📅 2020-yil 11-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 11 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 11 ноября 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 11 November 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
«Жанубий Устюрт» миллий табиат боғини ташкил қилиш тўғрисида
Ўзбекистон Республикаси Президентининг «Муҳофаза этиладиган табиий ҳудудлар соҳасида давлат бошқаруви тизимини такомиллаштириш чора-тадбирлари тўғрисида» 2019 йил 20 мартдаги ПҚ-4247-сон қарори ижросини таъминлаш, табиат боғи ҳудудида экологик тизим ҳолатини яхшилаш, ўсимлик ва ҳайвонларнинг ноёб турларини сақлаб қолиш ҳамда уларни қайта тиклаш мақсадида Вазирлар Маҳкамаси қарор қилади:
1. Қорақалпоғистон Республикаси Вазирлар Кенгаши, Ўзбекистон Республикаси Экология ва атроф муҳитни муҳофаза қилиш давлат қўмитаси (кейинги ўринларда — Давлат экология қўмитаси) ва Ўрмон хўжалиги давлат қўмитасининг Қорақалпоғистон Республикасининг Қўнғирот тумани ҳудудида давлат табиатни муҳофаза қилиш муассасаси шаклида умумий майдони 1 447 143 гектар бўлган «Жанубий Устюрт» миллий табиат боғини (кейинги ўринларда — табиат боғи) ташкил этиш тўғрисидаги таклифи маъқуллансин.
2. Қуйидагилар:
«Жанубий Устюрт» миллий табиат боғининг умумий майдони 1-иловага мувофиқ;
«Жанубий Устюрт» миллий табиат боғига доимий фойдаланиш ҳуқуқи асосида бериладиган ер участкаларининг майдони 2-иловага мувофиқ;
«Жанубий Устюрт» миллий табиат боғининг қўриқхона, рекреация ва хўжалик мақсадида фойдаланиш зоналари учун ажратиладиган ер майдони 3-иловага мувофиқ;
«Жанубий Устюрт» миллий табиат боғи ижро этувчи аппаратининг тузилмаси 4-иловага мувофиқ тасдиқлансин.
3. Белгилансинки:
а) табиат боғининг хўжалик мақсадида фойдаланиш зоналаридаги ерлар ушбу ҳудудларда жойлашган ер эгалари, ердан фойдаланувчилар ва ижарачилар ихтиёрида қолади;
б) табиат боғи Давлат экология қўмитасининг таркибий бўлинмаси ҳисобланади;
в) табиат боғи фаолиятини молиялаштириш:
2020 йилда Давлат экология қўмитасининг Экология, атроф муҳитни муҳофаза қилиш ва чиқиндилар билан боғлиқ ишларни амалга ошириш жамғармаси маблағлари ҳамда қонун ҳужжатларида тақиқланмаган бошқа манбалар ҳисобига;
2021 йилдан бошлаб Қорақалпоғистон Республикаси бюджети маблағлари, Давлат экология қўмитасининг Экология, атроф-муҳитни муҳофаза қилиш ва чиқиндилар билан боғлиқ ишларни амалга ошириш жамғармаси ҳамда қонунчилик ҳужжатларида тақиқланмаган бошқа манбалар ҳисобига амалга оширилади.
4. Давлат экология қўмитаси икки ой муддатда:
табиат боғининг низоми ишлаб чиқилиши ва тасдиқланишини ҳамда белгиланган тартибда давлат рўйхатидан ўтказилишини;
табиат боғи штатлар жадвали тасдиқланишини ва малакали мутахассислар билан тўлдирилишини таъминласин.
5. Давлат экология қўмитаси раисига табиат боғининг ижро этувчи аппарати ходимларининг чекланган умумий сони ҳамда меҳнатга ҳақ тўлаш фонди доирасида табиат боғи штатлар жадвалига ўзгартиришлар киритиш ҳуқуқи берилсин.
