📅 2020-yil 9-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 9 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 9 ноября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 9 November 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Уй-жой коммунал хизмат кўрсатиш соҳаси ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низомга ўзгартиришлар киритиш ҳақида
Ўзбекистон Республикаси Президентининг «Республика сув таъминоти тизимини янада такомиллаштириш тўғрисида» 2019 йил 26 ноябрдаги ПҚ-4536-сон қарорини ижро этиш юзасидан, шунингдек, уй-жой коммунал хизмат кўрсатиш соҳаси ходимларининг моддий таъминотини янада яхшилаш мақсадида Вазирлар Маҳкамаси қарор қилади:
1. Вазирлар Маҳкамасининг 2017 йил 22 июндаги 409-сон қарори (Ўзбекистон Республикаси ҚТ, 2017 йил, 6-сон, 112-модда) билан тасдиқланган Уй-жой коммунал хизмат кўрсатиш соҳаси ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низомга иловага мувофиқ ўзгартиришлар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси уй-жой коммунал хизмат кўрсатиш вазири М.Х. Салиев зиммасига юклансин.
Вазирлар Маҳкамасининг 2020 йил 9 ноябрдаги 697-сон қарорига ИЛОВА
Уй-жой коммунал хизмат кўрсатиш соҳаси ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низомга киритилаётган ўзгартиришлар
1. 13-банд қуйидаги таҳрирда баён қилинсин:
«13. Бюджет ташкилотларининг алоҳида ташаббускор ва юқори малакали ходимларига Ўзбекистон Республикаси уй-жой коммунал хизмат кўрсатиш вазири томонидан тасдиқланадиган Бюджет ташкилотлари ходимлари фаолиятини баҳолашнинг тармоқ рейтинг тизимига мувофиқ лавозим маошига қуйидаги миқдорларда ҳар ойлик шахсий устамалар тўланиши мумкин:
70 баллдан 80 баллгача тўплаганларга — 50 фоиз;
80 баллдан 90 баллгача тўплаганларга — 100 фоиз;
90 баллдан 100 баллгача тўплаганларга — 200 фоиз».
2. 14-банднинг иккинчи хатбошисидаги «бир» сўзи «уч» сўзи билан алмаштирилсин.
3. 7-бобнинг номланиши қуйидаги таҳрирда баён қилинсин:
«7-боб. Кўп хонадонли уй-жой фондидан фойдаланишни назорат қилиш инспекцияси ва Ичимлик сувидан фойдаланишни назорат қилиш инспекцияси ходимларини моддий рағбатлантириш».
4. 21 ва 22-бандлар қуйидаги таҳрирда баён қилинсин:
«21. Кўп хонадонли уй-жой фондидан фойдаланишни назорат қилиш инспекцияси ва Ичимлик сувидан фойдаланишни назорат қилиш инспекцияси ходимларини моддий рағбатлантириш Ўзбекистон Республикаси Уй-жой коммунал хизмат кўрсатиш вазирлиги ҳузуридаги Уй-жой коммунал хўжалигини ривожлантириш жамғармаси маблағлари ҳисобига амалга оширилади.
22. Кўп хонадонли уй-жой фондидан фойдаланишни назорат қилиш инспекцияси ва Ичимлик сувидан фойдаланишни назорат қилиш инспекцияси ходимларига ушбу Низомнинг 4-бобида назарда тутилганлардан ташқари қўшимча рағбатлантирувчи тўловлар қонун ҳужжатларида белгиланган тартибда солинган жарималар бўйича тушумлар суммасидан фоизлар нисбатида амалга оширилади;
Кўп хонадонли уй-жой фондидан фойдаланишни назорат қилиш инспекцияси ва Ичимлик сувидан фойдаланишни назорат қилиш инспекцияси ходимларини моддий рағбатлантиришга йўналтириладиган жарималар бўйича тушумлар суммасидан фоизлар нисбати тегишли мансабдор шахсларга солинган жарималар Ўзбекистон Республикаси Уй-жой коммунал хизмат кўрсатиш вазирлиги ҳузуридаги Уй-жой коммунал хўжалигини ривожлантириш жамғармасининг банкдаги ҳисобварағига 100 фоиз тушиши таъминланиши шарти билан ушбу жарималар даражасига боғлиқ равишда, бироқ 10 фоиздан ортиқ бўлмаган миқдорда Ўзбекистон Республикаси Уй-жой коммунал хизмат кўрсатиш вазирлиги томонидан белгиланади».
