UzbekAI

Ўзбекистон Республикаси Президентининг

Қарори

РЎЙХАТИ

ТУЗИЛМАСИ

Доривор ўсимликларни етиштириш ва қайта ишлаш, уларнинг уруғчилигини йўлга қўйишни ривожлантириш бўйича илмий тадқиқотлар кўламини кенгайтиришга оид чора-тадбирлар тўғрисида

Республика ҳудудларида доривор ўсимликларни етиштириш ва қайта ишлашга доир илмий тадқиқотларнинг ягона базасини яратиш, хорижий давлатларнинг илғор илмий ишланмаларини ўрганиб бориш, етакчи илмий муассасалар билан ҳамкорлик ўрнатиш ҳамда замонавий технологиялар, илмий ишланмаларни республикага жорий этиш ва мавжуд имкониятлардан самарали фойдаланишни кучайтириш мақсадида:

1. Ўрмон хўжалиги давлат қўмитаси, Қишлоқ хўжалиги вазирлиги, Инновацион ривожланиш вазирлиги, Соғлиқни сақлаш вазирлиги ва Фанлар академиясининг «Шифобахш» доривор ўсимликларни етиштириш ва қайта ишлаш маркази негизида Ўрмон хўжалиги давлат қўмитаси ҳузурида давлат муассасаси шаклидаги Доривор ўсимликларни етиштириш ва қайта ишлаш илмий-ишлаб чиқариш маркази (кейинги ўринларда — Марказ)ни ташкил этиш тўғрисидаги таклифи маъқуллансин.

2. Марказнинг асосий вазифалари этиб қуйидагилар белгилансин:

доривор ўсимликларни илмий асосда етиштириш ва қайта ишлаш, улардан оқилона фойдаланишнинг ягона стратегиясини шакллантириш ва амалга ошириш;

республика ҳудудидаги ёввойи ҳолда ўсувчи доривор ўсимликлар ареалларини ўрганиш ва захираларини аниқлаш, мавжуд биоресурслар генофондини сақлаш, оналик плантацияларини ташкил этиш;

уруғлик материалларини етиштириш ва тайёрлаш, кўпайтириш, коллекцион кўчатхоналар ташкил этиш ҳамда уларнинг хом ашёларини қайта ишлаш билан боғлиқ илмий ва амалий тадқиқотларни олиб бориш;

доривор ўсимликларни муайян тупроқ-иқлим шароитини ҳисобга олган ҳолда маданий ҳолда етиштиришни йўлга қўйиш бўйича аниқ илмий асосланган таклифлар ишлаб чиқиш;

тупроқ-иқлим шароитларини ҳисобга олиб, маданий ҳолда етиштириладиган доривор ўсимликларнинг агротехнологик хариталарини Қишлоқ хўжалиги вазирлиги ва Ўрмон хўжалиги давлат қўмитаси буюртмасига кўра ишлаб чиқиш;

доривор ўсимликлар кимёвий таркибини ўрганиш, маҳсулотини стандартлаш ва сертификатлаш;

доривор ўсимликларга бўлган ички ва ташқи бозорлар талабини ўрганиш бўйича маркетинг тадқиқотларини ўтказиш;

доривор ўсимликлар етиштирувчи ва қайта ишловчи фермер хўжаликлари, ташкилотлар ва бошқа субъектлар раҳбарлари ва мутахассисларининг малакасини ошириб боришга йўналтирилган дастурларни тайёрлаш ва ўқитиш тизимини ташкил этиш.

3. Ўрмон хўжалиги давлат қўмитаси, Инновацион ривожланиш вазирлиги Марказнинг ўрмон фонди ерларида намунавий плантациялар, лабораториялар барпо этиш, илмий ишланмаларни ишлаб чиқаришга татбиқ қилиш мақсадида хусусий секторни жалб этган ҳолда доривор ўсимликларни етиштириш ва илмий-ишлаб чиқариш кластерларини ташкил этиш тўғрисидаги таклифи маъқуллансин. Бунда:

доривор ўсимликларни етиштириш, илмий-ишлаб чиқариш кластерлари фаолияти банк кредитлари, ташаббускорлар маблағлари, халқаро молия институтлари маблағлари ва қонун ҳужжатларида тақиқланмаган бошқа манбалар ҳисобидан молиялаштирилади;

доривор ўсимликларни кластер ва кооперация усулида етиштириш бўйича халқаро молия институтларининг маблағлари ҳисобидан амалга ошириладиган аниқ лойиҳалар Марказ томонидан тижорат банкларига тақдим этилади.

4. Белгилансинки:

Марказга ташқи ва ички бозор талаблари ҳамда маркетинг натижаларидан келиб чиқиб, ҳар йили 1 июнга қадар доривор ўсимликлар экинларини жойлаштириш бўйича Қишлоқ хўжалиги вазирлигига ва Ўрмон хўжалиги давлат қўмитасига таклифлар киритиш ҳуқуқи берилади;

доривор ўсимликларни тўплаш (ғамлаш), уларни олиб кириш ва ташқарига олиб чиқишга рухсатномалар берганлик, аризаларни кўриб чиққанлик учун ундирилиб, маҳаллий бюджетга йўналтириладиган тўловларнинг 20 фоизи Марказ томонидан табиий ҳолда ўсувчи, шу жумладан, йўқолиб бораётган доривор ўсимликларни сақлаш, хатловдан ўтказиш, уларнинг маданий плантацияларини яратиш, оналик кўчатзорларини ташкил этиш, доривор ўсимликларни етиштиришга доир технологик хариталар ишлаб чиқиш харажатларини қоплаш учун йўналтирилади;

Марказ амалга оширилган чора-тадбирлар, эришилган ютуқлар, амалиётдаги муаммолар ва уларнинг ечими бўйича таклифларни ҳар чоракда тааллуқлилигига қараб Ўрмон хўжалиги давлат қўмитаси ҳамда Қишлоқ хўжалиги вазирлигига тақдим этиб боради.

5. Доривор ўсимликларни етиштириш ва қайта ишлаш илмий-ишлаб чиқариш марказига 1-иловага мувофиқ рўйхатдаги муассасалар услубий ва амалий ёрдам бериш учун бириктирилсин.

Бунда, ҳар бир муассаса табиий ҳолда ўсувчи, шу жумладан, йўқолиб бораётган доривор ўсимликларни сақлаш, хатловдан ўтказиш, уларнинг маданий плантацияларини яратиш, оналик майдонлари ва кўчатзорларини ташкил этиш, доривор ўсимликларни етиштиришга доир технологик хариталар ишлаб чиқиш бўйича илмий асосланган таклифлар ва ишланмалар ишлаб чиқиш учун мутахассисларни бириктиради.

