📅 2020-yil 12-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 12 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 12 ноября 2020 г. · Указы Президента
Официальный текст. Официальный документ. Редакционные примечания не включены.
📅 12 November 2020 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАРКИБИ
ЖАДВАЛИ
ЖАДВАЛИ
Сурхондарё вилояти ва Тошкент шаҳрида махсус иқтисодий ва кичик саноат зоналари фаолиятини янада ривожлантириш чора-тадбирлари тўғрисида
Юқори технологияларга асосланган саноат маҳсулотлари ишлаб чиқариш корхоналарини ташкил этиш, минтақавий савдони ривожлантириш, маҳаллий маҳсулотларни ташқи бозорларга олиб чиқиш учун қулай шарт-шароитлар яратиш иқтисодиётни ривожлантиришнинг муҳим омилларидан бири ҳисобланади.
Шу билан бирга, чегараолди ва республиканинг бошқа вилоятларини боғловчи, қулай ҳудудда жойлашган махсус иқтисодий ва кичик саноат зоналари фаолияти самарадорлигини ошириш уларнинг ҳудудида янги комплекс ишлаб чиқариш, хизмат кўрсатиш ва савдо инфратузилмасини ривожлантиришни тақозо этмоқда.
Махсус иқтисодий ва кичик саноат зоналари фаолияти самарадорлигини янада ошириш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид давлат дастурига мувофиқ:
1. Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлиги ҳамда Сурхондарё вилояти ҳокимлигининг «Термиз» эркин иқтисодий зонаси негизида ишлаб чиқарувчилар, экспорт қилувчилар ва харидорлар учун сақлаш, транспорт ва бошқа замонавий хизматлар инфратузилмасини ташкил этиш тўғрисидаги таклифига розилик берилсин.
2. «Термиз» эркин иқтисодий зонаси ҳудудини қисқартириш ҳисобига тегишли инфратузилма объектлари билан таъминланган «Термиз халқаро савдо маркази» эркин савдо зонаси (кейинги ўринларда — Термиз халқаро савдо маркази) ҳамда «Термиз халқаро савдо маркази» эркин савдо зонаси дирекцияси» давлат унитар корхонаси ташкил этилсин.
Сурхондарё вилояти ҳокимлиги (Т.А. Боболов) Давлат хавфсизлик хизмати (А.А. Азизов) билан биргаликда «Termez Cargo Centre» МЧЖни Термиз халқаро савдо маркази иштирокчилари реестрига ўрнатилган тартибда киритилишини таъминласин.
3. Вазирлар Маҳкамаси бир ой муддатда:
«Термиз» эркин иқтисодий зонаси ҳамда Термиз халқаро савдо маркази таркибига кирувчи ҳудудларнинг чегараларини белгилаш;
Термиз халқаро савдо маркази фаолиятини ташкил этиш ва ривожлантириш дастурини тасдиқлаш, шунингдек, товарларни олиб кириш, олиб чиқиш, тегишли божхона режимларини расмийлаштириш, маҳсулотларни реализация қилиш, хорижий фуқаролар ва транспорт воситаларининг Ўзбекистон Республикаси ҳудудига кириши, ушбу ҳудудда бўлиши ҳамда ундан чиқиши билан боғлиқ тартибни назарда тутувчи Ҳукумат қарорини қабул қилсин.
4. Белгилаб қўйилсинки:
а) Термиз халқаро савдо маркази ҳудудида:
замонавий технологиялар асосида маҳсулотларни қабул қилиш, сақлаш, қайта ишлаш, саралаш ва қадоқлаш хизматлари ҳамда электрон савдо порталлари ташкил этилади;
«ягона дарча» ва интерактив механизмлар асосида божхона, солиқ, сертификация, фитосанитария, ветеринария, транспорт, банк ва валюта айирбошлаш, мобиль алоқа ҳамда мижозлар учун тиббиёт ва меҳмонхона, автотранспорт воситаларига техник хизмат кўрсатиш ва бошқа хизматлар йўлга қўйилади;
Афғонистон Ислом Республикаси фуқаролари ва ушбу давлат ҳудудидан кирувчи бошқа давлат фуқаролари ва фуқаролиги бўлмаган шахсларнинг, истисно тариқасида, Ўзбекистон Республикасига кириш визасини расмийлаштирмасдан, шахсий ва паспорт назоратидан ўтган ҳолда (вақтинчалик рўйхатдан ўтмасдан) ўн кун давомида ҳудудга кириш, ҳудудда бўлиш ва ундан чиқиш тартиби жорий этилади;
фаолият юритаётган тадбиркорлар томонидан чет эл фуқароларига ва фуқаролиги бўлмаган шахсларга реализация қилинадиган ҳамда Афғонистон Ислом Республикаси ҳудудига олиб чиқиладиган товарлар ва хизматлар экспортга тенглаштирилади;
чет эл товарлари «эркин божхона зонаси» божхона режимига расмийлаштириш орқали жойлаштирилади ҳамда, истисно тариқасида, ушбу товарлар билан чакана савдо операцияларини амалга оширишга рухсат этилади;
Ўзбекистон Республикаси ҳудудида бўлган хорижий давлат фуқаролари ва фуқаролиги бўлмаган шахслар ҳаракатланиш ҳужжатлари асосида алоҳида назорат ўтказиш пункти орқали ўтади ва ортга қайтишга фақат кирган назорат ўтказиш пункти орқали рухсат этилади;
б) Термиз халқаро савдо маркази ҳудудига Афғонистон Ислом Республикаси томонидан кириш ва ундан чиқиш «Термиз-автойўл» ўтказиш пунктидан махсус техник воситалари билан жиҳозланган алоҳида йўлак (коридор) орқали белгиланган тартибда амалга оширилади.
5. Саноат кооперациясини чуқурлаштириш, янги иш ўринларини яратиш мақсадида Тошкент шаҳрининг Сергели туманида «Сергели индустриал парки» кичик саноат зонаси (кейинги ўринларда — Сергели индустриал парки) ташкил этилганлиги маълумот учун қабул қилинсин.
6. «Термиз» эркин иқтисодий зонаси, «Термиз халқаро савдо маркази» эркин савдо зонаси ва «Сергели индустриал парки» кичик саноат зонаси фаолиятини ривожлантириш бўйича ишчи гуруҳи (кейинги ўринларда — Ишчи гуруҳи) 1-иловага мувофиқ таркибда ташкил этилсин.