Ўзбекистон Республикасининг Бош вазири А. АРИПОВ
Тошкент ш.,
2020 йил 9 ноябрь,
697-сон
Oʻzbekiston Respublikasi Vazirlar Mahkamasining
qarori
Uy-joy kommunal xizmat koʻrsatish sohasi xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomga oʻzgartirishlar kiritish haqida
Oʻzbekiston Respublikasi Prezidentining “Respublika suv taʼminoti tizimini yanada takomillashtirish toʻgʻrisida” 2019-yil 26-noyabrdagi PQ-4536-son qarorini ijro etish yuzasidan, shuningdek, uy-joy kommunal xizmat koʻrsatish sohasi xodimlarining moddiy taʼminotini yanada yaxshilash maqsadida Vazirlar Mahkamasi qaror qiladi:
1. Vazirlar Mahkamasining 2017-yil 22-iyundagi 409-son qarori (Oʻzbekiston Respublikasi QT, 2017-yil, 6-son, 112-modda) bilan tasdiqlangan Uy-joy kommunal xizmat koʻrsatish sohasi xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi uy-joy kommunal xizmat koʻrsatish vaziri M.X. Saliyev zimmasiga yuklansin.
Vazirlar Mahkamasining 2020-yil 9-noyabrdagi 697-son qaroriga ILOVA
Uy-joy kommunal xizmat koʻrsatish sohasi xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomga kiritilayotgan oʻzgartirishlar
1. 13-band quyidagi tahrirda bayon qilinsin:
“13. Budjet tashkilotlarining alohida tashabbuskor va yuqori malakali xodimlariga Oʻzbekiston Respublikasi uy-joy kommunal xizmat koʻrsatish vaziri tomonidan tasdiqlanadigan Budjet tashkilotlari xodimlari faoliyatini baholashning tarmoq reyting tizimiga muvofiq lavozim maoshiga quyidagi miqdorlarda har oylik shaxsiy ustamalar toʻlanishi mumkin:
70 balldan 80 ballgacha toʻplaganlarga — 50 foiz;
80 balldan 90 ballgacha toʻplaganlarga — 100 foiz;
90 balldan 100 ballgacha toʻplaganlarga — 200 foiz”.
2. 14-bandning ikkinchi xatboshisidagi “bir” soʻzi “uch” soʻzi bilan almashtirilsin.
3. 7-bobning nomlanishi quyidagi tahrirda bayon qilinsin:
“7-bob. Koʻp xonadonli uy-joy fondidan foydalanishni nazorat qilish inspeksiyasi va Ichimlik suvidan foydalanishni nazorat qilish inspeksiyasi xodimlarini moddiy ragʻbatlantirish”.
4. 21 va 22-bandlar quyidagi tahrirda bayon qilinsin:
“21. Koʻp xonadonli uy-joy fondidan foydalanishni nazorat qilish inspeksiyasi va Ichimlik suvidan foydalanishni nazorat qilish inspeksiyasi xodimlarini moddiy ragʻbatlantirish Oʻzbekiston Respublikasi Uy-joy kommunal xizmat koʻrsatish vazirligi huzuridagi Uy-joy kommunal xoʻjaligini rivojlantirish jamgʻarmasi mablagʻlari hisobiga amalga oshiriladi.
