📅 2020-yil 30-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 30 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 октября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 30 October 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
ТАРКИБИ
Ўзбекистон Республикаси Вазирлар Маҳкамаси ҳузуридаги Сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасини қўллаб-қувватлаш жамғармаси фаолиятини ташкил этиш тўғрисида
Ўзбекистон Республикаси Президентининг «Ўзбекистон Республикаси аҳолиси ва ҳудудининг сейсмик хавфсизлигини таъминлаш тизимини тубдан такомиллаштириш чора-тадбирлари тўғрисида» 2020 йил 30 июлдаги ПҚ-4794-сон қарори ижроси юзасидан Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикаси аҳолиси ва ҳудудининг сейсмик хавфсизлигини таъминлаш тизимини тубдан такомиллаштириш чора-тадбирлари тўғрисида» 2020 йил 30 июлдаги ПҚ-4794-сон қарори 5-бандига мувофиқ Вазирлар Маҳкамаси ҳузурида Сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасини қўллаб-қувватлаш жамғармаси ташкил этилганлиги маълумот учун қабул қилинсин.
2. Қуйидагилар:
Ўзбекистон Республикаси Вазирлар Маҳкамаси ҳузуридаги Сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасини қўллаб-қувватлаш жамғармаси тўғрисида низом 1-иловага мувофиқ;
Ўзбекистон Республикаси Вазирлар Маҳкамаси ҳузуридаги Сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасини қўллаб-қувватлаш жамғармаси кенгашининг таркиби 2-иловага мувофиқ тасдиқлансин.
3. Мазкур қарорнинг ижросини назорат қилиш Ўзбекистон Республикаси Бош вазирининг маслаҳатчиси — IT-технологиялар, телекоммуникациялар ва инновацион фаолиятни ривожлантириш масалалари департаменти бошлиғи О.М. Умаров зиммасига юклансин.
Вазирлар Маҳкамасининг 2020 йил 30 октябрдаги 681-сон қарорига 1-ИЛОВА
Ўзбекистон Республикаси Вазирлар Маҳкамаси ҳузуридаги Сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасини қўллаб-қувватлаш жамғармаси тўғрисида
1-боб. Умумий қоидалар
1. Ушбу Низом Ўзбекистон Республикаси Вазирлар Маҳкамаси ҳузуридаги Сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасини қўллаб-қувватлаш жамғармаси (кейинги ўринларда — Жамғарма) маблағларини шакллантириш ва улардан фойдаланиш тартибини белгилайди.
2. Жамғарма юридик шахс ҳисобланмайди ва унинг маблағлари Ўзбекистон Республикаси Фанлар академияси Ғ.О. Мавлонов номидаги Сейсмология институтининг Ўзбекистон Республикаси Молия вазирлиги Ғазначилигида алоҳида очилган шахсий ғазна ҳисобварақларида йиғилади.
2-боб. Жамғарма маблағларини шакллантириш ва улардан фойдаланиш
3. Қуйидагилар Жамғарма маблағларини шакллантиришнинг асосий манбалари ҳисобланади:
республика бюджетидан амалий тадқиқотлар ва инновацион ишларнинг илмий-техника дастурлари учун ажратилган грант маблағлари;
Вазирлар Маҳкамасининг ҳисоб-китобларига асосан республика бюджетидан ажратиладиган маблағлар;
хорижий (халқаро) молия институтлари ва бошқа хорижий донорларнинг техник кўмак маблағлари ва грантлари;
Жамғарманинг бўш маблағларини тижорат банкларининг депозитларига жойлаштиришдан олинадиган даромадлар ва қонунчиликда тақиқланмаган бошқа манбалар.