6. Қорақалпоғистон Республикаси Вазирлар Кенгаши икки ой муддатда:
Ўзбекистон Республикаси Давлат активларини бошқариш агентлиги билан биргаликда табиат боғи ижро этувчи аппарати учун Қўнғирот шаҳрида бино ажратилишини;
табиат боғига ажратилган ер участкаларида жойлашган инфратузилма объектларининг кейинчалик тегишлилиги ва улардан фойдаланиш масалалари ҳал этилишини;
Ўзбекистон Республикаси Давлат солиқ қўмитаси ҳузуридаги Кадастр агентлиги билан биргаликда белгиланган тартибда табиат боғи учун ер участкаларини белгиланган тартибда расмийлаштирилишини;
Давлат экология қўмитаси билан биргаликда табиат боғининг қўриқхона, рекреация ва хўжалик мақсадида ҳамда бошқа тарзда фойдаланиш зоналари чегараларини белгиланишини;
кадастр ҳужжатларига тегишли ўзгартиришлар киритилишини таъминласин.
7. Давлат экология қўмитаси манфаатдор вазирликлар ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
8. Мазкур қарорнинг бажарилишини назорат қилиш Ўзбекистон Республикаси Бош вазирнинг биринчи ўринбосари А.Ж. Раматов, Ўзбекистон Республикаси Экология ва атроф муҳитни муҳофаза қилиш давлат қўмитаси раиси ва Қорақалпоғистон Республикаси Вазирлар Кенгаши Раиси К.Р. Сариев зиммасига юклансин.
Вазирлар Маҳкамасининг 2020 йил 11 ноябрдаги 707-сон қарорига 1-ИЛОВА
«Жанубий Устюрт» миллий табиат боғининг умумий майдони
Ҳудуд номи Ер эгалари, ердан фойдаланувчилар ва ижарачилар Ер участкалари майдони (га) Ер тоифалари Қўнғирот тумани Қўнғирот давлат ўрмон-ов хўжалиги ерлари 282650 Ўрмон фонди ерлари Хўжайли давлат ўрмон хўжалиги ерлари 43577 Ўрмон фонди ерлари «Ўзбекбалиқсаноат» уюшмаси ерлари 97827 Сув фонди ерлари Захира ерлар 1023089 Қишлоқ хўжалигида фойдаланилмайдиган ерлар Жами: 1447143
Вазирлар Маҳкамасининг 2020 йил 11 ноябрдаги 707-сон қарорига 2-ИЛОВА
«Жанубий Устюрт» миллий табиат боғига доимий фойдаланиш ҳуқуқи асосида бериладиган ер участкаларининг майдони
Ҳудуд номи Олдинги ердан фойдаланганлар Бериладиган ер участкалари майдони (га) Берилаётган ерларнинг тоифалари Қўнғирот тумани Захира ерлар 1023089 Қишлоқ хўжалигида фойдаланилмайдиган ерлар Жами: 1023089
Вазирлар Маҳкамасининг 2020 йил 11 ноябрдаги 707-сон қарорига 3-ИЛОВА
«Жанубий Устюрт» миллий табиат боғининг қўриқхона, рекреация ва хўжалик мақсадида фойдаланиш зоналари учун ажратиладиган ер майдонлари
Зоналарнинг номлари Ер майдони, га Ер тоифалари Қўриқхона зонаси 934584 Қишлоқ хўжалигида фойдаланилмайдиган ерлар (захира ерлар) Рекреация зонаси 69515 Қишлоқ хўжалигида фойдаланилмайдиган ерлар (захира ерлар) Хўжалик мақсадида фойдаланиш зонаси 443044 Ўрмон ва сув фонди ерлари ҳамда қишлоқ хўжалигида фойдаланилмайдиган ерлар (захира ерлар)
Вазирлар Маҳкамасининг 2020 йил 11 ноябрдаги 707-сон қарорига 4-ИЛОВА
«Жанубий Устюрт» миллий табиат боғи ижро этувчи аппаратининг
Ўзбекистон Республикасининг Бош вазири А. АРИПОВ
Тошкент ш.,
2020 йил 11 ноябрь,