6. Марказ Фанлар академияси (Б.С. Юлдашев), Инновацион ривожланиш вазирлиги (И.Ю. Абдурахманов), Қишлоқ хўжалиги вазирлиги (Ж.А. Ходжаев) билан биргаликда:

илмий-тадқиқот ва олий таълим муассасалари томонидан амалга оширилган доривор ўсимликларга доир илмий тадқиқотлар, янги инновацион ишланмалар бўйича маълумотлар базасини шакллантирсин, шунингдек, уларнинг тизимли равишда янгилаб борилишини таъминласин;

тиббиётда ва халқ табобатида фаол қўлланиладиган доривор ўсимликлар коллекцияси участкаси ва генбанкини ташкил этсин;

Марказ ҳузурида доривор ўсимликлар хом ашёси ва улардан олинадиган маҳсулотларни сертификатлаш ва стандартлаштириш лабораториясини ташкил этсин. Бунда Қишлоқ хўжалиги вазирлиги Марказнинг аниқ ҳисоб-китобларига асосан Жаҳон банкининг «Ўзбекистон Республикаси қишлоқ хўжалигини модернизация қилиш» лойиҳаси доирасида жалб этилган кредит маблағларидан мазкур лабораторияни ташкил этишга йўналтириш чораларини кўрсин.

7. Ўрмон хўжалиги давлат қўмитаси (Н.Ж. Бакиров), Қишлоқ хўжалиги вазирлиги (Ж.А. Ходжаев):

доривор ўсимликлар соҳаси бўйича ривожланган давлатларга мутахассисларни ўқитиш учун хорижий стажировкалар ташкил этиш;

доривор ўсимликларни етиштириш ва улардан дори воситаларини ишлаб чиқаришни ташкил этишга оид илмий тадқиқот натижаларини амалиётга жорий этиш учун халқаро молия институтларининг грантларини жалб этиш;

Фанлар академияси (Б.С. Юлдашев) билан биргаликда доривор ва зиравор ўсимликларни етиштириш, қайта ишлаш масалаларига бағишланган халқаро ва республика бўйича конференция ҳамда симпозиумларнинг доимий равишда ўтказиб борилишини таъминласин;

«Ўзстандарт» агентлиги (Д.Н. Саттаров) билан биргаликда Марказ ҳузурида доривор ўсимликлар хом ашёси ва улардан олинадиган маҳсулотларни сертификатлаш ва стандартлаштириш лабораториясини ташкил этиш, уни белгиланган тартибда жаҳон стандартларига жавоб берадиган аккредитациядан ўтказиш чораларини кўрсин;

Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда ҳар йили 1 декабрга қадар келгуси йилда доривор ўсимликларни етиштириш ва қайта ишлаш бўйича ҳудудий дастурларни ишлаб чиқиб, тасдиқланишини таъминласин.

8. Қуйидагиларнинг:

Ўрмон хўжалиги давлат қўмитаси, Инновацион ривожланиш вазирлигининг Нукус, Хўжайли, Қоракўл, Бахмал, Зомин, Китоб, Узун, Бойсун, Бурчмулла, Оҳангарон давлат ўрмон хўжаликларини доривор ўсимликларни етиштиришга, Қуйи Чирчиқ ихтисослашган давлат ўрмон хўжалигини доривор ўсимликлар уруғ ва кўчатларини тайёрлашга ихтисослаштириш;

Ўрмон хўжалиги давлат қўмитаси, Жиззах, Бухоро ва Самарқанд вилоятлари ҳокимликларининг тегишинча Ғаллаорол, Когон ҳамда Ургут ихтисослашган давлат ўрмон хўжаликларини ташкил этиш тўғрисидаги таклифларига розилик берилсин.

9. Ўрмон хўжалиги давлат қўмитаси ҳузуридаги «Доривор ўсимликларни етиштириш ва қайта ишлаш илмий ишлаб чиқариш маркази» давлат муассасаси тузилмаси 2-иловага мувофиқ тасдиқлансин.

Белгилансинки:

Марказнинг бюджетдан молиялаштириладиган 28 нафар бошқарув ходимларининг штат бирликлари Ўрмон хўжалиги давлат қўмитаси тизимидаги мавжуд штат бирликларини мақбуллаштириш ҳисобига шакллантирилади. Бунда Молия вазирлиги 2021 йилдан бошлаб Марказ таъминоти харажатларини молиялаштиришни Ўзбекистон Республикаси Давлат бюджети параметрларида кўзда тутсин;

Марказ Давлат бюджети, Ўрмон хўжалигини ривожлантириш жамғармаси маблағлари, хизмат кўрсатиш ва ўзи етиштирган доривор ўсимликларни сотишдан тушадиган ва қонун ҳужжатлари билан тақиқланмаган бошқа манбалар ҳисобидан молиялаштирилади;

Марказда республикада илмий-педагогик ва меҳнат фаолияти билан шуғулланувчи ходимларнинг лавозим маошига қўшимча ҳақ тўлаш тизими жорий этилади. Бунда қўшимча ҳақ белгиланиши билан боғлиқ харажатларни молиялаштириш Ўрмон хўжалигини ривожлантириш жамғармаси ҳамда хўжалик фаолиятидан тушадиган маблағлар ҳисобидан амалга оширилади.

10. Олий ва ўрта махсус таълим вазирлиги (И.Ў. Маджидов) Ўрмон хўжалиги давлат қўмитаси (Н.Ж. Бакиров), Қишлоқ хўжалиги вазирлиги (Ж.А. Ходжаев) билан биргаликда 2021/2022 ўқув йилидан бошлаб:

республика олий таълим муассасалари биология йўналишларининг 3 ва 4-курслари таҳсил олаётган иқтидорли талабалар таркибидан алоҳида гуруҳларда чуқурлаштирилган ўқитиш амалиётини йўлга қўйсин;

кадрларга бўлган эҳтиёждан келиб чиқиб, барча қишлоқ хўжалигига ихтисослашган коллеж ва техникумларда мутахассисликлар классификациясини инобатга олган ҳолда «Доривор ўсимликлар етиштириш агротехнологияси» йўналиши бўйича кадрлар тайёрлашни йўлга қўйсин.

11. Ўрмон хўжалиги давлат қўмитаси (Н.Ж. Бакиров) икки ой муддатда:

Ўрмон хўжалиги давлат қўмитаси ҳузуридаги Доривор ўсимликларни етиштириш ва қайта ишлаш илмий-ишлаб чиқариш маркази тўғрисидаги низомни ишлаб чиқсин ва тасдиқлаш учун Вазирлар Маҳкамасига киритсин.

Доривор ўсимликларни етиштириш ва қайта ишлаш илмий-ишлаб чиқариш марказининг илмий салоҳиятини ошириш, моддий-техника базасини мустаҳкамлаш ва фаолиятини такомиллаштириш чора-тадбирлари дастурини ишлаб чиқсин ва тасдиқласин.