4. Қуйидагилар Жамғарма маблағлари сарфланадиган асосий йўналишлар ҳисобланади:
сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасидаги илмий тадқиқотларга кўмаклашиш, тадқиқот ишларини қўллаб-қувватлаш учун грантлар ажратиш;
кадрларни тайёрлаш, қайта тайёрлаш ва уларнинг малакасини ошириш дастурларини амалга ошириш, шунингдек, конференциялар, семинарлар ва бошқа тадбирларни, шу жумладан, хорижий мамлакатларда ташкил қилиш ва уларда иштирок этиш билан боғлиқ харажатларни молиялаштириш;
илмий лабораторияларни зарур асбоб-ускуналар, ҳисоблаш техника воситалари ҳамда бутловчи материаллар билан таъминлаш ва уларни ўрнатиш билан боғлиқ харажатларни молиялаштириш;
республика аҳолиси ва ҳудудининг сейсмик хавфсизлигини таъминлаш соҳасига рақамлаштирилган технологияларни жорий этиш, сейсмик чидамли қурилиш бўйича миллий дастурларни ишлаб чиқиш билан боғлиқ бўлган харажатларни молиялаштириш;
сейсмология, иншоотларнинг сейсмик мустаҳкамлигини ва сейсмик хавфсизликни таъминлаш учун масъул давлат органлари ва ташкилотларининг соҳага оид фаолият йўналиши бўйича моддий-техника базасини мустаҳкамлаш;
республиканинг сейсмик фаол ҳудудида жойлашган мавжуд бино ва иншоотларнинг электрон техник паспортларини шакллантириш жараёни билан боғлиқ бўлган харажатларни молиялаштириш;
юксак илмий натижаларга эришган ва фан ривожига муносиб ҳисса қўшган олимларни, шу жумладан, ёш илмий ходимларни қўллаб-қувватлаш.
сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасида илмий тадқиқотларни ва кузатувларни олиб бораётган ташкилот ходимларини моддий рағбатлантириш.
5. Жамғарма маблағлари Ўзбекистон Республикаси Вазирлар Маҳкамаси ҳузуридаги Сейсмология, иншоотларнинг сейсмик мустаҳкамлигини ва сейсмик хавфсизлигини таъминлаш соҳасини қўллаб-қувватлаш жамғармаси кенгаши (кейинги ўринларда — Кенгаш) томонидан тасдиқланган Жамғарманинг даромад ва харажатлари йиллик параметрларига мувофиқ харажат қилинади.
6. Жамғарманинг жорий йилда фойдаланилмаган маблағлари Ўзбекистон Республикаси Давлат бюджетига олиб қўйилмайди ва улардан кейинги йилда фойдаланилади.
3-боб. Жамғарма фаолиятини ташкил этиш
7. Жамғарма маблағларини бошқариш Кенгаш томонидан амалга оширилади.
Кенгаш таркиби Вазирлар Маҳкамаси томонидан тасдиқланади.
8. Жамғарма маблағларини тасарруф этувчиси Кенгаш раиси ҳисобланади.
9. Жамғарма маблағларини шакллантириш ва сарфлаш Кенгаш қарори асосида амалга оширилади.
Кенгашнинг қарори Кенгаш мажлисининг баёни билан расмийлаштирилади.
10. Кенгашнинг мажлислари раис томонидан ўтказилади. Кенгаш раиси бўлмаган тақдирда, Кенгаш раисининг ўринбосари томонидан Кенгаш мажлислари ўтказилиши мумкин.
Кенгаш мажлисининг баёнлари Кенгаш раиси ёки унинг ўринбосари томонидан тасдиқланади.
11. Кенгашнинг мажлислари заруратга қараб ўтказилади.
12. Кенгашнинг мажлиси унда Кенгаш аъзолари умумий сонининг 70 фоизидан ортиғи иштирок этса, ваколатли ҳисобланади.
13. Кенгаш қарорлари овоз бериш йўли билан қабул қилинади. Кенгашнинг қарори мажлисда иштирок этган аъзоларнинг кўпчилиги овоз берган тақдирда, қабул қилинган ҳисобланади. Овозлар тенг бўлган тақдирда, Кенгаш раисининг овози ҳал қилувчи овоз ҳисобланади.
Кенгаш котиби овоз бериш ҳуқуқига эга.
14. Кенгаш:
Жамғармага умумий раҳбарликни амалга оширади ва унинг фаолиятини назорат қилади;
Жамғарманинг даромад ва харажатлари йиллик параметрлари, уларнинг ижроси тўғрисидаги йиллик ҳисоботларни, шунингдек, Жамғармага юклатилган вазифаларнинг бажарилиши тўғрисидаги ҳисоботларни тасдиқлайди;
Жамғарманинг йиллик иш режа ва дастурларини тасдиқлайди;
Жамғарма маблағлари ҳисобидан алоҳида тадбирларни молиялаштириш тартибини белгилайди;
Жамғармага хорижий инвестициялар, грантлар ҳамда ҳомийлик хайрияларини жалб қилишда кўмаклашади;
Жамғарма фаолиятига тааллуқли масалаларни кўриб чиқади ва улар бўйича қарорлар қабул қилади;
Жамғарма маблағларини шакллантириш ва улардан фойдаланиш билан боғлиқ бошқа ваколатларни амалга оширади.