707-сон
Oʻzbekiston Respublikasi Vazirlar Mahkamasining
qarori
TUZILMASI
“Janubiy Ustyurt” milliy tabiat bogʻini tashkil qilish toʻgʻrisida
Oʻzbekiston Respublikasi Prezidentining “Muhofaza etiladigan tabiiy hududlar sohasida davlat boshqaruvi tizimini takomillashtirish chora-tadbirlari toʻgʻrisida” 2019-yil 20-martdagi PQ-4247-son qarori ijrosini taʼminlash, tabiat bogʻi hududida ekologik tizim holatini yaxshilash, oʻsimlik va hayvonlarning noyob turlarini saqlab qolish hamda ularni qayta tiklash maqsadida Vazirlar Mahkamasi qaror qiladi:
1. Qoraqalpogʻiston Respublikasi Vazirlar Kengashi, Oʻzbekiston Respublikasi Ekologiya va atrof muhitni muhofaza qilish davlat qoʻmitasi (keyingi oʻrinlarda — Davlat ekologiya qoʻmitasi) va Oʻrmon xoʻjaligi davlat qoʻmitasining Qoraqalpogʻiston Respublikasining Qoʻngʻirot tumani hududida davlat tabiatni muhofaza qilish muassasasi shaklida umumiy maydoni 1 447 143 gektar boʻlgan “Janubiy Ustyurt” milliy tabiat bogʻini (keyingi oʻrinlarda — tabiat bogʻi) tashkil etish toʻgʻrisidagi taklifi maʼqullansin.
2. Quyidagilar:
“Janubiy Ustyurt” milliy tabiat bogʻining umumiy maydoni 1-ilovaga muvofiq;
“Janubiy Ustyurt” milliy tabiat bogʻiga doimiy foydalanish huquqi asosida beriladigan yer uchastkalarining maydoni 2-ilovaga muvofiq;
“Janubiy Ustyurt” milliy tabiat bogʻining qoʻriqxona, rekreatsiya va xoʻjalik maqsadida foydalanish zonalari uchun ajratiladigan yer maydoni 3-ilovaga muvofiq;
“Janubiy Ustyurt” milliy tabiat bogʻi ijro etuvchi apparatining tuzilmasi 4-ilovaga muvofiq tasdiqlansin.
3. Belgilansinki:
a) tabiat bogʻining xoʻjalik maqsadida foydalanish zonalaridagi yerlar ushbu hududlarda joylashgan yer egalari, yerdan foydalanuvchilar va ijarachilar ixtiyorida qoladi;
b) tabiat bogʻi Davlat ekologiya qoʻmitasining tarkibiy boʻlinmasi hisoblanadi;
v) tabiat bogʻi faoliyatini moliyalashtirish:
2020-yilda Davlat ekologiya qoʻmitasining Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari hamda qonun hujjatlarida taqiqlanmagan boshqa manbalar hisobiga;
2021-yildan boshlab Qoraqalpogʻiston Respublikasi budjeti mablagʻlari, Davlat ekologiya qoʻmitasining Ekologiya, atrof-muhitni muhofaza qilish va chiqindilar bilan bogʻliq ishlarni amalga oshirish jamgʻarmasi hamda qonunchilik hujjatlarida taqiqlanmagan boshqa manbalar hisobiga amalga oshiriladi.
4. Davlat ekologiya qoʻmitasi ikki oy muddatda:
tabiat bogʻining nizomi ishlab chiqilishi va tasdiqlanishini hamda belgilangan tartibda davlat roʻyxatidan oʻtkazilishini;
tabiat bogʻi shtatlar jadvali tasdiqlanishini va malakali mutaxassislar bilan toʻldirilishini taʼminlasin.
5. Davlat ekologiya qoʻmitasi raisiga tabiat bogʻining ijro etuvchi apparati xodimlarining cheklangan umumiy soni hamda mehnatga haq toʻlash fondi doirasida tabiat bogʻi shtatlar jadvaliga oʻzgartirishlar kiritish huquqi berilsin.