Ишчи гуруҳининг (А.Н. Арипов) асосий вазифалари этиб қуйидагилар белгилансин:
«Термиз» эркин иқтисодий зонаси, Термиз халқаро савдо маркази ва Сергели индустриал парки ҳудудига салоҳиятли инвесторларни жалб қилиш ва юқори технологик жаҳон бозорида рақобатбардош янги маҳсулот ишлаб чиқариш ва сифатли хизматлар кўрсатилишини ташкил этиш;
«Термиз» эркин иқтисодий зонаси, Термиз халқаро савдо маркази ва Сергели индустриал парки объектларининг қурилиши ва фаолиятини йўлга қўйишга масъул бўлган вазирлик ва идоралар, хўжалик бирлашмалари ҳамда маҳаллий ижро этувчи ҳокимият органлари фаолиятини мувофиқлаштириш;
«Термиз» эркин иқтисодий зонаси, Термиз халқаро савдо маркази ва Сергели индустриал парки ташқи муҳандислик-коммуникация ва транспорт инфратузилмаси қурилиши бўйича лойиҳаларнинг ўз вақтида ишлаб чиқилиши, қурилишини молиялаштириш манбаларини аниқлаш ва уларнинг амалга оширилишини таъминлаш.
7. Вазирлар Маҳкамаси захира жамғармаси маблағлари ҳисобидан ўн кун муддатда устав фондларини шакллантириш учун Термиз халқаро савдо маркази ва Сергели индустриал парки дирекцияларига 5,0 млрд сўмдан маблағлар ажратилишини таъминласин.
8. Шундай тартиб ўрнатилсинки, унга кўра «Термиз» эркин иқтисодий зонаси, Термиз халқаро савдо маркази ва Сергели индустриал парки ҳудудида қурилиши тугалланган объектлар ўрнатилган тартибда фойдаланишга қабул қилингандан сўнг Ишчи гуруҳи томонидан белгиланадиган қийматда ва тартибда («Termez Cargo Centre» МЧЖ объектларидан ташқари) «Термиз» эркин иқтисодий зонаси, Термиз халқаро савдо маркази ва Сергели индустриал парки дирекциялари (кейинги ўринларда — Дирекциялар) томонидан ошкора савдолар ўтказиш йўли билан талабгорларга сотилади ёки лизинг асосида берилади.
9. Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги ҳамда Молия вазирлигининг Тикланиш ва тараққиёт жамғармаси (кейинги ўринларда — Жамғарма) ҳисобидан ўрнатилган тартибда Сурхондарё вилояти ҳокимлигига Термиз халқаро савдо маркази объектлари қурилишига 20 млн АҚШ долларига тенг миқдорда ҳамда Тошкент шаҳар ҳокимлигига Сергели индустриал парки объектлари қурилишига 40 млн АҚШ долларига тенг миқдорда кредит ажратиш тўғрисидаги таклифига розилик берилсин.
10. Термиз халқаро савдо маркази ва Сергели индустриал парки объектларини қуришда:
Жамғарма кредитлари Сурхондарё вилояти ҳокимлигига 4 йил муддатга, шу жумладан 2 йиллик имтиёзли даврни ва Тошкент шаҳар ҳокимлигига 3 йил муддатга, шу жумладан 1 йиллик имтиёзли даврни ҳисобга олган ҳолда, йиллик фоиз ставкаси 6 ойлик LIBOR + 2 фоизда объектлар қурилиш-монтаж ишларини бажариш ҳамда зарур инфратузилмаларни барпо этишга Маъмурий кенгашлар томонидан тасдиқланадиган манзилли рўйхатларга асосан ажратилади;
кредитларнинг асосий қарз ва фоиз тўловларини ўз вақтида тўлаш Термиз халқаро савдо маркази ва Сергели индустриал парки объектларини инвесторларга сотиш, лизинг ёки ижара шартномалари асосида тақдим этишдан тушадиган маблағлар ҳамда тегишли ҳокимликларнинг бошқа маблағлари ҳисобига амалга оширилади;
Термиз халқаро савдо маркази ва Сергели индустриал парки ҳудудида амалга ошириладиган инвестиция лойиҳалари лойиҳа ташаббускорлари маблағлари, тўғридан-тўғри инвестициялар, халқаро молия институтлари ҳамда тижорат банклари кредитлари ва қонун ҳужжатларида тақиқланмаган бошқа манбалар ҳисобидан молиялаштирилади.
Сурхондарё вилояти (Т.А. Боболов) ва Тошкент шаҳар (Ж.А. Артикходжаев) ҳокимликлари Жамғармадан Дирекцияларга ажратиладиган кредит маблағларидан мақсадли ва самарали фойдаланилиши, кредит маблағлари тўлиқ ва ўз вақтида қайтарилиши учун шахсан масъул эканликлари белгилаб қўйилсин.
11. Ўзбекистон Республикаси Тикланиш ва тараққиёт жамғармасидан Сурхондарё вилояти ва Тошкент шаҳар ҳокимликларига ажратиладиган кредитларни қайтариш прогноз жадваллари 2-3-иловаларга мувофиқ тасдиқлансин.
12. Ички ишлар вазирлиги Давлат хавфсизлик хизмати Чегара қўшинлари, Давлат божхона қўмитаси, Молия вазирлиги билан биргаликда икки ҳафта муддатда Термиз халқаро савдо маркази ҳудудини қўриқлаш, жамоат тартибини сақлаш ҳамда божхона расмийлаштирувини амалга ошириш учун талаб этиладиган шахсий таркиб штат бирлигини белгилаш бўйича Вазирлар Маҳкамасига таклиф киритсин.
13. «Термиз» эркин иқтисодий зонаси, Термиз халқаро савдо маркази ва Сергели индустриал парки объектларини қуриш ҳамда фаолият кўрсатиши даврида:
а) Дирекцияларга объектларни сотиш, лизинг ва ижарага беришдан тушган тушумнинг Жамғармадан олинган кредитни қайтаришга йўналтирилган қисми бўйича фойда солиғи ставкаси 2023 йилга қадар 50 фоизга камайтирилган ҳолда ҳисобланади;
б) 2023 йил 1 январга қадар:
объектларни қуришга жалб қилинган лойиҳачи ва бош пудрат ташкилотлари ҳамда Дирекциялар қурилиш ишларини амалга оширишда зарур бўлган ва Ўзбекистон Республикасида ишлаб чиқарилмайдиган, белгиланган тартибда шакллантириладиган рўйхатлар бўйича импорт қилинадиган қурилиш материаллари, асбоб-ускуналар, махсус техника ва қурилиш техникаси, бутловчи буюмлар, эҳтиёт қисмлар, металл конструкцияларини хориждан олиб келишда божхона тўловларидан (қўшилган қиймат солиғи ва божхона расмийлаштируви йиғимидан ташқари) озод қилинади;
объектларни қуришга жалб қилинган лойиҳачи ва бош пудрат ташкилотлари ҳамда Дирекцияларга қурилиш ишларини амалга ошириш учун импорт қилинадиган қурилиш материаллари, асбоб-ускуналар, махсус техника ва қурилиш техникаси, бутловчи буюмлар, эҳтиёт қисмлар, металл конструкциялари учун ҳисобланган қўшилган қиймат солиғини тўлашни Дирекцияларнинг кафолат хати асосида 120 кунга қадар кечиктириш ҳуқуқи берилади.
