📅 2020-yil 4-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 4 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 ноября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 4 November 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НАРХЛАРИ
Вазирлар Маҳкамасининг «Автомототранспорт воситаларини давлат рўйхатидан ўтказиш ва уларга рўйхатдан ўтказиш давлат рақами белгиларини бериш тартибини такомиллаштириш тўғрисида» 2017 йил 31 августдаги 683-сон қарорига ўзгартириш ва қўшимчалар киритиш ҳақида
Автомототранспорт воситаларига рўйхатдан ўтказиш давлат рақами белгиларини беришда қўшимча қулайликлар яратиш мақсадида Вазирлар Маҳкамаси қарор қилади:
1. Вазирлар Маҳкамасининг «Автомототранспорт воситаларини давлат рўйхатидан ўтказиш ва уларга рўйхатдан ўтказиш давлат рақами белгиларини бериш тартибини такомиллаштириш тўғрисида» 2017 йил 31 августдаги 683-сон қарорига иловага мувофиқ ўзгартириш ва қўшимчалар киритилсин.
2. Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда мазкур қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси ички ишлар вазири П.Р. Бобожонов ва Ўзбекистон Республикаси молия вазири Т.А. Ишметов зиммасига юклансин.
Вазирлар Маҳкамасининг 2020 йил 4 ноябрдаги 687-сон қарорига ИЛОВА
Вазирлар Маҳкамасининг «Автомототранспорт воситаларини давлат рўйхатидан ўтказиш ва уларга рўйхатдан ўтказиш давлат рақами белгиларини бериш тартибини такомиллаштириш тўғрисида» 2017 йил 31 августдаги 683-сон қарорига киритилаётган ўзгартириш ва қўшимчалар
1. 3-банднинг олтинчи хатбошиси қуйидаги таҳрирда баён этилсин:
«автотранспорт воситалари учун харидоргир ҳарф ва рақамлар комбинациясига эга бўлган рўйхатдан ўтказиш давлат рақами белгиларини оширилган тўлов ставкалари бўйича бериш тартиби Жисмоний ва юридик шахсларга автотранспорт воситалари учун рўйхатдан ўтказиш давлат рақами белгиларини оширилган тўлов ставкаси бўйича беришда «Ўзбекистон Республика товар-хом ашё биржаси» АЖ ахборот тизимида аукцион ўтказиш тартиби тўғрисидаги низомнинг 2-иловаси 1 — 3-тоифаларида кўрсатилган рўйхатдан ўтказиш давлат рақами белгиларига нисбатан қўлланилмайди».
2. Қарорга 1-илова 4-бандининг биринчи хатбошиси қуйидаги таҳрирда баён этилсин:
«4. ДЙҲХХ органларида двигатели 50 ва ундан ортиқ куб.см иш ҳажмига эга бўлган ёки конструкциявий тезлиги соатига 50 ва ундан ортиқ километр бўлган автомототранспорт воситалари, электродвигателининг қуввати 4 кВт ва ундан ортиқ ёки соатига 40 ва ундан юқори тезликка эга бўлган электромобиллар (электромотоцикллар, электроскутерлар ва бошқалар), шунингдек, тиркама ва ярим тиркамалар давлат рўйхатидан ўтказилади».
3. Қарорга 2-иловада :
а) қуйидаги мазмундаги 3 1 -банд билан тўлдирилсин:
«3 1 . Жисмоний ва юридик шахсларнинг мурожаатларига асосан оширилган тўлов ставкалари бўйича бериладиган I, IA, III, IIIA типидаги автотранспорт воситалари учун рўйхатдан ўтказиш давлат рақами белгиларининг рўйхатида кўрсатилган 1 — 3-тоифадаги рўйхатдан ўтказиш давлат рақами белгилари исталган ҳарф комбинациялари билан аукционга қўйилиши мумкин.
