📅 2020-yil 3-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 3 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 3 ноября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 3 November 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«UzVC» миллий венчур фонди фаолиятини ташкил қилиш чора-тадбирлари тўғрисида
Ўзбекистон Республикаси Президентининг «Тадбиркорлик ва инновациялар соҳасидаги лойиҳаларни молиялаштириш механизмларини такомиллаштириш бўйича қўшимча чора-тадбирлар тўғрисида» 2018 йил 24 ноябрдаги ПФ-5583-сон Фармонига мувофиқ ҳамда республикада инновацион лойиҳалар ва стартап-экотизимни ҳар томонлама қуллаб-қувватлаш, инновацион инфратузилмани ривожлантириш жараёнини жадаллаштириш мақсадида Вазирлар Маҳкамаси қарор қилади:
1. Ўзбекистан Республикаси Инновацион ривожланиш вазирлиги, Молия вазирлиги, Давлат активларини бошқариш агентлиги ҳамда Инвестициялар ва ташқи савдо вазирлигининг:
Инновацион ғоялар ва стартап-экотизимни қўллаб-қувватлаш инфратузилмасини яратиш мақсадида «UzVC» миллий венчур фондини (кейинги ўринларда — Фонд) масъулияти чекланган жамият шаклида ташкил этиш;
Фонднинг бошланғич устав капиталини 15 миллиард сўм миқдорида белгилаш;
Фонднинг бошланғич устав капиталини 2020 йил Ўзбекистон Республикаси республика бюджетидан Ўзбекистон Республикаси Инновацион ривожланиш вазирлигига ажратилган маблағлар ҳисобидан шакллантириш ва Фонднинг устав капиталидаги 100 фоиз улушни Ўзбекистон Республикаси Давлат активларини бошқариш агентлигига бериш тўғрисидаги таклифлари маъқуллансин.
2. Белгилансинки:
Фонднинг устав капиталини конунчилик билан тақиқланмаган бошқа манбалар ҳисобидан оширишга рухсат берилади;
Фонд юридик ва жисмоний шахслар, шу жумладан хорижий юридик ва жисмоний шахслар билан шерикликда венчур лойиҳаларни молиялаштириш мақсадида венчур фонди муассиси бўлиши мумкин;
Фондни сақлаш харажатлари унинг ўз маблағлари ҳисобидан амалга оширилади;
Фонд бошқарувига малакали ва халқаро тажрибага эга чет эл фуқаролари жалб этилади.
3. Ўзбекистон Республикаси Давлат активларини бошқариш агентлиги Инновацион ривожланиш вазирлиги билан биргаликда:
икки ой муддатда Фонднинг белгиланган тартибда давлат рйхатидан ўтказилишини;
Фонднинг Тошкент шаҳри, Олмазор тумани, Университет кўчасидаги Ўзбекистон Республикаси Инновацион ривожланиш вазирлигининг маъмурий биносида текин фойдаланиш ҳуқуқи билан жойлаштирилишини таъминласин.
4. Ўзбекистон Республикаси Давлат активларини бошқариш агентлиги Инновацион ривожланиш вазирлиги ва Капитал бозорини ривожлантириш агентлиги билан биргаликда тўрт ой муддатда Фонд фаолиятини амалга ошириш учун шаффоф, рақобатбардош ва танлов муҳити асосида устав капиталида давлат улуши бўлмаган мустақил хусусий боқарув компаниясини давлат харидлари тўғрисидаги қонун ҳужжатларида белгиланган тартибда танласин ва шартнома асосида бошқарувга берилишини таъминласин.
Марказлашган манбалар ҳисобидан венчур лойиҳаларни молиялаштириш учун Фондга ажратилган ресурсларга тенг миқдорда хусусий сектор маблағларини жалб қилиш бошқарув компаниясини танлашнинг асосий шартларидан бири этиб белгилансин.
5. Инновацион ривожланиш вазирлиги 2021 йил 1 июнга қадар Фонднинг самарали фаолиятини таъминлаш юзасидан Вазирлар Маҳкамасига таклиф ва зарур ҳолларда тегишли норматив-ҳуқуқий ҳужжатлар лойиҳаларини киритсин.