14. Иқтисодий тараққиёт ва камбағалликни қисқартириш вазирлиги Инвестициялар ва ташқи савдо вазирлиги ҳамда бошқа манфаатдор вазирлик ва идоралар билан биргаликда ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Мазкур Фармоннинг ижросини самарали ташкил этишга масъул ва шахсий жавобгар этиб Ўзбекистон Республикаси Бош вазирининг ўринбосари С.У. Умурзаков, Сурхондарё вилояти ҳокими Т.А. Боболов ҳамда Тошкент шаҳар ҳокими Ж.А. Артикходжаев белгилансин.
Фармон ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Қабул қилинган чора-тадбирлар натижадорлиги тўғрисида 2021 йил 1 март ҳамда 1 сентябрга қадар Ўзбекистон Республикаси Президентига ахборот берилсин.
Ўзбекистон Республикаси Президентининг 2020 йил 12 ноябрдаги ПФ-6109-сон Фармонига 1-ИЛОВА
«Термиз» эркин иқтисодий зонаси, «Термиз халқаро савдо маркази» эркин савдо зонаси ва «Сергели индустриал парки» кичик саноат зонаси фаолиятини ривожлантириш бўйича ишчи гуруҳи
А.Н. Арипов — Ўзбекистон Республикасининг Бош вазири, Ишчи гуруҳи раҳбари Ж.А. Қўчқоров — Ўзбекистон Республикаси Бош вазирининг ўринбосари, Ишчи гуруҳи раҳбари ўринбосари С.У. Умурзаков — Ўзбекистон Республикаси Бош вазирининг ўринбосари, Ишчи гуруҳи раҳбари ўринбосари Ж.А. Артикходжаев — Тошкент шаҳар ҳокими * Т.А. Боболов — Сурхондарё вилояти ҳокими * М.Б. Азимов — Давлат божхона қўмитаси раиси Ш.Д. Қудбиев — Давлат солиқ қўмитаси раиси А.Ж. Ортиқов — иқтисодий тараққиёт ва камбағалликни қисқартириш вазирининг биринчи ўринбосари С.Х. Бекенов — Давлат активларини бошқариш агентлиги директори Л.Ш. Қудратов — инвестициялар ва ташқи савдо вазирининг биринчи ўринбосари О.З. Насритдинходжаев — молия вазирининг биринчи ўринбосари Ш.С. Хидоятов — қурилиш вазирининг биринчи ўринбосари И.Р. Маҳкамов — транспорт вазири вазифасини бажарувчи Ш.А. Вафаев — Тикланиш ва тараққиёт жамғармасининг ижрочи директори Ш.А. Абидов — Вазирлар Маҳкамаси котибияти мудири, Ишчи гуруҳи котиби
Ўзбекистон Республикаси Президентининг 2020 йил 12 ноябрдаги ПФ-6109-сон Фармонига 2-ИЛОВА
Ўзбекистон Республикаси Тикланиш ва тараққиёт жамғармасидан Сурхондарё вилояти ҳокимлигига ажратиладиган кредитни қайтариш прогноз
Кредит суммаси 20 000 минг АҚШ доллари эквивалентида Кредит муддати 4 йил Имтиёзли давр 2 йил Фоиз ставкаси (ўзгарувчан) 6 ойлик LIBOR + 2 фоиз йиллик Кредитни ташкил этиш учун комиссия 0,3 фоиз Мажбурият бўйича комиссия 0,3 фоиз йиллик (минг АҚШ долларида) Тўлаш даври Танлаб олиш * Тўлов суммаси * Комиссия Тўланиши керак бўлган жами сумма * Асосий қарз Фоизлар Кредитни ташкиллаштириш учун Мажбурият бўйича 2021 йилнинг I ярим йиллиги 10 000,00 - - 60 ** - 60 2021 йилнинг II ярим йиллиги - - 106,27 ** - 14,38 ** 120,65 2022 йилнинг I ярим йиллиги 9 000,00 - 115,51 - 14,61 130,12 2022 йилнинг II ярим йиллиги - - 373,00 - 1,48 374,48 2023 йилнинг I ярим йиллиги - 4 000,00 653,02 - 1,49 4 654,51 2023 йилнинг II ярим йиллиги 1 000,00 4 000,00 524,09 - 1,51 4 525,60 2024 йилнинг I ярим йиллиги - 4 000,00 414,71 - - 4 414,71 2024 йилнинг II ярим йиллиги - 4 000,00 279,51 - - 4 279,51 2025 йилнинг I ярим йиллиги - 4 000,00 137,48 - - 4 137,48 Жами 20 000,00 20 000,00 2 603,59 60,00 33,47 22 697,06
Ўзбекистон Республикаси Президентининг 2020 йил 12 ноябрдаги ПФ-6109-сон Фармонига 3-ИЛОВА
Ўзбекистон Республикаси Тикланиш ва тараққиёт жамғармасидан Тошкент шаҳар ҳокимлигига ажратиладиган кредитни қайтариш прогноз
Кредит суммаси 40000 ,0 минг АҚШ доллари эквивалентида Кредит муддати 3 йил Имтиёзли давр 1 йил Фоиз ставкаси (ўзгарувчан) 6 ойлик LIBOR + 2 фоиз йиллик Кредитни ташкил этиш учун комиссия 0 , 3 фоиз Мажбурият бўйича комиссия 0 , 3 фоиз йиллик (минг АҚШ долларида) Т ўлаш даври Танлаб олиш * Тўлов суммаси * Комиссия Тўланиши керак бўлган жами сумма * Асосий қарз Фоизлар Кредитни ташкил лаштириш учун Мажбурият бўйича 2020 йилнинг II ярим йиллиги 10 000,0 120,0 120,0 2021 йилнинг I ярим йиллиги 20 000,0 168,4 37,3 205,7 2021 йилнинг II ярим йиллиги 10 000,0 8000,0 393,3 7,6 8 400,8 2022 йилнинг I ярим йиллиги 8000,0 357,9 8 357,9 2022 йилнинг II ярим йиллиги 8000,0 269,9 8 269,9 2023 йилнинг I ярим йиллиги 8000,0 178,9 8 178,9 2023 йилнинг II ярим йиллиги 8000,0 90,0 8 090,0 Жами 40000,0 40000,0 1458,3 120,0 44,9 41623,2
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 12 ноябрь,
ПФ-6109-сон
Oʻzbekiston Respublikasi Prezidentining
Farmoni
TARKIBI
JADVALI
JADVALI
Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari toʻgʻrisida
Yuqori texnologiyalarga asoslangan sanoat mahsulotlari ishlab chiqarish korxonalarini tashkil etish, mintaqaviy savdoni rivojlantirish, mahalliy mahsulotlarni tashqi bozorlarga olib chiqish uchun qulay shart-sharoitlar yaratish iqtisodiyotni rivojlantirishning muhim omillaridan biri hisoblanadi.