Бунда, ушбу тоифадаги рўйхатдан ўтказиш давлат рақами белгиларининг аукционга қўйиладиган бошланғич нархлари мазкур Низомнинг 2а-иловасига мувофиқ белгиланади»;
б) қуйидаги мазмундаги 18 1 -банд билан тўлдирилсин:
«18 1 . Автотранспорт воситалари учун рўйхатдан ўтказиш давлат рақами белгилари аукционга қўйилган кундан бошлаб олти ой мобайнида сотилмаган (харидорлар мавжуд бўлмаган) тақдирда ваколатли орган томонидан:
1 ва 2-тоифадаги рўйхатдан ўтказиш давлат рақами белгиларининг бошланғич нархлари бир поғонага автоматик равишда туширилиб (ҳарфлари бир хил комбинацияда бўлган рўйхатдан ўтказиш давлат рақамлари бундан мустасно), мос равишда 2 ва 3-тоифаларга доир бошланғич нархларда аукционга қўйилади;
4 — 6-тоифадаги рўйхатдан ўтказиш давлат рақами белгилари аукциондан олиниб, аукционга қўйилган бошланғич нархда кунлик шакллантириладиган ошкора рўйхат асосида умумий тартибда реализация қилинади. Реализациядан келиб тушган маблағлар рўйхатдан ўтказиш давлат рақами белгиларини аукцион ўтказиш йўли билан оширилган тўлов ставкалари бўйича бериш тартибида тақсимланади»;
в) Низом қуйидаги мазмундаги 2а-илова билан тўлдирилсин:
«Жисмоний ва юридик шахсларга автотранспорт воситалари учун рўйхатдан ўтказиш давлат рақами белгиларини оширилган тўлов ставкаси бўйича беришда «Ўзбекистон республика товар-хом ашё биржаси» АЖ ахборот тизимида аукцион ўтказиш тартиби тўғрисидаги низомга 2а-ИЛОВА
Жисмоний ва юридик шахсларнинг талабларига асосан харидоргир ҳарф ва рақамлар комбинациясига эга бўлган 1 — 3-тоифадаги автотранспорт воситалари учун рўйхатдан ўтказиш давлат рақами белгиларининг аукционга қўйиладиган бошланғич
Т/р РЎДРБ* рақам комбинациялари Исталган ҳарф комбинациялари учун тўлов ставкалари (БҲМда**) Тошкент шаҳрида Қорақалпоғистон Республикаси ва вилоятларда 1. 001, 007, 100, 111, 222, 555, 700, 777, 888. 900 500 2. 002, 005, 010, 020, 050, 070, 077, 080. 101, 200, 202, 300, 333, 444, 500, 505, 666, 707, 800, 808, 999. 600 300 3. 003, 004, 006, 008, 009, 011, 022, 030, 040, 055, 088, 090. 110, 303, 400, 404, 550, 600, 701, 717, 757, 770, 900, 909. 300 200
Ўзбекистон Республикасининг Бош вазири А. АРИПОВ
Тошкент ш.,
2020 йил 4 ноябрь,
687-сон
Oʻzbekiston Respublikasi Vazirlar Mahkamasining
qarori
NARXLARI
Vazirlar Mahkamasining “Avtomototransport vositalarini davlat roʻyxatidan oʻtkazish va ularga roʻyxatdan oʻtkazish davlat raqami belgilarini berish tartibini takomillashtirish toʻgʻrisida” 2017-yil 31-avgustdagi 683-son qaroriga oʻzgartirish va qoʻshimchalar kiritish haqida
Avtomototransport vositalariga roʻyxatdan oʻtkazish davlat raqami belgilarini berishda qoʻshimcha qulayliklar yaratish maqsadida Vazirlar Mahkamasi qaror qiladi:
1. Vazirlar Mahkamasining “Avtomototransport vositalarini davlat roʻyxatidan oʻtkazish va ularga roʻyxatdan oʻtkazish davlat raqami belgilarini berish tartibini takomillashtirish toʻgʻrisida” 2017-yil 31-avgustdagi 683-son qaroriga ilovaga muvofiq oʻzgartirish va qoʻshimchalar kiritilsin.
2. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda mazkur qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov va Oʻzbekiston Respublikasi moliya vaziri T.A. Ishmetov zimmasiga yuklansin.
Vazirlar Mahkamasining 2020-yil 4-noyabrdagi 687-son qaroriga ILOVA
Vazirlar Mahkamasining “Avtomototransport vositalarini davlat roʻyxatidan oʻtkazish va ularga roʻyxatdan oʻtkazish davlat raqami belgilarini berish tartibini takomillashtirish toʻgʻrisida” 2017-yil 31-avgustdagi 683-son qaroriga kiritilayotgan oʻzgartirish va qoʻshimchalar
1. 3-bandning oltinchi xatboshisi quyidagi tahrirda bayon etilsin:
“avtotransport vositalari uchun xaridorgir harf va raqamlar kombinatsiyasiga ega boʻlgan roʻyxatdan oʻtkazish davlat raqami belgilarini oshirilgan toʻlov stavkalari boʻyicha berish tartibi Jismoniy va yuridik shaxslarga avtotransport vositalari uchun roʻyxatdan oʻtkazish davlat raqami belgilarini oshirilgan toʻlov stavkasi boʻyicha berishda “Oʻzbekiston Respublika tovar-xom ashyo birjasi” AJ axborot tizimida auksion oʻtkazish tartibi toʻgʻrisidagi nizomning 2-ilovasi 1 — 3-toifalarida koʻrsatilgan roʻyxatdan oʻtkazish davlat raqami belgilariga nisbatan qoʻllanilmaydi”.