6. Qoraqalpogʻiston Respublikasi Vazirlar Kengashi ikki oy muddatda:
Oʻzbekiston Respublikasi Davlat aktivlarini boshqarish agentligi bilan birgalikda tabiat bogʻi ijro etuvchi apparati uchun Qoʻngʻirot shahrida bino ajratilishini;
tabiat bogʻiga ajratilgan yer uchastkalarida joylashgan infratuzilma obyektlarining keyinchalik tegishliligi va ulardan foydalanish masalalari hal etilishini;
Oʻzbekiston Respublikasi Davlat soliq qoʻmitasi huzuridagi Kadastr agentligi bilan birgalikda belgilangan tartibda tabiat bogʻi uchun yer uchastkalarini belgilangan tartibda rasmiylashtirilishini;
Davlat ekologiya qoʻmitasi bilan birgalikda tabiat bogʻining qoʻriqxona, rekreatsiya va xoʻjalik maqsadida hamda boshqa tarzda foydalanish zonalari chegaralarini belgilanishini;
kadastr hujjatlariga tegishli oʻzgartirishlar kiritilishini taʼminlasin.
7. Davlat ekologiya qoʻmitasi manfaatdor vazirliklar va idoralar bilan birgalikda bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirning birinchi oʻrinbosari A.J. Ramatov, Oʻzbekiston Respublikasi Ekologiya va atrof muhitni muhofaza qilish davlat qoʻmitasi raisi va Qoraqalpogʻiston Respublikasi Vazirlar Kengashi Raisi K.R. Sariyev zimmasiga yuklansin.
Vazirlar Mahkamasining 2020-yil 11-noyabrdagi 707-son qaroriga 1-ILOVA
“Janubiy Ustyurt” milliy tabiat bogʻining umumiy maydoni
Hudud nomi Yer egalari, yerdan foydalanuvchilar va ijarachilar Yer uchastkalari maydoni (ga) Yer toifalari Qoʻngʻirot tumani Qoʻngʻirot davlat oʻrmon-ov xoʻjaligi yerlari 282650 Oʻrmon fondi yerlari Xoʻjayli davlat oʻrmon xoʻjaligi yerlari 43577 Oʻrmon fondi yerlari “Oʻzbekbaliqsanoat” uyushmasi yerlari 97827 Suv fondi yerlari Zaxira yerlar 1023089 Qishloq xoʻjaligida foydalanilmaydigan yerlar Jami: 1447143
Vazirlar Mahkamasining 2020-yil 11-noyabrdagi 707-son qaroriga 2-ILOVA
“Janubiy Ustyurt” milliy tabiat bogʻiga doimiy foydalanish huquqi asosida beriladigan yer uchastkalarining maydoni
Hudud nomi Oldingi yerdan foydalanganlar Beriladigan yer uchastkalari maydoni (ga) Berilayotgan yerlarning toifalari Qoʻngʻirot tumani Zaxira yerlar 1023089 Qishloq xoʻjaligida foydalanilmaydigan yerlar Jami: 1023089
Vazirlar Mahkamasining 2020-yil 11-noyabrdagi 707-son qaroriga 3-ILOVA
“Janubiy Ustyurt” milliy tabiat bogʻining qoʻriqxona, rekreatsiya va xoʻjalik maqsadida foydalanish zonalari uchun ajratiladigan yer maydonlari
Zonalarning nomlari Yer maydoni, ga Yer toifalari Qoʻriqxona zonasi 934584 Qishloq xoʻjaligida foydalanilmaydigan yerlar (zaxira yerlar) Rekreatsiya zonasi 69515 Qishloq xoʻjaligida foydalanilmaydigan yerlar (zaxira yerlar) Xoʻjalik maqsadida foydalanish zonasi 443044 Oʻrmon va suv fondi yerlari hamda qishloq xoʻjaligida foydalanilmaydigan yerlar (zaxira yerlar)
Vazirlar Mahkamasining 2020-yil 11-noyabrdagi 707-son qaroriga 4-ILOVA
“Janubiy Ustyurt” milliy tabiat bogʻi ijro etuvchi apparatining
Oʻzbekiston Respublikasining Bosh vaziri A. ARIPOV
Toshkent sh.,
2020-yil 11-noyabr,
707-son