Shu bilan birga, chegaraoldi va respublikaning boshqa viloyatlarini bogʻlovchi, qulay hududda joylashgan maxsus iqtisodiy va kichik sanoat zonalari faoliyati samaradorligini oshirish ularning hududida yangi kompleks ishlab chiqarish, xizmat koʻrsatish va savdo infratuzilmasini rivojlantirishni taqozo etmoqda.
Maxsus iqtisodiy va kichik sanoat zonalari faoliyati samaradorligini yanada oshirish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Ilm, maʼrifat va raqamli iqtisodiyotni rivojlantirish yili”da amalga oshirishga oid davlat dasturiga muvofiq:
1. Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi hamda Surxondaryo viloyati hokimligining “Termiz” erkin iqtisodiy zonasi negizida ishlab chiqaruvchilar, eksport qiluvchilar va xaridorlar uchun saqlash, transport va boshqa zamonaviy xizmatlar infratuzilmasini tashkil etish toʻgʻrisidagi taklifiga rozilik berilsin.
2. “Termiz” erkin iqtisodiy zonasi hududini qisqartirish hisobiga tegishli infratuzilma obyektlari bilan taʼminlangan “Termiz xalqaro savdo markazi” erkin savdo zonasi (keyingi oʻrinlarda — Termiz xalqaro savdo markazi) hamda “Termiz xalqaro savdo markazi” erkin savdo zonasi direksiyasi” davlat unitar korxonasi tashkil etilsin.
Surxondaryo viloyati hokimligi (T.A. Bobolov) Davlat xavfsizlik xizmati (A.A. Azizov) bilan birgalikda “Termez Cargo Centre” MChJni Termiz xalqaro savdo markazi ishtirokchilari reyestriga oʻrnatilgan tartibda kiritilishini taʼminlasin.
3. Vazirlar Mahkamasi bir oy muddatda:
“Termiz” erkin iqtisodiy zonasi hamda Termiz xalqaro savdo markazi tarkibiga kiruvchi hududlarning chegaralarini belgilash;
Termiz xalqaro savdo markazi faoliyatini tashkil etish va rivojlantirish dasturini tasdiqlash, shuningdek, tovarlarni olib kirish, olib chiqish, tegishli bojxona rejimlarini rasmiylashtirish, mahsulotlarni realizatsiya qilish, xorijiy fuqarolar va transport vositalarining Oʻzbekiston Respublikasi hududiga kirishi, ushbu hududda boʻlishi hamda undan chiqishi bilan bogʻliq tartibni nazarda tutuvchi Hukumat qarorini qabul qilsin.
4. Belgilab qoʻyilsinki:
a) Termiz xalqaro savdo markazi hududida:
zamonaviy texnologiyalar asosida mahsulotlarni qabul qilish, saqlash, qayta ishlash, saralash va qadoqlash xizmatlari hamda elektron savdo portallari tashkil etiladi;
“yagona darcha” va interaktiv mexanizmlar asosida bojxona, soliq, sertifikatsiya, fitosanitariya, veterinariya, transport, bank va valyuta ayirboshlash, mobil aloqa hamda mijozlar uchun tibbiyot va mehmonxona, avtotransport vositalariga texnik xizmat koʻrsatish va boshqa xizmatlar yoʻlga qoʻyiladi;
Afgʻoniston Islom Respublikasi fuqarolari va ushbu davlat hududidan kiruvchi boshqa davlat fuqarolari va fuqaroligi boʻlmagan shaxslarning, istisno tariqasida, Oʻzbekiston Respublikasiga kirish vizasini rasmiylashtirmasdan, shaxsiy va pasport nazoratidan oʻtgan holda (vaqtinchalik roʻyxatdan oʻtmasdan) oʻn kun davomida hududga kirish, hududda boʻlish va undan chiqish tartibi joriy etiladi;
faoliyat yuritayotgan tadbirkorlar tomonidan chet el fuqarolariga va fuqaroligi boʻlmagan shaxslarga realizatsiya qilinadigan hamda Afgʻoniston Islom Respublikasi hududiga olib chiqiladigan tovarlar va xizmatlar eksportga tenglashtiriladi;
chet el tovarlari “erkin bojxona zonasi” bojxona rejimiga rasmiylashtirish orqali joylashtiriladi hamda, istisno tariqasida, ushbu tovarlar bilan chakana savdo operatsiyalarini amalga oshirishga ruxsat etiladi;
Oʻzbekiston Respublikasi hududida boʻlgan xorijiy davlat fuqarolari va fuqaroligi boʻlmagan shaxslar harakatlanish hujjatlari asosida alohida nazorat oʻtkazish punkti orqali oʻtadi va ortga qaytishga faqat kirgan nazorat oʻtkazish punkti orqali ruxsat etiladi;
b) Termiz xalqaro savdo markazi hududiga Afgʻoniston Islom Respublikasi tomonidan kirish va undan chiqish “Termiz-avtoyoʻl” oʻtkazish punktidan maxsus texnik vositalari bilan jihozlangan alohida yoʻlak (koridor) orqali belgilangan tartibda amalga oshiriladi.
5. Sanoat kooperatsiyasini chuqurlashtirish, yangi ish oʻrinlarini yaratish maqsadida Toshkent shahrining Sergeli tumanida “Sergeli industrial parki” kichik sanoat zonasi (keyingi oʻrinlarda — Sergeli industrial parki) tashkil etilganligi maʼlumot uchun qabul qilinsin.
6. “Termiz” erkin iqtisodiy zonasi, “Termiz xalqaro savdo markazi” erkin savdo zonasi va “Sergeli industrial parki” kichik sanoat zonasi faoliyatini rivojlantirish boʻyicha ishchi guruhi (keyingi oʻrinlarda — Ishchi guruhi) 1-ilovaga muvofiq tarkibda tashkil etilsin.
Ishchi guruhining (A.N. Aripov) asosiy vazifalari etib quyidagilar belgilansin:
“Termiz” erkin iqtisodiy zonasi, Termiz xalqaro savdo markazi va Sergeli industrial parki hududiga salohiyatli investorlarni jalb qilish va yuqori texnologik jahon bozorida raqobatbardosh yangi mahsulot ishlab chiqarish va sifatli xizmatlar koʻrsatilishini tashkil etish;
“Termiz” erkin iqtisodiy zonasi, Termiz xalqaro savdo markazi va Sergeli industrial parki obyektlarining qurilishi va faoliyatini yoʻlga qoʻyishga masʼul boʻlgan vazirlik va idoralar, xoʻjalik birlashmalari hamda mahalliy ijro etuvchi hokimiyat organlari faoliyatini muvofiqlashtirish;
“Termiz” erkin iqtisodiy zonasi, Termiz xalqaro savdo markazi va Sergeli industrial parki tashqi muhandislik-kommunikatsiya va transport infratuzilmasi qurilishi boʻyicha loyihalarning oʻz vaqtida ishlab chiqilishi, qurilishini moliyalashtirish manbalarini aniqlash va ularning amalga oshirilishini taʼminlash.