12. Марказ Тошкент вилояти Тошкент тумани Дархон қўрғони Чимкент йўли кўчаси 2-уйда жойлашган Ижтимоий-иқтисодий касб-ҳунар коллежининг фойдаланилмасдан турган биносига жойлаштирилсин.

13. Ўрмон хўжалиги давлат қўмитаси (Н.Ж. Бакиров) манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

14. Мазкур қарорнинг ижросини самарали ташкил этишга масъул ва шахсий жавобгар этиб Бош вазир ўринбосари Ш.М. Ганиев белгилансин.

Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ҳамда Ўзбекистон Республикаси Президентининг маслаҳатчиси Р.А. Гулямов зиммасига юклансин.

Амалга оширилаётган чора-тадбирлар натижадорлиги юзасидан 2021 йил 1 июнь ва 2021 йил 15 декабрга қадар Ўзбекистон Республикаси Президентига ахборот берилсин.

Ўзбекистон Республикаси Президентининг 2020 йил 26 ноябрдаги ПҚ-4901-сон қарорига 1-ИЛОВА

Доривор ўсимликларни етиштириш ва қайта ишлаш илмий-ишлаб чиқариш марказига услубий ва амалий ёрдам бериш учун бириктирилаётган муассасалар

т/р Муассаса номи Амалга ошириладиган вазифалар 1. Ўрмон хўжалиги илмий-тадқиқот институти Маҳаллий ва хориждан келтирилган доривор дарахт ва бута ўсимликларини республиканинг турли вилоятларида иқлимлаштиришда, ўсиши ва ривожланишида ҳамда кўпайтириш, уларни ҳудудларнинг тупроқ-иқлим шароитида агротехникасини ишлаб чиқиш ва ишлаб чиқаришга жорий этишда услубий ва амалий ёрдам кўрсатиш. 2. Фанлар академияси ҳузуридаги ботаника институти Республиканинг ҳудудларида табиий ҳолда ўсувчи доривор ва озиқ-овқатбоп, техник ўсимликларнинг захираларидан оқилона фойдаланишда, уларнинг ареалларини ва табиий захираларини ўрганишда, ўсимлик дунёси объектлари биологияси ва анатомиясини ўрганишда, ёввойи ҳолда ўсувчи доривор ўсимликлар нав-намуналарини йиғиш ва улардан доривор моддалари энг кўп тўпланадиган навларини кўпайтириш, ишлаб чиқаришга жорий этишда услубий ва амалий ёрдам кўрсатиш. 3. Фанлар Академияси ҳузуридаги Ўсимлик моддалари кимёси институти Етиштирилаётган доривор ўсимликларнинг сифат кўрсаткичлари ва биологик фаол моддалари миқдорлари бўйича амалдаги меъёрий техник ҳужжатлар (фармакопея мақола) талабларига мос келишини текширишда, ёввойи ҳолда йиғиштирилган доривор ўсимликлар чинлигини фармолого-анатомик тадқиқотлар асосида аниқлашда, доривор ўсимликлар таркибини ўрганишда, алколоид, гликозид, кварцетин, витамин, антиоксидант ва бошқа моддалар кўп йиғиладиган навларни ажратишда, нав ва намуналарни дориворлик моддалари бўйича баҳолашда ёрдам бериш. Бир турдаги доривор ўсимликларнинг турли тупроқ-иқлим шароитида етиштирилган ўсимлик хом ашёларини товаршунослик таҳлил қилишда ва фитокимёвий таққослашда ҳамда уларнинг сифатига баҳо беришда, Ўзбекистон шароитида интродукция қилинган доривор ўсимликлар хом ашёсининг халқаро стандартлар талабига мос келишини ўрганишда, уларга амалдаги қонун ҳужжатларига мувофиқлаштирилган ҳолда миллий стандартларни жорий этишда кўмак бериш. Етиштирилаётган доривор ўсимликларнинг селекцион навларини биологик фаол моддаларининг сифат ва миқдор кўрсаткичлари бўйича қиёсий таққослашда ва истиқболли навларини саралашда ёрдам кўрсатиш. 4. Соғлиқни сақлаш вазирлиги ҳузуридаги Ўзбекистон кимё-фармацевтика илмий тадқиқот институти Тайёрланган доривор ўсимликлар хом ашёсининг турлари бўйича алоҳида таҳлил ўтказиб, аналитик паспортлар тақдим этиш ҳамда амалий ёрдам кўрсатиш. 5. Тошкент давлат аграр университети Доривор ўсимликлар соҳасида бакалаврлар, магистрлар, илмий ходимлар тайёрлаш, илмий тадқиқотлар олиб бориш бўйича мутахассисларни Марказга бириктириш.

Ўзбекистон Республикаси Президентининг 2020 йил 26 ноябрдаги ПҚ-4901-сон қарорига 2-ИЛОВА

«Доривор ўсимликларни етиштириш ва қайта ишлаш илмий ишлаб чиқариш маркази» давлат муассасаси

Илмий кенгаш Бош директор Бош директорнинг илмий ва инновациялар бўйича ўринбосари Бош директорнинг ишлаб чиқариш масалалари бўйича ўринбосари Илмий котиб Доривор ўсимликлар интродукцияси ва агротехникаси лабораторияси 3 Доривор ўсимликлар фитокимёси ва стандартизацияси лабораторияси 3 Доривор ўсимликларни етиштириш ва тайёрлаш бўлими 2 Бухгалтерия ҳисоби ва режалаштириш бўлими 2 Доривор ўсимликлар кадастри ва мониторингини юритиш бўлими 2 Бош юрисконсульт Доривор ўсимликлар селекцияси ва уруғчилиги лабораторияси 3 Доривор ўсимликлар хом ашёсини қайта ишлаш технологияси лабораторияси 3 Кадрлар бўйича мутахассис Маркетинг бўлими 2 Халқаро алоқалар ва ахборот-таҳлил бўлими 2 Ихтисослашган давлат ўрмон хўжаликлари 13 Ҳамкорликда ташкил этилган корхоналар 2

Ўзбекистон Республикаси Президенти Ш. МИРЗИЁЕВ

Тошкент ш.,

2020 йил 26 ноябрь,

ПҚ-4901-сон

(Қонун ҳужжатлари маълумотлари миллий базаси, 27.11.2020 й., 07/20/4901/1565-сон)

lex.uz

Oʻzbekiston Respublikasi Prezidentining

Qarori

ROʻYXATI

TUZILMASI

Dorivor oʻsimliklarni yetishtirish va qayta ishlash, ularning urugʻchiligini yoʻlga qoʻyishni rivojlantirish boʻyicha ilmiy tadqiqotlar koʻlamini kengaytirishga oid chora-tadbirlar toʻgʻrisida

