков — национальный сертификат или владение языком на уровне В2 и выше по международным экзаменационным системам;

в) активное участие выпускника юридического техникума в общественной жизни в юридическом техникуме (участие в духовно-просветительской и общественной работе, проектах, конкурсах и других мероприятиях);

г) соблюдение выпускником юридического колледжа правил внутреннего распорядка, этических правил, установленных в юридическом техникуме, а также наличие примерного поведения.

При рассмотрении вопросов соответствия основным минимальным требованиям, указанным в настоящем пункте, учитывается весь период обучения выпускника в юридическом техникуме.»;

и) пункт 28 дополнить абзацами следующего содержания:

«В случае невозможности по объективным причинам провести индивидуальное собеседование в указанные сроки, ТГЮУ может изменить их, оповестив абитуриентов за неделю до их проведения.

Индивидуальное собеседование по решению комиссии по собеседованию может проводиться онлайн посредством использования всемирной информационной сети Интернет»;

к) пункт 37 считать утратившим силу;

л) пункт 44 после слов «представляют» дополнить словами «в приемную комиссию»;

м) дополнить пунктами 47 1 и 47 2 следующего содержания:

«47 1 . Абитуриенты, не принятые на обучение по результатам индивидуального собеседования, по их письменному обращению могут быть приняты дополнительно в ТГЮУ на основе дифференцированного платного контракта, устанавливаемого на первый год обучения.

Данные абитуриенты обращаются в ТГЮУ до 15 сентября, включительно. ТГЮУ исходя из своих возможностей до 1 октября принимает решение об их приеме.

При этом, размер дифференцированного контракта устанавливается в двукратном размере от установленного контракт за обучение.

47 2 . Платежи для абитуриентов, принятых ТГЮУ на обучение по дополнительному приему, осуществляются ежегодно в сроки, предусмотренные условиями контракта, но не позднее сроков, установленных ТГЮУ.

Прием абитуриентов на обучение оформляется приказом ректора ТГЮУ после оплаты физическими или юридическими лицами установленной в контракте суммы денежных средств не позднее 10 октября.

В отношении данных абитуриентов со дня заключения контракта оформляется приказ о даче разрешения на посещение учебных занятий»;

н) в наименованиях приложения № 1, схемы и приложения № 2 , приложений № 4 — 6 слова «колледжей» заменить словами «техникумов»;

о) позицию № 4 графы «Критерии собеседования» Оценочного листа ответов абитуриентов на индивидуальном собеседовании для приема в бакалавриат Ташкентского государственного юридического университета по специальной трехгодичной программе Приложения № 3 к Положению изложить в следующей редакции:

«Наличие знаний и профессиональных навыков в области юриспруденции».

8. В постановлении Кабинета Министров от 23 октября 2018 г. № 858 «О мерах по организации обучения в юридических колледжах Министерства юстиции Республики Узбекистан»:

а) в наименовании слово «колледжах» заменить словами «техникумах»;

б) в пункте 1 :

во абзаце втором слова «колледжей» и «колледжи» заменить словами «техникумов» и «техникумы», соответственно;

в третьем абзаце слово «колледжах» заменить словом «техникумах»;

в) пункт 2 считать утратившим силу;

г) в абзаце первом пункта 3 слово «колледжей» заменить словом «техникумов»;

д) в пункте 4 :

в подпункте «а»:

в абзаце первом слово «колледжах» заменить словом «техникумах»;

в абзаце третьем слово «колледжей» заменить словом «техникумов»;

в абзаце седьмом слово «колледжей» заменить словом «техникумов»;

в подпункте «б»:

в абзацах первом — третьем слово «колледжей» заменить словом «техникумов»;

в абзаце четвертом слово «колледжах» заменить словом «техникумах»;

е) в пункте 5 слово «колледжах» заменить словом «техникумах»;

ж) пункт 6 считать утратившим силу;

з) в пунктах 7 , 9 слово «колледжам» и пункте 8 слово «колледжи» заменить словами «техникумам» и «техникумы» соответственно;

и) пункт 10 изложить в следующей редакции:

«10. Установить, что:

а) предельная штатная численность структурного подразделения ТГЮУ, осуществляющего деятельность по координации учебно-методического процесса в юридических техникумах и академическом лицее при ТГЮУ, определяется в соответствии с типовыми штатами ТГЮУ, утверждаемыми Министерством юстиции;

б) базовый должностной оклад начальника данного структурного подразделения ТГЮУ приравнивается к базовому должностному окладу декана высшего образовательного учреждения, а базовый должностной оклад его заместителя — к базовому должностному окладу заместителя декана высшего образовательного учреждения;

в) расходы, связанные с:

приобретением и содержанием автотранспортных средств, осуществляются за счет внебюджетных средств юридических техникумов, средств внебюджетного Фонда развития органов и учреждений юстиции и других внебюджетных средств органов и учреждений юстиции;

увеличением штатной численности структурного подразделения ТГЮУ, осуществляющего деятельность по координации учебно-методического процесса в юридических техникумах и академическом лицее при ТГЮУ, а также приравниванием базового должностного оклада начальника данного структурного подразделения ТГЮУ к базовому должностному окладу декана высшего образовательного учреждения, базового должностного оклада его заместителя — к базовому должностному окладу заместителя декана высшего образовательного учреждения, осуществляются за счет внебюджетных средств ТГЮУ.»;

к) пункты 11 и 12 изложить в следующей редакции:

«11. Министерству финансов Республики Узбекистан предусматривать в параметрах Государственного бюджета Республики Узбекистан необходимые ассигнования на расходы, связанные с обучением в юридических техникумах, учащихся из малообеспеченных семей, выпускников домов Мехрибонлик и Детских городков, а также лиц, имеющих инвалидность I группы, в том числе незрячих учащихся.

12. Предоставить право Министерству юстиции Республики Узбекистан в целях повышения качества предоставляемых образовательных услуг самостоятельно устанавливать размер надбавок и других мер материального стимулирования управленческому, педагогическому, учебно-вспомогательному, техническому и обслуживающему персоналу юридических техникумов за счет платно-контрактных средств юридических техникумов (в том числе, дифференцированный контракт), а также средств Фонда развития органов и учреждений юстиции и других внебюджетных средств органов и учреждений юстиции.

Критерии установления ежемесячных надбавок работникам юридических техникумов определяются Министерством юстиции Республики Узбекистан»;

л) в пункт 13 слово «колледжах» заменить словами «колледжах и техникумах».

11. Пункт 5 текста на государственном языке постановления Кабинета Министров 19 марта 2020 г. № 171, изложить в следующей редакции:

«5. Ўзбекистон Республикаси Халқ таълими вазирлиги Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси ҳамда бошқа манфаатдор вазирлик ва идоралар билан биргаликда:

2021 йил 1 январга қадар халқаро мактабнинг раҳбар ва бошқа кадрларини аттестациядан ўтказсин ҳамда танлов асосида халқаро мактабни замонавий талабларга жавоб берадиган, юксак малака ва юқори профессионал тайёргарликка эга бошқарув ва бошқа кадрлар билан тўлдиришни таъминласин;

бир ой муддатда халқаро мактабни раҳбар ва бошқа кадрларини аттестациядан ўтказиш ҳамда ходимларни танлов асосида халқаро мактабга ишга қабул қилиш тартибини ишлаб чиқсин ва тасдиқласин».

Премьер-министр Республики Узбекистан А. АРИПОВ

г. Ташкент,

30 октября 2020 г.,

№ 677

lex.uz