7. Vazirlar Mahkamasi zaxira jamgʻarmasi mablagʻlari hisobidan oʻn kun muddatda ustav fondlarini shakllantirish uchun Termiz xalqaro savdo markazi va Sergeli industrial parki direksiyalariga 5,0 mlrd soʻmdan mablagʻlar ajratilishini taʼminlasin.
8. Shunday tartib oʻrnatilsinki, unga koʻra “Termiz” erkin iqtisodiy zonasi, Termiz xalqaro savdo markazi va Sergeli industrial parki hududida qurilishi tugallangan obyektlar oʻrnatilgan tartibda foydalanishga qabul qilingandan soʻng Ishchi guruhi tomonidan belgilanadigan qiymatda va tartibda (“Termez Cargo Centre” MChJ obyektlaridan tashqari) “Termiz” erkin iqtisodiy zonasi, Termiz xalqaro savdo markazi va Sergeli industrial parki direksiyalari (keyingi oʻrinlarda — Direksiyalar) tomonidan oshkora savdolar oʻtkazish yoʻli bilan talabgorlarga sotiladi yoki lizing asosida beriladi.
9. Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi hamda Moliya vazirligining Tiklanish va taraqqiyot jamgʻarmasi (keyingi oʻrinlarda — Jamgʻarma) hisobidan oʻrnatilgan tartibda Surxondaryo viloyati hokimligiga Termiz xalqaro savdo markazi obyektlari qurilishiga 20 mln AQSh dollariga teng miqdorda hamda Toshkent shahar hokimligiga Sergeli industrial parki obyektlari qurilishiga 40 mln AQSh dollariga teng miqdorda kredit ajratish toʻgʻrisidagi taklifiga rozilik berilsin.
10. Termiz xalqaro savdo markazi va Sergeli industrial parki obyektlarini qurishda:
Jamgʻarma kreditlari Surxondaryo viloyati hokimligiga 4 yil muddatga, shu jumladan 2 yillik imtiyozli davrni va Toshkent shahar hokimligiga 3 yil muddatga, shu jumladan 1 yillik imtiyozli davrni hisobga olgan holda, yillik foiz stavkasi 6 oylik LIBOR + 2 foizda obyektlar qurilish-montaj ishlarini bajarish hamda zarur infratuzilmalarni barpo etishga Maʼmuriy kengashlar tomonidan tasdiqlanadigan manzilli roʻyxatlarga asosan ajratiladi;
kreditlarning asosiy qarz va foiz toʻlovlarini oʻz vaqtida toʻlash Termiz xalqaro savdo markazi va Sergeli industrial parki obyektlarini investorlarga sotish, lizing yoki ijara shartnomalari asosida taqdim etishdan tushadigan mablagʻlar hamda tegishli hokimliklarning boshqa mablagʻlari hisobiga amalga oshiriladi;
Termiz xalqaro savdo markazi va Sergeli industrial parki hududida amalga oshiriladigan investitsiya loyihalari loyiha tashabbuskorlari mablagʻlari, toʻgʻridan-toʻgʻri investitsiyalar, xalqaro moliya institutlari hamda tijorat banklari kreditlari va qonun hujjatlarida taqiqlanmagan boshqa manbalar hisobidan moliyalashtiriladi.
Surxondaryo viloyati (T.A. Bobolov) va Toshkent shahar (J.A. Artikxodjayev) hokimliklari Jamgʻarmadan Direksiyalarga ajratiladigan kredit mablagʻlaridan maqsadli va samarali foydalanilishi, kredit mablagʻlari toʻliq va oʻz vaqtida qaytarilishi uchun shaxsan masʼul ekanliklari belgilab qoʻyilsin.
11. Oʻzbekiston Respublikasi Tiklanish va taraqqiyot jamgʻarmasidan Surxondaryo viloyati va Toshkent shahar hokimliklariga ajratiladigan kreditlarni qaytarish prognoz jadvallari 2-3-ilovalarga muvofiq tasdiqlansin.
12. Ichki ishlar vazirligi Davlat xavfsizlik xizmati Chegara qoʻshinlari, Davlat bojxona qoʻmitasi, Moliya vazirligi bilan birgalikda ikki hafta muddatda Termiz xalqaro savdo markazi hududini qoʻriqlash, jamoat tartibini saqlash hamda bojxona rasmiylashtiruvini amalga oshirish uchun talab etiladigan shaxsiy tarkib shtat birligini belgilash boʻyicha Vazirlar Mahkamasiga taklif kiritsin.
13. “Termiz” erkin iqtisodiy zonasi, Termiz xalqaro savdo markazi va Sergeli industrial parki obyektlarini qurish hamda faoliyat koʻrsatishi davrida:
a) Direksiyalarga obyektlarni sotish, lizing va ijaraga berishdan tushgan tushumning Jamgʻarmadan olingan kreditni qaytarishga yoʻnaltirilgan qismi boʻyicha foyda soligʻi stavkasi 2023-yilga qadar 50 foizga kamaytirilgan holda hisoblanadi;
b) 2023-yil 1-yanvarga qadar:
obyektlarni qurishga jalb qilingan loyihachi va bosh pudrat tashkilotlari hamda Direksiyalar qurilish ishlarini amalga oshirishda zarur boʻlgan va Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyxatlar boʻyicha import qilinadigan qurilish materiallari, asbob-uskunalar, maxsus texnika va qurilish texnikasi, butlovchi buyumlar, ehtiyot qismlar, metall konstruksiyalarini xorijdan olib kelishda bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimidan tashqari) ozod qilinadi;
obyektlarni qurishga jalb qilingan loyihachi va bosh pudrat tashkilotlari hamda Direksiyalarga qurilish ishlarini amalga oshirish uchun import qilinadigan qurilish materiallari, asbob-uskunalar, maxsus texnika va qurilish texnikasi, butlovchi buyumlar, ehtiyot qismlar, metall konstruksiyalari uchun hisoblangan qoʻshilgan qiymat soligʻini toʻlashni Direksiyalarning kafolat xati asosida 120 kunga qadar kechiktirish huquqi beriladi.
14. Iqtisodiy taraqqiyot va kambagʻallikni qisqartirish vazirligi Investitsiyalar va tashqi savdo vazirligi hamda boshqa manfaatdor vazirlik va idoralar bilan birgalikda ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Mazkur Farmonning ijrosini samarali tashkil etishga masʼul va shaxsiy javobgar etib Oʻzbekiston Respublikasi Bosh vazirining oʻrinbosari S.U. Umurzakov, Surxondaryo viloyati hokimi T.A. Bobolov hamda Toshkent shahar hokimi J.A. Artikxodjayev belgilansin.