Respublika hududlarida dorivor oʻsimliklarni yetishtirish va qayta ishlashga doir ilmiy tadqiqotlarning yagona bazasini yaratish, xorijiy davlatlarning ilgʻor ilmiy ishlanmalarini oʻrganib borish, yetakchi ilmiy muassasalar bilan hamkorlik oʻrnatish hamda zamonaviy texnologiyalar, ilmiy ishlanmalarni respublikaga joriy etish va mavjud imkoniyatlardan samarali foydalanishni kuchaytirish maqsadida:

1. Oʻrmon xoʻjaligi davlat qoʻmitasi, Qishloq xoʻjaligi vazirligi, Innovatsion rivojlanish vazirligi, Sogʻliqni saqlash vazirligi va Fanlar akademiyasining “Shifobaxsh” dorivor oʻsimliklarni yetishtirish va qayta ishlash markazi negizida Oʻrmon xoʻjaligi davlat qoʻmitasi huzurida davlat muassasasi shaklidagi Dorivor oʻsimliklarni yetishtirish va qayta ishlash ilmiy-ishlab chiqarish markazi (keyingi oʻrinlarda — Markaz)ni tashkil etish toʻgʻrisidagi taklifi maʼqullansin.

2. Markazning asosiy vazifalari etib quyidagilar belgilansin:

dorivor oʻsimliklarni ilmiy asosda yetishtirish va qayta ishlash, ulardan oqilona foydalanishning yagona strategiyasini shakllantirish va amalga oshirish;

respublika hududidagi yovvoyi holda oʻsuvchi dorivor oʻsimliklar areallarini oʻrganish va zaxiralarini aniqlash, mavjud bioresurslar genofondini saqlash, onalik plantatsiyalarini tashkil etish;

urugʻlik materiallarini yetishtirish va tayyorlash, koʻpaytirish, kolleksion koʻchatxonalar tashkil etish hamda ularning xom ashyolarini qayta ishlash bilan bogʻliq ilmiy va amaliy tadqiqotlarni olib borish;

dorivor oʻsimliklarni muayyan tuproq-iqlim sharoitini hisobga olgan holda madaniy holda yetishtirishni yoʻlga qoʻyish boʻyicha aniq ilmiy asoslangan takliflar ishlab chiqish;

tuproq-iqlim sharoitlarini hisobga olib, madaniy holda yetishtiriladigan dorivor oʻsimliklarning agrotexnologik xaritalarini Qishloq xoʻjaligi vazirligi va Oʻrmon xoʻjaligi davlat qoʻmitasi buyurtmasiga koʻra ishlab chiqish;

dorivor oʻsimliklar kimyoviy tarkibini oʻrganish, mahsulotini standartlash va sertifikatlash;

dorivor oʻsimliklarga boʻlgan ichki va tashqi bozorlar talabini oʻrganish boʻyicha marketing tadqiqotlarini oʻtkazish;

dorivor oʻsimliklar yetishtiruvchi va qayta ishlovchi fermer xoʻjaliklari, tashkilotlar va boshqa subyektlar rahbarlari va mutaxassislarining malakasini oshirib borishga yoʻnaltirilgan dasturlarni tayyorlash va oʻqitish tizimini tashkil etish.

3. Oʻrmon xoʻjaligi davlat qoʻmitasi, Innovatsion rivojlanish vazirligi Markazning oʻrmon fondi yerlarida namunaviy plantatsiyalar, laboratoriyalar barpo etish, ilmiy ishlanmalarni ishlab chiqarishga tatbiq qilish maqsadida xususiy sektorni jalb etgan holda dorivor oʻsimliklarni yetishtirish va ilmiy-ishlab chiqarish klasterlarini tashkil etish toʻgʻrisidagi taklifi maʼqullansin. Bunda:

dorivor oʻsimliklarni yetishtirish, ilmiy-ishlab chiqarish klasterlari faoliyati bank kreditlari, tashabbuskorlar mablagʻlari, xalqaro moliya institutlari mablagʻlari va qonun hujjatlarida taqiqlanmagan boshqa manbalar hisobidan moliyalashtiriladi;

dorivor oʻsimliklarni klaster va kooperatsiya usulida yetishtirish boʻyicha xalqaro moliya institutlarining mablagʻlari hisobidan amalga oshiriladigan aniq loyihalar Markaz tomonidan tijorat banklariga taqdim etiladi.

4. Belgilansinki:

Markazga tashqi va ichki bozor talablari hamda marketing natijalaridan kelib chiqib, har yili 1-iyunga qadar dorivor oʻsimliklar ekinlarini joylashtirish boʻyicha Qishloq xoʻjaligi vazirligiga va Oʻrmon xoʻjaligi davlat qoʻmitasiga takliflar kiritish huquqi beriladi;

dorivor oʻsimliklarni toʻplash (gʻamlash), ularni olib kirish va tashqariga olib chiqishga ruxsatnomalar berganlik, arizalarni koʻrib chiqqanlik uchun undirilib, mahalliy budjetga yoʻnaltiriladigan toʻlovlarning 20 foizi Markaz tomonidan tabiiy holda oʻsuvchi, shu jumladan, yoʻqolib borayotgan dorivor oʻsimliklarni saqlash, xatlovdan oʻtkazish, ularning madaniy plantatsiyalarini yaratish, onalik koʻchatzorlarini tashkil etish, dorivor oʻsimliklarni yetishtirishga doir texnologik xaritalar ishlab chiqish xarajatlarini qoplash uchun yoʻnaltiriladi;

Markaz amalga oshirilgan chora-tadbirlar, erishilgan yutuqlar, amaliyotdagi muammolar va ularning yechimi boʻyicha takliflarni har chorakda taalluqliligiga qarab Oʻrmon xoʻjaligi davlat qoʻmitasi hamda Qishloq xoʻjaligi vazirligiga taqdim etib boradi.

5. Dorivor oʻsimliklarni yetishtirish va qayta ishlash ilmiy-ishlab chiqarish markaziga 1-ilovaga muvofiq roʻyxatdagi muassasalar uslubiy va amaliy yordam berish uchun biriktirilsin.

Bunda, har bir muassasa tabiiy holda oʻsuvchi, shu jumladan, yoʻqolib borayotgan dorivor oʻsimliklarni saqlash, xatlovdan oʻtkazish, ularning madaniy plantatsiyalarini yaratish, onalik maydonlari va koʻchatzorlarini tashkil etish, dorivor oʻsimliklarni yetishtirishga doir texnologik xaritalar ishlab chiqish boʻyicha ilmiy asoslangan takliflar va ishlanmalar ishlab chiqish uchun mutaxassislarni biriktiradi.