Кенгаш аъзолари Жамғармани бошқариш бўйича фаолиятини жамоатчилик асосида амалга оширадилар.
15. Кенгашнинг ишчи органи Вазирлар Маҳкамасининг Сейсмик хавфсизликни таъминлаш масалаларини мувофиқлаштириш бўлими (кейинги ўринларда — Ишчи орган) ҳисобланади.
Ишчи орган:
Жамғарманинг даромад ва харажатлари йиллик параметрларини тайёрлайди ва Кенгаш мажлисларида кўриб чиқиш учун киритади;
Жамғарманинг даромад ва харажатлари йиллик параметрларига ўзгартиришлар киритиш ҳамда Жамғарма маблағларидан самарали фойдаланиш бўйича таклифлар тайёрлайди ва Кенгаш мажлисларида кўриб чиқиш учун киритади;
Жамғармадан маблағ ажратишга оид мурожаатларини умумлаштиради ва зарур таҳлилий материаллар билан бирга Кенгаш мажлисларида кўриб чиқиш учун киритади;
Жамғарманинг тушумлар манбалари бўйича даромадлари ва асосий харажатлар йўналишлари бўйича ҳисоботларни тайёрлайди ҳамда ҳар чорак якуни бўйича Кенгашга кўриб чиқиш ва тасдиқлаш учун тақдим этади;
Кенгаш мажлислари баёнларини расмийлаштиради ва сақлайди;
Жамғарма маблағларидан мақсадли ва самарали сарфланишини назорат қилади.
4-боб. Жамғарманинг маблағларини ҳисобга олиш ва ҳисоб-китобини юритиш
16. Жамғарма маблағларининг ҳисоби Ўзбекистон Республикаси Фанлар академияси Ғ.О. Мавлонов номидаги Сейсмология институтининг бухгалтерияси томонидан белгиланган тартибда юритилади.
Жамғарма маблағларининг бухгалтерия ҳисобини юритган ходимлар Кенгаш қарорига мувофиқ Жамғарма маблағлари ҳисобидан ҳар йили икки марта меҳнатга ҳақ тўлашнинг энг кам миқдорининг тўрт баробаригача моддий рағбатлантирилади.
17. Жамғарма маблағларидан мақсадли фойдаланиш учун масъулият Ишчи орган зиммасига юклатилади.
18. Жамғарма ўз фаолиятида Вазирлар Маҳкамасига бўйсунади ҳамда белгиланган муддатларда ҳисобот беради.
5-боб. Якунловчи қоидалар
19. Жамғармани қайта ташкил этиш ва тугатиш қонунчилик ҳужжатларига мувофиқ амалга оширилади.
20. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Вазирлар Маҳкамасининг 2020 йил 30 октябрдаги 681-сон қарорига 2-ИЛОВА
Ўзбекистон Республикаси Вазирлар Маҳкамаси ҳузуридаги Сейсмология, иншоотларнинг сейсмик мустаҳкамлигини ва сейсмик хавфсизликни таъминлаш соҳасини қўллаб-қувватлаш жамғармаси кенгашининг
1. А.Н. Арипов — Ўзбекистон Республикасининг Бош вазири, Кенгаш раиси 2. А.Ж. Раматов — Ўзбекистон Республикаси Бош вазирининг ўринбосари, Кенгаш раисининг ўринбосари 3. А.Х. Қўлдошев — фавқулодда вазиятлар вазири 4. К.А. Шарипов — олий таълим, фан ва инновациялар вазири 5. Ш.Р. Хамраев — сув хўжалиги вазири 6. И.И. Норқулов — иқтисодиёт ва молия вазирининг биринчи ўринбосари 7. Д.К. Адилов — қурилиш ва уй-жой коммунал хўжалиги вазири ўринбосари 8. С.З. Мирзаев — Фанлар академиясининг вице-президенти 9. Д.А. Бекмирзаев — Вазирлар Маҳкамаси масъул ходими, Кенгаш котиби
Ўзбекистон Республикасининг Бош вазири А. АРИПОВ
Тошкент ш.,
2020 йил 30 октябрь,
681-сон
Oʻzbekiston Respublikasi Vazirlar Mahkamasining
qarori
NIZOM
TARKIBI
Oʻzbekiston Respublikasi Vazirlar Mahkamasi huzuridagi Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi faoliyatini tashkil etish toʻgʻrisida
Oʻzbekiston Respublikasi Prezidentining “Oʻzbekiston Respublikasi aholisi va hududining seysmik xavfsizligini taʼminlash tizimini tubdan takomillashtirish chora-tadbirlari toʻgʻrisida” 2020-yil 30-iyuldagi PQ-4794-son qarori ijrosi yuzasidan Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi aholisi va hududining seysmik xavfsizligini taʼminlash tizimini tubdan takomillashtirish chora-tadbirlari toʻgʻrisida” 2020-yil 30-iyuldagi PQ-4794-son qarori 5-bandiga muvofiq Vazirlar Mahkamasi huzurida Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi tashkil etilganligi maʼlumot uchun qabul qilinsin.