Farmon ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Qabul qilingan chora-tadbirlar natijadorligi toʻgʻrisida 2021-yil 1-mart hamda 1-sentabrga qadar Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidentining 2020-yil 12-noyabrdagi PF-6109-son Farmoniga 1-ILOVA
“Termiz” erkin iqtisodiy zonasi, “Termiz xalqaro savdo markazi” erkin savdo zonasi va “Sergeli industrial parki” kichik sanoat zonasi faoliyatini rivojlantirish boʻyicha ishchi guruhi
A.N. Aripov — Oʻzbekiston Respublikasining Bosh vaziri, Ishchi guruhi rahbari J.A. Qoʻchqorov — Oʻzbekiston Respublikasi Bosh vazirining oʻrinbosari, Ishchi guruhi rahbari oʻrinbosari S.U. Umurzakov — Oʻzbekiston Respublikasi Bosh vazirining oʻrinbosari, Ishchi guruhi rahbari oʻrinbosari J.A. Artikxodjayev — Toshkent shahar hokimi * T.A. Bobolov — Surxondaryo viloyati hokimi * M.B. Azimov — Davlat bojxona qoʻmitasi raisi Sh.D. Qudbiyev — Davlat soliq qoʻmitasi raisi A.J. Ortiqov — iqtisodiy taraqqiyot va kambagʻallikni qisqartirish vazirining birinchi oʻrinbosari S.X. Bekenov — Davlat aktivlarini boshqarish agentligi direktori L.Sh. Qudratov — investitsiyalar va tashqi savdo vazirining birinchi oʻrinbosari O.Z. Nasritdinxodjayev — moliya vazirining birinchi oʻrinbosari Sh.S. Xidoyatov — qurilish vazirining birinchi oʻrinbosari I.R. Mahkamov — transport vaziri vazifasini bajaruvchi Sh.A. Vafayev — Tiklanish va taraqqiyot jamgʻarmasining ijrochi direktori Sh.A. Abidov — Vazirlar Mahkamasi kotibiyati mudiri, Ishchi guruhi kotibi
Oʻzbekiston Respublikasi Prezidentining 2020-yil 12-noyabrdagi PF-6109-son Farmoniga 2-ILOVA
Oʻzbekiston Respublikasi Tiklanish va taraqqiyot jamgʻarmasidan Surxondaryo viloyati hokimligiga ajratiladigan kreditni qaytarish prognoz
Kredit summasi 20 000 ming AQSh dollari ekvivalentida Kredit muddati 4 yil Imtiyozli davr 2 yil Foiz stavkasi (oʻzgaruvchan) 6 oylik LIBOR + 2 foiz yillik Kreditni tashkil etish uchun komissiya 0,3 foiz Majburiyat boʻyicha komissiya 0,3 foiz yillik (ming AQSh dollarida) Toʻlash davri Tanlab olish * Toʻlov summasi * Komissiya Toʻlanishi kerak boʻlgan jami summa * Asosiy qarz Foizlar Kreditni tashkillashtirish uchun Majburiyat boʻyicha 2021-yilning I yarim yilligi 10 000,00 - - 60 ** - 60 2021-yilning II yarim yilligi - - 106,27 ** - 14,38 ** 120,65 2022-yilning I yarim yilligi 9 000,00 - 115,51 - 14,61 130,12 2022-yilning II yarim yilligi - - 373,00 - 1,48 374,48 2023-yilning I yarim yilligi - 4 000,00 653,02 - 1,49 4 654,51 2023-yilning II yarim yilligi 1 000,00 4 000,00 524,09 - 1,51 4 525,60 2024-yilning I yarim yilligi - 4 000,00 414,71 - - 4 414,71 2024-yilning II yarim yilligi - 4 000,00 279,51 - - 4 279,51 2025-yilning I yarim yilligi - 4 000,00 137,48 - - 4 137,48 Jami 20 000,00 20 000,00 2 603,59 60,00 33,47 22 697,06
Oʻzbekiston Respublikasi Prezidentining 2020-yil 12-noyabrdagi PF-6109-son Farmoniga 3-ILOVA
Oʻzbekiston Respublikasi Tiklanish va taraqqiyot jamgʻarmasidan Toshkent shahar hokimligiga ajratiladigan kreditni qaytarish prognoz
Kredit summasi 40000 ,0 ming AQSh dollari ekvivalentida Kredit muddati 3 yil Imtiyozli davr 1 yil Foiz stavkasi (oʻzgaruvchan) 6 oylik LIBOR + 2 foiz yillik Kreditni tashkil etish uchun komissiya 0 , 3 foiz Majburiyat boʻyicha komissiya 0 , 3 foiz yillik (ming AQSh dollarida) T oʻlash davri Tanlab olish * Toʻlov summasi * Komissiya Toʻlanishi kerak boʻlgan jami summa * Asosiy qarz Foizlar Kreditni tashkil lashtirish uchun Majburiyat boʻyicha 2020-yilning II yarim yilligi 10 000,0 120,0 120,0 2021-yilning I yarim yilligi 20 000,0 168,4 37,3 205,7 2021-yilning II yarim yilligi 10 000,0 8000,0 393,3 7,6 8 400,8 2022-yilning I yarim yilligi 8000,0 357,9 8 357,9 2022-yilning II yarim yilligi 8000,0 269,9 8 269,9 2023-yilning I yarim yilligi 8000,0 178,9 8 178,9 2023-yilning II yarim yilligi 8000,0 90,0 8 090,0 Jami 40000,0 40000,0 1458,3 120,0 44,9 41623,2
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 12-noyabr,
PF-6109-son
Президента Республики Узбекистан
Указ
Состав Рабочей группы
ПРОГНОЗНЫЙ ГРАФИК
ПРОГНОЗНЫЙ ГРАФИК
О мерах по дальнейшему развитию деятельности специальных экономических и малых промышленных зон в Сурхандарьинской области и городе Ташкенте
Создание предприятий по производству промышленной продукции, основанных на высоких технологиях, развитие региональной торговли, а также создание благоприятных условий для продвижения отечественной продукции на внешние рынки являются важными факторами развития экономики.
Наряду с этим повышение эффективности деятельности специальных экономических и малых промышленных зон, расположенных на удобной территории, связывающей приграничные районы и другие области республики, требует развития на их территории нового комплексного производства, инфраструктуры услуг и торговли.
В целях дальнейшего повышения эффективности деятельности специальных экономических и малых промышленных зон, а также в соответствии с Государственной программой по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год развития науки, просвещения и цифровой экономики»:
1. Согласиться с предложением Министерства экономического развития и сокращения бедности, Министерства инвестиций и внешней торговли и хокимията Сурхандарьинской области о создании на базе свободной экономической зоны «Термез» инфраструктуры хранения, транспортировки и других современных услуг для производителей, экспортеров и покупателей.