6. Markaz Fanlar akademiyasi (B.S. Yuldashev), Innovatsion rivojlanish vazirligi (I.Yu. Abduraxmanov), Qishloq xoʻjaligi vazirligi (J.A. Xodjayev) bilan birgalikda:

ilmiy-tadqiqot va oliy taʼlim muassasalari tomonidan amalga oshirilgan dorivor oʻsimliklarga doir ilmiy tadqiqotlar, yangi innovatsion ishlanmalar boʻyicha maʼlumotlar bazasini shakllantirsin, shuningdek, ularning tizimli ravishda yangilab borilishini taʼminlasin;

tibbiyotda va xalq tabobatida faol qoʻllaniladigan dorivor oʻsimliklar kolleksiyasi uchastkasi va genbankini tashkil etsin;

Markaz huzurida dorivor oʻsimliklar xom ashyosi va ulardan olinadigan mahsulotlarni sertifikatlash va standartlashtirish laboratoriyasini tashkil etsin. Bunda Qishloq xoʻjaligi vazirligi Markazning aniq hisob-kitoblariga asosan Jahon bankining “Oʻzbekiston Respublikasi qishloq xoʻjaligini modernizatsiya qilish” loyihasi doirasida jalb etilgan kredit mablagʻlaridan mazkur laboratoriyani tashkil etishga yoʻnaltirish choralarini koʻrsin.

7. Oʻrmon xoʻjaligi davlat qoʻmitasi (N.J. Bakirov), Qishloq xoʻjaligi vazirligi (J.A. Xodjayev):

dorivor oʻsimliklar sohasi boʻyicha rivojlangan davlatlarga mutaxassislarni oʻqitish uchun xorijiy stajirovkalar tashkil etish;

dorivor oʻsimliklarni yetishtirish va ulardan dori vositalarini ishlab chiqarishni tashkil etishga oid ilmiy tadqiqot natijalarini amaliyotga joriy etish uchun xalqaro moliya institutlarining grantlarini jalb etish;

Fanlar akademiyasi (B.S. Yuldashev) bilan birgalikda dorivor va ziravor oʻsimliklarni yetishtirish, qayta ishlash masalalariga bagʻishlangan xalqaro va respublika boʻyicha konferensiya hamda simpoziumlarning doimiy ravishda oʻtkazib borilishini taʼminlasin;

“Oʻzstandart” agentligi (D.N. Sattarov) bilan birgalikda Markaz huzurida dorivor oʻsimliklar xom ashyosi va ulardan olinadigan mahsulotlarni sertifikatlash va standartlashtirish laboratoriyasini tashkil etish, uni belgilangan tartibda jahon standartlariga javob beradigan akkreditatsiyadan oʻtkazish choralarini koʻrsin;

Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda har yili 1-dekabrga qadar kelgusi yilda dorivor oʻsimliklarni yetishtirish va qayta ishlash boʻyicha hududiy dasturlarni ishlab chiqib, tasdiqlanishini taʼminlasin.

8. Quyidagilarning:

Oʻrmon xoʻjaligi davlat qoʻmitasi, Innovatsion rivojlanish vazirligining Nukus, Xoʻjayli, Qorakoʻl, Baxmal, Zomin, Kitob, Uzun, Boysun, Burchmulla, Ohangaron davlat oʻrmon xoʻjaliklarini dorivor oʻsimliklarni yetishtirishga, Quyi Chirchiq ixtisoslashgan davlat oʻrmon xoʻjaligini dorivor oʻsimliklar urugʻ va koʻchatlarini tayyorlashga ixtisoslashtirish;

Oʻrmon xoʻjaligi davlat qoʻmitasi, Jizzax, Buxoro va Samarqand viloyatlari hokimliklarining tegishincha Gʻallaorol, Kogon hamda Urgut ixtisoslashgan davlat oʻrmon xoʻjaliklarini tashkil etish toʻgʻrisidagi takliflariga rozilik berilsin.

9. Oʻrmon xoʻjaligi davlat qoʻmitasi huzuridagi “Dorivor oʻsimliklarni yetishtirish va qayta ishlash ilmiy ishlab chiqarish markazi” davlat muassasasi tuzilmasi 2-ilovaga muvofiq tasdiqlansin.

Belgilansinki:

Markazning budjetdan moliyalashtiriladigan 28 nafar boshqaruv xodimlarining shtat birliklari Oʻrmon xoʻjaligi davlat qoʻmitasi tizimidagi mavjud shtat birliklarini maqbullashtirish hisobiga shakllantiriladi. Bunda Moliya vazirligi 2021-yildan boshlab Markaz taʼminoti xarajatlarini moliyalashtirishni Oʻzbekiston Respublikasi Davlat budjeti parametrlarida koʻzda tutsin;

Markaz Davlat budjeti, Oʻrmon xoʻjaligini rivojlantirish jamgʻarmasi mablagʻlari, xizmat koʻrsatish va oʻzi yetishtirgan dorivor oʻsimliklarni sotishdan tushadigan va qonun hujjatlari bilan taqiqlanmagan boshqa manbalar hisobidan moliyalashtiriladi;

Markazda respublikada ilmiy-pedagogik va mehnat faoliyati bilan shugʻullanuvchi xodimlarning lavozim maoshiga qoʻshimcha haq toʻlash tizimi joriy etiladi. Bunda qoʻshimcha haq belgilanishi bilan bogʻliq xarajatlarni moliyalashtirish Oʻrmon xoʻjaligini rivojlantirish jamgʻarmasi hamda xoʻjalik faoliyatidan tushadigan mablagʻlar hisobidan amalga oshiriladi.

10. Oliy va oʻrta maxsus taʼlim vazirligi (I.Oʻ. Madjidov) Oʻrmon xoʻjaligi davlat qoʻmitasi (N.J. Bakirov), Qishloq xoʻjaligi vazirligi (J.A. Xodjayev) bilan birgalikda 2021/2022 oʻquv yilidan boshlab:

respublika oliy taʼlim muassasalari biologiya yoʻnalishlarining 3 va 4-kurslari tahsil olayotgan iqtidorli talabalar tarkibidan alohida guruhlarda chuqurlashtirilgan oʻqitish amaliyotini yoʻlga qoʻysin;

kadrlarga boʻlgan ehtiyojdan kelib chiqib, barcha qishloq xoʻjaligiga ixtisoslashgan kollej va texnikumlarda mutaxassisliklar klassifikatsiyasini inobatga olgan holda “Dorivor oʻsimliklar yetishtirish agrotexnologiyasi” yoʻnalishi boʻyicha kadrlar tayyorlashni yoʻlga qoʻysin.

11. Oʻrmon xoʻjaligi davlat qoʻmitasi (N.J. Bakirov) ikki oy muddatda:

Oʻrmon xoʻjaligi davlat qoʻmitasi huzuridagi Dorivor oʻsimliklarni yetishtirish va qayta ishlash ilmiy-ishlab chiqarish markazi toʻgʻrisidagi nizomni ishlab chiqsin va tasdiqlash uchun Vazirlar Mahkamasiga kiritsin.