2. Quyidagilar:
Oʻzbekiston Respublikasi Vazirlar Mahkamasi huzuridagi Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi toʻgʻrisida nizom 1-ilovaga muvofiq;
Oʻzbekiston Respublikasi Vazirlar Mahkamasi huzuridagi Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi kengashining tarkibi 2-ilovaga muvofiq tasdiqlansin.
3. Mazkur qarorning ijrosini nazorat qilish Oʻzbekiston Respublikasi Bosh vazirining maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshligʻi O.M. Umarov zimmasiga yuklansin.
Vazirlar Mahkamasining 2020-yil 30-oktabrdagi 681-son qaroriga 1-ILOVA
Oʻzbekiston Respublikasi Vazirlar Mahkamasi huzuridagi Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Vazirlar Mahkamasi huzuridagi Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlarini shakllantirish va ulardan foydalanish tartibini belgilaydi.
2. Jamgʻarma yuridik shaxs hisoblanmaydi va uning mablagʻlari Oʻzbekiston Respublikasi Fanlar akademiyasi Gʻ.O. Mavlonov nomidagi Seysmologiya institutining Oʻzbekiston Respublikasi Moliya vazirligi Gʻaznachiligida alohida ochilgan shaxsiy gʻazna hisobvaraqlarida yigʻiladi.
2-bob. Jamgʻarma mablagʻlarini shakllantirish va ulardan foydalanish
3. Quyidagilar Jamgʻarma mablagʻlarini shakllantirishning asosiy manbalari hisoblanadi:
respublika budjetidan amaliy tadqiqotlar va innovatsion ishlarning ilmiy-texnika dasturlari uchun ajratilgan grant mablagʻlari;
Vazirlar Mahkamasining hisob-kitoblariga asosan respublika budjetidan ajratiladigan mablagʻlar;
xorijiy (xalqaro) moliya institutlari va boshqa xorijiy donorlarning texnik koʻmak mablagʻlari va grantlari;
Jamgʻarmaning boʻsh mablagʻlarini tijorat banklarining depozitlariga joylashtirishdan olinadigan daromadlar va qonunchilikda taqiqlanmagan boshqa manbalar.
4. Quyidagilar Jamgʻarma mablagʻlari sarflanadigan asosiy yoʻnalishlar hisoblanadi:
seysmologiya, inshootlarning seysmik mustahkamligini va seysmik xavfsizlikni taʼminlash sohasidagi ilmiy tadqiqotlarga koʻmaklashish, tadqiqot ishlarini qoʻllab-quvvatlash uchun grantlar ajratish;
kadrlarni tayyorlash, qayta tayyorlash va ularning malakasini oshirish dasturlarini amalga oshirish, shuningdek, konferensiyalar, seminarlar va boshqa tadbirlarni, shu jumladan, xorijiy mamlakatlarda tashkil qilish va ularda ishtirok etish bilan bogʻliq xarajatlarni moliyalashtirish;
ilmiy laboratoriyalarni zarur asbob-uskunalar, hisoblash texnika vositalari hamda butlovchi materiallar bilan taʼminlash va ularni oʻrnatish bilan bogʻliq xarajatlarni moliyalashtirish;
respublika aholisi va hududining seysmik xavfsizligini taʼminlash sohasiga raqamlashtirilgan texnologiyalarni joriy etish, seysmik chidamli qurilish boʻyicha milliy dasturlarni ishlab chiqish bilan bogʻliq boʻlgan xarajatlarni moliyalashtirish;
seysmologiya, inshootlarning seysmik mustahkamligini va seysmik xavfsizlikni taʼminlash uchun masʼul davlat organlari va tashkilotlarining sohaga oid faoliyat yoʻnalishi boʻyicha moddiy-texnika bazasini mustahkamlash;
respublikaning seysmik faol hududida joylashgan mavjud bino va inshootlarning elektron texnik pasportlarini shakllantirish jarayoni bilan bogʻliq boʻlgan xarajatlarni moliyalashtirish;
yuksak ilmiy natijalarga erishgan va fan rivojiga munosib hissa qoʻshgan olimlarni, shu jumladan, yosh ilmiy xodimlarni qoʻllab-quvvatlash.