2. Qarorga 1-ilova 4-bandining birinchi xatboshisi quyidagi tahrirda bayon etilsin:
“4. DYHXX organlarida dvigateli 50 va undan ortiq kub.sm ish hajmiga ega boʻlgan yoki konstruksiyaviy tezligi soatiga 50 va undan ortiq kilometr boʻlgan avtomototransport vositalari, elektrodvigatelining quvvati 4 kVt va undan ortiq yoki soatiga 40 va undan yuqori tezlikka ega boʻlgan elektromobillar (elektromototsikllar, elektroskuterlar va boshqalar), shuningdek, tirkama va yarim tirkamalar davlat roʻyxatidan oʻtkaziladi”.
3. Qarorga 2-ilovada :
a) quyidagi mazmundagi 3 1 -band bilan toʻldirilsin:
“3 1 . Jismoniy va yuridik shaxslarning murojaatlariga asosan oshirilgan toʻlov stavkalari boʻyicha beriladigan I, IA, III, IIIA tipidagi avtotransport vositalari uchun roʻyxatdan oʻtkazish davlat raqami belgilarining roʻyxatida koʻrsatilgan 1 — 3-toifadagi roʻyxatdan oʻtkazish davlat raqami belgilari istalgan harf kombinatsiyalari bilan auksionga qoʻyilishi mumkin.
Bunda, ushbu toifadagi roʻyxatdan oʻtkazish davlat raqami belgilarining auksionga qoʻyiladigan boshlangʻich narxlari mazkur Nizomning 2a-ilovasiga muvofiq belgilanadi”;
b) quyidagi mazmundagi 18 1 -band bilan toʻldirilsin:
“18 1 . Avtotransport vositalari uchun roʻyxatdan oʻtkazish davlat raqami belgilari auksionga qoʻyilgan kundan boshlab olti oy mobaynida sotilmagan (xaridorlar mavjud boʻlmagan) taqdirda vakolatli organ tomonidan:
1 va 2-toifadagi roʻyxatdan oʻtkazish davlat raqami belgilarining boshlangʻich narxlari bir pogʻonaga avtomatik ravishda tushirilib (harflari bir xil kombinatsiyada boʻlgan roʻyxatdan oʻtkazish davlat raqamlari bundan mustasno), mos ravishda 2 va 3-toifalarga doir boshlangʻich narxlarda auksionga qoʻyiladi;
4 — 6-toifadagi roʻyxatdan oʻtkazish davlat raqami belgilari auksiondan olinib, auksionga qoʻyilgan boshlangʻich narxda kunlik shakllantiriladigan oshkora roʻyxat asosida umumiy tartibda realizatsiya qilinadi. Realizatsiyadan kelib tushgan mablagʻlar roʻyxatdan oʻtkazish davlat raqami belgilarini auksion oʻtkazish yoʻli bilan oshirilgan toʻlov stavkalari boʻyicha berish tartibida taqsimlanadi”;
v) Nizom quyidagi mazmundagi 2a-ilova bilan toʻldirilsin:
“Jismoniy va yuridik shaxslarga avtotransport vositalari uchun roʻyxatdan oʻtkazish davlat raqami belgilarini oshirilgan toʻlov stavkasi boʻyicha berishda “Oʻzbekiston respublika tovar-xom ashyo birjasi” AJ axborot tizimida auksion oʻtkazish tartibi toʻgʻrisidagi nizomga 2a-ILOVA
Jismoniy va yuridik shaxslarning talablariga asosan xaridorgir harf va raqamlar kombinatsiyasiga ega boʻlgan 1 — 3-toifadagi avtotransport vositalari uchun roʻyxatdan oʻtkazish davlat raqami belgilarining auksionga qoʻyiladigan boshlangʻich
T/r ROʻDRB* raqam kombinatsiyalari Istalgan harf kombinatsiyalari uchun toʻlov stavkalari (BHMda**) Toshkent shahrida Qoraqalpogʻiston Respublikasi va viloyatlarda 1. 001, 007, 100, 111, 222, 555, 700, 777, 888. 900 500 2. 002, 005, 010, 020, 050, 070, 077, 080. 101, 200, 202, 300, 333, 444, 500, 505, 666, 707, 800, 808, 999. 600 300 3. 003, 004, 006, 008, 009, 011, 022, 030, 040, 055, 088, 090. 110, 303, 400, 404, 550, 600, 701, 717, 757, 770, 900, 909. 300 200
Oʻzbekiston Respublikasining Bosh vaziri A. ARIPOV
Toshkent sh.,
2020-yil 4-noyabr,
687-son
Кабинета Министров Республики Узбекистан
Постановление
СТАРТОВЫЕ ЦЕНЫ
О внесении изменений и дополнений в постановление Кабинета Министров от 31 августа 2017 г. № 683 «О совершенствовании порядка государственной регистрации и выдачи государственных регистрационных номерных знаков для автомототранспортных средств»
В целях создания дополнительных благоприятных условий населению при выдаче номерных знаков для автотранспортных средств Кабинет Министров постановляет:
1. Внести изменения и дополнения в постановление Кабинета Министров от 31 августа 2017 г. № 683 «О совершенствовании порядка государственной регистрации и выдачи государственных регистрационных номерных знаков для автомототранспортных средств» согласно приложению .