Dorivor oʻsimliklarni yetishtirish va qayta ishlash ilmiy-ishlab chiqarish markazining ilmiy salohiyatini oshirish, moddiy-texnika bazasini mustahkamlash va faoliyatini takomillashtirish chora-tadbirlari dasturini ishlab chiqsin va tasdiqlasin.

12. Markaz Toshkent viloyati Toshkent tumani Darxon qoʻrgʻoni Chimkent yoʻli koʻchasi 2-uyda joylashgan Ijtimoiy-iqtisodiy kasb-hunar kollejining foydalanilmasdan turgan binosiga joylashtirilsin.

13. Oʻrmon xoʻjaligi davlat qoʻmitasi (N.J. Bakirov) manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur qarorning ijrosini samarali tashkil etishga masʼul va shaxsiy javobgar etib Bosh vazir oʻrinbosari Sh.M. Ganiyev belgilansin.

Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidentining maslahatchisi R.A. Gulyamov zimmasiga yuklansin.

Amalga oshirilayotgan chora-tadbirlar natijadorligi yuzasidan 2021-yil 1-iyun va 2021-yil 15-dekabrga qadar Oʻzbekiston Respublikasi Prezidentiga axborot berilsin.

Oʻzbekiston Respublikasi Prezidentining 2020-yil 26-noyabrdagi PQ-4901-son qaroriga 1-ILOVA

Dorivor oʻsimliklarni yetishtirish va qayta ishlash ilmiy-ishlab chiqarish markaziga uslubiy va amaliy yordam berish uchun biriktirilayotgan muassasalar

t/r Muassasa nomi Amalga oshiriladigan vazifalar 1. Oʻrmon xoʻjaligi ilmiy-tadqiqot instituti Mahalliy va xorijdan keltirilgan dorivor daraxt va buta oʻsimliklarini respublikaning turli viloyatlarida iqlimlashtirishda, oʻsishi va rivojlanishida hamda koʻpaytirish, ularni hududlarning tuproq-iqlim sharoitida agrotexnikasini ishlab chiqish va ishlab chiqarishga joriy etishda uslubiy va amaliy yordam koʻrsatish. 2. Fanlar akademiyasi huzuridagi botanika instituti Respublikaning hududlarida tabiiy holda oʻsuvchi dorivor va oziq-ovqatbop, texnik oʻsimliklarning zaxiralaridan oqilona foydalanishda, ularning areallarini va tabiiy zaxiralarini oʻrganishda, oʻsimlik dunyosi obyektlari biologiyasi va anatomiyasini oʻrganishda, yovvoyi holda oʻsuvchi dorivor oʻsimliklar nav-namunalarini yigʻish va ulardan dorivor moddalari eng koʻp toʻplanadigan navlarini koʻpaytirish, ishlab chiqarishga joriy etishda uslubiy va amaliy yordam koʻrsatish. 3. Fanlar Akademiyasi huzuridagi Oʻsimlik moddalari kimyosi instituti Yetishtirilayotgan dorivor oʻsimliklarning sifat koʻrsatkichlari va biologik faol moddalari miqdorlari boʻyicha amaldagi meʼyoriy texnik hujjatlar (farmakopeya maqola) talablariga mos kelishini tekshirishda, yovvoyi holda yigʻishtirilgan dorivor oʻsimliklar chinligini farmologo-anatomik tadqiqotlar asosida aniqlashda, dorivor oʻsimliklar tarkibini oʻrganishda, alkoloid, glikozid, kvarsetin, vitamin, antioksidant va boshqa moddalar koʻp yigʻiladigan navlarni ajratishda, nav va namunalarni dorivorlik moddalari boʻyicha baholashda yordam berish. Bir turdagi dorivor oʻsimliklarning turli tuproq-iqlim sharoitida yetishtirilgan oʻsimlik xom ashyolarini tovarshunoslik tahlil qilishda va fitokimyoviy taqqoslashda hamda ularning sifatiga baho berishda, Oʻzbekiston sharoitida introduksiya qilingan dorivor oʻsimliklar xom ashyosining xalqaro standartlar talabiga mos kelishini oʻrganishda, ularga amaldagi qonun hujjatlariga muvofiqlashtirilgan holda milliy standartlarni joriy etishda koʻmak berish. Yetishtirilayotgan dorivor oʻsimliklarning seleksion navlarini biologik faol moddalarining sifat va miqdor koʻrsatkichlari boʻyicha qiyosiy taqqoslashda va istiqbolli navlarini saralashda yordam koʻrsatish. 4. Sogʻliqni saqlash vazirligi huzuridagi Oʻzbekiston kimyo-farmatsevtika ilmiy tadqiqot instituti Tayyorlangan dorivor oʻsimliklar xom ashyosining turlari boʻyicha alohida tahlil oʻtkazib, analitik pasportlar taqdim etish hamda amaliy yordam koʻrsatish. 5. Toshkent davlat agrar universiteti Dorivor oʻsimliklar sohasida bakalavrlar, magistrlar, ilmiy xodimlar tayyorlash, ilmiy tadqiqotlar olib borish boʻyicha mutaxassislarni Markazga biriktirish.

Oʻzbekiston Respublikasi Prezidentining 2020-yil 26-noyabrdagi PQ-4901-son qaroriga 2-ILOVA

“Dorivor oʻsimliklarni yetishtirish va qayta ishlash ilmiy ishlab chiqarish markazi” davlat muassasasi

Ilmiy kengash Bosh direktor Bosh direktorning ilmiy va innovatsiyalar boʻyicha oʻrinbosari Bosh direktorning ishlab chiqarish masalalari boʻyicha oʻrinbosari Ilmiy kotib Dorivor oʻsimliklar introduksiyasi va agrotexnikasi laboratoriyasi 3 Dorivor oʻsimliklar fitokimyosi va standartizatsiyasi laboratoriyasi 3 Dorivor oʻsimliklarni yetishtirish va tayyorlash boʻlimi 2 Buxgalteriya hisobi va rejalashtirish boʻlimi 2 Dorivor oʻsimliklar kadastri va monitoringini yuritish boʻlimi 2 Bosh yuriskonsult Dorivor oʻsimliklar seleksiyasi va urugʻchiligi laboratoriyasi 3 Dorivor oʻsimliklar xom ashyosini qayta ishlash texnologiyasi laboratoriyasi 3 Kadrlar boʻyicha mutaxassis Marketing boʻlimi 2 Xalqaro aloqalar va axborot-tahlil boʻlimi 2 Ixtisoslashgan davlat oʻrmon xoʻjaliklari 13 Hamkorlikda tashkil etilgan korxonalar 2

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 26-noyabr,

PQ-4901-son

(Qonun hujjatlari maʼlumotlari milliy bazasi, 27.11.2020-y., 07/20/4901/1565-son)

lex.uz

Президента Республики Узбекистан

Постановление

ПЕРЕЧЕНЬ

Структура

О мерах по расширению масштаба научных исследований о выращивании и переработке лекарственных растений, развитии налаживания их семеноводства

В целях создания единой базы по научным исследованиям о выращивании и переработке лекарственных растений, проводимых в регионах республики, регулярного изучения передовых научных разработок зарубежных государств, установления сотрудничества с ведущими научными учреждениями, а также внедрения в республике современных технологий и научных разработок, повышения эффективности задействования имеющихся возможностей:

1. Одобрить предложение Государственного комитета по лесному хозяйству, Министерства сельского хозяйства, Министерства инновационного развития, Министерства здравоохранения и Академии наук об образовании Научно-производственного центра по выращиванию и переработке лекарственных растений (далее — Центр) при Государственном комитете по лесному хозяйству в форме государственного учреждения на базе Центра выращивания и переработки лекарственных растений «Шифобахш».