6. Ўзбекистон Республикаси Молия вазирлиги 2020 йил Ўзбекистон Республикаси республика бюджетидан Ўзбекистон Республикаси Инновацион ривожланиш вазирлигига ажратилган маблағлар ҳисобидан Фонднинг устав капиталини шакллантириш учун 15 миллиард сўм миқдоридаги маблағларни молиялаштирсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — Ўзбекистон Республикаси иқтисодий тараққиёт ва қамбағалликни қисқартириш вазири Ж.А. Қўчқоров, Инновацион ривожланиш вазири И.Ю. Абдурахмонов ва Давлат активларини бошқариш агентлиги директори С.Х. Бекенов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 3 ноябрь,
684-сон
Oʻzbekiston Respublikasi Vazirlar Mahkamasining
qarori
“UzVC” milliy venchur fondi faoliyatini tashkil qilish chora-tadbirlari toʻgʻrisida
Oʻzbekiston Respublikasi Prezidentining “Tadbirkorlik va innovatsiyalar sohasidagi loyihalarni moliyalashtirish mexanizmlarini takomillashtirish boʻyicha qoʻshimcha chora-tadbirlar toʻgʻrisida” 2018-yil 24-noyabrdagi PF-5583-son Farmoniga muvofiq hamda respublikada innovatsion loyihalar va startap-ekotizimni har tomonlama qullab-quvvatlash, innovatsion infratuzilmani rivojlantirish jarayonini jadallashtirish maqsadida Vazirlar Mahkamasi qaror qiladi:
1. Oʻzbekistan Respublikasi Innovatsion rivojlanish vazirligi, Moliya vazirligi, Davlat aktivlarini boshqarish agentligi hamda Investitsiyalar va tashqi savdo vazirligining:
Innovatsion gʻoyalar va startap-ekotizimni qoʻllab-quvvatlash infratuzilmasini yaratish maqsadida “UzVC” milliy venchur fondini (keyingi oʻrinlarda — Fond) masʼuliyati cheklangan jamiyat shaklida tashkil etish;
Fondning boshlangʻich ustav kapitalini 15 milliard soʻm miqdorida belgilash;
Fondning boshlangʻich ustav kapitalini 2020-yil Oʻzbekiston Respublikasi respublika budjetidan Oʻzbekiston Respublikasi Innovatsion rivojlanish vazirligiga ajratilgan mablagʻlar hisobidan shakllantirish va Fondning ustav kapitalidagi 100 foiz ulushni Oʻzbekiston Respublikasi Davlat aktivlarini boshqarish agentligiga berish toʻgʻrisidagi takliflari maʼqullansin.
2. Belgilansinki:
Fondning ustav kapitalini konunchilik bilan taqiqlanmagan boshqa manbalar hisobidan oshirishga ruxsat beriladi;
Fond yuridik va jismoniy shaxslar, shu jumladan xorijiy yuridik va jismoniy shaxslar bilan sheriklikda venchur loyihalarni moliyalashtirish maqsadida venchur fondi muassisi boʻlishi mumkin;
Fondni saqlash xarajatlari uning oʻz mablagʻlari hisobidan amalga oshiriladi;
Fond boshqaruviga malakali va xalqaro tajribaga ega chet el fuqarolari jalb etiladi.
3. Oʻzbekiston Respublikasi Davlat aktivlarini boshqarish agentligi Innovatsion rivojlanish vazirligi bilan birgalikda:
ikki oy muddatda Fondning belgilangan tartibda davlat ryxatidan oʻtkazilishini;
Fondning Toshkent shahri, Olmazor tumani, Universitet koʻchasidagi Oʻzbekiston Respublikasi Innovatsion rivojlanish vazirligining maʼmuriy binosida tekin foydalanish huquqi bilan joylashtirilishini taʼminlasin.
4. Oʻzbekiston Respublikasi Davlat aktivlarini boshqarish agentligi Innovatsion rivojlanish vazirligi va Kapital bozorini rivojlantirish agentligi bilan birgalikda toʻrt oy muddatda Fond faoliyatini amalga oshirish uchun shaffof, raqobatbardosh va tanlov muhiti asosida ustav kapitalida davlat ulushi boʻlmagan mustaqil xususiy boqaruv kompaniyasini davlat xaridlari toʻgʻrisidagi qonun hujjatlarida belgilangan tartibda tanlasin va shartnoma asosida boshqaruvga berilishini taʼminlasin.
Markazlashgan manbalar hisobidan venchur loyihalarni moliyalashtirish uchun Fondga ajratilgan resurslarga teng miqdorda xususiy sektor mablagʻlarini jalb qilish boshqaruv kompaniyasini tanlashning asosiy shartlaridan biri etib belgilansin.
5. Innovatsion rivojlanish vazirligi 2021-yil 1-iyunga qadar Fondning samarali faoliyatini taʼminlash yuzasidan Vazirlar Mahkamasiga taklif va zarur hollarda tegishli normativ-huquqiy hujjatlar loyihalarini kiritsin.
6. Oʻzbekiston Respublikasi Moliya vazirligi 2020-yil Oʻzbekiston Respublikasi respublika budjetidan Oʻzbekiston Respublikasi Innovatsion rivojlanish vazirligiga ajratilgan mablagʻlar hisobidan Fondning ustav kapitalini shakllantirish uchun 15 milliard soʻm miqdoridagi mablagʻlarni moliyalashtirsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — Oʻzbekiston Respublikasi iqtisodiy taraqqiyot va qambagʻallikni qisqartirish vaziri J.A. Qoʻchqorov, Innovatsion rivojlanish vaziri I.Yu. Abduraxmonov va Davlat aktivlarini boshqarish agentligi direktori S.X. Bekenov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 3-noyabr,
684-son