seysmologiya, inshootlarning seysmik mustahkamligini va seysmik xavfsizlikni taʼminlash sohasida ilmiy tadqiqotlarni va kuzatuvlarni olib borayotgan tashkilot xodimlarini moddiy ragʻbatlantirish.
5. Jamgʻarma mablagʻlari Oʻzbekiston Respublikasi Vazirlar Mahkamasi huzuridagi Seysmologiya, inshootlarning seysmik mustahkamligini va seysmik xavfsizligini taʼminlash sohasini qoʻllab-quvvatlash jamgʻarmasi kengashi (keyingi oʻrinlarda — Kengash) tomonidan tasdiqlangan Jamgʻarmaning daromad va xarajatlari yillik parametrlariga muvofiq xarajat qilinadi.
6. Jamgʻarmaning joriy yilda foydalanilmagan mablagʻlari Oʻzbekiston Respublikasi Davlat budjetiga olib qoʻyilmaydi va ulardan keyingi yilda foydalaniladi.
3-bob. Jamgʻarma faoliyatini tashkil etish
7. Jamgʻarma mablagʻlarini boshqarish Kengash tomonidan amalga oshiriladi.
Kengash tarkibi Vazirlar Mahkamasi tomonidan tasdiqlanadi.
8. Jamgʻarma mablagʻlarini tasarruf etuvchisi Kengash raisi hisoblanadi.
9. Jamgʻarma mablagʻlarini shakllantirish va sarflash Kengash qarori asosida amalga oshiriladi.
Kengashning qarori Kengash majlisining bayoni bilan rasmiylashtiriladi.
10. Kengashning majlislari rais tomonidan oʻtkaziladi. Kengash raisi boʻlmagan taqdirda, Kengash raisining oʻrinbosari tomonidan Kengash majlislari oʻtkazilishi mumkin.
Kengash majlisining bayonlari Kengash raisi yoki uning oʻrinbosari tomonidan tasdiqlanadi.
11. Kengashning majlislari zaruratga qarab oʻtkaziladi.
12. Kengashning majlisi unda Kengash aʼzolari umumiy sonining 70 foizidan ortigʻi ishtirok etsa, vakolatli hisoblanadi.
13. Kengash qarorlari ovoz berish yoʻli bilan qabul qilinadi. Kengashning qarori majlisda ishtirok etgan aʼzolarning koʻpchiligi ovoz bergan taqdirda, qabul qilingan hisoblanadi. Ovozlar teng boʻlgan taqdirda, Kengash raisining ovozi hal qiluvchi ovoz hisoblanadi.
Kengash kotibi ovoz berish huquqiga ega.
14. Kengash:
Jamgʻarmaga umumiy rahbarlikni amalga oshiradi va uning faoliyatini nazorat qiladi;
Jamgʻarmaning daromad va xarajatlari yillik parametrlari, ularning ijrosi toʻgʻrisidagi yillik hisobotlarni, shuningdek, Jamgʻarmaga yuklatilgan vazifalarning bajarilishi toʻgʻrisidagi hisobotlarni tasdiqlaydi;
Jamgʻarmaning yillik ish reja va dasturlarini tasdiqlaydi;
Jamgʻarma mablagʻlari hisobidan alohida tadbirlarni moliyalashtirish tartibini belgilaydi;
Jamgʻarmaga xorijiy investitsiyalar, grantlar hamda homiylik xayriyalarini jalb qilishda koʻmaklashadi;
Jamgʻarma faoliyatiga taalluqli masalalarni koʻrib chiqadi va ular boʻyicha qarorlar qabul qiladi;
Jamgʻarma mablagʻlarini shakllantirish va ulardan foydalanish bilan bogʻliq boshqa vakolatlarni amalga oshiradi.