2. Определить основными задачами и направлениями деятельности Центра:

формирование и реализацию единой стратегии выращивания и переработки лекарственных растений на научной основе, а также их рационального использования;

изучение ареалов и выявление ресурсов дикорастущих видов лекарственных растений на территории республики, сохранение генофонда имеющихся биоресурсов, создание маточных плантаций;

выращивание, подготовку и увеличение семенного материала, создание коллекционных питомников, а также проведение научных и практических исследований, связанных с переработкой их сырья;

разработку научно обоснованных предложений по налаживанию культурного выращивания лекарственных растений с учетом определенных почвенно-климатических условий;

разработку агротехнологических карт культурно выращиваемых лекарственных растений с учетом почвенно-климатических условий на основе заказов Министерства сельского хозяйства и Государственного комитета по лесному хозяйству;

проведение изучения химического состава лекарственных растений, стандартизацию и сертификацию продукции из них;

проведение маркетинговых исследований по изучению спроса на лекарственные растения на внутреннем и внешнем рынках;

подготовку программ, направленных на повышение квалификации руководителей и специалистов фермерских хозяйств, организаций и других субъектов, занимающихся выращиванием и переработкой лекарственных растений, с организацией системы обучения.

3. Одобрить предложение Государственного комитета по лесному хозяйству и Министерства инновационного развития о создании кластеров по выращиванию и научному производству лекарственных растений в целях сооружения образцовых плантаций, организации лабораторий, внедрения в производство научных разработок с привлечением частного сектора. При этом:

выращивание лекарственных растений и деятельность кластеров по выращиванию и научному производству лекарственных растений финансируются за счет банковских кредитов, средств инициаторов и международных финансовых институтов, а также иных источников, не запрещенных законодательством;

конкретные проекты выращивания лекарственных растений методами кластера и кооперации, реализуемые за счет средств международных финансовых институтов, представляются коммерческим банкам Центром.

4. Установить, что:

Центру предоставляется право на ежегодное внесение в срок до 1 июня предложений о размещении лекарственных растений в Министерство сельского хозяйства и Государственный комитет по лесному хозяйству исходя из спроса на внешнем и внутреннем рынках, а также результатов маркетинга;

20 процентов от платежей, взимаемых за выдачу разрешений на сбор (заготовку), ввоз и вывоз лекарственных растений, а также за рассмотрение заявлений, направляемых в местные бюджеты, используются Центром для покрытия затрат на сохранение, проведение инвентаризации, создание культурных плантаций, организацию маточных питомников лекарственных растений естественного происхождения, в том числе исчезающих, а также разработку технологических карт выращивания лекарственных растений;

Центр ежеквартально вносит предложения об осуществленных мерах, достигнутых результатах, возникающих проблемах, а также путях их решения в Государственный комитет по лесному хозяйству и Министерство сельского хозяйства по подведомственности.

5. Закрепить за Научно-производственным центром по выращиванию и переработке лекарственных растений учреждения по перечню согласно приложению № 1 в целях оказания ими методической и практической помощи.

При этом каждое учреждение закрепляет специалистов для разработки научно обоснованных предложений и разработок по сохранению, проведению инвентаризации, созданию культурных плантаций и организации маточных питомников лекарственных растений естественного происхождения, в том числе исчезающих, а также разработке технологических карт выращивания лекарственных растений.

6. Центру совместно с Академией наук (Б.С. Юлдашев), Министерством инновационного развития (И.Ю. Абдурахманов) и Министерством сельского хозяйства (Ж.А. Ходжаев):

сформировать базу данных научных исследований и новых инновационных разработок по лекарственным растениям, проводимых научно-исследовательскими и высшими образовательными учреждениями, обеспечить их обновление на системной основе;

организовать участок и генный банк коллекции лекарственных растений, активно используемой в медицине и народной медицине;

создать при Центре лабораторию по сертификации и стандартизации сырья лекарственных растений и продукции, получаемой из них. При этом Министерству сельского хозяйства принять меры по направлению кредитных средств, привлеченных в рамках проекта Всемирного банка «Модернизация сельского хозяйства Республики Узбекистан», на основании конкретных расчетов Центра.

7. Государственному комитету по лесному хозяйству (Н.Ж. Бакиров) и Министерству сельского хозяйства (Ж.А. Ходжаев):

организовать направление специалистов на зарубежные стажировки в государства с высоким уровнем развития сферы лекарственных растений;

привлечь гранты международных финансовых институтов на внедрение в практику результатов научных исследований по выращиванию лекарственных растений и организации производства из них лекарственных средств;

совместно с Академией наук (Б.С. Юлдашев) обеспечить проведение международных, республиканских конференций и симпозиумов о выращивании и переработке лекарственных и пряных растений на постоянной основе;

совместно с Агентством «Узстандарт» (Д.Н. Сатаров) принять меры по созданию при Центре лаборатории по сертификации и стандартизации сырья лекарственных растений и продукции, получаемой из них, а также проведению в установленном порядке е аккредитации в соответствии с международными стандартами;

совместно с Советом Министров Республики Каракалпакстан и хокимиятами областей ежегодно в срок до 1 декабря обеспечивать разработку и утверждение региональных программ выращивания и переработки лекарственных растений на предстоящий год.

8. Согласиться с предложениями:

Государственного комитета по лесному хозяйству и Министерства инновационного развития о специализации Нукусского, Ходжейлийского, Каракульского, Бахмальского, Зааминского, Китабского, Узунского, Байсунского, Бурчмуллинского и Ахангаранского государственных лесных хозяйств на выращивании лекарственных растений, Куйичирчикского государственного лесного хозяйства — на заготовку семян и рассады лекарственных растений;

Государственного комитета по лесному хозяйству, хокимиятов Джизакской, Бухарской и Самаркандской областей о создании специализированных государственных лесных хозяйств соответственно в Галляарале, Кагане и Ургуте.