2. Министерству внутренних дел Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на министра внутренних дел Республики Узбекистан П.Р. Бобожонова и министра финансов Республики Узбекистан Т.А. Ишметова.
ПРИЛОЖЕНИЕ к постановлению Кабинета Министров от 4 ноября 2020 года № 687
Изменения и дополнения, вносимые в постановление Кабинета Министров от 31 августа 2017 г. № 683 «О совершенствовании порядка государственной регистрации и выдачи государственных регистрационных номерных знаков для автомототранспортных средств»
1. Абзац шестой пункта 3 изложить в следующей редакции:
«порядок выдачи государственных регистрационных номерных знаков для автотранспортных средств по повышенной ставке платежей с востребованной комбинацией букв и цифр не применяется в отношении государственных регистрационных номерных знаков для автотранспортных средств с комбинациями цифр, указанных в категориях 1 — 3 приложения № 2 к Положению о порядке проведения аукциона в информационной системе АО «Узбекская Республиканская товарно-сырьевая биржа» при выдаче физическим и юридическим лицам государственных регистрационных номерных знаков для автотранспортных средств с повышенной ставкой платежа».
2. Абзац первый пункта 4 приложения № 1 изложить в следующей редакции:
«4. В органах ГСБДД подлежат государственной регистрации автомототранспортные средства с рабочим объемом двигателя 50 и более куб. см или максимальной конструкционной скоростью 50 и более километров в час, электромобили с объёмом двигателя мощностью от 4 и более кВт или максимальной конструкционной скоростью 40 и более километров в час (электромотоциклы, электросамокаты), а также прицепы и полуприцепы к ним».
3. В приложении № 2 :
а) дополнить пунктом 3 1 следующего содержания:
«3 1 . Государственные регистрационные номерные знаки для автотранспортных средств типа I, IA, III, IIIA, подлежащие выдаче по повышенной ставке платежей, с комбинацией цифр 1 — 3 категорий, могут быть выставлены на аукцион с любой другой комбинацией букв на основании заявлений физических и юридических лиц.
В этом случае стартовая цена государственного регистрационного номерного знака данной категории на аукционе определяется согласно приложению № 2а к настоящему Положению»;
б) дополнить пунктом 18 1 следующего содержания:
«18 1 . В случае не реализации (отсутствие спроса) в течение шести месяцев с даты проведения аукциона государственных регистрационных номерных знаков на автотранспортные средства уполномоченным органом:
стартовые цены ГРНЗ 1-й и 2-й категорий снижаются на один пункт (за исключением государственных регистрационных номерных знаков с таким же сочетанием букв) и выставляются на аукцион по стартовым ценам 2-й и 3-й категорий соответственно;
ГРНЗ 4 — 6 категорий снимаются с аукциона и реализуются в общем порядке по стартовой цене аукциона на основе публичного ежедневно формируемого списка. При этом средства, полученные от реализации государственных регистрационных номерных знаков, распределяются в порядке, предусмотренном для государственных регистрационных номерных знаков по повышенной ставке платежей, реализуемых путем проведения аукциона»;
в) дополнить приложением № 2а следующего содержания:
«ПРИЛОЖЕНИЕ № 2а к Положению о порядке проведения аукциона в информационной системе АО «Узбекская Республиканская товарно-сырьевая биржа» при выдаче физическим и юридическим лицам государственных регистрационных номерных знаков для автотранспортных средств с повышенной ставкой платежа»
государственных регистрационных номерных знаков для автотранспортных средств с востребованной комбинацией букв и цифр 1 — 3 категорий, выставляемых на аукцион на основании заявлений физических и юридических лиц
№ п/п Комбинация цифр ГРНЗ* Ставка для любой комбинации букв (в БРВ**) город Ташкент Республика Каракалпакстан и области 1. 001, 007, 100, 111, 222, 555, 700, 777, 888. 900 500 2. 002, 005, 010, 020, 050, 070, 077, 080. 101, 200, 202, 300, 333, 444, 500, 505, 666, 707, 800, 808, 999. 600 300 3. 003, 004, 006, 008, 009, 011, 022, 030, 040, 055, 088, 090. 110, 303, 400, 404, 550, 600, 701, 717, 757, 770, 900, 909. 300 200
Премьер-министр Республики Узбекистан А. АРИПОВ
г. Ташкент,
4 ноября 2020 г.,
№ 687