22. Koʻp xonadonli uy-joy fondidan foydalanishni nazorat qilish inspeksiyasi va Ichimlik suvidan foydalanishni nazorat qilish inspeksiyasi xodimlariga ushbu Nizomning 4-bobida nazarda tutilganlardan tashqari qoʻshimcha ragʻbatlantiruvchi toʻlovlar qonun hujjatlarida belgilangan tartibda solingan jarimalar boʻyicha tushumlar summasidan foizlar nisbatida amalga oshiriladi;
Koʻp xonadonli uy-joy fondidan foydalanishni nazorat qilish inspeksiyasi va Ichimlik suvidan foydalanishni nazorat qilish inspeksiyasi xodimlarini moddiy ragʻbatlantirishga yoʻnaltiriladigan jarimalar boʻyicha tushumlar summasidan foizlar nisbati tegishli mansabdor shaxslarga solingan jarimalar Oʻzbekiston Respublikasi Uy-joy kommunal xizmat koʻrsatish vazirligi huzuridagi Uy-joy kommunal xoʻjaligini rivojlantirish jamgʻarmasining bankdagi hisobvaragʻiga 100 foiz tushishi taʼminlanishi sharti bilan ushbu jarimalar darajasiga bogʻliq ravishda, biroq 10 foizdan ortiq boʻlmagan miqdorda Oʻzbekiston Respublikasi Uy-joy kommunal xizmat koʻrsatish vazirligi tomonidan belgilanadi”.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 9-noyabr,
697-son
Кабинета Министров Республики Узбекистан
Постановление
О внесении изменений в Положение о порядке оплаты труда и материального стимулирования работников системы жилищно-коммунального обслуживания
Во исполнение постановления Президента Республики Узбекистан от 26 ноября 2019 года № ПП-4536 «О дальнейшем совершенствовании системы водоснабжения Республики», а также в целях дальнейшего улучшения материального обеспечения работников системы жилищно-коммунального обслуживания Кабинет Министров постановляет:
1. Внести изменения в Положение о порядке оплаты труда и материального стимулирования работников системы жилищно-коммунального обслуживания, утвержденное постановлением Кабинета Министров от 22 июня 2017 г. № 409 (СП Республики Узбекистан, 2017 г., № 6, ст. 112), согласно приложению .
2. Контроль за исполнением настоящего постановления возложить на Первого заместителя Премьер-министра Республики Узбекистан А.Ж. Раматова и министра жилищно-коммунального обслуживания Республики Узбекистан М.Х. Салиева.
ПРИЛОЖЕНИЕ к постановлению Кабинета Министров от 9 ноября 2020 года № 697
Изменения, вносимые в Положение о порядке оплаты труда и материального стимулирования работников системы жилищно-коммунального обслуживания
1. Пункт 13 изложить в следующей редакции:
«13. Отдельным инициативным и высококвалифицированным работникам бюджетных организаций, в соответствии с отраслевой рейтинговой системой оценки деятельности работников бюджетных организаций, утверждаемой министром жилищно-коммунального обслуживания, могут выплачиваться персональные ежемесячные надбавки к должностному окладу в следующих размерах:
набравшим от 70 баллов до 80 баллов — 50 процентов;
набравшим от 80 баллов до 90 баллов — 100 процентов;
набравшим от 90 баллов до 100 баллов — 200 процентов».
2. В абзаце втором пункта 14 слово «одной» заменить словом «трех».
3. Наименование главы 7 изложить в следующей редакции:
« Глава 7. Материальное стимулирование работников Инспекции по контролю в сфере эксплуатации многоквартирного жилищного фонда и Инспекции по контролю за использованием питьевой воды ».
4. Пункты 21 и 22 изложить в следующей редакции:
«21. Материальное стимулирование работников Инспекции по контролю в сфере эксплуатации многоквартирного жилищного фонда и Инспекции по контролю за использованием питьевой воды производится за счет средств Фонда развития жилищно-коммунального хозяйства при Министерстве жилищно-коммунального обслуживания Республики Узбекистан.
22. Работникам Инспекции по контролю в сфере эксплуатации многоквартирного жилищного фонда и Инспекции по контролю за использованием питьевой воды дополнительные стимулирующие выплаты, кроме предусмотренных главой 4 настоящего Положения, производятся в процентном соотношении от сумм поступлений по штрафам, наложенным в порядке, установленном законодательством.
Процентное соотношение от сумм поступлений по штрафам, направляемым на материальное стимулирование работников Инспекции по контролю в сфере эксплуатации многоквартирного жилищного фонда и Инспекции по контролю за использованием питьевой воды, определяется Министерством жилищно-коммунального обслуживания Республики Узбекистан в зависимости от уровня наложенных штрафов на соответствующих должностных лиц, но не более 10 процентов, при условии обеспечения 100-процентного поступления сумм этих штрафов на банковский счет Фонда развития жилищно-коммунального хозяйства при Министерстве жилищно-коммунального обслуживания Республики Узбекистан».
Премьер-министр Республики Узбекистан А. АРИПОВ
г. Ташкент,
9 ноября 2020 г.,
№ 697