Kengash aʼzolari Jamgʻarmani boshqarish boʻyicha faoliyatini jamoatchilik asosida amalga oshiradilar.
15. Kengashning ishchi organi Vazirlar Mahkamasining Seysmik xavfsizlikni taʼminlash masalalarini muvofiqlashtirish boʻlimi (keyingi oʻrinlarda — Ishchi organ) hisoblanadi.
Ishchi organ:
Jamgʻarmaning daromad va xarajatlari yillik parametrlarini tayyorlaydi va Kengash majlislarida koʻrib chiqish uchun kiritadi;
Jamgʻarmaning daromad va xarajatlari yillik parametrlariga oʻzgartirishlar kiritish hamda Jamgʻarma mablagʻlaridan samarali foydalanish boʻyicha takliflar tayyorlaydi va Kengash majlislarida koʻrib chiqish uchun kiritadi;
Jamgʻarmadan mablagʻ ajratishga oid murojaatlarini umumlashtiradi va zarur tahliliy materiallar bilan birga Kengash majlislarida koʻrib chiqish uchun kiritadi;
Jamgʻarmaning tushumlar manbalari boʻyicha daromadlari va asosiy xarajatlar yoʻnalishlari boʻyicha hisobotlarni tayyorlaydi hamda har chorak yakuni boʻyicha Kengashga koʻrib chiqish va tasdiqlash uchun taqdim etadi;
Kengash majlislari bayonlarini rasmiylashtiradi va saqlaydi;
Jamgʻarma mablagʻlaridan maqsadli va samarali sarflanishini nazorat qiladi.
4-bob. Jamgʻarmaning mablagʻlarini hisobga olish va hisob-kitobini yuritish
16. Jamgʻarma mablagʻlarining hisobi Oʻzbekiston Respublikasi Fanlar akademiyasi Gʻ.O. Mavlonov nomidagi Seysmologiya institutining buxgalteriyasi tomonidan belgilangan tartibda yuritiladi.
Jamgʻarma mablagʻlarining buxgalteriya hisobini yuritgan xodimlar Kengash qaroriga muvofiq Jamgʻarma mablagʻlari hisobidan har yili ikki marta mehnatga haq toʻlashning eng kam miqdorining toʻrt barobarigacha moddiy ragʻbatlantiriladi.
17. Jamgʻarma mablagʻlaridan maqsadli foydalanish uchun masʼuliyat Ishchi organ zimmasiga yuklatiladi.
18. Jamgʻarma oʻz faoliyatida Vazirlar Mahkamasiga boʻysunadi hamda belgilangan muddatlarda hisobot beradi.
5-bob. Yakunlovchi qoidalar
19. Jamgʻarmani qayta tashkil etish va tugatish qonunchilik hujjatlariga muvofiq amalga oshiriladi.
20. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Vazirlar Mahkamasining 2020-yil 30-oktabrdagi 681-son qaroriga 2-ILOVA
Oʻzbekiston Respublikasi Vazirlar Mahkamasi huzuridagi Seysmologiya, inshootlarning seysmik mustahkamligini va seysmik xavfsizlikni taʼminlash sohasini qoʻllab-quvvatlash jamgʻarmasi kengashining
1. A.N. Aripov — Oʻzbekiston Respublikasining Bosh vaziri, Kengash raisi 2. A.J. Ramatov — Oʻzbekiston Respublikasi Bosh vazirining oʻrinbosari, Kengash raisining oʻrinbosari 3. A.X. Qoʻldoshev — favqulodda vaziyatlar vaziri 4. K.A. Sharipov — oliy taʼlim, fan va innovatsiyalar vaziri 5. Sh.R. Xamrayev — suv xoʻjaligi vaziri 6. I.I. Norqulov — iqtisodiyot va moliya vazirining birinchi oʻrinbosari 7. D.K. Adilov — qurilish va uy-joy kommunal xoʻjaligi vaziri oʻrinbosari 8. S.Z. Mirzayev — Fanlar akademiyasining vitse-prezidenti 9. D.A. Bekmirzayev — Vazirlar Mahkamasi masʼul xodimi, Kengash kotibi
Oʻzbekiston Respublikasining Bosh vaziri A. ARIPOV
Toshkent sh.,
2020-yil 30-oktabr,
681-son