9. Утвердить структуру Государственного учреждения «Научно-производственный центр по выращиванию и переработке лекарственных растений» при Государственном комитете по лесному хозяйству согласно приложению № 2 .

Установить, что:

28 штатных единиц управленческого персонала Центра, финансируемых из Государственного бюджета, формируются за счет оптимизации действующих штатных единиц системы Государственного комитета по лесному хозяйству. Министерству финансов начиная с 2021 года предусматривать в параметрах Государственного бюджета Республики Узбекистан финансирование расходов на содержание Центра;

Центр финансируется из средств Государственного бюджета, Фонда развития лесного хозяйства, поступающих от оказания услуг и реализации выращенных лекарственных растений, а также за счет иных источников, не запрещенных законодательством;

в Центре внедряется система дополнительных выплат к должностному окладу, предусмотренная для работников, занимающихся научно-педагогической и трудовой деятельностью. При этом финансирование расходов, связанных с установлением дополнительных выплат, осуществляется за счет средств Фонда развития лесного хозяйства, а также поступающих от ведения хозяйственной деятельности.

10. Министерству высшего и среднего специального образования (И.У. Маджидов) совместно с Государственным комитетом по лесному хозяйству (Н.Ж. Бакиров) и Министерством сельского хозяйства (Ж.А. Ходжаев) начиная с2021/2022 учебного года:

наладить практику углубленного преподавания в отдельных группах талантливым студентам из состава обучающихся на 3-х и 4-хкурсах по направлению образования «биология» высших образовательных учреждений республики;

наладить подготовку во всех колледжах и техникумах, специализирующихся на сельском хозяйстве, кадров по направлению «Агротехнология выращивания лекарственных растений»,исходя из потребности в кадрах с учетом классификации специальностей.

11. Государственному комитету по лесному хозяйству (Н.Ж. Бакиров) в двухмесячный срок:

разработать и внести на утверждение в Кабинет Министров Положение о Научно-производственном центре по выращиванию и переработке лекарственных растений при Государственном комитете по лесному хозяйству;

разработать и утвердить программу мер по повышению научного потенциала, укреплению материально-технической базы и совершенствованию деятельности Научно-производственного центра по выращиванию и переработке лекарственных растений.

12. Разместить Центр в неиспользуемом здании социально-экономического профессионального колледжа, расположенного по адресу: Ташкентская область, Ташкентский район, поселок Дархан, улица Чимкент йули, 2.

13. Государственному комитету по лесному хозяйству (Н.Ю. Бакиров) совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.

14. Возложить на заместителя Премьер-министра Ш.М. Ганиева персональную ответственность за эффективную организацию исполнения настоящего постановления.

Ежеквартальное обсуждение исполнения настоящего постановления, осуществление координации и контроля за деятельностью ведомств, ответственных за его реализацию возложить на Премьер-министра Республики Узбекистан А.Н. Арипова и советника Президента Республики Узбекистан Р.А. Гулямова.

О результативности осуществляемых мер информировать Президента Республики Узбекистан в срок до 1 июня 2021 года и 15 декабря 2021 года.

ПРИЛОЖЕНИЕ № 1 к постановлению Президента Республики Узбекистан от 26 ноября 2020 года № ПП-4901

учреждений, закрепляемых за Научно-производственным центром по выращиванию и переработке лекарственных растений для оказания методической и практической помощи

№ Наименование учреждений Реализуемые задачи 1. Научно-исследовательский институт лесного хозяйства Оказание методической и практической помощи в акклиматизации в разных областях республики, а также выращивании и увеличении отечественных и ввезенных из-за рубежа лекарственных деревьев и кустарниковых растений, разработке их агротехники в почвенно-климатических условиях регионов, внедрении их в производство. 2. Институт ботаники при Академии наук Оказание методической и практической помощи в рациональном использовании запасов дикорастущих лекарственных, пищевых и технических растений, изучении их ареалов и природных запасов, биологии и анатомии объектов растительного мира, а также сборе сортов и образцов дикорастущих лекарственных растений, увеличении среди них сортов с максимальным содержанием лекарственных веществ, внедрении их в производство. 3. Институт химии растительных веществ при Академии наук Оказание помощи в проверке на соответствие требованиям действующих нормативно-технических документов ( фармакопейных статей) по количеству качественных показателей и биологически активных веществ выращиваемых лекарственных растений, определении подлинности выращенных лекарственных растений на основе фармоколого-анатомических исследований, изучении состава лекарственных растений, разделении сортов с с максимальным содержанием алколоидов, гликозидов, кварцетинов, витаминов, антиоксидантов и других веществ, оценке сортов и образцов по содержанию лекарственных веществ. Оказание содействия в товароведческом анализе, фитохимическом сопоставлении и оценке качества лекарственного сырья одного вида лекарственных растений в различных почвенно-климатических условиях, изучении соответствия лекарственного сырья лекарственных растений, интродуктированных в условиях Узбекистана, международным требованиям, внедрении в данные процессы национальных стандартов, скоординированных с действующим законодательством. Оказание помощи в сравнительном сопоставлении по качеству и количеству биологически активных веществ селекционных сортов, а также отборе перспективных сортов выращиваемых лекарственных растений. 4. Узбекский научно-исследовательский химико-фармацевтический институт при Министерстве здравоохранения Республики Узбекистан Проведение отдельного анализа по видам сырья готовых лекарственных растений, представление аналитических паспортов и оказание практической помощи. 5. Ташкентский государственный аграрный университет Подготовка бакалавров, магистров и научных работников в сфере лекарственных растений, закрепление за Центром специалистов по проведению научных исследований.

ПРИЛОЖЕНИЕ № 2 к постановлению Президента Республики Узбекистан от 26 ноября 2020 года № ПП-4901

Государственного учреждения «Научно-производственный центр по выращиванию и переработке лекарственных растений»

Ученый совет Генеральный директор Заместитель Генерального директора по науке и инновациям Заместитель Генерального директора по вопросам производства Ученый секретарь Лаборатория интродукции и агротехники лекарственных растений 3 Лаборатория фитохимии и стандартизации лекарственных растений 3 Отдел по выращиванию и заготовке лекарственных растений 2 Отдел бухгалтерского учета и планирования 2 Отдел по кадастру и ведению мониторинга лекарственных растений 2 Главный юрисконсульт Лаборатория селекции и семеноводства лекарственных растений 3 Лаборатория технологии переработки сырья лекарственных растений 3 Специалист по кадрам Отдел маркетинга 2 Отдел по международным связям, информации и анализу 2 Специализированные государственные лесные хозяйства 13 Предприятия, созданные в сотрудничестве 2

Президент Республики Узбекистан Ш. МИРЗИЁЕВ

г. Ташкент,

26 ноября 2020 г.,

№ ПП-4901

(Национальная база данных законодательства, 27.11.2020 г., № 07/20/4901/1565)

lex.uz