📅 2020-yil 26-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 26 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 ноября 2020 г. · Постановления Президента
Официальный текст. Официальный документ. Редакционные примечания не включены.
📅 26 November 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Андижон вилояти Хонобод шаҳрида «Life Khonobod» инвестиция ва туристик лойиҳасини амалга ошириш чора-тадбирлари тўғрисида
Андижон вилоятининг Хонобод шаҳрида замонавий технология асосида маъданли ичимлик суви ишлаб чиқариш, экспорт географиясини кенгайтириш ва тармоққа инвестицияларни кенг жалб этиш ҳамда замонавий дам олиш мажмуасини ташкил этиш мақсадида:
1. Туризмни ривожлантириш давлат қўмитаси, Инвестициялар ва ташқи савдо вазирлиги ва Андижон вилояти ҳокимлигининг «Water life mineral» масъулияти чекланган жамиятига (кейинги ўринларда — инвестор) қуйидагиларни назарда тутувчи лойиҳани (кейинги ўринларда — лойиҳа) амалга ошириш учун Андижон вилояти, Хонобод шаҳри, «Янги ҳаёт» маҳалла фуқаролар йиғини, «Хонобод» даҳаси ҳудудидаги захирадаги қишлоқ хўжалигига мўлжалланган ерлар ҳисобидан инвесторнинг асосланган талабига мувофиқ босқичма-босқич 10 гектаргача бўлган ер участкасини доимий фойдаланиш ҳуқуқи асосида ажратиш тўғрисидаги таклифи маъқуллансин:
I босқичда — «Life Khonobod» бренди остида маъданли сув ишлаб чиқариш, аҳоли ва туристлар учун ичимликлар галереяси (бювет), эсдалик буюмлари (сувенир) дўкони ва ўзи ишлаб чиқарган маҳсулотлар намойиш этиладиган шоурумларни;
II босқичда — замонавий дам олиш маскани (меҳмонхона мажмуаси) ташкил этишни.
2. Белгилансинки, лойиҳани амалга ошириш доирасида инвестор қуйидаги мажбуриятларни бажаришни ўз зиммасига олади:
I босқичда (2020-2021 йиллар) — ўз маблағлари ва хорижий кредитларни жалб қилиш ҳисобига 14,3 млн евро миқдорида инвестиция киритиш ва камида 200 та янги иш ўрнини яратиш;
II босқичда (2022-2023 йиллар) — ўз маблағлари ва банк кредитини жалб қилиш орқали 20,0 млрд сўм инвестиция киритиш ҳисобига замонавий 150 ўринли дам олиш маскани (меҳмонхона мажмуаси)ни қуриш ва камида 30 та янги иш ўрнини яратиш.
3. Андижон вилоят ҳокимлиги (Ш.К. Абдурахманов):
Давлат солиқ қўмитаси ҳузуридаги Кадастр агентлиги (Х.С. Турахужаев) билан биргаликда лойиҳани амалга ошириш учун зарур ер участкаси қишлоқ хўжалиги ва ўрмон хўжалиги ишлаб чиқариши нобудгарчиликлари ўрнини лойиҳани ишга тушириш муддатига қадар қоплаш шарти билан инвесторга ажратиб берилишини;
Инвестициялар ва ташқи савдо вазирлиги (Л.Ш. Қудратов), Туризмни ривожлантириш давлат қўмитаси (А.Ў. Аккулов) билан биргаликда бир ой муддатда мазкур қарорнинг 2-бандида белгиланган шартлар асосида инвестор билан тўрт томонлама инвестиция шартномаси тузилишини ҳамда инвестор томонидан қабул қилинган мажбуриятларнинг бажарилиши юзасидан мониторинг юритилишини таъминласин.
Бунда, инвестор томонидан инвестиция лойиҳалари, шунингдек, белгиланган ижтимоий мажбуриятлар лозим даражада бажарилмаган тақдирда, ер участкасига бўлган ҳуқуқни бекор қилиб, ушбу ер майдонида аввал белгиланган инвестиция ва ижтимоий мажбуриятлар параметрларидан кам бўлмаган янги инвестиция лойиҳасини амалга ошириш учун ажратиб берилишини таъминласин.
4. Қурилиш вазирлиги (Б.И. Закиров):
Андижон вилояти ҳокимлиги (Ш.К. Абдурахманов) билан биргаликда лойиҳа амалга оширилиши муносабати билан Хонобод шаҳри бош режасига тегишли ўзгартириш киритилишини таъминласин;
лойиҳани амалга ошириш доирасида бажариладиган қурилиш-монтаж ишлари шаҳарсозлик нормалари ва қоидаларига риоя этилган ҳолда амалга оширилиши юзасидан назорат ўрнатсин.