2. Образовать за счет сокращения территории свободной экономической зоны «Термез» зону свободной торговли «Международный торговый центр Термез» (далее — Международный торговый центр Термез), обеспеченную соответствующими объектами инфраструктуры и Государственное унитарное предприятие «Дирекция зоны свободной торговли «Международный торговый центр Термез».
Хокимияту Сурхандарьинской области (Т.А. Боболов) совместно со Службой государственной безопасности (А.А. Азизов) обеспечить включение в установленном порядке ООО «Termez Cargo Centre» в реестр участников Международного торгового центра Термез.
3. Кабинету Министров в месячный срок принять правительственное решение , предусматривающее:
определение границ территорий, входящих в состав свободной экономической зоны «Термез» и Международного торгового центра Термез;
утверждение программы по организации и развитию деятельности Международного торгового центра Термез и порядка ввоза и вывоза товаров, оформления соответствующих таможенных режимов, реализации продукции, а также въезда иностранных граждан и транспортных средств на территорию Республики Узбекистан, пребывания на данной территории и выезда.
4. Установить, что:
а) на территории Международного торгового центра Термез:
на основе современных технологий организовываются услуги по приему, хранению, переработке, сортировке и упаковке продукции, а также порталы электронной торговли;
налаживаются таможенные, налоговые, сертификационные, фитосанитарные, ветеринарные, транспортные, банковские услуги, услуги обмена валюты и мобильной связи, а также медицинские и гостиничные услуги, услуги по техническому обслуживанию автотранспортных средств и другие услуги для клиентов на основе принципа «единого окна» и интерактивных механизмов;
вводится порядок въезда на территорию Республики Узбекистан, пребывания на данной территории и выезда с нее в течение десяти дней для граждан Исламской Республики Афганистан, граждан других государств и лиц без гражданства, въезжающих с территории данной страны, в порядке исключения, без оформления въездной визы с прохождением личного и паспортного контроля (без прохождения временной регистрации);
товары и услуги, реализуемые иностранным гражданам и лицам без гражданства, а также вывозимые на территорию Исламской Республики Афганистан осуществляющими деятельность предпринимателями, приравниваются к экспорту;
иностранные товары размещаются путем оформления в таможенный режим «свободная таможенная зона», также разрешается, в порядке исключения, проведение розничных торговых операций с данными товарами;
иностранные граждане и лица без гражданства, находящиеся на территории Республики Узбекистан, проходят через отдельный контрольно-пропускной пункт на основании проездных документов, их обратное возвращение разрешается исключительно через тот же контрольно-пропускной пункт;
б) въезд на территорию Международного торгового центра Термез с территории Исламской Республики Афганистан и выезд с нее осуществляются в установленном порядке через пропускной пункт «Термез-автойул» через отдельный проход (коридор), оборудованный специальными техническими средствами.
5. Принять к сведению, что в целях углубления производственной кооперации и создания новых рабочих мест в Сергелийском районе города Ташкента создана малая промышленная зона «Индустриальный парк Сергели» (далее — Индустриальный парк Сергели).
6. Создать Рабочую группу по развитию деятельности свободной экономической зоны «Термез», зоны свободной торговли «Международный торговый центр Термез» и малой промышленной зоны «Индустриальный парк Сергели» (далее — Рабочая группа) в составе согласно приложению № 1 .
Определить основными задачами Рабочей группы (А.Н. Арипов):
привлечение потенциальных инвесторов на территорию свободной экономической зоны «Термез», Международного торгового центра Термез и Индустриального парка Сергели, организацию производства высокотехнологичной конкурентоспособной на мировом рынке новой продукции и оказания качественных услуг;
координацию деятельности министерств, ведомств, хозяйственных объединений и органов исполнительной власти на местах, ответственных за организацию строительства и налаживание деятельности объектов свободной экономической зоны «Термез», Международного торгового центра Термез и Индустриального парка Сергели;
обеспечение своевременной разработки проектов строительства внешней инженерно-коммуникационной и транспортной инфраструктуры свободной экономической зоны «Термез», Международного торгового центра Термез и Индустриального парка Сергели, определение источников финансирования строительства и их реализации.
7. Кабинету Министров в десятидневный срок обеспечить выделение за счет средств резервного фонда по 5 миллиардов сумов дирекциям Международного торгового центра Термез и Индустриального парка Сергели на формирование уставных фондов.
8. Установить порядок, в соответствии с которым после приема в установленном порядке в эксплуатацию объектов завершенного строительства на территории свободной экономической зоны «Термез», Международного торгового центра Термез и Индустриального парка Сергели они реализуются претендентам путем проведения дирекциями свободной экономической зоны «Термез», Международного торгового центра Термез и Индустриального парка Сергели (далее — Дирекции) открытых торгов либо передаются на основе лизинга по стоимости и в порядке, определяемом Рабочей группой (за исключением объектов ООО «Termez Cargo Centre»).
9. Согласиться с предложением Министерства инвестиций и внешней торговли, Министерства экономического развития и сокращения бедности и Министерства финансов о выделении в установленном порядке кредита хокимияту Сурхандарьинской области в размере, равном 20 миллионам долларов США, на строительство объектов Международного торгового центра Термез, а также хокимияту города Ташкента в размере, равном 40 миллионам долларов США, на строительство объектов Индустриального парка Сергели за счет Фонда реконструкции и развития (далее — Фонд).
10. При строительстве объектов Международного торгового центра Термез и Индустриального парка Сергели:
кредитные средства Фонда выделяются хокимияту Сурхандарьинской области сроком на 4 года, включая двухгодичный льготный период, и хокимияту города Ташкента — сроком на 3 года, включая годичный льготный период, по годовой процентной ставке 6 месяцев LIBOR + 2 процента на основе адресных перечней, утверждаемых Административными советами, на выполнение строительно-монтажных работ и сооружение необходимой инфраструктуры;
своевременное погашение основного долга и процентных выплат по кредитам осуществляется за счет средств, поступающих от представления инвесторам объектов Международного торгового центра Термез и Индустриального парка Сергели на основе договоров реализации, лизинга или аренды, а также иных средств соответствующих хокимиятов;
инвестиционные проекты, реализуемые на территории Международного торгового центра Термез и Индустриального парка Сергели, финансируются за счет средств инициаторов проектов, прямых инвестиций, кредитов международных финансовых институтов и коммерческих банков, а также других источников, не запрещенных законодательством.
Возложить на хокимияты Сурхандарьинской области (Т.А. Боболов) и города Ташкента (Ж.А. Артикходжаев) персональную ответственность за целевое и эффективное использование, а также полный и своевременный возврат кредитных средств, выделяемых Дирекциям из Фонда.
11. Утвердить Прогнозные графики возврата кредитов, выделяемых хокимиятам Сурхандарьинской области и города Ташкента из Фонда реконструкции и развития Республики Узбекистан, согласно приложениям №№ 2 и 3 .