5. Мазкур қарорнинг ижросини назорат қилиш Ўзбекистон Республикаси Бош вазирининг туризм ва спорт масалалари бўйича ўринбосари — Туризмни ривожлантириш давлат қўмитаси раиси А.А. Абдуҳакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 26 ноябрь,
ПҚ-4902-сон
Oʻzbekiston Respublikasi Prezidentining
Qarori
Andijon viloyati Xonobod shahrida “Life Khonobod” investitsiya va turistik loyihasini amalga oshirish chora-tadbirlari toʻgʻrisida
Andijon viloyatining Xonobod shahrida zamonaviy texnologiya asosida maʼdanli ichimlik suvi ishlab chiqarish, eksport geografiyasini kengaytirish va tarmoqqa investitsiyalarni keng jalb etish hamda zamonaviy dam olish majmuasini tashkil etish maqsadida:
1. Turizmni rivojlantirish davlat qoʻmitasi, Investitsiyalar va tashqi savdo vazirligi va Andijon viloyati hokimligining “Water life mineral” masʼuliyati cheklangan jamiyatiga (keyingi oʻrinlarda — investor) quyidagilarni nazarda tutuvchi loyihani (keyingi oʻrinlarda — loyiha) amalga oshirish uchun Andijon viloyati, Xonobod shahri, “Yangi hayot” mahalla fuqarolar yigʻini, “Xonobod” dahasi hududidagi zaxiradagi qishloq xoʻjaligiga moʻljallangan yerlar hisobidan investorning asoslangan talabiga muvofiq bosqichma-bosqich 10 gektargacha boʻlgan yer uchastkasini doimiy foydalanish huquqi asosida ajratish toʻgʻrisidagi taklifi maʼqullansin:
I bosqichda — “Life Khonobod” brendi ostida maʼdanli suv ishlab chiqarish, aholi va turistlar uchun ichimliklar galereyasi (byuvet), esdalik buyumlari (suvenir) doʻkoni va oʻzi ishlab chiqargan mahsulotlar namoyish etiladigan shourumlarni;
II bosqichda — zamonaviy dam olish maskani (mehmonxona majmuasi) tashkil etishni.
2. Belgilansinki, loyihani amalga oshirish doirasida investor quyidagi majburiyatlarni bajarishni oʻz zimmasiga oladi:
I bosqichda (2020-2021-yillar) — oʻz mablagʻlari va xorijiy kreditlarni jalb qilish hisobiga 14,3 mln yevro miqdorida investitsiya kiritish va kamida 200 ta yangi ish oʻrnini yaratish;
II bosqichda (2022-2023-yillar) — oʻz mablagʻlari va bank kreditini jalb qilish orqali 20,0 mlrd soʻm investitsiya kiritish hisobiga zamonaviy 150 oʻrinli dam olish maskani (mehmonxona majmuasi)ni qurish va kamida 30 ta yangi ish oʻrnini yaratish.
3. Andijon viloyat hokimligi (Sh.K. Abduraxmanov):
Davlat soliq qoʻmitasi huzuridagi Kadastr agentligi (X.S. Turaxujayev) bilan birgalikda loyihani amalga oshirish uchun zarur yer uchastkasi qishloq xoʻjaligi va oʻrmon xoʻjaligi ishlab chiqarishi nobudgarchiliklari oʻrnini loyihani ishga tushirish muddatiga qadar qoplash sharti bilan investorga ajratib berilishini;
Investitsiyalar va tashqi savdo vazirligi (L.Sh. Qudratov), Turizmni rivojlantirish davlat qoʻmitasi (A.Oʻ. Akkulov) bilan birgalikda bir oy muddatda mazkur qarorning 2-bandida belgilangan shartlar asosida investor bilan toʻrt tomonlama investitsiya shartnomasi tuzilishini hamda investor tomonidan qabul qilingan majburiyatlarning bajarilishi yuzasidan monitoring yuritilishini taʼminlasin.
Bunda, investor tomonidan investitsiya loyihalari, shuningdek, belgilangan ijtimoiy majburiyatlar lozim darajada bajarilmagan taqdirda, yer uchastkasiga boʻlgan huquqni bekor qilib, ushbu yer maydonida avval belgilangan investitsiya va ijtimoiy majburiyatlar parametrlaridan kam boʻlmagan yangi investitsiya loyihasini amalga oshirish uchun ajratib berilishini taʼminlasin.
4. Qurilish vazirligi (B.I. Zakirov):
Andijon viloyati hokimligi (Sh.K. Abduraxmanov) bilan birgalikda loyiha amalga oshirilishi munosabati bilan Xonobod shahri bosh rejasiga tegishli oʻzgartirish kiritilishini taʼminlasin;
loyihani amalga oshirish doirasida bajariladigan qurilish-montaj ishlari shaharsozlik normalari va qoidalariga rioya etilgan holda amalga oshirilishi yuzasidan nazorat oʻrnatsin.
5. Mazkur qarorning ijrosini nazorat qilish Oʻzbekiston Respublikasi Bosh vazirining turizm va sport masalalari boʻyicha oʻrinbosari — Turizmni rivojlantirish davlat qoʻmitasi raisi A.A. Abduhakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 26-noyabr,
PQ-4902-son
Президента Республики Узбекистан
Постановление
О мерах по реализации инвестиционного и туристического проекта «Life Khonobod» в городе Ханабад Андижанской области
В целях производства минеральной питьевой воды на основе современных технологий, расширения географии экспорта и широкого привлечения инвестиций в данную отрасль, а также создания современного комплекса отдыха в городе Ханабад Андижанской области:
1. Одобрить предложение Государственного комитета по развитию туризма, Министерства инвестиций и внешней торговли и хокимията Андижанской области о поэтапном выделении обществу с ограниченной ответственностью «Water life mineral» (далее — инвестор) земельного участка площадью до 10 гектаров на праве постоянного пользования за счет земель запаса сельскохозяйственного назначения, расположенных на территории массива «Хонобод» схода граждан махалли «Янги хаёт» города Ханабад Андижанской области, на основе обоснованной заявки инвестора, для реализации проекта (далее — проект), предусматривающего:
на I этапе — организацию производства минеральной питьевой воды под брендом «Life Khonobod», галереи напитков (бювета) для населения и туристов, магазина по реализации памятных сувениров, а также шоурумов для демонстрации продукции собственного производства;
на II этапе — создание современной зоны отдыха (гостиничного комплекса).
2. Установить, что в рамках реализации проекта инвестор берет на себя следующие обязательства:
на I этапе (в 2020-2021 годах) — внесение инвестиций в размере 14,3 млн евро за счет собственных средств и привлечения иностранных кредитов и создание не менее 200 новых рабочих мест;
на II этапе (в 2022-2023 годах) — строительство современной зоны отдыха (гостиничного комплекса) на 150 мест путем внесения инвестиций в размере 20,0 млрд сумов за счет собственных средств и привлечения бансковских кредитов и создание не менее 30 новых рабочих мест.
3. Хокимияту Андижанской области (Ш.К. Абдурахманов):
совместно с Агентством по кадастру при Государственном налоговом комитете (Х.С. Турахужаев) обеспечить выделение инвестору земельного участка, необходимого для реализации проекта, с условием возмещения потерь сельскохозяйственного и лесохозяйственного производства до срока ввода проекта в эксплуатацию;
совместно с Министерством инвестиций и внешней торговли (Л.Ш. Кудратов), Государственным комитетом по развитию туризма (А.У. Аккулов) в месячный срок обеспечить заключение с инвестором четырехстороннего инвестиционного договора на основе условий, предусмотренных в пункте 2 настоящего постановления, и установление мониторинга соблюдения инвестором взятых на себя обязательств.
При этом, в случае ненадлежащего выполнения инвестором инвестиционных проектов и установленных социальных обязательств, обеспечить отмену права на земельный участок и выделение для реализации в нем нового инвестиционного проекта с параметрами, не меньшими чем ранее установленные инвестиционные и социальные обязательства.
4. Министерству строительства (Б.И. Закиров):
совместно с хокимиятом Андижанской области (Ш.К. Абдурахманов) обеспечить внесение соответствующих изменений в генеральный план города Ханабад в связи с реализацией проекта;
установить контроль за осуществлением строительно-монтажных работ, выполняемых в рамках реализации проекта, с соблюдением градостроительных норм и правил.
5. Контроль за исполнением настоящего постановления возложить на заместителя Премьер-министра Республики Узбекистан по вопросам туризма и спорта — председателя Государственного комитета по развитию туризма А.А. Абдухакимова.
Президент Республики Узбекистан Ш. МИРЗИЁЕВ
г. Ташкент,
26 ноября 2020 г.,
№ ПП-4902