12. Министерству внутренних дел совместно с Пограничными войсками Службы государственной безопасности, Государственным таможенным комитетом и Министерством финансов в двухнедельный срок внести в Кабинет Министров предложение по определению штатных единиц личного состава, требуемых для охраны, обеспечения общественного порядка и осуществления таможенного оформления на территории Международного торгового центра Термез.
13. В период строительства и эксплуатации объектов свободной экономической зоны «Термез», Международного торгового центра Термез и Индустриального парка Сергели:
а) ставка налога на прибыль Дирекций в части поступлений от реализации, предачи в лизинг и аренду объектов, направляемой на возврат кредита, полученного из Фонда, до 2023 года рассчитывается с уменьшением на 50 процентов;
б) в срок до 1 января 2023 года:
освобождаются от таможенных платежей (за исключением налога на добавленную стоимость и сборов за таможенное оформление) проектные и генеральные подрядные организации, привлеченные к строительству объектов, а также Дирекции при импорте строительных материалов, оборудования, специальной и строительной техники, комплектующих, запасных частей и металлоконструкций, необходимых для выполнения строительных работ, не производимых в Республике Узбекистан и ввозимых по перечням, формируемым в установленном порядке;
проектным и генеральным подрядным организациям, привлеченным к строительству объектов, а также Дирекциям предоставляется право на отсрочку уплаты налога на добавленную стоимость, начисленного за строительные материалы, оборудование, специальную и строительную технику, комплектующие, запасные части и металлоконструкции, импортируемые для выполнения строительных работ, на срок до 120 дней на основании гарантийных писем Дирекций.
14. Министерству экономического развития и сокращения бедности совместно с Министерством инвестиций и внешней торговли, а также другими заинтересованными министерствами и ведомствами внести в Кабинет Министров предложения об изменениях и дополнениях в законодательство, вытекающих из настоящего Указа.
15. Возложить на заместителя Премьер-министра Республики Узбекистан С.У. Умурзакова, хокимов Сурхандарьинской области Т.А. Боболова и города Ташкента Ж.А. Артикходжаева персональную ответственность за эффективную организацию исполнения настоящего Указа.
Ежеквартальное обсуждение исполнения настоящего Указа, координацию и контроль за деятельностью ответственных ведомств возложить на Премьер-министра Республики Узбекистан А.Н. Арипова.
О результативности принятых мер информировать Президента Республики Узбекистан до 1 марта и 1 сентября 2021 года.
ПРИЛОЖЕНИЕ № 1 к Указу Президента Республики Узбекистан от 12 ноября 2020 года № УП-6109
по развитию деятельности свободной экономической зоны «Термез», зоны свободной торговли «Международный торговый центр Термез» и малой промышленной зоны «Индустриальный парк Сергели»
А.Н. Арипов — Премьер-министр Республики Узбекистан, руководитель Рабочей группы Д.А. Кучкаров — заместитель Премьер-министра Республики Узбекистан, заместитель руководителя Рабочей группы С.У. Умурзаков — заместитель Премьер-министра Республики Узбекистан, заместитель руководителя Рабочей группы Ж.А. Артикходжаев — хоким города Ташкента * Т.А. Боболов — хоким Сурхандарьинской области * М.Б. Азимов — председатель Государственного таможенного комитета Ш.Д. Кудбиев — председатель Государственного налогового комитета А.Ж. Ортиков — первый заместитель министра экономического развития и сокращения бедности С.Х. Бекенов — директор Агентства по управлению государственными активами Л.Ш. Кудратов — первый заместитель министра инвестиций и внешней торговли О.З. Насритдинходжаев — первый заместитель министра финансов Ш.С. Хидоятов — первый заместитель министра строительства И.Р. Махкамов — исполняющий обязанности министра транспорта Ш.А. Вафаев — исполнительный директор Фонда реконструкции и развития Ш.А. Абидов — руководитель Секретариата Кабинета Министров, секретарь Рабочей группы
ПРИЛОЖЕНИЕ № 2 к Указу Президента Республики Узбекистан от 12 ноября 2020 года № УП-6109
возврата кредита, выделенного из Фонда реконструкции и развития Республики Узбекистан хокимияту Сурхандарьинской области
Сумма кредита в эквиваленте 20 000,0 тыс. долларов США Срок кредита 4 года Льготный период 2 года Процентная ставка (переменная) 6-месячный LIBOR + 2% годовых Комиссия за организацию кредита 0,3% Комиссия за обязательство 0,3% годовых (тыс. долл. США) Период выплат Выборка * Сумма выплат * Комиссия Общая сумма, подлежащая к выплате * Основного займа По процентам За организацию кредита За обязательство I полугодие 2021 года 10 000,00 - - 60 ** - 60 II полугодие 2021 года - - 106,27 ** - 14,38 ** 120,65 I полугодие 2022 года 9 000,00 - 115,51 - 14,61 130,12 II полугодие 2022 года - - 373,00 - 1,48 374,48 I полугодие 2023 года - 4 000,00 653,02 - 1,49 4 654,51 II полугодие 2023 года 1 000,00 4 000,00 524,09 - 1,51 4 525,60 I полугодие 2024 года - 4 000,00 414,71 - - 4 414,71 II полугодие 2024 года - 4 000,00 279,51 - - 4 279,51 I полугодие 2025 года - 4 000,00 137,48 - - 4 137,48 Итого 20 000,00 20 000,00 2 603,59 60,00 33,47 22 697,06
ПРИЛОЖЕНИЕ № 3 к Указу Президента Республики Узбекистан от 12 ноября 2020 года № УП-6109
возврата кредита, выделенного из Фонда реконструкции и развития Республики Узбекистан хокимияту города Ташкента
Сумма кредита в эквиваленте 40 000,0 тыс. долларов США Срок кредита 3 года Льготный период 1 год Процентная ставка (переменная) 6-месячный LIBOR + 2% годовых Комиссия за организацию кредита 0,3% Комиссия за обязательство 0,3% годовых (тыс. долл. США) Период выплат Выборка * Сумма выплат * Комиссия Общая сумма, подлежащая к выплате * Основного займа По процентам За организацию кредита За обязательство II полугодие 2020 года 10 000,0 120,0 120,0 I полугодие 2021 года 20 000,0 168,4 37,3 205,7 II полугодие 2021 года 10 000,0 8000,0 393,3 7,6 8 400,8 I полугодие 2022 года 8000,0 357,9 8 357,9 II полугодие 2022 года 8000,0 269,9 8 269,9 I полугодие 2023 года 8000,0 178,9 8 178,9 II полугодие 2023 года 8000,0 90,0 8 090,0 Итого 40000,0 40000,0 1458,3 120,0 44,9 41623,2
Президент Республики Узбекистан Ш. МИРЗИЁЕВ
г. Ташкент,
12 ноября 2020 г.,
№ УП-6109